طيارة واقفة ماكبيراش بزاف واقف حداها واحد بالبسة بيضة داير طربوش او واحد لخدام بانت ليه طوموبيلت آسر جا عندو نزل لبالز طلعهم لطيارة نزلات إيثار ونزلات كلابها جا عندو داك لخدام شد منو سوارت طوموبيل وداها طلع آسر لطيارة وتبعاتو هي من لور طيارة من لداخل كانت فخمة بزاف ومجهزة من مشروبات ومأكولات كراسا بالبيج كاع لي يحتاج لواحد فيها خلاها آسر تكلس فينما عجبها ومشا هو لواحد لبيت جناح ديالو فيه بيسي فيه كولشي كلس حتى إيثار مداتهاش فيه بانت ليها بلاصة حدا سرجم كلسات فيها طلع طيار ومعاه مساعد ديالو، بدات طيارة كتعلى حتى ولات فسما جبدات إيثار تيليفونها كتلعب بيه بدا كيسوني طلع ليه رقم كوميسير رشدي
إيثار:الو سي رشدي لباس عليك
رشدي:الحمد لله إيثار انت لباس كي غادية عندي خبار انو ليوم اتشدو طريق لسنغافورة
إيثار:اه بحال الى علمك الله انا وليت امكدمة بنادم امكدمني
رشدي:كيفاش
إيثار:لا والو اجوع كيخلي بنادم يدخل ويخرج فالهضرة وصافي
آسر:بديتي تاني مزال مسخنتي بلاصتك شوفي خبي هاد شي حتى نوصلو اوك كاما يلاه يلاه عفا بنتي، نطرات إيثار ايدها منو هزات سكادوها لي ديما معاها وجرات ساك والكس وروني كدامها ومع هبطات علات راسها تسحرات بالمنظر لب قدامها كانت لبلاصة فين تحطو فوق واحد تلة مخصصة غير لطيارات لخاصة لمدينة كلها ضرار شيحاجة خيالية بزاف لجو كان برد شوية من من لبرازيل سمعات حس طوموبيلات دارت لور بانو ليها تلاتة ديال طوموبيلات فالكحل جوج من نوع رونج روفر وتالتة من نوع كديلاك اسكالايد خرجو من طوموبيلات رجال بلباس رسمي جاو عند آسر سلمو عليه هاد لمرة كلامهم كان بالانجليزية لي فهمات إيثار انو لوزير لي سيفطهم لاستقبالهم جا واحد عطا سوارت لأسر مشا جيهت طوموبيل كاديلاك جا شيفور هاز لبالز دارهم لور دار آسر كيشوف فإيثار
آسر:عجبك هنا
الى بغيتي نوصي ليك على كيطون يجيبوه ليك
إيثار:كول يلاه وبلى هاد لهضرة لكثيرة لي كضر فراس، خنزرات فيه وطلعات جنبو غير سدات لباب زاد وطوموبيلات لوخرين تابعينو من لور، بقات ساكتة شحال كالت ماليها ماليها تسولو
إيثار:احم بغيت انسولك زعمة تكوليا شي حوايج على سنغافورة شي معلومات حشومة جيت لهنا ومعارفة والو
آسر:داك لوقت لي كنتي مخدمة فيه دوك الاغاني ديال سواق كون قلبتي فيه ولكن لا انت مكتخدميش داك طانطو ديالك
إيثار:عرفتي شنو متكولش ليا دوك معلومات زيدهم فمخك. آسر بقا ساكت مركز على طريق وهي نطق
آسر:سنغافورة هي دولة جات على جزيرة فجنوب اسيا كيفصلها على ماليزيا غير واحد لمضيق سميتو مضيق جوهر وبينها وبين جزر ريا والاندونيسية مضيق سنغافورة وهي رابع مركز مالي فالعالم ومعروفة بالكتافة سكانية لي فيها وكيهضرو ماليها بربعة ديال لغات الانجليزية والملايو وصينية وتاميلية رئيسة ديالها مرا اسميتها حليمة يعقوب وهي معظم سكان ديالها مسلمين وفيها ناس مخلطين قوقاز لهنود الصين الاسياويين وزيد عليها هي من اهم لبلدان سياحية والاوطيل لي انكونو فيه مع الوزير هو من اشهر لاوطيلات هنا حاجة وحدة خاص تعرفيها لبلاصة فين اتقام لمسابقة سميتها شاينا تاون وجات فطريق اورشارد هاد طريق معروفة فسنغافورة هي من اشهر شوارع ديالها فيها محالات تجارية نوادي ليلية مطاعم يعني كيجيو ليها بزاف طبقة لبورجوا هادشي لي كاين لي بغيت نكوليك هو خاصنحلو عينينا مزيان واي واحد راه فمحل شك متكوليش لا هداك ميمكن كيجيه ولا راه توقعي اي حاجة.
ايثار:واخا مكنحملش فيك شعرة ولكن انا صريحة معندي منسالك راك دماغ، تبسم ابتسامة على جنب
إيثار:بلاما تبقى تفرنس ويعجبك راسك بزاف
آسر:دابا قربنا نوصلو بلاما نوصيك الى سولك موسيو لي على شعرك
إيثار:صبغتو
آسر:وسميتك؟
إيثار:أسية ولكن إيثار لقب ديالي باش منتيروش شبوهات
آسر:برافو
إيثار:بلتما تبقا توصي، رجعات سكات وعطات انتباه ديالها لمباني سنغافورة بلادروعة بزاف منظرها بليل كيفتن بدا كايبان ليها واحد لمبنا كبير وعالي قدامو سبع كايخرج من فمو لما دارت طوموبيلت آسر وبدات غادية فواحد طريق طلعات راسها عرفات انو هدا هو لوطيل كبير بزاف غادية وفجنابك ينابيع ديال لما طوموبيلات غادين جايين غير راقيين خرجات راسها من سرجم كطل
آسر:دخلي راسك مزال دوري وتبشعي شوفان، دخلات ايثار شافت فيه
آسر:الى درتي هاديك اتكون احسن حاجة اتهنيني من شي حاجة كنت انا انديرها وبيديا وطال زمان ولا قصار انديرها، وقفات طوموبيل هبط وخلاها كتفك سمطة هبطات دارت سكادو على ظهرها وجرات كلابها غادية فجنبو مكتخليهش يسبقها دخل لخدام لبالز ديالهم لوطيل من لداخل عالم اخور من نحية ديكور من نحية لخدمات لي خدامين فيه نصهم بنات بالفولار ونص بلا فولار عويناتهم مجيبدين جا واحد راجل عند آسر جرو من ايديه وبعدو على إيثار كيبان ليها كيحرك فراسو حتى سالة وجا لعندها
آسر:اجي ايوريونا بلاصتنا فين انكونو
إيثار:ياك كلتي ليهم يعطيونا جوج بيوت منفصلين ياك
آسر:إيثار زيدي كدامي راه كلتها ليهم، تبعو داك سيد ورجال لوخرين وراهم طلعو فلاسنسور وقفو عند واحد طابق بحال شقة كبيرة
سيد:مرحبا بيكم هاد لجناح وهاد لجهة مخصصة لموسيو لي وهاد لجهة مخصصة ليكم اما نحية لماكلة اتبقاو تاكلو مجموعين
باش يكون امان كثر حيت تبعا لتعاليم مخصناش نفلتو عليه ولو دقيقة يكون بوحدو مهم دابا اتمشيو ترتاحو كيف كتليك موسيو تايغر لمعدات كلها اتلقاوها فالبيت بينما رتاحيتو وبدلتو عليكم ايشوفكم موسيو ليآسر:شكرا يونغ، شد من عندو سوارت وحل واحد لباب دخل وتبعاتو إيثار جناحهم كان بحال شقة جوج حمامات وكوزينة لاصقة مع صالون عصري، بقات كدور إيثار فشقة وتشوف طلقات كلابها حلات واحد لباب لقات بيت كبير بزاف فيه جوج نوامس كبار لاصقين فالحيط كايتضغط على واحد زر كيهبطو لاحت صكادوها وكبطها وخرجات عندو
آسر:كيخوي ليه كاس دالقهوة) كلتها ليهم ولكن موسيو لي رفض كاليك خاص نكونو فبيت واحد باش الى طرا شي حاجة نكونو بجوجنا فالموقع بغيتي تهضري معاه راه سيري ولكن منظن ايتسنط ليك وغادي تحطي راسك فنوقف خايب بزاف اللهم صبري علما وجد ياك انت مخايفاش مني وكلتيها بفمك فين كاين لمشكيل
إيثار:وانا علاش حاسة انو هادشي من تحت راسك وانت لي مخطط ليه وضاحك علي
آسر:انا مسالي ليك غير انت الى ساليتي اجي نهضرو فالمهم خلاص
إيثار:واخا واخا ابا سويسير نتفاهمو من بعد،جات قدامو كلسات كتشوف فيه ناض هز صندوق كبير وحطو قدامها حلو كان فيه كاع انواع سلاح فالمجر لول لمجر تاني كان فيه شي حوايج لاعلاقة ليهم بسلاح سنسلة دالعنق عكر فالحمر مسكة، إيثار شافت فيه وتكرشخات بضحك
آسر:مالك كتفرنسي واش هادشي كيضحك
إيثار:سمحلي ولكن لاش هادشي وانت كتعكر وانا كنكول ديك لحمورية لي فمك ملشي طبيعية
آسر:ممكن تسكتي شوية داك دركوم عندك راه هاصو لهديم انت طاسيلتك راه اندير فيك ايدي سدي فمك وحلي ودنيك كل واحد فينا عندو سلاح ايخبيه تحسبا لاي حاجة هدا (هز صناطات دلودنين)
هدا كل واحد فينا ايديرو فودنو هو صغير مكايبانش وممنوع سمعتي تحيديه من ودنيك
آسر:هادا ماشي عكر عادي هادا كايخدم تحت الاشعة لفوق بنفسجية وفيه لايز كايخدم على بعد مفهوم دابا وسلاح مايحيدش من جيبك لا هو لا رصاص ديما يكون معاك.
إيثار:جاني راسي بحال الى انت جيري وانا هي لجسوسات خاصنا غير الكس وكلوفر خخخخخخ
آسر:لاحول ولا قوة إلا بالله، نوضي بدلي حوايجك باش نشوفو موسيو لي
إيثار:عجبك راسك داير فيها راجل بطال زعمة
آسر:يكما بغيتي نوريك واش راجل ولا خلينا حتى نجيو من عند موسيو لي ونوريك تباتي سهرانة ليل كلو وانت كتهتي بسميتي، جا حتى لحدا وجها وباسها بالخف ومشا لحمام
آسر:(من لحمام) سربي خلاص مغاديش نبقا نتسناك
إيثار:سلكوط سلكوووط مكبوووت بو شلاقم عاجبك داك بو ودنين لي عندك كتحكني زعمة ياك واخا واخا قيد عندك رجلين نعامة قيد عقل علاما درت ليك ومزال جاي فطريق اتخلص،هزات ايدها كتحك فحنكها وكتسمع فضحك ديالو من وسط لحمام
ايثار:تهجرو ان شاء الله بغيت داك لفم يطردك بلحبوب ياربي وتولي زيزون تهضر بصبع ان شاء الله ياربي،دخلات لبيت وضرباتو بجهد ضربات طارطاويت فوق نموسية وكضرب رجليها مع لحيط بحال ليزانديان.
آسر:يلاه مخاصش نتعطلو على سيد، خرجو بجوج دقة وحدة لقاو داك لمساعد كيتسناهم على برا فتح ليهم باب كبير دخل هو الاول تبعاتو كان كالس واحد سيد قصير شوية داير نظارات ديال شوف عويناتو مجبدين وشعرو فيه خصلات ديال شيب كالس بكل فخامة كيقرا كتاب غير دخلو شاف جيهت آسر تبسم حط لكتاب من ايديه وتم جاي عند لسر فاتح ايديه
لي هاسين:الحوار بالإنجليزية)تايغر تايغر تايغر وأخيران تلاقينا مدة هادي بيناتنا ياك
آسر:مدة طويلة امورك مزيان موسيو لي
لي:انا هو انا لا شيء يدكر، طل وراه بانت ليه إيثار تبحلق فعويناتها
آسر:الى بغيتي ممكن نبداو من دابا تعطينا معلومات على نوع رسائل ليكايجيك
لي:تايغر انا عارفك مضبوط فخدمتك ولكن وصل وقت نعاسي نشرب دوا ونعس انا كنت كنتسناكم باش نتعرف عليكم غدا ان شاء الله انهضرو فوق لفطور دابا سيرو ترتاحو وعلى سلامتكم ومرحبا بيكم فسنغافورة
إيثار:ان شاء الله نكونو عند حسن ظن، ستأدنو منو ورجعو لبيت ديالهم،رمات إيثار ساكها وتجاكيط ديالها ودارت ايدها على جنابها كتشوف ف آسر لي مشا حل تلاجة كيصايب سوندويتشات
ليه حس بجوع كيصايب ويصفر بلعاني عارفها حاضياه كيمشي من هنا لهنا ويقاد
حطات بيسي من ايديها وطلعات فوق نموسيتهاإيثار:ايوا ايوا متيحابش راسك غير راجل دير لي بغيتي وتبقى تحكم وتعاير اسييررر واااش مضسرك هذاك لي مدلي هذااك را تااا عند لقرررد انووض جمع مرااودك من طريق قبل لا نتقب لخوويااا لافيشور راه مزال مكتعرفنيش راني خاسرة راني نكعا ونجبد لفعة ونقسمها على ربعة ونبيعها فسوق لاربعا وجمع وطوي معايا ودخل سوق جواك حسن ليك،وقف آسر تقابل معاها
آسر:ولايني راكي حلايقية مع راساتك وعنداك تمشي غالطة ميغركش لمضهر راه شماكرية لي عاشرت انا معشرتي فيهم لاتلت لا ربع شوفي اديك لبرهوشة راه جمعت ليك حتى عييت متزيدينيش خراك حتى انت وصداعك اتكلسي وتكملي هاد زبل لي جينا على قبلو ودخلي سوق جواك وتجري تقودي تنعسي ولا قسما بالله ليوم ميطلع عليك صباح،قربات منو إيثار حطات صباعها فوجهو ويلى مدرت هادشي لي كلتي اش ادير اعضيم طيو
آسر:اديك لبرهوشة جمعي عليا ضفارك راه معارفاش معامن كدوي
إيثار:معامن فملك الله أردوغان؟واتا نوض قبل لانوريك البرهوشة علاش قااادة
اسر:هنا قدامك و ريني شطارتك و لا غي القمومة "الفم" لي فيك طاارت عليه بعضة ليدو تالزغاتو
إيثار:ها لقمووومة لاش صااالحة بااش نتااا كبررر مني باش بديك طولة! ندير طالون نجي طول منك بداك عضلات !! سوتياماتي يضربوهوم فزيرو بموسطاج . هااهوو عندي تاهو يلاه باش فايتني،جبدعا من رجليها طاحت على نموسية طلع فوق منها وكلس
آسر:كتعضي المجعورة كتعضي شايط عليك داك لفمك دياك انت كتقلبي على خلى ضار بوك وراه كلتها ليك قبل كتليك متقديش عليا ولي فراسك فراسك
إيثار:طلق مني الى كنتي راجل طلق مني داكشي فاش فالح عاجبك شتي انت خاصك طهارة من لول وجديد باش دخل جواك،تلاح ليها على عنقها مصو ليها كتركل بحال دبيحة طبع ليه عنقها كلو بلعاني تلاح
تلاح ليها على فمها كيبوس فيها ويجبد فشفيفها للحظة داك لعنف لي بيناتهم تحول لهدوء ولات كتبدلو لقبلات وحتى هو إيثار عاقت باش كدير متحتي عليه غير بعضة لشلقومتو هو يجر وهي كارزة عليها مطلقاتو حتى خلات فمو كلو دم او وارم ناض بزربة من عليها كيحس بالحر
إيثار:باش تعلم تحط عليا شلاقكم اشلاهبي يالمكبوت فينما شفتي راسك فالمرايا تفكرني باش تحرم تقرب ليا مزال
آسر:شاد فمو حتى انت كان عاجبك الحال فالول مارضيتيش مابغيتيش تعتارفي انو عجبك الحال حيت عمر شي حد باسك انا كنعرف لبنت لي مجربة من لبنت لي لا متنكريش هادشي وضحكي على راسك
إيثار:نفضل نبوس حنش كيقطر بسم ومانحطش فمي على داك لفم لمريك عندك، ستفزاتو بهضرتها تم جاي ليها نقزات عليه ولات فوق ضهرو نتفاتو من لور ديال ضهرو وعضاتو فعنقو تنتف وتغوت كيحاول يلوحها من فوقو او والو
إيثار:ليوم نتفك زغبة زغبة شحال وانا كنجمع ليك شحال هدا انتوما رجال متسواو متصلحو مالفين تحكرو علينا ياك هاك (خبطاتو) هادي دقة سعدية جارتنا لي جاب عليها راجل ضرة(خبطاتو)هاك زيدك هادي ديال نعيمة طيابة لي يضل راجل يكروشيها هاك زيدك، ولات كي لوحش مسعورة،جبدها آسر من ترمتها وقفها زرب عليها خبطها لراسها طاحت سخفات هزها لاحها فوق نموسية او وقف كينهج سخفاتو
آسر:وناري وناري هادي ماشي بنادم عند بالها هاد ضربة لي ضربات اياخد فيا شي حق ولا شي باطل دافعة جبهة وزعامة لخاوية دابا اتنعسي حتى لصباح تهنيني شوية من صداعك اوتش ناري على عضة عندها،مشا لحمام شاف فمو حمر وارم منفوخ ضرب ايدو مع لحيط
آسر:لكلبة لعضاضة اش دارت،داوا جرحة ومشا نعس فبلاصتو.ايثار بقات كيما حطها فوق نموسية متحركاتش حتى صبح صباح ناض آسر دوش عليه فمو شوية
فمو شوية تفش ماشي بزاف لبس هليه حوايجو قاد لقهوة لي ميدوزش صباحو بلابيها، عاد فاقت إيثار كتحس براسها تقيل كيضرها ناضت كتجر فرجليها تفكرات اش طرا لبارح
إيثار:ولد لحرام غفلني ناري على راس عندو بحال الى طاحت عليك شي ضالة، دخلات لدوش دوشات حتى هي خرجات لبسات شورط دجين قصير وقميجة بالكاروات مدخلاها وسط شورط وسبرديلة خرجات لقاتو حاط بيسي قدامو كيشرب قهوتو على فيها عينيه ورجع كيشوف فبيسي تسمع دقان فالباب ناض وقف لقا مساعد موسيو لي علمو انو لفطور واجد وموسيو لي كيتسناهم خرجو بجوج داهم لمطعم لفوق لاقاو طبلة واجدة وموسيو لي كالس ومعاه وحدة شينوية فتلاتينا من عمرها وجها كيف لمونيكة
آسر:صباح نور
لي:صباح نور كيف صبحتو مزيان تايغر مالك ياك لباس(كيضحك ويشوف فإيثار)
سومو:صراحة نهار تولى لي لمسابقة طرا سوء تفاهم بينو وبين لمشرف على لمسابقة بسبب انو لمشرف بغا يدخل شي حد من طرف ديالو لمسابقة زوج ديالي مبغاش حيت كيتعتابر حالة غش
آسر:ولكن سمحيلية هادشي كلتي
كلتي طرا غير فهاد الاواخر اما تهديدات كانت كتجيه قبل ولي كيهدو بغاه يتنحى من لوزارة
إيثار:وممكن هاد الانسان عطا هاد سبب غير باش يضلل لبوليس
لي:مفهمتش
آسر:انسة إيثار كتحاول تكوليك انو لموضوع كبر من هادشي وبزاف ولي ورا هادشي ماشي بغاك غير تحيد من لوزارة لا لهدف ديالو كبر من هادشي كلو بغيت نسولك واش انت شخصية لوحيدة لبارزة لي مونا هاد المسابقة
لي:لا كاين وزير سياحة وكاين وزير التقافة لكوري ليومينهو
آسر:معندك حتى عداو مع هادو
لي:لا كان بيناتنا شي تعقيدات انا او وزير سياحة ولكن ليومينهو لا قبل كنا اصحاب وقرينا مع بعضياتنا شحال هادي بالعكس قريب مني بزاف،
آسر:واخا مهم كنتمنى منك لا انت ولا مدام سومو اي تحركات متخطواش الا بالامر ديالنا لفرقة الامنية ديالنا قربات توصل طاقم الامن كلو ايتبدل لكاميرات ايتزوعو فجميع لبلايص حتى من شاينا تاون هاديك انشرف عليها انا وانسة إيثار
سومو:دابا على هاد لحساب انا منخرج منضرج غير الى معايا حارس امن لا بزاف هادشي انتخنق حريتي اتربط
آسر:هادي لمصلحتك امدام
سومو:ولكن هوما بغاو يقتلو راجلي ماشي انا
آسر:حنا انديرو الاحتياط ديالنا عارف حريتك اتقيد ولكن صبري شوية الى ممكن واخا، رجع شاف فلي
آسر:موسيو لي نخليوك دابا خاصنا نشوفو شغلنا
لي:انا تايق فيك اتايغر وحتى انت انسة إيثار حظ موفق ليكم، ناضو من على طبلة غير دخلو لشقتهم نقزات عليه إيثار
إيثار:نبصم عليها بالعشرة حتى ديك لمونيكةديال شينوة عندها ايد فالموضوع،دار آسر شاف فيها
آسر:باش عرفتيها الما كان دليل ميمكنش تاهمي شي واحد
إيثار:دايرة ايدها على جنابها كتحك فشعرها) مشفتيش شوفات ديالها فاش دكرتي طاقم ديال الامن وفاش عرفات انو خاص متخرج غير بخبارنا ولا غير كتفتف حتى هضرتها حسيتها معندهاش سوق
سوق فراجلها فالمغرب لمرا طير وتنزل على راجلها هادي فرحانة وناشطة وضاربة دنيا باركلة
آسر:هداك راه لمغرب خاصنا نتأكدو او حاجة جيبي داك بيسي واجي لهنا
إيثار:مزال مقلبت بغيت غير نكوليك ضربة لبارح منسيتهاش راني عاقلة ماشي فيا زمايمر ومتسحابش راسك غلبتيني صافي راه غير دابا جا وقت لخدمة ومخاصناش ندابزو لا يمشي عقلك هكا ولا هكا
آسر:غمزها) هكا ولا هكا بحالاش مثلا
إيثار:صغرات فمها) تفو عليك عقلك ديما خامج، سدات عليه لباب خلاتو كيضحك رجعات فوق نموسيتها ربعات رجليها وحلات بيسي دخلات لكوكل وطبات سميت لي هسين ومراتو خرجات ليها تصويرتو مع مرة غير سومو بقات اكتشوف وتعجب هزات دفتار وبدات تقيد فسميت لمرا لي فجنبو كل مرة قلبات خرجات ليها معلومة
جديدة اوعر من لي قبلها وصل وقت لغدا وهي مزال مكبوبة على بيسي تحل لباب ودخل آسر هاز فيدو طبسيل فيه بيتزا علات راسها فيه
إيثار:واخا انا جايا اسبقني،ناضت غسلات وجها مشطات شعرها جمعاو على شكل ديل خصان لبسات سروال دجين جاي أوت وتيشورت فالبيض مصور فيه مدونا وبروتكان فرجلها سدات على كلابها فالبيت وخلاتهم خرجات عندو كتشوف فيه بحال الى متافقين فلباس هو لابس سرواج دجين وقميعجة ببضة مع ساعة قهوية مقاد شعرو كيتسناها
آسر:مشينا
إيثار:يلاه، هزات سكادوها دارتو فضهرها وهبطو بجوج ركبو فطوموبيلت آسر او وراه طوموبيل كحلة فيها رجال لامن لي ايركبو لكاميرات
آسر:وهو سايك) امضرا ليقيتي شيحاجة
إيثار:هو غير لقيت وسكتي سمع اسيدي موسيو لي كان مزوج من قبل من مرة أمريكيا كانت قرات معاه وكانو كيبغيو بعضياتهم
بعضياتهم بزاف تزوجو عن حب وعاشو حياة زوينة بزاف تزاد عندهم ولد ولكن للأسف مات مراتو جونيفر هادي هيا سميتها تأمزات نفسية ديالها ومرضات ودخلات لمصحة تعالج فهاد لحظة هادي موسيو لي ولا فلوزارة مبقاش كيعطي اهتمام ليها هنا فين اتبان سومو عارضة الازياء لي يلاه اتكول أه فدنيا وتبان كانت كتصيد غير صيدة صحيحة ميبان ليها غير شيباني فلبلان طيحاتو جمعات ليه ستة وضامة طرقات على باباه وتزوجاتو وطلق لمريضة لي فسبيطار انتوما رجال غدارة
آسر:بدينا فرجال تاني كملي
إيثار:معليناش مرتو لولة من تما مبقاتش بانت وكانو خرجو شي شائعة كتكول انو شي واحد شافها منين خرجات من لمصحة مع موسيو ليومينهو وهادي كتبقى غير شائعة كيف كالو لمهم سيد طلع ماسهلش وديك طيطفيت لي كانت حداه عاهرة من طراز رفيع كانت كدير الازياء ونفس لوقت كضرب فجوايه اخرين
آسر:لقضية مخربقة واحد شوية انت متغفليش عينك عليهاولو لحظة وحدة
إيثار:انا محملتهاش من لول باينة فيها لفعة بغات تحيد راجل من طريقها باش تسوك فجمل وماجمل، آسر وقف طوموبيل
إيثار:واش متأكد هنا فين ادار مسابقة جاني بحال كباريه ديال فيلم الراقصة وسياسي
آسر:لمبنى مقسوم على تاجات تلاتة هدا لي كتشوفي ملهى ليلي ولفوق كافي وفيه وصلات موسيقية اما طابق لفوق بحال مسرح كبير تما فين كتقام لمسابقة كل عام فهمتي لبالان بحالاش
إيثار:هكاك وانا نفهم شحال يكون مولاه كيدخل دلفلوس
آسر:بنفاد صبر)دابا تشوفيه بعينيك وسوليه واش أنا كنت معاه؟
إيثار:كولني ديرني فخبز وكولني واحنا اسولناك ياربي سلامة،تماو داخلين لبنات غاديات جايات بلباس خاص ديال شينوة لموسيقى خدامة بيت كيدخلهم لبيت بحال لمتاهة وكل بيت مرسوم فيه تنين كبير آسر وقف واحد لخدام سولو على مكاب ديال لمدير وراه ليه ومشا طلعو فواحد لاسنسور وطاقم ديال الامن بقا لتحت حتى يعطيهم آسر لوردر باش يركبو لكميرات وصل آسر عند باب واحد لمكتب بابو حمر دق ودخل كان لمدير كيهضر فتيليفون غير دخل آسر وسد لمكالمة رجل باقي صغير فالاربعينات وقف ومد ايدو لاسر
آسر:احم) موسيو عادي اجراءات عادية غير باش نحميو لوزير
مدير:شاينا تاون ماشي غير ملهى ليلي هو اكبر ملهى فسنغافورة وفيه اوطيل وصالة رقص وفيه مطعم كميرات اتقلق ناس وسياح كيبغيو ياخدو راحتهم وهنا كدار اكبر مسابقة وتنائيات كيخدو غرفة مشتركة ميمكنش تبقا انت حاضيهم بهادشي انخسر زبائن ديالي وهادشي راه فخبار موسيو لي وزايدو كاين كاميرا ديال لباب وكاميرا على باب لخزنة لمباقي معنديش بيه غراض سمحلي كنت بغيت نعاونكم ولكن هادشي لي كتكولو مرفوض وكيف كتليك يمكنليك تسول سعادة لوزير، سكت آسر وحرك راسو او وقف
آسر:شكرا ليك خليناك على خير خرج وتبعاتو إيثار وهوما مزال واقفين
إيثار:علاش مزدتيش حكرتي عليه هاد خونا تحت راسو لعجينة
آسر:انا حمار مطاحتش
مطاحتش عليا فكرة انو ممنوع دار كاميرات فبلاصة المسابقة
إيثار:انت من زمان حمار خاصك الودنين يلاه عرفتيها،يلاه ايجاوبها كيسمع فالمدير كيهضر شير لايثار باش تسكت وبدا يتسنط فالحوار لي كان"متخافيش احبيبة ديالي كولشي تحت سيطرة وغادي مزيان كيف بغينا متخافي من والو اه جاو ولكن انا رافض فكرة لكميرات مابغيتش شي واحد يعرف شنو كاين كولشي مزيان اكبيدة ديالي قريب قريب حتى انا كنبغيك مواااح" شاف آسر فإيثار وحتى هي شافت فيه جرها من ايدها وهبطو بزربة شير لامن يتبعوه ديمارا وزاد
آسر:انت مالك مكلخة هاداك راس ولا خنشة دسيما ضروري منعرف لبوليس ديال اي قنت راه كانت خدمتي هاديك يمكن
إيثار:انت غير زيد راه كنجمع ليك فيهم شتك ضسرتي وطواليك لسان، مجاوبهاش وصلو لاوطيل بلصة طوموبيلتو عبطات إيثار هي لولة وتبعها دخلو لشثة ديالهم هز بيسي ديالو فتحو وخدم تسجيلات ديال لكميرات ديال لوطيل بان ليه كولشي عادي اوهو هداك موسيو بي مخرجش من شومبر ديال وحتى سومو غير هزا تيليفونها ودور مرة تهضر مرة تبسم وضحك ومرة بحال الى متوترة ومقلقة
إيثار:شنو لقيتي
آسر:هاكي شوفي،عطاها بيسي كتشوق
إيثار:انا راه احساسي ميخيبش فاش كنت صغيرة مسيمين عليا غير شوافة تيوتيوا كنت كنحس بنادم من لول ولهيلا كون خدمت فيها كون كنضرب فلوس صحيحة
آسر:واش انت فراسك شي فيس خاسر يمكن
انا فين وانت فين ربطي ربطي الاتصال مع رشدي الى تبعتك يا واحد فجوج يانسيفطك انت لروضة يا نمشيو ليها بجوج ولكن الاحتمال لول وارد
إيثار:تمشي ليها نيت انت فاش نافع،عوجات سيفتها فيه وربطات الاتصال برشدي وداير سبيكر باش حتى آسر يسمع
رشدي:إيثار ياك لباس
إيثار:والو ابا رشدي صبر هاد بلارج لي هدايا يربط الاتصال بشاف لويس باش نهضر مجموعين،رشدي كايشوف فطريقة باش كتهضر إيثار مع تايغر لي كولشي كيخاف منو حتى ليها هي
آسر:كون كوميسير رشدي انا انربط الاتصال بلويس، ربطو الاتصال معاه كل واحد كيشوف تاني وكيسمعو
لويس:تايغر شنو واقع
آسر:عندنا واحد لمشكيل صغير،إيثار ستغلات لفرصة هزات طرف دالخبز دارت فيه كاشير ولخبز كتاكول او واقفة على راس آسر دار شاف فيها ورجع كيكمل هضرتو
رشدي:شنو لمشكيل
آسر:لمشكيل انو مقر لمسابقة مانعين كميرات دار وهادشي مدكور حتى فالعقد وهنا شاكين فمدير شاين هو ومرات لوزير انو ممكن عندهم ايد فهادشي
لويس:تايغر مخاصش يكون شك خاص يكون يقين فهمتيني ضروري من دليل
إيثار:وانت سيدة ادكرنا ليها لكميرات ولات تفافا ابوحديتها وهو بودنا سمعناه كيهضر مع شي وحدة وكيكوليها كولشي مزيان ولكميرات مغاديش يدارو وكتكوليا دليل راه حتى خاصنا نديرو شي خطة باش نلقاو هاد دبيل هدا ولايني مسطي هاد شاف ديالك
رشدي:إيثار
إيثار:اشمن إيثار إيثار وخدمو معانا عقلكم اولاد ناس كون عرفنا اتكولو لينا هاد جوج كلمات بلاش من تعياطكم ولش عرفتو شنو خاصنا نديرو خاصنا نزرعو جسوس فوسط شاينا تاون باش يحضي يكون هو لكميرا لكبيرة تماك يحضي داخل ولخارج ويجيب لينا تبركيكات
رشدي:إيثار عندها صح
آسر:حتى انا عندي نفس الفكرة خاصنا شي عميل كفوء وتقة وميغدرش بينا بحال لمرة لي فاتت كنت حياتي اتمشي فيها عقلتي الويس
لويس:اه بصح
آسر:هدا لي انديروه فشاينا تاون نجهزوه مزيان يدير راسو خدام باغي خدمة بحال سرباي،إيثار فالكوزينة كتوجد سوندويتش تاني مكتشوفش فيه وكتهضر
إيثار:ولا ممكن كاع يمشي على قضية لمسابقة يدير راسو بغا يشارك ياك كاليك هداك كبيلات كيعطيو غرف لمشاركين مزيانة كولشي ايكون تحت عينو
رشدي:برافو برافو فكرة واعرة،جات جنب آسر كلسات حدات كتاكول
آسر:خاصنا نشوفو شكون هاد لعميل لي يدير هاد لمهمة هادي، إيثار خدامة كتاكول سمعات سقيل هزات راسها آسر كيشوف فيها لويس حتى هو ورشدي كدلك
آسر:لويس انت عارف انو قبلت بهادشي باش نخلص لخير لي عليا ماشي خدمتي هادي،نقولت إيثار
إيثار:واشحال عاجبك راسك اوليتي ميليونير نسيتي راسك وخدمتك لولة وخير هاد سيد عليك وباز نكار لخير انت كولما داخلين لهاد لمعماعة جبهة على قبل حبابنا وانت شحال فيك ديال فانطازية تايغر باش تايغر بقزيبتك باشار كيداير ضروري يعصبك
آسر:تحت سنانو) نتفاهمو من بعد شنو لمعمول دابا
رشدي:انتقدم انت وايثار بحال دو كوبل بيناتهم الحب والانسجام بغاو يتقدمو لمسابقة خاصكم تعرفو بعدا الفئات ديال رقص لي كاينة باش حين ميمكنش تكون الفئة مضوبلة
إيثار:متحمسة) ندفعة لفئة راب احسن حاجة
آسر:انت سباب هاد لبلا انت وافكارك هنينة وسكتي انا انقلب دابا،بدا يقلب فالبيسي خرجات ليه لاليست ديال لفئات لي مقدمة لمسابقة وكل واحد من اي بلاد
لويس:تايغر شنو خرج ليك
آسر:للأسف..
للاسف كول انواع رقص مذكورة هنا ولفئات كلها تقدمات
إيثار:قلب مزيان ضروري منلقاو بلاصة،كيقلب آسر على عينو من على بيسي شاداه ضحكة كيشوف فإيثار
إيثار:انت غير سكت فينما هضرتي خدمة خدمة حفضنا ديك لجملة شفتي انا جيني لكلشي حتى لديك لحالة وداك تحلوين راه معنديش معاه زوينة هادي بغيتي تمشي لي هيبتي
رشدي:إيثار
إيثار:مكاين لا إيثار لا نبك قبلت ندخل فهاد لمعماعة اه ولكن نبدل حالتي رقص لاتيني زوينة هادي لبس صايا ونتحكحك معاك لا لا نحيدو حوايجنا حنا كاعوطل عليا الحاج عمر اجي تشوف وزغرتي ينشراح ولي كاي احلى من الى راح لا لا مالعباش انتوما بغيتو تحيدو جلدي
آسر:انا من نهار لول كلتها ليكم مكتصنتوش ليا كتليكم راه مافيدها والو ومكتقد على والو من غير لسان لي فيها حامي اما دراع راه والو،شافت فيه جامعة فمها ومصغرة عينيها
إيثار:راه صبري بدا يتقادا واعطيني شبر ديال تيساع والله ميعجبك حال
آسر:اش فجهدك مديري دايرة كيف ديك دجاجة لي قارقة على لبيض ضل نهار كولو وهي كتقاقي ومصدعة ناس تقبلي لحقيقة شوية، قربات ليه وحتطة راسها على جبهتو وكتنغز فيه
إيثار:صافي طلعتي ليا جنية مابقيتش قادة، هو يغوت وهي تغوت مني منك مني منك
رشدي ولويس:دقة وحدة) سكااااااات،بعدات عليه عينيها كلهم شر كتنهج
أنثى الأسد الجزء الخامس
محتوى القصة
التنقل بين الأجزاء