يعدّ الفراق من أصعب الأمور التي قد تحصل معنا في هذه الحياة، فهو سهمٌ قاتل يبعث الحزن والألم في قلوبنا، يجعل حياتنا كئيبةً مملّة، فقد انفصلت أرواحنا بعد أن اجتمعنا، فكان هذا الفراق كارثةً لنا، نقف على الذكريات ونتغنّى بها، نكتب لهم ونعبّر كم حياتنا صعبة من دونهم
لكن ما الصعب ...فراق لحبيب ، فراق الصديق ، فراق الاهل و خاصة فراق الام ....
فقصر برادة من بعد ممرات 22سنة من العشرة الزوجية بين ابطالنا لي عشنا معاهم الفرحة و الحزن هالة و ايهم...ليوم صارو اشخاص مسؤولين اكثر و اكثر ..ايهم لي ولا كيبلغ 51 سنة لكن و سامتو لي زادت حلات بنقيطات شيب على شعرو و لياقتو لبدنية لي باقي محتافظ بيها و هيبتو و صرامتو مزال كيفما هوما رغم مرور السنين ...اما هالة من بعد مكانت بنت صغيرة و بريئة و شويطينة و لي قدرات تخلي المستحيل يولي حقيقة غيرات بزاف و بزااف فحيات ايهم... ليوم هاهي كتبلغ 40 سنة و مع ذللك كتبان زوينة و صغيرة بلباسها الراقي و لي كيناسب سنها
ايهم:هااالة ....هاااالة
هالة:(دخلات للغرفة ديالهم )وي حبيبي اش بغبتي
ايهم:(شافها و ابتاسم هز يديها باسها )بغيتك نتي اعمارت داري
هالة:ههه شبغيتي فيا اداك الشارف
ايهم:اها ..وليتي تعايري
هالة:(شدات وجهو و قرصاتو)مالك مشارفش كنبان قدامك كيبنتك
ايهم:(حل ليها فمها و شربو لبها بزز )ماشي نتي لي غتقرري نهار يقول طبيب مابقيتيش محتاجا ليه ديك ساعا متشربيهش
هالة:(غرغرو عينيها)...نزل تفطر
تمات عادو حتى حسات بيه جرها من يديها و حاوطها من خصرها
ايهم:فين بوستي
هالة: مكتسالنيش
ايهم:هههه (باسها ففمها بوسة طويلة)كنبغيك حياتي
هالة:حتى انا ...يالاه نزل تفطر
ابهم:واخا نكمل لبس و نجي
تمات خارجة هالة و كتقبقب بطالونها حتى حسات براسها ترفعاااات
هالة:(شادها فقلبها) الله اولدي واش باغي تقتلني نتا عاد ترتاح
جاد:(هازها بين يديه غادي و كيضحك)الله يحفظك ليا الحب ..متبقايش تقولي هاكا انتقلق
هالة:(حاوطات يديها على عنقو و حطات راسها فصدرو)الله يخليك ليا احبيبي
احح نعرفكم على جادو ههه جادو عندو 26 سنة طويل و مبودر لعضلات السداسية عوتاتي 😉 زععير و لعوينات اكيد زريرقين ... احح يحماقو عليه الجسن اللطيف معروف بطياح لبنات هو رئيس شركة برادة من بعد الاب ديالو ايهم لي خلا ليه السلطة و قرر يبقا غير مشرف من بعيد ...مهم جادو شخصيتوو....اممم اففف شغانقوليكم عندو بزاف دشخصيات مرة حنين و مرة مرح او مرة اووف عصبي( احح و نموت فالعصبية انا 😂😂) و منساوش اهم صفة لي ورثها من باه ...فاش كينوض غير هربو عرفو الوحش لي فداخل ديالو فاق ...كيولي كيشي بركان و انفاجر ...تقيسسه فعينيه و متقيسيهش فالحب ديالو نبع الحنان (غادي تعرفو عليه مزيان من بعد)
وصلو لمايدة الاكل حط هالة فلكورسي ديالها و جلس حداها
جادو:حبيبة شربتي دوا
هالة:اه شربتو ...متبقاوش تفكروني بيه كل شوية
جادو:لا نفكروك قالا منفكروكش شحال عندنا منك ...
هز لماكلة و بدا يوكلها حتى تسلطات شنو نقوليكم كارثة موصيبة واهيا ناري
جنى:جااااااااااااادووووووو
جاد:(حط لمعلقو من يديه و شد فراسو كارز على يديه )الصمك ...مالنا على هاد لغوتة الكلبة
جنى:(مشات عند ايهم تخشات فيه )بابا .. شد ولدك عليا هالعار
ايهم جلس فبلاصتو كترأس الطبلة و جنى جلسات على رجليه ...جنى الى عقلتو خلينا هالة حاملة و جابت لينا جنى المشاغبة فعمرها 21 سنة زعيعرة و عوينتها زرقين و حنيكاتها موردين اما واحد لفيم صغيور و حميمر غير ديال بوش ابوش
جاد:بربي حتى كتقلبي عليا هاد صباااح...سلخة دلبلرح تاكليها مضوبلة...اطونسيو
هالة؛شنو دارت اولدي
جاد:(شاف فماماه )لبرهوشة ضسرات و غادة سهرانة ليك فلبار هي و بنت خوك و زايداها مخليا البراهش يتبسلو عليها و هي لابسة شرويطة معرية كثر ممغطية
ايهم:(خنزر فجنى)نوضي تهزي عليا نوضي جنى:بابا راه قطع ليا حوايجي كلهم فقت لقيت كولشي مشروط
ايهم:انا راه نحرقهم ...اخر مرة كتسمعي لمرة جايا انا لي غنتحاسب معاك
جاد:ههههه يالاه تبتي و نعاود نشوف مك فشي بار رجليييك نعطبهم ليك و لبرهوشة لاخرا حسابها من بعد
ايهم:(خنزر فجنى لي حنات راسها )
جنى: كتحماااو....مامي😢😢
هالة:ههه درتيها لراسك ..صافي تانخرجو و نديرو انا و بنتي شوبينغ
جاد:كضسريها الواليدة...انا لي غنخرج معاها و غتشري على ذوقي (و كيقلي لختو السم)
جنى:نموت و منخرجش معاك 😡
جاد:هاحنا انشوفو 😉😉
هالة:اتقام لحفلة ليوم ياك
جاد:معلووم...ربحنا صفقة مهمة هاصنا نحتافلو
جنى:اهئ و شنو غنلبس دابا انا
هالة:هههه صافي راني هضرت انخرجو و نشريو مانلبسو
#فجهة_اخرى
و بالضبط عند سهى و دانيال الملقب بعبد الله ....تاهوما نفس الشيئ كبرو و دانيال فتح مشاريعو فالمغرب او عاد الشراكات لي بينو و بين ايهم عندهم نعمة فعمرها 22 سنة بنت زوينة مطويلة مقصيرة شعرها اسود كيبحال ماماها و عيويناتها زورق كيبحال باباها و عمتها و عاد لحنيكات لمطيبزين و لفيم لي مرسوم شخصيتها قوية و مكتسمحش ابدا فحقها و نهار لي كتلاقا بفليفلة دجنى الهربة الهربة لعافية الكحلة كتشعل
سهى:(كتجر لغطا على نعمة)وافيقي خلاص ...نعععمة 😡😡
نعمة:اه اماما ....غير شوية يحفظك
سهى:تهزي قالاك ...نوضي نوضي نتفاهموو
نعمة:(حلات عينيها معمشة و تقادات فالجلسة)مالك اماتي مالك
سهى:معاش دخلتي لبارح لحسك
نعمة:شكون عقل 😴
سهى:(هزات صندالتها و عطاتها للفخاض)هضري البرهووشة
نعمة:(قفزات)احح اماما معقلتش و اصلا دابا شدينا العطلة يعني عادي نتعطل وااااه
خرجات سهى و ناضت نعمة دوشات و مشات لبسات حوايجها مشطات شعرها و نزلات لقات باها جالس شاد جورنال فيديه
نعمة:(باستو فحنكو)صباح لخير
دانيال:نعمة😡😡
نعمة:صافي ابابا عافاك ...غير ماما فيها لكفاية
دانيال:اندوزها ليوم ...مرة هرى نتفاهم مع بنتي
نعمة:(حنات راسها)واخا 😕
ناصر :(اخ نعمة عندو 14 سنة)ههههه شنو درتي
نعمة:دخل سوق راسك
ناصر:هههه مكرهتش نتفرج فيك
دانيال:يعد من ختك نتا
سهى:يالاه فطرو
دانيال:ليووم كاينا حفلة فدار عمتكم
سهى:مزيان
#نرجعو عند عائلتنا
هالة:يالاه نوضي نخرجو
جاد:انمشي معاكم
جنى:لاش نتا لاش
جاد:ديعا فراسك
ايهم:(ناض )جاد تبعني للمكتب(ومشا)
جاد:واخا الواليد ....حبيبة متخرجوش انا نديكم
هالة:واخا ولدي
ناض جاد و تم غادي جيهة المكتب
دخل جاد للمكتب لقا ايهم واقف و عاطيه بالظهر
جاد:لواليييد
ايهم:(ضار عندو)عارف شنو جاي من هنا يوماين
جاد:(تنهد )عارف الواليد متحتاجش كل عام تفكرني
ايهم:غير فكرتك...ماماك مصدقناها برات شويا
جاد:(رتب على كتفو)غير تهنا الواليد...ماما انا خايف عليها كثر و تاحد مغيفكرها فداك نهار
ابهم:مزيان...يالاه هبط عندهم متخلبهمش كيتسناو
خرج جاد نزل لقا هالة وجنى كيتسناوه رسم على كمارتو ابتسامة وقف وسطهم و عنقهم جاد:اميراتي بغاو يديرو شوبينغ
جنى:خويا معندكش لخدمة..سير تخدم على ولادك
جاد:حتى نلقا ماماهم
هالة:هههه شكاتسنا
جاد:حتى تعطيني الحب الموافقة باش نجيب عليها الضرة
هالة:(ضرباتو لكتفو)بااسل
خرجو جاد سبقهم كانت واقفة فيراري فلبيض حل لمو لباب دللوطو حداه ركبات و حل لختو تاهي لي غير كتخنزر و عو كيقلي ليها السم و مشا ركب بلاصتو و عفط عفطة وحدة خلا غير لعجاج و لي كارد موراه
هالة:حبيبي نقص السرعة واخا
جاد:هي لولة
جنى:طلق لبنا مزيكا
جاد:(شاف فيها فلمرايا )سكتينا الكسوولة ..هادشي فاش فالحة
جنى:ياك انا ختك حبيبتك لي كتبغيها
جاد:عندي حبيبة وحدة هاعي حدتيا لاش مدخلة راسك نتي
جنى:واعقل....دابا تحتاجني متلقانيش
جاد:شغاندير بكسولة بحالك
جنى:مسمووووم
وصل للمول و دخلو و لي دازو من حدتم يعطيوهم التحية لما لا و المول تابع لشركة برادة
جاد غادي و شاد يد موو تيبانو بحال شي كوبل لي شافعم ميقولش ولد او مو ..اما لمفروحة د جنة غير كتحنقز قدامهم العقل متكسابوش
جنى:وااااو ...(دخلات كتجري لواحد لبوتيك)
جاد:هههه ناري الواليدة منين جبتي هادي
هالة:ههه زيد ندخلو تا حنا
دخلو مشا جلس جاد فوق واحد لكورسي دار رجل على رجل و لبنات كبتغامزو عليه فحين هو ممسوقش مقابل غير مو و ختو لي كبهزو الحوايج و يوريوه
جاد:حطي البرهوشة هاديك والله لا لبستبها جنى:ماما ...وبزااف حكر علبا ليوم بزااف
هالة:اتجيها زوبنة اجاد..صافي غير خليها
جاد:لواليدة الحفلة مخلطة و لكسوة معرية كاملة و نتي كتأيديها
هالة:(شافت فجنى)صافي حطيها شوفي شي حتجة اخرى
بقات جنة كتقلب حتى بانت ليها واحد لكسيوة زوينةفلموووف بااارد هزاها ووقفات قدام جادو
جنى:زوينة هادي
جاد:تاهي معرية
جنى:خويا حبيبي ...و عافاك
جاد:بفف صافي طلقينا يالاه
جنى:(قربات ليه )شووف منين تولي عندك حبيبتك ديك ساعا حكمها تلبس لي عجبك اما انا غاختك
جاد:😕😕حماضيتي ...(دفعها و مشا وقف حدا موو)باقا ملقيتي والو
هالة:لا اولدي هادشي هنا مغايناسبنيش...انمشي نشوف شي قفطان تسناو جتى ختارت جنى حوايجها و خرجو مشاو لبوتيك خاص باللباس التقليدي ختارت هالة تكشيطة فلباج و خرجو حتى كيتصادفو بسهى و نعمة تاهواما خارجين يديرو شوبينغ هالة:هههه كتساراو
سهى:غانتي لي تساراي
جاد:اهلا اهلا ...لالة نعمة
نعمة:(تخبات مور ظهر مها)والله اخويا حتى ختك مولات البلان ..عارفني دريويشة
جنى:انا الكذااااابة..ياك نتي لي gيدتيني
نعمة:لهلا يطيح علينا شي باطل...انا بالله و الشرع من هبالك ..كوني تحشمي
جاد جرهم بجوج من ودنيهم :بربي حتى نقطع لمكم الرجلين البرهوشات
نعمة:شمن بروهشات الله بهديك قدنا راهم مزوجبن ووالدين
هالة:ههههه عارفبن راسكم البيرات ...انا قدكم راني والدة جاد و جو(سكتات و ترسمات على ملاميحها مظاهر الحزن)
هالة سكتات و تجمعو دموع فعيتيها من بعد متفكرات لفذة كبدها ...كولشي لاحظها و دغيا حاولو يغيرو الموضوع
جنى:اوووووه ...مامي فيا جوووووع
جاد:احم تا انا ...نمشيو ناكلو فشي بلاصة
هالة:(بحزن)لا ..باباك منخليوهش يتغذا بوحدو
نعمة:عميتوو...غير يالاه خليه يتوحشك شويا 😂😂😂
هالة:لا احبيبة سيرو نتوما انا انرجع للقصر
جاد:(عنقها) صافي منين لحبيبة مغاداش تا انا مغاديش..انرجعو للقصر
هالة:لا احبيبي غير سيرو فوجو
جاد:(هز حاجب)نو متحلاش ليا بلا بيك (عنقها زير عليها و باس على راسها و كيتقطع من لداهل و كيحاول ميبينش )مشينا
لبنات:يااااس😃😃😃
سهى:حمقات ..يالاهو
خرجو ركبو فطوموبيلاتهم و رجعو للقصر دخلو لقاو
هالة:(مع لخدامة)فين ايهم
لخدامة:موسيو فالمكنب ديالو
هالة:واخا..لغذا واجد؟؟
لخدامة:اه امدام ...دابا نحطووه
هالة:شكرا حبيبة ...تقدري تعيطي معاك على ايهم
طلعو لبنات حوايجهم لبيت جنى و بدا يقيسو
نعمة:ههههه تي فين شراوطك
جنى:قطعهوم داك كحل لعفطة تفوووو
نعمة:ههههه ناري ولد لحراام
جنى:معقد 😂😂😂
نعمة:اييع هي واحد شدار فيك تصوري كون كان حتى جود 😂😂
جنى:(جمعات الضحكة)اما مرهتوش كون كان معانا و نشوفو كيداير على الاقل ماما كانت اتكون صحتها مزيانة و كونا انعيشو حياة طبيعية...و لكن صعيبة هي حنا معارفينو واش حي و لا ميت ..و حتى سيرتو تاحد مكيقدر يجبدها غير باش ماما متشدهاش لاكريز
نعمة:بصح صعييبة
جنى:مهم اجي نزلو
نزلو لبنات للمائدة لقاو كولشي مجموع لتاحقو بيهم و جلسو كياكلو فصمت
##نسافرو لمكان اخر و بالضبط فايطاليا ..مدينة ميلانو
فهاد الاثناء جوزيف جالس فوق سريرو و شاد فراسو و كيدوزو قدامو ذكريات متقطعة و صور مخربقة
جوزيف:(مغوبش و كيهضر فخاطرو)بفففف .... تال امتى انبقى على هاد الحال
وقف و توجه للحمام كيتعنكر و مع كل حركة عضلاتو تاهوما كيتحركو و عاد الوشام لي واشم كولو جماجم (دفتار الوساخ صافي😂😂)تخشا تحت الرشاشة دار يديه على الزاج و حاني راسو و لما نازل معاه جتى ترخى و هز راسو تشلل و هرج لاوي فوطة على نصو و لي زابدو مطارسين (فراكة صافي) مشا لجهة دريسينغ دخل لبس حوايجو طلع تشاوك رش ريحتو ركب ساعتو و دار خاتم فيه جمجمة فصبعو السبابة و تم نازل كيتعنكر حاجب طالع و حاجب نازل مشا نيشان للمكتب دخل بدون ميدق
جوزيف:(بنبرة حادة)سايمون...لاش طلبتيني
سايمون:احتارمني راني باباك
جوزيف:(بضحكة جانبية)شنو بغيتيني
سايمون:شنووو درتي فالمهمة
جوزيف:ههههههه من نيتك كتسول ...كلابك موصلوش ليك لخبار
سايمون:بغيت نعرف منك
جوزيف:شكتعرف عليا
سايمون:شنووو غدير دابا
جوزيف:(بقا كيشوف فيه )مزال دابا مغندير والو ..و لكن فاش غيوصل لوقت اندير بزاااف ا بابا(دار يدو على راسو بحال تحية لبوليس و غمزو )تشاااو
خرج مشا للسفرة د الاكل و جلس بدون مينطق بجتى شي حرف
سيلين:جوزيف شتك مبدل هاد الايام
جوزيف:(هز راسو فيها)مفهمتش الميمة
سيلين:شوف نتا تعاملك معايا كيولى ..و ليت كنحس بيك بعيد ماشي ولدي لي ربيت جوزيف :ههه غير جاب ليك الله (ناض باسها)متسنانويش انجي معطل ليوم
خرج هز لامبريغيتي ديالو كحلو ماط و زفها فحين سيلين ناضت و توجهات للمكتب عند ولدها
سيلين:مغتنزلش تفطر
سايمون:كنتسناك تنزليني
مشات سيلين باتجاهو و شدات فالكورسي المتحرك و تمات خارجة بيه حتى وسلو لسانسور و نزلو للصالون
سيلين:مزال مبيغبتي تبدا خطة الانتقام
سايمون:ههه متخافبش اماما...كولشي تحت السيطرة فاش ايوصل الوقت المناسب غنبداو
سيلين:من هادشي كولو جوزيف منبغيش شعرا كنو تأذى
سايمون:هههه و حنا فاش كيهمنا هادشي
سيلين:كنبقا اما لي ربيتو و ربيت عليه الكبدة و عاد من نهار دخل لهاد لقصر حسيتو قريب لقلبي منبغيهش يتاذى كتسمع
سايمون:واخا اماما ...اصلا ديفل شكون يقد يأذييه
سيلين:مزيان
سايمون:عندي ليك خبار كتفرح
سيلين:شناهي
سايمون:انمشي لنيويورك....لقاو ليا النخاع الشوكي
سيلين:(خرجات عينيها)شنووووو
سايمون:هههه كيف سمعتي ..و اخيرا
سيلين:باش عرفيته ايوالمك
سايمون:الطب تتطور و اكيد غايعرفو و نسبة نجاح العملية 90 فلمية
سيلين:ههههه مزياااان ...و امتى ناوي
سايمون:غدا
سيلين:مزيان
فهاد الاثناء جوزيف وصل للديبو ديالو حط طوموبيل و دخل بكل ثقة و هبة و كيلعب لخاتم فصبعو ..مشا نيشان جلس فواحد الكورسي و دار رجل على رجل و شابك يديه
جوزيف:مزال موصلو ؟؟؟
...:مزال اسيدي
جوزيف:(ضحك فسخرية)لعب دراري صغار هادا
ساد الصمت جتى سمعو صوت طوموبيلات تحل لباب و تم داخل راجل كبير فالسن و موراه رجالو كان لابس لباس رسمي فلكحل وقف قدام جوزيف و ميد يديه يسلم عليه
جوزبف:(بنبرة حادة)تعطلتي بنص ساعة
الرجل:(ابتاسم جمع يديه و مشا جلس قدامو و دار رجل على رجل)لوقت مساعدش
جوزيف:ندخلو فالمعقول...فاش بغيتيني
الرجل:تصنع ليا سلاح مدايرش و هادشي تاحد ميقدر يديرو من غيرك
جوزيف:هههههه ...شنو بغيتي
الرجل:عارفك قد المهمة
جوزيف:ههههه شكون قاليك انا كنصنع السلاح
الرجل:الخبار دغيا كتنتاشر سمعت بلي تعاملتي مع اكبر مافيا روسية...و بضاعتك ملقاوش بحالها و حتى المواد لي تبتاكر بيها ااسلاح غريبة و حديثة
جوزيف:اممم...شنو لي خلاك تيق فيا و نتا مكتعرفنيش
الرجل:بسهولة قدرتي دير بلاصتك فالميدان و فسن صغيرة....فاش سمعت عليك فكرتيني فشخص كان بنفس مهاراتك داكشي لاش تقدر تقول قلبي حبك و بغيت نتعامل معاك
جوزيف :علامن كتهضر
الرجل:ديييفل
جوزيف:دييفل!!
الرجل:اكيد سمعتي بيه كان شخصية بارزة فعالم المافيا رغم الغموض لي كان فيه و لكن كان كواشي كيضرب ليه الف حساب
جوزيف:عمري سمعت بيه
الرجل:تاحد مكان كيعرف وجهو كيكان و بطريقة غامضة اختفى و مابقاش بان
جوزيف:احم ...فاش بقينا ...شحال كمية دسلاح لي بغيتي
##نرجعو للمغرب
قصر برادة ...هالة كدور من هنا لهنا و كتشوف واش ناقصة شي حاجة على قبل الحفلة حتى شداتها شي يد
ايهم:حبيبة ...دوااا
هالة:امم نسيت (خداتو و شرباتو )طلع وجد راسك مابقاش بزاف و يبداو يجيو ناس
ايهم:و نتي
هالة:حتى انا جايا دابا
ايهم:اوك
طلع ابهم للجناح ديالو ودخل للحمام ...و جاد جالس فبيتو مجبد فوق سرير و حاط لابتوب فوق كرشو مع نضارات طبية و خدام فيه حتى ضرب لفكد شاف ساعة حطو و مشا دخل للدريسينغ جلد كوسطار اسود مع شوميز بيضة لبسو و طلع تشاوك و رش بارفانو دار ساعتو و تم نازل
جاد:لواليدة...طلعي تلبسي
هالة:واخا حبيبي لقيتيني طالعة (باستو )
طلعات لبيتها لبسات قفطانها تحت نظراا ابهم و مشات عندو وقفات قدامو كضحك
هالة:(كتقاد ليه لكرافاطا)الشويرف باقي بوكوص ها
ايهم:ههه عارف ليووم نطيح تيتيز و نجيب عليك الضرة
هالة:كون تحشم اهاد الراجل
ايهم:(شادها من خصرها )جاك زوين لقفطان هالة:انا كولي زوينة
نعمة:هههههههه حالتك صعيبة..يالاه زيدي نزلو باش تيتقبلي حبيب القلب
القصر بدا يعمر و جاد كيستقبل فضيوف لي كانو غير نخبة المجتمع رجال و سيدات الاعمال و عاد مجموعة من اصدقاء جاد ايهم و هالة نازلين مشابكين الايدي و فزجهم ابتسامة اما جنى و نعمة نازلين كيشي اميرات بلي غوب سواغي ديالهم و عينيهم غير كينقلو ....سهى و دانبال واقفين و كيرحبو تاهوما بالضيوف و المشروبات دايرة منها الغازية و الكحولية و عاد العواصير
نعمة جرات جنى و تمو غادين جيهة جاد لي هاز كاس شامبانيا فيديه وكيضحك مع صحابو ..محس بلبنات حتى وقفو عليه ..ضار عندهم و هز حاجب كيطلعهم و يهبطهم
جاد:مالكم
نعمة:بغينا نوقفو معاك
جاد:سيرو تلعبوو ...ممساليش ليكم
....:هاد زين كامل و ممساليش ليه اصاحبي جاد:زياااااد...جمع راسك اصاحبي
زيااد:ههه اجيو الكتكوتات حنا مساليين ليكم
جاد:(شاف فيهم و دار ليهم بعينبه زعما واخا )
نعمة:جادووووو
جاد:اشبغيتي
نعمة:ترقص معايا كتعجبني هاد الاغنية
جاد:(حط لكاس)واخا زيدي
نعمة شدات فجاد تمات غادية هي وياه و ضارت غمزات جنى ...نعمة و جاد وقفو وسط الحفلة و بداو كيرقصو
جاد:لاياش كتخططة البرهوشات
نعمة:اللع اخويا ..لاش انخططو لهلا يكيح علينا شي بطل
جاد:حتى نكون جاي من لمريخ و دوزوها عليا
نعمة:ههههه وينو وينو(قرسات حناكو)
جاد:هداي البرهوشة
نعمة:عادي انا هاختك صغيرة 😂😂
زياد:جنى صافا
جنى:(لعصافير تزقزق و حشمانة)وي و نتا
زياد:جيتي زوينة ليوم
جنى:ميرسي
زياد:شبان ليك تا حنا نمشيو نرقصو
جنى:ههه واخا☺☺
دخلو تاهوما احلبة الرقص و بداو كيرقصو و جاد كيضرب عليهم بنص عين و مريط ديكور
جاد:بيناتهم شي حاجة
نعمة:عاد ناويين 😂😂😂
جاد:(شاف فيها )جمعي فمك و نتي غير تكركري
نعمة:كلب
جاد:غنضرب مك ...نفرجهم فيك
بقاو كيرقصو جنة و زياد كيبتاسمو لبعضهم و نعمة و جاد نايضة سباط بيناتهم و هادا هو حالهم من صغر و هوما قراب لبعضهم بحيث ترباو بجوج داكشي علاش علاقتهم مرتابطة بزاف بحال خوت او كثر و رغم المعيور لي بيناتهم كيبقاو عزاااز على بعضهم
سالات الاغنية و مشاو رجعو لبلايصهم و جنى و زباد تلقو فالكلام جاد فهمهم و مبغاش يحكر حيث بالرغم انه كيخاف على ختوو لكن ثيقتو فزياد كبيرة داكشي باش ميك ....اما ايهم و هالة و سهى و دانيال فبقاو مقابلين الضيوف و هالة مع سيداا الاعمال كيتحدثة على الجمعيات الخيرية لي مشاركا فيهم هالة ..و هاكا سالات الخفلة و طلع كل واحد لبيتو
بعد مسالات الحفلة كولشي تزلع لبيتو لبنات فبيت جنى و جاد فبيتو و شرافنا فبيتهم و دانيال و سعى رجعو لفيلتهم
نعمة:ههههه غاقضي هالعار غير نتفكو ...كحزي خليني نعس و نتي مكتقاديش
جنى:معرفنا شكون مكيتقاداش
نعنة:خهههه تبصبحي على خير
جنى:و نت من اهلو
عند جاد عريان لابس غي لبوكسور حاط قدامو لابتوب و داير جهاز بلوتوت فودنو
جاد:مكابنا حتى شي خباار ....(تنهد)اممم ..ديرو لي فجهدكم (قطع الخط)
حط لابتوب و تكا طفا ضو و بقا كيشوف فالسقف شحال و كيفكر و نفس الشيئ فميلانو ...جوزيف ناعس فوق سريرو فدارو معزولة و كيشوف فالسقف و الضو طافي
🌇🌇صبح الصباح فوقو ابطالنا ...ناض جوزيف لبس شورط و مايو كحل و نزل للصالو لي عندو فدارو و بدا كيتريني و كان نفس ااشيئ بالنسبة لجاد كملو تمارين الرياضية و كل طلع لبيتو دوشو و لبسة ملابسهم لي تقريبا نفس ستيل و نفس الذوق و توجهو كل واحد للعمل ديالو
مشا جاد للشركة دخل نيشان للمكتب ديالو طلب قهوة كحلة و جلي كيخدم....اما جوزيف فتوجه للمكان خالي من تلجنس البرشري وقف قدام بوابة كبيرة وقف قدامها لمدة 5 ثواني حتى داز عليه سكانير و خرجات واحد لعيبة حط فيها يدو كاملة وقرب عينو ..عاد باش تحل لباب و بمجرد مدخل تسد فرمشة عين بقا غادي حتى وصل قدام باب صاني و كان الكتروني ايضا جبد واحد السوار دوزو على الباب دخل لكود عاد تفتح و تم داخل كان مصنع كبيييير عامر بالاسلحة اشكال و انواع و عاد الالات و المواد لي كيتصنع بيها مشا جلس فواحد المكتب شعل بيسي و دار نضارات طبيبة و بقا خدام...حتى بدا يصوني ليه تيلي هزو و جاب بنبرة حادة
جوزيف:نعام
سايمون:مغتجيش تسلم عليا
جوزيف:مشغول..مهم نتمنى تكون العملية ناجحة
سايمون:امم...تهلا فماما
جوزيف:الميمة فعينيا
سايمون:مزيان...نتلاقاو عما قريب
جوزيف:ضروري (قطع)
جاد كمل خدمتو و ناض تاجه لمكان خالي و مهجور نزل من اللوطو و طلع جلس غوق الكابو حتى تمات جايا واحد الطوموبيل كاط كاط من نوع بي ام
بقا جالس جاد فوق كابو دلوطو حتى تمات جايا بي ام كاط كاط كحلة حتى وقفاع عليه نزلو جوج دراري طوال و مgدرين
...:شااف
جاد:(بنبرة حادة)شنو لقيتو
...:لقيناه...خبرنا العميل السري ديالنا لي تما بلي خونا حاليا كاين فايطاليا
جاد:اوكي...وجدو لفريق غدا نكونو تما
...:مون شاف
جاد:تقدرو تمشيو دابا و متنساوش الامر يبقا فغاية السرية الجواسيس معانا...و حتى داك العميل لي ممعروف عليه والو متيقوش فيه بزاف
...:شاف (و مشاو )
ركب جاد سيارتو و مشا نيشان للقصر دخل بانت ليه هالة جالسة فجردة و ساهية ...توجه لعندها قرب ليها و بدا يسمع شهيقها و تنخصيصها ...تنهد و مذا جلس حداها
جاد:مزال كتعذبي فراسك ...دموعك نشفووو هالة:(تلاحت عليه معنقاه)مقدرتش اهئ اهئ مقدرتش نساه 22 عام دازت و مقدراش نساه اهئ اهئ و تاحد فيكم محاس بيا ...قلبي كيتقطع بغيت نعرف عليه غير شي خبار ..بغيت نعرف غير واش حي ولا مات و منبقاش عايشة فهاد العذاب اهئ اهئ
جاد:(كيمسح على شعرها)هاكا كتعذبي راسك و كتعذبينا معاك ...حنا ماشي محاسينش بيك و لكن ماباغينش نزيدو على مابيك...جتى انا راه خوبا و تزادينا فنهار واحد و لكن هادشي لي كتب الله مندنا مانديرو..مخلينا فين قلبنا و مزال كنقلب و اى كتاب نتجمعو من بعد هاد لفراق ...وفغنتجمعو باذن الله
جاد:(مسح دموعها)مسحي دموعك مابغيتش نبقا نشوفهوم ...و انا غندير جهدي كامل و انشاء الله انلقاوه تيقي بيا
هالة:(زيرات عليه و كتشم فريحتو)غادي تلقاه ياك
جاد:انشاء الله ...(سكت شحال) لواليدة
هالة:(هزات فيه راسها )لا رد
جاد:غدا مسافر لايطاليا
هالة:شنو....لا لا منخليكش تمشي اهئ اهئ
جاد:ضروري نمشي على ود لخدمة..و مغنتعطلش وعد
هالة:لا هي لا ....براكة غير فراق خوك متزيدسنش تا نتا ..مغتمشي فين (و ناضت زاعفة)
جاد:(مسح على وجهو) اففف فينك اجووود فيينك
ناض جاد طلع لبيتو جمع حوايجو فلافاليز و خرج كيقلب على باه
جاد:فين لواليد
لخدامة:سيدي راه خرج و مزال مرجع
جاد:فاش يجي علميني
لخدامة:واخا سيدي
مشا حل لبيسي و بقا خدام فيه شحال حتى دقات عليه لخدامة و خبرات بان سي ايهم فالمكتب ديالو
ناض طاير مشا لعندو
ايهم:مالك
جاد:خاصني سافر غدا و راك عارف الواليدة ....كل مرة كدير ليا فيها جنازة و دابا قاتليك لا هي لا
ايهم:و نتا ضروري تسافر زعما
جاد:لواليد الله يهيديك..راك عارف خدمتي
ايهم:بففف صافي انا انهضر معاها
جاد:(كيحك على وجهو)خفتها غير لا تعصب و تشدها لاكريز
ايهم:متخافش انا عارف كينتعامل معاها
جاد:واخا
خرج ايهم من المكتب و مشا لبيتو لقا هالة جالسة حاطة لمخاد قدامها و كتبكي
ايهم:مال اميرتي (و مشا جلس حداها)
هالة:عارغاك لاش جاي...مغديش يسافر
ايهم:هالة مالكي على هاد لحالة راه ماشي اول مرة يسافر يوماين و يرجع
هالة:لا مبغيتش هي مبغيتش وولدي ايبقا هنا حدايا
ايهم:حبيبة الله يهديك راه خاصو يسافر عندو خدمتو و تاهوا خاصو يشوف حياتو مالو ايبقى غير جالس حداك
هالة:ايهم ...مغتفهمنيش عندي احساس خايب مبغيتوش يسافر خايفة توقع لبه شي حاجة و هو بعيد عليا
ايهم:ولدك سبع معندو ميوقع ليه..تيقي فيا و فيه
هالة:(سكتات)منقدرش نبعد عليه 😢😢
ايهم:و حبيبة الله يهديك...راه ماشي دري صغير
هالة:اففف افف
ايهم:مغاديش يتعطل و الى تعطل عليك انا نتفاهم معاه ..صافي
هالة:واخا 😣
ايهم:الرضا و الحلوى المكرضة يالاه مسحي خناينك براكة
هالة:سير بعد مني
ايهم:ههه هاهوا غادي ...عنداك نجيب عليك ضرا و تولي تقفقفي
هالة:سير سير...شكون هادي لي تديها فيك الشارف الهارف
ايهم:باقي توعوز ابيبي نجيبها قد جنى
هالة:(شيرلا عليه بمخدة)الله يمسخك المفلس قول امين
ايهم خبر جاد بلي هالة وافقات داز نهارهم عادي و تعشاو مع بعضهم و كل واحد طلع لبيتو جاد غير دخل نعس و جنى بقات مكونيكطية فواتساب حتى طلع ليها مساج زياد فرحات بزاف و بدات كتجاوب فيه و هي كتنقز كيلقردة هههه كون كان كيشوفها موصيبة صافي 😂😂
جنى:(سيفطات مساج لنعمة)💬مك مك هضر معايا الحب
نعمة:💬هههه سيفطي نشوف شنو قاليك
جنى:(سكرينات لكونفيرساسيون و سيفطاتها )💬ههههه هانتي
زياد:💬ههههه هاي هاي
جنى:💬عههه قتليك هضر معايا (جاها مسج من عند نعمة)
نعخة:💬ولخرى سيفطي نشوف
جنى:😨😨😨ن ن ن سيفطتها ليه 😢😢اربي (حلقها نشف و بدات ضرب على صدرها بقوة الصدمة)احح لا ..😳😳نشوهت 😢😢😢
نعخة:💬 وفينك القردة واخا لمك حديري vu و مكتجاوبيش
جنى:💬😢😢لعواض منسيفط ليك سكرين سيفطتو ليه اهئ و عاد لساني فاضحني 😢😢شنو ندير
نعهة:💬😂😂😂😂😂طيرتيني...صافي عادي تقزدري
زياد:💬جنى...هيهو
جنى:💬بون نوي (وطفات تيلي و خمدات كاشرب فالشمتة)
عند الحبان ديالنا
ايهم:بست زيين
هالة:(مغمضة عينيها)ههه علاش كتقلب
ايهم:بغيت حقي
هالة:مناش
ابهم:من لحلوة ا بيبي
هالة:سير بحالك ههه
ايهم:(كيقرب ليها و كيطلع يديه مع جسمها كيبورشها)ماشي سوقي
هالة:تا اما ماشي سوقي احح حيد يديك
ايهم طلع ليها شوميز بشوية و نزل على صدرها كيبوس فيه و يرضع
هالة:اممم
طلع معاه تالعنقها مصمصو و طلع فوقها حط شفايفو على شفايفها و غاصو فبحر من القبلات و يديه كتسارا على جسمها حتى هيجها و لحرارة ولات طالعة معاها ..و فرمشت عين حل ليها رجليها حيد لبوكسور و بداو فالمعقوول (مساكن شرااف مابغيتش نتعدا عليهم😂😂)
🌇🌇اصبح الصباح فاق جاد هو لول دخل للحمام دوش و خرج لبس تجين ديلافي مع تيشورط بيضة و كويرة فلبوردو مع سبرديلة بيضة دار ساعا سبور فيدو من نوع سواتش و ريحتو Bentley لي كتعطيه جاذبية اكثر جر لافاليز ديالو و تم نازل تعرضات ليه هالة تخشات فيه باس على راسها
هالة:مغتعطلش و كل شوية هضر معايا
جاد:واخا لحب
جنى:احح غنتهنا شي يامات
جاد:عيني عليك البرهوشة
ايهم:الله يديك و يجيبك على خير
جاد:يحفظك الواليد..تهلا ليا غير فهاذي(و باس راس مو)
ايهم:ههه هي لي خاصها تهلا فيا ..اولا حبيبة
هالة:(عوجات فمها)لمسخ كولو تجمع فيك
جاد:ههههه تهلاي فيه تاهوا (مع غمزة)
هالة؛(ضرباتو)جنس قصيف بحالك بحال باك
جنى:وانا شكون يتهلى فيا
جاد:نتي بعدي غير على المشاكيل هاودني منك
جنى:😕😕😕
جاد عنقهم واحد واحد و اكثر وحدة هالة وودعهم غير خرج من لقصر و بدات لالة هالة تشهق و تبكي
جنى:وصافي اماما ...براكة عليك
ايهم:هاااالة...ياك هضرنا
هالة:و صافي (مسحاتموعها)زيدو تفطرو
##فميلانو
جوزيف ناعس على كرشو فاققصر حتى تمات داخلة سيرين كتبكي بدخوع لفرحة
جوزيف:(ناض قافز)لميمة مالكي
سيريت:اهي اهي نجحات العملية اولدي..هه و تخيرا ولدي غيتمشى على رجليه
جوزيف:(عنقها )اوا مزيان
سيرين:بغيت نمشي عندو ضروري خاصني نقابلو
جوزيف:واخا..انا نسيفطك عندو مزبانة
سيرين:اه احبيبي ...وجد ليا ليوم نمشي و جتى نتا
جوزيف:لا الميمة معندي كيندير انا..خاصني نكمل شي خدمة ...مهم نتي غير وجدي راسك و انا نوصلك للمطار
سيرين :واخا حبيبي
خرجات سيرين و جوزيف ناض دخل للدوش دوش و خرج لبس تجين فبه تقاطع مع تيشورط بيضة فيها كتبة بلحمر و تجاكيط كوير فلبوردو طلع شعرو مع ساعتو و ريحتو المفضلة من ماركة Dunhill و لي كيعطيه رونق خاص و جذاب و ساعة يدوية من ماركة omega كمل الحطة ديالو و تم نازل كيتعنكر
جوزيف نزل فطر مع سيرين و هاد الاخيرة طلعات لبيتها جمعات حوايجها و نزلات و موراها لخدامة مهبطة الشنطة ديالها
سيرين:انا واجدة
جوزيف:واخا..يالاه نوصلك
خرجو رحبو فاللوطو و موراهخ بي كارد نيشان للمطار و بالاهص فالمكان المخصص للطائرات الخاصة ..نزل جوزيف و سيرين كيتسالمو حتى حطاا فالمكان لي جنبهم طايرة خاصة من نوع خاص غير تحل لباب و نزل الشخص لي كيتواحد فيها ...تراكمات الاحساسيس شعور غريب متبادل جوزيف كيحس بشي حاجة غريبة حواليه و جاد نفس الشيئ كيحس بشي حاجة كانت ناقصاه و كملات لما لا و القدر لعب لعبتو من بعد 22 سنة من الفراق من لعد مفارقهم يوم عيد ميلادهم ليوم و فنفس ليوم عاود جمعهم و لكن شنو يكون مخبي هاد القدر تاحد معارف ...جاد بقا كيدور عينيه فارجاء المكان مفيقو من سهوتو صوت واحد من الفريق
...:شاف طومةبيل واجدة
جاد:امم
ركب جاد و الفريق ديالو فسياراتهم ..فحين جوزيف سلم على سيرين و ركب تاهوا فسيارتو و هو تفكيرو طاير مع بعض الذكريات لي كيراودوه فكل يوم من السنة لكن بصور متقطعة ""هابي بير زدايتويو"" ...""زاااد زااد اجي سوف لحلوة "" ..""يالاه مامي حبيباتي قطعو لحلوة ""
وقف جوزيف اللوطو بجهد و هو كيتنفس بصعوبة و شاد فراسو
هالة:سير امامي قلب عليه..اتلقاه مخشي فشي قنت عوتاني
جاد:واحا
خرج جاد كيجري و كيعيط بسمية جوود
جاد:زووود فينك زوووووود
قلب لفيلا كاملا مي مالقا والو و رجع عند هالة كيبكي
هالة:جاد ...مالك امامي
جاد:اييع مامي زوود مكاينس ..فين مسا و حلاني
ايهم:قلبتي عليه لفوق
جاد:اه 😢😢
هالة:ايكون غير مخبي عليك متقلقش هانا نمشي نقلب عليه اوكي
ايهم:حبيبة غير هليك نتي حاملة ..انا نمشي نقلب
ناض ايهم تيقلب والو هرج كيجري ند لي كارد
ايهم:جود مخرجش
كارد:لا اسيدي
ايهم:كيفاش لا و دري مكاينش ليه الثر دابل تقلبو عليه دنيا
دخل كيجري لقا دانيال
هالة:فين ولدي
ايهم:تهدني ...غيكون هرج بلا ميشوفوه الرجال ..هاهوما ايقلبو علبه
هالة:(غوتات )كيفاش خرج...جيبو لي ولدي طلع ايهم كيجري لغرفة المراقبة حتى كيبان ليه جود كان فجردة و جراتو شي يد كان شخص مقنع مكيبان فيه والو حطز ليها شي حاجة على نيفو و هزووه...ايهم صعر و نزل كيلبركان كيغوت و تما كانت الصدمة بان هالة شداتها كريز و كانت غتفقد الجنين و طول مدة الحمل و هي فالعناية الخاصة فالمشفى لدرجة فترة حملها كانت كلها غير فوق السرير حيت كانت حيت كانت جاتها جلطة دماغية كانت كتسمع و تشوف لكن مكتهضر مع حد
و من داك ليوم فينما كان كيقرب عيد ميلاد دراري ايهم كيدير المستحيل باش تاحد ميفكرها فيه حيت كانت كل ما كتفكرو و كتفكر ولدها كتعاود تشدها نفس لا كريز و هادا هو اليوم لي كان كيهضر عليه ابهم مع جاد...و طول هاد سنين كاملة جاد عمرو احتافل لعيد المولد ديالو و هادا راجع للرغبة ديالو حيت كيحس بيه ناقص من دون توأم ديالو و ايضا من خوفو على ماماه
#نهاية فلاش باك
جاد وصل لاوطيل تابع للممتلكات برادة دخل بكل هبة و سيرفيس كامل كيعرفو بلا مينطق بحتى كلمة طلع لسويت ديالو لي كان كبير على شكل ابارطومون و اي حاجة بغاها يلقاها فيه ...اول مدار ددوش بفوطة مارون لاويه على نصو تحتاني و مشا جلس فوق الكنابي جبد بيسي ديالو و خدم جهاز لبلوتوت فودنيه
جاد:بغيت لمعلومات كاملين و دابا و حتى على داك العميل السري
...:حنا معرفناش العميل لي عينو سيادة العقيد..حيت بغا الامر يبقى سري
جاد:و باش انعرفو انا
...:هو غايعرفك و هو لوحيد لي يقدر يمدك بمعلومات لي غتحتاج ...الحاجة لي عارفها انك خاصك تكون اليلة فحانة ***
جاد:اوك...ربط ليا الاتصال بسايدة العقيد
...:اوك شاف (بعد ثواني )
جاد:تحياتي سيادة العقيد
العقيد:كولشي هو هاداك اسيادة الضابط ؟؟
جاد:خاصني معلوكات على العميل السري لي عينتوه سيادتكم..مفهماش هاد المهمة لي ممعروف عليها تاحاجة من غير اسم زعيم المافيا
العقيد:انا عارف شنو كندير و بصفتك احسن ضابط فبمجرد مغتمشي للعنوان لي عطاك الزميليالك غتفهم كولشي بسهولة و ديك ساعا تقدر دير خدمتك ...و انا متأكد غنتجح فهاد العملية كيف لي سبقوها ... و نتا اكثر شخص عارف علاش مابغيتش نعلن على هوية العميل
جاد:تحياتي
تلعقيد:بالتوفيق (و قطع)
عند جوزيف لي مشا للديبو ديالو جالس و فيديه كاس دشراب و حاط قدامو طابليت حتى دخل عندو لكارد ديالو
جوزيف:اشكاين
...:مستر سام (هو لي بغا من جوزيف يصايب لبه السلاح)عارضك ليوم لحانة ديالو
جوزيف:شنو سبب هاد العراضة
...:على ود الصغقة
جوزيف:اوك ...شنو درتو فالسلعة لي مشات لروسية
...:رجالنا تما تكلفو و مولشي غادي كيف امرتينا
جوزيف:تقدر تمشي
...:امرك
تعشات لعشية و اضواء ميلانو كتزيد فحمالية المدينة جاد لبس حوايجو و هز سلاحو دارو مور ظهرو و خرج بكل ثقة هز سيارة تابعة للاوطيل من نوع بورش فلgري ماط و زفها نيشان للملهة الليلي ...و فعاد الاثناء كات جوويف داخل تاهو بكل هبة و ثقة دخل و رجال سام كيرحبو بيه مشا لبللصة خاصة بل في اي بي سلم على سام بطريقة رجولية و جلس داير رجل على رجل ...و فهاد اللحظة جاد حتى هو تم داخل و عينيه كيدورو على المكان جتى طفاو ضواو و بدا كيبان غير الخيال و صوت طالون و فجأة gاع الموجودين بداو كيرددو اسم واحد ^كاتيي^... ^كاتي^ ^كاتي^(هادي فحاطر حبي كاتي كوكيتا 😂😂منسيتكش )
تشعل ضو فبلاصة وحدة و هي تبان بنت غاية فالجمال لابسة كسوة دراقصات فلبيض و كدير حركات مثيرة و الجمهور كيهتف باسمها و العيون باغا تاكلها و خي تبدا تغني و ترقص بطريقة مغرية و كتلوى من هنا لهنا تشعلاا الاضواء و كولشي هبال على هاد الجمال لي كيشوفو بعينيهم و هي كتغني فجأة لقت انباهها شخص و مشات كتجري عندو و كتشطح و كان هو نفسو سام تحنات عليه و كتشطح و تغني مع غميزات دوخوه
جوزيف غير كيشوف و ممسوقش نهائيا لدرجة ضرو فراسو هاد الهرج و الغوات ...و فجهة اخرى جاد هاز كاس فيدو و جالس قواحد لكوان شاد بيه الملهى كامل ...و عينيه غير كيدورو حتى تمات متقدمة ليه المغنية و هو ممسوقش كتغطيه من هنا كيحرك راسو من هنا حتى قربات ليه و حطات يديها على كتفو شاف فيها باستحقار و نتر يديها و هي هازا لميكرو كتغني ...عاودات حطات يديها و هاد لمرة قربات ليه و كتشطح
كاتي بقاا كتشطح و تحكحك مع ج كتهز بديها و تنزلها مع وجهو و هو كيحاول يبعدها حتى زادت لصقات فيه حطات وريقة صغيرة فيدو و قربات لودنو بعدات لميكرو و هضرات بشوية غمزاتو و لعدات عليه كملات غناها ...جاد حل لورقة قراها و تقابل مع سام و جوزيف و هو عاقد حجبانو
جوزيف:شمن صفقة هادي باغيني فيها
سام:10 طن من الكوكايين
جوزيف:مكنتاجرش فالمخدرات
سام:تقدر تقول مساعدة و بحلاوتك
جوزيف:وضح
سام:عارفك ذكي بزااف...مهم انا فهاد الفترة مهدد من قبل المخابرات و الشرطة الدولية داكشي علاش منقدرش نسيفط الشحنة ديالي ..و هادشي علاش بغيتك نتا تكلف ليا بيها و عارفك قد المهمة
جوزيف:هههههههه من نيتك
سام:تلمبلغ لي بغيتي يتحط فوق الطبلة
جوزيف:شحال قلتي 10 طن
سام:بالضبط و باغي نسيفطها للمغرب
جوزيف:اذن نص ب نص
سام:عهه مشاات (مد يديه)اتافقنا
جوزيف:تافقنا ...سيفط ليا المعلومات كاملة و انا نتكلف...و لكن (شاف فيه بنزرة حادة)متفكرش مجرد تفكير تلعبها عليا ...اولا تحمل المصير ديالك
سام:كون هاني
جوزيف:(وقف و هو خاشي يدبه فجيابو و كيدور عينيه فالمكان شاف فيام و رسم ابتسامة جانبية )ديك المغنية متصلاحش ليك ....شميت فيها ريحت الغدر (دار ضحكة جانبية و زاد )
تم غادي حتى كيدوز من حدا جاد محس براسو حتى وقف و نفس شعور دصباح راودو و نفس الشيئ بالنسبة لجاد جوزيف دار بزربة تلاقاو نظراتهم..جاد قلب وجهو بزربة و جوزيف بقا مدة هاكاك عاد كمل طريقو
جاد:(خدم جهاز لبلوتوت لي فودنو و بدا يهضر ) بدر شخص لي خرج دابا بغيت gاع المعلومات عليه
بدر:اوك
جاد بقا حاضي سام لي جر عندو جو عاهرات و هو متوسطهم و كيضحك ....دور عبنيه كيقلب على كاتي حتى بانت لبه كاتي جارينها جوج رجال و هي كتحاول تنتر منهم عرف لقضية حامضة ناض تم خارج كيجري ربط الاتصال بالغريق ديالو
جاد: هاد لبار فيه مخارج سرية ؟
...:وي مون شاف . كاين واحد فجهة الخلفية و لكن صعيب توصل تما دنيا عامرة بلي كارد
جاد:اوك
قطع و تم غادي كيقلب على الباب الخلفي حتى لفاه وقف بعيد و ظلام و تيبانو ليه غير الكتل الضخمة واقفة
تحل لباب و شاف دوك رجال مخرجبن كاتي و هي كتركل ليهم جبد سلاحو و دار ليه كاتم الصوت او بدا يتيري واحد فواحد و كيتخبى لي كغرد مفهمو والو و تاهوما بدا يتيريو فالفراغ
لكارد :سيرو شوفو شكون كيطلق الرصاص
واحد من بي كارد يلاه جا بغا يشوف شكون و هي تجيه ضربة لراس بمؤخر السلاح غيب فلبلاصة ...جاد تخبى مور واحد لبرامل عاود عمر سلاحو وجهو على لكارد لي شاد فكاتي و ياد ليها فمها بيدبه ..نيش عليه باق طاح فلبلاصة غير طلق منها هزات كسوتها و جبدات كليموجين(بخاخ قاتل رشة منو كتغيب لواحد ) حاطاه ففخضها فواحد لبناضة و تمات غادة كتجري و صوت رصاص كاسر دنيا مي تاحد فالملهى مسامعو نظرا للاغاني الصاخبة لي مطلوقة ...كاتي اكارد لي تبغي يوقفها كترش عليه لكليموجبن كيغيب حتى جراتها شي يد يالاه بغات ترش و هو يلوي ليها يديها
جاد:شش هادا انا
كاتي:اووف خلعتيني
جاد مجاوبهاش شدها من يديها و تم غادي بيها و كيتسلت على لي كارد لي كاينين فلباب الرئيسي حتى وصل للوطو ديالو جبد حل لباب لوراني و ركبها
جاد:بقاي هنا شويا و نرجع
كاتي:اوك
عغد دخل جاد للملهى لقا سام عايش و كيضحك مع العاهراع لي ضايرين بيه بقا جالس شحال جتى كيبان ليه سام ناض و تم غادي خارج ..جاد قاد كاسكيطتو و حوايجو و جمع لوقفة جتى هوا خلاه حتى قرب ليه جاد جبد جهاز صغير من جيبو و لصقو ليه فلباسو بلا ميعيق ...و خرج لقا كاتي باقي كتسناه ركب فاللوطو
جاد:ششش (شد لاباري لي فوذنو وقف اللوطو و بقا كيسمع)
كاتي:شنو واقع
جاد:(شاف فيها دار ليها بصبعو سكتي )شش
بقا مدة هاكاك عاد ديمارا
كاتي:واش تقدر تفهمني
جاد:متكونش فيك لهضرة بزاااف
كاتي:(سكتات )لا رد
بقات ساكتة و كتشوف و همعارفاش فين غاذي حتى وقف قدام لوطيل
كاتي:هيه شنو كنديرو هنا
جاد:نزلي
نزل جاد و تبعاتو كاتي و تمو طالعين
مهم نعرفكم هلى كاتي ..الاسم الحقيقي كوثر طواهري عندها 23 سنة ..بنت زوينة عينيها خضرين و شعرها طويل بني غامق مطويلة مقصيرة و عندها طاي مقادة مع كثرة فالمؤهلات الضرورية
مهم بقات تابعة جاد و كولشي كيشوف فيها و مع لبايها كتبان بحال شي عاهرة و غادة مع تمتع شي كليان وصلو لسويت ديالو جاد حل لباب و دخل فحبن هي بقات واقفة قدام لباب
جاد:مغدخليش
كوثر:لاش جينا هنا
جاد:ميمشيش بالك بعيد و دخلي
دخلات و سدات وراها لباب
جاد:شنو سميتك الحقيقية
كوثر:كوثر الطواهري
جاد:اوكي ...انا جاد ...مهم هاد لفترة اتبقاي هنا حتى نساليو هاد المهمة
مشات كوصر تلاحت فوق الناموسية دعيا غيبات مع لعيا اما جتد فدخل للبيت قاني لي كان على شكل صالون تلاح فوق لفوطوي دار يدو مرؤخر رأسو و غمض عينيه و كيفكر فشي خطة باش يقدر يسااي هاد المهمة فاقرب وقت
🌇🌇صبح الصباح ...عند جنى لي فايقة ناشطة ناضت دخلاع للحمام و تخشاتو فلبانيو من بعد مدارت فيه باندوش بريحت لفريز و جلسات هازة فيديها رواية رومانسية و كتقرا شي نص ساعة و هي كترخي فعظامها و عايشا مع القصة حتى سالات و ناضت شللات و غسلات شعرها و خرجات لاوية عليها بينوار غوز بيبي حلاع للبلاكار جبدات حوايجها حطاتهم فوق السرير و مشات نشفات شعرها الذهبي قادات ميك اب و عاد لبسات حوايجها دارت اللمسات الاهيؤة و تمات نازلة حتى صونا لفون ديالها شافت نمرة و جاوبات
جنى:احم الو
زياد:صباج الورد
جنى:صباح لخير😃
زياد:انا برا كتاسناك اوك
جنى:واخا انا خارجة (قطعات )
ايهم:فين خارجة
جنى:احن بابا
ايهم:صباح لخير
جنى:صباح نور
ايهم:فين خارجة مع صباح
جنى:احم غبر ...هوا غير
ايهم:(هز حاجب)غير شنو..غير هضري
جنى:صراحة بابا واحد صديق عارضني للفطور (و حنات راسها)
ايهم:(جاتو الضحكة)و شكون هاد صدييق
جنى:(حانية راسها و كتهضر)صاحب خويا جاد ...زياد
ايهم:(خربق ليها شعرها)اوك بصحة
جنى:(وسعات عينيها)بصح ...بابا معندكش مشكل
ايهم:لا غير حضي راسك و رجعي بكري
جنى:ياي (طارت عليه باستو)لحب نتا ميرسي
ايهم:ههه سيري سيري...صراحة منخافش عليك نتي نخاف غير على داك لولد مسكين ملقى ميخرج معاه غير هبيلة
جنى: حشومة عليك
هالة:بعد من بتتي نتا..مخاينش شي هبيل قدك
جنى:ههه عطيييه ...يالاه انا مشيت باي (باست مها و باها و خرجات)
هالة:مالها فراحانة
ايهم:ههه لبرهوشة كبرات وولاو عندها صحاب
هالة:شمون هاد صحاب
ايهم:زباد صاحب جاد
هالة:اوووه...مزيان 😃😃
ايهم:بقينا بوحدنا الخب ليوم نترومانساو انا و توت ديالي
هالة:كون تحشم
جنى لقات جاد واقف على اللوطو و كيتسنا داير نضارات شمسية ..مهم زياد هو صديق جاد من ايام الجامعة حبت قراو بجوج فنيويورك هاكا طورات صداقتهم زياد عندو 25 سنة و هو رجل اعمال
فاق جاد هو لول نلض نزل للصال لي فلاوطيل ترينا مزيان عاد طلع لقا لالة كوثر مزال ناعسة شاف فساعة و مسا قرب ليها باش يفيقها حتى كيتفاجئ من وجها لي ظاهرة عليه ملامح البرائة لي شافها ميقولش هادي لي كانت كترقص بطريقة مغرية و عباد الله gاع كيهتفو بسميتها ..شافها تحركات عاد وعى على راسو
جاد:هييه ..فيقي خلاص
كوثر:(حلات عينيها)صباح لخيرر
جاد:صباح نور...لفطور راه واجد من صباح
كوثر:اوك
دخل جاد للحمام دوش و خرج لغوي عليه فوطة من لتحت و شعرو كيقطر بلما كوثر شافتو و حلات فمها بقات كترمش بزربة مفاقت غير من بعد متسد باب دلحمان بجعد كان جاد هز حوايجو و دخل يبذل فللحمام
حوثر:احم رجوع الله اكوثر تقولي عمرك شفتي بنادم ..تفوو
مشات جلسات فوق الطبلة و و بدات تاكل حتى خرج
جاد:انا غنخرج نجيب ليك شي حاجة تلبسيها ...خاصنا نتحركو
كوثر:بلاتي ....انا معندي فين نتحرك اولا انا مهمتي هي الاغراء ثانيا انا ممدرباش على فنون القتال و حتى من سلاح مكنعرفش نستعملو
جاد:(بعدم فهم )شكون هددك ..شهاد تخربيق (جلس)قولي شنو عندك
كوثر:(تقابلات معاه)انا بصح كنخدم فالملاهي الليلية كنغني و نرقص ...وواحد نهار كان تعرض ليا صاحب واحد الملهى كونت خدامة فيها فروما و كان بغا يغتاصبني انا معرفتش كيندير حتى نتفك منو ملقيت غير قرعة دزاج كانت حدايا و ضربتو بيها مات انا هربت و مبقيتش فروما و جيت هنا لميلانو و هنا فين تلاقيت بالعقيد و طلب ني نكون جاسوسة ...فلول رفضت لكن هددني الى مدرتش لي بغا يدهلني الحبس بتهمة القتل و صافي
خرج جاد شرا لموثر خوايج و رجع حط ليها ساشيلت و مشا جلس فوق لكنابي و قدامو لبيسي
كوثر:(كتقلب فساشيات )سيكوا سا...سي با مون ستيل
جاد:(هز راسو فيها )من نيتك
كزثر:احم اوك ...شكرا
جاد:و لبسي طلقينا
ناضت كوثر دخلات للحمام لبسات تجين نع تيشورط و سبرديلة دارت كاشكول على عنقها و طلقلت شعرها و خرجات عندو
كوثر:انا واجدة
جاد طلعها و هبطها ووقف سد لبيسي دارو فكغطابل ديالو هز سلاحو او خرجو
كوثر:دابا انا لاش غادة معاك فاش غنفيذك
جاد:زيدي و سكتي
تم غادي و هي موراه نزلو ركبو فاللوطو و ديماراو حتى وصلو قدام واحد لقصر
كوثر:(شهقات)هادا ديال سام
جاد:ششش
كوثر:شنو باغي دير
جاد:(ربط الاتصال بلفريق )كونو واجدين فاي لحظة نعطيكم الاشارة (طيط)
كوثر:و شنو باغي ديرر
تحل بلب لقصو و خرجات سيارة سام و لي كارد موراه ديمارا جاد و بقا تابعهم مندون ميلاحظوه حتى وصلو لواحد المصنع مهجور لكن فيه حراسة مشددة نزل الشيفور و حل لسام لباب نزل بلباس اسود و يديه فجيابو و تم داخل و كولشي كبعطيه التحية...اما جاد فوقف بعيد
جاد:هه هادي نهايتك اسي سام ...شوفي نتي متنزليش من هنا (عطاها واحد الجهاز)هادا خليه معاك و حضي الى جا شي حد قوليها ليا او وياك تنزاي من اللوطو مهما صار مفهووم
كوثر:و لاش جايبني معاك اصلا
جاد:الشخص لي كان مع سام لبارح ايجي ..فاش تشوفيه قوليها ليا
كوثر:واخا
نزلجاد كيتسلت و خلا للوطو بعيدة نقز من لحديد و دخل كيجري و فنفس لوقت كيتجنب الحرتس حتى وصل حدا واحد السرجم و بدا كيطل من تقيبات حتى كتبان ليه بزاف دلكراطن صغار مصافين و عاد طوابل كثيرة عامرين بخنيشات لكوكايين
جاد:(فخاطرو)و اخيرا (حط يدو على جهاز لب فودنو)
كوثر:جااد راه وصل
جاد غير سمعها قطع معاها و ربط الاتصال بالفريق ديالو
جاد:حاصرو المكان
جبد سلاحو و دار ليه كاتم ااصوت و بقا كيطل حتى كيبان ليه جوزيف دخل مع رجال و تسالم مع سام بليد ...مشا كيجري تخبا و بدا كيتيري فالحراس لي على لباب من لور شويا و لاكيتسمع صوت لوطواطة (مشا ليا المصطلح 😂😂)ديال سيارات الشرطة و فجأة لمكان تحاصر و لتحاق الفريق لجاد و دخلو
دخل جاد و الفريق للمصنع و كولشي موجه سلاحو و نفس الشئ بالنسبة لجوزيف و سام و رجالهم
بدات حرب السلاح لي كارد كولهم طاحو للارض جاد وجع سلاحو لجوزيف و سام شدوه فريق المخابرات
جاد كيشوف فجوزيف و بجوجهم هازين فيديهم السلاح لكن تاحد مقد يضغط على اازناد
جاد:(يديه كيترعدو)رمي سلاحك
جوويف:(تاهوا يديه كيترعدو و كيشوف فيه بعينين حمرين كيجمر )
جاد:(بلغوات)رمي السلااااح
جوزيف بدون شعور رمى السلاح من يدو دار بجنابو و هو يغوت
فهاد الاثناء سهى و دانيال و نعمة كانو داخلين سمعو لغوات مشاو كيجريو
دانيال:هالة ....مالها
هالة:(بصوت مخنوق) و و لادي
ايهم:(كيمسح على شعرها) تهدني حبيبة ششش
سهى:مالها عوتاني
نعمة:عميتوووووو (تحنات عندها عنقاتها)مالكي
هالة:اهئ اهئ بغيت ولادي
#ميلانو
جوزيف فاش غوت كان سام تفك من لبوليس و خطف لواحد منهم سلاح ووجهو لجاد جوزيف شافو و مشا كيجري و لعوض متجي رصاصة فجاد جات فجوزيف ....جاد تصدم هز سلاحو و بلا ميمرش عين قتل خوا الرصلص كاما فجسم سام و تحنى عند جوزيف و عينيه عامرين بالدموع كيحس براسو هو لي ختارقاتو الرصاصة
جاد:فييق ...هييه صاحبي فيق (غوت )عيطوووو للاسعاف
سيارة السعافت تعطلات جاد مقدرش يصبر و ناض جمع لوقفة هز جوزيف بصعوبة نظرا ان لبنية ديالو ضخمة و مشة داها للوطو ديالو كوثر غير شافتو شهقات حطو فاللوطو لور و ركب هو لقدام و عفط عفطة وحدة و هو بلا عقل
كوثر؛ش شنو وقع ...جاد بشوية اتقتلنا اااااا
جاد:شوفيه واش كيتنفس ...سربي
كوثر ضارت و حطات يظيها على صدرو
كوثر:اهي اهي اه اه
وصل لكلينيك و هرج كيغوت حتى تمو هارجين الاطبة و معاهم ممرضات جايبين بياص متنقل هرجو جوزيف من اللوطو و حطوه و هو كلو دمايات
طبيب:وو غرفة العمليات المريض جالتو حرجة
جاد :(شنق على طبيب و عينيه حمرين)توقع ليه شي حاجة نتبعك ليه
طبيب:كح كح كح ط طلق
كوثر:جاد طلقو...مفهماش لاش دلير هاد لحالة ياك هو غير مجرم
اييييع قوداتها محسات بتنرنيقة منبن نزلات عليها عوجات ليها الحنك
جاد:(قجها)نقتل مك و نشرب من دمك كتفهمي
كوثر عينيها كيتقلبو ووجها زراق جاد وعا على راسو و طلقها مشا جلس و هو شاد فراسو
جاد:(شكيوقع ليا ...علاش تعرض للرصاصة علاش اففف ياربي تعاوني شهادشي ..شكون هو شكون )
جاد مفيقو من تخمامو غير فيبرور تيلي فجيبو بقا كيقلب فجيابو و جبدو لقاه باه
جاد:(بنبرة حادة)لواليد ماما مالها ...بكاها كنسمعو من هنا
ايهم:(تنهد)جااها حالتها و كتغوت بولادي ...كتقولي واحد فولادي واقعة ليه شي حاجة داكشي باش عيطت ليه
جاد:كيفاااش ....دوزها ليا ....ماما
هالة:(كتبكي)اهئ اهئ جاد جاد ولدي
جاد:اه احبيبة تهدني مواقع والو
هالة:اهي اهئ
جاد:(شاف لممرضة خارجة كتجري)ماما من بعد و نعيط ليك واخا(قطع) شواقع مالو
ممرضة:شنو كتجي لمريض
جاد:مالو هضري
ممرضة:خاصو دم نزف بزااف ....زمرة دمو abسلبي
جاد:انا نتبرع ليه عندي نفس الفصيلة
ممرضة:اوك تبعني
جاد:(شاف فكوثر جالسة شادة وجها و كتبكي و مشا قرب ليها )شوغي مقصدتش سمحليا
كوثر؛لا رد
جاد تنهد و مشا كيجرس تبع الممرضة ..دحلاتو لواحد الغرفة و بدات كتحيد ليه الدم جاد:عافاك واش حالتو خطيرة
ممرضة:مع الاسف الرصاصة جاتو فمنطقة قريبة للقلب (سالات )خاصك ترتاح
خرجاع و رجعات للغرفة العمليات فحين جاد ناض شاد فيديه و رجع بلاصتو ت مشا جلس حدا كوثر
جاد:تقدري تمشي معندك متبقاي كديري هنا
كوثر شافت فبه موع فعينيها جناع راسها و تمات غادية و جاد متبعها بعينيه
بعد مدة خرجو الاطباء كيحيدو فلبوني ووجهم حمر جاد ناض كيجري
جاد:كيبقى
طبيب:العملية نجحات و لكن خاصو حتى يفيق عاد نقدرو نشخصو حالتو
جاد رجع بلاصتو جلس و كيفكر و فينما كيغمض عينيه كتجي ديك اللقطة فاش غوت جوزيف و تعرض للرصاصة بلاصتو
جاد بقا جالس و كيحاول يستوعب شواقع حتى تذكر عوتاني كلام مو و بقا كيحاول يربط الاحداث "ولدي حسيتك بحال الى نتا و خوك مجموعين"
جاد:افف لا لا مستحيل ...علاش تعرض للرصاصة بلاصتي افف انطرطق ..علاش فتش كنشوفو كنحس بيه قريب ليا اف اف
هرجات وغحد الممرضة شافها جاد و مشا عندها
جاد:كيبقا
ممرضة:غيبقا فالعناية المركزة حتى يفيق ...بالشفاء انشاء الله
جاد:شكرا ...عفاك تسناي
ممرضة:وي سيدي
جاد:(بقا ساكت )دم ديالي نطابق مع المريض
ممرضة:وي موسيو
جاد:واش نقدر ندير فحص adn
ممرضة:اه معلوم...جيبلي زغبة من شعرك و شعر لي باغي دير معاه لفحص مع عينة من لفم ديالك
جاد:واخا دابا نيت و الشخص هو لي ناعس لداخل
ممرضة:اه اوكي تسنى شويا انا راجعة
دخلات للمرضة هزات سعرة من جوزيف و جلات فمو هزات كوطونتيج (هاداك عود لودنين لكن طبي ) خشاتو ففمو و دوزاتو من جنب و جبدات عينة حطاتهم خرجات عند جاد قاتليه تبعني و نفس الشئ دارت لبه و داتهم للمختبر
لممرضة:نتيجة مغتخرج تالغذا
جاد:واخا شكرا
ممرضة:العفو
خرج جاد مشا للوطيل بدل و نزل لريسطو كلا و رجع للوبيطال بقا جالس فبلاصتو حتى داتو عينو
🌇🌇اصبح الصباح ..فاق جاد على لحركة فلكولوار ناض قافز شاف لممرضات كيتجراو مفهم والو
جاد:خدم الكاميرات لي كاينين فالعناية المركزة غرفة 37
دار الحارس داكشي لي طلب منو جاد حتى بانو لو لشخاص ذوي اجسام ضخمة هزو جوزيف داروع فبياص غطاوه و خرجو جاد محس براسو حتى ضرب يدو مع لحيط بجهد و تم نازل كيجري حتى سمع شي حد كيعيط ليه
ممرضة:موسيووو ....موسيو
جاد:وي
ممرضة:هادي نتيجة التحليل لي درتي
جاد:اوك ...مزال انتلاقا مع مدير المشفى نشوف شهادشي وقع هنا
ممرضة:(حنات راسها )
جاد خرج ركب فاللوطو و شد ديك نتيجة حلها و تحلو معاه عينيه
جاد:جووووود😍😍
جاد:ههه جووود واخيرا ههه
خرج كيجري من اللوطو و دخل للوبيطال لقا ديك للممرضة و شدها
جاد:عافاك حوايج خويا لي كان لابس بغيتهم
ممرضة:اه واها تلعني
جاد تبعها و حاس براسو طاير فالسما و جميع الاحاسيس متراكمة عليه وصلو لواحد الغرفة دخلات للمرضة و جبدات ليه حوايج جود شدهم و بدا يقلب فسروال لقل تيلي و بزطام ..حل لبزطام لقا فيه بطاقات بنكية زايد بطاقة التعربف ...خباهم و هرج رجع للوطيل حيد حوايجو و جلس جبد تيلي لقا فيه لكود لكن بمحاولة بسيطة قدر يحلو لانو خبير فمجتل التكنولوجيا بقا كيقلب مي ملقا والو من غير شي نوامر
جاد: ذكي اخويا حتى من تيلي دايرلو حماية خاصة
جاد حل لبيسي ديالو و دخل لموقع سري خاص بالاستخبارات و بدا يقلب على عنوان جوزيف (من ليوم انبقا نقوليه جود ) لقا عناوين كثيرة و من بعد بدا كيقلب على الاملاك ديالو و حتى هوما نفس الشيئ
جاد:اففف ماشي بسهولة انلقاك...لكن مغنفقدش الامل من بعد معرفتك مستحيل نسمح فيك (بقا كيهضر مع راسو حتى بدا تيلي يصوني )
جاد:حبيبة ديالي
هالة:جاد توحشتك رجع خلاص
جاد:حبيبة غير شويا و نرجع
هالة:والله و مترجع غدا لا بقا كلامي جا على كلامك
جاد:ما م(قطعات عليه ) بففففف امري لله
ناض جاد جمع جوايجو دوش لبس و خرج عبط لرجالو جاو فيساع عطاهم معلومات على جود باش يقلبو عليه فالعناوين لي خرجو ليه من بعد مشا نيشان للمطار ركب طيارتو و قلع ...غير طارت الطيارة جاد تفكر واحد الشخص
جاد:افف كيدرت مسولتش فيها ...نسيتها gاع
و فهاد الاثناء جود كيحل عينيه فغرفة صغيرة و الخيوط دايرين بيه و الصورة مضضببة حتى سمع واحد الصوت
...:على سلامتك
جود:(حقق مزيان و هو يبان ليه سايمون)لا رد سايمون: (واقف على رجليه نعم يسادة)دكتور كيدايرا الحالة ديالو
دكتور:قدر يتجاوز مرحلة الخطر بفضل جسمو الصلب ...يعني غير شي ايام و يولي لاباس سايمون:تقدر تمشي ...(شاف فجود شوفة دلقتيلة)شنوو هادشي درتي جوزييبف دويييي
جوزبف:شنو وقع
سايمون:انا لي خاصني نسول فبن كتعرف داك الضابط حتى تلقا للرصاصة بلاصتو
جود تفكر المنظر و كرز على عينيه
جوزيف:معقلتش شنو طرا شي حد دفعني
سايمون:ممم(عرفو كذب) اوك رتاح
عند جاد بعد مدة وصل للمغرب ركب سيارتو نيشان للقصر غير وصل و نزل كيجري فرحان و يعيط
جاد:هااااالة ...هلهولتي 😂😂😂
هالة:(جات كتجري عنقها و هزها على الارض و كيدةر بيها )حبيبتي صافا
هالة:بيخير منين شفتك...توحشتك
ايهم و جنى :احم احم
جنى :نحن هنا
جاد طلقها و هز ختو عنكشها باسها و مشا عند باه عنقو و همس فوذنو
جاد:واخيييييرا الواليد عندي اخبار فووووق السلك
ايهم:(شاف فيه باستغراب)
هالة:ولدي لاباس
جاد:لبخير الحب...فيا جوووع
جنى :يخ بنادم مضروب على كرشو
جاد:ديها فراسك البرهوشة
دخلو حطو لجاد لماكلة ساط فيها عاد هز راسو
جاد: مالكم كتشوفو
ابهم:تبعني
هالة:خليه غير يرتاح امالك
ابهم:نوضي رتاخي غير نتي
جاد:عندو الصح (باسها و تبع ايهم )
ابهم دهل للبيرو ديالو و جلس كيشوف فيه
ايهم:هضر شواقع
جاد:(جلس فلكورسي فرحان )لقيتوووو
ايهم:شكون
جاد:خويا
ايهم:😨😨
جاد:ااه الواليد و (عاود ليه كولشي )
ابهم:(كيحك فلحيتو و حاس براسو فرحان ) الحمد الله ...خاصنا نلقاوه فاقرب وقت ...كيبقات حالتو
جاد:معرفتش الواليد ...داوه و هو مزال مافق من تأثير العملية
ايهم:فين لبطاقة ديالو
جاد:(جبدها و عطاها ليه ) هاهي
ايهخ بقا كيشوف فتصويرة و كيضحك
ايهم:خخخخخ كيشبه لمك و جنى
جاد:بزااف
ايهم: هادشي هالة مخصهاش تعرفو حتى نلقاوه...و المشكيلة دابا هو مفيوزي ...انا عارف بلي ولد نيلماس لي خطفو و اكن قلبت شحال سرطاتو للارض
ايهم:اوك ...اجم مهم نتا عارف خوك تخطف و لكن لي خطفوو هو فالاصل اخ ديال ماماك من باها
جاد:اشنوو؟؟
ايهم:ماماك قبل منعرفها كانت عايشة فميتم و من بعد جابتها لعندي و بقات معابا بعد مدة تزوجت بيها انا كانو عندي شي ظروف و كنا سافرت من بعد مرجعت طلعنا لروسيا على قبل الخدمة و تما تلاقيت بجدي كريستوف الله يرحمو مهم طراو بزاف دالاحداث و لكن جدي فاش شاف ماماك شبها بواحد الشخص و لي كانت مها فرانشيسكا كانت كتاجر فلبنات كتخطفهم و تبعيهم و كان عندها ولدها دانيال خالك خالك كان خدام فالمخابرات هو و مارتن و حيت فرانشيسكا كانت قتلات باهم فكانو حاقدين عليها و كانو باغين يشدوها و يعاقبوها ...فاش انا دخلت باش ندير فحص adn لماماك و فرانشيسكا دانيال و مارتن عرفوني و تما فاش جاو عندي حيت كانو طالبين مساعادتي
جاد:(قاطاعو)كيفاش مساعدتك
ايهم:هانتا اتعرف .... من بعد فرانشيسكا ههدناها و سدينا تقريبا غاع لبييان فوجها حيت كانت خاصها توصل واحد السلعة لواحد المفيوزي لكن خالك كان شدها ليها و داك لمفيوزي مابغاش تعويض كان باغي سلعة ديالو داكشي ...ديك ساعا دانيال فرض شروط على فرانشيسكا باش يرد ليها سلعتها و هي وافقات عليهم لكن لي مكناش ضاربين الحساب انها كانت خطفات هالة و خالتك سهى و اليكس و ديك ساعة فرانشيءكا فاش شافا ماماك تصدمات حيت هالة نسخة طبق لاصل لفرانشيسكا و تما لقات الحل لي يناسبها و هو اب هالة لي تاحد معارف عليه شي حاجة نيلماس ..فرانشيسكا باعت هالة لنيلماس ..و نيلماس كان بعدها بزاف داها لاكثر المناطق نائية فروسيا...و هاد نيلماس هو الشخص لي كان مارتن و دانيال كيقلبو عليه حيت كان من اخطر رجال العالم كيتاجر فكل ما هو ممنوع و لكن طبعا مكانش كيعلى الديفل ...مهم حيت انا كنت كنتعانل بزاف مع نيلماس و جيت كانو كيشبهو شخصيتي يشخصيتو و عرفو اني الشخص الوحيد لي نقدر نعاونهم و لكن فاش عرفتو هالة عندو نسيت كولشي و مشيت برجلي مهم قلبت عبيه بطريقتي و لقيتو بسهولة مشيت برجلي و فعلا لقيت هالة ..و لكن نيلماس مشراش هالة غير هاكاك ..كان عندو هدف علاش ؟...حيت نيلماس عندو ولد اخر لكن كان خاصو نخاع شوكي و حيت نيلماس فاش تشد عرفنا بلي عندو مرض السيدا فمكانش بامكانو يتبرع لولدو داكشي باش قرر باش ياخد لماماك نخاع الشوكي ديالها و لكن مقدر يا والو حيت تشد هو فرانشيسكا و كان فاخطر سجون العالم بياتلك ..و من بعد شهور مات ...و حنى عشنا حياتنا طبيعي حتى نهار لي تخطف جوود ..انا فكرت فلول فالاعداء ديالي لكن ابهم برادة عمرو كانو اعداء ..اما ديفل فواها اسمو كان كيهز العالم الا انه تاخد معارف شكون هو بالضبط من غير شخص واحد و لي كنت شاك ان نيلماس قدر يهرج المعلومات لولدو من السجن و تما عرفتو ايكون هو لي خطف جووود
جاد:(مربع يديه و كيسمع)هادشي كثير الواليد ....واش نفهم منك انك كونتي نتا هو ديفل ...داكشي هلاش كونتي نتا وخالي كتهضرو غير بيناتكم و تاحد مكتبغيوه يشارككم (تعمدت نعاود الاحداث باش لبنات لي مقراش مصيري في الغرفة 13 يفعمو لقصة )
ايهم:هادشي لي كاين ..انا بصج كنت اكبر صناع الاسلحة فالعالم و تعاملت مع اكبر المافيات لكن كانت الدولة اهم عندي و اي حاجة كنت كنديرها فكانت قانونية حيت لي ماعرفوش ان دديفل كان رئيس الاستخبارات الدولية و هشي تاحد مكان عارفو من عير جدك مصطفى
جاد:رئيس الاستخبرات الدولية..لا لا هادشي بزااف
ايهم؛متصدمش ....دابا انا مابقات عندي علاقة بتحاجة حتى المخابرات كنت قدمت استقالتي فلوقت بي تزاديتي نتا و خوك
جاد:و لكن علاش ولد نيلماس مخداش نخاع لجوود
ايهم:ايكون مطابقوش و لكن مدام رباه الا و كيفكر فشي حاجة
جاد:(وقف)نمشي نستوعب هادشي ...اه و تشرفت بمعرفتك اسي دييفل 😂😂
ايهم:😑😑😑
جاد:نسولك
ايهم:امم
جاد:ديفل اسم باقي كيتداول فالمخابرات ...زعما بصح مابقات عندك علاقة
ايهم:دييفل لسم عمرو يتنسى اوليدي 😂😂 خليتو مبصوم
جاد:زعما مترجعوش شي نهار
ايهم:الى دعات الضرورة
جاد:واش باقي كتصنع السلاح
ايهم:واش غتقود من قدامي لا ؟!!
جاد:تريكة نتا وولدك غير انا لي هرجت فيكم ملاك ماشي شيطان 😂😂
ايهم:الله يحرق طواسل مك
جاد:(قاطعو)لا الواليد مي لا منسمحش ليك ...عاير با 😂😂(علق )
خرج جاد كيضحك تلاقا بجنى و قرم عليها
جاد:اجي لمك هنا
جنى:اييع الحلوف بعد مني
جاد:زيدي القردة ديري ليا مستج خوك عياان
جنى:وانا ايه ؟!
جاد:غنقلب لمك مساىنك و نوريك نتي ايه
جرها نعاه و دخلها لبيتو حيد حوايجو و لبس شورط فدريسينغ و تلاح فوق سرير و هي كدور عينيها
جاد:نتي راه لي كتخرجي معاه ....مكيهرجك حتى كياخد الاذن من الحكومة ابنتي 😂😂😂
جنى:😳😳😳
جاد:هههههههه
جنى:خةيا مغتزوجش و نتهنى منك شويا
جاد:(مع سمغ زواج طاحت قبلا كاتي ...و فينك اكوكي راه والله منسيتك احبي ...تحياتي 😂😂😂) دابا الا تزوجت انا نتي شغتستافدي
جنى:انتهنى منك شويا واخا غير بنسبة 24%
جاد:ههههه اوا بقاي تحلمي اصلا واخا نتزوج انا...تقدر تخرج لي تكحلها عليك و شي حاجة كصر مني
جنى:(بم فهم)كيفاش
جاد:(ضار عندها )كتعرفي الشياطين (و كيخرج نيابو )اتقوديها معاهم ....ايوليو مسيطرين على القصر ابنتي😂😂...ديك ساعة اتولي تجي طلبي و تزاوكي فيا باش نحميك منهم حيت انا ملاك 😂😂😂😂
جنى:(حالة غمها و حاطة يديها على راسو )طالعة ليك سخانة ...شربتي الحامض بزاف حتى وليتي نتا كتقطر الحامض
قصة بعد الفراق
محتوى القصة
التنقل بين الأجزاء