زوجي الملتحي الجزء السابع

بقينا واقفين شحال تا بنتلينا خالتي رحمة جاية نزلنا من الطموبيل غير شافتنا عقدات حواجبها ومن حقها وعاد زيد مرتي العزيزة غيثة غتكون قاداتلنا الضوسي معاها ....رحمة:علاش جيتو ...عثمان:بغيت نهضر مع ميساء اخالتي هي معارفة والو ...رحمة:شوف اولدي البنت ملي جات وهي كتبكي بزز باش نعسات خليها حتى لمن بعد وهضرو واخا هدشي لي درتي معندو عذر بنتي متستاهلش هدشي منك ...عثمان:شوفي والله مفاهمين شي حاجة انا درت هدشي وعندي اسباب ولكن انا وديك خيتي م ...رحمة(قاطعتو):مكيهمنيش لي بيناتكم مكتهمني تا حاجة من غير بناتي سيرو من هنا الله ارضي عليكم ...عماد:عثمان يالاه تال غدا ونرجعو ...عثمان(بالغوات):واااش انا كل ساااعة تبقى تقولياااا يالااااه راااه خاااصهاا تعرف شنووو كاااين ...رحمة:الله اعاونكم(خليتهم ودخلت للدار سديت الباب) ...///غيثة(كنطل مور الخامية):بفف صافي هاوما مشاو ...ميساء:الصمت ...غيثة(جلست حداها):حبيبة مديريش فبالك عافاك براكة من الدموع الا تزوج على قبل الولاد الله اطليه بيهم المهم عرفناهم اش كيسواو ونتي ربي غيعوضك معرفتش علاش مجتمعنا هاكا كيدخلو فإرادة الله وفاش كيخصهم الامر تيوليو فقهاء وكيوليو يعرفو بلي الله هو لي كيرزق ...ميساء:غيثة انا حاملة اهئ اهئ ...غيثة:اه ولكن(عاد رديت البال لشنو قالت)شنووو واااش بصح ا ختي ههه ياااه و اخيرااا ...ميساء(بحرقة):اه و اخيرا اهئ اهئ جا معطل هاد الخبر(حطيت يدي على كرشي)علاش معرفتش قبل اهئ علاش اصلا دار فيا هاكا ياك هو كيبغيني اهئ اهئ علاااش دارليا هاكاااا علااااااش ...رحمة(سمعت كلامهم ودخلت عندها عنقتها):شششت ...ميساء:اهئ اهئ انا حاااملة ا ماماا اهئ اهئ علاااش مجاش فوقتووو علاااش اهئ ...رحمة:ششت استغفري الله ابنتي واش غدخلي فرزق الله هو كيعلم الغيب يمكن ربي عندو حكمة من هدشي ابنتي ...ميساء:اهئ اهئ انا ميمكنش نبقا هنا انا خاصني نمشي اكيد هوما غياخدو ليا ولدي ويعطيوه ليها تربيه اه اه هوما هدشي لي باغيين انا خاصني نمشي ...غيثة:اهئ ختي تهدني عافاك ماما شوفي كي ولات كتهضر ...رحمة:بنتي هدا ولدك و تا واحد مغيحيدوليك ...ميساء(بالغوات):لاااا هوماااا غياخدووه مني انا خاااصني نمشي ميمكنش نعيش بلا ولدي ميمكنش اهئ اهئ ماما عافاك فهميني انا خاصني نمشي ...رحمة(بقيت كنشوف فيها كتبكي قطعاتليا قلبي):ديري لي يريحك ابنتي غير بقاي مرتاحة برااكة من البكا ...غيثة:كيفاش ا ماما واش غتخليها تمشي ...رحمة:الا بغات مغنمنعهاش انا جربت وبعدت على كبدتي(مسحتلها دموعها)منبغيكمش تا نتوما تعيشو دكشي لي عشت سيرو من هنا و عيشو مع ولادكم ويلا مكتاب ليكم ترجعو لرجالكم غترجعو اهئ ...ميساء:لا ا ماما غنمشي غير انا غيثة غتبقا ...غيثة:مستحيل انا غنمشي معاك كيفما نتي خايفة على ولدك تا انا خايفة عليه اختي مدام هوما عاطيين الاهمية للولاد لهاد الدرجة اكيد ممكن يفكرو يبعدونا عليهم وانا اصلا منخليكش تمشي بوحدك اختي مستحيل نتفارق معاك ...بقينا جالسين انا كنبكي على حالي وفين وصلت كنت فرحانة وفدقيقة تقلب عليا كلشي الانسان لي كنت كنحمد الله انه لاقاني بيه صدمني صدمة عمري متوقعتهاش منو ههه لالا و نهيلة عثمان ونهيلة كون قالوهاليا مكنتش غنتيقها ولن انا مقالي حد دابا شفت بعيني وسمعتها منو بودني عثمان لي كان كيكرها ومكيحمل تا الشوفة فيها امتى فكر فيها وختارها اكيد كانو على علاقة ببعضياتهم وانا كي الحمارة جالسة بيناتهم مجايبة خبار دابا كلشي سالا مستحيل نسامحك ا عثمان و كيف حرقتي قلبي غنحرق قلبك على ولدك لي كنتي كترجاه لا نتا ولا مك نتا غتجيب غيرو ولكن انا هو الحاجة الوحيدة لي ربحتها من هاد الحياة لي معطاتني والو من غير الصدمات لي كل مرة كتقلب حياتي رأسا على عقب ...غيثة:ختي فين ساهية ...ميساء:غدا غنمشيو من هنا ...رحمة:فين غتمشيو ...ميساء:فرنسا غنمشيو لفرنسا ...غيثة:فرنسا!! ...رحمة:الله يا بنتي كيسحابلي غتخوي غير المدينة نتي باغا تخوي البلاد ...ميساء:ماما متصعبيهاش عليا عافاك اهئ لي فيا يكفيني انا منقدرش نبقى هنا حيت هو ممكن يلقاني وانا مبغيتوش مبغيتووووش ...رحمة:صافي ابنتي واخا غير متعصبيش ولكن ...ميساء:جمعي غير حويجك ا غيثة انا غنتكلف بالباقي...

خليتهم جالسين كيشوفو فيا نضت بديت كنجمع حويجي حيدت دكشي لي كنت لابسة بادا ووصيت ماما باش ترجع ديالي وقفطان غيثة لمولاتهم..هزيت وراقي وكاع دكشي لي غنحتاج غيثة حتى عي ناضت بدات كتجمع وماما جالسة كتشوف فينا مبغيتش نخليها ولا نبعد عليها من بعد ما كنت بعيدة عليها فعلا ولكن يمكن القدر هدشي لي باغي ليا...كملت جميع جبدت لاكارط كيشي لي كان مخلي ليا بابا ولا راجل خالتي الله ارحمهم عمري قستهم بحالا كنت حاسة انني غيجي شي نهار ونحتاجهم زيادة على ان بابا و ماما عمرهم خلاوني نعتاز شي حاجة...كملت جميع وجلست كنرجع انفاسي لي كنت كنزرب وانا كنجمع بقيت كنشوف فغيثة وكنتفكر شحال كنا فرحانين معاهم وكيفاش تقلبات علينا ليام تا سمعت تيليفوني كيصوني هزيتو لقيتو عثمان تيليفوني غيطرطق باتصالاتو قطعت عليه وحيدت لاكارط هرستها ورميتها من بعد ما عيطت وقطعت جوج لي بيي كانت 10 د الليل تخشيت بلاصتي ورفضت ناكل ولا نشرب منين غيدوز ليا درت راسي ناعسة وماما جالسة حدايا كدوز يدها على شعري اما غيثة هبطات تاكل عاد طلعات تخشات ففراشها حسيت بماما غتنوض جريتها وطلبتها تنعس حدايا درتلها بلاصة وتخشيت فيها ودموعي نازلين بلا صوت كنحس بجهدي تقادا لي بكيتو اليوم مبكيتوش من نهار عرفت والديا عايشين ...// #اصبح_الصبح_و_الملك_لله: ...ضرباتني الفيقة من بعد ما سمعت الريفيي لي حققتو فتيليفون ماما مع 6:30 غير نضت ناضو بجوجات بذلت حويجي دغيا وبديت كنهبط الشوانط لتحت وماما مشات توجد الفطور ومرة مرة كتشوف فيا وانا كنحاول نتجاهل شوفاتها لاحقاش مباغاش نرجع فقراري مستحيل جلست كنفطر معاها بزز انا و غيثة لي غير كملات وقفت عنقت ماما وانا كنبكي وهي كتر سبقت غيثة لبرا عيطت لطاكسي لي كان كيدينا شحال،هادي المعهد و درت معاه البلاصة فين نتلاقاو جات غيثة خدات باليزتها جاراها سبقاتني اما انا بقيت كنشوف فماما لي كتشهق رجعت عنقتها وبستها عاد خرجت بلا منشوف فيها ...كل وحدة جارة باليزتها وهازة هم فوق كتافها و افكار فدماغها وصلنا للبلاصة لقيت الطاكسي واقف هبط حط باليزاتنا فالكوفر ومن تما للمطار كانت عندنا الطيارة مع 7:30 ..من بعد مدة قليلة كنا فالمطار نزلنا شديت فغيثة لي كانت كتحاول تشد راسها ومتبكيش جلسنا تا سمعنا النداء وتحركنا كملنا الاجراءات وكل وحدة شدات بلاصتها نحو المجهول معرفتش شنو مزال تابعنا تم ولكن غنحاول نتحكم فحياتي ونخليها مزيانة ....//////رحمة:غير خرجو البنات طحت على طولتي فباب الدار حاسة بقلبي خرج من بلاصتو وانا كنشوف بنياتي غاديين معارفا واش غنرجع نشوفهم ونعنقهم مرة خرا ولالا..هزيت راسي شربت دوايا وطلعت بلاصتهم تخشيت فيها حتى داني النعاس بحكم ان الدوا لي كنشرب كيرخي الاعصاب وهدشي لي كنت محتاجة...معرفتش شحال نعست تا فقت على صوت الصونيط فرحت وقلت بناتي رجعو هوما لي طاحوليا فبالي نضت بزربة كنتعتر فخطواتي تا وصلت للباب حليتو وخاب ظني ملي لقيتو عثمان..بقيت كنشوف فيه ودخلت جلست فالصالون تا جا جلس قدامي وهو كيدور عينيه فالدار ...رحمة(بانكسار):بلا متقلب مكايناش ...عثمان(بعصبية):وفيين مشااات ...رحمة:مشااو بناتي مشاو بسبابكم خلاوني ومشاو اهئ اهئ ...عثمان(بصدمة):ك..كيفاش مشاو واش خرجو لشي بلاصة وغيرجعو ياك ...رحمة:لا بناتي مشاو وعمرهم يرجعو بسبابك نتا وخوك عمري نسمحليكم بعدتوتم عليا اهئ اهئ ...عثمان(وقفت وانا ممتيقش كيفاش مشات فين مشات وخلااتتني):خالتي رحمة الله اخليك الا كديري هاكا باش تعاقبيني راك نجحتي ولكن خاصكم انني متزوجتش انا درت الخاطر للواليدة قدام عينيها و رجعت طلقتها انااااا غلطت حيت ماااقلت وااالو لميسااااء ولكن لالا دابا عافاك عيطيلها تجي ...رحمة:طلقتيها!!تعطلتي بزااف اولدي بنتي مشات خوات البلاد وقررات باش مترجعش ليك خليها ترتاح الا مكتابليكم تجمعو نتوما وودكم راه غترجع ...عثمان(مصدوم):ولدنا كتقصدي عماد و غيثة ...رحمة:ميسااء حاملة ا عثمان...

عثمان(بعدم تصديق):اكيد كضحكي معايا هي ميمكنش تخليني ياك هي غير مقلقة مني و غترجع ...رحمة:هدشي مفيهش الضحك و امتى غترجع مقالتش حيت هي خوات البلاد ماشي غير المدينة ...رحمة(بقيت كنشوف فيه كيفاش جلس وهو شاد راسو ووجهو حمار ومرة مرة كيعلي عينو فيا كأنه كيترجاني نقولو بلي هدشي غير كدوب ولكن للاسف هو ارتاكب خطأ ضيع بيه حياتو..يالاه جيت نهضر بانليا طالع للفوق خليتو على خاطرو باش يتأكد كون غير جا قبل يمنعها تمشي ويشرحلها شنو كاين ولكن كلشي كان واجد انها تمشي حتى وراقها كانت مخلياهم هنا لا هي ولا غيثة و تا الحوايج داو دكشي لي كانو مخليين هنا..بقيت جالسة تا هبط شاف فيا وشفت عينيه الحمرين حز فقلبي نشوفو هكاك ولكن هو غلط):تأكدتي؟ ...عثمان:الصمت ...رحمة(تنهدت ومشيت وقفت قدامو):نتا غلطتي ا ولدي ملي خبيتي عليها كون قلتيليها شنو كاين كانت غتغضب ساعة وترجع وغتلقاو حل ولكن نتا تصرفتي نتا وخوك راكم مزوجين يعني اي خطوة بغيتو ديروها خاصكم تشركوهم معاكم شنو استافدتو دابا .. عثمان(بصوت مبحوح):احم واخا ممكن نعرف فين مشات ...رحمة(بتأسف):منقدرش نقولك اولدي خليها تاخد وقتها ممكن ترجع شي نهار ...عثمان(بحسرة):شي نهار!! ...مشا وخلاني تبعتو باش نسد الباب تا بانلي عماد نزل من الطموبيل ووقف قدامو وبلا ميهضر معاه عثمان نزل عليه بضربة للوجه خلاه مصدوم ...عثمان(بالغوات):شفتييييي شوااااااارك و افكااااارك ها،حناااا خسرنااااهم و خسرناااا ولاااادنا مشاااااو بجووووج مشاااااو ...عماد(بعصبية):ماااالك اصااااحبي اش كاااين و شكووون لي مشاااو ...عثمان:مرااااتك ومرااتي مشاااو خواااو البلاد(تم غادي باش يركب وهو يرجع عندو)و نزيدك بجوجهم حااااملين وسافرووو غيير بوحدهم جوووج بنااات بوووحدهم فبلاد غريبة عليهم(دفعو من قدامو و مشا) ...عماد بقا مصدوم وهو كيحاول يستوعب كلام خوه هز راسو جهة الباب لقاني واقفة كنشوف فيه جا لعندي ...عماد:خالتي و..واش بصح غيثة و..غيثة مشات ؟؟ ...رحمة:نتوما غلطتو و دابا كدفعو ثمن الخطأ ديالكم ...سديت الباب وخليتو واقف بقاو فيا ومكرهتش نقولهم فين مشاو ويقلبو عليهم ولكن مصلحة بناتي اولى لي ممكن ندير هو ندعي معاهم يتجمعو فالقريب العاجل ..//خديجة:اففف تمارة ...مجدولين:بنتك هي لي جات معاها خوات هاد البلاد ...خديجة:اوا بصحتها(شفت فنهيلة)اجي نتي فين راجلك راك عروسة زعما ههههه ...نهيلة(مفقوسة):شكوون عرف من البارح ما شفتو غير سنينا العقد و شافتنا مرتو وهو يمشي معاود رجع ...مجدولين:ههه ناري فعايل الضريرات هدوك احبيبة ولكن شوفي خاصك ضربي على راسك راك دابا بحالك بحالها ...خديجة:و شنو شوفي ابنتي تحزمي وجريه ليك وجيبيلو الولد هاكا غتفرحيه وتفرحي حماتك اولا فاطنة ...فاطنة(ساهية كنخمم فهدشي لي درت فولدي واش صح ولا غلط):الصمت ...خديجة(كنحركها):واا فاطنة فين مشيتي ...فاطنة:ها هانا اختي مالكي ...خديجة:وا تي فين ولدك راه عروستو كتسناه راه خاصو يعدل بيناتهم دابا ...فاطنة(يالاه جيت نجاوبها هو يدخل علينا عماد):مع(شفت فيه)ولدي جيتي فين خوك ...عماد(عينيه حمرين وعروقو بارزين صدرو كيطلع ويهبط):ولدك؟!!متأكدة حنا ولادك؟ ...فاطنة(باستغراب):اش هاد الهضرة تاني ياكما حرشاتك مراتك شفتها غبرات تا هي ...عماد(بركاتليا على الجرح حسيتي بدمي كيفور ملي تفكرت غيثة و انني معارفش فين هي و واش غنولي نشوفها ولالا):مرتي،مرتي الالة مشااات خلااتني و مشات هي وولدي هه لالا نزيدك مشات هي وختها ميساء لي تا هي حاملة مشاو خلاونا و مشاااااااااااااو ...فاطنة(مصدومة):ميساء حاملة!!كيفاش امتى ؟؟!....

...عماد:اه ميساااء حااااملة ضيعتي عثمان و ضيعتيني تا انا دمرتي لينا حياتنا لدرجة باش نرضيوك نتي على حاجة نتي عتارضة عليها و مراضياش بحكم الله ضيعنا عائلتنا لي بنينيااااا مرتاااحة دابا؟جاوبيني عافاك واش مرتاحة ...فاطنة:اهئ ولدي انا ...عماد(قاطعتها):غير وفري كلامك ا ميمتي جهدي تقادى وحرقتي على مرتي وولدي هنا(شير لقلبو)باقي مفرحت لا بولدي ولا بمرتي لي مزال مكملت معاها عام ...نهيلة(بفرحة ولكن مبينتش):احم و فينو عثمان راجلي ...عماد(شفت فيها وانا مغزف عليها):هه راجلك؟!منين جاك راجلك ...نهيلة:مالك نسيتي راه البارح تزوجني ...عماد:اه و البارح طلقك ...نهيلة(بصدمة):شنوو كيفااش لالا اصلا ميمكنش يتزوجني ويطلقني فنفس النهار ...عماد:لا الالة ممكن وممكن بزاااف ملي يكون الزواج باطل شرعا من اساسو ممكن خديجة:كيفااش باطل واش هدشي فيه التفلية ...عماد:واخا ما فيا لي يبدا يشرح ولكن نبرد فقستي بالشوفة فوجوهكم لي كانت فرحانة بخبر ان مرتي مشات هي و ميساء و غنقولكم شنو قالنا الامام ملي سولناه ...#فلاش_باك ...عماد:دابا فهمتي شنو كاين و شنو شرطات الواليدة عليه .. الامام:لا حول ولا قوة الا بالله الزواج عمرو كان بالغصب اولدي(شاف فعثمان)دابا نتا رافض الزواج ياك و فنيتك انك تبقا معاها مدة وطلقها ...عثمان:اه هدشي لي ناوي ندير ...الامام:سمعني اولدي الزواج لي كيبدا بنية عدم الاكتمال كيكون باطل شرعا لان الزواج رابط مقدس كيجمع ما،بين جوج الناس كيتعاهدو لبعضهم انهم يبقاو مع بعضهم طول العمر ويتشاركو الحلوة و المرة هادي اولا و ثانيا زواجك قدام القانون صحيح ...عثمان:يعني ممكن نطلقها فنفس النهار ...الامام:اه ممكن ولك ...عثمان(قاطعو):هدشي لي بغيت نعرف حيت هدشي لي كيهمني انا مزوج وكنبغي مرتي وهي لي ناوي انني نكمل معاها حياتي ماشي غيرها و الولاد الا مجاوش مبغيتهمش ...الامام:كلشي بيد الله اولدي ...#نهاية_الفلاش_باك ...نهيلة(مصدومة):كيفاااااااش طلقنيييييي ميمكنشششش نتا كتكدب ...عماد(ببرود):شوفي بلا متفرعي ليا مخي تحركي *** فحالك لداركم الا عندك شي دار(شفت فالواليدة)معرفتش كيفاش درتي هاكا خليتي بنت الاصل وزوجتي وحدة لولدك ممسوقاش لوالديها معارفينها تا واش تزوجات جات معروضة للعرس وفنيتها تزوج تال هاد الدرجة رخيصة ...نهيلة(بعصبية):منسمحشليككككككك تهضررر معاااايا هاكا(هزيت يدي باش نصرفقو هو يشدها) ...عماد(كيهضر وكارز على سنانو):كلبة بحاالك و رخيضة منوسخش فديلمك يدي مال مك معندك نفس(جريتها من شعرها وهي تتنتر ليا حليت الباب ودفعتها لبرا)*** دابا فحالك ولا غنعيطليك للبوليس يجيو يجمعووك ...خبطت الباب وجيت داخل بانتليا الواليدة واقفة فالباب شفت فيها تخطيتها وطلعت دخلت للبيت حاس بقلبي غيخرج مزال ممتيق انها مشات كنشوف البيت كيف مرون كيف خلاتو كيف باقي فكل بلاصة كتبانليا...

#فاطنة:ضيعت ولادي خرجتليهم على حياتهم اهئ انا،كنت باغا غير نشوفهم فرحانين ...خديجة:ولايني ولادك مساهلينش معقناش بيهم ...مجدولين:وييه ا مي معرت كيداروليها ميكونو غير اللفعات ديال مراواتهم ...خديجة:مالك مكلخة كون كانو هوما ميمشيوش و يخليوهم ملي يعرفو .. مجدولين:اه نسيت ...فاطنة:لالا انا خاصني نمشي نشوف عثمان قلبي واكلني عليه مجاش عندي يعلم الله بيه ...خديجة:سيري سيري شوفيه ...نضت لبست جلابتي ودرت زيفي بغيت نطلع عند عماد يديني ولكن عارفاه غيكون معصب خرجت من الدار بقيت واقفة كنساين طاكسي تا وقفليا واحد يالاه ركبت وهي طلع حدايا نهيلة ...فاطنة:اش كديري نتي هنا ...نهيلة:غادة عند عثمان ا خالتي ياك انا،بغيت نشوفو عماد اكيد غير كدب عليا ...فاطنة:شوفي ابنتي انا ما،فيا ميتجاحد معاك وعثمان نصحك بلا ماخليه يشوفك دابا راه ملي كيكون معصب راه معقلش عليا،تانا لي مو ...نهيلة:مني ليه سير اخويا سير ...تحركنا الطريق كاملة وانا كنفكر فحالتو كيغتكون تسرعت ومصبرتش هايا البنت طلعات حاملة ومشات صدقات لا هي لا الولد احياني الشيطان وسوس ليا ولعب بيا تا خيرت ولدي بين السخط و الرضا ...من بعد مدة وصلنا نزلت ونهيلة لاصقة فيا طلعت فالدروج وانا كنطلب الله يلطف صونيت شحال من مرة عاد تحل الباب غير شفتو تصدمت فيه اه كنشوفو معصب و معاجبو حال ولكن هاد الحال وجهو حمر وعينيه حمرين و دابلين بقيت غير كنشوف فيه اما هو غير شافني خلا الباب ورجع شفت،فنهيلة لي كانت واقفة جنبي ودخلت وهي تا بعاني جلست قدامو وهي بقات واقفة حدا الباب كتشوف فينا ...فاطنة:ولدي اش هاد الحالة ...عثمان:الصمت(جالس كيشوف فجهة محددة بلا ميتحرك ولا يرمش) ...فاطنة(بحسرة):ولدي مرتك دا ...عثمان(قاطعها):الوليدة غير،سكتي عافاك ما فيا لي يتصادع معاك هدشي كنتي عارفاه بلا متهضري دابا ...فاطنة:شنو كنت عارفة اولدي انا مكنتش ميساء حاملة ...عثمان(بعصبية):وااش بااغااا تحمقيني من ايمتا كنا كنعلمو الغيب ياك نتي مرا مؤمنة وكتآمني بان الارزاق بيد الله قتليك الا درت لي بغيتي حياتي غدمر وقلتليك الا دمرات وخسرت مرتي تا نتي غتخسريني ...فاطنة:لا اولدي اهئ انا منقدرش نخسركم نتا وخوك راه نتوما لي عندي .. عثمان(بسخرية):ماشي هدا هو كلامك ملي خيرتيني بين سخطك ورضاك(رجعت تكيت على الفوتوي وغمضت عيني)سيري من هنا عافاك ...نهيلة(بعصبية):و مالك على حاالتك اش تكون هاد ميساء فملك الله لي داير عليها هاد الحالة ...عثمان قفز من بلاصتو بمجرد ما سمع صوتها ضار شاف فيها وشاف فيا عاد مشا عندها ...عثمان:اش كديري نتي هناا اش جااابك لداري ...نهيلة:عثمان واش نسيتي راه البارج تزوجنا انا وياك يعني انا دابا مرتك دابا وعندي حق عليك ...عثمان غير قالتلو ديك الهضرة مجاوبهاش هز،يدو تال السما ونزل عليها بالضرب نضت كنفك وهو والو غير تيخبط ويسب فيها ويقولها بلي طلقها وهي نيفها كلو ولا دمايات بقيت كنرغبو وهو والو تا جرها من شعرها ودفعها مع الباب ومشا كيهرس فالماعن اول مرة نشوف ولدي فديك الحالة ندمت بزااااااف حيت تبعت ري ختي وضيعت ولادي ودمرت ليهم حياتهم حسيت بقلبي تزير عليا ونفسي ضاقت وانا كنشوفو فديك الحالة كيفاش جاعر خفت نقربليه وخفت عليه ولكن فضلت انني نمشي ونخليه...خرجت على برا ودموعي منشفوش ورجلي تقالو عليا قلبت على نهيلة مبانتليش بقيت واقفة شحال تا تقاد التنفس ديالي عاد خرجت شديت طاكسي ورجعت للدار ومنظر عثمان قدام عيني....

#ميساء_غيثة: ...غيثة:اففف فين انمشيو دابا ...ميساء:غيثة براكة من النكير يالاه وصلنا ها حنا باقين فالمطار بغيتي ترجعي رجعي ...غيثة:افف وا صافي غا قلت ليك ...ميساء:دابا غنمشيو لشي اوطيل نرتاحو ومن غدا ان شاء الله غنبدا نقلب على خدمة ...غيثة:كتقصدي غنبداو ...ميساء:افف ا غيثة نتي دابا بديتي كتقلي خلي تا تولدي وديك الساعة خدمي ...غيثة(بحسرة):احم تا نولد!!انبقاو هنا ديما اختي ؟ ...ميساء(ضرت عندها وبانوليا عينيها مدمعين):غيثة نتي اختاريتي تجي معايا ونتي عندك الاختيار ترجعي ولا تبقاي لي بغيتي ولكن انا فالوقت الحالي فكرة الرجوع معنديش فبالي ...غيثة:دابا عماد ايكون كيقلب عليا ياك حتى عثمان ولكن هوما ميسواوش اففف شوفي زيدي زيدي نمشيو ...يالاه تحركنا من تم بقينا واقفين قدام الباب نشوفو شي طاكسي وغيثة مرة تنكر مرة تغبن مرة تبركك وانا كنفكر دابا شنو غيوقع حنا بجوج فبلاد الغربة معندنا حد هنا كيفاش غنبداو نأسسو حياة جديدة من لول باش نستقرو هنا حنا وولادنا..حطيت يدي على كرشي بدون شعور ترسمات ابتسامة على شفايفي فالوقت لي كنت كنتمنى ربي يرزقني بولد نفرح بيه انا و عثمان هو كان عايش حياتو وكيخطط يأسس عائلة جديدة مزال ممتيقاش ان عثمام دار فيا هدشي كان كيحسسني بلي الولاد مكيهموهش الا مكانوش مني كلشي كان كدوب اكيد دابا عايش حياتو معاها ومعارفني تا واش مشيت ولالا و اهم حاجة معارفش بلي غيجيه ولد ...ميساء:افففف موصيتش ماما متقولوش بلي حاملة ...غيثة:وا طلبي متكونش قاتليهم بلي جينا هنا ...ميساء:لالا منضنش ببف فين هاد الطاكسيات ...:ميساء!!؟ ...بقيت مسمرة بلاصتي وانا كنفكر شكون ايكون كيعرفني هنا ياكما كنحلم وباقا مخويت البلاد خصوصا ان الصوت مغريبش عليا ضرت بالعرض البطيء و غيثة تا هي معايا ..كيف ضرت تصدمت لالا ميمكنش ميمكنش القدر يكون باغي يعذبني اولا باغي يزيد يربطني بيه ميمكنش..بقيت كنشوف قدامي ومكنرمش و غيثة كتشوف فيا وتشوف فجهة لاخرا ...ميساء:ميمكنش ...ياسر(بصدمة):اش كديرو نتوما هنا ...نورهان:ههه ياه سبقتونا عاد خليناكم فالمغرب فين عماد و عثمان فين مشاو(كنقلب بعيني) ...غيثة(كنميق فيها):اممم عماد و عثمان خليناهم فالمغرب و هربنا عليهم ...ياسر(بصدمة):هربتوووو!!كيفاش و علاش(شفت فميساء)لا واش على ود داك الموضوع راه .. ميساء(قاطعتو):ياسر عافاك مبغيتش نهضر فهاد الموضوع والله اخليك نسا بلي راك شفتينا هنا ولا غتخلينا نضطروا نمشيو لبلاد خرا عافاك ...نورهان:واش حماقيتو ...غيثة:لا حبيبة بعقلنا شفتي خالتك و مك فين وصلونا ونتي علاش مقلتيش ليا بلي خالتك بزات على عثمان الزواج ياك ولينا صحابات و كتعاوديليا ونعاودليك ...نورهان(بحزن):والله تا بغيت نقولها ليك ولكن ماما حلفات عليا متقلقيش مني عافاك ...ميساء:مبقاش كيهم دابا المهم حنا غنمشيو الله اخليك ا ياسر احتارم رغبتي ومتقول لعثمان والو عافاك ...ياسر:واش حمقة معندكم فين تمشيو بوحدكم ونتوما بنات ممعاكمش راجل نتوما غتمشيو معانا ...ميساء:لا بل ...ياسر(بحدة):ولا كلمة غتزيدو قدامي مستحيل نخليكم هنا يكفي انني غنسكت و مغنقول لعثمان والو ولكن نتوما دابا فحمايتي ...غيثة:شوفي على زهر ...نورهان:غيثة ...غيثة:ششت متهضريش معايا مخاصمة معاك ...ياسر:ايه زيدو دابا طلعو للطموبيل عاد تخاصمو على خاطركم ...ركبت انا وغيثة لور و نورهان وياسر قدام غادة و كاع المشاعر تجمعو عليا خايفة يقولها لعثمان،حشمانة منو،مطمأنة حيت ياسر معانا ومغيخليناش هنا بوحدنا فاش كتبعدي على بلادك و عائلتك ديما كيشدك احساس كأنك تعريتي مكاين لي يغطيك ولا يخاف عليك وهاكا كان احساسي فالمطار واخة كنت جبهة قدام غيثة ولكن فعلا كنت خايفة من العيش هنا وتالفة منين انبداو...حطيت راسي على الزاج وانا كنشوف شوارع باريس كان الجو مغيم والشتا غمضت عيني وغفيت حاسة براسي عيانة بزااف ...بعد مدة فقت على صوت غيثة نزلنا كنا قدام فيلا صغيرة شفت الشارع لي كنا فيه كان كلو فيلات صغار وحدة حدا وحدة وكاينة جردة صغيرة تما فيها الالعاب ديال الدراري الصغار ولكن الدنيا كانت خاوية تم مكاين لا جيران يطلو عليك لا والو الهدوء فقط ...ياسر:دخلو مرحبا بيكم(شفت فنورهان)حبيبة مرحبا بيك فدارك ...ميساء(بخجل):ياسر كون غير خليتينا نمشيو لشي اوطيل نتوما عرسان جداد وحنا ...ياسر(قاطعتها):ششت واقيلة انا راه كنعتابركم خوتاتي وتا نتوما خاصكم تعتابروني هاكا ...غيثة:احم واخا اخويا ياسر ممكن تورينا فين نعسو حيت الصراحة انا عيامة بزاف و نتوما مزال مطولين فالصواب ديالكم ...ياسر:ههه واخا اجيو معايا حبيبة انا نرجع عندك ...نورهان:واخا....

...طلعنا ياسر لواحد البيت الفوق كان كبير وفيه سرير واحد كبير ...ياسر:خودو راحتكم و ارتاحو ...ميساء:شكرا اخويا بزاف ...ياسر:مبيناتناش ...مشا ياسر ضرت كنشوف فالبيت شفت غيثة لقيتها تكات ومغمضة عينيها مشيت حيدتليها صباطها باش تقاد فنعستها ومشيت رديت الخامية ضلمت البيت شوية حيدت فولاري ومشيت تكيت حداها بقيت كنفكر حتى غفيت... ////نورهان:نعسو؟ ...ياسر:خليتهم ياخدو راحتهم ايكونو عياو من الطريق و خصوصا غيثة حاملة ...نورهان:بفف غيثة مقلقة مني ولكن هوما خاصهم يعرفو بلي عثمان طلق نهيلة ...ياسر:متبقايش تجبدي سمية ديك المسخة على فمك كون ما نتي مكانتش غدخل،لقلب الدار ...نورهان:وانا باش عرفتها غدير هاكا ميسحابليش بلي الهضرة لي قالت ديك الليلة قاصداها كيسحابلي غير كضحك دابا نتا واش غتقولها لعثمان ...ياسر:معرفتش دابا مغندير والو خليهم يرتاحو شوية من الصداع و المشاكل ديك الساعة نشوف ضروري يحلو المشكل اكيد دابا الدراري غيكونو معصبين بزااف ...نورهان:هادو كلهم افكار ماما😞شتتات شملهم هي لي اقتارحات نهيلة على خالتي واخا هي مكانتش باغاها ولكن ماما تعصبات عليها وقالت ليها واش مبغاتهاش حيت هي مطلقة وبلي حتى هي مطلقة واش مراضياش بيها وخالتي كتحتارم ماما بزاف ومكتقدرش تخسرلبها خاطرها حيت ملي جداتي كانت على فراش الموت وصاتهم على بعضياتهم خالتي دايرة بالوصية ولكن ماما لا ...ياسر:كلشي غيتصلح احبيبتي نساي علينا هدشي دابا شفتي دارك ولا مزال ...نورهان:لا مزال مشفت والو ...قبطني ياسر من يدي وبقا كيساريني فالدار كانت زوينة بزاف عجباتني بزاف متكونة من جوج طبقات وحدة الفوق فيها غير البيوتة و دوش و الطبقة لي حنا فيها فيها صالونات والكوزينة و حمام..بقيت كندور فيها تا هزني وطلعني لبيتنا واخا كنت عيانة من الطريق و من ليلة البارح صبرت معاه حيت تا انا عندي رغبة انني نكون معاه كنحس براسي اسعد انسانة فهاد الدنيا شحال زوين تكون مع الانسان لي كتبغي بلا قيود ولا مشاكيل وكنتمني ان البنات يتحل المشكل ديالهم حيت عثمان و عماد كيبغيوهم بزاف وانا شفت عثمان ملي اقتارحو عليه الزواج كيفاش كانت حالتو شحال من مرة بغيت نقولها لغيثة ولكن مقدرتش مبغيتش يكون شي مشكل بسبابي وكان عندي امل ان المشكل يتحل بلا هدشي كامل...من بعذ مدة غفيت على صدر ياسر لي كان محاوطني بيديه كان الحال بدا كيضلام محسيتش براسي حتى غطيت فنوم عميق....

*اصبح الصبح والملك لله* ...فاطنة(كنهضر مع عماد من ورا الباب):عماد نوض اجي تفطر الله ارضي عليك ...عماد:الصمت ...فاطنة:اولدي واش باغيين تقتلوني اهئ نتا ملي دخلتي البارح مخرجتي وخوك حالتو تا هو ممشاش لخدمتو اهئ عارفة راسي غلطت اولدي وندمت الله ارضي عليك حل ...عماد(حليتلها الباب):الواليدة مخاصني فطور غير سيري نني ارتاحي ...فاطنة(كنشوف فيه ونشوف فحالتو عينيه حمرين وباينة بايت بلا نعاس):انا ممرتاح تا تنزل تفطر تا دوايا مشربتوش غنموت غير بالفقسة ...عماد(نزلت قدامها بلا منبقا نتجابد معاها هي مريضة وانا ما فيا لي يهضر هبطت لتحت بانوليا دوك جوج جالسين دخلت للكوزينة وهي ورايا):فين دواك ...فاطنة:هاوا هنا ...عماد(عمرت كاس د الما وعطيتها شرباتو):عافاك دري البال لصحتك كلشي درناه على قبلك متخليناش نخسروك حتى نتي كيف خسرناهم هوما وانا ملي نبغي ناكل غنجيليه(خليتها وطلعت للبيت سديت عليا كنحس بحياتي وقفات معرفت فين نقلب عليهم معندهم صحابات معندهم عائلة لي يمشيو عندهم بقا قدامي حل واحد هو نضهر مع صاحبي بوليسي هو يقلب عليهم نضت هزيت تيليفونس بديت كنقلب على النمرة تا لقيتها صونيت ليه و جاوبني ديك السااعة):الو ...:نهااار كبير هدا ملي تفكرتينا ا سي عماد ...عماد:احم يوسف صافا عليك ...يوسف:الحمد لله مال صوتك ...عماد:محتاجك فواحد الموضوع وبغيتك تعاوني ...يوسف:ههه كيسحابلي توحشتيني على الراس و العين اسيدي نتلاقاو فقهوتنا ..عماد:اه شوف وقتاش مسالي نتا ...يوسف:دابا الا بغيتي راني مسالي ...عماد:واخا من هنا لنص ساعة نشوفك ...يوسف:واخا اخاي الله اعاونك ...نضت لبست حويجي بزربة هزيت سوارت الطموبيل وشديت الطريق للقهوة لقيت يوسف جالس ...يوسف:غبورات هادي(شفت فيه باليا ماشي على عادتو عرفتو عندو شي مشكل) ...عماد:ها حنا ...يوسف:مالك اصاحبي شفتك ماشي تال لهيه ...عماد:خليها على الله مرتي خوات البلاد هي وختها لي هي مرات عثمان خويا معرفناش فين مشاو ...يوسف:احم وعلاش خواو البلاد واش مطلقين شنو دارولكم ...عماد:حنا لي شمو درنالهم نتا ماشي غريب غنعاودليك شنو كاين ...يوسف:كنسمع ...عماد:(...........)والبارح مشينا عندهم باش نشرحوليهم ما لقيناهمش ...يوسف:بفف هدشي كامل اصاحبي نتوما لاش خبيتو عليهم ملي عارفينهم غيتفهمو الوضع ...عماد:كانت الفكرة ديالي حيت مبغيتش نقولها لغيثة وتدور الهضرة فالدارو وينوضو يلعبو بعقل الواليدة ونوحلو معاها ...يوسف:ولو غلطتو كون وصيتيها وحمرتي فيها غتسكت ...عماد:يوووسف رااه مرتي وانا حاافضها دابا شنو غتعاوني ولالا ...يوسف:برد برد خلي ليا شوية دالوقت من هنا للعشية يكون عندك فين هوما ...عماد:ان شاء الله

#ميساء: ...ياسر:غيثة فطري مزيان راك حاملة خاصك تردي البال لراسك ...غيثة:هاء وراه ماشي غير انا لي حاملة تا ميساء حاملة ...نورهان و ياسر(بصدمة):حاملة!!! ...ميساء:احم اه ...ياسر:ولكن بفف واش عثمان عرف ...ميساء:كنتمنى ميكونش عرف و ماما كتكون قالتلتو والو ...ياسر:مكنتيش تخبي عليه ا ميساء تا هو من حقو يعرف ...ميساء:بصح وعلاش انا ممنحقيش نعرف بلي راجلي باغي يتزوج عليا ...ياسر(بعصبية):كون صبرتي شوية كون عرفتي انه طلقهاااا ...ميساء(بصدمة):طلقها!!هه لحق يمل منها ...نورهان:ميساء ختي راه هوما دارو هدشي على قبل خالتي حيت عرفوها مريضة بالقلب ...غيثة:اوااه كيداروليها امتى طلقها ...ياسر(عاودتلهم كلشي):وهدشي لي كاين نتوما زربتو ...ميساء:مزربتش هو تزوج عليا و خبا عليا كون قالي هدشي مكنتش غنوقف ضدو ولكن هو رماني لجنب وتصرف من راسو كأنني مكايناش نسا العلاقة لي كتجمعنا بجوج و العهود لي تعاهدنا اننا نكونو بجوج من اول نهار ف السراء و الضراء ياك هدشي علاش كيتعاهدو اي زوج كيبغيو بعضياتهم ياك هدشي علاش تعاهدتي نتا و نورهان تقدر تزوج عليها؟جاوبني تقدر تخبي عليها حاجة بحال هادي ...ياسر:الصمت ...ميساء:شفتي الهضرة شحال ساهلة و ميحس بالجرح الا لي كيقاسيه انا حسيت بالغدر و الخيانة متوقعتش عثمان يدير فيا هاكا يكون السبب لي كان ميخليهش يدير فيا هدشي وميخلينيش نغفر ليه ...غيثة:احم ولكن اختي هوما ...ميساء(وقفت و قاطعتها):انا لي عندي قلتو ومن الاحسن نمشي من هنا ونتي ا غيثة رجعي عند راجلك ...ياسر:مغتمشي فين ا ميساااء ...ميساء:ياسر خويا نتا وقفتي معانا نضن درتي عليك ولكن انا باغا نمشي نبعد على هدشي باغا نرتاح عافاك فهمني ...غيثة:ختي واش غتخليني اهئ انا جيت معاك نتي لهنا متخلايش عليا عافاك اهئ اهئ ...ميساء(عنقتها):حبيبتي انا مغنخليكش انا غنبقا معاك تا ترجعي لراجلك و ...ياسر(قاطعتهم):برااكة تا وحدة فيكم مغتمشي من هنا واش حماقيتو انا مستحيل،نخليكم بجوج تبقاو هنا بوحدكم ...نورهان:ميساء ختي جلسي معانا دابا مكاين هنا معندك فين تمشي خليك معانا،باش نبقاو مرتاحين عليك ...بقينا ساكتين وشي كيشوف فشي حسيت براسي كيدور جلست بلاصتي وجلسو حتى هوما وعم السكون حتى كسرو صوت تيليفون ياسر📲📲📲 ...ياسر(جبدت تيليفوني لقيتو عماد شفت فيهم ونضت بعدت عاد جاوبت):الو ...عماد(بلهفة):ياسر سمع سمعني مزيان اش غنقولك انا عرفت البنات فين كاينين ...ياسر(بصدمة):ب..بصح وفين هوما ...عماد:هوما ففرنسا فين كاين نتا يعني قراب ليك شوف انا قطعتي تيكي ديال الطيارة فليل عاد غتكون غنمشي دابا عند عثمان باش نقولهاليه ونجيو الله اخليك ا ياسر الا كتعرف شي حد تم قولو يعاونك يقلب عليهم بينما جينا ...ياسر:احم البنات عندي فالدار ...عماد(بالغوات):كيفاااااااش عندك نتا واش كتفلااا عليا ا يااااسر علااااش مقلتيلنا واااالو ونتاااا عااارفني غنحماااق ونلقى مرتي وولدي ...ياسر:عماد تهدن انا بغيت حتى يتهدنو عاد نقولهالكم باش يتحل المشكل و دابا شوية عاد ميساء بغات تمشي واخا شرحتلها شنو كاين ...عماد(بعصبية):لالااااا متخليهمش امشيو اياسر الله اخليك متقولهمش بلي حناااا جااايين واخا ...ياسر:وااخا(قطعت)...

...قطعت مع عماد ضرت باش ندخل لقيت نورهان ورايا ...ياسر:اش كديري هنا ...نورهان:غيجيو ...ياسر:كتصنتي عليا ...نورهان:لا حبيبي غير جيت عندك وانا نسمعك ...ياسر:اه،غيجيو عنداك تقولي شي حاجة قدامهم هاد المشكل خاصو يتحل كل واحد فيهم معدب وهو بعيد على لاخر بربعة بيهم خاصهم يجلسو ويتفاهمو ...نورهان:واخا كون هاني ...جريتها دخلنا لداخل لقيتهم كيفطرو جلست قدامهم وانا كنشوف فيهم..كملنا الفطور وناضو كيتعاونو وانا حاضي معاهم ليغفلوني و يمشيو تاني لشي بلاصة ..///عماد(كندق الباب بجهد):عثماااان حل اصحبي هاد الباب ولا غنفرع دلمو(خبطتو)حل ...عثمان(حل الباب ورجع دخل):الصمت ...عماد:اش هاد الحالة اصاحبي بفف نوض غنمشيو ...عثمان(متكي فوق الفوتوي):معندي فين نمشي سير فحالك ...عماد:لقيت البنات ...عثمان(قفز من بلاصتو):شنو فين لقيتيهم و كيفاش ...عماد:تهدن اصاحبي احم المهم راهم عند ياسر فالدار ...عثمان:ياسر!!هوما ففرنسا؟ ...عماد:اه انا قطعت التيكي من هنا لساعتين خاصنا نكونو فالمطار ...عثمان:واش باسر هو لي قالهالك ...عماد(مبغيتش نقولو بلي ياسر خبا علينا):اه هو ...عثمان:واخا واخا غنبدل عليا ونمشيو ...عماد:وجمع حويجك راه يقدر نجلسو تم ...عثمان:لا معندي منجلس ندير تم غنمشي نحيب مراتي لدارها وغنجي فحالي ...عماد:الا بغات ترجع معاك بعدا راه واخا عرفات شنو كاين مزال مقسحة راسها ...عثمان:يعني ياسر عاودليها ماشي مشكل هي دابا غير مقلقة ...عماد:واخا،سير دابا ...مشا عثمان يجمع حويجو بقيت انا واقف غادي جاي وكنطلب الله ميعرفو والو مستحيل،نعاود نضيع الفرصة من بعد ما لقيت غيثة فهاد المدة القصيرة لي غابت عليا حسيت براسي سنين مشفتها توحشتها توحشت كل حاجة كتخصها منقدرش نعيش بلا بيها انا من نهار شفتها اختاريتها تكون ليا حلالي ام ولادي نشارك معاها حياتي كلها تال آخر لحظة فعمري وعمري نفرقها ندمت بزااف على الخطأ لي درت ضيعت بيه راسي و ضيعت بيه تا عثمان كنت باغي غير نفك المشكل ولكن ميسحابليش الامور اتوصل تال هنا. لكن اكيد كلشي غيتصلح غير موصلو لتم ان شاء الله كلشي غيتصلح ...عثمان:يالاه ...خرجنا من الدار شدينا الطريق للمطار كان مزال الحال على موعد الطيارة ديالنا... عثمان(جالس وكل ساعة كنشوف فالساعة جاتني كتمشي ببطئ كيقتلني وانا كنت حاس براسي كنموت كل نهار وهي بعيدة عليا عمري تصورت شي نهار تبعد عليا تال،هاد الدرجة كانت غير كتقلق مني وهي حدايا كنتخنق ومكيعجبنيش الحال ولكن دابا كنحس براسي فشكل شي حاجة كبيرة ناقصاني فحياتي خلات فراغ كبير كبير بزااف غلطت ولكن كلشي درتو باش نحل مشكل ولكن حليت مشكل بمشكل كبر منو كون واجهاتني و غوتات فوجهي ومتبعدش عليا تال هاد الدرجة)بففف امتى هاد الزمر ...عماد(شفت فساعتي):مبقا والو ونمشيو ...بقينا جالسين شحال،تا،سمعنا النداء نضنا بزربة درنا الاجراءت وتوجهنا للطيارة ديالنا ركبنا وكل واحد كتخيل ردة الفعل ديال مرتو ....////#فاطنة: ...هاد الدراري غيحمقوني تا واحد فيهم مكيجاوب ...خديجة:لاش باغاهم ...فاطنة:كيفاش لاش باغاهم اختي راه كبدتس هدوك قلبي واكلني عليهم وعلى حالهم انا لي وصلتهم لهدشي انا ...خديجة:اوا خلاص عليا مكتاب الله ...فاطنة:مكتاب الله اه مكتاب الله لي مرضيتش بيه من قبل ...مجدولين:انا بغيت غير نعرف نهيلة فين غبرات ...فاطنة:الا معندها علاش تحشم تجي تورينا وجها من بعد القتلة لي عطاها عثمان ...مجدولين:مسكينة بقات فيا ...خديجة:اييوا يا بنتي الزهر كيمشي غير عندمن بغا...

#ميساء: ..وصل الليل حسيت براسي عيانة بزاف جالسة معاهم هما كيتفرجو وانا كنتفوه ...ميساء:انا غنطلع نعس عييت غيثة:باقي الحال ...نورهان:هي مع الحمل غتكون كتعيا فالشهورة لولين ...غيثة:فايتة حاملة ...نورهان:اففف ديما كتقوليلي هاد الجملة ...غيثة:وا نتي كتهضري بحالا فايتة حاملة ...نورهان:راه كنقرا على هدشي ماشي بحالك عاطياها غير للسريط ...غيثة:كيفاش عاطياها غير للسريط راه ...ياسر:براااكة واش نتوما غتبقاو كي المش مع الفار ديما راكم بعقلكم زعما ...غيثة:هي لدويتي مع مرتك هي مخشية فيك من صباح متراعيوش شوية ...ميساء:ضريتوني فراسي تصبحو على خير ...نورهان(عنقت ياسر):اخح على حبي توحشتي عماد ياكي ...غيثة(كنشوف جهة ميساء تا بانتليا مشات):الصراحة اه بزاف ولكن ميمكنش نخلي ختي بوحدها ...نورهان:الا شفتيه تسمحيليه(قرسني ياسر)آآي مالك نتا ...غيثة:بفف نطلع نعس حسن ليا فقستوني بجوج عرفناكم عرسان جداد يخ متحتارمو مشاعر حد شفتو هاد الفيلم لي من قبيلة متبعينو راه مو هي لي كتقتل ...ياسر:ايه الله اخلف عليك ا غيثة ...غيثة:تصبحو على خير ...نورهان(ضرت عندو):مالك نتا تتقرص فيا قسحتيني ...ياسر:راه وصيتك زعما متجبديش حس الدراري كون كانت ميساء كون شكات ...نورهان:وا مقلت والو انا غير افترضت ...ياسر(جريتها عندي):اممم شنو رايك نطلعو نفترضو حاجة خرا الفيلم دابا فرشاتو غيثة ومشا التشويق ...نورهان:وا بلاتي شوية راه باقي الحال ما فيا لي ينعس دابا ...ياسر(طفيت التلفازة وهزيتها):تا انا مقلتش غنعسو ...نورهان:اجي بعدا معاش غيوصلو الدراري ...ياسر:صباح يكونو هنا اه(حطيتها فالدروج)صبري نسد البيبان دوك جوجات منتيقش فيهم نخاف نفيق الصباح نلقا غير الريح ...نورهان:ههه وراه يديروها ...مشيت سديت باب الدار ر باب الكوزينة لي كيخرج للجردة وخديت السوارت عندي...ميمكنش نغامر من بعد مقلت لعماد بلس كاينين هنا و عطيتو امل انه يلقاهم يجي ميلقاو والو...رجعت عند حبيبتي هزيتها وطلعنا لبيتنا..... ....*اصبح الصبح و الملك لله* ...#فالمطار: ...عثمان:عندك العنوان ديال ياسر ولا ...عماد:عندي خديتو منو البارح انا غنسيفطليه ميساج باش يدير بحسابو ...عثمان:واخا(شفت طاكسي جريت الباليزات حطيتهم فيه وركبنا عطا عماد لادريس للشيفور وتحركنا الطريق كامل واناكنطلب الله باش نلقاها ومتكونش دارتها وهربات مني مرة خرا ملي قالي عماد بلي بغات تمشي وانا باغي غير امتى نوصل ونشوفها قدامي نشدها بيدي وسناني منطلقش متها تا ترضا وتسامحني على الخطأ لي ارتاكبت...من بعد مدة وقفنا قدام فيلا صغيرة نزلت انا وعماد خدينا شوانطنا وتوجهنا للباب صونا عماد تا تفتح الباب قدامنا وكانت غيثة وعلامة الصدمة على وجها) ...غيثة(من الصدمة بغيت نهضر ساعة بقيت غير حالة فمي):نتوما ...عماد(كنشوف فيها من راسها تال رجليها حبيبتي توحشتهااا بزااف بلا حتى كلمة عنقتها وانا كنشم ريحتها):توحشتك علاش مشيتي علاش ...غيثة(عنقني بقيت كنشم ريحتو لي توحشتها بزاف تا بغيت نعنقو وانا نتراجع بعدت عليه):نتوما،لي علاش جيتو ...عثمان(تخطيتها ودخلت كنسمع الهضرة جاية من واحد جهة وصلت كان صالون دخلت بانولي جالسين كيفطرو مقابل معايا ياسر و نورهان وحبيبتي كانت عاطياني بضهرها حسيت بقلبي زادت دقاتو وانا كنشوف فيها هادية كيف عادتها حانية راسها وكتاكل بشوية عليها مشيت بخطوات تقيلة تا وصلت حداها جلست قفازي على رجلي وانا كنشوف فيها تا ضارت عندي والصدمة خلاتها تنوض بزربة من بلاصتها وهي ممتيقاش انني واقف قدامها):ميس ...ميساء(قاطعتو وانا،ممتيقاش):نتا ش..شنو كدير هنا كيفاش(شفت فياسر):قلتيهاليه ياك اهئ اعتابرتك خويا ا ياسر وغدرتي بيا ...ياسر:انا مغدرتكش هوما عرفو بلاصتكم ونتوما عاجلا ام آجلا كنتو غتقابلو دكشي علاش قصرو عليكم المسافة وجلسو وهضرو(شديت نورهان)حنا الفوق خودو راحتكم ...عثمان:تال هاد الدرجة مباغاش تشوفيني ...ميساء(كنشوف فيه وكنحس براسي كنغلي):اه تال،هاد الدرجة ياك بدلتيني ومشيتي تزوجتي علاش جاي لعندي دابا(حطيت يدي على كرشي) ...عثمان(شفتها حطات يدها على كرشها وتفكرت بلي هي حاملة بولدي):انا جيت على ودكم ...ميسااء:لالا هادا ولدي ولدي بوخدي كتسمع مغنخليكش تاخدو نتا ومك مني مستحيل نخليك تاخدو مني ...عثمان(مستغرب من حالتها كيفاش كتهضر وكترعد):وانا مناخدوش منك ا ميساء علاش كتهضري هاكا تهدني تا واحد مغياخد ولدك منك(كنقرب ليها)اجي نهضرو ...ميساء(رجعت لور):متقررررربش منيييي خلييييك بعيد عليياااا(دخلت فحالة هيستيرية وانا كنغوت معرفتش شنو وقعليا ولكن حسيت براسي كيضرني بزااف وقلبي مضغوط ما حسيت والدنيا كدور بيا وترخيت تا طحت على طولتي)...

#غيثة:عماد متقيسنيش ...عماد:متوحشتينيش كيفاش قدرتي تبعدي عليا ...عماد:نتوما لي خليتونا نبعدو ملي مزوجين بينا على قبل الولاد ...عماد:واش حمقة كيفاش مزوجين على قبل الولاد(كنحاول نهدن راسي ومنتعصبش عليها ومنعصبهاش)واخا كنعتارف غلطنا او بالاصح انا،لي غلطت حيت الفكرة كلها كانت ديالي ...غيثة:اهاااه هي نتا هو المدبر ...عماد:غيثة حبيبة سمعيني راه كنت فواحد الوضع مخلانيش نفكر بزاف الواليدة كانت فالسبيطار و عثمان كان معصب حاولت نجي لوسط ونلقا حل يناسب كلشي قلت الا درنا هاكا كلشي غيدوز مزيان ...غيثة:لاا اسيدي تا حاجة مدازت مزيان نتا و خوك م(كنت كنهضر تا سمعت غوات ميساء و آخر حاجة صوت عثمان كيعيطليها مشيت كنجري و عماد مورايا لقيت ختي طايحة فالارض ركابي فشلو عليا تخلعت عليها بزاف..هزها،عثمان حطها فوق الفوتوي ومشيت جبت ريحة درتها فيدي وبديت كندورها على نيفها تا بدات كتحل عينيها شدات فراسها وضارت شافت فينا واحد بواحد تا استقرو نظراتها على عثمان) ...عثمان:حبيبة شوية واش كضرك شي حاجة ...ميساء(حطيت يدي على قلبي):اه كيضرني هنا و بزاف ...عثمان:ميساء حبيبتي شوفس انا عارف راسي غلطت ولكن كنت مضغوط ومقادرش نفكر و ...ميساء:و دكشي على اختاريتي تزوج هه وتبدلني بديك لي كنتي كتقول مكتحملهاش ...عثمان(بعصبية):اناااا مبدلتكش وعمري فكرت نديرهاا حااولي تفهميني انا كنت فوضع صعيب بزاف واش عارفة شنو هي السخط ولالا حطي راسك بلاصتي ...ميساء:كون كنت بلاااصتك كون جيت لعندك وشكيت ليك حيت عارفاك مغتخلينيش وغتوقف معايا وتعاوني نلقاو الحل بجوج حيت حنا بجوج واحد واي حاجة بغينيا نديروها غنفكروليها بجوج ماشي نفكر فراسي ومنتسوقش ليك واش اعتبرتيني ميتة ولا اعتبرتي راسك ممزوجش وماشي مهمة باش نعرف شنو كيدور فراس راجلي لي متعاهدة انا وياه على الصدق و الصراحة ...عثمان(قربتليها وشديت يديها بزز وهي كتنتر):وانا مخنتش العهد كنت محتاج غير وقت ونعاودليك كلشي كان خاصني نكون غير انا وياك باش نفهمك ونشرحليك وتا واحد ميعرف شنو درت تا تهدن الامور ...غيثة:اوا لاواه نتا جايبها نهار العرس شنو كنتي ناوي تعرس نتا و ياسر فنهار واحد ...ميساء(باستهزاء):اه يمكن ولكن حنا ضيعنا عليهم الفرصة ياك ...عماد:واش نتوما حماقيتو ولا شنو كيفاش كتفكرو هاكا هديك البرهوشة خديجة لي اختارتها و الواليدة راكم عارفينها ومن هدشي كامل راهم تزوجو وطلقو فنفس النهار لان العقد من اساسو باطل ...غيثة:صعيب تفهمو باش حسينا مزال انا غير ختي هي لي حسات بالخيانة ...عثمان:واااش باغيين تحمقووووني اشمن خياااانة انا مفكرتش فيها حتى مجرد تفكير عندي مرا وحدة وهي لي كنبغيها وكنموت عليها ...ميساء:ولكن مكتيقش فيا،علااااااش مجيتيييييش عاودتيلي شنو كااااين علاااش خليتين نعرف بديك الطريقة واش عااارف باش حسيت ولالا اكيد لا....

عثمان(شفت فعماد وكون لقيت نقجو):حيت سمعت لهاااد بنادم الحل لي لقينا ديك الساعة ولكن كنحلف ليك انني ندمت ومعرفتش راسي علاش تسرعت وخديت القرار بديك السرعة ولكن لي بغيتك تعرفي انني كنبغيك وكنمووت عليك وعمري فكرت نشوف فغيرك وعمري فكرت انني نحرمك من ولدك وانا كنت كنقولك الا مكانوش ولادي منك مبغيتهومش ...ميساء(بقيت كنشوف فيه عارفاه كيبغيني ومصدية كل كلمة قالها ولكن مستحيل نسا هاد الفعلة):هدشي كلو لي قلتي حاجة وانك تصرف من راسك وتاخد قرار بحال هدا حاجة خرا،صعيب نتقبل كيفاش همشتيني ومشيتي تزوجتي صعيب بزاف عثمان:حب ...ميساء(قاطعتو):عثمان عافاك والله معندي جهد انني ندي ونجيب معاك فالهضرة لي فيا يكفيني ...عثمان:واخا سيري ارتاحي من بعد ونهضرو انا هنا مغنمشي حتى نديك معايا ...ميساء:من الاحسن ترجع فحالك ومتخلينيش نفكر نخوي البلاد مرة خرا ...عثمان(بعصبية):متحااااوليش ا ميساااء سمعتي حيت عمري غنتفرق عليك وفييينماااا مشيتي غتلقايني ...ميساء(بقيت كنشوف فيه تخطيتو وخليتو كيغلي) ...غيثة(تميت تابعاها تا،شدني صعصع):مالنا ...عماد:مالنا نتي نيت شتك لمك ضسرتي جاية تال،فرنسا بوحدك ...غيثة:مجيتش بوحدي جيت مع ختي ...عماد:اهاه ونسيتي بلي عندك راجلك ...غيثة:اه نسيت حيت راجلي نسا بلي عندو مراتو خاصو يشاركها فكلشي ...عماد(عاض على فمو):جاوبك على نابك فينما جيتك كنلقاك ...غيثة:اوا راني ماشي عبدة عندك لي نبقا ساكتة ليك ونت(قاطعني بقبلة على شفايفي خلاني بدون وعي انساجم معاه خصوصا انني كنت موحشاه وموحشة ريحتو بقيت هكاك تا تفكرت عثمان دفعتو بجهد وضرت نشوف ملقيتوش حدانا) ...عماد(فهمتها علاياش كتقلب):خرج قبيلة احبيبة ملي كنتي مطولة لسانك عليا(كيقرب ليا)توحشتك خليتي بلاصتك ...غيثة(كنشوف فعويناتو):امم نتا لي بغيتي ...عماد(عنقتها):عارف كلشي مني انا لي غلطت وانا لي خصني نصلح هدشي ونصلح بين ميساء و عثمان خاص غير ختك ترطب راسها ...غيثة(بعدت عليه):اش ترطب السيد تزوج عليها بلا خبارها وطلق وكتقولي ترطب شوية لاباش ...عماد:انعطب مك كتشالي عليا بدوك اليدين غنهرسهمليك ...غيثة:يخخ جيتي تاني ...ياسر(هابط من الفوق):نتوما دليل على ان الامور مزيانة ههه ...عماد(مخنزر فيه):منساش فيك نتا لي درتي .. ياسر(بجدية):عماد نتا صاحبي و عارفني كيفاش داير ميساء ترجاتني باش منقول والو ...غيثة:ملي نتا مقلتيش ليه باش عرفتي نتا ابوراس ...عماد:كنجمع ليك قيدي عيطت لصاحبي بوليسي هو لي عاوني ...غيثة:عندك صاحبك بوليسي😍 ...عماد(كاز،على سناني):اه ياكما نعرفك عليه ...غيثة:مكرهتش😍 ...عماد:غيثااااا😡 ...ياسر:لا نتوما حالتكم صعيبة بزااف...

#عثمان: ...ملي هضرت معاها وانا معصب كون يرجع بيا الوقت لور كون مدرتش هاد الخطأ ولكن للاسف كنت فوضع محتاج حل سريع باش نتفك من المشكل و لاول مرة غنتصرف بدون تفكير...من بعد ما مشات خرجت من الدار وانا كنحاول نلقى حل //#ميساء:طلعت للبيت تخشيت بلاصتي واخا النهار ولكن الحاجة الوحيدة لي نهرب بيها من هدشي هو النعاس...بقيت متكية و كنحاول نغمض عيني تا دخلات عندي نورهان ...نورهان:احم ميساء ...ميساء(تقاديت فالجلسة):اجي ...نورهان(جلست حداها):هضرتي معاه ...ميساء(بتنهيدة):عادي ماشي شي هضرة الحرقة لي فقلبي صعيبة ...نورهان:ختي ميساء نتي عارفة عثمان كيبغيك وهدشي دارو فوق طاقتو وانا كنت حاضرة هو كان فوضع مكيسمحشليه يختار خصوصا هو يعني انسان شاد طريقو كيحافض على صلاتو وعلى علاقتو بالله و والديه ميمكنش يخسرهم يعني نتي خاصك تعدريه ...ميساء:وانا عادراه انا لي بقا فيا هو انه مشا تصرف و مدارش باعتباري هدشي كيف كيخصو هو كيخصني حتى انا اكيد كون جا عاودليا مكنتش غنقولو يختار السخط و كنت غنفكر فدكشي لي فكر فيه عماد ولكن هو دارني مكايناش الا حنا كل واحد غيتصرف فمشكلتو كيف بغا لاش مزوجين اصلا ...نورهان:عندك الحق بفف تا ديك نهيلة جاتها على قلبها معرفتش كيفاش معقتش بيها واخا ديك النهار هضرات وقالت بلي عثمان كيعجبها كان كيسحابلي غير،كضحك ...ميساء(باستغراب):امتى ...نورهان:احم نهار دابزات هي و غيثة ...ميساء:هه كانت حاطة عليه العين من لول ملي كنا تلاقينا فإفران ...نورهان:صدفة مكتاب ليكم تلاقاوها مرة خرا ...ميساء(تنهدت من اعماق اعماق قلبي):لقاء قبليا حياتي ...نورهان:مديريش فبالك كلشي غيتصلح ...ميساء:خاصني الوقت ا نورهان لي فقلبي محاس بيه حد ...نورهان:بالعكس والله تا حاسة بيك حطيت راسي بلاصتك وتخيلت لوكان طراليا مع،ياسر كيف طراليك مكنتش غنصبر لدرجة نفسي ضاقت بيا من مجرد تفكير بسيط يعني متحطيتش فالموقف لي يخليني نحس هكاك دكشي علاش جيت عندك ...ميساء:خليها على الله الوقت كفيل،باش يصلح كلشي ...نورهان:ان شاء الله يالاه نهبطو لتحت ...ميساء:غير سيري نتي انا غنعس حاسة براسي عيانة شوية و بلا متعيطولي للغدا ...نورهان:ولكن ...ميساء(قاطعتها):نورهان عافاك ...نورهان:واخا على خاطرك .../خليت ميساء تنعس هبطت لتحت لقيتهم جالسين الا،عثمان لي مكاينش جلست حدا ياسر حاوطني من خصري بقينا كنهضرو و مرة نبقاو حاضيين عماد و غيثة لي مكيساليوش من النكير..خليتهم ومشيت للكوزينة نوحد الغدا تبعاتني غيثة بدينا كنوجدو تا قادينا كلشي ومشينا جلسنا معاهم تا دخل عثمان عاد حطينا الغدا ...عثمان:احم غنمشي نعيط لميساء ...نورهان:راه وصاتني باش منفيقوهاش للغدا ...عثمان:بففف واش باغا تمرض راسها ولا شنو ...غيثة:خليها شوية ونطلعليها ماكلتها ...عثمان:الصمت..

غيثة:ميساااء نوضي تاكلي اصحبتي واش غتبقاي هاكا ...ميساء(كنغطي راسي):غيثة خليني نعس ...غيثة:وا جنابي طابوليا بلاصتك يختي معييتيش من النعاس نوضي تغداي راه ولدك خليتيه بجوع ...ميساء(نضت جلست وانا عيني مغمضين):وا،مبغيتش ناكل كون كان فيا جوع كون قلتها ...غيثة:انا،قلتها بلاصتك شدي كولي(حطيتلها البلاطو فوق رجليها) ...ميساء:نتي كلشي ديريه بلاصتي(بديت كناكل)اممم هدشي بنين شكون طيب ...غيثة:انا و نورهان كيجاك طيابنا احم احم ...ميساء:هه بنين ...غيثة:بصحتك احم ختي واش مغتسامحيش عثمان ...ميساء:لا ...غيثة:وتكن هو اعتادر وكيبغيك وتبعك تال هنا ...ميساء:مكيهمش لي كيهم هو الصراحة و الثقة وهو هدشي مدارش بيه ...غيثة:اه ولكن نتي مكتفكريش تبعدي عليه ياك نتي بغيتي غير تعلميه درس و صافي ...ميساء(جبت نجاوبها وهو يبانلي عثمان من المراية كان واقف حدا،الباب و كيتصنت):احم معندي منعلمو انا هاد الساعة مباغاش نشوفو ومغنرجعش ليه وولدو مغنحرموش منو ...غيثة:اويلي يختي قلبك ولا قاسح راه هدا عثمان حبيبك لي كتموتي عليه وضلي تقوليلي احسن حاجة وقعاتليا فحياتي شنو بدلك ياكما جاك الوحم عليه ...ميساء:قلبي هو لي قسحو ماشي انا اففف ا،غيثة هاد الموضوع طلعلي فراسي مبقيتش حاملة نهضر فيه دكشي علاش سدي عليا ...غيثة:واخا لي بغيتي كولي ويالاه نهبطو لتحت على وجه ياسر راه حشومة نبقاو مخشيين هنا وحنا فدارو ...ميساء:واخا،اجي نتي تصالحتي مع عماد ...غيثة(كنضور فعيني):شوفي هو انا ...ميساء:اودي غير سكتي راني عارفاك غير شفتيه دبتي ههه و اصلا غير بغيتي تخليه وتجي معايا هو الخطأ لي دار انه تا هو خبا عليك ماشي مشا تزوج عليك شفتي الفرق فين كاين(شفت جهة المراية بانليا مشا) ...غيثة:اه ودكشي علاش مقدرتش مبقا مقلقة عليه توحشتو بزاف ...ميساء(تا انا توحشتو ولكن مقادراش نسامحو):الله اخليكم لبعضياتكم(شربت الما)الحمد لله شبعت ...غيثة:هدشي غير مفيكش جوع باز يالاه نوضي ...ميساء:سبقيني ندخل للطواليط ونقاد زيفي ونجي ...هبطات غيثة ودخلت انا،للطواليط غسلت سناني وقضيت حاجتي غسلت يدي عاد خرجت زرت فولاري ونزلت لتحت كانو كلهم جالسين فالصالون شفت فعثمان لي كان حاضيني خنزرت فيه وجلست حدا عماد واخا تا هو مقلقة منو ...عماد(شفتها مهضراتش معايا عرفتها واخدة مني موقف):احم ميساء كيبقيتي ...ميساء:الحمد لله ...ياسر:اش بانلكم نخرجو نتساراو شوية ونتعشاو على برا ...ميساء:انا مفياش لي يخرج غير سيرو نتوما ...عثمان:لا كلنا غنمشيو تا نتي خاصك تبدلي الجو ...ميساء(مشفتش فيه وهضرت مع ياسر):سمعتيني شنو قلت ا ياسر ...ياسر(كنشوف فيها ونشوف فعثمان لي تعصب من تجاهلها):اه سمعت ولكن مموافقش نتي غتمشي معانا وبدون اعتراض نوضو وجدو روسكم ...غيثة:يااي و اخيرا غنخرجو نتساراو فباريس ديونا لبرج ايفل حمباك ا ياسر ...عماد(جريتها عندي):لاش كتقوليها لياسر انا نديك ...غيثة:ونتا عارفو فين جا ...عماد:راه ماشي اول مرة نجي لهنا الالة ...غيثة:اهااه هادي علاش مفراسيش راه بزااف د الحوايج مخبيهم عليا ...عماد:اش مخبي مجابتهاش الهضرة وصافي ...نورهان:واهيا الملك واش غتبقاو هاكا(جريت غيثة)تحركي نتي قداامي ونتي لسانك مبري منك ...غيثة:اففف وا خليني نعرف اش مخبي تاني الزمر ...ميساء(خليتهم مناكرين طلعت للبيت بدلت عليا ودرت مكياج خفيف نغطي بيه ديك الصفورية لي فوجهي مفهمتش انا فين باغيين يخرجو السلامة با ربي بحالا مكانوش شادين الطريق كملت ودزت من حدا غيثة لي كتنكر وهبطت لتحت جلست حداهم مرة نلعب فيدي مرة نلعب فساعتي هدشي كلو باش نتفادى نظرات عثمان لي كان حاضيني) ...غيثة(هبطت انا ونورهان):يالا نمشيو ...ياسر:يالاه ...خرجنا من الدار بقينا غاديين ياسر غادي هو ونورهان قدامنا و غيثة شادة فيا و عماد و عثمان مورانا....

...عماد:مراتك كاعية تا عليا ...عثمان:حيت نتا مول المشاكل ...عماد:وانا باش عرفت هدشي غيوقع كان همي نتفكو وصافي ...عثمان:صافي سد عليا هاد الموضوع عافاك شوف الخير لي دير هو سير جر مرتك حداك ...عماد:ههه واخا ...مشيت حداهم جريت غيثة وميساء كملات طريقها ممسوقاش تابعة ياسر و نورهان تا وصل عليها عثمان ...عثمان(شديتليها يديها):توحشتك ...ميساء(كنحاول نجر يدي منو):طلق مني ...عثمان:لا مغنطلقش منك امتى غيحن قلبك عليا ...ميساء(خليت يدي فيديه حيت معندي جهد ليه وهو مزير عليا ضرت كنشوف قدامي وهو كيهضر معايا تا عيا وهو يسكت عارفاه اكتر حاجة كيكرها هي انني نتعامل معاه ببرود ولا نتجاهلو وهدشي لي غندير من اليوم):الصمت ...عثمان(بقيت كنهضر وهي ممسوقاشليا واخا تعصبت ولكن حا لت نهدن راسي ونعطيها وقت بقيت شاد فيها وغاديين ومرة مرة ندور عندها دايراني بحالا مكاينش بمرة..بقينا مدة هكاك تا وصلنا للبرج طلقات مني ومشات هي و غيثة كيتصورو ويضحكو) ...عماد:غيثة بشوية من الخفة ابنادم ...غيثة:اجي احبيبي نتصورو انا وياك اجي ...نورهان:انا نصوركم ...ياسر:تا حنا صورونا شنو رايكم نديرو صورة جماعية(ضرت بانليا واحد الولد وطلبتو يصورنا) ...ميساء(وقفنا باش نتصورو جا عثمان حدايا حط يدو على خصري هزيت راسي باش نغوت عليه وهو يغمزني خنزرت فيه وضرت منكرش انني كان عاجبني الحال ولكن والله لا دوزتها ليه تا نمحنو...صورنا الولد شكرناه و مشا فحالو دوزنا وقت زوين مشينا لشحال من بلاصة الدراري كلهم فايتين جايين لهنا تا انا عمري عرفت عثمان فايت جاي...ضلام الحال وقررو باش نمشيو نتعشاو تاجها لواحد الريسطو جلسنا كل وحدة مقابلة مع راجلها انا باش نتفادى عثمان حطيت راسي على يدي فوق الطبلة وتكيت خليتهم هوما يطلبولي شنو ناكل تا حسيت بيدين على وجهي ...عثمان:حبيبة واش مزيانة كضرك شي حاجة ...ميساء:مكيضرني والو غير بعد يدك عليا عافاك ...عثمان(جريت الكرسي وقربتليها):عمري غنبعد عليك كتسمعي وبراكة من هاد البرود راك كتقتليني ا ميساء ...ميساء(عليت عيني فيه تا ولا وجهو فوجهي انفاسو كنحس بيهم ومكيفصل بين شفايفي وشفايفو غير سنتيميترات قلال):نتا قتلتيني قبل ...عثمان:مكنتش قاصد ...ميساء:مدام خبيتي راك كنتي قاصد ...عثمان(قربتليها كتر وبستها):كنحلف ليك انني مكنتش قاصد سمحيليا ...ميساء(بتوتر بعدت عليه):خليني عليك عافاك ...عثمان(بتنهيدة):كولي دابا ...ميساء(ضرت جهة الطبلة كانت الماكلة وصلات كاعما حسيت بيهم ملي حطوها ضرت شفت فلاخرين لقيتهم كياكلو حنيت على طبسيلي تا انا كناكل وعثمان كيشوف فيا وياكل...كملنا ونضنا رجعنا للدار ورا ياسر للدراري فين ينعسو واخا كانو باغيين يمشيو لوطيل ولكن مخلاهمش كل واحد خدا بيت بوحدو بحكم الطابق الفوقاني كلو بيوتة ولكن انا و غيثة ختارينا بيت واحد نجلسو فيه بجوج....دخلت للبيت بدلت حويجي لبست بيجامتي وطلقت شعري وتخشيت ففراشي بقيت شحال،كنساين غيثة ولكن مدام تعطلات راه باينة فين غتكون...

غيثة:عماد طلقني نمشي عند ختي ...عماد:والله لمشيتي لشي بلاصة بلاصتك حدا راجلك وراني سديت الباب ...غيثة:وا زدتي فيه اففف ...عماد(قربت ليها تا حبستها مع الحيط):لا حبيبة انا توحشتك وتوحشتك لسانك الطويل😉 ...غيثة(كنشوف فيه وفوجهو كلو عينيا ضروني بقوة التحنزيز حيت مشدوش بلاصة وحدة):تا انا توحشتك ...عماد(خشيت وجهي فعنقها ويدي على كرشها):بزاف ولا شوية ...غيثة(حاوطتو من عنقو ووجهو فعنقي):بزااف(بلا ميجاوبني هزني عندي وبدا شغلو) ...//#ميساء: ...بقيت متكية تا بدا كيديني النعاس وانا نسمع الباب كيتحل عليت عيني كيسحابلي غيثة ...ميساء:اش كدير هنا ...عثمان:احم جيت غير نشوفك واش خاصاك شي حاجة ...ميساء:مخاصني والو غير هني بالك ...عثمان:بالي ميتهنى حتى ترجعيليا ...ميساء:عمري نرجعليك ...عثمان(جريتها لعندي وزيرت عليها):وانا ممفاكش معاك ماشي بالساهل،غتفكي مني انا،كنبغيك وحتى نتي ولا كان العكس قولي بلي مكتبغينيش ونتي كتشوفي فيا ...ميساء(كنحاول نحيد يديه من خصري):مغنقول والو تا حاجة مبقات كتجمعني بيك طلق مني وسير فحالك ومن الاحسن ترجع فين كنتي وعرفتي شنو آخر سير رجع نهيلة و اسس حياتك معاها راها نيت كتبغيك وحتا عايلتك باغيينها ...عثمان(بعصبية):مكيهمنيش بناادم شنو باغي كيهمني اناا شنو باغي وشكون باغي كتسمعي ويلا كنت عطيت لديك الحمارة فرصة انها دخل لحياتي راه ماشي لخاطري كلشي جا مزروب ...ميساء(باستهزاء):متأكد بلي كلشي جا مزروب حيت من نهار وقع المشكل فداركم ورجعتي عندهم تال نهار العرس كان عندك الوقت انك تجي تعاودليا شنو كاين ...عثمان:حبيبة فهميني انا الوقت لي كان عندي كنت كنحاول نفد فيه الخطة بلا ميعرف حد كان بالي مشطون ع من جهة نتي و من جهة الواليدة و المرض ديالها فهميني احبيبة الله اخليك ...ميساء:عثمان عافاك خليني عليك هديك انا حسيتها خيانة واش عرفتي باش حسيت ملي عرفتك تزوجتي عليا هدا راه قرار مصيري حطيتي علاقتنا على المحك ومهمكش ...عثمان:ولكن علاقتنا اقوى من انها تنهار بهاد الشكل اولا ...ميساء:نتا،مغتفهمنيش عافاك خيليني بغيت نعس ...عثمان:واخا ا ميساء واخا..

ميساء:اوا خرج باش نعس ...عثمان:نعسي الا بغيتي تنعسي انا غنبقا هنا(جلست فالفوتوي لي مقابل معاها)مغنديرليك والو غير نعسي ...ميساء:باغي تبقا حاضيني ولا شنو ...عثمان:ميساء نعسي لا باغا تنعسي ...ميساء:افففف ...خبطت رجلي ومشيت تخشيت بلاصتي عاطياه بالضهر دابا انا شنو استافدت فاش هربت هاهوا معايا شنو الفرق من غدا غنرجع فحالي بعدا الا كنت فدارنا مغنبقاش نشوفو بزااف بفف حاسة بلي الوحم جاني عليه وليت باغا غير ندابز معاه..تفكرت ولدي ولا بنتي لي هازة فكرشي حطيت يدي عليها كنتحسسها وبديت كنتخيل راسي انا و عثمان وولادنا اكيد غنربيوهم احسن تربية...بقيت هكاك حتى غفيت ...اما،عثمان ملي نعسات ميساء وهو حاضيها ولا خايف يغفل عليها و ميلقاهاش خصوصا هاد البرود ديالها خايفها تزيد تبعد عليه كتر وهو مكيحكرش عليها باش متنفروش كتر وكتر..بقا على ديك الحال حتى حس بيها نعسات ناض بخطوات تقيلة باش ميفيقهاش قربليها وجلس قفازي قبالتها بدا كيبعد شعرها من وجها وهو مبتاسم بدون شعور قربليها ووزع قبلاتو على وجها وكيستنشق ريحتها لي توحشها وتحرم منها هاد المدة حط يدو فوق يدها لي على كرشها وهضر بهمس ...عثمان:كنواعدك اولدي غندير المستحيل باش مماك تسامحني ونرجعو كيف كنا انا مغنخليهاش تبقا مقلقة مني وعد(باسها فمها بوسة خفيفة ورجع لبلاصتو من بعد ما سورت الباب ودار السوارت فجيبو عاد قدر ينعس) ...**اصبح الصبح و الملكك لله** ...ضرباتني الفيقة بسباب الشعا ديال الشميشة لي داخلة من السرجم تكسلت على خاطري ضورت عيني فالبيت كان خاوي مباتش هنا يمكن..حيدت عليا الغطا دخلت للدوش قضيت حاجتي وغسلت وجهي وحكيت سناني وتوضيت خرجت صليت عاد بدلت حويجي قاديت زيفي وهبطت لتحت لقيتهم جالسين كيفطرو ...ميساء:صباح الخير ...الكل:صباح النور ...ياسر:كيصبحتي ...ميساء:مزيان الحمد لله ...عماد:وليتي نعاسة ...ميساء(جاوبتو ومكنشوفش فيه):غير مع الحمل ...عثمان(حطيتلها كاس دالحليب قدامها):هاكي شربي هدا ...ميساء(خنزرت فيه خليت الكاس محطوط وهزيت كاس د العصير): ...عثمان:بففف ...غيثة:عماد مدليا داك الفرماج ...عماد(مديتولها):هاكي وتكايسي شوية راك وليتي دبة دابا توحل ليك ...غيثة:مغانجاوبكش دابا حيت ممسالياش ليك ...نورهان:ههه ناري الوحم خرج عليك اعلم الله انا كيغيجيني ...ياسر(عنقتها):ان شاء الله كنتمنى هاد النهار يوصل ...نورهان(بابتسامة):ان شاء الله احبيبي ...ميساء:احم بغيت نقولكم شي حاجة(كلشي سكت وضارو كيشوفو فيا)انا غنرجع للمغرب ...غيثة:كح كح ...عماد(بخوف):ها لي قلنا(عطيتها،كاس دالما شربات)وا بشوية عليك ...عثمان:واش بصح صافي بغيتي نرجعو ...ميساء:قلت غنرجع السبب لي خلاني نخوي بلادي ونخلي ماما مبقاش هانتا جيتي لهنا اذا مكاين لاش نبقا غنرجع عند ماما ...عثمان:ميساء واش مشفتيش قلبك شحال قساح عليا واش غنبقاو هاكا ...ميساء:لي عندي قلتو المهم انا،غنطلع دابا نجمع حويجي عافاك اياسر واخا تعيط وتقطعلي بيي ...ياسر(كنشوف فعثمان لي معصب):امم واخا ولكن كون غير ...ميساء(قاطعتو):شكرا بزااف بصحة فطوركم(خليتهم وطلعت للبيت كنجمع حويجي) ...غيثة:تا انا نمشي نجمع حويجي ...عماد:تبتي لرض حنا مغنمشيوش دابا خلي ميساء تمشي هي و عثمان خاصكم تحلو هاد المشكل دغيا ...عثمان(شفت فيه كون لقيت كون قتلتو):كلشي منك😡(خليتهم نضت خرجت لبرا كنحاول نهدن راسي عيطت قطعت جوج لي بيي عاد دخلت عندهم لقيت غير الدراري فالصالون البنات باينة غيكونو معاها..

غيثة:ناري دابا نتي غتمشي وتخليني ...ميساء:راك ماشي بوحدك ا غيثة ها راجلك معاك ...نورهان:ونتي مبغيتيش تكوني مع راجلك زدتي فيه اصحبتي راه غلط وندم اش بغيتيه يدير ...ميساء:يعطيني التيساع هاد الساعة ...غيثة:شوفي فيا ميكونش جاك الوحم عليه حيت نتي مستحيل تبعدي على عثمان عارفاك تتبغيه ...ميساء:بفف معرفتش مبقيت فاهمة فيا والو بغيت نسامحو ومبغيتش اصلا مزال منسيت شنو دار وانا خاصني وقت نتوما كلكم كضغطو عليا حاولو تفهموني ...غيثة:واخا واخا شوفي دابا نتي اكيد ملي غتمشيو غتمشي لدارنا ياك ديك الساعة غتكوني بعيدة علينا كاملين وغيكون عندك الوقت و المساحة الكاااافيين انك تفكري وتاخدي قرارك ولكن فوق هدشي كامل فكري فولدك عنداك تخلي الغضب ديالك وهاد المشاعر المخربقة يدفعوك تاخدي قرار غالط ...ميساء:اصلا دكشي لاش بغيت نرجع فحالي حيت طول ما هو قدامي كنزيد نتعصب .. غيثة:حبيبتي انا متأكدة هداك غير الوحم لاعب عليك اول حاجة ديريها ملي تمشي للمغرب خاصك تشوفي الطبيبة باش طمني على البيبي ....ميساء:ان شاء الله ...نورهان:يختي لي يشوفك تتهضري دابا يقول راك بعقلك ...غيثة:ها لي مبغيناش مالي بنتليك حمقة ولا شنو وزيدون ختي وكنصحها شوفي نهار تخاصمي مع ياسر نصحك ...نورهان:اويلي يختي على فال الله استر ...غيثة:اممم ...#عند_الدراري: ...ياسر:شنو ناوي دير ...عثمان(مسح على وجهو):معرفتشش معرفتش انا عارفها دابا باغا ترجع للمغرب باش تمشي نيشان لدارهم وديك الساعة مغنبقاش نشوفها بمرة ...عماد:علاش متديهاش صحة لداركم تا تفكو المشكل ...عثمان:الله ارحم باك افكارك خليهم عندك انا بغيتها ترجع ليا بخاطرها ماشي بز منها ونعصبها وهي حاملة ...ياسر:شي افكر عندك اصاحبي ههه ...عماد:وا غير قلنا ...ياسر:عثمان شوف من الاحسن تخليها على راحتها ومتفرضش عليها شي حاجة لي تعصبها وتخليها تبعد منك هي اكيد خاصها وقت باش تفكر مزيان وتعرف شنو دير ...عثمان:اصلا دكشي لي كندير كنحاول نخليها على خاطرها ...ياسر:مزيان امتى عندكم الطيارة ...عثمان:8 د العشية ...ياسر:مسخيناش بيكم ...عثمان:نرجعو فظروف حسن ان شاء الله نتوما اصلا باقين عرسان مخليناكمش فراحتكم ...ياسر:اش هاد الهضرة اصاحبي راكم خوتي ...عثمان:المهم انا نطلع نتكا شوية منعستش بليل ...عماد:احم عثمان متنساش الواليدة راه كل نهار كتسولني عليك ...عثمان:مناسيهاش غير مبغيتهاش تشوفني فهاد الحالة ...عماد:واخا،سير رتاح دابا باقي تابعاكم الطريق...

#ف_المغرب: ...خديجة:اوا ولادك مبقاو حتى داوهمليك ...فاطنة:راه عيالاتهم مشاو يجيبوهم حنا غلطنا،فحقهم بغيتهم غير يرجعو ونطلب منهم السماحة غرني الشيطان ومرضيتش بحكم الله وهاوا دابا بعد عليا ولادي ...مجدولين:اوا صافي مالك اش درتي كاع راه ولادك هدوك وكلمتك فوق كلمتهم ...فاطنة(بعصبية):ايه صاافي،سدو عليا هاد الموضوع راه قلبي غيطرطق عليا شتت الشمل ديالي وديال ولادي غير مشا الحاج كلشي تفرق ...خديجة:اوا هاوا بقات سيمانة ويجي توحشتيه ههه ...فاطنة:ضحكي اختي ضحكي راك محاساش بيا(انا لي تبعتك اختي ودرت بريك غير يرجعولي وليداتي ونطلب السماحة من البنات لي عمري سمعت منهم كلمة العيب يا ربي تغفرليا وتسمحليا منهم) ...خديجة:وااا فاطنة راه العشا غيتحرق ...فاطنة:انا غندخل نعس راه الكوزينة قدامكم حطو تعشاو تصبحو على خير(خليتهم ومشيت نعس) ...مجدولين:هايهاي شكون ايحط العشا راه منغسلش الماعن ...خديجة:نوضي حطيلنا نتعشاو وخلي الماعن ف لافابو تال الصباح ...مجدولين:امم واخا ...//#فرنسا: ...ميساء:تهلاو فراسكم بسلامة ...الكل بسلامة ...عثمان(حطيت الباليزات فالطاكسي وحليت ليها الباب):طلعي ...ميساء:اففف بغيت نمشي بوحدي مالك هاكا ...عثمان:ميساء ركبي بلا مندابزو هنا ...ميساء(خليتو وركبت الطريق كلها وهو كيحاول يجبد معايا الهضرة وانا منخلاه تا وصلنا للمطار جلسنا شوية عاد تحركنا للطيارة شدينا بلايصنا انا غير جلست نعست هدا ولا حالي هاد الايام غير النعاس وصافي...من بعد مدة حسيت بيدني كيحركوني حليت عيني لقيتو هو قالي بلي وصلنا نضت دايخة بالنعاس وصلت لباب الطيارة ضربني الريح الله شحال توحشت بلادي وماما مسكينة كنت كنهضر معاها مرة مرة من تيليفون نورهان وكل مرة تبقا تبكي..من بعد ما سالينا الاجراءت قبطنا طاكسي والوجهة كانت دارنا..وصلنا هبط معايا عثمان هبط ليا باليزتي وبقا كيشوف فيا ...عثمان:باقا مصرة مترجعيش لدارك ...ميساء:راه هضرنا ا عثمان مغنبقاش نعاود الهضرة كل ساعة نتا،غلطتي وتقتي فيك تزعزعات شي نخاف شي نهار تجي شي وحدة جارة ولدها وتقولي هدا ولد راجلك ...عثمان(بعصبية):اش هااد الهضرة ...ميساء:كيف سمعتي ودابا خليني عليك(مشيت صونيت حلات ماما الباب غير،شفتها تلاحيت عليها عنقتها وكنبوس فيها شافت عثمان و شافت فيا جريت باليزتي وخليتهم ...رحمة:لباس اولدي ...عثمان(بابتسامة باهتة):الحمد لله نخليك دابا رديلها البال عافاك ...رحمة:متحتاجش توصيني(بقيت حاضياه تا ركب فالطاكسي ومشا جيت نسد الباب وحسيت بشي حد دفعو ضرت نشوف لقيتها ديك البنت):نتي اش كديري هنا ...نهيلة:بغيت نشوف ميساء...

نهيلة:بغيت نشوف ميساء ...رحمة سيري من هنا ميساء مكايناش ...نهيلة:كتكدبي محشمتيش على شرفك عاد شفتها دابا ميساااااااء فينك ا خطااااافة الرجاااال هبطي لعندي ...رحمة(كنشوف فيها ونشوف فجيران لي بداو كيطلو):اويلي واش نتي هبيلة ولا مالك ...نهيلة(بالغوات):ههه هبيلة ياااك الالة هبيلة حيت جاية نهضر على حقي حيدي من قدامي ...رحمة(تمات طالعة لفوق سديت الباب وتابعاها):اجي لهنا،فين غادا والله تا،نعيط ليك للبوليس نوريك تهجمي علينا ...نهيلة(كنقلب فالبيوت واحد واحد تا لقيتها ناعسة):هايهاي هايهاي نتي لي تنعسي الالة(كنحركها)افيقي تهزي ...ميساء(نضت قافزة اويلي كيدرت نعست دغيا شفت فشكون كيغوت مفهمت والو):اش كديري نتي هنا ...نهيلة:جيت نشوووفك وااش مبغيتيش تعطينا التيسااع ...ميساء:انا لي نعطيك التيساع!!راك نتي الالة جاية عندي وتال قلب بيتي اش هاد قلة الحيا لي فيك ...نهيلة:نتي السباااب نتي السبااب باش طلقني ...ميساء:علاش انا السباب بالسلامة انا مكان فراسي لا عرس ولا طلاق و فوق هدشي كامل لي جاية كتحاسبي معايا راه انا لي خصني نلومك نتي لي جيتي دخلتي بيني وبين راجلي وهو من لول،مكانش حاملك و كملتيها زايدة كطيحي الدل على راسك ...نهيلة:هاهاي على الدل و شكون كيهضر عليه انا الزين مو هي لي بغاتني وهي لي اقتارحات عليا نتزوج بولدها وهو كان موافق وفوق هدشي كامل هوما مباغيينكش حيت نتي عاقرة و مكتولديش وانا لي غنجيب لعثمان الولد كتفهمي ...ميساء(باستهزاء):من نيتك بغاتك مو وا سيري تزوجي بيها هي ديك الساعة ونزيدك(حطيت يدي على كرشي)انا حاملة وقريب يجيني بيبي انا وحبيبي عثمان ...نهيلة(بشر):كتكدبي نتي عاقرة ميمكنش تحملي ...ميساء(بعصبية):الالة خرجي بعدي مني اش هاد الحالة ماشي نتد لي غتقوليلي شنو غتدير ...جريتها من يدها باش نخرجها على برا وهي تتنتر وتسب وتغوت محسيت حتى دفعاتني وانا كنت على السبة مع الدوخة ديال الطيارة و النعاس كنت مرخية رجعت بلور وضحت على الكوافوز لي تما ماما بدات تغوت جات عندي تتجري ...نهيلة:مزال غتندمي ا ميساء مزال الحساب مسالاش بيناتنا عثمان عمرو يكون ليك كتسمعيييييييي ...هبطات تتجري وانا حسيت بالسخفة بزز باش كنقاوم ...رحمة:اهئ بنتي شوفي فيا ...ميساء(بصوت ثقيل):انا مزيانة ا ماما بغيت غير الم..ا عافاك ...رحمة:واخا واخا ابنتي اجي نقادك بلاصتك بعدا نوضي(بقيت معاها تا وقفتها ديتها لبلاصتها وهبطت جبتلها الما شربات شفت جبهتها،كانت مجروحة شوية مسحتليها داك الدم وعقمت داك الجرح وخليتها تكا..هبطت لتحت بقيت كنضور وممتيقاش اش واقع هادي باينة فيها حمقة ومناوياش تخرجها على خير بدون تفكير مشيت للتيلي دوزت نمرت عثمان ...عثمان:الو..خالتي رحمة!!واش واقعة شي حاجة لميساء فين هي ...رحمة:ولدي اجي لعندي دابا الله ارضي عليك اجي للدار ...عثمان(بخوف):واش واقعة شي حاجة جاوبيني ...رحمة:ملي تجي غتفهم متعطلش اولدي الهضرة ماشي فالتيليفون ...عثمان:انا جاي دابا ...قطعت معاه ورجعت طلعت عند ميساء لقيتها نعسات جلست حداها بقيت كندوز بدي على شعرها...

..بقيت جالسة حداها مدة تا سمعت صوت الدقان فالباب بجهد و الصونيط عرفتو عثمان نضت من حداها بشوية سديت الباب وهبطت بزربة حليتليه ...عثمان:شنو واقع فين ميساء ...رحمة:تهدن اولدي تهدن راها ناعسة الفوق دخل جلس باش نهضرو ...دخلنا جلسنا وهو كيشوف فيا ...رحمة:نهيلة كانت هنا ...عثمان:شنوو؟!اش جابها لهنا ياكما دارت لميساء شي حاجة ...رحمة:ربي لطف اولدي تشادو فالهضرة ودفعاتها والبنت عيانة محيلتها للحمالة لي مسخسخاها ولا العيا ديال الطريق دغيا طاحت ...عثمان(وقفت):غنطلع نشوفها ...رحمة:نكمل معاك اولدي وسير شوفها دابا راها مزيانة ..عثمان(جلست وانا على اعصابي):الصمت ...رحمة:شوف اولدي انا عيطتليك باش تعرف شنو كاين وتلقا حل مع ديك البنت راه بانتليا مريضة قبل متخرج تحلفات على ميساء انا خايفة على بنتي لديرلها شي حاجة ملي جات تهجمات علينا هنا وطلعات عند ميساء تال بيتها وبدات تغوت وتعاير راه تا حاجة ممستحيلة عندها وممكن دير اي حاجة على قبلك ...عثمان:هديك حسابها معايا انا مكفاتهاش القتلة ديال ديك النهار كوني هانية ولكن ميساء كون غير مشات معايا للدار باش نبقا مرتاح عليها هنا غنبقى مشطون ...رحمة:راسها قاسح ومغتبغيش صبر تا يجي باها وديك الساعة هضر معاه باش تا هو يهضر معاها واخا مغتسلمش من اللوم منو ...عثمان(بأسف):نستاهل حيت غلطت وعطيت فرصة لبحال داك شكل دخل لحياتنا ولكن ندمت حيت خبيت عليها ...رحمة:عارفة اولدي وكلنا كنغلطو انا حاسة بيك كنتي فموقف صعيب تاحد مكيختار سخط والديه ...عثمان:بغيت نشوفها ...رحمة:واخا بلاما تفيقها الله ارضي عليك مبغيتهاش تعصب ...عثمان:مكنتش غنفيقها حيت عارفها مغتبغيش تشوفني ...طلعت عندها دخلت بشوية بلاما ندير الحس قربتليها كانت غارقة فالنعاس بستها وبانتليا جرحة فجبهتها زدت تعصبت كتر حساب ديك البرهوشة تقال بزااف تال ميساء وحبس...خليتها وخرجت من بعد ما ودعت خالتي رحمة..ركبت فالطموبيل دوزت نمرة عماد طلبت منو نمرة يوسف صاحبو البوليسي بلا منشرح لاش بغيتها..غير سيفطهاليا اتاصلت بيه ونعتليا بلاصة خدمتو ديك الساعة مشيت عندو...وصلت للكوميسارية باركيت الطموبيل دخلت سولت عليه ودخلوني عندو ...يوسف:اهلا اهلا سي عثمان اش خبارك ...عثمان:الحمد لله ...يوسف:فين واحد عماد امضرا بعدا لقيتو المدامات ديالكم ...عثمان(باستغراب):كيفاش ...يوسف:احم سولتك واش لقيتو المدامات ديالكم كان جا عندي عماد باش نقلب عليهم وقلتلو راهم ففرنسا واش ملقيتوهمش؟!!...

عثمان:لا لقيناهم ماشي على هدشي جيت عندك ...يوسف:ياك لاباس ...عثمان:كنضن عماد عاودليك كلشي ياك ...يوسف:اه كان قالي شي حاجة و الزواج التاني ...عثمان:هو هدا جيت عندك على قبل هاد البرهوشة لي تزوجتها وطلقتها باش ندير الخاطر للواليدة و صافي والمشكل انني واخا طلقتها هي كتهدد مرتي واليوم تهجمات عليهم فالدار ربي حفض وموقع والو ونتا عارفني ا يوسف الا مشيت تا حطيت فيها يدي ولكن اختاريت نجي لعندك ...يوسف:لالا واياك واش باغي تخرج على راسك اصحبي شوف عطيني المعلومات ديالها غنجيبها وجيب المدام ديالك دير شكوى ونقيدو محضر ونهبطها تربى مع خوتها ...عثمان:لا مرتي مبغيتهاش تجي لهنا ...يوسف:واخا اسيدي غنجيبها هنا ونخليها تسني التزام بعدم التعرض(جبد ورقة وستيلو ومهملو)كتب ليا المعلومات ديالها هنا ...عثمان:معارفش عليها بزااف المهم الاسم لي غنعطيك سميتها نهيلة الزايدي ...يوسف:امم معارفش فين خدامة ولا شنو كدير ...عثمان:معرفتش اه كانت كتقرا فلافاك مع بنت خالتي نورهان ...يوسف:مزيان عارف لافاك لي فيها نورهان كنت شفتها واحد النهار تما اجي واش هوما صحابات ...عثمان:كانو ولكن دابا نورهان تزوجات ومشات لفرنسا علاقتهم تقطعات ...يوسف(بأسف):نورهان تزوجات ...عثمان:احم شنو درنا دابا ...يوسف:صافي سير نتا فاش نجيبها عندي غنعيطليك ...عثمان(وقف):شكرا ا يوسف وسمحلينا كل مرة مصدعينك ...يوسف:مبيناتناش اصحبي غير متغبروش عليا ...عثمان:ان شاء الله بسلامة ...//رحمة:بنتي فيقي براكة عليك من النعاس ...ميساء:اممم غير شوية ...رحمة:وا نوضي الله ارضي عليك باغا تشركي الليل مع النهار نوضي جلسي معايا شوية راه توحشتك ...ميساء(نضت بزز):هانا ا ماما افف النعاس ولا داير فيا حالة ...رحمة:غير مع الحمالة ابنتي نوضي انا نوجد شي حاجة ناكلوها انا وياك ...ميساء:واخا(شفت الساعة كانت 5 د العشية ناري نعست بزااف،نضت من فراشي دخلت للطواليط قضيت حاجتي وتوضيت عاد خرجت صليت الظهر و العصر ولبست بيجامة خفيفة عاد هبطت عند ماما لقيتها فالكوزينة بديت كنهز معاها دينا دكشي لي وجدات للبيت شعلت التلفازة وجلست كنتفرج تا جات)ماما توحشت اتاي ...رحمة:واخا شربيه ومتكتريش منو هاوا الحليب تال بلاتي وشربيه ...ميساء:واخا ...رحمة:اوا عاوديليا شفت ختك مجاتش معاك ...ميساء:بقات مع راجلها اجي اماما واش نتي لي قلتيليهم فين كنا ...رحمة:لا ابنتي والله ما انا ...ميساء:معرت كيدارو لقاونا ميكون غير ياسر واخا قال ماشي هو ...رحمة:وا..(جيت نجاوبها وانا نسمع الصونيط بقيت كنشوف فيها)شكون غيكون تاني عنداك تكون ديك المجنونة رجعات ...ميساء:لا منضنش انا نشوف شكون ...رحمة:جلسي لرض راك مساتراش راسك(خليتها ونضت حليت الباب) ...:السلام و عليكم لالة رحمة غدخليني ولا تخليني فالباب ...رحمة:وعليكم السلام حاشا واش نخليك فالباب ماشي ديالنا دخلي...

فاطنة:لهلا يخطيك ...رحمة:الدار دارك(سديت الباب وديتها للبيت ميساء غير شافتها وقفات كتشوف فيها)بنتي عكوزتك جات ...ميساء(مشيت سلمت عليها،بحال كيكنسلم ديما مغيرتش طريقتي معاها):مرحبا بيك اخالتي ...فاطنة(حشمت منهم ومن تعاملهم معايا):ترحب بيك الجنة ابنتي الله ارضي عليك ...رحمة:جلسي الحاجة جيتي فوقتك(كبيت اتاي)هاكي ...فاطنة(قبطت الكاس من عندها وكنشوف فميساء لي كتشوف فالتلفازة):يزيد فضلك بنتي ميساء لاباس عليك ...ميساء:الحمد لله اخالتي ...فاطنة:غير قالي عماد وصلتو جيت نشوفك ابنتي واخا حشمانة منك ...ميساء:نتي مدرتيليا والو اخالتي ...فاطنة:درت ابنتي درت كلشي بسبابي انا لي بعدتك على راجلك وفرقتكم ...ميساء:مكتاب الله ...فاطنة:سمحيليا ابنتي انا جيت نطلب منك السماحة ونرجعك لدارك ولراجلك لي منهار مشيتي وهو لور لور مبقيتش كنشوفو تا من خدمتو فرط فيها ...ميساء:مجيتك على راسي وعيني اخالتي وانا ممقلقاش منك باش نسمحليك ولكن انا مغنرجعش عل الاقل دابا عثمان لي غلط فحقي ومدارش بالعشرة ملي خبا عليا ومشا تزوج ...فاطنة:ولكن ابنتي هو راه دار هدشي حيت انا بززت عليه ودابا نتي حاملة خاصك تكوني حدا راجلك وولدك يكبر حدا باه ...ميساء:عارفة هدشي وولدي عمري نبعدو على باه ...رحمة:احم الحاجة شربي كاسك غيبرد ...فاطنة(بقيت كنشوف فيها عرفتها باقة هازة فقلبها من جيهتي ومن حقها هزيت كاسي كنشرب فيه وقررت نوض نمشي):الله اخلف الحاجة(وقفت) ...رحمة(وقفت معاها):لواه مكليتي والو شربتي اتاي بوحدو ...فاطنة:معندو منين يدوز الالة رحمة محدي مشفتهمش مجموعين مغنرتاحش نرجع مرة خرا ...رحمة:مرحبا بيك فأي وقت الدار دارك ...فاطنة:الله اكبر بيك بسلامة ابنتي تهلاي فراسك ...ميساء:بسلامة ...خرجات ماما مع خالتي فاطنة وبقيت انا جالسة كناكل ونتفرج دخلات ماما كتهضر معايا وكتحاول تقنعني وانا كلمة نسمعها كلمة لا تا كملنا وهزيت دكشي ديتو للكوزينة دوزت دوك الميعنات دغيا ورجعت جلست بقيت شادة التلفازة من فيلم لفيلم مرة نهضر مع ماما مرة نتفرج ونسكت تا طاح الضلام تعشينا وكل واحد مشا لبلاصتو ..**اصبح الصبح و الملك لله** ...يوسف:دوي البرهوشة غادة كتهجمي على الناس فديورهم ...نهيلة:كندافع على حقي ...يوسف(بالغوات):ااااشمن حق السيد راااه طلقك وااش باغا فيمن تلصقي بزز ولا كيفاااش ...نهيلة:لالا هو كان باغيني هي هي مراتو لي بعداتو عليا اه هي ميساء ديك العاقرة ...يوسف(خبط فالبيرو):اجمعي رااسك الالة وسمعيني مزيان السيد غيجي دابا وغتسني التزام بعدم التعرض لا ليه ولا لمرتو ولا لأي واحد من افراد العائلة ديالهم كتسمعي وحمدي الله لي مشكاوش بيك اما نزلك تكلاصاي مع السلكوطااات بحاالك ...نهيلة:بزاااف عليك انا اشرف منك ...يوسف(طلعت فيها وهبطت):هه باش بأمارة العمارة لي فالوفاق اممم ...نهيلة(لونها تخطف):ا..اشمن عمارة اش كتقول ...يوسف:سمعيني الموسخة ضوسيك هاوا قدامي دابا اي حاجة درتيها راه توصلني حيت مراقبك المرة جاية غنجيبك بملايتك من دار رشيد ...نهيلة:الصمت ...عثمان(دخل):السلام وعليكم ...يوسف(وقفت سلمت عليه):وعليكم السلام جلس ...عثمان:يوسف خلص الاجراءات دغيا باش نمشي فحالي حيت شاد راسي عليها بزز ...نهيلة(بغيت نهضر وخفت من داك البوليسي د الزبل):الصمت ...يوسف:كون هاني كبشي واجد غير غتمضيو وصافي وهي راني هضرت معاها😉ياك زيدي هنا وقعي ...نهيلة(مشيت بشوية وشديت الستيلو كنترعد وكارهة الموقف سنيت وشفت فعثمان لي مشافش جيهتي):الصمت ...يوسف:خرجي سيري بحالك دابا ومتنسايش الهضرة ديالي ...نهيلة(بابتسامة صفرا):امم(خرجت) ...يوسف:هدن راسك راني هضرت معاها من بعد دكشي لي سمعات منضنش غدير شي حاجة وفوق هدشي انا حطيتها تحت المراقبة ...عثمان:واخا الله احفضك ...يوسف:مبيناتناش اخويا وقتما احتاجيتيني انا معاك ...عثمان:عارف لي كاين يالاه نخليك ...يوسف:تهلا فراسك وسلم على مالين الدار ...عثمان:مبلغ...

#بعد_مرور_اسبوع: ...غيثة:ناري توحشتكم بزااف ...ميساء:هه اوا هانتي جيتي غلاضيتي و الكريشة بانت ...غيثة:الراحة لي دارتها ...رحمة:مزيان ابنتي دابا نتي فشهرك الرابع ...غيثة:اه اماما يالاه دخلت فيه ناري توحشت بابا بزاف و اخيرا غيجي غدا ...رحمة:ان شااء الله ...عماد:احم خالتي رحمة راه الواليدة عارضة عليكم غدا للعشا حيت فاش غنجيبو الواليد و الحاج ايجيو نيشان للدار يعني نتوما غدا غنديكم عاد نمشي للمطار انا وعثمان ...ميساء:سيرو نتوما انا مافيا لي يمشي والله ...عماد:ميمكنش ا ميساء خلي المشاكل على جنب مبغيناهمش يجيو يلقاو المشاكل ...ميساء:بفف ...غيثة:صافي اختي عافاك راه غير العشا وترجعي فحالك ...رحمة:عندهم الصح خلي غدا يدوز مزيان ابنتي ...ميساء:واخا امري لله ...عماد(وقف):ان شاء الله غيثة مشينا ...غيثة(بغباء):فين ...عماد:هايا بدات راه عندك دارك امكن غنمشيو ليها ...غيثة:اه شوف عماد خليني نبات اليوم مع ماما وختي وغدا نمشي فاش تجي تدينا ...عماد(بعصبية):هدشي لاش مكنبغيش نجيبك ...رحمة:وا لواه اولدي راه غتجلس فدارهم ماشي عند البراني خليها غدا ونرجعوهاليك هه ...عماد(كاز على سنانو):واخا غدا نتحاسبو ...غيثة:سكت ولا تا غدا تحي نبات هنا راه بابا جاي ...عماد(خارج):واخا واخا زيدي ...رحمة:سكتي ابنت الحرام ...غيثة:وا مالي اش قلت ...رحمة:غتحمقيني نتي نوض نوجد ...غيثة:غتوجدي لراجلك ا رحمة ...رحمة(شيرت عليها بالصندالة):الله اقلل حياك ...غيثة:اي وا ماما راني كبيرة وكرشي لفمي وباقة تضربيني ...ميساء:ههه حو فيك مالك كبرتي عليها ...غيثة:ضحكي ضحكي ...داز النهار عادي مع ماما و غيثة ماما وجدات شي حلاوي وانا صاوبت كيكة باش نديوهم معانا غدا ندخلوهم فيدينا واخا محاملاش نمشي ...**اصبح الصبح و الملك لله** ...فقت صباح معطلة شوية لقيت غيثة ناعسة من بعد ما صليت الصبح هبطت لتحت لقيت ماما كتوجد الغدا فطرت ودخلت مجمعة معاها تا هبطات غيثة فطرات بقينا مجمعين وضرنا بالدار شوية جمعناها وبقينا جالسين تغدينا تال 3 بحكم فطرنا معطلين و عيط عماد لغيثة علمها بلي 5 يجي يدينا ...ميساء:افف من دابا وحنا تما ...غيثة:وييه ديك خديجة وبنتها معنديش معاهم ...رحمة:اوا الصبر الليلة دوز باشما كان اجي نورهان وراجلها مجاوش ...غيثة:لا كانو باغيين يجيو ولكن ياسر عندو شي خدمة قلت لنورهان تجي معانا ولكن مخلاهاش ...ميساء:اصلا مجلسوش فخاطرهم النهار لول ليهم تما لقاونا فوجهم ...دوزنا السوايع هاكا تا وصل الوقت نضنا نلبسو اختاريت جلابة باج كنت خيطتها فعرسي لبستها مرة وحدة درت فولاري ولبست بليغة ودرت مكياج خفيف وتا ماما وغيثة لبسو جلالبهم كملنا وهبطنا كنقادو دكشي لي غنديو معانا تا جا عماد ركبنا معاه مشينا للدار دخلنا لقينا دوك جوجات جالسين سلمو علينا سلام ناقص عكس خالتي لي فرحات بينا ورحبات بينا كنتفكر آخر مرة كنت هنا ومعاملتها الناشفة معايا جلست حدا ماما وغيثة طلعات لفوق تبدل حويجها نضت باش نتبعها وانا نتلاقا بعثمان يالاه جا شافني وهو يجي عندي ...عثمان:حبيبة ديالي توحشتك ...ميساء:الصمت ...عثمان(قربت ليها بستها فراسها):باقي مهداك الله عليا ...ميساء:لا مزال ودابا خليني عليك(خبيتو وطلعت) ...عثمان:واخا الالة دابا نشوفو واش هاد الليلة غتباتي فدارك ولالا...

غيثة:ختي يالاه نهبطو لتحت خلينا ماما بوحدها ...ميساء:بلاتي تا يمشي عماد و عثمان ونزلو ...غيثة(طليت من السرجم):غير يالاه مكايناش طموبيلة راجلك قدام الدار ...ميساء:امم يالاه ...هبطنا لتحت لقيت ماما جالسة مجمعة مع خالتي فاطنة ودوك جوجات مقابلين معاهم كيوشوشو جلست انا وغيثة مرة نهضرو بيناتنا مرة تشاركنا خالتي فالهضرة كتحاول تجبدني بأي طريقة وانا فعلا سامحتها ممقلقاش منها قد ممقلقة من عثمان واخا هي لي بزات عليه ولكن هو كان يدير بحسابي ويعلمني ...من بعد مدة سمعنا الكلاكصون عرفناهم هوما نضنا للباب نتعرضو ليهم حلات خالتي الباب وهي هازة المبخرة فيديها وكتصلي على النبي هي و ماما شفت بابا و عمي هبطو و جيران كيسلمو عليهم ويباركوليهم تا كملو وجاو عندنا انا،غير شفت بابا تلاحيت عليه عنقتو وبستليه راسو نفس الشيئ درت مع عمي سلمو علينا ودخلو الدراري وراهم هازين باليزاتهم حطوهم فالدروج و دخلنا للدار جلسنا مجموعين كلهم كيهضرو ويضحكو وانا كنحاول نتجنب شوفات عثمان ...فاطنة:على سلاامتكم ...الحاج:الله اسلمك الحاجة هاد المرة تمشي نتي ولالة رحمة ...رحمة:ان شاء الله ...عبد الرحمان:ايه علاش لا فايت مشيت انا وياها للعمرة هاد المرة تمشي هي و الحاجة وغير يزيدو الدراري شوية يمشيو بربعة بيهم ...الكل:ان شاء الله ...الحاج:غيثة بنتي كيغادا مع التقل ...غيثة(حطيت يدي على كرشي):هانا كنعدي ا عمي هلكني بفف ...الحاج:ههه الله افكك على خير ابنتي ويفرحك بيه ...عماد و غيثة:امين ...عثمان:احم الواليد مباركتيش لينا حنا تا مراتي راه حاملة(شاف فيا وغمزني) ...الحاج(بفرحة):بصح مبروووك خبار زينة هادي(نضا عندي عنقني)مبروك عليك ابنتي الله افكك على خير حتى نتي ...ميساء:الله ابارك فيك اعمي ربي يخليك ...عبد الرحمان:اجي عندي ابنتي(مشيت عنقتو تاهو)كبرتونا بكري ههه مبروك عليكم ...عثمان:الله ابارك فيك ويطول فعمركم حتى تشوفو ولادهم ان شاء الله ...الحاج:ان شاء الله ولاهيلا درتوها زوينة ملي تجمعتو كاملين هنا ...غيثة:واراه بزز اعمي باش جات ميساء اما هي راه ااااي ...عماد(قرصتها وهضرت فودنيها):بديتي لمك هدشي غير وصيتك ...غيثة(كنحك بلاصة القرصة ففخضي):ايخ تفوو غتزراق عماد(بهمس):مزال مشفتي والو غير بلاتي تكمشي حسنليك وضربي الطم ...الحاج:اش كنشوشو تما شنو كنتي باغا تقولي ابنتي علاش ختك مبغاتش تجي ...عثمان:احم غير كانت عيانة شوية راك عارف الحمل ...الحاج:عارف اولدي اوا نتعشاو مجموعين وسير نتا ومرتك لداركم ترتاحو ...ميساء(نقزت من بلاصتي):لاا ...عبد الرحمان(باستغراب):علاش ابنتي سيري ترتاحي فدارك غدا ورجعي ...ميساء:احم لا ا بابا انا غندوز هاد الايام معاكم موحشاك ...عبد الرحمان:ولكن راك مزوجة ابنتي المهم بينك وبينو ...مجدولين(كنهضر مع ماما بشوية):ههه مسكين معارفش اش طاري ...خديجة(بابتسامة):وييه شوفي كي تيمتلو عليهم ها باش تنقولك لفعات ...الحاج(سمعت هضرتهم واخا كيحاولو يهضرو بشوية وقفت ودرت اشارة لعماد يتبعني طلعت لفوق جلست فالصالون تا جا وجلس مقابل معايا):كنسمع ...عماد:مفهمتش ...الحاج:بلا دخول و خروج فالهضرة خوك و مرتو اش واقع بيناتهم ...عماد(بتوتر):والو والو الواليد راك عارف ميساء دابا حاملة فترة الحمل و الوحم و ...الحاج(بحدة قاطعتو):عماااد جيني من لخر بلا منهبط دابا ونسول قدام كلشي ...عماد(مسح على وجهو):بففف مكاين والو ...الحاج(بالغوات): عماااااد ...عماد:مشكلة هادي واخا،غنعاودليك(عاودتلو كلشي من لول تال لخر)و صافي وميساء لدابا مبغاتش ترجع لدارها ...الحاج(بعصبية):هبط كلمو ليا ...عماد:عثمان؟ ...الحاج:تحررررك...

#عماد:هبطت لتحت درت اشارة لعثمان ناض عندي قتلو يطلع لفوق مشا تميت تابعو تا بانتليا غيثة غتنوض وتجي عندي خرجت فيها عيني وهي تجلس لرض طلعت لفوق دخلة وسديت الباب باش ميتسمعش الغوات لتحت كنعرف الواليد فاش كيتعصب ...عثمان:الواليد ياك لاباس ...الحاج:وكتسول بوجهك حمررر ااااش دكشي درتي وااااش اناا مشيت خليتكم مجموعين وتهنيت عليكم باش نجي نلقا كل واحد فقنت دووووي ...عثمان(شفت فعماد وخنزرت فيه):مدام عادوليك كبشي غتعرف لاش درت هكاك تحطيت فموقف مسمحليش نفكر،بزااف و اول حل بانليا هو هداك مكنتش عارف الامور غتوصل لهدشي ...الحاج:لالا مزياان مكنتيش عارف وشنو كنتي عاارف قلتي نخبي عليها وهي غتسامحني ياااك النهار لول وصيتك وقتليك بنات الناس ماشي لعبة وخصوصا بنات الحاج صاحبي وااش وصيتك ولالا ...عثمان:عاااارف ولكن راك مشفتيش الحالة لي وصلات ليها الواليدة عقلي تبلوكا ونتا عارف معزتك عندي نتا وياها و ميساء راها مرتي عمري نفرط فيها وعمري فكرت نفررط فيهاا ولكن السخط صعيب الواليد خاصك تعدرني ماشي لخاطري ختا يت دااك الحل ...الحاج(بقا ساكت كيشوف فيه عثمان هو الابن الاكبر عندو معزة خاصة خصوصا انه موضي بزااف وعمرو خصر لمو و باه بالعكس ديما رضاتهم من اولوياتو واخا كيتعصب كيحاول يهدن راسو باش ميخسرهمش ولا يقولهم شي كلمة تجرحهم اكيد هادي تربية يديه هو لي رباه على الدين الصحيح و طاعة الوالدين عمرو دار شي.حاجة خايبة ولا فكر يديرها رجولتو مع الناس حاجة ولكن قدام والديه كيبقى الابن البار لي كيسمع كلامهم وينفدو بدون نقاش فما بالك الا تخط قدام رضاهم و سخطهم اكيد مغيفكرش جوج مرات انه يخسر واحد منهم لذالك اختار حل وسط واخا كيدفع الثمن ديالو دابا ببعدانو على مرتو ولكن عندو امل ان امورهم غتصلح مدام ربي جعلها من نصيبو الا وغادي يرجع يجمع بيناتهم هي مسألة وقت لا غير):واخا سير دابا من بعد ونهضرو ...ضار عثمان باش يخرج يالاه حل الباب وحنا نلقاو عمي عبد الرحمان واقف تما اكيد سمع كلشي شفت فعثمان لي بانليا زاد تعصب والواليد لي حدر راسو كأنه حشم منو ...عبد الرحمان:هدشي كلو واقع ...عثمان(مسح على شعرو مرجعو لور):عمي شوف لي قلتيها عندك الحق ولكن كنقسمليك انني كنبغي بنتك وعمري فكرت نآديها ولا نضرها وهدشي لي درت ...عبد الرحمان(قاطعتو):عارف اولدي و عادرك تا واحد فهاد الدنيا مغيخنار سخط والديه وانا نهار عطيتك بنتي عطيتهالك حيت عارفك راجل ماشي غيرحيت ولد صاحبي لا الاخلاق هي كلشي اولدي ولي كيحتارم والديه ويديرلهم قيمة قدام نفسو قبل من الناس اكيد غيدير الخير فمرتو ويصونها سمعني ميساء انا لنهضر معاها اليوم غتمشي معانا وغدا كنواعدك نرجعليك مراتك ...عثمان(بفرحة):و اخيرا ...الحاج:سمحليا اخويا بنتك فمدة قصيرة تعدبات بسباب ولدي خوات البلاد هي كاع وهي واحلة فروحها .. عبد الرحمان:مطلبش مني السماحة الحاج انا وياك خوت وولادي ولادك وولادك ولادي ولدك غلط وندم ومزيان ملي دازو من هدشي هدا اكيد ابتلاء من الله عز وجل باش يعرفو بقيمة بعضياتهم ويتعلمو النقة و الصراحة فهاد العلاقة الزواج اولدي راه مافيهش التخبية النهار لول قتليك اي مشكل كان عندكم جلسو فوق الطبلة وحطوه غيعلا صوتكم وغتختالفو ولكن فآخر المطاف غتلقاو حل متافقين عليه بجوج نتمنى هدشي ميتكررش حيت مرة خرا مغنفرضش عليها ترجع ليك و الانسان كيتعلم من الخطأ ديالو مرة وحدة ...عثمان:اكيد عمرو يتكرر غير هي ترجع ...عبد الرحمان:ههه خليها عليا اوا يالاه نهبطو راه العشا واجد ....الحديث لي داز كلو وانا ساكت باش منسمعش شي كلمة من الواليد عارف راسي انا مول الفكرة ولكن هدشي لي جاني ديك اللحظة و آخر مرة نحاول نفكر😂هبطنا لتحت لقيناهم ضايرين بالطبلة جلست حدا الدبة ديالي لي مكتساين حد بدينا كناكلو وانا كنشوف الواليد كيتجاهل كلام الواليدة بففف مشكل جديد اكيد مغيفوتهاش ليها تا هي نوبتها باقا جاية ...كملنا العشا فجو زوين ناضو جمعو الطبلة اكيد دوك جوجات ماشي معاهم الخير لي دارو فينا هو سكاتهم ديما فحضور الحاج مكيقدروش يديرو دكشي لي كيديرو فغيابو ...عبد الرحمان(وقف):سيادنا السلام و عليكم والله اخلف عليكم ...الحاج:كون غير بتو معانا ...عبد الرحمان:هه توحشت داري اسيدي بغيت نمشي نعس ففراشي ...الحاج:ههه على راحتك غدا نساينك فالمحال ...عبد الرحمان:ان شاء الله ...تسالمو ودعناهم وانا شاد فليفلة لي قاتلك باغا تمشي معاهم غير مشا و تبعهم عثمان تا هو مشا لدارو ...غيثة(كنتغبن بغت نمشي معاهم يالاه جيت نهضر):ع ...عماد(حمر فيها):شششت...

#ميساء:من بعد ما خرجنا من عندهم كنا عوالين نشدو طاكسي ولكن عثمان خرج ورانا ديك الساعة واصر علينا باش يوصلنا هو ركبت انا وماما لور و بابا حداه الطريق كاملة وهو حاضيني من المراية فينما تجي عيني فعينو كنخنزر فيه واخا توحشتو وعاد كان لابس مزيان وقاد اللحية ديالو كيف كتعجبني ولابس قميجة بيضة مطلعها من جيهة الكمام وحال الصدايف لولين جهة صدرو و خاشيها فالسروال كيعجبني عليه هاد الستيل افف باغا نسامحو ومباغاش بغيتو يتربي ونعلمو كيفاش يتزوج عليا اععع كنتفكرها كنبغي نطرطق...وانا مع افكاري حسيت بالطموبيل وقفات نزلنا ونزل معانا انا كان عندي الساروت مشيت بلا كلمة بلا جوج حليت الباب وطلعت ...عبد الرحمان(شفتها طلعات بلا متهضر معاه وهو حاضيها):صبر شوية ...عثمان:مبقيتش قادر برودها كيقتلني مكنبغيهاش تجاهلني ...عبد الرحمان:خاصك تفهمها دكشي لي درتي صعيب عليها والحمل زاد كمل ...عثمان(بتنهيدة):الله يصاوب ...عبد الرحمان:امين ...عثمان(مشيت جبدت الباليزة ديالو من الكوفر دخلتها لداخل وودعتهم):تصبحو على خير ...عبد الرحمان و رحمة:ونتا بخير ...عبد الرحمان:اتكون نعسات تال،غدا ونهضر معاها ...رحمة:احم واش عرفتي شنو طرا ...عبد الرحمان:ايه عرفت كلشي سمعت الحاج كيلومهم فاش طلعت عندهم قبيلة وواعدتو باش غدا ميساء ترجع لدارها ...رحمة:البنت راسها قاسح الحاج ...عبد الرحمان:اكون خير يالاه نعسو راني عييت بالطريق ...ميساء:دخلت لبيتي مشعلتش الضو بقيت كنطل من السرجم شفتو كيهضر هو وبابا مسمعتش شنو قالو حيت السرجم مسدود بقيت حاضياه تا مشا تنهدت حاسة براسي هازة جبل فوق كتافي مشيت بدلت حويجي لبست بيجامتي وتخشيت ففراشي وقادم عينيا غير نظراتو ليا بقيت هكاك حتى داني النعاس ...//#فدار_الحاج ...الحاج(بالغوات):عاااجبك الحاال دابا دوي ...فاطنة(كتبكي):مكنتش باغا هدشي يوقع اهئ اهئ ...الحاج:لااااا الالة كنتي بااغا حيت خيرتي ولدك بين السخط ر الرضاااا واش عمرنا وصلنا مع ولادنا لهدشي ا فاطنة ...عماد:الواليد دابا لي وقع وقع ...الحاج:نتاااا سكتتت اصلا نتا مول الافكاار العوجيين فعوض متقولو صاارح مرتك اقتارحتي عليه باش تخبيو ...غيثة:اه اعمي مقالولنا والو ختي مسكينة بكات بزااف وحتى انا ...عماد(كيتحلف عليها):غير بلاتي نتي ...الحاج:سمعي ا فاطنة ملي وليتي تفرقي شمل ولادك وتبعي ري ختك رااك خرحتي على شوري انا مشيت وبالي هاني عاافك مولات العقل كتبغي ولادك يبقاو مجموعين والبنات بنات الناس مااشي ديال اللعب باش تلوحي البنت جنب وتقولي للولد تزوج وهديك لي مزوج بيهااا شنو لاااا وفوق هدشي كااامل مراضياش بأمر الله هاياااا دابا حاااملة وربي غيرزقهم الذرية شنو استافدتي .. فاطنة:غير س ...الحاج:كلمة وحدة غنقولها صباح غير طلع الشمش تجمعي حويجك وتمشي مع ختك وبنتها(ضار عندهم)ونتوما آآآخر مرة تعتبو باااااب هااد الدااار السلام وعليكم....

يتبع في الجزء الأخير