دازت العشية جات راوية من الصالون و فاقت زينب كلات شويا و ياسين تلاقا مع بابات راوية و خرجو للقهوة بما سلاو العيالات توجادهم و هداكشي لي كان وجدو العيالات راسهم و زينب شادة في راوية
زينب: اخخ ا التيتيزة غادا دخلي لقفص الجوجية
راوية: لا ا بيبي حتى يتولد ولد خويا
زينب: اوا تسنايه حتى يخرج ليك هو لي غيزوجك
بقاو كيضحكو شادين في بعضياتهم حتى دخل عليهم ياسين
ياسين: البعلوكة كبرتي و غتزوجي
راوية: ههههه إلى بغيتي
ياسين: بوكاهونتاستي كي بقيتي
راوية: ولا ها الحكرة دابا
ياسين: مالك تاني
راوية: هي بوكاهونتاس و انا بعلوكة
ياسين: اوا حتى تزوجي و يدلعك راجلك
زينب: اه غيقوليها البيدادين ديالي هه
ياسين تفركع بالضحك: و تجاوبو حتى هي تقوليه الاسبيرين ديالي
زينب: 😂😂😂😂😂😂
راوية:😏😏😏
شيرات عليهم بمسند و ربطات الغوباشة
حتى سمعوا الباب كيتدق خرج ياسين و زينب و راوية كيطلو من الشق ديال الباب
راوية: وا تي حيدي خليني نشوف
زينب:ا سيري تجلسي خاصك تكوني حشمانة عندو ختو
راوية: اه عندو ختو و خوه
زينب:مجاش واقيلا بانت ليا غير ختو
بقاو حدا الباب يهضرو حتى تحل عليهم الباب كانت حياة جراتهم للصالون عند الناس دخلات زينب سلمات عليهم كان أسد و باباه و ماماه و ختو وواحد السيد معاهم واقيلا عمو شويا دخلات راوية حادرة راسها في قفيطين في الباج و جامعة شعرها و مكياج خفيف جلسات حدا ياسين و باباها
العدوزة:تبارك الله تبارك الله على مرت ولدي
حياة: الله يبارك فيك ا ختي
اب أسد: اوا لي نطولوه نقصروه حنا جينا طالبين راغبين في ايد بنتكم راوية لولدي أسد
اب راوية: مرحبا و الف مرحبا انا منلقاش حسن من ولدكم لبنتي و لكن الرأي الأول و الأخير ديالها اوا اش قلتي ا بنتي
راوية حدرت راسها مدواتش
الام:اوا السكوت علامة الرضى
روروروروروروروي
ضحكو و هضرو و قراو الفاتحة و ركبو الخواتم
حياة: بنتي سيري نتي و خطيبك للبيت هضرو
ناضت راوية و تبعها أسد دخل للبيت سد الباب
أسد:اخخخ صافي شديتك كنت خايف لا تقولي لا
راوية: حتى دابا باقين فيها نخرج نقوليهم لا
أسد: ريحي الأرض قالاك على دخول الحمام بحال خروجه
راوية: اوا معرت
أسد: اجي ا حبيبة نبارك ليك
راوية: سير فحالك حتى نتزوجو
أسد: يالاه من دابا
راوية: سير قالاك دابا باقي واحد 8 أشهر
اسد: اشنو كيدرتي ليها انا غنتسنى 8 أشهر بزااااااااااااف
راوية: اوا هادشي لي كاين
أسد: 😏😏
راوية: وا أسد راه بغيت زعما حتى نكمل العام التاني على الأقل بليز
أسد: اخخ على سميتي كي كتخرج من فمك اش غندير نصبر
طارت عليه عنقاتو و باستو في حنكو و قالت
راوية: يخليك ليلي
أسد مصدوم: متأكدة نتي راوية
راوية: معجبتكش
أسد: حمقتيني 😍
راوية: أسد نطلبك
أسد: امري
راوية: مبغيتش دريات في الكلية يعرفونا مخطوبين
أسد غوبش: و علاش
راوية: اول حاجة لتجنب الهضرة ديال راه حيت خطيبها داكشي علاش ديما هي الأولى
أسد: اياه متأكدة غتجي نتي الأولى
راوية: اكيد 😊😊
أسد: و تانيا 🤔
راوية: تانيا حيت الدريات كلهم مزعوطين فيك ممكن ينتفوني و يحرشو عليا لي يسلخني
أسد: هههههههههههههههه كون غير كنت معارفكش تسلخي قبيلة
راوية: وا صافي
أسد: يالاه اري شي بوسة
راوية: حيد فحالك
شدها بزز باسها و خرجو جلسو تفاهمو تعشاو و استأذنو عائلة أسد عياو يشدو فيهم يباتو مبغاوش و دارو زينب و ياسين لراوية شدو فيها مزيان عاد دخلو ينعسو حيت الغد غادي يشدو الطريق يرجعو و زينب اسرات على خديجة تمشي معاها باش تشوف ايمن
بعد رحلة طويلة وصلو عرسانا للمغرب مشاو نيشان للفيلا لقاو غير سوما و الباتول موسيو العلوي كان مشا للفيرما مع شي صحابو
لمياء: التيتيز هانا جيت
سوما: بنتي الحبيبة
عنقو بعضياتهم و جلسوا كيهضرو و لمياء كتعاود ليهم على شهر العسل كي داز نساو راسهم في الهضرة حتى سمعوا طوموبيل عرفوه ياسين غيكون جا هو و زينب ناضت لمياء طايرة عنقات زينب
لمياء: توحشتك العوجة
زينب: كون تشوفي انا المتشردة سيري و اجي قدامي
لمياء: وا صافي دابا راه ندردك قدامك متدي متجيبي
زينب: ماسخة
ياسين: سليعفانة توحشتيها غير هي
نقزات عند خوها تعنق و تبوس فيه و انا مشيت عند ايمن هزني
ايمن: ايي لمك تقاليتي
ياسين: حط ليا عائلتي هداك البغل
ايمن: سوقك انا و ختي و ولد ختي و نتا مالك
زينب: ههههه
ايمن شاف راوية : برهوشة تخطبتي بلا بيا انا مموافقش
لمياء: اه حتى انا مموافقاش
راوية: صافي من غدا نفركتو
ياسين : طالبة عليها
الكل: هههههههههه 😂😂
تمات جايا حادرة راسها شافت ايمن كيضحك بقات ساهية فيه شحال حتى هز راسو انتبه ليها بقا مكوانسي شحال مقال حتى كلمة و تم غادي جيهة الطوموبيل بلا كلمة بلا جوج تبعاتو زينب
طلع للطوموبيل تسناها حتى وصلات عليه ركبات و كسيرا ماشي بجهد حيت عارف ختو واحلة في روحها
عند ياسين
ياسين: يالاه ندخلو دابا ترجعو
لمياء: مالو يالاه كان صحة سلام و شكون هاد المرأة
ياسين: ندخلو و نهضرو
وجه كلامو لخديجة
ياسين: دابا يرجع هو و زينب غير يبرد شويا و يستوعب دخلي مرحبا بيك
دخلو سلمو على سوما و الباتول و قدم ليهم خديجة
ياسين: هادي مامات ايمن و زينب
الباتول غرغرو عينيها حيت عقلات عليها فاش دخلات حطات ليها زينب هي هي متبدلاتش غير شويا ديال التجاعيد لي سكنوا وجهها و كتبان دا فيها الزمان و جاب جلسات معاهم و هضرو شويا عودات ليهم كيفاش عاشت هاد الفترة بعيدة على ولادها و حتى الباتول عودات ليها على زينب مني كانت صغيرة و سوما كذلك عودات ليها على ايمن بكات حتى عيات و هي كتحس أن هاد التفاصيل كان هي لي خصها تعيشهم مع ولادها و هي لي تعودهم لحفايدها و لكن هادي هي الحياة مرة لينا و مرة علينا حمدات الله و شكراتو لي لاقى ولادها مع ناس صانوهم و حماوهم و رباوهم احسن تربية حتى كبرو و وصلو و دابا غتشوف ولادهم
خديجة: بغيت نشكركم حيت ربيتهم احسن تربية 😭 و كنتو معاهم في الوقت لي كان خاصني نكون حداهم
سوما: متقوليش هكدا راه ولادنا هادوك شوفي سبحان الله القدر و الحكمة الإلهية كيفاش جمعاتنا و رجعاتنا عائلة وحدة و حتى نتي وليتي وحدة منا
خديجة: ربي يخليك ا ختي
الباتول: مرحبا بيك وسطنا
خديجة : ربي يخليكم
لمياء: خالتي و انا غنعاود ليك الصغيرة و الكبيرة على ايمن راه قلبوا كبير غير باقي ممستاعدش يواجه
خديجة: عارفة ا بنتي راه مساهلاش عليه نتي مرتو
لمياء: اه
خديجة: تبارك الله عليك
لمياء: ربي يخليك
راوية: ياسين شفتي لي شفت قالك زعما كتحشم
ياسين: واييه معرفتهاش
لمياء شيرات عليهم بمخدة : نتوما تخليني يحشم
ضحكو كاملين استئدن ياسين خرج و سوما ناضت قالت ليهم يوجدو العشاء و يوجدو غرفة لخديجة كانت فرحانة حيت الفيلا كتعمر عليها
عند زينب
عند زينب لي وقفات هي و خوها قدام البحر
ايمن: زينب قولي ليا داكشي لي شفت صحيح
زينب: صحيح أ خويا
ايمن: ه ه هي
زينب: اه هي 😢
ايمن: كيفاش علاش امتى
زينب: تهدن ا خويا
ايمن: مقدرتش مقادرش نواجه دابا واقيلا مغنقدرش حياتي كاملة زينب نتي هي عائلتي كلها
زينب: ايمن سمعني غتقدر حتى هي راه معندهاش من غيرنا و عاشت في ضروف صعيبة بزااااف و متخلاتش علينا حيت بغات لا هرباتك باش متبقاش تاكل العصا ليل و نهار قسحات قلبها و بعدات عليك و عطاتني لحمة باش نعيشو احسن منها و على الأقل منتعرضوش للظلم داك الراجل تكرفسات و تسدو كاع البيبان في وجهها تقاتلت و نعسات في الزناقي مبغاتش تكرفسنا معاها إلى كانت مساهلاش عليك مرة هي مساهلاش عليها 10 شوف فيا ا ايمن قوي راسك و سمع ليها و سير تخشى في حضنها كنأكد ليك غادي ترتاح و مغتندمش
عمرو عينيه بالدموع و قرب لختو عنقها و بقاو شحال جالسين قدام البحر كيهضرو حتى بدات زينب كتشمشم
زينب: ريحة السردين مشوي
ايمن: مشميت والو
زينب: لا لا كاين بغيتو 😢
ايمن: نتي هاد الوحم ديالك مبغاش يسالي باز لياسين معاك
زينب: اوا الله يحضرني للمياء كتوحم يا ربي توحم على شي حاجة غابرة و نتفرج فيك
ايمن: زيدي زيدي قدامي نقلب ليك على هاد السردين
مشاو كيقلبو على الشوايا لقاوها و اخيرا خدا ليها اش بغات بقات تسرط معقلاتش حتى كملات كلشي شبعات و بقاو يدورو في الزناقي حتى عياو عاد مشاو لأن ايمن مكانش عندو استعداد يشوف ماماه ديك الساعة رجعو و فعلا كان الكل ناعس دخلات كتسلت لغرفتها حتى شدها ياسين من اللور قفزات و دارت ضرباتو لصدرو
عند لمياء كانت ناعسة عيانة مع السفر دخل ايمن باسها فوق راسها فاقت و تلفتات ليه كان عقلها معاه
لمياء: حبيبي
ايمن: فيقتك
لمياء: لا اصلا كنت كنتسناك صافا نتا
ايمن: الحمد لله
لمياء: ايمن نتا عارفني مكنعرفش نهضر في بحال هاد المواقف و لكن لي نقدر نقول ليك هو ماماك تكرفسات بزاف في حياتها و ضحات بيكم باش تعيشو احسن منها تستاهل تسمع ليها
ايمن: يكون خير
قربات حداه و عنقاتو و باسها في راسها و في عويناتها بدل حوايجو و دخل لفراشو خداها في حضنو و شاد في ايديها كيلعب بيها حيت كتنعس بهاد الطريقة و هو خلى عقلو يخمم معارف ميدير من صغرو عمرو فكر لا في عائلتو و لا حتى السبب علاش خلاوه كان كيكابر باش ميتفكرهمش و دابا ماماه قدامو و معارف واش يهضر معاها و لا لا عقلو كيقول هضرة قلبو و مشاعرو كتقول هضرة و هو محطوط وسطهم بقا في تخمامو حتى داتو عينيه 😴😴😴😴😴😴
أصبحنا وأصبح الملك لله
عند ايمن فاق بكري أو نقولو منعسش ناض دخل دوش و وقف في البالكون لمحافظة خديجة جالسة في كرسي في الجردة و كتشوف بعيد قرر يهبط عندها دار شاف لمياء باقا جابدة عليها قرب غطاها و خرج هبط عند مو قرب للبلاصة لي جالسة فيها حنحن
ايمن: احم احم
خديجة دارت شافتو عينيها تغرغرو: و و ولدي
جلس حداها و بقا كيشوف فيها و ساكت معارف ميقول كيتفكر الاولاد لي ضحكو عليه شحال و هما كيقولو ليه معندكش واليديك كيتفكر الدراري في المدرسة مني كيوصلوهم أمهاتهم واخا سوما كانت معوضاه هو و ياسين و لكن كانو ديما عارفين انه أمهاتهم لي والدينهم مشاو و خلاوهم صحيح ايمن عمرو بين و كان ديما ضارب الدنيا بطالون لأنه مكانش كيفكر اصلا فيهم و لكن من نهار عرف ضروفها و هو باغي يشوفها و يضمها و هاهي جات قدامو في الاول هرب حيت جاتو على غفلة و معرف ميدير و مني عودات ليه اختو اش داز عليها زادت رغبتو انه يضمها و يعوضها على كلشي بقا ساهي كيفكر مفيقو غير صوتها كيقول
خديجة: ولدي سمح.......
مخلاهاش تكمل تلاح في حضنها ضمها و هي كتبكي و هو دموعو عمرو عينيه بقات كتردد
خديجة: سمح ليا ا ولدي سمح ليا
بقى ضامها شحال حتى حيد وحشو كامل و هو يقابلها معاه
ايمن: نتي لي سمحي ليا البارح
خديجة: عادراك ا وليدي عادراك
رجع ضمها تمت زينب جايا
زينب: اييه غرت انا غرت
قربات حداهم و تعانقو بتلاتة هزات خديجة ايديها للسماء و قالت
خديجة: حمدتك يا ربي و شكرتك لي شفت هاد النهار يا ربي يدوم على وليداتي فرحتهم(حطات ايديها على كرش زينب) و يفك وحايل بنتي على خير
ايمن و زينب: امين
دوزو داك الصباح غير بتلاتة كيهضرو و كتعاود ليهم خديجة على راسها تعرفو على بعضياتهم اكتر حتى هبطو العائلة و تجمعوا و تافقو يلحقوا على موسيو العلوي للفيرما جمعوا حوايجهم و ركبوا في الطوموبيلات و شدو الطريق
عند راوية لي ممشاتش معاهم حيت قارية داخلة للكلية و هما يتجمعوا عليها شي بنات
البنت 1: اهلا الغزالة جيتي و لا جابوك
البنت 2: شو كيدايرة سمعيني ا الزوينة نقوليك جوج كلمات غتبعدي من بروفيسور أسد و لا نتفاهم معاك
البنت 3: احسن ليك تبعدي منو
راوية بقات شحال كتشوف فيهم ببرود: ساليتو ممكن نمشي فحالي
البنت 2: لا نتي باينة عليك كتفهمي غير بالايدين
هزات ايديها بغات تضربها و هي تشدها ليها راوية و قالت: لا لا هاد البسالة لا باش منوريكش وجهي الآخر
البنت 1: هاهاها ضحكتيني لا غير ورينا نيت
تمات جاية عندها راوية هزات رجليها عطاتها ليها للكرش و شدات ايد الآخرة لواتها و دفعاتها على صاحبتها حتى طاحوا بجوجات في الأرض جات صاحبتهم التالتة بغات تضرب راوية وهي تجمع معاها بتصرفيقة و خنزرات غوتت حتى تزعزعو
راوية: سمعوني مزيان متخلونيش نجعر و آخر مرة توقفوا في طريقي و لا راني ممسؤولاش على اشنو غيطرى
دارت تمات غادية شويا رجعات
راوية: اه و بروفيسور أسد نبغيكم مني تشوفوه تقلبو الدورة مفهووووووم 😡
البنات كيقفقفو: م م مفهوم
هزات راسها و هي تشوفو خنزرات فيه و تمات غادية حتى شدها و همس في وذنيها
أسد: احح سعداتي
راوية خنزرات و ضرباتو لرجليه برجليها: هادشي كلو بسبابك
مشات و خلاتو شاد رجليه مقصح و كيضحك
بعد طريق طويلة وصلوا للفيرما عند موسيو العلوي كان فايق و كيستعدو يرجعو هو و صحابو ساعة غير صحابو لي مشاو هو بقا معاهم
عند زينب لي دخلات للبيت تلاحت نعسات بحوايجها و سندالتها دخل ياسين لقاها هاكداك ضحك عليها حتى عيا و حيد ليها السندالة و الحوايج و غطاها و خلاها تنعس و خرج لقا ايمن واقف هو و باه مشا حداهم بقاو كيهضرو شحال حتى فاجأو موسيو العلوي بالطلب لي طلب منو
موسيو العلوي: ياسين ممكن نعنقك
ياسين تفاجئ و تصدم مكانش متوقع بقى شحال كيشوف في باه فاتح ايدو كيتسنى و هو يعنقو هاد الحضن لي مني كانت عندو 7 سنين و هو بعيد عليه عمرو مكان قريب منو و كان ديما محملو مسؤولية هروب مو و زيد فاش كان ديما كيتحكم فيه و اكتر حاجة خرجات ياسين على طوعو هي نهار دار ليه الشونطاج بالزواج و لكن نهار تعرفات الحقيقة عرف راسو غالط و كان كيتمنى غير امتى يتصالح مع باه لي كان ديما همو غير راحتهم و مصلحتهم هو و ايمن و لمياء بعد على باه و باس ليه راسو
ايمن: اوا صافي راه غنغير عليكم بجوج
عنقو موسيو العلوي و ضحكو كاملين
ايمن: اشنو شي مباراة تاني
موسيو العلوي: مرحبا
ياسين: مني تسالي طيابك و تخسر اجي نطحنك في البلاي
ايمن: متخممش غنربحكم بجوج
ياسين: متديروش شي حاجة مكتحملهاش مرتي
ايمن: و اش مكتحملش مرتك هاديك راه تسوط فينا كاملين
ياسين: هههههه في هادي عندك الحق
دخلو و مشاو للكوزينة شحال و هما كيطيبو غير الشهيوات
حطات ايديها على كرش زينب و كتضحك لبسات و هبطو لقاو الطبلة محطوطة زينب ريوكها طاحوا و مشات نيشان للطبلة متسناتش جاو جلسو الكل
ايمن كيشير لزينب: هااا اش قلت ليك
ياسين: والله مكدبتي
زينب فمها عامر: مالكم 😏
ياسين: والو ا حبيبة كولي
كملات ماكلتها متسوقاتش ليهم و ما كتعجبها غير الحاجة لي غادية لفم ياسين كتحيدها ليه و تقوليه " مالك بغيتي نحكها في ولدك " كلاو و شبعو و ربح موسيو العلوي ضحك ياسين حتى عيا على ايمن و نوضو يلعبو بلاي جلسوا قدام التلفازة بأربعة أما الآخرين خرجوا يسرحو رجليهم في البادية
ياسين: وجد للهزيمة التانية
ايمن: دابا نشوفو راه فيك غير الهضرة
زينب: ايوا بعد من راجلي
ياسين: احح يخلي ليا لي كيدافع عليا
ايمن دار عند لمياء: و نتي مغتدويش
لمياء: خفت نشجعك و تخسر بحال ديك المرة و نصدق مانا مع الرابحين مانا مع خويا مزيانة
ياسين: هاكاك نبغيك سبع
ايمن: اياه تحاميتو واخا
بداو اللعب و مركزين و البنات كيشجعو فيهم بقاو شحال لاعبين و انتهت المباراة بفوز ياسين
لمياء: ها لي قلنا
ايمن: حيدو فحالكم درتو شي حاجة في هاد البلاي
ياسين: متقلقش غير اليوم الزهر ممعاكش
ايمن جر لمياء : معايا الحب
ياسين: نوض تكعد ا عنيبة
دخل عليهم الفلاح لي عندهم
الفلاح: سي ياسين سي ياسين
ياسين: نعام ياكما كاين باس
الفلاح: راه العجلة الضارة غتولد دروك و الطبيب باقي مجاش
ياسين: عيطتو ليه
الفلاح: اه و راه في الطريق
ناضو خرجوا مشاو فين كاينة البقرة لقاوها مسكينة كتتوجع بقاو مدة مقابلينها حتى جا الطبيب و بدا كيولد فيها و هي كتتألم 😢 اوا هي تحميها زينب للبكا ياسين تخلع دورها لعندو
ياسين: مالك اش كاين ضاراك شي حاجة
زينب كتضرب فيه: كلشي بسبابك كلشي 😭😭😭
ياسين: تهدني و قولي ليا مالكي راك خلعتيني
زينب: وا نتا لي درتي ليا هاد الحالة 😭😭
ياسين: اش درت
زينب: وا تا انا غنتوجع هاكدا بعد مني نتا سباسي الله ياخد فيك الحق
ياسين نزل ليه الماء في الركابي ضربها لراسها ضربة خفيفة: طيرتيها مني خلعة زيدي قدامي
لمياء ضارت عند ايمن: شوف من هنا نتفاهمو حنى غنتبناو
ايمن: ههههههههههههه هبيلة
ولدات البقرة عجيل صغير بقاو مضاربين زينب و لمياء شكون غيسميه حتى تدخل ياسين : زينب ياك نتي غتسمي العود
زينب: اه حكا ولدات😍😍
ياسين: ولدات
زينب: بغيت نشوفو
ياسين: هي الأولى
جرها من ايديها و داها فين كاين المهر و ماماه وقفات و بقات شحال كتشوف فيه شحال زوين
ياسين: باش فكراتك هاد البلاصة
زينب تزنكات: وااع متفكرنيش معرفتش كيفاش حتى نطقتها
ياسين: خرجات من القلب داكشي علاش
زينب: لواه من الرية حيد لهيه
ياسين كيقرب: و إلى مبغيتش
زينب: غنحرش عليك ولدك
ياسين ضحك: اوا اش غتسميه
زينب: ولدك
ياسين: المهر ولدي انا لي غنسميه
زينب: ا والله لا كانت ليك هازاه 9 أشهر باش تجي نتا تجيك باردة
ياسين شدها من خصرها: راه انا لي درتو ليك الحب
زينب مركات ولات مطيشة: ماسخ بعد مني
ياسين: منقدرش
يالاه بغا يبوسها و هي تقول
زينب: اوا صافي كملت بقا خاص غير الحيونات يشوفونا حتى هما
ياسين: وا يشوفنا لعالم كامل انا مسوقيش اجي لهنا
نزل على شفايفها بقبلة طوييييييييييلة 💋💋💋💋💋💋
دازت 6 أشهر على العائلة لمياء و ايمن استقرو في الدار ديال الغابة و داو معاهم خديجة حنان شيبها ولدها لي بدى يكبر و و يحبو تحطو هنا تلقاه تقلب على كرشو و وصل لهيه ههه سوما و الباتول باقين دايرين الرأس على الراس داخلين خارجين و موسيو العلوي كاع اللعب ديال الدراري شراهم حيت عرفوا جنس المولود جايهم اول حفيد أما زينب تقلات ولات محنة و مجننة ياسين مكتنعس مكتخليه ينعس و هاد الايام كل ليلة مفيقاه يديها للمشفى و كيقوليها الطبيب باقي الحال
عند زينب ناعسة و شادة كرشها كتلعب بيها و كتهضر مع ياسين في التيليفون حيت هو في الخدمة
زينب: علاش مشيتي 😭😭
ياسين: وا الهبيلة باراكا عليك من البكاء لي يسمعك يقول مشيت للنرويج راه 5 دقايق نكون عندك
زينب: ولا وإلى جاني الوجع دابا اش ندير😭😭
ياسين: حبيبة راه عندي شي خدمة ضرورية داكشي علاش مشيت غير نسالي نجي عند بوكاهونتاستي
زينب: اياه تبتني بهاد بوكاهونتاستي 😢😢 نتا اصلا طالب عليها و ولدك من الصباح و هو يضرب فيا باغي يخرج
بقات كتنخصص و تغوت و توجع و هو حاير و مخلوع قطعات عليه و هو صافي تخلع و ناض بلا عقل شد الطريق للدار ساق بلا عقل معرفش كيفاش دار حتى وصل دخل بانو ليه دارهم جالسين عاديين كيضحكو
ياسين: جالسين هنا و غافلين على هاديك لي الفوق كتتوجع
سوما: يالاه هبطات من عندها نورة ما بيها والو
ياسين ضرب ايدو مع جبهتو: برهووووووووشة 😡
تم طالع لعندها حل الباب لقاها شادة طاسة ديال الفريز كتغمس فيها الشوكولاته و تاكل
ياسين: برهوشة
زينب: على هاد الكلمة جيتي كتجري ههه
ياسين: كتضحكي يالكارثة
زينب جبدات قنانفها : يااك انا كارثة
ياسين: متجبديش عليا قنانفك طيرتيها مني خلعة
زينب: وا صافي حبيبي غير بغيتك تكون حدايا (حلات ايديها) اجي
قرب ليها ياسين عنقاتو و خشات وجهها في عنقو و هو كيعجبو حالها هاكدا بقا خاشيها في حضنو و كيلعب في كرشها بقات كتهضر معاه على السمية ديال البيبي هي باغية تسمي فهد و هو باغي يزن بقاو مضاربين و قرروا يديرو قرعة و يهبطو عند العائلة يختارو كتبو السميات بجوج في الوراق و هبطو عطاو لسوما هي الأولى و من بعد الباتول و من بعد موسيو العلوي و بتلاتة هزو يزن وهي تبدى الحمقة تهرنن
زينب: ولا غش هدا 😢 نمشيو عند حنان و مروان و لمياء و ايمن و راوية فين راوية حكا
الباتول: خارجة مع أسد
زينب: اياه الناس مبقاوش ساهلين حتى تجي و نشد فيها
سوما: بعدي من البنت
زينب: مقلت والو
بقاو جالسين كيهضرو شويا حتى دخلات راوية شدو فيها شويا و جلسوا تعشاو و طلعوا ينعسو 😴😴😴
4 ديال الصباح فاقت زينب بوجع خفيف في كرشها و لكن غادي و كيتزاد بدات كتحرك في ياسين
زينب حسات بالماء خرج منها و هي تغوت فوق راسها الفيلا كاملة سمعتها : وااااا رااااااه كنولاااااااااااااد نووووووووض
ناض ياسين مفزوع شاف تحتها الماء صفار بالخلعة ولا يدخل و يخرج في الهضرة غادي جاي قدامها تقول هو لي غيولد
ياسين: اه ا لا الماء اش ندير دار لا المشفى
زينب صهلات: وااا جلس دوختيني
تحل الباب دخلو كاع لي في الدار شافتها راوية عرفتها طرطقات ليها السقية هزها ياسين نيشان للمشفى و هي كتوجع و تعاير فيه
زينب: خرجتي عليا اش داني انا علاش تزوجت اصلا 😭😭 نطير سيري ا ياسين ا ولد العلوي الله ياخذ فيك الحق على هادشي لي درتي ليا 😭😭😭
ياسين: صافي أ حبيبة صبري ها حنا وصلنا
زينب: و بعد مني 😭😭😭 محبيبة حد انا😭 انا لي درتها لراسي 😭😭 اش داني ااااااااه وااااا مييييي وااا كنتقطع
دخلو للمشفى خداوها من عندو دخلات معايا راوية و هو بقا كيتشوى برا كيسمع غواتها و بكاها و هو غادي جاي خايف عليها و بقات فيه مكرهش يدخل ياخد داك الألم كامل من عندها و هي متتعدبش بقا شحال و هو كيسمعها كتبكي و تغوت حتى سمع صرخة طفل صغير "نيااااااا نيااااااا " عاد استوعب انه هدا فلدة كبدو هادي صرخة قطعة منو خرجات راوية هازة البيبي في ايديها من بعد ما غسلو ليه الممرضات بقا شحال كيشوف فيه مد صبعو لايديه الصغيورة و عينيه كيلمعو بالدموع قرب حداه و باس ايديداتو
راوية: انا غنديه نلبسو و نتا دخل عند زينب
هز ياسين راسو و زاد بخطوات تقال لعندها لقاها ناعسة بلباس المشفى و وجهها شاحب قرب حداها ابتاسمات ليه هبط لمستواها باس راسها و بعدها بوسة في شفايفها كانوا كيشكرها حيت كانت قوية هز راسو طاحت دمعة من عينيه و هي كذلك دموع اكيد ديال الفرحة (يا رب متحرم حتى واحد من هاد الفرحة) قرب لوذنيها و قال
ياسين: أحبك.. كلام من قلبي يا حبيبتي فدعيني أسقيك من بحر حبي وأرويك من نبع قلبي فحبك نار ألهبت صدري دعيني.. أحترق بنار هواك دعيني.. أحبك أكتب أسمك في سماء الكون وأطفىء شيء من أشتياقي إليكي دعيني.. أمطر في سماء حبك أحلامي فحبك هو أختياري فلن أبالي أن أحترقت بنار هواكي فأنا أحبك ولن أحب سواكي أبداً يبدأ ولا ينتهي دعيني أحبك❤
خرجوا زينب لبيت خاص بدلو ليها و قادوها جاو العائلة و الكل فرحان ليها باركو ليهم و فرحانين بالبيبي لي قرروا يسميوه يزن
قربوا ليها جلسات تقادات تعافرات حتى هزاتو جبدات بزولتها رضعاتو شدها و كيجر و ياسين مقابلو و الضحكة مرسومة على محياه و صبعو مستوطن ايدين الصغار ديال البيبي كملات ليه الرضاعة و شافت في ياسين و قالت
زينب: اجي
قرب جلس حداها كيدوز ايديه على ضهرها
زينب: هاك شدو
ياسين: ولا نخاف عليه
زينب: متخاف والو مدرت ايديك هاكدا و غنحطو ليك
مد ايدو كيفما قالت ليه و حطاتو ليه بقا شحال كيشوف فيه قرب راسو لشفايفو باسو و قرب لوذنيه أذن ليه فيهم واخا سبقو موسيو العلوي
ياسين: شوفي شحال صغير
زينب: دابا يكبر
ياسين: ان شاء الله
زينب: حطو في بلاصتو
يالاه حطوا و هي تدخل الممرضة باش تديه مع البيبي داتو و خلات العشاق ديالنا بوحدهم كيشوفو في بعضياتهم مخلين عينيهم لي كيهضرو في بلاصتهم هي كتعبر على حبها ليه لي كيكبر كل نهار
و هو كيشكرها على الهدية لي عطاتو و كيعبر على العشق ديالو لأنه فات مرحلة الحب ولى عاشق ولهان فيها في شخصيتها و تفاصيلها تقاد حداها و خداها في حضنو و نعسو 😴😴😴
دازت يومين اليوم غتخرج زينب جا ياسين من بعد مكمل الإجراءات ديال المشفى دخل لقى زينب و يزن واجدين و قال
ياسين: دنيتي واجدين
زينب صغرات صوتها: واجدين ا بابا
ياسين بقات كتردد في مسامعو كلمة بابا لي هي جديدة عليه عاد استوعب انه ولى بابا خرجها للطوموبيل ركبوا و شدو اتجاه الفيلا
زينب: هادا ماشي طريق دارنا
ياسين: لا ا حبيبة طريق دارنا
زينب: كيفاش
ياسين: نوصلو و شوفي 😉
بقاو غاديين واحد المسافة حتى وقفوا قدام واحد البلاصة لي خلات زينب تحل فمها و عينيها و كلشي مخلط عليها 😳😳
وقفها قدام الفيلا لي كانت من تصميمها
#فلاش_باك
ياسين: الحب بما انك مكتقدريش تمشي للشركة انا غنعطيك مشروع تخدمي عليه هنا في الدار
زينب: بصح 😍😍😍
ياسين: بصح هه غيكون تصميم لواحد الفيلا
زينب: اوك مزيان حاجة خفيفة و لكن كيفاش بغاوها
ياسين: هما كيتيقو فيا و انا كنتيق في ذوقك حطي فيها لمستك و نتي كيفاش بغيتيها تكون
زينب: صافي مشات غندير جهدي كامل معاها
ياسين: هاكا نبغيك 😘
🔙 كملات التصميم في وقت وجيز ووقف عليها ياسين حتى تبنات و تقادات و الاتات و الديكور بطبيعة الحال خلاه لسوما و الباتول و هكدا تحقق حلم زينب انها تسكن في دار هي لي صمماتها
بقات واقفة و دموع محبوسين في عينيها معارفة واش تزيد ولا ترجع كتحمد الله لي عطاها رجل بحال ياسين و عائلة ديما واقفة معاها في الحارة قبل الحلوة هزات وليدها بين ايديها و هي تحس براسها حتى هي مهزوزة ابتسمت بلا متدور دخلها كان الكل مجموع تما سلمات على الكل دورات عويناتها في الاتات و الديكور و التصميم كتحس براسها كتنتمي للمكان لأن كلشي فيه على ذوقها و كيعجبها اكيد حيت الباتول عارفة ذوق بنتها مزيان
الباتول: بنتي طلعي ترتاحي باش نجيب ليك تاكلي
زينب: مقاداش على الماكلة
الباتول: اياه و باش باغا ترضعي داك الزين لي في ايديك بداك حليب الحكاك يخرجو ركابيه خاويين
الباتول: الباتول قدك كنت نلعب معاك توحشتي السندالة ياك ملقيتيش لي يقرصك عاطية للدري حليب ميكا
حنان: لا الحبيبة نتي راه الحب
مروان: كنتي كتاكلي العصا بالسندالة
حنان: قلب عليا تاكل جنابك هاك هز ولدك راه بغاك
زينب غمزات ياسين لي فهمها هزها بلا هضرة بلا جوج هي و ولدها
ايمن: ياسين هاز عائلتك
ياسين: اياه كاين شي مانع واخا عائلتي تقالت
زينب: هاد شويا هو لي تقل عليك
ياسين: لا ا بب نتي لي فضتي
زينب: 😢😢 ماما سمعتي انا غندير الإضراب على الطعام كاع
الباتول: اوا ا بنيتي هانا غنطلع ليك الرفيسة بالمساخن و إلى مكليتيهاش نوري لبنتي ليضراب كيداير
ياسين: عبرات عليك باغا تقتلي ليا ولدي بالجوع
ضرباتو و دورات وجهها زعما كاعية طلعها في الدروج وقفوا قدام واحد الغرفة غير حلها عينيها لمعو بالفرحة و دارت لعندو باستو حطها و دخلات كتسارا في الغرفة لي كانت في الابيض و مزينة بديكور ازرق و متوسطها سرير ديال البيبي كانت زوينة لدرجة زينب مسخاتش تخرج منها شويا مشاو لغرفتهم لي حتى هي لا تقل جمالية على غرفة البيبي خلات زينب حالا فمها في الشيء لي شافت و عاجزة عن الكلام حاوطها ياسين من اللور و شاد معاها يزن و قال
ياسين: عجباتك
زينب: كتفلى ياسين نتا أروع حاجة طرات ليا في حياتي
ياسين: ياك بعدا اعتارفي
زينب: هههههه اعترف
ياسين: يالاه اجي تجلسي ترتاحي
زينب: اوكي
داها لجيهة السرير قادها و حطات حداها ولدها كتشوف فيه
زينب: كيبان ليا غير تسخرت
ياسين مفهمهاش: فين تسخرتي
زينب ضحكات عليه حتى عيات: زعما طلع كيشبه ليك ما دا مني والو
ياسين: ااااه لا لا باين غيدي شعرك و لونك لي كيحمقني
زينب حشمات و حدرات راسها
ياسين: عندنا الولاد و باقا كتحشمي
زينب: مالي مصندلة فحالك
ياسين: كتصندلي غير فاش كتكوني كتوحمي 😉😉
غرقها في حوايجها و هي كتفكر اش كتدير ليه فاش كتكون كتوحم و قالت
زينب: تفو عليك الماسخ بعد مني
ياسين: والله حتى كتكوني عشرة على عشرة( بدا كيقرب ليها ) كيبان ليا ندير ليك شي كرش آخرة
يالاه غتهضر زينب و هو بتحل الباب هزو عينيهم كانت الباتول هازا بلاطو و وراها سوما و خديجة و حياة كل وحدة و اش هازا و جلسوا زينب و كيكلوها و يقادو ليها و يفششوها
ياسين: وا صافي باراكا عليها من الفشوش راه غتخسر و نوحل فيها
زينب: مالك نتا المسموم
ياسين: انا مسموم المشعكة
زينب: ياك مشعكة صافي من غدا نمشي نقطع بوه هاد الشعر نيت راه كيعنكشني و مكنقدرش لا نغسلو لا نمشطو
ياسين: اوا إلى بغيتي نقطع ليك الرجلين ديريها
زينب: و نتا مالك ياك شعري
ياسين: حتا حاجة ما ديالك كلك ديالي
سوما: ههههه اوا الله يمسخك اوليدي كنتي غير ساكت الكلمة كنا كنسمعوها من الشهر للشهر
ياسين: على لي عندو بحال هادي يسكت
زينب: مالي كيجيتك
ضحكوا عليهم الكل و عرفوهم مغيتقاداوش خرجوا و خلاوهم يتناتفو كاع و العشاق بقاو مناكرين حتى سمعوا صوت البيبي كيبكي قال ليهم "صدعتوني" 😂 ضحكو و هزاتو زينب ترضعو و ياسين حداها كيداعب راسو
دازت شهر زينب رجعات صحيحتها و الكل مفششها و اليوم الكل مجموع عندها لأنهم دايرين السابع للبيبي واخا معطل و المفاجأة انهم ختنوه بلا متعرف و ملي عرفات شبعات بكا و سبان في ياسين ههههه كان الكل مجموع و زينب و ياسين كيتلقاو التهاني دازت ليلة زوينة ضحكو و شطحو و غناو بيناتهم مشاو ناس و بقاو غير العائلة لي غادين يباتو عند زينب
زينب: بشويا على ولدي راه يالاه مختن 😭 خطفو ليا داك المعوقب ديال خوك مشفتوش 😭
الباتول: الله يعطيك عقل ابنتي غا هبيلة و قالو ليك ولدي غا نتي لي ولدتي
حياة: حتى انا هاكدا درت في ياسين شحال بكيت و هو كان كيتحرك بزاف كيتعكر يبدى يبكي نبدى نبكي حتى انا
خديجة: انا ايمن ختنو ليا خالي في سبع ايام زينن غير شويا و سكت اصلا كان كي الأمانة حطيه في البلاصة ميدوي مايتكلم
لمياء: و دابا مبقاش يسكت
زينب: اييه نتي مالك مع خويا
لمياء: راه راجلي بابات ولادي
زينب: هههههه بزعطة اري ليا ولدي
لمياء: لاااااأح
راوية: مكتقاداوش سمعوني عرسي السيمانة الجاية
كلشي خرج عينيه
حياة: اويلي اش كتقولي مموجدين والو
الباتول: أو ا بنيتي غير علمينا
سوما: حماقيتي ديري شهر يالاه نوجدو شويا
راوية: لا والو سيمانة هي سيمانة
حياة: أمرنا لله اش غنديرو
دخلو الدراري
ياسين: اشناهو لي مورا سيمانة
حياة: عرس ختك
لمياء: ايااه غنحيحو تاني
ايمن: نوضي نتي ديري تيست
لمياء: عطيه لياسين يعطيه ليا و نتا بعد منشوفكش
ايمن: الله يصبرني معاك قهرتيني
زينب: يحسن عوانك
ياسين: غتنوض فيك الشيب
ايمن: من نهار تزادت و هي منوضاه فيا متخافش
الكل: هههههههههه
مشات لمياء دارت التيست و جات فرحانة تلاحت على ايمن عنقاتو
لمياء: ايمن انا حاملة كيولي عندنا بيبي
ايمن زير عليها مقاداه فرحة حتى دفعاتو و قالت
لمياء: لا لا نتا خاصك ضروري تدير حل لهاد الريحة
ضحك الكل و باركو ليها هز ياسين عينو في كلشي كيحمد الله و يشكرو على عائلتو و جمعتهم و فرحتهم مع بعض هز ولدوا و طلع لبيتو و تبعاتو زينب بعد متأكدات أن الكل نعس دخلات لقاتو حاط ولدو وسط الناموسية و ناعس حداه مشات بدلات و تخشات حداهم من الجهة الأخرى تحت نظرات ياسين لي كلها حب شد في ايديها و نعسو ولكن ضروري ينوضهم السي يزن في الليل ههه
دازت سيمانة غير في التوجاد ديال العرس و جري هنا جري لهيه راوية هي المبخرة فيهم كلشي واقف ليها على عرسها و سي أسد دايزة عليه السيمانة بحال العام كيحسب التواني باش يخرج منها داكشي كامل لي دوزات عليه ههه جا نهار العرس داز من داكشي و الكل فرحان و كيشطح و يغني مشات راوية مع راجلها بالبكاء هي و ماماها و كل واحد شد طريق دارو
#بعد_مرور_تلات_سنوات
زينب: وراه قلت ليك مبغيتش
لمياء: متجنينيش غنخرج ليك من التيليفون سمعيني هادي فرصة نيت باش تتصالحي معاه
زينب: هو لي خاصو يتصالح معايا انا مدرت ليه والو
لمياء : البراءة بحال إلى مكنعرفكش
زينب: اه حيت خوك جيتي منو راه هو لي قاطع كلامي 3 ايام و علاش حيت سي السيد قالك منخدمش في المشروع حيت مولاه عينو زايغة
لمياء: اوا راه عندو الصح هو لي عارفو
زينب: و انا مالي غنتزوج بيه
لمياء: وراه كيغير عليك الهبيلة خاصك تكوني فرحانة
زينب: تلاحي عليا تانتي
لمياء: هانتي سمعيني بما انه اليوم عيد ميلادو صيفطي ليا يزن و لا صيفطيه لماما هو و ماماك و ديري شي عشا رومانسي و عطيه كادوه و كوني أكيدة غينسا المشروع و التقليقا و كلشي
زينب: وراه انا لي مقلقة
لمياء: نتي راه خاصك شي عصية ا بيبي هداا على خوك
زينب: امالك قفزتيني
لمياء: غير مع ولاد خوك طبخو ليا راسي
زينب: بوسيهم ليا
لمياء: تبوسك الصحة يالاه تلاحي ديري داكشي لي قلت ليك
قطعات زينب و ناضت خرجات من البيت كتقلب حتى جاي لعندها كيجري و ايديه الصغار دارو على رجليها و قال بصوتو لي غير كتسمعو كتطير بالفرحة
يزن: ماما
زينب دارت هزاتو: الزين ديال ماماه
يزن: ب بيت نمسي عد ميما
زينب: و تخليني 😢
يزن: لا ا حليكس يالا مانا
زينب: غاتمشي اليوم مع ميما و غدا نلحق عليكم ان شاء الله اوكي
يزن: اه اه
حطاتو و مشا كيجري عند الباتول يقولها ليها و فعلا داكشي لي دارو لبسوا حوايجهم و وصلهم الشيفور لعند سوما و موسيو العلوي أما زينب ناضت دوموندات الماكلة و صوبات الطبلة بالورد و الشمع و دخلات دوشات و لبسات كسوة في الأحمر و دارت مكياج خفيف و طلقات شعرها جا العشاء و حطاتو في الطبلة و طفات الضوء شويا دخل المتعجرف ديال قصتنا هز عينو كيشوف الضوء طافي دار ايدو شعلو بانت ليه واقفة حدا الطبلة بكسوتها المتيرة و شكلها لي مكيقدرش يقاومو و أنوثتها لي غادية و كتزاد و لكن رغم هادشي كامل دور وجهو و كمل طريقو لأنه باقي مقلق منها حيت تزايدت معاه في الهضرة و دارت غير لي في راسها رغم أنه حذرها من التعامل مع واحد الكليان هو عارفو اش كيسوى تم غادي عرفاتو باقي مقلق محسات حتى طارت عنقاتو من اللور و عينيها عامرين بالدموع هو مدار حتى ردت فعل حتى حس بالقميجة اللور فزكات عرفها كتبكي و هادي اكتر حاجة مكيحملهاش دار و شد وجهها بين ايديه
ياسين: دابا مالكي
زينب: مكنبغيكش تتقلق مني
ياسين: درتي علاش ا زينب واش انا كنقول شا و نتي كتقولي را عمرني مرفضت ليك شي حاجة و لا شي مشروع و لكن مني عرفتك معامن باغية تخدمي حذرتك و لكن نتي درتي غير لي في راسك
زينب كتشهق بالبكاء حيت عارفاه عندو الحق: 😭😭😭😭 و 😭 صافي اهئ انا غنعطي المشروع😭 لعلي اهئ من غدا غير متبقاش مقلق مني
ياسين كيمسح في دموعها: صافي ممقلقش غير مسحي خنونتك شو كي وليتي كتخلعي
زينب خسرات سيفتها: مبقيتيش كتبغيني
ياسين: الصراحة مبقيتش كنبغيك
زينب خرجات عينيها و جمعات التكبيعة يالاه غتطلقها حتى سكتها بهضرتو
ياسين: وليت كنعشقك
زينب: 😍😍
تلاحت عليه بتعنيقة و كتبوس فيه في كل بلاصة في وجهو جراتو للطبلة و جلسوا كياكلو و يترومانساو جابت الكاطو لي طلبات مكتوب فيه كل عام و انت حبيبي ضحك و قال
ياسين: و انت المشاغبة ديالي
ناضت جلسات على رجليه و هزات بواطة في ايديها و قالت
زينب: هاد العام جبت ليك كادو
ياسين: اوووه هادا تاني كادو بعد يزن
ضحكات و عطاتو البواطة لي شدها و كيحل فيها و يضحك حتى تكوانسا فيها و ضحكتو ولات حتال ضرستو الأخيرة و بدون مقدمات خدا شفايفها بين شفايفو و كيبوس فيها حتى تقطع نفسهم عاد بعد شويا و حط ايديه على كرشها و قال
ياسين: احلى إمرة و احلى ام
زينب: غتولي بابا تاني
ياسين: هاد المرة شي مشاغبة بحالك
زينب: مقدكش داك المشاغب لي عندنا
ياسين: ما دا في الهدوء ديالي والو كاع التشيطين و الكوارث و الزبايل جايبهم من عندك
زينب: مالك كي جيتك
ياسين هزها و غادي بيها: انا غنوريك كيفاش جيتيني 😉😉😉
#بعد_مرور_تلات_سنوات أخرى
الكل مجموع في الجردة عند ياسين و زينب بمناسبة عيد ميلاد يزن
حنان: ريان جلس الأرض
لمياء: على هاد البعالك يجلسو مجد بعد من خوك
كاري: فين لينا
لمياء: تلقايها مضاربة مع يزن
شويا بانت ليهم لينا جايا بكوشتها تابعة يزن كتضرب فيه
زينب: سليعفانة شدي بنتك على ولدي
لمياء: قولي لخوك يشدها
ياسين: كي شتي ولدك ساهل راه كيخلينا حتى كنغفلو عليه و يضربها
صفقة زواج من متعجرف الجزء 23 والأخير
محتوى القصة
التنقل بين الأجزاء