زوجي الملتحي الجزء الثامن والأخير

...#غيثة:دخل،عمي لبيتو وخلانا مصدومين خصوصا خالتي لي بقات مصمرة بلاصتها ولخرينات غير كيضورو فعينيهم ..بدات خالتي تتبكي وتضرب فراسها وتلوم راسها ...خديجة:وا صافي مديريش فراسك هاد الحالة ماشي نتي اول وحدة ولا آخر وحدة يسيفطها راجلها بحالها ...فاطنة(بالغوات):نتي السباااااب نتيييي لي بقيتي كتعمريليا رااااسي يا السااامة دعيييتك الله...الله يااااخد فيك الحق بسبابك شتت شمل ولدي وشتت شملي الله ياخد فيك الحق اهئ اهئ ...عماد(مشيت عندها عنقتها كنحاول نهديها وهي كضرب راسها خفت عليها بزااف):ششت الواليدة تهدني الله اخليك ...غيثة(خلعاتني حالتها ومبغيتهاش توصل،لهدشي بديت تنبكي وانا كنشوفها هكاك):اهئ اهئ خالتي متبكيش عافاك ...فاطنة(تقطعات فيها النفس):ا..نا...الس..با..ب ...عماد(بالغوات):مي شوفي فيااااا،غيثااااا الدوااا جيبي دواها ...مشيت كنجري دخلت للكوزينة جبدت الدوا وعمرت كاس دالما ديتو ليها وانا،كنترعد نصو تخوا فالطريق خطفو مني عماد جلسنا معاها فالارض من بعد ما ترخات وجلسات كتشد فعنقها وتحاول تنفس شربها عماد الدوا بزز وعنقها وتيقرا عليها القرآن حتى ترخات بحكم الدوا لي كتشرب كينعسها بقينا معاها تا تقادليها التنفس ديالها وهزها عماد طلعها لبيتنا وحطها فوق الناموسية حيدتليها زيفها وغطيتها شفت فعماد كان جالس مقابل معاها وشاد راسو ووجهو حمر وصدرو طالع نازل قربت ليه وجلست على ركابي مقابلة معاه هزيت ليه راسو لقيت عينيه حمررررررين لدرجة شدني الخوف منو حتى من عروق جبينو بارزين هزيت يدي دوزتها على وجهو ...غيثة:غتولي مزيانة تهدن ...عماد:شفتي هااد الحالة هي لي كانت فيها تا خدينا داك القرار وااش شفتي داباا على عينيك للمرة الثانية كنا،غنخسروها ...غيثة:اهئ حبيبي تهدن عافاك دابا هي مزيانة ...عماد(عنقتها وجلستها حدايا):انا مهدن بالحق مغنتهدن تا نخرج دوك جوجااات من هناا ...غيثة:خليهم تاال صباح ا عماد 3 د الصباح هادي فين ايمشيو ...عماد(بعصبية):بربيي لاباتوها هنا هاد الليلة ...ناض صاعر خرج من البيت وانا تابعاه وشادة كرشي بزز كنتمشى هبطنا لتحت مبانوشلينا قالصالون مشا نيشان للبيت فين كينعسو دفعو بجهد دخلنا لقينا،غير يدينا و الريح اويلي هادو واش مشاو وانا لي قلت الليل عليهم ...عماد:هربوووو شفتيييهم شفتيييي كيمشاو خلات ختها مليوحة ومشااات ...غيثة:صافي ا عماد الله اخليك(حسيت بوجع فكرشي وشديت فيها وتحنيت شادة فركابي)افففف ...عماد(بخوف):غيثااا مالك تا نتي مااااال جدكممم باغييين تحمقووني هاد النهااار(هزيتها طلعتها لفوق حطيتها فالصالون ومشيت جبتليها تا هي دواها):شدي شربي دوااك وتهدني متعصبيش رااسك ...غيثة:متعصبش نتا انا غنكون مزيانة ا عماد كتخلعني فاش كتبدا تغوت ...عماد(زفر):انا مهدن مهدن غير ارتاحي نتي ...غيثة(كحازيت باش يجي حدايا):اجي حدايا ...عماد:البلاصة صغيرة بلا منضايقك ...غيثة:وا آجي ولا مغنعسش خلي خالتي تنعس فبيتنا صباح ونهضرو مع عمي(تخشا حدايا بلا ميجاوبني عنقني وانا حاطة راسي على صدرو تا،داني النعاس) ...#اصبح_الصبح_والملك_لله..فقت من النعاس انا لولة نضت من حدا عماد بشوية ومشيت نطل على خلتي لقيت بلاصتها خاوية هبطت لتحت نشوفها قلبت الدار كاملة ملقيتهاش تا من بيت النعاس ديالها طلعت بجرا عند عماد ...غيثة:عماااد نووض نوووض خالتي مكايناش فالداار ...عماد(ناض قافز):كيفاااش مكايناش ...*

...عماد:كيفاش مكايناش فين مشااات ...غيثة:معرفتش قلبت عليها ملقيتهاش ...ناض عماد عبط يتأكد وانا طلعت للسطح نسيت مشفت فيه ولكن مكانتش هبطت لقيتو طالع عندي ...غيثة:تا هنا مكايناش ا عماد ...عماد:مشكلة هادي غنعيط لعثمان تقدر تكون مشات عندو(جبدت تيليفوني ودوزت نمرتو شحال عاد جاوبني)الوو عثمان ...عثمان(بصوت تقيل):شنو بغيتي من الصباح ...عماد:بفف عثمان ركز معايت واش الواليدة عندك جات عندك هاد الصباح ...عثمان(قفز من بلاصتو):لا مجاتش متقوليش دكشي لي فبالي وقع ...عماد؛اه جرا عليها البارح ...عثمان(بعصبية):كيفاااش جرااا عليهااا رااه هضرت معاه زعما قطع قطع انا جاي ...عماد(قطعت):مكايناش عندو ...غيثة:فين غتكون مشات دابا اكيد مغتمشيش عند خديجة من بعد ما خلاوها هنا ...عماد:معررفتش معرفتش عمرها خرجات بلا خبارنا ومكتعرف حد هنا فين غتمشي فييييييين ...غيثة:حبيبي تهدن عافاك ...عماد:سيري فطري نتي باش تشربي دواك يجي عثمان ونخرجو نقلبو عليها ...غيثة:لا ما فيا لي ياكل ...عماد(بالغوات):غيثاااا متصعرينييش وسيري كولي باااش تشربي دواك تحرررركي ...مزدتش معاه الهضرة ملي كيتعصب كيتسيف هبطت لتحت دخلت للكوزينة هزيت شي تخربيق كليتو بزز باش منشربش الدوا ومعدتي خاوية كملت وبقيت جالسة تا سمعت باب الدار تحل نضت بزربة لقيتو عثمان ...عثمان:مرجعاتش ...غيثة:لا كنا ناعسين فاش خرجات محسيناش بيها ...عماد(هبطت عندهم):عثمان فين غنقلبو عليها ...عثمان:معرفتش ولكن غنقلبو فينما كان نشوفو جيران تقدر تكون غير عند شي وحدة فيهم ...غيثة:انا نمشي نشوف ...عماد:واخا سيري ...خرجت من الدار مشيت كندق على جيران لي كتجمع معاهم ونسولهم عليها ولكن مكاينة عند تا واحد رجعت للدار لقيتهم فين خليتهم ...غيثة(بأسف):مكاينة عند تا واحد فيهم وتا حد مشافها(سكت وتفكرت دارنا)اه زعمااا تكون مشاات عندنا لدارنا ...عثمان:كيفااش نسيت دار عمي انا غنمشي نشوف ...عماد:تسنى نمشي معاك ...عثمان:معندناش الوقت انا نشوف ونرد عليك ...عماد:واخا ...غيثة؛يا ربي تكون تما ...عماد:غنطلع ندوش ونبدل حويجي الا عيط جاوبيه ...طلع عماد وبقيت انا غادا جاية فالدار وكنطلب الله تكون عندنا ...#عثمان:وصلت لدار عمي حطيت الطموبيل وخرجت كنصوني وندق تا حلات ميساء الباب ...ميساء:مالك شنو واقع غتهرس علينا الباب ...عثمان:ميسااء الواليدة كاينة عندكم ؟ ...ميساء(باستغراب):خالتي فاطنة!!لا مكايناش ...عثمان(مسح على وجهو عطاها بالضهر وهو كيشوف يمين وشمال) ...ميساء:عثمان شنو واقع فين مشات خالتي ...عثمان:تناقشات هر و الواليد البارح بسباب موضوعنا وجرا عليها واليوم صباح هزات راسها ومشات بلا ميشوفها شي حد ...عبد الرحمان(خرجت عندهم):ولدي عثمان مالك واقف هنا دخل ...عثمان:من بعد ا عمي دابا زربان ميساء عافاك الا جات علميني ...ميساء:واخا وحتى نتا رد عليا باش ما كان و رد بالك فالطريق ا عثمان غير بشوية ...عثمان(بابتسامة باهتة):واخا ...مشا عثمان بقيت واقفة كنشوف فيه سديت البابو بابا مفاهم والو ...ميساء:خالتي فاطنة تناقشات هي و عمي وجرا عليها ...عبد الرحمان:لا حول ولا قوة الا بالله اكيد بسباب موضوعكم ...ميساء:كيفاش ...عبد الرحمان:اجي تبعيني بغيت نهضر معاك...

دخلت ورا بابا اكيد ماما عاوداتليه كلشي ...عبد الرحمان:بنتي انا عرفت لي وقع ونتي راك كبرتي الموضوع ...ميساء:كبرت الموضوع!!بابا نتا ...عبد الرحمان:بنتي سمعيني غنسولك و جاوبيني ...ميساء:واخا ...عبد الرحمان:واش عمر راجلك ضربك ...ميساء(باستغراب):لا! ...عبد الرحمان؛واش عمرو هانكو عاملك معاملة خلاك تندمي حيت قبلتي تزوجي بيه ...ميساء:لا ...عبد الرحمان:واش نتي مكنتيش مرتاحة فدارك و مع راجلك ...ميساء:لا ا بابا بالعكس كنت مرتاحة بزاف عثمان كيعاملني مزيان وعمرو قلقني وحتىالا قلقني مكيرتاح حتى كراضيني(ترسمات ابتسامة على شفايفي بدون شعور بقيت ساهية وانا كنتفكر كل لحظة ليا معاه) ...عبد الرحمان:و هدشي ميشفعليهش عندك باش تسامحيه على الخطأ ديالو لي كان اول خطأ و غيكون آخر واحد؟! ...ميساء:الصمت ...عبد الرحمان:ميساء نتي كبيرة وقادرة تميزي بين الخطأ و الصواب ونتي عارفة مزيان بلي الانسان ممعصومش من الخطأ نتي براسك ممكن تغلطي فحقو وتحطي فبلاصتو شنو كنتي غديري كيفاش كنتي غتفكري وهو واخد منك موقف ومباغيش اسامحك،كنتي غتقولي هو اصلا مبقاش باغيك وتخلا على علاقتكم وعليك ...ميساء:ولكن ا بابا انا عمريندير خطأ بحال هدا ...عبد الرحمان:باش عرفتي؟واش كتعلمي الغيب؟راه تا هو كان كيفول عمرو يدير شي حاجة بحال هاكا ولكن الظرف لي تحط قيه خلاه ياخد قرار شافو مناسب ليه ولي دايرين بيه اولهم مو و الام ابنتي تجي قبل متك ورضاها قبل رضاك خاصك تكوني متفهماه وتوقفي جنبو حيت هو مفرطش فيك الذنب لي دار انه خبا ولكن كان ناوي انه يخبرك ...ميساء:الصمت ...عبد الرحمان:خاصك ترطعي لدارك وراجلك وتخلي شملكم مجموع وعلاقتكم قوية مضمرهاش مشكلة بحال هادي و اكيد هاد الخطأ مغيتكررش هو تعلم منو وحتى نتي حيت واحد النهار غتحطي فموقف تحيري واش تقوليلو شنو كاين ولا تخبي عندك وتقلبي على حل راسك وكنضن من بعد هدشي مغتحاوليش تفكري مجرد تفكير انك تخبي شي حاجة عليه وفوق هدشي كاامل نتي غتولي ام مسؤوليتك غضاعف غتحتاجي راجلك يكون بجنبك كيفما هو محتاجك فهاد اللحظة تكوني بجنبو حتى يلقى مو ...ميساء:كلامك كلو معقول ا بابا انا مغنضيعش زواجي على خطأ دارو و اعترف بيه و اعتادر ...عبد الرحمان:دابا نتي بنتي العاقلة الله ارضي عليك ...ميساء:بابا انا غنمشي عند ختي تقدر خالتي ترجع ...عبد الرحمان:واخا لبسي و يالاه نوصلك انا غنمشي نشوف الحاج ...ميساء:واخا مغنتعطلش(خرجت لقيت ماما حدا الباب عنقتها وطلعت لبيتي) ...رحمة(دخلت عندو):نتا لي كتعرف ليهم ...عبد الرحمان:الله اهديهم ...رحمة:اميين ...ميساء(هبطت عندهم):بابا يالاه ...عبد الرحمان(وقف):يا بسم الله توكلنا على الله....

#عثمان:من بعد ما تحركت من عند ميساء لقيت حل واحد هو يوسف مشيت عندو و طلبت المساعدة ديالو ديك الساعة عطا الاوامر باش يقلبو عليها من بعد معطيتو تصويرتها وزعها عليهم بقيت جالس معاه وانا على اعصابي فين غتمشي و عندمن والمشكل هي مريضة ممكن تجيها الحالة وطيح فالزنقة واش غيعتقوها ولا غيخليوها مرمية..بقيت جالس وانا كندعي فنفسي ربي يحميها وميوقعليها والو 📲📲📲📲هزيت تيليفوني لقيتها ميساء جاوبت بزربة ...عثمان:واش رجعات ...ميساء:احم لا غير عيطت نسولك واش كاين شي جديد ...عثمان(بتنهيدة):لا مزال مكاين والو ...ميساء؛ان شاء الله غنلقاوها غير حاول تهدن راسك ومتعصبش ...عثمان؛كنحاول ولكن فاش كنتفكر بلي مريضة كن(سكت)بففف ...ميساء(بعد صمت):حبيبي ...عثمان(مصدوم كنحاول نستوعب واش سمعت مزيان ولالا):احم شنو قلتي ...ميساء:حبيبي و حياتي و روحي انا معاك و غنبقا ديما معاك بغيتك نبقى مهدن ومتعصبش و ان شاء الله غنلقاوها انا متأكدة ...الشرطي(دخل عندنا):سيدي لقيناها ...عثمان(بفرحة):بصاح فين هي ...الشرطي:كاينة ف المحطة الطرقية حنا غنمشيو نجيبوها دابا ...يوسف:حنا غنجيو معاكم عثمان يالاه ...عثمان:اه يالاه(رجعت هضرت مع ميساء)حبيبتي لقيناها كنموت عليك ...ميساء(بفرحة):انا كثر غتلقاني فاداركم متعطلوش ...عثمان:واخا علمي عماد واخا ...ميساء:اكيد بسلامة ...قطعت مع ميساء وخرجت معاهم توجهنا للمحطة وصلنا من بعد مدة قصيرة حيت مبعيداش على الكوميسارية غير وصلنا هبطت بزربة كنقلب فكل بلاصة دخلت لداخل كنشوف تا بانتليا جالسة فوق واحد الكرسي وكتشوف فاتجاه واحد و ساهية تقدمت عندها بخطوات تقال تا وقفت قدامها وهي مزال ساهية جلست قفاوي مقابل معاها وشديت يدها بستها هزات عينيها فيا وهوما عامرين دموع وهدشي لي مكنبغيش مكنبغيهاش تقلق ولا تبكي قيمتها كبيرة عندي بزااف وكنخاف عليها بزاف ...عثمان:فين باغا تمشي و تخلينا ...فاطنة:مبقات عندي بلاصة بيناتكم اولدي كبرت وليت نخرف اهئ فرفتك على مرتك تبعت الشيطان ...عثمان:هدشي مكتاب علينا نعيشوه ...فاطنة:اهئ اهئ لا اولدي انا لي اهئ انا لي فرقتكم باك عندو الحق يجري عليا نيت مبقاش عندي الوجه لي نشوف فيكم بيه اهئ(حطات يديها على وجها وهي تتبكي وتنخصص) ...عثمان(عنقها):شششت الله اهديك الواليدة سكتي ...فاطنة:اهئ اهئ غير سير اولدي سير نتا ورجع مرتك متفرطش فيها راها بنت الناس الله اسمحليا منها ومنكم ...عثمان(باسليها راسها):مغنفرط لا فيك و لا فيها ودابا نوضي ترجعي لدارك ...فاطنة:لا اولدي اهئ مغنرجعش باك جرا عليا وانا نستاهل اهئ انا لي درتها لراسي ...عثمان:الواليد غير كان معصب ويلا مبغيتيش ترجعي لتم يالاه معايا لداري ولا تا دار ولدك لا ...فاطنة:اهئ اهئ ...وقفت ووقفتها معايا وهي غير تتبكي درت اشارة ليوسف لي بقا غادي معايا ركبتها فالطموبيل وضرت عندو شكرتو وطلعت مشيت نيشان لداري طلعنا دخلتها للبيت تكات خليتها وخرجت عيطت لعماد علمتو بلي جبتها لداري وقتلو باش يجي و يجيب معاه ميساء....

#ميساء:اففف تعطلو بزااف ...غيثة:دابا يجيو الحمد لله غير ملي لقاوها عرفتي كنت خايفة عليها بزاف خصوصا فاش شفت حالتها البارح ...ميساء:الحمد لله،الله اشافيها ...عماد(جيت للدار من بعد ما عيطليا عثمان دخلت لقيت البنات مجمعين):السلام ...البنات:وعليكم السلام ...غيثة:فين عثمان واش مزال مغيجي تعطلو ...عماد:حنا لي غنمشيو عندو راه الواليدة عندكم فالدار(وجهت كلامي لميساء)عيطليا عثمان باش نجي نديك ...غيثة:تا انا غنمشي ...عماد:يالاه نوضي لبسي حوايجك وسربي ...غيثة:واخا ...طلعات غيثة و بقيت جالسة انا و عماد مزال لحد الآن مهضرنا انا وياه من داك المشكل شي لي خلاه جالس قدامي باغي يهضر تا كيبغي ينطق ويرجع يسكت ...ميساء:عماد الا عندك شي حاجة باغي تقولها قولها ...عماد:احم ختي ميساء شوفي والله تا حشمان منك ولكن خاصك تفهميني و ...ميساء(قاطعتو):هدشي فات ا عماد ومن الاحسن نسدوه حيت محدك كتفتحو نتا وغيرك انا كنتخربق فراسي من الاحسن تسدو وانا عثمان سامحتو واخا خاطري مزال مصفاش من جيهتو ولكن غنحاول نبزز على راسي نسى او نتناسى لي وقع ...عماد:يعني؟مزال مغترجعي لدارك؟! ...ميساء:اه غنرجع ولكن ماشي على قبل عثمان(حطيت يدي على كرشي)انما على قبل ولدي دكشي لي دار عثمان خاصو وقت كتر باش نتخطاه انا اليوم بديت بالخطوة لولة فالمحاولة وان شاء الله غنكمل حتى ترجع الامورميف كانت بيني وبيني ...عماد:ان شاء الله اكيد كلشي غيتصلح عثمان كيبغيك بزااف ودابا ملي غترجعي ليه كلشي غيبدا يتقاد بشوية بشوية و يرجع لخدمتو لي هملها هاد المدة ...ميساء:ان شاء الله ...غيثة(دخلت عليهم من بعد مسمعت كلامهم حيت كنت كنتصنت خخخ):انا واجدة ...عماد(وقف):يالاه ...خرجنا مع عماد غيثة ركبات حداهوانا طلعت لور حطيت راسي على الزاجة وكنطلب من الله يصبرني ويقويني باش نتخطى المشكل ونكمل حياتيمع عثمان وولدي ومتعقدش الامور واخا حاسة بلي القضية مزال مسالات ونهيلة مزال غتبان فحياتي مرة خرا ولكن انا مغنخليهاش دمرليا حياتي...وانا مع افكاري حسيت بالطموبيل وقفات هزير راسي على الزاجة كنا قدام العمارة الله شحال توحشت داري الصراحة ودوك الايام لي دوزت مع عثمان كنت عايشة مرتاحة بزااف ...عماد:يالاه ا ميساء ...ميساء:واخا ...نزلت وانا حاسة بقلبي كيضرب بجهد شفت فغيثة لى كانت سبقاتني و نزلات مشيت عندها وعماد ورانا طلعنا للدار صونا عماد تا حل عثمان بقيت كنشوف فيه كيبان عيان وعينيه غالب عليهم النعاس سلمو عليه ودخلو وانا كنفكر واش ندخل ولا لا تا هضر ...عثمان:غتبقاي واقفة ولا كتسناينعرض عليك دخلي لدارك ...تخطيتو ودخلت وهو سد الباب وتبعني دخلنا للصالون جلست حدا غيثة وهو جلس مقابل معايا ...عماد:عثمان فيناهيا عثمان(جاوبو وعينيه عليا):ناعسة خليها ترتاح شوية ونفيقها باش تاكل وتشرب دواها .. عماد:واخا ...غيثة:فين كانت ...عثمان:فمحطة الكيران ...عماد(باستغراب):الكيران!!فين كانت باغا تمشي ...عثمان:معرفتش تا هي مكانت عارفة فين تمشي كانت جالسة وصافي ...ميساء:الحمد لله على سلامتها ...عثمان(بابتسامة):الله اسلمك وتانتي على سلامتك ومرحبا بيك فدارك توحشتك ...ميساء(حسيت بحناكي غيطرطقو اول مرة غيهضر معايا هاكا قدام شي واحد وخصوصا عماد واخا عماد جاتو عادي حيت مولف هاكا هو وغيثة ولكن انا لا دغيا نزلت عيني للارض وجاوبتو بصوت بزز باش سمعتو انا):شكرا ...غيثة:اممم ختي اش بانليك نوضو نوجدو الغدا ...ميساء:امم واخا ولكن ...عثمان:طلعي بدلي حويجك بعدا باش تبقاي مرتاحة ...ميساء:لا مكاين لاش ...غيثة:اشمن مكاين لاش كيغديري تحركي بديك جلابة سيري سيري بدلي وعطيني تا انا شي بيجامة نلبسها ...عماد:ههه كضربي على راسك ...غيثة:اكيد يالاه نتي(جريتها من يديها طلعنا للفوق كان كلشي باقي كيف خلاتو من آخر مرة حيت كانت بيجامتها فوق الناموسية بقات واقفة كتشوف وانا مشيت جبدتليا بيجامة طويلة واسعة شوية نازلة تال لتحت شفت فيها لقيتها باقا واقفة خليتها على خاطرها وهبطت لتحت غير شافني عثمام وهو يوقف) ...عثمان:فين ميساء ...غيثة:باقا فالبيت ...عثمان:احم انا غنشوفها ونجي ...غيثة:خود راحتك اخويا...

...بقيت كنشوف فالبيت كيف خليتو مزال حتى من بيجامتي لي كنت لابسة نهار بغيت نمشي للصالون باقة هنا تا حاجة متبدلات بحالا مغبتش على الدار بمرة...نفضت الافكار من راسيومشيت للبلاكار جبدت بيجامة مستورة حيت كاين عماد يالاه خيدت الزيف على راسي تا حسيت بيدين على خصري ونفس كضرب فعنقي اكيد هو وشكون غيرو تعالات دقات قلبي وانا قريبة ليه من بعد مدة ديال البعد توحشتو توحشت كلشي فيه ...عثمان:توحشتك بزااف بزااف ا ميساء متبقايش تبعدي عليا الله اخليك ...ميساء:عثمان ...عثمان(دورني عندو ويديه مزالين على خصري وزاد قربني ليه كتر تا حطيت يدي على صدرو وعيني تالفين فوجهو من عينيه لشفايفو لعنقو لي عروقو بارزين واخا ممعصبش ولكن اكيد متوتر):حبيبة خلينا نساو لي فات عمري نغلط ولا نفكر نعيد نفس الخطأ كنواعدك اول مرة وآخر مرة حيت من هاد اللحظة مغنخليكش تبعدي عليا واخا نشدك بزز ونسد عليك غير متغيبيش على عيني ...ميساء:عثمان انا فعلا كنحاول نسا والا مكنتيش غتشوفني هنا واخا خاطري مزال مصفا من جيهتك وقلبي مزال كيضرني ملي كنتفكر انك مشيتي تزوجتي و ...عثمان(قاطعني بقبلة على شفايفي انساجمت فيها معاه بدون شعور حيت فعلا كنت موحشاه بقينا هكاك تا بعد على خاطرو وحط جبهتو على جبهتي):كنبغيك نتي روحي وحياتي هداك متعتابريهش زواج هداك اعتابريه صفقة كيف اعتابرتو انا صفقة حاولت نحل بيها مشكل باش منخسر تا واحد ولكن للاسف اول حاجة كنبغيك نتي ونتي لي اختاريت باش نكمل معاك حياتي وتكوني ام ولادي(حط يدو على كرشي)وهدشي كلو تحقق الحمد لله ومن هاد اللحظة غنبداو صفحة جديدة ...ميساء(ذايبة فيه وفصوتو وطريقة كلامو جاوبت بلا وعي)؛ان شاء الله احم ممكن تخليني دابا نبدل باش نزل ...عثمان(باسليا راسي):واخا احبيبة من بعد ونكملو هضرتنا(خرج بقيت متبعاه شحال وانا واقفة كي البهلة عاد ضرت بدلت حويجي ودرت زيفي وهبطت للكوزينة لقيت غيثة بادية التوجاد) ...///#عند_الحاج: ...الحاج:سمحليا تعطلت عليك عاد ساليت مع الكليان طالب سلعة كتيرة ديال التوب ...عبد الرحمان:الله ازيد الخير ...الحاج:اميين ...عبد الرحمان:اوا الحاج اش دكشي درتي ...الحاج(باستغراب):شنو درت؟! ...عبد الرحمان:نسيتي لالة فاطنة ...الحاج:وصلاتك الخبار دكشي والو قدام لي دارت ...عبد الرحمان:راك بعقلك الحاج ونتوما عشرة ديال سينين وولادكم رجال تبارك الله كيفاش جريتي عليها ...الحاج:ساعة غضب ولكن عارفها مغتمشيش غير بغيتها تحس بالذنب على شنو دارت ومتبقاش تابعة ختها وانا فالاصل جريت على ختها وهي جات فالطريق كنت معصب بزاف الحاج خليت الشمل مجموع وجيت بقيت كل واحد فجيه ...عبد الرحمان:وا سيدي مراتك راه هزات راسها صباح ومشات عثمان جا كيقلب عليها ...الحاج:كيفااش مشات زعما نيت مشات مع ختها ...عبد الرحمان:لا على حساب ما فهمت من غيثة بنتي صباح بلي هديجة وبنتها مشاو البارح فليل حيت سولت واش عيطوليها ....الحاج:ميمكنش فين غتمشي(جبدت تيليفوني دوزت نمرة عماد):الو ...عماد:نعام الواليد ....الحاج:فين مك واش لقيتوها انا عاد عرفت دابا ...عماد:اه لقيناها حنا دابا فدار عثمان ...الحاج؛الحمد لله واخا اولدي نسالي شي شغل ونجي عندكم ...عماد:واخا الله اعاونك ...الحاج:بسلامة ...عبد الرحمان:على سلامتها ...الحاج:الله اسلمك ...عبد الرحمان:مرة خرا تحكم فراسك ومتخرجش للعيب ونعل الشيطان ...الحاج:الله انعلو ويخزيه...

..:والله الشاف تا آخر مرة ...يوسف(ضرب فالبيرو بجهد):سكتناااا تالت مرة كتشد متلبس بنفس التهمة و بسبب شكوى من جيران كتخليو بلايص الخنز وتجيو توسخو ديور الناس لي عايشين مع ولادهم باش يشوفو مناضر بحالك(شفت فالمسخة لي معاه ملوية فملاية)اش قلت لمك نتي ديك المرة هايا جابوك رجليك تال عندي و بملايتك ...نهيلة(تتبكي):اهئ اهئ والله تا هو لي ضحك عليا ...:انا ال*** لا عنداك الشاف هي لي جات عندي البارح فالبار عطيتها الفلوس وجات معايا للدار ...يوسف(بالغوات):جمع راااسك الحيوان فين كتسحاب رااسك باش تهضر هاكا تفوو على ماركات سعييد سعيبيد ...سعيد(دخلت عندهم):وي الشاف ...يوسف:هبط هاد جوج لتحت ورجع عندي ...سعيد:واخا الشاف(جريتهم بجوج)تحركو ...نهيلة؛اهئ عافاك الشاف والله منبقا نعاود راه بنتي كتسناني ...يوسف:بنتك!!الله اعطيك العذاب هدشي غير والدة تفو تريكة *** دي عليا الزبل ...داهم سعيد وجبدت واحد الضوسي كنخدم فيه تا تحل الباب ...:الشاف واحد السيدة برا كتسول على بنتها ...يوسف:دخلهم ...مشا ورجع موراه مرا كبيرة ومعاها بنت شاداها من يديها كانت زوينة بزااف وفيها شبه من المرا لي معاها امكن بنتها ...المرا:السلام وعليكم ...يوسف:وعليكم السلام جلسو ...المرا:ولدي انا جيت نسول على بنتي اهئ قالوليا اليوم جبتوها هنا اهئ اهئ ...يوسف:كاينة هنا ؟!عارفين السبب ؟ ...البنت:معرفناش صاحبتها جات عندنا صباح قالت بلي جابوها لعندكم ...يوسف(كنشوف فيها كتهضر معصبة ومكتشوفش فيا لابسة جلابة حمرا وطالقة شعرها الكحل):امم واخا شنو سميتها ...المرا:نهيلة اولدي نهيلة المرواني ...يوسف(بصدمة)؛نهيلة!!احم واش هي بنتك ...المرا:اه اولدي واش كاينة هنا اهئ ريحني الله اريحك اولدي قوليا شنو دارت ...البنت؛اش غدير متلا راه مصايبها كتار اعلم الله شنو دارت ...المرا(بحدة):عليااااء مااشي وقت هاد الهضرة دابا ...#فدار_ميساء: ...غيثة:واش نفيقو خالتي دابا راه الغدا واجد من قبيلة ...عثمان:ميساء سيري فيقيها ...ميساء:انا!!اه واخا ...نضت من بلاصتي ومشيت باتجاه البيت لي هي فيه حليتو بشوية وطليت عليها لقيتها فايقة وجالسة ضارت شافت فيا وابتاسمات ليا ...فاطنة:ميساء ...ميساء(تقدمت جيهتها وجلت حداها):خالتي كيبقيتي شوية ...فاطنة(عنقاتني):الحمد لله ابنتي الحمد لله رجعتي لدارك ياك رجعتي لراجلك ...ميساء(بابتسامة):اه اخالتي رجعت...

فاطنة:مرحبا بيك ابنتي فرحتيني(جريتلها يديها باش نبوسها)سمحيليا الله ارضي عليك ...ميساء(هربت يدي بزربة):خالتي شنو كديري اويلي(عنقتها وبستليها راسها)انا ديك النهار قتليك مسامحاك حيت اصلا ممقلقاش منك نتي و آخر مرة طلبي مني السماحة ولا ديري بحال هاد الحركة حيت غنتقلق منك بصح نتي راك فمقام ماما ...فاطنة:ونتي بحال بنتي ربي شاهد عليا الشيطان الله انعلو ويخزيه خلاني ن ...ميساء(قاطعتها):لي فات مات حنا دابا غنبداو صفحة جديدة حنا وحفادك لي جايين فالطريق ...فاطنة(بفرحة):ان شاء الله ابنتي(حطيت يدي على كرشها)شحال عندك دابا ...ميساء:شهر ونص ...فاطنة:تبارك الله؛الله افكك على خير شنو كتشهاي ابنتي الا نفسك فشي حاجة قوليهاليا ...ميساء(بخجل):احم بصراحة دابا مشهية الرفيسة ولكن راه قلت لماما باش ديرهاليا ...فاطنة:ولاش مماك انا نديرهاليك بيدي ...ميساء:ربي يخليك ليا يالاه نوضي باش نتغداو راه الغدا واجد و عماد و غيثة برا ...فاطنة:واخا و الرفيسة غنديرهالك للعشا ...ميساء:واخا😍 ....///المرا(بحدة):علياااااء ماشي وقت هاد الهضرة دابا(ضرت عند الولد)ولدي الله ارضي عليك خليني نشوفها وقوليا شنو دارت علاش جبتوها عندكم ...يوسف(حشمت نقولها تهمة بنتها كتبان فيها مرا معقولة وماشي ديال هدشي بالحق ديك البرهوشة معرت لمن خرجات):احم ...علياء؛اخويا طلقنا خلاص نتخركو فحالاتنا من هنااا ...يوسف(خنزرت فيها باينة فيها قاسحة):بنتك الالة جبناها هنا بتهمة احم تهمة الدعارة ...علياء(بشهقة):اويلييي ...المرا(بصدمة):شنوو الد..دعارة قلتي لالا اولدي ميمكنش امكن كاين شي خطأ ...علياء(نضت وقفت حداها وشديتها من كتافها):ماما عافاك تهدني ونوضي يالاه نمشيو ...المرا(بالغوات):فيييين غنمشيييو فييين واااش حمااقيتي هديك راهااا ختك اكيد كااااين شي خطأ ميمكنش بنتي دير هدشي انا مربياكم ولدي الله ارضي عليك تأكد مزيان ...يوسف(بأسف):للاسف الحاجة انا متأكد وراه جابوها بملايتها ...المرا:بملايتها اهئ اهئ بغيت نشوفها بغيت نشوفها بعينيا .. يوسف:واخا..سعيييد ...سعيد:وي الشاف ...يوسف:جيب البنت لي هبطتيها دابا ...سعيد:واخا(مشيت جبت ديك البرهوشة طلعتها للمكتب ديال سي يوسف حليت الباب دخلتها)هايا سيدي ...يوسف:سير نتا ...نهيلة(شفت شكون كاين تصدمت آخر حاجة نتمناها هي ماما وختي يشوفوني فهاد الوضع):م--ا ما ...المرا(صرفقتها):آخر مرة تنطقي بيها اهئ ياك هادي هي الخدمة ابنت الحرام هي هادي ياك اهئ كون غير مت مع باك ومنشوفش هاد الشوهة اهئ اهئ سيري الله ياخد فيك الحق نساي واش عندك شي ام ولا اخت ومن الاحسن تنساي تا بنتك وخليها تربى بعيد عليك اهئ ...علياء(مشيت عنقت ماما وانا كنشوف فيها):من ديما وانا كنشمأز من راسي حيت عندي اخت بحالك كنت شاكة ولكن دابا(طلعت فيها وهبطت)شكي تأكد نساينا وعمرك تورينا وجهك يالاه ا ماما ...يوسف(عيطت لسعيد جا دا نهيلة وهي ساكتة ومصدومة ما نطقات بحتى حرف من غير دموعها لي نازلين على خدها رجعها منين جات وانا متبع بعيني علياء و مها حتى بانتليا المرا طاحت للارض):الحاجة ...علياء:ماماااا اهئ اهئ....

يوسف:تهدني غنديوها للسبيطار ...علياء:اه اهئ عافاك دغيا ...يوسف(حاولت نجر السيدة بمساعدة شي دراري خدامين معايا خرجناها حطيناها فالطموبيل وعلياء ركبات حداها الطريق كاملة وهي تتبكي وانا حاضيها من المراية تا وصلنا للسبيطار نزلت انا لول وعيطت لشي واحد يعاوني خرجناها وحطوها فالباياص دخلوها لداخل وحنا موراهم تا دخلوها لواحد البيت وسدو الباب بقيت واقف وكنشوف فعليا غادا جاية ...يوسف؛غتكون مزيانة متخافيش ...علياء:اهئ اهئ ان شاء الله هي لي بقاتليا مباغاش نخسرها اهئ غنموت الا وقعاتليها شي حاجة اهئ اهئ ...يوسف:اكيد مغيوقع ليها والو متخافيش جلسي ارتاحي ...علياء:لالا مبغيتش منرتاح تا نشوفها و ...الطبيب(قاطعنا):نتوما لي جيتو مع السيدة ...علياء(بخوف):اه اه ماما هديك شنو عندها واش فاقت ...الطبيب:اه هي دابا مزيانة جاها انهيار عصبي نتيجة شي صدمة مقدراتش تحملها عطيناهت مهدئ شوية تفيق وغتكون مزيانة من غير هدشي معندها حتى حاجة خطيرة كلشي مزيان كيلزمها غير الراحة ومتعصبش باش مترجعش ليها الحالة ...علياء:اففف الحمد لله يا ربي ...يوسف:الحمد لله ...مشا الطبيب وجات عندنا الممرضة:ممكن واحد فيكم يجي معايا باش نخلصو الاجراءات ...يوسف:انا نجي امم ممكن تقوليلي اسم الحاجة ...علياء:معليش انا نمشي خليك نتا ...يوسف:لاا سولتك جاوبيني ...علياء(خنزرات فيه):زينب المرابط هدا غنعتابرو دين ...يوسف:شغلك هداك(مشيت مع الممرضة وخليتها تم) ...علياء:يخخخ شحال حاس براسو هاد الزمر ...///#فدار_ميساء: ...فاطنة:الحمد لله؛الله اعطيكم الصحة ...ميساء:مكليتي والو ...فاطنة:كليييت ابنتي مبقا عندي فين نزيد الله اخلف ...غيثة(كنهضر وفمي عامر):بصحتك اخالتي ...عماد:سرطي عاد دوي المصيبة غتجيفي ...غيثة:وااع مشغلكش ...فاطنة:هه خليها على راحتها ...عثمان(كياكل وممديهاش فيهم):الصمت ...غيثة:واراه ماشي غير انا شوفو عثمان كيتسابق معايا ...عثمان(بابتسامة):راه من شحال مكليت هاكا(شفت فميساء)مكانتش عندي الشهية دابا عاد تحلات ...فاطنة:بصحتك اولدي الله اخليكم لبعضياتكم ...الكل:اميين ...فاطنة:فليل انديرليكم الرفيسة للعشا بنتي ميساء تشهاتها ...غيثة:😍اواااه تا انا تشهيتهااا اليوم انبات عندكم ...عماد:الزمر لا معامن تشاورتي ...فاطنة:هاوما غيبداو جلسو تا تعشاو عاد سيرو .. عثمان:اه و غنعيط للواليد و عمي عبد الرحمان يجيو ويجيبو معاهم خالتي رحمة ياك الواليدة ...فاطنة:مرحبا بيهم دارك هادي اولدي دير لي بغيتي ...ميساء:ودارك حتى نتي ا خالتي ...فاطنة:الله اكبر بيك ابنتس انا غنوض نشرب دوايا ونتكا شوية ...ميساء:واخا انا نجمع الطبلة ...غيثة:بلاتي باقا مكملت ماكلتي ...عماد:يا ربي السلامة اجي دابا ا ميساء ختك عندها 5 شهور ونتي ...ميساء(بابتسامة)؛شهر و نص هه ...عماد:وااع اذا ولدي غيكون هو الكبير ونتوما غتكون عندكم بنيتة غنزوجوهم لبعضياتهم ....غيثة:ا ربي لما سكت ونتا حاضي غير زوج طلق كون خدمتي عدول حسن ...ميساء(جمعات الضحكة):احم انا نسبقك تا تكملي ...غيثة:عجبك الحال دابا ...عماد:انا ولا نتي ....عثمان:ششششت براااكة واش مكتقاداوش(خليتهم جالسين وتبعت ميساء للكوزينة دخلت لقيتها واقفة قدام التلاجة و ساهية)حبيبتي ...ميساء:نعام...

ميساء؛نعام ...عثمان:واش مزيانة ...ميساء:اه الحمد لله ...عثمان:احم شوفي انا ...ميساء(قاطعتو):بلا متجبد الموضوع من جديد ا عثمان انا كندير لي فجهدي باش نسا ولكن كاع لي ضايرين بيا مصرين انهم يفكروني ...عثمان:مكنتش غنجبد الموضوع ا ميساء حيت ميستاهلش نهضرو فيه ...ميساء:اه بصح و ...غيثة(قاطعاتنا):ختي سيري نتي ترتاحي انا نجمع الكوزينة ...ميساء:لا واش حماقيتي نتي متقلة و باغا تجمعي هاد الروينة ...غيثة:وا هضرت معاك سيري انا راه خاصني نتحرك الطبيبة وصاتني باش نتحرك شوية وهدشي راه والو دغيا نكملو ...عثمان:صافي اجي نيت بغيت نهضر معاك ...جرني عثمان وغيثة كتضحك داني للبيت دخلت جلست فوق الناموسية وهو جلس مقابل معايا و كيشوف فيا ...عثمان:عمرك ا ميساء عمرك تعاودي تبعدي عليا ...ميساء:ماشي انا لي اختاريت ا سي عثمان ...عثمان(شد يدي باسهم وحط يد على وجهي):و تا انا مختاريتش بفف شوفي نساي هدشي الله اخليك ياك تافقنا ...ميساء؛اه انا كنحاول واخا صعيب ن ...قاطعني بقبلة مسكتني بيها معرفتش كيفاش دارليها ولكن لي عارفة انني مقدرتش نبعدو بالعكس تا انا كنت موحشاه بزااف دخلت معاه فقبلات متتالية فصلاتنا على العالم لي حنا فيه ...///عماد:الناس ديال الحداكة ...غيثة:حبيبو الا باغي تناكر سير جلس تا نسالي ونجي نتناكر انا وياك ...عماد:لا حبيبة بغيت حاجة خرا انا ...غيثة:عماد يهديك الله سير تجلس ...عماد(جريتها لعندي وسكتها بطريقتي وهي تتنتر تا رطابت):خاصني ديما نشدك بزز متجيش بخاطرك زعما ...غيثة(دايبة فيه وفعويناتو):هم ...عماد:هه الهضرة من بعد اجي عندي دابا ....///#فالمستشفى: ...يوسف:مزال مفاقت؟ ...علياء:مزال و مخلاونيش ندخل عندها ...يوسف:خليها دابا ترتاح شوية اكيد الصدمة كانت قوية عليها بزااف ...علياء:بصح شكون كان كيقول ختي تكون(سكتات)بففف ...يوسف:احم شوفي انا معرفتش ختك شنو لي خلاها توصل لهاد المرحلة و ضيع راسها خصوصا انكم تتبانو ناس ماشي ديال هدشي ...علياء:صدقني تا انا معرفتش شنو وصلها لهنا وعلاش دارت هدشي مشاكل معندهاش عايشين هانيين ممخصوصينش تا من راجلها كان كيبغيها هي لي طلبات الطلاق منو بلا سبب حاولات تنتاحر فاش مبغاش يطلقها يمكن هي اختارت هاد الطريقة برغبتها حيت معندها حتى تفسير آخر فالايام الاخيرة وليت تنسمع الهضرة بزااف ولكن متيقتش قلت مستحيل ختي ديرها ولكن اليوم وهي بملايتها(سكتات ودارت يدها على وجها كأنها حشمات من الموقف) ...يوسف(حس بيها):تا واحد مكيهز خطأ لاخر لي دار الخطأ هو لي كيتحمل نتيجتو ماشي نتي ماشي الام ديالك و ماشي حتى بنتها ...علياء:هيييه ويلي ...يوسف(باستغراب):مالك؟! ...علياء:غيثة نسيتها غتكون خرجات من المدرسة خصني نمشي نجيبها ...يوسف؛واخا انا نوصلك ونرجعو لهنا ...علياء:شكرا بزااف على وقفتك معانا(شفت واحد الممرضة دايزة)ختي الله اخليك ...الممرضة:نعام ....علياء:شوفي هنا كاينة ماما الله اخليك انا عندي شي شغل ضروري غنمشي ونرجع عافاك اختي ردي ليها البال(جبدت من بزطامي 100درهم حطيتهاليهت فيديها اكيد مغتردش ليها البال فابور)الله استر عليك ...الممرضة(خشات الفلوس فجيب الطبلية):كوني هانية اختي ...علياء:شكرا(ضرت عند الولد)يالاه نمشيو ...يوسف(مصدوم فيها):واش دابا عطيتي الرشوة ولا جابليا الله ...علياء(باستهزاء):لا غير جابليك الله مالك فين عايش باقي شي حد كيدير الخير بلا مقابل(خليتو كيبرق فعينيه و سبقتو) ...يوسف(تبعتها وانا كنشوف فيها كيفاش غادة وديك جلابة مزيرة عليها من لور خرجنا لبرا وضارت شافت فيا حليت الطموبيل و مشات ليها حلات الباب ركبات و ركبت تا انا يالاه جيت نتحرك شفتها واحلة مع السمطة قربتليها باش نقادهاليها مع ضارت ولا وجهي فوجها ونفسها كضرب فوجهي و بدون شعور لقيت راسي مقرب كتر وحاط شفايفي على شفايفها تا فيقاتني بتصرفيقة) ...علياء:حيوااااان ها حنا باقيين فيه قتلييك كلشي كيبغي المقااابل ويلا كنتي شفتي ختي *** متغلطش و يسحابلك بحالها تفو على كمامر(يالاه جيت نحل الباب باش نهبط وهو يجرني من شعري وسد الباب)ااااي طلق مني طلق الزبل ...يوسف(عينيه حمرين):عاودي شنوو قلتي كيفاش برهوشة بحاالك تمد عليا يديها ...علياء؛و كيفاااش شماتة بحاالك بقرب ليا(بالغوات)طللللللللللق منييييييييييي ...يوسف(جمعها معاها بتصرفيقة):منسمعش حسك لديلمك من بعد و غنتفاهمو و دابا عطيني اسم المدرسة ...علياء(كنشوف فيه و مصدومة من هدشي لي دار):الصمت ....يوسف(بالغوات):طلقيييي راااااسك ...علياء(قفزات):مدرسة الاندلس ...يوسف(سكت وتحرك بلا ميجاوبها الطريق كاملة غادي طاير و صدرو طالع نازل تا وقف قدام المدرسة):نزلي جيبيها ...علياء(نزلت بلا منزيد معاه الهضرة هبطت وضرت كنشوف فيه لقيتو متبعني بعينيه وكيضرب فالvولون زربت ومشيت دخلت لقيت غيثة جالسة مع الحارسة تما هزيتها ورجعت ركبتها فالطموبيل لور وركبت حداها محاولتش نهضر ولا نتحرك غير نوصل للسبيطار غنقلي على جد بوه نوريه يبوسني و يضربني...بقيت ساكتة تا بانتليا الطريق ماشي ديال السبيطار تزايد معايا الزايد وانا نهضر):فين غاديين ...يوسف:الصمت ...علياء:راااه معاااك دااوية ...يوسف:سكتيناااااا ...غيثة(بخوف):طاتي سكون هدا ...علياء(بهمس):الحمار الوحشي الله يلكيهاليه تفوو....

...بقيت ساكتة وانا مغددة اكيد مغيديرليا والو و البنت معانا اكيد لا بقيت كنفكر ونخيط فراسي تا بانليا وقف قدام واحد البوتيك ديال الحوايج مفهمت والو هادا جاي يشري لراسو الحوايج وحنا معاه مالو مريض شفت فالبوتيك كان كبير و فيه حوايج الرجال و العيالات ضرت كنشوف فيه نزل و ضار جيهتي حل الباب مد يديه لغيثة دغيا تلاحت عليه تقول كتعرفو قرن و زمار..هزها وبقا كيشوف فيا تا قفزني بغواتو تاني ...يوسف:واا تحركي هبطي ...علياء(هبطت عندو):لاش جايبنا هنا واش هبلتي ...يوسف(سد الطموبيل وجرني من يدي و يد هاز بيها غيثة):الصمت ...دخلنا للبوتيك تا وقفات علينا واحد خيتي ...البنت:مرحبا بيكم ...يوسف:عطي لهادي ما تلبس شي حاجة مستورة عافاط ...علياء(خرجت فيه عيتيا):شناااهوااااا مالي بنتليك عريانة اويلي على عطيها متلبس وااش تسطيتي و مستور من لفوق فيق اولدي فيق شوف آرا البنت لهنا وسير الله اعاونك عاونتينا وا صافي شفتك بديتي دخل فشبوقات بعادين عليك ...يوسف(شاف فيها وغزز سنانو تا بان فكو كيتحرك وضار شاف فالبنت):ديها وديري شنو قلت ليك ...البنت:احم اجي معايا اختي ...علياء:كيفاش اجي معايا طلقي مني مرتاحة فجلابتي ...يوسف(حط غيثة لرض و جا عندي حط يديه ورا عنقي وقرب وجهو لوجهي وكيهضر بصوت معصب ومهدن فنفس الوقت):غتسدي داك الفم وغدخلي تبدلي هاد الزبل لي لابسة وبلا هضرة زايد حيت الا سمعت صوتك مرة خرا غنهرسليك وجهك تفاهمنا(بعد عليا)يالا سيري ...من بعد النبرة لي هضر معايا بيها بديت غير كنبلع فريقي ونرمش فعويناتي حيت بصح خفت منو ومشيت مع البنت بلا كلمة بلا جوج واخا مفهمتش شنو السبب لي خلاه يجيبني لهنا ونبدل حويجي يمكن ممولفش بالبنات كيلبسو جلالب مال طاسيلتو فين كابر تفوو ملي مراضيش بيا ديك الساعة ميجيش معايا و زيدون انا مطلبتوش هو لي اقتارح يوصلني وجه الويل...مشيت مع ديك خيتي وهي كتعزل عليا تما خليتها ومشيت هزيت سروال وشوميز طويلة شوية دخلت حيدت جلابتي ولبستهم جاني السروال مزير شوية ولكن الشوميز كانت طويلة وساترة العورة خخخ هزيت جلابتي ومشيت وقفت قدامو وهو كيطلع ويهبط فيا و عاقد حواجبو ...يوسف:ضوري ...علياء:فين غنضور ...يوسف(بنفاذ صبر):ضوري ...علياء(ضرت عطيتو بضهري ورجعت تقابلت معاه دغيا بانليا معاجبو حال ضار عند البنت خلصها وعاود جرني من يدي تا وصلنا للطموبيل حل الباب لوراني حط غيثة يالاه جيت نركب وهو يسدو وجرني للقدام وركبني حداه سد الباب و ضار بلاصتو) ...علياء:ملي مراضيش نمشي معاك وانا لابسة جلابة كنتي تقولها كنت غنمشي بوحدي نجيب البنت حيت اصلا نتا لي اقتارحتي توصلني كاشي انا لي طلبت منك دكشي علاش ممنحقكش تفرض عليا شنو نلبس و شنو لا بمكن نتا مولف بالبنات مقزبين جاتك جلابة عيب ههه باز فين ولينا ...يوسف:سدي فمك ضريتيني فراسي ...علياء:شوف اخويا متبقاش تعفر عليا و وقف ليا هنا الله ارحم باك الطاكسيات عطاهم الله اويلي مالك معاجبك حال تقول انا لي لسقتك توصلني وقف وقف يالاه ....يوسف(بالغوات):واااااا سكتيييييييي سكتيييي شوية وااااش ساااارطة كسيييطة غنرعف مك الا سمعت حسك حسنليك ضربي الطم ...غيثة(كضحك):هي متقدرس تسكت فيها الدوي بجاااف ميمة ديما تتقولهاليها ...علياء:تقاليك ا بنت الحرام ...يوسف:اللهم طولك يا روح ...سكت او حاولت نسكت واخا كل ساعة كنبغي نهضر ولكن خفت منو بقيت مطمرة تا وصلنا للسبيطار غير وقف حليت الباب هبطت هزيت غيثة وطلعت سابقاه تا وصلت فين كاينة ماما حليت الباب و دخلت لقيتها فايقة غيثة غير شافتها طلقات مني ومشات عندها كتبوسها وماما غير شافتها بدات تتبكي ...علياء:ماما حبيبتي كي بقيتي ...زينب:الحمد لله ابنتي ...غيثة:ميمة مالكي ...علياء(هزيتهت وجلستها عندي):غير عيات شوية اجي جلسي هنا وسكتي ...يوسف(دخل عندنا خنزر فيا):السلام و عليكم الحاجة كيف بقيتي ...زينب:الحمد لله عدبناك معانا اولدي سمحلينا ...يوسف:متقوليش هاكا حسبيني ولدك وواحد منكم ...زينب:لهلا يخطيك اولدي ...يوسف:الحاجة انا بغيت نتزوج بنتك علياء ...علياء(مصدومة):شنووووو ...زينب(باستغراب):كيفاش....

#ميساء:معرفتش شحال د الوقت نعست فقت كنتجبد لقيت عثمان خارج من الدوش وهاز فوطة كيمسح شعرو شافني جا باسليا راسي ومنطق بوالو باش ميحشمنيش هادي انا لي كنت مقلقة الوحم بهدلني بقيت متبعاه مشا لبس حويجو و هز الصلاية حطها وبدا يصلي هزيت تيليفوني شفت الساعة لقيتها 4:30 العصر ايكون ودن مسمعتوش نضت من الفراش دخلت للدوش دوشت تا انا عاد خرجت ملقيتوش فالبيت لبست حويجي و صليت قاديت زيفي و خرجت لقيتهم جالسين فالصالون عماد لي مكاينش ...غيثة:بالصحة(غمزاتني و كتفرنس حرام واش كتحشم شفت فخالتي تا هي كانت كضحك ضورت وجهي جيهة عثمان هو يغمزني حنيت راسي وجلست لرض وهو حاضيني مرة نهضر معاهم مرة نشوف فالتلفازة) ...فاطنة:بنتي عيطي لمماك تجي دابا ...عثمان:لا انا نمشي نجيبها واش عيطتو للواليد و الحاج ...غيثة:اه عيطلهم عماد ...عثمان:واخا انا نمشي نجيبها(مشا هز السوارت كان لابس توني و كلاكيطة فرجليه وصل للباب وهو يوقف)ميساء ...ميساء:نعام(نضت ومشيت عندو) ...عثمان(حط يدو على خصري):واش خاصاكم شي حاجة نجيبها معايا؟ ...ميساء(بابتسامة):لا كلشي كاين ...عثمان:واخا حبيبتي انا نمشي نجيب مماك و نرجع واخا ...ميساء؛واخا(تم غادي وانا نشدو من يدو ضار شاف فيا و علامة الاستغراب على وجهو ضرت شفت جهة خالتي و غيثة لقيتهم كيهضرو وانا نرجع قربتليه وبستو ورجعت لور وهو عجبو الحال جرني عنقني بجهد تا كان غيفلعصني عاد طلقني) ...عثمان:كنموت فيك ...ميساء:انا كتر ...عثمان:يالاه انا مشيت ...ميساء:الله اديك و يجيبك على خير ...مشا عثمان ورجعت جلست حداهم وعقلي غايب زيادة على الوحم ومشاعري لي تخربقو حبي ليه كبير بزاف و معاملتو الزوينة ليا كتجرني ليه كتر و كتر كيف جراتني ليه اول مرة مزال كتأتر فيا لدابا ....///#فالسبيطار: ...علياء:اش كتخربق نتا ...يوسف(بحدة):مكنخربقش عارف المكان ممناسبش ولكن خير البر عاجله اش قلتي ا الحاجة ...زينب(تلفات بيناتهم):فاجأتيني اولدي واش كتعرفو بعضياتكم قبل ؟؟ ...علياء و يوسف(فدقة):لاا ...زينب(باستغراب):لا يعني نتا شفتيها غير اليوم و بغيتيها للزواج حتى من الموقف لي تعرفتي علينا فيه ...يوسف(قاطعتها):هدشي معندو تا علاقة يمكن جابتها الصدفة و مكيهمش المكان ولا الوقت لي كيهم المعقول انا بعقلي 30 عام بخدمتي و بداري جيت قاصد المعقول نيشان مبغيتش ندير بحال البراهش ونقولها نتعرفو و نبقا ندور يبيها فالزناقي و القهاوي ...علياء(حالة فمها فيه):من نيتك اولد العبد ...يوسف(خنزر فيها):اش قلتي الحاجة ...زينب:كلامك معقول اولدي ولكن خاصكم تافقو مكاين لاش الزربة وهي مزال كتقرا بغيتها تكمل قرايتها ...يوسف:وانا مغنمنعهاش من قرايتها وحتى الخدمة الا بغات تخدم انا بغيت غير موافقتك و نجيب والديا فأقرب وقت ...زينب:الله يدير لي فيها الخير اولدي ...يوسف:امين احم ممكن نهضر معاك برا ا علياء ...علياء:علاش ...زينب:سيري ابنتي(الله اجعلو من نصيبك و يجعل مكتوب حسن من مكتوب ختك) ...علياء:افف واخا ...ناضت علياء كتنتر سبقاتو وهو ابتاسم للحاجة وتبعها سد الباب ووقف قبالتها وهي واقفة مربعة يديها و عاقدة غوباشتها ...علياء:اش هاد المسرحية درتي دابا ياكما باغي تنتاقم مني حيت صرفقتك ...يوسف:شحال فعمرك ...علياء(بفخر):24 ...يوسف:24 كتباني بفعايلك بنت 7 سنين خاصني نقادك من لول ...علياء؛ههه بنتليك عوجة ...يوسف:نمرتك ...علياء:ها ...يوسف:بفف(مديت يدي للصاك لي دايرة حليتو جبدت تيليفونها ومديتولها)اري نمرتك ...علياء:وا لا شفتك دخلتي فيا طول و عرض اويلي اشمن زواج واش داوي من نيتك ...يوسف:طلقي راسك مكنبغيش الهضرة بزاف ...علياء:افففف ارا نكتبهالك(مدليا تيليفونو قيدت نمرتي وكتبت فيها علياء حبيبتي😂ياك غيتزوجني اوا نضمن راسي)هاك ...يوسف(قلبت شفت شنو كتبات عجبني شنو دارت ولكن مبينتش ليها صونيت ليها وخديت التيليفون وكتبت نفس الشيئ يوسف حبيبي):هاكي احبيبتي ...علياء(مخرجة عينيها فالتيل):يخخ معامن انا...

..غيثة:صافي كلشي واجد بقا غير يجي عمي و بابا ...رحمة:ايكونو جايين ابنتي ...فاطنة:معرت اينا وجه غنشوف بيه الحاج ...ميساء:عمي قلبو كبير ا خالتي ودكشي لي دار كان فساعة غضب و صافي معندو علاش غيفرط فعشرة عمرو ...غيثة:ايييه راك مرتو و حبيبتو ميسخاش بيك ...رحمة(قرصتها):حشمي شوية ونتي وليتي غير حالة داك الفم ...غيثة:واااع وا مالكم غير مقابليني واش منهضرش ...رحمة؛اه غديري خير فراسك و فينا ...غيثة:ياك ا ماما ...فاطنة:خليها على خاطرها ا رحمة راني ولفتها وراها بنتي تهضر كيف بغات مهضراتش مع البراني ...عماد(دخلت عندهم للكوزينة):هضرت مع الواليد هاوما قراب للدار(شفت فغيثة مغوبشة)مالك نتي ...غيثة(هزات كتافها):الصمت ...ميساء:ههه غوتات عليها ماما ...عماد:هي درتي شي زبلة اجي عندي ...غيثة:مبغيتش ...عماد(مشيت عندها جريتها):زيدي قدامي ...فاطنة:ههه الله اخليهم لبعضياتهم رخفي عليها ا رحمة راها حساسة بزاف ملي حملات وهي دغيا كتقلق ...رحمة:ضرب راسها مع الحيط كاع مالها كبرات عليها نحطو العشا وتشوفي ديك التقليقة واش غتبقا ...فاطنة:هههه ...ميساء:هه وييه ا ماما(سمعت الصونيط)هاوما جاو انمشي نحل ...خرجت باش نحل لقيت عثمان غادي مشيت وراه حل الباب ودخل بابا و عمي سلمنا عليهم ودخلنا للصالة جات ماما و خالتي سلمو عليهم وخالتي فاطنة حانية راسها ...الحاج عيسى:اش هدشي ا فاطنة هزيتي راسك ومشيتي كنتي على سبة ...فاطنة:هدشي لي نستاهل الحاج انا لي درتها لراسي واخا جريتي عليا ولكن والله متقلقت حيت عارفة راسي غلطت و نستاهل ...الحاج:الله اهديك عارفاني كنتعصب ونغوت ومنفرطش فيك واش عاد اتعرفيني ...عماد(دخل عندهم ومعنق غيثة جنب):ههه وا صافي الحيبان فضيو علينا هدشي وخليونا نبداو صفحة جديدة ...رحمة:يا وليدي بحالك بحال مرتك طاح الحك و صاب غطاه ...غيثة:وا امتى غتحطو هاد العشا ...عماد:وا حطو العشا مراتي فيها جوع شوية تاكلنا ...غيثة:تاكل جنابك ...عبد الرحمان:نتوما مغديروش عقلكم ...عثمان(جريت ميساء عندي):براكة غير حنا بعقلنا ا عمي اولا حبيبة ...ميساء(بخجل):احم نمشي نوجد باش نحطو ...رحمة:بلاتي نجي معاك ...فاطنة:تا انا ...الحاج:وا جاوبيني بعدا الالة فاطنة متسامحين ولالا ...فاطنة(بابتسامة):متسامحين الحاج(تبعات رحمة و ميساء) ...غيثة:وينو خالتي كتحشم ههه ...عماد:وا حشمي تا نتي و سيري عاونيهم ...غيثة:هايا غادة ....وجدنا الطبلة و قادينا كلشي جلسنا تعشينا فجو زوين من شحال هادي متجمعنا بحال هاكا هضرنا و ضحكنا وكلشي كان فرحان و مرتاح وتا حد مهاز فخاطرو من لاخر بالعكس كنا عائلة وحدة و ان شاء الله هاكا نبقاو ديما... ///#علياء: ...زينب:الله ارضي عليك اولدي عدبناك معانا ...يوسف:الله اهديك الحاجة متقوليش هاكا عدابكم راحة ...زينب:بنتي هبطي حليليا الباب وهزي غيثة راه نعسات ...علياء:واخا ا ماما ...هبطت حليت ليها الباب ومشيت حليت باب الدار سلمات على يوسف ودخلات وانا مشيت هزيت غيثة ويوسف حاضيني ...يوسف:احم شنو بانلك غدا نتلاقاو ونهضرو فموضوعنا مزيان ...علياء:اهاه ياك قلتي باغي المعقول و مباغيش الدوران ...يوسف:و هدشي لي باغي بصح ولكن نتي بنتيلي مترددة و باغا تعرفيني كتر ...علياء:اه حيت مدخلاتليش لراسي شفتيني اليوم وطلبتيني للزواج هدشي كان زمان دابا لا مقادراش نتيقك و ماشي لخاطري خاصك تعدرني ...يوسف:من حقك وانا نعطيك الوقت باش تيقي ...علياء:فوق هدشي كامل ا يوسف كيفاش غتعرفني على داركم واش غيقبلو مرات ولدهم لي ختها حباسة و عاهرة؟؟...

يوسف؛هدشي مكيهمنيش ومكيهمهمش حتى هوما انا لي اختاريتك مكيهمونيش عائلتك كتهميني نتي عجبتيني وجيت قاصدك وناوي الحلال واش مباغاهش؟ ...علياء(عينيها عامرين دموع):تا واحد مكره يصادف انسان بحالك ولكن المجتمع مكيرحمش ا يوسف سير قولهم شكون انا وفين عرفتيني ويلا قبلو بيا اجي ها دارنا كتعرفها وكنواعدك غنكون ليك تصبح على خير ...خليتو واقف ودخلت للدار مشيت نيشان لبيتي حطيت غيثة وجلست حداها ودموعي شلال اه كأي بنت حلمها تلاقا بإنسان يبغيها ويكون ليها طول العمر ومن بعد ها القدر لاقاني بيه ولكن الوقت مكانش مناسب و مخجل بزااف واخا اليوم لي شفتو ولكن شخصيتو و رجولتو تعجبت بيهم وملي فاجأني بالزواج علقني بيه كتر من ديما كنقول منتصاحبش و منديرش علاقات ونتسنى النهار لي يلاقيني فيه الله بولد الناس هاحنا تلاقينا ولكن الظرف لي تلاقينا فيه هو العقبة لي غتكون فطريقي مستحيل عائلتو يتقبلو وحدة ختها خارجة الطريق وولدهم هو لي شدها حتى الا سكتنا و خبينا اكيد واحد النهار غيبان المستور و صحاب الحسنات كتار لا مستحيل نغامر ونخبي ميمكنش نبني حياتي على كذبة ممكن دمرني من بعد...نضت بدلت حويجي ومشيت توضيت خرجت فرشت الصلاية و لبست عبايتي وصليت صلاتي وطلبت الله يوقف معايا الا كان فيه الخير يخليه معايا و يبينليا الطريق الصحيح ويلا لا يبعدو عليا ...كملت مشيت نطل على ماما لقيتها ناعسة قاديت ليها غطاها ورجعت لبيتي لبست بيجامتي وتخشيت حدا غيثة بقيت كنشوف فيها دابا هي وحدها مها فالحبس بسباب فعايلها وباها خوا البلاد باقا صغيرة ومتستاهلش هاد الحياة ...📲📲📲📲قاطعني من افكاري صوت تيليفوني هزيتو كان يوسف كنت غنجاوبو ولكن تراجعت من الاحسن يفكر فهدشي لي بغا يدير حيت ممكن من هنا لغدا يتنادم معاه الحال ويقول زربت و كيفاش انا غنتزوج بهاديك بففف...طفيت تيليفوني وغمضت عيني وانا كنرغب النعاس مع ان النص فيا فرحان بشنو وقع و النص لاخر كنفكر فختي لي مليوحة فالحبس ويعلم الله كيف حالتها دابا ...//#يوسف: ...من بعد ما وصلتهم وهضرت مع علياء اتاجهت للدار الطريقكاملة وانا كنفكر فكلامها وانا فعلا مكيهمنيش شنو دارت ختها ولا فين شفتها..عمري ضنيت انني نتزوج بهاد الطريقة ولكن دابا فعلا كنآمن بمقولة #الحب_من_اول_نظرة ...وصلت للدار حطيت الطموبيل هبطت جبدت تيليفوني صونيتليها بقا شحال فلخر قطعات عليا عاودت صونيت ليها لقيتو طافي...دخلت للدار كالعادة لقيت الواليدة مزال فايقة كتسناني ...رقية:الله يا ولدي خلعتيني عليك فين تعطلتي ...يوسف(بستليها راسها):معندك علبش تخلعي واش انا باقي صغير ...رقية؛اوا كون كنتي والد كون خسيتي بيا وراك غير نتا لي عندي معنديش منك عشرة واش نحطليك تعشا ...يوسف(جلست حداها):لا مفياش لي ياكل الواليد نعس ...رقية:اه راك عارفو كيشرب دواه وينعس مالك اولدي بنتيليا ماشي هو هداك ...يوسف:والو ...رقية(ضورت وجهو لعندي):لا كاينة شي حاجة منيمتا وليتي تخبي عليا ههه ياكما شي وحدة خربقاتليك دماغك ...يوسف(بابتسامة):ههه باش عرفتيها ...رقية:ولدي و حافضاك ههه اوا الا عينك فيها من غدا نخطبها لوليدي ...يوسف:بففف هنا فاش بقات ...رقية(باستغراب):كيفاش واش مبغاتش

رقية(باستغراب):كيفاش واش مبغاتش ...يوسف:رافضة بسباب مشكل فعائلتهم ...رقية:اشمن مشكل و زيدون ياك المشكل عند عائلتهم نتوما اش دخلكم فيه ...يوسف:احم تعرفت عليها بسباب ختها(سكت عاد هضرت)مشدودوة عندي ...رقية:مشدودة؟امم وشنو السبب ...يوسف(مسح على وجهو):شوفي الواليدة انا كتهمني البنت مكيهمونيش عائلتها ...رقية:ما قلت والو اولدي انا غير سولتك ويمكن فهمت السبب ختها خارجة الطريق ؟ ...يوسف:الصمت ...رقية:سمعني ا يوسف نتا دابا راك راجل تبارك الله يعني عارف الصح من الغلط وحنا من صغرك ربيناك احسن تربية و كاع الناس شاهدين و ربيناك باش كناخدوش الناس بأخطاء غيرهم الا كانت ختها هي هكاك الله اهديها ويستر على بنات الناس انا و باك منزيدوك غير الله يكمل بالخير اولا و اخيرا الاختيار كيرجع ليك نتا لي غتعيش معاها ماشي حنا ...يوسف:يعني نتي معندك حتى مشكل ...رقية:وحتى كون كان عندي كنتي غدير لي فراسك ههه ولدي وانا عارفاك و باينة البنت عاجباك ملي جيتي وقررتي تزوج بيها وانا هدشي لي بغيت نشوفك بدارك ووليداتك ...يوسف(باسليها راسها):الله اخليك ليا ...رقية:اوا نحطليك تعشا ...يوسف:الا تعشاي معايا ...رقية:كليت مع باك اولدي ...يوسف:هداك الواليد و هدا انا ...رقية:ههه واخا اسيدي الله ارضي عليك و يفرحك اولدي ...يوسف:اميييين ...مشات الواليدة تسخن العشا وبقيت انا جالس كنفكر فعلياء معرفتش كيفاش سيطرات عليا وعلى تفكيري بهاد السرعة ...//#ميساء:غتخويو علينا الدار كون غير بتو ...عبد الرحمان:انا عارفاني ابنتي كنبغي نبات فداري ...الحاج:وانا بحال الحاج ههه را حنا غير فمدينة وحدة ابنتي غدا دوزي لعندنا نتي اجي جلسي مع ختك و خالتك ...غيثة:اه اجي اجي ...عماد:غتحركي نتي لا راه صابح خدام عثمان:اه غدا راه غندوز للشركة ...عماد:على سلامتك ملي تفكرتي ...عثمان(جرني لعندو):دابا بالي مرتاح اكيد غنرجع لخدمتي ...رحمة:ان شاء الله يالاه تصبحو على خير بسلامة عليكم ...سلمنا عليهم مشاو سد عثمان الباب ودار عندي وهو مبتاسم ...عثمان:امم و اخيرا بقيت انا و مرتي ...ميساء:احم شوف عثمان والله تا عيانة و فيا النعاس بزاف ...عثمان:هه وانا مقلت والو(هزيتها عندي)غنمشيو نعسو نرتاحو ...ميساء:اه اه ...عثمان(وصلنا للبيت حطني فوق الناموسية ومشا كيقاد الغطا وجا تخشا حدايا ...ميساء:اممم عثمان فين وصلو التصاميم ...عثمان:هه تيقيني الا قتليك معرفتش من نهار مشيتي مطليت على الشركة نتي شنو مقررة غترجعي تخدمي معانا ولالا ...ميساء:لا مبغيتش معندي خاطر لشي خدمة خليني مقابلة غير داري و وليداتي وراجلي ...عثمان(جرني حطيت راسي علة صدرو باسليا راسي):الله اخليك ليا ...ميساء:ويخليك ليا...

★اصبح الصبح و الملك لله★ علياء:ماما انا مشيت ...زينب:اجي بعدا شنو درتي مع الولد ...علياء(بتنهيدة):والو ا ماما قتلو يشوف دارهم بعدا واش يبغيو وحدة بحالي ...زينب:كيفاش بحالك ...علياء:لا والو ا ماما والو غير ختي الكبيرة خارجة الطريق وهو لي شادها بملايتها واش فنضرك فيبغيو ولدهم يتزوج بوحدة بحالي ماشي غير هو اي واحد غيرو اكيد لا ومن حقهم تا واحد ميبغي تكون عندو علاقة بناس بحالنا ...زينب(عينيها عمرو دموع):عندك الحق ابنتي ختك خرجات على راسها وعليك و على بنتها و عليا اهئ الله يا ربي وفين كان مخبي هدشي ...علياء:تا حاجة مكتخبا ا ماما وحتى جيران واحد النهار غيعرغو وغنوبيو ضحكة بيناتهم وموضوع الساعة ...زينب:صافي سكتي متزيديش عليا اهئ اهئ ...علياء(مشيت جلست حداها وعنقتها):سمحيليا ا ماما ولكن ماشي لخاطري اهئ بنتك مفكراتش فينا علاش دارت هدشي شنو لي ناقصها بغيت غير نفهم ...زينب:متبقايش تجبديها ليا انا مبقات عندي بنت من غيرك و غيثة اما هي منها لمولاها هو يتولاها نوضي سيري لقرايتك ولي فيها الخير ربي غيديرهالك ...علياء:ان شاء الله غيثة راها باقة ناعسة بسلامة ...خرجت من الدار وانا الف فكرة كدور فراسي شفت فبنات جيران لي مجمعين حدا الحانوت كيطلعو ويهبطو فيا يا خوفي نهار يعرفو غيشمتو فيا من ديما دايرة حدود بيني وبينهم وبالنسبة ليهم انا متكبرة ولكن انا كنآمن بشي حاجة سميتها التيقار وكل واحد يديها فراسو...حنيت راسي وزدت فطريقي وصلت للمحطة ديال الطوبيس جلست وجبدت تيليفوني شعلتو بقيت كنشوف فيه شحال شنو غيكون دار واش فاتح والديه ولا كان كيتفلى واش باقي شي واحد فهاد الوقت يشوفك ويجيك للحلال نيشان اكيد لا هدشي كاين غير فالافلام و الروايات الحب الاسطوري معندوش مكان فحياتنا الواقعية ولكن علاش لا فحياتنا الواقعية كاين الله لي كنتمناو منو وهو قادر يحقق لينا امانينا ممكن يكون كلام يوسف حقيقة وبصح باغيني كنتمنى من الله نعيش حب حقيقي و زوين انا مغنتعلقش بيه ولكن غنخلي الامل ديالي فربي مخاسرة والو...بقيت مع راسي فكرة تديني و فكرة تجيبني تا حسيت بشي واحد حيدليا التيلي من يدي هزيت راسي بزربة لقيتو هو ...يوسف:هاد المشقوف ملي غطفيه لاش دايراه من الاساس ...علياء(وقفت مقابلة معاه وخديت تيليغوني):احم دشيارجا ليا البارح دابا عاد شعلتو ...يوسف:غندير راسي تيقتك قارية اليوم ...علياء:اه ...يوسف:بغيت نهضر معاك فموضوعنا واش الحصة مهمة ...علياء:ماشي شي حاجة ولكن مكاين لاش انا عارفة شنو غتقول والديا مبغاوش وانا منقدرش ندير شي حاجة ضد الرغبة ديالهم ومن حقك انا معنلومكش حيت ...يوسف(قاطعني):ممكن تسكتي شوية وتزيدي قدامي نجلسو ونهضرو مزيان حيت هاد التخربيق لي قلتي دابا تا حاجة مكاينة منو ...علياء:كيفاش ...يوسف(جريتها وركبتها فالطموبيل عاد ركبت انا):نوصلو وغتفهمي ...علياء:فين غاديين ...يوسف:غنمشيو لشي بلاصة نجلسو ونهضرو نت تقولي لي عندك وانا نقول لي عندي و دابا عافاك متزيدي تا سؤال ...علياء:واخا ...بقينا غاديين الطريق كاملة وحنا ساكتين تا بانليا وقف قدام واحد الكافي بجنب البحر هبط ودار حليا الباب ومدلي يدو بقيت كنشوف فيه عاد قبطت فيه سد الطموبيل وتم غادي وهو مزال شاد فيا بحالا شاد شي بنيتة صغيرة فيديه منكرش انني عجبني الحال بزاف وبانلي واحد البصيص ديال الامل يمكن هدشي غيولي حقيقي وانا غنكون ليه وهو ليا...

...:اديك هاه تهزي من تم راها بلاصتي وهنينا من التنخصيص ضريتيني فراسي ...نهيلة:سيري بعدي مني تا الضس تزاحمو فيه ...:وا تكعدي قبل مندير فيك شرع يدي ...نهيلة:نضت من تم بلا منزيد معاها كلمة كنحس براسي فاشلة ومقادة على صداع..تكمشت فواحد القنت وسيناريو حياتي كلو داز قدامي كيفاش كنت وكيفاش وليت عاهرة علاش وصلت هنا وكيفاش معرفتش ولكن طيشي وقسوحية راسي جبتها فراسي..تفكرت فاش كنت كنقرا فالباك وجا بابا قالي غتزوجي وغدا غتمشي مع راجلك ههه اه بهاد البساطة مفهمت والو وقلت غير كيضحك معايا ولكن فاش جات عندي ماما وفيديها قفطان لي غنقابل بيه العريس و عائلتو عرفت بلي الامر جدي وكاينة تفلية حسيت براسي وصلت للنهاية طموحاتي انني نخدم وندير مستقبل لراسي كلهم تهدمو فليلة وحدة لا وغنتزوج واحد معارفاهش سولت ماما فالتلي بلي شافني وانا فطريقي للمدرسة وعحبتو ومشا خطبني من عند بابا و بابا وافق وحدد معاه الموعد بلا مياخد رأيي ولا تا حاجة..من ديك اللحظة حسيت براسي انسانة خرا متقبلتش كيفاش يقررو مصيري وليت انفعالية وغادة غير ضد اي حاجة كنتعكس فيه..شفت العريس منكرش انه كان ولد الناس لا هو لا عائلتو ولكن عنادي والغضب ديالي مخلاونيش نشوف الجانب الزوين بالعكس كنت كنشوفو الانسان لي وقف ضد احلامي مخلانيش نعيش كيف كنا باغا نتعرف تا انا ونبغي ونخرج نسافر نلبس لي بغيت ندير لي بغيت....فالسينين لي كنت عايشة معاه فيهم كنت كل نهار كنحاول نكرهو فيا ولكن هو كان عندو خاطر وصبر معرفتوش منين جابهم وهدشي مكان كيخليني غير نزيد فعنادي وكملات نهار عرفت راسي حاملة حسيت براسي تخنقت حتى دكشي لي فكرشي مكنتش باغاه وحتى فاش ولدت غيثة مكنتش كنحس بيها بنتي كنت كنحس بكلشي عقبة فحياتي وكلشي ضلام...وليت كنخرج وكنتصاحب وندير علاقات حتى مات بابا وولات فكرة الطلاق معششة فعقلي نصبح بيها ونعس بيها حتى طلقت واخا مكانش باغي ولكن هددتو بلي غنقتل راسي وهو من حبو ليا قرر ينفذ لحد الآن مزال معرفتش شنو لي خلاه يبغيني تال ديك الدرجة...طلقت و سافر ورجعت ديال راسي قلت وليت حرة ديت بنتي خليتها مع ماما وعشت فداري بوحدي ندخل وقتما بغيت نخرج وقتما بغيت تا واحد ممسوقليا تال نهار كنت مسافرة انا وغيثة تحت اصرار ماما لي طلباتني باش نحاول نتقرب منها ولكن تما تقلبات حياتي من جديد فاش شفت عثمان وبغيتو من اول نظرة مهمنيش انه مزوج ولا غيرو بغيتو ليا بأي طريقة حتى نهار عرضات عليا خديجة الفكرة ديال انني نتزوج بيه مفكرتش زوج مرات وافقت على الفور مديتها لا فكرامتي لا فعائلتي لا والو وكالعادة عمر الحاجة لي نبغيها توقع لقيت راسي مطلقة منو فنفس النهار ههه عادي هادا جزاء لي مترضاش بحكم الله نسيت بلي الانسان ميمشي غير فين مشاه الله شنو كان غيوقع كون رضيت بقدري وعشت مع راجلي وبنتي علاش بقيت مصرة انني نضمر حياتي هدشي كلو كوم وان ماما وختي يشوفوني فهاد الوضع زاد قتلني حاسة بقلبي خاوي كلشي ضاع وتا حاجة ممهمة بالنسبة ليا ومعندي تا حاجة نخسرها وجودي فهاد الحياة بحال عدمو...هزيت يدي حليتها وبقيت كنشوف فطرف ديال المراية لي هزيتو للبنت لي معايا تما وحطيتو على يدي وبالضبط شراييني نقررة انني ندير حد لحياتي لي بالنسبة ليا مجرد عذاب فعذاب وموتي حسن من حياتي مخديتش وقت طويل فالتفكير ضربت يدي وضميتها لعندي وغمضت عيني ودموعي هابطين كلشي ضاع وندمت فوقت الندم مينفعني بوالو...خسيت بذاتي كترخا وعيني زادو تسدو والصورة الوخيدة لي بانتلي قدام عيني هي نهيلة بنت 18 عام بطبليتها وضحكتها و الامل لي كان فعينيها.....

...علياء:ممكن تهضر من قبيلة ونتا كتشوف فيا وساكت ...يوسف:بغيت نشوف فيك واش ممنحقيش البارح واعدتيني بلي الا عائلتي وافقو غتكوني ليا باقة عند وعدك ؟ ...علياء(بتوتر):احم اه مزالة عند وعدي ...يوسف(قبطت يديها):واخا ممكن الالة علياء تحددي ليا موعد مع مماك باش نجيب والديا ونجي نخطبك ...علياء؛كيفاش واش فاتحتي والديك وبش قلتي ليهم شكون انا وفين عرفتيني ...يوسف:اه و موافقين ودابا بغيتك تعطيني موعد حيت بصراحة انا باغي ندير داري ووليداتي ...علياء(بفرحة):هه معرفتش خليني نسول ماما ونجاوبك ...يوسف:واخا الالة📲📲📲سمحيليا ...علياء(بابتسامة):خود راحتك ...يوسف:الو..وي سعيد شنو كاين...(وقف)كيفاااااش...امتى هدشي....بففف واخا واخا اينا سبيطار...واخا انا جاي بسلامة...بفففف ...علياء(وقفت):يوسف مالك شنو واقع ...يوسف(شديت راسي ومعرفت منقولها):الصراحة شوفي ...علياء:واا هضرر خلااص شنو واقع(بصوت باكي وكترعد)وااش نه..ختي واش ختي واقعة ليها شي حاجة اهئ اهئ ...يوسف(عنقتها):ششت تهدني هي فالسبيطار خاصنا نمشيو دابا ...علياء:اهئ اهئ علاش فالسبيطارشنو وقعليها ...يوسف(غادي خارج وجارها معايا):حاولات تنتاحر ...علياء(بصدمة):تنتاحر ...جرني يوسف ركبني وانا كي الجماد الطريق كاملة وانا ساكتة غير صوت شهيقي لي كيتسمع واش تال هاد الدرجة ياءسة من حياتها علاش هدشي كامل وكيفاش تا وصلات لهاد الحالة ..يوسف:حبيبة وصلنا هبطي ...كان يوسف واقف جيهتي شفت فيه مديتلو يدي ونزلت هو غادي وجارني وراه دخلنا للسبيطار وجا عندو داك سعيد وشوش ليه شي حاجة فودنيه وبانليا ملامح يوسف تبدلو ضار شاف فيا وجرني عندو عنقني وبلا منسول عرفت شنو كاين ...علياء:ماتت ياك اهئ اهئ ختي ماتت ا يوسف اهئ ختيييييييي اهئ اهئ نهيلة اهئ اهئ ...يوسف؛تقادا العمر ا علياء دعيليها بالرحمة و المغفرة ...علياء:اهئ اهئ ختي باقااا صغيييرة ا يوسف اهئ اهئ علااااااش داارت هاكااا و ضيعات حياتها علااااش اهئ اهئ ختي ...يوسف:شششت الله اخليك ا علياء نتي خاصك تكوني قوية مماك محتاجة ليك دابا و غيثة حتى هي ...علياء(بعدت عليه):بغيت نشوفها عافاك ...سعيد:راه مزالة فالغرفة ديال المعاينة يمكن ليك تشوفيها دابا ...حركت ليه راسي وتبعتو انا و يوسف تا وصلنا قدام واحد البيت وقفو بجوج قدام الباب ودخلت انا كانت ختي حبيبتي متكية وكلها مغطية من راسها تال رجليها وقفت شحال كنشوف فيها الدنيا شحال كدور بينا دغيا البارح كانت بملايتها واقفة و اليوم هايا اهئ اهئ قربت ليها وانا كتتنخصص وكل لحظة من حياتي دوزتها معاها كدوز قدام عيني وقفت حدا راسها وهزت الغطا عليها كان وجها بيض بزااااف مفيهش قطرة ديال الدم حطيت يدي على راسها كانت باردة بزاف متلجة طاحت دمعة من عيني فوق عينها..حبيبتي مشيتي ياك ا نهيلة اهئ ياك اختي مشيتي وخليتينا علاش درتي هاكا علاش ضيعتي حياتك اختي علاش اهئ اهئ حرام عليك راسك وبنتك ا نهيلة اهئ اهئ الله اخليك فيقي ونصلحو كلشي وترجعي كيف كنتي عافاك ا نهيلة فيقي اهئ اهئ ختي فيقييييي ...بقيت كنحركها وانا كنبكي ونغوت ختي الوحيدة مشات واخة كنت مقلقة منها بزاف ولكن مكنتش باغا نشوفها فهاد الحالة حسيت بخرقة كبيرة فقلبي فلول بابا و دابا هي لي مشات وهي كلها ذنوب و اخطاء عللش زادت ذنب فوق ذنب علاش محاولاتش توب وتبدا من جديد حياة نقية مع بنتها علاش دغيا استسلمات...بقيت فديك الحالة تا دخل عندي يوسف و سعيد لي رجع غطاها وخرجوني لبرا وانا مزالة كنجدب كيفاش غنقولها لماما و غيثة كيفاش...بقيت شحال فداك الوضع و يوسف معايا تا تهدنت وطلبت منو باش يديني للدار ودكشي لي دار وصلنا للدار ماما غير شافت حالتي بدات تبكي كأنها كانت حاسة غير قلتليها الخبر بدات تغوت وباغة تخرج كاع جيران تجمعو عندنا اما انا بقيت جالسة وكنشوف بعيني و غيثة فيدي معنقاني وتتبكي حيت خافت من المنضر لي تما واخا قلتلها بلي مماها مشات و عمرها ترجع مبكاتش عليها قد مبكات وهي كتشوف ماما طايحة وعيالات الحومة مجموعين عليها ويوسف تا هو...

#ميساء:اففف وليت كناكل بزاف ...غيثة:عادي ...ميساء:بالنسبة ليا ماشي عادي يالاه شهرين دابا نتي 5 شهور وشوفي كي وليتي كرشك كبرات بزااف ههه ...فاطنة:امكن عندها وليد كيقولو بلي الولد كتكون كرشو كبيرة ...ميساء:يعني نتي ا خالتي فاش كنتي حاملة بعثمان و عماد كانت كرشك كبيرة ؟ ...فاطنة:اه ابنتي بزاف ...ميساء:اممم اوا صافي ا غيثة عندك وليد ...غيثة:لي جات من عند الله مرحبا بيها ...فاطنة:دكشي لي كابن الله ارزق غير الصحة و السلامة ...غيثة و ميساء:امين يا ربي ...عماد(دخل علينا):السلام و عليكم ...الكل؛و عليكم السلام ...غيثة:مالك جيتي بكري ...عثمان(دخل وراه):السلام و عليكم ...الكل:وعليكم السلام ...ميساء(باستغراب):مالكم جيتو دابا شنو واقع ...عماد:احم نهيلة ...غيثة:مالها تاني اش دارت ...عثمان:ماتت ...ميساء(بشهقة):ماتت!! ...عماد:اه اليوم عيطليا يوسف صاحبي وقالهاليا وحنى غنمشيو نعزيو ... فاطنة:يا ربي السلامة الله ارحمها ويرزق ميمتها الصبر سيرو اولدي عزيو فيها تديو اجر ...الكل:اميين ...ميساء:انمشي معاكم ...غيثة:تا انا ...عثمان:واخا يالاه ...خرجنا معاهم انا مشيت مع عثمان و غيثة مع عماد وحنا تابعينهم من لور بحكم عماد خدا العنوان من عند صاحبو...الطريق كاملة وحنا ساكتين واخا لي دارت ولكن بقات فيا بزاافو خصوصا بنتها لي باقا صغيرة الله ارحمها ويغفر ليها يا رب..بعد مدة وصلنا لواحد الحومة كانت فيها البنية قدام الباب و صوت القرآن نزلنا مشينا تال للباب وجا عندنا واحد الولد سلم على عثمان و عماد ...يوسف:مزيان ملي جيتو ختها و مها لداخل ...عثمان:واخا ندخلو عندهم ...يوسف:اجيو اه راني عاودت لختها عليكم وشنو وقع وهي لي طلباتني باش نعلمكم بغات تسامح معاكم ...ميساء:مسامحينها اخويا كلنا كنغلطو الله اسمحلينا ...تبعنا يوسف تا وصلنا لواحد البيت حلو ودخلنا كانت بنت و مرا كبيرة ناعسة ...يوسف:علياء ...علياء:نعام(شافت فينا)السلام و عليكم ...الكل و عليكم السلام ...سلمت عليها انا و غيثة و عثمان و عماد اكتفاو بإلقاء السلام رحبات بينا البنت وداتنا للصالون ...علياء:شكرا بزاف حيت جيتو يوسف عاودليا على(سكتات)احم المهم ...ميساء(قاطعتها):لي فات مات وحنا مسامحينها و الدليل اننا كيف سمعنا الخبر جينا الله ارحمها ويصبركم ...علياء(بصوت باكي):امين ...غيثة:ختي مديريش هاكا هدا مكتاب الله عمرها تقادى واش غتوقفي قدام ارادة الله ...علياء:حاشا ونعم بالله شنو تشربو ...ميساء:مبغينا والو غير جلسي حنا شوية غنمشيو حتى نرجعو عندك ...علياء(بابتسامة غالب عليها الحزن):مرحبا بيكم فأي وقت ...يوسف(بهمس):مكنتش باغي تجيو ونحطكم فهاد الوقف ولكن هي البارح كانت فوضع خايب سولاتني واش ختها دايرة شي حاجة خرا عاوظتلها عليكم و اصرات باش تشوفكم وتطلب منكم السماح ...عثمان:متقولش هدشي كون مقلتيهاش وعرفنا راسنا كنا غنجيو ...عماد:كيفاش تا ماتت ...يوسف(شفت فعلياء لي كتهضر مع البنات وضرت عندو):انتاحرات فالحبس ...عماد:بفف الله ارحمها و يغفر ليها ...الكل :امين ...ميساء:احم فين بنتها غيثة ...علياء:صباح داتها جداها معاها جات تعزي وطلبتها باش تديها معاها مكاين لاش تبقا فهاد الجو ...زينب(دخلات علينا):السلام و عليكم ...الكل(وقفو):وعليكم السلام ...علياء:ماما لاش نضتي من فراشك ...زينب(بصوت تقيل ومتعب):بغيت نتحرك مغنبقاش النهار كامل ناعسة ابنتي مرحبا بيكم اوليداتي نتوما كنتو تتعرفو بنتي ...ميساء(بابتسامة):اه ا خالتي الله ارحمها ويصبرك ...زينب:امين ابنتي ...عثمان و عماد:البراكة فراسك ...زينب:ممشا معاكم باش اولدي علياء جيبي للناس اتاي ...علياء:واخا ...عثمان(وقف):لا بلا متعدبي راسك الحاجة حنا خصنا نمشيو من بعد ونرجعو نشوفوكم ...زينب:مرحبا بيكم اولدي ...توادعنا معاهم ورجعنا حنا للدار والدراري رجعو لخدمتهم ......

♧بعد 3 اشهر♧

..يوسف:علياء هدشي راه بزااف 3 شهور وانا صابر ليك قلتي تفوت 40 ديال ختك و فاتت قلتي نخدم نعاون ماما خدمتي شنو مزال باغا شوفي ابنت الناس الا كتهربي مني و مبقيتيش باغاني جيني نيشان ...علياء:يوسف واش جايبنا لهاد القهوة باش تبدا تغوت عليا كاع الناس تيشوفو فينا ...يوسف:بغيت جواب دابا ...علياء:بفف عارفة راسي طولت عليك ونتا صبرتي صافي انا نهضر مع ماما ونقول ليك امتى تجي تخطبني صافي بقيتي على خاطرك ...يوسف:مكاين لا خطبة لا زمر غنديرو العقد نيشان وديري العرس الا بغيتي الخطبة راه كنا بحال المخطوبين داركم عارفين و تادارنا و تعرفتي عليهم فالجنازة يعني مكاين لا خطبة لا نمي ...علياء:اويلي تسطيتي ...يوسف:متحمقيش ديلمي 3 شهور وانا صابر عليك براكة عييت انا مبقاش عندي دابا مجرد اعجاب فهاد الفترة كنت قريب منك بزاف و عرفتك وليت كنبغيك و بزااف ومبقيتش باغي نضيع الوقت مزال دكشي علاش ابنت الناس غاديا تمشي لداركم دابت و غتعلمي مك و غدا غنمشيو نديرو العقد حيت كلشي واجد تا الوراق د الزواج خرجوليا شحال هادي ...علياء:كيدرتي ليها بفف صافي واخا ولكن انا باغا العرس ...يوسف:ممنعتكش منو المهم تولي مرتي ...علياء:هه واخا ممكن دابا تديني لدارنا باش نشوف خاصني نوجد عندي الزهر هاد السيمانة مخداماش اه و مغتجلسنيش من خدمتي ياك ...يوسف:لا الالة مغنجلسكش حيت عارفك فين خدامة مديتك لشركة صاحبي تا عارف شكون هوما ونتي راك عرفتيهم ووليتي مصاحبة مع عيالاتهم كاع ...علياء:اه الصراحة ميساء و غيثة ضريفين بزاف ...يوسف:دابا نوضي نديك لداركم باش نرجع انا لخدمتي ...علياء:احم يوسف ...يوسف:ياك لاباس شنو تفكرتي ...علياء:كنبغيك ...يوسف(بابتسامة خدا يدي وباسها):وانا كنموت فيك احبيبتي الله اخليك ليا ...علياء:ويخليك ليا حتى نتا يالاه مشينا ...يوسف:يالاه ...خرجت انا ويوسف من القهوة وانا غنطير بالفرحة و اخيرا غنتجمع انا وياه طول هاد الفترة مخلانيش ولو دقيقة وحدة لا هو ولا ميساء و غيثة خرجوني من حزني وعمرو عليا حياتي حتى فاش خدمت فالشركة ديال عثمان حسيت براحة كبيرة بزااف حسيت بحياتي تقادات وصلحت علاقة ختي بهاد الناس و اهم حاجة انهك سامحوها و كيدكروها غير بالخير عمري سمعت منهم شي كلمة خايبة فحقها ولاو عائلتي كيجيو يزوروني و يزورو ماما لي ولات تتحماق عليهم حتى من غيثة الصغيرة لي خلاها معانا باباها بحكم هو تزوج وجا عزا فنهيلة و ماما رغباتو باش يخلي غيثة معانا وهو من طول عمرو ولد الناس مرفضش وكل نهار كيهضر مع غيثة فالسكايب على الاقل تعرف باها...وصلت للدار سلمت على ماما و عاودتليها شنو طرا و كالعادة جات من جيهتو كنت متوقعة انها ترفض ولكن قالتلي بلي السيد عندو الحق و خاصني نتوكل على الله حيت جيران بداو كيسولو شكون هدا وواش بصح خاطبني ولالا عيطت ليوسف قتلو غدا نمشيو و عيطت للبنات علمتهم و قالولي باش يجيو عندي للدا...

...ميساء:غيثة طلقي راسك خلاص واه نص ساعة غير فاللبس ...غيثة:وا ختي صبري راه كلشي جاني مزير افف حاسة براسي غنولد دابا ...ميساء:راك يالاه فشهر التامن اشمن ولادة سربيني خلاص ...غيثة:يا ربي السلامة كي وليتي نكارة يختي صافي زيدي هاني لحت غير الكاب ديالي تانا مراشقاليا على لبس ...خرجت انا و غيثة شدينا طاكسي وصلنا لدار علياء استقبلاتنا كالعادة هي و خالتي و رحبو بينا ...زينب:اوا بنتي فين غتمشيو دابا ...ميساء:اول حاجة نمشيو عند شي خياطة خاصك جليلبة باش تمشي ديري العقد نتي عارفة هدشي تابعك علاش موجدتيش ...غيثة(قرصتها):واش نتي هبيلة السيدة هدشي لاش كانت مسالية ...زينب:ههه بنتي ميساء شفتك وليتي عصبية ...غيثة:مشفتي والو ا خالتي احسن عوان عثمان مسكين مشيباه كاع ديك الضرافة لي كانت فيها تقلبات ولات شادة غير الضد ...زينب:ههه دابا يفوت هدشي ابنتي غير مع الحبالو الله افككم على خير ...ميساء و غيثة:اميين ...📲📲📲📲ميساء:هدا عثمان(نضت خرجت لبرا عاد جاوبتو)الو ...عثمان:حبيبة ديالي مزيانة ...ميساء:الحمد لله هاد الساعة ...عثمان:هه واخة الالة واش هضرتي مع علياء اليوم قالي يوسف بلي غدا غيديرو العقد ...ميساء:اه راني عندها فالدار ...عثمان(بعصبية):كيفااش معامن تشاورتي علااش معلمتينيش ...ميساء:بلا متغوت راه مجيتش بوحدي غيثة معايا ...عثمان:هدشي لي وليتي كديري بزاااف ا ميساء كنحاول نضبط راسي و منتعصبش عليك ونتي غير مزايدة فيه و مبقيتيش كديري ليا اعتبار ...ميساء:الصمت ...عثمان:سيري دابا فليل غنهضرو ويلا بغيتي تمشي لشي بلاصة علميني واخا ...ميساء:اه نقدر نخرجو مع علياء تقدا شي حاجة ...عثمان:مزيان(قطع) ...ميساء:بفف هدا ولا معصب غير بوحدو ياه(بالغوات)يالاه الا غتمشيييييو ...غيثة(من البيت):هااا حنااا جااايين ختي نوضي راه ولات كتخلعني ...علياء:ههه زيدي زيدي يالاه ...خرجنا من الدار انا والبنات مشينا عند واحد الخياطة تما كانو حويجات ديال العريسات لقينا تما جلابة فالباج نيت قيساتها علياء جاتها هي هديك تاوينا معاها على التمن و خرجنا مشينا للقيسارية خدات شي لعيبات و بليغة فنفس اللون ...غيثة:اش بانليك تمشي تصاوبي شعرك دابا فالصالون ...علياء:مكاين لاش غنمشي للدار دابا ندوش ونصاوبو راسي ...ميساء:اه واش غيتغداو عندكم ...علياء:ضروري ماما غتشدهم للغدا ملي نجيو من عند العدول خليتلها باش تمشي تقدا شنو خاصها ...ميساء؛اه مزيان كنضن دابا مخاصك والو ...علياء:لا كلشي هو هداك لهلا يخطيكم عليا مزال غتعدبو معايا فالعرس شنو بانلكم ندير غير ليلة فدارنا بينا انا معنديش العائلة بزااف و يكونو غير عائلتو وندير شي جوج لبسات ..غيثة:تا حنا دكشي لي درنا كيبانلي من الاحسن خصوصا ان الوقت مبقاش بزاف ...ميساء:علاش امتى باغا نتي هاد الليلة ...علياء:يوسف قاليا عندك سيمانة منزيدكش عليها ...غيثة:ههه زربان مسكين بالحق راه صبر عليك ...علياء:و دكشي لاش متزايدتش معاه فالهضرة ...ميساء:اوا صافي من بعد غدا ان شاء الله نبداو فالتوجاد دابا سيري ارتاحي ونعسي بكري باش تصبحي مزيانة ...علياء:واخا شكرا بزااف البنات ...ميساء:وا صافي واش غتبقاي كل ساعة تشكرينا زيدي نشدو طاكسي باش نمشيو فحالنا الحال بدا يضلام ...مشينا لمحطات الطاكسيات مشات علياء بوحدها ومشينا حنا فطاكسي حطينا غيثة هي لولة عاد و صلني انا بزز طالعة فالدروج كرشي كبرات بزاف وتقلات عليا هدشي غير 5 شهور اعلم الله مبي نزيد السادس و السابع وصلت للباب حليتو و دخلت مع ضرت لقيت....

..مع ضرت لقيت عثمان جالس وباينة فيه معصب و باش منزيدش نعصبو خليتو وتميت غادة للبيت تا وقفني ...عثمان:اييه الالة سيري خرجي بلا متعلمي ورجعي ليا فليل وعطيني بالضهر و سيري معندك راااااجل معندك دار يااااك اش هااااد الحااالة وليتي فيهاااا ...ميساء(جيدت زيفي وانا كنتأفف هدا ولا حالنا حتى انا مبقيتش حاملة لا راسي لا هاد الدار):عثمان عافاك متزيدش فيه ...عثمان(بعصبية):كيفاااش منزيدش فيييه واااش باغااا تحمقيني ولا كيفااااش ...ميساء:برااااااكة بزااااف هدشي كل نهار غوات غوات شنو وقع كاع الا خرجت مرة بلاااا منقولهاااا ليك عااادي موقع واالو راك هضرتي معاااايا وعرفتيني فيين مشيت لااااش تتبغي تكبر الموضوع و تتهضر بحالااااا خرجت نتسلكط ...عثمان(بلا ميشعر هز يدو وصرفقها):ميسااااااااء ...مع ضربني حسيت براسي كيدور رجعت بلور تا طحت على الفوتوي لي تما وانا دايرة يدي على وجهي عمرو ضربني عليت عيني شفت فيه وهو شاد راسو وغادي جاي قدامي ...عثمان:شفي فييين وصلتينااا و كيفاااش وليتي كتهضري شنو هاد الكلام و هاد الالفاظ منيمتا وليتي تهضري معايا هاكا و تعلي صوووتط عليا منيمتااااا(جا وقف قبالتي) ...مجاوبتوش شي لي زاد عصبو حاولت نوض من الفوتوي هزيت زيفي لويتو عليا وتميت غادة للباب تا شدني ...عثمان:فين غاااادة ...ميساء(ببرود):طلق مني خليني نمشي ...عثمان:دوووزي تجلسي و بلا متزيدي تعصبيني انا غلطت و حتى نتي.نتي لي استفزيتيني دابا رجعي فحاااالك ...ميساء:مرااااجعااااش غنمشي لدارناااا و متبعنييييش ...حليت الباب وخرجت هابطة فالدروج كنسمعو كيغوت تا سمعت الباب تسد وهو تابعني فالدروج و كيعيط وصلت للباب بقيت كنشوف تا بانلي طاكسي جاي شيرت ليه وقفليا وركبت وقلتلو يمشي ضرت شفت جهة عثمان بانلي هبط ومشا لطموبيلتو...معرفتش علاش مبكيتش بحالا حاسة براسي نستاهل ديك الضربة حيت اصلا كان معصب و زدت كملت عليه ولكن ماشي لخاطري وليت حاسة براسي مخنوقة فديك الدار بزااف وباغا غير نخرج منها...بعد مدة وصلت لدارنا خلصت مول الطاكسي وهبطت صونيت فالدار مع حلات ماما الباب وقف عثمان دخلت بزربة طلعت لبيتي و ماما مفاهمة والو ...رحمة:اش واقع ولدي مالكم ...عثمان:بفف والو ا خالتي غير مشكل صغير انهضر معاها و نمشيو ...عبد الرحمان(وقف عليهم):السلام و عليكم اش موقفكم هنا...

..عبد الرحمان(وقف عليهم):السلام و عليكم اش موقفكم هنا ...عثمان:احم غير تناقشت شوية انا و ميساء و جات لهنا ...عبد الرحمان:الله اهديكم اولدي زيد دخل زيد ...رحمة:انا غنطلع نشوفها ...طلعت لبيتي بقيت كنطل من السرجم تا بانوليا دخلو وانا نرجع حيدت زيفي و بقيت غادة جاية تا دخلات عندي ماما ...رحمة:اش طاري عاوتاني ...ميساء:والو ا ماما والو غير تناقشنا ...رحمة:راه عرفت غير تناقشتو ولكن علاش شنو السبب نتي اصلا وليتي عصبية بزاف ابنتي راه راجلك شحال ما صبر و دار باعتبار الحمل و الوحم راه تا هو بنادم و صبرو عندو حد ...ميساء:ماما بلا متبداي عافاك(مشيت تخشيت بلاصتي)الله شحاب توحشت فراشي عرفتي ا ماما حاسة براسي فيا نعاس بزااف ديك الدار وليت كنكرها ...رحمة(جلست حداها وبديت نلعب ليها فشعرها):اوا ارتاحي ابنتي الوحم جاك على دارك هه(بقيت معاها تا نعسات غطيتها و نضت هبطت لتحت دخلت للصالة عند الحاج و عثمان) ...عبد الرحمان:فين هي ...رحمة:نعسات امكن الوحم جاها على دارها ههه قاتليك مبقاتش حاملاها ...عثمان(باستغراب):كيفاش واش مناوياش ترجع ...رحمة:خليها على خاطرها شوية اولدي وحمها بانليا صعيب دغيا ولات كتعصب وهي طبعها هادي ماشي هاكا كانت ...عبد الرحمان:وا نتا قولي اولدي شنو السبب باش تناقشتو الا كان يتحل نحلوه ...عثمان:احم والو ا عمي بلا متشطن راسك المهم انا نخليها اليوم هنا غدا ونجي نديها ...رحمة:هه الا بغات تمشي ليك ...عثمان:علااش ...عبد الرحمان:رحمة الله اهديك راه خاصها ترجع لدارها ...رحمة:نتوما راكم غير تتهضرو كنقولكم البنت وحمها صعيب الا جلسات فبلاصة هي محاملاهاش غتبقا ديما معصبة هكاك وهدشي ممزيانش ليها فهاد الفترة ...عثمان:بففف و شنو المعمول ...رحمة:غدا و اجي هضر معاها اولدي وشوفو شي حل ...عثمان:واخا ان شاء الله تصبحو على خير و سمحوليا على هاد المجية ...عبد الرحمان:الله يا ودي الدار داركم اولدي مرحبا بيك ...///#غيثة:اففف عماد...عماد(خدام فالبيسي):اممم شنو ...غيثة:اجي اجي قادليا هاد المخدة تحت رجلي راه عدباتني ...عماد؛بلاتي ...غيثة:واااااا نووووووض داااااابا ...عماد:الصعر مال ديلمك كتغوتي راه الليل هدا ...غيثة:وا سربي قادلي المخدة راه رجلي ضروني اهىء اهىء واش مكتشوفنيش معدبة الا مقادش تردليا البال خليني نمشي لدارنا بعدا ماما مسكينة تعاوني اهىء اهىء ...عماد(شفتها تتبكي نضت عندها بزربة قاديتليها المخدة وجلست حداها):شش وا صافي البكاية كنقول لمك مغتمشي فين ديك الدار نسايها ...غيثة:عماد انا خايفة بزاف اهىء ...عماد(عنقتها):معندك مناش تخافي كلشي غيدوز مزيان غتولدي وغتهزي ولدك فيديك وغنفرحو بيه غير نتي تهدني باش متولديش قبل الوقت وليتي بكاية بزاف ...غيثة:خايفة نموت و منشوفش ولدي ا عماد اهىء ونتا اكيد غتزوج عليا(نضت تقابلت معاه)والله و ديرها منسمحليك وكل ليلة نخرجليك فمنامك تا نديك معايا للقبر ...عماد(جريتها عندي كيكانت وانا كنضحك على هبالها ولكن منكرش انني فعلا خايف عليها بزاف):ههه شريرة حيدي من بالك هاد الافكار احبيبتي وديري فبالك بلي كلشي مكتاب من عند الله و خلي املك فربي كبير كلشي غيدوز على خير غير هني بالك ...غيثة:الصمت ...عماد:ملي مجاوباتنيش طليت عليها لقيتها ناعسة قاديتها فبلاصتها وبقيت كنشوف فيها كل نهار وليت نسمع منها هاد الكلمة خايفة من الولادة حتى وليت تا انا خايف عليها ولكن انا متأكد ان شاء الله كلشي غيدوز مزيان بستها و غطيتها و مشيت نكمل خدمتي تا ساليت ومشيت تخشيت حداها وانا كنشوف فيها ناعسة تا داتني عيني...

★اصبح الصبح و الملك لله★

يوسف:طلقي راسك ...علياء:وا صبر هانا جايا صافي قطع ...يوسف:متعطليش ...علياء:اوك مامااا يالاه يوسف جاا ...زينب:هانا ابنتي جيت زيدي ...خرجت انا و ماما من الدار لقيت يوسف قدام الباب و معاه خالتي رقية و عمي قاسم سلمنا عليهم وتاجهنا عند العدول الطريق كاملة وهو حاضيني من المراية وكيفرنس وانا شاداني الهلعة خايفاه يقولي بغيت خقي الليلة والله لا خداه تا لليلة ديال العرس...من بعد مدة وصلت لمكتب العدول طلعنا كاملين دخلنا عندو عطاه عماد الوراق ودكشي لي غيخصو(البنات انا معارفاش اش كيديرو عند العدول ههه دكشي علاش لغلطت فشي حاجة ميكو🙊)...سنيت علة العقد انا و يوسف وزغرتات خالتي تما باسليا يوسف راسي قدامهم ...يوسف(تنهد):و اخيييرا ...قاسم:ههه مبروك عليكم ابنتي ...علياء:الله بارك فيك اعمي ...رقية:لالة زينب مبروك علينا و اخيرا تهنينا عليهم ...زينب:الحمد لله الله يكمل عليكم بالخير ...الكل:امين ...زينب:دابا غنمشيو للدار راكم معروضين للغدا ...رقية:لا الالة زينب حشومة نتوما لي خاصكم تجيو عندنا وراني موجدة كلشي ودايرة بحسابكم ...زينب:تا انا وجدت كلشي ههه شنو نديرو دابا ...يوسف:صافي الغدا فدارنا و العشا فدار نسيبتي ...قاسم:ههه تا هدا نظر يالاه اسيادنا ...توجهنا لدار يوسف فجو ديال الضحك الحمد لله اول خطوة وكلشي مزيان وصلنا للدار دخلنا و عمي و خالتي كيرحبو بينا الصراحة ناس الله يعمر ليهم الدار المعاملة و الطيبة ديالهم لي باينة فوجهم و دغيا كيدخلو للقلب...غير دخلنا جرني يوسف وطلعني لبيتو قالك يوريه ليا طلعنا وبدا هادا بيتي هادي نموسيتي وانا حاضياه وواقفة فالباب ...يوسف:دخلي مالك واقفة تم ...علياء:حشومة احبيبي غير يالاه نهبطو لتحت ويلا فبالك شي حاجة غير حيدها ...يوسف(بمكر):اممم شنو غيكون فبالي مثلا ...علياء(بتوتر):و وشكون عرف يالاه نهبطو ...يوسف(تمات غادة وانا نجرها عندي):كيفما صبرت 3 شهور مستعد نصبر سيمانة المهم انك وليتي مرتي حلالي يعني علاقتنا ولا عندها اسم ...علياء(بابتسامة):متصورش شحال فرحانة ...يوسف(باسليا راسي):متكونش قد فرحتي بيك ...علياء:وا يالاه نهبطو ...يوسف:واخا يالاه ...هبطنا لتحت بقينا مجمعين تا وصل وقت الغدا تغدينا وحسيت براسي فدارنا كنت مرتاحة بزاف كملنا و ناض عمي طلع يرتاح حيت فاش كيشرب الدوا كيبغي ينعس..و ماما بقات مجمعة هي و خالتي رقية اما انا خرجت مع يوسف داني لواحد البوتيك مخلا مشراليا لي شوميز دو نوي؛دو بياس؛كيختار كلشي على دوقو وانا غير كنشوف فيه تا سالينا ورجعنا للدار هزيناهم ومشينا لدارنا ههه يعني النهار كامل داز غير ماكلة تعشينا ومشاو فحالهم هزيت تيليفوني صونيت لميساء لقيتو طافي وصونيت لغيثة عاودتليها شنو كاين وهي تتباركليا و فرحاتليا بزااف..كملت معاها ونعست ...///عماد:ممشيتيش تهضر معاها ...عثمان(بعصبية):خليتيليا الوقت بعداا هاد الخدمة هادي امتى كنت موصيييك عليها عااد تفكرتي ...عماد:وا صاحبي يالاه خدمتها البارح وفاش سيفطتلهم الايميل قالو بغاو اجتماع اليوم و هانتا كتشوف درنا الاجتماع و الصفقة دازت مزيانة ...عثمان:بففف ميمكنش نمشي عندهم دابا للدار حشومة وحتى هي طافياااا داااك التيليفون ...عماد:شوف غدا بلا متجي من الصباح سير عندها و حل المشكل ...عثمان:غنتسناك تفتي عليا ريك المهم انا غنمشي دابا غدا ايلا كانت شي حاجة تكلف نتا ...عماد:واخا بسلامة ...///#ميساء:شفتي ا ماما اهىء اهىء كان على سبة ياك قاليكم غيجي اليوم عندي علاش مجاش اهىء اهىء ...رحمة:وا ياك نتي لي خليتيه ومبغيتيهش هاوا خلاك على خاطرك ...ميساء:لا انا مخليتوش خليت الدار اهىء اهىء بغيتو دابا شنو ندير(تفكرت التصرفيقة)اصلا ميسواش صرفقني اهىء اهىء ...رحمة:صرفقك!!!كيفاش علاش اش درتي ...ميساء(عاد طلعات معايا مكنتش باغاها تعرف):ها لالا والو ...رحمة:تهضري ولا نمشي نفيق باك يجي يسولك بطريقتو ...ميساء(زدت فالبكا):اهىء اهىء وااااا لاش كديري معايا هاكا صافي انا نعاودليك دابا انا البارح(............)صااافي ...رحمة:ويلي على بنت الحرام واش هديك هضرة كتقال وزايدها خارجة بلا شوار راجلك و تتقابحي معاه محشمتيش ...ميساء(تدور فعينيها وساكتة):الصمت ...رحمة:عرفتي وكون قال لباباك على الكلمة لي قلتيليه ولا شنو درتي نيت كنتي غتسمعي كلام اخور باز لوجهك نعسب نعسي غدا الا جا غترجعي معاه ...ميساء:لا مبغيتش ...رحمة:نفيقو ...ميساء(تخشيت ففراشي):اصلا كنت غادا فحالي طفي الضو ...رحمة(بابتسامة):تخافي متحشمي تصبحي على خير ...ميساء:ونتي بخير ا ماما....

يوم جديد و نهار جديد فقت اليوم بكري و كنساين عثمان غير امتى يجي بغيت نشوفو توحشتو عارفة راسي مني الغلط و لكن ماشي لخاطري...فقت بكري بقيت واقفة حدا السرجم نشوف لي غادي و لي جاي حتى سمعت الحركة فالدار عرفتهم فاقو خرجت سلمت على ماما و بابا ومشيت كنوجد مع ماما الفطور وبالي مع الباب..جلسنا كنفطرو و بابا كل مرة يهضر معايا فحاجة وانا كلمة نسمعها كلمة لا تا سمعت الصونيط وانا نقفز من بلاصتي ...رحمة:بسم الله عليك جلسي ابنتي جلسي لرض ...ميساء:لالا نمشي نحل الباب هدا عثمان(خرجت كنجري وخليتهم كيشوفو فيا) ...عبد الرحمان:ههه ملي باغا راجلها لاش محناه معاها .. رحمة:الوحم لي دارها ههه ...حليت الباب ولقيتو هو غبر شافني وهو يبدا يضحك دخل سد الباب وجرني لعندو ...عثمان:غنديك بزز بالخاطر غتمشي معايا ...ميساء؛امم عليها جيتي البارح راك كنتي على سبة ...عثمان:والله احبيبة الا غير الخدمة مساليتش عارفاني متخليكش تباتي بعيدة عليا(شاف حنكي وباسني فيه)سمحليا مديت يدي عليك ...ميساء:مسامحاك حيت عارفة راسي غلطت ولكن مرة خرا والله منسمحليك ...عثمان:مكايناش مرة خرا اول مرة و آخر مرة ...ميساء:صافي يالاه نمشيو ...رحمة:ايه ابنتي من الباب خلي الدري يدخل عليها مشرجة من الصباح ولابسة حويجك ...عثمان:ههه هانتي كتشوفي ا خالتي خليني بعدا نسلم على الحاج و نمشيو ...ميساء:واخا سير سلم ...دخلنا للبيت سلم على بابا و بقاو كيهضرو ويضحكو وانا كنشوف فيه تا وقف ...عثمان:يالاه نخليوكم ...ميساء:عثمان مبغيتش نمشي للدار ...عثمان(باستغراب وطلع حواجبو):عاوتاني كيفاش مبغيتيش تمشي ...ميساء:اه يالاه نمشيو لداركم مبغيتش نرجع لديك الدار كنتخنق فيها ...رحمة(كتغمز فعثمان):صافي اولدي سيرو جلسو فداركم شي يامات علة ميفوتها الحال ...عثمان:اشمن حال ...رحمة:راه جاها الوحم صعيب اولدي كرهات دارها غير ساعف معاها ...عثمان(بتنهيدة):امري لله واخا لي بغيتي يالاه ...ميساء(بفرحة مشيت عنقتو):الله اخليك ليا ...عثمان(بابتسامة):ويخليك ليا ...عبد الرحمان:احم احم ...عثمان:المهم ا عمي سمحولنا ههه بسلامة عليكم ...رحمة و عبد الرحمان:بسلامة ...خرجنا من دارنا ركبت مع عثمان الطريق كاملة وانا كنهضر دزنا لدارنا هزينا حويجنا لي غنحتاجو ومشينا لدارهم غير دخلنا طارت عليا غيثة و خالتي فرحات ملي عرفاتنا غنجلسو معاهم..جلسنا فالصالون حيت لقيناهم يالاه كيفطرو غير جلست بانتليا واحد الحلوى د لاكريم فوق الطبلة بقيت كنشوف فيها وعثمان كيهضر معايا وانا مداياهاش فيه يالاه بغيت نمد يدي وانا نهز عيني فغيثة لي كتشوف فيا ...غيثة:متحاوليش ...ميساء:بغيتها ...عثمان(معجب منهم):شنو هي لي بغيتي ...تا وحدة فينا مجاوباتو انا رادة البال مع الحلوى و غيثة كتر مني بقينا كنشوفو فبعضياتنا تا طرنا عليها فدقة وكلها تبغجات عمرنا حالتنا بالكريم حسيت بالبكية شداتني شفت فيدي لي عامرة بلاكريم و شفت فعثمان لي مصدوم وكيشوف فينا ...عثمان:من نيتكوم اش هاد الحالة ...غيثة:راه قتليها ديالي😡 ...ميساء:وانا تشهيتها اهىء اهىء ...فاطنة:الله يا بنيتي الوحم خرج عليك غيثة قيسيها ومتقيسيش ليها ماكلتها انا نمشي نجيبلكم راه كاينة فالتلاجة ...ميساء(كنمسح دموعي):غير خليك اخالتي انا نجيبها ...غيثة:جلسي لرض انا نجيبها هنا و نقسمو ...عثمان:واش غدابزو على الحلوى ولا شنو انا دابا نمشي نجيبلكم شنو بغيتو غير هنينونا...

نضت للكوزينة جبت ديك الحلوى لي تما وغيثة تابعاني بزز باش كتمشى تا هي جلسنا وقسمنا دكشي بيناتنت وخالتي و عثمان جالسين وسطنا حاضيينا..بقيت كناكل ونتبنن ونشوف فغيثة لي كتحشي فوجها ومخيبة سيفتها يا ربي السلامة غتوحلها ليا بقينا هكاك تا قفزاتني غيثة بغواتها ....غيثة:ااااااااااااي كرشي اهىء اهىء لالا ماشي داباااا اهىء ...عثمان(مخلوع):شنو وقع مالك ا غيثة ...فاطنة:اويلي ياكما غتولدي ...ميساء(نضت وقفت حداها وحالتي كلها عامرة بلاكريم):لا راه مزال الحال عليها غتكون غير الحلوى ضراتها .. غيثة؛وااا عتقونييييي اهىء اهىء راااه كنولد اهىء اهىء ....عثمان:شنوو شنو دابا شنو نديرو خاصني نعيط لعماد ...فاطنة:نديوها للسبيطار اولدي فالطريق ونعيطوليه سربي نخرجوها ...تعاونات خالتي هي وعثمان عليها خرجوها لبرا وانا تابعاهم كنشوف فيها كتوجع وكتبكي بقات فيا وشدني الخوف تا انا ركبنا فالطموبيل الطريق كاملة وهي تتغوت تا وصلنا للسبيطار دخلوها وكانت فعلا غتولد حيت الما هبط...جلست انا فواحد الكرسي تما وعثمان غادي جاي كيصوني لعماد ...فاطنة:واش مكيجاوبش ...عثمان:بففف لا ...فاطنة؛بقا تصوني اولدي تا يجاوبك .. عثمان(عاود كيصوني ليه وهو يجاوبو):على السلااااامة عاااام باااش تجاااوب ...عماد:ماالك اصحبي راه مسمعتوش شنو واقع .. عثمان:احم شوف راه غيثة كتولد جبناها للسبيطار ...عماد:ها شكون غيثة كتولد كيفاااش امتى هدشي ...عثمان(بالغوات):توككككض ا عمااد اجي دابا للسبيطار ديال****دابا تكون هنا ...عماد:اه انا جاي جاي ...قطع عثمان مع عماد وجا جلس حدايا ...عثمان:واش مزيانة نتي مكيضرك والو ...ميساء:مزيانة خاصني غير نشوف ختي بيخير ...عثمان:ان شاء الله غتولد ويدوز كلشي على خير غير هدني راسك نتي ...مدازش وقت بزاف جا عماد ومخلوع على غيثة كل مرة كيسول كيفاش كانت حالتها واش بكات شنو كانت كتقول وخالتي تتحاول تهدنو تا خرجات الطبيبة و باركات ليه وقالت بلي غيثة ولدات وليد سولناها على حالتها هي قالتلنا بلي كلشي مزيان لا هي ولا الجنين صحتهم مزيانة...فرحنا بزااف و عماد اكتر واحد لدرجة بكا ونزل للارض كيحمد الله حيت رجعلو مرتو بيخير ...بعد مدة خرجو غيثة لي كانت ناعسة وهدا نتيجة طبيعية للمجهود لي دارت داوها لواحد الغرفة دخلنا معاها وعماد جالس حدا راسها تا بدات كتفيق غير شافتنا وبدات تضحك واخا مسخسخة تا جاوبوليها البيبي كان غزيول تبارك الله وصغير بزاف مقديتش نهزو حدي بستو وهو فحضنها حيت خاصها ترضعو دكشي علاش خرجت انا و عثمان على برا شوية حيت حسيت بكرشي تزيرات عليا.... ///عماد:على سلامتك احبيبة ...غيثة:الله اسلمك شوف ا عماد ولدنا شحال زوين ...عماد:حاجة طبيعية راه ولدي اكيد غيشبهني ويكون زوين بحال باباه ...غيثة:منين جاك الزين ...عماد:الولادة ولدتي بلا متبقاي توحمي عليا دابا ...غيثة:صافي هنينا اممم شنو غنسمي حبيبي(بستو من يديداتو الصغيورين) ...عماد:انا نسميه ...غيثة:لا انا لي توجعت عليه ماشي نتا اممم غنسميه صقر زوينة ياك ...عماد:شحال كتعجبك الحاجة لي كطير حيت نتي نيت كطيري لا معحباتنيش ...غيثة:لهلا تعجبك متشاورتش معاك اصلا انا غير علمتك بلا متعصبني ...عماد:بففف واخا الالة هدا نتي لي غتسميه لي جايين والله منتعاتق ...غيثة:اوا تا يجيو ههه ...عماد:ضحكي غير نتي ...غيثة(بستو من فمو بزربة):احح شحال تنبغيك ...عماد(عنقتها):كنموت عليك انا..

...من بعد 3 ايام خرجات غيثة من السبيطار ومشات نيشان للدار وقررو باش يكون السبوع ورا عرس علياء و يوسف لي جاو باركو لعماد و غيثة...اما انا السيمانة كاملة تقريبا دوزتها مع علياء كيديني عثمان عندها ويجيبني فليل تا وصل نهار العرس داونا الدراري انا وغيثة لعندها و صقر خليناه مع خالتي فاطنة و ماما فالدار واخا كانو معروضين ولكن مبغاوش يمشيو...مشينا مع علياء للصالون لي كنا واخدين عندهم موعد قبل باش يتكلفو بينا تهلينا فراسنا مزيان و خصوصا علياء لي جات غزالة بزااف لبسات تكشيطة فالخضر جاتها فنة مع مشيطة و مكياج خفيف بامر من يوسف لي جلس كيوصي فيها و تا انا صاوبت شعري حيت غنحضر بيه مدام العرس غيكون مفروق بين العيالات و الرجال مكاين لاش نخلي الزيف و غيثة نفس الشيء دارت...كملنا و وصل الوقت جاو الدراري داونا من الصالون تا هوما كانو مقادين و الكوستيمات فالكحل اخح على حبيبي عثمان و كيف جا بديك اللحية غير شفتو مشيت عندو عنقتو وبستو فالزنقة وقدام الناس مهمني حد اما هو على قد ما ولا كيتصدم من هاد الجرأة ديالي على قد ما كيعجبو الحال...كا وحدة ركبات مع راجلها و توجهنا لدار علياء كانت البنية قدام الباب فيها فين غيجلسو الرجال و لداخل العيالات نزلنا ومشينا حدا علياء لي خرجو العيالات كيستقبلوها بالزغاريت و الصلاة على النبي وخالتي زينب و حماتهت واقفين حداها دخلنا لداخل وخلينا الدراري على برا جلسات علياء فالبلاصة ديالها لي وجدوليها و النقاشة كانت تما حيدت انا الزيف لي كنت دايرة على راسي وجلست انا وغيثة حداها و العيالات خدامين بالغنا و الشطيح كان الجو زوين بزااف وفرحت لعلياء بزااف بنت الناس و تستاهل الفرحة ...داز كلشي زوين وبدلات علياء اللبيسات تصورات هي و يوسف و تا حنا تصورنا معاهم وصل الوقت لي خاصهم يمشيو فيه ودعناهم و جينا بربعة بينا دخلنا للدار لقينا خالتي فاطنة باقا فايقة مع صقر و عمي حتى هو سلمنا عليهم وخدات غيثة ولدها وكل واحد دخل لبيتو انا كي حطيت راسي على المخدة نعست... ★من بعد اسبوع★كان كلشي واجد لسبوع صقر وكلشي هو هداك واخا كنا باغيين علياء و يوسف يحضرو ولكن هوما فشهر العسل تا كن نورهان و ياسين مصلاحلهمش يجيو بحكم ياسين مزير بزاف فالخدمة...داز السبوع زوين كالعادة دكشي مفرق الرجال بوحدهم و العيالات بوحدهم باش كل واحد ياخد راحتو ...رحمة:بنتي جلسي ارتاحي شوية ...ميساء:انا مرتاحة ا ماما واش حطيتو للناس العشا ...رحمة:كلشي هو هداك غير اجي تجلسب ولا نمشي نعيط لراجلك راه من الصباح وهو يوصي فيك زعما كوني تسمعي الهضرة ...عثمان(وقف علينا):علاش شنو دارت ...ميساء:والو والو ...رحمة:اشمن والو ديها اولدي لبيتها ترتاح شوية غنجيب ليها تاكل راه مكلات والو ...عثمان(خنزر فيا):تحركي قدامي ...ميساء:اففف ...مشيت معاه دخلت للبيت سد الباب وجا جلس حدايا تحنا حيدليا البلغة من رجلي و قادني تا تكيت ...ميساء:راه مغنعسشدابا بلا متحاول ...عثمان:مقالك حد نعسي غير عطي شوية الراحة لراسك راه مبقالك والو ا ميساء بقا شهر واحد وتولدي ...ميساء:اففف محسسيني بحالا كنحتاضر وغنموت ...عثمان:اش هااد الهضرة ...ميساء:وا شوف نتا شنو كتقول ...عثمان:حبيبة بلا منبداو واخا ...رحمة(دخلات هازة بلاطو):هاك اولدي جلس معاها تا تاكل هدشي انا راه ولات كتغلبني ...ميساء:ياك ا ماما ...رحمة:ايه ...خرجات ماما و بقيت مع عثمان كيوكلني بيديه بحال شي بنيتة صغيرة تا كملت دكشي كامل عاد خلاني خرجت و متفارق معايا تا وصا عليا غيثة باش منوضش من حداها وتا هي خاص غير لي وصيها دارتليا بحال العسكري...داز الوقت دغيا وبداو الناس كيمشيو فحالهم خوات الدنيا و ماما و بابا شدهم عمي باش يباتو تا هوما تال صباح ودكشي لي كان كلشي دخل لبيتو وخلينا الروينة كما هي تال غدا ونتعاونو عليها...

♣بعد شهر♣

...فاطنة:ولاهيلا نهار كبير هادا لي جيتو منين مشيتو ما عاودتو سولتو فينا ...نورهان:والله اخالتي الا توحشتكم راه غير ياسين خدمتو كانت مزيرة بزاف وكان مواعدني غير يكمل نجيو ودكشي لي دار نيت ...ياسين:مخلفتش بوعدي بعدا ...فاطنة:ههه اوا تبارك الله عليك الراجل هو الكلمة و مبروك عليكم الله افكك على خير ابنتي ...نورهان:اميين ا خالتي غيثة عطيني نهز داك الفنيكيش ...غيثة:هاكي قولي بسم الله بعدا ...نورهان:ههه بسم الله ويتي ويتي ما دا منك والو ...عماد:ياك بعدا راه قتليها كيشبه ليا متيقاتش ...ياسين:ههه لا ليك ولا ليها كيشبه لعثمان ...عثمان(بابتسامة):دكشي لي بانليا غيطلع لعمو ...ميساء:وولدك لمن غيطلع كيشبه ...عثمان(غمزني):لمرتي حبيبتي ...غيثة:هايهاي على الناس ...ميساء؛ديها فراسك نتي ...غيثة:يختي هانا ساكتة قتلتيني امتى تولدي خلاص ...ميساء(حسيت بنغزة فكرشي):بانليا قريب ...عثمان:مزال الخال احبيبة باش دخلي فشهرك ...ميساء(زاد الوجع فكرشي وانا كنحاول منزربش حيت ممكن يكون بحال كل مرة ولكن لا هاد المرة حاسة بالوجع كيزيد مقديتش نصبر شديت فعثمان وغرست فيه ضفاري):ااااي اهىء الوجع الوجع ا عثمان ...غير شافوني تنتوجع كلشي ناض مخلوع و اولهم عثمان لي تلف وانا بزز شادة راسي يالاه شهري التامن واش غنولد دابا بقيت كنغوت ونبكي و عثمان هزني حطني فالطموبيل ركبات معايا نورهان و ياسين حداه الطريق كلها وانا كنغوت تا وصلنا للسبيطار نزلوني جاو شي فرمليات جابو كرسي متحرك جلست فيه وانا مزال شادة فيد عثمان مبغيتش نطلقو وهو عرقان كتر مني دخلوني للبلوك حطوني فوق الباياص و دخلات الطبيبة قلباتني و قالتلي بلي غنولد و طلبات من عثمان يخرج ولكن انا معرفتش منين جبت داك جهد مبغيتش نطلقو وحتى هو مكانش باغي يخرج الطبيبة ملقات مدير خلاتو معايا بدات تتولدني وتقولي شنو ندير ...الطبيبة:زحمي مزيان وحبسي الغوتة متغوتيش ...ميساء:امممممممم اااااه اهىء اهىء ...عثمان(كيبوسليا راسي):حبيبي صبري صبري مبقا والو كلشي غيدوز بيخير قولي بسم الله و زحمي ا حبيبتي يالاه ...درتلو اشارة براسي وضرت كنشوف فالطبيبة وانا مزيرة على يدي قلت بسم الله باعلى صوت وغمضت عيني وزحمت بكل قوتي حتى سمعت صوتو ولا صوتها رجعت راسي لور وانا كنرجع انفاسي و عثمان كيبوس فيا و يردد كلمة الحمد لله وانا كنشوف فيه تا جابتلي الطبيبة بنتي حطاتها لي فوق صدرتي ...الطبيبة:على سلامتك ولدتي بنيتة غزالة ما شاء الله ...درتلها ابتسامة وبست بنتي لي وجها فعنقي وهي تترضعو وانا حاسة بداتي مرخية تا بدات كتديني عيني ...عثمان:ميساء ميساء فيقي مالها شنو وقعلها ...الطبيبة:متخافش اسيدي هي دارت مجهود كبير دابا خاصها ترتاح شوية كلشي مزيان النبض ديالها مستقر و التنفس منتظم غنديوها لغرفتها دابا و نغسلو للبنيتة ونلبسوها ونجيبوهالكم يمكنليك تخرج نتا ...خرج عثمان من البلوك لقا العائلة كلهم برا طمنهم عليه و باركوليه وبقاو كيساينو تا خرجو ميساء داوها لبيتها وطلبو منهم باش يخليوها حتى تفيق... و دكشي لي كان من بعد ساعة ...حليت عيني بزز وانا حاسة براسي داتي كلها كضرني تفكرت شنو زقع حليت عيني وضورت راسي فالبيت حاولت نحلس يالاه بديت كنتحرك تا سمعت الباب تحل عليت عيني لقيتو عثمان كيطل عليا غير شافني وهو يدخل عندي بزربة جا عنقني وبدا كيبوس فيا ...عثمان:نعاسة تعطلتي تا خلعتيني عليك ...ميساء:ههه مزال مغنموت باقة لاسقة فيك ...عثمان:الله اخليك ليا حياتي بلا بيك متسوا والو ا ميساء نتي هي حياتي منقدرش نعيش بلا بيك و الحمد لله اليوم ربي هداني طرف منك بنيتة زوينة بزااف كتشبه ليك وهدشى لي كنت كنطلب من الله فصلاتي وانا كندعي باش تولدي على خير و ترجعي ليا ...ميساء(بابتسامة):حتى نتا الله اخليك ليا عمري كنت كنتصور غنبغي انسان تال هاد الدرجة ...الممرضة(دخلات علينا):سمحوليا ولكن الآنسة فيها جوع و بغات تاكل ...ميساء:هه عطيهالي ...حطاتهاليا فحضني كانت بحال الكميشة وحنيكاتها موردين وراتني كيفاش نرضعها وخرجات و عثمان مقابل معانا مرة يبوسني مرة يبوسها ...عثمان:ميساء الصغيرة ...ميساء:ههه ياكما ناوي تسميها ميساء ...عثمان:احسن اسم و احب اسم لقلبي غنسميها ميساء ...بقيت كنشوف فيه وهو فرحان بزااف رضعت بنتي و مشا عيط للعائلة دخلو باركولبا و كلشي كان فرحان ببنتي حسيت براسي غنطير بالفرحة وانا بين عائلتي لي كنت قبل حاسة باليتم واخا لي وقعلي و اكتاشفت انني عندي والديا ولكن كلشي فات و الاهم اننا نسامحو ونعيشو اللحظة و منخليوش الكره و الحقد يتمكنو منا حيت متمشي غير فين مشاك الله و اي حاجة دارها ربي نحمدوه عليها و نشكرو حيت ديما الارادة ديالة كتغلب وكتكون عندها حكمة و اهم حاجة انني اول مرة قبلت بمكتوبي انني نتزوج انسان مكنعرفوش وكانت بداية لحياتي و سعادتي مع راجلي حبيبي

النهاية