أسية:بالعكس انت دكية فينا وانت انسب واحد تيقي فيا لاول مرة انطلب منك منك طلب وعارفاك قدها زعمة متعاونيش ختك اروبن هود حاجة بسيطة عارفة هادشي واعر وفيها مخاطرة ولكن انت مرا ونص راكي راجل فصفت مرا اش قلتي؟
إيثار:ولكن..
كريم:إيثار كتيقي فيا ولا لا
إيثار:هدا سؤال هدا بطبيعت الحال
كريم:انا مغنبغيش ليك حاجة خايبة ملف لقضية كلو عندي الحمد لله الأمن دالمغرب معروف داخل لبلاد وخارج ديالو وانت بهادشي اتزيدي بصورة لبلاد لقدام وتوريهم لمرا علاش قدا
الحاج:فاش كنت خدام كنت معروف حتى حاجة مكنخاف منها وسمعتي بقات حتى لدابا وبغيت حتى بناتي يكونو بحالي شفتي راه واخا نغوت عليك حتى نعيا او واخا هاد جوج هادو لي قدامك وختك ريم ولكن راه انت رقم واحد فولادي فينما نبغيك نصيبك او واقفة على شغالي الله يغطيك برضى ويفرشك بالرضى
إيثار:اح عليك اعميمير حتى بغيتي حاجتك وكالس تصبغ فيا
لحاج:قلت ليكم هاد لكنس ماينفعش معاه لعضرة لحلوة
رشدي:حاجة وحدة ماقلتهاش ليك الى فخبارك عندنا معلومات على تهريب لحيوانات لي هربتي من محمية افريكا، إيثار حدرت راسها وكتبقلل فعينيها
رشدي:بلاتي الحاج (شاف ف إيثار) ونزيدك شخص لي كيستغل دوك لحيوانات لي هربتي ودوك
ودوك ناس لي كانو خدامين تم كلهم كايخدمو لصالح نفسشخص لي ممكن يكون عندو ايد فتهديدات هادو هوما لمعلومات لي عندنا شي حاجة اخرى مزال مجهولة بحد ساعة بنسبة لينا شنو كلتي
إيثار:الو نوال شوفي عيطي على لكليكة وكوليهم خطة داليوم غير ياجلوها ممسالياش
نوال:ياك لباس
إيثار:أسية دارت كسيدة لالا ماشي حاجة خايبة اتهرسات مهم حتى من بعد ونسوني ليك، قطعات عليها جمعات شعرها سفنجة مخربقة ولبسات حوايج دالخدمة هزات سوارت ديال لبيكوب باش كتفرق لخضرة مفطراتش خرجات قدام عينين عمتها ومها بلا عضرة بلا جوج ركبات مشات نيشان لديبو فين كيعمرو صنادق هزوهوم لخدامة داروهوم ليها لور وشدات طريق سوق طول طريق ولهضرة كتكرر فودنيها الف مرة غير كتفكر فالهضرة وصلات لسوق كبير عامر هالبهايم مالين لخضرة لحوايج بدات كتفرق على كل واحد على حسب سمية ولكمية لي بغا كلشي يسلم عليها ويشكرها ويضحك معاها بحال الى ماشي بنت ولد رجولة وشخامة لي ماف دراري فيها هي لي بنت مسالات حتى قرب شمس تغرب عاد رجعات لدار طلعات من لباب لوراني دخلات لبيتها نيشان لحمام طلقات دوش وبقات تحتو شحال عاد خرجات لبسات حوايجها وهبطات لكوزينة لقات ماماها فكوزينة عاطياها بضهر جاتها من لور عنقاتها خشات راسها فعنقها
إيثار:الله شحال كتحمقني هاد ريحة وهاد لعنيق
لحاجة:هههه اح عليك اشنيولة ديالي بنتي خرجتي بلا فطور بلا غدا انا وجدة ليك لماكلة لي كتعجبك خبيزات معمرين بيبي ولفرماج سيري كلسي انا نجيبهم ليك
إيثار:لهلا يخطيك عليا كيبقات أسية
لحاجة:راها فلبيت باك معاها
إيثار:اممم
حطات ليها لحاجة طبسيل فيه شلاضة وتبصيل فيها خبيزات معمرين بدات تاكول وساهية
لحاجة:بنتي فاش كتخمم، علات فيها راسها كتشوف فيها
إيثار:ماما اش ضهرليك فهادشي فخبارك ياك كلشي
لحاجة:فخباري ابنتي لي درتيها مزيانة ديري لي مرتاحة فيه ولي بان ليك انت تبارك الله بعقلك واخا كتحماقي عارفة دماغك كبير ودكية كثر منهم كاملين تجربة مزيانة هادي ابنتي انتوما كلكم طلعتو لباك رجولة من صغر وحادكين او واعيين،سكتات إيثار كتكمل ماكلتها دخلات لبتول علمتهم انو موسيو رشدي جا وانو لحاج معاه فصالون وبغاو إيثار هزات خبزة فيدها وخرجات عندهم الا لماكلة والله متسمع فيها واخا يكون ولي الأمن بحد داتو
رشدي:سلام إيثار كيدايرة لباس (كيضحك) بصحة
إيثار:الله يعطيك صحة لجوع كافر وانا يلاه جيت من برا سمحلي
رشدي:لا هانية مرحبا
الحاج:امضرا ابنتي اش قررتي،بغات ساكتة وتعض فخبزتها وتاكل حتى سلاتها شافت فيهم تنفسات عاد هضرات
إيثار:طبعا موافقة حنى عسكر ولا زمر اش لمطلوب؟
الحاج:كنت عارف بنتي مغاديش تحاشمني
رشدي:بون أسية كان خاصها تمشي هاد سيمانة وبنسبة لينا تدريبات كتفوت 6شهور ولكن لضيق لوقت اتدربي مدة 1شهر حيتاش تبارك الله انت قتالية منحتجوش ندربوك من اول جديد يعني مغديش نلقاو صعوبة معاك ولكن كاين واحد لحاجة
إيثار:شنو هي حاد لحاجة تاني انت بدات كتخلعني
رشدي:ههه قبل متنزلي فسنغفورة اتمشي من هنا لبرازيل
إيثار:واها تسطية تاني واش انتوما مرة جنوب اسيا شوية تاني مسفطيني جيهت امريكا اللاتينية شدو بلاد وحدة دوختوني
رشدي:ههه مكاين لا دوخة لا والو تما ايتلقا ليك عميل سابق فشرطة الامريكيا من اشهر لعملاء معروف بكفائة ديالو وحتى قضية مكيخرج منها خاسر اي حاجة دخل فيها راسو كيخرج منها رابح
إيثار:ويلا كان هكاك يمشي نيت فبلاصتي
فبلاصتي نيت ولا يسيفط ليه نيت هاد موسيو لي
رشدي:كون كان بهاد لبساطة هادي لمشكل انو قدم استثالتو شحال هادي حيت باه عيا وتولا هو الاملاك ديالو او ولا من اهم رجال الاعمال فالبرازيل وامريكا اللاتينية وعندو اهم الجزر لي كاينتجو قصب سكر وكدلك اكبر قاعدة صناعية فمنطقة امريكا وبحر الكريبي كينتج الالبان والبرتقال القهوة والمطاط لبرازيلي ومنتج حتى لدهب نحاس ولفضة وهو لي ساهم فاقتصاد لبرازيل وكيصدر لبزاف ديال دول أوروبا من نهار شد بلاصت الاب ديالو طور شركات ديالهم لقدام زيادة انو دماغ سحال من مرا حاولو معاه يرجع لاستخبارات ومبغاش انا معارفش واش وافق يساعد فهاد لمهمة ولا لا المهم انت ايستقبلك واحد من ضباط الامن فالبرازيل حيت مزال متوصلت بحتى معلومة كنتمنى يكون هو بنفسو حيتاش هو لي ايشرح ليك كلشي ويزيد يعطيك معلومات تفيدك على الاوطيل لي اتكوني فيه مع موسيو لي وفين اتقام المسابقة يعني كولشي ايكون عندو حنى سيفطنا رسالة لموسيو لي على ميعاد وصول ديالك واخا معجبوش لحال انو اتعطلي ولكن قدرنا انو نهدنو الامور.
إيثار:مرا تقوليا لعميل ايتلقاك مرا تقولي ضابط اخور عنداكم تديوني تم وتجليوني اودني منكم والله حتى ندير بناقص كاع منها
رشدي:لحد ساعة لعميل مكاينش كايحاولو يتولصلو معاه فينما برم شي صفقة كايعطي لراسو فترة راحا ويزهق لشي قنت
إيثار:هو لي جات معاه شكون بحالو كيدايرة طريقتو فالخدمة باش نعرف معامن كنتعامل
رشدي: بصراحة مكيرحمش نهائيا انسان شرس بزاف وقوي دكي من نظرات لواحد كيعرف شنو مخبي هادشي كيعاونو فخدمتو شي لي خلاه ناجح لا فخدمتو لحالية لا فسابقة حضور ديالو طاغي ومساعدين ديالو كيخافو منو ويلا كال كلمة ميرجعش فيها جدي فخدمتو وصارم لاقسى درجة هادشي لي كنعرف عليه
إيثار:وهدا راه
وهدا راه بروسلي على هاد لحساب
رشدي: كثر لي انو عندو الحزام الاسود فالفنون القتالية لمختلطة داكشي باش هو انسب واحد ممكن يفيدك فهاد لمهمة
إيثار:حسيت بيك بحالة خايف زانت كتهضر عليه انا كعما يخلعني انا كتار منو واحد بروسلي شنو سميتو باش حتى الى جا عندي نكون عارف سميتو
رشدي:موسيو لهلالي
إيثار:كضحك) والله الى كضحكني اسي رشدي سميتو ماشي كنيتو واش انا انسجلو فالحالة لمدنية الله يهديك
رشدي:آسر الهلالي ولكن هاد الاسم قليل فاش كايستعملو كلشي كايعيط عليه باللقب ديالو لي معرزف بيه من شحال هادي ولي هو #تايغر
إيثار:هاء شفت سمياتو مجموع فيهمن غير لحيوانات ها آسر (دئب) ها تايغر (النمر) المهم على بركة الله.....
فإحدى غابات جزر الكريبي هدوء لحس مقطوع من غير صوت تهراس لخشب لي كتسمع ريحة لقهوة كطيب على لعواد واقف جسد طول بعرض قطعة ديال ملابس وحدة سروال جسم منحوت نحت عضلات ماشي سداسية عضلات تمناوية بين كل عضل دايز خط ديال لعرق شعر رطب وجه تقاسيم ديالو حادة ورجولية رموش مغطية لون لعينين شوية دالحية بدات كتنوض كيتوسطها شفايف رقاق باين الى تبسمو اتكمل صورة الوسامة والجادبية الطاغية لي ممكن تأسر قلب اي بنت وتخليها دايبة فغرام هاد لوحش لكاسر وهادشي مغريبش عليه معروف عليه معدب قلوب العدارى كايهز ايديه لي كانت كلها عروف حتى لسما وينزل عليها لخشب لي قدامو مشغول و لكن حواس ديالو كلها خدامة.
تايغر:لاش جاي وشكون كاليك انا هنا سهيل ياك؟ نباه صوت من لور
"هوهوهو باش عرفتيني جيت؟، دار عندو تايغر لاح عليه طرف دالخشب
تايغر:هادي ماشي اول مرة ياك غسان انا فتلاتينات فعمري مابقيتش دري صغير الله يهديك ومسح ديك ضحكة على وجهك مكنحملهاش
غسان:هاد ضحكة لي كتعيب مطيحة نص فبنات لبرازيل
تايغر:اووه بلا فايدة لبنات كايجريو وراك ليل ونهار بلا حتى معنى وكون غير معرف بشي
بشي وحدة دماغ لا كل وحدة كفس من لوخرا غير لمكلخات سير تزوج ليك شي وحدة وهني شعب
غسان:شكون انا نونونو زواج خليتو ليك انت اما انا خطيني مهم آسر ماشي موضوعنا هدا عندي ليك شي خبار
آسر:اصلا باين فعينيك طلقنا خلاص وسير تلاح بحالك
غسان:اجي ياك ما جايب شي وحدة هاد ليلة اح عليك العفريت
آسر:اه جايب اجي تفرج بليل وجيب معاك تيكيلى وجي نشط مع راسك اتمشي دوك فحالك ولا مك نخشيك فديك شجرة لي حداك حتى يطير مخك طلقنا بلا خرا خلاص
غسان:صافي صافي شاف بغاك وسيفط من وراك ماشي مرة ماشي جوج وطلب مني نعلمك حيت غطستي ومبنتي
آسر:شنو بغا شاف
غسان:علمي علمك معرفتش لي فبالي انوشي حاجة كتعلق ب لي هسين
آسر:وزير الثقافة سنغافورية مدام سيفط لي شيحاجة كاينة تم عرفتي شنو تسناني هنا انا راجع دخل آسر لكوخ ديالو لي فينما بغا يرتاح من شي خدمة ستنفدات طاقة ديالو كايجي ليه مافيهش وسائل راحة نهائيا بحال شي كوخ بدائي، لبس حوايجي بودي بيض مخطط بشيبي وساعة فيدو وخرج هادشي باش جا،ركب مع غسان.
آسر:ديني نيشان لمقر
غسان:مغاديش تمشي لدار دوش عليك بعدا
آسر:معنديش لوقت ويلى كانت شيحاجة ماشي مهمة انرجع لجزيرة
آسر:هاديك خيتي كتقلب عليا نخلي دار بوها كتجيني حشومة نمد ايدي على مرا ولكن هاد لمرا تسعر مي والله منعقل عليها بالله
غسان:عدرها راه كتبغيك
آسر:هاديك كتبغي شركات تايغر وطوبيلات تايغر كتشمشم لفلوس كتبقى تجري كيف لكلبة واش تسحابني انا مومو كغا معارفش قوالبها ولكن اصبر عليا انوجد لجدها واحد لبلان تموت متنساه اتنرجع باش يلاه تشد رجليها عندها.
غسان:هاحنا وصلنا نتسناك ولا نمشي
آسر:(نقز من باب طوموبيلت
من طوموبيلت غسان لي كان عبارة على جاغوار) ميحتاجش انت سير لشركة غطي على غيابي راك عارف مكنتيق فحد من غيرك انت وسهيل.
مع طلع كلشي لحراس كيعطيوه سلام دق باب شاف ودخل طلع شاف راسو فيه وقف وعنقو
لويس:اووه تايغر وأخيرا لقيناك ضروري تشحفنا وراك
آسر:راك عارفني تربيت ايديك مكنرساش فبلاصة وحدة
لويس:كلس كلس شنو تشرب بعدا قهوة بحال ديما
آسر:هههه لا يلاه شربتها كاليا غسان بغيتيني ياك لباس
لويس:ناري ديما زربان على لعموم لهضرة ماشي هنا اجي نمشيو لطابق تحتاني، خرجو من البيرو
لويس:(مع حارسلي برا) مدخل حتى واحد ولي سولك كوليه مكاينش، دخلو من واحد لباب هبطهوم لقاعة كبيرة كتوسطها طبلة طويلة وبزاف ديال لكراسا وشاشة كبيرة مبرونشيا مع بيسي
لويس:كلس رتاح
آسر:باين هادشي لاش جايبني خطير وبزاف حتى هبطنا لهنا
لويس:تماما آسر انت عارف انك كنت من أحسن لعملاء عندي وديميسيونيتي سنين هادي ومزال لحد ساعة حتى واحد مجا بحالك فمهارتك وخدمتك
لويس:ناري ديما متسرع خليني نهضر مزال كنتسالك رد لجميل ياك؟
آسر:وحتى انا كلت ليك وقتما بغيتي انا معاك باش نرد لخير لي درتي عليا وانقدتيني كون ماشي انت كون انا ميت
لويس:ودابا جا وقت ترد ليا هاد لجميل
آسر:شنو لمطلوب مني بضبط، لويس شعل تلفازة بانت صورة لرجل فأواخر الخمسينات من عمرو اسيوي
لويس:كيفما كتعرف هدا وزير ثقافة سنغفورية لي هسين
آسر:اه عرفتو
لويس:لي هسين مواخران ولا كيتلقا تهديدات بالقتل الما تنحاش على لمركز ديالو فالوزارة وهاد تهديد بدا منين تولى رعاية مسابقة اني بادي كان دانس لي معروفة
آسر:شنو زعمة هادا لي كيهدو يكون عندو دور فهاد لمسابقة هادي
لويس:مزال معرفناش ومعندناش لمعلومات لكافية
وحتى من الأمن لخاص بيه معندوش شي مهارة عالية داكشي باش موسيو لي طلب انو طاقم يتبدل وهادشي تكلفنا بيه حنى ولكن هو سيفط خصيصا للامن لي فالمغرب لي معروف بالكفاءة ديالو، شوية بانت فشاشة صورة ديال أسية
لويس:أسية بونجوم ضابطة ممتازة ومعروفة بخدمتها لمتقونة ومكدخلش لشي مهمة إلا وكتخرج منها رابحا الاب ديالها هو لكوميسير لمعروف عمر بونجوم واخ ديالها انسبيكتور كريم بونجوم يعني عائلة بوليسية
آسر:ممم ولكن شنو دور ديالها بضبط
لويس:اتكون مرافقة لموسيو لي فينما مشا تكون بجنبو باش تحميه
آسر:حتى لهنا ومزيان شنو لمطلوب مني؟
لويس:للأسف الآنسة أسية دارت حادت سير وتهرسات من رجليها وميمكنش تزيد على تلات شهور داكشي باش تم تعيين ديال بديلة ليها
آسر:وشكون، طبا لويس على واحد دوسي فالبيسي تبدلات صورة أسية وبامت صورة إيثار واقفة هي واحد لبؤة ومعانقين
لويس:إيثار بونجوم
آسر:بلاتي واش هادي توأم ديال أسية
لويس:تماماً كوسيو لي بغا ضابطة أسية بضبط ويلى مشا عرف انو ايتعدر عليها تجي ايوقع مشكيل كبير
آسر:ممم فهمتك دابا اتجيبو توأم ديالها على أنها هي ولكن لولة شعرها صفر وهادي ناري اواش عندها كفاءة ولالا
لويس:هههه شعر كايتصبغ عادي اما بنسبة لكفاءة فإيثار شرسة كتر من ختها ودكية فخبارك لعملية لي وقعات لمحمية افريكا
آسر:لا لا هي لي دارتها
لويس:تماما إيثار مروضة ديال أسود ولفهود وخدمات فديك لمحمية زيد عليها كويرية وعندها جوائز فالفنون لقتالية
آسر:ممم مثيرة للاهتمام، حتى لدابا شنو مطلوب مني
لويس:انت وهي اتكونو مرافقين لموسيو لي
آسر:شنو؟ لويس سمحلي عارف اش كتكول انا رجل أعمال مكنساليش ميمكنش ليا نعاونها اه ندربها مرحبا نعطيها طرق تعاونها هانية ولكن باش نكون مرافق ليها منصيبش بحالاش عارفني كنحتارمك ولكن
آسر:اووووف اووف واش حتى كنكول تهنيت وطلع ليا حاجة من جنب ترجعني
لويس:شنو كلتي
آسر:ايمتا غادي توصل هاد لبؤة هادي
لويس:(تبسم) من هنا لجوج دالاسابيع اتوصل لبرازيل اتنزل عندك فدارك باش تعودو على بعضياتكم ودربو بجوج خصوصا ايكون محجوز ليكم انت وهي وموسيو لي طابق الاول من اوطيل"ألريتز كارلتون ميلينا"
آسر:صافي داكشي لي بقا خاصني كاليك مكد يزيد عكدوه هي هادي تفو على لبلان كيداير زعلاش متنزلش فالاوطيل
لويس:هي كتهضر بالفرنسية والإنجليزية وشوية من الألمانية مكتعرفش لبرتغالية بحالك بحالاش اتفاهم مع ناس لي خدامين فالاطيل هنا الله يهديك،
لويس:آسر الله يخليك عصبيتك زايدة بلاما تخدمها معاها دي كالم وعطيها بالخاطر
آسر:ههه واش شفتي تصويرتها ولا لا باينة فيها عافية كحلة لحاجة لي انكوليك هي تحمل عواقب لي ايطرا وطلب متوقعش شي انفجار كبير انا مشيت،خرج وضرب بالباب وهو يعير ويزبل نار خارجة من نيوفو وعروقو كيزدحو.
"فالمغرب"
نوال:فين كنتي شفتك جايا بساكك
إيثار:من مراكش نيشان لعندك كان عندي ماتش راه كلتها ليك
إيثار:شفتي باش كتعجبيني غير هبيلة باش كتليك لكالاخ جا حتى لعندك ورتاح راه داركم هادي انا لي كاينة عندك ماشي انت انا لي خاص نمشي بحالي ولكن لا انا بت هنا نبت حتى نعاود ليك
نوال:اتزوجي جاك عريس ياك شوفي ليا خوه
إيثار:كرزات على ايدها) ياربي صبرني منقتلش شي حد من خلقك ياربي انت مال بوك داربك على زواج صافي مبقاش كريم ولا بغيتي غيرو ولايني عشاقة ملالة
نوال:والله مهكاك واختي خوك مديت منو لا حق لابطل مايقتلك مايحييك مهم معلينا ياك لباس
إيثار:تدريب اش كنخبر من صباح انا تما فين انتدرب ومن تم لبرازيل نيشان جيت ابش نعلمك وصافي تيليفون ايتقطع ممنوع طول فترة تدريب حتى نرجع ونجي عندك نتسيفط معاك
نوال:ديني معاك
إيثار:مالي غادية لموسم ولاد حريز ندور فيه وازوينة هادي يلاه يلاه انا مشيت تهلاي حتى لمن بعد. خرجات إيثار من عند نوال مشات لدار طلعات لبيتها نيشان حطات ساكها دوشات وخرجات جبدات واحد ساك صغير حطات فيه لحوايج لي اتحتاج تفتح عليها لباب دخل روني نقز عليها تبعو اليكس وسام كايلحسو فيها ويلعبو بقزيبتهم عنقاتهم بحال ولادها وتبوس فيهم
إيثار:منسخاش بيكم اندير شيحاجة نديكم ماشغليش، حتى هوما بحال فهموها تحماو فصدرها معنقينها بحال مهم وقفات وخلاتهم كيلعبو حطات صاكها على جنب خرجات من لبيت وتبعوها دخلات لصالة لقات لكل كالس
إيثار:سلام
لحاجة:على سلامتك ابنتي جمعتي حوايجك
إيثار:جمعتهم
لحاج:كريم خوك هو لي ايوصلك غدا
إيثار:بلا منعدبو نمشي راسي فطوموبيلتي
لحاج:لا غير خليه ابنتي هضر معايا رشدي وعلمني انو كلشي مزيان وانو موسيو لهلالي قبل يستقبلك ويعاونك الله يرضي عليك ابنتي ديك لعصبية ديالك مديريهاش معاه الله يخليك
إيثار:لحاج انا مسعورة والله نكولها ليك من هنا يدير معايا هك ولا هك والله منعقل عليه بالله واناعلمتك
لحاج:لا حول ولا قوة إلا بالله العلي العظيم الله يحفظ ويدير تويل دالخير هادشي لي انكول.
مع ل 5ديال صباح فاقت إيثار فطرات لبسات حوايجها هزات صاكها هبطات لقات كريم
لقات كريم كيتسناها خرجو ركبو فطموبيلتو وشدو طريق حطات إيثار راسها على زاج وكملات نعاسها حتى فيقها كريمكريم:روبن هود يلاه وصلنا
إيثار:الله ياربي على نعسة على مزيناتها كنحس بالعداب هدا وفهاد لبرد اوف اوف
كريم:يلاه خلاص ادخلي كاين لي ايتلقى ليك من مدريلبين ومرافقين ليك
إيثار:وعلاش كاين شي وحدين من غيرهم اه وشنو فيها شوف نكوليك شفتي انا والله من تفعفع من هنا الما دبت كلابي فينما كنت يكونو منتيقش نخليهم معاكم انتوما مامعاكم عشرة ومافيكم تقة انا نكولها ليم وبلاما تبقا دور عليا فعينيك بحال لبي
كريم:قربي نكوليك قربي قربي
إيثار:والله منقرب عارفاك بغيتي تجبدني من شعكاكتي راني مربية معاك وكنت ملاصقة معاك بحال لكملة ديال لبحر شوف الله بحفظك شوف كي دير ليها وكولها لداك رشدي
كريم:رشدي حاف مكاين لا سي لا والو سيري دخلي سيري يلاه حبيبت خوها نشوفك بعد شهر، تمت داخلة وكتشير بيديها بمعنى سير هورجع لكازا وهي دخلت لأكاديمية فين اتعلم وتدرب لمدة شهر كامل، دازو الأيام عند إيثار بحال بحال تفيق تفطر تدريب ديال لعسكر راسها خفيف وملقيينش معاها اشكال بحكم جسد ديالها دا على ضرب اي حركة كتصدى ليها بمهارة كبيرة لمدرب تعجب من لبنية لجسمية ديالها غير تسالي دوش وطيح تنعس تيليفون ممنوع روتين هو هو وزبايل قلالو ولفعايل مكاينينش غير كتخزن وتخبع حتى تخرج وتفدي هادشي بتاني ولمتني تعلمات تهز سلاح وكيفاش تنيش وتسدد كيفاش تركز كيفاش تصدا لعدو كاع لي اتحتاج تعلمات ليه وكتر داز شهر وهي عارفة كلشي ومستعدة جسميا وفكريا جا كريم داها دخلات لدار كان كلشي كالس كايتسناها حتى من نوال كاينة اشافتها ناضت تعنق وتبوس أسية
اسية حتى هي مكلسينها ومجبدين ليها رجلها حتى من رشدي كالس
رشدي:على سلامة تبارك الله عليك وخلاص
إيثار:مزال متكول تبارك الله حتى نشوفو هاد لحريرة ونفكوها وديك ساعات ارا متبارك
الحاج:على سلامتك ابنتي
ايثار:الله يسلمك الواليد
سعاد:حبيبتي نوجد ليك شيحاجة تاكليها
إيثار:اه اعمتي تشهيت رفيسة بدجاج لبلدي كتصرعيها انت، شافت فالحاجة مليكة:ماما وانت عفاك كتجي من ايديك لوبيا كتحمق وديري ليا لوبية كريني دغية كطيب اما لوخرة خاصني عام باش طيب
الحاجة وسعاد:هي لولة ابنتي
أسية:هادشي اتكليه فنهار واحد
إيثار:كرشي هادي ولا كرشك جاوبي كرشك ولا كرشي ودخول صحة هدا شي دوز سهر فتمارة ولعداب وسباحة على ضهر ولمشي على لبطن وليت بحال ديك تيقليلت لي لصقة فالحيط ايسخن لحال وتخرج تقلب على متاكول
نوال:الحب ديالي توحشتك كيف داز داكشي بدلتي لجو بعدا ديال هنا
الحاج:مدام كالت بابا راك عصبتيها او وصلات بيها لفوق انا عارفها اتكول بابا تقدر دير فيك شيحاجة بنتي موسيو رشدي راه كينفد تعليمات معندو ميدير
إيثار:اجي بعدا كريم كاليك على كلابي
رشدي:اه الالة وكوني هانية اتديهم معاكم هادي لبيي ديال طيارة، حطها ليها فوق طبلة) وهادو وراقك كلها حاجة وحدة لي بغيت نكوليك ومتنسايهاش موسيو لي عند بالو انو ختك لي جايا الى سولك على اسم إيثار قليه اسم مستعار باش منتيرش شبهات تفاهمنا، نباتو من دروج لفوق
إيثار:واخا واخا، دخلات لبيتها لاحت ساك دخلت دوشات خرجات بالبينوار تلاحت نعسات مفاقت حتى أدن لعشا عاد فاقت لبسات سروال فضفاض بانتوفا جاراها فرجلها وهبطت كتجر فرجليها دخلات لكوزينة كانت سعاد ولحاجة كالسات
إيثار:لوليدة علاش ميقتوتيش
الحاجة:شحال ابنتي فيقنا ومابغيتيش تنوضي خلينا على خاطرك انا نسخن ليك حقك من رفيسة ولوبيا
أسية:اه باش انت تخلي دار بوه الى هضر وهدا راه مبقاش راجل ولا حمار تكولي ليه شا شا ويحدر راس ويخليك تركبي عليه
إيثار:اشمن سيري اش كتعرفي فرجال انت حتى دابا مبعيدة العيون سيري فبلاصتي ولا عرفتي شنو نمشي نصيفطو ليك فكاغط ديال سكر اش بان ليك
أسية:اليهبيل يهضر معاك اجي اجي ديري لينا شي فيلم نتفرجو فيه راه مليا بوحدي، نقزات إيثار من فوق لكرسي دفعات بختها وخرجو لصالون شعلات تلفازة وبرونشات لكلي خدمات فيلم لسندرا بيلوك وتلاحت على فوتوي
أسية:هاد لفيلم تفرجنا فيه مليون مرة
إيثار:وانا بغيت نعاودو كايعجبني بزاف، كلسو كايتفرجو مجموعين جا كريم دوش بدل حوايجو وتلاح حدا إيثار معنقها وهي ناعسة على صدرو وكتلعب برجليها حطات لحاجة لعشا لي كان غبارة على كراتان دخلات فيه تاني إيثار عمية غير سلاو طلعات لبيتها حلات ماريوها جبدات جوج باليزات ديالها عمراتهم بالحوايج وبرودويات ديالها غير شومبوان وباندوش وريحتها وستيك ديالها اما مكياج وتكول مكدورش بيه وحتى من ريحة ليكادير ريحة ديال رجال ماشي لبنات جمعات لي برودوي ديال روني والكس وسام سبريدالتها وصبابطها كلشي تجمع بقاو شي حوايج قلال فالماريو شافت فساعة لقات 12 دليل بدا العد لعكسي ومابقا والو لرحلة ديالها لي ممكن تغير مجرا حياتها كلو.
ليل ولى قصير دغية وصل صباح دخلات سعاد على إيثار لبيت حلات سراجم باش يدخل شعا
إيثار:ولا ولا وحشومة عليكم واش معسكر لهيه ومعسكر هنا
سعاد:الله يقلل حياك نوضي براكة من نعاس 12 هادي ضهر قرب يأدن وانت نعستي حتى حماض بولك نوضي واش نسيتي راسك ليوم بليل عندك طيارة ولا لا، رمات لكوفر عليها ربعات رجليها فزق ناموسية وشعرها مغطي وجها كولو
ايثار:اه بصح نسيت كاع نزلات من على نموسيتها علاين متعطر
سعاد:يلاه دوشي عليك وهبطي تفطري خلاص متعطليش
إيثار:واخا واخا وغير حاضييني الله يطعل سلامة،نباتها عمتها من برا
إيثار:ماما لي يسمعك يكول واش مهاجرة يلاه تهناو من صداعي شوية وتعرفو بقيمتي هاء هاءهاء (ضحكة دالخنازير)
الحاجة:شفتي كلمت ماما كي كطلع منك كنحسك راه بنت ماشي بحال ديك لواليظة مكنحملها
الحاج:الى على لهنا انتهناو يلاه منبقاش نشرب دوا ديال طانسيو
إيثار:اح عليك الحاج عارفا واصلة ليك لعظم وانت أكتر واحد اتوحشني اظافع علي كبير اح فيك اعميمير شتي انت هو لحب لاول والاخير، شداتو من حناكو كتبوس فيه وتعنق وفعلا هو ادافع كبير اما حاس بدموعو ايهبطو، عنقات عمتها
سعاد:ههه الله يمسخك وليت انا هي مقدم لحومة، عنقات ختها أسية
أسية:تهلاي فراسك وبون شونص اروبن هود
إيثار:براكة شحال عزيز عليك تبوسي، جات تسلم على نوال
نوال:بلاتي انا منتفاك معاك حتى لمطار
عصام:وحتى حنا انكشيو معاك حتى لمطار،
رشدي: الله يوفقك ان شاء الله وتيليفون بيناتنا ديما باش نعرفو فين وصلتي حركات ليه راسها و شيرات ليهم بيديها بمعنى بسلامة وخرجات غير خرجات لحاجة ساحو دموعها كتبكي وتعنقها سعاد تسكت فيها، ركبات إيثار لور مع كلابها ونوال لقدام اما صحابها ركبو مع عصام فطوموبيلتو وتبعو طوموبيلت كريم كتشوف فالمرايا وحاضية خوها ونوال ونظراتهم
إيثار:الله يقلل حياكم انتوما بجوج خليوني غير حتى نمشي انا وارى متحابو
كريم:إيثار
إيثار:اشمن إيثار راه شفتك بغيتي تاكول سيدة بعينيك نوصيك من هنا لوصية متقتل متحيي مطولش فهادشي ودخل من لباب
كريم:انت الما سكتي ودخلتي سوق جواك ادخلك فداك سرجم
إيثار:وجرب انا اساهلة ليك
نوال:هنيونة انتوما بجوج، شدو طريق كازا نيشان مطار محمد لخامس وصلو بلاصا كريم طوموبيل نزل بالز ديالها جرهم معنقينها لكليكة دايرينها لوسط قدام لمطار دارو سيلفي معاها وينزلو فالفيسبوك عطات وراقها لخوها قام بالازم وجميع الاجراءات غير سالهام جا عندها
كريم:حولي كلابك تخليهم حداك ميسيحوش فطيارة
إيثار:كتخافش جايبة حزام ديالهم، بقات ربوع ساعة تسيفطات مع صحابها ومع نوال لي مبغاتش تسكت من لبكا تخلطات خنونة مع دموع اما هي ادور وتفرنس معرفت مناش مصنوعة هاد لبنت عنقات خوها بجهد جرات لبالز ديالها او واحد صمطة داراها فيديها فيها تلاتة صماط كل وحدة مديورة فعنق واحد من كلابها سلمات بيي ديال طيارة ديالها عطاوها اشارة دخول دارت لور وشيرات ليهم ومشات..
دازت الرحلة من لمغرب لايطاليا على خيروبيخير وصلات لمطار إيطاليا من طيارة لطيارة لي غادية لبرازيل غير نهزات طيارة بشوي داها نعاس حيت منعساتش فاش كانت جايا من لمغرب كلابها مخشيين فيها ناعسين بكلمة كتسكتهم، حسات بشي ايد كتحركها بدات كترمش علات عينيها كتبان ليها لمظيفة تبسمات ليها وعلماتهم انهم وصلو وانو مسافرين كلشي نزل بقات غير هي دغية طارت من بلاصتها جرات كلابها قدامها دارت سكادو على ضهرها ونزلات لجو كان زوين مباردش معتدل دوزات الاجراءات وتسلامات لبالز ديالها بقات واقفة ايد شادة بيها بالزها وايد لكلاب ديالها كضرب برجليها أعدا حاة عندها انو تسنى شي حد كاع لي كيدوز من حداها كيبقى يشوف فيها حتى شكات فراسها شافت ساعة ديال ايدها بدات كتعصب وتنفخ حسات بايد على ضهرها دارت كتلقى احلى ابتسامة بلعات ريقها وبدات كتهضر معا راسها
أنثى الأسد الجزء الثاني
محتوى القصة
التنقل بين الأجزاء