مجنون بيبو الجزء 18

نهار لعرس...هاد نهار كيكون مليء بسعادة وخا متكونيش نتي لعروسة لكن أي بنت كتفيق متحمسة تلبس أحلى ماعندها...كتحول من بنت عادية لجوهرة متألقة قلبا أو قالباً....كتبدل نفسيتها وخى تكون مكتأبة لبهجة أو سرور....إلا أنا كنوجد راسي بوجه جامد كنشوف إنعكاس صورتي في لمرآة بقايا أو أشلاء بنت كياكل فيها مرض نفسي سبابو حب عميق....لبست تكشيطة بيضة مطرزة بزواق خفيف جهة صدر أو مضمة حديدية بلون دهبي لامع....خليت شعري مطلوق أو ضفت اكسسوارات عبارة على برسلي متوسطو حجرة زرقة أو حوالق أو حول عنقي سنسلة رقيقة....درت مكياج تقيل على لبارح أو كملت بكعب أسود....قعدت مع لبنات لي بقاو متأخرين حيت ريم أو ماما مشاو لقاعة صباح بكري.....قاديت شي مسائل ناقصين أو قلبت لنكون نسيت شي توصية من عند ماما....

ركبت كنتسنى لهجيج مبغاو جاع يهبطوا....بديت كنكلاكسوني بجهد درت شوهة فدرب....عاد تمو داخلين شي هاز جلايلو شي كيرش ريحة شي مازال ملصق لمرايا على كمارتو...أنا:اش هاد تعطال أووف....سميرة عاد دخلات لطنبل جلسات حدايا فلمقعد الأمامي....سميرة:بنت خالتي جيتي زوينة يكما باغية دبري على شي عريس هههه....أنا:هههه لعرسان أختي خلتهم لك نتي لي غيدوز عليك لقطار....كلشي بدا كيضحك عليها غمزتها كنحرك لمقود أو كنبادلها نضرة لكره لي كتكن ليا....

وصلنا لعين لمكان....كات دنيا عامرة بناس...جميعهم كيسارعو فلأرجاء يقضيو لي مطلوب منهم....وجدت عضلات فكي فعملية جديدة من إبتسام لمرغم على فمي....مشيت عند ريم....كانوا كيوجدو لها لوك لأول بش غدخل لقاعة تحيي ضيوف.....أنا:هاي هاي هاي جيتي غزالة....شيرات لي بتحية قدام لمرايا مع كان فمها أسير يدي خبيرة تجميل....بركت كنتفرج فيهم حتى سلاو....جات عندي كتقفقف بلخلعة....ريم:ناري غنموت أصحبتي هاد أجواء جاتني غريبة....أنا:هههه عادي تا أنا بش تزوجت جود كنت.....سكت شوية كندكر لحضة فش سنيت على ورقة انتمائي ليه....ريم:توحشتيه؟؟ هاهو غيجي ليوم ياك أو كنتمنى دويو....أنا:(قلبت موضوع)هههه دبا لبسي لعرس مبقى ليه والو الله يكمل عليك بلخير....عنقتها أو خرجت مداعية لبرود لكن معرفاش أنا قلبي نقز من بلاصتو بش فكراتني أنه غيجي ليوم ليووووم و أخييييراااا....

زدحة بدات مع لوقت...لعيوط أو نجفات كيصليو على نبي بأصواتهم لمجلجلة....ضيوف شدو أماكنهم كل واحد شنو تيدر....مجموعة واقفة كتبارك لبعض...لبنات كيف لعادة شابعين سيلفي أو لبراهش كيتجراو بأطقمهم صغيرة بنسبة لدراري أو بقفاطٍن كيوت لبنيتات....ماما حتى هي مقابلة دخلة كتسلم على لي جاي....حكيم واقف مع صحابو شادين فيه مي مبانش لي فرحان حتى هو كيمتل ضحكة....جات عندي بنت كتهمس لي فودني بضرورة نتكلم.....هزيت جلايلي دايزة على رباعة أصدقاء خويا كيراقبوني بإعجاب أو همس واضح أنه عليا....تجاهلتهم كنسرع خطواتي....خرجت لبرا على ود طلبية ديال ورد لعروسة....أنا:تعطلتوو أسيدي لعرس غيبدا....لعامل:سمحلنا مدام را صيف هدا أو كلشي كيتزوج هههه....أنا:ههه وخى شكراً ارا نشوف....عطاني لبوكي أو سنيت ورقة تسليم....تميت داخلة كنشم فيه....أو فجأة تخللات ريحة ديال زهور ريحة أخرى قريبة مني بزاف....ريحة توحشتها بشدة.....قلبي بدا كيزدح أو ريقي نشف فلمحة بصر....درت ببطء حتى فاجأتني لمسافة لي مكتبعدش حتى بجوج خطوات....طيحت باقة الورد أو هو إستغل لفرصة ديال دهشتي....جرني بقوة ما خلانيش حتى نستوعب أنه فعلاً حقيقي....باسني فحنكي بوسة طويلة طاحت علي فحال لقنبلة الموقوتة لي في بلاص ما دمر كترد فيك نفس....جود:(بهمس حدا ودنها)تمنيت كنت كنت فبلاصة الورد بين يديك مكنتش متخيل أنك طلعتي أجمل منو أعبق حياتي....

طلعت راسي نكمل سحر الجملة ديالو برؤية وجهو لوسيم....يدي على قلبو كيدق كتر مني مي لفرق أن تعاليمو كتنبع بفرح أو زرقة عينيه كتلئلء عكسي أنا شعرت أن جسدي داب أو نفسي تقطعات....جود:عبق فيقي....صوتوا خرجني من سهوة المفرطة...جريت راسي بصعوبة منو كنقاد شعري ممتلة عدم الإرتباك.....أنا:مرحبا سي جود أنا احم تفضل لباب من ديك جهة.....درت نمشي أو شوية رجعت نهز لبوكي...شفت بزربة فشكلوا جاء كيقتل بلوسامة بكوستوم رمادي متالي على رجل قوي لبنية بحالو...منكرش أن لغيرة بدات مفعولها حتى قبل متبدا حتى سيدة حقيرة تمرغ نضرها بطلة ديالو....تمشيت فطريق لعودة لا بل جريت كنزير على قلبي من خفقان مرعب جتاحو.....تساطحت مع ماما رميت لها الورد أو طلعت لفوق...دخلت لحمام...سديت بلقفل ليدخل شي حد يستهزأ من رعب لمتجلي على داتي...كل حبة من جسمي كتغوت أو كتئنبني على لجفاء بش عاملتو.....أنا:أووووف أوف تهدني أعبق أعع كون غير عنقتو أووووف قلبي أيخرج من بلاصتو.....خديت وقت كافي نسترجع لهدوء التام كأن لقاءو مسببش لي سكتة قلبية مؤقتة....نزلت بخيلاء لقيتو واقف مع ماما....فيروز:عبق أجي....متاتلت لأمرها مبعدة ما أمكن من شوفاتوو لي كيلعبو على أعصابي أو يفرشوني فحال لهبيلة....فيروز:جود عفاك بلاما تجبد شي صداع وخا ولدي بعد على لبنت تا حد معارف انكم كنتو مزوجين أو بنسبة لريم هاهي كتزوج هي أو عبق تصالحوا أنحطوها كاملين فعنينا بلا ماتخاف عليها....جود مكانش كيسمع مي بالو هايم بلخجل لي كيلون هادوك لحناك رطبين...موحشهم بلا قياس أصلاً كلها كتشع بهالة كتنوض فيه أحاسيس كيعرفها غير معها.....فيروز:أااجود واش كتسمعني؟؟....جود:احم صافي متخافيش أنا هنا نبارك لختي....أنا:ماما ياكما محتجاني؟؟....فيروز:حتى نتي سيري تبقاي دوري لي هنا أو هنا شدي قنت واحد ولا طلعي مع لعروسة....جود:ههه زعما شنو نفهم راسي؟؟....فيروز:فحال هكاك يلا دبا دخلوا دبا منبغيش صداع....تقدمات عبق هي لولا أو من مراها فيروز....ترمات فوق كرسي حاضية لحضة دخول ديالو لي متأكدة أنها أتكون بطعم "جود لوكاس"....أو فعلا دارها...لتاقطات ودنيها مجموعة من همسات واضحة لبنات دايرين بها....لشهقات معجبة أو لنضرات تفحصية مغرمة لسيدات فضوليات...مكرهاتش تصرخ بأعلى صوتها تخبرهم أنه ديالها أو راجلها....لكن للأسف طلاق كبل يديها أو لكدوب وضع حاجز بناتهم....توهجات عينها فيه كيبان متعة لنضر أصلاً فينما مشى كيخلي لي دار بيه كيتكلم عليه....حتى من شعرو مجمعوش ....أنا:(فنفسي)تفو راس طارو لحمار أععععع تفووو بشحال من مكلخة حالة فمها الله يعطيكم لعداب....سميرة:لبنات شوفو داك راجل طويل واهياناري متيييتز....وافقوها رأي كيتوشوشو أو أنا كيطلع لي دم بلفقسة....نزلت على كاس العصير نبرد لحرقة دقلبي...أو مرة مرة نخطف نضرة عليه....كان جالس كيلعب بتليفون بحدو فطبلة بعيدة على جوق....لحلم ديالي أنه ينوض يتجنن عليهم شوية أو يخطفني حداهم بش نفقس لبابهم لمرارة....أنا:يلا جوود دير شي حاجة خدم هبالك دبا أو بوسني حداهم يلا يلا يلااا...

لموسيقى شعبية حمسات شي وحدات يقربو منو....نوضو في ساكتة أو لمسكوتة بنات لكلاب....معقلتش بشحال من كاس عصير بارد شربت...حاولت نشتت انتباهي لكن منجحتش بحدو كان مختازل الأجواء كلها....مسبرتش أو حتى أنا وقفت نشاركهم رقص....

في طاولة قريبة من جود كانوا جالسين مجموعة رجال مقربين لعريس....بمجرد ناضت عبق فتحو موضوعها من جديد....

.....:شوف أساحبي خت لعريس أنا بعدة سلات معايا هههه...

....:وآيه يكما مرهونة بشي حد؟؟....

....؛لا منضنش كون كانت شي حاجة كانت على لقليلة أتكون دايرة خاتم فيدها.....

....:وا فليتيها هههه مسخوط نتا هههه....

شوية تجر كرسي فطاولتهم أو جلس جود مدرقها عليهم كليا.....بدا كيطقطق بصباعو فوق طبلة شيء لي اتار حفيضتهم.....جود:دراري لباس؟؟يكما شي حد كياكلو شي عضم ولا شي حنك؟؟....بقى مقابل ردة فعلهم لميتة أصلاً من نبرة صوتوا متجرء حتى حد يهدر....جود:بلا صداع وخا كل واحد فيكم ينزل عينيه عندو قبل ميولي لعرس جنازة أو بربي القدير أو نسمع كلمة وحدة على هاديك لي فبالكم ميسلك فيكم شي حد...ناض مخنزر بحاجب مقوس....تحرك وسط حشد راقص على أنغام جاتو غريبة....شي بنات وقفوا ليه فطريق قصداً بش زعما يتيرو إعجابو لكن مساكن معرفينش أن وحدة هي لي سالباه.....وصل عندها بلكشايف أو وقف مراها....جود:عبق سيري تجلسي.....

تقلبات عندو كتغنج بشعرها أو كتافها....أنا:شنو قلتي؟؟....جود:سيري شدي بلاصتك أنمشي عند ريم أو ملي رجع نتمنى ملقاكش كتهزي....حسات بهدرتو تهديد واضح لها....مزادتش تانية أو رجعات لمكانها فرحانة نوعاً ما رغم مشاعرها المتضاربة عليه إلى أن تملكو رائع كيدغدغ غرورها الأنثوي فاش كيغير عليها....

إستدل جود على طريق لمؤدي لغرفة لعروسة...دق عليها أو سمع سماح بدخول....جود:ريم؟؟....توهج وجها لمرتعب بمجرد سمعات صوتو أو مشعراتش بجسمها حتى تلاح عليه....عنقاتو بكل قوتها أو حتى هو بادلها حبو لها...باس لها جبينها جوج مرات كيضحك لإشراقة ملامحها طفولية....جود:هههه دبا نتي البرهوشة كتزوجي أو أتولي أم من لفوق ياك غير البارح كنتي كتبكي علي....ريم:هههه سكت لا يسمعوك جود خويا ولله مابقيت برهوشة بلعكس تعلمت من لحياة بزااف أو كنضن أن كمية رشد لي في دبا غادي تجبرني نجمع معاك بجوج سماكات بش تفيق من لقلبة....جود:يكما غادي تجبدي لهدرة عليها؟؟....ريم:شكون هي اه لعار را مراتك هاديك عبق لبنت لي كتبغي.....جود:(تنهد)بصح كنبغيها أو كنحماق عليها مي....ريم:مكاين بو مي ولا خي شوف ليوم بغيتك تصالحها را وخا معصبة منا مي عبق قلبها بيض أو نتا أكتر واحد متئكد من طيبة ديالها....جود:إلى زعما درت هدشي كضني غادي تسامح لي...ريم:(بتشجيع)اااه نتا غير خدم لي داك لكلام لحلو أو دوك شوفات هههه أو شوية رومانسية أو هاهي ولات لك أصلاً كلشي أيكون نابع من قلبك ياك؟؟....جود:أي حاجة درتها لعبق جاية من هنا(حط يديه على صدرو)....ريم:الله بشحال زوين هاد لحب ديالكم دبا شنو غادير؟؟...جود:معرفتش هههه نقدر نديها مور لعرس أو نشرح لها كلشي هههه....ريم:أو لمبغاتش؟؟....جود:هههه علاش ربي عطانا هاد لكتاف نهز والديها بزز منها هههه.....ريم:(عنقاتو)هكاك نبغيك هههه....تدق لباب بخفة أو إدا بعبق داخلة عليهم على داك لمنضر....أنا:ريم غادي دخلي بلعمارية واجدة؟؟.....ريم:هههه آه أحبيبة يلا جود خرج برا....باس لها راسها أو قبل ميلبي طلبها قاس صباع عبق بخفاء بحركة لعب على أوتار لغيتار....قلبت وجها لي إكتسب لون أحمر بلخجل كأنه أول مرة كيتقرب منها....غمزها كيضحك أو سلا معها بقبلة طائرة....أنا:شفتي أريم أعع ديما كيدير ليا هوكا....ريم:هههه وا هداك هو جود أو نبصم لك غير نتي لي كيدير لك لخاطر....أنا:را مغنسمحش ليه غايكون هاني....ريم:منعرف يقدر رأي ديالك يتبدل هههه....أنا:أجي اديك سليعفانة شنو كان كيقولك؟؟....ريم:منعرف هههه دبا خليني نلبس أجي خوك باينة لعمى بلي مفرحانش أو بش دخلت لمرة لولا معجبنيش لحال حتى من نجافة كانت كتجبرو يشد لي يدي ولا يبوس لي راسي....أنا:دبا يتفش أنا مدويت معاه من ديك نهار وليت بعيدة عليه مقدرتش نتصور دكشي لي دار فيك وخا هكاك مكانش عليه يستغلك....ريم:لا أعبق أنا مشيت معه راسي أو بإرادتي....أنا:وخا دبا كلشي أيتحل انشالله يلا أنا أنزل نتسناك....

تمت عبق هابطة من دروج حتى كتستوقفها جبدة من يد قوية...ضحكت تلقائيا أو هي مستسلمة ليه....أنا:جو.......فاجأها رجب دغيا حيدات دراعها من قبضة ديالو أو رجعت بلور.....أنا:شنو بغيتي مني؟؟....رجب:بغيت نطلب منك سماح من لحديت ديال لبارح....أنا:صافي مشي مشكل أنا....بان لي جود لتحت كيتسنى أو قلت مع راسي هادي هي لفرصة وخى مبغياش نجبد صداع مي كيعجبني نستفزو كيتحول لمجرم...أنا:(بصوت عالي)حتى أنا بغيت نطلب منك سماح على تسرفيقة....رجب؛(مسك يدها)هههه تصالحنا دبا ياك؟؟....أنا:بطبيعة الحال....فلمحة بصر وقف عليهم جود جرها حتى كانت اطيح وراه....دفع رجب لسقو مع الحيط ضغط عليه بوزنو أو شد لك فكو بعنف.....جود:سمع نتا غتبعد من ساحة مرتي بكل لطف (زير على وجهو)ولا غتشوف وجهي تاني أو نزيدك شتي وخا طير تنزل ولا نموت أنا جاع را بربي ماتكون لشي حد من غيري.....

رجب حاول يدفعوا مي كيفاش أو جود بغى ياكلوا بعينه لمشتاعلة....أنا:جود طلق منو را لعرس هادا....جود:سمع آخر مرة نشوف كمارتك قريبة وخا بجوج خطوات منها ولا غنفقد أعصابي أو منصحكش أبداً تشوفني بديك لحالة ...رخاه بعنف أو دار عندها محرك راسو لقدام....جود:تحركي....شد لي خصري قدام رجب أو داني معاه....أنا:بعد مني طلقني شنو كادير؟؟....جود:كنت عارف أنك كتجبدي لمشاكل أعبق متخلينيش نخسر هاد لعرس....أنا:نتا راجل كداب طلقني....تسليت منو ناوية نهرب قبل منسخف من صوتوا رنان.....جود:أجي لهنا.....زرب عليها خشاها فقنت مدرق أو دارها وسط يديه كيشوف فمها لمرتجف....جود:سمعي حتى نتي نفس لكلام لي قلتو لداك خينا أنعوادو لك وقيلا بلاما نهددك حيت شايفة جود بش كيقربو ليه من حاجتو أو مجربة لعقاب كيفاش كيكون إلى زدتي حركة وحدة ديك ساع أتإكدي لي أنك كتموتي على كيفاش كنبوسك أو كيفاش كندوبك بين يدي....عبق تخنقات بدات غير كترمش حالة فمها فيه....جود:سدي فمك أو شدي ركنة هانا حدرتك....خطف منها بوسة مجهدة فحنكها أو خلاها بديك لحالة من لجمود....أنا:ولد لحرام لكلب ناري على خلعة نمشي نجلس حسن لي....طليت يمين شمال أو هربت لبلاصتي كنرعد....

بداو كيسربيو لعشاء....لقاعة سكتت كتمسع غا أصوات طباسل أو لماس أو لمديغ مهم كلشي كيخشي فوجهو من غيري.....فيروز:مالكي اديك لبنت كولي....أنا:لا ماما خليني مرتاحة هاكا....فيروز:لعرس مبقى ليه والو أو يسالي شفتي تبارك الله طلع حكيم غزال فتصاور أو حتى ريم....أنا:اااه أمي جاو كيحمقو....فيروز:هههه وصلوها بزاف هدايا عرفتي جود جابليها واحد سيدي عقد ديال ألماس تيهبل....أنا:لا رد....فيروز:وا كندوي معاك أجيي شفتك صفرة ياكما قرب لك؟؟....أنا:لا لا كنت هنا ممشيت فين.....فيروز:مزيان أنا غنوض نطل على لعرسان بقات غير لا طارت أو نساليو هههه.....

من مور لعشاء....هزو سربايا طباسل أو جابو اتاي أو الحلوة...بدا جوق في عملو طويل....أو ناس توجهوا لرقص من جديد....بقيت جالسة أصلاً مفكرتش حتى نوض متيقنة أن جود مكانش كيلعب معايا غير من نبرة صوتوا.....أنا:يا ربي ناس عطيتيها رجال مسgدين أو أنا بلوتي هي داك لحمق أووووف على حياة....ترمى حداها جود فجأة فوق كرسي قريب بزاف منها....جود:اااه عمرني دقت ديك لبنا هههه....أنا:وباز لوجهك عندك أكبر سنطيحة فلعالم بعد منييي مصيبة كحلة.....جود:(بجدية)نودي تشطحي هههه....أنا:كطنز علي تفو....جود:ههه وا مزيان منين عارفة نتائج هههه وهو صراحة بني أو بينك بغيتك ديري شي كعية بش نختار بانى طريقة نعاقبك هههه.....

يلا جيت نرد عليه....تبدلات لموسيقى لنغمة هادئة....الانضار توجهات لعرسان....من كترت ما جاو زونين شديت فيد جود منباهرة بلفستان كيفاش جاء على ريم....تفاصيلوا البسيطة خلقت مع جمالها واحد صورة خيالية بانت فحال شي أميرة هاربة من قصص خيالية....أما حكيم طلع وسيم وخى شفتو بزاف مرات فكستوم مي هدا ديال لعرس جاء عليه فشكل....كانت قابطة فيه كضحك بعفوية أو لبوكي فيدها...ضوء الفلاش ديال لكاميرات تسلط عليهم بشعاع زاد من روعة ديالهم بجوج مكنتش متصورة أن هاد جوج تخلقو لبعض....أنا:واااو مشاء الله....جود:(بهمس)أتعيشي نفس لحضة أعبق كنواعدك....

وقفو حدا لكعكة المتكونة من تلاتة طوابق أو خدة لهم فريق تصوير مجموعة من لقطات لجميلة....وكلو بعضياتهوم الحلوة أو باس لها راسها...لبسها لخاتم تحت تصفيق لجميع.....هزات ريم سلة كبيرة ديال لحلويات أو بدات كتمشى أو هي كتلاوحها على ضيوف....منين سلات قدمت لها نgافة باقة زهور بش زعما تلوحها من لور....أنا:ناري بغيت حتى أنا نجرب....شفت فجود بش يخليني....ضحك بجهد تفو عاجبو الحال يتحكم في...جود:سيري هههه.....معقلتش على راسي طرت بحال زواق أو دخلت وسط لبنات لي كيتسناو تورهم فزواج....بصح أنا فايت في لكن كنت غنحماق أو نجرب حضي فهد تقليد....ريم ستعدات تلاوحو....دارت ببطء أو حسبات بجهد حتى 3.....شيراتو لفوق فلعالي....كلنا نقزنا مي والو مقدرات حتى وحدة توصل ليه....درنا نشوفو هاد سعيدة الحض لي خداتو...مي تصدمنا كاملين من رجب قابطو بقوة....كلشي بدا كيضحك عليه حيت من طبيعي تاخدو بنت ماشي راجل....رجب:هههه كالمي فو أنا بصح مغديش ناخدو لكن أن حقي نعطيه لبنت لي بغيت....إبتسم لعبق أو هو كيتقدم منها....خواو ليه لبنات طريق مستغربين من نضرتو لها.....رجب:بغيت نعطيه فهاد لمناسبة لإنسانة وحدة قتلت لي قلبي بلحب لبنت وحدة خدات مني نوم من عيني....توسطو هو أو ياها دائرة كبيرة من لمشاهدين....عم سكوت لقاعة بأسرها شيء لي خلا صوت رجب يتسمع بوضوح....رجب:أنا رجب شرقاوي كنعتارف فهد مناسبة سعيدة في زواج ديال خويا أو صديقي قدامكم بشعور سامي مكنتش متخيل أنه كيضر لهد درجة....مد لها لباقة شدتها مع لخلعة او نزل على ركابيه فيديه علبة حمرة....حلها قبالتها أو زاد لون تخطف من وجها....رجب:أنا كنعترف أنني كنبغي عبق العلمي لي أسرت قلبي من نضرة لولا...عبق كتقبلي تزوجي بي؟؟....

تحول لهدوء لضجيج ممزوج ما بين شهقات أو همسات أو تعبيرات على لحسد أو لغيرة....رجب:عبق كنتمنى مترفضيش لعرض ديالي قدام هاد شهود كاملين....أنا:ككيكيفاش😱😱؟؟.....رجب:(بصوت عالي)أنا كنبغيك أو بغيت نكمل معك حياتي وش هدشي حرام.....جميع ألوان طيف تشكلوا على ملامحها المرعبة....زيرات على لباقة أو لخاتم قدام عينيها....بدات دنيا كادور بيها أو تهديد جود كتحس به كياكل فداتها بلا رحمة....حتى ريقها وقف فحلقها أو رجب مازال ماد يديه بلعلبة....أصوات نساء لي كتدخل لأعماقها أو كتمزق شرايين قلبها بكلام ممنو والو.....رجب:عبق؟؟.....

جود تم داخل يديه فجيابوا أو كيتحرك ناحيتهم بخطى بطيئة....عبق لمحاتو كيفاش كيتنفس بحال تنين محيد لكستم مخلي غير لقميجة لبيضة فاتح سدايفها لولين....مسح شنافتوو بإبهامو كيدور راسو تارة لرجب لي وقف بعدما حتل دائرة أو تارة فيها ساكت كيخرج غير نفس سخونة....كيلعب بلسانو مرة مرة أو كيبلل شفايفو أو هو مازال كيراقبهم بنضرة كتجمع من لغضب ما يكفي يحرق ليابس أو لخضر....أنا:(في البكية😖)جود عفاك.....أو في لحضة دازت فحال لبرق رخا يديه أو جر رجب من كول سترة ديالو بقبضة جابو حتى لوجهو.....جود:(بصوت خطير)لواحد منين كيتحدر لمرة لولا أو تانية أو تالتة أو مكيسمعش اشنو خصنا نديرو ليه أسي رجب شرقاوي؟؟....رجب:طلق مني أسي جود عبق ماشي ديالك ياك طلقتيها أو....جود:(عطاه بنطحة لنيف)سد قل***.......كلشي بدا كيغوت منين نزل جود على كسدة رجب أو بدا عليه بلبونيات وحدة مور تانية....جود:(بصراخ)تا حد ماعندو لحق يبغي مرتيييي ملكييي أنااااااا ....جاو صحاب حكيم تلاحو عليه مي منجحوش ففصل لوحش لي ناض فيه على رجب لفاقد جميع فرص فنجاة.....عبق طيحات لبوكي أو تمت متراجعة....ريم شدت فيها من لور تشاركها خوفها....كانت عارفة أن هاد لعرس مغيساليش على خير أو جود حاضر ليه.....عمات روينة فلقاعة سببها رجل واحد أو ماشي أي راجل ....شي كيغوت شي مخلوع شي مفاهم والو من كلمة مراتي....فيروز داخت ملقات غير حكيم يهزها أو هو كيشاهد صاحبو كيتقتل....حكيم:(بلغوات)وا دراري فكوووو سيد اش كتسناااااو.....جود ولا حمر أو عروق عنقو أو جبهتو خضارو أو خرجوا بلاعصاب....جبدوه صحاب حكيم بلكشايف أو وحدين خرين جرو رجب بعدوه بحالة يرتى لها....ناض كيمسح جبهتو من لعرق أو صدرو كينتافض بجنون.....بدا كيقلب عليها بعينين حمرين كتر من دم....حتى لونهم الأزرق تبدل لأحمر القاتم....شافها مع ريم كترعد😵 أو لون بشرتها بياض منين طلاقات عيونهم....بلا اندار سرع عندها....من بعيد أمر ريم تبعد....على بعد جوج خطوات منها جرها بعنف حتى تخبطات مع صدرو....دور دراعو على خسرها فاصل رجليها على لأرض...شد رقبتها من لور غارز صباعو فشعرها أو بلا أي شعور بلمنطق ولا بلأعين لي توجهات لهم من جديد....نزل بفمو كيلتاهم شفايفها غايب على لعالم لمحيط بيهم......

حتى حد متيق صورة الهائلة الخارقة لعادة أنضارهم....جود مازال هاز عبق كاتبان لا شيء مقارنة مع هيمنتو عليها....يمكن لقبلة لي كيبصمها على فمها هي أشد عقاب لها لحد الآن.....فنما كانت كتفلت ليه لتحت كيرجع يطلعها بشكل أقوى من أول....كيحس بها كدفعو من كتافو أو كتنين يرخيها وسط تغرو لي توحشها....من كترت صدمة نساء شدو فمهم يكتموا غيرتهم أو رجال بما فيهم حكيم خرجو عينيهم فلمشهد لغرامي شيء لي خلا غير لحن القبلة الباريسية يتسمع بنغمة رجولية خشنة....

ضل ما يكفي يشبع منها شوقو لها أو فنفس لوقت يفدي فيها الأيام لماضية الأيام لي كانت كدوز عليه شديدة أو طويلة لا حد لها.....فارق فمو وأخيرا شنايفها لي كتاسبو لون دم....دور عينيه بسرعة على وجها كيستدرك حالتو المزرية....لكحل هبط لها مع دموع أو شعرها طاير فسما أما فمها شوية يتفرقع....حناكها حمرين أو سنانها كيتقرقبو بصوت مرعب....جود:نتي لي جبدتيني أعبق....أنا:أهيء أهيء😭😭 كنكرهك كنكرهك مكنحملكش بسسع من....رخفات قبضتها من قمجتو شوية بشوية حتى زلقت في لهواء.....عينيها دخلو فعملية من دوران أو جسمها كيترخى بإنهاك كبير....فقدات تحكم فراسها أو فجأة طاح على كتفوا فاقدة الوعي....هزها بشكل مريح أو تقلب عند لجميع أو هي بين يديه بحال طفلة صغيرة.....حكيم خرج بين جماعة معصب أو قبل ميمد يديه ياخد ختوا جود رجع بخطوة لور....جود:تقرب مازال حتى نتا منعقلكش عليك....حكيم:(بصراخ)واش نتا مريض ولا مالك كيعجبك تجبد صداع فنما مشيتي هانتا خربتي لعرس أو درتي لفوضة أو شوهتي درية....جود:(بصراخ)مشفتيش شوهتك نتا ولا كتحاسبني غير أنا....تخطاه أو زاد عند ضيوف لي مزالين تحت تأتير دهشة....جود:سمعو مزيان هاد لبنت ديالي أنا....لمح فيروز كتضرب على فمها يسكت برغيب أو كتبكي في صمت....جود:مغنسكتش أنسيبتي لعزيزة حيت صافي وصلت بي لعضم غنجيكم نيشان...عبق مرتي بشرع أو لحلال غير هو طلقتها في لقانون على سبب واحد لي كنقسم أنه مكيهمنيش أنا قد مبغيت نحقق لها خاطرها أو أمنيتها أنها تزوج وسطكم أو تحس براسها عروسة....رجعو لهمهمات مستحودة على لمكان لواسع....أما فيروز معتقاتها غير ريم من وقوع محتمل أو لغريب أنها كانت مبتسمة أو علاين طلق ضحكة كبيرة دليلا على فرحها.....جود:(بنبرة عالية)أو بهاد لمناسبة مرحبا بكم كاملين فعرسنا أنا جود لوكاس أو مرتي عبق لوكاس..

كانت هادي آخر جملة قبل مايخرج من لقاعة محتاضنها بقوة....مداها لا في لبكا ديل فيروز لي جهاد بصفة خلات حكيم يهرول لعندها أو فنفس لوقت كيتغدد على راجل لي خلا حتى سالا لعرس أو ضيع لهم كلشي...

جود خرج لبرا جهة موقف سيارات...حل سيارة بلوكنطاكط من بعيد....نزل عبق بلطف ماسكها من ضهرها بإحكام حل لباب أو حطها برفق...ركب لها حزام الأمان... مسح لها من بعد وجها من دموع المتبقية....سد بخبطة ما أمكن لطيفة...توجه لكرسي لقيادة أو زاد بسرعة لمستشفى.....

***في لمشفى***:

دخلوها لغرفة لمستعجلات...منعوه يتقدم معها أو سدو لباب فوجهو كيف ديما كل مرة كيجيبها محملة لمكان مكروه على قلبوو ...تلاح كيفرك وجهوا بوتيرة سريعة....جبد تليفون يعيط لريم يوصلوا عليه...حيت رغم دلك بقات فيه فيروز لي أتكون محروقة على بنتها لوحيدة....

قطع الإتصال كيشوف فنقطة وحدة كيحس بغضب كبير من هاديك الجملة لي خلاتو بلا عقل....كيفاش كيبغيها معندوش أدنى حق حتى يفكر فيها....هي لي عطاتو فرصة أو فتحت ليه قلبها....قسم ديك لحضة كون مكانتش من جنس لطيف كون شركها معاه بلا تفكير....فرق رجليه أو ربع بديك لحالة الهمجية خلات أي واحد يدوز من حداه يلفت نضرو بلها يطريه ليه....كيبان لهم فحال شي أسد جريح لي قرب ليه معمرو يتفك من سنانو....عضلة فكو كتحرك طالعة نازلة بفعل توهج لموقف أن راجل من غيرو خدة بلاصتو فتقديم لمرأتو خاتم حقير معمرو كان غيدخل شي نهار فيدها....

بعد دقائق تمت فيروز أو حكيم أو ريم مازال بفستانها داخلين كيقلبو عبر لممرات عليه....لقاوه شاد فراسو مهبطو لتحت....حكيم متمحملتش أو نقض عليه من كول لقميص....حكيم:(بلغوات)فين هي ختي نطاق الحقير سببتي لينا غير لمشاكل علاش رجعتي حتى كتبرى منك أو كتولي تخرب لها حياتها....فيروز:أهيء أهيء😭😭😭 بنتي آربي تشوهت فأخر يامي مع لي يسوا أو لي مايسوى....ريم عاونتها ترتاح فوق لمقعد أو شدات فيدها بتشجيع....ريم:خالتي لي بغى يدوي يدوي من هنا صباح ياك عبق حلال جود صافي هني بالك أو هاهو غيسد لفام أو يتزوج بيها قدامهم نتي رتاحي من هاد ناحية....فيروز:أهيء أهيء😭😥 مسمعتيش خوتاتي شنو قالوا أو بناتهم أو خوت راجلي اويلي على فضيحتي أهيء أهيء نوضي فكيهم ليمشيو يشوهونا حتى هنا....ريم:(حركات راسها بالإيجاب)وخا تهدني عفاك....ناضت ريم عندهم متجرآتش تقرب أو هما مشانقين شي كيمخض فشي....ريم:جود بركا عفاك طلقو أو نتا أحكيم متزدش فيه را حنا فلمشفى مشي فزنقة....جود:(دفعو)نتا حسابي معك من بعد مفهمتش كيفاش كتفكر كتشوفني غنحماق على ختك أو مازال مستسلمتي تخلينا نعيشو بجوج راها طرف مني كتفهم شعور أنك تحس بلموت أو نتا حي إلى غابت عليك مراتك ولا لا؟؟......حكيم:بلا ماتحاول عبق مبقاتش مراتك....جود:مراتي أنا ماعمري طلقتها فشرع مازال مراتي....حكيم:وش كضحك علي كي درتي لها....جود:وخا أنا غنفهمك قبل مانبدا أي خطوة سولت على هاد لقضية بما انني مكنعرفش دكشي دين عرفت أن راجل إلى مرماش على مراتو يمين طلاق كتبقى حلالو أو أنا عمرني منطقت بكلمة "نتي مطلقة"...حكيم:(بصدمة)كفاش؟؟....جود:إياه لحاجة لي درتها أنن طلقتها فلوراق بش نتزوجها قدامكم على حسب رغبة ديالها أو نمحي من بالها دكرى ديال نهار تزوجتها بلغصب....ريم:(بلا وعي)سير الله يعطيك شي خير هههه....حكيم خنزر فيها تسكت أو إنتاقل بعينه لفيروز لمشلولة جسدياً من كترت صدمات....حكيم:ولايني طلعتي مكتسواش....جود:على لقليلة مدرتش بحالك....حكيم:غن....قطع فتح لباب انتباهم....وقفات طبيبة كتشوف جوج رجال قداش مكبوبين عليها....طبيبة:احم فين هو زوج ديال مدام؟؟....جود:أنا مالها مرتي؟؟...طبيبة:(بضحكة)مبروك أسيدي غتولي أب زوجة ديالك حاملة....

أول وحدة عبرات على فرحها هي ريم....نقزات على دراع جود المفصول على لعالم بعدما نزل عليه لخبر بحال صاعقة أما حكيم كتر منو....ريم كتجرو باش يفيق أو صدى ضحكة ديالها لقوية كيتردد فلكولوار...فيروز صكرات(غيبات) بمعنى لكلمة مشات فسبات غيب عقلها صغير جداً أنه يتعبء بكمية من حقائق تفوق تحمل ديالها....ريم:هههه مبروك أخويا فرحت ليك جوووود ههه وا فييق....طبيبة:سي جود سي جود نتا لباس؟؟....جود:لا رد....حاجة وحدة لي تغيرت فيه أن لغضب بلحدة ديالو كلها تغير لصدمة شتات كيانو بكلمة وحدة..."غتولي أب".....حكيم شاركو نفس لحالة بسؤال كيجول فخاطرو..."كفاش حملات؟؟".....

ريم بعد محاولات عديدة هي أو طبيبة باش يفيقوهم تافقو على حل واحد....نزلات يد طبيبة من جهة على حنك حكيم أو يد ريم فجهة لخرا على وجه جود....ريم:هههه وا با جود غتولي عندك بنوتة ولا ولييد....جود:هههههههههه ريم مكنحلمش ياك زيدي عطيني وحدة خرا....شد لي يدها أو بدا كيصمك فراسو أو كيضحك بجهد....ريم:أووليي هههههه وا بصح عبق حاملة حاملة....خطفها جود بين يديه غيموووت بشعور أول مرة كيدوق بشحال حلو أو منعش مختازل فتفكيرو مرور 9 شهور و ادى ببنتوو بين يديه صغيرة أو كتشبه لمها....جود:هههههههههههه كنبغيك أريم هههه غتولي عندي بنت ممتيقش هههه لحمد الله وأخيراً لحلم ولا حقيقة هههه....ريم:(جاتها دوخة)وا نزلني هههه....حطها كيبوس حناكها بجوج...أو جرا لفيروز حتى هي باسها فراسها ....جود:نسيبتي ههههه شكون بحالك ضربتي جوج حفايد دقة وحدة هههه.....فيروز مسكينة مافهمت والو كتحس غير ببوسات مجهدين دوبوها....طبيبة:سي جود تفضل معايا.....مشى لعندها كيجري طاير بلفرحة لي شافو ميقولش هاد سيد عاد كان فمضاربة أو كان فقمة غضبوا.....دخل مع طبيبة لغرفة.....أو فبلاصة مايفرح برؤية شخص واحد دبا كيمتع عينيه بمرتو أو بكرشها لي حاملة بطرف منو....طبيبة:ههه ردت لفعل ديالك كانت قوية سعدات لوليد بيك....جود:شكراً بزاف ممكن نبقى مع مرتي بوحدنا.....حركات طبيبة راسها بعلامة لموافقة أو خرجات مخلياه كيتنفس بصعوبة فحالي لفرحة كبرات لدرجة خنقاتو أو منعت عليه لهوى....قرب من عبق سادة عوينتها أو يدها محطوطة على كرشها أما شعرها مدلي برا لبياس كاتبان بحال أميرة نائمة....هز كفها باسو أو هبط ديركت قبل كرشها بغزارة....حط من بعد يدها على حنكو أو إنتقل لوجنتها لحمراء طبع عليها سلسلة من قبل محاول يفيقها....جود:عبق حياتي زين ديال جود فييقي (كيبوسها)فييقيي على قبل بنتنا....عبق:(كتجاهد)أيييي أممم فففينيي....جود:نتي فقلبي نتي أو بنتي هههه عبق فيقيييي....حلات عينيها وأخيرا مدهشرة كترمش أو الأكيد مستغربة من قربو شديد منها أو ضحكتو المتألقة....أنا:بعد منيي فين أنا خرجني من هنا ديني عند ماما خليني عليك شوهتينييي نتا....جود:(مقاطعها)عبق أتولي أم هههه نتي حاملة.....وسعات مقلتيها أو يلا غخرج كلمة اندهاشها....زرب عليها جود بقبلة كيشكرها على تحقيق أكتر حلم طغى على لياليه الباردة....

حكيم تخبط حدا فيروز مازال مصحاش من لخبر.....كيشوف فلباب ديل لغرفة المتواجدة بيها ختوا أو جود أو عضو جديد أيدخل لعائلاتهم....دار عند ريم لي كتحنقز بلفرحة أو تقيس فكرشها بحركة تخبر بها ولدهم أنه جاي لي يونسو....أو أخيراً فيروز لي كاتبان طالعة لها لقردة لسطح....حكيم:مي كي دارت حملات هادي؟؟....فيروز:(بلغوات)كيفاش زعما يكما بغيتيني نشرح لك كيفاش شتيي لي درتيه لهادي بش تحمل دارو لها داك لغول صافي رتحيتي دبا.....

بعد دقائق معدودة....جود تم خارج فرحان شوية يبدا يبوس لحيوط لي كيمر منهم.....وصل عند فيروز لي كانت كتسناه بوحدها دايرة يدها صغيرة على خصرها أو كتوعدو بنضرة مفيهاش تبقشيش....فيروز:أجي نتا لهنا....حتى جود مكانش من العاجزين أو لبى أمرها كيفرنس ....جود:(بمزاح)نسيبتي واش كتزياني نهار على نهار ولا غكيجيب لي الله ههه....فيروز:بلا داك لبسالة ديالك شنو درتي لبنتي فوقاش حملات ياك كنتو تفرقتو....جود:وا ها دخول صحة شوفي نتي غرتاحي لي مع راسك أنا أو عبق قدرنا مع بعض او مغنسمح لحتى دلقوش يتكلم فيها ولا فيك ولا فئي واحد كيهمك....فيروز:واش أولدي نتا متئكد أنك إنسان طبيعي راك شوهتيني شوهة عالمية فضحتيني أشداك تبوس يكما كيحسبلك راسك برا....جود:هههه غرتي غرتي ههههه....فيروز:لا ضحك نتا لي جات معاك يا ربي اشهاد نسوبية سلطتي علي دبا شنو غنقول لخوها أو لعائلة أميمتي اويلي على شوهتك أفيروز....جود:(عطف عليها)وا نسيبتي وا فرحي دبا ياك غتجيك حفيدة تخيلي معايا يكون عندها شعر عبق او لون عينين باها أحح متشوق من دبا هههه....فيروز:(بتسأل)كفاش عرفتيها بنت؟؟....جود:وأنا بغيت بنت أو غتجي بنت انشالله.....فيروز:لا لا لا نتا حالة مستحيل يلقاو لها حل باز لبنيتي معاك باااز....جود:هههه ودبا شتي أنا ولله لا كنخدم مخي معاكم أو بزاف دبا خلينا مني سمعي الآلا فيروز أنا مستعد ندير لعبق أكبر عرس فدنيا لكن بشرط أنها ترجع تسكن معايا بغيت نكون فكل لحضة أو كرشها كتكبر حدايا بغيت نشوف نمو بنتي قدام عيني....فيروز:(بقلة حيلة)معرفتش أنتشاور مع خوها....جود:(بعصبية)لحد الآن مدرتش شي ردت فعل على ود دكشي لي دار فختي حيت لقضية كان فيها ولد جاي فطريق أو دبا ماعندو حتى حق يدخل فحياتي مراتي أو بنتي أيرجعو لي صافي سدينا....فورز:ولكن؟؟....متركش لها لفرصة تدوي أو خلاها كتدوي راسها.....

بقاو كيتسناو ما يقارب ساعة قدام باب لغرفة بيدما لبسو عبق حوايجها أو كملوا لها جميع لفحوصات.....تحل لباب بعد صبر طويل من جود.....شد فيد عبق المنهكة مشي بلعيا انما بلخجل منين لمحات حكيم كيفاش كيرمقها بشوفات ديال القتيلة....جود:(بصوت حنين)عبق بشوية عليك أجي أحياتي....حكيم تقدم ناحيتها مي سرعان ما جود دفعوا بقوة لور....جود:نتا غدبر على بلاص هنا إلى مبسعتيش منها.....حكيم:نتا مدخلش فهمتي بيني أو بين ختي.....جود:حكييييم من أحسن تقيلني عليك هاد ساعة متنساش أنك عند دور كبيير فلمشكل دوزت ليك أنك بعدتييها علي دوزت ليك ضرب لي كلاتو من يدك أو دوزت لك حتى لفالطة لي رتكبتيها فحق ريم مي كلشي ليه لحد أو بلفعلة ديالك لخرا معا داك زم*** صاحبك بديتي كتفور دمي....فيروز:(كضرب حناكها)اويلي على شوهتي صوتوا كي دعدوع شوهني....حكيم:(بغضب)نتا مول لمشكل متنساش هدشي كون ما ستغليتي ريم بش تلعب بعقل لبنت مكنتش غنفكر أبداً نأاديها.....جود غمز ريم تشد عبق....أو قرب من حكيم لدرجة تلاصق معاه بجبهتو....جود:(بتهديد)بعد مني أو من مرتي ولا غنسى بلي راك نسيبي ... كيفما حتارمت ولدك أنه يتربى حدا باه تا نتا خصك تحتارم أن بنتي تربى حدايا عرفتي علاش حيت أنا أكتر واحد مجرب فقدان حنان الأب نتا كبرتي وسط ولديك أنا أسي حكيم لا مي ماتت قبل ما حتى ندوق حليبها أو لوليد وخا كان قدامي لكن جامي عاملني فحال ولدو لوحيد بغيت حياتي تعمر بغيت حتى أنا ندخل دار أو نلقى ولادي كيتسناوني أو كنواعدك أنعوضهم على كل ليلة خاوية دوزتها من عمري....حكيم مصاب مايقول راجع بجوج خطوات لوراء كيشعر بألم قديم عبى ليه صدرو حتى هو:"ألم فقدان حنان الأب".....

توجه جود عند حبيبة قلبو لي أصلاً كانت غير حانية راسها مخبية وجها بشعرها لكتيف من نضرات شك أو الإستفهام.....جود:(باس لها راسها)يلا حياتي بشوية عليك....زاد بيها خطوة بخطوة لخرجة شاد فيدها بإحكام أو صابر على لبطء باش كتمشى....أما عينيه على بلاص وحدة لي هي كرشها لعامر بنطفة منو....فيروز ستاعنات بريم حتى هي تخفف عليها أما حكيم بقى هو الأخير فلممر كيدور فراسو كل كلمة صادقة مسات وتر حساس من جرح عميق مكانش كيضن أن رجل فحال جود ايوصل ليه بقوة....

سيارات بجوج وقفو قدام منزل فيروز....عبق ركبات مع جود او ريم....فيروز ونسات ولدها لكن غير بجسمها أما تفكيرها بعيد مع عائلتها نمامة من طراز رفيع....جود نزل بسرعة فتح لهم لباب لخلفي....هبطت ريم بجلايلها كتضحك ليه أو خوات ليه يعاون عبق....جود:حياتي آري يديك.....مستاجبتش ليه أو حلت بزربة جهة تانية نزلات منها.....ريم:صافي خليها على راحتها سير دبا يصبح أو يفتح....جود:مالكي مرضتي خصها تمشي معايا.....ريم:متحكش على ضبرة عفاك إلى تعلقتي بيها دبا مغتحسش أنك باغيها أتقول مع بالها أنك بغيها غير على ود لجنين....جود:شنو كتقولي أنا بغيتهم بجوج....حكيم:(مقاطعهوم)مازال مساليتو لحتيت صباح را طلع يلا لي عندو شي بلاص يمشي لها....ريم:صافي سيير أجود دبا نعيط لك....جود:(مشى عند فيروز)نسيبتي تهلاي فعبق الله يخليك غنمشي دبا نخليكم ترتاحوا عفاك بغيت ندخل هاد لمرة دار من بابها....فيروز:وخا ولدي ماتخافش راها بنتي هاديك سير دبا....إبتسم لها بإطمئنان...توعد حكيم لا يمشي يسخن عليه راسو أو باس جبين ريم قبل مايحرك سيارتو ملقي نضرة أخيرة فدار لصبحت كتحمل أحب إنسانتين على قلبو....

ريم أو فيروز دخلو عند عبق لقاوها مليوحة على كرشها أو غاطسة فنوم عميق كتشخر على لخفيف....فيروز جلسات جنبها أو باست وجها لمتلسق بدموع ناشفة ....فيروز:الله يا بنتي لحبيبة بشحال تعدبتي أهيء أهيء....ريم:خالتي شوفي لأمر بمنضور لمشرق كيفما كيقولو تخيلي أنا أو عبق بجوجنا حاملات أو غنجيبو لك جوج حفايد شكون فحالك هههه.....فيروز:(كتمسح دموعها)ههههه ياك اوا لحمد الله منين سيدي ربي تولي عمري تع نشوف ولاد ولادي أجي أبنيتي....تعانقوو بفرحة....ناضو من بعد قادوا وضعية مريحة لعبق أو غطاوها مزيان....عونات فيروز ريم تنزع لكسوة لعرس....أو نيشان تخشات حدا عبق تشاركها نوم....

وأخيراً بعد يوم شاق أو طويل دخلت فيروز لبيت حكيم...كان متكي على سرير كيشوف فسقف ساهي أو عايم بين أفكار عميقة منبهاتوش أن مو جلسات قريبة ليه مدة طويلة....فيروز:حكيم؟؟....حكيم:(بإنتيفاضة)مي فوقاش جيتي؟؟....فيروز:من قبيلة أولدي مالك واش غادي تمنع جود يدي مرتو معاه؟؟....حكيم:معرفتش معرفتش مابقيت فاهم والو ولله....فيروز:الله يرضى عليك كيفما خلاك هو تربي ولدك حداك متحرمش سيد من ولدو حتى هو را قبيلة كان غيطير بلفرحة....حكيم:(كيمسح صفحة وجهو)كفاش حملات هادي أو فوقاش مشات معاه كنعيا أمي منسامحها لكن كتجهلني بتصرفاتها....فيروز:متنساش راسك شنو درتي مع ريم متحاسبش ناس أو تنسى غلطك على لقليلة هي مراتو أما نتا دخلتي بلبنت في لحرام.....حكيم شاف فمو بإقتناع حيت عندها صح....مازال كيلقى جود فايتو فبزاف نقط.....حكيم:فصباح غندوي مع ختي أو عرضي على داك خينا يتغدى معنا بغيت نهدر معاه حتى هو....

في صباح....عبق بدات كتكسل يمين أو شمال....حلات عينيها على وجه ريم قريب منها كتفرنس....ريم:هههه طلع جود مساهلش دغيا سربا معاك لقضية أحح عليكم وا غنموت بلفرحة أنا أو ياك حاملات أنا غنولد بشهرين قبلك ههههه عرفتي جود كيقول غا بنتي بنتي هههه ضحكني تخليلي تولدي ليه ولد ناري صدمة مسكين ولكن عرفتي شنو مكيهمش ياااي ولادنا غيبقاو يلعبوا بجوج أنا متحمسة بزاااف....أنا:ريم سكتي واكلة راديو على صباح؟؟.....ريم:باز لقلبك يا ختي مفرحناش بلولد؟؟....أنا:لا بغيت نقول فرحانة بزااف را البارح نعست كنبكي بلفرحة ولكن أنا مازال مقادراش نسامح لجود على كدوبو....ريم:وايلي متزيديش فيه را سيد كيتشروط عليك باز ولله كتعصبي لاقية راجل لي يبغيك أنا كنشوف غير نضرة لكره من خوك أو صابرة على ولدي باش منحرموش منو كان فيا منغبر ولا ندير إجهاض جاع ولكن مقديتش حسيت أن هاد لولد نور حياتي أو نتي شنو درتي وآلو ديما كتعكسي الأمور....ناضت بسرعة معصبة أو يلى اتفتح لباب لقات حكيم واقف شافت فيه بعينيها لخضراء دامعة...تخطاتو أو نزلات كتجري من دروج....دخل حكيم عند ختوا لي وقفت مرتابكة فور لمحات تعبير وجهو صارم....حكيم:(سد لباب)جلسي....لبت طلبو أو عينيها مامفارقينش لهدوء لغريب فعينيه....حكيم:كي بقيتي؟؟....أنا:(بتلعتم)أنا أناااا خويا سمح لي كككنت عافاك أنا....حكيم:ششش جيت ندوي معاك أعبق بلا غوات بلا ضرب نتي كبيرة أو راشدة أنك تختاري طريق بلاما نجبرك على والو من آن فصاعداً....أنا:(بصدمة)لا رد....حكيم:(جلس حداها)ختي غنعترف لك إعتراف نتمنى يبقى بيناتنا....شد يديها كيلعب بصباعها أو كيخمم فداك لوقت من زمن الكئيب.....حكيم:ختي أنا غادي نسهل عليك لمأمورية أو نخليك تمشي مع جود لا بغيتي....أنا:مبغيتش....حكيم:حتى سمعي عاد قرري....بصح أنا مازال معندش معاه لكن البارح شفت فعينيه قوة كبيرة باش كان كيدوي عليكم كنقسد نتي أو ولدو هاديك لقوة خلاتني نأامن أنه راجل لوحيد لي نقدر نتيق فيه طول لحياة بلي غيحميك بروح ديالو....كتعقلي نهار دابزت مع لوليد أو عاقبني بديك شدة؟؟عرفتي علاش كنت كنغار منك هههه كنت كنقول علاش مكيبغينيش فحالك بعد المراة كنحاول بجهدي نقلدك باش زعما نلفت إنتباهو لي هههه عقل صغر مي الأيام برهنات لي من بعد أن لوليد كان كيبغيني بطريقة عمرها حساستني أنه موجود فحياتي لدرجة أن أي واحد كان كيسولني كنجبد غير لوالدة....ولكن بيني أو بينك كنت كنتئلم بزااف كنت كنبكي بحدي نفرغ باش منين نخرج نبان أكتر من طبيعي قدام ناس أو يمكن هاد لكبت هو لي ربى في داك لخوف عليك أو خلاني بلا قلب ناحيتك كنت متوحش معاك بسباب راجل واحد لي هو باك....أنا:أهيء أهيء براكا خويا متعدب راسك....حكيم:هههه هدشي مبقاش كيهمني أنا بغيت نوصل لك رسالة لي هي حنان لأب كيكون عندو دور كبير فحياة أي طفل فلعالم...ندمت على غلطة ديالي مع ريم بزاااف حسيت راسي أكبر شماتة فدنيا أو باش عرفت أنها هازة ولدي مترددت حتى لحضة نتزوج بيها على قبلها أو على قبل ولدي أو نفس شي شفتو لبارح فراجلك هو متشبت بيك أو بولدكم متخليش لغضب يعمي بصيرتك أو يطلع لولد واحد فحالي.....شد وجها بين يديه أو فنفس وقت كيدوز إبهامو يمسح إنغزار دموعها....حكيم:عارفك أنك كتبغيه عطي ليه أو لنفسك فرصة جديدة مع ولدكم ربما تعفاي أختي وخا؟؟...باس لها جبينها أو خرج بسرعة....تكا على لباب بعدما سدو كيمسح دمعة هربت ليه مشي على عبق انما على كلام ريم الممزق لقلبو....حكيم:سمحي لي رييم سمحليا بزااااف......

***في وقت لغدا***:

ريم أو فيروز كانوا فالكزينة كيحطو لمسات الأخيرة في تحضير لغدا....ريم كانت ساهية أو فيروز حتى هي كدعي من قلبها أن هاد لعراضة دوز بخير....دخل حكيم لمطبخ يشرب كانت فيروز عطياه بضهر ملحدضاش وجودو....عمر كاس لما نزل عليه كيتحسر على سهوة ريم أو حالتها الكئيبة....حط لكاس أو تقرب منها....حيد لها شعرها شيء لي فزعها...حكيم:كي بقيتي مع لحمل؟؟....ريم:لا رد....حكيم:إلى بغيتي شي حاجة نجيبها لك(دار بغى يمشي لكن رجع عندها أو همس فودنها)جيتي زوينة البارح....ضحك لها أو خرج مشايفش تغير لون شفايفها الأزرق من شدة لخوف اااه خوف من لمعاملة لغريب...ريم:مامال هادا؟؟.....

مرت دقائق معدودة....صونا لباب أو مشات ريم كاطير حلات ليه....ريم:جووود هههه....عنقها أو قدم لها باقة أزهار....ريم:دبا هادو لي ولا لعبق ولا لفيروز أمم؟؟....جود:هههه لكم كاملين لا بغيتو نجيب لكم جردة هههه غا ردو لي بيبو هههه.....فيروز:أهلاً أهلاً تفضل أولدي.....حكيم جاء من مراهم أو وقف عليه قبل مايزيد حتى خطوة....حكيم:قبل متفضل أجي معايا.....

طلعو بجوج لبيت حكيم....خلاه تماك أو مشى عيط لعبق....حكيم:قررتي؟؟.....أنا:اااه أخويا....دخلت حانية راسي كنشم ريحتو لي كدوبني أو نفسو كتسارع بقوة....جلست كنفرك سباعي بتوتر....واخدة قراري لي مغنضلم بيه حتى حد لا راسي لا ولدي لا جود.....حكيم:مزيان سمع أجود هدرت مع عبق باش نحلو هاد مسألة أو دبا طريق لغتختارها هي ليتكون....أنا:ممكن نبقى أنا أو ياه بوحدنا؟؟...حكيم:اوكي أنا هنا....(خرج)....جود:عبق؟؟....أنا:وخا جود غادي نرجع معاك....جود:(بفرحة كبيرة)كنت عارفها....أنا:ولكن بشرط متقرب مني متحاديني أو أهم حاجة متقيسنيش....

جود استغرب من الشرط أو عبر الى دالك بضحكة إستفزاتها لأبعد الحدود....أنا:مالك كضحك يكما مموافقش صافي لي بغيتي أنا غادية....نضت نمشي لكن سرعان ما جرني مقلوبة عندو بقبضة لطيفة....جود:صافي ماقلت والو أنا موافق وخا صعيبة شوية مي نصبر....أنا:هههه ممتيقاش وليتي كتبدل غير على ود لولد أما أنا وليت من خبر كان....جود:دبا شنو بغيتيني تسفزيني باش نخلف شرط؟؟.....أنا:لا أنا قلت لك لي عندي غنعيش معاك أو تواعدني وعد رجال أنك متفكرش تلعب معايا داك لعب لباسل ديالك....مديت يدي يبادلني سلام ديال لموافقة....بقى كيشوف فيها مبتاسم ولا بلأحرى جامع ضحكة كبيرة دليلا على تفاهة لي كتلقيها فوجهوا....جود:(بادلها سلام)وخا كنواعدك أحياتي....أنا:(جريت يدي)ديك حياتي زين حبيبة ولا منعرف مبقيتش باغية نسمع حسهم فهمتي؟؟....جود:وخا لالا متافقين شي طلبات خرين؟؟.....أنا:شفتك وليتي طيع على ود لولد سبحان الله....جود:هههه منعرف يقدر يتبدل كلشي لمهم دابا عندي هو أتكونو قراب مني....أنا:مغاديش نسامح لك أجود وخا تعيا ماتدور ولا حتى تاخد لبيبي سبب يردني لك نتا كداب أو متستاهلش هاديك لفرصة لي عطيتها لك.....جود:(بجدية)كون تعرفي علاش درت هدشي مغتفكريش حتى تنطقي بهاد لكلام....أنا:هههه ديما كترجع لنفس متاهة نتا....حكيم:(دخل فجأة)صافي ساليتو؟؟عبق شنو درتي؟؟....أنا:غادي نرجع معاه.....جود:كاين مشكل بسيط على ود قضية زواج معنديش مشكل ندير لعرس....أنا:بلاش مبغيت لا عرس لا زمر أصلاً تشوهت بما فيه لكفاية ماعندي بو وجه لي يركب فشي عمارية....جود:أو شنو بغيتي؟؟....أنا:مبغيتش هاد ساعة خلي حتى يتزاد لبيبي أو نتزوجو فلمحكمة.......حكيم:راك مازال مراتو أعبق....أنا:كفاش؟؟....حكيم:مطلقكش فشرع مرماش عليك يمين طلاق ادا راك مازال حلالو....أنا:(بعصبية)نتا مريض بشحال مازال كادب علي من كدبة؟؟....جود:مدرتش شي حاجة غلط كانت نيتي نفرحك بزواج قدام عائلتك....أنا:صافي سكت أجود أووف غادي نهبط فحالي.....

جلسو مجموعين على طاولة لغداء لمصنف عليها اصناف أكل مغريي مميز....لجو كان مكهرب كلشي ساكت كيشوف فصحن ديالو....فيروز:يلا بسم الله تفضلوا....حلات طواجن أو غير طلع لبخار ديال ريحة لحم بلبرقوق عبق شدات فمها أو جرات لحمام تستفرغ....جود بلا وعي ناض تبعها....دخل متهجم لطوالييط.....طلع لها شعرها لفوق أو بدا كيدوز على ضهرها بلهبوط أو طلوع يخفف عليها.....جود:بشوية عليك.....أنا:أوف أععع شديك ريحة محملتهاش....غسلت فمي أو وجهي....جود:كدرك شي حاجة؟؟....أنا:لا مبغيتش ناكل صافي أنطلع نعس.....جود:لي بغيتي مهم جمعي حوايجك باش فليل نديك....بغى يبوس لها راسها مي لاحت الفوطة عليه أو خرجات....جود:يا ربي تصبرني.....

داز لغدا بسلام....تخللت عبره ضحكات خفيفة من فيروز ترطب أجواء....أما ريم طاحت عمية فدكشي شيء لي فرح قلب حكيم أو ممنعوش يضحك لها غير بينو أو بينها بزاف مرات....جود حاول ما أمكن يشتت إنتباهو بلهدرة مع نسيبتو أو مرة مرة كيلقي نضرة على درج لعل وعسى ترحم قلبو أو تنزل بحقيبتها خلاص....فيروز:ولدي عجبك طيابي؟؟....جود:هههه شنو غنقولك آري نبوس ديك ليد....قبل باطن كفها بقوة قدام حكيم أو ريم فجلسة مور لغدا على كاس اتاي....حكيم:آسي جمع فمك را مي هاديك....جود تلاح حداها أو عنق فيروز خشاها كي لكميشة فحضنو....جود:سي حكيم را نسيبتي هادي ولا نسيتي دبا هاد زين كامل يبقى بلا كلام حلو بلا دلع شوف تبارك الله على عوينات(باس وجها)أو على وجه منور را بربي كون مكانتش بنتك كون طحت فيك هههه....ريم:هاهاهاهاهاها....حكيم:(معصب)سكتي نتي أو نتا نوض تقعد من حدا مي....فيروز:هههه اويلي على لمسخوط كتعرف دوب....جود:(همس ليها فودنها)دبى بنتك قاتلك حgا ما حgا متقيسنيش بش ترجع لي دبى شنو ندير أنا؟؟....فيروز حتى هي قربات ليه من ودنو أو دوات بخفوت....فيروز:هههه أودي هاديك غا كتخربق شتي أنا كون كان راجلي فحالك عمري نشرف هههه....

دازت عشية لا بأس بها حسن على الأقل من لمشاحنات لي كانوا بين جود أو حكيم....هاد الأخيرين لي بقاو وحدهم فصالون بعدما ناضت فيروز أو ريم يعاونوا عبق فتوضيب الحقائب....سكوت كان رفيقهم تالت أو تنهدات طويلة كتساعدهم على مرور لوقت بسلام....حنحن حكيم يكسر لحاجز لميت بناتهم....حكيم:احم احم سي جود....جود:كنفضل جود حرفية....حكيم:مهم كنتمنى ختي لي اتخرج من هاد لباب متعاودش تولي دخل منو وحدة محطمة كتر من سابق....جود:سمع أحكيم يمكن عدبت عبق معايا أو دكشي لي شافتو كان صعيب ولكن تأكد أن لقيمة ديالها غادية أو كتكبر نهار على نهار فعيني أو حتى فقلبي هدشي غير بحدها أما دبا را حاملة مني يعني هي أم ولادي بمعنى أوضح هي كلشي بنسبة ليا.....حكيم:(تقرص)مزيان أنوض نشوف ما ندرير....جود:بلاتي را نفس لكلام موجه لك حتى نتا كون راجل مع ريم....حكيم:ريم مرتي أسي جود ماشي جايبها من زنقة وفر نصائحك لراسك.......جود:أجي بلاتي كيبقى داك صاحبك؟؟؟.....حكيم:هههه مكتحشمش كيف بغيتيه يكون بعدما جندختييه؟؟؟........خرج من صالون طالع لبيت حتى كتفاجؤو ريم هازة حقيبة تقيلة أو كتحاول تهبطها درجة بدرجة....إختزل درجات بسرعة أو خطف منها لبالزة كيخنزر فيها بعصبية....حكيم:واش حماقيتي ممنوع عليك تقل راك حاملة ولا نفكرك...ريم:كنت كنعاون ماما فحوايج ختي....حكيم:شنو قلتي؟؟ماماك؟؟....ريم:هههه بغيت نقول خالتي فيروز هي منعاتني نادي لها خالتي....حكيم:(بضحكة جانبية)أمم مزيان بلاما تعدبي راسك غادي نهبط لبلزات لتحت نتي غير رتاحي....مس ليها كرشها بحنان مع غمزة ساحرة....ريم:ناري يا ربي بشحال وسيم مالو هاد يمات؟؟.....

خرجو كاملين...عبق بين يدي مها أو ريم مراهم معنقة راسها من لبرد لي تحرك....حكيم خشى لحقائب فلكوفر أو جود واقف جنبوا....فيروز:أهيء أهيء بنتي لحبيبة أنتوحشك....أنا:وا ماما راني حداك أصلا مغنجلسش مع واحد فحالوا أنبقى نجي عندك ديما....فيرو:لا بنتي جلسي مع راجلك بلاما تعدبي راسك اندوز عليك أنا أو ريم أو لي تشهيتيها نطيبها لبنتي....أنا:هههه دبى مشهية غا نعاس(قست كرشي)غانديها هاد لمرة فولدي مزيان مبغيتش نعاود نفس لقصة وليت مخلوعة أمي ديك دكرى أليمة بزاف....فيروز:أنا واتقة فجود غيديرك بين عينيه مسكين كان غيطير بلفرحة بش عرف الخبار....أنا:عارفة أمي....ريم:أنتوحشك أبيبو دار أتخوى بلا بيك....أنا:هههه أجي جلسي معايا....حكيم: ماعندها فين تمشي يلا عبق جود كيتسناك فطنبل....أنا:ماما بسلامة....عنقتها بحرارة...درت نفس شي مع ريم أو حكيم....أنا:حكيم تهلا فريم عفاك....حكيم:أمم كوني هانية يلا سيري دبا....ودعتهم بقبلة طائرة أو مشيت عند جود....حكيم:يلا دخلو را لبرد ريم تبقاي تلبسي مزيان بش متمرضيش....سبقهم لداخل أما فيروز جرت ريم عندها مستغربة....فيروز:مال هدا هاد ليومين شفتو رطاب؟؟...ريم:معرفتش فحالي فحالك ولكن كيدير هدشي غير على قبل لبيبي أصلاً أنا مكنهموش....فيروز:(عنقاتها)مديهاش فيه أجي لعندي أنا نبرعك حنان هههه.....

سيارة غادية بين طرقان الخاوية....عبق ساكتة كتفرج من زاج أو جود سايق كيضحك مع لفكرة ديال كائنة صغيرة كتمشى على يديها أو رجليها....كيتخيل صوتها زوين أو بكاها فليالي أو حتى ليكوش صغير مقتاطعوش من صورتها....جود:(بضحكة عالية)ههههه أحح قلبي بشحال موحشك من دبا....أنا:(معصبة😡😡)جود باركا من بسالة را مازال مدرنا فطاجين ميتحرق دبا غنرجع لدار....جود:شكون هدر معاك مالكي محسوسة أنا كندوي مع بنتي....

وصلو لفيلا....جاو لحراس بسرعة خداو منو مفتاح سيارة أو نزلو لهم أشياءهم....تقدمات عبق كتشوف فلمكان لي شهد على بزاف لحضات منها نتيجة لي فكرشها دبا....جود:مرحبا بيك نورتي....أنا:بلاما تشري معايا سعادة....جود:(كيحل لباب)صافي واعدتك حنا ماشي دراري صغار...دخلات بخطوات مرتابكة...شعل الأضواء كاملين شيء لي عطا لمساحة ضوء بشكل كيخرب الأنفاس...جود:مرحبا بيك نتي أو بنتي فداركم معايا....أنا:متبقاش تقول بنتي بنتي حسن متصدم....جود:حاس بلي غتجي بنت راني عارف شنو عطيتك ههههه.....أنا:تفووو سافل لاخر يخ عقلك مسخ....جود:هههه كنحاول ما أمكن نتهدب بش منزيدش نوسخ لك ودنيك....أنا:كابر فزنقة دكشي علاش.....جود:(بغضب)عباااق.....أنا:سمحلي مقصدتش مهم بغيت نرتاح....جود:ما مشهية والو......أنا:لا أنا غنعس فبيت أو نتا فبيت....جود:لا بيب متفقناش على هدشي قلتي منقربش وخا لكن قضية لبيوت غير نسايها عليك....أنا:ولكن واعدتيني....جود:دقيقة فاش خرجت من باب داركم درت بوعد ديال انني منقسكش أو نتي ديك ساع مطلبتيش نفارقو لبيوت....أنا:ولكن؟؟....جود:(بدون مبالاة)لبيت راك كتعرفيه سيري ترتاحي أنخرج نكمي برا.....أنا:تفووو يخ حمار......طلعت كنخبط الأرض برجلي...دفعت لباب مدرمة....أو دغيا تفكرت ديك ليلة طويلة لي كنت فيها فوق سحاب مشي فلأرض...لكن كيف لعادة رجع خبطني بكدوبو لسابع أرض أو ندمني حيت سلمت ليه راسي....أنا:مالي وليت كنشم فيه ريحة زوينة اويلي عبق تحكمي فراسك ولاه إلى كيبان زوين أو داك صوت أحح يا ربي غنسخف....(ضربت وجهي بتسرفيقة دايزها لكلام)اويلي توgديي اش كنقول غادي نتشوه إلى مشى حصلني كنحزز فيه....شفت فكرشي كنوصيها....أنا:شوفي ابنتي ولا ولدي بلاما طيحو فباكوم على طريقي واش ترضاو تشوهو مكم ماشي حشوما عليكم أهيء أهيء ياكو قويو قلبكم أميمتي كيبان زوين بزااف....تجبدت كنتغبن....عنقت وسادة كنفكر فيييييه....أنا:ناري دبا وش أنا كنتوحم عليه ولد لحرام من نهار لبوسة فلعرس أححح سالا معايا شنو غاندير ماشي دنبي حيت هو بواس....سمعت حسو طالع مع دروج كيكحب....سديت نيفي باش منشمش ريحة....غمضت عيني حتى هما....بديت كندعي فنفسي ربي يعطيني الصبر....جود:زين نعستي أنبدل باش متشميش ريحة لغارو....أنا:لا رد....جود توجه لبلاكار خدا تريكو خفيف أو شورت....حيد هداك لي لابسو كيشوف فلمرايا....بقى كيقيس فوجهو أو مداريش أن عينيها من تحت لمخدة متبعاه مع كل حركة كتعض فشفايفها....أنا:ناري متيتز ولد لحرام اح أميمتي على درعان الله الله على كتاف ناري لحية لحية وقلة كيفكر يحيدها ناري غنقتلوو.....جود:عبق واش نعستي شوفي غندخل نحسن....أنا:(لحت وسادة أو نضت واقفة فوق سرير)وياااك كتعجبني نشوفها عليك....

جود دار حابس ضحكة أو مطلع حاجب باستفزاز.....جود:عودي شنو قلتي؟؟......أنا:كككنت كنقسد زعما بغيت نقول لبرد اااه لبرد بزاااف زعما غير بش تبقى سخون....جود:هههه كلشي على ديك سخون هههه صافي بيب مغنهيدهاش شفتي بشحال كندير لك خاطرك....أنا:(بهمس)تفووووو على شوهة يخخخخ.....جود مفارقش وجها لأحمر بلخجل...لبس أو مشى جلس جنبها....جود:مفيكش جوع خصك تاكلي على ود لبيبي....أنا:مبغيتش هاد ساعة....جود:(بمكر)لمونو كيضمي حتى أنا لا بغيتي😎😎....أنا:(شيرت عليه بمخدة)سيير خرج فحالك بسع مني....جود:هههه وا كنضحك معاااك أجي قالت لي طبيبة عندك شهر تقريباً أو فهاد لوقت كيكون لبيبي يلا كيتشكل....أنا:يا ربي لحبيب صافي تقداو لك ولتي طبيب؟؟.....جود:لا أعبق خصك ضروري تاكلي مزيان كندوي معاك بصح....أنا:اوا لكان هكاك جيب ناكل بيتزا.....جود:هي لولا....مشى كيطير وصا عليها....

بعد دقائق ستالمها من الحارس....داز لكزينة حطها فطبسيل مع كاس عصير صحي أو طلعهم لها....جود:هاهي أحلى بيتزا لأحلى عبق فدنيا.....أنا:(متلهفة)ياامي كاتبان بنينا😋😋....ماعقلتش على راسي كفاش نغامست فيها....ماطلعت وجهي حتى لقيتني ضربتها كلها.....أنا:أححح شبعت.....جود:بصحة هههه.....أنا:غنعس دبا تصبح على خير.....جود:أو نتي من أهل لخير....طفا ضو كيستعد لنوم عميق....تكا جنبها كيشوف فضهرها لي عطياتو بيه....ابتسم بفرحة هاهي أخيراً فوق سريرو بعدما كان خاوي أو بارد بلا بيها....مبغاش يقيس تا زغبة منها مستمتع على الأقل برؤيتها أو مواعد نفسو أن الأيام جاية أتكون مليئة بسعادة ليها أو لبنتو جاية فطريق....

في منتصف ليل....عبق مجهاش نعاس تسنات حتى حسات بشخيرو عاد تقلبات بشوية عندو....كحزت كتشير بيدها قبالة وجهو تقطع شك باليقين أنه نائم....أنا:مزيااان منين نعستي....زدت عندو كنستنشق ريحة الخلابة....أنا:الله كتحمق....طلعت صبعي لوجهو...بديت منزلاه من جبهتو لنيفو لفمو أو تماك حبست.....سهيت مدة فيه كنبلع ريقي...جاتني رعدة او قلبي بدا كيطبل شدوني لهوايش محسيتش براسي قوفاش عطاتني خاطري نطبع قبلة خفيفة عليه....تراجعت بسرعة لا يمشي يفيق مي الحمد الله ناعس بحال لملاك كيبان زوين....تشجعت ماشي لخاطري لكن شي قوة كانت كتجبرني تقرب ليه أو كلما كيتنهد فنعاسو كيحلى ليا😍😍....خشيت يدي لولا فشعرو كتلعب بخصلاتو طوال أو تانية كتمشط لحيتو بطء...أما عنيا كيضحكو لوجهو لوسيم...عارفة راسي كنتوحم عليه حيت فايتة جربت هاد شعور أو فبلصت لفريزة لديدة لي تبعتها فأحلامي جاء جود لي موجود فحقيقتي...أنا:هههه وينو ويييينوو بصح نتا وعدتيني متقربش مني مي هاد شرط مكينطابقش علي سمحليا جوجوتي....

إستسلمات لرغبتها فيه...أصلاً ماعندها مدير من غير تشبع نفسها بريحتو المسيطرة على حاسة شمها.....عينيها برقو بنار كتزيد تشعل كلما كتلمس حنكو أو يدها كتستشعر دقات قلبو البطيئة....ولات كتعض ففمها بش تبرد من راسها خاصةً أنه كيتنهد بصوت نائم زاد حمقها.....خشات سباعها دافين من تحت تريكو بحركات دائرية فوق من صدرو.....قطرات من لعرق فزgوو جبينها بسبب حرارة جسمها لي غادية أو كطلع.....كمشت قبضتها على طرف لكول مترددة واش ديرها ولا تسمح لكرامتها فسباق مكتعرف لقسوة ديالو غير مرأة كتوحم على راجلها.....متحملاتش فأخر لمطاف أو غلب عليها نسيم ريحتو....بدات كتبوسو فحنكو برقة مستمتعة بكل قبلة على حدة.....غمضت عينها فهاد العملية لي كانت كتجيها حلوة بحال سكر....طلعت راسها تختار مكان تاني بعدما طيبات حنكو لمقابل ليها....مالقاتش حسن من عنقو تشم عبيرو رجولي لي جدبها لتماك بحال لمغنطيس....أنا:أممم الله بشحاال فاااان أممم.....هزات يديه حطتها على حنكها أو ولات كتشوف فيه مركزة على نقطة وحدة....حلات يديه بجوج أو طلعت فوق منو....كتمنى من قلبها يفيق أو يشاركها تدفق مشاعرها لجياشة من ناحيتو.....ردات شعرها لور كتحاول تحرك قدر المستطاع بش تنوضو....لكن خسارة كل محاولاتها باأت بلفشل....أنا:فييق تفو تقول ميت جوجوو جوجو وا فيق....جود استجاب لها فلاخير....رسم إبتسامة جانيبية قبل ميدور بيها على جنب تاني....ضحكت ليه كتسبل عينيها بإغراء....جود:(قرب حدا ودنها بهمس)بلا ما تحلمي أعبق....ختم جملة ديالو لخطيرة بضحكة جريحة لكرامتها أو ناض تاركها مجبدة مصدومة....جود:دبا شنو كيقلب على تاني بلاما تفكري تغريني بجوج بوسات....تقعدات كدمع لا بل كتسمح سيل دموع طويل على حناكها....أنا:(بصراخ)كترفضني ياك؟؟....جود:(مطلع يديه سما) هاهما يدي عندي ملتازم بلوعد ديالي....أنا:أهيء أهيء سكت كفاش عطاتك خاطرك تقمعني هاكا....جود:هههه أنا عارف لاش بغيتي تسفزيني بش نخرق شرط أو تلقايها سبة لا لا عبق مغنسمحش لك.....أنا:أهيء أهيء وا أجي لاش مبعد....جود:عرفتي شنو أنمشي نعس فبيت خرا....أنا:(بلغوات)لا أجيي....خرج كيجري أو نضت تبعتو....جود:وا بعدي مني مصيبة كحلة فهاد ليل....أنا:وااا أجييي جووود....دخل لبيت سد عليه....بقيت كندق بجهد....أنا:جود فتححح لباب متعدبنيش عفاك صافي بقى غير حدايا....جود:نتي لي تشرطي أو أنا واعدتك وعد رجال سيري تنعسي أعبق....أنا:أهيء أهيء عفاك....جود:لا سيري.....أنا:ولله لا مشيت بلاتي تشوف شنو غاندير لك....مشيت لبيت تجبدت فوق سرير أو طلقت لدموعي لعنان....غوت زعما را داراني كرشي أو شدني لوجع.....أو فعلاً تم هاجم كينادي بسميتي بخوف....جود:عبق عبق نتي بيخير شنو كيدرك؟؟....جلس جنبها أو جرها حداه....قاس فكرشها بحنية....جمع خصلات شعرها طايحين لور....جود:مغنديرش دكشي لي فبالك أعبق....دارت شافت فيه بعتاب كبير أو هو مازال كيلقي على مسامعها رفض ديالو ليها....جود:خصك راحة بش تدوز فترة لحمل بسلام....أنا:مشي بهاد سهولة.....دفعتو بكل قوتي على ضهرو.....طلعت من فوقو كنهج بجنون.....أنا:ماشي نتا لي كتعرف تبوس بزز مني ليوم غتجرب نفس شعور أجود أحح بشحال كاتبان سكسي ليوما ناكلك....

ما إلى وقت من صدمة لي غيستوعب فيها لجرأة ديالها....معطاتوش حتى وقت يدير شي ردت فعل...لقى شنافتو لفوقانية وسط فمها صغير....تدهش بمعنى لكلمة....يديه تبلكاو فسما أو هو كيتلقى كمية ممعقولاش من قبل طويلة....وخا يكون حجر يتهرس وخا يكون جليد يدوب....دور يديه على خصرها أو ناض بيها....بعد براسو لور....رجعت لجدية حتاكرات على تعبير وجهو لغريب من نوعو....جود:عبق شنو كاديري....أنا:مقادراش أجود بوسني عفاك....جود:تراجعي على هدشي قبل ما تندمني....أنا:(بإغراء)لا مغاديش ندم....جود:أتحملي نتائج حيت (بصوت كيدوخ)أنا موحشك بزاف....جريتو من كول تشورت لمسافة ولات كتبعد غير بشعيرات بسيطة بنا....أنا:أنا كتر....دخلت ليه سحر مبادلة شوق كأنها عطات ليه ضوء الأخضر...أو فعلا بدا سباق بإلتقاط شفتيها بإحكام....بقى كيزيد بسرعة لقدام....مد يديه هي لولا يصد باب لبلكار...عد باش كالها معاه بلطف....جاع هادوك الأيام لي جلسوا بعاد فيها بداو كيفدويوها فهاد لقبلة....جود مكانش مستعد لهد ليلة حلف يحميها من راسو حيت عارف أنه عنيف فهاد لقضية أو كل مرة كتخرج منها هي الخاسرة....ولكن كيبقى راجل فنهاية لمطاف ميمكنش ليه يصبر على مرأة فحالها....أما عبق داخت بكل ما تحمل حروف دوخة أو الشلل العاطفي من معنى...لمداق كان أشبه ليها بلعسل شهد الحلوة لمهم أنه كان بنين....نزلت سباعها من لتحت أو بدات كطلع ليه تريكو لفوق....هاد لحركة كانت رحيمة لجود بسبب لعافية لي شعلات فيه....رماه بعيد أو وقف كيتنفس بسرعة حدا ودنها....عبق متوقفتش كأنها مضادة معاه....دوزات بلمسات كتحرق بشرة كتافو أو رقبتو بفتيل كيعرف مزيان هدف ديالو....جود:(بهمس)عبق؟؟....أنا:جوود....جود:علاش كتبغيني؟؟.....شعر بيها توقفات على لحركة....حيد وجهو من شعرها يستدرك بسرعة ردت فعلها.....نزلها على الأرض...قبط راسها أو باس جبينها بقوة...شبك سباعو بسباعها....مشى بزربة خدا تريكوه لبسو بخفة....عبق مافهمت والو بقات غير تابعاه من جيه لجيه.....لبس جاكيت او لبسها حتى هي قميص صوفي ديالو....جود:خصنا نمشيو واحد بلاص توحشتها بزاف بلا بيك مابقات كتعبر لي والو........

عبق من لحضة ركبات معاه بطنبل أو قلبها كيزدح بجنون....كان متحمس بزاف حتى سياقة خدات ليه وقت قياسي....توقف جنب لكورنيش أو خرج حل لها لباب...جود:(مد يديه)هبطي أحياتي....شديت فيه مستغربة من لمكان فهاد لوقت...أنا:جود علاش جبتيني لبحر؟؟.....جود:أجي....كانت دنيا خاوية كتصفر...رفقاء الموجودين معنا هما بكل بساطة ريحة لبحر صوت لماج أو أكيد سخونية يد جود لي كتجرني بلا هدى وسط رملة....توقفنا تماك...نزل حيد سبرديلتو...أو داز كيفك لي خيوط سندالتي....أنا:شنو كادير؟؟....جود:شي حاجة تقلات عليا فقلبي أعبق بغيت نخويها لبحر أنهزك لا تمشي دخل فيك شي زاجا....ستسلمت ليه أو بقى غادي منتبايه حتى وصلوا لشط....نزلها برفق مستمتع بلهواء لي كيطير شعرها فكروا فبزاف لقطات ماضية..أنا:أووووف جود لما بارد بزااف اييي ميمتي بارد....جود:(بجدية)عبق عقلتي واحد نهار شنو قلت لك على لبحر؟؟....أنا:فدبي باش لحتيني هههه.....جود:قلت لك أنه ماعمروو منصفني كنت كنكرهو من قلبي ولكن معاك تبدل كلشي ولا كيجيني أجمل ما خلقو الله من بعدك....شد فيدي أو تقرب مني كتر...جاني صوتوا غريب بزاف لدرجة تقبط علي قلبي معلن صافرة الاندار....جود:البحر خلانا أنا أو ياك فوسطو نعيشو أجمل لحضات ولكن لحضة وحدة هيا لي كانت فارقة معايا....كنقسد بش عرفتي أنك كتبغيني....

حلت فمها ناوية ترد عليه...لكن سرع أو غلقوا لها بحركة سريعة....جود:خليني نكمل....عارف أنك كتبغيني أعبق قلتيها لي جوج مرات...مرة لولا كانت قاسية بزااف أو مرة تانية كتر حيت فعلا حسيت بيها...كتبتي لي فرسالة كلشي تخيلي بلي حفضت كل كلمة أو بقات معايا فنما كنمشي محتافض بيها بحال لكنز لمعندوش تمن....هي لي كانت كتصبرني على الأيام فاش كنت بحدي....كون ما هي مكنتش غنعرف شنو غيطرة لي حيت مبقيتش كنتقبل جود بلا عبق.......تأثر بان بوضوح عليها....طلعت يدها بتوتر فوق قلبها تكالمي دقاتو المتسارعة....ولات كطيح فحفرة عينيه البراقة مع لؤلؤ لقمر لي كيضرب فيهم....مقدرتش تخفي إنبيهارها بيه حيت كل نهار كتزيد تعلق بيه كتر من لي فات....خشعات بأنضارها لي كتحاول تفسر وجهو لملئ بصور كادوز بحال شريط سينمائي لي يستاهل ياخد جائزة أوسكار على الأقل بنسبة لها بحدها....شد فيدها أو جرها ما أمكن عندو....فتح فرقة شعرها أو خلا يديه تماك فوق حنكها زادوا سخنو بشرتها.....جود:(بصوت رقيق)عبق باش قلتي لي مفهوم سميتي على أنه لكرم أو لعطاء لي عطيتو لك أنا كنقلك نتي هي عبق حياتي نتي هي رائحة جميلة لي كنستنشقها فبلاصة الأوكسجين....فاش قلتي لي أنك من لحضة شفتي عيني تعلقتي بهم أنا كنئكد لك أنك كلك كتسواي عندي دنيا أو مافيها....فاش دكرتي البلايص لي كنا فهم بجوج على أساس أنهم أجمل ما دوزتيه فأنا كنقسم لك أعبق أن جود تولد فيهم بعدما كنت راجل ميت مكيسوا وآلو....بداو دموع كينزلو ليه من فوق سباعو ولكن مامسحهمش بل كانوا كيعطيو ليه دافع أكبر يكمل تال لخر...كأنهم لوقود لي كتهيج نيران فصدرو.....جود:كتبتي بلي كتحسي بلفرحة أو كتولي فراشة بين يدي أما أنا أعبق كنشوف فيك وجه مي لي عمرني شفتو فحياتي....عبق خرجو عينيها بصدمة....حطت يدها على حنكو لكن سرعان ما نزلو دموعو حتى هو فوق يدها....جود:آدم كرهني لديك درجة أعبق معطانيش حتى فرصة نشوف الكرش لي هزاتني أو جابني لهد دنيا...ماريا دارت كل جهدها ترسمها لي فلوراق أو توصفها لي لكن متوصلتش كونت كنتغدد أو عقلي كيحرقني بكترت ما كنعطيها صورة فبالي أو مكنجحش فالأخير.....ولكن باش جيتي نتي كنحلف لك وليت كنحط راسي أو بالي مهني من هاد ناحية حيت حتليتي مكانها بكل نواحي من طيبة ديالك من ضحكة من قلبك من لمسة ديالك أو جمالك جاع هادوك لمشاعير لي غير كنت كنسمع بيهم على لأمهات أو مكنفهمش لقيتهم فيك....زادوا نغامرو دموعها بكترة لدرجة وجها مبقاش مفرز....دارت كتشهق أو كتافها كيطلعو أو ينزلوا دليلا على صعوبة إثارة أحسيسها.....جود خشى يديه فجيابو....سكت شوية كيشوف أنهم فضلام لكن بفضل شعلة حبو لها كاتبان ليه المصباح لي ضوا لوحدة أو ضمد اصابات أسهم لغدر اللعينة....جود:عبق نتي فعلا الشتاء لي نمات أزهار فقلبي المصدي نتي طير لي حلق بجناح الأمل شد فيدي برا كلمة صعيبة سميتها اليأس كانت طاغية على حياتي لي كنقولها أو كنعاودها كانت فارغة بلا بيك....أنا:أهيء أهيء سكت صافي عفاك سكت أهيء أهيء😭😭....طحت فوق رملة كنبكي بحرقة متحملتش صافي بركا قلبي غيسكت من حلاوة إعترافو.....أنا:(سديت ودني)الله يرحم لك لولدين لما حبس أهيء أهيء😭 ولله ماقدرت أجوود كتعدبني هاكا.....جود:(حنا حداها)عبق وليت كنشوف فيك صورتي عفاك سمعيني....حيد يدها حطهم على صدرو أو مسح بلأخرى دموعها....جود:بدا دكشي بنقطة إعجاب أو زاد كبر أو كبر أو كبر حتى ضخم هنا فوق قلبي كتحسي بيه كفاش كيعيط بسميتك....أنا:كيكيفاش؟؟.....جود:(بتنهيدة إرتياح)كنبغيك أعبق <3 كنبغيك لحد وليت مجنون بيك ......

إحتاضنها بسرعة حيت علامات رعشة المرعبة خوفاتو عليها.....جود:(باس راسها)كنبغيك كتر مكتصوري أو غنبقى نبغيك أو نعشقك حتى يدي الله روح مني....سكنات فحضنو كون مكانتش قريبة منو أو قلبها كيضرب بشكل مهول كون سحابله ماتت....جبد وجها بلطف....شدات فمعصم يديه كتتغبن بكاء صامت من عينها لي مزالين مصدومين....شفايفها كيرجفو أو كتلة كطلع برعب فحلقها....جود:غدي تجيبي ليا بنت ولا حتى ولد لمهم قطعة منك لي أتولي تسخن فراشنا تخيلي هههه أتعمر علينا بضحكة ديلها ولا ديالو أو يبدا يلعب هنا أو هنا هههه أيولي قلبي كيتمشى على جوج رجلين أو نتي أتكوني أو أتبقاي محور حياتي حيت....معرفش كي دارت غفلاتو ببوسة قوية بعتت فأوصالو أنها كتبادلو نفس شعور لمقدس أو يمكن أكتر....تخلطو دموع معها أنفاسهم سخونة لبرد لي كيلوح بشعرهم بجوج....حتى من برودة لمياه لي كضرب رجليهم فوق من رملة رطبة ما كان عليه حتى تأتير ربما غير كانت كتخمد نار حبهم لقوية.....عنقات وجهو كتبكي او كتمرغ نيفها فوق حنكو فحلا كتيقن أنه بصح عتارف ليها....أنا:أهيء أهيء😭😭 حتى كنبغيك بزاااف أجود كنبغيك بزااااف ولله أهيء أهيء....جود:هههه عارف بلي كتموتي في غير هو فيك جبهة...أنا:هههه سكت هههه دبا ماعرفت واش نبكي ولا نضحك....جود:بكي ولا ضحكي غوتي هبالي حماقي تقلقي فرحي ديري لي بغيتي أعبق لمهم أنه أيكون معايا إو أنتقبلك كيفما نتي....أنا:(متأترة)علاش خديتي هاد وقت كامل كانوا مابين أحلامي نسمع منك هاد كلمة....جود:تسنيت هاد لحضة لي نكونو فيها بتلاتة أنا أو ياك أو بنتنا.....نوضني بحركة سريعة....بقى حاني على ركابيه أو شد خصري كيهدر مع كرشي جابلي ضحكة....جود:شفي نتي سمعتي بودنيك بلي مك دايرة حالة وياك مطلعيش بنت را غنحماق هههه لا كنضحك أنبغيك كيفما جيتي أو طلعي كتشبهي لها عفا بنتي هههه....أنا:ههههه واش حماقيتي؟؟....جود:(بس كرشها أو ناض عنقها)ههه أتكوني سولتيني هاد تسويلة شي سبعين ألف مرة ااااه أنا حماقيت (بصوت عالي)أنا كنبغيك هههه.....عنقاتو بجهد كتمحي من داكرتها جميع لملفات سيئة بناتهم مستمتعة بجمال أو دفء لحضن ديالو كأنه تعريف الأمان أو لحماية أو زيد عليها ملجأها لوحيد....رفعها على الأرض حتى قابلها مع وجهو.....بداو كيضحكو بجوج قبل ميقبلها بحرارة فوق حنكها أو تستقبلها مغمضة عينيها بإحكام....جود:كنبغيك أحياتي نتي أو أنبغيك كتر كل نهار أما ولدنا جاي غيكبر مكانتك فقلبي يا أم ولادي....أنا:(دمعو عينيها من جديد)بشحال زوين ههه كلامك زوين أو نتا زوين أو كلشي فيك كيحمقني.....جود:هههه ياك دكشي علاش كنتي باغية تعداي علي قبيلا هههه....أنا:ههههههه😂😂 بليتيني....جود:(بهمس حدا ودنها)ويلا نمشو دبا نكملو دكشي لي بديناه....

بداو بعدا المشاكسات فطنبل....طريق رجعة دازت غير قبل أو لمسات منها....دور دور أو تلاح عليه أو حتى جود مسايرها بقالهم غا يديرو كسيدة.....فرانا بجهد أو جابها فوق ركابيه دايبين فقبلة طوييلة....جود:أمم باركا يلا نزلو دبا....أنا:كنبغيك أحياتي....جود:هههه انوري مك لبغو كدير لداخل....ضحكات بجهد سد لها فمها أو نزل مخرج عينيه فلحارس لي جاء ياخد منو لمفاتح....جود:احم دخل طنبل أو غبرو تال صباح عاد أجيو ولا عرفتي شنو سيرو عند جمال يدبر ليكم نتا او صاحبك جهة خرا....لحارس:وخا سي جود تصبحوا على خير....عبق جرات وجه جود لتحت غلباها ضحكة....أنا:جود سربي قالك مسكين تصبحوا على خير....جود زير على فمو قبل ما تخرج ليه ضحكة أو حمر فيها تجمع راسها....جود:تصبح على خير يلا نتي قدامي....جرها مراه كيفرنس....فتح لباب بهدوء تام....أو دغيا قلبها عندو كيلتاهم فشفايفها...ماقدرش حتى يهدر....هزها عندو أو مبقاش صابر حتى يطلع لبيت....صافي بغى يحماق عليها أو هي متشبتة بيه كتزيد تحمض على راسها طرح....حطها بلطف على لكنابي أو طلع من فوقها محاول ما أمكن ميتقلش عليها.....حيد لها تريكو صوفي أو حتى هي كانت كتجر ليه جاكيت....بدات كتأوه ليك أو كتعض ففمها أما يدها محبسوش فلمس صدرو بحركات مغرية....جود:هداي أعبق متديريش معايا داك لعب....أنا:كنبغيك بزاف أجوجوتيي أحياتي اقلبي كنموووووت عليك....جود:سكتي لمك هههه....طلعات تعلقت فيه أو طبعت قبلة فعنقوو كتحلون بصوت سالا معاه.....جود:عبق واش باغية تحمقيني....أنا:هههه وا مالك مالك مموالفش تسمع عبارات لغزل من بنت....جود:هههه لا سمعتهم غير هو من مرا لي كنبغي مازال....أنا:اوا سمع أسيدي أنا را كنبغيك أو غنكون مراتك أو مت ولادك أو ماماك أو حتى باباك ولكن عنداك غاتزاد لبنية أو تنساني....جود:هههههه بربي حتى عاديتك مكنتيش مسطية....أنا:وا عنداك تقلب علي ستة تسعود را كنغار....جود:على أنا نقد ماندللش مرتي أصلاً نتي لبدية ديال لحب أزين أو لبنت غنكملوو بيها شقف باش نيت تساليو مع جد بابايا الكلب هههه....أنا؛هههه وا دابا بقى على لوعد ديالك.....جود:نبرهن لك من دبا.....أو فهاد الأثناء إنتهى لكلام المعسول بدات الأفعال الغرامية من قبل كيسطرها جود على بشرتها بإسمو أو بطعم ديالو لمجنون....

***في صباح***:

فاقت كتكسل ضاحكة بإبتسامة مشرقة....بحال ديك لقطة ناعمة لي خدات ما يكفي من الإهتمام أو لحب رعاية من مالكها لوحيد....جود مازال ناعس باينة عليه سعادة وخا فنومو....تسخسخ ليل كامل ولكن مكانش أجمل من تعب حلو أو بنين لديك درجة...عبق دارت يدها على راسها أو قربات كتشوف فيه بغرام ولهان....اش غادير كتبغيه أو كتحماق عليه كيهتم بيها كيرضي أنوثتها كيخجلها بكلمات غرابين على مسامعها...كيخلي قلبها يرفرف بمشاعر قاتلة....أو باش كيكملها أو يجملها كيدوبها فيه بحل قطعة سكر بغزلو لجريء....أنا:جود حبيبي فييق براكا عليك هههه.....جود دار لجيه تانية كيغمغم بإحتياجو لمزيد....طلعت فوق منو غتموت بضحك أو كتبوس حناكو بقوة....أنا:جوجو ههههه وا فيق اويلي را صباح طلع فييق هههههه😂😂....جود:أووووو عبق خليني نعس....أنا:فييق فييق فييييق ههههه....جود:(بعصبية)عبق متكونيش أنانية ياك درت معاك لازم أو بت خدام وا كوني زوينة أو خليني نخمد.....

بعدات عليه كتصوط بلفقسة....لوات عليها يزار أو ناضت لحمام....شعلات جاكوزي خوات فيها لما دافي....مشات حدا لمرايا كتفرنس لجمالها زايد على حدو....أنا:الله على فرحة هههه .....فلتات لغطاء من جسمها أو بدات كتقيس فبطنها بحب....أنا:أجييي ابنتي دغيا تكملي سعادتنا...تنهدات بإرتياح كبير كأن حمل ضخم أو حيد من كتافها....فاجأها جود بضهورو على إنعكاس المرآة....متحركاتش كدعيه بعينيها راغيبتن أنه يجي...أو فعلا قرب لها خطوة بخطوة حتى دور يديه على كرشها...باس رقبتها من لور أو رجع كيشوف فيها بهيام....جود:زعما متخلينيش نعس ضروري من صداعك....أنا:بعد مني مقلقة منك....جود:ياك انكارا لخير هههه ولكن تستاهلي....أنا:هههه ولايني فمك مسخ صافي خليني ندوش.....جود:هههه يلا قدامي....زادت كتعوج أو هو بقى مشتت....شد فقلبوو أو تبعها كيعض على فمو....أنا:(بحماس)جود نغسل لك شعرك عفاك....جود:هههه حتى توصلي....أنا:عفاك جوجوتيي حبيبي نزل شوية نغسل لك شعرك دهبي لفن أحح أميمتي كيهبل....جود بقى غا كيضحك بسنانو لبيضين أو إبتسامة الخلابة كيشرشم لها لمشاعير....لبى ليها طلبها أو جلس على حافة لبانيو.....أنا:هههه ندير لك شانبوان.....جود:هههه ديري ديري....خوات ليه فشعرو كمية أو بدات كتحك فروة هزات مشطة جبدات ليه بها جدرة زغبة....جود:وا عبق بشوية.....أنا:سمحلي هههه هاني بشوية.....كملات ليه بلطف أو حتى هو استحلاها مآمن 100% بلوصف ديال الأمومة لي شبهو بيها.....كملوا دوش أو خرجوا لبسو....هبطوا وجدو لفطور فأجواء ضحك أو لغزل....كل دقيقة يقبلوا بعض يشبع لواحد من تاني أو يعوض الأيام السوداء لي خربت حياتهم.....جود قربو يدمعو عينيه لرؤيتها بشكل خاطف كفاش فرحانة أو كادور حداه بحال لفراشة....بشعرها طويل أو عينيها لمبتاسمين....بأطراف فستانها زهري كيلعب مع تحركاتها لكتيرة....جود:عبق كنبغيك بزاااف.....وقفات مبتاسمة ليه....جرات عندو أو دغيا التاقطها في حضنو....أنا:تا يانا كنبغيك شكرا أجود حيت بدلتي حياتي الأجمل....جود:منقدرش نعيش بلا بيك نتي لي شكراً حيت صبرتي على راجل بحالي أو شكراً حيت غتعطيني قطعة منك....أنا:(بستو)صافي مبغيتش نبكي هههه يالا ناكلو فيا جوع.....

بعد لفطور....مشاو عند فيروز....عبق مع دخلة ضربتها لمها بتعنيقة حارة....فيروز لاحضات وجها لمشرق أو ضحكة المليئة بسعادة فعينيها....أنا:مامي فين هي ريم؟؟....فيروز:لفوق....أنا:أنطلع عندها....فيروز:أجي بلاتي....شكون داها في نداءها....نقزات كتجري لطابق لعلوي أما جود عبر على حركتها بضحكة جميلة.....فيروز طلعات فيه بشكر أو حتى هو بادلها نضرة بإطمئنان.....فيروز:كنشكرك أولدي ماعمري ماشفت بنتي بهاد لحماس أو لفرحة....جود:(قبط يدها)أنا لي كنشكرك أنسيبتي حيت جبتي لهاد دنيا نصي تاني....باس لها راسها أو عنقها لأول مرة....فيروز:متبقاش تعيط ليا نسيبتي قولي ماما....جود:هههه ياك وا نخاف لندخل كومبا مع ولدك....فيروز:هههه خليه يموت جاع نتا ولدي طويل هههه....

عبق مالقاتش ريم فغرفة ديالها...بدات كتقلب فلبيوت والو حتى أتر....أنا:وايلي ياكما تكون فبيت حكيم ولله تا نشوف.....بلا تفكير جوج مرات تهجمات على شومبر خوها.....تصدمات مخرجا عينيها فلمنضر لغير متوقع.....

كانت ريم ناعسة فوق سرير حكيم....عاطية بضهرها لعبق أو كتشخر بجهد....جلسات جنبها حابسة ضحكة أما فرحتها زادت أضعاف مني صفات لخواطر بين خوها أو أعز صديقة عندها.....أنا:ريم حبيبى؟؟....تململات فنومها لجيهتي كتحك عينيها او لعابها سايل جنب فمها ضحكاتني بانت بحال شي طفلة صغيورة....ريم:عبق جيتي؟؟...أنا:هههه هاي هاي هاي ناس وفين ولاو كينعسو....ريم:شنو؟؟....(خدات وقت إستيبعاب مع كانت دايخة غير فهمات نقزات كدير بيدها حركات نفي)....أنا:ههههه فهمت مسكينة صافي ياك نتي مراتو....ريم:وا لا راك فاهمة غلط دبا أنا البارح كنت ناعسة فبيتك عادي شدني شي وجع فليل بديت كنتقطع أو كنين شوية دخل علي خوك وقلة سمعني كان مخلوع أصلاً رانا هازة ولدو بسيف ما يتخلع....أنا:وا ريم راك مت ولدو مني كتجيبي هاد هدرة؟؟....ريم:(جلسات كتهزز كتافها بلا مبالاة)أنا مكنهموش كون مكنتش حاملة ميديهاش في....أنا:كتبغيه؟؟.....ريم:(بنضرة شبعانة غرام)اااه كنبغيه كون مكنتش كنبغيه غادي نحرمو من ولدو مدى لحياة أو نتاقم منو أو ندير ما فجهدي باش نشوفو معدب ولكن أنا بصح عشت معاه أيام زوينة أووووف خلينا دبا مني شفتك فرحانة تصالحتو نتي أو جود؟؟....أنا:هههه آه قاليا لبارح بلي كيبغيني تخيلي بشحال جلست معاه او فلخر عتارف لي بشكل زوين أو كيحمق....ريم:(بنبرة أليمة)الله يخليكم لبعض تهلاي فيه حيت كيستاهل....أنا:(بلمسة تشجيع)متقنطيش أريم إلى حكيم مبغاكش دبا را قدامكم لعمر كامل أو زيدون سبب علاش تخاصمتو دبا هاهو لحمد الله تحل....أنا:شوفي كدايرا أنا حالتي كيف لبرهوشة....أنا:هههه ولله حتى فنا كتحمقي شعر عسلي أو العوينات خضرين لبيوضة مشاء الله بحال لحليب هدشي كامل أو مزويناش باز يا ختي....ريم:وخا هكاك مكنبانش بحال مرا ناضجة بحالك نتي....أنا:أمم صراحة عندك ألحق فهادي شوفي شري حوايج تبينك كبيرة أو نساي عليا هاد ميكي ماوسات.....ريم:هههه وخا يلا نفطرو مشهية ناكل لفرماج....أنا:هههه أنا هاد ساعة لا قتلك شنو مشهية يدرك خاطرك الساطة.....ريم:شنو هههه؟؟....أنا:زيدي خلي داك جمل راقد(قست فكرشها)وينو على عميتو بدا كيبان أو يكبر لينا ويتك ويتك....ريم:هههه اااه بدا كيربي رجيلات....أنا:كنتمنى ولادنا ينسيونا فدكشي لخايب لي عشناه.....

"الله بيديه أنه يبدل حالك من تعاسة إلى فرحة...من يأس للأمل...من كره لعشق....الله بحدو لي يقدر يلاقي قلوب أو يجمعها حتى يصيروا مالكيها جسم واحد....دنيا ماشي ساهلة أو الإختبارات لي كيدوز منها أي واحد فينا كتمتل ليه فرصة يستدرك نفسو أو يتعلم باش يولي أفضل....شخص مكيبقاش كيمتاز بلآدمية حتى كتصبغ حياتو بألوان مختلفة منها الأسود دليل على لحزن منها الأبيض دليل على نقاء أو صفاء لوردي لصداقة لأحمر لحب كل لون كيبصم طبعة فقلبنا يئيما كتردنا حسن يائما كتحبطنا أو ترمي بينا لبحر كبير من الإكتئاب...."

***بعد 5 أشهر***:

دخلات عبق مع جود طايرين بسعادة لعيادة طبية نسائية....مراهم ريم أو حكيم شادها من يدها.....أو عاد فيروز هي الأخيرة مستمتعة بجمال ولادها أو حفادها جايين....جود جلس عبق برفق كيحاول يقاد لها وضعية مريحة خاصةً أن كرشها كبرات بزاف....حنا لمستواها أو شربها لماء بإهتمام....أما ريم قالت لها متعرفي والو بكرشك....ريم حالة خاصة لبطن ديالها تنفخ بشكل كبير أو كانت شبه متأكدة أنها عندها توام....أو هدا هو سب زيارة ديالهم لطبيبة لمكلفة بيهم من بداية الحمل.....بغاو يعرفو جنس لمولود بنسبة لهم بجوج.....ريم تكات براسها كتقسح بلوجع لي ولا فغالب الأحيان كيسعقها وخى عندها غير 7 أشهر أو مازال مدخل شرهها....حكيم:بشوية عليك أريم نجيب لك لما؟؟....رم:أحح لا لا آشوية أو يمشي....جلس جنبها أو قبط كف يدها باسو بشكر لتعب ديالها معاهم بجوج....حكيم:تحملي شوية مبقى قد مافات....ريم:(ضحكت ليه)بصح مبقى والو أو نشفوا ولدنا ولا بنتنا هههه....حكيم:ههه لي جاء مرحبا بيه.....

فجهة لمقابلة جود كان سخفان بلخلعة....هاهو وصل لنقطة لحقيقة أو لامجال للتراجع.....كيتخيل يخرج من داك لباب أو متيقن أن لبنت ماعندها حتى وجود كيحس بحالة خنجر أو مزق صورة لي عطاها لها فخيالو....كيشعر أنه خائن بعد المراة أو كيضلم لجنين ولكن ما عندو مايدير كيبقى حلم أو ياريت يتحقق ليه.....خرجات فرملية من لغرفة مبتاسمة أو شافت فدوسي قبل مدعي ريم للدخول هي لولا....

مرات نصف ساعة بضبط....تحل لباب أو إدا بحكيم خارج ضاحك أو ريم بين دراعو حتى هي مفرنسة....جود:أمدرا شنو عندكم؟؟....أنا:شنو عندكم مالكم ساكتين؟؟....حكيم:هههه عدنا ولد....أنا:ياااي مبروك أخويا.....عنقتو أو نفس شي كان من ماما شوية تحلق بلا جنحين تعلق زغروتة مجهدة....فرملية:مدام لوكاس ههه يلا نوبتك؟؟....أنا:وخا يالا جود....جود: في شي خلعة قلبي غيسكت.....دخلنا عند طبيبة...رحبت بينا بابتسامتها لمعهودة.....طبيبة:أهلاً عبق كيدايرا مع لكريشة؟؟....أنا:لباس هههه.....طبيبة:سي جود أو نتا كتبع تعليمات؟؟....جود:(بقلة صبر)غا طلقينا مدام متبع حتى من معالق سكر لي خص نديرهم لها فلحليب....طبيبة:هههه برافو يلا عبق تجبدي بش ندير لك جيل.....مور مقادات لها لوضعية أو ملسات لها جيل على كرشها....بدات كدوز الآلة فوق من بطنها ببطء أو صورة الجنين كتحرك فشاشة....جود تأتر لهداك لمشهد سالب للأنفاس أما عبق دمعات بفرح لفلدة كبدتها لماجيا لدنيا بعد شهور قليلة.....طبيبة:أمم بيبي صحتو مزينة حتى دقات القلب هما هادوك....أنا:شنو عندي؟؟....طبيبة:عندكم...

خرج جود بسرعة أو تلاح على لكرسي شاد فراسو لتحت....فيروز تخلعات لبشارة لي كانت على وجها تحولات لفزع....جلسات حداه كتجرو من دراعو يجاوبها.....فيروز:مالك أولدي فين هي بنتي شنو واقع؟؟....جود:لا رد...حكيم:مال هادا بلاتي نسول على ختي....يلى بغى يدخل تمت عبق خارجة شد فيها لبرا...حكيم:مالكي مال جود معصب؟؟....أنا:لا رد....حنيت عيني لأرض شادة دموعي بإرادة من حديد....تقابلت مع جود مقدرتش نحني بقيت غا مصدومة من ردت الفعل ديالو لقوية.....فيروز:شنو واقع أبردي خلعتوني؟؟....أنا:جود؟؟....جود طلع راسو فيها أو كان كيبكي اااه كيبكي.....أنا:اويلي كتبكي؟؟...جود:فرحااان عندي بنت هههههه....ناض جرها عنقها أو فنفس لوقت كيضحك مع بعض دموع لفرحة....جود:لحلم ديالي ولا بصح ههههه عبق كنحماق عليك....فيروز حتى هيا بكات كتشاركو سعادتو أو خاصةً أن حفادها ايجيو منوعين....فيروز:(كتزغرت)الله على ولادي ييووويوووي الله مبروك عليكم....(باستهم واحد بواحد كتبارك لهم)....جود معرفش كيفاش يعبر ولا بحال لحمق كل شوية كيفاش كينقز قلبو لديك الكرش لي حاملة ببنتو.....جود:عبق كنبغيك ههههه غنموت بلفرحة....أنا:هههه حتى أنا كنبغيك......معبر حتى حد أو قبلها بقوة.....فيروز دورات وجها بخجل...ريم هربات جلسات حشمانة أو حكيم كيزيد يغرق فندم حيت كيشوف راسو مكيعطي حتى نقطة من الحب لريم....تنهد أو مشى لعندها....كانت كتمس كرشها او تهدر كيف ديما مع ولدها....حكيم:ريم أنا فرحان بزاااف بلولد أو نتي؟؟....ريم:هههه بزاااف أنا ولد أو عبق بنت سيدي ربي فرق علينا بلعدل هههه....حكيم:كنتمنى ضحكة ديالو تكون بحال ديالك حيت كتحمقني.....ريم تفاجأت ديما كيرمي عليها كلمة بلفن أو كيخليها مظطربة معارفة ساسو من راسو واش كيبغيها ولا كفاش؟؟؟....أصلاً هاد 5 أشهر تغير بزاف مشي غير معها انما حتى مع نفسو....ضحكة بعدما كانت منعدمة ولات كتزين وجهو بزاف مرات....رجع لصلاتو أو إيمانو..ولا هادئ أو مهتم بيها بلا قياس....كينوضها كل صباح بدون ملل ولا كلل دير بعض تمارين صباحية....كيجيب لها لي تشهاتو....كتنعس فبيتو أو مرة مرة كيلوح لها كليمات زوينين....ولكن لي واحل لها فحلقها سبب لي مخليه ساكت أو متجهم....حتى منين كتحصلو ساهي فيها....كيقلب دغيا عينيه مداعي لعمل....حكيم:مالكي؟؟....ريم:لا لا والو يلا نمشيو....حكيم:مي يلا عبق مغتمشوش.....ردات عليه بحركة زعما غا سبقونا.....أنا:وا جود هههه الله يهديك طلقني.....جود:ههههه بربي حتى فرحان شنو نديير شنوووو نشري لبنتي نجيب لها بيت لعاب لمنيكات أو يكون كلشي وردي ياك أو نديرو لها لفراشات فسقف أو موسيقى دراري صغار نجيبو لها ننوس كبيير لا جوج ولا ربعة جاع أو.....عبق ضحكات ليه على حماس زايد أو مكرهاتش هاد لبنت تولد ليوم قبل من غدا باش لفرحة عمرها تفارق حب حياتها....أنا:جود باركا هههه حتى تزاد دبا لي كيهم أن لبنوتة اتحضا بأب فحالك أتكون بنسبة لها أجمل أب فتاريخ هدشي كيكفي....جود:هههه بصح غنبغيكوم بجوج شكراً حياتي....

وصل حكيم فيروز لدار....حيت دعا ريم لمطعم أو وافقات لكن فيروز رفضات مداعية لعياء بش تخليهم على راحتهم.....داها لأحلى ريسطو دلحوت فلمدينة....كيطل على لبحر...أو باش يزيان لجو أكتر جلسوا على طبلة مقابلة مع لماج الهادئة فداك صباح المشمس لجميل....ريم بقات كتشوف فناس كيفاش كيضحكو أو لجميع فرحان أو ناشط....إستغربات واش زعما دنيا ولات بلا مصائب ولا هاد ليوم هو ليوم العالمي للسعادة...عبرات على افكارها اللا منطقية بضحكة عفوية خلات حكيم في لمقابل يهيم بيها أكتر.....حكيم:منين كتجيبي رنة الضحكة ديالك؟؟....ريم:هههه منعرف تخيل أن ضحكتي عمرها تغيرات لي سمعني يسحابله غا بنت صغيرة....حكيم:هههه وبصح كتباني بحال شي بنت صغيرة....ريم:(تقلقات)عندك حق كنحس راسي مكنلقيش بيك مكنبانش بحال مرا ناضجة....حكيم:(شد يدها)ماتقولش هاكا كتعجبنيني كيفما نتي....

ريم:حكيم؟؟....حكيم:أمم؟؟....ريم:علاش كتعاملني بهاد طريقة مفهمتكش وش كتدللني غير حيتاش رافدة ولدك في كرشي ولا منين غنولد أترجع تبرد معايا؟؟....حكيم:مشي وقت هاد لهدرة أريم....ريم:(بغضب)أو فوقاش وقتها حتى أنا إنسان أو لازمني نعرف شعور راجل لي غنكمل معاه حياتي مابقيت فاهمة منك والو كل نهار كتنوض بمزاج فشكل مرة ضاحك مرة معصب مرة زعفان مرات مهتم عييت بغيت نعرف ساسي من راسي فهد العلاقة....حكيم:رييم هدري بشوية كلشي دار شاف فيك....ريم:(خدات كلينكس تمسح دموع هربانين)نتا ديما كتسكتني هاهما عبق أو جود رجعو أو تصالحوا أو شفتي بعينيك كفاش كيبغو بعضياتهم كيفاش كيعاملها أو مشبعها كلمات زوينين أنا مكنغارش منها ولكن كيبقى فيا لحال معرفتش علاش كتعاقبني على خطء تجازيت عليه أو لحمد الله تصلح....حكيم:ريم صافي سكتي.....ريم:عييت منسكت أنا....حكيم:(ضرب طبلة بغضب)صافي سكتي نتي ماعندك حتى علاقة بدكشي لي كندير مكنعاقبكش أريم أنا مكنعاقب راسي مقادرش نغفر لنفسي دنب لي رتكبتو فحقك أنا مجرد حمار خرب لك حياتك مبغيتكش تسامحيني بهاد سهولة حيت مكنستاهلش فهمتي.....ناض بقوة لدرجة طيح لكرسي لي كان بارك عليه أو هبط من درج مخليها مصدومة من أكتر جواب غير متوقع فاحتملاتها لكتيرة....جاهدات على نفسها أو تبعاتو كتعوج بكرشها....شدات فمقبض دروج كتنزل رجل أو تبعها تانية أو مابين كل درجة أو درجة كتعسر بلحريق....ريم:أيييي كرشي حكيم.....(حسات بحريق مجهد)أيييي أميييي كرشيييي....تصادفات مع راجل أو مرتو شافوها صفرة بديك لحالة المزرية....سرعوو لعندها شداتها زوجة من جيه أو راجل عيط الإسعاف من جيه خرا....قبطات فبطنها كتغرز سنانها فشفيفها بألم أو لوجع غادي أو كيورك على كل عضلة من جسمها....ريم:عيطو على راجلي آااييي اميمتيي كنتقطع.....بدات كتغوت أو كتسرخ بكل ما آتاها الله من قوة تعبر على صاعقة أو رعد لي خسفو بيها...

جاء الإسعاف بصفارتو المزعجة....حكيم نتابه لصداع على مقربة من ريسطو....خرج من سيارة كيجري حاسس أن لمعنية بلأمر هي ريم....أو فعلاً تصدم باش لقاها كتغوت او هازينها فوق نقالة...تلاح عليها كيرجف معرف باش تبلا ياك عاد كانت صحة اسلام أو طبيبة ريحاتو أن صحة ديالها مزينة....حكيم:(مخلوع)ريم ملكي شنو وقع؟؟.....ريم:(كتغوت)أميييييي كرشيييي حكيييييم وقيلا غنولد أااياييا....حكيم:بشوية عليك مغتولديش مزالك شهرين سمحليا عصبتك تنفسي مزيااان....داوها لداخل طنبل أو حكيم محبسش من مواساتها أو تقبيل جبينها أما يديه مفرقاتش ولو للحضة يدها حتى وصلوا لمشفى....خرجوها بوجه سرعة لغرفة لمستعجلات.....حكيم بقى برا كيدور بحل لهبيل كيمشي أو يجي...كيوقف يشوف فلباب أو يولي يجلس معرف مايدير....حكيم:تفووو على زهر أنا لمسؤول مييرد....هدأ راسو أو جبد تليفون عيط لفيروز....حكيم:ألو مييي جبت ريم لكلينك أمي متغوتيش ماعرفت مالها كتغوت غا كرشي أو دبا را مزعزعة لبيت....لا لا مغتولدش غير تعصبات شوية أجي بزربة....قطع كينتفس بصعوبة....ترمى على لكرسي كيحك وجهو بغضب أو فنفس وقت نصو طايح بلخلعة على مرتو أو ولدو....حكيم:إلى وقعات لك شي حاجة أريم مازال عمرني منسمح لراسي....

ما هي إلا دقائق معدودة....دخلت فيروز كتجري...لفزع أو رهبة باين من بعيد على ملامحها....فيروز:أمدرا شنو واقع فين هي بنتي واش كتولد ياك هدا شهرها سابع شنو درتي ليها ياك ما عصبتيها اااه دوي....حكيم:مي سكتي عفاك ماعرفت والو من قبيلة أو هما مدخلينها أو حتى حد مخرج عندي يطمني.....فيروز:أهيء أهيء 😭😭باينة دابزتو ياك كنقلك دير لها لخاطر....حكيم:مدبزناش أمي غير تناقشنا أجي تجلسي....فيروز:أهيء أهيء😭 الله الله على ريماتي الله مسكينة أهيء يا ربي تفك وحايلها على خير....حكيم:فين جود أو عبق؟؟....فيروز:معرفتش بلاتي نعيط لهم خصهم يعرفو.....

فور سماعهم بلخبر....جود فرانا بجهد أو خرج كيجري نسا عبق فطنبل...أنا:وا جوود وا أجي عوني....رجع عندها ساعدها بلمهل وخا تفكيرو كان مع ريم....طلعو لطابق لمخصص لنساء لحوامل...جود جلس عبق أو مشى عند حكيم شنق عليه....جود:شنو درتي ليها ياكما غوتي عليها ولا عصبتيها كيفما موالف....حكيم:طلق أصاحبي بلاما دير لي فيها خايف را ولدي هداك أو هي مرتي لي غايكون خايف هنا هو أنا...جود:شنو واقع ياك كانت بيخير فين هي دبا؟؟...فيروز:معرفناش فحالنا فحلكم من صباح أو هي لداخل كانت كتغوت أو دبى قطعوا لحس آربي تكون معها أو صافي ماعلينا غير ندعيو....

بعد لحضات خرج طبيب باينة عليه علامات لقلق....حكيم:شنو وقع كيف دايرة لحالة ديالها؟؟....طبيب:أنا كنتأسف صراحة.....

طبيب:صراحة سيدة غتولد للأسف طاحت فمشكل لولادة لمبكرة.....حكيم:كفاش ولكن علاش واش لولد غيمووت عفاك دير شي حاجة متسمحش بهدشي....فيروز عنقت ولدها تهدء من روعو مع تحول فجأة لطفل مكسور لخاطر.....طبيب:تهدن أسيدي حالتها مستقرة دبا لمشكل لي سبب لها فهدشي هو المشيمة لي تواجدات عندها فموقع غلط وسط رحم مما أدى للإنفصال ديالها.....جود:أو ريم يكما مغتسلكش؟؟....طبيب:ههه لا لا أتكون تحت تخدير متخفوش لمهم لعملية القيصرية اتبداء من هنا ساعة غير هو طفل غيكمل تكوين ديالو فلقرعة أو هدشي مكلف....جود:متديرش بحساب لفلوس الأهم هو يخرجوا من هاد لمشفى معافين...حكيم:دير ما فجهدك أسيدي مكيهمش تكاليف بشحال بغيت مرتي أو ولدي بصحة مزينة....طبيب:أمم بطبيعة الحل هدا واجب علينا.....

لجميع متوتر فقاعة الإنتضار...لوقت كيدوز بنسبة لهم بطيء سوايع كينهامرو أو حتى حد من طبة ولا فرمليات منفعهم بخبر مطمئن....حكيم كل دقيقة ينوض يسول أو كيرجع خاوي الوفاض....لحاجة لي مكانش داير لها لحساب أنها تولد ليوم...بغى ياكل راسو من كترت لوم او ندم....أو هدشي لي خلا جود يرمقوا بنضرات كره أو هو حاضن عبق حيت خافت من لولادة منين سمعات بأنها تقد تكون مبكرة بهاد شكل سريع....أنا:جود خايفة يوقع لي نفس شي....جود:(باسها)متخافيش أحياتي كلشي أيكون بيخير أنا معاك....فجأة دخل طبيب مبشر....أو كيحرك راسو بالإيجاب زعما لا داعي للقلق....طبيب:مبروك تزاد عندكم وليد أو لأم بصحة مزينة تفضلو تشوفوه.....حكيم عاد طلق غوباشتو أو عنق مو أو ختوا كيضحك حتى بانو ضراسو....لحقو طبيب لجناح كبير مليء بأصوات ملائكة بريئة شي كيغوت شي كيبكي...حكيم شاف فيهم عبر موروروا من زاجا بحسرة مكرهش حتى هو كون جاء ولدو لدنيا بصحة أو كامل فنمو ديالو.....عطاو ليه وزرة خضراء يلبسها بش ميدخلش معه جراثيم...دار قفزات أو كمامة على فمو....دخل غير بحدو بصيفتو الأب....كانوا بزاف قراعي فلغرفة ساكنة تماماً من أي صداع ولا ضجيج من غير صوت الألات...مضلمة شوية أو حرارتها معتدلة....طبيب:هاهو ولدك أسي حكيم....حكيم:(كيضحك)ولدي هههه......قرب من لقرعة لمخصصة ليه أو ادى بيه كيشوف أجمل كائن بشري داز على عينيه شي نهار...رغم أن ملامحو مازال متفرزاات إلى أنه قدر يحرك احساس الأبوة فقلب باه من نضرة لولا....دمعو عينيه أو خشى صبعو عبر فتحة تهوية كيقيس يديه صغيرة.....حكيم:ولدي لحبيب بشحال زوين هههه.....طبيب:يتربى فعزك انشالله مشاكس من صغر عدب لينا الأم هدا أكتر دري راسو كبير فلولادات لي دازو على يدي هههه.....حكيم:هههه راسو قاسح بحم باه دبا أيبقى هنا حتى يكمل 9 شهور؟؟...طبيب:اياه لقرعة أتساعدو يكمل نمو ديالو بشكل مشي طبيعي ولكن على لقليلة كتعويض للرحم تفضل دبا نخليو دراري يرتاحوو....حكيم:بسلامة لحبيب ديالي....

أول حركة عبر بيها على سعادتو لغامرة فور خروجوا هي عناق حار بضحكة عالية لميمتو أو تبعها ببعبق أو منساش حتى جود....حكيم:هههه فرحان أميي مبروك علي وأخيرا جاء لي ينور حياتي....فيروز:ههههه مبروك أولدي كيداير حفيدي؟؟....حكيم:كيحمق كيهبل نساني فكلشي أمي نسيت حتى سميتي....هبطوا ليه دموع لفرح أو جلس يمسحهم أو كيغمغم بكلام كيعبر على فرحوا لي لا حدود له....فيروز بركات حداه من جيه أو عبق عنقاتو من جيه تانية....أنا:مبروك أخويا يتربى فعزك انشالله....حكيم:(باسها)الله يبارك فيك أختي حتى نتي الله يفك وحالك على خير....فيروز:شنو غتسميه أولدي بعدا؟؟....حكيم:كنت بغيت نسميه واحد سمية كتعجبني بزااف مي معرفتش وش ريم أتعارض....فيروز:مغتعارض ما والو أصلاً هي فايتة قالت لي بلي بغاتك نتا تسميه....حكيم:بصح؟؟اوا لكان هاكا نسميه انشالله "ارسلان".....

يتبع