ايثار:انا موافقة وغادي نوريك لالاك إيثار علاش قادة ارجلين نعامة
آسر:دابا مزيان من غدا انبداو لخدمة سيادنا تصبحو على خير،خلى رشدي ولويس قطعو الاتصال وإيثار غادية جايا بغات تاكول جنابها عاد بدات كتستوعب لفكرة
إيثار:لالا اويلي انا وهو وبيت واحد ونديرو راسنا كوبل وهيا ناري انا اصلا مكنحملوش ونزيد نكمل لي خاص،آسر دخل لبيت هز حوايجو ومشا لحمام يدوش معرفش علاش عندو فضول انو يعرف إيثار كيف غادي تكون بلوك جديد وبمشية جديدة وطريقةهضرة جديدة عندو حماس يعرف كيف اتكون والاهم كيف اتكون بين ايديه على راسو فالمرايا بحال الى فاق من تفكيرو
آسر:اووف اش كنمول انا اش كنخربق حماقيت لا مافيهاش شك اصلا باين لعربون كيف اتكون آسر بلاما تبقا تخربق وتخرف ديما اتبقا همجية وهضرتها هي هي، ساس الافكار من راسو دوش وسالة لبس عليه ومشا لبيت لقاها كالسة على نموسيتها شاظة حناكها وكتفكر علات راسها فيه وربطات غوباشتها
إيثار:وراه موصيبة كحلة هادي انا وانت بحال لمش مع لفار ودوك جوج كاليك خصنا نبينو لناس راه حنا حيبانين وفكها فمن وحلتيها،آسر تكا وخلاها كتهضر
إيثار:كنهضر معاك ياحسرة شفتك مهادن وعاجبك لحال
آسر:إيثار طفي ضو ونعسي الى عندك ايشكال انت انا لا
إيثار:انا وانت مكنتلاكاوش جنون فصفة انسان أحم انا بعدا على راسي جنية فصفة انسان شاطا ماطا ربي انا انكون انيقة ولبقة ونتحاب بعاك راه انعواج والله ياربي اش درت فحياتي حتى تلاوني ليام اندير هادشي،بدات تسمع فشخيرو
إيثار:والله حتى نعس بلارج لاخور وخلاني كنهضر بوحديتي هداك ها واش نعستي، كترمش فعينيها ناضت على صباع رجليها كتمشى بلا حست جات حدا راسو كطل عليه معلية عجبانها وكتشوف فيه قربات وجها من راسو رموشو طوال محطوطين تحت على تحت عينيه زغيبات من شعرو رطب
رطب فوق جبهتو جمعات ايديها وتبركك فيه هزات ايدها وحيدات جوج خصلات لي على وجهو ودوزات ايدها على شعرو لي كان بحال لحرير ولونو بحال سواد ليل تحرك فبلاصتو خطفات ايدها ونقزات بزربة لبلاصتها كتحك فيديها وضرب فيها
إيثار:هاك ايدي هاكي اويلي ستغفر الله اش درت اويلي هادشي ايخرج ليا على لمخ ولمخيخ ديالي الى كملت انولي ندير شي حوايج سلامة ياربي نعس حسن ليا لانصدق فشي حاجة مهياش،آسر حس بيها وكيسمع فيها وعاجبو لحال كيضحك،طفات ضو وتغطات دغية ستسلمات لنعاس.
فاقت إيثار على ريحة لقهوة لمجهدة لي كتهرها فنيوفها بدات تشبح وتلعب فنموسيتها وتكركب حتى جات على الارض نيشان دخل عليها آسر لقاها كتحك فجنب لي طاحت عليه وتوجع علات راسها فيه لقاتو متكي على لحيط وهاز كاس دلقهوة فيدو لابس سروال كحل مقطع وتريكو كحل وكيضحك عليها
آسر:خاصني نصورك دابا ومنين تقادي نحطك فليسيت ونكتب قبل وبعد هههه
إيثار:هيهي فرنس بحال راس لحولي لمشوط باز صابح ناشط
آسر:ومالي انبقا غير معصب باش لالاهم إيثار يعجبها لحال،وقفات إيثار دارت ايديها على جنابها
إيثار:اجي انت بعدا الى ولينا فلمسابقة شكون ايكون هنا مع موسيو لي
آسر:انا مقاد الامور كلها متخميش تدريبات مكيكونوش فشاينا تاون كل فرقة كدرب فلبلاصة لي عجبها حنا نهار كلو انبقاو هنا كنظربو وليل نكونو تم ولوطيل كلو مراقب بكميرات خاصةكلشي تحت سيطرة(غمزها)تايغر هدا وجرك على الله
إيثار:كتكولها مفنطز زعمة
آسر:وجدي راسك من هنا لساعة ايجي سيد كلفتو ايتكلف بلمظهر ديالك او سيدة توريك كيفاش تمشاي بطالون
إيثار:كيفاش بلانك انت شتك كتحشي لي لهضرة تحت دف
آسر:شاف فساعتو خرج وكيهضر)سربي راسك أعبد لمولى مبقاش عندنا لوقت،خلى كلمة عبد لمولى كطلع فيها وتنزل كتسرط ريقها بزز وتسوط بحال ثور.
إيثار:سمعتوه انا وليت عبد لمولى انا وانتوما كتسنطو وعاجبكم لحال ماماكم كتعاير كدامكم فيهوما دوك نياب لي شحال وانا نبرض فيهم ولا كتخدموهوم افمن بغيتو واخا قيدو عندكم، نباها آسر من برا
آسر:واش انباتو هنا
إيثار:الله يعطيك صعر كتر من داك لي فيك،خلات لماكلة لكلابها وخرجات عندو
آسر:كنت عند موسيو لي كتليه لخبار جديدة
إيثار:وتسناني حتى نكون معاك دغية مشيتي تنقز عندو داير فيها شجاع زعمة
آسر:الى جيت نتسناك هنا انباتو قدما زربنا كان حسن عرفتي انا نهار تسالة هاد لمأمورية انعرض على ناس شفتي شيخات لي عمري كنت كنضن انجيبهم انجيبهم عرفتي علاش حيت انتهنى من خنشوشك انرتاح اناخود عطلة انغبر كمارتي
إيثار:دابا مالنا على هاد لهضرة على صبيحي وكتكول كنجبدك راه بلعاني كدير ليا هكا زعمة ارا ما طرطر تما حتى لصباح مغادي مني لا حق لا باطل ويلاه خلينى نشوفو شغالنا،خرجو يفطرو فالمطعم كلسو على طبلة فجنب طلبو لي بغاو
إيثار:بلاما تعيق ادور غير بالفن شوف مونيكة عاشورا خارجة
إيثار:وكتكولها بوجهك حمر مسكة مفتاخر درتي مزية راه كتليك انت ملاعبش فصغرك مسكة باش اتفيدنا اتلصق ليها فشعرها مثلا
آسر:لكلاخ صافي مسكة ابنادمة فيها جهاز تتبع صغير بزاف ايخليما نعرفو فين مشات وفين جات تفاهمنا وفطري ونوضي خلاص ايجي سيد وسيدة،تحط لفطور فطرو وسلاو ورجعو لشقة غير دخلو تسمع دقان خفيف على لباب مشا آسر يفتح وإيثار خاشية ايديها فجيابها كتسنا شكون تمت داخلة واحد خيتي
طويلة وشعرها حريري كحل وبيضة لابسة كلاص وهازة صاك فايدها من ملامحها جدية شافت فإيثار تبسمات ليها ومدات ليها ايديها
"مرحبا سميتي بارك شين هاي"
إيثار:واو سمية طويلة نكويليك بارك واخا انا إيثار
بارك شين:مشرفين انا مدربة الاتيكيت ولباقة،تم داخل آسر ومعاه واحد خونا من لقطة لولة عرفاتو إيثار من صحاب قوس قزح شافها تبسم وسبل فعويناتو
آسر:إيثار هادا جاك مصمم ازياء فرنسي وخبير تجميل ديال لفنانات
جاك:حبيب ديالي لهلا يخطيك هادي شهادة كنعتز بيها
إيثار:على تواخر زمان جايب ليا نص رويجل مريوة من صحاب قوس قزح يعلمني والله يمسخك
آسر:مكتعرفيهش مزيان خدمتو متقونة
إيثار:اياه متقونة شوف كيف كيتحلون عليك عجبتيه قفرتيها مشيتي مايمشي من هنا حتى يغتاصبك ههههه بان ليه لبلان فيك ههههه
جاك:حبيبي هادي هي لبنت لي كلتي ليا ياك
آسر:اه هي هادي،طلع جاك من راسها لرجليها كيشوف فيها مستغرب هي حاضياه كتمص فسنانها وتلعب برجليها،مشا جيهت لباب وعيط تمو داخلين رجال وبنات كلهم بالبسة موحدة فالحمر جا لعندها جاك كيدور عليها وهي كتشوف فيها هز ليها خصلات من شعرها كيشوف فيهم
جاك:عطيني ايديك نشوف،مدات ليه ايديها خصر سيفتو
جاك؛ اولالا سيبافغي اش هاد ليدين اش هاد ضفار واش هاد لحالة انت بنت انت ميمكنش منين جايا شعرك حالتو ناشف ومضبب،شد ليها وجها كيدور فيه،اويلي على زغب لموستاج ونواضر رجال او وجهم ملس من وجهك واش هاد لبس هدا لا لا انت خاصك تفورمطاي من اول وجديد فين نلقاوك فين حالتك حالة كنتي فشي كهف يمكن،إيثار حاضياه من صباح وكتسنط وساكتة حتى سالة آسر شاف فيها عرفها ناوية على خزيت
آسر:إيثار كالم،تنفسات مزيان وعلات كمايمها ونزلات على جاك من عنقو كتدي فيه وتجيب فيه
إيثار:انا خاصني نتفورماطا انا؟من صباح وانت تعاير
من صباح وانت تعاير وانا ساكتة ليك كنكول دابا يسكت او والو ادوي ابوفرطوطو منزل ليا هاد جوج زغبات وتعوج عليا ترجل معانا شوية قسما بالله ومتكمل خدمتك بلا هضرة بلا جوج انقرع ليك بلا مكينة مفهوم ولا لا
جاك:خايف)تايغر عاوني قلبي مكيتحملش بعد عليا هاد لمتوحشة عفاك
آسر:هو مكدبش عليك كاليك غير صراحة تقبلي لي كيكولو ليك ناس(شاف فجاك)جاك بدا خدمتك عفاك
إيثار:يبدا خدمتو ويرد لسانو لفمو
آسر:واخا غير سيري دخلي، كتخنزر فجاك لي خايف منها تاكلو دخلات لبيت تبعوها لفريق ديال جاك عاد دخل هو وسيدة ديال الاتيكيت كلس آسر ولبيسي ديال كيخدم فيه حاط كاس دالقهوة حداه وخدام فاتت ربوع ساعة كيقفز من بلاصتو على غوتا اتكون تسمعات فالاوطيل كولو
إيثار:من وسط لبيت) وكواك امي عتقي روح واهي ناري وهيا بويا وهيا خويا وكولو باغيين تعدبوني وانا اش بغيت ليك يا تايغر ابغيت ليك لحكة وقلت ظفار فيه وتبقا غادي وسط ناس وتحك فيه ويشدوك يعطيك سلخة ديال لعصة، من بعد نص ساعة خرجات عندو مفركة رجليها ويديها بحال الى محروقة وداهنيها كلها بالكريم حيت حيدو ليها زغب بلاصير طلع آسر عينو فيها مقدرش يصبر تفركع بضحك
إيثار:من تحت سنانها شلقومتها تحركات بالحيلوة) تهجرو اولد لحرام من فعلك
آسر:والله حتى تبقاي هكا صبري،هز تيليفونو
إيثار:سير بعد لهيه(جات تركلو تقسحات) احح اميمتي هادشي راه سلخ ولجلد بحال تعديب ديال لحباسة
جاك:انا اصلا هادشي كاملو كنديرو غلى قبلك اما انا منزيدش دقيقة وحدة هنا
آسر:احم عارف ليكاين عارفناض من حداها مشا لحمام هرب) اووف اش هاد لمصيبة لكحلة تاني تمشي وحدة يجيني واحد، آسر هاد الأيام كلها خدام بوحدو يضل نهار كلو مع موسيو لي وفاليل كينعس فصالون كيطل على إيثار كيلاقها مشبحة على كرشها وناعسة وكيرجع يسد لباب ويمشي ينعس دازت سيمانة كلها عداب وجحيم بنسبة لايثار ولفريق ديال جاك لي خرجات منهم شيب زرق أما انسة بارك شين مالقاتش معاها مشكيل غير مع طالون لي حلف واش بغا يتقاد ليها بدات معاها بميني طالون وهي غادية حتى بدات تكول بيه توقف بيه فكوزينة ممنوع تحطو من رجلها نهائيا، نهار الأخير داتها بارك شين معاها لصونا دارو صونا واليوغا مساج وسوان دفيزاج حيد ليها كاع ستريس لي دازت منو ورتاحت رجعو لاوطيل لقاو جاك كيتسناها باش يدوزو للمسات الاخيرة حيت تعطلو بزاف بداو ليها بشعر صبغوه ليها زادو ليها لون باش ينصاح كثر مع لبرودويات لي خلاتو كايبري صايبوه ليها متموج وبداو بالمكياج برزو لون عينيها لي كان عسلي مع عكر خفيف فلون لقهوي دخلو ليها طاقم كبير ديال لحوايج من كساوي وسراول وقوامج هز جاك لبسة فلكحل حريرية منها قميجة ومنها سروال مفتوحة جيهت صدر لبسوه ليها بين ليها لمؤخرة ديال وصدر ديالها مع اكسيسوارات من طوانك
من طوانك وسنسلو طويلة عند لعنق مدهبة مع تويشيات ديال الايد وخواتم صباط عالي فالكحل رجع جاك لور كيشوف فيها معنق ايديه وكيشوف فيها بكل حب واعجاب
جاك:مانيفيك سي مانيفيك لوحة فنية كتحمقي اووه شحال انا عبقري
إيثار:خدات نفس) موسيو جاك ممكن الله يخليك نشوف لمرايا متشوقة نشوف سحر لي درتيه بيديك
جاك:ممم برافو هكا نبغيك ولكن برلاتي يشوف تايغر هو الأول اجي نبهروه تبعيني،فتح لباب جاك آسر كان غادي جاي كيهضر فتيليفون مع لويس، تسمع طالون فالأرض طلع راسو بشوية من جيهت صوت(تخيلو لقطة بتصوير لبطيء)كيبانو ليها رجيلات بيضين لابسين صباط عالي كيطلع عينيه بشوية وهو كيرمش، إيثار خرجات كتمشى بكل ثقة مبسمة رمات شعرها ورا ضهرها او وقفات بكل ثقة، آسر ممتيقش شنو كيشوف قدامو لعوينات لي أسروه لي تبرز لون ديالهم نيف منحوت لفم لي مكرهش يطير عليها يبوسها منو شعرها لي كان بحال لحرير لونو ناري لي كيوتر الاحاسيس وكيخربقهم طاح ليه تيليفون من ايديه، إيثار عجبها لحال منين شافت دهشة على وجهو تمشات جيهتو بكل افتخار وقفات عندو وجهو نزلات باستو بشوية فوجهو وبوسة تانية قريبة من فمو حطات ايدها على دقن ديالو طلعات ليه فمو ليكان محلول من دهشة وبعدات عليه خلات ريحتها لخطيرة لعبات على احاسيسو كلها قلبو كيضرب فيقو صوت جاك لي كيسول فيه
جاك:بيبي كيجاتك خدمتي ايدي
آسر:وهو مزال مسحور) واو واو، عاد فاق من غيبوبة ديالو
جاك:حبيبي انا مشيت وشيك راه وصلني ميغسي مون شيغي، خلاهم وخرج هو ولفريق ديالو، قربات ليه إيثار حطات صباعها كدورهم على صدر ديالو
إيثار:تايغري شيغي كيف جيتك مكلتيش ليا
آسر:معلي حجبانو كيرمش بتعجب) تايغرك؟
إيثار:ناري ياك خاصنا
ياك خاصنا نمتلو ولا نسيتي، آسر مبقاش قادر يصبر شد وجها بين ايديه ونزل على فمها كيبوس فيها ويروي لعطش لي كيحس بيه يبوس فشفيفها يسالي من لولة ويدوز لتانية وحاد لحلاوة عجيبة بحال لعسل عمرو داق بحال هاد شفايف كونماشي هي لي دفعاتو كان ايدير حوايج كثر من هكا
إيثار:واش انت حماقيتي راه انخرج ليك إيثار لقديمة انت راه مينفع معاك غير ضرب ولجرح، هبطات عينيها لجيهت سروالو كايبان ليها لعجب لمتعجب
إيثار:قلشات عينيها خرجاتهم)وهيا ناري وهاووهاو اش داكشي تم فين كان هادشي مخبي كنتي كتعطيه لفانيد دنعاس اشاواهدشي سير بعد مني حجارك يشدوك سير فحالك بناقص من هاد لعب وهاد شطيح ديالك اجي نسولك ممتقلش عليك داك لخير عرفتي نعطيك واحد لحل سير نقس منو وتبرع بيه لشي مسكين في سبيل الله والله ادير غير لخير، آسر مكايسمعش كاع اش كتكول حيد تيشورت ديال، شافتو هكاك حيدات صباتها باش تنزل عليها، دار من وراها ومشا جيهت لحمام دخل سد عليه
آسر:لا لا هادشي بزاف ميمكنش نتحمل هادشي اش اندير كون غير بقات كيف كانت كون غير بقات كيبان ليا اندوز ايام صعيبة وصعيبة بزاف.
دوش آسر بالما بارد خرج لبس حوايجو خرج لمراح بانت ليه كالسة اشافتو وقفات ناوية على خزيت شاف فيها هز تيليفونو وسورات طوموبيل
إيثار:فين غادي بلاتي انتفاهمو وقتما بغيتي نلقاك طرتي عليا هادشي راه بزاف على لقانون شوف الله يخليك لزم حدودك انا راه مسهلاش ليك ولا لغيرك ياكما تسحابني انا من دوك لمونيكات ديالك؟
آسر:سمحيلي مقصدتش معرفتش شنو وقع انا خارج
إيثار:كيفاش خارج ولخدمة
آسر:إيثار حيدي من كدامي وخليني عليكهاد ساعة شوية وانجي،ضرب فيها وخرج ضرب بالباب
إيثار:ياربي سلامة ديه معاك ونوليو نديرو خمية حنا الله يستر هدا مالو كايتكلب غير بوحديتو الله يستر،خرج آسر ركب فطوموبيلتو وغير سايك وغادي بلا عقل معارفش فين ايمشي المهم غير يبعد على إيثار وميبقاش معاها فنفس لبلاصة،إيثار بقات كدور من كوزينة لبيت حيدات دوك لحوايج مدام مغاتخرج لاش اتلبسهم تقلوعليها رجعات لبسات تيشورت وسروال ديال بيجامة وخلات شعرها مطلوق هزات بيسي وكلسات كتفرج فيوتيب على ليفيديو ديال رقص كتعلم لخطواط خطوة بخطوة شوية سكيب كيصوني طلات بانت ليها ختها أسية قبلاتها بالخف
أسية:اووه شعور الالة زيانيتي ياختي
إيثار:ختي توحشتكم بزاف والله كيدايرا ماما وعميتو كيداير بابا
أسية:كاليك غير ترجعي وناوي يتزوج عرفتي شكون نوال ياحبيبتي سيد طاح طيحة وحدة ومسما عليه حد
إيثار:ياحليلي ديك عود شطبة دنوال مامشات حتى قرقبات عليه ولكن بصحتها معندي منسالها
عبرات عليه والله واخا خويا يختي عجبني الحال فرحتيني والله
أسية:ختي امضرا فين وصلات الامور كولشي مزيان
إيثار:الحمد لله كولشي مزيان
أسية:يمكا ندمتي ولاشيحاجة بعد المرات كنحس براسي درت غلط كبير دخلتك لهادشي
إيثار:براكة من لهضرة لخاوية باز اصلا انا لي بغيت كونما بغيت حتى واحد فيكم ميقدرش يبزز عليا وانت عارفة هادشي ولكن لا انا لي بغيت متخافي والو كولشي مزيان اختي راكي عارفة ختك متخافيش عليا
أسية:عارفاك كدها وتفوتيها لهيه وديري عقلك وتهلاي فراسك بزاف يلاه نخليك دابا حتى لمن بعد ان شاء الله
إيثار:يلاه سلمي عليهم واحد بواحد بسلامة، قطعات مع أسية وفرحانة بالخبار لي وصلات ليها أسية
إيثار:وهادي خبار زينة شوفليك شنيولة ومكالت ليا والو ولكن يمكا مفراسها والو،سمعات ساروت دار فالباب نقزات من بلاصتها وقفات قدام لباب بان ليها آسر داخل ملامح وجهو باردين
إيثار:على سلامتك
آسر:لبسي حوايجك انخرجو من هنا لشوية ومتلبسيش جداد خليك بالقديم
إيثار:علاش زعمة نبقى بالقديم ياك كلتي خاص نبدل لوك واش كتفلى عليا ولا شنو
آسر:بلامبالاة) مجاوش معاك انت اصلا كنت زوينة بلا هاد لحوايج هادو احم بغيت نكول اش بيغيتيهم اتعرضي غير لتحرش من ناس لي غادي ولي جاي يتبسل عليك
إيثار:كتشوف فيه فهمات قوالبو) وتحريميات اش كدير ليهم وهيا ناري بلعاني بغيتيني نبقا بلوك لقديم باش كتى واحد ميهضر معايا خفتي لامنمشي من هنا حتى ندي شي شينوي معايا ياك واخا اسيدي وعليه،دخلات كتهضر مع راسها
إيثار:هاء بغيتي اضد انا هيا مولاتو اصلا عينيه ماشي خواتات صفريت مبغانيش نكون حسن منو وزينة عليه ديما تايغر كيلف نظر فينما كان والله لاكانت ليك، هزات حوايجها لقدام كلملين ونزلات عليهم بالمقص هاك بلاك هاك بلاك رداتهم كلهم شراوط رجعات بلور
رجعات بلور كضحك على فعلتها لي دارت مشات جيهت دريسينغ ديالها فين مستفين لحوايج جداد واقفة وكدور وفكرتها لي فبالها تخرج لعقل لتايغر وتخليه يشالي فزناقي طاحت عينيها على واحد لبسة بدات تحك ايديها وتضحك بشر لبسات صايا لي كانت طويلة ولكن كلها مشبكة وفتحتها طويلة بزاف فخضها كلو باين كان فلون ازرق ليلي مع تريكو مخطط بالزرق ولبيض ايديه جايين كلوش وقصير كرشخا باينة مع صندالة عالية فلون الاحمر وساك بسنسلة فزرق منبت بالحجر طبقات تعاليم جاك ديال مكياج حاجة خفيفة ورشات من ريحة جديدة لي جات مع لحوايج
إيثار:اوبلى وحنا دابا وجدين، فتحات لباب كان واقف كيتسناها لابس سروال كحل وتيشورت فالبيض ولكحل طلع عينو فيها
آسر:مع راسو) داكشي لي كان ناقصني لي درناه تضرب كامل فزيرو
آسر:انت راه حرام تبقاي فشخصية وحدة ضروري ترجعي الاصلك واش تسحابي لبيران ديال لمغرب ولا هدا بار وريستو فنفس الوقت معروف هنا فسنغافورة وفيه وصلات ديال رقص لاتيني بغيت نديك تكسبي خبرة شوية فهمتي
إيثار:واو ستك ستك دابا عجبتيني،تمات جايا كتجري قربات توصل حداه زيت طوموبيلات لي كان مكبوبة خلات رجلها تمشي بيها وترجع باللور كونماشي ايدو لي جراتها وجيحاتها فصدرو وبين ايديه، تعلات عليه كترمش فعينيها وتشوفيه آسر قلبو كيضرب فتسعين رجع ليه نفس الإحساس عرق فعنقو كيضرب وقلبو دقاتو متسارعة، حركات راسها وتقدات فلوقفة ورجعات وراه وركبات
إيثار:يلاه مشينا
آسر:شدي فيا، حطات ايدها على كتافو ديمارا سكوتر ونطالق فشوارع سنغافورة لكبيرة شعرها رطب طاير مع ريح فرحانة بهاد ركبة كتصرف بطفولة آسر حتضيها من لمرايات كيفاش كتصرف، وقف بيها فواحد زنقة وهبط
إيثار:فين حنا
آسر:انخليو سكوتر هنا باش نخرجو لشارع اورشارد نيشان تما زحام ميمكنش ندخلو بسكوتر حتى لداخل
إيثار:آسر بان ليا بحال شي واحد تابعنا
آسر:مبان ليا حتى واحد انا
إيثار:لا بان ليا انا وكلت غير صدفة ولكن دابا فاس كنت كتهضر بان لي شي راس طل من لهيه
آسر:فين، دار كيشوف مشا جيها فين كالت ليه كيشوف ايمين وشمال مبان ليه حتى واحد
آسر:ايكون اشي واحد داز من هنا
إيثار:يمكا يسرقو ليك سكوتر
آسر:متخافيش فيه جهاز تتبع وجهاز اندار يمسو شي حد غير اتسمع عنظي هنا(شير لساعتو) يلاه نمشيو خرجو من ديك زنقة مسافة خرجاتهم فشارع كبير ناس غاديين جايين بحال شي موسم
آسر:اري ايديك فأي لحظة ممكن تلفي واجا مانلقاك
إيثار:لا متشد فيا منشد فيك لي شافنا يكول بيناتنا شيحاجة بغيتي تهرب عليا توتوز شد ايديك عندك
آسر:اري ايدك لهنا بلا هضرة(شد ايديها بين ايديه بزز منها)، شارع كان كلو نوادي ليلية داخل كثر من لخارج ريستورات كبار محلات تجارية قدهم قداش، وقف بيها قدام واحد لباب كبير فالكحل واقفين فيه جوج رجال بلباس رسمي
بلباس رسمي فلكحل وكتوب علىبابو بلحمر(altitude gallery et bar)مد ليهم آسر واحد لكارط شافوها رجعوها ليه وفتحو ليه لباب مع دخلو كتسمع لموسيقى وزدحة بنات دراري هالي مع صاحبتو كل واحد وشنوكيدير
إيثار:يشوفني لحاج عمر يحيد لورقة ديالي من لحالة لمدنية
آسر:مغاديش نكلسو هنا انطلعو لفوق، مساتو فيدو شاف فيها وشيرات ليه ليديه لي شاد ليها ايديها
إيثار:واش حتى هنا كاين زحام
آسر:غير نسيت ماشي حبا فيك شاد ليك ايديك
إيثار:ودابا انت لي وليتي نكار ماشي انا خلينا عايشين لجو ولحظة شحال هادي ماشطحت، حدامن مادازت كيشوفو فيها رجال اعجاب بيها ولعيالات نظرت سم حيت جايا مع تايغر لي شحال من وحدة مع دخل حطاتو فراسها تصيدو، طلعو لفوق كان عالم أخور طبالي فدهبي وكراسة عاليين شباب وبنات مجمعين لي شاد مشروبات ولي شاد عواصر ولكن الاجواء ماشي بحال لتحت موسيقى خدامة خداو طبلة كانت خاوية وكلسو فيها مع كلسات إيثار تفتحات لفتحة وباينة رجليها لي كانت بحال لحليب رما آسر عينيه عليها كيشوف فيها عكب شاف قدامو جا عندهم واحد سرباي يولهم اش يبغيو يشربو
إيثار:هاه على سؤال ومالها اتبعني انا شوف كيف كتحرك كاس ديالها شفتي لي كدير ديك لحركة دائرية على فم لكاس وتشوف فشي حد راه بغاتو
آسر:هاي هاي ولايني راك مساهلاش منين عرفتي هادشي
إيثار:واش انت هبيل مالي جايا من ورا شمس وراني عارفة او واعية ماشي انبان لي طرطارة تكول فيا الفم
آسر:ماشي غير لفم كتشافت فيك حوايج خرين
إيثار:اش
جاب ليهم سرباي لمشروبات ديالهم هزات كاسها كتشربو فيه حامض مانكة خليط ديال لفواكه الاستوائية، آسر مقابل واحد خيتي لي كالت ليه إيثار كتشوفيه وتغمز فيهآسر:إيثار خليك هنا انا جاي نمشي لحمام ونجي
إيثار:ههه عليا انا ولا داير لعدر بلحمام باش تشد نمرة وشكون داها فيه سير عندها نيشان ترجل شوية اصاحبي باز
آسر:من بعد ونتفاهمو على كلمة ترجل، ناض من حداها مشا لحمام لي فعلا كان بصح غادي ليه غير شافتو ديك خيتي تبعاتو، بقات إيثار بوحدها كتشوف ليكوبل كيشطحو بان ليها ظل وقف عليها علات عينيها كيبان ليها واحد طولة ولجمال نوع لي كيعجبها شعر زعرولعوينات عسليين بحال شي اسباني
"يوسبيك انكليش
إيثار:يس
"اوك انا رودريكو وانت
إيثار:انا إيثار
رودريكو:اسمك عربي
إيثار:اه انا مغربية
رودريكو:مشرفين انا ايطالي سمخيلي الى برزطك شفتك مع داك سيد قلت واش حبيبك حتى شفتو هو واحد لبنت فلحمام كيتباوسو وقلت ايكون غير صديق
إيثار:كتهضر بدارجة) هداك فينما مشا يمد شلاقمو بغيت ليه فيهم جربة ان شاء الله
رودريكو:انت غير تطلقي بين ايديا ومشي مع خطواتي ومع الايقاع ويكون كولشي هو هداك
إيثار:اياه علاش لا (احح على توتوز والله لا فلتك من ايدي يابيا يابيك) عطاتو ايديها وكتمشى بالقياس لي شافها يحلف عليها ماشي هي لي كانت قبل،وقفو مع ليكوبل لي كانو كيشطحو خدا ايديها بين ايدو وعنق الخص ديالها وكيوريها كيفاش تمشا وكيفاش دير تبعات داكشي لي كيكول ليها وطلقات راسها بين ايديه نسات آسر نسات كلشي كتشطح وهي فرحانة كتحس براسها فراشة طايرة فرحانة بزاف وغير كضحك
سلات الاغنية ولي فصالة كيصفقو،ديدجي خدم أغنية وحدى خرى ومن صدف انو احسن اغنية مفضلة عند إيثارإيثار:ياي هاد الاغنية كتحمقني عفاك اجي، جبداتو
رودريكو:ههه واخا، بعدوناس من صالة بقات غير هيا ورودريكو فالوسط وعلى أنغام أغنية(Jennifer Lopez. Amor amor)خدا ايديه بين ايديها وبداو كيشطحو هي وهو، آسر خرج من لحمام كيثاد فحوايجو ويمسح فمو رجع لطبلة مبانتش ليه إيثار شاف فين كيتفرجو ناس مجموعين كتبان ليه كتشطح بخفة قرب بخطواتو كيشوف فيها ممتيقش عينيه مبهوض كيفاش كتشطح بحال غايبة على لوعي جسد ديالها ملاصق مع جسد رودريكو كيفاش كيدوز ايديه على لجسم ديالها ويدوز بلمساتو على رجليها بقا واقف بلا حركة، حتى سلات الاغنية صالة تهزات بتصفيقات عليهم بجوج، هي فرحانة وكتغوت(هوهو) دارت عند رودريكو دارت ايديها ورا عنقو قدام ناس ونزلات بفمها على شفايفو كتبوس فيها حتى هو عنقها ولصقها معاه كيبوس فيها، آسر فلحظة معرفش شنو وقع ليه حتى ولا حداهم جرها بجهد وراه وهز ايدو حتى لسما وضرب رودريكو ضربة وحدة جابتو طايح مناضش،إيثار كترمش تشوف فيه وفرودريكو
إيثار:مووووواح الله على ريحة موااااح الله على شعير هز راسك نشوف، هزات ليه راسو كدورو ليه وتشوف من هنا ولهيه نزلات نيشان على فمو
على فمو كتبوس فيه وتجر فشفايفو، قربها منو ودخلها وسطو معنقها ايد على فخضها لعريان وايد شاد بيها وجها، محاسينش بشنو كيديرو هبطات ايدها لكرشو وجنابو وكدور على ضهرو آسر جعر بوساتو تحولو لقوة وشهوة ورغبة ولاو احساسيو مخدرين، فجأة مبقاش كيحس بيها كتجاوب معاه بعد راسو عليها وهو كينهج لقاها مغمضة عينيها وراسها بغا يطيح عليه، خرج نفس عميق كيسوط
آسر:درتيها قدها قد راسك ونعسي وخلي حالتي حالة واش انا مكتوب عليا هاد لمكتوب هادا عجبك الحال الالة إيثار دابا فرحانة وصلتي لاش بغيتي يلاه قلنا بدينا وناويين نكملو جيتي لنص ونعستي شنو نبقا انا هكا قنبلة موقوثة انفاجر انا انفاجر، قادها فالكلسة دار ليها واحد لحزام شد ليها ايديها دارهم على خصرو وديمارا وصل للاوطيل هزها وطلع بيها نيشان لبيت حطها على نموسيتها حيد لينا صندالها وغطاها قبل ميطفي ضو رجع طل عليها شيحاجة خلاتو ينزل ويبوسها طلع راسو كيشوف فيها خرج طاير من لبيت
آسر:اش كندير انا كنجي نطفي لعافية نرجع نشعلها اش درتي ليا اش درتي لا لا خاصني نتحكم فأعصابي هادشي مغاديش بيا فطريق مزيانة لا ، حيد حوايجو رماهم ودخل لحمام طلق على راسو لما بارد كيحاول يطفي بيه ثورة ولعاصفة ديال الاحاسيس لي نوضات فيه إيثار بقا مدة ساعة تحت رشاشة حس براسو شوية مزيان خرج لبس حوايجو يلاه غادي جيهت لبيت وهو يرجع لصالون قادو ونعس فوق لفوطوي مداهش نعاس ليل كلو كيكلب من هنا لهنا نعس على كرشو وغطا راسو ومعقلش على اشمن وقت داه فيه نعاس.
طلعات شمس بمدة طويلة آسر كيتشبح حاس براسو مدكدك حيتاش منعسش بكري بدا كيتوكض من نعاس وكيجيه شي صوت غريب فتح عينيه وكلس شعرو مخربق مرمي على عينيه وعاطي ودنيه بدا صوت كيتجهد وصوت موسيقى غريبة بحال الىفايت سمعها جاي من بيت إيثار وقف كيقرب شوية بشوية وصوت كيتوضح شد بوانيي ديال لباب بيديه دورو وفتح حل لباب بدا كيرمش غير مصدوم مفاهم والو، إيثار فوق نموسية واقفة وهازا ميكرو فيديها ديال كاريوكي ومخدمة أغنية وكتغني وتشطح معاها آسر بقا مبلوكي من أغنية لي كتسمع ليها إيثار وكتغني معاها بكل حيوية ونشاط مكايبانش ليها شكون حداها كاع
إيثار كتشالي بيديها ورجليها "في فخ غريب وقعنا في عالم الأرقام ضعنا كيف لخروج كيف لخروج من اين طريق عالم غريب لمعالم نواجه الاخطار نقاوم نلقا عدو ونقابل الف صديق لالالاووووو نحن في وجه لمخاطر لالالاوووو نحتفظ بهدوء اعصابنا نقاوم نعلم انا لن يعيدنا الامل من عالم ديجيتال بل لعمل مع يدا بيد بحثا عند طريق هيا...."كملات أغنية وبدات تانية وهي كتشطح وأسر جاب كرسي وحطو ودار رجل على رجل وكلس كيتفرج فيها
إيثار: في الغابة قانون يسري في كل مكان قانون أهمله البشر ونسوه الأن اخلاص حب دافئ عيش فطري هانئ لا ظلم ولا خوف ولا غدر ولا أحزانفي الغابة قانون يسري في كل مكان قانون لم يفهم مغزاه بنو الانسان ساعد غيرك لو تدري مامعنى حب الغير ما أجمل أن تحيا في الأرض بلا نكران ماوكلي
لاي لاي لاي لالاي ماوكلي ماوكلي لاي لاي لاي لالاي ماوكلي ماوكلي لاي لاي لاي لالاي ماوكلي ماوكلي فلتحذر ان تثبت استخدم عقلك أكثر وحدك عودٌ غض الوتري وبالجمع العصى لا تكسر فلتحذر ان تثبت استخدم عقلك أكثر وحدك عودٌ غض الوتري وبالجمع العصى لا تكسر"مع أخر كلمة طاحت على نموسية كتفركل بضحك ولحماس
اسر كيضرب رش شافت جيهتو دغية نقزات من بلاصتها كتشوف فيه
آسر:تبارك الله تبارك الله على ماوكلي وانا مفارسيش عندي روض ديال الاطفال هنا خاصك غير سبايستون وكوكب زمردة واش انت بعقلك
إيثار:سير اش كتعرف فخبارك رسوم متحركة خصوصا ديك لقديمة كتعطيك واحد طاقة وحيوية منكولش ليك كيولي فيك واحد جهد كبير راه انا بغيت طاقة ولحيوية باش نخدم مزيان كون كنتي كدير بحالي كوراه زهلي يالخبار اتكون ديما ناشط وفرحان نصيحة مني مرة مرة جبدك داك دري صغير لي فيك اه نسيت انكم نتوما رجال اصلا عقولكم كيدراري صغار اما فاش كتكبرو الله يستر خاصكم اسكاتة خخخخ
آسر:اجي انت منبرة على صباح ومحيحة ماموجدة لا فطور لا والو نسيتي لغسلة دلبارح
إيثار:كتعجبك)اشمن غسلة انا لي عقلت عليه لبارح، بدات كتفكر خرجات عينيها تلاحت عليه شنقاتو
إيثار:اكوليا انت ايمتا اتعطيني تيساع واش انت نهار ومطال تبوس وتعنق وتصيد بلا حشمة بلا حيا داخل مع ديك خيتي لحمام وانا سيد على مزينو ياربي خليتي دار عشتو
آسر:انا راجل جات عليا اما انت لا راك بنت وفخدمة ياحصرة وتحت حمايتي وامانة عندي نهار تمشي لداركم خرجي حتى عريانة وانا مالي كاع كالس تحلوني انت وداك ماريخيتا وتبوسي فيه شايطين عليك شلاقمك
إيثار:اه شايطين عليا نرضهم سوسيطة انا كاع انت مالك وها دخول شبوقات
آسر:شفتك خرجو رجليك شواري اكراندايزر اتنتويتي او وليتي تتري لفخاض دزات فيك ضلعة، بعدات عليه كتشوف فيه بنص عين
إيثار:انت لي جيتيني وليتي فشكل
آسر:معنديش وقت لمناكرة ليوم عندنا حصة ديال تدريبات بدلي عليك ولبسي شيحاجة مزيانة، رجعات إيثار سدات لباب وهي غير كتخمم وتفكر
إيثار:دايا انا وليت كلون معيطة ليك تكوليا ليا اش واقع وانت كتفرنسي طلقينا خلاص راه مافهمت حتى وزة انا
نوال:والهبيلة دابا هو راه وليتي كتعجبيه والله داكشي باش ولا كيدير هكا حيت وليتي كتباني مرة وليتي كتيريه
إيثار:يمشي يخرا نهار لول كان يخبطني حتى زعزع مخي ودابا كنعجبو كيعجيوه شراوطي ولمظهر واصلا انا مكيعجبنيش
نوال:ممم زعمة
إيثار:احم ممكن نكول جوج حوايج كيعجبوني فيه لا لا تلاتة اولا شعرو يابيي مسبسب او سنيناتو وتبوديرتو واهيا ناري على قلدة عرفتي اتعنيقة بين ايديه ادوب
نوال:وبنت لحاج شفتك تحليتي ياكما طحتي
إيثار:نوضي اشمن طحت او واخا يكون جورج كلوني يمشي يلعب كاع لي يبغيني على مظهر ديالي معندي منكجدر بيه وزايدون انا وهو مكنتلاكاوش امدابزين
نوال:عرفتي راجل الى بغيتي تحكيه وتنتاقمي منو ماشي بالمضاربة ديالك تسحابي راسك فالمصارعة مع جون سينا راه راجل يكون صعصع بغيتي دبحيه هي تقادي وتلبسي ودفعي عليه كبير يولي تابعك وماشتيش وتكوني تحلوني عليه ويلي ويلي اما كاع الى هتميتي مزيان شوية تنخليه ايولي بحال داك لي قطعتي عليه لما وضو
إيثار:الله عليك اخويا كريم ومعامن طحتي مع لفعة كركيطة اياه ابنتي كملي دابا انا الى بغيت نتاقم من هاد بلارج على ديك كلمة عبد المولى لي حلاها فيا فحلقي كطلع وتنزل اش اندير
نوال:حلي معايا ودنيك مزيان،اسر كان فالحمام كيدوش ومنظر إيثار قدامو كتغني وتشطح بعفوية وطفولة طلق لما بارد عليه كثر وكثر
آسر:تايغر توكض على أخر يامك تولي بحال مراهق لا خاص ندير شيحاجة بقا كيفكر شحال خدا قرار
قرار وناوي ينفدو،إيثار قطعات مع نوال وعينيها كلهم شر وكضحك عاجبها لحال مشات لدريسينك لبسات انصوبل مينيا مع تريكو قصير ديالها بشيبي مزوقين مع دجاكيط هزاتو فيديها وسبرديلة فرجليها بيضة رشات من ريحتها عطات لماكلة لكلابها وخرجات على برا ملقاتش آسر مشات لكوزينة لقهوة لقاتها واجدة دارت كوفيتير فالخبز وكلسات كتفطر حتى خرج آسر من لباب دالبيت خلاها حتى خرجات عاد دخل خرج لابس سروال بيض تيشورت فلكحل وكيهضر فتيليفون قشع اش لابسة ودور وجهو باش ميتأترش
آسر:وي لويس كيف كتسمع مني واش بغيتي نكملو هادشي بغيتهم دابا ياخدو اول طيارة ويدخلو معايا فهاد لعملية هادي كيفاش مشاو لمغرب دبر راسك أهم حاجة عندي بغيت ظابطة هناء ولعميل أنور ياخدو اول طيارة ويجيو لهنا مفهوم لويس ولا كنحلف بالله لمعبود لا كملت هاد لخدمة هادي، قطع عليه)شاف جيهت إيثار
آسر:الى ساليتي نوضي خلينا نمشيو
إيثار:انا واجدة يالاه، هزات تجاكيطة ديالها لبساتو وسبقاتو خرجات مع حلو لباب تحل لباب طاح جوا عليهم هزو آسر دورو مكايبان فيه والو فتحو لقا فيه ورقة بيضا مافيها حتى كتبة خاوية
إيثار:شنو هادا
آسر:اجي معايا، مشاو جيهت لاسانسور دخلو وسدوه طفا ضو فيه
آسر:جبدي لعكر لي كنت عطيتك،فتحات إيثار صاكها جبداتو عطاتو ليه، لصق لورقة مع لحيط وسلط عليها واحد ضو فالحمر من داك لعكر بدات كتبان ليهم كتبة بحال الى مكتوبة بزيت
"كنصحكم نصيحة وبلاما تعدبو راسكم ولا واحد فيكم يمكن يتعرض لخطر لوزير ميت ميت كلكم متراقبين اه انسة إيثار كنتمنى طعم ديال مشروب سنغافورة يكون عجبك مرحبا بيك"
إيثار:ولد لكلبة كتليك لبارح راه شي حد تابعنا ومتيقتينيش كلتها ليك
عندنا ميدار خرجو من لاسنسور وصى الامن لي عند لباب يحضي داخل ولخارج لحق على إيثار طلعو لطوموبيل وديمارا
إيثار:شكون هناء وأنور،شاف فيها آسر ورجع كيسوك
آسر:هادو من أحسن ضباط لي خدمت معاهم
إيثار:ممم واش هوما مغاربة
آسر:لا من لبرطقيز وراه باينة مغاربة
إيثار:امالك انت صابح شاعل ياك لباس كنكولو نهضرو بداب ونديرو هدنة بيناتنا ونديوها فخدامينا ولكن انت لا كيسحاب ليك راسك بنادم خايف منك ولا واجمع راسك راه بديتي كطلع ليا جنية لراس وزوينة هادي، تبسم آسر سايك ومبسم، إيثار حاضياه معجبة فيه
إيثار:ياربي طلبناك سترا وسلامة ياربي تخرجنا من دار لعيب بلا عيب بنادم كيكون فحال وتلقاه فحال كون غير بويا عومار مزال محلول حتى هو سدوه الله يستر، آسر مجاوبهاش نهائيا وقف طوموبيل قدام واحد لاصال ديال فيتنيس وزومبا،هبط وتبعاتو إيثار دخلو ستقبلاتهم لمسؤولة على تما داتهم لقاعة كبيرة دخل من بعد دقايق دخلو عندهم بنت او ولد ديبورا والونسو اساتدة ديال رقص لاتيني بداو معاهم من اول خطوات الونسو مع إيثار وديبورا مع آسر،ديبورا مالقاتش اشكال مع آسر نهائيا محتارف فجميع انواع رقصات إيثار لي خدات وقت مع الونسو
ديبورا:دابا جات نوبتكم بجوج تفضلو، خداها آسر بين ايديه لحمها رطيطب وريحة وردة لياسمين كتغلغل لنيفو سيطرات على لحواس ديالو بقات غادية معاه فنفس لخطوات لحظة معرفاتش كيف دارت حتى بجغات ليه على رجليه
آسر:اوتش واو هادو رجلين بنادم ولا رجلين لفيل
إيثار:بزاف عليه ولهلا يحييك كنلبس غير 37 مالك على بوحاطي
ديبورا:مطرا باس راه كتوقع حاولو مرا خرا غير بشوية وبلهدوء
إيثار:كوليه هو يتكالما وهو غير معبس
ديبورا:إيثار غير تهدني وطلقي راسك كيف درتي مع الونسو واخا ممم عندي فكرة حسي براسك انو لي قدامك شي واحد
أنثى الأسد الجزء السادس
محتوى القصة
التنقل بين الأجزاء