طلعت للبيت اللي كانعس فيه..بعدما مشات كرزة تخشيت ففراشي وتكمشت كانفكر فكيفاش تعاملو معايا دوك الجوجات..لينا اللي كانت بنت كاتبان كبر مني شوية..شعرها مصبغاه أكاجو وعينيها كحلين وبيضة..ملاميحها زوينين لكن باين فيها السم والتكبر فوجهها..أما ماماها فوزية فكانت عكس مدام سهام كاتبان قبيحة ومتعجرفة..غليظة وكاتلبس داكشي فضفاض وكادير الفولار..هاد العائلة فشكل حاسة بيها مامكتاملاش.. لاحظت أنه مدام سهام ماهضراتش على راجلها ولا حتى على خوه اللي هو عم ولدها وبابات لينا وسفيان..أخت أسد؟ اه كرزة عاوداتلي على أخت أسد اللي كانت اختارت ليها سمية ولكن علاش المدام ماجبداتهاش! قالتلي عايشة أنا وولدي فقط! ممم تقدر تكون تزوجات ومابقاتش ساكنة معاهم بفففف وأنا مالي ومالهم..غمضت عيني وتغطيت حتى داتني عيني ونعست..
#بعد_3ساعات:
أنا: (كانتكسل) ممممممممم شحال فالساعة (شفت فالساعة اللي معلقة) دبا ل 11 ديال الليل جاني الجوع😕 تفكرت الزر..لا لا مالي أنا أميرة نبقا نآمر عليهم يطلعو عندي نوض نهبط راسي ياربي نتصادف مع كرزة..
نضت وأنا شعري محلول ومطلوق وتريكو نازل على كتفي لبست لبانطوفة وخرجت من لبيت كانعرج حتى كانسمع شي صوت جاي من الدروج مشيت كانتسلت بحذر وطليت.. كانت لينا ملاسقة مع شي واحد وكايتباوسو ولكن ماقدرتش نشوف هاد لواحد
لينا: (مغمضة عينيها) مممممم ااااح i love uu baby اوووف ممممم
كانو كايتبادلو لقبل بشراسة وكايعجن ليها فصدرها ويرجع يخشي يدو تحت سروالها ويتلمس مأخرتها وهي لعافية شاعلة فيها وكاتوحوح
انا: (رجعت تخبيت مور الحيط) يخخخخ على سلكوطة تشوف غا راسها عاد تهضر عليا أنا لالاها .. وشكون هاداك اللي جالس كايمرد فيها تما يخ على ماسخين
رجعت لبيتي واضطريت نضغط على الزر حيت ماعندي حتى خيار آخر ودوك لماسخين كالسين فالدروج..
ضغطت الزر وبقيت نتسنا حتى طلعات عندي فاطمة وحلات عليا لباب وهي وجها حمر
فاطمة: نعام ا ندى اش خصك
انا: مالك حمرة واش شفتي شي حاجة ماشي هي هاديك فالدروج (حابسة الضحكة)
فاطمة: ههههههه سكتي سكتي غاتشوينا راه داكشي عندهم عادي
هادي هي طبيعة أسماء قدام الناس صبارة وكاتسكت على حقها ومللي كاتكون بوحدها وتنفارد بنفسها عاد كاتبدا تعاير وتسب اللي خطأ فحقها وظلمها.. هادشي كانت كاديرو حتى مع مي رقية مللي كانت كاتعايرها كانت أسماء كاتجاوبها فنفسها ههه
كرزة: (داخلة تاتعوج وهازة بلاطو) دبا أنا وليت خدامتك ولا شنو
أنا: أنا طلبت من فاطمة ماشي منك
كرزة: ممم راه أنا اللي خديت من عندها لبلاطو باش نجيبو ليك
كرزة: المهم نخليك عينيا كايتسدوا بالنعاس تال غدا ونتلاقاو good night
انا: واخا تصبحي على خير
مشات كرزة وخلاتني كملت لعشا.. فعلا هي اللي رتاحيت ليها بزاف هنا وكانتصرف معاها بطبيعتي
نضت دخلت للدوش وخشيت رجلي فواحد لبلاستيكة باش ماتفزكش وضربتها بواحد التدويشة فاعلة تاركة خرجت من الدوش وأنا نلبس بيجامة فالغوز مغلوق وجمعت شعري كعكة بلاما نشفو وتكيت فبلاصتي
أنا: لحسن حظي أن هاد العائلة مغاربة وكايهدرو معايا بالدارجة اما كون راه بقيت هنا كي الراس لمقطوع ولكن غدا ان شاء الله غانهدر مع مدام سهام ونشوف واش تقدر تعاوني نرجع للمغرب ياااااربي تفرجها عليا.. من بعد الأفكار اللي بقات تديني وتجيبني استسلمت للنوم وانا كلي أمل باش غدا مدام سهام تعاوني وتلقا ليا حل😌
كرزة: ندى ندى وا لخرا واش ناعسة ولا مغيبة
أنا: (سادة عين وحالة عين) مالك ا زمر غابشوية
كرزة: نوضي راه مدام سهام قاتلي نفيقك تهبطي تفطري معانا
هبطنا ولقينا مدام سهام لابسة مونطو فلباج حد الركبة وليبوط طويل وعالي ودايرة لمشيطة بحال ديما..فعلا مرا أنيقة
سهام: يالاه البنات راه تعطلنا
تبعناها لطوموبيل اللي كانت فلأسود واعرة... ركبت أنا والمدام اللور وكرزة ركبات لقدام حدا الشيفور.. بقينا غاديين مسافة وعلى مابان ليا انهم ساكنين فحي راقي بعيد على وسط لمدينة.. بقيت كانطل من الزاج وانا كانشوف فالطريق والبنايات والجو اللي كان فمنتهى الروعة لاا علاقة بكازا (أسماء عمرها خرجات من كازا أصلا) دخلنا وسط لمدينة كان الزحام بززاف والناس غادة وجاية وقليل اللي كايتمشى على رجليه حتى حبسات الطوموبيل قدام واحد المبنى عااااالي بزاف
نزلنا وأنا نقرب لكرزة..
انا: هيه فين حنا
كرزة: فلموووووول اححح قلبي الليلة نتبرعو
تفكرت لمول اللي داتني ليه سكينة فلمغرب وهي تشدني لقفقافة..
دخلنا بثلاتة للمول اللي كان كبيييير وعامر وفيه محالات على الأشكال والألوان
سهام: لبنات أنا غادة عند صاحبتي نقيس شي حوايج كنت موصياهم عليا تمشيو معايا ولا تبغيو ضربو دورة بوحدكم؟
أنا: نمشيو معاك
كرزة:(قرصاتني) لا لا نمشيو نضربو دورة ديك صاحبتك مملة
انا: اااااااي على بنت لحرام.... تبعتها كانعرج وهيا راجعة باللور وكاضحك عليا حتى دخلات فيها واحد لبنت وتعكلو وطاحو حيت بزوج لابسين الطالون.. أنا بديت نخرا بالضحك
انا: ههههههههههههه واااااا ههههههههههههه
البنت: (بالإنجليزية) fuck المعاقة واش ماكاوشوفيش تفو على أشكال
سمعت هاد الصوت برد ليا لما فالركابي حيت كان صوت سكينة اه صوتها عمري نساه ..كانت جالسة فالأرض وعاطياني بالضهر وشعرها الزعر ماخافيش عليا قلبي بدا يضرب بالجهد وعرقت ..شفتها بدات تنوض وانا نتخبا وسط شي حوايج كانو معلقين
كرزة: (ناضت وقفات) انا معاقة يا لقحبة الله يحرق أصل مك ياطاوالة عوراجة
سكينة: سدي فمي ولانعفس عليك نبجغك
كرزة: الى كنتي لالة ومولاتي ديريها..(كاتغوت) ندى .. ندى
كرزة: الله يخليها سلعة لواسعة اللي ولداتك... فين ديك الصكعة ياكما تلفات يا ميمتي
من بعد ماتأكدت ان ديك القتالة مشات خرجت عند كرزة وأنا دايرة لقب على راسي وكانتلفت فجنابي
كرزة: هاا ويلي تي مالك تشوفي فجنابك ياكما سرقتي شي بياسة
انا: لهلا يحييك ... مالكي مع ديك لبنت
كرزة: بنت! هاديك راه طبونها يصطاسيوني فيه رموك قاليك بنت.. هادوك الأشكال أنا اللي عارفاهم .. ماشفتيهاش طيحاتني وسباتني من لفوق اللهم معاقة ولا قحبة
انا: صافي صافي اصاحبتي يالاه نخرجو من هاد المول عافاك
كرزة: اويلي علاش؟ حنا يالاه دخلنا
انا: عافاك اكرزة اول مرة نطلبك عافاك خرجيني من هنا
كرزة: وخا واخا يالاه
بقينا غاديين جيهت لباب وانا مزال دايرة لقب وماكانهزش راسي حيت الى مشات حتى شافتني سكينة غير نشهد على راسي...خرجنا ومشينا وقفنا حدا الطوموبيل...حليت لباب ودخلت جلست عاد تنفست
انا: (كانتنهد) اوووووف الحمد لله
كرزة: ندى مالكي؟
انا: والو غير ماكانرتاحش للبلايص لعامرة
كرزة: حرمتي عليا لخرجة الله ياخد فيك الحق.. هانا غانصوني للمدام نقوليها حنا هنا
انا: شوفي راه مزال مانسيت لعضة ديري عقلك ولا ماغاتعرفي الدقة منين تجيك
الرئيس: بلاما تعلموه حيت الى عرف غايقتلكم كاملين..انا مغانوسخش فيكم يدي ارباعة لمكلخين..انا غانكلف رجالي يقلبو عليها ويجبدوها فينما كانت حيت راه هاد البنت كاتشكل خطر كبير على لمنظمة..عطيوني شي صورة ديالها
جابو لينا العصير والسوندويش لكرزة..بقينا نشربو ونضحكو شي 15 دقيقة حتى سمعت المدام سهام كاتعيط ليا...
انا: نعام اخالتي سهام
سهام: تبعيني...
تبعتها للغرفة ديالها اللي كانت كبيرة وزوينة بزاف كانت فالباج والبني ..غرفة راقية
سهام: تفضلي جلسي
انا: (جلست) شكرا
سهام: المهم راه هضرت مع ولدي أسد على طلبك ومشكيلتك.. وقال بللي صعيب ولكن غايحاول يصايب ليك هوية مزورة وخا هادشي ضد القانون وخطير ولكن أنا طلبتو بزاف حتى قرر هاد القرار وقالي على مسؤوليتك.. وانا ا بنتي عزيتي عليا وبنتيلي بنت الناس عليها قررت نعاونك ودبا هزيت على عاتقي مسؤولية كبيرة وخا نتي رفضتي تعاوديلي قصتك ..
سهام: لا ندى ماغاتبقاش تخرج....(شفت فيها أنا وكرزة بصدمة)
سهام: أسد طلب مني مانخليهاش تخرج وأكد عليا بزاف ماعرفتش علاش
انا: (اويلي هادا مالو معايا...تفكرت سكينة ومجد) اه اه حتى انا ماباغاش نخرج غاخليني هنا
كرزة: يخخ اوكي
خرجت من بيت المدام وانا فرحانة حيت من هنا سيمانة غانرجع للمغرب وفنفس لوقت كانفكر أنه ماعندي فين نمشي حيت مانقدرش نرجع عندي مي رقية...ومستغربة من أسد اللي أكد على ماماه أنها ماتخلينيش نخرج..مابقيت فاهمة والو
خرجت للجردة وكان بدا يظلام الحال جلست بوحدي فواحد الفوتوي على شكل أرجوحة وبقيت كانشوف فلابيسين...
أسد: اش داك لداك لخلا ديك النهار؟ كنت دايز راجع من السفر حتى بنتيلي مرمية فجنب الطريق وهبطت نشوف اش كاين..لقيتك كاترعدي وغايبة على الوعي وحالتك حالة بالدم ..اش وقع !
أنا: (ضرت لقيتو واقف حدايا وكايشوف فالسما ويديه فجيوبو.. لابس كيطمة فلأسود وشعرو مخربق بطريقة مثيرة وريحتو المألوفة سابقاه) والو غير كنت تالفة
أسد: نحتارم راسي؟ شكون اللي خصو يحتارم راسو أنا ولا نتي؟ غادة للخلا يعلم الله شنو كنتي كاديري ومعامن كنتي ههه لعبو فيك حتى عياو ولاحوك ودبا جاية تهضري على الإحترام!
أنا: (دمي بدا يغلي بالأعصاب والدموع تحجرو فعيني ونترت يدو من على وجهي ووقفت) كيفاش تجرأتي تقول عليا هاد الهضرة شنو كايسحاب ليك راسك وفين كاتعرفني باش تحكم عليا هاه؟ ولا غير حيت عندك هاد القصر وهاد الطوموبيلات يمكن ليك تقول اللي بغيتي! وأنا ماطلبتكش وقلت ليك عتقني نتا اللي جبتيني بوحدك تا واحد ماضربك على يدك
أسد: (بسخرية) ههعههههه هاي هاي على ندى العاهرة وااالسانك طول منك
أسد: (وأخيرا) اياااااااه وكاذبة علينا حتى فسميتك ا لالة أسماء..
سهام: أسماااااااء؟
ضرت لقيت مدام سهام وكرزة من مورانا ومصدومين من هضرتي..خنزرت فأسد ومشيت عندهم
أنا: اهئ هئ سمحيلي بززاف راه كذبت عليك غير حيت كنت خايفة
سهام: حرام عليك انا دايراك بحال بنتي ومستاعدة نعاونك فاشما بغيتي ونتي حتى من السمية كاذبة عليا فيها
أنا: عفاك سمحي ليا بزاف مانويتش نكذب عليك ولكن راه مابقيتش كانقدر نتيق فحتى واحد
سهام: قوليلي علاش؟ علاش خايفة هاكا؟ قوليلي ابنتي
أنا: خالتي سهام راه مابغيتش نهضر فداك الموضوع عفاك ماتحرجينيش
أسد: (كايصفق) ههه ماتحرجيهااااااش اماما السيدة راه ماتقدرس تشارك معاك حياتها الحميمية..مرمية فغابة و...
أنا: سكككككت صافي سكت نتوما ماعارفينش شنو وصلني تما أنا كنت تما بين يدين منظمة كاتاجر فالأعضاء البشرية
سهام وكرزة: (سدو فمهم وشهقوا من هول الصدمة)
أنا: اهئ اهئ كنت عايشة فالمغرب وكانو عندي شي مشاكل صعيبة الشي اللي خلاني نهرب من الدار وماكان عندي فين نمشي حيت أنا ماعنديش واليديا وكنت عايشة مع مرا غير مربياني ديك لمرا حاولات تزوجي براجل شارف عليها هربت..وفديك الليلة اهئ اهئ كنت بوحدي فالليل وتلاقيت واحد الدري عاوني..داني لدارو اللي كان ساكن فيها مع ختو عشت معاهم 3 أيام ومن بعد طلب مني الزواج وانا وافقت حيت ماكنتش نقدر نقول لا.. نهار لعقد سنيت على ورقة مكتوبة بالانجليزية..وحيت انا مكانفهمهاش ماعرفتش شنو فيها ودوخوني بالهدرة حتى سنيت ومن بعد اهئ اهئ ضربوني بإبرة خلاتني نفقد الوعي (جلست فالأرض) مللي فقت لقيت راسي معلقة وضايرين بيا (غمضت عيني) ضايرين بيا جثت بشرية خاويين من لداخل حيت ديك المنظمة حيدات أعضائهم
كرزة: ياربي السلااااااااامة😨
سهام: اهئ اهئ اهئ
انا: ولمفاجأة أن دوك لخوت خدامين فيها وهوما اللي كايقتلو الناس الأبرياء وداك العقد كان عقد تنازلي على أعضائي .. كانو غايقتلوني ديك الليلة لكن سمعت أنهم ناقصينهم شي معدات عليها قررو يقتلوني تال الصباح
كرزة: اوااااااه وبقيتي ديك الليلة مع الجثت؟
أنا: اه 😢 كانت أسوأ ليلة فحياتي.. ومللي صبح صباح جاو باش يقتلوني ويدفنو الجثت لكن ختو تعطلات عليهم وانا ستغليت لفرصة وطلبت من داك المجرم يجيبلي الماكلة ومللي جابها فكني وخرج يهضر فالتيلفون وانا قررت انني نحاول نهرب وجاتني فكرة وحدة للي هي نتخشا وسط الجثت ويهزوني معاهم باش يدفنوهم وتما نشوف كيندير نهرب وداكشي اللي درت..
كرزة: يااااااااااع واااااع ناااااااااااااااااري
تخشيت وسط دوك الجثت المعفنة وفعلا هزوني معاهم وداوني بلاما يعيقو بيا وخليت مورايا دوك المجرمين جاهلين بالتقلاب عليا..مللي وصلو لمكان الدفن تسلت من دوك الرجال وهربت وبقيت نجري وسط ديك لغابة حتى دخلات ليا حديدة فرجلي ختارقاتها..(سهام غمضات عينيها) بقيت كانزف بزاف ولكن ماستسلمتش حتى وصلت للشانطي ومن تما غبت على لوعي .. ولكمالة راكم عارفينها😢😢😢😢
سهام: (عنقاتني وكاتبكي) سمحي ليا ابنتي سمحي لينا بزززاف .. كيفاش قدرتي تواجهي هادشي بالفعل نتي بنت قوية من لداخل
كرزة: (معنقاني من رجلي) اهئ اهئ سمحيلي عايرتك وعضيتك 😢😢😢
أسد: (سمع هضرة أسماء كاملة.... ومن بعد خلاهم ومشا بلاما يقول حتى كلمة ومابين حتى تأثر من داكشي اللي عاودات)
أنا: (فنفسي) متكبر تفو على انسان كيداير ماقدر حتى يطلب مني السماحة..من الصباح وهو كايسب فيا ومللي عرف الحقيقة ماكلفش راسو يعتاذر..
سهام: أسماء ..بنتي يالاه لبيتك ترتاحي وكانعاود نعتاذر منك..
حب وسط الدماء الجزء الخامس
محتوى القصة
التنقل بين الأجزاء