صفقة زواج من متعجرف الجزء 18
محتوى القصة
عند زينب لي جالسة هي و ايمن في كافي بعيدة شويا على المدينة و الصداع و خاوية كيهضرو
ايمن: كيفاش طرى و جرى حتى عرضتي عليا ياكما ناوية تشكاي ليا من ياسين
زينب: لا ناوية نزوجك
ايمن: هههههههه هاكدا يكونو الخواتات و الا فلا ضبرتي ليا في العروسة
زينب: لمياء
ايمن كان كيشرب القهوة غير قلت سميتها و هي توحل ليه و دفك القهوة و خرج عينيه و قال
ايمن: كح كح كح كح كيفااااااش 😳😳
زينب: اشنو لي كيفاش زعما معندكش شي حاجة تقولها ليا
ايمن متوتر : بحالاش هاد الحاجة
زينب: ايمن انا حاسة انك عندك شي مشاعر اتجاه لمياء
ايمن: اش كتخربقي ا زينب ل ل لمياء ر راه بحال ختي
زينب: ايمن علامن كتكدب راني ختك
ايمن: زينب عافاك سدي هاد الموضوع
زينب: اوكي على خاطرك مبغيتيش تهضر بلاش 😔
ايمن: اش غنقول ا زينب اش غنقول نقوليك باش كنحس من نهار تزادت و شفتها وجهها الصغير و عويناتها لي حلاتهم فيا و لا الحب لي كبر و انا كنشوفها كتكبر قدامي و كنحفظ ملامحها و تغييرها و كلشي حافظو ريحتها عينيها نيفها شعرها و مخبيه حيت انا لي ربيتها حيت تربينا على أساس خوت حيت خوها صاحبي و خويا و باباها هو لي رباني و ماماها مأمناني عليها اش غنقوليك كيفاش كنت معاها خطوة خطوة وهي كتكبر و حبها كيكبر في قلبي و فاش بدات كتعرف جات سولاتني واش انا خوها و شرحت ليها مبغيتهاش تعرفني على أساس خوها
كنت نجيب ليها اي حاجة بغات و ديما معاها انا و ياسين عمرني خليت شي حاجة تمسها و عمرني خليتها تتعرف على شي ولد ولا تدير شي علاقة و كانت ديما كتدير داكشي لي قلت ليها (ابتسم و هو كيتفكرها )
ولكن.....
زينب: اشنو لي ولكن هادشي كامل هازو علاش متعتارفش ليها ياكما خفتي متكونش كتبادلك نفس المشاعر
ايمن: لا انا عارف انها كتبغيني
زينب:😳😳😳😨 عارف و إلى مكانش هدا هو السبب اشنو لي مخليك معدب راسك و معدبها
ايمن: حيت كنت بلا هوية معندي واليدين لي يسولو عليا و الناس فينما يشوفوني يقولو ليا راه موسيو العلوي غير داير فيك خير هادي اول حاجة
زينب: ياك عاد ولينا بلا هوية
ايمن: ديك الساعة مكان عندي حتى واحد معارفش شكون انا و لا واليديا شكون كنت عارف اللقب فقط و ممستعدش نقلب عليهم و لا نعرفهم شكون أما دابا كاينة احسن اخت في العالم و هادي كنحمد عليها الله و نشكرو حيت بنتي في حياتي و خليتيني نعرف الحقيقة لي عمري كامل و انا كنهرب منها
زينب: يخليك ليا اوا الهوية و فهمناها اشنو آخر باقي مانعك
ايمن: ياسين و موسيو العلوي
زينب: علاش في نظرك ممكن يرفضو
ايمن: معمرني فكرت في رفضهم أو قبولهم لا كنت دايما كنفكر في التقة لي عطاوني و ذخلوني لدارهم و متخلاوش عليا داكشي علاش كنت كنبعد و كنكتم اي حاجة ممكن نحس بيها في الداخل ديالي و فاش درت 20 عام قررت نخرج من الدار قلت ممكن غير حيتاش قدامي دايما داكشي علاش ولكن اكتشفت انه لا غير بعدت وليت نفكر فيها اكتر و مراقبها اكتر درت علاقات مع بنات فلت ربما ننسى ولكن والو بقات ديما هي لي ساكنة هنا ❤ و ساكنة هنا ( كيشير لعقلو) حتى كبرات و بدات كتحس شي حاجة اتجاهي داكشي علاش بدلت معاملتي معاها باش منخليش مشاعري تتحكم فيا و باش تاني متنساش قرايتها و تبقى تابعة ليا الحب كنت مواعد راسي غنبقى معاها حتى تكمل قرايتها و داكشي لي كان بقيت ديما وراها في قرايتها غير كتفكر تدير هاك و لا هاك كتلقاني فوق راسها و دابا....
زينب: و دابا اش ناوي تدير
ايمن: والو
زينب: اويلي على والو باغي تطرطق ليا المرارة 😡 غتخليها لولد عمها
ايمن: هداك الكلب راه غير كيتفلى و عمرو يحلم بداك النهار
زينب: اوا تحرك دير شي حاجة او غتبقى هاكدا و إلى كان غير على ياسين انا نهضر معاه
ايمن: واياك لا ا زينب متندمينيش حيت عاودت ليك انا ممستعدش دابا وباقي عندي شي أمور خاصني نديرها و مني يجي الوقت المناسب اكيد غنقولها لكلشي زينب: حتالاين حتى يفوت الأوان
ايمن: عافاك ا زينب واعديني أن هضرتنا غتبقى سر بيناتنا عافاك
زينب: صافي وعد و لكن ا خويا خاصك تزرب قبل فوات الأوان و من وجهة نظري مغتلقى حتى مشكل مع موسيو العلوي بالعكس مغيلقاش حسن منك لبنتو هو لي مربيك و عارفك اش كتسوى
ايمن: يخلي لي انا لي كيرفع ليا المعنويات
زينب: واشنو راك اخي الوحيد و انا لي غنمشي نخطب ليك(حطات ايديها على كرشها) انا و بنتي ياك ا ماما
ايمن:صافي بصمتي عليها بنت
زينب: احساسي ههه
ايمن: ياك ا لالة حتى نتي عندك الاحساس(صغر صوتو و كيهضر مع الكريشة) حبيبة خالو هادشي لي سمعتي عنداك تقوليه لباباك
زينب مصغرة صوتها: متخافش ا خالو غير هو زرب بغيت ندردك في عرسك
ايمن: 😂😂😂😂
بقينا داويين انا و ايمن حتى داز الوقت و نسينا راسنا كان كيعاود ليا على ياسين فاش كان صغير ههه و حتى انا عودت ليه عليا و على الزبايل لي كنت كندير انا و حنان 😂😂
ايمن: والله حتى ماشي ليك الريزو لا نتي لا ديك صاحبتك ههه
زينب: ههههه
سر سر سر
زينب جبدات تيليفونها كيصوني: الو
ياسين: اياه الراجل يدخل للدار و المرأة باقا دايعة
زينب: وايلي على شحال في الساعة
ياسين: نسولوك نتي لي باقا دايعة راه 8 هادي
زينب: ههه صافي ها حنا جايين
ياسين: دوزي ليا داك البغل لي حداك
مديت التيليفون لايمن
ايمن: اش كاين مالنا على الصداع
ياسين: كيفاش مالنا رد ليا مرتي راني توحشتها و عمرك باقي تخرج معاها
ايمن: راه ختي قبل متكون مرتك سير حنا باقي عندنا ما يدار (غمزني 😉 ههه باغي يعصبو ) يالاه تلاح( قطع )
زينب: هههه علاش كتدير ليه هاكدا راه إلى شدك بيناتكم
ايمن: اشمن بيناتنا باينة غتجي منو غير كري العفريتة
زينب: ههههههه
ايمن: دايما كنت كنقول لياسين كون كانت عندي ختي كون زوجتها ليك
زينب: وايلي علاش
ياسين: حيت كنت اكيد انها غتكون مع الراجل المناسب لي يحميها و يصونها
زينب: و هاهو كلامك تحقق و فعلا ياسين مكينش فحالو
ايمن: عارف الله يكمل عليكم بالخير
زينب: امين و الله يهديك على ديك البنت مسكينة
ايمن: هههه زيدي قدامي راه راجلك غيخرجني في الجورنال
خرجنا و ركبنا في الطوموبيل و شدينا الطريق للفيلا
عند ياسين في الفيلا دخل للصالون جلس مع دارهم هبطات لمياء جلسات حداه
لمياء: فين زينب علاش مجاتش معاك
سوما: اه فينها
ياسين: خارجة مع ايمن
موسيو العلوي: خليهم نيت يجلسو مع بعضهم شويا راه يالاه كيتعرفو على بعضياتهم
ياسين: داكشي رانا خليتهم
فوزية كتفكر في خاطرها " اش هاد خيلوطة كيفاش يتعرفو على بعضياتهم و اش جاب داك الملقط لهاد العوجة لي واخد ياسين ضرني راسي"
عند مراد لي جالس هو و صوفيا في كافي
مراد: امدرا اش درتي قدرتي تقربيه منك
صوفيا: اويلي هاد ولد عمك بزااف والله حتى قبيح و قاصح و لكن احححح(تنهدات ) كيحمق
مراد تعصب: صوفيا 😡 جمعي راسك صيفطك باش تطيحيه ماشي باش تطيحي نتي
صوفيا: و راه كندير جهدي و لكن هو كتبان ليه غير مرتو
مراد: اشنو زعما منعولش عليك
صوفيا : لا لا غير عطيني فرصة ضروري نجيبو متخافش
مراد: نتي عارفة اش باغي منك انا و راه حاجة بسيطة اوا جمعي معايا راسك
صوفيا في خاطرها " نتا بغيتي حاجة بسيطة و انا بغيتو هو 😍 و غنطيحو اكيد" :اه صافي كون هاني
عند زينب
وصلنا للدار دخلنا لقينا الكل مجموع في الصالة إلا زعفرانة و خوها
لمياء: الغضارة خرجتو بلى بيا 😢 و دازت ليكم الخرجة بلا بيا
زينب في خاطرها " أودي راه نص الخرجة دازت غير في الهضرة عليك " : اه دازت على مزيناتها
ياسين: لا زيدوكوم شويا باقي الحال
ايمن: شفتي قلتها ليك جينا بكري يالاه نرجعو
ياسين: إلى باقي خرجتي معاها راني ماشي ياسين
سوما: هههههه الله يعطيك عقل ا ولدي
ياسين: ياك ا سوما و انا لي قلت نتي الوحيدة لي غتكوني في صفي
الباتول: انا معاك ا ولدي
ياسين: وا شفتو انا معايا القوة العظمى
ايمن: ياك ا خالتي و انا ( داير راسو مقلق)
الباتول: وا صافي المرة الجاية خرجو كاملين و ديك معاكم حتى لمياء
ضحكنا كاملين و مرت عم ياسين غير كتشوف فينا شويا دخلت زعفرانة جلست كتغامز هي و مها معرفت مالهم شويا جات نورة قالت لينا راه العشا واجد مشينا تعشينا كاملين و كل واحد قصد بيتو
طلعنا لبيتنا انا و ياسين غير سد الباب و هو يشدني
ياسين: اجي لهنا لمك شفتك ولفتي الضيعان ادوي
زينب: وا راه غير مرة في العام
ياسين: ياك و اش بقيتو تقولو هاد الوقت كامل
زينب: كان كيعاود ليا عليك فاش كنتي صغير هههه
ياسين: ياك يعني كنتو شادين فيا النميمة
زينب: ماشي غير فيك
ياسين: و شكون آخر
زينب : في العائلة في لمياء في حياتنا كلشي
ياسين: و رتاحيتي شويا مني تعرفتي على خوك اكتر
زينب: ارتاحيت بزاف كنحمد الله لي لقيتوا الصراحة مكنتش عارفة اش كنت ندير بلا بيكم نتا وهو
ياسين: متقوليش هكدا اكيد غتلقاينا ديما حداك و فجنبك
زينب باستو : الله يخليك ليا
ياسين: و يخليك نتي و فنيكيشتي مهضرتش معاها اليوم النهار كامل
زينب كتبتسم و صغرت صوتها: غير سمح ليا ا بابا راه مشينا مع حالو لكهوة المرة الجاية نبقى نقول لماما بغيت بابا
ياسين حتى هو بدل صوتو : هاكاك نبغيك ابنتي و فينما مشيتو علميني و حضيها مزيان
زينب: كون هاني ا بابا
طلع راسو و ضحكنا و عنقني
ياسين: ممتيقش من هنا 7 أشهر غيولي عندي بيبي لي يقول ليا بابا و اهم حاجة غتكوني نتي ماماه
بعدني شويا و دخلنا في قبلة طويلة 💋
عند لمياء جالسة في بيتها مقابلة لبيسي و متوترة دخل عندها ايمن
ايمن: باقي محطوش
لمياء: باقي 5 دقايق خايفة بزاف
قرب حدايا و شدني من كتافي زادني خوف على خوف
ايمن: متخافيش ان شاء الله ناجحة
لمياء: ان شاء الله
مشى جلس في الناموسية و تقابل معايا بقينا كنهضرو شويا دازت 5 دقايق بديت نخربق في لبيسي درت الكود ديالي وركت على اونتري و تكوانسيت
ايمن: امدرا اش واقع
يالاه نايض يشوف وانا نقز عليه كنغوت
لمياء: ااااااااه ايمن نجحت نجحت
بقيت معنقاه و نقز فرحانة و مقاداني فرحة حتى فقد توازنو و طاح فوق الناموسية و انا جيت فوقو 😍 مكرهتش الزمان يوقف في هاد اللحظة و نبقاو حياتنا كاملة هكدا هزيت عيني باش نشوف تعابير وجه ايمن لقيتو مبتسم بقينا شحال كنشوفو في عينين بعضياتنا حتى هضر هو
ايمن: مبروك المجنونة (قرب باسها في حنكها ) يالاه وا نوضي راك فلعصتيني غلاضيتي لا
لمياء: 😠😤 بزاف عليك راه نتا لي صحتك على قد الحال
ايمن: ههه يالاه غير نوضي
نضت فرحانة غير كنضحك عاود باسني ايمن في الحنك الآخر
لمياء: غنخرج نقولها ليهم
ايمن: خلي حتال الصباح و قوليها ليهم دابا تلقايهم نعسو
لمياء: اوكي و لكن بشرط
ايمن: قولي
لمياء : تبات معايا راك عارفني مني كنكون فرحانة
ايمن: عندي اقتراح احسن
لمياء: اشنو هو
ايمن: نخرجو
لمياء: يااااااااااي اه اه اه 😍
ايمن: هههه يالاه لبسي حوايجك انا نتسناك برا
خرج ايمن و انا طرت لبست حوايجي و القلوبة كيخرجو ليا من عيني و خرجت لقيت ايمن كيتسناني حدا الطوموبيل ركبنا و خرجنا طلقت مزيكا و غاديين محيحين بغيت الكل يكون فرحان بقينا ندورو من هنا و من لهيه مشينا للبحر و كانو شي كليكا بنات و دراري كيعزفو و يغنيو جلسنا حداهم حتى حنا غنينا و استمتعنا ما دخلنا للدار حتال 3 الصباح غير طلعت طحت كاو 😴😴😴
أصبحنا و اصبح الملك لله
عند زينب
ياسين: النعاسة غتمشي معايا
زينب: لا و الله ما قادرة حتال العشية و نلحق عليك
ياسين: اوكي حبيبتي هانا مشيت
تحنى باسني في راسي و مشا و انا رجعت نعست حتال الضهر فقت خاسرة نعست بزاف دخلت غسلت حالتي بدلت حوايجي و خرجت تلاقيت مع لمياء حتى هي يالاه فايقة خارجة من بيتها
زينب: اوا انا كنتوحم نتي مالك
لمياء : مدخلتش للدار البارح بكري
زينب: اويلي يا بنت الهبيلة كتخلينا حتى نعسو و تهربي ادوي
لمياء: واتي لا راه كنت مع ايمن
زينب: امممم ايمن و اشنو المناسبة
لمياء: كادو ديال النجاح
زينب: ااااااااه نجحتي مبروووووك 🎉
لمياء: تانكيو هاني
زينب: لا تانكيو على واجب و زيدي يالاه نهبطو راه معدتي كتزغرت
هبطنا لقينا زعفرانة حتى هي يالاه كتفطر جلسنا جات نورة حطات لينا الفطور يالاه بديت ناكل البيض و هي توحل ليا حيت فيه البزار وهي تمد ليا زعفرانة كأس ديال الما اواااه اش هاد الحنان شديتو من عندها شربتو و تنفست مكليت والو تسدات ليا الشهية شويا كنحس براسي فاشلة و وذنيا كتصفر و كنتنفس بصعوبة و معدتي مقلوبة نضت باش ندخل للحمام و انا نطيح على طولتي
كنا كنفطرو عادي حتى ناضت زينب غادية للحمام طاحت على طولها انا طلقتها بغوتة خلات لي في دار كلهم تجمعوا
سوما: مالها 😨😨
خالتي الباتول: بنتي 😢
احلام مصطنعة الخوف: مالها مسكينة يالاه كانت صحة سلام
تم داخل ايمن شافها تخطف لونو قرب لعندنا هزها و مشى بالزربة للطوموبيل و قال لينا نلحقو عليه
لمياء: تسنى غنمشي معاك
حطها في الطوموبيل اللور و انا جيت حداها و طلع طار و علامات الخوف على وجهو وصلنا للمشفى خداوها من عندنا دخلوها لغرفة الفحص وصلو علينا ماما و خالتي وبابا مخلوعين
خالتي: مالها بنتي 😭😭
ايمن: تهدني ا خالتي مغيوقع ليها والو
لمياء: خاصنا نعيطو لياسين
سوما: بلاش متخلعيهش
لمياء: المشكلة هي إلى عرفنا خبينا عليه
بابا: اه عيطي عليه راك عارفاه كيداير
دوزت نمرتو صونا شويا و جاوبني
ياسين: الزين دخوها
لمياء: ياسين حبيبي ممكن تجي عندنا للمشفى*****
ياسين: 😨😨 لمياء اش واقع زينب وقعات ليها شي حاجة هضري
لمياء: معرفتش اخويا كانت واقفة غير حتى سخفات و
مخلانيش نكمل و قطع باينة جاي بعد مدة
خرج الطبيب تجمعنا عليه
الطبيب: نتوما عائلتها
ايمن بخلعة: اه ا دكتور اش وقع ليها
الطبيب: نتا الزوج ديالها
ايمن: لا خوها
الطبيب: اوكي ختك طلع ليها الط.....
باقي مكملهاش وقف ياسين كيلهت ووجهو مخطوف شد في الطبيب
ياسين: اش عندها مالها مرتي
الطبيب: تهدن ا سيدي مرتك بخير غير طلع ليها الطونسيو هادشي لي خلاها تفقد الوعي
سوما: و من اش طلع ليها الطونسيو ا دكتور
الطبيب: هو الطونسيو كيطلع للمرأة الحاملة و لكن ماشي بشكل لي طلع للمدام
ياسين: شرح اكتر ا دكتور يقدر يأتر على الجنين
الطبيب: دابا حنا درنا اللازم معندكش مناش تخاف و لكن خاص تنتابهو على ماكلتها و شرابها و حتى متخليو حتى حاجة تعصبها
ياسين: اوكي دكتور امتى نخرجوها
الطبيب: غادي تبقى معانا هاد الليلة بينما تقاد ليها الطونسيو و غدا ان شاء الله نخرجوها الله يجيب الشفا
ياسين: شكرا دكتور
دازت مدة و خرجو زينب داوها لغرفة خاصة و دخلنا طمأننا عليها و خرجنا خلينا معاها ياسين
عند زينب
فقت على ايد الممرضة
زينب: ولدي
الممرضة: على سلامتك ا لالة متخلعيش ولدك بخير و حتى نتي الحمد لله على سلامتك
زينب: الله يسلمك
ركبوا ليا السيروم و خرجوني من غرفة الفحص لغرفة خاصة دخلوا عندي الكل كيطمأنو عليا و انا كنشوف في ياسين لي كيطمئني بعينيه عاد ارتاحيت خرج الكل و بقى معايا ياسين ديك الساعة عاد طلقت العنان لدموعي جا ياسين عنقني و انا كنتنخصص
زينب: 😭😭 خفت بزاااف تطرى لبيبي شي حاجة
ياسين: شششش متخافيش الحمد لله كلشي بخير و من هنا للقدام انا لي غنبقى نوكلك و نشربك
زينب: اش قاليك الطبيب
ياسين: طلع ليك الطونسيو و معرفوش من اش
زينب: ياك كاع الحوامل كيطلع ليهم الطونسيو
ياسين: وي مي ماشي لدرجة انهم يسخفو و زائد نتي مزال يالاه كملتي شهرين
زينب: اممم زعما نكون كليت شي حاجة
ياسين: اشنو كليتي اليوم
زينب: والو كليت شويا من الاومليت و معجبنيش حيدتو و شربت الماء هدا ما كان
ياسين: اوكي رتاحي و متفكريش بزااف
غمضت عيني و نعست
عند ياسين
اليوم شحال تخلعت قلبي كنحس بيه خرج من بلاصتو مني سمعتها في المشفى اول مرة نتخلع قد هاكدا اول مرة نحس براسي عاجز و معارف مندير حتى طمني الدكتور عاد ارتاحيت شويا و لكن بقات كتاكل فيا ادا هي مكلات والو اشنو لي خلا الطونسيو يطلع ليها شفت فيها لقيتها ناعسة قدامي بحال الملاك بقيت كنتأمل فيها شحال " منقدرش نخسرك أو نعيش بلا بيك و كوني متأكدة عمرني نخلي شي حاجة تأديك "
عند لمياء لي كانت راكبة مع ايمن
لمياء: غتكون بخير ياك
ايمن: ان شاء الله
لمياء: تخلعت عليها بزااف
ايمن: كون تشوفي انا عرفتي باش حسيت فاش شفتها طايحة في الأرض ممكن اكتر مرة استوعبت أنها من دمي و لحمي
لمياء: وي طبيعي تكون ردة فعلك هاكداك ولكن اشنو غيكون طلع ليها الطونسيو
ايمن: معرفتش هادي هي الحاجة لي ضاراني في راسي
سر سر سر تيليفون لمياء
لمياء: الو
حنان: العوجة كنعيط على ديك العوجة و مكتجوبش فينكم
لمياء: غير سكتي دازت علينا اليوم
حنان: مالكم 😨 ياك لاباس
لمياء: زينب في المشفى
حنان :مالها مالها صاحبتي اش وقع ليها 😢😢😢😢
لمياء: تهدني طلع ليها الطونسيو و سخفات
حنان: مسكينة صحايبتي كي بقات دابا اشمن مشفى خرجتوها و لا مزال
لمياء: شويا الحمد لله و غتخرج غدا ان شاء الله الصباح و دابا خلينا معاها ياسين
حنان: واخا غدا الصباح هانا عندكم ان شاء الله
عند اللفعة و مها
احلام: هاهاها دابا غيكونو كيبكيو على البيبي
فوزية: ههههه ممكن اه و ممكن لا
احلام: كيفاش ممكن لا 😳
فوزية: حلي معايا عقلك هادوك القطرات كيطلعو الطونسيو بشكل مفاجئ و هادشي ممزيانش للبيبي و يمكن يطيح من المرة الأولى و يمكن حتال المرة التانية فهمتي
احلام: انا المهم عندي يطيح إلى مطاحش هاد المرة يطيح المرة الجاية
دخل مراد
مراد: اش كتقولو اش درتو
احلام و فوزية مخلوعات: والو
مراد: هضرو خلاص
احلام: طيحنا لبيبي لزينب
مراد: ميرد واش انا مهضرتش واش مقلتش ليكم متصرفوش من راسكم 😡😡 مالكم مكتسمعوش اش كنقول ودابا إلى شكو فيكم و كركبوكم من هنا
فوزية: لا لا متخافش هاد القطرات مكيبانوش في الفحص
مراد: بففففف اوكي و لكن آخر مرة تديرو شي حاجة من ورايا فهمتو
خرج و ردخ الباب وراه
عند لمياء
وصلنا للدار داخلين انا و ايمن و بابا و ماما و خالتي تساطحت مع مراد
مراد: اوبس الغزالة مشفتكش فين كنتو
لمياء: كنا في المشفى
مراد كيقلب فيها: مالك ياكما مريضة
لمياء: لا ماشي انا زينب طلع ليها الطونسيو و ديناها للمشفى
مراد: وهي بخير دابا
لمياء: وي الحمد لله هي و البيبي بخير
مراد: مزيان و نتي اش غتديري دابا متجيش تخرجي معايا شويا نبدلو الجو
يالاه غنجوبو و هو ينقز ايمن
ايمن: ما بقى خروج دابا
مراد: و علاش اسي ايمن
ايمن : حيت بغيت
مراد: كنضن انها هي لي خاصها تقرر
ايمن: انا قررت في بلاصتها
مراد: لمياء مغتقولي والو
انا سارحة باغية نشوف ردت الفعل ديال ايمن إلى خرجت معاه و خايفة يتقلق مني إلى مسمعتش هضرتو بقيت مضاربة مع راسي يالاه غنوافق و هي تنطق ماما
ماما: ايمن عندو الحق اشمن خروج دابا حتال مرة أخرى و خرجو
انا سمعت هاكدا تركنت و تميت داخلة و هو يشدني ايمن و خرجني للجردة
ايمن باستفسار: كنتي ناوية توافقي كون مهضراتش ماماك
لمياء في خاطرها" وااااع حصلت حصلة مقودة" : امممم لا
ايمن ربط غوباشتو: متحاوليش تكدبي عليا😠
لمياء: و و وا راه مافيها والو را ولد عمي
ايمن: واخا ولد عمك انا اش قلت ياك قلت ليك هضرتي متتناقشش
لمياء: 😢 وا صافي منعاودش
ايمن: يالاه زيدي قدامي
دخلنا جلسنا مع الدار كلشي مجموع في الصالون خبرتهم خبر نجاحي فرحوا واخا الفرحة مكاملاش بلا زينب و ياسين وجدو العشا تعشينا و كل واحد قصد بيتو ينعس
عند زينب
جا الطبيب عطاني الاذن باش نخرج لبسني ياسين جاكيط ديالو و هزني للطوموبيل مشينا للدار لقينا كلشي كيتسناو يطمئنو عليا شطنتهم بزااف كلشي طمأن عليا طلعني ياسين للبيت و جات ماما جلسات فوق راسي كتقرى عليا القرآن و تبكي سكتها و قلت ليها انا مزيان شويا تمات داخلة حنان عنقاتني
حنان: كي بقيتي خلعتيني عليك
زينب: انا بخير الحمد لله
ياسين غمز سوما و ماما و خرج و تبعوه بقينا غير انا و لمياء و حنان شادين الحديث في البيت
عند ياسين لي مشا لبيت سوما و سد عليهم
ياسين: سوما الحاجة سمعوني عافاكوم ردو ليها البال و الماء هو الأخير متخليوهاش تشربو من ايد شي واحد
الباتول: مالك ا وليدي ياكما شاك فشي حاجة
ياسين مبغاش يخلعهم و يسبق الأحداث: لا الحاجة غير باش نبقى مطمئن عليها و نرتاح
سوما: صافي أ ولدي كون هاني نتا دابا غادي للخدمة
ياسين: اه ضروري نمشي عندي شي خدمة ضرورية
سوما: صافي غير تيسر ها حنا معاها
ياسين: واخا الله يخليكم هانا مشيت
عند زينب
جالسين مجمعين حتى دخل ياسين قال ليا راه غادي للخدمة و جلس عليا بالتوصيات انا و لمياء و حنان
ياسين: رتاحي و متحركيش من هنا و كولي الماكلة لي تجيب ليك ماماك
زينب: حاضر شاف
ياسين: لمياء بقاي معاها فالبيت عينيك متغفلش عليها متخليونيش مشطون
حنان: شي أوامر أخرى موسيو العلوي
ياسين: فليفلة سكتي و لا نطوعك من داك البالكون
حنان: 😢😢 ياك الحكرة هي هادي صافي أ خويا انا غادية فحالي بكرامتي
ياسين: جلسي الأرض بقاي انا غنجيب معايا مروان في الليل
حنان طلقات واحد التنهيدة:اااااااااااااااااااااه إلى جا ليك
غير خرج ياسين و انا نجرها بان ليا وجهها ماشي هو هاداك و حزنها باين و بحال إلى هازة هم الدنيا
زينب: نصفي الآخر مالك وجهك ماشي هو هداك
حنان: الصمت
لمياء: اه و غير جبد ليك حس مروان تقلبتي
حنان: 😭😭😭😭😭😭😭😭😭
بدات تبكي خلعاتني او حنان لي ديما طالقاها تسرح و اي حاجة كترجعها ضحك كنشوفها بهاد الحالة قدامي
زينب: اويلي مالك خلعتيني 😢 غنبدى حتى انا نبكي
لمياء: تلاقيتو حنان مالك اختي اش واقع ليك
حنان كتبكي و تقطع في الهضرة : ب ب بنات و واقيلا مروان كيخوني
زينب: كيفااااش 😳
لمياء: ميمكنش😨😨😨😨
زينب: شوفي تهدني شويا و عاودي لينا نشوفو هاد الحريرة عندك
حنان كتمسح في دموعها: دابا شي سيمانة تبدل بزااف مبقاش كيسول و لا كيهضر معايا كيفما كان كيتعطل برا حتى دادا لاحضاتها و كيجي كينعس
زينب: مسولتيهش
حنان: سولتو قال ليا عندو الخدمة بزاف
زينب:اوا يمكن غير الخدمة
لمياء: اشمن خدمة حتى نتي
زينب: سكتي ا شعالت لعوافي
حنان: خليها كتقول الحق كاع الرجالة بحال بحال زعما يكون مل مني 😢😢
زينب😇: مروان ماشي ديال داكشي انا من رأيي تواجهيه تقوليلو اي حاجة ضاراك في خاطرك و ترتاحي
لمياء 😈 : تي اشمن تواجهيه لا عنداك تبعيه شوفي فين كيمشي و منين كيجي
زينب: اويلي نتي راه باغة تخرجي عليها
حنان: دابا اش غندير دوختوني
لمياء: اجي قلبتي ليه تيليفونو
زينب: لا واياك راه الرجال مكيعجبهمش هاد الجيست و نتي هاديك اللفعة سكتينا من أفكارك
لمياء: سمعيني متديهاش فهاديك هانتي غدا ان شاء الله نجي عندك و نتبعوه و نتمناو متكونش شي حاجة و تكوني قطعتي الشك باليقين
حنان: اوكي حتى هادي فكرة ربي يخليك ليا ا حبيبتي
زينب: يا ربي يحصلكم و يدير ليكم السليخ ديال الكوميساريات قولو امين
لمياء و حنان: الله ينجينا
حنان: اجي نتي اش درتي مع الحب المستحيل
لمياء: باقا معلقة مانا مزوجة مانا مطلقة
حنان: دوي مع خوك نتي قوليه يحن على الدرية
زينب واعدات ايمن أما كون قالت ليهم اش قاليها على الأقل تريحها و لكن معندها متدير قالت اجي نلعب ليها على اعصابها😈: خويا غنزوجو بشي تيتيزة من هادوك لي كيضل يصور فيهم
لمياء: 😡 ياك ا سليعفانة مكتسوايش و انا لي عطياك خويا اليوم نقوليه يكركبك
زينب: 😂😂😂 ميقدرش
حنان: اااااح الثقة في النفس
زينب: الثقة في ياسين
لمياء: اوا هاهي لا تبقى فيك يا وجه البعبولة رانا منتسماش
زينب: 😂😂😂 وا صافي راه غير كنضحك
لمياء قلبت قنوفتها: بعدي مني 😢
زينب: وينو تقلقات(شدات كرشها و صغرات صوتها) وا صافي أ عمتو متديش على ماما راه غير باقي مأتر فيها الدوا
لمياء ضحكات: ههههه واييه عندك الحق ا حبيبة عمتها نتي لي كتفهميني
حنان: اوا الله يعطيكم عقل
زينب و لمياء: خليناه ليك
الكل: 😂😂😂😂
دخلت ماما و سوما هازين في ايديهم بلاطوات واحد فيه الماكلة و واحد فيه الماء جلست حدايا ماما كتوكلني بحال شي درية صغيرة زعما الله يخليهم ليا الكل مهتم بيا الحمد لله كليت و شبعت و قالت ليا رتاحي يالاه تكيت و هو يدخل ايمن
ايمن: حبيبة خوها كي بقيتي
زينب: شويا الحمد لله
لمياء بلى ماتشعر: فين كنتي مابتيش هنا
ايمن: اه مشيت للدار راك عارفة عندي عرض خاصني نكمل
لمياء: اه نسيت باقا ليه سيمانة ياك
ايمن: اه
زينب: ياااي غنحضر لمعرض ديالك
ايمن: غير صحي ليا نخلي المعرض هو يجي لعندك
زينب: يخليك ليلي
حنان: اوا سعدات لي عندها خوها
زينب: راه عندك امين
حنان: انا امين فينما نشوفو نتناتفو
ايمن: هي باغاني نتفها
حنان: إلى كان ممكن
ايمن: ههههههه زعما نتي مطيراه
حنان: اشناهو
الكل: الفريخ 😂😂😂
خرج ايمن وانا تكيت نرتاح شويا و هادوك الجوجات جلسو حدايا يحضرو في الخطة ديال غدا الله يستر الله يكون في عون مروان مسكين
عند ياسين مخشي من الأوراق و بالو مع بوكاهونتاستو جبد التيليفون عيط ليها مجاوباتش عيط للمياء
لمياء: الو خويا
ياسين: فين زينب
لمياء: يالاه تكات تنعس شويا
ياسين: كلات شي حاجة
لمياء: اه جابت ليها خالتي الباتول الماكلة و وكلاتها بايديها
ياسين: مزيان و نتوما فين
لمياء: ها حنا جالسين مقابلين معاها
ياسين: اوكي خليوكم معاها حتى تفيق
لمياء: حاضر
قطعت مع لمياء و عيطت للسكرتيرة تجيب ليا شي ملفات جابتهم حطاتهم و دوات
صوفيا: موسيو العلوي باقي خاصاك شي حاجة
ياسين: لا حطي الملفات و رجعي لخدمتك
صوفيا في خاطرها " تفو هو مالو مكيهزش حتى راسو فيا زعما خايف يطيح فيا من الشوفة غنخليه يشوف فيا" : اوكي موسيو
تمات غادية و دارت راسها ضربات رجليها مع الفوتوي ههه قديمة هضرت بلا منهز راسي
ياسين: غير بشويا و المرة الجاية ردي بالك يمكن ليك تنصرفي
خرجات و سدات الباب وراها غتقولو كنتصرف ببرود و معنديش احساس و كدا غنقوليكم دوزت من نوعها بزاااف وليت كنميزهم و كنعرفهم من عينيهم غرضهم اش و مازال دابا راه كنمتالك اعصابي و كنتصرف بهدوء شحال هادي كانت غير جيست واحد يا كنطردها يا كانبدلها لقسم آخر انا هكدا هنا جايا تخدمي ديري خدمتك و ستوب
بقيت محني على الأوراق داز الوقت تفكرت مروان و انا ندوز لابيل
طيييط
مروان: اهلا سي ياسين عاش من شافك
ياسين: وا نتا لي غابر
مروان: هانا راني مرون مع الخدمة معنديش الوقت باش نحك راسي و زيد خاصني نمشي لألمانيا على ود واحد الصفقة
ياسين : زيدني عليك حتى انا الخدمة فوق راسي
مروان: أودي الله يسير و صافي كي بقات زينب قالت ليا حنان راه عيانة
ياسين: شويا الحمد لله فينك دابا
مروان: انا في الخدمة
ياسين: باراكا عليك من الخدمة و نتلاقاو في الدار عندي راه مدامتك عندنا
مروان: غير سكت المدام راني هملتها هاد الايام كوراها تفصل و تخيط و مشات عند مرتك تعطيها شي زبلة
ياسين: ههههههه تستاهل علاش تهملها
مروان: والله غير مع الخدمة و تمارة
ياسين: اوا صافي شي عشاء رومانسي و شي كادو و تتصالح معاك
مروان: شكرا على النصيحة يا أخي 😂
ياسين: تلاح نتلاقاو في الدار
مروان: اوكي
قطعت مع مروان و خرجت
عند زينب
فقت مشهية طارطا بالشكلاط ديال حنان هبطات هي و ماما للكوزينة يصاوبوها ليا و لمياء بقات جالسة معايا
لمياء: زينب انا قررت واحد الحاجة
زينب: شي كارثة قولي نسمع
لمياء: نهار العرض ديال ايمن غنعتارف ليه و لي ليها ليها
زينب في خاطرها " واااا غير عتارفي على و عسى يحن فيك و نحضرو لشي عراسية ": اياه حتى هادا نظر كوني شجاعة
لمياء: ياكما يقمعني و لاشي حاجة
زينب " يقمعك و هو كيحماق عليك " : هداي عليا ممكن اه ممكن لا
لمياء: بفففف حرت
زينب: ديريها في ايد الله
لمياء: ان شاء الله داكشي لي غندير يااااي تخيلي يوافق 😍😍😍
زينب: غتجبي لينا 4/4 من الحاجة
لمياء: شكون خاصو يجيب للآخر
زينب: وا إلى بغيتي نعطيك خويا
لمياء: وا صافي نجيب ليك حتى 7 غير هنينا
زينب: هاكداك
تحل الباب و جايا حنان هازا طارط دارتهم صغار باش يبردو دغيا شميت الريحة طيحت ريوكي و جلست هادي تنفع هادي تضر عطاتني ماما الحليب باش متضرنيش شربتو عمرت الكريشة عاد رتاحيت بقينا مجمعين شحال حتى دخل ياسين و معاه مروان
زينب: اهلا عاش من شافك فين غابر
مروان: غير مع الخدمة على سلامتك كي بقيتي
زينب: الحمد لله نقزتها
مروان: الحمد لله
سلم على الكل وصل لحنان باسها في راسها و عنقها جنب استأذنو يمشيو مخالاهمش ياسين قاليهم حتى يتعشاو هبطو لتحت بقيت غير انا و حبيبي
ياسين قرب حداها و باس ايديها: شويا
زينب: الحمد لله بغيت نبدل
ياسين ابتسم: كتسنايني حتى نجي
زينب: وا شتي الفشوش شحال خايب
ياسين: ياك مني تصحي فكريني نلغيه
زينب: ههههههه
مشى يجيب ليا شي حاجة نقدر نهبط بيها لتحت لبسها ليا و حتى هو بدل حوايجو و خرجنا هبطنا لقينا الكل مجموع في الصالون حتى احلام و مها و خوها جلسني ياسين و جلس حدايا شاد في ايدي
موسيو العلوي: شويا ا بنتي
زينب: الحمد لله ا عمي
مراد: على سلامتك
زينب: الله يسلمك
احلام غتطرطق بالفقصة: على سلامتك
زينب: شكرا 😊
دخل ايمن باسني وجلس حدايا من الجهة الأخرى
ايمن: الزين دخوها شويا
احلام باستفهام: خوها؟!
سوما: اه نتي باقا معرفاش ايمن و زينب خوت
احلام: هي هادي هي مامات ايمن
ياسين بحدة: احتارمي شويا اشناهي "هادي"
احلام تخلعت: مقصدتش
مراد: متديش عليها ا خالتي راه ماشي تربية هنا
الباتول: عادي ا وليدي ما طرا والو
زينب في وذن ياسين: صافي أ حبيبي كوراه مقصداتش
ياسين: غير على قبلك
بقينا كنهضرو حتى وجد العشا جلسنا تعشينا مجموعين و ياسين مكيخليني ناكل الحاجة حتى يدوقها و يتفحصها مزيان هههه مجنون هاد الحمق كملنا العشا و حنان و مروان مشاو لدارهم غادية و كتقول للمياء عنداك متجيش عندي الصباح ههه الله يستر ايمن كذلك مشى قاليك عندو شي خدمة و حنى كل واحد طلع لغرفتو ينعس 😴😴😴
أصبحنا وأصبح الملك لله
فقت لقيت ياسين باقي ناعس كيبان عيان نضت دخلت للدوش دوشت و خرجت لبست حوايجي و نشفت شعري عاد مشيت نفيق الأمير النائم ديالي لقيتو حال عينيه كيتمنظر فيا
زينب: خمرتي مغتمشيش للخدمة اليوم
ياسين: لا جبت الخدمة للدار
زينب: 😍😍 بصح هي غنكمل معاك المشروع ديال الجامعة
ياسين: بشرط متعييش راسك
زينب: صافي مشات
ياسين: يالاه زيدي نهبطو نفطرو
زينب: اوكي
ناض دخل للدوش خرج بدل حوايجو و خرجنا مع الخرجة بانت ليا المجرمة رقم 1 خارجة و لابسة
ياسين: شفتك لابسة فين غادية على الصباح
لمياء: عندي موسيون انبوسيبل
زينب: عنداك كارثة انبوسيبل ماشي ميسيون
لمياء: نتي سكتي
زينب: باز ياربي يح......
لمياء: شششششش شششش مالك مكتسكتيش
ياسين: غا قولي ليا اشمن كارثة كتخططي ليها
لمياء: والو انا غير ضريفة راه مرتك هي مولات الكوارت
ياسين: تلاقيتو زيدو هبطو قدامي
زدنا و انا كنتحلف على لمياء جريتها و دويت في وذنيها
زينب: تعرفو شي حاجة قولوها ليا
لمياء: لا يالاه سيري في حالك 😏
تمات غادية خارجة
ياسين: اجي ا ديك سليعفانة نجحتي
لمياء غادية جيهة الباب: اه كنتسنى الكادو يالاه باي
خرجات المجنونة و غادية عند ديك الهبيلة معرفت اش غا يصنعو ههه و حنا مشينا للطبلة ديال الفطور صبحنا عليهم و جلسنا نفطرو
عند لمياء في الطوموبيل
سر سر سر
لمياء: الو
حنان: وا فينك العوجة راه مروان خرج
لمياء: هانا قربت خرجي نلقاك قدام الباب
حنان: اوكي
قطعت مع حنان و كملت طريقي حتى وصلت لعندها لقيتها قدام الباب جات ركبات حدايا و شدينا الطريق لشركة مروان وصلنا لقينا طوموبيلتو كاينة ادا في الخدمة
حنان: طوموبيلتو هاديك ياكما ضلمناه
لمياء: واش كتاكلي التبن راه 8 الصباح هادي اكيد غيجي الخدمة فين بغايتيه يمشي
حنان: اوا اش غنديرو
لمياء: غنهبطو نجلسو في هاديك القهوة نفطرو و نتقابلو مع الشركة حتى نشوفو التحركات ديال راجلك
حنان: المحقق كونان داوي صافي
لمياء: اوا تفو عليا انا لي دايرة فيك راسي
حنان: صافي متقلقيش غير ضاحكة زيدي نشوفو خططك فين غيوصلونا
مشينا جلسنا في الكافي طلبنا الفطور و تقابلنا مع الباب ديال الشركة 2×1 بقينا مقابلين الباب حتى بانت لينا واحد 😨😨
بانت لينا واحد البومبا اطوميك خارجة من الشركة حنا لي بنات و حلينا فمنا فيها
لمياء: هي هادي الصكعة لي متلفة عليك الراجل
حنان: وا شتي انا احساسي ميخيبنيش 😭😭 شوفي كيدايرة كلشي فيها مقاد تقوليها مرسومة و عاد بغيتيه يجي يديها في حادة لي عندو في الدار 😭😭😭 وااااع كنت عارفة زهري عوج و عاطيني بترمتو 😭 حتى قلت راه تقاد شويا و مبقاش مكوز ليا و هو يرجع هز ليا رجليه كاع و قاليا ها متصوري 😭😭😭
لمياء: شششش صافي سكتي شوهتينا كلشي كيتفرج سكتي راه غير كنضحك راه الشركة كبيرة تقدر تكون خدامة في قسم آخر
حنان كتنسط خنونتها: زعما بصح عنداك تكوني كتفلاي عليا 😢
لمياء: سكتينا و خلينا نقابلو هاد راجلك امتى غيخرج
عند مروان لي فاش دخل للشركة قال للسكرتيرة تتبعو للبيرو كانت نفس البنت لي شافو البنات
مروان: غزلان واش داكشي لي وصيتك عليه جاهز
غزلان:جاهز ا موسيو مروان
مروان: اش هاد الرسميات ياك عارفاهم مكيعجبونيش
غزلان: اوكي مكاروني منعاودش
مروان: تفووو بناقص رجعي للرسميات
غزلان: ههههه يالاه انا مشيت راه شويا غنخرج حتى تلحق عليا اوكي
مروان: اوكي وقت الغداء نلحق عليك
غزلان: اوكي
عند حنان
حنان: بفففف عيييت هدا مكيخرجش من هاد الشركة انا حاسة راسي ضالماه
لمياء: اه زيدي واقيلا فعلا غير ضلمناه يالاه نمشيو و في العشية ديري ليه شي سهرة تصالحي معاه على هاد الشك
حنان: هههه اوكي زيدي
يالاه نضنا و هو يبان ليا خارج
حنان: بلاتي بلاتي هاهو خرج سيري نوضي الطوموبيل انا نخلص و نجي
مشات و انا مشيت خلصت و سمحت في الصرف باش ميفلتش ليا مروان خرجت ركبت حدى لمياء و تبعناه بلا ما يحس بقينا تابعينو مدة حتى وقف حدا واحد الريسطو زوين على البحر نزل من الطوموبيل و نزلنا تبعناه و مخبيين وجهنا بسيكان دياولنا دخل و هي تلقى ليه هاديك اللوحة اه بغيت نقول التيتيزة جراتو وقفوا كيهضرو مع واحد الراجل انا صافي ولات غير الضبابة لي كتبان ليا و لمياء شادة فيا كتصبر فيا و تقويني 😭
علاش ا مروان كووون جيتي قلتيها ليا علاش تدير فيا هاكدا 😭😭 صبرت راسي و زيد كلام لمياء قواني
لمياء: شوفي يقدر تكون غير خدمة خلينا منسبقوش الأحداث عافاك بقاي قوية
حنان: 😭😭😭😭 علاش ا لمياء علاش انا من دون الناس
لمياء: شششششش عافاك اختي كلشي مني انا لي قلت ليك نتبعوه
حنان: نتي معليك والو ربي بغا يفضحو
لمياء: اشنو ندخلو عليهم دابا
حنان: لا مقادراش غير خلينا نشوفو هادشي فين غيوصل
بقينا مقابلينهم سالاو الهضرة مع داك الراجل و جلسو في طابلة باينة غيتغداو ضحكت بحرقة قاليك ممكن شي حاجة تخص الخدمة 😢
عند مروان
مروان: الصراحة هادشي غزال ميرسي الزين ديالي
غزلان: متضحكش عليا بميرسي راك واعدتيني العرس غيكون في مراكش
مروان: فضحتينا بهاد العرس صافي الالة جاك العرس في مراكش غير بقاي على خاطرك
غزلان: يخليك ليلي
جابو لينا الغدا تغدينا و خرجنا نيشان لمحل المجوهرات
عند حنان
سالاو غداهم و انا كل دغمة كانو كيطيحوها في حلقهم كطيح عليا بحال السم 😢 تبعناهم تاني انا و لمياء حتى وقفو قدام محل المجوهرات صافي كملت 😂😂😂😂 بقيت كنضحك و نبكي بطريقة هستيرية لمياء حارت معايا تسكت فيا و تعاود حتى تعصبات
لمياء: لا صافي انا غانزل ليه اويلي شوف فين وصلك 😡😡
حنان: لا لا ديني للدار عافاك مبقيتش قادرة
خدمت الطوموبيل و شدات الطريق غادية بيا للدار
يتبع
التنقل بين الأجزاء
صفحة القصةقصة صفقة زواج من متعجرف
مؤلف القصة
قصص مينيو كيم
سيتم تشغيل صندوق التعليقات بعد لحظات
