داز نهار عاادي على كل واحد من ابطالنا. ..كانت كترسم من بعد مجات من المكتبة لورشة....كانت ساهية ومنغامسة في اللوحة حتى كتفيق من سهوتها صوت وحدا من البنات. ...
البنت: ياااي وتعرفي شكون جاي اليوم
يارا. ...بعدم اهتمام : شكون غادي اكوون
البنت. ..جلسات وتنهدات تنهيدة حارة. ..كانت حاطة ايدها على وجها و مغمضة عينيها :اممم فارس الاحلام ياختي. ..اححح مهم رااعي الرسمي ديال المعرض لمشاركن فييه
يارا. ..بفضول: امم مزيان شوقتيني نتعرف عليييه
البنت. .وقفت: ياختي حتا نهدر معاه بعدا اهيء
يارا :ههه الله اعطييك عقل
البنت ...كانت خارجة :امييين
خرجات البنت وخلات ابتسامة على وجه يارا. ..ستغفرات الله وكملات الرسم. .حتى كتحس بصوت خطوات رجولية و بغفاان قاصح وكيدوخ. ..بقات مشوكية كتحس بيلا هاد الخطوات عااد مكيزيدو
أمير. .زاد قرب بخطوات لدرجة مبقا كيفصلهم إلا بعد سنتيمترات : اووه شفتك بحاليلا كتهدري بزااف
خنزرات فييه: وااقيلة قتليك تحيض من قدامي أولا مكتسمعش
حك ايدو على لحيتو بطريقة زوينة :همم تفضلي الالة
ضربات فييه وزادت :الحقيير
تلافت عندها: هييه سمعتك
يارا :ومن بعد. ..قالت هاد الكلمة وخرجات في اتجاه الباب الرئيسي ديال الورشة....كان متبعها حتى غبات من قدامو. ..مسح على راسو و كمل الإجراءات لكان باغي اناقشهم معا المدير ....
خدات طاكسي صغير بااش تبشي الدار شافت الساعة بشا الحال. ..ماشي بزااف ديال الوقت حتا وقف قدام الباب خلصاتو و هزات شنطا لفيها الحاسوب وأوراق الرسم. ..حلات باب الحديقة ودخلات. ..مكانش عندها السوارت دقات في الباب ..ماهي الا دقائق حتى حلاتو معا ابتسامة :اجي ابنتي تشوشنا علييك
كانت شادة الفوشار قدامها و كتاكل حيت مجهاش نعااس عوتاني. ...مركزة معا الفيلم لكتفرج فييه في واحد الايباد خاص بنقل الجوي ...ومرة مرة كتلافت لسفيان لغارق في نعاسو اصلا كااع ركاب ناعسين غي هياا لباقا حالا عينيها ...عوجات فمها بطريقة طفولية كتحسدهم حيت هوما ناعسين و مرتاحيين إلا هيا مكتشوفش نعااس...تنهدات و تلافتت لايباد قدامها تنسي بالفيلم شوية...شافت الفوشار سالا خدات بنانة كتاكلها و تعوج فمها ...مهم كتحاول دير أي حاجة لتقدر تساعدها على نعااس....دازو ثواني و دقائق وساعات ومزال حالة عينيها كلشي ناعس إلا هيا. ..تنهدات و خشات طرائف شيبس في فمها بطريقة متعجرفة كدل على الفقصة لشداها...الليل كلو وهيا كتاكل خخ. ..رسمت ابتسامة على وجها ملين سمعت الإعلان على وصول طائرة. ..بفرحة خشات طرائف شيبس لبقات في فمها لدرجة ولا عامر كدك فيه باش تكملها دغيا وكتمخض في سفيان مسكين معرف راسو بااش تبلى نااض مفزووع. ..وكملتها صدماتو بمنضرها وهيا كتاكل شيبس وفمها عامر
سفيان. .كيحك في عينيه :مالك على هااد الحالة عمرك كليتي
سنايا. كتاكل بزربة و كتهدر بزربة في نفس الوقت خخ :صافي وصلنا يله نزلو
سفيان رجع راسو لور :نااري على موصيبة سيري لوحي رااسك من طيارة هانتي وصلتي خليني ناعس
سنايا ...شادة في ايديه حيت الطائرة كتهبط بيهم: واااع سكت الجيفة😭
سفيان :هههههه نااري هاادي ليلاقت ليك
ماهي الا دقائق حتى كتوقف بيهم الطائرة على موقعها الخاص. ..كلشي هبط ومعاه اغراضو. .هزو لفاليز ديالهم. .خرجو من طائرة كانت ساهية في الجو ديال فيينا وريح لضربات في خصلات شعرها. ..تنهدات براحة كتدل على الفرحة لكتغلغل في قلبها
سفيان جرها من ايدها: زيدي يااك قلتي فييك جووع
سنايا كتزربي في المشية وكدور
عينيها في المطار: اه فكرتيني نسيت بيلا فيا جووع
سفيان : فخبارك نتي أكبر خطية
سنايا عوجات فمها بطريقة طفولية : امم ماشي شي حاجة جديدة هادي عرفاها
سفيان :اوا الحمدالله
خرجو من المطار. ..كانت لوطو في الكحل كتسناهم حيت وصا واحد صديق ديالو مستقر هنا بااش اسيفط ليه لوطو معا الشيفور على أساس ميتكرفسوش في الطكسيات زائد سفيان مكيعرفش بزااف في فيينا
ركبو لوطو من بعد ما حطو لفاليز في الكوفر. ..سفيان خبر الشيفور اوصلهم لاغنى فندق ...وداكشي لكان ماهي إلا دقائق حتا وقف بهم قدام افخم فندق في فيينا خاص بسياح. .اما سنايا فطول طريق وهيا حالة فمها في البنايات والمآتر تاريخية لموجودة على طرقات. ..حسات براسها في مدينة الاحلام. ..وعلاش لا وهيا غادي تشوف إمبراطور قلبها. ..فاقت من سهوتها ملين سمعت صوت سفيان كيزعز فيها
سفيان :هييهوو ماالك حالة فمك الموت كدور
تلافتت عندو: يخخ متخلي لرتاح
حل باب لوطو : غادي تهنيني حيت راه جامع ليك هاد تبرهيش
حتى هيا نزلات كطلع عينيها معا الفندق لقدامها أقل ما يقال عنه روعة : واااو هادشي وااعر هناا
سفيان :اوا شتي بااش تقولي مكنتهلاش فيك 😊
عنقاتو: شكراا بزااف لييك
سفيان :حيضي عليا قتلتيني اووف
ضرباتو: شفتك ضساريتي بقا تقلب عليا 😡
جاو الخدم هزو لفاليز معا اصلا سفيان كان حاجز لييه صديق ديالو. ..خدا سوارت من الاستقبال ...عطا لسنايا ساروت الغرفة ديالها وخدا ساروتو حتى هو. .ركبو المصعد وقف بيهم في طابق ديال الغرف لحاجزين كل واحد بشا الغرفة ديالو معا الفاليز ....هادشي طبعا من بعد ما خبر سفيان سنايا بااش تهبط تسناه في ريستو ديال الفندق على قبل الفطور....حلات الباب و الانبهار واضح على ملامحها. ..حطات الفاليز وسدات الباب برجليها خخ. ..دورات عينيها في الغرفة كتساوي اضعاف الغرفة ديالها في الدار ...كلشي بيض الجدران... الفراش ..إلا بعد ديكورات في البنفسجي لتكسير ملل الالوان....أول حاجة دارتها حيضات صبيبيط لكانت لابسة و نقزات فوق ناموسية كتنقز من الفرحة و الجو لكيبان من الشرفة. ..كلو زورق نضرا لقرب البحر . ..ونسمات ريح لكتضرب على شعرها. ..شعلات موسيقى صاخبة وبدات كتركل فوق الناموسية. .تنقز وتقول منقزتش خخ. ..بقات حتى تهدات عاد جلست تنفس من الحفلة لكانت ديراها معا نفسها خخ....تفكرات هدرت سفيان جمعات الوقفة دغيا. .دخلات الحمام لتقدر تنعس فييه بكترت ما زويين خخ....خصلات وجها وخرجات تلبس عليها. ..وكلما كتفكر غادي تشوفو اليوم كتشدها غصة في قلبها...كتحاول تحكم في راسها وتخلي الامور كيف ماهيا. ..خدات ليها صاية قصيرة معا بيل ديالها كيبين خصرها. .لبساتها عاد خدات جاكيط جينز لبساتو جات كيووت بقات كتفكر اشنو تلبس في رجليها. ..جات عينيها على واحد البالغين ..لبساتها وقفات قدام المرايا. .عجبتها اللبيسة خص غي شي لمسات جلسات قدام المريا وحطات الميكاب ركزات على عينيها بيبنو و عكر ماءل لبنفسجي انيق ومعا مسكارا كتفات رموشها. .وخلات شعرها على راحتو. ..هزات بوشيط وخرجات وفرحة ساكنة قلبها. .ركبات المصعد. .وقف بيها في طابق الريسطورات والمطاعم الفخمة لعندهم. ..قشعات سفيان جالس كياكل و كيخنشش في تيلي. .
سنايا :كتاكل بلا بيا. .ديرها فين تجيك
هز عينو. .تصدم اول مرة تجيه مهليا في الحالة نيت: هاي هاي على البلوكة جيتي تيتيزة ..اليوم ديفل اطيح 😂
كملو ماكلتهم في جو زويين....داز نهار طويل بنسبة لسنايا واخيرا جات العشية و اللحضة لكانت كتحلم بيها قربات. ..ركبو لوطو في اتجاه مكان المقابلة.....
طول الطريق وهيا متحمسة وفرحة كتشع من عينيها. ..ماشي بزااف ديال الوقت حتا وقف بيهم الشيفور قدام أكبر مكان كيتقامو فيه المبارات الدولية...حلات باب لوطو بمجرد ما حطت رجليها على بساط الأرض تملكها شعور غريب...نفضات هاد الأفكار من راسها ونزلات ...تلافتت لسفيان لكان نزل حتا هوا
سفيان :هههههه متخافيش نحامي عليك لا تجي فيك شي دقة
سنايا :ههه انشالله غادي ادوز كلشي مزيان
سفيان :كتافا بابتسامة
دخلو من بعد ماعطاو لكارد تذاكر حيت ماشي أي واحد اقدر احضر المبارات. ..عاد الحراسة مشددة حيت كتعتابر مباراة حاسمة لكلا طرفين...جلسو في بلايصهم وسط الجمهور
في مكان آخر و بضبط في الغرفة الخاصة بييه لكيبدل فيها كان مرجع راسو لور وكيدرس أهم الخطوات لخصو اتبعها باش اقدي على العدو ديالو في دقائق الأولى حيت معروف عليه هبتو شرسة و ضربتو القاضية وسط الحلبة. ..دخل عندو المدرب عطاه نقط ضعف الخصم بتاسم بمكر حيت ضروري اياخد لقب بطل العالم هاد العام. ..وخا عندو ألقاب بزااف وحاصل ماشي مرة ماشي جوج على لقب بطل العالم ولكن هاد المرة عندو إحساس غريب من صباح وهوا مراودو ...نفض هاد الأفكار من راسو. ..ووقف من بعد مسمع المدرب بيلا الوقت ديال المباراة دابا. ..خدا علم المغرب حطو على كتافو حيت وخا كيلعب في دول متعددة ولكن مكينساش اصلو واكيد طموحو ارفع راية المغرب والوطن لحتاضنو من هوا صغير. .بتاسم ملين تفكر الجمل لكان كيقولها ليه جدو هوا لشجعو على طموحو وخا معارضة الأب ديالو. ..ولكن جدو ماشي مجرد كبير العائلة وإنما صديقو لكيفهمو ..متفرح امتا اسالي باش ارجع المغرب واشوفو
يله غادي اخرج من الغرفة حتا كيجيه تصال غادي انزل عليه بحال صاعقة
كانت مزال في الورشة كترسم بجدية و صباغا معمرا كاع حوايجها ...كتحيض خصلات شعرها لطيحين على وجها ومعا ايديها عمرين صباغة ولات بحال شي كلون في وجها ...هزات عينيها لساعة لمعلقا في الحيط تنهدات بشا الحال جمعات الوقفة تصدمت من راسها كيف ولات عامرة صباغة عوجات فمها بطريقة طفولية كدل على عدم رضاها على الحالة لفيها...تفكرات كين حمام في الورشة رتاحت نسبيا حيت غادي تفك هاد الحريرة. ..قصدات الحمام معا اصلا كلشي خرج بقات غي هيا غادي دوش على خاطرها عاد تبشي الدار. ..دخلات الحمام بدات كتنسل حوايجها طلقات رشاشة بتاسمات كيعجبها قطرات الماء لكتهبط على الجسم ديالها. ..تفكرات الحويج لمخلياهم هنا حتياط ...حسات براسها زالت منها صباغة عن طريق صابون خدات فوطة لواتها عليها حلات باب الحمام بشوية كتشوف واش كين شي واحد ...خرجات بالفوطة من بعد ماتأكدات بلا حتا واحد مكين دورات وجها تاخد حويجها حتى كتحس بنفس الخطوات كيتردو في ودنها نفس ريحة عاد مكتقرب..
كتحس بنفس الخطوات كيتردو في ودنها نفس ريحة عاد مكتقرب. ..بقات مبلوكية خصوصا كتشوف راسها ملبسا والو من غير الفوطة لملويا عليها. ..ولات كتحس بعرق خارج من جبهتها وتوتر متملكها ....غمضات عينيها ملين حست بانفاسو كضرب على ضهرها لنصو عاري تملكات راسها وتلافتت بالعرض البطيء تأكد من شكها. ..ويريتها مدارت كان راسم على وجهو ابتسامة استفزازية و خاشي ايديه في جيابو معا وقفتو رجولية و ريحتو لكتغلغل لنيوفها بلا هواها ...بقا كيشوف فهاد اللوحة لمرسومة قدامو نتابه لشفايفها لكيرجفو وشعرها الاشقر لكيقطر بالما ومبوكلي هبط عينيه على جسمها بدون خجل
امير: واااو على أدب. ..انا واحد فيهم هادا أدب بالنسبة ليك واقفة قدامي وكلك معريا هااا اممم يكما كنتي ديرا معا شي واحد هااا
محساتش براسها حتى صفعاتو على حنكو بكل قوتها ودموع محجرين في عينيها متحملتش اهينها بهاد طريقة
أمير كان حاط ايدو على حنكو كيستوعب كفاش قدرت تهز ايدها عليه. ..عينيه مكانوش كيبشرو بالخير تلافت ليها بدون سابق إنذار هجم على شفايفها بطريقة شرسة هادا بالنسبة ليه أكبر رد اقدر انسيه في صفعة لعطاتو
كانت كتقاومو بكل قوتها ودفع فيه ولكن معامن هيا حتى حس بطعم دم عاد طلق شفايفها لحمارو بالعضان
خلاها كتنهج اما هوا كتافا بابتسامة ماكرة
أمير قرب لجنب فمها و نطق: هادي غي باش نوريك مكانتك اما لدرت راسي فيك
هز عينو فيها معا غمزة: راك عارفة
خلاها واقفة ودموع شلا ...زاد وهوا كيضحك ...
كان المقدم كيهدر وهنا غادي تكون أول مرة سنايا غادي تعرف إمبراطور و ملك قلبها ازار اه ازار المرابطي
هبطات عينيها تقاد البالغينة حتى كتحس بريحة غريبة ضربات فيها صقيل بالنسبة ليها عكس ضجة لديرها الجمهور بقات مشوكية مقدرتش تهز عينيها ممتيقاش وصل هاد الحلم. ...هزات راسها بالعرض البطيء. ..وكلها مشاعر و أحاسيس لحضة لطالما حلمت بيها وكتبتها في دفتر امنياتها المستحيلة.....واخيرا جات عينيها فيه حطات ايديها على فمها ووقفات بلاما تحس بداتها ودموع لهابطين على خدها لمعندها حتى تفسير علاش نازلين. ....بدات كتصفق
سنايا : اااازااااار ...ازاااار ديفل ديفل ديفل
كان بكامل هيبتو داخل والعلم المغربي على كتافو وملامحو مكيبشروش بالخير كانو عينيه حمرين و عرقو بارزين تقدم الحلبة و كيسمع نداءات من كل الجهات ومن بينهم صوت انتوي كيردد اسموو بشغف...
كان وسط الحلبة وعقلو ماشي معاه تفكيرو متشتت ممتيقش الخبر لسمع منتابهش لحكم ملين علن المبارات كانو عينيه حمرين بحال جغمة الدم. ..كيشوف في العدو ديالو بنضرات شرسة بحال القرطاس. ..هز ايدو بكل قوتو وعطاه لكملة لغادي تشهد على سنانو لتصتفو قدامو...كانت متبعا معاه وكتنقز وتغوت باسمو واخا صوتها رقيق مغاديش اسمعو مهم تشجعو لاخر نفس. ...نتابهات لتصروفاتو ماشي كيف عادتو حيت متفرجة في جميع مقبالاتو لدرجة تقدر تعرف حتى طريقة تفكير ديالو. ...وخا هكاك نفضت هاد الأفكار من راسها وكملت تشجيعها ليه. ...اما هو فكان بحال الوحش وسط الحلبة كلما تفكر مبقاش غادي اشوفو اهز ايدو اعطيها العدو...كلما تفكر هدرتو و مدعباتو معاه ملين كان طفل. ..كيعطي لكمة خرا بكل قوتو معا غواتو لكيدل على الحرقة لفي لداخل ديالو عاقل مزيان على جملة عمرها تنسا من بالو باقا مرسخة في ذاكرتو" مهما كانت الأمور بسيطة لا تستهن بها فيا خطوة كبيرة للوصول إلى القمة" ....بقا كيدرب بكل وحشية حتى علن الحكم عن نهاية الشوط الأول. ...جلس في ركن الحلبة على الكرسي جا عندو المدرب والمساعد ديالو عطاه الماء كيحاولو اهدرو معاه اما هوا مغيب
المدرب: ازاار سمعني مخصكش حتا لدابا وتخصر كلشي عارف هاد الخبر صعيب عليك ولكن الموت علينا حق. .وكلنا ليها
هز عينو فيه ورجع وقف بلا حتى كلمة مبقا كيهمو والو من غير ارجع احضر لمراسم دفنو...
كانت مركزة معا كل خطوة كيديرها وقلبها مقبوط عليها جاها تصرفاتو غريبة ماشي كيف كيبان ليها ديما. ..احساسها مكيخيبهاش متأكدة عندو شي حاجة. .
علن الحكم على بداية الشوط التاني كان كيحاول أركز وخا تفكيرو متشتت....كان كيدافع بايديه وعطي لكمات الخصم وخا ماشي بنفس الحدة ديال عادتو. ..شوية تفكر جملة خرا كان كيقولها ليه" نهار اولدي غادي نبشي ونخليك متأكد غادي تكون فراشة في حياتك غادي تعمر بلاصتي وغادي تحيي شخصية ازار لمكيعرفعا غي شكون وشكون"...حتى كيحس بلكمة قوية جاتو في نيفو مكانش شاد توازن كانت ضربة ساهمت في سقوط بنيتو الضخمة على الحلبة ...كلشي تصدم هادشي ماشي من عادتو كانت حاطة ايدها على فمها مستحيل هادا هو الديفل لمجرد أسمو وسط الحلبة كفيل بالقوة و الجبروت. ..كان ساقط على الارض ومغمض عينيه كيتفكر لحضات لجمعاتو بيه مهماتو لمقابلة لوالو من غير ابشي عندو دغيا. ..كانو الصحافة كيتساءلو اشنو وااقع وكيشوفو في بعضياتهم بستفهام الكل ممصدقش كأنهم في حلم
بلاما تحس خرجات من وسط الجمهور و كتجري باتجاه الحلبة و دموع شلال مستحيل ديفل لتهزم هادي كلمة متليقش بمستواه...وقفات في ركن الحلبة كيبان ليها مهدود و مغمض عينيه. ...اما صحافة كيتساءلو شكون هادي لوقفة تماك ومتسوقتش لحراسة. .
سنايا بدات كتخبط ايدها على الحلبة: ازاااار فيييك نتا البطل ديالي و ديال شحال من واحد ....فيق على قبلي وخا عمرك عرفتيني عيشا أهي أهي عفاااك نتاااا مكتستسلمش مستحيل تخسر أهي أهي أهي
كتردد كل كلمة وهيا كتخبط بايدها على الحلبة
سنايا : ازاااار ازاااار ازاااار. ...الجمهور كلو وقف كيردد اسموو. ...كان مغمض عينيه و موجات الصوت كتدي لودنيه صوت واحد صوت رقيق وانتوي كيتغلغل لادن ديالو...
كان مغمض عينيه و موجات الصوت كتدي لودنيه صوت واحد صوت رقيق وانتوي كيتغلغل لادن ديالو. ..هوا مكانش منتابه لضربا لفي نيفو. ..وإنما كيحس براسو وحيد الشخص لكيفهمو ولغادي أبقى كيشجعو بشى عند مولانى ....غمض عينيه لدرجت كمشهم كرد فعل على صداع لكيسمع ....هاد صوت الأنثوي مهداش اسمو كيسمعو كيتردد بشغف وحب. ..حس بالحكم كيحسب لحد عشرة و هاد الصوت الأنثوي عاد مكيزيد دازو شريط صور متقطعة حافلة باحدات طفولتو معا جدو وهوا كيدربو في صاك البوكس. ..تفكر جملة لكان كيقولها هاد الصوت الأنثوي. ..تعصب مكرهش اقوليها صافي سكتي صدعتيني...حس بالحكم قرب لعشرة خبط ايدو على الحلبة كيحاول اوقف وكيتسمع هتافات الجمهور و خصوصا هداك الصوت مزال محفوور بين موجات الصوت لكتغلغل الادن ديالو. ...جمع الوقفة و فبالو حاجة وحدة خاصو اسالي المقابلة وارجع باش اقوليه ربحت وخا مبقاش عيش مهم ميخيبش امالو فييه حين لطالما كان أول مشجع ليه ومدربو الاصلي والاول...تلافت الخصم كفاش مستغرب حيت وقف على رجليه وخا دم معمر نيفو أو باحرى وجهو ....
كانت كتمسح دموع من عينيها و كتبتاسم حيت وقف على رجليه هيا كتيق فيه بزااف وامالها كبيرة عليه
تقدم باتجاه الخصم و هز ايدو على شكل ضربة قاضية انتهت بسقوط جتة هامدة قدامو لدرجة دم لصق في ايدو الضخمة. ..بتاسم بمكر حيت ماشي أي واحد اهزم ديفل. ...سمع غوات الجمهور لكدل على الفرح ديالو لكونو عندو شعبية كبيرة فهاد المجال. ..شاف الحكم كيحسب حد عشرة بتاسم باستهزاء حيت مستحيل اقدر انوض من بعد هااد الضربة ....ماهي الا تواني حتى علن الحكم فووز ديفل بالمقابلة وللمرة الخامسة يحمل لقب بطل العالم كانو الصحافة كيصورو الحدت بكل اهتمام
كانت واقفة وضحكا مرسومة على وجها محستش براسها امتى طلعات الحلبة و عنقاتو و كرزات عليه. .عاد الدموع لمحبسوش
كان مشوكي شكون هادي لقدرت دير هاد تصرف حيت كامليا محضرتش المقابلة مسافرة ادن شكون هادي يكما هاداك الصوت الأنثوي هاد الأسئلة كلها كانت كتدور في دماغو
حسات على راسها اشنو كدير وكفاش معنقاه ممتيقاش بغات تحيض ولكن هاد الفرصة مكتجيش ديما. .تعلات على طراف صباعها باش توصل لودنو
سنايا بصوت شبه مسموع: انت بطلي متنساش هاد الكلمة
كانت صحافة كتصور وكيتساءلو شكون هادي. ...حيدات عليه وهبطات دغيا مقدرش اشوف وجها ولا حتى صحافة نضرا لخصلات شعرها لكانت مغطيا ملامحها. ..بقا متبعها حتى غبات من قدامو. .نزل عينيه الأرض و نتابه لسنسلة...جلس علي ركبتو و هز سنسلا في ايدو بقا كيتمعن فيها عرفها هيا البنت لكان كيسمع صوتها قبيلة. ..نتابه لكلمة لمكتوبة على سنسلة نصقها بصوت ماءل لهمس queen (الملكة )
خرجات كتجري من الباب تبعها سفيان لمن ملامحو تصدم من الفعل لدارت...بقات كتجري حتى وصلات لواحد البلاصة فيها الكراسة ومقابلة معا البحر جلسات فيها و حطات ايديها على الكرسي غمضات عينيها كلما تفكرت انها عنقاتو وحست بانفاسو. ..حست بيلا هاد الحب عاد مزاد كبر على لول عندها إحساس كبير أنها غادي ترجع تشوفو مرة خرى ولكن فين وامتى معرفتش. .لمتاكدة منو هوا غادي تشوفو...فاقت من شروودهاا صوت نهج سفيان لبينا عليه سخف وهوا تابعها. ..
جلس حداها وكينهج: وااش نتي المصيبة مكتعرفيش تبشي بحال الناس
شافت فيه ببرودة و رجعات شافت في البحر: عرفتي امكن مكانش عليا نجي نحضر المبارات
سفيان : علاش
شافت فيه : معرفتش عندي احساس غادي نتعدب منها القدام. ..وعاد هاد شعور تجاهو تزاد بزااف يعني إلا قلت كنعشقو فهادي كلمة قليلة فحق مشاعيري ...اوووف عيت توحشت حتا أنا ملين نبشي لشوبينغ معا يارا اعجبني شي واحد..توحشت نشكر شي واحد من غيرو هادشي بزااف هوا خدا كااع المساحة لفي قلبي 😢
حط ايدو على ايدها: انا معاك وهاد الكلمة كافية بااش تواجهي الصعاب لجايا..ومتنسيش سنايا لكنعرف قوا من هاكة
تنهدات وبتاسمات باستهزاء : ياريت ترجع سنايا القديمة لمكتعرفتش معنى الحب. ..اصعب حب هو من طرف واحد كنتمنى حتى واحد ميعيشو
تنهد حتى هو وسرح بتفكيرو لبعيد تفكر لون عينيها ملين كيجي لدارهم: اه صعيب بزااف
وقف وخشا ايدو في جيبو :يله نبشو نرتاحو صباح نرجعو المغرب
وقفات كترجع شعرها ورا ودنيها: يله نبشو حتى انا عيت من صباح وانا نبكي يخخ
سفيان عنقها:ههههه راك مكرفسة
كملو طريقهم وهوما كيضحكو خصوصا فاش كيبدى اعيب فيها على تصرفات لدارت في المباراة وهيا طبعا مكترداش ...طول طريق وهوما مضاربين خخ
كان خارج من بعد ما مسح الدم لي على وجهو ولبس عليه. ...الكل كيبارك ليه من بعيد حيت لكارد دايرين بيه والصحافة كتصور وكطرح تساؤلات على البنت لعنقاتو شي كيقول خطيبتو شي كيقول معجبة... مهتمش ركب في لوطو الخاصة بيه خبر الشيفور باش اديه المطار حيت حجزو ليه طائرتو الخاصة
في صباح 🌄🌄
فاقت كتكسل وسط الفراش قفزات فاش تفكرات احدات البارح وكانها في حلم. ..خبطات ايدها على راسها و جمعات الوقفة طبعا بعدما شبعت تكسال مقدرتش تنوض ولكن اليوم ايرجعو خصها تجمع حوايجها. ..دخلات الحمام قضات حاجتها و غسلات وجها هزات عينيها في المرايا ديال الحمام دازت بين عينيها اللقطة لعنقاتو عضات على شفايفها. ..حسات على راسها نفضات هاد الأفكار وخرجات لبسات عليها و جمعات حوايجها قداتهم في الفاليز حتى سمعت دقان عرفاتو غادي اكون سفيان. ..تقدمت بخطوات سريعة حلات عليه
سنايا :صباح الخير
سفيان :صباح نووور. ..هبطي باش اوصلنا الشيفور المطار
سنايا؛: داكوغ هاني نازلا
عطاها بظهر: متعطليش
سدات الباب و كملات شغالها و خرجات من الغرفة معا الفاليز. .وقبل متسد الباب رجعات شافت فيها بتاسمات حيت كانت شاهدة على الاحدات الأولى قبل متلقا ازار. ..تنهدات و كملات طريقها على أمل اجي شي لقاء آخر احتاضنهم هوما بجوج...
كانو وصلو المطار هزو لفاليز ديالهم ملين سمعو وقت قلوع الطائرة تقدمو بخطوات ثابتة بعدما قداو جميع الإجراءات الأزمة ...جلسو في بلايصهم كانت كتشوف من نافذة بعدما قلعت الطائرة. ..ودعات سحاب هاد المكان لكان شاهد على أول لقاء بناتهم ...دازو ساعات وصلو المغرب و خرجو من المطار. ..سفيان أصر باش اوصلها لدارهم ولكن مانعت مبغاتش تعدبو كتر يكفي انو خلا خدمتو وسافر معاها...شكراتو وخدات طاكسي في اتجاه دارهم. ..ماشي بزااف ديال الوقت حتا وقف بيها قدام الباب ديال الحديقة الصغير لقدام الدار خلصاتو ونزلات خدات الفاليز من كوفر ...تنهدات وحلات باب الحديقة عاد وصلات لباب دار دقات فيه حتى كتفتح ليها
في بلاصة خرا كان جالس شارد والكارو في ايديه عينيه حمرين.. كانو يله دفنوه حضر لمراسم ديالو بزز. ...كلما تفكر مبقاش معاهم كينتر نترة من الكارو بايدو حتى حس بيه جلس حداه
عمار: حاس بيك نتا اكتر واحد كان قريب منو
ازار هز عينو فيه: بزااف اكتر واحد كيفهمني الله ارحمو واوسع عليه
تنهد :اميين
ازار: اجي اشنو غادي دير في الوعد لعطيتي لمرحوم
شاف البعيد ومسح على راسو : معرفتش هوا مكانتو كبيرة عندي منقدرش نخالف الوعد ديالو. .ونفس الوقت فكرة الزواج ماحيها من بالي من نهار فارقت ماجدولين الحياة وخلات ليا لينا نربيها
ازار: بعد المرات خصنا نغامقو ومنخلوش الغرباء ادخلو حياتنا. .ولكن مرات خرا خصنا نخلوهم ادخلوا امكن تكون عندهم شي حاجة لمحتاجاها روحنا باش نكملو حياتنا عاادي
عمار : ناري اصاحبي عندك نفس افكار المرحوم
ازار: ههه ياك
عمار :مهم نخليك دابا نشوف الواليدة ولينا
ازار هز عينو فيه: فكر في الوعد متنساش
جمع الوقفة وتلافت عندو: انشالله اكون خير
غربات شميسة وطاح الظلام كان في بيتو جالس فوق الكنباي وحاط البيسي قدامو ...كيشوف الصحافة اش ناشرين عليه. ..كان مقال على المباراة لفاز بيها ومرافقاه صورة هز حاجبو ملي شافها. ..كانت اللقطة لعنقاتو فيها ديك البنت لي لحد الآن معارفش شكلها قرب لبيسي.. صورة ماموضحاش ملامح وجها حيت كانت عطيا بضهر من غير لون شعرها لواضح و فورمتها لبارزة...من صورة كتبان قصر منو حيت تعلات على طراف صباعها باش قدرت تعنقو مزيان... بقا شحال كيشوف فيها محسش على راسو حتى بدا كيدوز طراف صباعو على شاشة البيسي بتاسم ونطق بصوت شبه مسموع :queen (الملكة )...
فاق من سهوتو صوت الأم ديالو ..حس بيها جلست حداه..
عايدة: ولدي نزل تعشا معانا خصكم تنهو هاد الخلاف لمعندو حتى أساس
هز عينو فيها و رجع شاف في البيسي..بقا ساكت شحال عااد نطق :مفيا مينزل قولي ليهم اجيبولي العشا هنا...
حطات ايدها على وجهو: خصك تعرف بيلا الأب ديالك توحشك بزااف منهار سافرتي كان كيقولي ديما تاصلي بيه بااش اطمأن على احوالك...ميكونش رااسك قاصح هبط تعشا معانا اصلا كلشي توحشك
تنهد و شد في ايدها باسها ليها مع ابتسامة : اوكي شوية ونهبط
بادلاتو الابتسامة و وقفات : غادي افرح بزااف
كتفا بابتسامة خفيفة ورج كيشوف في البيسي...
كانت جالسة في بيتها فوق الناموسية و مربعة رجليها هي و يارا...كانت كتعاود ليها بتفصيل الممل على أحداث المقابلة لدرجة يارا جاها نعاس بكترة مبقات كتردد نفس الجمل و خصوصا فاش عنقاتو ...
قفزات فاش سمعات الباب تسد. ..بتاسمات بشر خخ عندها إحساس انا هاد المكتبة غادي توقع ليها شي حاجة زوينة فيها. ..قشعات البيسي شحال مخدمات بيه. ..جابتو حطاتو قدامها ..كانت كتسارا من موقع لموقع خخ. ..ومن اهمهم صفحة الخاصة بالملاكمة...جات عينيها على واحد المقال كيهدر على فوز ديالو ومعاه الصورة ديالها وهيا معنقاه..وسعات عينيها وحطات ايديها على فمها من هول الصدمة متوقعاتش غادي اهتمو بهاد الحركة لعتابرتها بسيطة ... بدات كتقرا أسطر هاد المقال حتى تفيكصات معا جملة مغاديش تخليها تنعس هاد الليلة " قامت الزوجة المستقبلية لديفل او ازار المرابطي بمعانقته خلال المباراة كدليل على فرحتها الكبيرة وتقديمها تهاني حارة له"...
سرات معاها الجملة : وااااع ويلي هههههه وااااو صعداتك ا سنايا كاتبين عليك زوجتو المستقلية...ولكن الا عرفني اكيد غادي اقتلني...ويليي درت ليه الشوهة. ..اووف حمدالله وجهي مبينش اما كون مات والمشكلة باقا باغا نعيش..ونفرج في سبونجبب
سمعات مصارنها كيغوتو بجوع خسرات ملامح وجها حيت عاد تعشاو...خدات بانطوفة هزتها في ايديها وخرجت من الباب دبيتها كتسلت بحال الشفار. ..كتلافت يمين وشمال. ...مبان ليها حتا واحد هبطات في دروج حتى وصلات الكوزينة. .قصدات التلاجة نيشان بان ليها شي فواكه ..حطاتهم في سلة وهزت حتى كيك شكولا معا مونادا و شيبس هادو يله ادوزو ليها هاد الليلة حيت عوالة على نعااس مغاديش اجيها خصوصا معا قرات ديك الجملة خلاص. ..تلافتت في اتجاه الباب حتى كتشهق: بااباا اشنو كدير هناا
علي خدا قرعة دلما من التلاجة :خوا الماا وهبطت نجيبو. .نتي ابنتي اشنو مزال مفيقك
بتاسمات وسط دموعها : ههه متخافش فترة وغادوز. ..غي معا كيتبدل عليا الجو داكشي علاش مكنعسش ..انشالله دابا اتقاد كلشي
بتاسم باس ليها جبينها: يله ابنتي طلعي تخشاي في فراشك..وحاولي متفكري فوالو باش تنعسي
كتفات بابتسامة. .عاد نطقات وهيا ماشيا: تصبح على خيير
علي تنهد حيت حالتها معجباهش: ونتي من اهلو
على طابلة دالماكلة كان الجو مكهرب شي كيشوف فشي خصوصا بين ازار والأب ديالو حيت كان ضدد الفكرة ديال طموحو مبغاهش اعطي فمجال الملاكمة. ..وإنما اخدم معاه فالشركة خصوصا معا عندو شهادة ديال الهندسة الإلكترونية. ..حيت وخا كيلعب الملاكمة كان كيقرا وكيدرب فنفس الوقت ملي خدا الشهادة سافر لفيينا والعديد من الدول تفاديا لمعارضة الأب ديالو حيت داءما كيجبد ليه سيرة الشركة و الخدمة معاه. ...كانو مزال كياكلو فصمت حتى كيكسر هدوء صوت الأب ديالو
خالد : احم ولدي مبروك عليك الفوز فرحنا ليك
هز عينو فيه ورجع هبطهم في طبسيل دماكلة لقدامو: الله ابارك فيييك
عايدة بغات ترطب الجو : ههه بلاشك ولدي غادي افووز وهو ملقب ب ديفل وسط الحلبة
فهاد الاتناء كانت مربعا فوق الناموسية و مغمضة بالمانطة معا البرد. ..كتاكل طرائف الشيبس وعينها على البسي وبضبط على ديك الجملة لترسخت فدماغها...بقات كتشوف فيها حتى ملات..شوية دارت فيلم رعب تفرج فيه على الله اخلعها تنعس خخ . .عوجات فمها بطريقة طفولية مكرهتش درب دويرة بسكوتر معا يارا ولكن عرفاها مغاديش تبغي ...داز الليل كامل وهيا جالسة على نفس الوضعية ومزال كتاكل وإنما هاد المرة كتبرد خديدها في تفاحة خخ
صبح الصباح بنهار جديد كيحمل بين طياتو احدات مختالفة. .
بتاسمات حيت شرقات الشميسة واشعتها لامست وجها الرطيطب...نزلات على الناموسية دخلات الحمام قضات حاجتها و غسلات وجها. ..خرجات تشوف اش تلبس على ود تبشي المكتبة ...
كان عندها إحساس غريب متملكها نفضات هاد الأفكار من راسها. ..و وقفات قدام البلاكار ديال الحوايج. ..سلات جينز قرطيط من لتحت و طالع على الخصر عجبها خدات معاه قميجة فصومو لبساتهم ودارت ميكاب خفيف ومناسب ..لبسات فرجليها بالغينة فالكحل...شافت راسها فالمراية بتاسمات عجبها راسها جات كيووت. .هزات صكادو ديالها و مونطو عاد خرجات من البيت هبطات لقاتهم كيفطرو صبحات عليهم و هزات زيتونة تاكلها معا اصلا شبعانة بسيف ليل كامل وهيا كتاكل خخ...
خرجات مخلاتش ليهم الفرصة فين اهدرو على قبل تفطر معاهم ...ساقت السكوتر على رجليها حتا خرجاتو من بااب دالحديقة عاد ركبات عليه في اتجاه طريق دالمكتبة ...ماشي بزااف ديال الوقت حتا وقفت قدامها حيدات الكاسك ..تطلق معاه شعرها الحريري قداتو عاد نزلات. ..دخلات سلمات على كل من صادفها فطريقها. .جلسات على المكتب الخاص بتلبية طلبات الزبائن. .بحال تدون الكتب لكياخدو و شحال المدخول ديال المكتبة ...
كان كيحبس اشعة الشمس لكتسلل البيت بايديه ...تفكر مخطط اليوم حيض عليه الغطا و دخل الحمام. ..داز الوقت حتا كان هابط فدروج مغير ستيل ديالو لكيضهر بيه في الاعلان...كان لابس جينز و تشورط بيض معا طاكية مغطية نص وجهو و نضارات سوداء لشافو ميقدرش اعرفو. ..هبط لتحت صادف الام ديالو فطريقو ..كانت مادا ليه كأس العاصير حيت عرفاتو غادي اخرج ..بتاسم ليها وخداه من عندها حيت كيعجبو اشوف الضحكة مرسومة على وجها. .شربو كامل عطاه ليها وخرج برا القصر جاو عندو لكارد كيتجراو لكن منعهم من انهم اتبعوه حيت فنضرو حتى واحد مغادي اعرفو بهاد الطاكية والنضارات...جابو ليه سكوتر ديالو ركب عليه وخدا الوجهة ديالو لمكان كيرتاح فيه شحال مزارو...ماشي بزااف دالوقت فرانة بالسكوتر و هبط بخطوات تابتة دخل من الباب لكل كيشوف فيه بنظرة عادية. ..بتاسم حيت حتا واحد مقدر اعرفو جات عينو على المكتب الخاص بتلبية طلبات الزبائن. ..بشا في اتجاهو.. وقف بقا ساكت شحال عااد نطق : ممكن تعطيني كتاب اخر اعمال نزار القباني
كانت كترسم مونيكات خخ و تخطط في وراق بيضين حتى سمعت صوت خلاها تركبها الرعشة من صبعها صغير حتا لراسها بقات مبلوكية ومهبطة راسها لتحت حست بعينيها غرغرو بدموع ...فاقت من شرودها على صوتو : انسة مكتسمعيش
هزات عينيها بالعرض البطيء كطلعو من التحت حتى الفوق: هاااااا اشششنوو مممسيييوو
حاولات تضبط راسها عندها إحساس كبير بيلا هو و فنفس الوقت ممتأكداش...قلبات ملامحها من سادجة لتخنزيرة: كفاااش حترام راسك امسيو ..شفتك كتهدر بحاليلا انا حمقة
ازار كتفا بالصمت ..بشا جلس فالمكان الخاص بالقراءة. .كيعجبو بزااف اقرى الشعر لطالما كان هوايتو التانية بعد الملاكمة...بطبعو قاصي وحدودي..وفنفس الوقت هادئ و مكيبينش اش تحت راسو توقع منو كلشي. ..
بشات كتقفقف لجيهة الخاصة بتستاف الكتوبة قلبات على الكتاب هزاتو في ايدها كان غادي اطيح ليها حيت كترجف. .وكتمسح العرق لي على جبينها. .عينيها عامرين دمووع. ..مفهمتش اش هادشي كيوقع ليها. ..نفضات هاد الأفكار من راسها وحاولت تبقى مهدنة و تصرفاتها طبيعية. ..تلافتت لفين جالس تقدمت بخطوات ثابتة في اتجاهو. ..غادا وكتفكر وااش هو ولا ماشي هو. .رجعات خصلات شعرها لطيحين ورى ودنيها. .ستنشقات الهوا مزيان عاد وقفات عليه:مسيو تفضل
هز راسو فيها: شكراا
تاكدات بيلا هوا. .نفس ضحيكة ديال قبيلة فيتا شيفاها في صورو على المجلات..اه نفس الملامح و سنينات كيف مستفين..نفس العينين لي وخا احاول اخبيهم على العالم اكيد هياا غادي تعرفو..حيت الحب الحقيقي كيخليك تميز الشخص لخدا قلبك من بين آلاف. ..بشات بشوية لجيهت المكتب وكلا شوية كتلافت لجيهتو. .بلاما تحس كتعض على شفايفها بطريقة زوينة
جلسات وهيا متبعا حركاتو الخفاف كان دير رجل على رجل و كيقرا بتمعن..بقات متبعا حتى نتضام النفس عندو. ..خبطات ايدها على راسها ..ورسمت على وجها ابتسامة شريرة خخ...
قصداتو بان ليها مركز هزات حاجبها وكتلعب بايديها بقات واقفة شحال حدا رااسو مدهاش فيها ..خسرات ملامح وجها مع تخنزيرة خبطات الطابلة : عنداك
حطات تيلي فوق الطابلة وكانها علانت الاستسلام لكن سرعااان مهزاتو وكتبات اسم مستحيل تفكر انو غيديرو غي على الله تحيد الشك...بقات كتشوف حتى طلع الكود صحيح غوتاات بالفرحة ..عينيها عمرو دمووع ولمعاان ..كتسرا معاها وكتقرص راسها تشوف وااش غي كتحلم كان كود هو "queen "
دخلات بالخف خدات نمرتو جبدات تيلي ديالها قيدتها فييه وكتبت عليها " حليب معقد خخ" ..بتاسمات هاد الاسم اليق بيه. .هو بصح معقد ومتعرف اش تحت من راسو ولكن الحليب مكتحملوش داكشي علاش سماتو حليب معقد خخ. ..قفزات فاش لمحاتو جاي عندها. ..دارت راسها كتقرا فالكتاب لخدا. ..هز تيلي وتقدم بخطوات اتجاه الباب دالخروج ..
هز تيلي وتقدم بخطوات اتجاه الباب دالخروج ..
شافتو ناض. .وقفات وتحصر ماليها ميمكنش تخليه امشي هاكة. .بقات تبعاه كتجري باش تقاد معاه فالمشية وكتحسب شحال من خطوات كدير مقابل خطوة عندو. .نفضات هاد الأفكار ماشي وقت الملاحضة دابا
نطقات وهيا كتساطح معا رجليه : غاادي ترجع يااك
ازار : لا رد
شافتو ممسوقش زربات فالمشية و عارضاتو بدريعاتها الصغيورين مقارنة معاه
كتنطق وهيا كتنهج : اوووف ماالك اصحبي على هاد المشية
قرب خطوات لجيهتها تحنا لعندها حيت قصيرة عليه كتبان بحال البغوشة قدامو خخ: حيضي من قدامو ...متختابريش صبري
سنايا رعدة شداها ولكن عاطية الجبهة هادي فاش تعجبك خخ : سولتك جاوبني
ازار : اش غنجاوب
سنايا : وااش غادي ترجع
دخل فيها وزاد خلاها كتعاقر معا توازها باش مطيحش نطق وهو مااشي : لا ....نجي بااش تخرجي ليا عقلي
تباعتو كتجري : بالعكس انا ضريفا...نتا زبون مزيان ومتقف مبغيتش نكون خسارة بالنسبة المكتبة حيت بسبابي مغاديش تجي
وقف هبط النضارات على عينيه : يكما عجبتك ..وباغا تشوفيني
مسحات دموعها ورسمات على وجها ابتسامة شريرة خخ :دابا نشوفو اسي ازاار وااش غادي تنعس بعدما نمرتك طاحت بين ايدي 😉
جمعات الوقفة وهيا مغودة ..جنون كيلعبو الفنون القتالية فوق راسها ...قدات السكوتر فبلاصتو..بغات دير فيها معصبة بشات ورجعات لييه ضربات الرويدة برجلها حتى سكرت فبلاصتها جابتها فراسها ولات شادة رجلها وتبكي بالغضيض و الفقصة ..مسحات دموعها وناضت تعتر فجلايلها فاتجاه باب دالمكتبة ..غادا وكضارب معا سكادو ..قصدات مكتبها بانت ليها باركة جالسة فييه. .عينيها شعلو بالعافية بشات طيرة عندها ..لكن باركة صدقت اذكا من هاكة هربت قبل تشنق عليها عااود خخ ..نفخات جنب فمها حتى تلاحو خصلات شعرها لطيحين على وجها. .جلسات بتنفاخ بحاليلا مقطوعة من الكارو خخ. .نطقات بالغواات وهياا كتخنرز فبنادم: الله اعميها لشي وااحد فهاد نهار😡
فمكاان آخر وبضبط داخل مكتب غاامق بالالوان الداكنة. .خليط بين اللونين الأسود و الرمادي زيادة على الواان اخرى كتصب فذات المنحى ...كان غارق وسط الملفاات و شي اورااق وااخدين كل تفكيرو ...من بينهم اوراق مناقصة مهما كيفكر ادخل ليها ..وكالعادة هدفو اربحها قاطع تفكيرو صوت اليد اليمنى لييه
نطق بصرامة وجدية بلاما اهز رااسو على الورااق : ددخخل
الخادم كيقفقف : مقصدتش مسيو أمير ..زعما بغيت نقول هوما عندهم مكانة قوية فمجال الاقتصاد واغلب المناقصات كيربحوها
أمير رجع جلس و شد دوك الاورااق كيمضي عليهم نطق ببرودة : ولكن هااد المنقاصة مغاديش اربحوها...سالينا تقدر تخرج وتسد الباب مورااك
الخادم ستأدن عاد خرج من عندو...كان مزال كيمضي حتى حط ستيلو زااعف بتاسم بشر نطق وهو كيهرس ستيلو فايدو : ههه غادي نشوفو ا عائلة المرابطي وااش غادي تاخدوها...كلشي كيبان معا الوقت
تفكر معرض الرسم لعرضو عليه اكون راعي الرسمي ديالو كين فنهاية الاسبوع محاملوش . ..واكيد مرفضش بااش اخلي سمعتو نقية عكس مبتغااه..هو معندوش معا الخوا الخاوي..كيعرف اسم وااحد وهو الربح..كيكره شي حاجة سميتها الخسارة...شاف فساعتو اليدوية ..جمع الوقفة وسد صدافي الكوستيم و خرج لوجهة ديالو. ..
داز النهار وغرباات الشميسة كان كيدرب فالنادي لكين فالقصر ...معا كل لكمة فصاك البوكس ..كيتهز شعرو وكتجي صورتها بين عينيه. ..ترسخات فداكرتو انفاسها الحارة. ..ريحة شعرها الخلابة ..مقاص خسرها وهيا معنقااه..نفض هاد الأفكار من راسو و كمل تدراب ...حتى حس براسو عرق عاد خدا قرعة الما شرب منها. .وهو ماشي باش اخرج خدا فوطا حاطها على كتافو معا ملابس والو من لفووق..يله غادي اخرج حتى كيتساطح معاها ..عنقاتو بحرارة و الكانيش ديالها كينبح..رجعات شافت فيه: حبيبي الباركة فراسك من جيهت جدك. .كنت مسافرة ومقدينش الوقت نجي المغرب
ازار كمل طريقو : ماشي مشكيل
تبعاتو وهيا هازة الكانيش فايدها : امم متوحشتنيش
نطق وهو طالع فدروج : كامليا باغي ندوش متصدعنيش
بقات واقفة كتشوف فيه وعينيها كيخرجو منهم القلوبة..قاطعتها من سهوتها صوت الحاجة
الحاجة : سلام ابنتي غبرتي علينا
كامليا تلاحت عليها كتعنق وتبوس من طبعها حنينة و غبية فنفس الوقت خخ: كنت مسافرة داكشي علاش. .توحشتكم بزااف...اه نسيت الباركة فراسك من جيهت المرحوم
الحاجة : ممشا معاك بااس..اجي تجلسي ابنتي مرحبا بيك
كتفاات بابتسامة و مشات معا الحاجة لصالون
جلسو بينما جات عايدة من الجمعية حيت تبركالله مرآة متقفة و كيعجبها تنخارط فاي عمل جمعوي..فيها ديفو وااحد هو مكتحملش لقولها خالتي خخ ..كتفضل عايدة بوحدها بااش متحسش بكبر سنها خخ...اما فخرية فهيا مرأة مسالمة ..كيهمها غي تشوف ولادها فرحانين ..عندها عمار ولدها الكبير عاد بنت شابة كتبلغ عشرين سنة. .ولكن طيشا ومكتعرفش معنا الحياة. .كتبغي تجرب كلشي زييد عليها مفشة بلا قياس كونها البنت الوحيدة ديال العائلة ..خير متال مسكناش معاهم..كتكمل قرايتها فنيويورك. ..عاد كتعتابر من بين اشهر العارضات الصاعدة...تعرفات على كامليا بحكم نفس المجال وهنا غاادي اكون سبب باش تخطبو هيا وازار..الهدف بين العائلتين كان هو الشراكة وتطوير انفود ديالهم ..كون والدين كامليا لابس عليهم..ازار مرفضش الزواج حين مكيامن لا بحب لا زواج..يعني معندو حتى مشكيل خالق عالمو بوحدو منعازل على عالمهم المادي فقط. ..
كانو كيتبادلو اطراف الحديت حتى جات عايدة وهبطات فخرية من بعد موصات المربية على حفيدتها لينا...ناضت كامليا سلمات عليهم وهوما بطبعت الحال رحبو بيها على الأقل اغطو فعايل ولدهم لمكتسرطش ..
خرجات من المكتبة نيشان لدار العيا مسيطر عليها. .وصلات نزلات من على سكوتر ..دقات باب دار حلات عليها حورية بتاسمات ليها. .وطلعات لبيتها بعدما باستها. ..حيضات البالغينة و السكادو قصدات الحمام نيشان خدات دووش خفيف خرجات ملويا عليها فوطة. .سلات من البلاكار بيجامة سخونة معا كين البرد. .لبساتها ونشفت شعرها...قصدات البيسي هزاتو وجلسات على طرف الناموسية كتبقشش فيه. .ومنهم سيت المعهد شحال ممشات ليه كحلتها..وسعات عينيها ملي لقات عندها متحان بعد غدا ..خبطات راسها حتى تقصحت باقا محافضا واالو ..عصبها شعرها جمعاتو كعكة مبعترة بلاما تنتفو بالاعصاب. .تلافتت لجيهة الباب ملي سمعاتو كيتحل. .لمحاتها كتبتاسم ليها. .لكن هيا بادلتها بتخنزيرة : سنايا مال حبوبتي معصبة
حطات تيلي بعدما قطعات الخط ..هبطات نيشان عند ماماها علمتها بمجيء سفيان ..بتاسمو حيت عزيز عليهم شاب متخلق و ضريف ونفس الوقت محيض عليه ضسارة إلا البرغوتة تااع سنايا لاعبة عليه العشرة خخ. .
كان جالس فبيتو كيف العادة متكي على الفوطاي وحاط البيسي قدامو و كيجغم من كأس الويسكي وعينيه مزال على الشاشة وخصوصا داك المقال عاد نتابه للجملة لكانو كاتبين عليه ملي عنقاتو هاد البنت المجهولة الهوية بالنسبة ليه من غير "كويين" ..قاطع هدوءو صوت عمار بعدما جلس حداه
عمار: زعما حتا واحد ميكونش شافها...مسولتيش المدرب ولا كمرات المراقبة..تعرف عليها شي حاجة حيت عجبتني شخصيتها تحدات الحراس وعنقاتك هه
ازار جبد السنسلة وبقا كيشوف فيها : لعارف أنها "كويين"
كانو جالسين فالصالون بعدما تعشااو.. علي و حورية طلعو ارتاحو اما سنايا ويارا زيد عليهم سفيان كانو مزال مجمعين ..فرعت ليهم راسهم بأحدات اليوم لدرجة كل وااحد شاد تيلي ديالو و ممسوقنش ليها. .فهاد الاتناء سفيان كيشوف فيارا بنص عين مينكرش أنها كتعجبو من أول نهار شافها...سنايا كانت وسطهم تعصبت طلعات بجرية جابت تيلي ديالها وجلسات حداهم ..
شدها من شعرها كيمخض فيها ويارا تفك قلبوها مطايفة بالمخاد حتى سنايا غوتاات باش اهداو: صاافي هداو. .كنستسلم ودبا هنوني خلوني نطبق الخطة ديالي
سفيان : خريامي رجعتوني برهوش. ..اجي جلسي بعدا
جلسات وسطهم عاود.. وشدات تيلي بين ايديها دخلات لنمرتو بقات كترعد عاد سيفطت "هااي"...مجرد ما سيفطتها رجعات تخبات وراهم
سنايا : نااري مشات كنت باغا غي نضحك
سفيان :هادي هيا الخطة لفضحانا بيها
يارا :بسلامة غادي نمشي نعس حسن ليا
جرتها سنايا حتا طاحت على مسعودة ..داز الوقت. .و ساعات وهيا مزال حالة عينيها كتشوف فتيلي ليجي شي مساج من عندو اما سفيان ويارا غارقين وسط نعاسهم متكين عليها بجوج قتلوها فكتافها ...وخا هكاك مهتماتش بقات مركزة معا تيلي ..قرب صباح وهيا مزال فيقا خسرات ملامح وجها حتى كتلمح تيلي شعل. .خطفاتو من فوق طابلة بعدما عرفت مساج من عندو. .فتحاتو بلهفة و عينيها شاعلين بالقلوبة قراتو كان مسيفط ليها "؟؟؟؟" قفزات من بلاصتها ..وشدات الما كباتو عليهم حتى ناضو مفزعين لقاوها كتفرنس وتشطح
فريسة في أرض الشهوة الجزء الثاني
محتوى القصة
التنقل بين الأجزاء