ديبورا:حيتاش انا والونسو انكونو لمدريبين ديال لمشاركين خلال لمسابقة انا كلت واش فخباركم على قضية رقص الانفرادي لمهم رقص اللاتيني
اللاتيني انخدمو عليه معاكم انو والونسو اما بنسبة لانفرادي كاين لي يخدم معاكم واخا وكنتمنى ان شاء الله نكونو فالمستوى نهار لمسابقة يلاه نتشاوفو من بعد، خلاو إيثار وأسر غير كيشوفو، خرجات إيثار وتبعها آسر ركبات فطوموبيل طلع جنبها آسر إيثار ساكتة حتى نفاجرات عليه
إيثار:اويلي على غدايدي على تواخر زمان إيثار بونجوم تهز لبوط وتشطح رقصني ياكدع على واحدة ونوص والله الى داكشي لي ناقصني فلحساب كاع كنت كنتوقعو حتى لهادي خرجات ليا فجنب، آسر للحظة تكرشخ بضحك كيضحك حتى دمعو عينيه
إيثار:وليت ضحكة انا على اخر يامي ياه وتاك ضحك
آسر:لا والله مهكاك ولكن انت وشرقي ميمكنش نتخيلها والله
إيثار:كتخنزر) بلاما تبقى تفرنس راه اصلا لي فيا كافيني والله ناري ياعيباد الله عمري حسبت حساب هادشي
آسر:وراه الى جيتي تشوفي مزيان هاد لقضيةبعدا تعلمي حتى الى تزوجتي تعرفي تشطحي راجلك، خنزرات فيه إيثار
إيثار:نشطح ليه داكشي لي بقا نيت لقا ليا شي حل أ آسر، بدات دبل فعينيها آسر على حجبانو كيشوف فيها
آسر:هاي هاي على لحنان طاح عليك اشمن حل هادشي راه داخل فخطتنا ميمكنش نرفضو هادشي ولا نبدلوه ولا كلشي ايتضرب لينا فزيرو مدام بدينا هادشي بجوج إلا وخاصنا نكملوه بجوج فهمتيني؟
إيثار:ويلى كان بصح هكاك منين جات هاد رسالة هادي طاحت من سما
آسر:شوفي هنا، تقل لقطة كيبان جوا طاح من شق ديال سقف شافت إيثار فيه وشاف فيها ناضو دقة وحدة بجوج فتح آسر لباب على عينو فسقف كان عالي دخل هز كورسي وطلع دق بيديه على سقف عطاه صوت كاتبان لي شقة
آسر:مدي ليا شي موس،رجعات دخلات هزات موس ورجعات عطاتو ليه دخل لموس فشقة وزول طرف من سقف لي كان غير كرطونة لونها فلون سقف تحتها كان بحال شرجم مضلم شاف فإيثار
"سيدي هاد سقف فوق ديالو كانو مجاري ديال ولكن تصداو وتسدو شحال هادي
آسر:صافي سيرو
ايثار:هدا لي حط لبرية مطور عرف لاوطيل مراقب هبك من قرقارة ديال لما بحال طوبا لعبها مزيان ولد لحرام، آسر غير كيشوف وساكت
إيثار:فاش كتفكر
آسر:دابا غادي تعرفيني فاش كنفكر!!!!...
هز آسر كرسي ورجعو تحت ديك لفتحة طلع وحاول يخشي راسو مقدرش حيت كتافو عراض ولفتحة صغيرة رجع هبط كيعاير
آسر:لفتحة صغيرة مقدرتش ندخل فيها
إيثار:انا ندخل غير كوليا شنو ندير،شاف فيها آسر
آسر:بون شوفي اتهزي معاك هاد بيل ياك وتحاولي دخلي وتبعي طريق ديال ديك لمجرا وشوفي فين اتخرج اوك ردي لبال لراسك، هزات ايتار لبيل بفمها وطلعات فوق لكورسي تعلات بقات كتحاول حتى تخشات فالفتحة بقاو رجليها دغية سلاتهم وغبرات بقات غادية وسط ديك لمجرا غادية وكتحبو ومضوية بلبيل دارت على ليمن ديالها ومتبعة وهي غادية كتبان ليها شيحاجة كحلة ضوات غليها باش توضاح ليها صورة كتبان ليها قطعة وحدة من صبعيات هزاتها دارت فسوتيماتها وكملات طريق بان ليها سلوم صغير طلعات فيه علات عينيها شافت واحد دائرة ديال لحديد وصلات عندها بقات كتحاول معاها حتى كحزاتها علات راسها كيبان ليها شارع طلعات منها دارت وراها كيبان ليها لوطيل بقات واقفة شادة على راسها كتشوف يمين وشمال حتى عيات ورجعات لوطيل لقات آسر كيعلي فعينيه كيتسناها تهبط
إيثار:هاني، دار عندها
آسر:كنت كنتسناك ترجعي من هنا
إيثار:بنت ليك فارة راه تخنقت ريحة لغمولة وريحة صدا كتقهر شوفي كي ولات حالتي شوهة خاصني تدويشة بصبون ولحنة
آسر:امضرا شنو لكيتي
إيثار:ودخل بعدا انبقاو هنا، دخلات وتبعها دارت عندو خشات ايدها فصدرها خرج عينيه كيشوف فيها
آسر:اش كديري سيري دوشي بعدا هو لول وديك ساعات نن...
إيثار:ننن أش شد هاك عقلك خامج فين مشيتي
آسر:فسن انمشي والو فين لقيتي هادي
إيثار:فاش كنت لفوق لقيتها طايحة قلبتها نعرفتهاش واش رجالية ولا ديال مرا
آسر:حنا غادي نشوفو غادي نسول سيري دوشي راه ريحتك عطات، دخلات لدوش وخلاتو كيقلب فديك صباعيات لقا فيها تيكيت بماركة معروفة دخل لانترنت
لانترنت بدا يقلب حتى خرجات ليه انا نوع ممكن يلبسو هاد صباعيات نتيجة لي عطاتو مفادتو فوالو بلعكس غير مدخلاتو فمتاهة كبر خصوصا انو هاد صبغيات كيلبسوهم رجال وعيالات بقا شحال كيخمم هز تيليفون وعيط على ريسيبشن طلب منهم لغدا،إيثار كتغسل ودندن مع رساتها سلات وحسات براسها خفيفة لبسات بينوار وخرجات مشات لبيتها تكات بلبينوار كتشوف فسما وتفكر فلهضرة لي كالت ليها نوال لعبات بحجبانها وجاتها ضحكة خدات بيسي ديالها شعلاتو ودارت ليفيديو ديال رقص شرقي كتفرج وتاكول فواحد ليمونة كانت حدا راسها الكس وسام كيلعبو حداها وروني جامع ايديه وناعس
إيثار:ظابا انا انعرف نلوي بحال هادي راه مسارني ايتلواو يوليو على شكل ضفيرة مفيهاش بففف مشكيلة هادي والله، تفتح عليها لباب ودخل آسر كيشوف فيها مدة بحال الى توتر منين شاف منظر ديالها بلبينوار
إيثار:مالك ياك لباس بغيتي شيحاجة
آسر:احم لا والو لبسي حوايجك راه ايضربك لبرد متنسايش خاصك متمرضيش فهاد لفترة هادي
إيثار:هيهيهي مسيكين لا مديرش فبالك انا كاعما كنمرض واخا نبقا ابلكرصون غير سير
آسر:مابغيتيش تغداي؟
إيثار:واخا هانا جايا،سدات بيسي وتبعاتو كلسات طبلة كان فيها طباسل كتار من سلطات وشربة ولحم بصوص بدات كتاكول متسناتوش
آسر:واش منوياش تبدلي حوايجك،فمها عامر علات عينها فيه
إيثار:واش عندك شي مشكيل انا وياك بحال بحال راه غير عبد لمولى هدا اصاحبي مابينتناش فرق واخا نتعرا كاع حداك هانياتون، ضحكات ليه وكملات ماكلتها سكتاتو ورجعات ليه صرف معرف ميكول قرب تبصيل قدامو وبدا كياكول مكيشوف جيهتها نهائيا تدق لباب رجع لكرسي ديالو وناض فتح بقا شوية ورجع
إيثار:شكون كيدق
آسر:مساعد موسيو لي عندو هاد ليلة مؤتمر صحفي وخاصنا نكونو حاضرين معاه
إيثار:هي خاصنا شي لباس رسمي؟؟
اسر:لا بلعكس مخصناش نتيرو شبوهات خاص يكون كولشي عادي لبسي لي عجبك من لحسن تلبسي شي سروال وشيحاجة
إيثار:ماشي شغلك لبس لي بغيت، كملات مكلتها مشات غسلات فمها ورجعات لبيت سداتو عليها.
آسر:خاصني نخرج نبدل ساعة بخرا قبل مندير شيحاجة لي غادي ندم عليها، هز سوارت طوموبيل وخلى داكشي فوق طبلة حتى تجي لخدامة تهزو وخرح سمعات إيثار لباب تسد فتحات لباب طلات لقاتو مكاين رجعات وتكات فوق نموسيتها نعسات بلبينوار،دار آسر حتى ل 8ديال لعشية عاد جا لمؤتمر ايكون مع 9دليل دخل كيقلب على إيثار بعينيه ملقاهاش عرفها اتكون ناعسة حفظ تصرفاتها مشا نيشان لبيت فتحو لقا إيثار حالة رجليها نشراهم بينوار مهزوز سليب حمر كيبان مشيبك مبقلش كمل رجع كيسوط كيف لحنش
آسر:صافي صافي انغوت انفاجر انا واش نمشي نخرج غير نسي ونتلف نجي نلقاها ناشرة ليا رجليها ورجيلاتها لبيضين باينين لا لعداب هادا اختبار تحت ضغط منقدرش نفيقها منقدش ندخل انسوني ليها صافي انسوني ليها داكشي لي اندير، هز تيليفونو باسا نمرتها بدا تيليفون كيسوني والو لا حياة لمن تنادي
آسر:على رجلة كيدايرة واش انا دابا خايف منها ولا مالها اتاكولني نزعم وندخل عادي اول مرة انشوف مرة بالبينوار كنشوفهم عريانات وممسوق وليت بحال دري صغير صافي عادي دخل فيقها مافيها والو، دخل عليها لبيت مشافش جيهتها
آسر:إيثار إيثار نوضي راه تابعنا لخدمة(كيحرك فيها)إيثار اووف، جبداتو من ايدو عنقاتها
إيثار:صافي ابيبيس اشوية
آسر:شكون هاد بيبيس؟إيثار ونوضي خلاص، هزات ايدها كدوزها على شعرو
إيثار:حبيبي ماماه صافي براكة من بسالات اجي حدايا، آسر صافي مبقاش قاد يتحمل مزال نصل ايدو منها بجهد حتى قفزات من بلاصتها
ايثار:شنو كاين ياك لباس
آسر:واش انت كتقيلي ولا تغيبي شكون هاد بيبيس هدا تاني
إيثار:صافي بلاما تزيد فيه بيبيس هو الكس حيت فيه هاد لقاعيدة
آسر:يلاه خلاص وجدي راسك واخا
إيثار:ممم واخا واخا،دخلات لحمام تغسل حالتها، رجعات لقاتو كيلبس فحوايجو مع راسها وبدون شعور(شحال كيجي معاه سبور)لبس سروال بيض وتيشورت بيضة فوقها تجاطيط فالخزي على عينو فيها
آسر:شنو كتسناي
إيثار:ممم خرج بغيت نبدل
آسر:ياك اما وانت واحد وانت بحال صاحبي بدلي انا شديتك، خنزرات فيه ومشات فتحات دريسينك كتشوف شنو اتلبس هزات تريكو فالحمر وميني جيب فالكحل حيدات بينوار بقات بدوبياس فالحمر دارت لقات آسر مكاينش بدات كضحك مع راسها
إيثار:فيه غير لقمونة دغية هرب
آسر:(هو على برا) بغات تشللني هاد لبنت دارتها على قد فمي وتعرات قدامي، بقا كيتسناها حتى خرجات جات فنة وكملات لبسة بليبوط فالكحل شعرها كيبري وريحتها سابقاها
آسر:يلاه خاصنا نرافقو لوزير، مع خرجو خرج لوزير من بيتو ومعاه لمونيكة ديال مراتو هبطو فلاسنسور للقاعة لتحت لي كانت مجهزة صحافة وناس كتصور لمؤتمر كان بخصوص الاضافات لي ايضيف موسيو لي بنسبة للقطاع تقافي إيثار وأسر واقفين فواحد جنب تحت لخامية
آسر:لبسة سناطة ديالك
إيثار:اه هاهيا فودني
آسر:مزيان حلي عينيك انا انمشي لداك لقنت نحضي ناس لي داخلين، بعد عليه بقات كتشوف فيه
إيثار:ولد لحرام من فعلو على ريحة دايرة كتحمق
آسر:الى بغيتيها نعطيها ليك راه كنسمعك متبقايش تهضري بجهد
إيثار:على اساس انا خايفة منك، مجاوبهاش الأمور حتى لدابا مزيانة مكاين حتى حاجة كتير شبهات
آسر:كلشي مزيان، قفزات إيثار من بلاصتها
ايثار:بسم الله الرحمن الرحيم منين طلعتي كولشي مزيان حتى لدابا مكاين والو،
"تايغر"مع لمسة على لكتف، دار آسر ومعاه إيثار لبنت لي كانت قدامها لوحة فنية متكاملة غزالة خدات حقها فزين شعر رطب كحل طويل
عرس كتركبي بيه؟؟
إيثار:انت شش هههه، شد ليها أنور فيديها باسها ليها مع على عينو غمزها، عينين إيثار بداو كيفرفرو بحال ديال مونيكات
آسر:احم انور هناء اجيو معايا شوية، شاف فإيثار لي دايبة شادة ايديها كتبسم غير بوحدها
آسر:هيه انت جمعي راسك وحضي جنابك راه حنى خدامين زعما،
إيثار:ازرق لعينين مخلا ليا عقل صافي سير سير وساليو دغية ورجعو عندي واخا أخخ هادي اجمل واحسن مهمة اندوز، آسر كرز على ايديه حتى لمفاصل ديال ايديه بانو حس براسو غادي يطرطق بالاعصاب جر إيثار من ايديها بحال لبنت صغيرة مطلعها معاه نسا لاسنسور كولشي كيشوف فيهم شاف فيه انور وهناء مفهمو والو هيا امعجبة فيه كتملص منو والو هزها وطلع كيجري بيها فدروج حتى وصلو لشقة ديالهم حل لباب ودفعها
إيثار:اش كدير واش حماقيتي
آسر:اتبقاي هنا حتى نرجع تلهاي مع كلابك وظاك أنور لي عاجبك حيديه من بالك مفهوم؟ مخلاش ليها لمجال تهضر سد لباب وساروت خلاها كضرب فالباب وتعيط حتى عيات وسلمات أمرها لله وكلسات.
دازت مدة حسات بجوع ناضت لبيت بدلات حوايجها حلات باب لبيت خلات روني والكس وسام كيدورو وهوما امحبوسين ودخلات لكوزينة لبسات طبلية حلات تلاجة كتشوف شنو كاين توجد دارت لي بات بصوص بيشاميل ولكفتة صليباتهم ودارت حسوة سخونة كتوجد وتغني وتنسي جنون لي دار فيها آسر سلات حطات كولشي على طبلة زوقاتها وقداتها حطات كليباتها كل واحد فالكرسي وهي على راس طبلة
إيثار:وشفتو على راحة واخا هكاك هداك لكلبوشي سد عليا ولكن هناني من خنشوشو ومن لوقيف بسوايع فداك لمؤتمر لممل خزيت دابا ناكلو على خاطر خاطرنا، هطات لكلابها مكلتهم وحطاتليها كتكول بشوية وتنشوا فالماكلة سلات وعركاتها هزات لماعن دارتهم فلامشين الافي مع سلات تحل لباب دخل آسر شافت فيه مهضراتوش
آسر:كنشم ريحة طياب
إيثار:لا رد
آسر:خليتي شيحاجة
إيثار:خدامة عندك لي بغا شيحاجة راه لكوزينة يدخل ليها ياكما شادني بشهرية، ضربات فيه ودخلات لبيتها خلاتو غير كيشوف فيها نباها من برا
آسر:يمكن لبا نعرف سبب عاد تصرفات ديالك؟، وقفات عند لباب وشيرات ليه بصبعها
إيثار:نسولك انت اشمن حق عندك تحكم فيا تكولي لي ندير ولي مندير يمكا والدني وناسيني حنا بجوج خدامين ممنحقكش تسد عليا فهمتي
آسر:اه وانا نفهم دابا انت بقا فيك لحال سديت عليك ولا بقا فيك لحال مكملتيش سهرة مع أنور أأ
إيثار:هههه سهرة مع ازرق لعينين اتجي اتجي وهانا وهانتا وزايدون ماشي شغلك هو عاجبني وانت ايه انا وانت بيناتنا لخدمة ماشي داروك حاريس عليا يلاه تصبح على خير، سدات عليه لباب وهو مزال مكمل هضرتو حس براسو تزير قمعاتو قمعة خايبة بزاف دوز ايديها على راسو لاول نرة مكيعرفش شنو ايدير هو اصلا مفاهمش راسو بعدا علاش كيتصرف هكاك آسر واش كتعجبك
آسر:طبعا لا شنو ايعجبني فيها لا طريقتها فلهضرة حتى حاجة
آسر:معرفتش ومعنديش باش نعتارف ومن بيوم فصاعدا دير لي بغات شغلها هداك انا وياها كتجمعنا غير لخدمة وسالينا،سد لحوار ديالو مع راسو رجع هز سوارت طوموبيل وخرج زدح وراه لباب.
طلع صباح جديد مخبي بزاف دالحوايج معاه فاقت إيثار بكري على غير عادتها دخلات لحمام قدات حالتها خرجات على برا كتقلب بعينيها مبان ليها حد
إيثار:فين ايكون مشا هدا على صبيحي بفف وانا مالي،رجعات لبيتها لبسات سروال دجين تيشورت بيضة قصيرة وبوليرو هابط فالكحل خلات شعرها كيف هو مصيباتوش خرجات وجدات فطورها حطات ماكلة لكلابها وعي راجعة سمعات دقان مشات جيهت لباب فتحاتو على أنور فيها راسو تبسم ليها
إيثار:ممم فهمت صافي ايكونو مع بعضياتهم مافيهاش هداك بو عيالات انا لي
انا لي عارفاه
أنور:معرفتش والله جاتني عجب كيف كتهضري عرفتي تايغر عمر شي حد تجرأ يدور فيه ولا يرد عليه لهضرة نهائيا لكبير وصغير كيحتارمو هو رقم واحد فخدمتو لولة وحتى ديال دابا كولشي كيتمنى يخدم معاه وكولشي كيدير ليه الف حساب
إيثار:حتى لهاددرجة علاش زعمة
أنور:واخا تشوفيه قاسي ولكن طيب بزاف ويفديك بحياتو الى جابتها لوقت الى جاتك فرصة تشوفي ضهرو ايبان ليك فيها شي ندبات خفاف شحال من مرة غامر براسو فالخدمة وتصاب بالقرطاس وانا واحد من دوك ناس لي حماهم
إيثار:ممم زيدك لبلارج مسويهلش كنت مدية عليه نظرة غالطة صراحة دابا كبر فعيني
أنور:كلنا كبير فعينينا
إيثار:خصوصا هناء ياك هههه
أنور:الله أعلم مهم الى بغيتي انا نوصلك الى ايتعطل
إيثار:اه واخا تسناني نجيب ساكي ونجي، مسحات فمها ناضت دخلات لبيت ورجعات عندو داير ايديه فجيبو وكيتسناها خرجو لجوج سدات لباب وراها وهبطو بجوج كيهضرو ويضحكو مع بعضياتهم لخرجة لي خارجين من باب لوطيل حط أنور ايديه على ظهر إيثار مع لحطة مع مجية ديال آسر ومعاه هناء شوفات لي كانو فعينيه بحال سهم كلها شرر
أنور:هانتوما صباح نور
هناء:صباح لخير فين غاديين
إيثار:أنور ايوصلني لتدريب
آسر:برود) وقيلة انا وانت لي ثنائي ولا كدبت
إيثار:مكدبتيش كتفكر الي بغيتي انت لي يمكن نسيتي شحال ساعة راه مشا لحال ودابا خاصني نكون تم
آسر:تسنايني نبدل ونجي نمشيو
إيثار:لا على راحتك لصلا عندي تدريب انفرادي هو لول أنور ايوصلني غير خود راحتك حتى نتلقاو هاني مشيت، شافت فأنور"يلاه انور تعطلنا"
أنور:يلاه نشوفكم من بعد، دار ايدو ورا ظهر إيثار حتى لحدا طوموبيل فتح ليها لباب حتا دخلات ومشا هو ساك كولشي هادشي تحت نظرات آسر لي داير وكيشوف فيهم هناء كتكلم فيه والو وتكول واش جاوبها
هناء:آسر
هناء:اسر راه كنهضر معاك زعمة واش غادي نبقاو هنا
آسر: أهاني تابعك،دخلات هناء وتبعها آسر دخلو لشقة لي فيها اسر وإيثار
هناء:واش إيثار فراسها
آسر:راك شفتيني يلاه جيت وهيا خرجت زربانة خليها حتى نرجعو ونكولها ليها 14فبراير هو عيد لحب وفنفس لوقت هو افتتاح ديال لمسابقة ولاد لحرام بغاو يستغلو لفرصة تكون دنيا عامر باش باش ينفدو لخطة ديالهم مزيان
هناء:داكشي فاش فكرت حتى انا امتا وصلاتك لبرا انت
آسر:لبارح منين رجعنا من لمؤتمر مكانش فيا نعاس كلت نتمشى هزيت سوارت ديال طوموبيل طلعة لي انطلع فيها لقيت ورقة فوق زاجة وفيها نفس لكتابة بالأشعة لغير مرئية فيها"14فبراير عيد الحب ولكن ممكن يكون نهاية حياة شخص أخر"رسالة ممفهوماش بعدا تخربيق ألغاز
هناء:سير دوش بعدا خاصك تخلط على إيثار نسيتي
آسر:والله حتى نسيت تسنايني هنا نبدل ونجي، دخل آسر لحمام دوش عليه عاد رجع لبيت بدل عليه لبس سروال كيطمة تيشورت بيضة قبية فالبيض وزرق ونظاظر دشمس خرج هز سوارتو وتيليفونو وخرج هو وهناء شدو طريق عند إيثار وصلو بلاصا طوموبيل ودخل هو هناء لاصال مشاو نيشان لقاعة فين كتكون تدريبات درقص دور آسر لبوانيي وفتح لباب مع على راسو بقا واقف متحركش كانت موسيقا ديال طانكو خدامة وأنور واخد إيثار بين ايديه كيشطحو واحد كيشوف فعينين تاني محاسينش باش كيوقع حداهم آسر دقات قلبو كيضربو لغدايد شدو مكرهش ينزل على أنور بشي بونية يسلخو تحكم فراسو حتى سلاو شطحة ديالهم اساتدة لي كانو ضربو ليهم رش
ديبورا:إيثار شنو وقع ليك هاد نهار تبارك الله عليك برافو
آسر:وتبارك الله لالهم إيثار جتها من لجنت وناس مزيان
ديبورا:دابا ندوزو للمفاجأة إيثار واجدة؟
إيثار:الله يسمعنا خير
ديبورا:ايوا الالة أول حاجة هو عندنا ليك هدية لبسة لي اتلبسي يوم لمسابقة اتكون منا ليك وتاني حاجة هي اتجي معايا دابا باش تفرجينا واش شديتي شيحاجة ولا والو
إيثار:كتشوف فيهم) واش قدامهم
أنور:علاش عادي انا شفتك كبيلة وتبارك الله عليك كتعرفي غير كنت فالاول متخولة وصافي، آسر مطلع حاجبو ومبسم كيشوف فيهم بجوج بحال الى كيعرف بعضياتهم شحال هدا
آسر:اه علاش لا هادو غير حنا
ديبورا:يلاه اجي معايا، خرجات ديبورا وتبعاتها إيثار دازت مدة قليلة دخلات ديبورا شاقو فيها كيتسناو فإيثار بدا صوت لخلخال كيتسمع نغمات ديالو كولشي عطا انتباهو لباب خصوصا آسر متشوق يشوفها مع رمات اول خطوة برجيلاتها لبيضين آسر تبنج طلعها وهبطها كيف كتبان لعقيق لي على جبينها الاكسيسوارات فعنقها كسوة فشيبي كلها منبتة بالحجر كرشها عريانة وصايا دايرة بحال نص ديال حورية لبحر معريين من جناب وفيهم وردة منبتة تمات داخلة وأسر متبعها بالعين مسحور فيها كتبان بحال لفراشة لون ناسب لون لبشرة ديالها، خدات ديبورا ستيريوا على أنغام أغنية"يلا بينا يلاه"بدا جسم إيثار كيتمايل من جنب لجنب كرشها لي كانت كلها كترعد لخلخال لي كلما لعبت برجليها كيعطي صدى ديالو ايدها لي كانو كيمشيو ويجيو بحال الامواج فعلا كانت بحال لفراشة، آسر غير كيسرط ريقو دار عند أنور لقاه حال فمو ليها معرفش كيفاش حتى حط ايديه على عينين أنور غطاهم ليه باش ميشوفش فيه، هي مزال مسلات مشا جيهت ستيريو وفطع لموسيقى وقفات إيثار شافت فيه
آسر:براكة حتى لهنا شفنا لي خاصنا نشوفوه دابا مزيان ولكن انسة ديبورا علاش بضبط هاد لبسة يمكن تشطح بلبسة عادية او لا
ديبورا:لا ضروري من لبسة درقص تلبسها باش تقدر تدخل للمنافسة تبارك الله عليها عقلها خفيف ودغية تعلمات
تعلمات لحركات وملقيتش معاها حتى موشكيل شحال من وحدة خاصني معاه بزاف دالحصص ومكتعلم ولكن إيثار حصة وحدة شدات ومزال مع تدريبات جاية اتزيد تعلم
آسر:شكراً انسة ديبورا عدبناك معانا شباب مشينا
إيثار:مالك زربان فيك طيكوك بلاتي نلبس عليا حوايجي
آسر:ياك انت جيتي مع أنور رجعي معاه اش بغيتينا حنا، شافت فيه هناء بتعجب وحتى أنور
آسر:لبارح بليل كنت خارج ولقيتو فوق طوموبيلتي شنو بان ليك
إيثار:14فبراير هو عيد لحب وحفلة افتتاح لحفلة وضروري مغادي يكون سيادة لوزير واتكون دنيا عامرة ومخلطة دارسينها مزيان ولكن دابا هادا لي ناوي يقتلو موحال يستعمل لقرطاس ممكن يحط ليها شي حاجة فشراب ديالو يدك ليه شيحاجة كولشي ممكن
آسر:تنهد) حتى انا هادشي فاش فكرت ولكن خلصنا شي خطة باش ممكن نصيدو هدا لي ناوي يقتلو
إيثار:ممم بلاتي انا جايا، مشات لبيتها حيدات حوايجها لبسات تيشورت فليموني وسروال مهدول فزرق هاد جوج حوايج لي حتفضات بيهم من حوايجها لقدام خرجات عندهم حفيانة طلع آسر فيها راسو كيفاش ولات كتبان تبسم ورجع كيشوف قدامو جات حداه كلسات وربعات هناء وأنور واقفين كيشوفو فيهم بجوج نفس شدة دايرين ونفس شوفة، إيثار نقزات من بلاصتها علات حجبانها وضحكات
إيثار:لقيتها والله حتى لقيتها
آسر:شنو لكيتي شي كارتة من كوارتك، مداتهاش فكلامو جات حداه كلسات ودورات ايديها كلها على كتافو بحال شي
بحال شي صاحبو
إيثار:سمعني اصاحبي وطلق ودنيك الى كانو هوما مطورين حنى خاص نكونو مطورين كثر منهم
آسر:هناء أنور نشوفوكم مع 8 سيرو ترتاحو، خرج أنور وهناء دار آسر كيشوف فيها واقفة جامعة ايديها وكضرب برجل وحدة فالارض
إيثار:مالك كتشوف فيا ياك لباس
آسر:كيفكر) كنشوف فيك كنفكر كيفاش نقتلك واش ندبحك بموس حافي ولا نسد عليك فشي بيت فيه الفيران وطوبات ولا نطلق عليك سراق زيت حتا تموتي ولا نعلقك من شفار عينيك ولا شنو ندير؟
إيثار:هههههه هههههه هههههه
آسر:واش كلت شيحاجة كضحك
إيثار:شفتي هادشي كامل لي كلتي مكيخلعونيش انا وطوبات ولفيران صحاب كنشدهوم من قزيبتهوم وكنجبد فيهم ونلعب بيهم راه انا لي كندير ليهم تعديب اما سراق زيت كنشجدو من جعابتو ولاهيلة شحال من مرة خلعت بيه صاحبتي نوال الى بغيتي تعدبني شوف ليك
إيثار:هدا مالو غير كيدوش فصباح ودابا وليت كنشك فيه هو وديك هناء زعمة يكونو داروها فطوموبيل ويلي ويلي الله يمسخو كثر ماهو ممسوخ فيه دودة ديال سبعات ريوس حسن عوان هادي لي اتديه مسكينة هزيت ليها لهم من دابا انا اش كالسة كندير نوض نشوف هاد بلارج فين داير تيليفونو نمسح داك لفيديو لي كالس نهار ومطال يهددني بيه، وقفات على ريوس صباعها كتقلب فصالون والو فالبيت والو مخلات فين قلبات
إيثار:هدا فين ايكون دار تيليفونو يكما دخلو معاه لحمام؟ مشات جيهت لحمام فتحاتو طلات براسها لما مطلوق ورواق كيبين غير خيالو كدور فراسها بان ليها سروالو محطوط مشات كتسلت جيهتو هزاتو قلباتو لقات علاش كتقلب هزات تيليفون ورجعات سروال لبلاصتو جات خارجة وهي توقف دارت تبسمات بشر ومشات جيهت روبيني لي مدوز لما لحمام سداتو وتسد لما وهيا ميتة بضحك
آسر:مال هدا؟، كيضرب فيه ويحل والو
آسر:كيعيط) إيثار إيثار،هي ميتة عليه بضحك
إيثار:اشنو كاين اش بغيتي؟
آسر:شوفي لما مالو واش مقطوع ولا مالو
إيثار:لا ممقطوعش انا لي رشقات ليا وسديتو، طل براسو لي كان كولو صابون وشومبوان مغمض عينيه
آسر:براكة من لبسالة طلقي لما
إيثار:لاءح مابغيتش اش ادير؟
آسر:شوفي اديك رجلين حنيقزة والله ومتحلي لما الى حسابك معايا هاد نهار اتندمي عليه حياتك كاملة
إيثار:أ والله واخا تكلس تهدد تماك نهار كاملو لاحليتو غير بشرط واحد
آسر:إيثار متصعرينيش هاد نهار راه نفوت فطسيلتك شي ضربة
إيثار:كتعاير والله لا حليت يلاه، آسر تعصب طلعات ليه جنية صدرو كيطلع ويهبط صرط ريقو وقرر يديها على عقلها
آسر:واخا واخا شنو بغيتي وتحلي لما
إيثار:بلاتي صبر،مشات كتجري جابت تيليفونها ورجعات
آسر:وفينك طلقينا خلاص بلا بعر
إيثار:واخا الى بغيتي نطلق عليك لما كول"بيني بيني"(سفنج لي فيه سنيدة)
آسر:شنو واش انت مريضة ولا مال طسيلتك هارب ليك لفرخ راه انخرج لوالديك طلقينا بلا لعب
إيثار:أه عندك الحق "بيني"مجاتش معاك صافي واخا يلاه كول "زعبول زعبول"(هو لهندي لي فيه شوك)
آسر:واااااع إيثار راه انخرج ليك والله يمعل جد بو شي ما كاع
إيثار:والله ومتكول زعبول لا طلقتو ومالك كون مفرتت وطالقها ممعانا حتى واحد لي يخسر ليك لبريستيج قدامو يلاه ازعم زعم"وكول زعبول بجوج دريال لحلاوة وطراوة"يلاه
آسر:واش من نيتك
إيثار:والله حتى من نيتي وريتي غير طلقنا يلاه كول زعبوول بحال الى كتصيح زعبول زعبول يلاه، آسر سلم أمرو لله
إيثار:باش تعرف راسك معامن نوريك بنت سي عمر علاش قادة كاليك يهددني وحل فمك دابا لما وريتهم تايغر كيبيع زعبول فلحمام ههههه كم انا شريرة،خرج آسر بان ليه بينوار لبسو وهو كيتحلف عليها
مشا جيهت
بيتها كيدق عليها ويدور لبوانيي والو مشا لباب لي كيدخل بين لحمام ولبيت حتى هو مسدود وهو يرجع ليها
آسر:إيثار فتحي لباب ولا والله حتى نهرسو
إيثار:سير فحالك حوايجك راه تما فيا نعاس اه وبلاما تحاول تهرس لباب اتهرس غير كتافك نسيتي لباب مصنوع من لفولاد يلاه نتشاوفو مع 8تصبح على خير أمول زعبول،
آسر:واخا نتفاهمو من بعد الالة إيثار مكنتسماش آسر لهلالي الما رجعتها ليك بغيتي غير تلعبي واخا، رجع لبس حوايجو وخدا بيسي كيخدم فيه. وصلات لعشية ناضت إيثار كتشبح مشات جيهت لباب حطات ودنها عليه مكاينش لحس حلفات متحل حتى تسمع حس انور وهناء مشات لحمام غسلات حالتها ورجعات لبيت سدات عليها من جديد
إيثار:غير صبري شوية وغادي تاكلي متحشميناش، رجعات كتقيس من هادي لهاديك حتى قرات فالاخير تلبس صايا طولة فالقهوي مفتوحة فجنب بفتحة طويلة مع حزام فيه وردة منبتة مع شوميز ديالها قصيرة من جيهت لكرش فتفس لون فيها عقيق رقيق كلها كتبري صباط عالي فالبيج داكن واكسسوارات ديالها جات سيكسي بزاف رشات ريحتها وبدات دور قدام لمرايا مكملاتش دورة سمعات ظقان وصوت آسر
آسر:واش انبات هنا فتحي لباب مابقاش لوقت خلاص
إيثار:شوف راه لبست حوايجي بغيتي دابز حتى نرجعو
آسر:وسربي خلاص فتحي،مشات جينت لباب فتحاتو دور راسو آسر طلعها من راسها لرجليها بقا واقف وكيشوف فيها مكيهضر مكيتكلم مكيتجها لبسيط عينيها شوفات ديالها وقفتها ريحتها حركو رغبة وحدة ليجات فبالو....
آسر بحال الى تخدر ولا كيهضر بلا عقل
آسر:عارف هادشي لي اندير مغاديش يعجبك ولكن مقادش نسيطر على راسي
إيثار:كيفاش مم..، مخلاهاش تكمل هضرتها حتى كان حاط شفيفو على شفيفها معنقها بيدو وايد شاظ بيها وجها إيثار محساتش حتى علات ايديها ورت عنقو كتلعب ليه فشعرو من لور وكتبادلو بوسة ورى بوسة آسر مبقاش قادر يسيطر على راسو مقدرش يبعد على شفيفها لحلوين لي دوبوه بحال الى عمرو باس شي بنت بعد شوية عليها عينيها نعسين مدمعين كيشوف فيها وحتى هي كتشوف فيه تبسم ليها ورجع كيبوسها بكل رقة وحنان، تسمع دقان على لباب دقة لولة مسمعوهاش هوما مزال واحد مشبع من تاني دقة تانية وتالتة فيقاتهم بعد اسر عليها وهو مزال شاد وجها بين ايديه
آسر:اخخخ مكنشبعش منك مكنشبعش من حلاوتك شنو درتي فيا اتحمقيني انحماق انحماق أ إيثار جننتيني، مخلاهاش تهضر بسها بوسة تالتة بجهد حتى خلى فمها حمر ورجع بلور خرج من لبيت خلاها واقفة مبلكة عينيها قلبها كيضرب تبوريشة طلعات معاها بدات كترمش وتستوعب شنو كانت كدير مشات كتجري لحمام دخلات سدات عليها حطات ايديها على لافابو علات عينيها فالمرايا حطات ايدها على قلبها وكتشوف فوجها كيفاس تورد
إيثار:اويلي اس درت انا والله حتى تباوسنا بوش ابوش اويلي منسواش انا واش هترت ولا مالي انت أ إيثار لي خليتيه يبوسك امادا قنانفك بلا حشمة بلا حيا وكالسة نلعب ليه لسعرو حيدي ليه نيت حوايجو انت وتهناي ولكن ولكن واخا هكاك فمو زوييين وشعرو زوين وطيطب وعويناتو اخخخ اميمتي اش كنكول انا لا لا صافي تسطيت إيثار ديري عقلك واش هترتي والله لحسو لابقيت مديت ليه شواربي ولا خليتو يمسهم واه ضسارة هادي اوووف شهيق زفير صافي دابا مزيان نعكرو لفيم، هزات عكر من ساكها ورجعات عكرات خرجات من باب لحمام باش مترجعش لبيت
لبيت تلاقا بيه لقات هناء لابسة كسوة قصيرة وصباط عالي وأنور لابس تريكو كلاس وسروال فنفس نوع كلاس فنفس لون لي لابسة إيثار
إيثار:هههه بحال الى متافقين
أنور:واييه ولكن انت قمر فهاد ليلة
هناء:هايهاي غير عي لي قمر انا لا زعمة، نباها آسر لي كن لابس تريكو لاصق وفيست فيها واحد لوسام إيثار طلاعاتو وهبطاتو لاول مرة كتحس بحال اعجاب تجاهو
أنور:إيثار مشينا
إيثار:أأ اه يلاه، عطاها انور ايديه شدات فيه تحت نظرات آسر هبطو بربعة بيهم خلاهم آسر مشا يهضر مع لحراسة ورجع عندهمشاف إيثار ركبات مع أنور وهناء ركبات فطوموبيلتو، شدو طريق لريستو تيك تاك ريسطو اوروبي لبناني ، نزلو مع دخلة ستقبلوهم وراو ليهم طبلة فين ايكلسو كل واحد خدا بلاصتو كلشي ساكت آسر مكابل إيثار وأنور شوفاتو ليها مد آسر ايديه تحت طبلة طلع طرف من صايا وغطا ليها لفتحة دارت شافت فيه خرج ليها عينيه حيدات ليه ايديه بلانا يعيق حتى واحد جا عندهم سيرفور حط ليهم لمينو شافو لي بغاو وطلبو بعدا مشروبات قدام طبلة ديالهم كانت طبلة خاصة وحدا خرا فيها ربعة رجال واحد فيهم كان مقابل إيثار وممنزلش عينو عليها حاضي تصرفاتها وحركاتها ضحكتها صحابو كيهضرو وهو كيشوف فيها غير هيا.
رجع سرباي بالمشروبات كل واحد حط ليه ديالو إيثار عاد اتهز كاسها حيدو ليها آسر
إيثار:اويلي كاسي هدا تسطيتي
آسر:شش بلاتي نشمو بعدا لايطرا ليك كيما لمرة لفايتا ولا نسيتي، شم لكاس لقاه مافيه والو ورجعو ليها، دازت سهرة كلها بضحك مع أنور وايثار تعشاو فجو مرح سلاو جا وقت شطيح نوض أنور إيثار تشطح توسطو لحلبة خداها بين ايديه هيا غير حالة فمها وضحك آسر حاضيهم وكيشرب فكاسو كون صاب ينوض يغزز أنور، سلات الاغنية لولة تمو راجعين انور وايثار أنور سابق وايثار متلية تلكا ليها شخص طويل
طويل شوية عينيه شينويين واشم طيهت عنقو ليكان من صباح حاضيه
"سمحيلي الى طفلت عليك ممكن تسمحيلي نشطح معاك كيف كتشوفي جيت مع صحابي ومامعيا حتى بنت الى كان ممكن
إيثار:سمحليا مكنشطحش مع لبراني، بغا دوز شدها من ايديها رجعها قدامو
"انا من صباح وانا مكابلك عطيني غير فرصة الله يخليك وكنأكد ليك ايعجبك لحال
إيثار:واش كتقلب على خلا دار بوك فهاد ليلة متشوفنيش دايرة كي ماريا شرابوفا وتكول هنا نبات راه انتقلب دابا نولي ليك عبيقة شمكار وسير قلب ستة تسعود حسن ليك
"واو كيعجبوني لبنات بحالك دابا زدتي عجبتيني شنو بان ليك ليلة نكملوها بجوج، حس بيد على ضهرو دار لقا وجه لوحش دالغابة عينين حمرين بشراب ولعروق خارجين
آسر:وقيلة سيدة هضرات معاك فالول بالاداب ومتسنطيش وكيف سمعتيها دابا يمكن كتقلب على خلا دار بوك فهاد ليلة وتمشي مكوفر لداركم
"هيا لي عندها حق تهضر شكون انت وزيادون سيد لي معاها هو لي خاصو يهضر ولا لا؟
آسر:كيخرج لعافية من نيفو بحال شي تور هايج دار ايدو ورا عنقو) لا انت ابابا انت ليوم وقيلة بغيتي تمشي لدارك مهرس من شي ضلعة، وقف عليه انور وهناء
أنور:آسر صافي بلاما نديرو شوهة، وقفو آسر بيديه وجهو كيترعد، طلع ركبتو بجهد لوجه شينوي خبطو خلطة وحدة خلى نيفو كلو كيجري بدم ضربو بالمرفق ديالو لكرشو زواه هزو من شعرو لور لي كان شادو بانضة بحال شي بنت داه وجابو وصطحو مع لحيط طاح
آسر:كيشير ليه بيديه) هاد لمرة حط ايديك على لحاجة لي ماشي ديالك، شاف جيهت إيثار مبقا قاشع والو هز ساكها وسوارتو وتيليفونو وجبدها من ايدها مجرجرها خارج بيها خلا انور وهناء واقفين كيشوفو، خرجها فتح باب طوموبيلتو لاحها ورجع دغية ركب وديمارا بزربة غادي سايك مكيهضرش معاها كتشوف فيه ومصغرة عينيها عمرها شافت حالتو بحال
أنثى الأسد الجزء السابع
محتوى القصة
التنقل بين الأجزاء