بعدما نزلت من العمارة بقيت لثواني واقفة قدام لباب حتى جا عندي رجل كبير فالعمر وباينة الطيبة فوجهو..
الرجل: أهلا بنتي واش نتي للي سكنتي جديدة ليوم
أنا: اه اسيدي أنا😊
الرجل: قوليلي با عبد سلام أنا هو لعساس ديال هاد العمارة..بنتيلي تالفة واش خاصك شي حاجة؟
أنا: متشرفين ...اه بغيت نمشي نتقدا شي حوايج ولكن أنا أول مرة نجي لهاد لمدينة
عبد السلام: واش تقدية ديال الدار ولا حوايج ليك نتي
أنا: بزوج
عبد السلام: وخا تسناي هانا غانعيط على بنتي غزلان تمشي معاك فينما بغيتي
أنا: لا لا بلاما تعذبو راسكم أنا ناخد طاكسي ونمشي
عبد السلام: لا ابنتي نخافك تلفي خليها تمشي معاك ليوم ومللي تعرفي بقاي تمشي بوحدك
أنا: وخا شكرا بزاف وسمحليا....
مشا با عبد السلام دخل لدارو وأنا بقيت قدام لعمارة كانتسناه دازت شي 10 دقائق حتى بانلي جاي مع بنت تكون قدي فلعمر قصر مني شوية وغلض مني ..صابغة شعرها أكاجو ..عينيها كحلين وبشرتها بيضة..المهم زويونة..
غزلان: (بابتسامة) سلام ختي أنا هي غزلان
أنا: سلام أنا أسماء يالاه سكنت هنا ليوم..سمحيلي عذبتك معايا
غزلان: لا لا مكان عندي مايدار هه
عبد السلام: غزلان يالاه سيري مع لبنت وعنداك تفرقي عليها
غزلان: واخا با......بقيت أنا وغزلان كانتسناو طاكسي حتى جا وركبنا...
الطريق كاملة وغزلان كاتهضر ههه مكاتسكتش من الهضرة اللي عرفت أنها كاتقرا فالباك عندها العام الثاني حيت الأول سقطات فيه ....وساكنة هي وماماها وباباها وخوها الصغير فديك لعمارة شي 5 سنين دبا..حسيت من هضرتها أنها كاتحماق على اللبس والماكياج والتصاحيب ههههه لكن على مافهمت أنها ماراضياش على خدمة باها والعيشة اللي عايشاها..اودي أنا ماكرهتش كون غاكانت عندي بحال هاد العائلة..اللهم والديك ولا هاد الحالة اللي فيها أنا..طلبات مني نعاود ليها عليا لكن قلت ليها من بعد ماشي دبا..حيت مابقاتش عندي الثقة فحتى واحد..وصلنا قدام واحد المول ودخلنا كانو فيه الأنواع والأشكال ديال لحوايج
غزلان: نااااري ياختي غانسخف ليك هنا هادشي واااعر
أنا: ههههه يالاه ندخلو نختارو
دخلنا وبقيت نعزل ونقيس..خديت سراول وقوامج وشورطات وصايات وكساوي حيت بدا الصيف يدخل وكانو حوايج صيفية..خديت الصيكان والصبابط والسبرديلات المهم بقيت غاكانهز عاااد تفكرت أنه عندي غير لاكارط اللي عطاني أسد موحال واش يكون فيها فلوس كافية تشريلي هادشي المهم دفعت الجبهة وطلبت منهم يجمعولي كلشي وخرجنا نخلصو..عطيتهم لاكارط وأنا كانضور فعيني..حتى بانولي تخلصو وردوهالي...اففففف الحمد لله ماتشوهتش😂...خرجنا من لمول ومشينا لمرجان شريت المواد الغذائية اللي خاصاني أما لماعن كاينين..مللي سالينا شدينا طاكسي ورجعنا للعمارة..طلعات معايا غزلان باش تهز معايا داكشي
أنا: فالحقيقة أسد دار فيا خير كبير عطاني الدار ولفلوس ماخلانيش ملاوحة فالزنقة لكن خصني نقلب على خدمة مايمكنش نبقا جاسة على لماكلة والنعاس..ولكن فاش غانخدم ماعندي لاديبلوم لامستوى فلقراية لاصنعة لاوالو بففف فلعشية ونسول غزلان الى كانت عارفة شي حاجة......
كملت ماكلتي ومشيت شعلت التلفازة وبقيت مدوزة الوقت بواحد لفيلم تركي حتى جات واحد اللقطة اللي لبطل باس فيها البطلة وأنا نتفكر أسد...كانت أول قبلة ليا هه مافهمتش علاش باسني داك النهار😕 بقيت نتلف فالوقت حتى وصلات لعشية وأنا نصوني لغزلان وطلبت منها طلع عندي...
غزلان: اش حب لخاطر اعوينات لمشة
أنا: هههههههه جديدة هادي.. المهم بغيت نسولك واش كاتعرفي شي بلاصة نقدر نخدم فيها
غزلان: من نيتك؟ أنا نقلب ليك نتي على خدمة😨
أنا: أنا حابسة حد التاسعة وماعندي حتى دبلوم
غزلان: (بصدمة) اوااااه والله مباينة عليك ومنين جاك هادشي
أنا: (خنزرت فيها)
غزلان: هاء سمحيلي .. اش بانلك فلمول اللي كنا فيه الصباح راه باغين لبنات
طلعت لداري ودخلت نيشان بدلت حوايجي ......شعلت التلفازة وبقيت كانفكر فشكون داك الراجل.. واش تابعني ولا غير صدفة..تربى فيا الرعب وليت نخاف من كلشي..لعنت الشيطان ونضت صايبت اللويزة وديتها شربتها فالبالكون حتى جاني النعاس وخا مزال لحال لكن الملل والوحدة اللهم نعس..
***ناضت أسماء فالصباح وتوجهات للمول بدات الخدمة اللي كانت كاتبدا من ل 10 دالصباح تال ل4 دلعشية..كانت كاتخدم من نيتها وكاتهضر مزيان مع الزبائن.....دوزات يومين وتقبلات بعدما عجباتهم خدمتها....
غزلان: أسماااء أسماااء
أنا: أهلا غزالة
غزلان: ياختي من داك النهار مابقيت شفتك واش تقبلتي
أنا: اه راه دوزت معاهم يومين وتقبلت
غزلان: واااااو مبرووووك عليك وكيجاتك الخدمة ؟
أنا: لحد الآن غادة مزيان
غزلان: (كاتبوحط) سيسيم بغيت نطلبك واحد الطليبة وحشمانة منك بززززاف
أيوب: نساي عليا غزلان ولا الزمر أصلا نهار ماكدو أنا جيت على حسابك نتي ولكن هي كاطير دغيا لسقات فيا.. وكانت كاطلب مني نجي عندها هنا وكاتقولي داري مانكرش أن لحلوى ديالها بنينة لكن نتي غاتكوني نيفو طالع
أنا: لهلا يحييك حتى تفكر أنني نبغي واحد بحالك ودبا خرج عليا ولا نعيط ليك على لبوليس
أيوب: (قرب حتى لسق معايا) لكان غير نتي الله يعطيني معاك المؤبد..
بدا كايحل ليا فلحزام ديال لبينوار وأنا ندفعو وسرفقتو ومشيت كانجري لبيتي لكنه كان أسرع ....تبعني وسد لباب
أيوب: مممم بيتك زوين بحالك
أنا: (كانهددو ) شوف حدك تما ولا ....
أيوب: ولا شنو؟ غاتعاودي تصرفقيني...
تلاح عليا حتى طيحني فوق الناموسية وجا فوقي بغا يبوسني لكن كانقاومو بكل قوتي حتى شد ليا يديا بزوج وأنا كانغوت ونبكي حتى سمعت باب لبيت تفرع
أسد: هاداك الحيوان كيفاش تجرأتي تقيسها بربي حتى ليوما نحيدو لمك من الجدر........جا أسد هزو من فوقي وبدا يضرب فيه بالجهالة ماخلا فيه حتى بلاصة صحيحة.. كايضرب ليه راسو مع لحيط ويركلو المهم دكدكو مزيااان... أما أنا فبقيت جامعة رجلي عندي وكانبكي حتى سالا منو أسد وطلب من الراجل للي معاه يخرجو......اه نفس الراجل اللي كان ديما تابعني! إذن أسد اللي مكلفو يحضيني..خرج الراجل وجر معاه داك الكلب وبقيت غير أنا وأسد فلبيت..
أسد: علاش نتي نية هاكا هاه؟ أنا من أول نهار حطيتي رجليك هنا كلفت واحد من رجالي يبقا مراقبك وكانت كاتوصلني جميع تحركاتك..أولا خليتي هاد الزامل يوصلك بالطوموبيل وزايداها كاتعطي السوارت ديال دارك للقحاب يجيو يهزو رجليهم هنا هاه؟ واش عندك شي عقل ولا ماعندكش؟ كان كايوصلني بللي ديك ختنا كاتجيب صحيبها هنا وتبقا معاه حتى كاتقربي تجي نتي.. ونتي كيف لمكلخة اللي جا يديرها بيك؟ ليوم الراجل اللي كايراقبك شافو دخل لكن ليوم الأحد ونتي غاتكوني فالدار عليها علمني وجيت كانجري حيت عرفت غاطرى شي مصيبة هكا ..تخايلي كون ماجيتش شنو كان غايوقع جاوبي؟
بقيت غير حادرة راسي وكانسمع ليه.. كانت يدو كاترعد بالأعصاب..أما أنا فدموعي مبغاوش يحبسو
أسد: نتي نية وبريئة ... واش كايسحاب ليك كاع الناس بحالك؟ شفتي شحال من واحد غدرك (غمض عيني وعاود حلهم) ومنهم أنا؟ أسماء العفوية و البرائة ديالك هوما جمالك الحقيقي لكن هوما أسباب تعاستك..كوني قوية وماتبقايش تيقي
أنا: (الصمت)
أسد: المهم لبسي حوايجك ورتاحي هانا مشيت.. ويلا حتاجيتي شي حاجة راه نمرتي عندك........بدا غادي خارج من لبيت وللحظة وقف وضار شاف فيا...رجع جيهتي وأنا غير كانشوف.. تحنى وباسني بوسة خفيفة فجنب عنقي.. هز عينيه شاف فيا وبتاسم عاد خرج وسد لباب..
أنا بقيت واقفة مبلوكية وحاسة بالسخونية طلعات معايا ..علاش كايتصرف معايا هكا بغيت غير نعرف..جلست فالأرض وأنا كنحاول نرجع اللحضات مللي كان كايضرب فداك لكيدار على ودي ومللي غسل ليا وجهي ومللي كان كايغوت عليا وكايترعد ومللي تعانقنا ومللي باسني من عنقي.. ولكن هاد الأخيرة هي اللي سالات معايا..بتاسمت تلقائيا وحطيت يدي بلاصت لبوسة... احساس عمري حسيتو فحياتي...😍
أنا: هادشي اللي كتاشفت ليوم زاد أكد ليا أنه مكايناش الثقة وكلشي باغي غير مصلاحتو..غزلان اللي كنت كانقول ولات صاحبتي كانت كاتستغلني وتضحك عليا وهادشي ماوقفش هنا بل تطور لدرجة أن صاحبها بغا يتعدى عليا.. ولكن صافي غانسد عليها فمرة باش كل واحد يعرف قيمتو.....كون مكانش أسد اللي مراقبني كون...
أسد الإنسان اللي مابغاش يتفهم ليا مرة ينقذني مرة يعطيني لمجرم مرة يبوسني مرة يخاف عليا مرة يغوت عليا.... كانعيا مانحاول نفهم اش كايضور فراسو لكن كانفشل...
في_اليوم_التالي:
نضت من فراشي دوشت وفطرت.. مشيت للماريو جبدت تيشورط فالأسود ومكتوب بالأبيض مع سروال جينز مقطع من الركبة وسبرديلة فلون التيشورط..جمعت نص شعري ديل حصان والنص اللي لتحت مطلوق درت ميكاب متكون من كريم أساس ايلاينر وماسكارا وعكر فالأحمر ماط..هزيت صاكي وخرجت فاتجاه خدمتي...
غزلان: (فباب العمارة) أسماء ممكن نهضر معاك
أنا: وي بالزربة عفاك
غزلان: سمحيلي ..عاد عرفت اش وقع لبارح راه داك لحمار صونا ليا كايسب ويعاير
أنا: الى كان هو حمار نتي بغلة وماغانسمحش ليك ابنتي ودبا حيدي من قدامي ...اه ويلا وقفتيني مرة أخرى غانمشي نقول لباك هادشي اللي كاديري
غزلان: (الصمت)
خليتها مورايا ومشيت لخدمتي..دوزت النهار فلبوسط ديالي خدامة حتى وصلات 4 ..هزيت صاكي وبغيت نخرج حتى وقفني صوت المشرف على المول..
الرجل: أسماء راه مزال ماساليتي خدمتك
أنا: علاش؟ راه 4 دبا
الرجل: غانسيفطك مع الشيفور للمول الثاني تجيبيلي شي حسابات من تما..الى مكان عندك حتى مشكل طبعا
أنا: وخا ماشي مشكل..
خرجت من لمول ولقيت الشيفور كايتسناني ..ركبت معاه وهوما يدخلو جوج رجال كلسو حدايا ودارولي عصابة على عيني وشدوني مزيان
أنا: طلقوني شكون نتومااا اش هاد التبرهيش
الشيفور: بلاما ضيعي صوتك مغايسمعك حد..
بقيت كانغوت ونعاير وهوما تواحد فيهم مكايجاوبني..الطوموبيل غادة بسرعة وعييت مانتركل لكن كانو حاكميني..
أنا: اهئ اهئ غير قتلوني هنا بلاما توصلوني ليه اهئ اهئ ياربي واش أنا عمري غانعيش حياتي بحال الناس.. واش حياتي ولات فيلم ديال الأكشن....بقينا غاديين مدة عاد حبسات الطوموبيل...صافي سكتت من لبكا وأحاسيسي تجمدو وكاندعي الله مايتحيدش هاد الغطا اللي على عينيا حيت مباغاش نشوف وجه داك المجرم..هبطوني الرجال وبقاو كايتمشاو كانت الرملة بزاف..كانو مزالين شادين فيا حتى وقفنا..كانسمع صوت لبحر والبرد زعزعني..
أنا: فين أنا فين جبتوني.. بقينا واقفين حتى حسيت بيديين كايحلوليا لغطا..بقيت مغمضة عيني واخا تحيد..كان الصمت..تشجعت وحليت عيني حتى كانشوف..
كان شاطئ البحر.... مفرشين فيه زربية كبييرة فوق الرمل..والوسط طابلة كبيرة وطويلة فيها بزاف دالماكلة وgateâu لوسط ..كانو كلهم واقفين مبتاسمين وكايشوفو فيا..وأنا واقفة مصدومة
تقدمت أنا وياها لعندهم.. كانو موجدين ليا مفاجئة لعيد ميلادي اللي أنا براسي معاقلاش عليه وعمري حتافلت بيه
أسد: كانتمنى تكون عجباتك المفاجئة وكانعتاذر على الخوف اللي تسببت ليك فيه
أنا: ماشي مشكل وشكرا بزاف حيت تفكرتوني.. ولكن باش عرفتيه بللي ليوم
أسد: شفتها فلاكارط ديالك
أنا: ااه 😍
فرحت بزاف حيت تفكروني وشفت سميتي فلgateau للحظة حسيت أنهم عائلتي اللي ماعنديش..بعدما هضرت مع مدام سهام وأسد..جاو عندي سفيان وفيرجينيا باركو ليا وعطاوني كادو وجات شيماء أخت أسد حتى هي عنقاتني وعطاتني كادو وحتى الدري اللي كان معاهم واللي قالولي أنه سميتو حسام..كلشي باركلي الا شخص واحد اللي هي كرزة....شفتها بعيدة علينا وقريبة من لما..
هبطت كانجري لشارع شديت طاكسي وطلبت منو يوصلني لداك العنوان..بقيت غادة وكانترعد لكن قلت هاد لمرة خصني نكون قوية ونعتق كرزة..بقينا غاديين طريق طويلة عاد حطني فواحد لخلا وقالي بللي هادي هي لبلاصة..خلصتو ومشا....بقيت واقفة تما كانضور فعيني حتى جاو شي رجال بسيارة كحلة جروني ليها وزادو..نزلنا قدام واحد الدار مصايبة من لخشب وفبلاصة كاتصفر..بقاو دافعيني حتى دخلوني لداخل....شفت راجل جالس وعاطيني بضهرو....ومللي هضر عرفتو بسرعة وماتفاجئتش..
مجد: حبيبة تعطلتي..اوووف واش حتى نخطفو لأقزام ونعطيو للشمايت يهددوك عاد تجي عند راجلك
أنا: فين كرزة ولاش خطفتيها
مجد: (دار عندي) ايوا راه كنت مراقبك كانتسنى لفرصة باش نجيبك عندي لكن داك لحقير تاهو كان مراقبك...و لبارح قتلت داك اللي كان غير تابعك ههههه هنيتك منو....وشفتك مللي كانو محتافلين بيك..لاحظت أنك كاتبغي ديك نص ميترو عليها لويت ليك يدك بيها
أنا: شماتة وغاتبقا ديما شماتة
مجد: (صرفقني حتى طحت) وشكون الراجل؟ هو داك أسد ولا مانعرف..هاداك راه هو رئيس المنظمة..علاش ماكرهتيهش كيما كاتكرهيني
أنا: شوف راه مغانسمحش ليك تعاود معايا نفس لفيلم طلق كرزة وخلينا نمشيو..
مجد: هههههههه شفتك بحالا كاتهضري من نيتك...ديك لقزمة راها لتحت مع لفيران ماعندك ماديري بيها.. نتي دخلي لبيتك الزوين ورتاحي
أنا: شنو باغي من هادشي كامل
مجد: تكوني ديالي....
#عند_أسد:
أسد: واش ماشفتيهاش معاياش خرجات
عبد السلام: لا اولدي أنا يالاه خرجت عاد دابا..
أسد: والراجل اللي كايكون مراقبها ماشفتيهش؟
عبد السلام: من لبارح مبان ليا..
أسد: اوكي شكرا (كايجري وركب فالطوموبيل) فكرة أنني ندير لGPS فسنسلة اللي عطيتها لبارح هي للي غاتنفعني ليوم يمكن...
حدد أسد مكان أسماء من خلال GPS اللي حاطة فعنقها على شكل سنسلة..وقرر أنه يمشي بالزربة بلا الاستعانة برجالو.....بقا غادي متبع الإشارة حتى وصل غير لخلا وتما عرف أن القضية خطيرة..نزل من طوموبيلتو وبدا يقلب بعينيه ..جبد تيليفونو باش يتاصل برجالو حتى نزلات عليه حديدة للراس الشي اللي خلاه طايح غارق فدماياتو...
***************** ************** *********
أنا: بغيت غير نشوفها
مجد: بفففف
جرني مجد حتى هبطني تحت الدار كان الظلام وصوت لفيران كايتسمع مخلط مع صوت أنين ..صوت كايتألم
أنا: كرزة اهئ اهئ كرزة فينك
كرزة: ممممممم ممممممم (فمها مسدود)
شعل مجد الضو اللي كان خفيف... شفت كرزة مربوطة مع كرسي ومضروبة فوجها اللي كان صفر...
مجد: ششششش سكتوني طلعتو ليا فراسي..المهم جيت ندير أنا وياك واحد الإتفاق 😉
أنا: اشمن اتفاق؟
مجد: بغيتك دوزي معايا ليلة مقابل نطلقكم تمشيو ب 3
أسد: الله يحرق أصل والدين مك ا ولد القحبة تفووووووووو على مك
مجد: (ضرب أسد بديريكتا لوجه) باش تعلم تجبد مي على فمك
أنا: أسسسسسد اهئ اهئ
أسد: دبا نتا راجل اللي كاضربني وأنا مربوط..طلقني وتشوف لما نعسك على كرشك الحيوان
مجد: بقا تنبح حتال الصباح (موجه لهضرة ليا) عندك ساعة باش تعطيني قرارك...يا اما تنعسي معايا ولا غاتموتو ب 3
أنا: لاااااااااااا اهئ اهئ اهئ
خرج مجد وزدح مورانا لباب..خلا أسد غارق فدماياتو وأنا غارقة فدموعي أما كرزة فكانت سخفانة كاتحل عينيها غير بزز
أسد: ماديش عليه راه غير خواف ماتفكريش فالموضوع أصلا
أنا: (الصمت)
أسد: (تنهد) يقتلنا وماديريش اللي بغا
أنا: مستحيل ندير داكشي اللي طلب مني
أسد: هكاك نبغيك
أنا: (تكيت عليه) عييت بهاد الجلسة
أسد: صبري... ضروري غانخرجو من هنا...واراه تقلتي عليا
أنا: (نضت) سمحلي ماقصدتش
أسد: غير ضحكت ...رجعي كيما كنتي
أنا: (رجعت) علاش نتا ماشريرش بحالو
أسد: (حط راسو على راسي) طفولتي دوزتها فلقصر اللي هنا فطنجة ..أنا ماما بابا ختي ...عمي ومرات عمي فوزية وولادهم سفيان ولينا......كنا عايشين مزيان حتى بداو شي مشاكل...بابا وعمي قررو أنهم ينقلو عائلتنا تسكن فأمريكا لأسباب مجهولة..
أنا: (مستغربة حيت بدا يعاود ليا) اشمن مشاكل
أسد: كنت صغير شوية مزال مفاهمش.. كملنا حياتنا فأمريكا عادي حتى جا واحد النهار اللي غانسمع فيه ماما كاتغوت مع بابا وعلى مافهمت أنه خدام مع شي منظمة مشبوهة...من داك النهار ولمشاكل مكاتخطاش الدار كان بابا كايعنف ماما ومكانش كايعطينا وقت حتى كبرت أنا وختي...قريت الإقتصاء وادارة الأعمال باش نخدم فالشركة ديال العائلة...حتى للنهار المشؤوم ...نهار غا نكتاشفو أن بابا وعمي ماتوا منتاحرين بزوج
أنا: (شهقت)
أسد: كلنا استغربنا وحزنا بزاف على لموتة اللي ماتوها...دازت أيام لعزو ببكاها وحزنها...ومن تما غايبدا عذابنا...فقنا واحد النهار مالقيناش شيماء فبيتها ولقينا ورقة مكتوب فيها أن هادي ضريبة خيانة الأب ديالي وعمي للمنظمة..ماما كانت غاتحماق يسحاب ليها قتلو ختي وكرهات بابا بزززاف حيت هو سباب هادشي...أما أنا كنت غانتسطى على ختي الوحيدة عييت مانقلب وعلمت لبوليس لكن مالقينا والو......الى أن جاني واحد الاتصال غريب طلب مني المتصل أنني نمشي لشي بلاصة الى بغيت ختي تبقى حية..
أنا: ومشيتي؟
أسد: أكيد وبلا تررد.....مشيت للبلاصة وتلاقيت بالشخص اللي غانكتاشف أنه هو زعيم المنظمة الثالت اللي كان مع بابا وعمي...كان الهدف من اللقاء هو أنه قتارح عليا نولي شريكو فرئاسة المنظمة...منظمة الاتجار فالأعضاء البشرية مقابل حياة ختي...
أنا: (عينيا غرغرو) وقبلتي
أسد: للأسف.. كتاب عليا أنني ندفع ثمن خيانة بابا وعمي حيت هاد الزعيم كتاشف أنهم كايغدروه وكياخدو أرباح كبيرة موراه فقرر أنه حتى هو يلعب موراهم وجمع عليهم أدلة اللي كانت غاتخليهم يموتو شنقا..شي اللي خلاهم يشنقو راسهم براسهم...طمئنيت على ختي اللي كانو مامنقصين عليها والو من غير حريتها.. ومن تما بديت نخدم فالمنظمة...كنت كانساعدهم فالقارارات ونعطي خطط للأطباء والعملاء اللي منهم كاطا وليو ...باش يستدرجو الضحايا...عشت هاد 4 سنين فعذاب كبيير ماكنتش كانقدر نعس..
أنا: وماماك؟
أسد: ماما بعدا كان كايصحاب ليها بللي بابا وعمي خدامين فالمخدرات ماشي فبنادم... وماقلتش ليها شكون خاطف ختي وشنو كاندير على ودها باش مايقتلوهاش..
حب وسط الدماء الجزء الثامن
محتوى القصة
التنقل بين الأجزاء