غسان:كيفاش؟مشات ايثار جيهت ديك شبكة هزات دوك جوج مضارب لاحت واحد لنوال واحد هزاتو هيا
آسر:أشنو هادشي
كريم:اش هاد تفلية؟
نوال:تفلية هيا لي اتشوفها دابا اراجلي حبيبي، بجوجهم زولو نكاب على وجهم دقة وحدة خلاو دراري مطرطقين عينيهم
كريم:نوال!
آسر:إيثار!
إيثار ونوال:سوربرااااااايز.....
دراري لهضرة تشلات ليهم مقدروش ينطقو بحرف واحد خصوصا كريم لي كيشوف شوفات ديال نوال ليه شوفات نارية
نوال:لمش كلى ليك لسانك ولا صدمة كانت قوية عليك ياك
آسر:شنو كديري هنا ياك ليلة ليلت الحنة ديالك؟
إيثار:اووه على شهريار زمانو مسكين ومزال كتسول سبحان الله انا نمد ايديا ورجلي ومكوانسية وانت جايبين ليك لحريم لي يشطحو ليك ودوز ليلة زاهيةوالله الى امت لي جات معاك مبحالك حد
سهيل:بنات فهمتو غلط،مزال مكملها جاتو دقة نيشان لكتفو بلمضرب لي هازة إيثار حتى توعت
آسر:إيثار اش هادشي كديري واش تسطيتي؟جاتو دقة حتى لكتفو بنجاتو كريم حس بضربة جيهت كرشو غسان حتى هو جاتو ضربة لضهرو خلطوهوم كاملين جمعوهوم
شروق:كيفاش كيفاش هادشي يوقف فاوطيل معروف بحال هدا كدخلو من والا أأ هادي آخر مرة نحط رجلي فهاد الاوطيل
كريم:شنو واقع ياك لباس؟
عاملة الاستقبال:سيدة كتكول انو تهجمو عليها جوج عيالات بالباس كحل طويل وضربوها وحنى حتى واحد مدخل علينا بهاد لباس هدا كميرات كاملين خدامين من غير ديال لغرف ميمكنش نحطو فيهم لي كام
آسر:بصوت خافت)بحال الى عرفت شكون مالين هادلبلان اوووف منك ا إيثار متهناي حتى
آسر:لا تبارك الله غير داروها ومشاو يقصرو شهد اكريم الى فوت فختك شي ضربة متلومنيش ولكن لحساب من بعد ماشي فهاد لوقت هدا ناس او والديك بطبيعت الحال معارفينش مدايرة بنتهم ولكن غير بلاتي حسابها ورا لعرس وانا فين كلتها ليك......
صبح نهار جديد يوم لي كتسناه اي عروس فبلاصة إيثار لي كانت لايحة رجليها على نوال وخامرين كيشخرو لباب بغا يتهرس بدقان أو شكون لي جايب ليهم خبار كريم فاق نعاسو خاسر ليلة لبارح مدازتش مزيانة وكملات عليه الحاجة منين طلباتو يطلع لبيت ختو من سرجم
الحاجة:ولدي الله يرضي عليك طلع وفيقهم راه ليوم عرس ختك شحال مزال تابعنا
كريم:هدا كاملو نعاس(دايراها قد راسها وناعسة)
الحاجة:يكما يحسابليك راسك تزوجتي وكبرتي منحكمش فيك طلع نوض ختك ومراتك راه عندنا ميدار،سلم كريم أمرو لله ودار لي كتليه مو طلع لبيت إيثار سرجم معلول وهي ونوال دايرين نعسة عالمية خدم موسيقى مجهدة فتيليفون هي لي فيقاتهم
إيثار:كتحك فعينيها)مالك داخل بعجاجتك ياك لباس منخافوش؟
كريم:لا أختي نخافو غير ليوم عرسك ومابغيتش ندير فيك شرع ايدي اما لي نديرو ليك ليوم ماعالم بيه غير الله ادوي اليزانديان اتشيتة ماعليك حكام سيبة جايا هاجمة وداكة راجلك وناس ومدوزة ليا ليلا فالكلوب انت وديك زريمقة لي حداك مابقيتو محكومين وأنت(موجه كلامو لنوال)مابقيتيش مرات راجل لي دوري فلكلوبات فنصاصات ليل عندك عادي ياك؟وقفات نوال كطلع فين وتنزل شافت فإيثار
نوال:نوضي غسلي حالتك مزال عندنا ميدار(شافت فكريم)وانت لي كتحاسبني سير شوف راسك وفعايلك لي جايب ليهم رقاصة معرفت فين تعرفتي عليها تصدمت فيك عاد ديك ساعات جي تحاسب معايا ديك دقة لي شديتي وقليلة فيك،خلاتو حال فمو فيها وخرجات
إيثار:وفكها دابا شوف كيدير تصالح معاها
كريم:مالي اش درت انتوما لي درتو
إيثار:لا مدرتي والو غير انت لي مشيتي كريتي ليهم رقاصة وشومبر رويال مامات غير خرجو مسارنو واشتي راه والله حتى عبرات عليكم وغزينة فيكم سيرتو نوال لي مدرتيه ليه بغيتي ديرو دابا وباز وجهك صحو منو مكاينش عرفتي
القصة نُسِخت من قصة بالدارجة.. عرفتي اخويا مدير خرج كاع والله بعد مرات كديرو شي حوايج مايتلبسوش عليهم لجوايج وتبقاو تكولو أش درنا ولا عرفتي خليك كالس انا لي نايضة،خلاتو إيثار كالس وناضت لحمام دوشات عليها دوش خفيف وخرجات لقاتو مكاينش هزات جليليبة خفيفة لقاتها محطوطة بلون خضيضر براندا بطبيعة الحال لخياطة وتوب كلشي مولاتو لالة نادية اما إيثار خداو ليها غير لعبار معندهاش مع لبلدي نهائيا هزات ساك وصندالة فالكحل وساك فنفس لون دخلات عليها نوال
آسر:كومبلي بطبيعت الحال ومن بعد سيدة شنو سميتها اه نكافة اتلبسني على حسب لباسي ديال إيثار
غسان:ايوا سربي خلاص مابقا والو كنتسنا بفارغ صبر ريم كيف اطلع فلعرس،خنزر فيه آسر
آسر:عطي بتيساع لبنت ولا مغايعجبك حال ويسالي هادشي اتاخد اول طيارة وترجع لبرازيل ولا احبيبي غادي تمشي فطيارة وعضامك مجموعين فميكة اوكي
غسان:علاش زعمة هادشي كلو حيت عجباتني البنت شنو فيها عادي
آسر:لبنت مزال ماقفلات حتى 17سنة ها لولة متسحابش أوروبا هادي لبنت فسن 18دير اي حاجة وحرة هنا راه كايبقاو متقلدين بتقاليد ومتنساش شكون ختها غير لبارح كليتي دقة وغير بلغلط خلي الى كليتيه ديال بصح ومتنساش ختها وحدة خرا فلبوليس دوسيك ايعمر نيشان مؤبد حسن ليك خاف على عظامك
سهيل:هوهوهو خصوصاً موسيو لبوليسي دختها(كيصفر)حسن ليك متعاملش معاها والله
آسر:انتوما دوك جوج خرجو عليا تسناوني على برا،خرجهم وسد عليه لباب خرج كومبلي ديالو لي وصل غير صباح وحداه بواطة فالخضر محفور عليها شعار ديالو نمر وحرف الاول من لقب ديالو حرف"ت" هز لبواطة حلها تبسم تبسيمة كبيرة وسدها ورجها لبلاصتها.
نواصر كلها مقلوبة بحال الى مهرجان نايض تبوريدة وأحواش لعيالات وتزغريت من عند دخلة لولة خيام رجال بوحدها وخيام لعيلات بوحدها ناس كلشي فرحان ويغني تكولي عرس وحدة فبناتهم أما لبركاكات بوحدهم تم النشر على موقع قصة بالدارجة..
لمعروضة1:واتي شوفي ياخويتي واتكولي اداك مهرجان برازين ولا منازيل ولا معرفت لباباه
لمعروضة2:وايييه أخويتي كيت بناتنا تي شوفي كيكانت ضل وطوطح بين جنان بحال لقرودة وفلاخر جابت زين رجالة ياخيتي معرفنا فين كيضبرو عليهم
لمعروضة3: وانا ياخيتي على ماسمعت كالو ليا غبار فطاليان
لمعروضة2:اويلي تي اش سايرة تكولي خوتها في لمخزن وتاخد غبار لا تكوليهاش تقاي الله اويلي شكون
شكون كالها اي سكتي ناس يسمعوك وزايدون كول علينا وجي علينا إيثار بنت سي عمر الله يعمرها دار وتستاهل وسكتونا
المعروضة3:وباز تكوي وتبخي ابوحدك...هادي كانت هضرت البركاكات لي شادين سداري يوحدهم بخيام لكبار كانو مفرشين بسدادر كبار وعاليين حسن من لكراسة وموريحين بدا الحال كيظلام ودنيا كتعمر كل وحدة لي مخبية شي دهب لبساتو ولي عندها شي تكشيطة جديدة خرجاتها كا واحد باغي يبان على ثاني..
نكافة:لعريس فين هو؟
نادية:لتحت نعيط عليها عروسة واجدة؟
نكافة:اه واجدة الالة عيطي عليه باش دخل دخلة لولة،هبطات نادية عيطت على ولدها لالى سعادواقفة بأناقتها لمعهودة والحاة والحاج بجلابتو البيضة أسية بقفطان فالاورق سموي مجروزة من عند الكتف مع حزام دهبي وساك فنفس لون تكشيطة وعينين حادين مقابلينها من لور أما ريم بتكشيطة بالباج مطروز عليها نمر وأمنية بتكشيطة فلكحل مزوقة اما نوال لي كانت أنيقة بزاااف فتكشيطة بالموف بارد مايل لكشيري بحال شكل غوب شي لي خلى كريم مامحيدش عينيه عليها مخلياه كيغلي وهو كيشوف فيها منخلاه غسان نغز سهيل
سهيل:مالك شنو؟
غسان:عمي لبوليسي شفتو دا ليك عقلك
سهيل:اش كتخربق انت ديها فراسك لا راه آسر عندو صح خاصك شي تهريسة لداك الفم
غسان:واخا واخا هاهو ساكت الي دار يسكتني أنا،نباهم صوت من لور
"خاصكم غير أنا يمكن"دارو لقاو انور
سهيل:اووف وأخيرا جا واحد بعقلو اجي اخويا فكني من هدا اجي فين هناء
أنور:راهيا لهيه مع لبنات
غسان:امضرا كاين شي بيبي ولا والو كيجاتك لحياة زوجية؟
حبيباتي غدا ان شاء تتمة مع أحداث العرس ديالنا ترقبو احداث شيقة.
طلع آسر بخطواتو لممشوقة وبلبدلة ديالو لي بينت تفاصيل ظيال لجسد ديالو لمنحوت شعرو ممشوط لور ولحية خفيفة بزاف على وجهو وضحكة لجدابة لي خلات عائلت إيثار غير كيتهامسو وحالين فيه فمهم
نكافة:مولاي سلطان وقف هنا حتى نخرجو لعروسة،دخلات نكافة شوية تسمعات زغاريت وصلى على نبي حتى تمات خارجة إيثار آسر كان مهبط راسو وعاطي بظهر مع تحل لباب دار بشوية تم مطلع راسو بشوية من صندالة لعالية لي لابسة إيثار لي كانت بحال شي ألماسة طلوعا مع تكشيطة لبيضة لي جامعة بين لبيض ولبيج توبها محفر بحزام رقيقة مرصع وطلز من جناب بالورد مع اكسيسوارات وسليلة فيدها فيها لورد بحال لي مطرز بيه تكشيطة
نكافة:عيات متعيط)مولاي سلطان مولاي سلطان وسي لعريس،نكافات لوخرين كل واحدة ميتة بضحك إيثار شداتها ضحكة من شوفات ديالو ليها مبهوض ومقاد ينطق بحتى كلمة شافت نادية حتى عيات وتدخلات حيت مكتحشمش منو
نادية:ولدي انباتو هنا حتى تكون انت وياها وارى متشوف وا آسر رجوع لله أولدي
آسر:هاز حجبانو كيشوف فيهم)أأ كلتو شيحاجة
نكافة:شداتها ضحكة)كلت ليك شد فلعروسة باش تهبطو،عاقد فاق آسر وعطا ايدو لإيثار لي خشات ايدها فيدو وتنو هابطين مع دروج ونكافات وراهم كيصليو على نبي خواتاتها كيصورو ونوال كلشي كيزغرت وتابعهم من لور هالي يقاد ليها من هنا هالي يشير ليها من هنا خرجوها من لباب كتكشى على واحد زربية طويلة بحال ديال لمهرجانات وفعلا هدا مكانش عرس كان مهرجان هيا كتمشى لوسط هيا وهو لي منزلش عينو ولو دقيقة وحدة عليها ولفرحة لي كيحس بيها هو لي عالم عليها بوحدو لعيالات كلشي واقف كيزارت ويضرب فرش اوركسترا "بنات الأزهار" هيا لي فتاتحات العرس دخلو لعرسان لقاعة لولة لبلاصتهم لي كانت مزينة أحسن تزيين بلدي تقليدي بلموزون والحجر داخل عليه
شوية من طابع لعصري كلسو إيثار وأسر لي كارز على ايدها خايفها لاتهرب قرب ليها لودنها
آسر:انا فرحان حيت مهربتش وضيعت عليا أجمل مرة فلكون
إيثار:مبينة سنانها)حتى دابا غير هرب بان ليا واحد تيتيز مع لكروب نوض ضروك نكلسو حدايا
آسر:ومزال ماشفتي والو(غمزها)...الجو سخن وكولشي نايض يشطح ويجدب دخلات أسية وامنية كيشطحو وسهيل مراقبها من بعيد غير حاضيها منزلش عينيه عليها حتى جرو أنور من ايدو ودخلو لوسط يشطح هو وغسان وهناء كالسين هاك بالاك حتى لقا راسو شاد فيد أسية وكيشطحو كلهم مجموعين شاف فيها متعجب كيفاش خلاتو شاد فيها ومنوضتهاش شافت فيه أسية وقربات حداه حتى لعطر لي دايرة تخلط ليه مع شرايين ديالو
أسية:بلاما تفرح بزااف غير فرح ختي ومابغيت نخلي حتى مخلوق يفسد ليا نهاري داكشي باش ليوم انسى اي خصام بيناتنا واخا(غمزاتو) منطق كلمة وحدة هو غير كيشوف وساكت طلعو إيثار هي وآسر باش تبدل بلبسة تانية لي كانت طويلة دهبية جات فيها بحال شي أميرة أما آسر لي لبسوه
لي لبسوه جبادور بالبيج بارد مخيطة بلون لموطارد جاتو مع طولتو كتهبل مع هبطوه بداو زغاريت من اول وجديد وهاد لمرة عبيدات رمى لي فتاتحو لبسة تانية شدو للعرسان فيديهم ودخلوهم لوسط كايشطحو معاهم إيثار عاجبها الحال حيت كلشي ناشط وفرحان حبابها عائلتها ناس لي كتعرف وكتعامل معاهم لي مخلات حتى واحد ومعيطاتش ليه وصلوها نكافات لبلاصتها ولعريس داوه خرجوه من لقاعة فاتت نص ساعة بداو عبيدات رمى بلغنا وتن داخل آسر بجلابة فالبيج بارد مخيطة بلكرونة مغطي راسو بالقوب ولخنجر بجنب ومركبينو فوق عود بيض لي غير سمع لغنا وبدا كيشطح براسو وبرجليه وشعرو لي كان طويل وبيض كيتغاغا وديل ديالو كيلعب بيه..
غسان:انا بفيت عرسي بحال هدا صراحة دوزت أحسن الأعراس لي كل عرس كيكول لتاتي متبانش قدامي ولكن فحياتي محضرتش لبحال هاد لعرس فحياتي كلها
أنور:هادي فكرة ديال ايثار صراحة ياريت كل لبنات بحالها مابغاتش تخلا على لعادات وتقاليد واخا هي متحررة فعقليتها صراحة برافو عليها والله
سهيل:ضحكني غير آسر عمرو كان كيتصور شينهار عرسو ايكون هكا
أنور:الحب كيخليك دير شي حوايج معمرك كنتي ناوي ديرهم بقيتو غير انتوما بجوج يتقرقب عليكم ومن عينيكم باين قريب
سهيل:انا بعدا بلاما تشوف فيها مكنفكرش اما هداك لي حداك عشاق ملال مكيرصاش مع وحدة
غسان:لعودلي تحكر هو لي يعميك تقدر تجي وحدة بصوابها وبرائتها تمحي لي حاجة دازت فحياتك ودير ليك عقلك
سهيل:هوهوهو شكون كيهضر دونجوان غسان درتي عقلك يا سبحان الله
أنور:انا مابقا عندي منكول هاحنا انشوفو مول لعقل..
نزل آسر من فوق لعود وكلس حدا إيثار جات قدامو الحاجة هازة طاسةفيها لحنا ومرشوشة بريحة وزهر شدات ليه ايدو ودارت ليها دوارة وسط ايدو مع دوارة ديال دهب وشداتها ليه بشريط فالخضر وزغرتات
3 ديال تزغريتات عاد حيدات عليه لقب باس ليها ايدها ومشات قرب آسر من إيثار
آسر:مدرناش غادي يحنيو ليا
إيثار:وهدشي ضروري منو احبيبي جات معاك لحنة
آسر:ياك الالة واخا لحساب من بعد..غادي لعرس فأحسن حلة لبسات إيثار لبسة تالتة لي كانت فلبيسطاج ورابعة فارمادي دخلات زهرة رباطية مع لبسة ليكانت فلون لاكشيري مايلة للموف وأسر بلكومبلي بلكحل ورمادي دخلو مشادين ليدين مع دخلات بدات زهرة كتغني"عندو زين عندو إيثار دايرها فيدارو وانا الحب وانا لغرام جابني حتى لدارو"دخلات إيثار لداخل كتشطح هاك براك وأسر كيضرب ليها رش ويعلق عليها دارو بيها العائلة كلها كيضربو ليها رش حطو ليها لقعدة وطلعات فوق منها كتركز والاركسترا كتغني عليها بردات هوايشها فشطيح متسوقات لحتى واحد تشادات مع خوتها وصاحبتها وحبابها وكتشط معاهم شوية دخلات هي وآسر مشادين ليدين وناشطين فعلا كانت أحسن ليلة بنسبة ليهم عينيهم كلها حب لبعضياتهم حب كبير وقوي بزاف لي غادي يدوم للأبد..
دخلو لعابة رجال مدخلين طيافر مدهبين كبار فيهم دهاز وفيهم مواد تجميل طبيعية كثيرة من شركة ديال آسر حطو طيافر ولعبو عليهم من بعد طلعوهوم لدار..تفرق لعشا على ناس ناضت ايثار هي وآسر كيدورو على ناس ويرحبو بيهم كلاو ناس الخير كلو موجود وشايط.
مع لبسة الأخيرة لإيثار لي كانت كلها شبكة بالبيض مع طرزات مدهبين مرصعة بالحجر زرق ومضمة فزرقة كتهبل وأسر بلجابدور فلبيض ومخيط بلون مازرق مارمادي طلعوهوم على لعمارية لي كانت كلها محجرة كضوي إيثار جاتها بحال لفيل لي ركبات عليه فسافانا من بعد كلسوهوم على طبلة بيضة دخلو لعدولات كتبو كتابهم أو ولات إيثار مرات آسر رسميا
آسر:وأخيرا وليتي إيثار آسر الهلالي
إيثار:بغيتي تكول وليت إيثار تايغر ياك؟(غمزاتو)
آسر:كيضحك)تماماً...
من بعد ماتكتب الكتاب تحيدو طوابل وناض كلشي كيشطح حتى من إيثار وأسر شاركو ناس شطيح كلشي نايض كبير وصغير قرب آسر لودن إيثار بهمس:
آسر:الليلة ليلتنا انا وياك
إيثار:ههه مفهمتش!!
آسر:ليلة انفدي فيك كاع لما لباردلي كنت كندوش بيهماديريش راسك مفاهماش
إيثار:أه هههههه لا أحبيبة حيت هاد 7يام كلها اتبردها بلما بارد
آسر:اش كتخربقي راه حنا مزوجين دابا انت حلالي
إيثار:اه عرفت راه حنا مزوجين ولكن تقاليد ديال هنا كاع هاد 7يام لي فيهم لعرس انبقى فدارنا وممنوع عليك تقيسني نهائيا حتى نهار لحفلة لي معول ديرها على قبل صحافة عاد غادي يكوم لي فبالي وبالك اوك حبيبي
آسر:لا وقيلة كنحلم ولا مابقيتش كنسمع
إيثار:لالا احبيبي كتسمع ومكتحلمش وسول اي واحد هنا بغيتي تسول كريم راه حداك سولو..دوراتها نوال عندها كتشطح معاها وأسر بقا غير كيشوف.
نوال:مال آسر مبهوض؟
إيثار:لهلا يوريك كيسحابو ليوم يفرتك رمانة تصدم منين كتليه ممنوع حتى دوز 7يام ديال لعرس كاملة
نوال:ناري علاش مافراسوش هههههه ناري حكلو مصدوم هههههه كون تشوفي خوك كيحيض وبيض يجيني من هنا وانا نهرب من هنا محملش راسو
أسية:ناري كنتخيل وجهو كيف كان وااااع كان كيحلم اليوم ليلتو خاب ضنو
نوال:كان خاصني نديرها لكريم ونشوف قدرت استحمالو كداش
أسية:عجبني دهاز غزااال خلي لي بروديو لي جاب ليك كولها ديال لبرازيل ومعمولين من لقهوة كيخليو لحم غزااال متقسميش معايا؟
إيثار:نوضي نوضي تنعسي دهاز لعروسة مكيتقسمش وزايدون حتى انت الى بغيتي يجيك من برازيل راه يجيك
أسية:اش كتخربقي
نوال:ايوا أختي سي سهيل منزلش عينو عليك طول لعرس حال فمو فيك غير انت الما كتشوفيش،جمعات أسية لوقفة وتمات خارجة
أسية:الله ينعل لي بغا يجمع معاكم انا غادية نعس،مشات وخلاتهم
إيثار:وانت مغاديش تنوضي لبيتك؟
نوال:شكون انا لا احبيبة انا هاد سبعيام كلها انعس هنا
إيثار:انا كيحسابلي غير كضحكي انت باغية ديريها بصح
نوال:ومالي كنتفلى يلاه الحب تصبحي على خير، دورات وجها ونعسات
إيثار:ايوا ورتيني فهاد لبيت ، مجاوباتها شافت إيثار حتى عيات ونعسات، صبح صباح هاد لمرة لخيام كلهم رجال ومكلسين معاهم آسر ملبسينو جلابة وكالسين شي رجال على لقوافي وكلشي ميت بضحك دخلو شي رجال من دقايقية مراكشيين بداو يعطيو فنكات آسر جاتو الاجواء فشكل ولكن عجبو الحال حيت عمرو شاف بحال هادشي شوية ناضو رجال كيغنيو ويشطحو بفاقيهم....
اما إيثار عاطياها غير لماكلة ومخشية وسط العائلة وعاطياها لضحك لي شافها ميكولش راها عروسة فينما دوري تلقايها وسط لعيالات لكبار كتسمع لخبير ديالهم ومكتبغي تنوض من وسطهم غير بلكشايف كيسوني عليها آسر كطلع نمرتو وتقطع عليه قربات دوز سبعيام وقرب نهار لموعود كانت إيثار فالحمام خرجات منو وردات لباب وراها دورات راسها كتبان ليها مرة طويلة بزاااف وقلدة دايرة جلابة ونكاب وجلابة قصيرة عليها صغرات عينيها معجبة
إيثار:سلام اللالة شكون انت واش انت مع لمعروضين ولا راه يمكن غلطي فلبيت راه كلهم هوما لتحت،شوية جاها صوت لي كانت كتفاداه شحال هادا
إيثار:وكواك الحق جيتي نيت كي بلارج بديك جلابة واااااع ونكاب من لفوق هههههه خاصك غير لكحل ولعكر ديال 24ساعة وتولي بحال لي كيفرقو طباسل فسويرتي،محسات بيه حتى طار عليها رجع ليها ايديها لور كيخنزر فيها قطع فيها ضحكة
آسر:علاش كنسوني عليك مكتجاوبيش ولا كتخلي لخط دايز فاش عينك نسيتي راسك راه انت مراتي يمكن؟
إيثار:منسيت والو ولكن كيف كتليك قبل ممنحقك تمسني حتى تفوت 7يام
آسر:اشمن تقاليد واشمن قانون لي كيكول هكا انا لي عارف هو انت مراتي قدام الله وناس وندير معاك مابغيت انت ديالي براكة صبر كيضبر توحشتك بزاااف توحشت نشم ريحتك(دوز نيفو على وجها وشعرها)توحشت عينيك توحشت شفايفك لموردين لحلوين (سرق بوسة على فمها خلاتها ترعدات من راسها لرجليها تبسم حيت حس بيها حتى هيا توحشاتو بدات كطلع فريقها وتهبط فيه)
إيثار:شش شوووف هه هادشي لي كدير را راه ماهواش ايجي شي واحد دابا يدخل علينا
آسر:كيتحك معاها ويدوز ايديه من عنقها نازل مع وسط صدرها وهابط لكرشها نفس ديالها كيطلع ويهبط
وكيجسد نبض ديالها دقات قلبها كيضربو بجهد)شنو بان ليك نهربو بجوج متقاوميش حتى انت باغياني وبجهد وانا حاس بيك شنو كلتي التفاحة ديالي نمشيو لوطيل ولا أي مدينة بغيتي نبعدو على هنا حنى شنو بان ليك بزربة وجدي راسك ولا مشي هكا انشريو كاع لي بغينا يلاه أحبيبة،إيثار تخدرات بهضرتو حسات بتفكيرها تشل زاخا تنكر حتى هيا باغياه ورغبة ديالها فيه غادية وكتزيد يلاه اتحني راس وتوافق حتى تسمع دقان وتعياط من نوال لي خلاها تفيق
إيثار:دير دير نكاب خلاص
آسر:وراني راجلك واش هبلتي؟
إيثار:واش تبغي شي واحد يشوفك بهاد لحالة سربي خلاص،مع علات ليه نكاب دخلات نوال شادة فبوانيي وكتشوف فيهم
نوال:من صباح كنعيط ونقلب عليك خليتك بين لعيالات جيت مالقيتك،كتشوف بشك فأسر لي منكب وف إيثار لي وجها حمر قرب آسر لودن إيثار بهمس:
آسر:هاد صاحبتك ليبر لاصقانا مزوجة لاصقانا
نوال:إيثار شكون هادي؟
إيثار:برتباك)شكون هادي؟
نوال:اه شكون هي؟
إيثار:شكون هي؟
نوال:واش شاربك لفاخر؟
إيثار:هيهيهي اه والله مكدبتي كبيلة كانو دايرين اتاي على لفاخر بحال صحراوة ويمكن شربني
إيثار:طفي داك ضو وراك وسدي لباب من وراك يلاه تصبحي على خير،عقدات نوال غوباشتها إيثار مداتهاش فيها تخشات تحت لمانطة ودورات وجها حتى حسات بمخدة جاتها من لور
نوال:قبل متسد لباب)تنعسي على شوك اتشيتة عقلي، خرجات وطفات ضو دورات إيثار راسها لقاتها مشات شوية جاها ميساج من عند آسر"انا وليت مك تايكة واخا نتفاهمو على هادشي من بعد الى فلتي ليوم مغاديش تفلتي غدا ضحكي كيما بغيتي بليل اتكوني ليا كنبغيك المحمقاني"
إيثار:واخا دابا نشوفو(ضحكات وهيا تنعس)..
"صباح بكري"
أسر:سهيل عفاك انت لي
لي كنتيق فيك
سهيل:الله يهديك راه سيمانة وانت كتوصي فيا راه كاع لي طلبتيه راه تقاد غير كون هاني
آسر:ولي وصيتك عليه؟
سهيل:هداك موجود وفلحفظ وصون ولكن أجي نسولك نورمال كان خاص تركاب لخاتم يكون نهار عرسكم أولا؟
آسر:ماشي اشكال انا نهار خاصو يكون أهم حاجة بغيتو يكون مميز وبززااف عارف ناس جاتهم فشكل ماركبتش ليها لخاتم داك نهار وهيا براسها جاها فشكل ولكن انا لقيت كدبة لي تخرجني ومتفضحنيش داكشي باش بغيت ليوم يكون تجهيزات كيف بغيت وكثر
سهيل:انت عارفني غير نعس على جنب راحة ودابا واخا تخليني نعس؟
آسر:وراه 6 هادي نوض خلاص
سهيل:وخويا انت لي ليلتك هاد ليلة ماشي انا وزايدون تجهيزات كلها هيا هاديك وخاليني نرتاح ولا عرفتي شنو انا انقطع عليك وهاد تيليفون غادي نطفي مو انا مشيت، قطع على آسر تيليفون ورجع ينعس
أنثى الأسد الجزء 22
محتوى القصة
التنقل بين الأجزاء