عروس الملك السابعة الجزء 38

من تأليف Ghazal trust
2018قصة مُلغاة

محتوى القصة

رواية عروس الملك السابعة , زوجة الملك السابعة

بقات تبرق بعينيها فيه وهوا هاز حاجبو ضاحك كيشوف فيها ويتسنى شنو دير ، طارت عليه كضحك عنقاتو وبدات تبوس فيه كلات ليه وجههو ماخلاتوش حتى يهضر وبزز باش قال 

- ديريها من الصباح ههه 

روح الندى : نتبادلو انا اللي نولي ملكة دابا باش نقدر ندير اللي بغيت 

بعد وجهو وقال : نتي الملكة ديالي وعارفة راسك ملكة معايا بلا متقوليها وفالفراش حكمي باش مابغيتي 

عجبها الحال ونيت حسات براسها ملكة معاه فالفراش ، مكاين حكام وهي اللي بدات تفشش وتغنج عليه وتقلب مرة ليمين ومرة ليسر .. مرة تلوح عليه رجلها مرة يدها ... مرة تجرو عندها مرة تبعدو عليها .. مرة تبوسو مرة تهرب عليه ، حمقاتو ولاكن فاش دخلو للصح كلات ليه وجههو وعنقو ماكلة وشرطات ليه ضهرو تشراط حتى هاج عليها بحال البحر مرة وحدة سخفها وتلاح حداها عرقان كينهج ويضحك 

- مسخووطة ... تنوضي الميت من قبرو هه

هزات راسها كضحك تكات على صدرو كاملة مطبعة وقالت 

- يااك!! حشومة عليك 

شد وجهها بين يديه وقال : ماخليتي للي كبر منك مايديرو ... عفريتة مع راسك 

عوجات لحن صوتها وقالت 

- ايييوا نتا اللي بغيتي .. ماعجبتكش !

حل عينيه معجب من سؤالها وقال : جننتيني ماشي غير عجبتيني يا نحيلة ديالي .

عنقها وحط راسها على صدرو كيدوز يدو عليها بشوية من عنقها وهوا هابط مع ضهرها حتى للتحت .. تهرات وهي تنخز شوية 

- ااه

شاف فيها هاز حاجبو وقال

- ااه! 

هزات راسها كضحك وقالت : هههه غييير هريتيني وصافي ... لحمي لورشتيه ليا 

دوز يدو على دراعها وقال

- هاد ااه ديالك ماشي غير بورشاتني انا وصافي 

روح الندى : خليني غير نرتاح شوية 

باسها فجبهتها وقال : رتاحي حبيبة ديالي 

بقا يدي فيدو ويجيب بصبعانو مور ضهرها ورقبتها وودنيها مغمض عينيه وهي ناعسة كترمش على صدرو وكرشها على كرشو ورجليها بجوج بين رجليه كتخبش بضفر رجلها فرجلو وتلعب بشوية بصبعان رجليها مع صبعانو ودوز يدها على لحيتو حتى حسات بيه حط يدو مور ضهرها ومابقاش كيتحرك .. هزات عينيها شافتو نعس ورجعات حطات راسها على صدرو حتى عيات ناعسة فوقو وناضت تكات على كرشها حداه هازة رجليها كتلب بيهم وتهرو فوجهو بصبعها وهي نازلة مع صدرو حتى لكرشو ، بدات تسوط فودنو وضحك بشوية حتى فيقاتو .. حل عينيه فيها مبسم وقال

- فين كنتي من قبل؟ علاش ماجيتيش شحال هادي؟ 

عوجات راسها وقالت: ماكنتش كنعرفك ... ونهار شفتك حلفت حتى نوصل ليك واخا نموت فالطريق 

حطات يدها على صدرو كتهرو وتهضر بشوية و تهز عينيها كترمش فيه وهوا متبع شوفاتها بعينيها وشفايفها اللي كيتحركو بشوية وبلعاني كتلعب بلسانها . حط صبعو على شفاها وهي كتهضر 

روح الندى : واخا كنتي قاصي عليا فاللول .. وشرطتي ليا لحمي كامل وكنت كنشوف روحي غطلع على يديك 

جرها عندو بشوية وباس شفايفها حتى لسقو عليها وقال 

- كن قتلتك كن دمت طول حياتي ... ماكنتش عارف باللي البنت اللي كنعلم على يدي بحال هاكا .

هبطات عينيها وقالت : من امتى بديتي كتبغيني؟ انا من نهار اللي شفتك فيه حدا الواد ماداني النعاس 

تبسم وقال : بديتي كتعجبيني فالايام اللي كنتي كتعلمي عندي ... تما ولفت نشوفك كل ليلة واخا .. كنتي خواافة ومكتحشميش .

روح الندى : ههه نخاف مانحشم ههه

تبسم وقال : هاااديك ... تخافي ما تحشمي جيتي فيها هيا هاديك 

روح الندى : غنبقا نقول ليهم تخافو ما تحشمو هههه 

ضحك وقال : والى سولوك معناها قولي ليهم حكايتها منين جات ... غادي تنشر هاد المقولة .. وشكون مولاتها .. النحيلة روح الندى ... كتخاف نشرط ليها لحمها بالسيف .. ولاكن مكتحشمش وجايا عندي مقزبة .. وعارفة راسك غتمشي مشرطة 

حطات راسها على صدرو كضحك وقالت 

- كان كيعجبك دير ليا بحال هاكاك ياك ! 

عقد حواجبو وقال : لا ... كنت كنوريك باللي السيف ماشي ساهل ... وباش تعلمي تخفي يدك ورجلك قبل مايوصل ليك السيف .

قالت غضبانة : اممم.. وشحال من مرة كنتي غتنزل عليا كن ماهربت وجهي.. كنتي كل مرة كتبغي تقطع ليا يدي ولا رجلي 

جرها عندو وهزها بالخف طلعها عليه جلسها وقال : غنقطع ليك لسانك وناكلو وناكلك نتي من بعدو ... منين خرجتي ليا يا النحيلة كلك عسل 

جرها من يديها حتى تخلعات طيحها على صدرو كيضحك وهي تهز راسها كضحك 

- غفلتيني ههه 

باسها وقال : باغي منك ولد 

روح الندى : ضاروري الولد؟ 

حرك راسو وقال : جيبي ليا الولد هوا اللول .. من بعد تبعي ليه شحال ما قديتي ديال البنات ، جيبي ليا الولد ... باغي ولدي منك نتي ما من حتى وحدة اخرى 

باستو على شفتهو وقالت كنشوف فعينيه : واعدني عمرك تبدلني ... دابا نتا معايا ماشي ملك ياك ... واعدني عمرك تبدلني ولا تجي فمكاني وحدة اخرى

شاف فعينيها ساكت شحال وقال : انا دابا ماشي ملك ... انا حبيب وكنواعدك ماتجي شي وحدة فمكانك ... عقلي على كلامي مزيان .. انا حبيب ماشي ملك .. واللي كيواعدك دابا حبيبك ، ونتي واعديني تبقاي دايرة عقلك حتى نرجع 

قالت طتيرة من الفرحة : كنواااااعدك ... منأدي حد والله 
شد فحنكها وقال : النحيلة فاش كتأدي شي حد كتموت ... وانا ماباغيكش تموتي .


فرحات روح الندى وعمرها كانت كضن يجي شي نهار اللي يايتطلق فيه الملك معاها...حسب ماشافت وما دوز عليها خلاها عمرها تفكر بعيد . دار عليهم النهار فالجناح وحد ما قرب لبابو ولا قدر يدخل .. حتى من لاللة ياقوت وصلات حتى لباب جناحو ووقفات .. حدر العبد راسو وقال 

- سيدي معاه ..

قطعاتو لاللة ياقوت وقالت : اممم صافي فهمت (رجعات بحالها) عليها غبرات وغبر ليها الاثار .. واخا عليك يا الجنية كديري اللي فراسك . باغا لراسك الهلاك وكتمشي ليه برجليك . 

رجعات لاللة ياقوت كتنفخ لجناحها .. لا غدا تغداه مع عاءلتو كما كان خصو يدير ولا خرج من جناحو حتى طاح الضلام عاد دخلو ليه صينيات ديال العشا لجناحو . كان هوا واقف يالاه صلى الصلاة اللي تجمعات عليه . لابس جبادور بلدية فالكرونة جاتو كتهبل وماشط شعرو اللور فازك وعينيه مجبدين بالنعاس اللي كينعس وينوض كل شوية . انا لاللة روح الندى ناعسة وسط فراشو على ضهرها مغطي صدرها وشعرها مدلي بجنابها . كانت اللي دخلات العشاء هي عبدية مع العبيد .. وهي خارجة حانية راسها دورات عينيها جيهت الفراش شافت روح الندى كي ناعسة وشافت الملك راشقة ليه مامعبسش هاد المرة بحال اللي موالف ، حشمات عبدبة وهبطات راسها حابسة الضحكة غير بوحدها ماهرها حد ومشات بحالها . 

تسد الباب ومشا الملك حدى روح الندى وتكى بواحد الرجل حداها كيلعب فوجهها حتى حلات عينيها بزز وقال 

- نوضي تعشاي انحيلة ديالي ... راه فيك الجوع . 

روح الندى : انننء

تبسم وقال : نوضي تاكلي شوية خاصك تاكلي باش تقدري توقفي 

سكتات ماقدراتش تجاوب وهوا يدهل يديه تحت لفراش... وهزها عريانة مامغطي لحمها حتى طرف من القماش .. عطها بشوية حدى العشاء فوق مخدة مربعة كبيرة منفوخة بالريش حمراء عاد بدات تخل فعويناتها وناتابهات لراسها بين يديه . غير حلات عينيها وهي تشد فصدرها وحطات يديها بين رجليها حشمانة و وجهها حمر وقالت 

- غطيني غطيني 

هز حاجبو وقال : علاش نغطيك ؟ شفت كلشي وحفضتو مابقا مايتغطا 

روح الندى: لا واخا هاكاك .. غير غطيني دغيا انا منقدرش نبقا هاكا واخا غير بيني وبين راسي منقدرش 

تعجب وقال : كتحشمي من راسك!

روح الندى : والله نقولها لبك لحال الخرافة .. كنحشم والله .. منقدر لا نشوف راسي عريانة قدام المراية ولا تشبح هاكا فالفراش للا غطا ... منقدرش واخا نكون بوحدي 

ضحك بالجنب وقال : هه! لعجب... واخا لاللة روحي نغطيوك . 

ناض هز عباية كحلة فيها سفيفة مذهبة طويلة واسعة محلولة من القدام ورجع عندها حط ركبتو على الارض ودارها عليها من اللور . جراتها غطات بيها اللي خصو يتغطى واخا الفتحة كتبين فخادخا ورجليها ومن لفوق كتبان الشقة دصدرها .. جلس حداها كيطلع ويهبط فيها وهي دايرة جلسة كتجدب وبديك العباية جات معاها ومع شعرها الكحل مسرح مور ضهرها وهي طالقة واحد الرجل قدامها كتبري .. تبسم وقال 

- اللي لبستيها كتجي معاك ... كلشي تخيط ليك .. لباس النسا ولباس الرجال 

هزات حاجبها وقالت بلحن : لباس لملوك بوحدو 

ضحك وقال: وحتى هوا مخيط ليك وجاي عليك .

روح الندى : هي غتعطيني هاد العباية اللي لابسة 

هز حاجبو وقال : نعطيها ليك ... بشرط وشرطي الى خلفتيه غتعاقبي عليه 

روح الندى : شنو هوا شرطك ؟

هز راسو وقال : ماتلبسيهاش حتى تكوني عندي هنا فجناحي .. وحتى نقول ليك انا لبسيها 

روح الندى : وعلاش؟

عقد حواجبو شوية وقال : علاش مانبغيش نسمعها منك 

روح الندى : ويام قلتي فجناحك انا الملكة 

شد فيدها وقال : وباقي عند كلمتي ... منبغيش نشوفك خارجة بيها .. ولا يشوفها شي واحد عندك ... وديري مزية الى خليتيها هنا وفين ما تجي لبسيها 

روح الندى : غير خليني ناخدها ... مانجبدهاش بغيتعا تبقا عندي وبخاطرك تعطيها ليا

قال : بخاطري عطيتها ليك ... وخاصك تعرفي باللي المنديل ديالي اللي هوا ديالي انا ماشي ديال شي حد اخر... مانبغي نشوفو فيد حتى واحد .. ولا طايح فالارض ولا مجلي على برا ... وحتى الى رميتو بيدي مكنبغيش نرميه ويشوفو شي حد مرمي ولا يبقا كيتلاح من يد ليد . 

حركات راسها وقالت : فهمت ... وحتى انا غنخليها عندي .. هادي ماشي عباية وصافي .. هادي عباية الملك محمد اصيل ... حبيبي انا 

تبسم وقال : يالاه كولي الاللة روحي قبل مايبرد 

روح الندى : مابقيتش النحيلة ديالك؟

ضحك وقال : النحيلة ديالك فاش كتخرج كتعرف فوقاش تخرج (غمزها) 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.