مجنون بيبو الجزء الثاني

بقيت على أعصابي كنفكر شنو علاقة خويا بهاد خينا؟؟......اش جابني أنا أصلاً لهد لمعماعة.....لا بد نفهم بما أنه كيعرف حكيم را كيعرف حتى ماما أو بابا ......شنو ندير نوض نخبط عليه لباب عوتاني أكيد مغاديش يجاوبني أو يقوليا صراحة....شخص غامض بزاف أو لي زاد خلعني أنه لقضية مبقاتش منحصرة علي بوحدي ...سحابلي هدا خطف عادي ساعة صدقات عندو أبعاد خرا.....يا ربي إلا عندي شي دعوة في دنيا عتقني من هاد المجرم أو ردني لبلادي أشداني لشي فرانسا ولا زبل كون بقيت مع العصا ديال خويا ولا لعصا ديال هاد وجه نحس......مشا أو خلاني في حيرة من أمري ماعرفت بشحال داز ديال لوقت ولكن لي عرفاه هو أنه داز وقت ملائم لنعرف فيه شنو مخبي هاد كحل راس...........

في لجامعة:

ريم:سلام دراري سافا؟؟......خالد؛لباس أريم..أمدرا كاين شي خبار على بيبو......ريم؛لا من ديك نهار فاش تاصلات بي ماسمعت صوتها.....منال؛أو شنو المعمول؟؟......جواد؛هادشي غريب غبرات غبرة وحدة أجي ريم صوتها كي كان؟؟......ريم كان عادي حتى أنا مافهمت والو أدراري.....نوال؛ هاد لمرا لي خدامة معها عمرها دكرتها.....ولكن هي كانت محتاجة خدمة أدراري وقيلا هنا غير كنتخايلو....جواد؛اه عندك لحق عرفتي شنو ديري عيطي لمها أو قولها بلي بيبو تاصلات بيك أو كلشي مزيان.....ريم؛شنو زعمة نكدب عليها؟؟.....جواد؛اه حسن إلا موصلناش خبار عليها أنعلم لبوليس أو انعرف فين هي بيبو بضبط......

كان جود كيدرب ....لخطة ديالو غادة أو كتكفس دكر سمية خوها بلاما يقصد.....خرج أعصابو فساك لملاكمة ..كيفاش قدرات تسل ليه لسانو أو هو كان منتابه لكلام مزيان معها.....داخل قاعة كاينة فنفس لمكان لي حابسها فيه....قدر يلقى ديك دار المهجورة أو يجهزها بمشقة الأنفس ...جايا جانب لبحر...مهمشة أو تصلاح لهاد أنواع من العمليات.....خطط بزاف أو نتاضر هاد لحضة بفارغ اصبر.....ستغل جداتو باش ينفد دكشي لي بغا .....كان عارف بلي هادشي صعيب ولكن عمر شي حاجة مخلعاتوا أو مغيدش يستسلم ماخص حتى واحد يتعرض لنفس المصير ......كيفكر فهدشي كامل أو هو مازال كيضرب فداك ساك أو كون كان كيدوي يقوله "براكة عليا"...مين عيا تلاح فواحد لقنت أو كيتنهد بسرعة......عرقو سايل على صدرو العاري أو شعرو الفازج زادوا من لمحة ديال الخطورة أو الغضب لي كيعتالي قلبوا....شهد بنفسو على موت بزاف ناس خلاوه بوحدو فهاد الحياة القاسية مبغاش يشهد على حاجة خرا.......دور عينيه على صالة صراحة ممجهزاش مزيان أو مكتليقش بدوك لقاعات الراقيين لتولف عليهم ..ولكن دار مافجهدو باش يجهز انسانة خرا أو يخود دكشي كتعويض لبزاف حوايج ضاعوا بسهولة من حياتو.....جمع لوقفة أو مشى لدوش خشى راسو من تحت لما البارد رغم برودة الجو.... تفكر ضروف قاسية لي مر بها فسن صغيرة حتمت عليه مايبقا يخاف من والو ....يدير لي بغى وقتاش بغا.....معامن ما بغا.....دكشي لعاشوا كان صعيب.....فجأة تفكر باه القاسي عديم رحمة.....ضرب الحيط بلقبضة ديالو...أو حاول ميتفكرش بلي داك الإنسان معمر ملعب دور أب بنسبة ليه ...عمر ماحس بشعور الحنان من مو لأنها ماتت ببساطة ....كان عارف حاجة وحدة بلي باه كان كيبغي مو بزاف...أو مين ولدها تسبب بموتها...باه إنتقم منو أسوأ إنتقام...أو عيشوا فخوف كبير.....مع مرور الوقت ولا كيحاول ينسى بلي باه عايش....كيتفداه ما أمكن.....وصل 18 عام....ختار طريق الإجرام....هادشي كامل أتر على حياتو ....ولا كيجريسي... كيكمي....كيشرب...كينعس مع البنات بلخاطر ولا بزز......هو أو مجموعة ديال دراري.....جروه لطرق لا نهاية لها.....مي المصير ديالو مور ما عرف باه كان لحبس...كلف أعضاء من المعسكر لي معاه يريبوه...بهاد لكلمة أمر لعساكرية يعاملو ولدو...أو عمرو ينسا هاد الجملة......"شدو والديه ربيوه أو طلعوا منو راجل"....أول فترة تحبس مدة ماشي قليلة فبيت بوحدو بلا ماكلة بلا شراب... هادشي مابقاش فيه قد مابقا فيه باه لمسولش عليه...أو من بعد توالات فترات "العداب".....تكرفس مزيان داخل المعسكر.....هادشي مهزموش بالعكس خلاه يفرغ بزاف ديال أحاسيس أو ميتعلمش رحمة......مع لوقت ولا كيعجبو هدشي أو ولا محتارف...مابقى كيخاف من حتى تحدي بل ولا كيبهر المشرفين بالكفاءة لي ولات عندو ...و الحرفية ديالو......هادي هي حياة جود مفيهاش بزاف ديال الفرح....أصلاً مفيهاش جاع كلمة سرور....عاش حياتو وحيد....مكيعرفش كلمة صداقة ..حنان ...عطف...مودة....أولى حب.....لحاجة لوحيدة لي بين عينيه هي الإنتقام..........جود:(بصوت فيه غضب كبير)أنتاقم منك أسي لجنرال "الوليد لعزيز".....

كمل دوشو لبس سروال كحل أو تيشرت حتى هو كحل هاد لون عزيز عليه بزاف هيت كيضن بلي كيمتل ليه لحياة لخاوية أو الفارغة لي كيعيشها.....جلس أو دار يديه على راسو كيفكر لفاين اديه هاد طريق أو لاش دخل معاه هاد البنت اصلا.....تفكر لحضة لولا باش شافها....مشى بالو لديك لحضة فاش خرجات من لمطار خايفة معارفة حد هنا.....مدعورة كلشي كيبان لها غريب ....باش تلاقات بريم صاحبتها تغيروا ملامحها لفرح.....صاحبتها لي كان عندها دور كبير في إقناعها تجي لفرانسا حتى دخلت لها لفكرة لراسها....بقا بعيد ما أمكن محد كلشي كان تحت سيطرة...باش الأمور بدات كطور مور دوك لعماين قرر يتحرك حيت مبغاش تعرض لنفس المصير مرة خرى .......هز تليفون أو عيط لها.....جود؛ألوو .....أنا لباس أو نتي؟؟.....حتى هي لباس.....لا متخافيش حاكمها وليني ضاسرة شوية......كي دايرين أجواء؟؟.....كيفاش؟؟..... ديري ما أمكن تمنعي لبوليس......مكيهمنييش......(بلغوات)حبسي داك بنادم قبل ماندير فيه شرع يدي.....صافي انخليها تهدر مع مها....لبوليس مبغتهمش فالقضية اوكي.....أو علميني بالجديد ....أنعيط لك من بعد .....طفا أو مشى لعندها.......

حل لباب لقاها جالسة كي لعادة......غير شفتو وقفت فوضعية دفاع ...... وليت حافضاه يئمة كيدخل يلوح ليا لماكلة فحال شي كلب ولا يديني طواليت ولا يبهدلني وحدة من تلاتة.......أنا:شنو بغيتي عاود؟؟....جود:بغيت نعطيك تهدري مع مك إلى مبغتش صافي أنا غادي......مستوعبتش شنو قال حتى شفتو قلب دورة عاد مشيت شديت ليه دراعو.....أنا؛شكون قالك ما بغتش ....عطيني ندوي معها......جود؛هاكي ...مد لي تليفون ولكن قبل منشدو هددني غير بعينيه منطق مندوي.....أنا؛صافي صافي فهمت........خديتو أو هو تكا على الحيط ....بعدت شوية أو قررت نهدر معها بدكشي كامل لتبقى لي ديال قوة أو كندعي فنفسي منفجرش بالبكا......أو خاصة حداه......بقيت كنتسنى على نار قلبي كيدرب 180 عارفها خايفة أو مشوشة بزاف علي.......سمعت صوتها متلهف فحالي كينتضر شي حد .....فحالي كانت عارفة بلي أنا لعيط لها وخى نمرة مجهولة.....أنا؛(بصوت خافت أو يدي على فمي كنحاول نحبس البكية)ألو ماما هادي أنا بيبو......أنا لباس كيدايرين نتوما؟؟.....هههه لا متخافيش عيطات لك ريم ياكي؟؟.....ماما علاش كتبكي أنا ولاه حتى لباس ما خاصني والو حمدله لقيت خدمة أو دبى عدنا عطلة مبغتش نجلس أو ماندير فيها والو........خويا لباس عليه؟؟.....سلمي عليه بزاف.......منقدر نقولك والو دبا على ديك لمرا حتى نكون مسالية ...شوفي هاد لبلاصة لأنا فيها مكاينش فيها ريزو منقدرش نعيط لك بزاف.....صافي ماما متبكيش.....درت جهتو شفت فيه بكره.....بغيت نشوف وجهوا باش منستسلمش أو منبكيش.....ركزت على عينيه أو كملت الهدرة.....أنا؛ماما متخافيش عليا أنا قادة نحمي راسي من الوحوش لكاينين فدنيا......بغيتك تعرفي حاجة وحدة بلي أنا كنبغيك بزاف أو للأسف شي وحدين فهاد العالم دايرين كي لحيوانات مكيعرفوش كلمة حب....شفتو جاي بزربة أو خطفلي تليفون من يدي....أو جمعها معايا بتسرفقة حتى طحت لارض......جود؛(بلغوات)أنا حيوان؟؟..دوي؟؟.....سري لعطيتك تهدري مع مك...دير لخير ميطرا باس...بقيت شادة فحنكي أو أنا نتفرجع عليه.....أنا؛مالك؟؟...مرضتيش؟؟...نتا حيوان.....عايش بوحدك كي لكلب أو مالقيتي مدير قلتي نجيب شي واحد يونسني..أو ماجات في غير أنا.....لوا يديه لكبار على شعري أو وقفني.....جود؛نتي خاص مك تربية من لول....ولاه أو متشدي معايا لخط حتى نوريك تاحيوانيت كي دايرة......أنا؛لي فجهدك ديرو قتلني أو تهنا جاع المريض.....جود؛(زاد زير عليها)مك غير دربي عليها أيكون هدا أخر إتصال بناتكم....أنا؛(تصدمت)لا لا عفاك لا صافي أنا ساكتة ولله منقول شي حاجة......جود؛بلاما تحاولي تحدايني حيت مازال مكتعرفني شكون أنا......أنا؛(بترجي) عفاك صافي أنا منبقاش ندوي غير متحرمنيش نهدر مع مي.....دفعني بجهد....أو بغي يمشي مي وقفت.....أنا؛اداك خينا.....دار شاف في خلعني.....أنا؛بغيت نقول احم ماعرفت اش سميتك اش غادي نعيط لك.....جود:هممم من حقك تعرفي سميتي فهاد لمدة لي أتجلسي هنا ......سميتي "جود انسة عبق....خرج أو خلاني مشوكية من جوج حوايج.....كي دار عرف سميتي ؟؟ أو هاد سمية فايتة دايزة على ودني.....مابقيت فاهما والو ...بقيت واقفة وسط لبيت فحالي كنطيح من شي هاوية غارقة أو مضلمة أو مالقيت ليساعدني.....أنا؛ميمكنش.......

في المغرب:

بقات فيروز فحيرة من أمرها.....فرحات من جهة حيت بنتها عيطات ولكن من جهة خرا كلامها لخر خلعها بزاف.....علاش قالت "قادرة نحمي راسي من لوحوش لكاينين فهاد دنيا"......فيروز؛يا ربي مافهمت والو عنداك يكون هادشي عندو علاقة بموت راجلي؟؟.....لا ميمكنش......قررات ماتقول لولدها والو من غير إتصال ختو حتى إلى طورات الأمور عاد تعلموا يمكن هادشي يكون غير تخيلات.....سمعت سوارت أو مشات كتجري لعند حكيم.....فيروز؛حكيم ولدي على سلامتك....دخل عيان ماشي بالخدمة ولكن بكترت الهم لي هاز لختو.....باس لها راسها أو مشى جلس.....جلست حداه أو هزات ليه يديه....فيروز؛مال وليدي حبيبي....حكيم؛مي عيان ولاه......فيروز؛مالك؟؟.....حكيم؛هديك لمسخوطة ديال بنتك غادي تركب في سكار......واش اعباد الله 7 يام هادي مسمعنا صوتها......فيروز؛هههه وغير ضحك.....حكيم؛مالكي أمي كضحكي؟؟.....فيروز؛وا لهبيل وخى مكتبينش ولكن باينة بلي كتموت على ختك.....حكيم؛(بلغوات)مي دوي اش عندك؟؟....فيروز؛غير رتاح ختك عيطات أو هي لباس حمدله غير لبلاصة لفيها مافيهاش ريزو......حكيم:شتي لحمارة لكيدارة ناري أو نشدها حتى نعفس لمها على داك لوجه لفرحانة به.....فيروز؛لي قلناه لك مايعجبك الله يستر نوض نوض بدل ندير لك متحنجر الله يهنيني منكم......واحد الفرحة حس بها حكيم باش سمع لخبر لكن خلاها غير بينو أو بين راسو......حكيم؛أنا طالع....رتاسمات بتسامة فوجهوا أو هو فدروج....عاد طمئن قلبوا على ختو لعزيزة....حكيم؛ختي تهلاي فراسك.....

في فرنسا؛

كنت ناعسة...بعد محاولات كتيرة....مبغاتش يتفهم لي اش محل ديالي من هاد روينة شكون داك جود؟؟.....أو علاش كيعرف سميتي؟؟...سمية خويا؟؟.......حسيت شي حد كيراقبني لكن بقيت على نفس وضعية أو متحركتش.....ماعرفت بشحال ديال وقت أو أنا كنحس بعينيه لي كنحماق عليهم كيختارقو جسمي.....جود؛نوضي تقعدي راني عارفك منعساش.....أنا؛شنو بغيتي؟؟....جود؛من نأمرك متسوليش علاش كيفاش فوقاش اديري دكشي لكنطلب....أنا؛(نضت)واش نتا شوية لباس؟...ولا مصطي؟؟....جود؛أنا مصطي أو مريض أو حيوان على حساب كلامك ...إوا هي لزدتي قدامي دبى أو سديتي داك درغوم.....أنا؛فين؟؟... ..جود؛(بلغوات)ياكما كنلعب معاك تحركي.....أنا؛(خلعني)وخا صافي.....زدت جوج خطوات أو هو يلوح على وجهي شي حوايج عاد نتابهت لهم......جود؛سيري لحمام بعدا لبسي هادشي...أنا؛مغادي نلبس حتى حاجة....شفتو جاي لعندي أو أنا كنبعد....جود؛إلى بغيتي نلبسهم لك أنا ماعندي حتى مشكل......أنا؛(بخوف)شنو؟؟..واش تسطتي؟؟....جود؛هي لا لبستيهوم أو طلقتيني.....أنا؛وخى غير بقى بعيد......تخطيتو أو مشيت لحمام وليت كنعرفو فين جا....سديت عليا أو شفت راسي فالمراية... ويلي كنخلع.....شعري تشعكك أو حوايجي توسخو....أو سناني ولاو صفرين.....أنا؛ويلي على شوهة......حيدت هدوك لكنت لابسة أو طرفت بالماء أو حكيت سناني بيدي أو مشطت شعري أو لويتو مزيان مع هو طويل أو مبغتوش يشوفو.......لبست دكشي...كان عبارة على سروال شوية واسع فالكحل تريكو بيض نص كم أو سرفيت كحلة......أو خرجت خلعني كان لاصق حدا لباب......أنا؛بسم الله رحمان رحيم....جود؛مزيان تحركي.....زدت قدامو أو هو تابعني....باش بغيت نهرب مرة لولا ماشفتش دار مزيان....دبا بانتلي بوضوح.....هي عبارة على جوج طبقات.....طبقة تانية فاش محبوسة أنا كلها مضلمة ...كاينين شي بيوت مطرقين ...أو داك لحمام بوحدو لي محلول.....أما التحتانية فتقريباً فحالها غير هي فيها لبيوت كبار..عامرين بأتات مغطي بلحفات بيضين.....سراجم كلهم مسدودين...ضلام طاغي على لمكان....تخلعت شويا نبول فسروالي......ولكن حتى أنا جبهة دايرة فيها مقزدرة مكنخافش.......أنفاسو مورايا فحال تور.....محاولتش نهدر خفت ليلقاها سبة أو يبغي يتعدى عليا.....حمدلله لابسة دكشي ممزيرش ما كون طار عليا كيبقى راجل فنهاية المطاف ....كملت تبرجيغ ديالي...كاين مرح واسع كلو مغبر أو موسخ طلعت عيني بانتلي ترية كبيرة حتى هي كحلة بلوسخ.....بديت كنكح....جود؛(كيهدر من ورايا)أتولفي على هاد الوضع.....أنا؛واش نتا كتقدر تعيش هنا؟؟...جود؛عشت فما كفس زيدي قدامي .....حل لباب كانت كبيرة أو كلها خشب....أو غير فتحها ضربني واحد لهواء منعش رجعلي روح......أنا؛(بدون شعور) الله ......جود؛تحركي....خرجنا لبرا أو مع بقيت بزاف فضلام تعمشولي عيني بضو ديال شمس....تمشيت موراه أو دغية نتابهت لطرق أو درست لبلاصة بعيني أو حاولت ندكر مزيان لا لقيت شي فرصة نهرب.....بانتليا واحد طريق كدي لغابة أو كنسمع صوات مواج بعيد....جود نتابه لي كنحنزز أو أنا نجمع عيني...درت لقب ديال فيستة على شعري أو تبعتو.......تمشينا حتى وصلنا لواحد دار خرى دايرة فحال شي قبو ....أشر بيديه ندخل....تفاجأت....كانت عبارة على صالة ديال رياضة.....فيها ماكينات ديال سبور....أو طابيات أو سيكان ملاكمة أو شي تخربق ديال رياضة ....ماكانتش كبيرة بزاف ...أو ممجهزاش مزيان....كلها خشب ولكن لفرق على دار بلي هادي مضوية....أنا:لاش جايبني لهنا؟؟.....جود:لا رد......أنا؛اداك سي واش نتا هارب من شي سبيتار ديال حماق؟؟.....لاش جايبني لهنا؟؟؟.....جود؛جبتك باش تعلمي كفاش دافعي على راسك أو أنا لغنكون مدرب ديالك.....محستش براسي حتى تفرقعت بضحك.....أنا؛ههههههههه من نيتك....جود:(بوجه صارم)مكنضحكش .....

جاء لعندي أو أنا مازال كنمسح دموع ديال ضحك.....أو ماحسيت براسي حتى جمعني بنص أو طحت فلرض.....أنا؛أييييييي ......جود؛أول درس حتارمي لمدرب ديالك أو ممنوع ضحك فسوايع تدريب....أنا؛زعمة فسوايع عاديين كضل تضحك.....شدني من قرفادتي أو قربني لوجهوا.....جود؛ داك لسان غادي نقطعو لمك إلى مسكتش أو درتي دكشي لكنغول.....أنا؛أييييي حيد بعد مني......جرني من يدي أو دفعني جهة ساك ديال بوكس ...جود: يلا ورينا اش فيدك.......أنا؛شنو بغيتي ندير....جود؛ديري شي حاجة وريني كيفاش كدافعي على راسك إلى جاء متلاً شي حد يتعدى عليك علاش شي حد؟؟ أنا أنجي نتعدى عليك أو نتي قاوميني....أنا؛كيفاش ولله حتى جاي....رجعت بلور أو لصقت مع الحيط.....أنا؛متقربش مني.....جود؛علاش لا نتي بنت وخى كتباني فحال دري مي ماشي مشكل أو أنا راجل بشحال هادي مداق الحلوة......حط يديه على دراعي أو بغى يحيد ليا سرفيت ...بقيت ساهية فعينه فوسامتوا فشعروا......خبطني مع الحيط.....جود؛تحركي نتي حالة فمك.....أنا؛بعد مني....حاولت نحيد يديه ولكن لصق لصقة وحدة.....جود؛داك تبعكيك ديال دريات ماعندي ماندير به....دافعي على راسك بقوة .....هزيت ركبتي أو عطيتو لكرشو.....متقسحش ولكن طلقني أو جمعت يدي أو سمكتو.....أنا؛متقربش مني يا لحيوان.....جود:(تعصب)اشنو قتلك ديك نهار على وديت تسرفيق..... عاد تفكرت بلي مخاسنيش نصرفقو حيت أيبوسني.....أنا؛مقصدتش.....جود؛مغاديش تسرفقني بلا مقابل.....أنا؛لا لا عفاك صافي سمحلي......هربت لجهة خرا ولكن كان سرع مني أو شدني بغا يبوسني بجهد.....أنا؛(كنبعد وجهي) لا عفاك طلقني....تفكرت واحد الحركة.....لويت ليه يديه لي شدني بها مورا راسي أو درتها ليه مور ضهرو ...حطيت ركبتي من تحت ضهرو أو ليد لخرا دورتها على عنقو ....أنا؛نزل لرض.....جود؛هههه زعمة شنو راك غلبتني.....ضربتو بركبتي لضهر......أنا؛قتلك نزل على ركابيك......جود؛هههه اوكي.....تم هابط أو أنا قوتي كاملة عليه .....دفعتو بجهد جاء على كرشو أو طلعت من فوقو.....أو يدي مازال على عنقو....حسيت به قريب....كلشي فيه كبير.....واقلة غير تابع هبالي سيد يشدني يقسمني على جوج.....أنا؛خرجني من لهنا.....أو فجأة ماعرفت كي دار لقيت راسي لتحت أو هو من فوقي.....الله بشحال تيتيييز.....شعرو طاح على جبهتي أو شفت سنانو عندو إبتسامة كتهبل......جود؛ههه ولكن قبل حتى ناخد بوستي.....هبط بزربة أو باسني فشفايفي بوسة خفيفة أو ناض كيضحك...... بقيت على ديك وضعية مصدومة معصبة مقهورة .....أنا؛اش هاد لمصيبة طحت فيها يا ربي....مجنون تفووو.....

هزيت راسي أو جلست فواحد القنت مكرهتش نبكي...مسحت فمي أو وليت حمرة بلاعصاب......معرفتش فين مشا....نضت جهة لباب كان محلول...بان لي فحال شي حلم....يلى أنقرب ليه...جرني من القب أو ردني لور سد الباب أو دار لعندي .....جود؛شكيحساب لك راسك؟؟.... أنا؛بعد مني وا فرقني عليك .....شكون نتا باش تبوسني ؟؟.....جود؛أو شكون نتي باش تسرفقيني؟؟...إلى بغيتي نرد لك تسرفقة... ولكن خايف على حنكك.....أنا:أععع كنكرهك.....جود؛(كيحرك راسو بحركة نفي)لا لا زين ماشي وقت لكره....مازال غتكرهني كتر دبى تحركي.....جرني من يدي حتى لوسط صالة.....جود؛حيدي سرفيت.....أنا؛(بوجه حمر)لا ....جود؛صافي أنا أنجي نحيدها لك.....أنا؛صافي صافي وقف أنا غنحيدها......جود:يلا طلقي راسك......أنا:شنو المطلوب مني......جود؛اديري دكشي لي كنقول بالحرف أو تبعي تعليمات ديالي.....أنا؛لاش بغيتي تعلمني ؟؟......جود؛كلشي أتعرفيه مع لوقت......أنا؛سمع أا احم جود....بقا كيشوف في باش نطقت سميتو.....أنا؛غير قولي شنو ورى هدشي أو أنا غنتفهم.....جود؛لا رد.......أنا؛هيهو كنهدر معاك.....جود؛قتلك لا هي لا......أنا؛أوف أوف أوف...... جود:(كيصفق بيده)يلا يلا ديري لي 50 tractions......أنا؛شنهوا؟؟....50?؟....من نيتك؟؟...جود؛واش أنا كيبان عليا ضحك؟؟ .خاصني معاك صبر أو لحاجة لي مكعنرفش لها هي صبر .....أنا؛أوففف غنحاول.....حيدت سرفيت أو هبطت....أنا؛بزاف أو 50 منقدرش حدي 20 .....جود؛ بداي.....أنا؛(كنديرها)1 2 3 4 5 6 7 8 9 10 أووووف عييت......جود؛وااا تحركي......أنا:(حبست أو ربعت على لرض)دوز دير نتا 50 ولا فالح غير فلهدرة بنت لك أنا سوبرمان.....جود تم جاي أو نزل بلا ما يكلمني....غير بيد وحدة بقا كيطلع أو يهبط فحال شي ألة ....حليت عيني بصدمة....زعما عمري شفت هاد سرعة بيد وحدة.......أنا؛واااو ......دار وقيلا شي 100.....شاف في أو أنا نجمع لوقفة.......أنا؛سمحلي أنا منقدرش على هدشي نتا راجل أو أنا بنت شوف لي شي حاجة خرا.....جود؛(ناض)نتي بنت نتي؟؟....يسحابلي دري...أنا؛هيي حتارم راسك.....جود؛فين هي الانوتة؟؟...أنا؛ماشي شغلك ....تفو قمعني ولد لحرام......جود؛لمهم أنا هنا ماشي باش تقولي لي شناهووا الجنس ديالك لبغيتك تعرفيه هو نتي هنا باش تعلمي.....أنا؛مابغيت نتعلم حتى لعبة أو خاصةً منك نتا....جود؛أنا مكنطلبكش أنا كنأمرك......أنا؛بصاح مسيكين وا تا سيير ......جود؛ياربي تصبرني را غنشد مك مغنطلقك حتى نقتلك على داك راس لقاسح لي عندك......أنا؛ماما خلعتيني......جود؛بربي مكنضحك...سمعيني أعبق أنا را كندير معاك فوق طاقتي..مكنتحملش ناس لي كتعارضني خليني ضريف معاك بلاما تخرجني على طوعي.....أنا؛ههههه ربي ربي....جود؛(بلغوات)دبا مكتسمعش لهدرة ياك؟؟...شفتو جاي لعندي أو أنا نرجع ....كل خطوة ملامح وجهوا لوسمين كوليو كيخلعو.....قبطني من دراعي أو جرني جهة واحد لمرايا ملصقة فالحيط....وقفني حداها أو هو وقف موريا شدني من دراعي بجوج كنشوف إنعكاسو عليها....باين طويل أو فحالي حاميني من لعالم لمورانا....ولكن نضراتو لي قالت لي لعكس......جود؛(بلغوات)شوفي راسك....شنو كتشوفي؟؟....أنا نقولك أنا كنشوف واحد ولا وحدة معارفش بضبط.....ضعيف مفيدو والو....يمكنلو بسهولة يفقد حياتو إلى مدافعش على راسو....كي غدري تقاومي ناس لبغاو يأديوك أو نتي بهاد ضعف أو لخوف؟؟......كلما كيزيد كلمة كيزيد يضغط علي جسدياً أو نفسياً.....تحجروا لي دموع فعيني أو جاوبت بصوت بارد فحالي ممأتر علي والو...أنا؛أو نتا اش دخلك فحياتي؟؟...ناس لبغاو يأديوني؟؟..راك نتا واحد منهم أسي جود.......جود:(همس لي حدا ودني)كون تعرفي اشنو كيتسناك مغديش تقولي هاد الهدرة.....أنا؛اوا شكون هاد ناس؟؟ ياك هدشي كيخصني ؟؟...شنو كيتسناني؟؟....طلق مني أو مشا لجهة خرا.....أنا؛(تبعتو)معرفتش شكون لخواف فينا؟؟...أنا بعدا مكنخبي والو أما نتا واحد جبان خايف من هدوك لي مسفطينك؟؟...جود؛سكتي ...أنا؛مغدش نسكت نتا إنسان مريض حمق مجرم خواف....مكيهمنش لي بغيت نعرفو اش جمع بيني أو بينك باش تخطفني؟؟...جود؛قلتلك سكتي....أنا؛ههه مين كتوحل كتسكتني....عتارف بلي.....مكملتش هدرتي حتى ماعرفت صقلة من هبطات علي.....شديت فحنكي....أو شفت فيه بكره مع غضب ...مع شعور حسيت بلي نقدر نقتلو فهاد لحضة......مبانتلي ديك دقيقة غير نردها ليه أو فعلاً درتها.....أنا؛حمار كلب دحش ولاه أو تقسني مرة خرا حتى نقتلك....جود؛تالت مرة كتسقليني...ادن استنتجت بلي كتبغيني نبوسك.....أنا؛(غطيت فمي)لا ....هربت ولكن شدني جا ضهري على صدرو.....لوا يديه على يدي بجوج أو دورني عندو.....أنا؛لا لا بسع مني.....جود؛مغدش تسرفقيني بلا منرد حقي....أنا؛(بلغوات أو وجهي حمر )ولكن حتى نتا كلمتيها ليا بعد مني.....بقيت كنقاوم أو والو دراعو فحال ملقاط.....شد لي بليد لخرا راسي أو قربني جهة راسو....أنا؛وياك..ممممم .....هاد لكلمات لقدرت نخرجهم دلالة على رفض ديالي لبوسة ديالو لهبطات علي بلا اندار.....طلقني أو طلع حجبانو كيفقسني دفعني بجهد أو مشى كيصفر......أنا؛(كنهت)مجنوووووون........تفو على حالة الله يلجها لك....

مشا جهة سرجم.....طلع شعروا أو جبد باكية ديال غارو....بدا كيبخ...تفو محملتوش.....زايدها بلكمي...كملات الباهية....مغدش نديها فمجنون فحالوا.....خليتو أو مشيت جهة المتريال....فايتة شايفة هدشي ..كان خويا كيدرب فيهم....ولكن علاش بغاني نتعلم أو نولي محترفة....زعما نقدر نكون مهددة من شي واحد أو هو بغى يعوني...بقيت كنقيس هنا أو هنا....كنجرب كل وحدة فيهم.....بانت لي وحدة فشي شكل عمرني شفتها...خشيت رجلي من جوايه بجوج...أو هزيت دوق اتقال.....يلى أنطلع أو أنا نوحل.....هبطلي على عنقي....تخنقت.....بغيت نغوت باش يعتقني....أو والو صوتي مشى.....تقيلة بزاف......أنا؛(بصوت مبحوح)جوووود.....بقيت كنتقاتل غير بوحدي أو والو...أو هو قول سرطاتو لرض...نفسي كنحس بها كتقطع شوية بشوية....الله يا ربي فأخر يامي أتقتلني ماكينة.....بقيت كتنخبط...أو لوزن تقيل ديالها كولو على عنقي......الأكسجين بدا يمشي...حسيت بسخفة.....عيني بداو كيدوروو باش نغيب....ولكن وأخيراً لمحتو جاي كيجري....هزها من فوقي أو جبدني لرض.....بديت كنكح......وليت حمرة.....أو كندير شي أصوات حيت حلقي ضرني بلا قياس....جود؛واش ديلمك ضارب بوك الله اش داك لها....أنا؛لا رد.....جود؛(بلغوات)دوي ماكينة مقدرتش عليها....شنو غدري إلى كان بلاصتها راجل صحيح؟؟.....أنا؛(بصوت مبحوح)كنت غنموت.....جود؛كون غير متي أو تهنيت من داك لكلخ لفيك.....أنا؛(نضت)أنا لخاطري؟؟..لاش زايد لها فلوزن؟؟....جود؛كنت كندرب عليها ...نتي لي اش داك لها.....أنا؛كنت كنكتاشف هاد لبلاصة أو قلت نجرب هدشي....جود؛ أنا لغنورك اش غادري....كون معتقتكش دبا؟؟....أنا؛نتا سباب....جود؛أخر مرة تقربي لماكينات ولا غنشدك بيدي نخشيك تحت شي وحدة أو نهبط على مك بشي 200 كيلو.....أنا؛أيييي عنقي.....جاء قرب مني بغا يشوفوا لي أو أنا نبعد ليه يديه...أنا؛بسع مني أنمشي نجلس....جود؛أجي نردك لبيت صافي سلا تدريب ليوم.....أنا؛شنو؟؟....أو نتا فين غتمشي.....جود؛(بستهزاأ)النمشي نبول تمشي معايا؟؟؟......أنا؛اويلي....جود؛هي لزدتي قدامي قبل متشوفي شي حاجة كتخلع.....أنا؛تفو كي داير قليل الأداب.....زدت قدامو أو ردني لدار فاش كنت....طلعنا لبيت ....حليا لباب أو دفعني....أنا؛مالك عونفي؟؟...أجي فين غتمشي؟؟...جود؛كتسولي كتر من لقياس.... لمهم أنا غنخرج ساعتاين أو نرجع.....أنا؛ولكن أنبقا بوحدي هنا؟؟....جود؛بلاتي نمشي نجيبلك مك تجلس معاك.....أنا؛وبركة منضحك علي.....جود؛عندي شي خدمة مهمة نساليها أو نجي....ولاه أو ديري هاك ولا هاك....يا حتى نبيتك مع لكلاب....وحق ربي تانديرها ...راني شوية مزعزع فمخي....أنا؛حمدلله مين عارف راسك اش كتسوا.....واجيب لي مانكول قتلتني غير بجوع أو ضرب......مهدرنيش سد علي أو مشى....مشيت تكيت ....أو بديت كنفكر فيه أو فيا أو فينا كاملين....أنا؛شنو أيكون وراك أجود المجنون؟؟........

جود هبط دروج أو مشا جهة طمبل....عيط عليها أو هي ترد طاير.....جود؛فينك؟؟...صافي ساعة نكون عندك؟؟...جبتي دكشي لي ويصتك عليه؟؟....اوكي يلا تلاحي.......ركب أو صاغ جهة لمدينة يتلاقا بشخص غير متوقع....

في ضرف ساعة لقاها كاتسنا فلبلاصة لي موالفين كيتلقاو فيها.....تلاحت عليه عنقاتو بجهد....ضحك ضحكة خفيفة أو لعب لها فشعرها.....جود؛بشحال هادي مشتك آ "ريم"......شافت فيه أو قادات شعرها....ريم؛جود متبقاتش تخسر لي شعري.....جود؛كبرتي أو وليتي كتجبهي؟؟......ريم؛هههه لا لا قد منكبار منفوتكش أخويا لحبيب.....جود؛خوك؟؟....ياكما ولدتني مك أو أنا لا خبار......ريم؛نتا كتر من خويا أجود...عمرني نسا خيرك أو فضلك علي.....جود؛هاهي بدات عوتاني.....أنا مجتش هنا باش تسمعني لأسطوانة ديالك المعتادة.....جبتي دكشي لوصيتك عليه.....هزات خنشة ديال ميكات حطتها قدام وجهو.....ريم؛اه هاهما لحوايج لوصيتني عليهم ياك يكونو كحلين أو واسعين....أو هادي فيها دكشي ديال بنات....جود؛مزيان....جود خدا غارو أو ريم ضرها قلبها أو تشجعات باش تسولو.....ريم؛(مترددة)كيدايرة بيبو؟؟.....شاف فيها بنص عين أو هي تحدر عينها......ريم؛أنا سباب ديال هدشي كامل بلا متغوت...كتبقى صاحبتي أو إلى عرفات بلي أنا معاك أتكرهني......جود؛عبق بخير أو نتي حيدي من مخك هدشي كامل....حيت أنا لي جبرتك ديري ديك تمتلية.....ريم؛ولكن أجود مبقاتش تمتلية بعد ماعرفت طيبة أو نية لي فقلب ديك لبنت...إلا بقات معاك أو عرفات كلشي أتخسر راسها.....أنا كنفكر فديك لحضة لي أتعرف بلي أنا لي دخلت لها فمخها فكرة تجي لفرنسا أو أنا لي كنت كنوصليك أخبارها أو من لفوق أنا لي مشيت ستفزيت جون باش يضاربو أو يجريو عليها.....جود؛متحمقيش ديلمي...بشحال أندخل لمك لداك راس بلي نتي ماعندك حتى دخل فهادشي..خليني نكمي هاد طرف نشي نقود فحالي....ريم؛عفاك أجود رد لها لبال أنا وخا دخلت لهاد شي باش نعاونك ولكن بعد معرفتها ميمكليش نزيد نمتل كتر.....جود؛متنسايش بلي نتي وعدتني تكملي معايا حتى لخر....بلاما ديري لي فيها لحنان أو دكشي.....ريم؛ولكن نتا مبغيتي حتى تقول شنهوا سبب ديال هاد خطة....جود؛(ضرب طبلة)ريم متفرعش ليا لخرا ديال راسي....خليك معايا بديك الإرادة لي عرفتك بها...مالها جاع هاد بيبو اش كتسوا..كتفضلي وحدة عرفتها هادي عامين علي أنا ؟؟.....ريم شدتها البكية أو تفكرات هداك لموقف لي كان غادي ينهي حياتها كون معتقهاش جود......ريم؛عندك ألحق....نتا نقدتي حياتي او كون ما نتا كنت انكون تحت تراب.....ولكن فهمني...أي وحدة خطفها واحد مكتعرفوش أو كيتصرف معها خايب شنو أتكون ردة الفعل ديالها؟؟....جود؛ريييم سكتي الله يرحم جدك....لي بديتو معاها أنكمل معاك نتي..مكنفهمش أنا دريات...كتفكرو ديما بقلبكم معنديش معا هاد تبعكيك لخاوي.....درية أتبقا معايا حتى نقرر أنا فوقاش نطلقها......ريم؛ولكن؟؟....جود وقف هز لميكات أو زاد جوج خطوات أو هو يدور عندها.....جود؛(بوجه صارم)ريم بلا متفكري تخوني تقة لي عطيتها لك...عنداك تفكري دخلي فأمور تخرج على دكشي لي خططت ليه وإلا أتشوفي مني وجه عمرك شفتيه.....ريم مسحت دموعها أو قربت ليه....ريم؛لا جود ماتخافش غير عفاك واعدني بلي أتعاملها مزيان أو خليها تاصل بمها....أنا مغديش نخونك وخا نعرف نموت....حن فيها أو باس لها راسها ....جود؛كنتيق فيك.....غير هو ديك لمسخوطة ديال صاحبتك ضاسرة شوية منواعدكش..هههه....ريم؛هههه جود أجي.....خلاها أو مشا تبعات بعينها ضل ديالو حتى ختافى أو ديك ساع عاد هبطوا لها دموع كتيرة ديال الألم.....ريم؛سمحلي أبيبو سمحلي بزاف........

أو هوا غادي فطريق رجعة.....رجعت بيه داكرة لواحد لحفل كان هادي 3 سنين .....كان تصادف بيه أو هو دايز بضبط مين ديك طريق.....حفل كأي مرة كيسالي بمضاربة براهش سكرانين.....داوه رجليه بصدفة لديك لبلاصة أو إحساس حتم عليه يدخل لوسط لفيلا لكبيرة لي كانت فاتحة بيبانها لجميع ...كل واحد فيهم غايب على العالم...مناضر مخلة....صخب....ريحة شراب أو لغارو أو حاسة الشم لقوية عندو علماتو بلي كاين حتى ريحة الموت.....لبنات كاملين تعجبو من زائر الوسيم لي دخل عندهم أو شجاعة ديال شي وحدات خلاتهم يترماو عليه بكل وقاحة.....تفكر راسو باش كان صغير أو كان فنفس لبلاص نفس لمنضر.....كره حياتو الماضية لكانت عبارة على نفس دكشي لي كيشوف من عهر أو فساد.....ستفزاتو طبيعة دوك شباب لي كيدمرو حياتهم بيدهم.......لمح فواحد القنت طفلة نمو ديالها كبنت راشدة مازال مكملش....جالسة بوحدها....لابسة لبس فاضح أو عقلها فجهة بعيدة.....جدبو شعرها طويل البني أو وجها البريء أو بشرتها سمرة ...جلستها لي بغات تبين بها بلي هي بنت كبيرة....مشى لبالو ديركت بلي ماشي فرنساوية.....حس بواحد رابط بناتهم....بقى كيتئملها من بعيد.....أو فجأة تجمعو عليها مجموعة ديال دراري....واحد فيهم هزها فوق كتفوا أو هي مادارت حتى ردت فعل.....فحالي كانت مخدرة.....بقى مدة واقف رجليه فشلو عليه....شافهم كيتوجهو بها ناحية الغابة.....مشا كيجري.....كيسمع صدى ديال ضحكات بعاد أو فنفس لوقت قراب معرفش فين يحط رجليه.....شجر كتيف...أو ضلام.....لقاء راسو كيتسبب بالعرق......معرفش فين يعطي راس.....أو فلحضة....سمع غوتة إغاتة ...دخلتله حتى لقلب ماشي غير لودنيه....مشا ناحية صوت.....لقى هادوك دراري شادينها من يديها أو رجليها أو باغين يلوحوها فنهر...أو هما فوق واحد القنطرة معالياش بزاف ولكن تقدر تقتلها بكل بساطة..بسبب نهر لمسخ أو الغارقلي تحت منهم ......بدون شعور مشا كيجري.....ضرب هدوك لي لتحت...أو طاحو سخفو حيت كانوا فآخر درجات ديال سكر....أما لي كانوا شادينها طلقوها بسباب لخوف أو هما يعلقو......طاحت أو صوت إرتطام ديالها فلما...فيقو من لغلبة أو تبعها ....تخشى وسط لما....كيقلب عليها ...ضلام مساعدوش.....لون ديال فستانها تحت لما هو لي عاونوا باش يخطفها دغية أو يطلعها لفوق....صوت شهيق طويل طلع من صدرهم بجوج.....هي كانت عيانة بزاف سخفت مابين يديه.....عام حتى لضفة أو حاول يخرج لها لما من صدرها أو دار لها حتى تنفس إصطناعي......خرجات لما من صدرها أو شافت فيه شوفة طويلة أو غيبات...... 

رجع لواقع أو ضرب لفولون......جود؛لا أريم بعد ماوصلت لهاد نقطة ماغديش نسمح لك دمري لي كلشي.......

وصل لدار نزل تقضية أو طلع عند بيبو.... يلا أيحل بيتها أو هو يضرب لباب مع جبهتها......أنا؛أيييي.....جود؛سرك.....أنا؛فين تعطلتي؟؟....جود؛هههه ماعرفت شكون لمخطوف أنا ولا نتي؟؟......نتابهت لميكات لفيده....أنا؛شنو جبتي معاك؟؟.....رماهم فلرض أو مشى تشبح على سرير......أنا؛شنو كادير نوض من بلاصتي.....جود؛جبت لك حوايج تبدلي بهم.....أنا؛بصح؟؟....جود؛أو شي تخربيق ديال دريات.....أنا؛نتا لي شريتي هدشي؟؟....بدا كيحنحن أو بدل لموضوع......جود؛بركة من تسوال...رهوا دوش تحركي غسلي باش تاكلي أو تكمشي صوتك منبغيش نسمعو......أنا؛لا ولاهلة هي أنا حيوان...أسمع اداك شعر لعيلات ولاه أو متحل علي هاد لبيت يا تندرب هالك بواحد نتفة ديال دجاج.....جود ناد أو رجع عقد حجبانو أو ضيق عينيه......جود؛عاودي شقلتي؟؟......أنا؛(خايفة)راك سمعتي.....هزيت لحوايج أو يلا انسلت لحمام...شدني من دراعي.....جود؛وياكي تقسيني فروجلتي كنصبر على كلشي أعبق...إلا هاد نقطة....أنسمعك مرة خرا.....نوري مك ترجليت كيدايرة......صدمني.....بقيت غير كنرمش.....غير كنت كنضحك عليه ولكن هداك شعر لعندو زايدوا زين على زين.....عاطيه واحد لهالة واعرة......كلشي فيه كيحمق ولكن مازال حاجة وحدة...هي إبتسامة ولا ضحكة طالعة من قلبوا يا ترى؟؟...كي غتكون؟؟............

نترت يدي أو خليتو....دخلت لحمام أو سديت بسوارت ....أول حاجة طاحت لي فراس هي كي غاندير ندوش فهاد لعفن؟؟....أنا؛تفو على زبل خرا.....كي غاندير ندوش هنا يا ربي؟؟.....ماعندي حتى حل....خديت داك ساك لفيه مستلزمات دوش....كل مكنجبد كنتصدم.....شامبوان نفسو لكنستعملو....أو لي ستغربت منو كتر أنه جايب نفس لماركات مع نفس روايح...زعما هاد خينا داخل فحياتي لهاد درجة؟؟....حيدت لفكرة من بالي وخا عارفة مزيان بلي هدشي ماشي صدفة....مهم شعلت لما أو حيدت حوايجي.....غسلت حالتي ناري وليت كنعيف.....ضربتها بواحد مولاتي غسلة دايزها لكلام..بقيت شي ساعتين كنفرك.....أما هو مسمعتش حسو....نشفت شعري أو دزت لحوايج....أو هنا أنتصدم كتر من لول ملابس داخلية نفس قياسي.....مزايدين بحتة نمرة.....خفت على راسي...اويلي عنداك يكون داير شي كاميرا هنا؟؟....لبست دغية دكشي....كلشي جايبو كحل أو واسع.....جمعت شعري سفنجة أو خرجت.......ملقيتوش....الله هادي فرصة زوينة نتسلت لتحت ......يلا أنخطي خطوة لدروج..كنلقاه طالع كيضحك......جود؛هاي هاي هاي عاد نورتي كنتي كي داك الفار لمسخ.....أنا؛بزاف عليك.....بانتلي لماكلة فواحد لميكا فيديه أو بدون شعور بتاسمت.....جود؛يلا تاكلي باش تمشي تكمشي.....أنا؛لا رد....عيني كانوا غير على ديك كرطونة......جود؛جمعي فمك...شدي....خطفتها ليه...أو دخلت لبيت....حليتها أو أنا نفرح أكلة ديالي لمفضلة....سندوتش فريت أو مونادا.....أنا؛ييي...صفقت بالفرحة قول را عمرني كليت..ولكن را هلكني جوع ......جود جاتو ضحكة أو هو يشدها بزز.....جود؛مال مك؟؟...ياكما شفتي دهب......أنا؛(كناكل)اه دهب عرفتي علاش حيت قتلتني غي بجوع.....وا دبى سير فحالتك خليني نخشي فوجهي.....جود؛لسانك طوال...... خرجت لساني أو درت ديك لحركة ديال (فقسي بنادم+تشفاي فيه).....جود؛يا ربي تصبرني على هاد البنت اه بغيت نقول هاد دري.....أنا:(تعصبت)جوود......خرج كيضحك علي أو أنا نحط دكشي جاع تفو كان عندي عادي يقول لي شي حد لمرجلة ولكن من عندو مكنرضاش معرفتش علاش.....أنا؛ولاه أو تشوف طايتي حتى دوخ.....غير بلاتي عليك...لهدرة ماشي دبا....

جود كان فصالة ديال رياضة كيدرب أو صوت تليفون لمبغاش يحبس صدعو......جود؛شكون هاد لقواد؟؟.......ناد أو هو يلقى نمرة انسانة نساها ولا تنساها باش متزدش تكمل عليه......جود؛شبغيتي أجدة؟؟....كانت ماريا كتبكي فتلفون أو قلبها طايب.....ماريا؛فينك أولدي أو فين ديتي لبنت؟؟...سمانة أو أنا كنعيط لك علاش قلبك قاسي بغيتي تقتلني عاد ترتاح؟؟؟......جود؛جدة ياكما كبرتي أو بديتي كتخرفي؟؟....أنا مامسليش لبكا ديالك ....ماريا؛رد ليا لبنت....جود؛هههه نردها لك بعد ما نتي لي عاونتني باش نطيحوها.....ماريا؛ضحكتي عليا ماكنتيش عالمني بلخطة ديالك.....جود؛اوا شغلك هداك....ماريا:حشوما عليك حشوما هادشي لي كادير فيه.....جود:(بعصبية)حشوما؟؟بلاما تخليني نتفرجع عليك ...علاش ماقلتش هاد لهدرة لولدك باش كان كيعدب في أو أنا فسن صغيرة هو لي خرج علي هو لي طلعني إنسان بلا قلب...فبلاما ديري لي فيها دور البريئة.....ماريا؛بلاما ترجع نفس سينتة دبا فين لبنت؟؟....جود؛لبنت معايا أو أتبقى حدايا حتى نوصل دكشي لي بغيت أو من بعد ربيها نتي جاع......ماريا؛غنعلم لبوليس نتا حفيدي اياه ولكن هدشي مكيمنعش نشوفك خاطف بنت أو نسكت.....جود تفرشخ بضحك أو بعد مدة عاد قدر يرد عليها.....جود؛ولاه أجدة حتى بدا داك لمرض ديال زهايمر كيفرع لك مخك....نسيتي شنو دار ولدك ولا نفكرك؟؟....كلشي أيتفضح من A حتى Z أو ديك ساعات ادخلي على شرفك لبنيقة.....خلينا من هاد لعب أو سدي فمك....ماريا؛عرفتي بعد المرات كنقول كون غير مت قبل منولد داك لمسخوط ديال باك أو هو يولد ليا حمق فحالك...طلبة صغيرة منك متآدهاش إلى كنت عزيزة عليك....جود:هههه طفي أجدة طفي أشمن معزة حتى نتي؟؟هاد لكلام ديال لحب مكنبغش نسمعو كيدير لي لحساسية......قطع عليها رمى تليفون أو مشا كمل ولكن هاد لمرة بقوة حيت ديما كتفتح ليه جرح كيحاول ينساه .....ولكن غير مكيزد يكبر نهار على نهار.......

ريم قرات تكمل فالخطة رغم عليها....معمر محست بطعم صداقة إلا مع صحبتها لوحيدة عبق ولكن جود ديما كان واقف لها فطريق تفكيرها...إنسان لي كانت واحد نهار كتكن ليه شعور الحب....رجعت بالها لديك ليلة....فاش كانت محطمة....كتشوف راسها على حافة لهاوية.....قبل 3 سنين....كانو ولديها عايشين فقمة ديال تعاسة....كانت ديما كتشهد على لمخاصمة أو لمناقشات ديالهم....هي لوحيدة عندهم معندهاش خوتها....ديما كتوحل معارفة معامن توقف....حيت بجوجهوم كانوا عزازٍ عليها....باها كان مبلي بلقمر...أو مها مارضياش بداك لوضع....كيخسر لفلوس لي غادي ينفعوا بنتو لوحيدة فالمستقبل أو مجيتو سكران أو مبوق لدار كل نهار.....عيات أو ملات من هاد لحالة لي جابت لها الإكتئاب.....فديك لفترة بضبط...عرضوها صحابها لحفلة لي أتقام على شرف واحد دري لباس عليه فلمدرسة لكتقرى فيها....أو مع تشجيع صحابتها لي كانوا كيغيرو منها بسباب زينها أو فلوسها أو مع لوضعية المتوترة فدار...وافقات....ولكن ماكنتش عارفة بلي هاد سهرة أتسالي أو هي على وشك الموت كون معتقهاش داك لبطل...لي شافتو لمدة قصيرة أو طاحت فالحب ديالو بعد ما خرجها من لما.....دازت يام كتيرة بعد خروجها من طبيب..بسبب الأزمة نفسية لي شدتها أو بسباب معاقبة باها لها....ولكن فرحات من واحد ناحية حيت شافت أن العلاقة مابين ولديها بدات تحسن أو باها مبقاش كيقمر.....أو هو؟؟...البطل ديالها لي حماها أو خرجها من لموت؟؟....فينو؟؟....فين أيكون مشا؟؟...واش بصح هداك الإنسان موجود؟؟....هاد الأسئلة أو كتر كانت كطرحهم على نفسها.....دورات عليه بزاف....تجرأت أو رجعت حتى لمكان الحادت باش تلقاه أو والو....لمحاولات ديالها كانو ديما كيبؤوا بالفشل.....حتى لنهار لي ايجي كلشي بصدفة ...أتكون عيات أو تيقات بلي هاد الإنسان مكاينش أيكون غي شي ملاك لي عتقها....أتخليها على الله....أو تقرر تكمل حياتها عادي ...المهم هو خرجات بنتيجة زوينة أو ولديها ولاو متحابين....أتكون قاطعة من طريق....أو لبرد مخشي لها بين عضامها...لجو كان متلج......غادية أو كتفكر فالمنقد.....لي كيحتل تفكيرها تقريباً كل نهار...أو لعقل ديالها قرر يتفكروا ديك لحضة لي ماشي مناسبة.....حست بيدين خطفوها أو طلعوها من لرض.....حست بنفس لقوة ديال مرة لولا.....نفس صدر لكبير.....أو نفس ريحة....طلعات عينها ممسدقاش اش كتشوف.....هو اه هو...نفسو...غيبات بالفرحة.....أو من حلات عينها لقات راسها فوق واحد لكرسي فشي قهوة....كانت كدور عينها يمين أو شمال خوفاً متلقاهش مرة خرى...ولكن لمحاتو جالس جنبها كيبتاسم إبتسامة ساحرة.....هاز لها يدها أو كيشوف فيها بواحد نضرة عتبرتها حب....(الحديت بلفرنسي):ريم؛نتا؟؟....جود؛اه أنا واش كل مرة أنبقى نعتقك كانت طمبل أدهسك....ريم:سمحلي شنو سميتك؟؟....جود؛نتي شنو سميتك....ريم؛أنا ريم مغربية عايشة هنا.....جود عرض إبتسامتو....أو دوا معها بدارجة شيء ليصدمها.....جود؛هي نتي بنت لبلاد....بقات مشوكية.....كتحاول تحلل العلاقة مابين شكلو أو دكشي لي خرج من فمو.....ريم؛نتا مغربي؟؟...جود؛مكيهمش لمهم هي أنا كنفهمك أو نتي كتفهميني......ريم؛ممتيقاش كتبان فحال لغاوري....طلعت وجها لشعروا لي كان جامعوا على شكل كعكة صغيرة...أو فوسامتو أو جسمو رياضي...أو عينيه....بدلو لها لموازين....عندهم واحد نضرة خطيرة أو مع أنه شهب....لونهم مختالف.....كل مكتشوف فيه كيتبدلو....جمعت عينها أو تشجعت تسولو...حيت مبغاتش تفهم لها بلي لقائهم كان صدفة.....أكيد كان تابعها...ريم:(بلا مقدمات)كنتي تابعني؟؟...شاف فيها شوفة دوبتها....أو حرك راسو بالإيجاب....ريم:شبغتي مني؟؟...جود؛:(هز كتافو بلا مبالاة)والو كنت بغيت نتعرف عليك.....هي باش سمعات ديك لهدرة لداخل ديالها بدا يشطح بالفرحة.....ريم؛أو علاش؟؟.....جود؛هههه علاش كيفاش فوقاش....دكشي خليه لحتى لمن بعد حنا ولاد هاد لحضة....ريم؛أو شنو سميتك....جود؛سميتي جود...ريم شوفي مابغيت حتى حد يعرف بعلاقتنا أنا أو نتي......ريم؛(فنفسها)ناري تعارف أو علاقة أو هاد التبوقيصة كاملة واش بغا يجيب لي تمام أخيراً أيدخل لحب لحياتي ؟؟....ريم من برا دايرة راسها باردة أو ممسوقاش....ريم؛احم وخا.......على كل حال بغيت نشكرك على كلشي....جود؛هدا واجب....ناضت وقفات حيت إلى زادت تانية وحدة أتسخف ليه....ريم؛أنا أنمشي وليديا ايكونو مشوشين علي....دارت أو لعنات راسها علاش تسرعت....تفو كون خديت منو غير نمرة....زادت جوج خطوات أو كتمنى يعيط عليها....أو فعلاً سمعت سميتها دارت دورة ديال طوبيس.....ريم؛شنو؟؟؟.....جود؛نمرة؟؟...مشات عندو بخطوات سريعة قبل ميبدل رأي ديالو....كتبتها ليه على لورقة لي فوق طبلة أو مشات....جود هز لورقة أو دار أعرض إبتسامة على وجهوا.....جود؛كل نهار كنتأكد بلي لبنات فحال فحال أو بسهولة كيطيحو.....خشاه فجيبو أو ختافى فحال شي شبح......ريم رجعت لواقع ديالها أو حسات بشحال كانت نية أو دغيا تيقات هاديك تمتلية لي بدلات منها بزاف نهار عرفات لحقيقة......"حقيقة جود"........

وصلات لبلاصة لي تافقو يتلقاو فيها ....لقات صحابها كاملين مجموعين.....ريم :سلام.....جواد؛سلام مالكي؟؟....ريم؛طالع لي دم....نوال؛مالكي أصاحبتي هانتي لعام قرب يسالي او نتهناو.....ريم؛أودي غير سكتي نتي ماعارفة والو.....جواد؛علاش شنو خاصها تعرف؟؟....ريم عاد عاقت بلي كتخرج شي كلام يقدر يشككهم فيها.....قلبتها ضحك أو بدلات الموضوع.....جواد؛أمدرا بيبو عيطات؟؟....ريم:أمم تاصلات بي كتسلم عليكم.....جواد؛غريبة هاد القضية كانت كاتاصل بنا كاملين...علاش بضبط نتي؟؟....ريم حطت لعصير أو خنزرات فيه......ريم:حيت أنا لي صحبتها كتر...أو نتا دري أصلاً لاش أتعيط عليك؟؟.....بقى بعيد أجواد قبل متجيبها فراسك.....جواد؛(بأسغراب)علاش نفاعلتي؟؟.....مكاينش غير نتي بنت ها نهال ها نوال....ريم؛(بإنفعال)صافي أجواد....الله يستر عليك مرة جاية أنقولها بيبو حبيبة عيطي لجواد مسكيين را مشطون عليك أو ممتيقنيش بلي نتي راك en contact معايا.....جواد؛ريم حتارمي راسك واش كضحكي علي.....نهال؛صافي براكة شوهتونا .....جواد:هي لي معرفت مالها كنهدر كتلصق فحال......ريم:(قاطعتو)فحال اش؟؟.....خالد؛وا سكتو....صافي أخاوتي....بيبو مليحة....متديروش من حبة قبة....دبا را لعقوبة ديالها مزالها 3 سيمنات أو تولي معنا....ريم كتسمع هدرتو أو كتخلع....إياه جاعما فكرات فيها شنو ايدير جود مين تسالي هاد المدة؟؟.....ريم:احم أنا غنمشي نقضي شي غرض.....نهال:فين أتمشي؟؟...ريم:ماما وساتني على شي دوا أو خاصني نجيبو....بسلامة.....تسلتت منهم أو عينها غير على جواد لي ممتيقهاش على ما يبدو.....

تمشات مسافة باش حتى حد مايتبعها ولا يشك فيها ...مع دهشة ولات كتخاف من خيالها...دوزات نمرتو أو تسنات يجاوب أحر من الجمر.....أو فعلاً جاها رد فحال رعد.....ريم؛جود متغوتش......جود؛را معصب مع كري اش باغية؟؟....ريم؛فينك؟؟...جود؛فين غنكون زعما؟؟....شوفي را جدة غلبت لي بارابول ديال مخي بلاما تكملي علي حتى نتي.....ريم؛ولا....سمع بغيت نسولك.....بيبو بقات لها 3 سيمنات أو ترجع نتا شنو غادير؟؟...واش اتردها؟؟....جود؛دبا معيطة علي أو مخصرة لي gانتي أو خارج من دوش على هاد لهدرة الخاوية؟؟....فوقاش أتبداي تخدمي داك راس لي عندك؟؟.....ريم؛جود ناس بداو كيشكو.....جود؛ياكما هداك خينا؟؟....ريم مبغاتش تقول شكون حي يقدر يمشي حتى لعند جواد أو يسلخوا هي لي عرفاه......ريم؛لا لكليكة كاملة....علمني بدكشي لي غدير؟؟....جود؛حتى نفكر دبا ماعندي باش نعلمك تلاحي.......ريم؛بلاتي بلاتي...أممم هاديك لحوايج لي جبت....جود؛مالهم؟؟...ريم؛أنا نسيت أو جبت ليها نوع ديال شامبون أو باندوش لي كتبغي....أو حتى حوايج ديال لتحت.....جود؛ناري بنت لحرام شنو دارت؟؟واش فعقلك خرية؟؟.....شنو غنقولها دبا لسولاتني؟؟.....ريم: وا نسيت سلك راسك....جود؛الله ينعل طواسل ديال دلموك قودي......قطع عليها أو ريم بدات كتحس بلخطر.....ريم؛يحسن عوانك أصحبتي.....يا ربي تخرج هادشي على خير.....هزات تليفون عاود أو تاصلات بفيروز تهني بالها حتى هي او قلبها كيتعسر بالألم حيت كتحس بلي كتكدب على ناس لي شافت منهم غير لخير أو كلشي بسباب جود لي معارفة لحد الأن لاه داير هاد الحالة كاملة....

في لمغرب:

فيروز:نعام ابنتي شكراً حيت كتوصلي لي أخبارها ديك لمسخوطة غتقتلني.....لمهم هو بلي هي لباس...ربي يخليك...بسلامة ......سدات تليفون أو حطاتو على قلبها......فيروز؛الحمدلله يا ربي بنتي بخير....سمعات لباب أو مشات تفرح ولدها......فيروز؛(بلغوات)حكيم حكيم.....شاف فيها ولدها بفضول......حكيم؛شنو؟؟.....سلام أو عليكم بعدة......فيروز؛سلام أولدي على سلامتك....ريم عيطات أو بيبو كتسلم عليك......حكيم؛هههه عاد بنا لها....كتكلف غير ريم تاصل هي ماتقدرش زعمة ولا محنية؟؟......فيروز؛علاش كتعكس الأمور....را خدامة على راسها را كبرت تبركلاه علاين 22 عام عندها...واش بغيتي تبقى تصرف عليها...حتى هي عندها حياتها أو كتبغي تشري حوايج على شهوتها.....راهيا بنت ماشي حالك.....حكيم؛مي الله يرحم جدك ...نتي أو داك راجلك لعزيز خرجتوا عليها بداك لفشوش ديالكم زايد....فيروز؛حشم باك الله يرحمو...حكيم:صافي صافي مافيا لي يدوي حتى تجي أو نقي لها وديناتها أو نوري لحمار ديال بوها بلي كاين لي يحكمها.....فيروز؛را غير هي لي عندك معندكش سبعين فبلاصة هاد لهدرة حن فيها شوية مسكينة من نهار تزادت أو نتا كتعاملها فحالي عدوتك.....حكيم دار شاف فمو بقسوة أو هو يتفرgع عليها محسش براسو حتى بدا يغوت أو عروقو خارجين......حكيم: أنا مي؟؟....أنا كنعاملها فحال لعدو فبلاصة متشكرني كترديني أنا لخايب ....أنا را كنحميها من دياب لي برا...لا تمشي تجيب لينا شي كرش ولا شي مصيبة أنا راجل أو عارف مزيان تفكير ديالهوم....أو زيد على هادشي متدويش على لحنان حيت أنا براسي مكنعرفش هاد لكلمة كي دايرة من نهار تزاديت ماشفت من راجلك حتى درة من لحب أولى كلمة زوينة...كلشي بسبابوا...أو نتي؟؟.. عمرك دافعتي ولا وقفتي بجنبي...متردوش علي فعايلكوم...نتوما لي طلعتوني هاكدا...ماشي دنب ديالي.....فيروز تصدمت من تصرف ديالو أو عبرات عليه بلبكى....طلع أو خلاها واقفة مدة مصدومة من كمية الحقد لي مهزوزة فقلبوا قلب ولدها الوحيد .....دخل لبيتو فحال تور أو حيد كوستيم لآحو فلرض أو وقف كيتنفس بصعوبة......حكيم: هانتي أتشوفي أختي...غادي نوريك أنا علاش قاد مابقات لا قراية لا خرا ...باش نخرجو كاملين من باب واسع....غادي ندمك على ديك لهدرة لقلتها لتحت بي ولا بيك..

في فرنسا؛

وصل ليل...وليت كنعرف فين وصل نهار غير من نوع ضو لي كينباعت من داك سرجم صغير......أنا:فين مشا داك لحمق؟؟..... من صباح فاش خرج أو خلاني نعست مور ديك تدويشة حسيت بعضامي ترخاو....أو جود مجاش لعندي....بقيت كندور فداك لبيت....جابلي لخنقة يخ...كولو مضلم أو مغموم....ايجي أنقوليه يبدلوا لي.....صافي.....حسيت بسوارت أو أنا نتخشا من تحت ناموسية بلخف....شدتني ضحكة أو كنشوف غير رجليه كيجريو فالبيت.....أو كيتنفس بصعوبة بلخلعة.....جود؛(بلغوات)فينك؟؟.....أنا؛لا رد.... شادة فمي حابسة ضحكة بزز.....جود؛أتخرجي ولا نفرع مك .....فين مشات هاد البنت؟؟.....يا ويلي قالي بنت....وأخيراً عتارفتي.....بقيت كنضحك بشوية يمكن تصدق لي هاد الخطة أو يمشي يقلب علي فبلاصة خرا أو نهرب...ساعة فرضية ديالي تبخرات باش شفتو كيطلل علي أو شعروا مدلي......جبدني من لكول ديال تريكو كي ريشا....جود:(بلغوات)واش دلموك أنبقى نعلب معاك هنا كاشكاش؟؟....أنا؛هههه غير كنت كنضحك معاك......جود؛مضحكيش معايا أتجلسي تشدي لرض أو بسكات ولا نقتل مك.....أنا؛امالك بشوية غادي تموت.....جود؛سمعي أعبق ولاه ماعندي فين وقف طير خليك ساكتة حسن لك.....أنا:صافي صافي أنا ساكتة.....طلقني أو مشى جلس أو دار راسو مابين يديه.....بقيت واقفة كنشوف فديك الهيئة ضخمة لي عامرة بشحنة كبيرة من طاقة أو القوة.....رجع شاف في أو أنا بغيت نفقسو.....أنا؛جود ممم باش دخلتي قلتي ديك البنت....عتارفتي بلي أنا بنت ياك؟؟هههه......جود ضحك ضحكة ديال تمسخير.....جود؛هههه نتي بنت نتي؟؟بلاتي نوض نتأكد.....أنا؛(بخوف)جللللس بلاصتك متقربش مني.....جود؛لا لا غير خليني نوض.....أنا؛صافي بركا.....جود؛هههه وعندك واحد سنطيحة قدها قداش.....طلعني أو هبطني.....أو خرجت ليه ضحكة خرا كدل على الإهانة.....أنا؛مالك؟؟....جود؛ماعندك حتى صدر...شفت فصدري أو خبتيو بيدي....سخطت أو مكرهتش نقتلو....مالقيت منقول لقاها فرصة كمل علي......جود؛ماعندك صدر ماعندك مسعودة دايرة كي ستيلو بيك....اش غيعجبني فيك أو شنو لي أيخلني نقولك بنت؟؟....بلاما ضحكي على راسك أزوينة حيت أنا من داك نوع دواق كون تعرفي لبنات لي كيتعرضو علي على جمال أو على أناقة أو على جسم ماتقدريش تقولي على راسك بنت....

......بغاو يهبطوا لي دموع......ولكن شدتهوم فحال لي شادة فيل تقيل بغا يطيح......أنا؛هادوك غير لعاهرات أما أنا بنت الأصل أو لمفصل شنو كيحسابلك راسك ايجيو يتلاحو عليك بنات ناس را العاهرات كيمشيو غير عند سلاغت......ضيق عينيه أو كمش جبهتو.....جود؛أنا سلقوت؟؟....أنا؛(بتحدي)اه معجبكش الحال أو متحاولش ضربني حيت أتبين بلي هدرتي على صح....جود؛اييه؟؟وخا مغديش نضربك ولكن أنورك سلاغت اش كايديرو.....أو فجأة ناض من بلاصتو جاي قاصدني.....بعدت أو نحاسرت فواحد لكوان....أو من وصل لعندي مكان عندي فين نهرب......أنا؛بسع مني....ضحك ضحكة خفيفة مع واحد نضرة ديال إنتقام...أو جرني لعندو.....دار يديه على ضهري أو تانية لوا لي يديا بجوج فوق راسي على الحيط.........أنا؛(بلغوات)بسع مني....جود؛هي أنا سلغوت أو كنمشي غير عند العاهرات صراحة مليت منهم أو بغيت نعرف بنات الأصل أو لمفصل كي دايرين..... وليت حمرة أو بقيت كنتركل....أنا؛بسع مني نتا كتسغل قوتك أو نتا عارفني بلي منقدرش عليك.....جود:ههه شغلي هداك.....أنا؛جود خليني الله يستر عليك يدي ضروني.....مدواش معايا.....بقى كيشوف فعينيا....أو أنا ستلمت لهم كلياً.....زونين بلا قياس...يقدرو يدوبوا أكتر إمرأة عنيدة فالعالم أو تستسلم لنضرتهم الجدابة بكل سهولة......بقا كيضحك عليا حيت مبقيتش كنغوت أو ريحت.....جود؛شتي كلكم فحال فحال متقدروش ترفضوا راجل فحالي....تفو عصبني بلاتي نسمعك جوج كلمات....أنا؛هههه ضحكتني ولاه شكون داها فيك المكحلة فضلام...بعدا نتا من أخر رجال لنقد نفكر فيهم....عندي واحد فحالك فدارنا....خويا حكيم نسيته؟؟أو زايدون...سير تعلم الأداب أو صواب...أو حيد منك هاد تحوانيت عاد دوي.....جود زير على يدي أو خشى سباعو فضهري.....جود؛سلغوت سكتنا عليها حيوان منسمحلكش ابيبي....طلق لي يدي أو جمعهم مورا ضهري بجوج شدني من فكي أو أنا مصدومة كلياً.....شفتو كيقرب لفمي أو أنا نبعد وجهي لجهة لخرا....جود؛اه كتعطني عنقك صافي أنبوسو لك حتى هو كيعجبني.....أنا؛لا لا صافي أنا ساكتة طلقني......بقيت كنغوت أو معرفت فين نعطي راسي.....شدو لي بيديه أو حكموا مزيان....جود:باش هاد لمرة تعرفي اش كتخرجي على فمك.....مفهمتش صراحة حتى خشا راسو فعنقي أو باسني بوسة غريبة..ماهيا حنينة ماهيا مجهدة....دخت....أنا؛(بلغوات)طلقني طلقني أجود الله يستر عليك صافي أنا أنبقى ندير دكشي لغتقول صافي......طلع وجهوا أو شاف لخوف فعيني.....كنت كنترجاه بهم لعل أو عسى يحن فيا.....جود؛لا بيبي غير ترخاي أيعجبك الحال.....أنا؛ولاااا واع بعد مني وا لخرا......جود؛لخرا؟؟.......كنحس براسي عييت.....معنديش أصلاً لقوة ليه.....من شفت راسي أنفشل ...ستخدمت رجلي لي كانت حرة أو عطيتها ليه الكرش.....حرر لي يد وحدة أو أنا ستغليت لفرصة أو هزيتها حتى لشعروا أو نتفتو.....طلقني كاملة أو بكترت الفقصة...بقيت كنتف فيه أو هو كيحاول يبعدني....لصقت لصقة وحدة....أنا؛حمار كيفاش تجرأ علي اه؟؟.....ليوما نطير لك هاد جوج زغيبات لي فرحان بهم.....جود؛هداي وا لحمقة.....والو مطلقتوش هو يجر أو أنا نجر.....جود ملقى حتى حل أو جمعها بنص......بقى كيلهت ...أو جمع شعرو لي طار لسما......جود؛واش حماقتي؟؟؟...بقيت مشبحة على لرض أو زغبو مازال فيدي.....أنا؛(بلغوات)كاين شي حمق قدك؟؟......تفو حقير......

نضت أو مشيت ريحت.....بقيت كنلهت سخفني....مسحت عنقي أو لقيتو كيتفرج فيا.....أنا؛(بلغوات)مالك؟؟....بغيتي شي نتفة؟؟.....راس طارو.....قالك حمقة.....معرفتش شكون لحمق فينا المجنوووون.....جود:لا رد.....أنا؛مالك ساكت دوي....حليت شعري أو رجعت جمعتو سفنجة.........جود بقا كيشوف فيها....وقف قدام أكتر رجال خطورة أو إجرام...ولكن معاها هي مقدرش يزيد خطوة....كان عندها الحق فكل كلمة قالتها....معرفش لحد دبا كي غيتصرف معها....هو من طبيعتو إنسان جوابو على لسانو أو دكي بزاف..يعني مستحيل يوحل عند شي سؤال ولا ستفزاز....أو دبى علاش مقدرش يزيد أو يسمعها كلام قاسي....بقا ساهي فيها...لحتى لحضة لي غيقطع الأنفاس ديالو...باش حلت شعرها أو مشطاتو أو رجعت جمعاتو بطريقة مغرية......نزل عينيه بسرعة أو خرج قبل ميتزرف معاها....

شفتو خرج أو سد الباب مخلاني حتى نقولو يبدل لي لبيت....تفو الهمجي......قست فعنقي فديك لبلاصة أو جاتني واحد رعشة.....أنا؛أووو لحمي تبورش هدشي غير باسني كون دار شي حاجة كتر كون را سخفت.....خاصني نسكت شوية حسن ولكن كيستفزني بزاف منقدرش منردش عليه......نعس حسن لي.....بان لي شعرو مازال لاصق فيدي عنقتو أو داتني عيني فخطرة.

أما جود دخل لبيتو أو حيد تركوه.....حس بسخونية....جود؛تهدن أجود تهدن مالقيت علامن نتغوا ميمكنش لديك لكمشة تغويني.....حل لبالكون أو جبد يكمي....بقى كيبخ فلهوا أو كيشوف دخان طالع لحتى لسما أو يختافي......طل على ديك لغابة.....مضلمة أو أمواج لبحر كيسمعها من بعيد فحال شي لحن رومانسي.....شوية بدا كيضحك غير بوحدو......بدا فلول ببتسامة صغيرة أو تحول من بعد لقهقهات عالية.....كل مكيتفكر داك لموقف لي جراتو من شعروا كيبغي يسخف بضحك......مسح دموع ضحك أو كمل الكمي.....دخل أو فبالو حاجة وحدة بلي هاد المدة أدوز مسلية بزاف.....جود؛ههههههه علام ديك لبنت باينة أنشبع ضحك يا ربي تصبرني.....

فصباح نضت بكري...حيت شبعت نعاس....باينة ايجي يديني نتدرب....لبست تريكو كحل واسع أو سروال فنفس لون.....جمعت شعري سفنجة أو درت واحد لباندا لقيتها فداك ساك....جيت كي داك بوزبال لي فراس درب....مي حسن باش ميطمعش في.....بقيت كنتسناه أو فعلاً مدازتش حتى 5min لقيتو حدايا ...لابس شورت بين سيقانو لقويين أو تريكو رقيق فلكحل أو جامع شعروا ...جا صراحة سيكسي......شفت فيه بكره أو خرجت....ردني لعندو بجهد....شدني من سفنجة.....أنا؛أيييي.....جود؛شتك مبقتيش كتحشمي...أنا؛عارفة طريق طلقني......بتاسم لي أو سبقني....وووو واش ضحك فوجهي ولا تخايلت......هبطت أو سمعت سميتي جاية من لكزينة.....دخلت لقيتو موجد فطور بسيط....زوج سندوتشات أو كاس ديال قهوة.....جود؛آجي نفطرو باش نمشيو ندربو.....أنا؛مم اوكي.....كلينا بجوج ...هو خشى داك سندوتش فدغمة...ماعرفت كي دار ليه.....أنا بقيت كنلوك أو نمدغ بشوية علي.....جود؛وسرطي دغية أنبقى نتسناك.....أنا؛(كنمدغ)هاني ساليت.....هبط عينيه لرجلي لقاني حفيانة....جود؛مالقيتش فداك ساك سبرديلة؟؟....أنا؛علاش ماشي نتا لي جبتي لحوايج؟.....جود تفعفع عوتاني.....جود؛أنا لي جبتهم.....أنا؛اه بغيت نسولك كي درتي عرفتي نوع شابوان لكنبغي؟؟؟....دار لعندي أو قرب لجهتي...غطيت وجهي أو بعدت....حصرني قدام لفابو أو دارني وسط يديه....جود؛(بمكر)هههه أو بغيتي تعرفي كيفاش عرفت لقياس ديال ستيامات؟؟.....حسيت بلحمورية ديال الحشمة طالعة على كمارتي أو دفعتو...أنا؛الله يقلل حياك تفو كيداير......جود؛هههه كنعرف عليك كلشي حتى (شير بعينه لصدري)لعيبة......أنا؛أووووف عقلك موسخ بزاف شكون قالك جاو قدي؟؟....جود تفرشخ بضحك.....أو أنا حماريت بلحشمة تفو كنطير......جا لعندي دور يدو على عنقي أو خرجني لبرا حل واحد لخزنة صغيرة ديال صبابط أو لاح لي سبرديلة فيها واقلة شي 47.... جود؛لبسي هادي....أنا؛واش حماقتي؟؟كبيرة بزاف...جود؛قدي بها أتوسلي لا سال أتحيدها...أنا؛أوف الله يهنيني منك........

لبستها دخلات بسهولة أو جاتني كي لباطو سمعت ضحك أو أنا نخنزر فيه.........جود؛هههه زيدي قدامي أعزري دوار نيت كملتي لحطة .....أنا؛بعد مني....دفعتو أو تمشينا جنب بعضياتنا....كنحس به كيشوفني من فوق.....كانت شمس....أو لجو حار....مكرهتش نحيد تريكو أو نلبس شي حاجة خفيفة.....أو كنجر فديك سبرديلة فحالي جارة تراكس....دخلت لا سال...أو لحتها وصلت لسما.....أنا؛خانزة يخ....جود؛انشري لك وحدة هههه أجي بشحل كتلبسي....يكما فحال سوتيامات؟؟.....أنا؛(بلغوات)خرا زدتي فيه؟؟.....جود؛هههه وبصح داوي؟؟.....تغبنت ليه فحال دريات صغار.....أنا:كنلبس 39 ......جودوخا يلا نبداو...ليوم أنديرو تسخينات....باش ندربو من بعد....مشينا لالآت رياضة....أنا صراحة كنعرف سميتهم كاملين لكن شي وحدين فحالي هاديك لي خنقاتني ماعرفت مين جابها......بدينا بي Treadmill أولى لي كيقولو لها جهاز المشي الكهربائي.....جود؛بداي بهادي كل نهار عندك فيها 10 دقايق بسرعة بطيئة ولكن أنبقى نزيدلك السرعة حتى توصلي لماكسيموم حيت هي صعيبة بزاف أو خصها سوفل......حركت راسي بالإيجاب...ركبت عليها أو خدمها لي أو حط لي سرعة منخفضة بزاف.....أنا؛وا سي هادشي تقيل راني كنعرف لها غير زيد.....جود؛ماتغريش براسك اتبعي لكلام لي كقول بداي دبا بهاد سرعة .....يلا 10min أنا جاي.....مشا هو لألة خرا شغلها بسرعة طالعة أو بقى كيدرب بإحترافية ...سهيت فيه.....بديت بشعرو...لي وخا طويل..ولكن عاطيه واحد نضرة رجولية خطيرة....وجهو كبير مع لحية كتيفة....عينيه لي كيسحروني ديما أو دليل انني عمري نسيتهم أو حتى لوكان مابنش مرة خرة مكانتش غنساهم فحياتي كاملة ...وخا نعيا منوصف فيهم...كيبقى فيهم واحد سر مامفهومش....عنقو سمر أو صحيح..كتحسي إلى شديتي فيه عمرك طيحي.....أما كتافو عراض أو درعانو عامرين.....جسمو رياضي بإمتياز....أو هيئة كتفوح برجولة.....بقيت كنبحصص فيه مالقيت حتى عيب....راجل كامل مكمول....صراحة بيني أو بين راسي ديما كنت كنتمنى شي واحد يكونو عندو نفس المواصفات .....هاني لقيتو ولكن يا ترى؟؟....أيكون لي زعمة؟؟....اش كنخربق؟؟....عمرو أيكون لي ولا نكون ليه متنسايش أبيبو بلي راك مخطوفة أو علم الله اش داير هاد سيد فحياتو حتى بانت ليه فيا....بقيت فواد تخمام حتى جاتني دقة على جبهتي...أنا؛مالنا؟؟....جود؛فاش كنتي كتفكري؟؟...من صباح أو أنا واقف هنا حبست لماكينة أو نتي فعالم بوحدك.....أنا؛احم ماكنت كنفكر فوالوا....جود؛كنتي كتشوفي في...ياكما عجبتك؟؟....أنا؛بشحال متكبر.....مالقيت فيمن نسها غير فيك نتا.....بغيت نمشي مي شدني من يدي...أو همس حدا ودني.....جود؛أنا الالا إلى مكانش فخبارك نقدر نفهم شنو باغين العيلات بنضرة وحدة....من خليتك أو نتي حادياني فلتيني بعينك...بقات لك بلاصة وحدة تشوفيها؟؟....أنا؛(نترت يدي أو شدتني تقية)تفووووو يخ على تفكير بشحال كيعيف يخ يخ تفو......جود؛ههههه إوا هي لي بقات داوي معاك أجي تشوفي.....مشيت بجرة أو بقى تابعني بغى يحيد شورت....أنا؛يخ معفون....خليه عندك........

هربت جهة بعيدة....وجهي صفر بلخلعة.....رفعت صبعي كنهدو زعمة باش يوقف......أنا:جود بعد مني بركة من لبسالة....جود؛هههه صافي صافي زيدون أندربك مبغتش نوريك شي حاجة كتخلع أو تصدقي ساخفة لي هنا....قربت ولكن خليت مسافة أمان.....تبعتو أو وصلنا لواحد ماشين كتعجبني.....أنا؛ممممم Spin Bike(دراجة الدائرية).....جود؛مزيان مين كتعرفيها الفائدة ديالها معروفة كتقوي سيقان أو كتساعد فجري بسرعة كبيرة....كل نهار أتبيدالي 15min عليها...يلا بداي دبا...مشا كمل شكان كيدير....طلعت عليها أو بديت....مبغتش نطلع وجهي عوتاني...يقدر يوريه لي بصح هاد المرة هههه سيد شوية متكتك.....معقلتش على راسي حتى حسيت بلعرق كيتصبب مني....حبست أو طلعة لغنطلع عيني لقيت صالة خاوية....أواه فين مشى هدا عوتاني؟.....زدت جوج خطوات أو فتشت عليه مالقيت والو غير صوت ديال ريح جاي من لباب لكان محلول....تخبيت مور الحيط مع يقدر يكون برا أو يدخل أو يلقاني....تسنيت أو والو مبانش....تشجعت أو زدت تمشيت جهة لباب ....عيني مفيكسين على لهدف ديالي....بان لي فحال شي حلم قربت نحقو ....أو فعلاً بقيت غادة بشوية خطوة بخطوة لباب....وصلت ليه تخبيت موراه...صدري كيلهت أو حسيت فحالي يقدر يدخل أو يصبني....مين ما سمعت حتى صوت خرجت غير راسي...يمين شمال ...الله مكاينش....شفت بيلا نيشان....طريق ديال لغابة كتبانلي مفرشة بلورد....غنهرب وأخيراً....بصاح أنا مشيت مع هبالو ولكن كان عندي يقين إلى تاحت لي أي فرصة نهرب مغديش نتردد....أنا؛يلا بيبو يلا تشجعي 1 2 3 عطيت رجلي ريح وخا كنت حفيانة مقدرتش نصبر اللهم نتجرح ولا نبقى عند هاد المجنون.....وقفت أو شفت مورايا....ضحكت أو حسيت أخيراً بلي تفكيت.....أخيراً منبقاش نشوف وجهو....لمشكلة دبا معرفاش طريق...كيبان لي غير شجر كتيف أو طريق مخربقة.....كملت بجري.....أصلاً أنا كنجري مزيان ولكن دبا رجلي ممساعدنيش حيت حفيانة أو طريق محفرة أو عامرة حجر......جاتني البكية حيت الألم كان كبير...ماديتهاش لمهم هو نمشي من هنا.....معرفتش بشحال ديال وقت بقيت كنجري لمهم هو بعدت...لفرحة غادية أو كتكبر أو الألم حتى هو....كنطل على رجلي بانو لي عامرين بدم.....أنا؛مكيهمش يلا بيبو يالااا........وصلت لواحد منطقة كلها شجر أو دايرة على شكل دائرة.....بقيت كندور فبلاصتي....كلشي مسدود بشجر.....مسحت جبهتي بالعرق....صدري كيطلع أو يهبط...نفسي ضاقت علي أو حسيت بخطر قريب.....أنا؛شنو غندير اربي؟؟.....عوني بين لي طريق......حصلت فوسط ديك دائرة....حتى دموع مبغاوش ينزلو بالخلعة.....الأندرينالين كان طالع لي بزاف....قلبي كيدق بجهد...واحد الحالة عالم بها غير الله.....واحد شوية سمعت موريا شي تخشخيش وسط داك شجر.....درت بشوية سحابلي جود.....وضفاك قودتها.....كنتسناه يخرج لي ولكن هاداك لحس غادي أو كيزيد أو كل مكيقرب كيبرد لي لما فركابي.....أو فجأة سمعت صوت لكلاب......أنا؛وا ميمتي لكلاب لا؟؟....اوا حسيت بشي واحد ضربني لقلب باش شفت 4 ديال لكلاب ولا دياب ولله مفرزت...مع كانوا كبار...لسانهم خارج أو باينة جاعرين أو مواكلينش.....كانوا بعاد عليا بشي مسافة ديال 15 مترو....أنا؛(بخوف)شهاد لخرى طحت فيه؟؟.....ناري ميمتي ليوم نموت.....رجعت لور أو هما تقدمو جهتي..كل واحد فيهم غياكلني من بلاصة....أنا؛يا ربي ترحمني.....هبطولي دموع فحال جوج خيوط على وجهي ....كل مكنبعد هما كيزيدو أو إلى جريت أيتبعوني.....كيقولو مخاسش تبان خايف...أو أنا ماشي غير كنخاف منهم كنموت غير إلى شفتهم.....كي غاندير فأخر يامي أنموت موكولة هئ هئ هئ.....رجلي فشلوا أول مرة كنشوف لموت قدامي....الله ياخد فيك الحق أجود...نتا لي خرجت علي نتا لي أتنهي حياتي عمري نسامح لك......بغيت نجري خفت يتبعوني أو يشدوني بسهولة حيت مع لخوف أو جروح لي فرجلي أكيد أنتعكل.....شديت راسي بيدي أو بقيت كنشهق بلبكى بصوت مامسموعش.....أنا؛لا لا ميمكنش لا يا ربي عتقني شوف من حالي...هئ هئ هئ.....غوت فسما بصوت عالي"ياا ربي".........

فلحضة سمعت صوت طنبل حبست بجهد...صوتها رسل لي أمل....صوت ديال توقف ديالها ردني لحياة...درت أو يا ريتو كان شي حد أخر....كان جود بعيد بنفس مسافة لبعادٍ بها لكلاب.....خرج بزربة أو شير بيديه...مافهمت والو....فحالي راني وسط جوج نيران....إلى بقيت غيكلوني لكلاب...أو إلى مشيت عندو أيكلني هو.....جود:(بلغوات)جرييييييي....صوتو كان قوي بزاف...طيور تفرقو فسما أو صوت لكلاب أو نباحهم تقبلي ودني.....نمشي لعندو أللهم نموت على يديه ولا على نيابهم.....بعدت شوية أو أنا نعطيها لسكرتح.....شفت موريا لقيتهم تابعني كي لوحوش.....جود؛(بلغوات)متشوفيش موراك.....طلع لطنبل...أو فتح لي لباب....وصلت لطنبيل أو تلاحيت... سديت دغيا....بقيت كنلهت أو عنقت ليه يديه بجهد....بقاو لكلاب كينقزو على زاج....خشيت وجهي فدراعو أو كنبكي.....جود:(بلغوات)هدشي لي بغيتي اه؟؟....دفعني جاء راسي على لباب ديال طنبل....شاف لي فوجهي لي عامر بدموع أو ضرب لفلون.....أنا:واش دلموك عندك خرية فداك راس.....خبيت وجهي بيدي حيت حلفت ميشوفش دموعي...ولكن لخوف كان مسيطر علي....حرك طنبل أو أنا صوت شهيق ديل بكا غادي أو كيزيد.....جود؛سدي علي فمك قبل منردك لهم....سكت ولكن يدي أو جسمي مازالين كيرجفو...رجلي مجروحين...لعرق....ولكن أصعب حاجة هي تحس راسك أتموت أو ماتقدر دير والو.....طليت عليه لقيتو ساخط....تفو بينا أيهردني عصا ولا غادي يدير في شي مصيبة.....بقى سايق أو كيشوف فطريق...كلشي مخربق..معرفتش فين حنا....كلشي كيتشابه....أنا؛فين غادين....خسر علي واحد تخنزرة أو أنا ندرب طم....طليت على رجلي...ولله حتى لحم مبقاش كيبان كلشي ولا حمر....أنا؛أحح أيييي....سمعت تنهيدة فحال نار خارجة منو....حبس طنبل بجهد....أو خرج دار أو تم جاي لعندي....فتح أو غوت واحد لغوتة كنت غنبول فسروالي.....جود؛(بلغوات)خرجيييييي......خفت أو تكمشت بلاصتي.....جبدني من لكول ديال تريكو....أنا؛أيييي رجلي كيدروني.....بقى جارني أو أنا كنتمشى غير بزز......سمعت صوت لمواج أو شميت ريحة لبحر.....درنا من واحد شجرة أو هنا نهبطو على واحد لهضبة صغيرة غير دزناها بنلية لبحر هايج أو واحد لجو زوين رد لي روح......نسيت الألم...هبطني بعنف .....مشافش وجهي شدني غير من طرف ديال تريكو....وصلنا حتى لشط ديال لبحر أو دفعني.....طحت أو مابقيت كنشعر بوالو غير بواحد صداع فرجلي فحالة أيتقطعو.....طلعت عيني فيه ..كان داير يديه فجيبو أو عاطيني بضهرو.....سكت واحد 5min.....ستغليتها أو بديت كنمسح دم لي فرجلي لي خلا اتار فرملة......شوية دار لعندي هبط على ركابه أو بغى يقتلني بعينيه.....جود؛مالقيتي مديري ياك؟؟...سحابلك مغنلقاكش؟.....كي جاوك كلابي؟؟....أنا؛(بصدمة)نتا لي؟؟......جود؛(قطعني بلغوات)اييه أنا باش تعلمي لمك تهربي.....أنا؛حرام عليك علاش نتا داير فحال هاكدا.....شد لي دراعي أو وقفني....بقيت كندفع حيت هاد سيد بينا فيه مصطي أو حياتي كنت انفقدها بسهولة...شنو زعمة كيعجبو يلعب بناس؟؟....أنا؛(بلغوات)طلقني تفو لحمار لمريض..كنكرههههك ......داني لبحر أو تخشينا وسط لماج...هو تخشى بسبردلتو أو أنا ديك لملحة ديال لبحر كملات علي....أنا؛أييي أييييي وبعد مني.....كنحاول نحيد يديه من دراعي ولكن مقدرتش.....جود؛(بلغوات)شوفي مزيان شوفي....أنا:شنو انشوف بعد منيي.....جود:أنا أنقولك هدا لبحر...أو لبلاصة لكنتي فيها لغابة يعني ماعندك فين تهربي....أنا؛(بلغوات)أنهرب أنهرب أو مغديش نبقى مع مجنون فحالك.....زير على دراعي أو ليد لخرة شد بها وجهي....جود؛إلى كنتي كتعرفي تعومي هاهو قدامك....دفعني جهة لبحر جيت طايحة أو غرقت فلما أو لماج بقاو يديوني أو يجيبوني....بقيت كنضرب فلما أو كنحاول نخرج راسي ....جرني مرة خرى أو خرجني .....ولكن مدفعنيش بقى موقفني ....جود؛إلى حصلت مك غير ناوية تهربي مني أنا لي غنتكلف نديك يشرشمو طاسيلت والديك....كنحس بدوخة أو لحgرة أو الألم أو انني مابقيت كنسوا والو فهاد دنيا....أنا؛صافي عفاك....فقدت توازن أو طحت مابين يديه....هزني أو حطيت راسي على صدرو ...جمسي كلو عيان...قلبو تحت ودني كيدق فحال طبل ...ستسلمت لديك لحضة أو غيبت فخطرة على لعالم......

حس بنفس شعور ديال لحماية لي رافقو من نهار عتقها من جون....هزها بين يديه كاتبان صغيرة بزاف....ضمها كتر لصدرو أو زير على عضامها بجهد...كانت فاقدة الوعي كلياً محساتش بكمية ديال ضغط لي مارسو عليها بديك تعنيقة...بقى واقف أو عاطي لبحر بضهرو....دار شاف فيه أو شاف فوجها لي كان صفر بالخلعة.....جود:(تنهض تنهيدة عميقة)أنا بصح مجنون فحال لي قلتي نتي....خاصك تولفي تعيشي على هاد لوضع حيت منقدرش نتبدل...تنفس هوا ديال لبحر حتى حس به دخل أعماق قلبوا أو هدأ من شحنة ديال الغضب لي حس بها فاش هربات....طاحت عليه لفكرة باش يختبرها قبيلة منين خلاها ملهية أو خرج....كان عارفها أتهرب...ولكن كان عندو إحتمال كبير بلي أتخاف أو ترجع....لي مكانش متوقعو هو هاديك رغبة لكبيرة ديالها باش تخليه أو تمشي.....أو باش يقطع لي لياس أو يفقدها لأمل فخطرة تبعها لغابة لي حافض طريقها مزيان....شافها كتمشي فطريق غالطة أو عندو يقين بلي مستحيل تقدر تخرج منها أو تلقى طريق صحيحة....إنتهز لفرصة أو مشا لدار دخل بجرة فحال شي غول فتح باب بيتها أو خطف تركوها لي كان مليوح فلرض...توجه من بعد لطنبيلتو لي مخبيها وسط شجر أو جاب حتى كلاب لي طالقهم يسرحوا فالغابة أو شمم لهم تريكو ديالها باش يلقاوها بسهولة.....أما هو خدة طريق خرى باش يوصل فالوقت لمناسب أو يعتقها منهم....لخطة ديالو مشات ممتازة...أو كمل عليها من داها لبحر أو شاف فعلاً لمعة الإنكسار فعينها أو بلي صافي كلشي مسدود....كان كيفكر فهدشي كامل أو هو راجع لمكان لكيحط فيه سيارتو....فرانا...أو خرج...جبد غارو أو تكا على لمقدمة ديال سيارة...كيسمع صوت لفراخ أو الريح لي كتحرك أوراق شجر بنغمة هادئة....أما عبق بدات كسترجع الوعي ديالها شوية بشوية.........كلشي كيدرني من راسي حتى لرجلي....هئ هئ هئ بزاف على هاد العداب أو على هاد الحماق لي واصل ليه هاد لمجنون.....شنو درت فحياتي حتى نتبلى به أنا من دون ناس.....لقيت راسي فلمقعد لخلفي ديال طنبل....شديت فالكرسي باش نوض....بانلي من زاج عاطي بضهرو أو دخان فسما....حرش عليا لكلاب؟؟ على شعرة يهرشموني...شنو غنتسنا منو مازال أكيد عندو شي خلل فالمخ حيت بزاف عليه يكون انسان عاقل....حليت لباب أو خرجت بسيف....سمع حسي أو دار...لاح طرف لي كان كيكمي أو جاء لعندي وجهو عادي مافيه حتى أتر ديال ندم ولا لخوف.....أنا:ضحكتي علي ياك؟؟.......جود:كفاش؟؟....أنا؛عجبك لحال حيت وصلتني لهاد لحالة؟؟...جود:هههه نتي أبيب لوصلتي راسك لهاد لحالة ماشي أنا....(بلغوات)أنا قتلك خرجي؟؟...ناً:(غطيت ودني)صافي سكوت......جود حيد ليا يدي من حدا ودني بزز أو همس لي فيهم بصوت كيخوف.....جود:عبق خاصك تفهمي بلي معزيزش علي لفريسة تهرب من يدي نجيبك نجيبك وخى تكوني من تحت لرض....كلامو خلعني أو شفت فوجهوا مرة خرى لي رجع يكتاسي نضرة لبرود....خلاني أو مشى سد سيارة أو تفقدها لاتكون محلولة....أو قرب بغى يهزني....أنا؛بلاش أنتمشا راسي....جود؛همم لمسافة من لهنا دار ماشي قليلة أو رجلك كيعيفو بدم مايكونش راسك قاسح....أنا:ماشي شغلك غير زيد أو أنا نتبعك.....هز كتافو زعمة "ماشي شغلي فيك"....سبقني أو دورت وجهي لجهة طنبل خاصني نحفض بلاصتها....زدت موراه أو هنا طريق محفرة كتر من لولا.....أنا؛أححح....شاف في أو مهتمش....دم تكبد على رجلي أو جروح جداد تفتحوا.....طحت صافي مبقتش قادرة نتحمل....أنا؛أيييي أححح......هبط لمستوى ديالي أو سولني غير بعينه....شفت حتى شفت أو دورت يدي على عنقو...هزني أو لأول مرة كانكون واعية أو أنا مابين يديه ....شعور زوين بزاف أنك تكون فحضن حمق معرفت جاع مصيري معاه....مبغتش نشوف فوجهوا كنتوتر من لوسامة أو لعينين لجدابين....حطيت راسي على كتفوا أو سكت....حتى هو مهدرش أو فضل يكمل طريق فهدوء.......

ولكن هدشي مامنعنيش نطل على طريق من ورايا أو نشوف مزيان مين خرج مين دخل أو مين داز.....كان شعروا مغطي وجهو باينة مبانوش ليه عيني فين كيشوفو.....عقلت شوية أو درت لقيت بلي وصلنا لدار....دخلنا أو طلع بي لبيت خر.....دفعوا برجليه أو أنا غير ساكتة بلعيا...حطني فوق ناموسية أو مشى لبيت واحد أخر واقلة لحمام ....دورت عيني فالبيت...كان واسع بزاف على هداك لي أنا فيه...الوانو حزينة أو حتى لفراش ديال سرير غامق....فيه بالكون كيطل على شجر أو بلاكار كبيرة لون خشبها بني غامق أو مرايا مهرسة أو طبلة عليها شي حوايج ديال رجال....خرج أو لقاني كنبحلق....جمعت عيني أو بتاسم واحد الإبتسامة ديال "حصلتك"....جود؛فاش كتشوفي؟؟...أنا:والو غير بيتك زوين أو أنا عاطني هاديك مغارة هرقل......جود؛هههه كتشرطي؟؟......أنا؛اه بدلو لي حبسني غير فسال ديال رياضة حسن.....جود غمزني كان قلبي أيسكت من الجمال ديالها أو رجع دخل لحمام....قست قلبي لقيتو كيضرب بجهد....أنا؛بيبو تهدني.....خرج أو فيده بواطة ديال اسعافات....هبط على ركابه أو هز لي رجلي ...حشمت أو جبدتها.....أنا؛لا أنا غنتكلف....جود:(خنزر في)متعصبنش....رجع جرها أو حطها على فخدو أو خدة قطن فيه دوا ديال الإلتهاب....غير حطو غوت غوتة وحدة.....أنا؛أييييي لا لا....كنجبد رجلي أو هو كيجبد....جود:وا لخرا شدي لرض.....أنا؛(سادة فمي باش لغوتة تحبس)ممم كتحرق.....جود؛ماعندي ماندير لك صبري خص نزيف يحبس....أنا؛الله يا ربي الله سربي سربي....حط لقطن مرة خرى ولكن بلطف ....أو مرة مرة كنفرطط لسما........وأخيراً سلا....مسحهم من دم الباقي أو دار لي شي بوماد أو ضمادة من بعد.....جود؛(ناد جمع دكشي أو وقف)مغدش يكون تدريب هاد ليمات .....خصك تبدلي حوايجك مازال فازجين....دخل لحمام أو نضت نمشي لبيت......وصلت بزز لباب أو فجأة لقيت راسي فسما ...هزني من لور أو داني....جلسني فوق سرير أو جاب لي ساك ديال لحوايج.....جود:نعاونك؟؟....أنا؛تسطيتي؟؟.....جود:هههه وخا لبسي دغيا أنجيب لك متاكلي.....مهدرتش غير ستغربت من هاد المعاملة طيبة لي ولات فيه ليوم......سد لباب أو مشى مخليني فحيرة من أمري....

جود هبط لكزينة....أو معرفش علاش تصرف هكداك....جمع شعروا أو دار يديه على لفابو كيفكر "فيها"......جود:شكنخربق؟؟أنا لي دبرت فهدشي أو كان علي نعاونها.... نفض الأفكار لي سيطرات عليه ... حل تلاجة جبد لي خصو.....قشر لبطاطا أو خيزو أو قطعهم لاحهوم فكسرونة أو زاد عليهم البصلة أو لما توابل أو زيت ...دارهم على نار...أو حرك كلشي أو فنفس لوقت خرجت منو إبتسامة صغيرة زينات فمو باش تفكر نهار نتفاتوا......جود:شهاد لخرا كنفكر فيه؟؟..... شاف فنار أو حس بها كتحرق ليه قلبوا....جود؛ماتنساش أجود دكشي لي درتي هادشي على ودو....

ساليت لباسي أو نشفت شعري رجعت جمعتو أو درت لقب ديال كابتشو.....عاد حسيت بسخونة .....جود مجاش جاع غبر..هاهو عمرو طويل كي صندالة.....كان هاز صينية فرحت أكنشوف الماكلة كنفرح.....أنا؛تعطلتي؟؟....جود؛يلا تسنيتو يطيب......جود؛(حط صينية على رجلي)كولي......شفت فدكشي جاتني البكية....جايب لي سوبا أو خبز .....أنا؛شهادشي؟؟...ياكما أنا مريضة برواح ولا يلا ولدت؟؟.....جود:هههه هدشي لي كاين.....أنا؛أنا باغا همبرغر أو موندا....جود؛بغيتي شي قتلة ديال لعصا لا؟؟.....أنا:أووووف نتا لطيبتي؟؟...جود:شي اسئلة ديال لكلاخ ....أنا؛باينة أيكون مافيه ميتكال......مجاوبنيش جلس على طرف سرير أو تفرج في أو أنا كندوق معلقة لولا.....واوووو بنينة....أنا:ممم زوينة.....جود:هههه شفتي متحكميش بلا متعرفي.....أنا؛اه ادن مخصنيش نحكم عليك قبل منعرف اش مخبي علي تقدر تكون إنسان مزيان.....جود؛بلا هدرة خاوية مين تسالي نعسي......أنا:كتهرب كيف ديما ولكن ايجي نهار انعرف كلشي....شاف فوجهي بنضرة فيها خوف عكسي أنا لي ضحكت ضحكة كبيرة أو كملت ماكلتي.....خرج أو زدح لباب بجهد....أنا؛غير هرب أجود اولد ولد ماريا معرفتش شنو موراك ولكن غنمشي حتى أنا مع حماقك أو نحلو هاد لغز......

هبط لتحت.....خدا تليفون أو عيط لريم....جا ردها بسرعة فحال ديما....جود:واش مك كتفكري من ديك لخرية لي عندك فراسك أنبقى نعلم مك اش ديري؟؟.....كيفاش مفهمتش؟؟.....من قلت لمك جيبي حوايج لبنت يعني جيبي شنو خصها من راسها حتى لرجليها....نسيتي؟؟....كتغلطي بزاف أريم...ياكما يسحابلك نسيت على لفعلة لي درتي؟؟...(بلغوات)..كان عليك تعلمني متخلنيش نقلب فحال لحمق....مشيتي لنيس أو ديتيها معاك بلا خباري شبغتي نصفق لمك....غاحشمت نهرس لوالديك عضامك....فينما كنتفكر هاد الموضوع كنبغي نقتلك أو منحنش فيك.....تسناها شوية علاما سلات لبكى ديالها حيت باش عرف بلي هي لي دات بيبو لديك لمدينة...عاملها خايب أو قلل عليها لحية أو مخلا باش نعتها.....ريم نوات تكفر على دنب لي دارتو فصحبتها أو عرضات على باها هديك لخرجة لنيس مخبراتش جود باش ميمنعهاش أو مرداتش حتى على إتصالات ديالو....كان هدفها تعاون بيبو أو تحاول تسامح لراسها على كدوبها مع صديقتها لوحيدة....مهتماتش بالعواقب لي غيجيو من عند جود.....لي كانوا عواقب وخيمة....خرجت منها مسرفقة أو شبعانة سبان.....جود؛ساليتي لبكى؟؟....إوا سمعي على وديت هاد الأخطاء لبساط مغنبقاش متساهل معاك.....نتي واعدتني أريم أو لمهمة ديالك غتسالي فاش أنا لي غنقرر هادشي....مرداتش عليه كان كيسمع فقط غير تنهيداتها أو لحسرة لي كتوصل ليه من صوتها.....جود:دبري لي على شي سبردلات مزيانين راك عارفة قياس رجليها أو شي صندلة وسيري نساي عاود من بعد إو نتلقاو فبلاصتنا ......قطعت لخط فوجهوا أو رمى تليفون بجهد.....جود؛مخسنيش نوقف بعد ماوصلت لهاد المرحلة....جبد يكمي أو بقى فضلمة كايبان غير دخان لي كيطلع من سجارتو أو حتى من قلبو لي كيتحرق كل نهار.....

فاليل ناضو في أوجاع فرجلي....بقيت كنتألم غير بوحدي.....أو لخنقة فالبيت زادت على نفسيتي بالإكتئاب ....أنا:(بصوت عالي)جوووووووود وااا جووووود......دخل مخلوع.....جود:مال مك؟؟....أنا؛حرقني حرقني كنموت....شاف فرجلي لقا ضمادة ولات حمرة....جود:بلاتي....قاس حرارة جسمي أو بلا ميخلني نتكلم هزني بزربة.....أنا؛فين غادي؟؟نزلني......جود:خاصك تشربي دوا.....أنا:مبغتش نزلني أجود......جود:سكتي صداع راس معاك تفو....أنا:نتا لي دخلتي ليا لحياتي..... دخل لبيتو....حطني فوق سرير.....أو خدا كينة .....خشا هاليا بزز فمي....أو شربني لما....جود:فيك سخانة أو خصك تبردي.....أنا؛صافي أنا مزيانة غير متخلنيش فداك لبيت....جود: فين نحطك فوق راسي؟؟ تنهد أو شاف في بشفقة ....جود:تبقاي هنا معايا ليوم؟؟....شفت فيه واش كيضحك علي؟؟.......مي كيهدر بصاح.....أنا؛من نيتك؟؟....جود:لا بغيتي......فكرت صراحة هنا لبيت مفوج أو ممضلمش أو أيبقى معايا إلى تألمت......أنا؛ممم مغديش تقرب مني.....جود:هههه ورا قتلك مكتعجبنيش.....أنا:وبقى عند كلامك.....جود:اش فيك ميتعجب....أجي نبدل لك لفاصمة..........

مين سالينا....تهدنو شوية لجروح أو هو دخل لحمام......صراحة بديت نفكر واش نقوليه بلي أنا عرفتو هو حفيد ماريا ولا نخليها سر...ماريا قالتها لي يمكن بخوف أو بعفوية......جود 100% مفراسوش.....لا لا أنخليها بيني أو بين راسي نشوف واش غادي يقولها ولا لا؟؟ أو نعرف واش ماريا كانت عارفة بهدشي لي دارو حفيدها أو خطو بجوج باش يخطفني؟......دورة لغندور كنلقى سيد خارج عريان ملابس والو من لفوق....شهقت شهقة وحدة.....أو ماي غود.....أشهدشي؟؟.....وجهي رتاسمات عليه واحد صدمة ديال الإعجاب ...بنت فحال شي حمارة....واو على جسم....سيس كاتبان من طيارة أو لعضلات ديال صدر أو لكتاف.....صافي هبطوني من لكرة الأرضية ...منقدرش على هاد لوسامة كاملة.....جود بتاسم حيت عرفني كنغرق فبحر الإعجاب.....نزلت عيني أو حسيت بوجهي غيطرطق بلحمورية ديال إحراج.....أنا؛(فنفسي)وضفاك.....جود:(بمكر)كنعجبك؟؟......أنا:من نيتك؟؟ شغيعجبني فيك؟؟أصلاً معزيزش علي نوع فحالك....جود؛لكدوب كيتقطر.......أنا:سير سير لبس عليك را كاين لبرد زعما....جود:هههه كنعس عريان....مشى لكوفوزة أو أنا يتير انتباهي شي كتابة على كتفوا ليمن...فحال شي وشمة على شكل قولة ولا شعر.....ضيقت عيني باغة زعمة نقراها مبانتش لي مكتوبة بلفرونسي ولا إنجليزية.....أنا؛شداكشي؟؟....دار دورة ديال طوبيس لقاني حالة فمي أو كنبحصص حصلني قيطي....أنا؛أيوا ميمشيش بالك بعيد....جود:هههه مدويتش نعسي أو سكتني أتبقاي فوق سرير....أنا؛أو نتا؟؟....جود؛مصيبة كحلة.......طفا ضو أو حل لبالكون أو خلاني فضلام.....تخبطت أو فكرت زعمة تكون هادي فرصة مزيانة نسولو....نقدر نبقى فيه....أنا:(بصوت عالي)جوجو....

يتبع