عروس الملك السابعة الجزء 36

من تأليف Ghazal trust
2018قصة مُلغاة

محتوى القصة

رواية عروس الملك السابعة , زوجة الملك السابعة

جالسة روح الندى فجناح الملك فالارض فوق زربية على مخدة حمراء طالقة رجليها كتحني ليها مرة صمرة بتكشيطة ليمونية فيديها عود كانقش بيه ولاللة روح الندى كتغني للملك بصوتها اللي جالس حداها متكي كيتفرج فيها ويتسنط ليها كتغني الملحون ودندن مرة مرة ، تبسم وقال هاز راسو عندها
مغترجعيش تصلي من بعد العشا؟ 

حلات عينيها وقالت : نسيييت .. وكي ندير دابا ؟

هز راسو من فوق كتفها بغا ينوض وقال

- غنمشي نتعشى مع العاءلة من بعد نمشي نكمل صلاتي . . خليك بلاصتك حتى تسالي على خاطرك 

تبعات بيه لعين وقالت : يعني نبقا هنا بلا منخرج ؟

تلفت وقال : بقاي هنا .. حتى تسالي 

حركات راسها وبقات تشوف فيه ... لبس فوقيتو وخرج خلاها بوحدها كتحني . 

هزات راسها كتشوف فالحناية وقالت 

- نتي اللي نقشتي للحريم كاملين ياك ؟

شافت فيها لحناية وقالت : اييه الاللة ااانا 

روح الندى : وعرفتي شكون انا ؟ 

الحناية : لا معرفتش؟

روح الندى : انا الاميرة روح الندى ، مرت الملك محمد اصيل اللي خرج دابا .... تهلاي فيا نتهلا فيك ... بفيت شي نقشة ماتكونيش درتيها لحتى وحدة فيهم . . . وبغيت فاش تخرجي من هنا كلشي يسيق لخبار لشنو وقع عنا وشنو شفتي بعيويناتك ... ياك شفتي سيدي كيفاش متكي حدايا ... وحاط يدو مور ضهري وموسد بكتفي ويلعب بيدو فشعري ، شفتي كفاش هوا اللي كلمك تجي عندي لهنا تحني ليا فجناحو ، شفتي كفاش كيهضر معايا ويضحك وكفاش مكيديرش هادشي مع شي حد اخر ياك شفتي كلشي ... وعزيييز عليه صوتي بزااااف وكل شوية يقول ليا نسمع . 

الحناية : شااافت الاللة .. شفت كلشي بعويناتي حتى بديت تقول بني وبين راسي واش بصح سبد الملك هادا ولا كدبت ! 

روح الندى : ايوا ديري ليا شي حنة من داكشي الرفيع وهوا راه غيجازيك الى شافي فرحانة وعاحبني لحال 

الحناية : ماتكوني ليا غير على خاطرك الاللة 

روح الندى : وباش نكون على خاطري بغيتك تعاودي كاع داكشي اللي شفتي بعينيك للحريم ولنسا لقصر كاملين وفاش نخرج من هنا نلقا كلشي فراسو 

الحناية : هي اللي ماتعاود الاللة .... ديريني خاتم فصبعك نتي أمري وانا نفد 

روح الندى : ايوا يالله عجبيني فشي نقشة نفقص ببعا عدياني 

الحناية : ياا بسم الله

فالطبلة المدورة لكبيرة مجموعة العاءلة الملكية كاملة ، تحطو ليهم طباسل الطعام بسبع خضاري كيفور . بدا سيد الملك هوا اللول عاد بداو موراه . . . كلشي كيتعشى من غير لاللة شامة اللي بزز باش كتسرطها وجالسة دور فعينيها . وكلشي كان حاضر الا لاللة شمس الضحى ولاللة رحمة ... نتابه الملك لغيابهم وقال حاط يدو فوق الطبلة 

-- لاللة شمس الضحى ولاللة رحمة علاش مجاوش يتعشاو ؟

تكلمات لاللة شامة وقالت : لاللة شمس الضحى تحرقات فرجليها اسيدي ... ولاللة رحمة تهرسات من يدها الله يشافيهم 

رجع لطعامو كياكل بشوية عليه وقال : الله ي حد الباس .

شافت لاللة شامة بنص عين فمةللب قاسم بشوفة ناقصة لاكن هوا مداهاش كاع فكلامها ومتسوق ليه بالمرة .
انا سيد الملك شارر بصبعو لعبد من عبيدو لقراب ليه ووشوش ليه فودنو . حرك العبد راسو ومشا ففلحين 

جالسة روح الندى كتحني فرحانة وكل شوية تنهظ وتقول 

- ااااح ايما على حبينو غادي للحرب وغايخليني انا مقهورة هنا ... 3 شهور بزااف عليا ... منقدرش نغبر غلبه حتى نهار بلا منشوفو .. اااح اربي ترجعو لي صحيح فصيح مافيه حتى أثار (تنهدات)

مع التنهيدة دخلات ليها الماكلة للجناح فابلاصة تحط كلشي قدامها ؟ شافت يديها محنيين وهي تحل فمها للحناية باش توكلها ، وكلاتها وشرباتها حتى شبعات .. حتى حسات بالحنة نشفات وبدات راسخا تفرتت مشتتة ناضت وقفات 

- - روح الندى: صافي سيري ديري علاش وصيتك ... انا دابا خارجة موراك

فيا وجع ليغيكل مدوخني كندور فبلاصتي

خرجات الحناية وبقات روح الندى كدور فبلاصتها فجناحو ، وقفات حدى مرايتو ماكرهاتش ترش شوية من عطرو عليها لاكن تفمرات نهار حلف عليها ماتحط يديها على شي حاجة ماشي ديالها . بقات كتشوف غير بعينيها حتى بان ليها الخاتم البي سبق ودار ليها فالفرج ديالها وهي تخرج عينيها وقالت 

- هيييه! ولاهيلا هوا! لقاااه! اففف حسن لي لقاه 

رجعات دارت مشات جيهت الباب هازة يديها وخرجات كتشالي لابسة شربيلها والحنة يابسة كتشتت موراها . دخلات لجناح لحريم ومع الدخلة بداو يتغامزو عليها وهي داخلة منفخة وكتهز فيديها تبعد الكمام ديال القفطان . مشلت جلسات فبلاتصها على واحد المخدة وبدات دور فعينيها كتشوف فيهم ، ضحكات وحدة وقالت كتهضر مع صاحبتها 

- عمرني شفت شي أميرة مرات سيييييد الملك كتجي تزاحم مع لحريم وتنعس بيناتهم وماعندها حتى للبيت فيت تنعس هههههه

قالت وحدة اخرى : او تلبس من لاباسهم هههه وتاكل معاهم ههه.. ياك الاميرات اللي هما امييييرات راهم جالسين مع الملك فطبلة وحدة كيتعشاو ... ماشي بخال شي وحدين ..يخخخ(قلبات غينيها)

عقداتهم روح الندى وسكتات مجاوباتش وجلسات فير كتسسمع وتشوف فيها ورجليها عاجبها راسها ختى دخلات كبيرة الوصيفات سهطات كلشي وكل وحدة شدات فراشها وحدة حدى وحدة وطفات عليهم الضو . 

لغد ليه الصباح صبح الحال على ما هوا عليه ... الناس صايمة وشي كيجري من هنا شي من هنا ... روح الندى مع لحريم جالسة بعقلها مركنة وتاج على راسها مكتحيدوش . والملك عقلو عامر بالحرب والتوجاد للسفر حتى مكيساليش ... السيوف كتحدد وتمضى والدرع حتى هوا كيتصايب لكل فارس مشارك فهاد الحرب . الخطة عند الملك محمد اصيل هوا اللي ساد عليه فجناحو وكيخطط ... عندو خطة قبها جوج خطط . . . خاصو يرتجع منتصر وفنفس الوقت يتقي طريقو من الشوك ... ولاكن ماااشي ساهلة هاد المرة .. واصعب حرب غيدخل فبها محمد اصيل من نهار بدا . هادشي علاش لازمها تخماك وتخمام طويييل والسر ديال الحرب بينو وبين راسو حد معارفو وحد ميقدر يطيح عليه . والصعوبة ديالو معارفها حتى حد من غير الملك حيا كلشي ضاحك وناشط وكيقول غير حرب بحالها بحال اللي فاتوها
وحتى واحد معارف شنو ممكن يوقع ويجرا فهاد الحرب .. واحرررب واشمن حرب . هادشي علاش سيد الملك مافكر لا فروح الدى لا فغيرها .. عقلو عامر وماعيطش ليها كاع يشوفها حتى شرقات شمس العيد الصغير وكلشي صبح فاطر وناشط رااااشقة ليك وصبحو الحريم على الهدايا ديال الملك واقفين كيحلو فالصنادق ويجبدو يقيسو ويدورو يشوفو فروح الندى اللي مركنة يدها على خدها مامعيداش كاع وغير عابسة باغا تبخ الدم ، ماحملاتش الهدايا اللي سيفط بسميتو ليهم وصرها راسها علاش ماسول فيها ما عيط عليه وهوا اللي قال ليها بغاها د تبقا حداه قبل مايمشي للحرب
وهما ملهيين مع التواب دخلات عليهم لاللة ياقوت بوصيفاتها مبسمة صبحات عليهم .. تصافو قدامها حانينن الراس وكل وحدة شادة حاجة فيديها من غير روح الندى اللي طايح عليها الضيم وواقفة مقنتة بعيدة عليهم . ملابسة بحالهم ولا معيدة كيفهم .. تبسمات لاللة ياوقوت وقالت 

- مبروك عيدكم البنات 

ردو عليها فرحانين : الله يبارك فيك الاللة 

االلة ياقوت : منورات هاد الصباح ... واللي منورة فيكم كتر هي اللي غادي دخل الطاس لسيد الملك وتغسل ليه رجليه من بعد ما يرجع من الجامع ويدخل لجناحو يرتاح .. واللي دخلات عندو راخ ليه عندها هدية . 

شافو بيناتهم فرحانين وكل وحدة حالف حتى تكون هي الرابحة هاد صبح العيد ، اما روح الندى مغوبشة ماكرهاتش تفصلهم كاملين وتشرب من دمهم وهاد غيزيدو يفقصوها مللي يتقادو ويلبسو ويتعاندو شكون تعجب لاللة ياقوت وتسيفطها لولدها سيد الملك

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.