حب وسط الدماء الجزء 15 والأخير

بعد مرور 3 أشهر:
أنا دابا واقفة كانتسنى القاضي يعيط بسميتي على أساس أنني شاهدة..شاهدة على أن أسد ماعندوش نوايا سيئة وعتقني من لموت بين يدين المنضمة..دازت 3 أشهر ماشفتو.. فهاد المدة تهدمات منظمة الإتجار فالأعضاء البشرية بعدما طاحو أدلة صحيحة فيد الشرطة الأمريكية وبعد مساعدة أسد باش يتلقى عليهم القبض كاملين..الزعيم الثاني للمنضمة نتاحر قبل مايوصلو ليه حيت كان كايفضل لموت على أنه يطيح فيد العدالة..3 أشهر دازت جحيم وعزاء عندنا فالدار كلشي حزين وكايتسنى هاد النهار للي غاينطق فيه القاضي بالحكم على أسد..متشوقة نشوف وجهو وعينيه للي كايسحروني ماكرهتش نعنقو ونبكي ونقول ليه أن هاد 3 أشهر دازت وكأنها 3 سنين..
الرجل: (بالانجليزية) أسماء العلوي تفضلي
دخلت لقاعة الحكم وأنا يدي كايرجفو كانت مدام سهام وشيماء وكرزة تما...للحظة ، جات عيني فعينو..شعر مخربق لحية مهملة عينين مهمومين لكن كلهم قوة ..أسد!!
بقيت داخلة وكانشوف غير فيه وحتى هو مفيكسي عينيه عليا..طلعت لمنصة الشهود..أديت القسم وعطاني القاضي الإشارة باش نبدا نهضر..عاودت كلشي من نهار عرفت مجد وسكينة وكيفاش عتقني أسد من الغابة وكيفاش مجد جاب ليه ختو للي كانت مخطوفة وكيفاش حماني من بزاف دلحوايج..كانعاود ونبكي وشفت دمعة نزلات من عينين أسد لكن رجع مسحها بالزربة ومسح على شعرو..كملت كلامي ورجعت نجلس حدا عائلتي فانتظار الاستماع لعدة أطراف وأسد حتى هو..بعد مدة طويلة سالات الجلسة وكلشي كايتسنى الحكم..
القاضي: بعد الاستماع لجميع الشهود والاطلاع على جميع الأدلة...ونظرا لتعاون المتهم مع القانون وتسليم نفسه بإرادته..ومساعدته للدولة في تهديم منظمة دموية خطيرة.. تحكم عليه المحكمة بسنة سجنا نافذا...رفعت الجلسة...
سهام: (بالغوات) ولدييييييييييييي اهئ اهئ اهئ
تصدمت صدمة قوية الدموع تحجرو فعيني ماعرفت راسي باش تبليت..كنت كانتاظر برائتو لكن القاضي حكم عليه بعام ديال الحبس..مع العلم أن عقوبتو كانت قليلة بزاف بالمقارنة مع العملاء الآخرين للي معظمهم مؤبد ولا من 30 سنة لفوق.. جاو شدوه وتمو غاديين بيه..نضت كانجري عنقتو وهو يديه فيهم المينوط..كايبوس فراسي ووجهي ودموعو هاد المرة خانوه ماقدرش يحبسهم..
أسد: أسماء..أسماء صبري عليا عفاك..أسماء كانقسم ليك أنني غانعوضك على هاد العام.. أسماء نتي مراتي..ماتنساينيش ا أحبيبي..ماتنساينيش..
أنا: (مخنوقة بلبكا) أسد قلتيلي أنك غاترجع دغيا قلتيلي مغايطرا والو علاش غايديوك مني عام.. عام ا أسد عام
أسد: غانتسناك تزوريني شي نهار..أسماء دخلي قراي عافاك وماتبقايش تبكي تهلاي فراسك وماتقهريش هاد لعوينات بالدموع..تهلاي فماما وختي..قراي ا أسماء وكوني قوية..كانبغيك بزاف..
يالاه بغيت نجاوبو جروه دوك الحراس وأنا بقيت تابعاه وكانبكي.. مدام سهام سخفات وهزوها كرزة وشيماء بالجرى للسبيطار..أما أنا فبقيت مرمية تما كانبكي وندب على مكتوبي لعوج..عام!!! عام ديال لحبس..وفأمريكا ماشي حتى حدانا..كيفاش بغاني نكون قوية اهئ اهئ..بقيت كانبكي تما حتى بردت ونضت تبعتهم للسبيطار نطمئن على مدام سهام..الله يحسن عوانها.

مشيت للمصحة باش نشوف مدام سهام للي لقيتها فاقت لكن مابغاتش تسكت لينا من لبكا..قلبها محروق على أسد للي ضربوه بعام ديال الحبس..كلنا ماتقبلناهاش وجاتنا صعيبة ولكن مكتاب الله ماعندنا مانديرو...بتنا ديك الليلة فالفيلا ديال أمريكا وفالغد مشينا زرنا أسد قبل مانرجعو للمغرب..توادعنا معاه بلبكا وهو كايمسح دموعنا ويوصينا على بعضياتنا..شحال صعيبة تخلي روحك فبلاد بعيدة وفظروف صعيبة لكن هادي هي الحياة مرة تعطيك ومرة تاخد منك..رجعنا للمغرب ، أنا ..مدام سهام.. شيماء وكرزة..حنا للي بقينا فالدار حيت فوزية وسفيان سكنو بعاد علينا وحتى لينا ماعرفنا بشحال حكمو عليها..كانت بداية الموسم الدراسي..وخا مدام سهام محطمة لكن حاولات تقويني أنا وشيماء وتكلفات أنها تسجل كل وحدة فينا فالتخصص ديالها..شيماء فمعهد الهندسة وأنا فمعهد اللغات..بصراحة مابقاتش عندي الشهية دلقراية ولكن ماما عاتباتني وقالتلي أن أسد مللي غايرجع مايبغيش يلقاني مزال فنقطة الصفر عليها قررت نبدا ونتوكل على الله..كانفيق كاناخد طوموبيلتي (ميرسيديس فالأبيض) نمشي نحضر لجميع الحصص ونرجع للدار نيشان نجلس معاهم شوية ونعاود لماما كيداز نهاري ونطلع لبيتي نرتاح..نعنق مخدة ونفكر فأسد حتى يديني النعاس..وبعد لمرات كانمشي لبيتو نبقا جالسة فيه ونبكي حتى نغفا فوق حوايجو..أيامنا كلها بحال بحال وديما عايشين نقص..ديما كانتفكروه وعمرو مشا من بالنا..
* * * * * * * * * * * * * * * * * * * * * * * نجمة: أسماء بنتي..
أنا: وي ماما هانا فالحمام بلاتي (خرجت) هانا اش كاين
نجمة: اجي معايا ضروري
أنا: نتي مزال مانعستي
نجمة: يالاه ساليت شغلي ومشيت باش نعس و...
أنا: وشنو
نجمة: وأجي معايا
تبعت ماما للي مافهمتها اش بغات توريني فهاد الليل..دخلت معاها للدار وأنا نتصدم من الديكور للي شفت😨 أسامة ناعس على السداري وناعسة حداه كرزة معنقاه....التلفازة شاعلة والضو طافي وهوما فسابع نومة..
أنا: هادو اش كايديرو بزوج
نجمة: ماعرفت..جيت دبا لقيتهم ناعسين هاكا
أنا: (مشيت حدا كرزة بالشوية) كرزة...كرزة..
كرزة: ممممم
أنا: كرزة فيقي..
فاقت كرزة كاتكسل عاد خرجات فينا عينيها مللي شافتنا كانشوفو فيها..
كرزة: لا راه...ا راه جاني النعاس و..والفيلم كان
أنا: 😒😒😒😒😒😒
ناضت شداتها بجرية معاوداتش شافت موراها عاد فاق أسامة مقلوب بالنعاس عرفنا شفناهم..حسيت بيه حتى هو تزير ودخل لبيتو بالزربة..
نجمة: فهمتي داكشي للي فهمت
أنا: غانمشي نهضر مع كرزة باش نتأكد
نجمة: وحتى أنا غانهضر مع أسامة
أنا: وخا

دخلت عند كرزة لبيتها لقيتها فلبالكون...
أنا: كرزة ممكن نهضرو
كرزة: اه
أنا: ممكن تشرحيلي ديك الوضعية للي كنتي فيها نتي وأسامة
كرزة: عادي غير كنا كانتفرجو ودانا النعاس
أنا: ومن ايمتا ونتي كاتمشي لدار ماما وأسامة ومن ايمتا ونتي كاتفرجي نتي وأسامة ومن ايمتا ونتي....
كرزة: من نهار وليت كانبغيه
أنا: كاتبغيه!!!
كرزة: اه كانبغيه وحتى هو كايبغيني
أنا: 😨😨😨😨😨😨😨😨😨😨
كرزة: جاتك عجب..ولا مانستاهلش يكون عندي حبيبي حتى أنا؟
أنا: لا لا ماشي هاكاك غير حيت عمرك بينتي ليا وعمرك عاودتي ليا
كرزة: نتي هاد المدة كاملة ونتي بعيدة علينا عايشة فعالم ااااخر فيه غير نتي وخيال أسد..
أنا: (الصمت)
كرزة: عارفاك كاتبغيه ومحروقة عليه وماكانلومكش بالعكس..
أنا: ودبا شنو ناوية نتي وأسامة
كرزة: (بخجل) قال أنه باغي يتزوجني
أنا: 😨
كرزة: مالك تصدمتي! ولا جاتك فشكل وحدة قزمة وفايتة تعرضات للإغتصاب غاتزوج؟
أنا: (مشيت عنقتها) لا لا حاشا حاشا ا كرزة عمري شفت ولا نشوف فيك هاد النظرة..نتي انسانة زوينة وقلبك بيض تستاهلي كل خير...حتى أسامة عندو إعاقة وماعمري شفتو نقص من راسو بالعكس متصالح مع نفسو بزاف..
كرزة: اه عارفة..
أنا: كرزة شفتك بحالا مابقيتيش كاتخسري الهضرة
كرزة: نتي راك لوستي خصني نحطارمك😊
أنا: هاي هااااي هاي على حب لملوك ديالي😍
كرزة: ايوا لينعلطبنمك
أنا: ههههههههههههههههههههههههه باز لأسامة مسكين
كرزة: أسامة عارف عليا كلشي وكنا صحاب قبل مانوليو حباب...عارفني مزيان كيدايرة وماعندو حتى مشكل فشخصيتي
أنا: ولاش يكون عندو علاه هو يلقا بحالك
كرزة: نو بب جامي
أنا: الثقة بشاااخ..المهم هانا غانمشي نحط عضامي تال غدا ان شاء الله
كرزة: سيري سيري
مشيت لبيتي وصونيت لماما قلت ليها شنو طاري بين أسامة وكرزة وحتى هي قالتلي أن أسامة قاليها بللي باغي يتزوج كرزة..ضحكنا بزوج وقطعت معاها...دخلت لفراشي وأنا كانفكر فهاد الزوج هههههه الله يكمل عليهم بالخير علاش لا!

#بعد_مرور_سنة:
سهام: أسماء بنتي نوضي راه الطيارة وصلات
حليت عيني بسرعة..نضت كانضور فعيني لقيت الطيارة وقفات فالمطار ديال نيو يورك...مدام سهام وكرزة وشيماء سبقوني هبطو وأنا بقيت شادة فقلبي للي غايطير..فرحة حب دموع.. كاع الأحاسيس مخلطين عليا..واش صافي وصل تاريخ خروج أسد من الحبس..عام وأنا كانتسنى هاد النهار للي وأخيرا وصل..نزلت من الطيارة وأنا لابسة ألواني المفظلة الأسود فالسروال وليبوط والرمادي فالتريكو للي مكتوب فيه love بالأبيض شعري مطلوق على راحتو ..نزلنا كلنا فرحة وشوق لرؤية أسد..لقينا الشيفور كايتسنانا وللي ماخليناهش يدينا للدار بل طلبنا منو يدينا نيشان للسجن فين كاين أسد..الطريق كلها وأنا كانتفكر كيف داز هاد العام..نجحت فيه أنا وشيماء الحمد لله بنقط مزيانين وفرحنا مدام سهام للي ديما كاتحرص على قرايتنا.. تفكرت أيضا بعض المضايقات للي كنت كانتعرض ليهم فالشارع ولا فالمعهد لكن كنت ديما كانلقا حسام فجنبي للي وصاه أسد أنه يحمينا...صراحة عمري هزيت عيني فشي رجل وخا يكون كيفما بغا يكون.... قلبي وعقلي مالكهم غير السبع ديالي..على ذكر السبع..السنسلة للي ركب ليا عمري حيدتها فمرة، ديما فعنقي..كنت فينما كانشوف فيها كاتعطيني القوة والصبر وكانحس أنه حتى هو غايكون كايشوف فالكورميط ديال اليد للي ركبت ليه.. بقيت ساهية فالطريق حتى فيقني لفران ديال الطوموبيل قدام السجن..قلبي بدا كايضرب بالجهد ورجليا كايترعدو..كانحس بالدموع فعيني .. بقينا جالسين فالطوموبيل مقابلين مع لباب وعينينا عليه..كانتسناو فوقاش يخرج منو أسد.. بقينا تما شي ساعتين مراقبين الوضع بلاما نملو حتى بان لينا لباب تحل...خرج أسد لابس قبية كحلة وداير القب على راسو..خاشي يد فجيبو ويد هاز بيها الصاك ديالو..البنية هي البنية ماتبدل فيه والو ماغلاض مارقاق...غير شافوه نزلو كايجريو لعندو.. وهو غير شافهم لاح الصاك من يدو وفتح ليهم حضنو ترماو فيه....بقاو يتعانقو ويتباكاو وهو مزير عليهم وكايبوسهم ويشوف فوجهم ويعاود يعنق..نزلت من الطوموبيل بكل هدوء ووقفت كانشوف فيهم حتى هز راسو وجات عيني فعينو..بقا واقف كايشوف فيا وحتى أنا كانشوف فيه .. شوية ماحسينا بريوسنا حتى بدينا كانجريو فاتجاه بعضياتنا و تعانقنا بالجهد حتى طحنا فالأرض...تلاصقنا ديال بصح وغير صوت دقات قلبنا هو للي كايتسمع..كانبكي ونقول مابكيت وهو مزير عليا وخاشي راسو فعنقي..بقينا هاكاك شي 3 دقايق عاد بدينا نتفارقو شوية بشوية..دار وجهي بين يديه وكايشوف فيا بعينين ذابلين..
أسد: أسماء ماتخايليش شحال كنت محتاج لهاد الحضن..تواحشك بزاف كثر من للي كاتصوري..عمري نسيتك وكنت خايف لاتنسايني..
أنا: واش كاين شي واحد كاينسى روحو راك وخا ماشي قدام عيني ولكن راك فقلبي ديما
أسد: (شاف السنسلة) شكرا حيت وفيتي بوعدك وماحيدتيهاش
أنا: (شفت فيدو) وحتى نتا ماحيدتيهاش
أسد: مزال كاتبغيني بحال الأول
أنا: وكثر
سهام: (كاتمسح دموعها) نوضو من الأرض ا دوك الباسلين ولا نجي نجبد ليكم دوك الوذنين
أنا وأسد: ههههههه (نضنا)
عاود أسد جمعنا كاملين فتعنيقة وشكرنا حيت لقانا كانتسناوه..ركبنا فالطوموبيل مجموعين ومشينا للفيلا..طلع أسد نيشان لبيتو يدوش ومدام سهام وشيماء مشاو للكوزينة يطيبو الماكلة بعدما الشيفور جاب التقدية..كرزة مشات تهضر مع أسامة فالتيليفون وأنا بقيت واقفة كانتأمل فالشرجم ونضحك غا بوحدي..كانتفكر التعنيقة العالمية للي درنا قدام الحبس..حسيت بحبو ليا مزال كيفما الأول وخا عام ماتواصلت معاه...

كرزة: أسماء
أنا: (مزال ساهية) مممممم
كرزة: تكلمي لأسد
أنا: هاااااا 😍 فيناهو؟
كرزة: لفوق
أنا: اوكي..
طلعت كاندردك للطابق الثاني ومشيت قدام باب بيتو كاندق الساعة ماجاوبني حد وأنا نفتح الباب بشوية وطليت مابانش ليا..دخلت كانتسلت ونضور فعيني حتى حسيت براسي تهزيت..
أنا: واااااع حطني هههههه
كان أسد لاوي عليه فوطة وشعرو فازك.. هزني حتى وصل راسو لكرشي وكايهرني بوجهو بحال الدراري الصغار
أنا: وا طلق ههههه طلق إلا الهران لا
أسد: ماسوقيش ليوم غاناكل كريشة حبيبي ههههههه (كايهرني بفمو فكرشي)
أنا: ولااااا 😂😂😂😂
بديت نفركل حتى طحنا بزوج فوق الناموسية...جا هو على ضهرو وأنا فوق منو.. ووجهي على وجهو..شعري غطانا بزوج
أسد: عقلتي على هاد الطيحة..هاكا شفت عينيك أول مرة
أنا: اه عاقلة
أسد: تواحشتك بزاف....عام دوزتو عذاب ..ديما صورتك فبالي وكانحسب الأيام غير باش نشوفك
أنا: حتى أنا والله..تعذبت بزاف بلا بيك..عام ماشي قليلة..عمرنا غانعاودو نتفارقو ياك
أسد: لا أبدا...داكشي للي كان ممكن يفارقنا دوزناه..ودبا أنا حر وبريء..غانتفرغ ليك ولخدمتي ولعائلتي
بقينا فنفش الوضعية حتى بدينا كانقربو شفايفنا لبعضياتنا..يالاه غمضنا عينينا وهو يقفزنا الدقان فالباب
أسد: بففففف شكون
كرزة: هبطو تغداو 😊
أسد: تاكلي جنابك
أنا: هههههههههههه😂😂هههههههههههه
أسد: مالك
أنا: اويلي على تاكلي جنابك😂 حتى نتا كاتعرف لهادشي
أسد: 😒 ومالي كيجيتك
أنا: ناااري جيتيني بحال كرزة فهاد اللحظة
أسد: (خرج فيا عينيه)
أنا: (بستو فنيفو) كانبغيك (ضربتها بجرية حتى خرجت من بيتو)
أسد: هه حمقة
بعد مانزل أسد تجمعنا كاملين على الطابلة..بقينا كانتعاودو على كاع هاد المدة للي دازت وحنا مفارقين وشنو طرا فيها.الصراحة كلشي كايبقا غير تعاويد..
أسد: المهم خصنا نرجعو للمغرب أنا كرهت هاد الجو ديال أمريكا والله
سهام: حتى أنا ا ولدي...نوجدو راسنا باش غدا نرجعو فطائرتنا الخاصة
أسد: اه داكشي
سهام: (شافت فيا) راه عندنا شلا مانقضيو فالمغرب
أنا: 😇

كلينا وسالينا وكل واحد طلع لبيتو يرتاح..طلعت لبيتي دوشت ولبست قميجة فلبيض قصيرة خشيتها فشورط قصير فلكرونة وبالغين بيضة..سرحت شعري ودورتو جنب..درت ماكياج خفيف ، آيلاينر وفاراجو وعكر بارد..وبديت نطل من لبالكون حتى سمعت ميساج فتيليفوني...لقيت فيه أنه خصني نزل للجردة لتحت..قلت مايكون غير أسد ولا كرزة..داكشي للي درت نزلت حدا لباب كانقلب بعيني حتى حسيت بشي واحد شدني وسد ليا فمي وشي واحد غطا ليا عينيا وجروني حتى خشاوني فشي طوموبيل..بغيت نغوت لكن فمي كان مسدود..بديت نتركل ونقاوم لكن كانو صحاح بزاف..تحركات الكوموبيل مسااافة وهوما شاديني... أنا كنت غانسخف بالخلعة حتى شوية وقفات الطوموبيل...خرجوني منها وزادو..حيدت لغطا للي على عيني بالزربة حتى كانلقا راسي وسط غابة.. بقيت كانشوف مزيان فيها.. أواه مايمكنش..فهاد لبلاصة بالضبط كنت واقفة كانتسنى شي واحد يجي يعتقني مللي هربت من المستودع..مايمكنش....شكون غايكون جابني هنا وعلاش..بقيت واقفة شادة فالسنسلة للي فعنقي وعرقت من جبهتي بالخلعة حتى سمعت شي صوت فالسما..هزيت راسي بانتلي واحد الطيارة صغيرة مكتوب فيها بالأحمر "حب وسط الدماء" بقيت كانشوف فيها مافهمت والو كيفاش حب وسط الدماء..
أسد: حبنا كان حب وسط الدماء أولا!
سمعت صوتو مورا وذني وأنا نحس براحة كبيرة حيت كنت خايفة بزاف..جيت نضور لقيتو محني على ركبتو بلباس رسمي وهاز خاتم ألماسي فيدو ..حطيت يدي على فمي بالصدمة..
أسد: أسماء..تزوجي بيا؟
أنا: (غرغرو عينيا) اه...اه نتزوج بيك..
غير قلتها وديك الطيارة بدات ترمي علينا الورد حمر من الفوق..بديت نضحك وهو يشد أسد يدي وركب ليا الخاتم وباس ليا يدي من الجهات بزوج وناض هزني وبقا يدور بيا وأنا معنقاه وكانضحك...حمق هذا يالاه خرج من الحبس غا الصباح ودغيا دار ليا فيلم هندي..عندو كلشي خف من البرق..
أنا: (مزال هازني وكايضور بيا) أسااااد واش مازربتيش
أسد: أنا راه ماكرهتش كون طلبت منك الزواج قدام الحبس غا حشمت
أنا: هبطني هبطني بعدا...
أسد: (هبطني)
أنا: (كانخنزر فيه) اش هاد الطريقة باش جبتيني ومالقيتي غير هاد لبلاصة للي عشت فيها أخيب ذكرى
أسد: أنا بغيت نطلب منك الزواج بطريقة مميزة وفمكان مميز خلينا من المطاعم ولبحر وداكشي
أنا: دبا حبنا حب وسط الدماء😒
أسد: ومالكي تكذبي ..ياك من نهار عرفتك وحنا غا وسط الدم هههه وحتى نهار لقيتك هنا لقيتك غارقة فدماياتك
أنا: صافي صافي بلاما تفكرني
أسد: أنا فرحان حيت قبلتي تكوني مراتي..كانواعدك أنني غانعوضك على أي حاجة خايبة دوزتي فحياتك ا حبيبي
أنا: حتى أنا غاندير كل مافجهدي باش نكون ليك أحسن زوجة
باس ليا أسد راسي وعنقني..بقينا شوية وهو يجي لينا الشيفور وصلنا للدار لقيناهم مجموعين وخبرناهم بللي صافي تافقنا على الزواج..وريتهم الخاتم وعجبهم بزاف كان خفيف وزوين
سهام: الله على فرحة دبا مابقى لينا غير نرجعو للمغرب باش نديرو شي عراسية
أسد: وا ثلاااتة لعراسيات
سهام: علاش ثلاتة
أسد: أنا وأسماء..كرزة وأسامة..و شيماء وحسام
سهام: كيفاااااش؟؟؟
أسد: اه ا ماما..حسام كايبغي شيماء وراه هضر معايا فهاد الموضوع..وكانظن حتى شيماء موافقة😉
سهام:(شافت فشيماء) واش بصح هادشي؟
شيماء : (بخجل) اه ا ماما
سهام: اياااااه وأنا آخر من يعلم ايوا الله يرضي عليكم ا وليداتي
شيماء: وصافي ا ماما.. اجي معايا نعاود ليك..
شيماء جرات ماماها بخجل وداتها تعاود ليها وأنا بقيت مع أسد وكرزة..غمزني أسد ودارليا حركة بعينيه باش نشدو فكرزة..مشينا شديناها وجريناها للصالون وحطينيها وسطنا😂

كرزة: 😱 ها مالكم
أسد: عاودي لينا كيفاش حتى طيحتي أسامة فشباكك هااا دوي😉
كرزة: ايوا كيما كاتعرفو أنا زينة وكانضرب اللبس ولميني ايوا صافي تزعط السيد ماشي لخاطرو
أنا: 😂😂😂😂😂😂
أسد: أهاه وكليتو شي حلوة ولا والو
أنا: أسد 😨
كرزة: امالكي مصدومة ويلي عادي كوني كول... ايوا اش نقولك دبا النهار الأول دفعت كبير مانكذبش عليكم ولكن من بعد كنت مشيت ولقيتو خارج من الدوش و....
أسد: هيه هيه هيه اش هاد لبسالة ياكما درتيها بصح..بنتي ليا ضسرتي واقيلة تواحشتي لعصا
كرزة: ولكن راه نتا للي...
أسد: ماتجاوبيش معايا..بسالة كيدايرة
ناض أسد جمع لوقفة..غمزني وضحك ومشا طلع لبيتو وخلا كرزة وجها صفر ماعرفات باش تبلات
أنا: وييييييع وااااا هههههههههخخخخخخخخخ
كرزة: كاضحكي ا بزازل الكلبة (تحية لشيماء😂) ولكن انا للي حمارة دايرة فيكم راسي يخخخ وليت على آخر يامي نتقمع
أنا: الصراحة هو للي كايعرف ليك..اجي شفتو يضور يضور يقولك واش تواحشتي لعصا واش كان كايعصيك
كرزة: 😒 اه....كنت ضاسرة عليه فالأول وواحد المرة شدني سلخني بقا عليا غا للطرمة حتى 3 أيام مابقيت قادة نجلس على قاعي😢
أنا: وااااااا ههههههههههههههه لا بزاف ولاهيلة الله يعطيه الصحة حبيبي ديالي كاينتاقم ليا منك
كرزة: (كاتعيب فيا) حبيبي ديالي ... ايوا هاكي (عطاتني الصبع) حاشة صبعي...حبيبك حتى يضرب ليك شي كوية عاد سميه حبيبي (كاتعوج)
أنا: قودتيها ابنت العبد هانا دبا غانوض نقوليه هادشي للي قلتي
كرزة: اه سيري قولي ليه كرزة قالت ليا خصك حتى تكويني عاد تولي حبيبي
أنا: 😳😨
كرزة: يالاه نوضي 😈
أنا: (تحطمت) تفووو على بنت
كرزة: دوري تقودي خليني نمشي ندوش راه ريحتي عطات
أنا: سيري الخانزة
مشيت جلست فالجردة وبقيت كانهضر مع ماما فالتيليفون ونعاود ليها كاع داكشي للي طرا معايا حتى ظلام الحال وتجمعنا على لعشا.. عرفت أن شيماء صافي تافقات هي وماماها هلى موضوع زواجها وعاود لينا أسد بللي هو من شحال هادي وهو عارف أن حسام كاتعجبو شيماء وان شاء الله غايجي يخطبها مللي نرجعو.. تمنينا لبعضياتنا ليلة سعيدة وكل واحد مشا لبيتو..تكيت فبلاصتي وبقيت كانشوف فخاتمي حتى داني النعاس..

#في_المغرب:
أنا: ماما ماشي معيق بزاف هاد التاج
نجمة: اويييييلي على معيق راه ليوم لملاك ديالك خاصك تكوني نتي الأميرة
أنا: ماعنديش مع هادشي تقيل بزاف وموحال نعجب أسد
كرزة: غاحشمت نقلز ليك قدام ماماك..دبا سدي فمك خليني نعاود ليك لعكر كاع كليتيه
شيماء: خالتي نجمة صباطها فالماريو ياك
نجمة: اه ا بنتي جيبيه ليها دغيا...
دازو 4 أيام باش جينا للمغرب ودغيا زربو عليا فهاد الزواج ههههه ليوم لملاك أي خطبة وعقد فنفس النهار..ليوم غاتولي سميتي هي سمية حبيبي أسد للي يضور يضور ويتحلف عليا😒 كلشي واجد لتحت والناس وصلو..على ماقالتلي ماما أن الحضور قليل جاو غير شي ناس من عائلة مدام سهام و من عائلتي حضرو بنات خالتي للي ماتت..شاداني الخلعة وحاسة بتوثر كبير لكن ماباغاش نبين..لبست قفطان فلباج مخيط بالقهوي..معري من لكتاف وبأكمام مشبكة..شعري درت ليه مشيطة مطلوقة جنب وماكياج ثقيل شوية فلون القفطان عاد التاج والأكسسوارات للي قنطوني ولكن الصبر هادشي لابد منو..صافي وجدت وساليت وهوما يقولولي أنه خاصني نزل..بدات دقات قلبي كاتسارع..هابطة ومنزليني ماما وشيماء وكرزة للي كاتبرح بالصلاة والسلام..مشينا للصالون فين كاين لعدول..وهو يتعرض لينا أسد للي كان لابس جابادور فالأسود مخيطة بالأصفر ومطراسي اللحية ومطلع الشعر أنا صافي كنت غانحوال..شد ليا فيدي وباسني فجبهتي قدام الناس وكملنا الطريق حتال فين غانجلسو..جا لعدول وسولنا واش قابلين جاوبناه قبل مايكمل هضرتو ههه بقا كايبتاسم وعطانا العقد وقعنا عليه وعينينا كايلمعو بالفرحة..غير سنينا بدات الصلاة والسلام وكرزة جابت لينا لخواتم ركبناهم وبدات الموسيقى للي كانت أندلوسية..بداو يجيو الناس يباركو لينا ويتمناو لينا حياة سعيدة..
أسد: (فوذني) واش صافي دبا وليتي ديالي بوحدي؟
أنا: (ضحكت بخجل وهزيت راسي بالايجاب)
أسد: بففف ايمتا غاتسالي هاد الحفلة..غانعيط لكرزة تقوليهم باش يحطو ليهم الماكلة دغيا ويمشيو لديورهم راه تعطلو
أنا: 😒
أسد: (ربع يديه) اووف هاهو ساكت
أنا: 😂😂😂😂😂
بقينا جالسين والناس ضايرين بينا ها للي كايشوف فينا ها للي كايهضر ها للي كايتصور حتى وصلات الماكلة للي كانت فالبيفي بداو الناس ينوضو ياكلو وحتى حنا نضنا..بقات ديك الحفلة تال الليل عاد بداو الناس يمشيو أما بنات خالتي فشداتهم ماما يباتو تال غدا حيت ماعندهمش الطوموبيل فاش يمشيو تال كازا..طلعت لبيتي حيدت عليا داك القفطان وفكيت شعري ومسحت الماكياج..لبست بيجامة قصيرة فالأحمر وتلاحيت فناموسيتي نرتاح حتى شفت لباب تحل ودخل منو أسد لابس تيشورط بيض وشورط أزرق..
أسد:(تلاح حدايا) ناري تانتي عييتي بديك الجلسة ياك
أنا: واييه مانعرف اش غانديرو نهار العرس
أسد: ممم العرس مزال ليه سيمانة قلنا ياك..أسماء عندي فكرة وبغيت نعرف رأيك فيها
أنا: أما هي
أسد: أجي عندي بعدا (تكاني على صدرو) اش بان ليك نديرو مفاجأة لكرزة وأسامة
أنا: اشمن مفاجئة
أسد: نهار عرسنا نجيبو ليهم لعدول ونزوجوهم ونفرحو مجموعين
أنا: (قفزت) فكرة واااااعرة غايكون نهار مميز
أسد: آري بوسة عليها بعدا
أنا: (بستو من فمو) موااح
أسد: ولكن مفاجئة مايعرفو حتال اخر لحظة😉
أنا: اه اه😈😈

بقينا أنا وأسد نفصلو ونخيطو حتى دانا النعاس وحنا فحضن بعضياتنا حتى صبح الصباح
#في_الصباح:
أسد: أسومتي (كايلعب فشعري وأنا مزال على صدرو)
أنا: مممممم
أسد: خصني نوض ماتنسايش راه ليوم حسام غايجيب واليديه باش يخطبو شيماء
أنا: لا لا ماناسياش..حنا درنا معاه بللي يجي مورا نهار عقدنا نيشان..خصني نوض نيت يالاه نوقف مع شيماء كيما وقفات معايا
أسد: مغاتكونش شي حاجة غير عائلتو وحنا صافي
أنا: اه
أسد: باسني فراسي...هانا مشيت..نتلاقاو عشية
أنا: وخا حبيبي
مشا أسد وأنا نضت ندوش..الصراحة ولا كايحمقني ماشي غا كانبغيه...وخا مراتو ماقربش ليا وخا بتنا فنفس لبلاصة..حيت قبل نهار العقد قلت ليه أنني باغا ندوز كلشي بحلاوتو أي حتال ليلة الدخلة ونسلمو نفسي برضاي التام ووافق بلاما يعذبني وخا هو عقليتو أوربية وماكايتسوقش لهادشي ولكن كايديرلي خاطري فللي بغيت..
دوشت ولبست قويميجة مشبكة فلبيض معرية من لكتاف مع سروال بيض وصندالة فلبيض..عروسة زعمة هههههه طلقت شعري ودرت ماكياج خفيف ونزلت لتحت..
سهام: أسماء.. اجي اجي
مشيت عندهم لقيتهم مجموعين فالصالون..مدام سهام أولا نولي نقول خالتي سهام..شيماء كرزة وماما..
أنا: هانا
شيماء: لميمة قولي ايناهو للي حسن واش هاد القفطان لكرونة ولا لبيض..
أنا: اري نشوف..مممم عجبني لكرونة كثر
شيماء: ايوا الله يجيب من يقول الحق..صافي هو للي غانلبس
كرزة: (كاتعوج فمها) ايه تلاقيتو😏 اش كاتعرفو اش اش
سهام: وصافي ا كرزة بلاما ديري ليهم لعصا فالرويضة عيقتي..
نجمة: كبيدتي تبعيني للكوزينة تفطري
أنا: وخا ا ماما
مشيت فطرت وطلعت نتسلت جمعت خالتي سهام وشيماء وعلمتهم بالخطة للي قتارحنا أنا وأسد وعجباتهم بزاف وبدينا نخططو كيفاش نفدوها..دوزنا النهار فالتوجاد حتال الليل...وصلو عائلة حسام للي ستقبلناهم أنا وخالتي وأسد فالباب..أنا لبست فراشة خطيرة فالأزرق ملكي كلها أحجار ومفرفرة وطلقت شعري درت ليه بوكلي. مع ماكياج خفيف..أسد كان لابس لباس رسمي فلبلو مارين ومدام سهام كانت لابسة قفطان خفيف فلباج مع مشيطة راقية..كان حسام منور وحتى عائلتو باينين ناس راقيين..دخلو وستقبلناهم فالصالون..طلعت عند شيماء للي كاترعد بالخلعة..جات فنة بلكرونة..طالقة شعرها سامبل ودايرة خيط الروح فجبهتها بانت أميرة..مع ماكياج خفيف للي حافظ على براءة وجهها..أما كرزة فلابسة تكشيطة فالسومو وضور كي نكافة😂
أنا: شيماء واجدة..راه جاو
شيماء: قيسي يدي (شدات فيا كاترعد) ناري غانسخف
أنا: اوبييلي تهدني ياك غا حبيبك وعائلتو..باين عليهم ضريفين
شيماء: الله يدوز كلشي على خير..
بقينا جالسين معاها حتى عيطو لينا وهبطنا عندهم..غير شافوها بغاو يحماقو عليها وقالو أنها دخلات لخاطرهم..طلبو يدها من خالتي وأسد للي وافقو بكل رحابة صدر وطلبو رأيها حتى هي للي بدورها وافقات..قرينا الفاتحة وحددنا موعد العرس للي غايكون بعد 3 أشهر..ركبو لخواتم ديال الخطوبة على نغمات تبراح كرزة بالصلاة والسلام..بقينا مجمعين حتى وجد لعشا وتعشينا..كانو ناس فشكل وكايدخلو للقلب..ودعونا ومشاو مع التأكيد على التواصل الدائم مع خالتي حول التحضيرات المقبلة..
سهام: هااا هي خطبة شيماء ودازت..ودبا خاص نتفرغو هاد السيمانة للتوجاد دالعرس راه مزال مادرنا والو..
أسد: ماما بلاما تكلفي صحتك بزاف راه غاتكون غا شي حاجة بسيطة ياك ا أسماء
أنا: اه اه بلاما تعذبي معانا ا خالتي
سهام: سكتو قالاك علاه شحال عندي من أسماء وأسد.. المهم كيفما قررنا قبل أن العرس غايكون فالجردة حدا لابيسين..هضرنا مع النكافة و درنا رونديفو مع ل beauty center وعلمنا حتى الطريطور والناس دالموسيقى وداكشي و...
أسد: 😨 ايمتا درتي هادشي كامل
سهام: الانترنت ا وليدي الانترنت😉
أسد: بشاااخ وقالت ليك مزال مادرنا والو هههههههه
سهام: وا خصني نوقف على داكشي بيدي..المهم نوضو ترتاحو راه فات الحال
مشينا كل واحد لبيتو يرتاح ويفكر فبلاناتو..هاد السيمانة كلها أفراح دازت وغادوز عندنا فهاد لفيلا...الله يدوز كلشي على خير ياربي😍

دازت السيمانة طايرة فالتوجاد ديال العرس..بالنسبة لكرزة راه فينما مشيت وشنو ما درت كاديرو معايا بحجة راها صاحبتي ورفيقتي..مشينا للحمام التركي بزوج ولسونطر بيوتي درنا لاسيغ بزوج...وحتى لحوايج كانشريو ليا وليها وهي مافخبارهاش بللي كانوجدوها حيت عروسة..وأسد حجز 2 غرف فالأوطيل للي غاندوزو فيه ليلتنا بعد العرس هههه المهم كلشي تشاركاتو معايا هاد المسخوطة..عرضنا على الناس للي هوما عائلة خالتي سهام وبنات خالتي وأصدقاء أسد فالشركة..المهم داكشي خفيف ضريف..كانهضر معاكم دبا وأنا فطريقي ل beauty center باش نبدا فالشعر والماكياج حيث مزال غير 3 ساعات على بداية العرس..
أنا: نتي شنو غاتصايبي
كرزة: غير بوكلي وماكياج كيف العادة..
أنا: لا لا صايبي شي مشيطة تجيك زوينة
كرزة: لا لا حيدي عليا..
أنا: نوصلو ويكون خير
كرزة: شفتك نتي وأسد بعاد على بعضياتكم هاد السيمانة واش هاداك خوك ولا راجلك
أنا: (بصوت منخفض) سكتي غايسمعك الشيفور...راه مبرزط مع الشركة حيت راه عام وهو بعيد عليها..وعاد أنا خليتو يواعدني مايقيسنيش تال ليلة عرسنا..
كرزة: قودتيها...ليوم يفدي فيك لقديم والجديد أنا بعدا خايفة عليك ا بب
أنا: هادي هي الصحبة بلاصة ماتوقفي معايا باغا تخلعيني..ايوا ا لالة خليه يفدي ياك غا راجلي😍
كرزة: هاي هاي على بنت لحرام مشيتي بعيد..ايوا بصحتك كيتي أاااانا
أنا: (ابتسامة)
وصلنا لمركز التجميل..كنت ديجا دايرة لاسيغ بعد الحمام تركي لبارح..عاودو غسلولي شعري وبداو فيه أما كرزة فحنا ديجا متافقين معاهم يقادوها على أساس عروسة..صايبو ليا مشطة خطيرة ومع شعري طويل بانت واعرة..صايبو ليا ضفاري وصبغوهم عاد دازو لوجه..دارولي ماكياج بدلني 180 درجة أخطر ماكياج درت فحياتي بقيت غا حالة فمي فلمراية..عاد جات النكافة تما ولبسوني التكشيطة البيضة وليزاكسيسوار ديالها..كلشي بقا عليا تبارك الله تبارك الله..مللي ساليت جات كرزة دايرة مشطة دلعروسة وماكياج زوين بانت فنة..وحتى هي لبسوها تكشيطة فالباج كاتهبل..
كرزة: اويلي لاش كانلبس معاك مافهمت والو
أنا: سكتينا الى هضرت بزاف غاناكل لعكر
كرزة: (عطاتني الصبع) هاكي..عروسة ديال عشرة دريال
وا عطاتني الصبع قدام الناس أنا حشمت وهي ماحشمات..بقينا شوية وحنا نسمعو لكلاكصونات برا والحيحة عرفناهم وصلو..دارولي شبيكة على وجهي وعاونوني نخرج برا..يا إلهي واش داني نخرج..ماهذا التوت البري يا أمي😍 أسد واقف حدا ليموزين فالأبيض..لابس بدلة فالأسود مع قميجة بيضة وبابيون حمرة..نقص شعرو من الجناب شوية وخلا الفوقاني طويل بحال ديما ومرجعو للور..وعاد اللحية والسنينات والخاتم دالزواج مايمكنش هاد الخير كلو ديالي اححح قلبي❤ غير شافني جا عندي بالزربة شد يدي وباسها ولكوافورات غا حالين فمهم..هز ليا لغطا على وجهي وبقا كايشوف فيا مطولا وهو يجرني لصدرو وعنقني..جاتني البكية وبقيت كانحبسها باش مانخسرش الماكياج..معنقني وقلبو كايضرب أنا كنت فانحماق فديك اللحظة..
أسد: ماعرفت مانقول والله..غانختاصر كاع هادشي للي كانحس بيه دبا فكلمة كانبغيك..(باسلي راسي) اجي معايا..
رجع غطا ليا وجهي وشد فيدي وداني للطوموبيل..طلعنا وهوما يتبعونا أسامة وكرزة كايتناكرو ركبو قبالتنا..
كرزة: يا شوهتي يااااا ويلي واش أنا عروسة ومافخباريش ويلي رديتيني ضحكة لا دبا أنا ضحكة..
أسامة: ايه عطيني..نستاهل
أسد: كرزة حنا باغيين نديرو ليك مفاجئة زوينة ونتي جالسة كاتنفخي على السيد واش عندك شي عقل ولا والو..لمخيرة فهادوك للي تما حسداتك على ديك اللحظة اشمن رديناك ضحكة
كرزة: 😕...(شافت فأسامة بنص عين) واش ليوم عرسنا بصح
أسامة: 😒 أنا للي مانسواش جاي ليك قدام الصالون وفرحان بيك
كرزة: وصافي صافي😍 ناري ا أسماء عاد عقت بيك...شكرا على المفاجئة
أسد: يالاه ضحكو نشوف
أسامة وكرزة: (بتاسمو بخجل)😍

الطريق كاملة وأنا وحبيبي مشادين باليدين وساكتين حتى وصلنا للفيلا..غير نزلنا بداو الدقة المراكشية والناس برا كايشطحو..تشادينا ودخلنا تحت عدسات الكاميرات..توجهنا للجردة نيشان فين كانت البرزة والطوابل ديال المدعوين..وكانت حتى برزة جنبنا ديال كرزة وأسامة..لكن صغر من ديالنا شوية..جلسنا ب4 وجا لعدول عندهم كتبو العقد ديالهم عاد بدات أجواء العرس..حاسة بكاع الناس كاتشوف فيا كنت متوثرة حتى جات ماما باست لينا راسنا أنا وأسد كانت كاتبان غزالة مع التكشيطة فالموف وماكياج خفيف وحتى خالتي سهام جات كاتحمق وغير دور وترحب بالناس ودير الصواب..شيماء لابسة تكشيطة فالغوز بارد وواقفة مع حسام كايهضرو ويضحكو كايبانو غزالين..المهم بدلت بتكشيطة فالأزرق ملكي ومن موراها لبست الشمالية كون عائلة أسد شمالين وعلى أنغام شمالية هزوني فالعمارية ..كرزة لبسات الغوز والأخضر وهزوها حتى هي فالعمارية مللي كانو كايضورو بيا..دازو أجواء زوينين وعاد الماكلة للي كانت أنواع وأشكال..حتا حنا كلينا فطابلة عائلية فيها أنا وأسد..كرزة وأسامة..ماما وخالتي سهام..شيماء وحسام...أنا كاناكل وخايفة على لعكر وحشمانة أما كرزة كاتاكل عادي بحال للي موالفة تحت شعار كرشي سر سعادتي😂 بعد لعشا مشينا باش نلبسو لاغوب.. لبسوني لاغوب للي ختاريت أنا وخالتي سهام قبل العرس..شريتها ماشي ديال النكافة..كانت لاصقة من لفوق ومعرية من جهة الصدر والضهر ومنفوووووخة من لتحت وفيها صميطات تحت لكتاف..فكو ليا المشطة وطلقو ليا شعري على راحتو مع تاج كلو ورد بيض كايجي ضاير على الشعر..كرزة لاغوب ديالها كانت لاصقة وقصيرة فوق الركبة..هزينا الورد بزوج..جا أسامة شد فكرزة وخرجو وأنا بقيت كانتسنى أسد..جا دخل وعينيه ولاو هاكا😍 ههههه
أسد: لا بزاف عليا هادشي ا حبيبي مابقيتش قاد نصبر
أنا: ويلي سكت دبا يسمعوك..
أسد: مالي اش قلت..زايدون نتي مراتي وأميرتي..
جا أسد بدا يقرب ليا وحط شفايفو على شفايفي وبدا يبوس ويجر ويحط يديه على لبلاصة لعريانة فصدري حتى دخلات علينا النكافة..تصدمات ماعرفات دخل ماعرفات تخرج..أسد حشم ومشا وقف حدا لباب وفمو كامل عكر هههههه جابت النكافة لعكر وعاودات عكرات ليا وأنا غانطرطق بالحشمة..عاد داتني جيهتو وطلبات مني نشد فيديه وخرجنا..بدينا نتمشاو حدا لابيسين وأنظار الناس علينا حتى وصلنا لوسط وبدات الأنغام الرومانسية..حط أسد يد على خصري ويد شد بيها يدي وأنا حطيت يدي على كتفو وبدينا كانشطحو وكذلك كرزة وأسامة وشيماء وحسام وكاع الحضور لمتزوجين..سالينا وتاجهنا جهة لكاطو للي كان مكون من 7 طبقات..قطعناه مع الصور..صافي وبهذا غانكونو ختمنا حفل الزفاف..جات عندي شيماء ولبنات يسلمو عليا ونضحكو حتى بان واحد داطاشو على واحد الحيط فيه تصويرتي أنا وأسد ناعسين معانقين فلابيسين (كرزة للي صوراتهم داك النهار وعطاتها لأسد من بعد) شوية سمعت صوت رجولي كايغني بالانجليزية ضرت لقيتو أسد..عينيا غرغرو وسديت فمي بالفرحة
أسد: hey baby when we are together..doing things that we love..every time u near i feel like im in heaven..feeling high..i don't want to let go girl...i nust need u to know girl...
بقا كايغني وأنا دموعي مابغاوش يحبسو حتى سالا وهو يقولي بصوت هادئ "أسماء..كانبغيك" بداو الناس كايصفقو بحرارة..وأنا حيدت صباط الطالون وهزيت على كسوتي ومشيت نجري عندو وحتا هو شافني وجا يجري حتى تلاحينا فبعضياتنا وهزني وبقينا معانقين والناس كلهم بداو يبكيو ههههه حتى النكافة خنونتها سالت..حطي وباسني من حنكي وقاليا i love u my Queen👑..سالا لعرس وخرجنا قدام لفيلا باش نمشيو للأوطيل فين حجز أسد..لحت لورد مورايا شداتو شيماء وهو يغمزها حسام هههه سلمت عليهم وعنقت ماما وطلعت فلليموزين وطلع حدايا my king..وحتى كرزة وأسامة طلعو وتحركنا..تكيت لأسد على كتفو وهو كايلعب بخصلات شعري أما لوخرين غا جالسين ويفرنسو😂

وصلنا للأوطيل للي كان راااقي 5 نجوم..رحبو بينا فالباب وباركو لينا..خلينا كرزة وأسامة وطلعنا أنا وأسد للسويت ماشي غرفة..غير حل الباب هو يهزني وبدا يضور بيا حتى دخت..
أسد: (حطني) 😈😈😈
أنا: مالك خرجو ليك لكرون
أسد: دبا تعرفي علاش..
بدا كيقرب لجيهتي بخطوات ثقيلة نوعا ما وأنا عينيا مركزين على فمو و عينيه و هو كيبتاسم ليا ابتسامة جانبية دوخاتني ... شد ليا يدي باسها بوسة حنينة طلعات معايا التبوريشة ..عاد طلع راسو لشفايفي جر الشنوفة لتحتانية يلاه بدا كيمص فيها و يجبد و انا ندفعو..
أسد:حبيبتي مالكي
انا:ب..بغيت ... ندخل للدوش
أسد:هههه اوكي خودي راحتك
دخلت للدوش و انا كانتعتر ف لاغوب و جارة الفاليز ديالي للي لقيتها محطوطة تما .... كان حمام كيحمق كيتوسطو جاكوزي كبير معمر بالما و فوقو ورد حمر و داير بيه الشمع و فالحيط لي حدا الباب مراية كبيرة فيها رسمة فالجناب عطاتها رونق خاص ... درت يديا ورا ضهري باش نحل السنسلة ديال لاغوب لكن تعكسات ليا
انا:اووف اش هادشي ...... يالاااه تحلي ماشي وقتك دابا .... بقيت كنجر و نعاود و ديك السنسلة حلفات لا تحلات وحلت معاها و مكان عندي تا خيار اخر من غير أسد
أنا:أسد...... أسد ...
أسد:(جاي لجهة الدوش ب خطوات مزروبة )وي حبيبي مالك انا:(حليت الباب) دابا .... هو .... هاديك ..
أسد:هضري مقادة مفهمت والو و ماقلتي حتى جملة كاملة انا:(حناكي بداو كيحمارو و طالعة معايا السخونية اففف على موقف )مبغاتش تحل ليا
أسد:شنو هي ؟
أنا:الكسوة... راه تعكسات ليا السنسلة اللي اللور
أسد:وا قوليها من الصباح....(كيشوف فيا )شفتي كون مهربتيش للحمام كاع ماكانت غتعدبك كون انا حليتها
أنا:أسد ههههه باراكا .... (عطيتو ب ضهري و جمعت شعري للجنب)حلها عافاك راه صهداتني اصلا
أسد:اوكي حبيبي...(حلها) اهاااااه ... هاهيا تحلات .... (بدا كيتلمس ليا ف ضهري)
انا:شكرا (سديت عليه الباب فوجهو)
أسد:واخا الالة هانتي غاتخلصي
انا:ههههههههه وخا
رجعت للحمام حيدت ليزاكسيسوار لي كنت دايرا حطيتهوم و جمعت شعري كعكة باش ميعدبنيش شللت حالتي بلا منقيس شعري او مكياجي ... نشفت جسمي و خديت كريم بنكهة الفاني دهنت بيه رجليا و لحمي كامل و خديت لبارفان الخاص بالتوتو رشيتو ليه و لبست دو بياس فالحمر مشبكين بينو لاطاي ديالي كتهبل و من فوقهوم شوميز فالكحل مثيييرة بزاف لمعري فيها كثر من المغطي كلشي كيبان هيا اصلا شفافة بزاف و قصيرة .. شعري جمعتو للجنب و طلقتو باش ميغطيش ليا ضهري و صححت مكياجي درت برفاني المفضل Coco chanel لعنقي وبين صدري و بقيت واقفة ورا الباب حتى كنبغي نحلو و كنتردد تاني و نرجع ل بلاصتي حتى جا اسد لجيهة الباب حيت تعطلت
أسد:مراتي الغزالة ساليتي
انا:ممم... اه تقريبا
أسد:أسماء حبيبة غير حلي الباب
انا:(حليت الباب بشوية و عينيا فالارض غير هزيتهوم تصدمت كان لابس شورط قصير و دوك العضلات بارزين و جسمو كيلمع) أسد:(همس ليا ف ودني)سيمانة ونتي مجرجراني وصابر هاه😉 انا:(الصمت)
قرب لوجهي باسني ف حنكي و جرني من الباب ديال الدوش لصقني معا الحيط و بدينا كنتبادلو قبل حنينة فاللول و سرعان ما تحولات ل قبل جامحة كيجر شنايفي و يدخل لسانو معا لساني بطريقة مثيرة انا خاشية صباعي بين خصلات شعرو و كنقربو مني كثر كل واحد منا كيبوس فلاخر بقوة و حب وفنفس الوقت نزل يديه ل صدري كيدوز صباعو على الشبكة ديال السوتيامات . هزني بيد وحدة و يد شاد بيها وجهي كيقربو منو كثر و كثر حطني فوق الناموسية لي كان مكتوب فيها سمياتنا بالورد غير حطني ترون كلشي بقينا على البوسان و حدر ليا السماطي دالشوميز بقات مغطية غير التحت اما الفوق بقاو غير السوتيامات خرج صدري من وسطهوم بلا منحس و يديه كتمشى ف ضهري باش تحلهوم هادشي كامل غير كنحس بيه حيت سادة عينيا . تحلو ليه السوتيان و خرج يدو من تحت ضهري و بقا كيتلمس و يعبز ف صدري و حدر راسو لعنقي كيبوسو و يدوز لسانو على تحت ودني انا صافي دخلت لعالم آخر حسيت بأحساس اكثر من رائع مباغاش يسالي ... نزل شفايفو ل صدري و بقا كيمص و يرضع و انا كنصدر تأوهات لي عاد مكتخليه يجعر..نزل يديه حيد ليا الشوميز و تبعها السليب.. بقاو صباعو كيتلمسو فالتوتو و لسانو فالصرة ديال كرشي شويا حسيت بيه وقف حليت عينيا شوية بان ليا بدا كيحيد الشورط و حتى البوكسور غير شفت العضمة رجعت سديتهوم ب قوة..

أسد:(تحدر لحدا ودنيا)متخافيش احبيبتي كلشي غيدوز مزيان نتي غير ترخاي
انا:(درت ليه اشارة براسي زعما لا)
أسد:ايلى بغيتي نحبسو معنديش مشكل احبيبي
انا: لا (وجهي قاصح ياكو ولكن راه فكرت هادشي تابعني تابعني سوا دابا او غدا اللهم دابا نيت)
رجع ل فمي كيبوس فيه و حتى عنقي و يديه تساراو جسمي كامل حسيت بشي نقيطة هبطات مني و منين هو رجع يديه للتوتو قاسو بداا كايمشي صباعو فيه...أنا صافي شداتني الرعشة وبديت نتنفس بصعوبة..شوية هز ليا رجل فوق كتفو و رجل بقات فالناموسية (وصلنا للمسكي )حسيت ب شي حاجة داخلة معا لحمي فاللول متوعتش غير بدا المعلم كيحفر النفق ديالو حسيت فحال الى كدخل شي حاجة قاصحة بزاف بحالا ممصنوعش من اللحم..و لكن واخا هكاك حبيبي كان حنين كيدخل شويا و يخرج و هو شاد يدي و مزير عليها شويا حسيت ب داكشي ختارق لحمي وأنا نعضو فعنقو بالألم... نزلات معايا شي حاجة عرفتها الدم واخا محسيتش بيها بزاف ولكن كيف نزل الدم اسد مسحو ب زيف بيض حريري و تحدر لحدا راسي باسني و تكا حدايا وتنهد... جرني لصدرو وحاوطني بذراعو وبقا كيبوس ف جبهتي عينيا و يدي و فمي و حناكي ..جر ليزار تغطينا بيه وهو يقول ليا فودنيا
أسد:حبيبتي كنموت عليك
انا:حتى أنا كانبغيك..
#في_الصباح:
فقت وأنا مزال على نفس الوضعية..ناعسة على صدر حبيبي وعريانين فمرة..هزيت عيني كانشوف فيه كان الشعر طايح على وجهو ومخربق وملامحو رجولية وهادئة..بستو فكتفو العاري ونضت كانتسلت هزيت فوطة ودخلت للحمام ..شفت فلمراية لقيت طبيعات زرقين صغار فعنقي وصدري بقيت كانقيسهم ونبتاسم..دوشت وساليت..لويت الفوطة عليا وخرجت لقيت أسد يالاه كايحك فعينيه..
أسد: صباح النور يا نور عويناتي
أنا: صباح الحب😍
أسد: مممم دوشتي بلا بياااا
أنا: وماشي حشومة 🙊
أسد: وي بصح ا ختي..أعوذ بالله لبيك اللهم لبيك
أنا: ههههههههههههههه حمق
أسد: تيتيزة😍 دبا ماغادخليش معايا دوشي ليا راني مزال عيان من لبارح😉
أنا: ماسخ😏
ناض أسد لبس البوكسور ديالو وداز من حدايا خطف بوسة من حنكي وهو كايضحك ويرجع فشعرو للور..دخل للدوش وأنا مشيت جبدت كسوة قصيرة ومفرفرة فالأحمر نص كم لبستها ومشيت نشفت شعري وجمعت بعض الخصلات بقريريصة ودرت ماكياج خفيف ومشيت قاديت لفراش وخبيت المشوار للي فيه الدم حتى سمعت الدقان فالباب مشيت فتحت لقيتهم جابو لينا لفطور دخلوه ويالاه تسد الباب وهو يبدا الدقان ثاني فتحت وهي دخل فيا كرزة طول وعرض..
أنا: اويلي اش جيتي ديري هنا
كرزة: فين أسد؟
أنا: فالحمام..
كرزة: اجي معايا للبالكون (جراتني)
أنا: هانا مالكي
كرزة: ناري ناري ناري ا ختي هاداك خوك صدمني عندو شغل عوازا قلب لديلمي لمعدة..فخبارك مزال مانعست قهرني ا ختي اه اه اه ياربي السلامة..
أنا: هههههههههههه بصحتو😂
كرزة: اجي ونتي كيدازت ليلتك..
أنا: مالك حماقيتي نعاود ليك داكشي راه بين الراجل ومرتو😇
كرزة: اييييه أنا جاية نسرسب ليك كي البقرة ولكن سري (كاتشوف فعنقي) راه باين الشغل بلاما تعاودي
أسد: أسماء؟ أسماء فينك..
أنا: ها..هانا مع كرزة هنا..
أسد: (طل علينا لاوي عليه فوطة) نوضي نتي عند راجلك واش تابعاني تال لهنا
كرزة: (كاتشوف فالعضة للي فعنقو) هاهي غااااادة😨 (هادو كانو كايتكواو ولا كايتحاربو😕)
خرجات كرزة وأنا دخلت للبيت..بغا أسد يبدل وأنا نضور وجهي وهو كايضحك عليا..سالا وجلسنا كانفطرو كايوكلني ونوكلو..والباسل كايعض ليا صباعي ...
أسد: وجدي راسك راه الطيارة عندنا دبا..
أنا: مممم مغانقولوش ليهم بسلامة

أسد: ماغايبقاش لينا الوقت وأصلا حنا غانمشيو غير سيمانة ونرجعو..راك عارفة خصني نعطي جهدي للخدمة فالشركة والفروع للي تابعين ليها..
أنا:(غوبشت) ممم واخا..
ناض أسد لبس حوايجو وأنا لبست صباط وقاديت ليفاليز للي ديجا جامعينهم على ود شهر العسل للي غاندوزوه فميامي😍 هبطنا لتحت وعيطت على كرزة وأسامة جاو سلمو علينا ورجعو لبيتهم..ركبنا فالطوموبيل باش نمشيو فين كاينة طائرة العائلة الخاصة..بقا فيا الحال حيت ماهتمش أنني نقول لماما بسلامة..وصلنا ويالاه غانطلعو..نسمعت ماما وخالتي وشيماء كايعيطو ليا ضرت شفت فأسد بدهشة وهو يغمزني وبتاسم...عرفتو هو للي عيط ليهم..مشيت عندهم عنقتهم وقلت ليهم بسلامة..وحتى أسد سلم عليهم..عاد ركبنا فالطائرة وحلقنا فاتجهاه أسبوع عسلنا😍😍😍
#بعد_خمس_سنوات:
قمر: ماماتي ماماتي عافاك شوفي لآيباد ديالي مالو..
أنا: قمر حبيبتي ماكاتشوفينش كانصحح الفروض..سيري عند لبابا
أسد: اجي اجي ا بنتي شي نهار ماماك غايحمقوها دوك لوراق
هز أسد قمر وتكاها حداه فالناموسية وبدا يصايب ليها للي بغات وأنا جالسة فالمكتب وكانشوف فيهم...بعد 5 سنوات من زواجنا للي ماتخليتش فيها على قرايتي...وليت أستاذة اللغة الإنجليزية فمركز اللغات..الصراحة ماخداماش على ود الجانب المادي حيت أسد من أغنياء لمدينة انما حيت كاتحمقني خدمتي وأسد ماعارضنيش بالعكس وقف معايا فأي خطوة حتى وصلت لهدفي....قمر بنتي هي ثمرة حبنا فعمرها 4 سنوات لكن مطورة وعفيريتة...شعرها بحال شعري فاللون وطويول والعينين زرقين بحال باها دايرة بحال البيضة لمنقية😍 حاليا مزال ساكنين فطنجة فالفيلا ديالنا أنا وراجلي وبنتي وخالتي سهام وماما...للي كايعتانيو ببنتنا فغيابنا..كرزة وأسامة ساكنين فالدار للي فالجردة ومزال ربي مارزقهمش بوليدات ولكن عايشين فسعادة وخا ديما مناكرين.. شيماء وحسام سكنو فتطوان على حساب خدمة حسام وولدو وليد كايحمق عندو عامين سماوه آدم..أما فوزية وولادها تقطعات علاقتنا معاهم تقريبا حيت مشاو استقرو فأمريكا وكاين تواصل بسيط بين سفيان وأسد مرة مرة...حبي أنا وأسد نهار على نهار كايزيد يكبر..لقيت فيه قمة الاهتمام والإخلاص والحنان وحتى أنا كانعاملو بالمثل وأكثر...
أسد: أسماء سمعي سمعي..
أنا: اشنو..
أسد: قمر قولي ليا ا مشيشتي حب ماما وبابا كيف كان..
قمر: صايب ليا الآيباد ونقول
أسد: مخاصمين
قمر: لاء لاء..حب لماما ولبابا كان حوووب وسطااا الدماااء
أنا وأسد: هههههههههه
نضت تلاحيت حداهم فالناموسية..أنا متكية على يد أسد اليمنى وقمر متكية على يدو اليسرى..باس لينا راسنا بزوج وقالينا كانبغييييكم أميراتي😍👑 ومشات خبيرتي من لواد لواد وأنا بقيت جالسة معاكم يا كرزاات😂😂😂

❤❤❤❤النهااااااااية❤❤❤❤