أسد: هاكا دازت هاد 4 سنين أنا كنت هو رئيس الشركات ديال لعائلة...أما سفيان ولينا فماعندهمش حق كبير حيت عمي كان كايخسر بزاف وبابا اللي بقات عندو سلطة كبيرة واللي ورثتها أنا وختي وماما.....ختي كنت كانطمئن عليها غير مللي كايعطيوها التيليفون مرة فالنهار باش نسول فيها..حاولت وحااااولت أنني نطيح على لبلاصة فين حابسينها لكن مكانت حتى نتيجة..
أنا: (كنشوف فالفراغ) كمل
أسد: (تنهد) حتى غايجي النهار اللي غانلقاك فيه غايبة عن لوعي جنب الطريق...هزيتك وديتك لداري حيت شفت فيك شيماء وتخايلتها بلاصتك..لكن بعدما درت واحد الاجتماع فالمنظمة مع كاطا وليو وماكس..كتاشفت أنك نتي هي البنت الضحية اللي قدرتي أنك تهربي من المستودع اللي كاتم فيه عمليات القتل وانتزاع الأعضاء... وبحكم أن الزعيم الثاني اللي معايا ديما مراقبني فكان أكيد غايعرف أنك عندي فالدار..عقلتي مللي ديتك للبحر واقتارحت عليك أنك تخرجي معايا فالصباح بكري بلا خبار حتى واحد؟
أنا: اه عقلت
أسد: كنت ناوي نرجعك للمنظمة
أنا: (غمضت عيني بألم)
أسد: مكانش عندي حل آخر..حيت كنتي خطر كبير علينا كاملين...
أنا: (الصمت)
أسد: مللي مشينا للمطعم باش نتغداو دخل ليو بالصدفة لنفس المطعم وشافنا بزوج..أنا ديك الساعة حسيت بالخطر وكنت كانتسنى شي حاجة كبيرة توقع لكن التراجع ديالو بلا أي ردة فعل صدمني...وبعد 2 دقايق تاصل بيا فالتيليفون
أسد: فداك الاتصال...عتارف ليا مجد أنه كايبغيك وماغايآديكش... وأنه مستعد يهرب من المنظمة ويديك معاه..كوني رئيس المنظمة فأكيد ماكنتش غانتقبل هضرتو..لكن قالي حاجة اللي خلاتني مبلوكي...
أنا: اش قال
أسد: قالي أنه كايعرف فين حابسين شيماء ختي..ومستاعد أنه يخطفها ليهم ويجيبها ليا مقابل أنني نعطيك ليه وعمري نبان فطريقو..ولكمالة راك عارفاها
أنا: (تفكرت مللي داني لديك لغابة وعطاني لمجد وهو مشا عند ديك البنت وعنقها ....البنت اللي هي ختو)
أسد: بقا فيا لحال بزاف على داكشي اللي درت معاك...بعدما داك هاد الحيوان...حاولت نقلب عليك وكلفت ناس ومنهم حسام اللي كان حاضر فعيد ميلادك باش يقلبو عليك لكن بلا نتيجة..
أنا: فرنسا.....داني لفرنسا
أسد: كنت عارفو أنه غايخوي أمريكا..راه غدر الزعيم وغدر ختو كاطا اللي هي شريكتو فأشد و أبشع أنواع القتل والتعذيب..
أنا: ونتا؟ تانتا هربتي؟
أسد: تا أنا خويت أمريكا أولا باش نبعد على داك العالم ثانيا باش شيماء تنسى داكشي اللي دوزات تما
أنا: والزعيم؟ علاش مانتاقمش منك؟
أسد: كنت داير احتياط لهاد النهار وجامع عليه أدلة حاطها فأيادي ناس موثوقة..فحالة ما حاول يآديني ولا يآدي عائلتي...غايوصل كلشي للشرطة الأمريكية....ماكنتش كانقدر نهددو بيهم فالأول حيت كانت ختي بين يديه...أما مللي خديتها فماعندو منين يشدني...
أنا: بغيت نسولك
أسد: شنو
أنا: كيدرتي حتى طحتي عليا أنا ومجد وعتقتيني مللي كان كايحاول يتزوج بيا؟
أسد: صدفة! داك النهار كنتي فمركز التجميل اللي كاتمشي ليه شيماء ....شافتك كاتبكي وعطاتك تمسحي دموعك...وعقلات عليك وعرفاتك أنك نتي هي أسماء حيت شافتك نهار داك ليو.....علماتني فالتيليفون بسرعة وأنا بدوري كلفت رجالي باش يتبعو سيارتك حتى وصلتي فين غاتزوجي بداك لحمار...وراك عارفة البقية..
أنا: (كانبكي فصمت) شكرا
أسد: علاش شكرا؟
أنا: شكرا حيت عتقتيني من لموت مللي كنت فديك لغابة .... شكرا حيت عرفتيني على عائلتك ...شكرا حيت عتقتيني من مجد وشكرا بزززاف حيت عاودتي ليا هادشي كامل
أسد: وشكرا حيت جيت تخشيت معاك فهاد الغار
أنا: سمحليا بزاف
أسد: عاودت ليك ظروفي باش تسمحلي ليا...حيت يقدر يكون هذا آخر نهار فحياتي ...ليو مريض أ أسماء ونتوقعو منو أي حاجة
كرزة: (فاقت مفزوعة) اويلي على مريض أويلي على اخر نهار فحياتنا
كرزة: بعدما سالات الحفلة هزيت كادوات أسماء وضربتها بجرية للدار مللي طلعت لبيتي جاني اتصال كاتهضر فيه بنت..قالتلي أنها وحدة من الخدم وقالت أن أسماء سخفات ليكم....تخلعت بزاف وهبطت كانجري يالاه بغيت نخرج من باب الجردة حتى حسيت بشي حاجة تحطات على نيفي..ومللي فقت لقيت راسي مربوطة هنا ولفيران كايتزعللو ليا فشعري 😢
مجد: إياااااااااااه واخاااااااااا ايوا تحملو نتيجة هاد الكلمة..
خرج مجد دقيقة ورجع مع شي 4 من رجالو مشاو 2 منهم جهة كرزة ولوخرين بقاو حدا مجد
كرزة: (كاضور فعينيها) أ.أ..أسماء مال هادو
مجد: هادو هوما اللي غاياكلو ليك لحلوة أحبيبة
أسد: أسماء اش واقع؟؟ (أسد مكايشوفش كرزة حيت عاطي وجهو للحيط عكس أسماء اللي كاتشوف باقي الغرفة)
أنا: شي رجال مشاو جهة كرزة ماعرفتش....
مجد: هانتوما غاتعرفو...
عطا مجد إشارة لرجالو....بداو كايحلو رباط كرزة ولاحوها من على الكرسي..تلاح واحد فوقها وبدا يقطع ليها فحوايجها وهي مصدومة كاتغوت وكاتبكي وكاضرب فيه لكن بدون جدوى
أنا: لاااااااااا اش كادير بعد منها الحيوان طلقها....مجد قوليه يطلقها قوليه ينوض عليها
مجد: هههههههههههههههههه الى بغيتي نطلقها خص نديرو أنا وياك بحااالهم لكن بخاطرك...
أنا: والله لاكانت ليك القتال
أسد: (كايغوت حيت فهم اش واقع) واطلقهااااااااااا طلقها الكلب والله وتآديها حتى نقتلك ونشرب من دمك...
خرج داك الراجل وعاود رجع و معاه قرعة وبريكة..بداو لوخرين كايقطعو لأسد فتيشورط حتى عراوه من لفوق...شد مجد لقرعة وشعل فيها لعافية حتى دابت..وبدا كايقطرها لأسد على ضهرو
أنا: لاااااااا حبس اهئ اهئ اش كادير حبس
كان أسد كايغوت على حر جهدو ويسب ويلعن فمجد اللي كان كايضحك ومستمتع بالعذاب اللي كايسبب لينا...
طلب حسام من رجال الشرطة يشدو مجد ورجالو اللي عطاوهم طحنة ديال لعصا...هبطت أنا وياه فين كاين أسد وكرزة وحلينا عليهم..كانو بزوج غايبين على الوعي تاصل حسام بالإسعاف وفكيناهم..حاولنا نفيقوهم لكن كانت حالتهم خايبة بزاف..
بقيت أنا وحسام مع أسد وكرزة حتى جاو الاسعاف..تاصل حسام بالعائلة وطلب منهم يلتاحقو بينا للمستشفى..كانو دموعي شلال وخايفة عليهم بزوج وكانلوم راسي حيث أنا السباب فكاع هادشي اللي وقع ليهم...وصلنا للمستشفى ودخلوهم للمستعجلات..
حسام: (جالس حدايا فالكرسي) لا ا ختي ماتقوليش هاكا هادشي مكتاب عليكم دوزوه وان شاء الله غايرجعو لينا بخير وعلى خير وكانواعدك أنني غانعذب مو هذا اللي دار فيكم هاد الحالة..
بقينا جالسين حتى جات مدام سهام وشيماء وسفيان كايجريو عندنا جلسو كايسولو فيا اش طرا وأنا كانتنخصص ونعاود ليهم شيماء طاحت فالأرض وبدات كاتبكي حتى مشا حسام نوضها وكايواسيها أما مدام سهام فبعدات عليا مللي سمعات هضرتي وبقات كاتبكي فصمت...سفيان نوض الحيحة فالسبيطار كايغوت ويتحلف على الأطباء... بقينا فهاد الجو حتى جا عندنا الطبيب..
الطبيب: المرضى بزوج فقدو الدم بزاف..البنت تعرضات لاغتصاب وحشي أدى الى تضرر الرحم ديالها..أما سي أسد فالضربة اللي عندو فراسو تسببات ليه فنزيف حاد زيادة على الحروق اللي فالجسم ديالو...
سهام: اهئ اهئ عطيوهم الدم ديرو مافجهدكم باش يرجع ليا ولدي (كاتغوت وتندب)
الطبيب: كوني هانية ا لالة البنت لقينا ليها فصيلة الدم ديالها لكن سي أسد مالقيناش..خص شي واحد من عائلتو يتبرع ليه...فصيلة الدم ديالو هي o+
أنا: أنا عندي نفس الفصيلة
سهام: لا....دكتور هاهو ولد عمو سفيان عندو حتى هو o+
سفيان: اه أنا مستعد
الطبيب: اوكي تفضل معايا...
حسيت بللي المدام سهام ماحاملانيش..يمكن حطات عليا اللوم فكاع هادشي اللي وقع وكانظن عندها الحق حيت فطريقي تخطفو أسد وكرزة..عطا سفيان لأسد الدم وطلب منا الطبيب أننا نمشيو حتى يتاصل بينا..
سهام: غير سيرو أنا ماغانتحرك من هنا حتى يفيق ولدي..
شيماء: (جالسة فكرسي سخفانة بكثرة لبكا وحاطة راسها على كتف حسام) حتى أنا مغانمشيش..مستحيل نمشي..
حسام: لا كلكم غاتنوضو تمشيو وغانبقا أنا وسفيان هنا ..ياك ا سفيان
بعد الإصرار ديال حسام وسفيان مشينا أنا وشيماء ومدام سهام من المستشفى..طلبات مني شيماء نمشي معاهم للدار لكن حسيت أن مدام سهام مابغاتش فانساحبت بهدوء..خديت طاكسي وتوجهت لداري..مللي وصلت تفكرت أن صاكي بقا فديك الدار المشؤومة
حسام: GPS اللي داير أسد فالطوموبيل للإحتياط..تاصلات بيا خالتي سهام وخبراتني أن كرزة غابرة وحتى أسد كاتصوني ليه مكايجاوبش على غير عادتو..فدرت عليه بحث فلGPS ووصلت للبلاصة اللي حاط فيها الطوموبيل بقيت كانقلب أنا ورجالي حتى لقينا الدار اللي كان خاطفكم فيها داك لحمق...
نضت من حداها والدموع كاطيع من عيني بحال لحجر ...مايمكنش نشوف كرزة كاتكرهني وكاتعامل معايا هاكا...أنا شنو ذنبي فهادشي كامل...خرجت كانجري حاولو حسام وسفيان يوقفوني لكن ضربت فيهم وزدت..شديت طاكسي وطلبت منو يديني للبحر..وصلت وبديت نجري فالرملة ونتركل ونغوت بالجهد ونضرب فراسي بحال شي حمقة فعلا أعصابي انهارت..كنحاول نصبر ونكون قوية لكن هاد الظروف قوى مني ....كانشوف الناس كايدوزو ويشوفو فيا ويبعدو عليا يصحاب ليهم غا حماقيت..غوت حتى بردت وجلست كانتنخصص ووجهي عمر بالدموع مخلطين بالرملة..
أنا: غير غايفيق أسد ونطمئن عليه غانخوي هاد لمدينة صافي شحال قدي نبقى ديما خارجة فيهم...هوما دارو فيا لخير وأنا رجعتو ليهم بالشر..تمنيت لو ماعتقنيش أسد ومت داك النهار..أصلا أنا مكانش خصني نخرج لهاد الدنيا ماعندي لا حياة لا عائلة لازهر..اهئ اهئ اهئ
بقيت تما ساعات كانبكي ونسكت ونعاود نبكي ونسكت حتى طاح الظلام..وأنا نطلع شديت طاكسي نيشان للدار..دخلت بدلت حوايجي وغسلت حالتي من الرملة ومشيت نيشان لفراشي خشيت راسي فلمخدة وبديت نبكي بحرقة حتى ضرني راسي ونعست بدون سابق إنذار..
فقت من النعاس ضارني راسي بزاف وعضامي مدكدكين شفت فالساعة كانت 12 أو عمري نعست هاد الوقت كامل بقيت شي ساعة وأنا فبلاصتي حالة عيني فالسقف..حاولت نوض بزز كان جسمي ضعيف بقلة لماكلة..قررت أنني ناكل باش نصح شوية..مشيت صايبت قهوة شربتها وبديت نوجد فسباكيتي..كنت واقفة غابزز تسنيتها حتى طابت وحطيتها..صايبت عصير الليمون وجلست كاناكل..كنت كانديها بزز لفمي حيت ماعنديش حس الشهية..كليت وساليت ومشيت تكيت فالصالون..بقيت على نفس الوضعية شي 10 دقايق وأنا نسمع تيليفوني كايصوني كان المتصل هو المشرف على المول..
أنا: ألو
المشرف: آنسة أسماء اش هاد الإهمال واش مابقيتيش باغا تخدمي؟
أنا: لا...تقدر تشوف وحدة أخرى..سمحليا بزاف
المشرف: وخا بسلامة..
أصلا مابقا عندي ماندير بهاد الخدمة..حيث أنا غانخوي طنجة فمرة..يالاه جيت نحط التيليفون وهو يعاود يصوني..
حسام: اش كاتقول نتا راك خويا وعاد هذا راه الواجب ديالي
أسد: حسام اش وقع بالتفاصيل
عاود حسام لأسد كاع داكشي اللي طرا مللي دخل لدار مجد حتى جاو للمستشفى..كان أسد كايسمع ليه باهتمام وفرح مللي عرف أن أسماء ماسلماتش راسها لمجد وكانت قوية وضرباتو بالرصاص..حس أنها زادت كبرات فعينو لأنها كاتجمع بين الرقة والبراءة والقوة والشجاعة..
فهاد الأسبوع قدرو أسد وكرزة أنهم يخرجو من المستشفى..أسد تحسن شوية لكن مزال خاصو العناية أما بالنسبة لكرزة فالحالة هي الحالة غير ساكتة وماكاتهضر مع حتى واحد وهذا كايبين أن اللي داز عليها ماشي ساهل ، تعرضات لاغتصاب وحشي من طرف 2 حيوانات بشرية مع العلم أنها كانت مزال بكر..جات لينا وفوزية من أمريكا بعدما سمعو داكشي اللي وقع باش يكونو فجنب العائلة...
أسد كان ديما كايحاول يتاصل بأسماء لكن تيليفونها كايلقاه طافي وكان كايبغي يشوفها لكن ماماه كانت كاتمنعو منعا كليا أنه يخرج من الدار حتى يبرا مزيان وفهاد الفترة كان سفيان هو اللي قايم بالواجب فالخدمة...نخليو أسد وعائلتو ونمشيو عند أسماء..
أسماء مزال لحد لآن فالدار اللي شرا ليها أسد مكاتخرج مكاتشوف الزنقة دخلات فحالة اكتئاب..غير كاتبكي ليل ونهار وكاتحاول تنعس أكبر وقت ممكن باش تهرب من الواقع..هاد لحالة راجعة لكونها كاظن أن أسد كرهها كيما كرهاتها سهام وكرزة ومزال داك اليوم المشؤوم بين عينيها..ماقدراتش تنسى كيفاش تغتاصبات كرزة وكيفاش تعذب أسد وتحرق بسبابها..كانت فكرة وحدة كاضور ليها فبالها هي أنها كيفاش خصها تبدا حياة جديدة بعيد عن عائلة أسد....
أما بالنسبة لمجد فحسام كان متبع القضية...وكلشي لاحظ الإضطراب العقلي اللي كايعاني منو مكايقول حتى كلمة من غير "واش عندكم هنا الفول مشرمل والبقولة" (هادي كانت جملة عفوية خرجات من فم أسماء نهار طلب منها الزواج فالمطعم)....حسام كانت علاقتو زوينة مع سهام وشيماء..شيماء كانت صديقتو وكايتواصل معاها كل نهار كونهم كايتفاهموا بززاف...
************ *********** ********
لينا: (متكية على صدر أسد) بيبي توحشتك بزاف كانطلب الله امتى تبرا وترجع كيما كنتي..
أسد: أنا مزيان وغدا غانرجع لخدمتي والنشاط ديالي ان شاء الله
لينا: مممممم وغاترجع ليا😉
أسد: لينا نوضي خرجي دبا يدخل شي واحد ويشوفك هاكا..
لينا: واخا هانا غانخرج ولكن حتى تواعدني بللي غدا ندوزو الليلة بزوج..
أسد: واخا دبا نشوف واخرجي دبا بلاما تعصبيني
لينا: (كاتنفخ) اوكي اوكي هاهي غادة..
خرجات لينا من بيت أسد عاد خدا راحتو... لينا ماكبراتش مع أسد بزاف بحال سفيان شي اللي خلاها ماتعتابروش بحال خوها بل كانت كاتبغيه وكاتبغي تبان بيه قدام صحاباتها حيث بوكوص بزاف ولبااس عليه ومرجل لأبعد الحدود....علاقتهم كانت غير علاقة مصلحة متبادلة وخا هو كايحاول يسالي معاها لكن هي مصرة أنهم مايتفارقوش...
****** ******** ****************
سهام: كرزة ...نوضي ابنتي تاكلي راه من الصباح ولبلاطو محطوط هنا
سهام: والو..عيينا معاها شوفي كي ضعافت وعينيها دخلو..
شيماء: صافي ا ماما غير خليها على خاطرها هي مللي غاتحس براسها قادرة تاكل غاتاكل (جرات ماماها خارج بيت كرزة وسدات لباب)
شيماء: ماما راه خصها طبيب نفسي باش يخرجها من هاد الحالة...الحادث اللي تعرضات ليه راه صعيب بزاف
سهام: عندك الحق...غانهضر مع شي طبيب مزيان تبدا معاه
شيماء: اه الله يشافيها ياربي...واش ماعندك حتى خبار على أس...
سهام: بلاما تجبدي ليا سميتها...هي السبب فكاع هادشي للي وقع
شيماء: علاش هي سباب ياك حتى هي تخطفات كيما تخطفو هوما..علاش كاتلوميها
سهام: حسام قالينا بللي ماخلاتوش داك المجرم يقيسها وضرباتو بالرصاص... علاش مادارتهاش من الأول هاه؟ علاش خلات حتى فات لفوت
شيماء: ماما نتي كاتقولي هاكا حيت عقلك حاضر معاك وكاتفكري..تاواحد فينا معارف نفسيتها وحالتها كيكانت ديك الساعة حتى هي حاولات تحمي شرفها..راه حتى بنت ا ماما ماغاتقبل تفرط فعذريتها بسهولة...ماسمعتيش مللي قالو أنه مللي حاول يقتل أسد صافي وافقات؟ هي ديك الساعة واش كانت عالمة على أن مجد غايكون هاز مسدس وغاتاخدو والدافع بيه على راسها؟ هي مقابل حياة أسد كانت مستعدة تسلم راسها لداك المجرم! ودبا كاتلوميها؟؟؟؟ داكشي اللي وقع مع كرزة راه مكتااااب عليها اماما باراكة ماتلومي فالبنت..
سهام: هانا فبيتي كانرتاح (مشات)
شيماء: بفففففف 😕
يوم جديد تسللات فيه خيوط شمس الصباح لأعين أسماء الرمادية..فاقت بكسل دخلات للدوش خدات حمام ساخن..لوات عليها لبينوار وخرجات..جبدات لفاليز ديالها حلاتها وحلات لماريو بكل برودة...بدات كاتهز فلحوايج وتحط فيها..عزلات منهم لبسة مكونة من سروال جينز فاتح طاي هوت تقاطع مع تيشورط سامبل فلبيض وسبرديلة فنفس اللون..نشفات شعرها وهزاتو ديل حصان..دارت كريم واقي فقط..لبسات حوايجها ودارت فوقها جاكيط قصيرة فلكرونة..كملات جميع مستلزماتها وجرات لفاليز حتى وصلاتها حدا لباب..توجهات للكوزينة صايبات قهوة وكلات بسكويت بزز..ناضت كاتشوف فالدار والدموع فعينها طلات عليها كلها عاد جرات فاليزتها وخرجات..
أنا: (كاندق فدار با عبد السلام)
غزلان: (حلات) أ..أسماء😨
أنا: كلمي ليا با عبد السلام عفاك
عبد السلام: أهلا بنتي اش حب لخاطر
أنا: (مديت ليه السوارت) عفاك مللي يجي الدري اللي شرا الدار النهار الأول عطيهم ليه
خليتهم مورايا وخرجت من العمارة..فالصراحة قلبي تزير وماعرفت اش خصني ندير..كانت عندي 1000 درهم فجيبي من فلوسي ديال الخدمة أما فلوس أسد فاخليت ليه لاكارط ديال البنك اللي عطاني فالدار..شيرت لطاكسي ركبت فيه وطلبت منو يديني للمحطة ديال القطار......بعدما وصلت دخلت وأنا كانحاول نمثل التقة رغم الخوف ديالي حيت هادي أول مرة نسافر بوحدي..سولت على أقرب رحلة كانت لمدينة الرباط وبقا ليها 5 دقائق...الرباط! ماعارفة والو على هاد لمدينة وعمري مشيت ليها لكن قررت نتوكل على الله ونقصدها....وفعلا خلصت وطلعت..استقريت فبلاصتي وحطيت راسي على الزاج..بداو دموعي كايطيحو بغزارة عييت مانخبيهم لكن نزلو بزز مني... ماعرفتش سبابهم بالضبط واش حيت خايفة من اللي جاي ولا حيت عمري غانشوف أسد وكرزة والعائلة كاملة ..بدا القطار كايتحرك نحو المدينة اللي معارفة اش مخبية ليا حتى هي..
#بعد_ساعتين:
حبس القطار فمدينة الرباط.. نزلت أنا وفاليزتي فالمحطة بديت كانتمشى وأنا معارفة فين غادة..خرجت برا ووقفت..ضارت بيا الدنيا ماعرفت فين نعطي الراس وفجيبي 1000 درهم ماتقدني حتى فليلة فأوطيل بديت تانتمشى فالشارع وجارة فاليزتي حتى بانتلي واحد القهوة مشيت جلست فيها وطلبت عصير..عصرت على داك العصير حتال لعشية بقيت جالسة تما حيت خايفة نوض ونتلف شي تلفة خايبة..كان تما واحد السرباي باين ضريف لكن بحالا معاق من رجليه شوية..طلبت منو يجيبلي شي سندويش من واحد السناك لاسق على القهوة وعاودت طلبت عصير آخر..جابو ليا وأنا نضور معاه خداها مني بخجل ومشا..كليت مزيان وبقيت جالسة كانضور فعيني حتى وصلات ل10 ديال الليل اوااااه دغيا داز النهار..شفت القهوة خوات بقيت جالسة غير أنا..حسيت باحراج كبير وماعرفت ماندير..
النادل: ختي راه غانسدو دبا
أنا: (عينيا غرغرو) اه واخا سمحليا
النادل: واش عندك شي مشكل؟
أنا: (بعد صمت) فالحقيقة اه..أنا أول مرة نجي لهاد لمدينة وماعرفت فين نمشي.. واش تقدر تعاوني نلقا شي أوطيل رخيص نبات فيه؟
النادل: اواااه كون علمتيني بنهار دبا راه ماعندي كيندير نشوف ليك..
أنا: صافي ماشي مشكل شكرا..(جريت باليزتي باش نخرج)
الصوت: حبسي !
ضرت نشوف شكون مولات الصوت... كانت امرأة فسن الأربعينيات..من ملابسها باينة فام دميناج..كانت بيضة وعينيها بحال لقطة لكن ذابلين بكثرة تمارة..
تسنيت ديك لمرا حتى لبسات جلابتها ومشيت أنا وياها .. بقينا غاديين مسافة طويلة وحنا ساكتين حتى خدات المبادرة وسولاتني...
المرأة: شنو سميتك ؟
أنا: أسماء
المرأة: أسماء؟؟ سميتك زوينة بزاف ابنتي
أنا: شكرا... ونتي؟
المرأة: قوليلي خالتي نجمة
أنا: واخا اخالتي نجمة..
بقينا غاديين حتى دخلنا لواحد الحي شعبي وخا الليل لكن كان فيه الرواج وبنادم مخلط...دخلنا فدوك الدروبة وانا محاساش كاع بالخلعة ماعرفتش علاش...وقفات خالتي نجمة قدام واحد الدار فيها 2 طبقات جبدات الساروت حلات الباب وقالتلي ندخل...دخلت وهي طلب مني نطلع فالدوج اللي كانو ضيقين..هزيت فاليزتي وطلعت لقيت باب آخر حلاتو حتى هو ..دخلنا للدار اللي كانت بسييييييطة بزاف كانو فيها 3 بيبان ومراح..كانو 2 بيوت وكوزينة أما الطواليط فخارجة من الدار.. كانو سدادر عاديين ملمطين بالأزرق وحصيرة زرقة فالأرض وطابلة لوسط..كانت واحد التلفازة صغيرة معلقة فالحيط..المهم هاد البساطة عجباتني وريحاتني بزاف..
نجمة: بنتي غير قبلي علينا وصافي راه حنا غير على قد الحال
أنا: ماتقوليش هاكا ..درتي فيا خير وتقتي فيا...دخلتيني لدارك بكل روح طيبة.. عمري نسا ليك هاد الخير
نجمة: لا لا مادرتش فيك خير بالعكس عاااادي ا بنتي وأي واحد بلاصتي كان يعاونك..
أنا: احياني... واش داك الدري ولدك؟
أنا: اه أسامة ولدي.. ساكنة غير أنا وياه سنين هادي.. خدامين بزوجنا فديك القهوة كانترزقو الله باش نعيشو بكرامتنا...
أنا: ااااه الله يخليكم لبعضياتكم.... واش رجليه..
نجمة: تزاد هكاك ا بنتي...ابتلاء من الله لكن راه كايمشي عليها غير هي مكاملاش ليه فالخلق
أنا: ونعم بالله ..
نجمة: وبااااركة من الهضرة واجي نوريك فين غاتنعسي..
دخلاتني لبيت فيه سداري مفرش بحال شي ناموسية وفيه زربية صغيرة فالأرض وماريو صغير..
نجمة: هانتي بدلي حوايجك ورتاحي حتى نوجد لعشا ونعيط ليك.. ويلا حتاجيتي شي حاجة قوليها..
أنا: شكراااا بزاف
نجمة: ايوا خلاص عليا واش مكاتعيايش من هاد شكرا هههه
خرجات خالتي نجمة وأنا بقيت فداك لبيت الصغييييور حليت فاليزتي جبدت منها كيطمة فالأسود لبستها...طويت حوايجي ورجعتهم للفاليز..تكيت فوق داك السداري اللي كان مريح عكس اللي كايبان..بقيت كانضور عيني ونشوف فالسقف اللي كان مقشر..فكرنتي فدار مي رقية.. لكن هاد الدار حسن منها بزاف..سمعت صوت ولدها فالدار اللي يالاه دخل من الزنقة كان حنين ومأدب..هاد أسامة كان قصر مني شوية..بشرتو بيضة وعينيه كحلين..وعندو لحية مهملة كان كايبان فالعشرينات من عمرو..مقبول فوجهو رغم المشكل اللي عندو فرجليه..بقاو كايهضرو ويضحكو بشوية حتى سمعت خالتي نجمة كاتعيط بسميتي..خرجت لقيتها حاطة لحريرة يااااي ريوكي سالو مشيت جلست معاهم وبدينا نتعشاو...وبقاو كايعاودولي على طرائف لكليان ولبنات اللي كايسلتو عليهم الدراري فالقهوة 😂 شبعت معاهم ضحك وعشت اللحظة..نسيت كاع مشاكلي وأنني غريبة عليهم..فعلا كانو من أطيب خلق الله😍
#في_فيلا_أسد:
لينا: ممممممم اااااه اوووووف....
خلاتها كرزة هادي لينا كاتوحوح...كانت عارية فوق سرير أسد اللي كان ناعس معاها..كانوا منغامسين فعلاقة جنسية عنيفة..كان منعسها على كرشها وكايضربو فيها بالجهد كان عاضة على فمها وكاتوحوح وهو شادها من شعرها وكايدخلو ويخرجو بالجهد حتى سخف وطاح حداها...
لينا: اهئ اهئ علاش تعاملتي معايا هاكا واش بنت ليك أنا قحبة اهئ اهئ اهئ..
ناض أسد لوا فوطة على نصو لتحتاني ودخل للحمام تخشا تحت الرشاشة وبدا لما كايهبط على جسدو الرياضي العاري..خصلات شعرو هبطو على وجهو وهو كاينهج وحاط يديه على الحيط..
أسد: (فنفسو) علاش مشيتي ا أسماء وفيييين مشيتي fuuuuck كون صبرتي غير شوية.. علاش مشيتي (ضرب يدو مع الحيط)..
بعدما خرجات أسماء الصباح وركبات فالطاكسي..وصلات مباشرة طوموبيلت أسد قدام العمارة..طلع لدارها باش يشوفها لكن ماجاوبو حتى واحد..هبط دق على با عبد السلام اللي عطاه السوارت وقاليه بللي أسماء هزات حوايجها ومشات..طلعات ليه لقردة للراس وعاود طلع للدار حلها..لقا لكارط دالبنك والتيليفون محطوطين حدا كاس القهوة..كمل طريقو لبيتها اللي كان مجموع ومرتب...حل ماريوها وهي ضربو ريحتها تغلغلات فأنفاسو..لقا نص لحوايج باقي تما والنص داتو..عاود سد لماريو وخدم ل GPS فتيليفونو باش يعرف مكانها عن طريق السنسلة حتى قشعها محطوطة فوق لكوافوز مشا هزها خشاها فجيبو وخرج.. ركب فطوموبيلتو فاتجاه الشركة وبالو كامل مع أسماء فين غاتكون مشات وهي ماعندها لا صحاب لاعائلة لافلوس..دخل شاعل للشركة دوز النهار فالمكتب ديالو حتال الليل عاد مشا للفيلا..طلع لبيتو نيشان وحيد حوايجو باش يدخل يدوش حتى حس بدين كايتلمسوه عرفها شكون غاتكون ، أكيد لينا..طلب منها أنها تمشي بحالها لكن بقات لاسقة فيه..مللي ضار لقاها عريانة فمرة وكاتحكك عليه بداتي تاتلعب فصدرو وباستو من فمو حتى جهلاتو.. بدا كايبوس فيها بعنف من فمها وعنقها ويديه كايعصرو صدرها..لاحها فوق الناموسية ودخلو فيها حتى للمعدة وبدا عليها حتى سخف وسخفها عاد ناض...
فقت وبقيت كانستوعب فين أنا..عاد تفكرت أنني عند نجمة وولدها أسامة فدارهم..الناس البسطاء اللي عاونوني لبارح مللي كنت فأمس الحاجة ليد المساعدة..شميت ريحة لقهوة ممممم ياسلام..نضت جمعت شعري وخرجت من لبيت..
أنا: صباح لخير؟
نجمة: (خارجة من لكوزينة) صباح الربح امالكي كاتقوليها ونتي حشمانة..
أنا: خفت نفيق شي واحد
نجمة: لا لا كاينة غير أنا وأسامة راه مشا للقهوة..
أنا: اااه الله يعاونو..
نجمة: امين.. هو كايبدا من الصباح أما أنا تال 4 دلعشية..ودابا اجي تفطري...
حطات لقهوة ولحرشة على الطابلة.. وبدينا نفطرو..
نجمة: ايوا ا أسماء.. قولي ليا اش جابك هنا ومالكي بوحدك... ياكما عندك شي مشاكل مع داركم..
أنا: لا... دارنا مكاينينش هنا.. كنت ساكنة مع صاحبتي لكن طراو بيناتنا شي مشاكل وخرجت من عندها
نجمة: مكاتعرفيش تكذبي فخبارك! المهم أنا سولتك من باب لفضول أما أنا مغانتدخلش فيك خودي راااااااحتك
مشيت لبست نفس حوايجي دلبارح حيت ماهزيتش لحوايج بزاف ولوخرين كانو معريين شوية حشمت نلبسهم....طلقت شعري ودرت مكياج خفيف لكن لحد الآن مزال ماعرفتش لاش هادشي..ساليت وخرجت عند خالتي نجمة اللي كانت لابسة جلابتها ومقادة الفولار..جات زوينة بزاف ..خرجنا أنا وياها وبقينا غاديين حتى وصلنا للقهوة اللي خدامة فيها..طلبات مني نتسناها حتى دخل وتعاود تخرج وفعلا داكشي اللي كان.. بعدما خرجات عاودنا تمشينا شي شوية حتى وصلنا لواحد العمارة كبيييرة طلعنا ليها وأنا معارفة والو حتى وقفنا قدام واحد الباب مكتوب عليه محامي..دقينا ودخلنا لواحد المكتب..كان فيها رجل فالثلاتينات من عمرو لابس لباس رسمي ونظارات طبية..غير شاف خالتي نجمة وهو يبتاسم..
الرجل: أهلااااا خالتي نجمة لباس عليك نهار كبير هذا
نجمة: أهلا سي توفيق اش خبارك
توفيق: الحمد لله ونتي؟ اش فكرك فيا هاد الصباح؟
نجمة: غير لخير اولدي..واش مزال محتاج شي بنت تعاونك فلخدمة
حب وسط الدماء الجزء التاسع
محتوى القصة
التنقل بين الأجزاء