قصة مجنون بيبو

صباح جديد ....نفس روتين....بلاد بعيدة ...أو قهرة المعيشة أو نتا بوحدك ......أنا بنت حكمات علي ضروف نولي فحال دري....فمي سابقني أو يدي كتصرف بلا شواري.....لباسي فحال دراري أو تصرفات ديالي حتى هما....فلول كنت كنمتل هاد الأفعال ولكن دبا وليت مولفة عليهم ....نسيت أنوتة ديالي أو فبالي حاجة وحدة نحافض علا راسي على مرجعت لبلادي .....كلشي كيسحابليه بلي أنا من داك نوع ديال لبنات لكتبغي لبنات هههه ولكن أنا را كنشوف شي تيتيز كنحوال أو عيني كتبقى ترفرف غا بوحدها هههه ولكن مكنبينش كندير راسي جبهة أو كنقتل شعور إعجاب ديالي فلحضة.....عايشة ففرنسا على حساب دراسة ديالي .....يلا جيت من هادي عامين ....بقات لي 3 سنين أو نرجع.....أو غنصبر فحالي صبرت عامين لي فاتو....أيام كدوز هنا صعيبة أو لبرد أو قلة الشي..............كنعيش تقريباً غا ديك 10 يام لولا من بعد كندوزها غا سباغيتي حيت هنا كلشي غالي..... الله بشحال توحشت المغرب ب-10 دراهم تقدر تسلك راسك ....هنا اورو ولاه إلى عتقك أو هنا ناس إلى مخدمتش ولله إلا مدو لك ريال لحمر......لغور عندهم نيشان خدم تشد ماتخدمش نوض قود.....

المهم فعمري دبا 21 عام ..........عندي الوليدة الله يخليها لي أو خويا كبر مني خدام فشركة معروفة فلمغرب حتى هو كيعوني فالمصارف ديالي.....عزيز علي ولكن مكنتفاهموش بزاف قبل باش كنت فلمغرب كان محرر علي العيشة حيت مازال مhكنت متبعة ستيل ديال دراري كنت كأي بنت....ولكن ماشي بنت عادية أنا صراحة زوينة أو بسباب هدشي خويا كان كيمشي بالو بعيد أو كيسحابليه بلي أنا من داك نوع لكيستغل زين باش يطيح دراري.....مي أنا عارفة ان هاد الخوة الخاوي مصالح لوالو......قريت مزيان باش نجي لفرنسا أو ناخد دبلوم مجهد باش ملي نرجع نخدم على راسي أو على لوليدة أو مايبقاش يحل علي فمو......ولكن من ناحية خرى باش بعدت عليه حسيت بلقوة ديالو أو بلي شي حد حداك باش يحميك......خويا شاب معقول أو كأي مغربي حر عندو نفس عليا إلا لقاني درت هوك ولا هوك كيخرجها مني....مازال كنعقل واحد نهار عطاني قتلة ديال لعصا حيت هدرت مع واحد دري قدام المدرسة غير على ود القراية ولكن هو مشا بالو بعيد .....أو كان غادي يمنعني نجي لهنا كون ما ماما مسكينة قاتليه هاد سخط ها رضا الله يسمح ليه......ندوزو دبى لواحد شخص أخر شخص بفراقو فقدت حاجة فيا عمرها غادي ترجع...."بابا" مسكين ....مات قبل منجي لهنا ب-3 سنين بسكتة قلبية .....ولكن عمري توقعت بلي غيمشي أو يخليني شي نهار.....كنت بنتو المدللة كيما كيقولو......كانت طلابتي عندو كلها مستجابة...عكس خويا لي كان كيعاملو شوية بقسوة باش يطلعوا راجل أو فعلاً طلع راجل هههه.....بابا كان خدام جنرال أو كنا عايشين بخير الحمدلله علماً أنه كان كيشد مزيان.......ولكن باش مات تبدلو بزااااف ديال الحوايج......بابا كان شخص قاسي أو فنفس الوقت فيه واحد الجزء غامض.....كانت عندو واحد الغرفة مكيخلي حتى واحد يدخل لها ......كان كيبغينا بزاف أو الحماية ديالو لينا كانت فوق الحد خاصة معايا أنا.......فراقو أو لحياة بلا بيه صعيبة حيت كنت كنحسو فحال شي جبل أو تهدم......مرضت داك العام نفسياً أو خويا كمل عليا حيت ولا كيدير راسو هو راجل أو حاسب لي دخول أو لخروج......آه بشحال توحشتو.....

هادي تقريباً حياتي بختصار عايشة أو معيشاش معنديش أحلام كتيرة من غير انني نخدم أو نكون راسي......دبا أنا كنوجد راسي باش نمشي إلى لا فاك.....نضت غسلت كمارتي أو توديت أو صليت......لبست سروال واسع أو قبية واسعة فلكحل.....درت بوني كحل باش نغطي بيه شعري أو كونفيرس.....درت ساعة ديال دراري......أو هزيت كرطابلي .....ماعند جد بويا جانا لفطور......حليت لباب أو وجدت راسي باش نرجع بنت المرجلة لي كيعرفوها جاع البشر لمكلخ لي كاين فديك لجامعة.....تفو كيمرضوني عطينها غا لتصاحيب أو قلت لحية أو لكلاخ.....ويجبوليا شي حد يقولي بلي الفرنساويين كيقراو يا حتى نفرشخو.....غا لمغاربة أو الجزيريين أو الافارقة لكيقراو مهم لعرب....أما منهم غير من رحم ربك......وصلت وأخيرا......لهراج.... من دخلة.....أو شي مناضر....تولفت عليهم ديال الحوووب هههه.....أنا؛استغفر الله العضيم .......تمشيت شوية بان لي حتى قمقوم من دكشي لي كنعرف مكاين......ريحت.....أو بقيت كندور فعيني......أنا:تا فين مشاو هاد ولاد لحرام......حسيت بضربة على راسي .....أنا؛شكون هاد لكلب؟؟.....دورت وجهي لقيت ريم صاحبتي مغربية.......أنا؛تي مال مك بغيتي شي قتلة ديال لعصا......ريم؛هههه مالكي را غير كنضحك.......أنا؛دبا ن.........(زعمة فحلا غا ندربها).......ريم؛(كحزت) ويلي calme toi......أنا؛ديك لفرونسي ديالك لعوجة هدري بها مع لبراني را حنا مغاربة دوي بدارجة لمك.......ريم؛ههه وخى كليتي؟؟؟؟؟؟......أنا؛لا أو مبغتش ناكل...... ريم؛هههه كي درتي لها يhكما فيك لي غيغل؟؟.......أنا؛فيا الخرا غنوض نضرب جدارة ديال مك حتى تشوفي نجوم....... دسرتي؟؟......ريم؛اويلي را بعد المرات كتجي لي غيغل بقلة الماكلة...حيت شفتك مبغتيش تاكلي....أو نتي راك بنت أو عادي يأ......أنا؛أنا ماشي بنت فهمتي.....أنا ماشي بنت......نضت أو خليتها.....حيت فعلاً نسيت بانني بنت.......دخلت للأونفي أو ريحت كانت مازال معمرات .....بقيت كنخمم مين غنجيب لفلوس حيت خاصني بلعة ديال لفلوس.....لعام قرب يسالي أو فلوس لكتوب ديال لعام جاي كيكونو غاليين على الأقل نعاون ماما فشي حاجة بلاما نخليها تهز كلشي بوحدها.....أما داك خويا فينما خرج شي ريال كيسمعني أسطوانة المعتادة ديال مجيتي لهنا.

بقيت فواد تفكير حتى سمعت تنحنيحة ديال أستاد.....بدينا عادي.....أو خرجت فوقيتة ديال لغدة......تجمعات شلة ديالنا...مكونة من هاد ريم أو واحد الجزايري مفروح سميتو خالد......أو بنت خرة مغربية صاحبتو سمتها نهال.....أو مغربية خرى سمتها نوال......أو دري خر حتى هو مغربي سميتو جواد.....هادو هما لقدرت نتافق معاهم طول هاد المدة....صراحة.....مبغتش نتصادق مع الغور....حيت وخا يديرو معاك زوين كيبقاو كيكرهوك حيت نتا عربي......أنا؛دراري فين غنحنجرو......جواد؛يلا نشريو شي حاجة أو نجلسو فركينة ديالنا......خالد؛نهال حبي رواحي نبعدو عليهم.....أنا؛اداك راس طاروا أتجلس تشد الأرض.....خالد؛ههههه لا لا نتي بعدا خاص حبيبتي تبعد عليك أتعاديها ليا يا لمرجلة.....أنا؛(تعصبت)عاود اش قلتي أوجه لكلب......دراري؛(كيضحكو)مشيتي فيها.....خالد دفع نهال أو رجع بلور....أنا جفدت أو هجمت عليه شديتو من عنقو أو لويتو ليه أو ركعتو الأرض......أنا؛دوي أنا مرجلة ?? .....خالد؛را غير كنضحك معاك....أختي نتي لالات العيلات غا طلقيني.....أنا؛(زيرت عليه أو كنغمز فيهم)لا لا مشيتي فيها اولد لعبد......خالد؛كح كح كح عتقوني أولاد لحرام.....أنا؛قول صحراء مغربية......خالد؛وطلقي.....أنا:(زيرت عليه كتر)نطق ......خالد:(كيخرج لكلام بزز)صحراء مغربية......أنا؛(طلقتو)مزيان هههه أودي أودي على رجلة نهال من نيتك أتزوجي بهاد قليل صحة......نهال؛هههه أودي عندك الحق.....مشات لعندو أو عوناتو باش يوقف.....أنا دورت يدي على عنق ريم أو كلشي كيتفرشخ عليه بضحك......أنا؛هههه هاد لمرة وزن كلامك......خالد؛(كيمسد عنقو)صحيحة مع روحك.....باز لي غيتزوج بيك.....أنا؛مغاديش نتزوج......هههه يلا ورايا....شرينا ما نحنجرو.....أو بركنا فبلاصتنا .......نوال؛بيبو فين غتمشي صيف هدا.....أنا؛المغرب المطنغة فين غنمشي.....نوال؛ هههه وياه ولكن حاولي شي صيف متلاً تمشي لتركيا ولا لندن ولا دبي......أنا؛ههه ضحكتني تخلصي عليا نمشي ولله......نوال؛ههه لا لا بلاش سيري المغرب حسن......خالد؛بيبو دبا علاش سماوك ديك سمية المعقدة..... أنا؛وشتيني أولدي هازا لخبز ما أنا كون شيرت عليك بيه.....جواد؛لا بصح جاوبينا......أنا؛(شفت فيه أو مبغتش نكسرو حيت هو لمعقل فهاد تريكة لحبس) جواد مكنبغيش نهدر فهاد اموضوع حيت كيفكرني ببابا الله يرحمو مي غانقولكم....سميتي "عبق".....هاد سمية سماها بابا لي أو فلول مكنتش كنبغيها حيت صعيبة أو تقليدية ولكن مين قاليا واحد نهار "نتي هي لعبق ديال حياتي" فرحت أو ولات عزيزة عليا سميتي....أو باش تسهال على ناس أو تولي خفيفة فنطق....ولاو كيعيطو لي "بببو" هدشي لي كاين...حسيت بواحد جوج دمعات أيخونوني ولكن بان لي فخالد مسكين ضحية باش منضعافش قدامهم....شيرت عليه بكرطابي حيت كان طالق ودنيه أو فحالي تأتر.....خالد؛أحح حشومة عليك.....أنا؛شتك نساجمتي.....نهال؛الله يا ختي مدار والو.....أنا؛ههه نتي سكتي فخبارك بلي عائلتو مغيخلوكش تزوجي بيه؟؟.....نهال؛(عنقاتو)لا لا اندير المستحيل باش نبقا معاه......ياك أحبي؟؟.....خالد؛شو على مغيارة.....لا حبيبتي را بيبو غا كتخرف.....المغرب أو لجزائر خاوة خاوة.......أنا؛إهاااااااااااااااب........دراري؛هههههه ......أنا؛فكرتني فديك ختنا هههه......ريم؛إهااااب ناري بنت الهم كتقتلي بضحك.......أنا؛يلا نوضو تجزعو خلينا نكملو هاد نهار قبل منرتكب شي جريمة.......

كملنا نهارنا أو رجعت لبلاصة فين كارية....واحد البيت صغير فسطح....ماشي سطوح لي كيكونو فلمغرب....لا لا هادو سطوح نقيين أو مجهزين متكون من مساحة كبيرة مقسماها لبيت دايرة فيه سرير أو خزنة ديال حوايج....كوزينة فيها تلاجة صغيرة حتى هي أو فورنو أو جلسة كنحفض فيها...أما لحمام كان مخطر شوية مهم كافياني أو موفرة لي سكن مرتاح ......بعد ما كليت أو هدرت مع ماما أو صليت نهاري....جلست كنخمم ....أنا؛خاصني ضروري نلقى خدمة.....غمضت عيني أملاً اموري تقاد...

فقت فصباح بكري كي لعادة....خرجت من دار بلهيئة المعتادة ليوم عدنا عطلة ...ناس هنا فالويك اند .....كتخرج تسركل أو تضحك تنشط ....أو أنا رجلي طابو غا بتقلاب على خدمة أو والو.....استغفرت الله أو توكلت عليه ...على الله ليوم يقوليا شي حد مرحبا بيك..... بشحال بغيت نسمعها....ضربت شي نص ساعة حتى وصلت الميترو.....ركبت أو قررت نقلب فشي جهة خرة .......وصلت لواحد المنطقة فحال شي بلدة صغيرة كلها خضورة وخى كان لبرد.....تمشيت أو صراحة نسيت علاش جاية.....عجبني الحال أو ضحكت غا بوحدي الله مكرهتش نسكن هنا .....دنيا مفوجة أو ناس كيدوزو من حداك كيضحكو....واحد نافورة كبيرة فوسط ديك البلاصة مدوية على المكان......بقيت واقفة أو دمعة نزلت لي من عيني...توحشت المغرب......أنا؛(مسحت دمعتي)اويلي شكندير متبكيش أبيبو.....دورت وجهي أو كملت طريقي لزنقة لكبيرة لي فيها محلات أو رسطورات ...على الله نلقى شي وضيفة ديال سرباية ولا نمسح زاغ...أي حاجة ندخل بها لعاقة........دقيت لباب لول أو تاني أو تالت أو رابع أو حتى واحد مابغى يحن فيا................أنا؛تفو الله ينعل جد بو زهر لي عندي....جلست فواحد لقنت أو بديت كندير لمساج لرجلي.....ضلمة قربت طيح......أو خاصني نرجع.....بلاتي ندخل نشري شي حاجة......دخلت لواحد سوبر مارشي صغير.....درت يدي فجيبي أو عينيا كيدرو علا دوك أطنان ديال الماكلة الله ها الأجبان ها لحوم ها لحليب ها شكلاط......أنا؛ مكرهتش نهرب بهدشي كامل.....ولكن معنديش.....هزيت واحد البيمو أو واحد العصير.....أو يلا جيت ندور تساطحت مع واحد المرة.....شارفة أو باين فيها فرنساوية قحة......(الحديت بالفرنسي)؛أنا؛سمحلي لالا مقصدتش......هي؛لا لا ماشي مشكل.....أنا؛بلاتي نعاونك.....هزيت لها دكشي لي طيحتو....أو هزيت لها حتى سلة ديال تقضية......هي؛شكراً بنتي.....أنا؛لا لا عادي لا فوت مني......هي؛نتي عربية......أنا:(تصدمت)كيفاش عرفتي؟؟........هي:هههه باينة شعر كحل عينين كبار فم منفوخ موش كتيرة أو ضحكة زوينة....شفتك باش كنتي كتشوفي جهة لماكلة......أنا؛احم احم.هههه شكرا.....هي؛ولكن لاش دايرة فراسك هاد الحالة......مالكي مشوهة جمالك؟؟......أنا؛احم احم ألالا هاداك شغلي.....شوية وقفات أو فاجأتني بواحد نضرة كديرها ماما فاش كطلع لها لقردة لسطح......ولكن صدمة هي فاش دوات بلعربية......هي:مكتحشميش تخاطبي مرة كبيرة فحالي هكدا؟؟......أنا؛(أويلي)نتي مغرب؟؟......هي؛اه مغربية.......أنا؛ولكن.....زادت أو خلاتني......تبعتها أو مازال مستوعبتش كفاش؟؟......أنا،لالا كفاش ولكن؟؟......دارت أو خطفتلي سلة من يدي أو مشات لا كيس .......أنا؛سمحلي أخالتي ولله ماكنت عارفة.....هي؛(فيها ضحكة)وخى وخى ماشي موشكيل......أجي بعدة اش كدييري هنا؟؟....أنا عاد تفكرت بلي لوقت ديال مترو فاتني......أنا؛اويلي.....هي؛مالكي؟؟......أنا؛فاتني وقت ميترو......خاصني نمشي بسلامة......تشرفت بمعرفتك......زدت شوية أو رجعت عندها أو مديت لها يدي.....أنا؛سمتي عبق... كيعيطو ليا بيبو...... مدات يدها أو بتسمات.....هي:سميتي ماريا.......جيت نحيد يدي أو زيرات علي.....ماريا؛متمشيش أجي باتي معايا أنا غا بوحدي......أنا؛لا لا منقدرش......ماريا؛لا بنتي لمترو دبا مشى أو مغيرجع لاخر حتى لشي 3 سوايع أو أتبقاي بوحدك فلمحطة......أنا كنسمعها أو مازال ممتيقاش بلي هي مغربية....ملامحها ديال لجور شعرها غادي الشهوبية أو عينيها زرقين أو وجها لي شافو يطبع عليه ما عربي......أنا؛لا خالتي غا طلقيني نمشي ........ماريا؛واااابنتي الله يهديك.....فكرت صراحة عندها الحق......أنا:(مرددة)ولكن.......جبداتبي كتر أو دارت يدها على حنكي بكل حنية......ماريا؛أجي ابنتي تعمري عليا الوحدة ديالي....أنا؛(بتاسمت)وخا.....ماريا:(فرحات)أجي نخلص هدشي أو نمشيو ههه.....وقفنا خلصنا دكشي أو مشينا للسيارة ديالها.....ركبنا أو كسيرات في إتجاه لدارها......مكنتش خايفة منها صراحة ....ملامحها طيبة أو باينة فيها مقهورة من الوحدة او أنا كتر منها.....وصلنا لواحد دار كبيرة فيها واقلة شي جوج طوابق.......معا ليل مبانتش ليا مزيان....عاونتها أو دخلنا......تصدمت مع دخلة فحالي هزوني حطوني فصالون ديالنا...واحد جلسة مغربية فدخلة ديال دار......أو كلما كتزيد كاتبان ليك جمال ديال لفراش أو زينة ديال تقاليدنا ...أنا:مدام ماريا ممتيقاش فيك كمية ديال تناقضات......واش بصح ولا أنا كنحلم؟؟.....ماريا:(مشات لكزينة أو كضحك)ههههه ما بايناش في ياك؟؟....إوا لالا أنا مغربية قحة......غا ضروف البيولوجية مسمحاتش......أنا؛(جلست حداها)اه هههه ......ماريا؛(حتى هي جلسات أو شافت فيا بحنين)الله يا بنتي بغيتك من لحضة لشفتك فيها......أنا؛هههه ياك؟؟....ماريا:كليتي؟؟....أنا؛لا من صباح مدقتو.....ماريا(نادت أو مشات لجهة تلاجة)غدوقي طيابي.....طيبت طاجين لغدة أو شاط منو......أنا؛ياه بصح؟؟......أو فعلاً جبدات واحد لبواطة أو خشاتها فلمكرو ؤوند.......أو فضرف 5 دقائق......كان طبسيل ديال دجاج أو زيتون محمر قدامي......ماريا:كووولي أو ردي علي .....مشعرتش حتا لقيت راسي لحست طبسيل.......ماريا؛ههههه بلاما تقولي ليا عرفت الجواب ديالك......أنا؛خالتي بنين عندك هدشي واش بصح نتي مغربية؟؟.......ماريا:هههه وياه واش غنبقا نعاود فنفس لكلام

جمعت دكشي بعد ما عارضت .....أو جرتني جهة صالون......جلست حداها أو بقات كتشوف فيا فحلا كتعرفني......ماريا:سميتك عبق ياك؟؟.....أنا؛اه هي هديك مي كنفضل بيبو......ماريا؛(حيدات لي لكسكيط أو شعري يلا بان كامل)لاش خانقة راسك بهدشي خليك هكدا زوينة بزاف.......أنا؛لا لا خالتي أنا مرتاحة هكدا راك عارفة دنيا مافيها تقة أو خايفة على راسي......من الأحسن نبقى مرجلة هكدا باش حتى واحد ميطمع في.....ماريا؛هههه عندك ألحق فهادي......اش كنتي كديري هنا بوحدك؟؟....أنا؛(تنهدت بقلة حيلة)كنت كنقلب على خدمة راك عارفة أخالتي دنيا صعيبة هنا......ماريا:أو لقيتي شي حاجة؟؟....أنا:هههه لا والو......ماريا:إواا اش بان لك فواحد الفكرة؟؟......أنا؛شناهيا؟؟.....ماريا؛اش بان لك تونسيني أو تعاونني شوية علا هاد دار لكبيرة راني شرفت أو مبقتش كنقد عليها بوحدي أو منها نخلصك؟؟.....أنا؛(مصدومة)بصح؟؟....هههه أنا ممتيقاش غادي نسخف هاد نهار من كترت المفاجآت.....نقزت عنقتها أو هي بدلاتني لعناق حسيتها فحالي ماما ......ماريا:اوا تافقنا دبا دبا نودي تنعسي أجي نوريك فين....تبعتها طلعاتني لواحد البيت زوين أو صغير فيه ناموسية صغيرة أو بلاكار متوسطة الحجم أو الوانو ناعمة.....أنا؛خالتي علاش مفرشة دار أو نتي ساكنة غا بوحدك......حسيت بها فحالة تألمات أو دغية قلبت الموضوع.....أنا؛فيا نعاس شكرا لك بزاف حيت عاونتني......ماريا:ماتقولش هاكدا وليتي دبا فحال بنتي لي معنديش.....بست لها راسها أو مشات.....تكسلت او بديت كنتفرج على البيت.....أنا؛ممم جاع حض عندي هادا معرفتش شكون داعي علي اليوم بالخير......شوية سمعت دقان......أنا؛دخلي أخالتي......ماريا:بنتي شفتك لابسة سروال أو أيعدبك فنعاس هاكي هادو.....خديت منها لحوايج أو بانوا لي فحال ديال رجالة......أنا؛ياكما ساكن معاك شي راجل هنا؟؟.....ماريا؛هههه لا لا هادو ديال حفيدي ولد ولدي مكيجيش غا شي حويجات قبل مينتاقل أو يمشي بقاو عندي منقدرش نعطيك حوايجي حيت مغديش يعجبوك أو أيجيوك قصار بزاف راك عارفة راني كنشرف أو كنتقلس هههه قضي بهادو حتى تجيبي معاك دياولك....تصبحي على خير مخلاتش لي حتى فرصة نجاوب...... حليتهم......أنا؛هههه هدا حفيد ولا وحش هادشي كبير بزاف......لبست غا تريكو بما أنه طويل بزاف أو جاني كبير أو تخشيت نعست أو فقلبي واحد سعادة عالم بها غا الله......

اصبحنا وأصبح الملك لالله: تكسلت أو أنا أول مرة كنحس بدفء سعادة أو الفرحة شي نهار كنفيق فيه......بان لي من سرجم بلي هاد نهار أيدوز زوين.....كان صباح بكري أو وقيلة خالتي مازال مفاقت نوض نصاوب لها لفطور مسكينة......هبطت بديك الحالة أو سمعت مع هبطة دروج صوت خالتي أو شي حد معاها كتوشوش سحابلي غا دوك مالين لحليب أو جورنال ديال صباح......مشيت جهة الكوزينة أو لقيتها عطياني بضهر أو واقفة فلباب ديال لكزينة أو ماشفتش مزيان هداك لكتهدر معه ولكن باينا فيه راجل من الكسدة ديالو لكبيرة.......أنا؛(بصوت كيهمس)خالتي؟؟.....حسيت بها دارت فحال صاعقة أو سدات الباب....ولكن مخفاش علي دوك العينين لي لمحتهم قبل متصد الباب نهائياً......عينين قتلوني بلخلعة أو فيهم واحد لمحة ديال تسلية أو فنفس الوقت فحال ديال شي قتال.......أنا؛خالتي شكون هادااك؟؟....ماريا:(بخوف) لا لا حتى حد غا جاري مسكين جاء يطمن علي؟؟.....أنا؛فهاد الوقت؟؟.....ماريا؛اه حيت دبا أنا كنت مريضة أو هو طبيب فهمتي؟؟.....أجي علاش نضتي دبا سيري كملي نعاسك نصاوب لفطور أو نعيط لك......أنا؛(تناسيت الموضوع مجاتش نبقا نسول فيها فوسط دارها)لا لا ولله متحطي يدك أنا سحابلي نتي ناعسة دكشي علاش قررت أنا لنصاوبو......ماريا:ههه أجي نتعاونو......حسيت بها فحالي خايفة أو حتى داز الوقت فاش كنا كنطيبو لفطور عاد رجعت تهدنات معرفتش علاش؟؟........كلينا أو لبست حوايجي تافقت معها فوقاش أنرجع عندها بينما قديت شغلي......توادعت معها أو رجعت لدار عندي......

رجعت لدار عندي....كان مازال صباح بكري شوية .....مجانيش نعاس كلما كنسها شوية كنتفكر داك راجل لكان واقف مع خالتي ماريا....صراحة مشفتوش كامل من غير كتافو لكانوا عراض أو معا سدة ديال لباب لمحت شوية من عينيه لي مازال مبغاو يتنساو لي.....شافني شافني بديك لحالة حيت طلعني أو هبطني أو أنا لابسة داك تريكو لقصير تفو....مبانش لي فيه طبيب هداك مايكون غا شي مجرم....عنداك يكونو تافقوا علي باش ياخدوا لي شي كلوة ولا يقتلوني؟؟...كيفاش قدرت نتيق فيها أو أنا تقة قتلتها بشحال هادي فناس.....غير شفتها أو حسيت بتعامل ديالها طيب معايا دغية ستسلمت.....لا لا بيبو خاصكي تنتابهي كتر.....صافي أنميك عليها أو مغديش نمشي عندها.....لا لا حشومة من الأحسن نمشي عندها نقولها بكل أدب بلي لقيت خدمة أو مغاديش نولي نجي عندها صافي هادشي لغاندير......خملت دار حيت مسكينة ولات كتخلع أو طيبت لغدة ....كانت وصلات 9 أو نص ديال صباح حتى سمعت تليفون......أنا؛ألو ريم....أنا لباس أو نتي؟؟بشوية سمكتيني كنت بايتة عند واحد سيدة حتى نعاود ليك......كفاش؟؟...متحان دبا؟؟.....ولكن؟؟....وخا أنا جاية.....قطعت معاها أو مشيت كنجري لبست أو مشيت نيارة للجامعة.....معرفتش أنا داك لأستاد ديلموو اش كيقوليه راسو؟؟.....وصلت الحمدلله لقيتهم يلا دخلوا......شافني حيت كيكرهني ولد لحرام عرفتو قالها لهم فلجروب ديال فيس أو مين شافني مطلعتش Vu يسحابليه مغنجيش أو أيحط ليا لي بغا الله يلغيها ليه....ريحت بعيد أو فرق علينا لوراق خدمت عادي.....أو خرجت أنا أو نهال ولكن دراري أو نوال أو ريم مبانوش لي؟؟......يلا جيت نسول حتى لقيت نوال جاية كتجري أو باينة فيها مخلوعة.....شدتني من يدي أو جرتني.....أنا؛مالكي؟؟....نوال؛هداك لحمق ديال جون شفتو جار ريم بسيف عليها لجهة طوليطات أجيو دغية بغيت نفكها ساعة عرفتو حمق....أنا:مبغاش يتفرق عليها ولله حتى نوريه.....مشيت كنجري....لقيتها كدفع أو هو شدها من دراعها أو بغا يبوسها......(الحديت بالفرنسي).......أنا؛(بصوت عالي)جووون......دارو شافو في بجوج أو ريم كانت كتبكي.....قربت منهم أو درت يدي فجيابي......جون؛هو هو هو شوفو شكون جا؟؟.......أنا؛مكتفهمش لفرونسي اشنو قتلك ديك نهار؟؟.......جون؛أنا أو هي أو نتي اش دخلك؟؟....أنا؛هههه معارفش بلي هي صحبتي؟؟ اه؟؟....جون:ريم هدري مالكي ساكتة؟؟....شفت فيها باش تنطق مي لحمارة كانت خايفة.....أنا؛طلق منها......جون:(زاد قربها منو)لا ......قربت منها شديتها من دراعها لوخرا......أنا؛يلا زيدي تحركي نتي......جون شدني من دراعي أو يلا جاء يدفعني هزيت يدي حتى لسما سابعة أو جمعتها معاه......أنا؛هي تقدر تقيسها أما أنا فحرااام......شد فحنكو أو دفعها جيهة نوال.....قرب مني أو كانوا عينيه كيخرجو نار...مخفتش قربت منو حتى أنا أو هزيت راسي بتحدي......جون:اشنو درتي دبا؟؟......أنا؛علمتك كيفاش تقدر تحط يدك لمسخين علي.....ريم كانت كتبكي بصوت عالي أو نهال أو نوال كيولولو هههه......جون:(كيهدد)غادي تندمي......

هز يديه أو يلا بغى يجمعها معايا خويت أو ضربتو لمنطقة العمليات......طاح على ركابيه كيتأوه.....بداو ناس كيتجمعو أو لمشكلة دراري خالد أو جواد غابرين......أنا؛أخر مرة تقرب منا فهمتي......جيت دايرة أو ريم وسعات عينيها.....نوال:عنداكييي......درت أو تفاجأت بتسرفقة جاتني لكمارتي دخت من لقوة ديالها ولكن شديت فراسي أو مطحتش......جون؛هاي هاي هاي ولاو لعرب كيدربونا فبلادنا؟؟......أنا مازال مألمة أو شادة فحنكي.....حسيت بلإهانة أو كلشي كيضحك علي حيت أكيد غادي يجيو مع ولد بلادهم كون كان خويا معايا كون را قتلوا....ولكن وخى هكاك أنا مغديش نسكت ليه.....حيدت تجكيتة لحتها فلأرض أو عينية ولاو حمرين أما راسي فيه فكرة وحدة نقتل هاد لقواد ...... مع لوليد جنرال أو كان كيديني معاه أنا أو خويا لبلاصة فين كيدربو لعسكر أو مشيتي معاهم كانت مفيدة حيت تعلمت كيفاش نقاتل أو ندافع علا راسي.....حتا باش بابا مات خويا كان كيدربني وخى كان مجهد أو قاسح علي مي كان كيقولي بلي نقدر ندافع علا راسي أو نهزم أي واحد هاوي.....أو أكيد هاد البغل لقدامي عمرو تعلم حركات قتالية فحياتو انهزموا بكل سهولة سحابله راسو راجل ولله ياوليدي حتى ليوم داعي عليك ميت......جفدت أو درت ليه بواحد الحركة زعمة "قرب".....بقا كيضحك أو لفراجة يلا حلات كلشي تجمع أو جاتهم فحالة كيتفرجو فمباراة ديال لكاتش.....جون؛من نيتك؟؟.....أنا؛ياااكما خفتي؟؟......جون:هههه مايكون غير خاطرك.....أكيد إدارة أو الأساتدة كانوا فقاعة ديالهم لي بعيدة بزاف فين كنا حنا دكشي علاش ماغادي يديو مغادي يجيبو......أنا؛يلا ورينا؟؟....جاء قرب مني بغا يشدني من عنقي ساعة أنا غفلتو أو ضربتو بسيزو حتى تكربع على كرشو طلعت من فوق ضهرو أو لويت ليه يديه.....أنا؛أول حاجة أنا عمري مخفت من حشرات فحالكم أنا غنطلقك دبا باش تبين ماعندك كتر....طلقتو أو كلشي مستغرب من الفرق ديال الحجم بناتنا هو ضخم بهاد العبارة وخا أنا طويلة مي هو كتر مني أو كأي بنت أو دري فهاد العالم كيكون فرق مابناتهوم......رجع ناض أو ستفزيتو بضحكة مني .....جون؛حركة زوينة مي مبغتش نقسح معاك......أنا؛هههه كنعطيك ضو لخضر متقسرش.....جاء من بعد هاد الكلمة كيجري باش يتلاح علي مي أنا خليتو حتى قرب يوصل أو خويت هزيت كوعي حتى لسما أو عطيتو لضهر.......جون؛(بصوت عالي)آااااي.......أنا؛هههه يلا....دار عندي أو هو متألم ولكن فنفس لوقت معصب حيت شهرة ديالو بدات كطيح أو هو كياكل لعصا من بنت......جون؛غادي تندميييي......أنا:ياك قتليك متقسرش......هاد المرة جاء لعندي بشوية أو عرفتو اش بغا يدير بغا يوهمني حتى يغفلني عاد ينطحني براس ههه مسكين ماعرفش بلي هاد الحركات كلها كنعرفها حتى أنا مشيت مع هبالو أو ربعت يدي.......جون؛اش كيحسابلك راسك؟؟....أنا؛(هزيت كتافي بعدم مبالاة)ممم فاندام هههه.....صافي وصل يدير لحركة ديالو حسبت واحد جوج تلاتة......أو أنا نشد ليه عنقو بيدي بجوج قربت ليه من راسو أو همست....أنا؛تانياً هنا عرب أو مفتاخرين أنا متعديتش عليك ولكن نتا لي محترمتناش.... هزيت ركبتي أو عطيتو الكرش......ناس؛أوو أووو أوووو ......جون طاح أو شد فكرشو ناري كحلتها جات نوال أو ريم كيجرو في أو ماعرفش مين خرجات المديرة أو شي رباعة ديال الأساتدة شكون مشا شكم لهم؟؟؟.....شافت جون كيتألم أو هو طايح فالأرض عاونوه صحابو حتى ينوض ولكن أنا ضربتو ضربة خايبة مشيت فيها......لمديرة شافت فيه أو شافت فيا بنضرة خطيرة.....لمديرة:تبعيني لمكتب ديالي.....أنا؛وخا...ريم:(كتبكي)سمحلي.......أنا؛معليش.....شفت قدامي لقيتها سبقاتني أو عرفت بلي لقضية عندي حامضة.....أو فجهة خرى من بين ديك لكمية ديال المتفرجين كانوا جوج عينين متبعين الأحدات بكل تفاصيل فيهم بريق من المرح أو لغموض أو فنفس الوقت الإجرام مع ضحكة خفيفة كتزين فمو أو لي عارف معناها غير هو بحدو.....

دخلت معاها لمكتب ديالها أنا مخفتش منها ولكن خايفة تجري علي او داك ولد لحرام دار فيها موت يا حمار باش شافها.....لمديرة:(بصوت أمر)جلسي.....جلست مقابلة معاها أو عيني فعينها بكل تحدي.....لمديرة:ياكما كيحسابلك راسك فحلبة مصارعة......أنا؛هو لي......لمديرة:(قطعتني)سكتي......أنا؛مغديش نسكت خليني ندافع علا راسي......لمديرة:شفت كلشي بعيني إلا طرا شي مشكل أجي لعندي ماشي ضربيه....أنا:را هو لي بدا أنا دافعت على راسي أو على صحبتي........لمديرة:غادي دوزي من المجلس تأديبي أو بعد المناقشة لي غادي نديرها غادي تقبلي القرار لي غيتاخد فحقك تفضلي دبا.....أنا؛ولكن؟؟.....لمديرة:سلا نقاش.......أنا:(نضت معصبة أو بديت كنسب بدارجة )الله ينعل ديلمكم كاملين يا ولاد لحرام تفو على مفرازين أو عنصريين.......لمديرة مافهمت حتى لعبة ولكن أكيد فهمت بلي كنسبها حيت بديت كنغوت عليها......لمديرة:خرجي.......خرجت أو زدحت الباب على ديلمها .......كعيت مزيان هاد نهار.....هبطت أو لقيت ريم أو نوال أو نهال أو خالد أو جواد حدا دروج......دراري؛اش وقع؟؟ شنو درتي؟....شفت فريم لي كانت خايفة أو مرعوبة......أنا؛نتي يا لكلبة بشحال من مرة قلت لدلموك متبقايش دسريه عليك.....هدشي لبغيتي دبا؟؟.....ريم:ولاه حتى قطعت معاه هو لي مبغاش يتفك معايا....أنا أنمشي عند المديرة أو نقولها بلي كنتي كدافعي علي.....أنا؛ماعندك فين تمشي لي عطاه الله عطاه......نوال:اش دارت معاك؟؟....أنا؛قالت لي ألالا بلي غندوز من مجلس تأديبي......جواد:ناري كارتة.....اش داك؟؟.....أنا؛هو لي سرفقني......خالد:خليني نمشي عند مو نوريه......أنا؛جلس اش غتوري فيه نتا بعدا يشدك يقسمك مهم أنا غنمشي دبا.....أكيد غيعيطو علي غدا على حساب القرار......قربت من ريم لي كانت كتبكي فصمت حيت عرفات راسها بلي هي لي خرجات علي.....أنا؛شوفي نتي بلاما تبكي دبا (مسحت دموعها أو هي تعنقني).......ريم:سمحلي بزااف ولاه حتى نعاونك إلى طلبوا مني نهدر......أنا؛صافي صافي وخا مكنبينش ولكن نتي عزيزة عليا عمري نسا لخير لي درتيه معايا باش يلا جيت لهنا......ريم: لا لا أنا دبا خرجت عليك......أنا؛هههه ولكن مبقاش فيا لحال بلي غنهني لبنات ديال لا فاك كاملة منو غيتحد شويا ياكي؟؟......ريم:اه هههه......تسالمت معاهم بضحك ولكن شك لي فقلبي من ناحية داك القرار خلعني عارفة بلي أيgمطوني........خرجت أو رجعت لدار تغديت أو يلا شفت كمارتي من ديك تسرفقة زراق لي شوية من جهة فمي.....ميكت حيت مولفة عليهم خويا مكانش مقصر سواء فتدريبات أولى باش كيعطيني شي قتلة ديال لعصا ههه.....بلعكس مبقاش فيا لحال حيت سلختو....كنت باغا نسلخ شي حد هاد ليامات جاني فحال درهم ديال لحلال........دوزت نهار بزز.....هدرت مع لواليدة أو قصرت على واحد الفيلم حتى داني نعاس...............فصباح مامشيتش حتى يعيطوليا على ود القرار.....أو بقيت على أعصابي حتى 3 ديال لعشية عاد عيطات لي سكرتيرة باش نمشي.....دكشي لدرت......وصلت لقيت واحد طبلة طويلة مفرشة بلبيض أو عليها الورد هههه فحالي غادي يحكموا علي بلإعدام بغيت نخرا بضحك.......أو متوسطاها ديك شارفة لهارفة ديال لمديرة أو حداها داك أستاد لي مكيحملنيش أو شي رباعة .....بقاو كيخطبو علي ساعتين أو هما كيستجوبوني أو كيسولوني قول را قتلت روح......أو أنا تنجول غير فوقاش يساليو خلاص......لمديرة:احم احم.......بعد مشاورات مع الأساتدة أو بعد درس أو لحالة لي وصلها جون بسباب مضاربة ديالك معاه قررنا ما يلي:أتحبسي شهر أو نص كاملة على لقراية أو أيتخصم لك 30% من نقاط ديالك فهاد سنة......أنا؛ولكن؟؟....دورت وجهي لقيت داك أستاد لي مكيحملنش كيستهزأ مني عرفتو هو لي كحل لي دوسي......لمديرة:القرار لا يناقش لا عارضتي أتطردي من الجامعة حنا غير مبغيناش يجريو عليك نضراً لنقاط ديالك الجيدة أو دبا شدي سني على الإلتزام.......نضت غنموت بلأعصاب.....ولكن قبل منسني......شفت في المديرة بكره......أنا؛أو جون اش درتو معاه علاش مجبتوش ريم تشهد؟؟.....لمديرة:جون أيتوقف حتى هو مدة باش يرتاح من ضربة .......أنا؛هههه يرتاح؟؟...زوينة هادي.......مهم سنيت أو نادوا فرقوا جوقة كلشي خرج من غير داك أستاد ديال زبل لي تم جاي لعندي......

أستاد؛انسة؟؟....مكنتش عارف بلي نتي مساهلاش لهاد درجة.......أنا؛ هانتا عرفتيها.....(ناري بشحال خايب تفو فوقاش يبسع مني قبل منسلخو حتى هو)......قرب مني أو دار يديه فجيابو.....أستاد؛اش بان ليك نعاونك أو نقدر نسحب هاد القرار.....شفت فيه بصدمة حيت هو عمرو حملني أو دابا بغا يعوني؟؟....أنا؛اش كتقسد؟؟....هو؛هههه فهمك تقيل عكس أجوبتك رائعة في المتحانات ماشي مشكل أنا غنفهمك.....أنا غادي نعاونك ولكن نتي في المقابل أتدوزي معايا ليلة هاكا فهمتي ؟؟.....أااا دابا عاد فهمت .....طلعت معايا سخانة ديال الأعصاب ....بغيت نهز يدي نجمعها معاه ساعة شدها ليا......هو؛هههه لا لا لا وياكي ضربتي تلميد أو شوفي شنو دارو لك بغيتي دربي أستاد ههه من نيتك؟؟......أنا؛نتا خانز كيفاش تقدر ؟؟.......هو:(قطعني)إدا نتي رافضة ماشي مشكل ولكن اندير ما فجهدي باش ينقصوا لك كتر ديال نقاط أو تعاودي العام ......أنا؛أنقولها لمديرة.....هو؛غير حاولي أنقول بكل بساطة جات كتعرض علي راسها باش نعاونها أو نفكها من هاد المشكل......أنا؛نتا حقير......شفت فيه بكره هزيت بجاجي حتى خرجت من لكلية عاد بديت كنبكي وخا نحاول أو نعيا مانخبي هاد ضغوط قتلوني قتلوني.....تمشيت أو أنا مألمة نفسياً حيت عييت عييييت بلا قياس....كان ضلام طاح مسلاو حتى شحفوني....بعدت بواحد مسافة ديال عشرة دقايق على ديك لبلاصة ديال لويل حتى كنسمع شي خطوات مورايا....درت لقيت دنيا خاوية أو مكاين حد.....زدت أو رميت داك شك ورايا.....ولكن رجع ضهر باش تأكدت بلي فعلاً شي حد تابعني.....درت هاد المرة أو لقيت سيهم جون أو معاه واحد قدو قد سخط.....عرفت بلي مغاديش نقدر عليهم بجوج.....رجعت جوج خطوات لور.....قرب مني هداك أو حسبت حتى لتلاتة أو عطيتها لسكرتح.....بقاو تابعيني....أو أنا كنجري جون كان مازال مقسح مي لاخر لي معاه باينة فيه صحيح دكشي علاش جابو......عكلتني واحد لحجرة طحت يلا جيت نوض أو هو يشدني.....هو؛أجيييي لهنا......أنا؛طلقني.....بقيت كنتلوى ولكن ولد لحرام مجهد...شدني من يدي أو جاء ضهري على صدرو أو جون جاي كيسفق أو يضحك......جون:برافو مارك عرفتك اتقد عليها ....أنا؛ههه مقدرتيش علي جبتي لي يعاونك يا شماتة......جون؛سكتي حسن لك.....مارك:(زير علي حتى حسيت عضامي أيتفرشخو أو بدا كيشم لي فشعري)ممم زوينة هاد لبنت أصاحبي....أنا:حيد بعد علي جون تواجه معايا علاش جايب هاد لكلب لي معاك......بقاو تيضحكٌو أو أنا مشدودة ماقدرت ندير والو.......جون:أول حاجة غادي طلبي سماح.....أنا:هههه كتحلم نتا لي خصك طلب سماح....أو زايدون راني تعاقبت على والو......قرب مني أو سرفقني.....جون:(شد لي فكي بيده بجوج)طلبي سماح......أنا؛(ضحكة إستهزاء)كتحلم......زادني وحدة خرى أو تالتة كانت فحال شي بونيا ....رعفت أو خرج دم من فمي.....تعصبت أو مارك مزير علي باش منهربش ولكن معارفش مسكين بلي را وليت كنشوف غا دبابة من كترت تسرفيق لي عطاه لي جون.......أنا:(مستسلمتش)صافي دكشي لقديتي علي.....جون:هههه شوفي وجهك كي ولا؟؟ أو عاد زايدها بلفهمات......دبا انتقلوا مرحلة تانية......شتي هدا لي ضربته لبارح أيعلمك بزاف ديال لحوايج.....هنا ضربتني صاعقة شفتو كيشوف تحتو ناري ميمتي أيغتصبوني هاد جوج.....معرفتش مين جاتني ديك القوة حتى بديت كنتركل أو كنغوت شدلي فمي أو جون عاونوا شدلي يدي بجوج......دموع خرجو لي من عيني أو دماياتي سايلين.....جون؛هههه ليوم غنعلمك كيفاش تقدري تواجهي جون......تمو غادين بيا جهة طمبل أو دنيا خاوية أو غواتي ممسموعش......يلا قرب من طنبل... حتى كيبانلي فضلام واحد أخر متكي عليها أو داير رجل على رجل أو يديه فجيابو.....مبانشلي مزيان حيت دموع أو ضلام أو عيني كيدروني من تسرفيق......ولكن لاحضت بلي طويل أو عريض أو داير فحال شي وحش من ضخامة ديالو......أنا؛(فنفسي) ناري ميمتي ولاو تلاتة هئ هئ هئ .....ولكن جون وقف أو دار عند مارك......جون؛شكون هداك؟؟.....مارك طلق مني أو مشى جيهتو عرفتو بلي ماشي معاهم حمدلله يا ربي جاء شي حد يعوني......غير قرب ليه شفتو طاح بكل بساطة على اتر واحد ضربة براس جاتو لمخ.....حليت عيني بصدمة أو مارك مرجعش ناض بقى مكسل على الأرض......جون بقا كيسب أو شدني من شعري بغا يمشي لجيهة خرا......أنا؛طلق مني يا شماتة.....ولكن قبل مايكمل 3 ديال لخطوات مقادين هجم عليه داك راجل أو عطاه واحد لالا مولاتي بونيا فحالة ضربو ضو.....حتى هو رجع طاح معادش ناض......أنا بقيت كنرجع بلور أو هو بقا واقف بلاصتو مازال ماشفت وجهوا كان لابس بوني أو شعر طويل واصل لحد كتافو هادشي لي بان ليا.....أنا؛شكون نتا؟؟...... تحرك إتجاه ديالي أو أنا كنرجع بلور...............أنا:(كنبلع ريقي حيت خفت ليمشي يجمعني معاهم)بعععد مني.....أو يالا جيت نهرب كان سرع مني شدني من خصري أو فكرة الإغتصاب رجعت لبالي بديت كنتلوى أو كنضرب ليه فصدرو أو والو فحالة كنضرب صخر......أنا؛(بصوت عالي)عاونوووني.......يدي مهداوش بقيت دفع يما تدفع أو والو.....شدلي يدي بيد أو يديه لخرا سد لي بها فمي.....أنا؛(البكية فعيني تهنيت من جوج خرج هدا فيه عشرة)مممممم......قرب من ودني أو همس بكل حنان.......هو؛excuse moi.....مفهمتش يلا جيت نستوعب حتى ضربني براس مبقيتش عقلت علا راسي فين من غير دبابة بيضة كانت أخر حاجة شفتها قبل منغيب..........

كنحس راسي طايرة ماقدرتش نحل عيني ولكن كنحس فحالي طايرة.....جاهدت أو بديت كنحلهم بشوية بشوية......لقيت راسي فوق صدر كبير أو يد محوطاني من ضهري أو يد خرى صحيحة تحت ركابيا ...كنت مهزوزة ولكن مقدرتش نطلع راسي نشوف فين أنا ولا معامن أنا.....لا لا عرفت معامن أنا ....أنا معاه ريحتو مسيطرة على شخص لي عوني أو ضربني فنفس الوقت.......جاهدت عوتاني وخا كنت كاملة مدغدغة بلضرب أو لخلعة.....فين غادي بيا؟؟....مبغتش هئ هئ.....مبغتش نرجع عند ماما أو أنا مغتصبة من طرف مجهول.....خويا أيقتلني.....يا ربي عوني...كان مازال كيتمشا بيا فحالي هاز ريشة ماشي بنادم ماعرفش بشحال ضرب ديال طريق أو هو غادي بيا ......طلعت وجهي أو شفت فعينيه ......ناري بلاتي نفسهم.....اه نفسهم.....فايتة شفتهم عندها......عند ماريا.......مقدرتش نهدر...بغيت نغوت أو نقوليه يحطني ساعة والو صوتي تقطع.......أنا؛(فنفسي)شكون نتا بعد مني عاونووني.....شوية حسيت بيه وقف فواحد درب عارفاه.....درب لي ساكنة فيه ريم.....مشا جهة دارها......أو نزلني حطني فوق دروج.......حط لي راسي على سياج ديالهم أو أنا كنشوف غي لبوني ل لابسو......بقا حاني راسو أو مافهمت حتى لعبة واش هادا بنادم ولا شي جن جا يعوني ولا درت شي خير فحياتي حتى بعت ليا ربي ملاك ؟؟.......أنا:(بدارجة)شكون نتا......نسيت راسي بلي أنا ففرنسا......كان مازال مهبط راسو أو ضحك ضحكة قدرت نسمعها......هو؛امم؟؟......أنا؛ممم qui est vous؟؟......هو:لا رد.......مشا صونا فلباب أو ضرب لباب بجهد رجع هبط لعندي باسني فجبهتي بوسة حنينة أو قوية حسيت بضو أو فلحضة فحال برق إختفى نهائياً......حسيت بريم دوراتني عندها أو صوت مها أو باها مخلوعين.....شافتني بديك الحالة فوجهي أو هي تبدا تبكي فهمات كلشي فدقة......باها مسكين جاء هزني أو دخلوني الداخل أو أنا فبالي حاجة وحدة شكون داك راجل؟؟......

ريم:هئ هئ هئ كلشي بسبابي......أنا؛ههه وصافي.....أنا؛ولد لحرام كان غادي.....(مقدراتش تكمل أو هي تغطي وجها بيدها أو رجعات لدوامة ديال لبكا عوتاني)......أنا؛ريم:قهرتني بلبكا خليني نعس أنا راني عيانة.....مسحت دموعها دغية أو قاست لي جبهتي......ريم:طبيب قال بلي حرارة ديالك طالعة خاصكي تشربي دوا.....مشات جابتلي دوا ....شربتو أو هي تعنقني.....أنا؛هههه ولله حتى زدتي فيه......ريم؛شكراً حيت مقلتي والو لبابا أو ماما......أنا؛هههه واش أنا حمقة.....ريم؛اش غادي تقولي لبوليس؟؟......أنا؛بلاما دخلوا لبوليس قولي لباباك أو ماماك بلاما يعيطو عليهم غدا......ريم؛علاش؟؟....أنا؛يا لمكلخة أول حاجة لخبار ديال جون اتوصل لعائلتك أو تانياً اتوصل لماما أو خويا بغا يلقا غي سبة لي يردني حداه......ريم: اه ولاهلة.....أنا؛هي لا مشيتي دبا قلتي لهم ميدرو والو أنا غنتصرف من بعد .......ريم؛عمري منسى خيرك كون مشات حتى طرات لك شي حاجة كون نتاحرت شو وجهك كي ولا؟.......أنا؛هههه ضحكتني يا لخوافة......ريم؛شكون عاونك قلتيلي؟؟......أنا؛(تفكرت عينيه)ولله معرفت براسي معرفتوش شكون ولكن كما كان الله يكتر خيرو......ريم؛ولكن كيدار حتى عرف داري؟؟.....أنا؛اه عندك الحق كيدار؟؟......ريم: دبا نعسي يصبح أو يفتح......أنا:أتمشي غدا للجامعة؟؟.....ريم:لا أجي؟؟ شنو دارو معاك ليوم مامشيتش كنت كنتسنا يعيطو عليا ساعة والو.....أنا؛حبسوني شهر أو نص من لقراية أو أيحيدو لي 30% من نقاطي.....ريم:(شهقات)اويلي......أنا؛ولاد لحرام جاو مع ولد بلادهم كون كانوا جوج فرنسويين لدابزو كون را مدارو لهم والو......ريم:ناري كلشي بسبابي.......أنا؛ريم ختك عيانة طفي ديك ضو أو أجي نعسي.....ريم:لا غير رتاحي أحببتي نتي مقسحة انخلي لك بيتي.....أنعس فالبيت لاخر.......أنا؛لا لا أجي را واسع.......ريم(باست لي راسي)تصبحي على خير أو شكراً مرة خرا.....طفات ضو أو مشات أو فكراتني باش باست لي هي راسي بلبوسة ديال هداك لعوني......الله بشحال كانت زوينة أو حنينة أو صدرو كان دافئ أو حسسني بالأمان.....مكرهتش كون نشوفو......أنا؛فينما كنتي كنشكرك بزاف .....غمضت عيني أو ستسلمت للنعاس لخداني فلمحت بصر حيت كنت عيانة بزاف........

صباح على طبلة لفطور عند ريم كنا جالسين عادي كنفطرو....ريم دور دور أو تعمر لي طبسيل ديالي أو مها مخلات مادارت ليا مسكينة .....أو باها باينة بقيت فيه من نضرة لي فعينه......باش فيقوني تخلعت من منضر وجهي....تشوه أو ديك نطحة لي نطحني سيد المجهول زرقة قد لخبزة.......ريم:هيهو فين سهيتي؟؟......أنا:اه؟؟.....لا أنا معاكم غير تفكرت ماما أتكون مشوشة عليا.....مشات خالتي مامات ريم جابت تليفون أو بتاسمات لي .طلبت منهم يسكتوا أو تسنيتها ترد عليا......تحليت بشجاعة ديال دنيا أو دين أو جاوبت......أنا؛ألو ماما؟؟ أنا لباس.....أو نتي؟؟.....ولله حتى لباس.....ههه.....قربت نبكي حيت كانت كتبكي أو هي كتقولي بلي منعساتش لبارح حسات بلي شي حاجة طارية لي......سديت فمي حيت حسيت بواحد شهقة ديال ألم خارجة مني.....أنا؛ماما متزديش فيه أنا لباس....ولله هانتي هاهي ريم هدري معها.....عطيت تليفون لريم تهدر معها باش تأكد أو أنا نبدا نبكي....عنقاتني مامات ريم....حتى تهدنت أو رجعت سلمت عليها أو طمأنتها عليا......أنا؛أوف أصعب حاجة تهدر مع ماماك أو نتا مألم باش كتقولك كتحس بشي حاجة خايبة واقعة لك.....ريم؛صافي متبكيش دبا كلشي فات الحمدلله......بابات ريم نحنح بغا يهدر هو؛بنتي اش بانلك نمشيو نجلسو فدار لي كاينة فنيس Nice(مدينة فرنسية ).......ريم؛فكرة زوينة بيبو نودي نجمعو حوايجنا.....أنا؛لا عمي غا خليني نمشي لدار....سعيدة:(الام ديال ريم نادت أو بقات كتسفق)مكينش إعتراض يلا.....ريم؛أيعجبك الحال نجلسو نفوجو.....أنا؛ريم أنا فهمنا حابسني من لقراية أو نتي لاش؟؟....ريم:ماغديش نمشي أنبقا معاك أو زايدون قرب لعام يسالي مابقا والو أو نشدو لعطلة لكبيرة ......أنا؛ولكن؟؟......ريم جرتني مخلاتنش نكمل.....حتى لقيت راسي جارا معاها بليزة كبيرة.......طلعنا لور أو أنا حشمانة نخرج بداك لوجه.....ريم؛أيعجبك الحال دار لعدنا تماك وعرا فيها جردة زوينة.....فكرت أو قلت مع راسي نمشي نفوج شوية أو علاما يمشي لي هاد اتار لي على وجهي......ركبنا أو شدينا لوطوروت لنيس.....فضرف 2 سوايع كنا فواحد شبه فيلا صغيرة زوينة أو فيها جردة نضيفة أو كتحمق......جات واحد الخدامة عونتنا فلبالز......عجبتني دار نقية سخونة أو فراشها عصري.....طلعنا أنا أو ريم لبيتها لي لفوق أو دربناها بنعسة حتى ليل.....فيقوني تعشيت أو شربت دوا دهنت دواء لوجهي......أو تفكيري كامل معاه هو بتحديد عينيه هما لي سلبوا لي قلبي أو مخي أو عقلي خلاني بلا تفكير.....شكون هو؟؟.......

دوزنا سمانة تقربا فديك دار....فلول كنت مازال متأترة ولكن محد جروح كيشفاو محدني كنسى.....ولكن عمري مانسيت عينيه....كنصبح بهم أو كنمسي بهم ....خايبة أنك تكون كتكن شي شعور لواحد معمرك أدي تشوفو مرة خرى .....غير صدفة لي حطاتو فطريقك......بغيت نشوفو.....بغيت نشكرو.....بغيت نسا هاد شعور ديال الإمتنان قبل مايتحول لهوس قبل منبقا واحلة فنقطة منعرفش لا بداية لا نهاية ديالها......حاولت نساه منكدبش لكن كيبقا هو الإنسان الوحيد لي دار شي حاجة على قبلي......كنحس فحالي كيعرفني من بشحال هادي.......أوف راسي غيتفرجع......نوض نوجد راسي.....ليوم أنرجعو .....معمري غانسا لخير ديال ريم.....واليدها أو هي عاونوني باش نتخطى هاد المرحلة.....لي هي نفسية كتر ما هي جسدية......أنرجع أو أنلقا خدمة حتى لقراية لكنت كنقشب فيها مع دراري حبسوني منها.....أنا:ريم نتي واجدة؟؟؟.....ريم:اه يلا نمشيو......لقينا طموبل واجدة حتى هي .....من بعد شدينا طريق أو رجعنا فحالنا................

ريم:حبيبة تهلاي أو متخرجيش را مازال مشفيتي 100%.......أنا:هههه براكا عليا راك عرفاني ماشي من داك نوع لي عزيز عليه نعاس بزاف خاصني نلقا خدمة.....سعيدة:ابنتي را دوينا معاك دبا يلقى لك سي حسن خدمة......أنا:لا خالتي عمي دار واجبو أو كتر أنا أنلقا خدمة نتوما بلاما تهزو همي....حسن:لكن؟؟......أنا؛لا عمي ولله شكراً........ريم:راسك قاسح.......أنا؛هههه مهم شكراً على توصيلة......حطني حدا لعمارة فاش ساكنة......سلمت عليهم أو تافقت أنا أو ريم نبقا نتشاوفو مع لكليكة مرة مرة علاما دخلت نقرا.......دخلت لبيتي صغير أو أنا قلبي عامر...بعد المرات تنقول كون غير بقيت فالمغرب أو تهنيت.....رتاحيت شوية كليت.....أو قررت لعشية نمشي عند ماريا باش نخبرها بلي مبغيتش نخدم عندها حيت وخا متايقاش فيها كتبقا دارت فيا خير.....هي هاديك وصلات ديك 2 ديال لعشية أو ركبت لميترو أو مشيت......وصلت لدارها أو دقيت دقيت دقيت مخرج لي حد......قلت نتسناها.....واقلة مشات دير لي كورس......تقريباً مرت واحد ساعة....حتى كنشوفها داخلة بهيئة ديالها صغيرة أو حجمها ضئيل....كانت فحالة كتبكي أو حزينة يديها على فمها أو مشوشة......كانت فعلام أخر....أو واقلة محستش بلي أنا كنشوف فيها....أو من ناحية خرا فيا ضحكة حيت الحد الآن ممتيقاش بلي هي مغربية......مين حست بيا طلعات راسها....معمري تخيلت بلي دوك تجاعيد لي على وجها غادي يمشيو بفعل واحد نضرة ديال صدمة أو حلات عينها حتى بانت زروقية ديالهم واضحة وضوح شمس....أما فمها فا بقا محلول لمدة واحد 10 تواني قبل ماينطق بسميتي......ماريا:عبق؟؟.....أنا؛مدام ماريا؟؟........شداتني من يدي.....حلت لباب أو دفعتني بجهد......أنا:(فنفسي)شويرفة صحيحة معا راسها.........ماريا:(بعينن حمرٍين)فين كنتي؟؟......أنا؛ولكن؟؟؟؟؟.......ماريا:(بلغوات)فين كنتي؟؟.....أنا:(بعدم فهم)ولكن نتي مالكي؟؟.....ماريا:كفاش أنا مالي؟؟...كفاش أنا مالي؟؟.....ياك جلتي بلي غدوزي عندي باش تخدمي؟؟.....اه؟؟ نسيتي؟؟.....أنا؛كانت عندي ضروف.....ماريا؛كون جيتي كون جاعمة طرى لك دكشي كامل.......أنا؛بلاتي بلاتي كيفاش عرفتي؟؟......ماريا؛(بلغوات)كان بغا يحماق أو لمن صبر لحماق ديالو أنا مبقيتش قادرة نصبر ليه.....سيد را مجنون مجنووون هئ هئ هئ.......بدات كتبكي أو مشات لأقرب كرسي أو جلسات يدها على راسها أو كتشهق.....أما أنا مافهمت حتى لعبة بديت كنتفرج على هاد اللقطة تراجيدية لي دارتها عاد دبا........أنا؛احم لالا ماريا مفهمتش علاش كديرري هدشي أو مكيهمنيش أنا جيت غير باش نشكرك أو نقولك بلي لقيت خدمة ......ماريا:(طلعت راسها)أتبقاي.....أنا مبقتش قادرة نتحمل هدشي........نادت مشات لكزينة تبعتها .....أنا؛أنا مجيتش باش نخود رأيك......ماريا:(قربت بتوسل)عفاك ابنتي ولله بقاي معايا ولله حتى نتهلا فيك.....أنا:(بلغوات)شبغتي مني بعدي مني......نترت يدي أو مشيت لباب......تبعتني أو رجعات كتبكي......ماريا:عفاك ابنتي الله يعطيك ستر ولله ما ناوية شي حاجة الله يخليك......أنا:أوف مبغتش شوفي نتي واقيلا راك ناوية على شي خزيت ......ماريا؛لا لا يلا يمشي بالك بعيد......أنا؛هههه نتي أكيد حمقى.......ماريا؛الله يا بنتي خاوية عليا دار أو بغيتك تعمريها علي .......أنا؛ماريا أنا مبغتش نخدم معاك ......ماريا:الله يستر عليك......بقات في زغبية بقات كتهرنن علي تما أو شكيت بلي ميمكنش تكون هاد رابعة ديال لحم تاديني......ولكن شكون المجنون؟؟لي كانت كتهدر عليه؟؟.........أنا،؛وخا صافي أنبقا معك.......سيدة نقزات بلفرحة باستني أو عنقتني فحلا را ولداتني أو نساتني أو عاد باش لقاتني.......جرتني من بعد لبيت لي ساكنة فيه أو جمعت شوية من حوايجي.....رجعنا أو مشات طيبات أو أنا ستفت دكشي لي جبت أو رجعت كنفكر فداك خينا .....فين أيكون؟؟....اه أنا شفتو ؟؟هنا....معا مدام ماريا واقلة كتعرفو؟؟.....يمكن مايكونش هو......لا هو نفس لعينين....نسولها؟؟....اه حسن باش نحيد شك.....حليت لباب أو نزلت......*

ماريا كانت كطيب حتى سمعات تليفون.....وصلها من جهة لخرى صوت غليض أو فحالة كيخرج نار من فمو......ماريا؛(بهمس)اش بغيتي؟؟......راني درت دكشي لي جلتي....متزدش عليا دكشي لي دوزتيه علي هاد سمانة كان ساهل فنضرك؟؟؟....راني غير مرا كبيرة.....اش بغتني ندير مازال نخنقها.....بعد مني أو خلينا نعيشو فتقار......وياك فهمتي وياك...زدتي فيه....صبرت لك بزاف أو صبرت على حماقك....نتا راك حمق أو باغي تخرج على هاد شوية ديال نفس لي بقات عندي أو تقتلني.....كيفاش منغوتش؟؟.....باركا متقربش منها.....إلا عبق فهمتي؟؟.....كنت نازلة أو سمعت ماريا كتهدر فتلفون رخيت ودني....مي فحلا كتهدر بشوية.....ولكن أخر كلمة قالتها قبل متزدح تليفون أو تسد الخط بعصبية سدماتني قالت سميتي ولا توهمت؟؟؟.......أنا؛مدام ماريا؟؟.....ماريا:(دارت مفزوعة)اه؟؟....فوقاش هبطتي ؟؟.....أنا؛غير دبا جيت نسولك؟؟.....ماريا:(بإرتباك)سمعتي باش كنت كنهدر......أنا؛لا ماسمعت والو......ماريا:(بإرتياح)مزيان أجي لعشا وجد أجي عاونيني نحطو طبلة.....أنا؛مدام ماريا هداك سيد لي كان كيهدر معاك ديك نهار هداك طبيب ولا منعرفت لي جا يشوف مالك؟؟....ماريا:(بصدمة أو تلعتم)اه؟؟..شكككون؟؟......أنا؛واش كتعرفيه؟؟؟......ماريا؛اه بغيت نقول لا هو غير.....أنا؛(قطعتها)ولكن هو جاء عندك بكري بزاف أو هادشي جاني غريب.......ماريا:متبقياش تسولي بزاف......أنا؛هادي فوتناها اوا شكون هداك لي عييتي منو أو مجنون أو حمق أو معرفتش اش؟؟.....ماريا:(بلغوات)صافي سدي على لموضوع أنا معرفاش علاش كتهدري أنا مريضة شوية أو كنخرف بعد المرات........أنا؛اه برافو.....إلى بغتني نعيش معاك فهاد لخواض....أنا أنمشي فحالي......ماريا:(جات قربت مني بحنية)عفا بنيتي سمحلي غا كنتعصب دغيا.......أنا؛إوا شكون هادك؟؟.....ماريا؛علاش كتسولي؟؟....أنا؛حيت فحالي شفتو.....ماريا؛هداك غير طبيب ولكن دبا مشى لمدينة خرا بعدما جاتو فرصة خرى فبلاصة مزيانة إوا أجي تاكلي......حنيت راسي أو تبعتها ولكن علاش قالت سميتي باش كانت كتهدر فتليفون؟؟ ........تعشينا فصمت أو أنا مازال مرتبكة.....مبغتش نسولها مازال صافي يمكن هدشي غا من وحي تهيؤات ديالي.....مشيت نعس أو الإيام كفيلة باش تبين لي شنو جايني...إلا بغاني الله نعرفو غادي يحط شي سبب فطريقي أو نتلاقا به مرة خرا بغيت غير نعرف وجهو أو نشكرو....يا ربي لاقيني به يا ربي وخا غير خطرة وحدة.....نعست أو أنا كنردد هاد دعاء فقلبي لعلاه يتحقق..................................

صبح صباح جديد نفس داك شعور لي حسيتو أول مرة جيت لعندها.....شعور أمان أو دفء......ولكن غير كنخرج من هاد الباب كنرجع نتفكر فين عايشة أنا دبا.....أنا؛أوف نعست بزاف....لقيت ساعة غادية لديك 11 ديال صباح......نضت لبست دغية صندالة....بقيت ناعسة بحوايج لبارح....هبطت لقيت خالتي ماريا جالسة فالكوزينة كتشرب لقهوة.......أنا؛خالتي سمحلي نعست بزاف.....ماريا:صباح نور ابنتي معلش أنا را فطرت أجي تاكلي.....أنا:(جلست)وخى.....

بعد ما سلينا لفطور.....طيبات لغداء....أو بقات كتجبدلي شي مواضيع باش كانت صغيرة أو كفاش كانت زوينة أو جاع لي شافها كيطيح فيها......ماريا:اه هههه كانوا كيحسابلهوم غاورية.....أنا؛هههه كملي؟؟.......ماريا:اوا ابنتي من بعد طاح حبي على غاوري فرنساوي......كنا غادين لبحر واحد نهار فصيف أو شافني أو شفتو اوا ديك لعيبة ديال لحب من أول نضرة هههه......أنا؛تزوجتو؟؟.....ماريا:مور 3 شهور على لقائنا.......أنا:سعداتك كملي.......ماريا:هي هاديك دخل للإسلام أو تزوجنا أو ولدنا وليد......أنا؛هههه دبا ولدك أيكون كبير......ماريا:(بحسرة)ولدي مات......أنا؛شنو؟؟سمحلي....واش كان مريض؟؟......ماريا:فحال هكاك.....كان عندي غير هو....بعد ما مشيت لفرنسا مع راجلي.....ماتوا وليديا مور واحد لخمس سنين.....أو مبغتش نرجع المغرب بعد مخسرتهم.....صافي قررت نبقا هنا للأبد.......أنا:قصتك حزينة.......اوا مابقا عندك حد؟؟......ماريا:بقا ولد ولدي.....أنا؛بصح اوا فين هو؟؟.......ماريا:(بإرتباك)اه؟؟...مكينش هنا بعيد...كيقرا بعيد.....أنا؛مزيان.....ماريا:(شدات لي يدي)دكشي علاش بغيتك تبقاي معايا......أنا؛خالتي غد مابقيت معاك ايجي نهار أو أنمشي فيه......را غير غنسالي قرايتي أنرجع فحالي......ماريا:من لهنا لتماك يحن الله......أنا؛أو هاد حفيدك اش سميتو......ماريا:(بإرتباك)همم سميتو "جود"........أنا:مو فين هي؟؟......ماريا:مو كانت مغربية مسكينة ماتت باش ولداتوا......أنا:مسكين بقا في.....ماريا؛حتى أنا ربيتو ولكن باه كان قاسي عليه بزاف بسباب لخدمة لكان خدام فيها....مكانش كيخليني معاه بزاف.....أنا؛اوا بعدا را كبر أو أيولي شي حاجة انشالله.....ماريا:(فنفسها)ولا شي حاجة؟؟..هههه را ولا أو لي عطا الله عطاه.....أنا:مكيجش يشوفك؟؟.....ماريا:كيجي غير يفقسني.....أنا؛شو مسمعتكش؟؟......ماريا؛هههه لا والو كيجي بعد المرات......يلا نوضي نتغداو نمشيو نشريو ليك شي حاجة هاد التريكو لي لابسة ولا باهت من كترة تصبين.....أنا؛(بحزن)راك عارفة مكنبغش نلبس حوايج البنات.....ماريا:ولكن دبا تحبستي من دراسة لبسي عادي علاما رجعتي.....أنا؛بلاتي ولكن كفاش عرفتي؟؟.....ماريا:(برتباك)لا اه؟؟....حيت قلتيها لي.....أنا؛مكنعقلش على راسي قلتها لك......ماريا؛اويلي را غير نسيتي....أنا؛لا أنا....قطعاتني أو جرتني باش نتغداو......مفهمتش هاد لمرا غريبة بزاف بزاف.......

دكشي لي درنا سلينا أو هبطنا لبوتيكات شرات لي لحوايج معرفتش علاش كادير فيا هاد الخير كامل.....ستسلمت للإرادة ديالها حيت كانت مصرة.....شريت بزاف ديال كسوات أو ملابس ديال لبنات....كان في شوق لهم.....كنت كنلبس بشحال هادي حوايج عادي فحالي فحال أي بنت ولكن دبا بعد ما كبرت أو زيانيت هههه أو طايتي عاد ولات أنتوية معمري مفرحت بها مسكينة....لمهم رجعنا محملين بلأتقال شكرتها أو مشيت نرتاح..ولكين فقلبي شك كبير كندغط علا راسي أو نقتلو أو كيرجع رغما عني....زعمة تكون مور هاد ماريا شي حاجة ولا غير كنتخايل؟؟..

نهار داز ممل توحشت دراري صراحة عزازٍين عليا واحد واحد أو خالد هههه مسكين كان مفوج علي ديما سالخاه.....نوال صاحبتي لي كتقتلني بضحك باش كتقلد شي حد .....ريم الوحيدة لي عوناتني باش جيت لفرانسا وقفات معايا أو فضلها علي كبير....نهال بنت ضريفة أو كتبغي من قلبها.....أو جواد إنسان هادئ أو كيضحك غير بزز مكالمي أو هو لي مكنتجرأش عليه بزاف كنحسو فحالي كيشوف فيا شي شوفات غراب معمري مفهمتهم.......كل واحد عندو شخصية فشكل.....قلبهم بيض فالنهاية هدشي لي خلاني نبغيهم.....أو معمري أندم على المساعدة ديالي لريم حيت مفهوم صداقة عندي ماشي غير بلفم مي حتى بالأفعال......أنا؛أنعيط عليها........هبطت لتحت لقيت دار خاوية فين مشات ماريا؟؟.....هزيت تليفون أرضي أو تاصلت بريم....مكملتش حتى نص دقيقة أو سمعت صوتها.....أنا؛ريم؟؟...هادي أنا ههه......كيدايرة أساطة؟؟....أنا لباس حمدلله......دزتي؟؟....لا لا أنا مكيناش فدار دبا....شي يمات أو نرجع.....لا لا متخافيش تقريباً لقيت خدمة عند واحد سيدة كبيرة أو بغاتني نبقى معها.....لا متخافيش وجهي برا الحمدلله.....ماعودش تعرض لك داك لحمار؟؟.....(بصدمة)كفاش؟؟؟لقاوه مقتول بلعصا أو مليوح......ههههه حلفي غزاو فولديه.....هههه أحسن خبار سمعتها.....خليه باش يتربا....ربي خداليا حقي......إوا حتى نتلاقو دبا نعاود نعيط لك بسلامة...تهلاي.....طفيت معها أو أنا قلبي فرحان أو فنفس لوقت شاكة شكون لي قتلوا عصا؟؟.....مهم بعدا جنوني بردو من ناحية ديالو.......شغندر دبا؟؟....أمم نمشي ندوش أو نلبس شيحاجة من دكشي لي شريت.....

مور دوش جلست تنخربق فدكشي.....ختاريت كسوة وردية نص كم أو واصلة حد ركبة أوووو جاتني وااعرة.....سرحت شعري بواحد سشوار لقيتو معرفت شكون حطوا تماك لبيت لي فيه أنا مجهز فحالي كان كيتسنا في.....أو عاد حسيت براسي رجعت بنت ههه.....هبطت لقيت ماريا هازة شي تقضية شافتني بإعجاب أو قربات مني.....ماريا؛اش هاد زين كامل؟؟...فين كنتي مخبية هادشي؟؟....أنا؛هههه مخبياه فقاع لخابية......ماريا؛الله على شعر بشحال زوين اوا هاكا نبغيك...عيشي أو تمتعي.....أنا؛نخاف غير لا ولفت على هاد دلال أو من نبغي نرجع نقرا منرجعش ديك لبنت لمرجلة......ماريا:(بحزن)من لهنا لتماك الله حنين رحيم.....أجي تاكلي جبت لك باتيسري لديدة...... أنا؛خالتي لاش معدبة راسك أنا واقلة لي خصني نخلصك ماشي نتي را مكندير والو.....ماريا؛هههه لواه نتي غي جلسي معايا أو ونسيني هاديك هي دنيا أو مافيها.......رتحيت لكلامها أو فرحت فنفس لوقت حيت لقيت سند ليا بعد ما عاشت فالغربة بوحدي لا حنين لا رحيم.......

الأيام لي دازو من بعد كلهم سعادة مع خالتي.....ولات عزيزة علي كتهلى في....أو تعاملني بطيبة أو حنان .........ولكن برغم من هادشي حاسة فحالي مخبية سر كبير...غير من عينها أو لخوف لي فيهم....أو القلق ديالها...أو زيد على هادشي بشحال من مرة كنلقاها كتهدر بشوية فتلفون بلا حس.....أو من كنسولها كتقول بلي هادي هي طريقتها فالكلام......رجعت ميكت ماعندي ماندير..نسكت حسن هي من نوع لي كتوم.....أو مبغتش نبقا نفرع معها راسي بما أن لقضية مغديش تمسني بسوء........أنا؛خالتي أنمشي نعس عييت ليوم......ماريا؛هههه عيتي بهدرتي ياك؟؟ ماشي مشكل تصبحي على خير........أنا؛هههه أو نتي من أهل لخير.....طلعت لبيتي ناوية نضربها بنعسة عالمية أو نفكر في سيد مجهول لي وخا دازت على حادتة ديالي 2 سيمانات منسيتوش....أو عمري أنساه

ماريا كانت جالسة كتفرج أو فداخلها قلق كبير....خوف من شي شخص عارفة حماقو لفاين ممكن يوصلو......وصلات 12 دليل نوات تمشي تنعس لكن نية ديالها مشات في مهب الريح باش سمعات دقان خفيف من الباب زجاجي شي لي رسل لها لمحة خطر جاي......تلفتات أو قررات تمشي تحل حيت إلا عندت مغديش تضمن شنو ممكن يدير......بدات كضرب فحنكها برفق أو كتولول......حلات أو تعرفات بكل وضوح على الهيئة ديالو ضخمة ...ضحكتو المستفزة فهاد ليل لي لا معنى لها ولكن عمرها فارقت وجهو.... شعروا الهمجي .....ملامحو الرجولية الخطيرة....نضرة وحدة لها تخليك تقفقف غير بوحدك.....ملابسو البسيطة أو لجدابة فنفس لوقت بفعل جسمو لقوي عضلاتو البارزة.....أكتافو أو ضهرو لعراض.....أما عينيه فقصتهم بوحدها.....قصة غريبة عناوينها: التسلية ...الألم...الإجرام...أو أكيد الجنون........ماريا؛(بخوف أو رتباك)شنو كدير هنا فنصصات ليل؟؟؟...سير سير الله يهديك....شاف فيها بعمق قبل مايدفعها ببساطة أو يدخل .....ماريا سدات لباب بشوية أو كانت متأكدة بلي هاد ليلة مغديش دوز على خير......ماريا:(تعلقات فدراعو)الله يرضى عليك لما سير عفاااك......نفض يدو منها أو بدا كيتمنضر فدار فحالي عمرو شافها.....هو:(كيشم ريحة ديال دار)ca sent bon(ريحة زوينة)......ماريا:(قربات من دروج خوفا منها تفيق أو هو كيتكلم بصوتو لحرش لي يقدر يفيق دب من سباتو)هدر بشوية.......هو؛هههه أوك .....ماريا؛وخرج دبا سير معامن كنهدر أنا؟؟......هو؛هههه grande mère calme toi!!!(جداتي تهدني)......ماريا؛"جود" برا برا ولله أو تفكر فدكشي لكنتي كتهددني به حتى نسخط عليك.......جود نفاجر بواحد ضحكة حتى حسات ماريا بلي غادي تسخف من اتر صدى ديالها......ماريا:(نقزت على فمو باش تسدو ليه لكن خسارة موصلتش ليه بسباب طول ديالو الفارع)سكووووت الله يلغيها لك......جود؛(جبدها لصدرو أو زير عليها)جدة جدة مكتبغنش نهدر غير بلغة لي كتفهميها مزيان ....أنا عييت من نصبر أو جيت ناخد دكشي لي كيخصني.....ماريا؛(كتحاول تفك منو حيت تصرف ديال لعناق غريب عليها)طللق مني أو سير اجود ما خصنا صداع.....جود كان مازال مزير عليها بيد أو ليد لخرا حركها حتى لسروالو الجينز أو جبد فوطة فيها منوم.......جود؛جدة دبا خاصك تنعسي ياك وليتي مرة كبيرة أو مبغتش نحمقك معايا فحال بشحال هادي......ماريا مفهمات حتى لعبة غير يدها ضعاف لي كيحاولو يزيحوا داك جبل لي خنقها.....بعدها شوية منو أو شاف فعينها بعمق...... جود؛(بصوت يدوب صخر من كترت الخطورة ديالو)حاجتي صبرت عليها بزاف أو جاء لوقت لي نردها هههه عمرني قتلك بلي عينيك زوينين....ماريا تفاجأت من كلامو لغريب عليها أو فلحضة فحال لبرق حسات بداك لمنديل كيهجم على نيفها أو يفقدها الوعي......طاحت مابين يديه أو هزها حطها فوق لفوتاي......جود؛جدة لحبيبة مبغتش نصدعك معايا مازال من الأحسن بقاي ساكتة أو ضريفة فحال دبا هههه....أو نقل نضروو فجأة لدروج مع إبتسامة مغزاها كيعرفو غير هو بحدو.....نفض يديه أو مشا جهة لمرايا قاد راسو مع نفس ضحكة المليئة بتسلية أو رعب..........

أجي عفاك.....دار لعندي بنفس لعينين نفس الهيئة أو طبعاً نفس بوني.....كان بعيد لكن سمعني.....شاف في حسيت بعينيه ختارقوو روحي......أنا؛عفاك بغيت نتعرف عليك بغيت نشوف وجهك بغيت نشكرك......كلامي مدهاش فيه....بقا غير بعيد مني أو كيشوف في بحنان ....قربت منو رجلي تقال كنهز وحدة أو لخرى كتبعها غير بزز.....أنا؛قرب مني أنا منقدرش نتمشا.......حليت عيني أو سديتهم لقيتو حداية قريب لي بزاف فحال ضلي.....رغم أن ديك لبلاصة لي كنا فيها كانت مضلمة أو كئيبة.....هزني أو جاء راسي على صدرو فحال دك نهار......حسيت بالسعادة......طلعت وجهي لقيتو كيتمشى بي نفس لقصة كتعاود الله حلم زوين هدا......تلاقاو عنينا....أو بتاسم لي حنا أو باس لي جبهتي فنفس رقة ديال مرة أولى أو همس لي حدا ودني......"exuse moi".......أو مابقيت عاقلة على والو من بعد من غير أنه حلم زوين مبغتش نفيق منو أبداً .........

كيدرني راسي....معرفتش واش أنا حماقيت ولا بسبب الحلم ديال لبارح......الله أنا شفتو أو حسيت بيه فحلا حقيقي......ضحكت ضحكة واسعة.....فتحت عيني لقيت سقف مبدل .....ضحكت تاني أو درت على جنبي خشيت راسي فلوسادة لي جاتني شوية قاسحة على لي عندي......مرغت وجهي فيها أو ضحكة ديالي كتوساع......هدشي غير حلمت بيه أو وليت كنتهيأ حوايج جداد كي غاندير يا ربي إلا تلاقيت بيه ديال بصح.....رفعت لوسادة أو فتحت عيني لقيت ديكور مبدل كفاش؟؟.....أنا عندي شرجم كيطل على برا هنا كيبانلي غير الحيط؟؟؟......سديت أو رجعت حليت عيني.....ناري صدمة كانت قوية.....فين أنا؟؟....نضت وقفت أو عاد توضحت لي رؤية.....ماشي بيتي ماشي فراشي ماشي نفس ريحة.....فين أنا؟؟....داروها بي؟؟.....أنا؛مشيت فيها......رجعت جلست كنحك فعيني...واقلة وليت كنهلوس بزاف هاد ليمات أنا مازال عند ماريا......ولكن نضريتي تبخرات باش تجرأت ناوية نشوف نفس سرجم لي كيطل على لحديقة زوينة.....تخلعت ديال بصح هاد لمرة........جريت لجهة الباب كان مسدود....مبغتش نغوت ولا ندق....يمكن نلقا شي حل......فتشت على شي مخرج أو مبانلي والو لبيت مافيه حتى سرجم من غير واحد صغير بزاف أو بعيد علي.....لبيت كان شبه مضلم....غير داك نور لي كينبعت من سرجم هو لي خبرني بلي راه نهار......كي درت جيت لهنا؟؟؟......شنو وقع لماريا؟؟.....واش كان في نعاس لديك درجة لي ماحسيت فيها بلي أنا را كنتخطف؟؟.....ناري ميمتي؟؟.....أشغاندر؟؟......بقيت كنولول أو كندرب ففخادي لمدة خلاتني نفقد أعصابي أو نفكر فأسوأ شنو ممكن يطرا لي ...أقل لخسائر هي نخرج مغتصبة ....من غير إلا قتلوني ولا شوهوني ولا خداو لي شي كلوة.....بلاتي؟؟.....مايكون غير جون هدا؟؟.....اه هو ولد لحرام.....ويلي ويلي هئ هئ هئ.........مسحت دموعي بلخف باش منبانش ضعيفة .....خاصني نكون قوية فهاد لحضة......................

بقيت كنتسنا لا صوت لا حس....بغيت غا نفهم كيفاش جيت لهنا؟؟.....أو أنا فواد تفكير أو لخوف نسيت راسي شنو لابسة....هبطت وجهي لقيت راسي مازال ببيجامة ديال نعاس لحمدلاه كانت مضيقاش....بكترت متخلعت مردتش لبال.....أنا:(غنموت بلخلعة) اويلي هاويلي هاويلي على غدايدي......سمعت ساروت كيتحرك جريت مور لباب أو درت حركة لهجوم......حل لباب أو بقا واقف ماشفتش شكون حيت لباب درق ليا شخص....سمعتو كيتنفس بخطورة....حسبت حتا لتلاتة خرجت بزربة أو ضربتو لقرفادتو باكتر ضربة عندي قوة أو معروف أنها كتسخف بنادم.....يدي حسيت بها تهرسات ولكن مدتهاش أو هبطت كنجري فدروج.....شفت لباب مردود أو فرحت ......يلا جيت نقز أخر درجة...حسيت بيد كبيرة دارت على خصري بقوة رفعتني من الأرض....أو يد لخرا شد ليا بها فمي......بقيت كنتلوا أو كنهجم بأقصى ما عندي لكن مقدرتش نفك راسي كان صحيح عليا بقا مطلعني فدروج أو أنفاسو حدا ودني فحال نار.....بقيت كندرب برجلي أو يدي فلهواء وا ناري حيط ديال لحديد......وصلنا لبيت لاحني فلأرض أو سد لباب....تكورت أو أنا كنلهت......متجرأتش نطلع وجهي عرفت نهايتي قربات.....كتل ديال دموع شوشو رؤية ديالي لكن مغاديش نسمح لهم ينزلوا.....بانو لي غا رجليه لكبار بعادين علي بشي 3 خطوات.......أنا:(بغضب)شكون نتا؟؟؟..........هو:لا رد.....أو فجأة راسي بلا شعور أو ادن مني طلع لمستوى عينيه.....رصاصة ضرباتني نيشان لقلبي......نفسو ....اه هو.....واش الحلم تحول حقيقة؟؟........أنا؛نتا؟؟......ضحك ضحكة كبيرة بلا صوت خلاتني نشوف سنانو لمرتبين أو ناصعين لبياض.....اويلي فاش كنفكر أنا؟؟.....نضت وقفت أو مازال ممتيقاش بلي هو نفس شخص.....بانلي هاد لمرة وجهو كامل.....مجرم لحد كبير بغيت نقول تعاليم وجهوا كيدلو على لإجرام....عندو ضربة حدا حاجبو أو ضحكتو كتفشل.....جسم رياضي بمتياز أو أهم حاجة هما عينيه أو شعرو الطويل......الخلاصة وسيم بجهد......بلعت ريقي أو كنت كنتسنا يجاوبني......أنا؛نطق شكون نتا؟؟......هو؛(بتساؤل)أم؟؟......نسيت بلي أنا ففرنسا عاود جاني عربي بحروفو الرجولية.......أنا؛je veux dire qui est vous؟؟ pourquoi tu me kidnap؟؟.......هو:دوي بلعربية......صدمني ولد لحرام......

أنا:ششششكون نتا؟؟.....هو:أنا؟؟....أنا؛عفاك خليني نمشي الله يخليك ياك حتا نتا مغربي ماتقدرش ضر بنت بلادك...اه؟؟....هو:هههههه ضحكتيني والله......هبط عينيه لجسم ديالي أو بقا كيطلع أو يهبط ...غطيت راسي وخى لابسة مستور أو بان لي ناوي على شي حاجة خايبة......أنا:(فنفسي)خاصني نوجد راسي غاع دكشي لي تعلمتو مخصوش يمشي غير هكاك......بدا كيقرب لجيهتي رجعت بلور....أو كنهيأ راسي نفسياً أو جسدياً نهجم عليه......بدات حرب لعيون بيناتنا......هو:زوينة بزاف ......أنا:بعد مني وياك تفكر فشي حاجة ولله حتى نقتلك خلينا نتافقو خليني نمشي مغاديش نعلم لبوليس......كان كيسمع كلامي بهتمام أو قررت نتشجع .....أنا:شنو درتي لمرا لي كانت معايا؟؟....هو:تهنيت منها نسايها.....أنا:اويلي شنو درتي لها؟؟....هو:(جاي لجيهتي)نسايها دبا......تدهشرت مع ماريا مسكينة أو محستش به باش شد لي دراعي بجوج.....باش لمسات ديالو تجرؤو كتر تماك فاش فقت....جمعت يدي من لتحت على شكل بونيا أو زويتوو الكرش.....فداخل ديالي غضب كبير مستحيل توقع لها شي حاجة أنا لمسؤولة.....متقسحش لكن زير علي كتر......تلويت ليه حتى سليت يدي مابين يديه رجع بغا يشدني أو ركلتو لرجليه ناري ولد لحرام قاسح.....ضربات ديالي مكتنفعش معاه...تفو لباب مسدود خاصو يسخف.....تفكرت واحد لحركة علمها لي خويا كتسخف بنادم......ولكن بما أنه طويل رجلي مغدش توصل ليه ادن أندربوو لمنطقة لعمليات هاديك هي لي كتفشل رجال......بقيت كنلهت أو كنحاول نشتت إنتباهو باش ميقراش أفكاري.....أهم حاجة متشوفش فلبلاسة لي غادي ضرب فيها لخصم باش ميستغلش لوضع......بقيت كنشوف فعينه لي سحروني....أما هو فبتسامة عريضة كانت على فمو أو أنا كنصارعوو......هو:مجهدة مع راسك ولكن لي معرفاهش أن هدشي لي كدريه مغينفعك لوالو......أنا؛اش بغيتي عندي؟؟....شنو درت ليك؟؟....اش دارت ديك لمرة مسكينة؟؟.....باينة كنتي حادينا ياك؟؟...شفتي جوج وليات فدار قلتي اتقد علينا؟؟؟؟...ولكن لي معارفوش حتا نتا انني بنت ب-100 راجل.....تلاحيت عليه دورت يدي على عنقو أو لصقت فحال لعلقة.....بقا كيدفعني أو والو لصقت لصقة ديال لا كول سبيسيال ......هو:(حدا ودني)كنصحك بلاما تمداي كتر.....أنا؛غندمك............

هبطت أو كحزيت شوية أو درت فحال كابتن ماجد باش كيبغي يضرب ديك لكرة طلعت رجلي حتى لسما أو يلا جيت نعطيه قبطها لي أو دار لي حركة بيده زعمة:"لا لا "......قلبت لخرى دغيا جهة عنقو أو طلعت فوق كتفو.....مد يديه لحرة أو مشا حتى لسرير أو جبدني من خصري حتى طحت أو وجهي ولا حمر ...سخفت.....جمع لي يدي حدا راسي.....أو باينة قنديشة طلعت ليه.....حيت عينيه تحولو من حنية إلى جنون......هو؛اش قلت لديلمك؟؟سحابليك أتغلبيني أحشمت نعطيك تسرفقة تنساي على سميتك شناهيا.....أنا؛(بلغوات)طلق مننني.....هو:تفكري مرة خرى تجرئي علي اندير فيك لي عمرك شفتيه......طلق مني أو عطاني بضهرو ....هدا محترف ..ديماً خويا كان كيقوليا إلا طحتي مع شي راجل قاري هدشي ديال لقتال أنمشي فيها....حيت أنا كنبقى بنت فأخر لمطاف أو أي راجل أو خاصة محترف أيغلبني بكل سهولة....... رجعت بضهري لور أو غطيت راسي ....ناري ميمتي اش غيفكني من هاد لغول......دار كيشوف فيا بنضرة فيها لحماق ...لإجرام.....صدرو كيطلع أو يهبط فحالا كيصارع شي حاجة.....أو خرج من بعد فحال ريح فحالي عمرو جاء لبيت.....رجع لهدوء أو جاع داك لقتال أو لغوات أو لمضاربة تبخر أو بقيت كنرمش أو لحاجة لوحيدة لي أكدات لي بلي أنا مازال حية هي نفسي لي كتصارع خوف كبير أو دموع لي هبطو بلا صوت أو داك ضو لي كينبعت من داك سرجم.....أو الألم لي كنحس به فيدي.......

معرفتش بشحال ديال لوقت بقيت على ديك لحالة ....أول مرة كنفكر فخويا أو لخوف لي كان متجلي فعينه باش بغيت نجي لهنا......كان خايف أو فحلا حس بلي اتوقع ليا حاجة خايبة.....كنت بغيت نتهنى منو كان محرر عليا عيشتي...خايف غير بوحدو أو إلا مشافنش قدامو يدير لي تحقيق من بعد ....أما دبا بغيتو غا يجي يفكني أو يدير فيا مابغا....أنا لدبرت عليها....أما ماما ..هئ هئ هاديك بوحدها أتموت بهاد البساطة إلا وقع دكشي لكنفكر فيه....ماريا حتى هي معرفتها واش حية ولا ميتة؟؟.......أو هو شكون؟؟ علاش عوني ديك لخطرة أو دبا شنو ناوي يدير......راسي كان أيتقسم......نضت بجرة أو بديت كندرب فلباب بجهد لي عطاه ليا ربي أو كنغوت.....أنا؛خرجني را كندوي معاك....حللللل......سمعت خطواتو كيجريو مع دروج....رجعت بلور حيت دخل فحال شي تور......هو:مال حسك؟؟....ياكما سخن عليك راسك؟؟....أنا؛(بلغوات)أنقتلك فهمتي ولله ولله لي خلقني إلى فكرتي تقيسني ولا تمس شعرة وحدة مني حتى نقتلك......هو؛ههههههههههه دبا إلا بغيت نقيسك عاد أنتسناك تمنعني أنقدر ناخد منك كلشي بسهولة إلا بغيت......أنا:اوا اش بغيتي عندي خليني نمشي.....هو؛بلا كترت اسئلة أو جلسي تكمشي....أنا:(تعصبت)اسئلة؟؟ههه ياكما بغتيني نصفق ليك حيت نتا خاطفني.....هو؛أتفهمي كلشي مع لوقت....أنا؛انا وقت واش نتا ناوي تخليني معك هنا؟؟....هو؛ديما......بان لي لباب محلول أو بلا شعور مشيت كنجري لجيهتو.....مرادي مكملش باش شدني من شعري أو ردني عندو.....هو؛ولكن خاصني نربيك قبل أو تعرفي معامن أتعشي حيت بنتي ليا ضاسرة.....أنا؛طلقني طلقني.......بديت كندفع فيه أو يدي لخرا تنشير بها فينما جات.....وليني واحد لحضة حسيت فحالا سرفقتوو.....طلعت وجهي لقيت أيكلني بنضرة خايبة منبغهاش لعدويا.....رجعت بلور خوفاً منو........أو هو مبقاش متحمل......فصل لخطوة أو شدني من عنقي ...حكم لي راسي أو يدو لخرا شد ليا بها ضهري......هو؛(بهمس)فينما أتفكري ديري شي حاجة فحال هادي هدا هوو لعقاب ديالك....بقيت كنتسنا ضربة أو مين ما دارهاش....طلعت وجهي عاود كيعجبني بيني أو بين نفسي تحدي لعينين.....لكن هاد لمرة ملقتهمش....لقيت فمو لي طار علي خرجت عيني.....أو تجمدت.....صدمة....لا شي حاجة كتر....باسني ....أو كلي محكومة......هبطوا لي غا دموع......مين عاد توغدت ....بديت كندفع فيه أو والو كان غايب أو ملسقني فحالا حنا شي جسد واحد....أنا؛ممممم ممم....... طلقني فاش جيت نغوت سبقني او قاطعني....هو؛هاد لمرة تحكمي فيدك حيت مغنتساهلش معاك ...خلاني أو رجع لباب تسد عليا لكن هاد لمرة ماشي فحال لولا...هاد لمرة حسيت فعلاً بلي وليت أوسخ بنت على وجه الأرض......

هبط ساخط أو هز تليفون......هو؛ألو غادي نقتل ديلمها؟؟.....كيفاش بغتني نصبر عليها؟؟......شوفي أجدة بلاما تفرعي راسك معايا.....عبق مغاديش ترجع.......(بلغوات)سكتي من لبكا.......أو واياك تمشي ديري شي حاجة بلا خباري را ولاه حتى تشوفي لي عمرك شفتيه.......لاح تليفون أو بقا واقف فضلام على الله يهدى لقلب لي تألم بزاف...............

بعد ما بكيت بزاف ....بقيت كنشوف فسقف......كمية ديال تناقضات فمخي حتى أداة ربط ماقدرت نتوصل لها........شكون داك البغل ولد لحرام الكلب حمار.......أنا؛(بلغوات)دحش حمار كيدار زبل تفووووو .......زبل الله يعطيك مصيبة غادي نقتللللللك........معامن كنهدر يا ربي ....جمعت شعري سفنجة أو درت ودني على لباب كنسمع غا لخوا....فين هو داك زبل؟؟؟........ناري أنا وقيلا أكبر مسخوطة فالعالم....أشداني لشي جون ولا زبل كون كونت لرض أو سكت......درت يدي على خصري اش غنفكر يا ربي كلشي مسدود الله يسد ليه حياتو انشالله........أوف بيبو فكري أو تهدني .....أنسايس هدا هو لحل لكاين.....اه صافي هدشي لغاندير.......جلست على حافة سرير .....أو بديت نرتب خطة ديالي.......

دخل هاد لمرة بخطى خفيفة أو شاف بيبو ناعسة على جنبها أو دايرة حركة دفاع.......هو؛مسكينة هههه......تحرك ناوي يقاد لها نعاسها.....ولكن لي مكانش منتضر أنها تفيق بجهد أو تخطاه بخطوة سريعة خرجات كتجري هبطات من دروج ...حلات لباب أو خرجات بزربة......هو(بلغوات)لا لااااا.......فاق من لحلم عرقان مسح جبهتو بجهد أو ناض في إتجاه بيت لي هي فيه......هو؛لا ميمكنش......فتح أو لقاها شادة راسها أو كتنفس ببطء......بدون شعور مشى وقفها أو عنقها بكل ما عندو من قوة.......أنا؛طلللللق منيي يا لمجرم......بديت كندرب فكتفوا أو كندفع فصدرو أو والو فحالا لصق.......أنا؛وا بنادم طلق مني الله يلغيها لك........واش تسطيتي؟؟شكون نتا شكووون؟؟؟.......ردني تقابل معايا أو كان عرقان.....أنا؛واش نتا مريض ولا مالك؟؟......واااش حماقتي ؟؟؟...ملقتي ميدار فحياتك بغيتي تلاها بيا سيادك را خدامين أو عوالين على راسهم أو نتا هنا مخبي كي لولية أو جارني معاك يا لحgار......بغيت نفهم واحد لحاجة واش خرجتي من سبيتار لحماق أو تبليت بيك أنا؟؟.....دوي يا شماتة.....(بلغوات)دويييي.......هز يديه تالسما أو عطاني بها.....دخت رجعت لور شي خطوات ولكن تمالكت راسي ....أنا؛(شادة فحنكي)مالك مرضتيش؟؟...شماتة شماتة شماتة.سمع مزياااان لوصف لي يليق بيك.....جاء عندي بجرا....أو من لغريزة الفطرية ديال أي وحدة أتضرب.....رجعت بلور أو حاولت نصدو بيدي....لكن مكنتش واكلة أو فشلت بجوع.......زير ليا على شعري بيديه أو قجني بليد لخرة......هو؛أتسدي داك دلقوش ولا بربي حتى نعدب مك أو نورييك شماتا كيداير؟؟.....أنا؛كتحgر علي ياك؟؟....لي يشوفك يقول هنا نبات ساعة طلعتي فحال داك لبغل لي ما فيه فايدة .....شفت عروقو خارجين أو ولا حمر.....زير علي كتر أو قلبي أيسكت بالخلعة........ولكن عجبني لحال بلي قدرت نستفزوو........هو؛(زير على سنانو)واش بغتني نقتل ديلمك ليوما......أنا:هههه ماتقدرش ديرها حيت نتا أكبر شماتة شفتو فحياتي......حسيتو مبقاش قادر يصبر.....دفعني تالحيط وليت لاصقة معاه...عيني فعينوا أو تعابير وجهوا كدل على الجنون........هو؛أنا شماتة؟؟اه؟؟.....أنا؛(مزيرة على كلامي)اه نتا شمااتة.....حسبت حتى لتلاتة أو ما حسيت براسي حتى تخبط مع الحيط......طحت.....وليت كنشوف ضبابة.....جاتني ضربة خرى لكرشي برجليه......أو وليت كنسمع غير صوت أنفاسو سريعة......هو؛(بغوات مجنون)أنا شماتة ضسارة من بدية ولله متقادي يا تنوري مك أش كنسواا......من بعد هاد الجملة مبقيتش كنسمع والو غير صوتو فحالة كيهدر فشي بير......حليت عين وحدة أو الألم لي حاسة به فكرشي لا يوصف......كنشوف غا فمو أو باينة كيسب.....هزني من لرض أو لاحني بجهد يا ربي اش هاد القسوة......خرج موراها كي لعجاج......دورت يدي على كرشي كنتئوه بلحريق.......أنا؛أووووووو كرشي أوووووووي يا ربي هئ هئ هئ.....

من فرانسا لي فيها معاناة جديدة أنمشو نطلو شنو واقع فالمغرب:

كان جالس فبيروه باينة عليه الهبة أو العنف مقلق أو سبب ديالو ختو....

من بعد المعاناة لي عاشها مع باه قرر يبدا حياة جديدة أو يبرهن سيطرتو وسط المحيط ديالو أو أول واحد بدا به هي ختو.....كان تابعها فحال ضلها خايف عليها حيت كان عارف بلي أعداء باه كتار.....حتى الموت ديالو كان شاك فيها......هادشي طبيعي حيت خدمة كجنرال كبير فالعسكر كانت صعيبة أو كان محتم عليه يتعايش معها أو مع القساوة ديالها...... هو دري لكبير...دكشي علاش "الجنرال القاسي"كما سماه هو كان معيشو فرعب عكس بنتو لي كان عاطيها حنان كبير....كان كيغار مينكرش ولكن كيصبر راسو بلي هو دري أو لازم عليه يتوالف عليه........."حكيم" الأخ الكبير ديال عبق.....رجل قاسي تبع مسار باه ماشي فلخدمة لكن فالمعاملة......غير أنه خدام فشركة كبيرة فهو راجل قوي ...مدرب على الفنون القتالية أو عندو مهارات كبيرة......إنسان تقريباً معندوش رحمة من غير إلا كانت ماماه ولا ختو ....ضخم الجتة أو وسيم بشكل خطير......ديمان معصب من غير إلا مشا كلشي كيف ما بغا......حياتو كتمحور على 3 نقاط ماماه ،ختو أو خدمتو....أو زيادة بسيطة يمكن إلا تزوج مغدش تبقا فيه .....

سلا خدمتو بمشقة الأنفس ماشي حيت صعيبة لكن على ود قلق كيكبر كل دقيقة فقلبوا......وصل لدار أو لقاء مو بنفس حالتها هادي مدة........حكيم؛الوليدة مالكي؟؟.....طلعات وجها الحزين عندو أو بان لمعان لي فعينها من اتر البكا....."فيروز"مرا قسات بزاف نهار تزوجات الجنرال....أو وخا هكاك تعايشات مع مزاجو المتقلب أو إنفعالاتو الكتيرة....استمرات على هاد الوضعية حتى نهار لي تزدات عبق.....هاد البنت لي خفت شوية من حدة ديال الجنرال أو رداتو نوعا ما إنسان عندو ضمير.....مكانتش كتبغي معاملات الإضطهاد لي كان راجلها كيفرضها على حكيم أو رغم هدشي كتشوف أو تسكت... مي باش تزادت بنتها الحبيبة عاد رتاحت شوية......فيروز:(كتبكي)والو أولدي بنتي مكتعيط مكترد أنا غنموت......حكيم:(بإنفعال)سرها أو سرك حتى نتي غزات فيك ها كلامي فين وصل غادي نمشي نقتل دلمها أو نتهنى من والديها نعيش بخير أنا فحياتي......فيروز؛اش هاد الهدرة كتقول هاديك راها ختك فبلاصة هاد الكلام الخاوي سير قلب عليها......حكيم؛لوالدة ياكما دختي؟؟...ياكما كيحسابلك عند طيارة خاصة نمشي لفرانسا أو نجيبها بهاد سهلة......فيروز:(ضربت حناكها)اويلي على بنتي الله الله فينك؟؟......حكيم؛ديك ريم ولا منعرف سولتيها؟؟......فيروز؛وا مكتردش حتى هي لمن غنعطي راس اربي؟؟......حكيم؛تفووو تفووو كنت عارف أتمشي دير شي بزلة......فيروز؛ماشي وقت هاد الهدرة شوف واش كتعرف شي حد فديك الجامعة سولو الله يرضى عليك......حكيم؛وخى وخى تكالماي نتي دبى أنا غادي نبدل أو عطيني منحنجر باش نقدر نفكر....إلى كانت بخير أو دارتها بلعاني بالله لي خلقني نهار تجي المغرب أنتلقا لها فلمطار أو نسمك والديها حتى تشوف نجوم.......

غبت على الوعي.....لا ماشي غير الوعي غبت على لعالم كامل.....الإنسان مكيعرفش اشنو غايطرى ليه فحياتوا....أمور كتيرة كتجي بصدف.....يمكن لها تكون زوينة أو منها كتبدا قصص كتيرة أو منها لي خايبة لي منها كتولد قصص مؤلمة .....فحال حالتي دبا....صدفة....دمرات لي حياتي.....عيشتني حلاوتها أو خلاتني حتى تعلقت...."بيه" أو دبا كتجازيني على الأحلام لعشت...........

مقدرتش نتحمل الألم لي كان فكرشي ستسلمت لفقدان الوعي.....حسن منبين ليه بلي أنا ضعيفة ...كان فيا ميغوت ولكن عزة نفسي منعتني ....درتها بلعاني بغيت نستفزو باش نعرف لحداش أيوسل معايا...بغيت نكشف أوراقو من ضربة لولا....هادشي كامل باش ندرس خطوات الخصم ديالي...خصم صعيب........قتلني عصا.....راسي كنحس به كينزف.......نضت بزز.....أو قربت لباب....شادا كرشي أو بديت كندق على الله يسمعني......أنا؛(بترجي)اداك ماعرفت اش سميتك؟؟.....حل لباب.....حل عفاك.....كندق بجهد لي بقا عندي......أنا؛(بلغوات)حلللللللللل........رجعت لور حيت تم داخل......طلعني أو هبطني بتفاجء.....أو ربع يديه.....هو؛صحيحة مع راسك .....أنا؛واش نتا مفقلبكش رحمة؟؟..اه؟؟...مناش مصنوع؟؟نتا ماشي بنادم خليني نمشي ها لعار.......هو؛هههه وخا هاكي......جبد تليفون أو مدو ليي......هو:هاكي هدري معا ديك صحبتك قولها بلي نتي مزيانة أو راك مسافرة مع ديك لمرة لي لقيتي عندها خدمة.......أنا؛واش نتا حمق؟؟..بغتني نكدب......هو؛شدي هدري ولا بربي هاد المرة مغتقدري تنوضي.....أنا؛لا لا لا نتا راك مريض مريض فمخك اش بيني أو بينك أصلاً باش تضربني؟..كنقسم لك بالله حتى نفضحك.......زير لي على يدي أو قربني من وجهو .....هو؛دوي ولا نفلعس مك ليوما......حط لي تليفون فيدي.....أو شديتو لحتو فلرض.......أنا؛مغدييش ندوي فهمتي غير ضربني حتى تشبع .......مشا جاب تليفون أو رجع عندي بوجه كيخلع......جرني حتى سرير أو جلس أو جلسني على ركابيه أو أنا كنتلوى.....أنا؛طلقني طلقنييي الله يخود فيك ألحق.......هو؛خاص مك غا ضرب لغة لوحيدة لي كتعجبك اه؟؟......أنا؛بعد مني......دور يديه على جسمي ...عييت منفك راسي أو والو .....أنا؛أووووف تخنقت.....هو؛هيا لدوييتي دغية باش نطلقك.....شناهيا نمرة......أنا؛مغاديش نقول......هو؛(زاد زير علي)دوي بلاما تجعريني......أنا؛ايي كدرني......صافي صافي اندوي غير خفف عليا......قتليه نمرة أو حطوا على ودني...جاتني لبكيا بغيت نغوت أو نقولها عتقيني ساعة كان قريب مني أو عاد مكيزيد يزير......سمعت صوتها.....هو:دوي....أنا؛ألو ريم؟؟.....اه هادي أنا.....مالكي كتغوتي؟؟...أنا بخير.....لا لا بلاما تشوشي....فين أنا؟؟....أنا عند؟؟؟.....هو؛(بشوية)ولله أو تنطقي بكلمة....أنا؛(قطعتو)أنا أريم عند ديك سيدة لي دويت لك عليها......أنا بخير.....عفاك عيطي لماما أو قولها متشوش علي.....هئ هئ هئ.....قولها كنبغيها بزاف أو .....خطف لي تليفون أو دارو فجبو...بقيت كنبكي من تفكرت ماما أتكون مسكينة حماقت.....دفعني جيت طايحة....أنا؛(كنبكي)عفاك خليني نهدر مع ماما......هو؛ماما؟؟... هههه بركا عليك ليوما....كوني مأدبة أنعطيك تهدري.....لمهم أنا مشيت......أنا؛هئ هئ واش نتا مفقلبكش رحمة مسولتي حتى كي بقيت بعد ما ركلتني يا لمجرم.....هو؛هههه وأخيراً كتبكي بكي زيدي بكي كيعجبني لحال.....أنا؛نتا مريض مريض..........هو؛اه أنا مريض.....ليوما أتبقاي بلا ماكلة كعقوبة على فعايلك....أنا؛ولكن؟؟.......خرج أو سد الباب فوجهي مرة خرى........

فيروز؛ألو ريم؟؟.....ناري ابنتي عاد عيطي لي؟؟..حرام عليك ابنتي فين هي عبق؟؟....كفاش؟؟.... الحمدلله ياك تاصلات بيك؟؟...عنداك تكوني كتكدبي علي؟؟......الحمدله أو نتي كتعرفي ديك لمرة؟؟.....لعجب؟؟ اوا لمهم بعدا مين صوتها كان مزيان......إلا تاصلات مرة خرى قولها ضروري تعيط لي....را خوها قالب عليها دنيا.....أو حتى نتي متخلينيش كنعيط بلا رد فحال لهببلة......تهلاي فراسك الله يحفضكم شكراً.....طفات مع ريم لي طمنتها على بنتها رغم أنا هاد الخبر زائف.......رجعات تاصلات بحكيم باش تبرد أعصابو أو قلقو على ختو......فيروز؛ألو حكيم خير أولدي....ختك لباس.....اه عيطات لي ريم أو جاتلي بلي عبق مزيانة....لا غير لقات خدمة عند واحد سيدة أو مشات سافرات معها....وابشوية علاش كتغوت؟؟......صافي صافي قطع فقستوووني نتا أو ياها......طفات عليه أو توجهات عند شخص أخر طمنو على بنتو....هزات تصويرا ديال راجلها أو حطتها على قلبها.....فيروز؛ماتخافش أسي لجنرال بنتنا لباس...كنت عرفاك مقلق.....ربي يحفضها لي...مسحات دمعتها أو مشات تصلي جوج ركعات شكراً لالله ......

أما حكيم فابغا يموت ....كيفاش عطات لها خاطرها تخلي صحبتها تتصل بمها لي كان قلبها محروق عليها هادي أيام...حكيم؛ناري بنت لحرام....(درب طبلة)هادشي كوولو منك أسي لجنرال...نتا لي فششتيها ......ولكن بلاتي حتى نجي أو نحرم على مك هاد قراية زينة....خدمة؟؟...زوينة هادي أو مسافرة من لفوق...بلاتي أختي....غير بي ولا بيك....سكرتيرة؛سي حكيم مالك كتهدر بوحدك؟؟؟....حكيم؛(نتابه لها)والو اسكينة بدا لجتماع؟؟....سكرتيرة؛وي كنتسناوك.......حكيم؛يلا......

في فرنسا فنفس البيت كانت بيبو مضاربة مع نعاس على الله يجيها......أنا؛أوف يا ربي ولد لحرام قتلني جوع أوووف .....نضت حيت دروني جنابي......أللهم نفكر .....الور كنت عند ماريا شفت داك سيد مع صباح عندو نفس مواصفات هاد خينا أو خصوصاً العينين .....أو نفسو عاود باش عتقني من جون ...أو نفسو باش داني عند ريم....أو دبا أنا عندو.....أها مزيان أو بنسبة لماريا تخوفات باش سولتها على راجل لكانت كتهدر معاه.....أو فنفس الوقت فحالي مخبية شي حاجة....عندها حفيد سميتو جود.....اش هاد تخربيق....بيبو فكري شوية زعمة ماتقدرش تكون شي علاقة مابين جود ماريا أو هاد خينا لحمار؟؟ ......لا لا مانضنش....شنو هو رابط بينات هادشي علاش أنا؟؟....شنو بغا مني....علاين 5 يام أنا معاه دبا....كون بغا كون دار لي شي حاجة....ولكن هو كيجي يلوح لي ديك دغمة أو يغبر......مافهمت حتى لعبة.....أو زايدها ملبسني حوايجو. اتفو تخنقت......نوض نصدعو شي شوية مزيان مستحيل نبقى فهاد شك أنا نبقا محبوسة هنا........نضت بديت كنخبط فلباب......أنا؛اداك راس طاروا فتاح ندوي معك فتتتح ..... بقيت دق يما دق باش نفرع ليه راس......حتى تم داخل مدرم......هو؛مال مك فارعة لي كري؟؟.....أنا؛شتك نسيتني نغمال هنا ولا كيفاش؟؟....ها لعار الله يخلي لك ما عز عليك...ميمتك لما طلقني نمشي راني تخنقت......هو؛(غير مهتم)هههه ميمتي؟؟...للأسف معنديش .. أتجلسي لرض أو غتسدي داك لفم.....أنا؛واش نتا مزعزع ولا مالك؟؟.مباغي طلقني ...مباغي تقولي لاش جايبني لهنا...حتى سميتك معرفهاش.....نتا ترضى تحط فنفس لوضع؟؟..شوف اداك سي منعرف اش سماك الله.....براكة عيقتي لكنتي مبرهش أو باغي تبين رجلة ديالك صافي برافو عليك راك قدرتي ديرها نساليو هاد لعبة عفاك..اوكي؟؟.....شفتو جاي لعندي او أنا نبعد....شنق عليا من لكول ديال تركوه أو قربني من وجهو.....هو؛رجلة؟؟....إلا مبركتش لارض دبا ولله يا مك تنورك رجلة كي ديرا.....أنا برهوش؟؟....راك معرفا والو ابنتي من الاحسن تبقاي ساكتة حيت هدرتك كتستفزني أو أنا باش كنستفز من شي واحد كنولي واحد أخر فا بلاما تشوفي داك لوجه لاخر ديالي حيت خايب بزاف......(زاد قربني أو كان كيفصل مابين فمي أو فمو غير شعرة).....أو هاد لمرة لقيتيني ناشط ما نوري زوينة لعب كيداير......دفعني من بعد هاد لهجوم أو بديت كنكح......أنا؛كح كح كح ..هههه نتا ولله حتى مريض ولله ممساوي.....عرفتي أو يوصل لخويا لخبار حتى يقطعك طراف طراف.....هو؛هههه شكون حكيم؟؟....أنا؛(مصدومة)كيفاش عرفتي سميتو؟؟؟؟....هو:(تفعفع)اه؟؟...لا والو.....غلب دورة باش يخرج ولكن تشعبط فيديه....أنا؛أجي لهنا....فين غادي؟؟ فين كتعرف خويا؟؟......خنزر فيا باش نطلق ولكن ولله لديتها فيه......أنا؛بلاما تخلعني بديك شوفات لخاويين قوليا فين كتعرف حكيم نطق......هو؛(جرني من دراعي)ماشي شغلك.....أنا؛كيفاش ماشي شغلي؟؟...اه عاد فهمت نتا كتعرفني أو كتعرف فاملتي كاملة؟؟.....دوي؟؟...الله يخليك بلاما تخليني عايشة فشك هاكدا.....هو؛ماشي لوقت غادي يجي واحد نهار أو تعرفي كلشي....أنا؛ولكن فوقاش ايجي هاد نهار واش أنبقا جالسة هنا حتى ترشق لك أو تقوليا كلشي نتا وراك شي حاجة ؟؟...هو؛مكنبغش نعاود لهدرة جوج مرات شدي بلاستك إو سكتيني.....دفعني أو خرج دغيا.....أنا؛هئ هئ هئ اويلي شكون هدا؟؟....كيفاش كيعرف حكيم؟؟...ادن أيكون كيعرف حتى ماما أو بابا الله يرحمو؟؟....اه اه شي إنتقام هدا واقلة.....هئ هئ هئ الله يا ربي الله.......

يتبع