انغام:مقلتش ليك صرب ردني مساعدتو الشخصية وديك جهنمات سكريتيرة هههه
روح:حلفي
أنغام:والله هههه خاصك تشوفي وجهها كيف كان مرضااتش
روح:مزيانة فيها يلاه تلاحي نجي ونكملوا
أنغام:اك بالسلامة
قطعات معاها ورجعات عند البروفيسور سلمات عليه وقالت ليه بلي غادي ترجع فاقرب وقت باش دفع للدكتورة وتعرف على الفريق خرجات شدات طاكسي ورجعات للشركة كلها أمل أنها تعالج حبيبها وتشوفو تعافا طلعات دغيا للغرفة الاجتماعات دخلات لقاتهم مجموعين وبداو الاجتماع
صرب:(مخنزر بلعاني)فين كنتي ا لالة تجي وقت ما رشقات ليك ظار باك القديمة ولا شنو
روح:احم كان عندي شي حا...
صرب:ما تعاوديش ليا قصتك أجي جلسي باش نكملو خدمتنا وهذا آخر انذار
جلسات معصبة وطالعة ليها القردة وبطبيعة الحال كلو ثمتيل جلسات حدا اوزان من جيهة وفجيهة الاخرى صرب على راس الطبلة وقدامها أنغام لي كانت كتغمز فيها بمعنى مالو هادا ضحكات عليها ونزلات راسها قبل ما يشوفها اوزان لي كان مراقب جميع تحركات أنغام كيلقا راسو مراقب ادق تفاصيلها بلاما يشعر شافتو كيشوف فيها ضرباتها ليه بتخنزيرة خنزر فيها حتا هو ونزل شاف الوراق لي قدامو
بداو الاجتماع وكلشي مشارك فيه وكيعطي رأيو وصرب هاطي الفرصة الكلشي وفنفس الوقت ممحيدش عينو عليها كانت ساهية وغير جسدها لي حاضر اما دماغها مع المرض لي فيه وكيفاش تعالجو ستغل انشغال الكل وهز تيلي سيفط ليها مسج وصلها قفزات من بلاصتها هزاتو"مال روحي فاش ساهية شنو مقلقك" طلعات راسها فيه بتاسمات وجاوباتو"كنفكر فينا" قرا المسج وجاوبها"امم اش بان ليك مني يسالي الاجتماع نجيبو حنين" ضحكات بفرحة "إن شاء لله حياتي"
حطو تيلي وكملو الاجتماع باش ميجدبوش ليهم العين غير كمل مشا هو سينا على شي وراق وسبقها للاكاف دخل للوطو ديالو كيتسنى فيها اما هي دخلات للنكتب لي كان ديال جنات وولا ديال أنغام
روح:مبروك حبيبة المنصب الجديد فرحت ليك
أنغام:كلو بفضلك حبيبة
روح:انا مقلت ليه والو هو لي دارها من راسو حبيبي كيفهمني
أنغام:يخليكم لبعض حبيبة
روح:امين يا رب نخليك نمشي عندو كيتسناني
أنغام:اححح عليك مكتسواوش راعييو للبايرات
روح:مزااال صغيرة ديه سيد رجال إن شاء الله حبيبة الاهم يكون كيبغيك ويقدرك
أنغام:نقاردو ا حبيبة
روح:هه مجينينة تلاحي
سيفطات ليها بوسة فالهوا وخرجات ناشطة كتشوف فالارض وضحك غير بوحدها تساطحات مع شي حاجة طلعات راسها لقاتها جنات
روح:نتي ثاني شوفي راسك فين كتمشي(زادت وخلاتها)
جنات:(شداتها من كتفها) غادي ندمك ا روح على كلشي
روح:(نفضات منها)عرفي راسك معامن كتهضري ومتنسايش أنا مديرة هنا ماشي صاحبتك فالمدرسة يعني كلمة مني طيري نتي وشطايطك
جنات:جوري مغتسكتش ليك غادي تندمك على لي درتي ليها
روح:اطط اطط بب عاودي شنو قلتي شنو درت فيها أنا ولا شنو دارت فيا هي كل واحد كياخد جزائو الله مكيخليش الحق يمشي باطل وصلي لصحيبتك هاد جوج كلمات ومن الافضل تعطيوني تيقار حيت ديك ساعة أنا لي غادي ندمك ودقتي أنا صعيييبة
ضربات فيها وزادت نزلات فالاسانسور ومشات للكاف فين حاط لوطو ديالو تأكدات بلي تاحد ما تابعها عاد ركبات
صرب:تعطلتي
روح:توحشتيني
صرب:(باس فمها) اش بان ليك
روح:هه فين غادي نمشيو حيت دابا حنين اتكون فمعهد الرقص غادي تخرج ورا ساعة
صرب:امم اك
روح:نمشيو لشي بلاصة بعيدة راك عارف...
صرب:خليني مكالمي متعصبيش دين مي
سدات فمها بيديها
روح:ها أنا سكت سمح ليا حبيبي
خنزر وديمارا عاقدهم وكاره الوضعية
روح:وصافي اتبقا مقلق من حبيبتك(شدات ليه يديه شابكاتها مع ديالها وطلعاتها ليها باستها ابتاسم وجر ليها يديها باسها حتا هو وحطها فوق رجلوا)
وقف قدام البحر نزل ونزلات حتا هي مشات عندو حط يديه على خصرها وقربها ليه دخلوا للريسطو لي كان مصاوب فوق البحر وعاطي جو خطير اكثريا مع كان الغروب جلسو فطبلة فالجنب كطل على البحر والموج كيضرب تحتهم
خادت المعلقة عطاتو ياكل من ديال الكافي اما هو غير كيشوف هاد الاهتمام كلو وكيقول فراسو بلي مكانش غالط أبدا حيت بغاها هي المرأة لقا فيها كلشي كان ناقصو هي نصفو الاخر جوهرتو عشقو وأم بنتو
روح:اممم (بحركات طفولية وكتحرك فيديها باش تشرح) ودانا نفتارضو محيدتهومش ليك خرجات بنت قدامك وبغاتك ونتا عرفتي شنو غادي ديير
صرب:ومن بعد
روح:ومن بعد شنو غادي دييير قدامك جوج كيبغيوك
صرب:نتي وجدة منهم
روح:بطبيعة الحال انا ا صرب شكون اتكون من غيري
صرب:اهاه والبنت الأخرى شكون
روح:(خنزرات فيه)شنو بغيتي بالبنت الاخرى
صرب:ولكن معرفتش شكون البنت الاخرى
روح:اهاه هي غادي تفكر فالموضوع إلا عرفتي شكون هي
صرب:ياك كينين نتوما بجوجات خاصني نعرف باش نختار وحدة
روح:اتختاااارني انا اناااا
صرب:ولااايني راك مغيااارة اصلا الحب ماشي أنا لي ختارتك هاد القلب لي ختارك
روح:كنبغيك أنا
باسها ففمها كجواب على كنبغيك ديك الكلمة ماشي ضروري تبان غير فالكلمة بزاف دالحوايج اخرى كتعبر عليها
روح:(بعدات منو)صرب شنو درتي مع ختك
صرب:بلاما تصدعي راسك بداكشي
روح:متزيرش معاها عفاك هي كتبقا ختك وكتخاف
روح:متزيرش معاها عفاك هي كتبقا ختك وكتخاف عليك
صرب:مبغيتش نتعصب خلي هاد الموضوع بلاما نجبدو
روح:خاصنا نوضو هادا هو الوقت
صرب:(حط فلوس الكونسوماسيون وسط الموني وناض)فازي
رجعو للوطو وراتو فين جا المعهد نص ساعة كانو قدامو نزلو مشادين اليدين والبسمة مفارقاتش شفايفهم مشاو للاصال لي كيدربو فيها كانت عامرة بالبنات والولاد الصغار البنات لابسين اللباس دالباليه فالاسود ودراري واخة قلااال لابسين الابيض بقاو واقفين كيشوفو فحنين لي كانت كترقص مع واحد دري ايكون كبر منها بثلث سنين كانو مندامجين فالرقصة لي شافها يقول مني حلات عينيها وهي كتشطح كملو وختماتها بدورة وشدها هو هزها وطلعها للفوق بحال شي فراشة
مازن:( خنزر فصرب خلاه غير كيشوف) سيري عند طون برانس شطحي معاه
دار وخلاها باقي ليها شوية وتبكي بقات تشوف فيه حتا مشا عند واحد البنت كيشطح معاها مقدراتش تصبر دارت عندهم وطلقاتها هزها صرب
صرب:مال الحمار تاع بوه دار ليها هكا
روح:ههه مديش عليهم مزال صغار ونتي مالك وليتي بكايا
حنين:هو نشا شطح معاها وخلاني هءهء
صرب:هاي هاي على بنت ماماها غير مك صافي الغيرة كتقطر ليكم من العينين
روح:ايه نغيرو على حقنا لا يطيرو لينا بيه دنيا وزمان هادي
صرب:زيدي زيدي قبل ما نضربها ليك بشي بوسا قدام هاد الخلق
زادت قدامو كضحك عليهم بجوج ركبو فلوطو داهم للماكرو بقاو غير جالسين وكيشوفو فحنين لي طايح عليها دم كاع نشاطها مشا مدلية شفايفها ومربعة يديها وعاقظة حجبانها
روح:احم صرب خاصنا نمشيو مخصناش نعيقو
صرب:اك ولكن شوفي ا روح سيمانة وحدة لي غادي نزيد نصبرها
روح:واخا حياتي
ناضو خرج معاه شد ليهم طاكسي باس بنتو وباسها عاد مشات بقا متبع ليهم العين حتا غبرو
رجع للفيلا دخل لقا ريحة البخوور عاطية فالدار وكلشي مجهز على حقو وطريقو كانت الحاجة لابسة قفطان فالبوردو مطروز بالصم الحر ومضمة ديال الدهب فيها مزينة بالحجر الكريم فنفس اللون وقدامها جالسة جنات لابسة حتا هي قفطان فالزرق والارجونتي جا مع قوامها الانثوي طالقة شعرها المايل للبرتقالي ودايرة مكياج مناسب وحداها جوري مزال بحوايج دصباح جينز ازرق كلو مقطع وطوب حكل وطالقة شعرها على طولتو ومكحلة بالعما
صرب:شتك مزال موجدتي راسك وسيد قريب يجي
جوري:مقاااابلاش بهادشي
صرب:مسولتكش واش قابلة ولا لا الكلمة لي نعطيها أنا متنزلش للأرض وااات تهزي دابا سيري وجدي راسك يا ويلك يا جوري تخالفي كلامي العصا لي مكليتيهاش فالصغر انوكلها ليك يلاه نوووضي
طلع مخنزر دخل لبيتو يلاه كان ايجبد كارو يكميه باش يتهدن تفكر هضرة روح وحطو دخل دوش ولبس كوستيم فالبلو غوايال مع قميجة بيضة نزل لقاها موال ما هبطات جلس معاهم شوية تم داخل مراد هاز بوكيه ديال الورد وشوكولا ومحلق حتا هو على القضية جا وسيييم ناض سلم عليه صرب ومشا باس يد الحاجة فاطمة وسلم على جنات وجلس معاهم شوية تمات هابطة لابسة غوب بيضة طويييلة فالبيض و محلولة حتا الفخض وفيها فتحات فالجناب مبينين لحمها جات فاتنة بشعرها الاسود لي مطلوق على طولتو مع مكياج خفييف شافها مراد وقف تبهض فجمالها بدات كتقرب شافتو عجبها ولكن مبيناتش مدات ليه يديها بلباقة هزها باسها خلاها مزنكة فعوض ماتعصب مبقاتش عارفة راسها باش كتحس نزلات عينيها وخطفات يديها عطا ليها الورد خادتو ومشات جلسات حدا جنات مشا هو جلس فكنابي بوحدو بقاو جالسين مدة شي يشوف فشي
مراد:صرب نتا عشيري وصاحبي وراك عارفني مزيان ندخل فالموضوع جيت ا خالتي طالب يد بنتك جوري على سنة الله ورسوله
صرب:(مبغاش يحرجها واخا هاكاك كتبقا ختو المدللة) راي كيبقا ديالها (دار خنزر فيها بمعنى ترفضي ندبح مك)
حدرات راسها منطقاتش
صرب:سكوت علامة الرضا
زغرتات الحاجة والفرحة اتخرج من عينيها لا طالما حلمات بهاد النهار لي تشوف فيه بنتها فدارها وتهنى عليها
ركبو الخواتم لي كان جابهم معاه مراد وشرلو البعضياتهم الحليب وكالو تمر تافقو يتلاقاو ويتافقو على العرس والباقي بيناتهم حس صرب بلي ينتيل ايتقلب حقيقة وخلا كلشي يمشي كيف مقدرو الله وهو عمرو يلقا ما حسن من مراد لختو
#دازت_5_أيام
حاولات فيها روح تجمع معلومات على اوزان ولكن بلا فايدة حتا الغرفة لي كانت عندها شعور بلي اتلقا فيها شي حاجة ملقات فيها والو هو ضارب لحساب لكلشي وممخلي وراه حتا دليل اما علاقتها بصرب نهار على نهار كطور كثر ولات مهتمة بصحتو و بماكلتو ودوات معاه ما هي خطرة ما هي زوج على العملية ولكن رفض مفهماتش علاش مكيعطيهاش سبب مقنع مشات تسجلات فالكلية بلا علم حتا واحد كانت اصلا مخلية الباك ديالها مخادش منها بزاف دالوقت وبالمساعدة ديال البروفيسور ديالها تسجلات بالخف واخا فات الوقت وتعرفات على الفريق لي غادي تخدم معام ولي متكون من جوج بنات وثلاثة الشباب هي الكبيرة فيهم بطبيعة الحال وراوها اعمالهم درساتهم وعطات ارائها حتا هي كتحاول ما أمكن تلقا وقت لكلشي ووقت كثر للعلاج
كانت راكبة هي و أوزان فلوطو فطريقهم لبشركة وهي دماغها كيفصل ويخيط غير بوحدو
اوزان:روح
روح:هاء وي
اوزان:كتعطيه من سم
روح:احم اه اه كنعطيه
اوزان:(تنهد)حبسي متعطيهش مزال حتا نقول ليك
روح:(مستغربة)اك لي بغيتي
وصلو للشركة طلعات لمكتبها جلسات فالبيرو كتخمم فالسبب لي خلاه يتراجع شوية تحل الباب ودخلات أنغام هازا بواط كبيرة فالاحمر
روح:شنو هادكشي
أنغام:قلعي
روح:معرفتش عطيت حماري غير دوي
أنغام:سيفطو ليك الحب ديالك هه
ناضت دغيا حلات البواط بلهفة لقات غوب كتلمع فالارجونتي كلها مرصعة بالموزون كيبري بزااف وفوق منها كورط صغيرة هزاتها كانت مكتوب فيها 《لبسي هاديك الغوب وجي للاوطيل... وردي البال فالطريق مغاديش نكون اليوم فالشركة ومتخافيش غادي نتغدا مزيان بلا نكييرك كنبغيك》
قراتها عشرة دالمرات وهي كضحك حطاتها فوق قلبها وعضات شفايفها
أنغام:هااااح على الحب كتساليو معايا
روح:هه حميمق ديالي
أنغام:على نتي خليتي سيد بعقلو شي ليلة حمرة
روح:كوني تحشمي ههه
أنغام:يلاه خاصنا نمشيو باش توجدي راسك
روح:و اوزان غادي يعيق
أنغام:خليه عليا
روح:شنو غادي ديري
أنغام:بقاي هنا ها أنا جايا
روح:تسناي....
مشات قبل ما تخليها تكمل هضرتها دخلات للمكتب ديالو من بعد ما دقات
اوزان:(حادر راسو) شنو كاين
أنغام:ممكن تخرج معايا روح بغينا نديرو شوبينغ
هز راسو فيها طلعها وهبطها ما خلى فيها حتا حته سكاناها بشوفاتو حتا حشمات
اوزان:لاش مجاتش هي
أنغام:أ أ خدامة دابا معندهاش وقت
ناض مشا جيهتها بدات كلها كتفيبري غير بالخلعة مع دكشي لي عاوداتو ليها روح عليه ولا كينوض فيها الرعب وفنفس الوقت كره
اوزان:مالك كترعدي
بعدات منو وجهها صفر ندمات لاش جات
أنغام:والو غير دوي بغيت نمشي
اوزان:اك سيرو
مع كملها مع خرجات كتجري موقفات حتال قدام روح
روح:اش كاين مالك لونك مخطوف
أنغام:لا لا والو صافي خلانا زيدي الوقت كيدووز
روح:واخا يلاه
شداتها من يديها هزو البواط وخرجو ركبو فلوطو أنغام مشاو للسونطر بيوتي فيه كلشي شدوها البنات لي خدامات تم بالاو بيها دخلات فالاول للسبا عامت ودخلات لصونا دارو ليها كوماج للحمها كلو ولي ماسك لوجهها جرجوها كتشعل قادو ليها ضفارها وعدلو ليها مكياج عاد دازو للشعر خلاوه مطلوق على راحتو ساامبل لبسات الغوب جاتها على فصالتها شافت شكلها النهائي جات ملاااك زوينة بزااف كاع لي تم مدحوها ومدحو جمالها الاخاد وصلاتها أنغام حتال اوطيل وقفو قدامو
تنفسات بعمق ونزلات غير دخلات جا عندها واحد من الرجال لي فالغيسيبسيون داها حتال واحد الجناح ملكي شاد ايطاج غير بوحدو لقاتو بابو محلول دخلات كانت الارض كلها ورد دخلات للداخل لقات الدنيا علمرة نفاخات فالاحمر والابيض والزهري و الوسط كاين طبلة فوقها حلوة سدات فمها نسات بمرة بلي اليوم كان عيد ميلادها وحتا حد ما فكرها دمعو عينيها مشات كتجري كتقلب عليه
دخلات لغرفة النوم كان فيها فراش وفوقو نفوخات معلقين فالسما وكل نفاخة مشدودة معاها رسالة قربات عينيها عمرو بالدموع خدات وحدة من الرسائل وحلاتها
《لنترك كل شيء الآن ونرتاح ملاكي》خدات وحدة اخرة 《ان كان للسعادة سر فهو انت》 حلات ثالثة 《انت نبضي وملكة على عرش قلبي》 《في قانون عشقي يحق لي ان اسجنك في حضني》《انت اجمل هدية ارسلها الي القدر سأحافظ عليك وساعشقكي إلا ان يتوقف نبضي》《واني احبك تملكا وامتلاكا وكمالا واغار عليك تعصبا وتجننا وحنانا》《هذه الروح تعشقك وبك اصبحت شاعر مغرم يعيش فقط بك ولأجلك》《مجنونك يا ام اطفالي》 كملات اخر وحدة كانو دموعها شلال تأثرات من كلامو بزاااف دارت لقاتو واقف هاز بوكيه ديال الورد الاحمر ومبتاسم طارت عليه عنقاتو بجهد كتبكي وتنخسس
صرب:روح يهديك الله انا درت هادشي باش نشوف ضحيكة لاش كتبكي
روح:من الفرحة حياتي من الفرحة
عطا ليها الورد ومسح ليها دموعها وباس فمها
صرب:عيد ميلاد سعيد الخايبة (باس عويناتها وشاف فيهم) بأسمك اللهم اني حصنت قطعة من قلبي من دبول عيناها وحزن قلبها اللهم اني اسودعتك قلبها في كل شيء يا رب
بقات غير كتشوف فيه لسانها تربط مخلا ليها ما تقول عاودات عنقاتو ونزلو دموعها
روح:كنبغيك
صرب:هه عارف غير متبقايش تبكي اجي نقطعو الكاطو
شدها من يديها داها للطبلة شعل الشموع فوق الكيك نزلات غمضات عينيها وتمنات من الله يشافيه ليها ويرجعو ليها ولبنتهم وعمر الله يحرمها منو طفات شمع ديالها
صرب:شارفة ديالي كبرتي
روح:نتا لي شارف انا مزال صغيرة
صرب:ياك أنا شارف دابا نوريك شراف اش كيديرو
روح:(تعلات واخا لابسة كعب عالي كتبان قصيرة قدامو عضات ليه فمو)شارف ديالي انا بوحدي
هز من فوق واحد الرخامة بواط بالحمر جا وقف حداها وحلها كانت فيها سنسلة بالفضة ومتوسطاها زمردة خضرة كتلمع جايا سااامبل ولكن انيقة فوق القياس خادها ولبسها ليها وباس عنقها)
شداتها بيديها كتشوف فيها
روح:زوينة بزااف
صرب:متكونش بحالك
دور يدو على خصرها وتحنى لقنقها كيبوسو ويعضو عضيضات خفاف كيخليوها ترفع لسابح سما بعدات عليه بحال إلا تفكرات شي حاجة
روح:تعشيتي
صرب:بففف حبستيني باش تسوليني واش تعشيت مزااال الالة
روح:اش كتسنى عيط ليهم يجيبو العشا باش تشرب دوا لي جبتو ليك شفتي هاد الايام واخا كتعصب مبقاتش يدك كضرك
صرب:وي عندك الحق
روح:خاصك غير دير العملية
صرب:خاصني ناكلك
عرفاتو بغا يبدل الموضوع وحتا هي مبغاتش تحكر عليه عيط على الهومسيرفس جابو ليهم عشاء صحي وبيو مئة فالمئة تعشاو وشرب دواه من بعد قطعات الكاطو يلاه حطاتها ففمها مشات كتجري للطواليط تقيات كلشي تبعها شد ليها شعرها مخلوع ومفاهمش مالها داها غسل ليها وجهها وفمها خرجها سخفانة
صرب:مالك شنو ضرك نمشيو للطبيب
روح:معرفتش غير حطيت هديك الحلوة ففمي وهو يتروع عليا خاطري
صرب:نعيط للطبيب يجي
روح:نو بب غير بلاش فاتني الحال
داها جلس فالفوتوي وجلسها فوقو بحال البيبي
صرب:كطيريها مني
روح:هادشي لي حسيتي بيه نتا دابا انا عايشة معاه يوميان ا صرب علاش مبغيتيش تدير العملية هي صحيح مغاديش تعالجك ولكن راه اتعطينا وقت كثر واش أنا وبنتك ماشي مهمين عندك واش مكتشوفش هاد الخوف لي فيا
صرب:(حط راسها على صدرو)ماشي مكتهمونيش ا روح شوفي أنا مكنخافش من الموت ا روح عمري خفت منها صحيح مدايرش فحياتي باش نواجه الله ونوقف قدامو ولكن راه عمري مغادي نفكر نوقف قدام قدرو لي مكتب عليا انا راااضي بيها ولكن مني دخلت نتي وحنين لحيلتي وليت خايف اه خااايف نمشي ونخليكم و نتوما وسط هاد المشاكل بغيت نطمأن عليكم ا روح ونوفر ليكم حياة خالية من المشاكل عاد ديك ساعة ندير العملية باش حتا إلا مت نموت وأنا مرتاح
روح:هءهء شنو كتقول إلا متي انموت أنا حشومة عليك تقول هاكا حشووومة واش بغيتي تحمقني هءهء
صرب:صافي صافي سمحي ليا وا صافي حبيبة سكتي مالك غير على سبة
عنقاتو وتمخشات فيه بحال القطيطة
روح:متبقاااش تقول هدكشي
صرب:ميكون غير خاطرك
هزات يديه حطاتها فوق صدها وتخشات فيه بحال إلا خايفاه ينشي حتا هو عرفها خافت من خضرتو خلاها على خاطرها وزير عليها حسسها بالامان مدازت حتا عشرة دقايق غيبااات فوقو مقدش يحركها بقا على داك الحال حتا داتو عينو
حل الصباح على العاشقان ديالنا فاق صرب عنقو دارو لقاها مزال على نفس البوزيسيون بدا يقيس فوجهها وينوضها بلمساتو الحنان حلات عويناتها الخضرين كتشوف فيه وكتستوعب فين هي
روح:نعسنا هاكا
صرب:ههه وي
شافت ساعة ناضت بالخف من فوقو
صرب:مالك
روح:خاصني نمشي تعطلت
صرب:فين بالسلامة
باستو ففمو
روح:من بعد حبيبي من بعد ونقول ليك خاصني نمشي دابا دغيا
صرب:مغتخرجيش من داك الباب حتا تقولي
روح:وا تييق فيا والله حتا نقول ليك مني نطلاقاو فالشركة
صرب:بشوية عليك جرا لا قولي للشيفور يوصلك فين بغيتي
روح:واخا حياتي(مشات باستو ثاني ففمو وخرجات كتجري مشات عند شيفور ديالو لي عيط ليه صرب قاليه يوصلها ركبات وداها للفيلا كان الحس نقطوع الخدامات لي كيضورو طلعات للطاج لول فين كاينة بيت مو سمعات شي غوات فضولها خلاها تمشي تسترق السمع
ملك:بعد مني هءهء الله ياخد فيك الحق بحالك بحال باااك خرجتو عليا
روح الارض بدات كضور بيها شهقات وعينيها خرجو حسات بكرشها عطاتها صداع بحال إلا شي موس تخشى فيها شداتها وبعدات على الغرفة كتألم
روح:لا لا ميمكنش دابا صرب خو اوزان لا واقيلة مسمعتش مزيان كيفاش هادشي كيفاش ا ربي اي فاتني الحال على لا فاك بففف
طلعات بزز لبيتها بدلات حوايجها ونزلات ركبات لوطو ديالها وطريق كلو والحريق فكرشها مقداتش تصبر ليه كان كيجهاد عليها حتا كتحس براسها غادي تموت وقفات قدام الاوبيطال خادت موعد مع الطبيب العام حيت معرفاتش مالها بقات تسنى فنوبتها حتا جات ودخلات قالت ليه على باش كتحس دار ليها التلفزة وابتاسم
طبيب:تفضلي ا مدام للمكتب
تبعاتو جلسات قدامو كتسناه يدوي
طبيب:مبروك نتي حاملة فاسبوعك الثاني
روح:شناهو
طبيب:وي مدام
روح:(فرحانة)متأكد انا حاملة
طبيب:اه متأكد وهاكي هادو أول صور للجنين ولكن خاصك ترضي البال حملك شوية خطير مزال ما استقر وممكن يجيك فقر دم حاد المهم حاولي فالاشهر لولة ماتعبيش راسك وتهدني راه دكشي لي كتدوزي منو كيحس بيه الجنين وتبعي عند طبيبة نسائية مراحل الحمل باش طمأني اكثر
روح:شكرا دكتور
خرجات فرحانة ركبات فلوطو مشات ديريكت للشركة حيت كان فاتها الموعد لي دارتو مع فريقها واتاصلات عتادرات منهم
وصلات للشركة طلعاات ديريكت للمكتب ديالو دخلات بلاما دق قفلات الباب ومشات جلسات فوق المكتب ديالو قدامو رجع شوية لور كيشوف فيها
هزها وخرج كيجري ركب فلوطو وتبعاتهم أنغام و أوزان لي مفاهمش لاش تابعهم
صرب:حبيبة متخافيش كلشي ايكون مزيان ولدنا غادي يعيش غير متخافيش
روح:هءهء ولدي كيموت ا صرب أنا محافضش عليه
صرب:(عينيه دمعو) لا لا مغاديش يموت (شد يديها كانت عامرة بالدم) كنواعدك مغاديش يموت ا روحي
بدات كتشدها السخفة وحينيها كيتغمضو طارت منو
صرب:روح روح بقاي معايا لا لا حلي عينيك (كيشوف فالطريق تحبسات مع الفيروج) وااا القلاوي حلو طريييق حلو روح روح صبري دابا غادي نوصلو
بدات تحل عينيها ثاني غير شعل ضو الخضر عفط بأقصى سرعة وصل للوطو هزها بين يديه غادي طاير بيها جابو ليه باياص خطها فيه داوها دغيا للمستعجلات بقا واقف كيشوف فداك الباب مصدوم يلاه كانت قدامو وكتقول ليه بلي هي حاملة والفرحة كانت اتخرج من عينسها معرفش كيفاش كلشي تقلب بان ليه اوزان وانغام جايين مشا طار عليه معرفش راسو كيفاش حتا ترفع للسما ونزل عليه صرب مبقاش كيشوف قدامو كيضرب وفينما بغات تجي تجي وأنغام كتغوت وتبكي جاو سيكيريتي فكوه منو بالكشايف حتا وكلها ليهم حتا هما حتا شاف الطبيب خرج عاد مشا عندو كيجري شنق عليه حتا هو
صرب:تقول وقعات ليها ولا للجنين شي حاجة ندفن مك حي
طبيب:تهدن ا سيدي المدام موقع ليها والو تجاوزات مرحلت الخطر
صرب:والجنين
الطبيب:مزال عليه خطر خاصها عناية خاصة المهم مني تفيق ندوي معاكم فالموضوع
طلقو وتنفس الصعداء
صرب:ايما اتفيق
الطبيب:ساعتين وتفيق
تنهد عاد حس بالروح رجعات فيه دار بان ليه الممرضات مجموعين على اوزان كيعقمو ليه جرحو جعر ثاني مشا قاصدو هزو من قرفادتو بحال القط
مشا قاصدو هزو من قرفادتو بحال القط وتم خارج بيه كان اوزان دايخ بالضرب لي عطاه ركبو فلوطو وزاد طااير غادي بأقصى سرعة ناوي على خزيت وقف قدام واحد الغابة مهجورة حس بنادم مقطوع فيها جبد سلاحو نزل ودار هودو جرو حتا داه لوسط الغابة ولاحو فالارض وهز عليه السلاح
سخف صرب على يدين باباه وعينيه تقلبو كان كيشعل بالسخانة طالعة ليه لأعلى درجة هزوه كيجريو بيه للمستشفى دخلوه وقالو ليهم بلي عندو لابيليبسي هي لي دارت ليه هكاك وبلي إلا جلس فالشمس ثاني ممكن دير ليه خلل فدماغو فاق صرب ومن ديك نهار تبدل ولا منعازل ومكيدوي مع تاحد دازت ايام وايام بداو كيوصلو يزيد صور ورسائل من شي حد غريب فيهم صورة صرب ضرب شي ولد على راسو وكيهددوه بلي غادي يقتلوه كيف قتل ليهم ولدهم تأزم الأب ومعاودش لمرتو عارفها اتحماق ليه بالخوف على ولدو فواحد ليلة طلعات لصرب الحرارة بزااااف وكان غادي يموت كون ما شافو يزيد بالصدفة كان كلشي ناعس مبغاش يخلع مرتو هز ولدو وخرج داه للمستشفى صونا ليه تيلي فالطريق جاوب كانو العصابة لي قتل صرب ولد شاف ديالهم بالغلط وقالو ليه بلي قتلوا ولدو ومرتو وبلي مغاديش يتهناو حتا يقتلو حتا صرب انهار يزيد ولكن صبر على قبل ولدو وداه للمستشفى تصدم مني عرف بلي لابيليبسي اثرات ليه على الداكرة وجزء كبير منها التفقد دار لولدو الحراسة حتا تشافا وقرر يعزو ويخوي البلاد ويبدلو بجوج الهوية ديالهم بدل ليه سمية والكنية عز دين المريني
كان اوزان معارفش الكمالة عند بالو بلي باه ضحى بيهم على قبل صرب وباعهم باش يعتقو ولكن مني بحث فالايام الاخيرة وصل بلي يزيد كان عند بالو بلي هما ماتو دكشي لاش عمرو قلب عليهم ولكن معرفش بلي صرب فقد داكرتو
#العودة للواقع
صرب:دابا بغيتيني نتيق هاد الكدوب
اوزان:نتا حر تيق ولا لا انا مكنتش عارفك فقدتي ظاكرة حتال اليوم
صرب:اكييد نتا كتخرف
جبد اوزان صورة فيهم هما ب4 عطاها ليه غير شاف صرب باه خرج عينو خنزر فيه ودار نشا بلا كلنة بلا جوج اما اوزان بقا جالس كيفكر فدمشي لي كان ايدير كان ايقتل خوه وينعس مع مرتو وحرمو من بنتو وهو معندو حتا دنب والحقيقة لي كان غافل عليها عو أن صرب قتل داك الولد على قبلو حيت كان بغا يغتاصبو شدو بزز وجا صرب من وراه تلاح عليه وضربو لراسو بالحجرة
ركب صرب فلوطو وخلاه تم نا وقف حتال قدام للاوبيطال فين كاينة دخل لقاها يلاه حالا عينيها وكتبكي وحداها انغام مشا عندها دغيا
صرب:لاش كتبكي
روح:واش ولدي مات
صرب:لا لا مماتش
روح:كتكدب عليا هءهءهء
صرب:واش هادشي فيه الكدوب والله ما مات مزال متشبت بيه كيف متشبتة بيه
روح:هو عرف الحقيقة ايقتل بنتي
صرب:سكتي ا روح من البكا حتا حد ما غادي يقرب لبنتك راه مشات جوري خدتها من المدرسة
روح:شنو درتو ياكما قتلتيه
صرب:صحتك هي الاهم دابا مبغيتك تفكري فوالو من غير صحتك صحة هاد البرهوش لي خرجها منا
روح:خفت بزاااف يموت
قرب ليها شافتهم أنغام ناضت خرجات خلاتهم على انفراااد نزل باس راسها وطلع ليها لبسة حتا تعرات كريشتها
جلس حداها فوق كرسي بفا يقييس فشعرها حتا نعسات غطاها وخرج نيشان للفيلا ستاسيونا لوطو ودخل مشا نيشان عند مو
صرب:الحاجة بغيت ندوي معاك
الحاجة:دوي اولدي
صرب:واش نتي مي
الحاجة:(عينيها غرغرو) لا ا وليدي لا ولكن انا لي ربيتك والام ماشي هي لي كتولد راه هي لي كتربي عمري فرقتك على بنت كرشي
حس بدنيا دارت بيه وبلي حياتو كلها كدبة طلع لبيتو وسد عليه مزال ما مستوعب بلي حياتو كلها مجرد كدبة فكدبة بقا جالس وشاد راسو ساعاااات دماغو مبلوكي بغا يغوت ومقاادش كيحس براسو لأول مرة ضعييف ومعندو قوة
بقا جالس ساعات وساعات وهو داير راسو وسط يديه مزال ممتيق بلي كلشي كان كدوب بلي كبر مع كدبة كيحس براسو هو كدبة ناض للحمام بخطوات فاشلين راسو غادي ينفاجر كيحس بالوحدة بالحرمان بالضياع باغي حضن باغي يتكا على شي حد محتاجها بزاف وكثر من اي وقت الطفل لي فيه حيا ولكن مجروح قلبو كينزف كيحس براسو خاد حقو الكافي من العداب لدرجة انه مابقاش عندو فين يزيد غسل وجهو وخرج بدل حوايجو هبط للتحت لقا مو مكايناش كاينة غير جوري وجنات كيلعبو مع حنين معارفينش شنو واقع شافت جوري خوها ناضت عندو
جوري:خويا شنو واقع لاش قلتي ليا نجيب حنين من المدرسة
روح:احم أنا درت واحد الحاجة ا صرب (شدات ليه يديه) نقول ليك ومتقلقش مني
صرب:مني كتبدايها هاكا كتكون شي حاجة كتعصبني
روح:انا تسجلت فلافاك دفعت للدكتورة
صرب:(مستغرب)وهادشي لاش ايقلقني
روح:دكتورتي انخدم فيها على المرض ديالك حيت مغنقدش نشوف المرض خادك مني غادي نقلب على علاج
صرب:(بقا كيشوف فيها مدة مدواش حتا شككها فراسها قرب وباس فمها بوسة طويلة وحنينة) معرفتش شنو خصني نقول فبحال هاد الموقف كتزيدي تكبري فعيني نهار على نهار معرفتش شنو الحاجة لي درتها فحياتي باش دخلي ليها نتي هي نور وسط هاد الضلام ولكن مغاديش ديري هادشي غادي تجلسي فالدار ومتحركيش على فبل صحة هاد البعيليك كون كانت ضروف مختالفة ومكنتيش حاملة مكنتش انحبسك ولكن دابا صحة ولدي أهم من كلشي
روح:لا لا عفاك متحبسنيش والله حتا انرد البال لراسي وللحمل ديالي عفااك ا صرب إلا كنتي فعلا كتبغيني
صرب:غادي نفكر فالموضوع
روح:غادي تقول اه ياك
صرب:(باس يديها)نشوفك جهدتي راسك واخا غير شوية غادي تجلسي للأرض
شدات ليه يديه وقرباتو جا حداها تساخرات باش دير ليه بلاصة دارت راسها على صدرو يد كان مشابكها مع يدو ويد كانت كتقيس بيها صدرو وترسم فيه بصبيعاتها
روح:مالك احبيبي عندك شي حاجة مقلقاك شي حاجة عاود ليا
تنهد تنهيدة خارجة من القلب
صرب:اوزان بصح خويا
غمضات وعينيها ووركات على شفايفها كانت عارفة هادشي غادي يأثر فيه
روح:دويتي مع مك
صرب:قالت ليا بلي هي غير مربياني صدقات حياتي كذبة ا روح كلشي كان كيكدب عليا فوجهي هه خويا صدق تزوج بالمرا لي كنبغي باش ينتاقم ليا على شي حاجة أنا معارفهاش ا روح عمري كنت ضايع هاكا (كيبلع ريقو بزز بحال إلا الألم واحل ليه فقراجطو)
طلعات راسها كانو عينيها مدمعين شدات ليه وجهو طبعات بوسة على شفايفو حطات جبهتها على جبهتو كتشوف فعويناتو
روح:هادشي كلو ايفوت ا صرب كلشي ايفوت متقلقش حيت قلبي كيتحرق مني كنشوفك مقلق أنا معاك أنا حقيقتك ا صرب إلا كانت هاد الدنيا كدبة أنا حقيقتك فيها
مدواش كان مستمتع باللحظة بأنفاسها بعينيها بريحتها بشفايفها بكل حاجة فيها بتفاصيلها الصغيرة بلمسة بشرتها على جلدو
قربها ليها كثر حط رجليها على رجليه وراسها على عنقو ضامها لحضنو ولاو جسد واحد روح وحدة شخص واحد كيتقاسمو الألم النص بالنص الهموم النص بالنص الفرحة النص بالنص ميقدر حتا واحد فيهم يتخلا على الآخر حيت ديك ساعة غادي يتخلى على حياتو كان كيجمعهم شي حاجة كثر من العشق لي بين مرأة ورجل كان كيجمعهم الحب لي بين الام وولدها بين الاب وبنتو بين الاخ وختو بين الابن ومو كيحس بيها كل عائلتو وكتحس بيها كل دنياها كيحس بيها قطعة من روحو كتحس بيه اسمرها وعالمها وكلشي عندها كتبغيه حيت لقات فيه كل ما كيثير نفسها عشقها حيت لقا فيها لي كياخد راسو من عقلو بغاتو حيت كيضاعف نبض قلبها بغاها حيت هي الوحيدة لي كترسم الحب على شفايفو
صرب:كرحمة الله انت قلبي دائما يرجوك♡♡
زيرات عليه ونعسو فاحضان بعضهم كلهم أمل غادي يفيقو على نهار زوين أكيد ايكون زوين طول وهما مع بعضهم واخا يكون خايب غادي يخلق حبهم السعادة من ابسط الحوايج ممكن تكون غير نظرة
#صباح_جديد
فاقو عاشقانا على صوت الممرضة لي كانت دخلات دك ليها برا فالسيروم ودارت شوية دالصداع فاق صرب خااسر مغوبش وفاقت معاه حتا هي نزل باسها قدام الممرضة وناض من حداها قاد حوايجو كانو تخربقو
أنغام:اوزان ا ختي صدمني على الصباح جا عندي للدار مع النبوري
روح:جا عندك لاش زعما ياكما دار ليك شي حاجة
أنغام:ناري اش دار فيه موسيو صرب رجع ليه وجهو رطب من كرشو جاب ليا هاد الوراق نعطيهم ليك ومشا
روح:(خادتهم كتقرا فيهم) هادو وراق الطلاق
أنغام:وي وثانيين ديال الشركة حول ليك الملكية ديال الفيلا للحنين و الاسهم لي فالشركة ليك
روح:مفهمتش لاش دار هاكا واش ندم زعما
أنغام:والله معرفت كان فالشكل اليوم على غير العادة
روح:ياخد زمرو عليا يعطيني غير تيقار مبغيت منو والو غير يبعد من بنتي ومني
أنغام:صافي راه غادي يكون مشا اصلا وطلاقك خديتيه
روح:الحمد لله تفكيت منو كنكرهو لي ظوز عليا ماشي قليل والله
أنغام:دابا ترجع المياه المجاريها وكلشي غادي يتصلح احبيبة
دخل عليهم صرب سلم على أنغام وجلس حداها
روح:سيفط ليا هداك هادشي مع أنغام
صرب:شكون هدا
عطات ليه الوراق قراهم وغاديين وملامحو كيتبدلو ناض وخلاهم بلا كلمة بلا زوج
روح:مقلق بزااف مكرهتش نخفف عليه ولا نهز عليه شوية من دكشي لي كيحس بيه
أنغام:فكري دابا غير فولدك هو قاد بمشاكلو
دخلو عليهم عائلتها مها جارينها بالكرسي المتحرك وباها واياد و ليليا معاها جوزيف و ولد قيس فرحات بزاف دوزو معاها النهار حتا للعشية وبداو كيمشيو واحد بواحد بقات غير ليليا وأنغام لي تعرفو على بعضهم ودغيا نساجمو
أنغام:حمقتوني كنت عارفة بلي روح عندها توينز مي معمرني تخايلت اتكونو كتشابهو هاكا
ليليا:ههه كون تشوفي مني شفتها نهار لول طحت على طولتي
روح:هه اووف ملييت هنا وتوحشت حنين
غير كملاتها دخل صرب هاز حنين لي شافت مها نزلات وتلاحت عليها بتعنيقة
روح:اححح الله شحال توحشتك الكتكوتة ديالي
ليليا:متقوليش ليا هادي بنتك
دارت عندها حنين بقات تشوف فيها وتشوف فماماها داخت
دارت عندها حنين بقات تشوف فيها وتشوف فماماها داخت
حنين:شكون فيكم ماماتي
ليليا:يا ختي يا ختي على ماماتي كيف خارجة من داك الفيم شحال حلوة أجي عند خالتو
بدات كتبكي تخلعو كاملين
روح:مالك ا مامي
حنين:هءهء شكون هي ماماتي أنا هءهء
قرب صرب هزها عندو
صرب:هادي ماماك وهادي خالتك خت ماماك
حنين:(كتمسح دموعها) تخلبقو ليا بجووج
صرب:ماماك هي لي شعرها ماغون وخالتك هي لي شعرها جون
حنين:(كتشير بصبعها)هادي مامي وهادي خالتي
روح:وي كبيدة
حطها جراتها عندها ليليا كتبوس فيها
صرب:البنات خرجو حنين شوية بغيت ندوي مع روح
أنغام:اك
خرجو وخلاوهم قرب ليها وجلس فجنبها هاز ورقة
روح:شنو كاين متخلعنيش
صرب:متخافيش وقعي على هاد الورقة
روح:(خادت ستيلو ووقعات)
صرب:سينيتي بلاما تعرفي ديالاش
روح:كنثيق فيك
صرب:دابا وليتي مرتي على سنة الله ورسوله
روح:(سدات فمها)حلف
صرب:وي سمحي ليا مدرتش ليك شي حاجة ولكن مقديتش نبقا نهار مزال بلاما تكوني مرتي
روح:شنو كتقول نتا واش حمق حتا حاجة معندها اهمية دابا قد اني وليت على دمتك وليت روح المريني
جبد واحد البوطة من جيبو مربعة وصغيرة فالكحل حلها كان فيها خاتم بالذهب الابيض متوسطاه الماسة متوسطة الحجم كتلمع وحداه خاتم سامبل ديال النقرة خاد الخاتم ديالها ركبو ليها جا قد صبعها
صرب:كنواعدك نبقى نبغيك ونصونك ونحتارمك ونكون معاك فالحلوة والمرة (حيد ليها شعرها من عنقها وطبع عليه قبلة دافيا خلات مشاعرها كلهم يتحركو) بغيتك توعديني متخبي عليا والو من هاد اللحضة عمرك تفكري تكدبي عليا سمعي هضرتي حيت عمري غادي نمنع عليك شي حاجة إلا إلا كان فيها ضرر ليك زواج ماشي غير ورقة زواج ثيقة عش غادي نبنيوه أنا ونتي دقة دقة الاهم هو الصبر ا حياتي الصبر والثقة
قرب ليها ونزل على شفايفها بلهفة كيجر ويعصر فيهم وهي مخلياه يدير لي بغا ومنساجمة معاه نزل يدو لفخاضها كيبغج فيها ويد اخرى حطها ورا عنقها فشعرة لعابهم تخلط وحتا انفاسهم عضها ودخل لساتو كيتبنن بمداق لعابها نزل لعنقها كيبوس فيه ويعض حتا خلاها تفوه وتشد شعرو وتزير عليه نزل لصدرها كيعض فيه فوق لبسة سبيطار كيشد الحلمة ديالها بسنانو ويجر حتا كتغوت وكتزيد تهيجو بأهاتها واصواتها كتنوض فيه رغبة مكيقدش يكبحها طلع ليها لبسة ونزل كيبوس فكرشها ويدو كتسارا فكل منطقة
روح:اااه صرب وقف وقف ايدخل شي واحد
كان فعالم آخر غريزتو غالبا عليه اكثريا معاها نزل للسليب عضها من فوقو حتا تهزات وتحطات
روح:صرب عفااك وقف
ناض عليها بزز كيحس بالمعلم ناض باس كرشها و هبط ليها اللبسة
صرب:ناري يا روح ونشدك ميفكك مني حد(صلاها لفخضها العاري)
روح:ههه اححح هدا
صرب:رووح راه انهز مك دابا نهرب بيك خليني شاد راسي
روح:وا نتا لي ضريتيني ويلي
طلع ليها يديها للفوق ونزل عض فمها
صرب:مزاال ما شفتي وااالو فالتقصاح
روح:ما بقيتش لاعبة عطيني تيقاار
صرب:متخافيش الحب اتولي طااالبة عليه نتي ههه متفارقيش معاه
روح:الله يمسخك بقا تحلم والله لا حطيتي عليا يدك إلا مدرتيش العملية
صرب:(باس عويناتها وعض على شفايفو)دابا نشوفو(غمزها)
روح:صرب
صرب:روحو
روح:كنبغيك
صرب:راك عارفة الجواب على هاد الكليمة
روح:وا قوولها
نزل باس ودنها حتا تبورشات
صرب:صافي جاوبت
روح:ناائح مدايزاش
نزل باس نيفها
صرب:ودابا
دارت ليه براسها لا
صرب:احياني عليك نتي خاصك شي بوسة فشي بلايص اخرين
روح:ويلي على المقزدر سير سير مبقيتش باغا وااالو
صرب:هه الخوافة فيك غير الجبهة
روح:ياااك مخاصمة معاك
صرب:أجي نتي مكتوحميش
روح:مزال مبان ليا شي وحم هاد ساعة ههه
صرب:هه ولدي أنا سبع كيفكر فباه يا ا سبع ديالي
روح:ههه صافي راجلي حماق
صرب:ياك لمك دابا لي دوا مع ولدو غادي يكون حماق
روح:اصلا باش عرفتيه ايكون ولد تقدر تكون بنت
صرب:يكون ولد ولا بنت المهم انه يكون منك ويتزاد بصحتو
روح:يا رب عرفتي مليت هنا مقالكش طبيب ايمتا غادي نخرج
صرب:يومين باش نطمنو على الجنين كثر وتخرجي
روح:اوووف كنكره سبيطار
صرب:مبقا قد ما فات
#دازت يومين دوا معاهم الطبيب فيها على صحة البيبي وكيف خاصهم يتعاملو مع الحمل فديك المرحلة الحساسة وعطاها فيتامينات وبروتينات لي غادي يساعدوها شوية ويقويوها كانت معاها ليليا وأنغام وحنين ومها كيعاونوها باش تلبس قادات شعرها ودارت ليها أنغام شوية دالمكياج دخل صرب من بعد ما مشا خلص الكلينيك هز بنتو و شدها من خصرها غادي بيها
روح:ويلي مالك شادني بحال إلا مكنعرفش نتمشى
انغام:(بشوية)لقينا لي يشدنا هكا
روح:سمعتك هه
حشمات مني عرفات حتا صرب سمعها حدرات راسها كتحلف على روح وصلوهم حتا الباب سلمات عليهم وركبات فلوطو ديالو ركب هو حنين لور ودار ليها سانتييغ ومشا جلس فبلاصتو ديمارا
روح:فين غاديين
صرب:دابا تعرفي الخايبة
روح:هه اك
وصلوا قدام واحد الفيلا صغيرة جات فموقع راقي وقريب لكلشي وفنفس الوقت كاالم ماشي كبيرة بزاف بسيطة
صرب:هادي دارنا
روح:حمقااتني
صرب:أجي ندخلو باش تشوفي الداخل
روح:متحمسة هه
نزلوا بثلاثة بيهم دخلو لدارهم وتعمدات روح دخل برجلها ليمنية كفال ديال الخير عليهم كانت الفيلا فيها دو ايطاج التحت كان فيه صالون بلدي فالبوردو كيطل على واحد عصري كحل ومن جيهة اخر كاين كولوار كيدخل لمطبخ لي كان كبيير وواسع ومجهز بكلشي فالبيض والرمادي فيه طبلة ديال الأكل شوية بعيدة تصميمها موديرن وتقليدي جايا حادرة مزين بالاغتيزانة وفالكوزينة كاين باب كيخرج فالجردة فيها بيسين صغير وجليسة و زعلولة صغيرة لحنين
شدات ليه يديه جاراه وروح تابعاهم كضحك عليها داهم لبيتها لي كان كلو وردي بحال ديال الاميرات وعامر مونيكات والعاب غير شافتو حنين حوالة بالفرحة بقات تنقز وتهز فهادي وتحط فهادي
صرب:خليها تلعب نمشيو نشوفو الباقي
شدها من خصرها وقربها ليه مشاو لواحد البيت كان مكتوب فالباب ديالو بهاء حلاتو مستغربة لقاتو بيت ديال دراري صغار مجهز بكلشي ولونو زرق
روح:لاش درتي هاد اللون وحنا مزال معرفنا الجنس دالبيبي
صرب:عجبك بعدا
روح:زويين بزاف
صرب:اجي تشوفي هه
داها الغرفة ملاسقة معاها مكتوب عليها نور حلها كانت غرفة كلها غوز وديال لي بيبي وحتا هي مجهزة بكل ما كيخص لي بيبي
روح:هههه حمق
صرب:مزال انزيد جوج اخرين
روح:عيقتي 5 كلهم
صرب:اااه لمك غير تخوي هاد الكريشة نعمرها
روح:مكتحشمش ههه
صرب:اجي نديك لغرفة التطبيقات ههه
تزنكات غفلها باسها ففمها وعصرهم خلاها غير كتشوف غفلها وهزها
صرب:تقاليتي ا دبدوبة
روح:صرررب
صرب:صافي صافي ما قلت والو
داها لبيتهم لي كان شاد نص ديال الايطاج كان فيه فراش داير بالبيج بحال لون دالغرفة كلها ودريسينغ روم فيها حوايجو وحوايجها لي شراهم ليها كلهم من ماركات عالمية ومكياج وروايح ما نسااا وااالو وشرا ليها حتا حوايج الخاصين بالحوامل بقات غير كتشوف واخيرا الحمام لي حتا هو لا يقل روعة على الباقي
صرب:كيف جاااك
روح:زوين ا حبيبي كلشي زوين منسيتي والو ولكن الأهم عندي هو تجمعت أنا ونتا تحت سقف واحد الباقي ماشي مهم بزااف
صرب:(باس راسها)والاهم عندي انا هو نعيشك احسن عيشة نتي وولادي ومنحرمكم من حتا حاجة
روح:عارفة احبيبي تحيدها لراسك وتعطيها لنا انمشي نوجد ليكم الغدا
صرب:اتجلسي هنا ايوصلك الغدا حتال عندك دابا اتجي الخدامة والمربية
روح:واخا بب
صرب:أنا انمشي للشركة كاين واحد الاجتماع منقدش نأجلو
روح:واخا حبيبي ربي معاك
صرب:بلاما نوصي الراااحة وتفكري كلام الطبيب
روح:حاااضر
باسها و شبعات فيه بوسان فوجهو كلو حتا كان ايدير بناقص مشا باس بنتو وخرج مشا للشركة اما هي مشات طلات على حنين لقاتها غارقة وسط نونوساتها ابتاسمات ومشات عاودات دارت فالدار كلها ثاني حمقها تصميمها كانت دافيا وبسيطة وفنفس الوقت راقية جات الخدامة والمربية تعرفات عليهم ووراتهم بيوتهم لي كانو لتحت ووراتهم كلشي فالدار عاد طلعات ترتاح شوية حسات بالسخفة
حسات بلمسات حنان على وجهها ابتاسمات قبل ماتحل عويناتها
صرب:نعاسة ديالي
روح:(كتحل عويناتها وترمشهم بشوية) شحال نعست
صرب:سبعة دالليل هادي بقيتي بلا ماكلة ومخديتيش دوا
روح:هه الحمل جاني بنعاااااس
هز بلاطو كان حاطو فوق الكوافوز حطو فوقها وبدا كيوكلها حتا كملات وعطاها دوايات ونزل حطو عاد رجع عندها هي الفيسط وحيد الكرافاط بقا غير بقميجة كان باين فيه عيان ناضت وقفات قدامو كانت لابسة سوميج دو نوي فالذهبي جاها سيكسي مع لون بشرتها الحنطية وعويناتها الخضرين وطالقة شعرها البني غاامق على طولتو كان كيضرب فخصرها المنحوث حطات يديها على صيفات دالقميجة كتحلهم وحدة وحدة وبشوية وكدوي بطريقة مغرية خلاتو يشعل
روح:حبيبي عييتي
صرب:اه عياان
حلات ليه القيجة وحيداتها ليه بقات تشوف فعضلاتو المرسومين وكتقيس فيهم خلاها حتا هو دير لي بغات يشوف لشنو غادي توصل طلعات عويناتها فيه وباست صدرو جيهة قلبو طلعات على صباع رجيلاتها وشدات عنقو تلاحت على فمو كتروي عطش عشقها ليه حط يديه على خصرها لاسقها معاه ولكن مخلي ليها هي كلشي وشاد راسو بزز بعدات عليه كتلهت شداتو من يدو وداتو للفراش كل همها تسعدو تجاوزات كل الحدود حيت مبقاش بيناتهم اصلا حدود ولا راجلها حلالها تكا على ضهرو جات فوقو فرقات رجليها وجلسات كدير ليه مسااج حتا ترخى ونزلات كتبوس فضهرو كامل محسات براسها حتا تقلبات وجا فوقها
صرب:اش كديري فيا ا روح اش كتقلبي عليها
روح:ههه شنو هي
صرب:دابا تشوف
نزل على فمها مطلقو حتا خلاه كيوزوز بدا تسخينات ديالو بالقبل لي فرقهم على جسدها المثير كلو ما خلا حتا حته دوزو كيف كل مرة الليلة ولا في الاحلام مكانش فيها غير الجنس كان ما هو اقوى كانو كيوصلو بجوج لقمة نشوتهم ولكن رغبتهم كان كتنوض من الاول وجديد رجولتو كلها كتخرج معاها كيحس بيها ديالو وهي انوثثها كلها كتنطق غير بسميتو كان شاد يديها للفوق وجاي كلو فوقها اجسادهم ملتحمين كانت كتطلق اهاتها بشوية حيت مبقاش عندها الجهد عينيها تقلبو وحتا هو كان عرقان وعروحو بارزين حيت حبهم خلاهم يفوتو جهدهم وطاقتهم طاح حداها كينهج وحتا هي قربها ليه وجاب راسها فوق صدرو حتا رتاح وناض هازها للحمام وجد لما دااافي ودار فيه جيل دوش كيرغوي ودخلو للبينواغ نعس ونعسها فوقو معنقها وحاط يديه على صدرها كيقيس فيهم مزال ما شبع منها
روح:صرب
صرب:اممم
ضرت عندو جلسات فوق كرشو وبدات دوز على صدرو بصبعها وكتشوف فيه بعيون برائة
صرب:اش كاين ا ديك القطة
روح:اممم كتبغيني
صرب:دابا واش من نيتك كتسولي لا مكنبغيكش الالة كنبغي مرا اخرى وقريب انمشي نخطبها
روح:داوي بصح
صرب:(شدها من مؤخرتها بيديه بجوج وطلعها عندو حتا قرب لصدرها وباسو) وي هادشي فيه الضحك
روح:مزيان ا سيدي وعرفتي شنو ايوقع إلا درتيها
صرب:شنو
روح:غادي نعطيك السم مني يبدا يشد فيك غادي نديك للجردة انكون موجدة حبل المشنقة انديرها ليك على عنقك (دارت يديها على عنقو) والتحت انشعل العافية و مني تكون كتشنق غادي نتيري فيك فراسك باش تموت مشنوق محروق مسموم وبرصاصة فالراس كيف جيتك
صرب:(طلق ضحكة رجولية خارجة من القلب)هههههههه نتي خاصني نبدا نخاف من افكارك
روح:خاااااف أنا راه واحد المغيارة ممنيش جوج
صرب:نتي راك فيك ربعة العيالات واخدة قلبي وساداه بسبعة القفولة غير تهناي من هاد الناحية
روح:هكاااك شنو كنت باغا نقول ليك كتلفني اممم فأقرب وقت ادير العملية
صرب:دابا كلشي تحل مبقاش عندي مشكيل نديرها
روح:واخيييرا غدا ناخدو موعد
صرب:طبيبة قلبي نتي
روح:حاجة ثانية ا صرب ماماك خاصك تشوفها
صرب:(باستهزاء)شكون فيهم
روح:امم بجوج وحدة رباتك وتمحنات عليك وثانية الضروف لي بعداتك عليها خاصك تشوفها وتسامحو مع بعضكم
صرب:دابا نفكر فالموضوع
روح:يخلي ليا أنا هاد القليب الحنين ديالي بوووحدي
صرب:هداي للأرض ولا انصدق بما هي و ما لونها ثاني
روح:لا لا عييت صافي ها انا ممحركاش ههه
دارت نعسات ثاني على صدرو منساجمة مع لمساتو ليها ودنيا ما سايعاهاش حيت هي فحضن الرجل لي فاز بقلبها
#دازت_سيمانة خادت فيها روح موعد مع الطبيب كان باقي نهار باش يدخل يدير العملية بدا حملها كيستقر كثر ولات كتحرك على خاطرها وتمشي للافاك هو لي كيوصلها مانع عليها تصوك حيت كتجيها السخفة كانو جالسين على طبلة الفطور بثلاثة بيهم شرحو للحنين بلي باباها هو صرب وبما انها قارية علم النفس عرفات دخلها ليها بلا تعقدات تقبلاتها بسهوولة وحتا الفكرة ديال أنها عرفاتو بأنيرها النهار لول حبباتها فالامر وزادت تعلقات ب صرب كثر وكثر وحتا هو مستمتع بطعم الابوة لي عتابرها من احسن الاحاسيس لي عاشها
روح:(هزات شوية دالهضرة مسلوقة نص سلقة)كول احبيبي خاصك باش تجمع الجهد للغدا
باس يديها وكال مبتاسم وناااشط
صرب:روح
روح: وي بب
صرب:اليوم بغيت نمشي عند احم الوليدة
روح:ياك عاد البارح كنا عندها
صرب:ملك
روح:اااه احسن حاجة درتي احبيبي غادي نمشي معاك
صرب:اك طلعي لبسي باش نوصلو حتا حنين
ناضت للسةيت ديالهم لبسات دغيا ودارت مكياج خفيف ونزلات عندهم لقاتو ركب فلوطو ودار حنين لور ركبات حتا هي معاهم وصلو حنين هي اللولة للاكريش عاد كملوا طريقهم هما شدات ليه يديه
روح:كلشي ايدوز مزيان احياتي
شاف فيها وابتاسم قربات منو تكات على كتفو مرة مرة تبوسو وقفو قدام الفيلا تفكرات روح الايام السود لي دوزاتهم فيها تنهدات حس بيها
صرب:إلا مقديتيش دخلي خليك هنا
روح:لا غادي نهبط معاك ضروري
صرب:فازي
نزلوا شدات ليه فيدو كتدعمو فكل خطوة كيخطيها دقو حلات ليهم الخدامة كان كيف العادة الفيلا خاوية حس الخدامات لي كيتسمع
روح:مدام ملك كاينة
الخدامة:اه الالة راه هي لي بقات والممرضات دياولها سي اوزان سافر دابا شي 4 ايام
صرب:(معصب)كيفاش سافر وخلاها هنا بوووحدها
روح:تهدن احبيبي كالم طوا
صرب:ها انا مهدن
شدا فيه وداتو للغرفة ديالها وقفو قدام الباب
روح:هي راح احم حمقة شوية ممكن ميعجبكش لي غادي تشوفو
صرب:جيت حتال هنا باش نشوف هادشي لي ما غاديش يعجبني (حل الباب ودخل كانت جالسة عاطياهم بالضهر شعرها الاشقر طالع للسما ومشعكك ولابسة لبسة طويلة فالبيض منضرها واخا مزال مشافوش وجهها كان كيخلع)احم احم
متحركاتش من بلاصتها بحال الجماد بدا يقرب ليها
متحركاتش من بلاصتها بحال الجماد بدا يقرب ليها صرب شداتو روح بحال إلا خايفة عليه من دكشي لي غادي يشوف بدا كيقرب بشوية بشوية جا قدامها كانت بيضة بحال الثلج ثماما الدم مكيتساراش فيها عينيها دايرين فالكحولية ولي سيغن ووجهها واخا مزال باين عليها صغيرة إلا ان المرض والشراب شرفها وكلو ولا فيه التجاعيد حناكها جبهتها عنقها كانت هازا جوج مونيكات فيديها كتراري بيهم نزل صرب لمستواها كيشوف فيها كيحس بقلبو تنزع من بلاصتو لحالتها طلعات عينيها فيه بقات تشوف فيه مدة ابتاسنات ابتسامة ساااحرة حتا بانو تقيبات الزين
ملك:يزيد جيتي اجي تشوف وليداتنا كيف ناعسين(بتركية)صرب شوف بابا جا اوزان حل عويناتك مزال الحال باش تنعس ههه مساكن بقاو كيلعبو فالجردة عياااو شوووت خليهم ينينو ههههه (كتراري بيهم)نيني يا مومو حتا يطيب عشانا...
كان صرب غير كيشوف الشبه لي بينو وبين باه خلاتها تيق بلي هو يزيد كان منضرها كيقطع القلب عينيه دمعو مسح على لحيتو بحسرة وقلة حيلة مقاد يدير والو كيحس بيديه مربوطين مقدش حتاا يدوي يقول ليها بلي أنا ولدك خايف من ردة فعلها خايف تصدم كثر ما هي مصدومة تفكر هضرة صاحبو بلي تباعت لدار الظعارة بلي ولات راقصة للي يسوى ولي ما يسواش يشوفها حس برجولتو تهانت كيتخايل بلي شحال من واحد ايكون تكرفص عليها حتا ولات مدنمو على الشراب حيت هو الوسيلة الوحيدة لي غادي تنسيها وتخليها آلة صالحة للجنس وبس كلشي هادشي فكر فيه كيحس بالجمر كيطيح على قلبو احساس خااايب بزاااف بزاااااف لأي راجل يقد يصبر لكلشي إلا مو ولا بنتو ولا ختو ولا مرتو تقاس فشرفها وخصوصا إلا كان هو السبب بداكشي كلو نزلو دموعو دار دغيا مسحهم كيحاول يكون قوي ناض رجع عند روح لي كانت واقفة ومراقباه كتشوف فيه حنا هي كبدتها كتشوا عليه حاسا بيه وعارفاه اش كيعاني
روح:شنو بغيتي دير
صرب:غادي نديها من هنا
روح:اه نديوها للدار أنا نقابلها
صرب:لا غادي نديها لعند شي طبيب يكون خبير فحالتها خاصها تعالج ولا عمري مغادي نعس وضميري مريحني
روح:(شدات ليه عنقو وباستو فدقنو)لاا ا صرب متقولش هاكا ننا ما ليك دخل
صرب:ماشي وقت هاد الهضرة واصلا محاملش ندوي فيها خاصني نديها اليوم
روح:كيغادي دير ليها مغاديش تبغي
صرب:دكشي فاش فكرت غادي نجيب اومبيلونص
روح:من الافضل
هز تيلي عيط للاومبيلون رجع بقا كيشوف فيها اما روح هزات تيلي ديالها قلبات على احسن مشفى للأمراض العقلية لقات واحد لي معروف ديال الفلوس جاات لومبيلونص هزاتها بالكشايف كترطا وتغوت لربي لخلقها محناااتهم تبعوهم بلوطو وصلو للمشفى دوا صرب مع الطبيب لي كان معرووف ودايع سيطو فداك المجال وصاه خلص التكاليف كلها دالعلاج وحتا طمأن عليها عاد خرجو لجعو للفيلا
كان باين فيه ماشي حتالهيه طلع للبيت بلاما يدوي ونعس طلعات تبعاتو لقاتو دغيا نعس بدلات حوايجها بلاما دير الحس قربات ليه باست فمو ودوزات ليه على شعرو عارفة بلي مرحلة صعيبة لي كيدوز منها ولكن اكيد اتجاوزها بقات واقفة مع الخدامة كتعاونها وكتحاول تشغل بالها وتحيد الخلعة ديال العملية لي عندو باقي ليها يوم واحد جات حنين تغداو غير بجوجات مبغاتش تفيقو جا طرونسبور لحنين غير مشات نعسات حداه تمخشات فيه حس بيها زاد قربها ليه ونعسو
فاق فليل راسو دارو كيحس بيه بحال البيضة الخاسرة قلب حداه ملقاهاش سمع ضحك حنين لتحت نزل عندهم لقاهم مقربلين الكوزينة سفاها ردوه كلو عامر دقيق كانت روح لابسة كسيوة فالغوز قصيورة ودارية بابيون فوق راسها حتا هي فنفس اللون ودايرة كريم كاكاويط لفمها بريحة حب الملوك وداهنة لحمها بكريم بنفس الريحة
وحداها حنين لابسة كسيوة فالحمر وطالقة حتا هي شعرها والقصيصة على عويناتها كانو كيصايبو كيك ولكن حنين تخوا عليها الطحين كلو ولات بحال فار دقيق وحداها روح كتموت عليها بضحك كتبكي بالضحك حتا جمعات حنين شفايفها مني شافت باباها وبدات تدمع محملاتش ماماها ضحك عليها
بوستو ومشاو للصالون دارو فيلم ديال دراري صغار وجلس كيتفرج معاها على وعدو وسعدو أما روح ضحكات على حماقو جمعات الروينة وكملات العشا حيت كانت عطات كونجي للخدامة والمربية ديك ليلة وجدات ليهم العشا كلاو فاجواء عااائلية بامتياز لا تخلو من ضحك والمرح لي خالقاه حنين ببرائتها وكل شوية يبوس صرب يدين حبيبتو ويشكر طيابها لي كيجيب ليه تمام
كملو الماكلة جمعات الماعن حطاتهم حتا تغسلهم الخدامة كانت عيانة طلعات حنين لبيتها لبساتها حوايج النعاس ووقفات عليها حتا غسلات سنيناتها نعساتها وغطاتها عاد مشات لبيتهم لقاتو متكي كيخمم مشات للديريسينغ روم لبسات سوميج دو نوي نواغ مشبك جمعات شعرها للفوق عاد رجعات عندو تخشات حداه كتشمشم فيه وفريحتو لي جاتها على الكانة
صرب:اش كديري القطة
روح:ريحتي الله شحال زوينة (كتزيد تمخشش فعنقو)
صرب:(دورها جابها فوقو)شنو ندير فيك دابا اممم
روح:بوشني (جمعات فمها على شكل بوسة)
باسها ودور عليها يديه خاشيها فيه بقا يقيس فضهرها ويدوز عليه بصبعو بشوية حتا داها النعاس على ديك الحال فوقو حاطة راسها فعنقو كتستنشق ريحتو أما هو منعسش بالو مع مو لي خلاها فديك الحالة ومن جيهة ثانية العملية لي عندو الغد ليه شاغلة ليه بالو
صرب:روحي
روح:(ناااعسة)اممممم
صرب:نعستي
مجاوباتوش تحكحكات عليه ابتاسم ودورها بشوية قادها فبلاصتها غطاها وناض خرج للبالكون كيحس براسو مخنوق دخل شافها كيف ناعسة مشا هز كتاب وستيلو وجا جلس حداها كيشوف فيها وكيكتب
#صباح_جديد
فاقت روح بكري خادت دوش خفيف صلاة صلاتها قرات ما تيسر من القرأن دعات الله يوقف مع حبيبها ويدوز كلشي بيخير خلاتو ناعس نزلات صايبات لبنتها الفطور ونوضاتها فطراتها جات المربية خلاتها معاها وطلعات عندو لقاتو فالدوش يلاه خارج منو لاوي على تحتو فوطة والفوق عريان دوخها شكلو عاق بيها قرب ليها وباسها ففمها قبلة الصباح
صرب:صباح الحب
روح:(دايخة)ا ا صباحو
صرب:فين كنتي
روح:فيقت حنين
صرب:اك يلاه لبسي باش نمشيو راه دايرين روطار
روح:اك
دخلو بجوج للغرفة الملابس جبدات حوايجها لبساتهم قدامو مع شوية لي بيتيز ضروري خرجات كتقاد فشعرها ومكياجها لبس غير سروال دالسيرفيط و تيشورط نص كم مزير عليه ايطرطق خرج عندها حتا هو جا وراها كيقاد شعرو دارت باستو فصدرو ومشات جمعات ليه صاك صغير فيه الحوايج ودكشي لي غادي يحتاج مني كملو نزلو ركبو فلوطو فاتجاه للمشفى وصلو ومشاو للغرفة ديالو لقاو جوري وفاطمة وجنات كيتسناو فيه سلم عليهم اما روح سلمات غير على مو محاشاتهاش للاخرين وحتا هو غير كيخنزرو ومحاملينهاش اما هي ممسوقاش ليهم ومعايشااش ليهم شوية دخلات أنغام وليليا سلمو عليهم وجاو وقفو حدا روح
روح:حووبينو جيتو
أنغام:على حنا نقدرو نخليوك فبحال هاد النهار
ليليا:إن شاء الله مني يخرج من العملية تجي ماما وبابا واياد
روح:إن شاء الله
دخل الطبيب عندهم سلم على روح حيت هي لي كيعرفها ومشا عند صرب دار ليه فحوصات ضرورية
طبيب:مفطرتيش
روح:لا لا مفطرش
جوري:كدخل راسها فكلشي يخخخ
شاف فيها صرب بحب داربة لحساب لكلشي
طبيب:خرجو باش يبدل الممرضة اتجيب ليك اللبسة
صرب:بغيت مرتي تبقى معايا
طبيب:على راحتك
خرجو كلهم جابت ليه الممرضة لبسة وخرجات كان روح واقفة بعيدة عليه وهو جالس فالفوطوي بقات تشوف فيه تجمعو دموع فعينيها ودلات شفايفها بحال الدرية الصغيرة عرفها اتكون ميتة بالخلعة عليه ومصبرة راسها باش تبان قوية
صرب:أجي هنا(دار ليها بيديه باش تجلس فوق رجليه قربات وجلسات وغير شافت فيه طلقات دموعها كلشي تخلط عليها الخلعة والهرمونات ديال الحمل) لاش كتبكي دابا إلا بغيتي منديرش هاد الاوبيراسيون
روح:هءهء لا خاصك دييرها ولكن خايفة علييك
صرب:(باس خدها) روحي نهار بغيتك كنتي أكثر مرأة قوية شفتها كنتي مختالفة عليهم وحتا دابا بغيتك تكوني قوية جبل ما يهزو ريح
قرب منها حتا تخالطو انفاسهم ولتاهم شفايفها بحال كل مرة متعطش ليهم ومقادش يبعد عليهم غير كيدوق طعمهم مكيقدش يحبس بعد عليها بالكشايف مساخيش نوضها وناض لبس دكشي لي جابو ليه اما هي جلسات كتشوف فيه حاسة بسخفة ودوخة ولكن شادا راسها باش متبينش ليه تكا فوق البياص دخلو الممرضات دقو ليه شي براوات وقاسو ليه النبض والضغط عاد جروه للبلوك ولكن قبل قربات ليه خادت يديه باستها وهي حابسة دموعها بزز وخاد حتا هو يديها باسها كيحاول ميبينش ليها الضعف غير دخلوه مشات كتجري للوطو ديالو دخلات ليها وجلسات فبلاصتو كتبكي بحرقة وقلبها الخوف كياكل فيه تكات على الفولون مدة عاد ناضت خادت الورقة لي كتب ليها بدات تقرا ودموعها مغطيين وجهها
《إلا ضنيتي بلي غادي نتخلى عليك شي نهار نتي غالطة ا روح نتي هي سري ا روح نتي هي لي خبيتها فجيهة اليسرى من صدري كونها قلبي نتي هي الهوا لي استنشقتو داخل رئتي ونتي دابا قولي واش نقدر نتخلى عليك؟ عمرني تخليت عليك ا روح التخلي عليك كان ساهل وانا بقيت معاك ومقتلتش المرا لي كنبغي فالداخل ديااالي بغيتك بزاف لدرجة ان هاد الحب ميتسعش لعمر واحد والا ضنيتي شي نهار بلي انا تخليت عليك عرفي اروح بلي هاد الرجل مستحيل يتخلى على دوك العوينات
كملاتها قلبها ايجمد بالخلعة حسسها بلي غادي يموت مفهماتش لاش قالت ديك الهضرة خرجات بزربة مشات عندهم لقاتهم جالسين كيتسناو قلبها تقبط عليها بقات جالسة مدة كتسنى الفرج شي خبر زوين ومغمضة عينيها كدعي لخالقها يكون معاه شوية بانت ليها واحد الممرضة خارجة كتجري وتبعوها جوج طارت منهم كلهم ناضت روح كتجري شدات وحدة
روح:شنو واقع مالو
الممرضة:كضيعي لينا الوقت الالة منقد نقول ليك والو حتا يخرج الطبيب ودوي معاه
مشات وخلاتها اتحماق لي خرجات كتشدها وكيعطيوها نفس الهضرة جوري حماتها للبكا الحاجة سخفات أما روح كدير لا براسها وكتقول بلي كلشي ايكون مزيان عندها احساس كيقول ليها بلي كلشي ايدوز بيخير دخلو ثاني بقات هي غادا جايا وكرشها كضرها وفيها السخفة وكتحس بقلبها محيد من بلاصتو
بقات غادا جايا وكتسنا بفااارغ الصبر بقا ليها شوية وتدخل عليهم شادا راسها بزز وكتطلب الله من قلبها ياخد من عمرها ويعطيه خرج طبيب مبتاسم حسات بشوية الراحة ولكن غلباتها الدوخة طاحت على طولتها جا عندها الطبيب كيعيط على الممرضات جاو كيجريو هزوها وحطوها فواحد الغرفة قاس ليها الطبيب الضغط بدات تحل عينيها وعلى لسانها غير سميتو
طبيب:راجلك تجاوز مرحلة الخطر ا مدام متشبت بالحياة جاه نزيف فالدماغ مني كنا كنديرو ليه العملية وواحد اخر كان غادي يموت اكيد ولكن سي صرب قاوم الحمد لله على سلامتو خليت ليك الله
خرج ابتاسمات وشدات قلبها عاد رجعات فيها الروح دخلوا عندها البنات بقاو معاها اما هو مقلوه للغرفة الانعاش خاسو يدوز فيها 24 ساعة عاد يطلعوه للغرفة العادية خادت ادن من عند الطبيب باش دخل عندو لبسوها البسة وعقمو ليها يديها عاد دخلات شافتو مجبد فوق البياس وكلو خيوطة صوت نبضاتو لي كيتسمعو ومدورين عليه فاسمة بيضة على راسو عمرها شافتو هكاك عاااجز ضعييف فمو بان بيض حطات فمها عليه كان بارد بقات تقيس فلحيتو نزلات دمعة فوق وجهو شدات ليه يديه لي كانت هي ثانية مجمدة بالبرد دارتها بين يديها كتسخن فيها ودفيها تفكرات شنو قال ليها بلي هي دليرها فالجيهة اليسرى من صدرو كونها قلبو ناض باست فوق قلبو ورجعات باست فمو عاد خرجات خلاتو يرتاح
#دازت اربعة أيام
فاق فيها صرب رد فيها جهدو كلو بفضلها مخلاتوش حتا دقيقة مني فاق وهي حداه كتوكلو بيديها مكتنعسش بليل كل شوية تفيق تشوف واش خاصاه شي حاجة حتا رد صحتو ورجع كيف كان واحسن بكثير دخل عندهم الطبيب كانت كتوكلو وهو يعض فصبيعاتها بلعاني شافت طبيب خطفات يديها حشمانة
الطبيب:على سلامة اليوم ممكن تخرج ولكن خاصك تاخد فترة نقاهة والفتحة خاص تعقم جوج دالمرات فالنهار وإلا حسيتي بشي حاجة بحال دوخة غير طبيعية ولا غيرها خاصك تجي للكلينيك
صرب:شكرا دكتور
ابتاسم ليهم وخلاهم عاوناتو حتى لبس ونوضاتو كان حتا واحد من العائلة معارف بلي غادي يخرج دكشي لاش حتا واحد ما جا داتو للوطو بان ليها مشا جيهة القيادة
روح:شنو كدير
صرب:شنو بان ليك
روح:من نيتك أجي جلس فهاد جيهة أنا لي غادي نسوق
صرب:واااخا الالة
مشا جلس فبلاصتها وهي فبلاصتو وصلو للدارهم كانت حنين فالمدرسة عاوناتو حتى طلع لبيتهم
هو غير كيشوف هاد المعاملة وهاد الاهتمام كلو قادات ليه المخاد باش يتكا جرها عندو جات جالسة فوقو
صرب:(فودنيها بهمس)توحشتك
روح:هدا من البسالة راك مزال مريض
صرب:(نعسها فوق الفراش ونعس حداها شد ليها بزولتها حتا قفزات)ها شنو توحشت
روح:ااي هدااا
صرب:غير صبري هاد ليلة نفدي فيك القديم وجديد
شدات ليه عنقو كتدوز صبعها بشوية
روح:هي صراااحة حتا انا توحشتك
نزل باس فمها وطلع وعاود نزل باسو كيخطف بوسات بالخف ويطلع بدا يهر فيها وهي كترطا ليه
صرب:مدي ليا دوك الوراق نقراهم شحال من نهار ممشيتش للشركة
مداتهم ليه خلاتو مقابل شغلو وخرجات عيطات ليها ختها قالت ليها ايجيو يتعشاو معاهم فليل رحبات بيهم وعيطات للحاجة فاطمة قالت ليها حتا هي تجي وعلماتها بلي ولدها خرج وكملاتها مع أنغام دواو شوية ومشات طل على الخدامة وتعلمها بلي كاينين ضياف فليل وشنو غادي يخصهم يوجدو
كانو مجموعين كلهم على طبلة الاكل لي كانت عاامرة بالماكلة تكلفات بكلشي الخدامة غير عاوناتها كبرات بيهم ورحبات بيهم كانت جلسة هي حداه ووسطهم بنتهم وحداها ليليا وقدامها الحاجة لي جات غير بوحدها مبغاتش جوري وصاحبتها يجيو من جيهة ثانية مها وباها وخوها كلشي كيدوي وناقشو مواضيع مختالفة غير هي لي ساكتة وكتشوف فيهم على الاقل حياتها تحسنات واخا مزال مشكل المرض ديالو ما تحل ولكن بعدا عايشة فديك اللحضة سعاادة لاا توصف وهي وسط حبابها وناسها وراجلها وبنتها تكات على كتفو كتشوف حتا هو دار راسو على راسها مبتاسم
##هكا دازت شهور وشهور الفرحة مخطاتهمش كل نهار كيتعرفو على بعضهم كثر وحبهم كيزيد يكبر دازت 8 شهور كلها سعادة صحيح كيوقعو بعض الخلافات ولكن ديك الساعة كيحلوها ويلقاو ليها حل خدمات فهاد 8 شهور على العلاج واخا الحمل محنها وخصوصا فشهر السادس للفوق بدات كتنفخ وكتعيا و عاد الهرمونات راديينها على سبة ديما مغوتة على حنين و كتبقى تبكي على صرب كيبقى فيها الحال مني كتغوت عليها وحتا هو ممخليش من جهدو شاد معاها الخاطر لأقصر درجة غير كيخرج من دار يجي للدار يبقى معاها ويونسها حيت كتقنط ومكتقدش تمشى
دخل للدار جات عنظو حنين كتجري تلاحت عليه
حنين:باااابي
صرب:لبؤتي توحشتي بابا
حنين:بزاااف(باستو فخدو)
صرب:شنو دارت اميرتي اليوم
حنين:درت الهوموورك و تدربت حطني نوريك
حطها ونزل جلس القرفصاء بدات ترقص باحتراف كضور كيف الفراشة حتا كملات و شدها باس راسها جات المربية باش ديها تعشى
صرب:فين هي مماك
حنين:فالبيت
باسها وناض طلع للبيت دخل لقاها جالسة ف المكتب ودايرة نضاضر قدامها بيسي كدوي فيه مع بنت من الفريق وقدامها عرام دالوراق والكتوبة كانت لابسة بيجاما فالغوز تريكو وسروالو وقدلمها كريشتها منفوووخة وحتا وجهها تنفخ ويديها ورجليها شافتو جا روح:نرجس نكملو غدا
الشيطانة الفاتنة الجزء 11
محتوى القصة
التنقل بين الأجزاء