الشيطانة الفاتنة الجزء التاسع

من تأليف هاجر الباحو
2018

محتوى القصة

رواية الشيطانة الفاتنة

#عند serp
كان جامع حداه عرااام ديال الحطب وهاز شاقور كان لابس بيل لاسق عليه فالزرق و شورط كحل عرقان وشمس داربة فيه
حط خشبة وهز شاقور حتال لسما ونزل عليها تقسمات على جوج هز وحدة ثانية نزل عليها بقا على داك الحال حتا كملهم كاملين بقاو ليه غير جوجات كان هاز الشاقور حتا حس بكلاكاج فيدو وألم قوي بزاف جاه فيديه اليسار حتا لاح الشاقور وغوت بحر الألم
صرب:ااااه 
شد يدييه كيتألم وكينهج ناض سخفان وكيتمشا غير بزز دخل للدار مشا بداك جهد لي مزال ليه للطبلة هز دواه وشربو ومشا للسرير كيكمدها حتا بدا كيفوتو بشوية بشوية عاد رجعات فيه روح ولكن كيحس براسو ايطرطق وشقيقة شداه ويديه مبغاتش تهدا كتفيبري بحال إلا مركبين فيها ضو رجع راسو للور وتكا على ديك الحال محسش حتا داتو عينو كان حمر بزاف وكلو كيترعد
##عند_روح
داز نهارها مع بنتها فالغرفة محاولاتش تخرج ابدا تفرجات ولعبات معاها مخلات مدارت فيها صبغات ليها دفارها دارت ليها المكياج حتا سلاو لعبهم ودخلوا دوشو بجوجات ولعبو ثاني بلما كدير روح فوق جهدها باش متحسسش لبنتها الألم لي كتعيشو تعطي لي فوقها ولي تحتها باش تعيش حنين طفولتها بحال اي بنت فسنها عكس دكشي لي عاشتو هي
خرجوا من دوش نشفات ليها شعرها ولبساتها ولبسات عليها حتا هي سوميج دو نوي خفيف مع كان الصهد بقات تلعب ليها فشعرها حتا نعسات بقات تشوف فيها وفملامحها الهاااديين لي كيدخلو طمأنينة للقلب مشا تفكيرها ليه كتخيل ردة فعلو مني غادي يشوفها تمنات للحظة انه يكون نساها ومحاها من بالو باش ميتعدبش حاولات تنعس بجميع طرق حلف نعاس لا جاها قلبها تقبط عليها بحال شي حد حاط عليه حجرة ملقاتش تفسير لاحساسها ناضت لبسات بانطوفتها وخرجاات للشرفة كان جو زوين ما بارد ما سخون نسيم خفييف طير ليها خصلات شعرها تنفسات بعمق جاتها ريحتو فبالها تنهدات وجلسات فوق الكنابي لي كان فالشرفة بقات تشوف فسما وتفكر فحياتها بلحضة بلحضة لقاات بلي اكثر اللحضات السعيدة لي عاشتها كانو معاه
حسات بيديه تحطو عليها حتا قفزات دارت تشوف شكون لقاتها حنين جايبة غطا خفيف حطات على كتاف روح خلاتها غير كتشوف جات وقفات قدامها
حنين:مالك ا مامي سكون مقلقك
روح:(عينيها غرغرو من الجيست لي دارت عنقااتها) ممقلقاش ا مامي ممقلقاش
حنين:ولاش كتبكي
روح:هه (كتحاول تحبسها)غير دخلات ليا شي حاجة لعيني نتي لااش منعستيش الكبيدة
حنين:خفت بوحديتي
روح:أنا معاك
حنين:وحتا انا معاك اماماتي مغادي نخلي حتااا واحد يقلقك
ابتاسمات من برائتها وعنقاتها بجهد هزاتها وداتها للفراش خشاتها فحضنها ونعسوا♡♡

روح:(كانت لابسة غوب بيضة طويييلة ودايرة فوق شعرها المسرسب على ضهرها تاج مصاوب بالورد البيض كانت كتبان بحال الملك)عمري أجي تفطر
بقا كيشوف فيها مدة ابتاسم وقرب ليها باس خدودها بجوج وراسها وعويناتها عاد نزل لفمها خطف منو قبلة حنينة)صباح الورد يا اجمل وردة دخلات لحياتي
روح:صباح الخير(شداتو من يديه وجلساتو وجلسات مقابلة معاه بقات توكلو وتوكل راسها أما هو مهداش من كلمات الغزل والحب)
مني كملو جرها من يديداتها وجابها جلسها فوقو وخشا راسو فعنقها كيستنشق عبيرها
صرب:الله شحال توحشت ريحتك
روح:(تحولو ملامح وجهها لحزن ودوات بنبرة حزينة)حتا أنا توحشتك وتوحشت كلشي فيك
دورها عندو وشد وجهها بين يدو حط جبهتو على ديالها نفسهم تخلط مستمتين باللحظة لغة العينين والانفاس لي كتكلم
حس بيدين تحطو عليه وصوت مخرشش كيتسمع فودنو خلاه يفيق من حلم تمناه ميساليش
جنات:هءهء هءهء صرب فيق مالك
صرب:(كانت طالعة ليه السخانة بزاف كيشوي وكيهلوس بكلمات ممفهومينش)ر و ح 
جنات:صرب(كتقيس ليه وجهو ولحيتو ودموعها شلال) عفاك نوض معايا نمشيو للطبيب هءهء
حيدات عليه الغطا وحاولات تنوضو جاها تقيييل بزااااف كيدير منها عشرة تلفات معرفات مدير بدات ضرب ليه على حناكو وتحاول تفيقو حتا بدا يحل عينيه وهو شبه مغيب عاوناتو حتا وقف وتكاتو عليها موصلاتو للوطو ديالها حتا غفر ليها الله ذنوب جلساتو القدام ومشات طايرة جلسات حداه وعفطات عفطة وحدة حتال لاقرب اوبيطال خرجات كتجري عيطات على شي حد يعاونها فيه جاو ممرضين هزوه وحطوه فالباياس ودخاوه لواحد الغرفة أما جنات بقات جالسة فالكرسي لي قدام ديك الغرفة وكلها كتنهج بالبكا جبدات تيلي عيطات لجوري ورجعات ثاني كتبكي مفاهماش شنو وقع ليه وكتخايل كون ممشاتش عندو شنو كان ايوقع فيه
بعد ربع ساعة جات جوري كتجري خلات شغالها كلهم والكلينيك وجات عند خوها لقات جنات كتبكي تزاد معاها الزايد مشات كتجري عندها
جوري:مالك فين خويا اش وقع ليه دويي هءهء
جنات:معرفتش والله ماعرفت مشيت عندو لقيت الباب ديال دار محلول مني دخلت لقيتو ناعس وسخون بزاف ومغيب جبتو لهنا هءهء
جوري:(عنقاتها)صافي احبيبة متخافيش حتا حاجا مغادي توقع ليه خويا قوي وغادي يرجع لينا
جنات:يااا ربي يشافيه هءهء
خرج طبيب عندهم مشاو كيجريو بلهفة عندو
جوري:كيف بقا خويا

الطبيب:اجيو معايا للمكتب ديالي باش نهضرو على حالتو ونطمنكم دابا استقرات
جنات:الحمد لله
ابتاسم ومشا سبقهم للمكتب ديالو دخلو وجلسو بجوجات كيتسناو اش ايقول ليهم
طبيب:يمكن نتوما عارفين المرض لي كيعاني منو سي صرب
جوري:وي دوكتور عرفنا بالمرض ست سنين دابا
طبيب:ومني عارفين لاش مدارش العملية
جوري:احم اعتارض كليا عيينا معاه بدون جدوى
جنات:واش المرض خطير بزاف
طبيب:مرض الباركانسون من أخطر الامراض لي مزال ماتلقا ليه علاج نهائي والعملية لي غادي يدير ممكن غير طول شوية من مدة حياتو باش نكون معاكم صريح سي صرب وصل لمرحلة مهمة من المرض كان الارتعاش كيجيه فمنطقة الكف ودابا طلع ليه حتاال دراع وغادي يبقا هاكا حتا ينتاشر فجسمو كلو وماشي غير هادشي إلا مدارش العملية ممكن ورا عامين ولا ثلاثة يبدا يخرف حيت هاد المرض كيتلف الجهاز العصبي ممكن يجيه زهايمر ولا يجيه الخرف المبكر عاد احم
جوري:(مصدومة)شنو عاد شنو
الطبيب:الاعمار بيد الله ولكن مع خبرتي فهاد المجال بغيت نقول ليكم بلي احتمال عيشو مكتجاوزش 10 سنوت أخرى
سدو فمهم مصدومات بقاو غير يبقلو فعينيهم معرفو باش تبلاو
جوري:شكرا دكتور بغيت نطلب منك طلب
طبيب:وي تفضلي
جوري:بغيت هادشي يبقى بيناتنا مبغيتوش يعرف هادشي أنا انحاول معاه يدير العملية ولكن مبغيتوش يعرف هادشي بمرة
طبيب:لي بغيتي وهكا افضل

حسات بيدين كيلعبو فوجهها بحنان من حجمهم عرفات شكون ابتاسمات وشداتهم وهي مزال مغمضة عويناتها حطاتهم على فمها كتبوس فيهم
روح:صباح نور كبيدة
حنين:صباحو
حلات عويناتها الخضرين مزال معسلين بالنعاس شافت بنتها لي كانت كالسة وكتشوف فيها حيدات ليها لقصيصة تخايلات ردة فعلو مني غادي يعرف بلي هاد الملك بنتو كانت ضاربة لحساب فراسها بلي ايجي واحد النهار لي غادي يخصها تقول لبنتها كلشي وليه قبل واخا تكون العواقب وخيمة ولكن ماشي من حقها تخبي عليه كيف ما هي بنتها وعندها حق فيها حتا هو راه بنتو ومن حقو يعرف
تنهدات وغمضات عينيها كتحاول تخبي حزنها وجرحها حلاتهم وابتاسمات قلبات بنتها وجات فوقها كتهر فيها وحنين كتموت بالضحك عرات ليها كريشتها ونزلات كتبوس فيها
حنين:هههه مامي هدااي هههه
روح:اناكلك أنا
سمعات الباب تحل هزات راسها بان ليها داخل كحلات بلعما ناضت من علا بنتها وغطات راسها بالغطا حيت كانت لابسة سوميج مبين مفاتنها
اوزان:صباح الحب
وقفات حنين فوق الفراش فرحانة
حنين:بابا (حلات يديها)
عنقها وهزها عندو
اوزان:القطيطة ديالي
حنين:توحشتك باباتي
اوزان:(دار عند روح غمزها وابتاسم) كسولتي مبقاتش باغا تمشي لليكول
حنين:بيييت
اوزان:وجديها باش تمشي راه سجلتها
روح:كبيدة سيري غسلي وجهك وسنيناتك
حطها ومشات كتجري
اوزان:بشوية متجريش فالحماام
روح:كتخاف عليها زعما
اوزان:(مد ليها سوارت)هادو سوارت لوطو ديالك جديدة إلا بغيتي تخرجي باش متقوليش حابسك ولكن إلا فكرتي ديري شي حاجة عارفة العواقب

اوزان:(مد ليها سوارت)هادو سوارت لوطو ديالك جديدة إلا بغيتي تخرجي باش متقوليش حابسك ولكن إلا فكرتي ديري شي حاجة عارفة العواقب(مد ليها تيلي) وحتا هادا خليه ديما حداك نقدر نحتاجك ا زين
خرج وخلاها مفقوصة ناضت مني شافت حنين خارجة داتها لبساتها ومشطات ليها شعرها ولبسات حتا هي جينز فالزرق مع تيشورط فالبيض وكاب طويل فماغون وكعب فنفس لون الكاب دارت مكياج خفيييف عاد نزلات هي وبنتها لقاوه جالس فالطبلة كيفطر جلسات بعيدة منو وبنتها حداها وكلاتها فصمت ممدواهاش ومدواتوش مني
روح:عطيني عنوان المدرسة أنا لي نوصلها
اوزان:(ناض وقف)خوديه من عند شيفور
خرج وخلاها
روح:ليتس جو كبيدة
خرجو مشات عند شيفور خادت منو لادريس وركبو فلوطو ديالها لي كانت بوكيني آخر ماغنات أم كلثوم مداتهاش فيها وفالثروات لي كتسواها ركبات بنتها لور ودارت ليها السانتيغ عاد ركبات هي
وصلاتها ودخلات معاها حتا للداخل وصات المعلماات عليها عاد رجعات ركبات فلوطو بقات جالسة مدة كتفكر فين تمشي أول حاجة جاتها فبالها بنتها لي كانت قالت ليها بغات تولي ترقص الباليه ابتاسمات بدات كتخايلها هزات طيلي بالخف لي عطاه ليها وجه الويل قلبات على لي صال لي كيديرو الباليه لقات شي وحدين دارت عنوانهم فجيبي إس ومشات ليهم

#بعد_مرور_اسبوع
كان جالس فالمدتب ديالو كيراجع الملفات لي قدامو عاقد حجبانو كدليل على أنه مسطريسي ويدو حداه كترتاعش مكتهداش تنهد بعمق ورجع راسو لور كانت كطل عليه جنات وقلبها كيتحرق عليه وعلى حالتو وكلام الطبيب كيضور فراسها ناضت فاتجاه مكتبو دقات بشوية ودخلات مني سمعات الادن
تقدمات لجيهتو وحنيكاتها حمرين كانت لابسة غوب قصيورة فالنواغ مزيرة من جيهت الصدر و مفضفضة من التحت وطالقة شعرها المايل لونو للبرتقالي كانت كتشوفو بنضرات كلها حب واعجاب أما هو كان مرجع راسو للور ومغمض عينيه
صرب:وي جنات شنو كاين
جنات:(معرفاتش كيف دار حتا عرفها)بغيت نقول ليك بلي اليوم عارض علينا سي اوزان دار عشا بغا يحتافل بيه بالشراكة و...
صرب:اعتاذري ليه مغنحضرش

جنات ولكن راه درنا معاه مجاتش نردوها فوجهو
حل عينيه طلعها وهبطها محركات فيه والو اصلا مبقات حتا وحدة كتعكر ليه عينيه
زعمات وقالت لي فقلبها
جنات:حتال ايمتا ا صرب اتبقا على هاد الحال إلا كان مكيهمكش راسك فكر فخالتي وفكبدتها لي كتشوا فينما كتشوفك هاكا حنا ولاد اليوم وعمرنا غنزيدو القدام إلا بقينا عايشين مع الماضي كتبغيها ياك كون متأكد كون بقات عايشة وشافتك فهاد الحال غادي تقلق على قبلها خاصك تعيش ا صرب ديرني صديقتك فضفض عليا همومك أنا مستعدة نسمعهم هاكا غادي ترتاح
صرب:(طول فيها الشوفة أول مرة من سنين كيبتاسم)صافي نمشيو لهاد لعشا
بادلاتو الابتسامة والارض مسايعاهاش بالفرحة طلبات الادن وخرجات عيطات لجوري عاودات ليها بالتفصيل شنو وقع ورجعات ساااهية فيه من الزاجة لي فاصلاهم أدق تفاصيلو كتدوخها على سميتها
#روح
كانت جالسة فالجردة وحاطا يديها ففمها كتاكل فضفارها بكثرة التفكير فهاد العشا دالويل كتحس بقلبها ايسكت مني كتخايل ردة فعلو جميع ردود الفعل تخايلاتهم فبالها وكلهم كانو اسوء من بعض
اوزان:العشق
قفزات من بلاصتها ودارت مخنزرة فيه
اوزان:كتفكي فليلة كيف ادوز؟؟متحمس كثر منك نشوف وجهو هه
روح:نسولك
اوزان:خودي راحتك
روح:شنو دار فيك صرب لاش كتكرهو حتاال هاد درجة فاش اداك
اوزان:(غوبش وخنزر فيها)وجدي راسك فالعشية وبغيتك تلبسي الغوب لي محطوطة فبيتك ومنبغيش نعاود الهضرةغلطة صغيرة ثمنها ايكون كبير
مشا وخلاها اطرطق بالغدايد تموت وتعرف شكون هو شافت الساعة كان مزال ساعة باش تجي حنين دالعشية ناضت كتسلت دخلات للفيلا لي حفضاتها فالاسبوع لي فات مشات للغرفتو كتسلت دخلات ليها وسدات الباب كان طاغي عليها طابع الرجولي وراقية بحال شي سويت ملكي دورات عويناتها كتقلب على شي راس دالخيط قلبات الكوافوزات البلاكارات مي ملقات والو طاحت عينيها على واحد الباب كاين فالغرفة وبيض بحال لون الحيط صعيب باش الواحد يرد لي البال تصميمو مديور باش ميعطيش للعين مشات للبوانيي حاولات تحلها مبغاتش كون بسدود بالقفل
روح:فااك
حاولات تقلب على شي سلك ولا شي حاجة رقيقة تحل بيها حتا سمعات الباب تحل طارت منها معرفات مدير مشات كتجري للبالكون تخبات فيه لي كان قريب ليها طلات بانت ليها الخدامة هزات من الحمام الحوايج الموسخين وخرجات تنفسات الصعداء وخرجات من البيت دغيا قبل ما تحصل ودايرة فبالها داك الباب خاصو يتحل بأي طريقة حيت احساسها كيقول ليها فداك البيت كينا الحقيقة كلها
مشات جابت بنتها من المدرسة ورجعات دخلوا لغرفتها لقات غوب مسرحة فوق الفراش فالحمر طوييلة وفيها احجار بالاغجونتي كيبريو مشات حنين كتجري هزاتها
حنين:واااو زوييينة بزااااف

روح:متكونش بحالك ا كبيدة
حنين:لبسيييها
روح:(كانو علامات الحزن مرسومين على وجهها كتبان ليها ديك الكسوة بحال الكفن)زاخا حتا نديرو عوما
حنين:(جراتها من يدها)يلاااه دغيااا
دخلو بجوج للحمام دوشو وحنين كتزرب فيها بغاتها غير تشوفها بالغوب
خرجو لويات فوطات لقاو لمربية كاينة فالبيت خادت حنين كتنشف ليها شعرها ونفس الشيئ دارتو روح نشفات شعرها ودارتو بوكلي دارت مكياج بزز منها كضور تشوف فحنين وفضحكتها هي لي كتعطيها الصبر باش تكمل اصلا كلشي كديرو على قبلها مني كملات لبسات الغوب جاتها على عبارها بحال إلا مخيطة فوقها لاسقة عليها كلها وجايا من صدر مفتوحة حتا نص ديال الكرش باين شوية من صدر من جناب كانت بحال الاميرة طاح عليها جمال فوق جمالها بحال إلا الحزن واتاها 
حنييين:وااااو ماما جيتي زوييينة
روح:ميرسي كبيدة أنا انمشي سيري دابا نعسي مع نانا غدا فايقة بكري
حنين:بغيت نمشي معاااااك عفاك عفااك
اوزان:لي بغاتها بنتي هي لي تكون وجدي راسك ا عائشة اتمشي معانا نتي و حنين
روح:(مخرجة عينيها)كيييفاش
اوزان:كيف سمعتي ومتخافيش حجزت ليهم غرفة فالاوطيل مغيحضروش للعشا ههه رتااحي
روح :(كتحلف عليه مشات عندو كدوي بشوية)شنو كتحاول دير نتا
اوزان:باش إلا درتي شي غلط يطبق قرار الاعدام ديك الساعة ههههه (باسها فراسها)جيتي زوينة
شدها من خصرها وخرجو خلاها غير مشرعة فمها ومصدومة شدات فيديها حنين فرحانة
ومن لور تابعاهم عائشة ركبو فلوطو بثلاثة والمربية القدام حدا شيفور طريق كلها وحنين تنقز فالفرحة وتضحك مع اوزان أما روح كانت مرفوعة للسماء السابعة وصلوا للاوطيل وهي محساتش حتا حركها
اوزان:وصلنا
نزلوا كلهم ومشاو مع حنين حتال الغرفة
روح:(عينيها مغرغرين)نعسي احبيبة متسهريش
باستها حنين
حنين:اوك ماماتي
ناضت شافت فيه باحتقار شدها من يديها ومشاو دارت شافت بنتها كتاخد منها جهد والقوة ومشات
#عند_صرب
كان كيكمي فسيجارتو لابس كوستار فالنواغ اللون لي ولا كيلقا فيه راحتو وكيعبر على حالتو سمع الباب تحل عليه دخلات جنات لابسة هي الاخرى غوب نواغ طويييلة ومشبكة فالكمام جايا كلها سامبل دايرة شعرها سامبل ومكياج ملائم
جنات:نمشيو
طفا الكارو فالطفاية وناض
صرب:وي يلاه
مشا قدامها وهي تابعاه نزلو لقاو الحاجة كتفرج شافتهم عينيها بداو يبريو بالفرحة
الحاجة:الله يحفضكم ليا فين غاديين
جنات:(حشمانة)للعشاء عمل
الحاجة:الله يحجبك ا بنتي جيتي كيف القمر واتيتو بعضياتكم
صرب::(باس راس مو كيحاول يتهدن)خاصنا نمشيو ا جنات تعطلنا
الحاجة:الله يرضي عليكم
جنات:امين
خرجو و مشاو للوطو هو لي سايق وصلوا للاوطيل ودخلوا زعمات جنات وشدات ليه فدراعو مبغاش يحرجها
صرب:سبقيني أنا غادي للحمام دابا لاحقك
جنات:اك
دار فالطريق المعاكسة بقا كيدور عينيه بانت ليه واحد الشرفة كبيرة وكطل على منضر زوين طلع فالاسانسور ومشا ليها جبد كارو كيكمي فيه محاملش يتخلط مع الناس ولكن معندو ميدير خاصو يخرج من القوقعة لي دفن راسو وسطها تنهد وخرج راجع منين جا حتا حس بشي حاجة دخلات فيه نزل راسو وهي تبان ليه شادا راسها كتوجع
حنين:اااي

حنين:ااااي
ابتاسم ونزل لمستواها
صرب:فين ضرييتك
حنين:(حاطا يديها على راسها)هنا (دلات شفايفها)
صرب:حيدي نشوف (حيدات يديها)دابا تبرا فين هما واليديك ولاش كتجري
قفزات بحال إلا تفكرات شي حاجة بانت ليها عائشة يلاه ادور
شدات صرب من يديه وجراتو كتجري بيه خلاتو غير كيشوف دخلاتو لواحد الغرفة كانت صغيورة ديال الميناج ومضلمة
حنين:شووووت
نزل هزها عندو
صرب:لاش جينا...
سدات ليه فمو بيديداتها
حنين:(كتدوي بهمس)اتسمعك نانا كنلعب انا وياها كاش كاش شوووت (دارت صبعها على فمها خلاتو مبتاسم)
صرب:غادي تخلع عليك نانا هه
حنين:اتقولها لماما؟؟
صرب:ويي
حنين:اتخاصم معايا ماماتي
صرب:ممكن
حنين:لا مبغيتش
صرب:حسن نديك للشومبر ديالك باش متخاصمش معاك مماتك ياك
حنين:اه اه
حل لباب وخرجو وهو هازها وراتو الغرفة حطها عند الباب و نزل عندها
حنين:شنو سميتك
صرب:امم صرب ونتي الاميرة
حنين:حنين نتا هو الامير ديالي لي عتقني من ساحرة المتوحشة (قربات ليه) هي نانا
صرب:هههههه متبقايش تعاوديها وإلا الامير ديالك ايتخاصم معاك
حنين:بفف اك
بانت ليه المربية جايا مخلوعة ناض مشا قبل متوصل دار عندها لقاها كدير ليه باي باي دارها ليها حتا هو ومشا
نزل للريسطو لي جات فالاوطيل دخل ليها دور عينو فالمكان بانت ليه جنات دارت ليه اشارت كانو عاطيينو بالضهر وصل للطبلة أول استنشق ريحتها لي مزال مرسخة فدهنو وقف اوزان و جنات أما هي كان قلبها كيضرب فالتسعين مقدراتش تحرك مزال
جنات:نعرفك بسي اوزان كرهان
صرب:(مد ليه يديه كيحقق فيه جاه كيشبه لشي حد ولكن معرفش شكون)متشرف
اوزان:الشرف ليا روح حياتي سلمي على شريكنا جديد
بدا قلبها كيضرب وهو كثر مني سمع سميتها حس بشعور فشي شكل وقفات بزز جات عينيها فعينيه توقف الزمن عندهم كان واضح عليه الصدمة ثلاثية الابعاد للحضة حس براسو كيحلم شد فالطبلة حس بدوخة

هل بقي غصن لنحط عليه..؟😢
هل بقيت دموع لتذرف..؟😢
هل بقي لنا وضع لنضحك..؟😢
كل هذا بسبب الحب الأعمى😢
لم يعد لدي شريك لاحتضنه😢
لم يعد لدي عش لألتجئ إليه😢
لم يعد لدي أحد بأحكي له همومي😢
كله بسبب الحب الاعمى😢
اصبحت أيامي لا تمر😢
اصبحت عيناي ينبوعا😢
اصبحت احلامي خيالا😢
كله بسبب الحب القاتل😢
☆☆☆☆☆☆☆☆☆☆☆☆☆☆☆
ديزولي كبيداتي والله حتا حشمانة منكم حيت قلت ليكم تتمة غدا ومغاديش نقد نحط اليوم غادي نوقف النشر هاد ليلة للقصة ترحما على الفنانة وئام الدحماني الله يرحمها ويجعل متواها الجنة دات قلوبنا معاها والله حتا تصدمت فينما نتفكرها نبكي 
وهادي عبرة لينا البنات عبرة قاااسية تفكرنا بأن الأجل مكيتسنا حتا واحد،لا باش يعتاذر ولا يشكر ولا يستغفر..اللي عندو شي حاجة فقلبو يفرغها من يدري من يكون ملاقيها رحمة الله عليها كانت من اطيب الناس ومحبة للحياة ليت الخبر كان كاذبا😢😢😢😢😢
الله يصبر ميمتها ويجعل متواها الجنة ويوسع عليها ضيقة القبور ويصبر واليديها وخوتها

واش الموتى كيرجعو يحياو واش المستحيل ممكن يولي محال واش أنا كنحلم ولا بديت نخرف كيف قال طبيب واش هادي روح ولا غير شبه فالاسماء زعما تكون صدفة حتال هاد الدرجة شبه فالاسماء وفالوجه كانو هادو الاسئلة لي كيجولو فبالو مكيرمش مخرج عينو على الآخر
شداتو جنات من كتفو مخلوعة عليه ومفاهمة والو اما اوزان كان ضاحك حتال ودنين ومبتاسم ابتسامة انتصار مستمتع يشوفو على ديك الحال كيحس براسو كيرد ليه غير نقيطة من دكشي لي عاشو بسبابو
أما روح كانت غير كتشوف فيه وعينيها عامرين بدموع بغات تغوت وتقول ليه بلي محتاجاه بلي هادشي غير كدوب بلي هي كتبغيه توحشاتو توحشات ادق تفاصيلو محتاجة غير حضنو ولكن مكانت عندها القدرة تقول حتا حرف من دكشي كتافات تشوف فيه بحسرة روحها كانت كتحرق بكل الكلمة من معنى تمنات تموت الاف المرات وبجميع الطرق ولا تعيش هاد اللحضة
صرب:روح (نطقها بزز)
جنات:(علات راسها فيها مستغربة)كتعرفو بعضياتكم
صرب:(طلق من يد جنات لي شداه ثبت الوقفة وعينيه عليها بدا يقرب ليها تحت نضرات الكل وصل عندها طول فيها الشوفة حط يدو على خدها مع حطها مع نزلو دموعها بحال الشتا)روح نتي (بدات يدو ترعد)نتي ممتيش
فين هي روح الله يرحمها بحال إلا تقطع ليها اللسان منطقات بحتا حرف ثاني بقات غير كتبكي بحرقة
طلقها كيطلع فيها يهبط مزال ممتيق شوية عقدهم وشدها من كتفها وورك بجهد كيمخض فيها
صرب:شكووون نتي (غوت حتا كاع لي فريسطو دارو كيتفرجو فيهم)شكووون دوي شكون نتي روح ماتت شكووون نتي
روح:هءهء صرب سمعني أنا أنا 
شافت فأوزان لقاتو كيهددها بعينيه بلعات ريقها
صرب:شكون نتي دوييي شكوون
روح:(رسمات على وجهها ملامح الجدية)أنا روح أنا روح ممتش أنا هربت منكم كلكم حيت كرهتوني فحياتي
صرب:(حاس بدنيا كدور بيه وكاع دوك السنوات لي ضيعهم على قبلها وحتا صحتو ضاعو فرمشة عين) ك كي كيفاش نتي روح كيفاش كيييييفاااااااش كيفاااش ممتيييش كيييفاش مممتيش كيييفاش
بعدات منو وسخفة شاداها مبقاتش عندها قوة
روح:لي عندي قلتو ودابا بديت حياتي مع شخص ثاني نتمنى تبعد مني حيت انا (سكتات شوية كتشوف فيه بترجي) عفاك متيقنيش عتقني انا محتاجاك هادشي كلو كدوب انا كنبغيك(فاقت من سهوتها كانت كتخايل راسها كتقول ليه هادشي) بعد مني حيت انا كن كرهك
هزات كسوتها وخرجات كتجري تحت نضرات الكل بقات كتجري ودموعها نازلين كيحرقو فخدودها خرجات من الاوطيل قطعات الشانطي وكملات جراها معارفاش راسها فين غادا مكانتش كتشوف قدامها كيبان ليها كلشي اسود لقات راسها قدام البحر لي كان كيطل عليه لوطليل جلسات فواحد الكرسي كتشهق حتا كيتخرج بحة خارجة من القلب مرداتش البال لبنت لي كانت جالسة حداها بقات تبكي مدة بلاما توقف حتا سمعات شي حد حداها كيغوت
البنت:اااااااه هءهء اااااه
دارت شافت فيها روح مخلوعة لقاتها كثر منها كتبكي وتنحط وحالتها حالة بالبكا
البنت:اااااااه ا قلبي اااااه
شافت فيها مدة وهي دير بحالها
روح:اااااااااااه هءههءهءهء اااااااه هءهء
دارت عندها البنت بقاو كيشوفو فبعضياتهم وحالتهم حالة بالبكا حتا بداو كيضحكو بحال شي حمقات
روح:هههههههههههههههه ههههههه
البنت:(كضحك وتبكي)هههههههههههههه
روح:ههههههههههه ههههه قلبي
البنت:هههههههههه مي كرشي
سكتو شوية وقلبوها بكا قربات البنت لروح وعنقاتها وبقاو يبكيو فحضن بعضياتهم مدة مسكتوش بحال إلا كل وحدة كتواسي الثانية شوية بعدو من بعضياتهم مسحو دموعهم ومزال شهيقهم كيتسمع
روح:شكرا
البنت:شكرا ليك
روح:حسيت براسي تفشيييت
البنت:اووووف حتا أنا
روح:نخليك خصني نمشي وشكرا مرة ثانية
البنت:هانية بسلامة
ابتاسمات ليها ودارت تنفسات بجهد ومشات راجعة منين جات وطريق كلها وهي كتفكر فوجهو كيف كان وكيف تأثر درها فقلبها كانت كتعدب ولكن حسات بعدابو كان مضروب فخمسين مقارنة معاها

##عند_صرب
بقا كيشوف فيها كتجري مزال ممتيق اصلا شكون ايتيق كون كان فنفس الموقف إنسانلي عند بالو مااات وحضر ليها حتا دفنوها لا وزار قبرها وبكا عليه سنوااات كان كيمشي كل نهار وبلا توقف ودابا كيعرف بلي كان كيبكي على قبر شخص ثاني مكيمسو بوالو دار شاف فاوزان كان ضاحك وكيشوف فيه شوفات استهزاء طرطق صرب عنقو ولاو عينيه بحال جوج قطرات ديال الدم حيد الفيسط لاحدها تحت نضرات الكل بقا بقميجة حل السدايف الفوقانيين ومشا قاصد اوزان بلا كلمة بلا جوج دخل فيه بدمااغ خلاه مصدوم ومعصب يلاه بغا ينوض ليه وهو يحس بيه شدو من ورا كتفو بحال القط وتم غادي بيه جارو جمع اوزان الوقفة ودفعوا
اوزان:ايييه نتا شنو كدير
عطاه صرب كروشي تلفو على حليب مو يلاه شد حنكو حس ببونيا اخرى زعزعات لي لماشوار ديال فكو
صرب:اتجي معايا ا ولد القحبة توريني فين زادت ديك القحبة لي كانت معاك
جات جنات كتجري ومخلوعة مفهمات حتا لعبة
جنات:ويلي صرب شنو كدير طلق من سيد
صرب:اتبعدي ولا نرفسك معاااهم
جنات:الله يا ربي الله شنو واقع شي حد يشرح لي
جاو السيكيريتي كيجريو من بعد معيطو ليهم سربايا
السيكيريتي:(شدو صرب واوزان) تفضلو معانا برا قبل منستدعيو الامن
صرب:(دفعهم)طلقو الكلاب تا واااحد ما يشدني
خرج من تم معصب وطالعة ليه الكناوية للسطح مكيبانش ليه حتا حد قدامو وجنات تابعاه بجرا يلاه بغات تشدو من كتفو دار عندها مكشكش
صرب:اتبعيني مزال منضمنش ليك شنو اندير فيك سيري للدار دابا منشوفكش قدامي
مشا وخلاها اتسخف بالخلعة عمرو دوا معاها بديك الطريقة شوية وتبظا تبكي خادت طاكسي ورجعات أما هو ركب فلوطو ديالو فاتجاه غير معروف كيتفكرها كيف كانت قدامو واقفة وعويناتها لي كيسحروه غير بشوفة مزال ممتيق بلي هي دارت فيه دكشي بلي وهماتو بلي ماتت كان عارف بلي مفقلبهاش الرحمة ولكن لديك درجة مضنهاش فيها صعر وبدا يضرب فالفولون بجهد ويعاير حتا لقا راسو قدام واحد من الاوطيلات ديالو أصلا مكانتش عندو كانة يرجع للدار دخل وكلشي حنا ليه الراس مشا ديريكت للسويت ديالو الملكي المخصص ليه بوحدو كان كلو بالذهبي حتا من الأرض دخل حيد القاميجة لي كان لابسها هز قرعة شراب وتيلي ديالو وجلس فالكنابي نزل على القرعة حتا وصل لنصها وحطها هز تيلي وعيط لواحد من رجالو
صرب:بغيت غدا تجيب ليا تقرير كااامل على روح (سكت مدة كتسرط ليه) روح كرهان
هشام:غدا يكون عندك ا سيدي
قطع عليه وورك على داك تيلي حتا طرطق ولا بحال إلا داير عليه جمل وكمل عليه ضربو مع الحيط كيحس براسو مزال ما برد ناض كيمشي ويجي فالغرفة وكيفيبري بالعصاب

وصلات للاوطيل غير بالكشايف خايفة تشوفو مرة اخرة مشات ديريكت لغرفة بنتها يلاه حلات الباب سمعات شي حد كيصفق من وراها دارت دغيا ودم مشا من وجهها
اوزان:برااافو زعما معندي ميتسالك خليتيني نتأكد بلي أحسن حاجة درتها هي ختاريتك
روح:ههه شكون داك فيك هاد الحالة ا سي اوزان كرهان
اوزان:(معصب)مشغلكش المهم باتي هنا وغدا فيقي بكري عندنا خدمة كثيرة مع سي المريني(مشا وخلاها)
روح:اوزان (دار عندها)غادي تندم غادي تندم أشد الندم على هادشي لي كديرو فينا كنواعدك عمرني عطيت الكلمة ومدرتش بيها
دخلات وخلاتو مخنزر شوية ابتاسم باستهزاء ودخل للشومبر ديالو لي اونفاس مع ديالها
أما هي دخلات للبيت شافت بنتها ناعسة فسرير والمربية ففراش آخر حداها قربات لبنتها باستها فراسها يوسة طوييلة لقات حوايج حدا رجلين بنتها مسرحين هزاتهم ولبساتهم ومشات تخشات حداها معنقاها كتستمد منها القوة باش تكمل حتا نهاية راضية بيها كيف كانت فسبيل سعادة طفلتها

طريق كل حب هو نار والا مغاديش يكون حب حقيقي حيت الحب ديال بصح ولي كتكون مدة صلاحيتو ابدية كيتجاوز كاع المشاكل كيفما بغات تكون هادي هي لعبة الحب الصغيرة فقلبي كتمضي ومكتساليش الحب كيطيح من شفايفي كيألم قلبي كل يوم دموع كل دقيقة اه ألم قول لي ايمتا اتجي محتاجاك انا كنتحرق اصرب كنتحرق قلبي ضرني مبقيتش قادة كل مرة الم جديد لاش انا لااش انا لي كيلقاني هاد الحزن لي معندوش نهاية فقت فجأة ملقيتكش حدايا كانت الساعة ثلاثة باقا نعقل الغيوم توقفات فعيني الحسرة ملاقتش بينا ياك كيقولو القلوب على بعضها حسيتي بالحزن حتا نتا واش حتا نتا فكرتي فيا بليل ومغمضتيش عينيك الوحدة ولات ساكنة فأعماقي بحال إلا اللحضات مكيدوزوش كل ما بقى ليا منك هي ثمرتنا قطعة منك
مغمضاتش عينيها ليل كلو صورتو مبغاتش تحيد ليها من بالها شحال متوحشاه غير تشوفو ولكن الظروف خلاتها تحقق امنيتها بأسوء الطرق بدات بنتها تفيق وحتا المربية باست بنتها سمعوا دقان فالباب وتم داخل اوزان ناااشط داير فاسمة صغيوة على نيفو خنزرات فيه مشا هز حنين كيلعب معاها 
اوزان:اميرتي سيري مع عائشة شيفور ايوصك للمدرسة
حنين:اك بابي
مشات باست ماماها وخرجات بقاو بجوج فالبيت قرب ليها كثر وهي كترجع بلور حتا عصبها ودفعاتو
روح:اش متخرا بعد مني
اوزان:تشهيتك
روح:تقرب مني ندبحك
اوزان:غادي ندوقك ا زوينة هه مزال لوقت قدااامنا
روح:نذل وحقير ومكسواش ومافيك حتا درة رحمة ولا رجولة
اوزان:شكرا
فقصها بهاد البرود
روح:باز ليك معندكش نفس
اوزان:لا
مد ليها ساشي
اوزان:لبسي هادو وهبطي
دار خرج بقات تكشكش بوحدها بالفقصة لبسات دكشي لي جاب ليها دارت مكياج يغطي الكحولية لي تحت عينيها حيت ممغمضااش
هبطات عندو لقاتو جالس كيتسناها وكيشرب قهوة مشات عندو
اوزان:جلسي فطري
روح:زيدو فراااسك مبغيتش
اوزان:مبقيتيش كتهلاي فراسك
روح:مشغلكش
اوزان:لي بغيتي معنديش مشكل هه
ناض مشا قدامها من بعد مخلا الخلاص وسط الموني
ركبو فلوطو فاتجاه الشركة

فاق عيااان من بعد منعس ساعة بزز وغير حيت دوا كينعسو ناض مطحطح ولكو مدكدك ومغووبش محاملش الوضعية دخل دوش دوش خفيف صحصح بيه شوية وخرج لاوي عليه فوطة دوز ابيل لصاحبو طمنو بلي دكشي واجد وبلي تقرير عليها واجد وكيتسناه فمكتبو لبس بالخف لباس الرسمي قاد شعرو رش ريحتو رجولية وخرج ركب فلوطو ديالو موقف حتال الشركة دخل بكامل هيبتو ووسامتو واناقتو لي داز من حداها تخرج عينيها فيه كاع البنات كالوه ورك على زر ديال المصعد ودخل يلاه ايتسد الباب جات شي يد حبساتو ودخلات دغيا
جنات:اووه صرب (كتنهج شادا قلبها)قلبي كان ايسكت باش نشدك
صرب:شنو بغيتي
جنات:شرح ليا شنو وقع البارح مفهمتش شكون هاديك روح
صرب:مشغلكش مابغيتش ندويو فشي حاجة خارج إطار الشغل
تزنكات تمنات الارض تشق وتبلعها تحل لاسانسور وخرج عاقدهم دخل للمكتب ديالو لقا الملف حيد الفيسط وكفد كمامو وجلس حلو لقا أول حاجة صورتها ولا حمر دور صفحة وبدا يقرا وكلما كيزيد يدور كيتصدم كان اوزان ضارب الحساب لكلشي وبلي سافرات نهار لي تعلن خبر موتها وتزوجات ورا شهور قليلة وبلي عندها بنت عندها خمس سنين الله لي عالم كيحس بحال شي حد بنااا قصر كبييير بالرملة وجات موجة طيراتو كلو مكرهش يشد قلبو يحيدو من بلاصتو باش يحيدها منو شتت كاع دكشي لي كان فالمكتب وكيغوت شافتو جنات ناضت كتجري مخلوعة يلاه دخلات غوت حتا خرجو عروقو
صرب:خرجييييييي
خرجات مخلوعة ولا بحال الوحش يلاه زادت جوج خطواات زاد من حداها بحال العاصفة مشا وسط كلشي وغوت بحر جهدو
صرب:روووووح(دار عند جنات)فييين هي جااات
جنات:اه كينة بالمكتب ديالها راه معاها....
مشا كيجري قبل متكمل
كانت روح فالمكتب ديالها واقف حداها اوزان كيوصيها حتا سمعاتو غوت قلبها وقف طار من بلاصتو
روح:نااري شنو واقع مالو(شنقات عليه)شنو درتي لي
اوزان:كالم معرفتش بحالي بحالك
شاف ساقطة دالباب كتحل شدها من خصرها لسقها معاه وتلاح على شفايفها كيلتاهم فيهم خرجات عينيها على الاخر
تحل الباب كانت مصدومة دورات عينيها شافتو غير بنص عين زادت تصدمات دفعات عليها اوزان دغيا ودارت عند صرب
روح:(عينيها دمعو)صرب انا مكنتش ماشي انا لي تيقني أنا مكنتش.....
صرب:ههههههه مكنتيش شنو مكنتيش شنو دوي ياك باغاتهناي مني وبنيتي حياة جديدة لاش جيتي دابا مبردتيش باغا تشوفيني هاكا
روح:لا هءهء لا ا صرب انا والله حتا (شدها اوزان من خصرها وزير)
صرب:نتي قتلتيني ا روح قتلتيني
خرج وخلاها كانت اتسخف كون ماشدها اوزان من لور
طلقات منو وخرجات كتجري بغات تبعو ولكن ملقات والو من غير ريح وقفات حدا دروج وجلسات فيهم دايرة راسها وسط رجليها شوية حسات بيد تحطات عليها طلعات راسها وهي مزال كنبكي
روح:نتي ثاني شنو كديري هنا
البنت:شفتك كتجري وتبعتك(ابتاسمات) أنا أنغام ونتي
روح:أنا روح

روح:شنو كديري هنا هءهء
أنغام:هههه ضحكيتيني مسحي دموعك عاد دوي
روح:منقدرش مغاديش يبغسو يحبسو
أنغام:نتي هي روح لي غوت موسيو صرب بسميتهت
روح:تمنيت كون مكنتش أنا بغيت نمشي من هنا كنحس براسي مخنوقة
أنغام:أجي نمشيو للبيفاط
روح:شكرا للمرة الثالثة
أنغام:هه ماشي مشكيل للمرة ثالثة
نوضاتها مع كانت فيها السخفة داتها للكافي لي كاين تم جلسو فطبلة
أنغام:شنو تبغي
روح:كاس دلما كنحس براسي سخفانة
عيطات لسيرفور يجيب كاس دلما وشي حلوة باش ترد الجهد
روح:لاش كنتي كتبكي البارح
أنغام:ماما ماتت(عينيها غرغرو)
روح:البركة فراسك
أنغام:ممشا معاك باس ونتي
روح:(مقدراتش تقول ليها)سمحي لي الموضوع حساس
أنغام:على خاطرك
روح:فاش خدامة هنا
أنغام:سكريتيرة سي صرب
روح:احم قلتي سكريتيرة ديالو
أنغام:وي ونتي الشريكة جديدة نتي وراجلك
روح:وي احم نسولك
انغام:سولي
روح:كيف كان عايش صرب كان فرحان
أنغام:عصبي بزاااف وكان باين فيه مجروح كيقولو مني ماتت حبيبتو وهو هاكا لدرجة عمرو رتابط
روح:هءهء حبيبي مسكين كلشي بسبابو
أنغام:كيفاش
روح:هءهء كلشي بسبابي أنا قتلتو بهادشي لي درت قتلتو
قربات ليها عنقاتها
أنغام:معرفتش شنو عندك ولكن كلشي ايتقاد غير وضعي تيقتك فالله
طلعاات راسها فيها ورجعات عنقااتها كتبكي بحرقة شوية بعدات ومسحات دموعها
روح:سمحي ليا زدتك همي
أنغام:متقوليش هاكا بالعكس
روح:نرجعو
أنغام:واخا نيت ايكون موسيو صرب رجع
روح:يلاه مبغيتش نتسبب ليك فمشكل
ناضو وطلعو الطابق كل وحدة مشات لمكتبها دخلات روح لمكتب اوزان معصبة لي لقاتها قدامها شيراتها عليه
اوزان:هداااااي
مبغاتش تهدا مشا شدها من يديها وزير
اوزان:شنو كديري
روح:(كترطا وتقمش فيه)شنو كدير نتا الكلب تفو كرهت نهار لي ممتش فيه كون غير مت ومشفتكش
اوزان:دووووماااج دكشي لي بغيناه حاجة والاقدر حاجة هههههههه ولكن عجبني وجهوا شفتيه كيف كان حمر ومعصب هههههه مسكين طلع كيبغيك
روح:حقير حقييييير شنو دار فيك شنو واخا يكون قتل ليك مك مديرش فيه هادشي حشومة عليك
اوزان:مني تقتليه نقولك شنو دار ههه
خرجات معصبة كون مكانتش بنتها فخطر كون ستيلو المخير غرساتو ليه فمومو دعينيه يلاه بغات تدخل للمكتب ديالها شافتو داخل للبيروه تبعاتو كتجري شافتها أنغام ابتاسمات ليها بحال إلا كتشجعها دخلات بلاما دق وسدات الباب كان عاطيها بضهر
صرب:مبغيت حتا واحد يدخل
قربات ليه بخطوات قراب حطات يديها على كتافو واستنشقات ريحتو بقات مهبطة يديها حتا وصلات ليديه ودوزات صبعها عليهم ببطئ دار عندها حدرات راسها مقادراش تشوف فعينيه
صرب:(كيشوف فيها بحب)روح أنا عارفك كتكدبي نتي مزال كتبغيني مستحيل ديريها نتي كتبغيني ياك شوفي فيا (طلعات راسها فيه)شوفي كدبي هادشي كدبييه وأنا مستعد نتيقك ونسا كلشي والله حتا نساه غير كدبيه عفاك

عينيها غرغرو شداتو من وجهو وقربات وتعلات حتا قربات لفمو باستو بوسة حنينة وبقات حاطا فمها عليها حتا واحد فيهم مكيحرك شفايفو حط يدو ورا ضهرها كيدوز عليه بشوييية خلاها ترفع مع كل لمسة بعدات شفايفها وحطات راسها على دقنو حيت تماك فين كانت واصلة واخا تعلات غمضات عينيها وتنفسات من الاعماق
روح:صرب كنتمنى تنساني كيف نسيتك بني حياتك ولكن قبل حيدني منها كون متؤكد هاكا حسن
هبطات يديها حطاتها على صدرو وصلات حتال جيهة قلبو ودارت دغيا خرجات كتجري وكتبكي دخلات للمكتب ديالها وجلسات فالأرض سرحات رجليها كتبكي حتا روحها كتبغي تزهق مع شهيق
روح:كنبغيييك اه اقلب اه عيييت
ناضت بثثاقل للمكتب جلسات وحطات راسها على البيرو كتحاول تسكت من البكا
هكا داز نهار حتا وصلات ستة ديال العشية وهي تخرج بغاات تجيب بنتها تلاقا ليها اوزان فالباب شد ليها يديها نتراتها منو
اوزان:فين غادا امرتي الغزالة
روح:نجيب حنين
اوزان:بغيتي تقولي بنتنا حنين
يلاه بغات تجاوبو شافت صرب داز من حداها معصب عرفات بلي سمع كلشي وبلي اوزان تعمد يقولها قدامو نترات منو معصبة ومشات تبعاتو بالخف شداتو من كتفو
روح:صرب تسنا
دار شاف فيها طلعها وهبطها
جنات:(يلاه جايا)صرب ممكن توصلني حيت...
قبل ماتكملها جنات من يديها وجرها داها معاه خلاها واقفة مصدومة ونار الغيرة كتاكلها خرجات من الشركة كتشوف فيهم حتا ركبو فلوطو ديالهم

يلاه بغات تجاوبو شافت صرب داز من حداها معصب عرفات بلي سمع كلشي وبلي اوزان تعمد يقولها قدامو نترات منو معصبة ومشات تبعاتو بالخف شداتو من كتفو
روح:صرب تسنا
دار شاف فيها طلعها وهبطها
جنات:(يلاه جايا)صرب ممكن توصلني حيت...
قبل ماتكملها جنات من يديها وجرها داها معاه خلاها واقفة مصدومة ونار الغيرة كتاكلها خرجات من الشركة كتشوف فيهم حتا ركبو فلوطو ديالهم شوية وقفات عليها سيارة صغيورة ولكن زوين شكلها وانثوي
أنغام:نتبعوهم؟؟
روح:(شافت فلوطو ديالو وشافت فيها نزلات حتال شرجم)اك
ركبات حداها وديمارات جنات تابعة لوطو ديالهم حتا وقفو قدام لوطيل ديالو ووقفات حتا أنغام
روح:لاش جاو لهنا
أنغام:هاد لوطيل ديالو يمكن احم بياناتهم شي حاجة هي المساعدة ديالو
روح:صافي سكتي انتفقص
أنغام:شنو نديرو
روح:هودي راااسك ايشوفونا
هودو راسهم حتا دخلوا وخرجات روح مفقوصة كتحس بمرارتها اطرطق تبعاتها أنغام بقاو تابعينو حتا بانو ليهم دخلو للكلوب نايت دخلوا حتا هما شافوهم جلسو فطبلة عالية الفوق ودنيااا عامرة وكلشي كيشطح ومكاينش فهاد العلام خادو البنات طبلة معزولة ومقابلة معا ديالهم حاضيينهم
أنغام:(كتغوت مع كاين الصداع)واااش باغا شي حاجة نطلبوها
روح:(عينيها عليهم والفقصة شاداها من صبعها الصغير)ااااه بغيييت فوطكا
انغام:حماااقييتي
روح:غييير جيبي قبل منطيح شي روح هاد ليلة
أنغام:(كتشوف فين كتشوف)ههههههه ضحكتيني الله يدوزها على خير
طلبات اش قالت ليها وطلبات لراسها كوكتيل
عند_صرب
كانت جالسة حداه جنات وساكتة ممولفاش هاد الاجواء ولكن المهم عندها تكون معاه وفجنبو فهمات بلي روح هي نفسها روح لي كان كيبغي وتعصبات ودارتو فبالها كثر
جنات:صرب
صرب:شنو (معصب)
جنات:براكة عليك من الشراب ممزيانش ليك
صرب:رجعي منين جيتي إلا بقيتي اتخبري عليا
جنات:صافي سمح ليا
صرب:(بقا يشرب حتا شد فيه الشراب دياال بصح اصلا دغيا استسلم ليه)كاين صهد هء (حل صدايف القميجة)
جنات:(بغات تحط الكاس مع كانت ساهي فيه لاحتو ودفق عليه)نااري سمح لي (هزات كلينيكس كتمسح ليه مخلوعة)
صرب:هااانية هاانية هء
هزات راسها فيه وسهااات فعينيه لي دوخوها حتا هو كان ساهي فيها ولكن كانت كتبان ليه على صورة روح قرب ليها وتلاح على شفايفها كيبوس فيهم كل شفة على حدا وبحنااان خلاها تبلوكا وتجمد
كانت روح كتشوف وصل صبرها للقمة ناضت معصبة ومشات عندهم وأنغام تابعاها
أنغام:ويلي تسناااي روح
وقفات عليهم معصبة وفرقاتهم على بعضهم شداتو من دراعو ونوضاتو جراه بزز مع ثقييل
صرب:روحي هء جييتي
روح:سكت انصدق قاااتلاك
دفعها عليه
صرب:نتي خاائنة هء نتي ضحكتي علينا كلنا بسبابك نتي انا خسرت صحتي هء وحتا جابر خوا البلااد بسبابك حس براسو هو سباب هء ونتي صدقتي ممتيش
روح:ماشي لخاطرك
طلقها ومشا طلع للخشبة لي كينا تم هز الميكرو خلاها غير كتشوف
صرب:هاد الاغنية هء ههههه للخائنة لي بغيت بغيتكم كلكم كلكم تصفقو ليها هههه هء(بدا يغني مع موسيقا هاادية)
تعودين في كل حلم احلمه
اقع مجددا في شباكك
علمت انني تأخرت قليلا في شفاىي منك مرة اخرى
لدي الكثير من اللحضات السعيدة
التي انستني كم كنت حزين
اعطيتك من روحي هذا ماخسرتيه
انا لم اريد ان احبك
انت علمتيني ان اكرهك
كل القبلات التي تخيلتها
تعود الا المكان التي رأتها تنمو فيه
في زحل يعيش الاولاد الذين لم نحصل عليهم ابدا
في بلوتون ما زالت تسمع صرخات الحب
وفي القمر تصرخ موجات صوتي وصوتك
تطلب مغفرة شيء لم نستطع فعله بشكل اسوء
اخطأت نفس الخطأ
على الرغم من انه سيكلفك اعتراف
انك تشعرين بما اشعر
الوسادة لي من عادتها ان تكدب (زعما مني سلماتو راسها)
(مفيا لي يكتبهم بالاسبانية المهم الاغنية اسبانية)
مع كملها مع كانت اتسخف بالبكا كون ماشداتها أنغام
روح:بغيت نمشي من هنا هءهءهء
أنغام:واخا يلاه احبيبة

روح:هءهء عفاك خلينا نمشيو من هنا هءهء
أنغام:اك حبيبة يلاه
شدات فيها وخرجو ولكن قبل دارت شافت فيه آخر مرة كانت جنات طارت عندو هبطاتو من الخشبة دارت روح قدامها وخرجات من تم مجروحة بزااف ركبو فلوطو وطريق كلها و روح تبكي وتنحط قطعات قلب أنغام شوية وقفات لوطو شافت روح زاجة لقات راسها فوق واحد الجبل خاااوي ومضلم شعلات سينيال دلوطو وهو يبان واحد الكرسي هو لي كاين تم فداك الخلا والقيفار
روح:هءه شنو كنديرو هنا خاصني نمشي ضروري
انغام:نزلي ونقوليك
شافت فيها ملقات جتا اختيار ثاني نزلوا بجوجات مشات أنغام جلسات فوق داك الكرسي كان عليل خفييف عاطي واحد الجو رائع جلسات حداها روح كتشوف فالسما لي عامرة بالنجوم كان كيبانو ضواو دالمدينة ولكن بعاااد
روح:فين حنا
أنغام:(دورات راسها للكرسي وراتها واحد نقشة كانت منقوشة عليه)هاد البلاصة دوزت فيها طفولتي قبل مايموت بابا كان كيجيبني ديما هنا
روح:الله يرحمو
أنغام:(بابتسامة دافئة)أمين قبل خمسنين تلقيت اخيب خبر فحياتي موت بابا لي كان كيعني ليا كلشي كان هو ضهر الحامي ديالي كان بطلي تألمت بزاااف من الخبر تمنيت يكون كابوس ودابا شهر ماتت ماما صحيح معشتش معاها بزااف حيت كانت هي وبابا مطلقين وهو لي واخد حضانتي ولكن كانت كتعني ليا هي الاخرى كلشي تحرمت منهم ترزيت فيهم ا روح قلبي بكا دم عليهم ولكن (دارت عندها)عرفت بلي هادشي ماشي هو نهاية العالم الموت علينا حق وكل واحد ايدوقها الازمنة لي كتختالف والأهم هو عرفت بلي كاينين ناس عندهم مشاكل كبر من دياولي خصني نحمد الله ونشكرو على اي حال ومنخلي حتا حاجة تهرسني ولا تحطمني
روح:يااااه على دنيا كتلعب بينا كيف بغات حتا واحد ما خلى من الهم
أنغام:تماما هادي هي الحية بلا مشاكل مغاديش تكون عند دوك اللحضات زوينة لي غادي تجي من بعد قيمة 
روح:عرفتي ا انغام باش كنحس مني كنشوفو مألم كنبغي نزع قلبي من بلاصتي قلبي كيحرقني محتاجاه بزااف بغيت نعنقو نبوسو نشم ريحتو بغيت نغوت ونقول ليه بلي هو كلشي فحياتي بلي انا عايشة غير على قبلو وعلى قبل بنتنا
أنغام:بنتكم!!!

روح:(شافت فيها لتامسات فيها الثقة) وي أنا عندي بنت منو ولكن هو معارفش
أنغام:(وقفات)كيييفااااش
روح:جلسي انشرح ليك كلشي
تنهدات وعاودات ليها كلشي بالتفصيل ساعات وهي تعاود مرة تبكي وتبكي معاها أنغام مرة تضحك وتضحك معاها واخا كانو لحضات قلااال لي ضحكو فيهم
روح:هادي قصتي
أنغام:عانييتي بزاااف ولكن غلطتي مني نتاحرتي روح ماشي روحك هي روح ربي وهو لي عندو حق فيها ياخدها وقت ما بغا
روح:مبقيتش قادا وصلت لواحد نقطة سوداء وصلت لحالة مليت من الحياة هءهءهءهء
عنقاتها جنات كطبطب عليها
أنغام:عندك منو بنية غادي يفرح بزاااف مني غادي يعرف
روح:هو مغاظيش يبغي بنت من وحدة خائنة هو كيكرهني
أنغام:داوية من نيتك كيعشقك داك السيد لأقصى درجة حزن عليك ست سنين ومنساكش فيها واخا عند بالو بلي نتي متي محيدكش من قلبو
روح:حرقتو حرقت روحو هءهء
أنغام:خاصك تعاودي ليه كلشي وتفكرو فحل بجوج
روح:نتي مكتعرفيش داك اوزان علاش قاد كان ايقتل بنتي بدم بارد إلا تمسات فيها شعرة نموت ا أنغام نمووت
أنغام:ولكن هاكا عمرك ما غادي تهناي ولا حتا هو ولا حتا بنتكم الكدوب مكيخرجش فحوايج زوينة
روح:خاايفة من الافضل ليه ينساني ويحيدني من بالو ويبني حياتو مع مرا اخرى هادا احسن حل هءهء واخا غادي نموت فيها ولكن سعادتو أهم عندي هو يستحقها
أنغام:معرفت منقول ليك والله حاجا اخرى خاصك تصالحي مع عائلتك وحاولي تسمحي ليهم هما غالطين ولكن راه معدورين وتصرفو هكاك غير فلحضة غضب نتي كتبقاي قطعة منهم ومن حقهم يعرفو بلي ممتيش
روح:ااه يكون خير غادي نفكر فالموضوع
أنغام:هكاك نبغيك
روح:معرفتش شنو درت حتا خرجك ليا الله فطريقي (عنقاتها)شكرا بزاااف من اليوم نتي ختي
أنغام:وحتا نتي من ليوم اتلقايني حداك ديما
روح:اووه خاصني نمشي حنين اتكون كتسناني كتخاف مني كنتعطل
أنغام:اك فازي
رجعوا ركبو فلوطو ووصلاتها أنغام للفيلا تبادلو نوامر عاد مشات دخلات روح لقاتو جالس فالصالون كيتسناها
اوزان:مرتي زوينة مرحبا
خنزرات فيه وتمات غادا
اوزان:فين كنتي
روح:مشغلكش
اوزان:(ناض مشا عندها شدها من حناكها عصرهم حتا توعتات)مني نسولك جاااوبي
روح:طلق طلق كنت كنت احم تبعتو(مبغاتش تجبد أنغام خافت عليها منو)
طلقها
اوزان:اممم وصلوني صورو لي غدا اتلقايهم فالعنوان الرئسي دالجورنال سمعي سمعي الغني عن التعريف صرب المريني يغني ف احدى فنادقه بألم على عودة حبيبته من بعد ما كلشي عند بالو بلي هي ماتت ومزوجة بشخص ثااني ولي هو انا الحب وصورتك نتي حداه كيف جاتك
روح:(بحال إلا صرفقها خرجات عينيها فيه كانت اتسخف كون مشدهاش بعدات منو)شنو نتا شنووو ا شنو درت ليك حرااام عليك هءهء حراام راني غير لحم وجلد لاش كدير فيا هادشي حشومة عليك
اوزان:راني قلت ليك مدرتي وااالو هههه هو لي دار
روح:الله ياخد فيك الحق
مشا وخلاها اتجلط بالفقصة طلعات لبيتها لقات بنتها لابسا لباس الباليه

دخلات لقات بنتها لابسة اليونيفورم دالباليه جانعة شعرها وكتخربق فشطيح كتوري للمربية شنو تعلمات مردوش البال لروح لي تكات على الباب كتشوف فيها وفبرائتها ونقائها معصومة من كل غلط تمنات صرب يكون حداها ويشوف معاها هاد اللحضات ويعيش هاد الفرحة
روح:كبيدة
سمعاتها مشات كتجري عندها وتلاحت عليها عنقاتها
حنين:مامي توحستك مواااح (باستها فخدها)
روح:حتا أنا ا اميرتي توحشتك بزاااف
حنين:أجي أجي نوريك شنو تعلمت
حطاتها ومشات جلسات فوق الفراش كتفرج فيها وتشجعها وراتها الحركات لي تعلماتهم والفرحة اتنقز من عينيها مني كملات مشات كتجري جلسات فوق فخاضها
روح:معدي ميتسالك اتولي إن شاء الله أجمل راقصة باليه الكبيدة
حنين:اااه ♡♡
روح:(باستها فخدودها)اميرتي
حنين:فخبارك ا مامي أنا عندي أميري
روح:امممم وشكون هاد الأمير
حنين:داك نهار عتقني من الساحرة الشريرة
روح:ههه وشكون هاد الساحرة شريرة
حنين:(قربات ليها)هي نانا
روح:(شافت فعائشة وبدات ضحك)هههههه حشومة
عائشة:ديك نهار مني كنا فالاوطيل قولباتني وخرجات من شومبر ورجعها واحد السيد هو الامير ديالها
روح:شنو قلنا لااش كتدوي مع ناس مكتعرفيهمش نتخاصم معاك دابا
حنين:ناااا هو ضريف
روح:واخا هكاك مدويش مع شي حد غريب لمرة جايا نتخاسم معاك
حنين:اك
روح:درتي يور هوموورك
حنين:ياس
روح:تعشيتي
حنين:وي
روح:يلاه سيري ديري عوما عوما باش نينيو
حنين:اك
حطاتها ومشات هي بدلات حوايجها لبسات بيجاما صيفية ولكن مستورة مبغاتش اوزان يشوف فيها الوحيد لي عندو حق فيها هو حبيبها
نزلات لتحت تشوف متاكل مشات للمطبخ حطو ليها عشاها مني كملات طلعات للبيت فالطريق سمعات البكا ديال شي مرة قلبها رفرف بالخلعة نسات واش ساكنة حتا مو بدات كتقرب لداك البيت بشوية حلاتو كان مشعول ضو بانت ليها ملك جالسة فوق الفراش ودايرة راسها وسط رجليها وكتبكي بجهد قربات منها روح
روح:احم احم

هزات راسها فيها تشجعات روح وجلسات فطرف السرير
روح:متخافيش مغنأديكش
ملك:شكون نتي
روح:(فكرات بلي ممكن ملك هي لي تقول ليها الحقيقة) أنا مرت ولدك
ملك:جيتي تشفاي فيا بحالو
روح:لا لا ا خالتي أنا مجيتش نتشفا فيك أنا بغيت نعرف مالك وإلا قدرت نعاونك
ملك:أكيد هو لي مسيفطك خرجي عليا
روح:لاا واله حتا...
ملك:قلت ليك خرجيييي
تخلعات روح من شكلها خرجات ديك الساعة تفكرات الباب لي شافتو فبيتو مشات طايرة ليه دخلات لبيتو ومشات للباب وقلبها كيدرب فالتسعين جبدات فيليل رقيوق من شعرها دارتو فالساقطة وبقات مضاربة معاها كانت كتحلو باحتراف من قبل مي مع الخلعة مقدراتش تركز
روح:اووف و أخيرا تحل
يلاه ادور البوانيي سمعات الباب تحل تكوانسات معرفات مدير حلات الباب دالغرفة ودخلات ليها و سدات على راسها سمعات صوتو كيدوي فطيلي زادت ترعبات شوية دورات راسها فالغرفة كانت حمرة كلها شاعلة ببولات حمرين خلعها المنضر وكاع الحيوط عامرين بصور صرب فأماكن مختالفة وباين صور موخودين بلا خبارو وصور ديال راجل آخر معرفاتوش شكون ولكن جاها شكلو مألوف قربات لواحد المكتب فيه بزاف دالوثائق قلبات فيهم لقاتهم عندهم علاقة بشي مافية والمنضمة لي كانت خدامة فيها و الشؤكات ديال صرب يلاه بغات تزيد تبحث سمعات صوت لما مطلوق فالحمام خرجات بالخف كتسلت حتا سمعاتو خرج من الحمام طارت ورا واحد الحيط بان ليها لاوي فوطة على نصو لتحتاني والفوق عريان هز فوطة ودار شرعات روح فمها من دكشي لي شافتو فضهرو كان ضهرو كلو مخطط بضرابي باين ديال الكابلي مفيه حتا بلاصة خاوية من دق منضرو كان كيألم القلب تموت وتعرف شكون دار فيه ديك الحالة والأهم صرب عندو يد فالموضوع
خرجات بالخف مشات للبيت لقات بنتها ناعسة تخشات حداها و بقا بالها يفكر فكرة ديها وثاانية تجيبها
أما صرب خرجاتو جنات من الكلوب لقاو الصحافة كتسناهم صوراتهم بجوج وبقاو كيسولوهم جاو لي كارد دخلو وخواو ليه الطريق ركبات هي وياه فلوطو ورجعهم شيفور للفيلا دخلاتو

أما صرب خرجاتو جنات من الكلوب لقاو الصحافة كتسناهم صوراتهم بجوج وبقاو كيسولوهم جاو لي كارد دخلو وخواو ليه الطريق ركبات هي وياه فلوطو ورجعهم شيفور للفيلا دخلاتو بالكشايف من باب الكوزيما باش الحاجة متشوفوش وطلعاتو لبيتو لسانو مسكتش من سميت روح غير وصل للبيت طاح فالفراش دودة حيدات ليه سباطو وخلاتو هكاك خرجات عند جوري كتجري دخلات لبيتها سداتو وبقات غادا جايا عليها خلاتها غير كتشوف مفاهمة والو
جوري:اش كاين ثاني
جنات:رجعااات رجعااات
جوري:شكون هادي لي رجعات
جنات:لي كان كيبغيها خوك
جوري:الله يجيبك على خير لي كيموتو كيرجعوا يحياو وا زوينة هادي خرفتي
جنات:والله حتا رجعات صظقات مماتتش من اصلو مزاال حية ترزق
جوري:من نيتك داوية هههههه ولا كتحلمي
جنات:والله ما كنضحك يلاه والله حتا مماتتش قالت ليه أنا دبرت كلشي باش نتفك منكم حيت كرهتوني فحياتي
جوري:(وقفات)تسناي تسناي عاودي شنو قلتي
جنات:كيف سمعتي
جوري:دابا خويا مرض ديك المرضة على قبل وحدة قال ليها رااااسها دير راسها ميتة هادشي لي بغيتي تقولي ياك
جنات:تماما
جوري:فيييين هي هااادي فييين وريها ليا نمشي نصفيها ليها
جنات:تهدني خاصنا نفكرو فعقلنا شوفي إلا خلينا ليها طريق أطير لينا بيه خاصني نطيحو فشبكة فاقرب مدة
جوري:غير صبري صرب غادي يكون ليك ومخادي يكون لحتا وحدة من غيرك واخا نعرف نمحيها من وجود

# صباح جديد بأحداث جديدة
فات روح راسها ضرها وشقيقة راكباها دخلات دوشات بالما سخون وزيوت طبيعية كترخي النفس حسات بعضامها ترخاو وراسها حتا هو خرجات مزينكة و ريحتها زوييينة نشفات شعرها ودارتو سامبل مشات لغرفة التبديل لبسات (الصورة)من بعد فيقات بنتها لبساتها ونزلو لتحت ملقاتوش جلسات هي وبنتها فالطبلة لقات الجريدة محطوطة عداها وورقة فوقها و فوقهم وردة حمرة هزات الورقة قراتها''صباح الحب نتمنى يعجبك الخبر حنين ايوصلها شيفور ونتي تسناي حتا نمشيو بجوج حشومة يمشي كل واحد بوحدو''
هزات جورنال لقات أول صورة ديالها هي و صرب كان شاد فجنات وباين عليه سكران بدات كتقرا ودنيا كضور بيها كتخايلو مني ايشوف الخبر دربات جورنال مع الطبلة بجهد حتا قفزات حنين
حنين:مامي مالك
روح:نو حبيبة ممالي والو كولي باش تمشي لليكول
حنين:اك
من بعد مافطراتها داتها للشيفور يلاه بغات ترجع بان ليها كيدير ليها بيديه باش تجي مشات عندو مفقوصة حل ليها الباب دلوطو ركبات وركب حداها
وقفوا فواحد لفيروج شوية دق عليهم واحد دري صغير هاز الورد كيبيع فيه حلات ليه روح الشرجم حيت جا جيهتها
الدري:عفاك اخالتي تعاوني معانا شري وردة
روح:(ابتاسمات)شنو سميتك
الدري:جمال
روح:سبحان من صورك ا جمال 
جبدات الفلوس يلاه بغات تعطيهم ليه وقفها اوزان بيديه جبد بسطامو حيد منو وراقيه ولي كارط كلهم خلاه عامر غير بالفلوس ومدو ليه
اوزان:رد البال خبيهم مزيان باش ميشوفكش
جمال:واخا شكرا اعمي
عطا لروح وردة خرجات راسها باستو دارت عند اوزان كان مغوبش بحال إلا جالس على العافية وساهي
فلاش باك
كانو مستفين بزااف ديال البنات ودراري دايرين الصف صغار الكبير فيهم عندو ست سنين لابسين حوايج مقطعين ومبهدلين وكلهم موسخين وكان واقف عليهم واحد الراجل ضخم و لحيتو كثيييفة و عندو غير عين وحدة شوفة فيه كتسكت القلب داز على دراري كلهم كياخد من عندهم الفلوس لي جمعو فداك النهار حتا وصل لواحد فيهم وهو لي كان الصغير عندو 4 سنين
الهرية (لقب ديالو): جبد الفلوس
اوزان:(بصوت طفولي)معنديش
الهرية:كييييفاااش معندكش جبد الفلوس
اوزان:معنديس هئهئ معنديس
دار الهرية عند واحد الرجل كان جالس فواحد الطبلة هو مول المستودع فين كاينين كان كيضرب سطورة دالكوكايين
الهرية:شنو نديرو معاه
الموس:قلبو
الهرية:هز يديه
هزها حط يدو عليه كيقلب فيه ملقا والو قلب جيابو والو
الهرية:حيد سباطك
حيد فردة ملقا والو بقا كيشوف فيه اوزان بعينين دامعين
الهرية:حيد الفردة لخرة
حيدها وهما يطيحو الفلوس مكانوش كثر من 10 دراهم مصرفة بلع ريقو غادي يموت بالخلعة
الهرية:ههه حصلتي المش شنو ندير فيه ا سيدي
الموس:دير اللازم ههههه
هزو بحال المش علقو من يديه و عراه كلو خلاه صولو و نزل عليه بسوط حتا ولا ضهرو كلو دم بقا يغوت حتا مشا ليه الصوت وغيب فاق اوزان من سهوتو قافز وحمر بالعصاب
اوزان:انقتلك ا صرب انقتلك
روح:شنو قلتي
خنزر فيها وهود حيت كانو وصلوا تبعاتو حتا هي

ركبو فالاسونسور وطلعو للطابق كانت غادا روح لمكتبها حتا شافت أنغام خلاتو ومشات عندها
روح:صباح الخير
أنغام:صباح الزفت باز ليك صابرة من لي قلتيه البارح ولا كينوض فيها جنون
روح:للضروف احكام ا حبيبة صبر و صافي احم جا
أنغام:ههه مزال
روح:بففف شفتي جورنال شنو دار فينا داك الزمر
أنغام:وي شفت دابا عائلتك ايعرفو بزز منك
روح:قتلني داك السيد نموت ونعرف شنو دار ليه تفوو على جنس
اوزان:(كيعيط) روح أجي
روح:أنا دابا انرجع عندك تسناي نشوف اش بغا
انغام:الله يلقيها ليه
روح:امين
مشات عندو معصبة شدها من يديها ودخلها للمكتب
روح:اش بغيتي
اوزان:شكون هاديك لي كنتي واقفة معاها
روح:كنعرفها خدامة هنا شنو فيها
اوزان:ا ودني منك ها أنا علمتك
روح:طلقني الحيوان متقيسنيش ندير لي بغيت
اوزان:ماتجاوزيش حدودك
روح:شنو ادير فهمها انا كنكرهك كنكرهك
كان صرب جاي للمكتب ديالها بغا يتفاهم معاها على دكشي لي فالجريدة مني ملقاهاش مشا لبيروه سمع ديك كنكرهك تحل الباب خرجات قدامو بقات غير كترمش فعويناتها حسات بقلبها طلع ونزل وكيضرب بجهد
روح:صرب شنو شنو كدير هنا
جرها من يديها ودخلها للمكتب ديالها وسدو بالساروت
روح:مالك لاش جبتيني لهنا
بدا كيقرب ليها وكيشوف فيها شي شوفات ممهومينش بقات تبعد وهو يقرب كثر حتا وصلات للبيرو ومبقا عندها فين ترجع جلسات مني قرب ليها كثر مبقا بيناتهم والو نزل حط يدو فوق المكتب وهي وسطهم شاف فعينيها مباشرة
صرب:شكون داك اوزان وفين عرفتيه
روح:(كانت دااايبة فيه وفملامحو)كنت م م م...
صرب:(عض على شفايفو بعصبية خلاها اتسخف) كنتي شنو ا روح
روح:ااوف بعد قلبي قلبي
صرب:(قرب حتال ودنها)مال قلبك
روح:والو غير بعد
هز يدو جر شعرها كلو جابو فجيهة وحدة ونزل باسو بوسة حنيينة بقا طالع بالبوسان حتال ودنيها خلاها تطلق اهات بلا هواها وصدرها كيتحط
بعد منها كيشوف فعينيها اما هي فيكساتهم فشفايفو هزات يديها حطاتها على لحيتو كدوز بشوية وبدون سابق إنذار تلاحو على شفايف بعضياتهم كل واحد كياخد حقو ويطفي نار الشوق للثاني حط يدو على فخاضها هزها ودار هو جلس وهي فوق منو خشات يديها فشعرو كتقربو ليها كثر شوية بعدات منو حشمانة نزلات راسها ومشات دغيا بغات تحل الباب مبغاش يتحل سمعات صوت سوارت وراها
صرب:كتقلبي على هادو
مشات عندو بلاما تجاوبو يلاه بغات تخطفهم جرها لسقها معاه
صرب:فين غادا هربانة
روح:مهرباناش
صرب:وشنو
روح:خليني نمشي (حاولات تبعدو)
صرب:(حط يدو على فرقة صدرها كانت باينة من سوميج)نخليك تخرجي إلا غطيتي هادو
غطاتهم دغيا ووحنيكاتها ايطرطقو
روح:عطيني
صرب:معرفتش شنو مخبية ولكن غادي نعرف بطريقتي نلقاك كادبة عليا انقسمك على جوج
خطفات فيه الشوفة وخرجات كتجري موقفات حتا وصلات قدام أنغام غادي طرطق بالحمورية ابتاسمات وعينيها كيبريييو
أنغام:اش كاين تم
حطات يديها على قلبها وابتاسمات ابتسامة عريضة
روح:كنموووت♡♡

أنغام:ههه كتموتي كااع اشنو دار ليك العفريتة ههه شفتو دخلك للبيرو
روح:غادي يبقى حتا يسكت ليا القلب ناري ا أنغام والله حتا فشلني دغيا استسلمت ليه
أنغام:الحب هداك
روح:كلشي فيه كيجيب ليا التمااام
بقات تعاود ليها شوية سمعات تيلي ديالها رن حلاتو لقات شي حد مسيفط ليها رسالة فتحاتها خدمات الفيديو لي وصلها ناضت من بلاصتها والدم مشا منها
روح:لا لا ميمكنش هءه لاا (لاحت تيلي كترعد) حنين (كتنفس بجهد حيت الاوكسجين تقطع عليها) بنتي بنتي
أنغام:(طارت عليها شداتها)ويلي روح شنو واقع
روح:بنتي بنتي
هزات تيلي شافت الفيديو حتا هي تصدمات قلبها طار
أنغام:متخافيش هو غير بغا يخلعك أجي نمشيو عندها
روح:موقع ليها والو ياك
أنغام:لا هذا غير تهديد متخافيش
ناضت روح دغيا يلاه بغات تخرج دخلات فشي حاجة
جوري:(واقفة حداها جنات)نتي مكتشووفيش قدامك
روح:حيدي من طريقي ممسالياش ليك
دازت بغات تمشي شداتها جوري من يديها
جوري:عاارفة راسك معامن داوية
روح:ونتي عارفة راسك معامن داوية متخلينيش نغلط فيك
جنات:(بهمس)هي هادي ا جوري
غير سمعات اشنو قالت ليها ولا وجهها حمر وكلها كترعد بالعصاب طلعاتها وهبطاتها جراتها من كتفها حتا قمشاتها
روح:اااي واش نتي حمقة
جوري:نتي الكلبة شنوووو جايا كديييري هنا مكفاكش لي درتيه فيه جايا دابا تكملي عليه الباقي
روح:تي اش كتقولي على من داوية واقيلة راك غالطة منسمحش ليك تجاوزي حدودك
جوري:قسما بالله ومتبعدي من خويا حتا نقتلك ونمشي لجنازتك ها انا علمتك
روح:أنغام هادي اش سارية تقول شكون هادي بعدي مني اختي معنديش ليك وقت
جوري:(هزات يديها حتال سما وجمعاتها معاها بتصرفيقة خلات كلشي كيشوف حتا صرب لي جا مع ديك التمرميقة)تعلمي تعرفي راسك معامن دوي ومتهزيش على لالياتك
شدات حنكها مصدومة مكترمشش

شدات حنكها مصدومة مكترمشش جا وقف عليهم جا وسطهم
صرب:(شاد جوري مورك على كتفها)نتي شنوووو درتي
جوري:مدخلش أنا لي عارفة كيفاش انحيد هاد السوسة من حياتك
صرب:شكيت عليك ا شكييت عليك ياااك كنقول ليك دخلي سوق راسك مدخليييش فحياتي لاااش دربتيها
جوري:ولكن راه هي لي....
صرب:عتاذري منها
جوري:شناهو
صرب:متعصبيش دين مي عتااادري منهاااا
جوري:واخا تحلمها بالالوان عمرها تحلم نعتادر منها وحدة مكتسواااش
صرب:(غوت حتا كلشي قفز)قلت ليك عتااااااادري منها
جوري:(اتموت بالفقصة)سمحي ليا
صرب:سيري للمكتب تسنايني أنا جاي نتفاهمو على هاد ضسارة
مشات منفخة وعينيها عامرين دموع مرضاااتش وجنات تابعاها اتاكل جنابها
صرب:(قاس خدها قدام كلشي ممسوقش لبنادم)كضرك
روح:(حابسة دموعها بزز)لا
دار شاف كلشي كيحنزز
صرب:كنفرقو الشريحة هنا كل واحد يقااابل خدمتو
روح:أنغام يلاه تعطلنا
أنغام:اك حبيبة
ضربات فيه وزادت أما هو مشا ديريكت للمكتب ديالو طالعة ليه الكناوية للسماوي ردخ الباب حتا ناضت من بلاصتها بالخلعة
صرب:اش درتي نتي ا اش قالك راسك ديري يحساب مك كبرتي على العصا
جوري:سمعني أنا. ..

صرب:نتي لي اتسمعيني نتييي من اليوم نشوفك دخلتي فحياتي ولا دويتي معاها ولا درتي بساحتها متلومي غير راسك ها أنا حدرتك وغادي نعاود نقولها عطي ليها تيساع هي مقايساك بحتا حاجة متقيسيهاش حتا نتي ودكشي لي واقع بيني وبينها
جوري:(وقفات كتشوف فيه بعيون البرائة)ولكن ا خويا بسبابها نتا مرضتي خاصني نحيدها من طريقك
صرب:متعصبيش ديم مي ا جوري متعصبيينيييش دكشي بيني وبييينها نتي ماسوقكش
جوري:(شافت زغبة ديالها لاسقة ليه فالفيسط حيداتها مفقوسة)هااادي دياالها نتوما قربتو من بعضياتكم كيفاش قدرتي تسامحها على لي دارت فييييك
صرب:يا ربي رزقني الصبر منعطبهاااش شوفي ا جوري اندوي معاك الاخر مرة بالادب والصواب ادخلي سوق راسك ولا غادي تكون هضرة ثانية
جوري:ياك بسبابها كدوي مع ختك هاكا والله لا بقات فيها
خرجات معصبة دخلات للمكتب ديال جنات وجلسات فالكرسي معصبة
جنات:شنو قال ليك
حطات الزغبة فوق المكتب
جوري:خلينا منو شوفي اش لقيت فيه زغبتها ناااري غادي نحماق ا جنات انحماااق هما قربو لبعضياتهم مفهمتش شنو دايرة ليه كيفاش ما بين يوم وليلة سامحها لاه سنيبا لوجيك
جنات:(تبدلو ملامحها للحزن)صافي خادتو اوووف شنو اندير دابا
جوري:اتحركي قزيبتك مخصناش نخليوها ليه دابا زدت كرهتها غادي نحرر عليها عيشتها نخليها تمنى الموت ومتلقاهاش وصرب ايكون ليييك

ركبات فلوطو هي وأنغام وعفطات عفطة وحدة موقفو حتال قدام المدرسة ديال حنين مزال حابسة البكية وحنكها ولا حمر والشمتة واحلة فحلقها ولكن بنتها كانت شاغلة بالها كثر دخلات كتجري للبلاصة فين كتقرى بنتها لقاتها جالسة كتلون ومركزة غير شافتها تنفسات الصعداء جانت عندها المعلمة وقفات عليها
المعلمة:نتي مامات حنين كرهان
روح:(ساهية فبنتها)اه أنا (دارت عندها)شكون الرجل لي جا اليوم لهنا ودوا مع بنتي ياااك وصيتكم ألف مرة وكل صباح كنعاودها عينيكم متحيدوهمش عليها اش هاد الإهمال 
أنغام:تهدني ا صاحبتي
روح:بنتي فلتات من .. اعود بالله من الشيطان الرجيم عيطي عليها انديها
المعلمة:واخا الالة وسمحي ليا انرد بالي كثر
روح:ايكون حسن لييك
مشات جابت ليها حنين لي شافت ماماها تلاحت عليها وحتا روح عنقاتها بجهد وشمات ريحتها لي بحال المسك
حنين:ماامي لاس جيتي
روح:انمشيو للبارك ليوم أنا و أميرتي صغيورة
حنين:ياااي سكون هادي
روح:صاحبتي خالتو أنغام ديري ليها بيزو كبيرة
نزلات عندها أنغام باستها
أنغام:الله شحال كتحمق عطيها ليا
روح:ههه خوديها تهنى نيت من هاد المشاكل(ترسمو على ملامحها تعابير الحزن)
أنغام:(بغات تلطف الجو)نمشيو لماااكدو
حنين:ااااااه
ابتاسمات ليهم ومشاو بثلاثة للوطو طلقات أنغام الموسيقى على الجهد وبدات تشطح هي وحنين خلاو روح تبتاسم بزز منها واخا كاع لي وقع مشاو للماكدو تغداو تم ولعبات حنين شوية ومن بعد مشاو بثلاثة للمدينة الملاهي دوزو نهارهم تم مخلاو حتا لعبة كلشي ظارو عليه وأنغام كتجر روح بزز منها تلعب بغاتها تبدل الجو وتنسا الهم
عند صرب
كان جالس فالمكتب ديالو سااارح كيفكر فديك الكلمة لي سمع بدا كيجيه احساس بلي هي مخبية عليه شي حاجة وحتا نضراتها ليه واستسلامها للشوفة منو خلاه يزيد يتبت شكوكو راسو كان ايطرطق بالاسئلة حتا قاطع تفكيرو الدقان على الباب

صرب:دخل
دخلات جنات بمشيتها لأنثوية وبكل جمالها واناقتها
صرب:شنو كاين
جنات:جيت نسولك واش بغيتي تغدى حيت هادا هو الوقت
صرب:مني انبغي غادي نمشي إلا كان غير هادشي يمكن ليك تمشي
جنات:(باقي ليها غير شوية وطرطق بالفقصة)لا غير هادشي
ضرت بغات تخرج
صرب:جنات
دارت فرحانة
جنات:وي
صرب:روح جات
جنات:(بابتسامة صفرة)لا مزال اتكون خرجات مع راجلها يتغداو
صرب:(عقدهم)يمكن ليك تمشي
خرجات مغددة أما هو جمع الوقفة وناض خرج يلاه ركب مع المصعد حتا بان ليه اوزان ظاخل عقدهم صرب أمااوزان ابتاسم
تسد عليهم الباب
اوزان:قالت ليا البارح روح بلي كنتو على علاقة من قبل
صرب:(شاد راسو بزز)ومن بعد
اوزان:كنتمنى منخلطوش هادشي ديال العاطفة والحب القديم مع الخدمة
صرب:(هز حاجب)لشنو بغيتي توصل
دار عندو اوزان فيكسا عينيه فعينين صرب ونيران الحقد كتوهج فيه حط يدو على لافيسط دصرب مسح عليها باستهزاء
اوزان:تبعد من طريق مرتي و (سكت مدة)مت بنتي
صرب:ههه مرتك قلتي قبيلة مكانتش باينة عليها مرتك متكدبش على راسك روح كتكدب ودعي لربك ميكونش عندك دخل فالموضوع ولا غادي يكون عندي معاك حساب مغاديش تخرج منو سالم ا سي اوزان هه (غمزو وخرج معصب ولكن ممبينش)
اوزان:بلاتي ا روح غادي ندمك على هاد الغلط لي درتيه
ركب صرب فلوطو ديالو مشا للريسطو جا كيطل على البحر تغدى تم وجلس كيشرب كافي وكيحاول يفكر على سبب ولا شي حاجة تخليه يتيق بلي هي بصح دارت راسها ماتت حس بيديه كترعد ثاني شرب دغيا حبة من دواه قبل مايتزاد عليه الحال وناض ركب فلوطو ديالو شوية كتبان ليه روح وأنغام كيضحكو وياكلو فغزل البنات وقف لوطو كيتأكد واش هما بقا ساهي فيها كيفاش كانت كضحك لقا راسو كيضحك حتا هو نزل من لوطو ديالو قاصدها داز من واحد البلاصة فيها الزحام شاف فين كانت مبقاتش بانت ليها درو عينيه فالارجاء حسها مكاينش بقا كيظفع فالناس ولي بانت ليه كتشبه ليها كيوقفها ويعتادر منها شوية وقف شاف حدا فين كانو بانت ليه نفس البنت لي شافها ديك المرة كانت كتبكي مشا عندها تحنا حتا ولا قدها
صرب:أميرة
طلعاات راسها فيه كانت توضرات على روح واتموت بالخلعة بوحدها غير شافتو عنقاتو بيديداتها بجهد حس بشعور بشي شكل عمرو حسو هزها ووقف
صرب:مالك لاش كتبكي
حنين:توضرت على مامي
صرب:شووت صافي متخافيش انلقاوها
حنين:أنا خايفة
صرب:متخافيش أنا معاك شنو كانت لابسة ماماك
حنين:لو بلون
صرب:(باسها فخدها شم فيها ريحة روح جاب ليه الله كيتخايل)أجي نقلبو عليها
حنين:هيءهيء اك
بقا كيدور فديك البلاصة وهي كتقلب حتا قشعاتها حنين
حنين:هاهي هاهي
صرب:فين هي
شارت ليه بيديها حطها ولكن معرفش اشمن وحدة
صرب:يلاه سيري عندها ومتبقايش تبعدي
حنين:يلاه معايا نوري ليها البرانس ديالي أجي عفااك أميري
صرب:هه واخا يلاه
يلاه زادو خطوة صونا ليه تيلي شاف رقم رئيس الخدم فالفيلا جاوب وهو شاد فيد حنين
صرب:وي
رئيس الخدم:سيدي الحاجة فقدات الوعي ديالها ودينيها للاوبيطال
صرب:كيييفااااش اشمن اوبيطال
رئيس الخدم:ديال لالة جوري
صرب:ها أنا جاي
قطع معاه ونزل عند حنين
صرب:سمحي ليا ماما ديالي أنا مريضة
حيدات واحد البراسلي ديال العقيق وعطاتو ليه
حنين:عطيه ليها باش تبرا دغيااا
خادو وابتاسم حتا عينيه تغمضو وتقبة باسها فراسها
صرب:يلاه سيري عند ماماك اتكون خايفة عليك

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.