محمد خرج من بيروه طالع ليه دم ووذنيه فيهم فقط صوت بكاها..توجه لبيرو باه كيزرب ولي داز من هداه مكيسلمش عليه على غير عادتو هو لي مولف اسلم على كلشي وابتاسم لكلشي..شاف فسكريتيرة وقال وهو مكمل المشي ناحية المكتب:الكلاوي كاين؟؟
السكريتيرى ناضت قافزة :وي وي كااين
حل لباب عليه كان كيدقق فشي ورااق ودلير نظارات تالشوف بينو الزين لي عطاه الله فالشرف نطق الشيء لي خلا فؤاد اهز راسو:باغي ننزل المغرب
فؤاد:نعاام؟؟
محمد:(كيحاول اضبط راسو)باغي ننزل لمغرب واليووم
فؤاد:جلس بعدا ونهضرو كي النااس وفهمني كيفاش باغي تنزل للمغرب
جلس محمد كيحاول اتهدن ووالو وقال:بغيت ننزل المغرب ضروري
ناض فؤاد من بيلاصتو وجلس فكرسي فاص ليه وقال:ولخدمة؟؟
محمد:ياك عاد صباح خدام علي خود ليك عطلة اوا هاني بيت ناخدها
فؤاد:اوا راه تاصباح قلتي ليا لمغرب منازل ليه تالشهر ربعا
محمد:(بنفاذ صبر)واش دابا غتخليني نمشي ولا لا؟؟
فؤاد:ههه زعما الى حبستك مغتمشيش ههه
محمد:غنمشي هي قلت نعلمك باش تقاد أمور الخدمة
فؤاد:ههه واها سير الخدمة هنا على حسابي ولاكن بشرط غتمشي للرباط ماشي مرااكش
محمد صعر:شنوو؟؟واش الواليد باغي تحرق ليا دمي والله يهديك(شافو حابس ضحكة عرفو مطلعها عليه)😡😡😡
ناض بغا يخرج حسن مبقول شي هضرة وشدو باه من ذراعو كيضحك وقال:ههههه سير اسيدي لمرااكش وشوف ليك خبيبة القلب ههههه اححح ويسق باها الخباار غينحرني انا ماشي نتا
محمد:علاش قلتي الرباط؟؟واش كاينا شي حاجة
فؤاد:لا لا هي تنضحك معاك ههه امتا غتمشي؟؟
محمد:داابااا
فؤاد ضحك بجهد:لا لا والله حتا واقعا شي حاجة ههه واش مالها مريضة؟؟
محمد تنهد بتعب وقال:انا لي مريض فراسي وصاافي..فنمشي نجمع حوايجي باش نمشي
فؤاد:واخا اسيدي سير ههه الله يسر سلم ليا على صاحبي
بناسم ليه بزز وخرج مرتاح نسبياا من هضرتو مع باه..لان ديما فاش كيكون عندو مشكل كيجي عندو وكيعاونو القا ليه الحل ببساطة حيت ففترة علاجو كان هو أقرب شخص ليه حيت تاحد ماكان هاارف اش واقع ليه فؤاد فضل اخبي الامر على العائلة باش ميتشغلوش..رغم انه كان قاسح معاه ولكن عزو كثر حيت بغا ارضو رااجل..داز لبيروه خدا تيليفونو وسوارتو وخرج فاتجاه دارهم..فطريقو صونا ليه تيلي كانت سوزان جاوبها وقال:الو
سوزان:علاش مجاوبتيش على مكالماتي؟؟
محمد:اينا مكالمات؟؟
سوزان:عيطت ليك ربعة تالمرات اما كنلقا الخط مشغول ولا مكتجاوبش..علاش أ محمد؟؟
محمد:كنت كنهضر فيه والاخرين مشتهومش
سوزان:كيعجبك تحرق لي دمي
محمد:سوزان سايق دابا من بعد ونهضرو غادي مسافر
سوزان:مسافر؟؟فين؟؟
محمد؛للمغرب
سوزان:علا؟
محمد:عندي شي شغل نقضيه ونرجع
سوزان:ياك كنا متافقين نمشيو بجوج فابريل؟؟
محمد:معليش..فشهر 4 نزلو تاني واخا
سوزان:دااكوغ احبيبي ياله سير تاتوصل..جوتيم
محمد:بسلامة
خيد السماعة من وذنو وركز فالطريق تاوصل ونزل حلو ليه الخدم سول على مو قالو ليه راها فالجردة مشا عندها وعلمها بسفرو واخا مفهماتش مي ظار الحجة بالخدمة فالربااط..طلع لبيتو جبد فاليز وبدا كيجمع فحوايجو لي غيحتاج..وهو فغمار الجميع لقا الشال لي هز ليها فاش كان غيجي اول مرة قبل الحادث..شموو وتنهد ومشا هز تيلي عيط ليها وماهي الا ثواني شدات الخط وقالت بصوت متعب :الو
ناضو كاملين فرحانين ومشاو معاها تالعباات مزيام وهوما مقشبين وكيضحكو ويتعاودو النكاات ومكاين هي ضرب فكتفي نتعلق فيك..نقزات توبة على ضهر باها وقالت:بااك صحيح الساجدي ههههه
الساجدي:نهنهه نشوف واش باك صحيح نتي
توبة:لا لا غتطحني ههه
اكليل:بابا فيا جوع ياله نمشيو
وردة:انا بعدا عيييت
زهرة:ديونا نااكلو
محمد:اييه ياله
مشاو تاني بضحك ونزلو خداو الاوطو وداهم لمطعم راقي وزوين تعشاو فيه ونشطوو ودوزو وقت زوين..رجعو للدار مع تسعود مسخسين الا توبة لانها مدازش وقت باش فاقت..دخلو وتوجه كل واحد لبيتو..قبل ماتمشي توبة باست باها وقالت:شكرااا بزااف
محمد:انا لي عندي الحق نقوليها المشكودرة ايواا هههه
وردة؛ههههه
توبة:بوندودو المشكودرة وكينكو ههه
مشات وخلاتهم دخلات لبيتها وديركت قبل ماتبدل حوايجها أ كتيفات الويفي وبدات كيدخلو ليها لميسااج مشافت والو مشات ديركت للقصص لي منبعاهم كتشوف واش شي وحدا حطات شي حاجا..مبتاسمة وفرحانة تدخل تقرا ليها ااجزاء..دازت عليهم كااملين وقرات لي محطوط ومشات كدور تاني فالكروبات وتقرا البوسطات والتعاليق وتجمع مع البنات فالتعاليق وفرحانة ناسيا العالم الخارجي..وصلات الحضاش تاليل عاد ناضت بدلات عليها ولبسات سروال بيجامة فالشيبي وفيه لعبات فالابيض ولفوق ديالها مقطن فالشيبي ايضا..لبسات تقيشرات فليض مقطنين وجمعات شعرها ومشات تخشات ففراشها وهزات تيلي ديالها كتبقشش وفيما كان شي بوسط قيه شي قصة دخلات ليها قراتها تادوز الوقت تاضربات الجوج تليل وهي باقي كتقرا سمعات الحس فالرياض مع السقيل لي فيه سمعاتو..ناضت من بلاصتها وشعلات ضوو حكات عينيها وخرجات من بيتها حتا لتاقطات أذنها صوتو وهو كيقول للساجدي:الله يسلمك سمح لي فيقتكم
الساجدي:نهار كبير هذا اولدي مرحبا بييك
محمد:كلشي نااعس
الساجدي:كلشي ههه دخل حتا نتا رتااح ليك شوي
طلات توبة بفرحة وباان ليها محمد مع باها..عاطسها بالظهر..فرحاات كثر وعضات على شفايفها وهي كتشوف فجسد عاامر وطويل مناسب لسنوو..بغات تنزل وخافت باها اغوت عليها حيت سهرات تاني..هي شافتهم طالعين وهي ترجع لبيتها بزربة شادا على قلبها بالفرحة وعينيها كيبريو
أما محمد ملي قطع معاها هز فاليز ديالو وقلع للمطار تسنا طيارتو تاقرب وقتها وطلع وغرضو اوصل دغياا حيت توحشها باختصاار..
حسب الساعات والدقائق باش اوصل عندها وملي حطات طيارتت نزل دوز الاجراءات دغيا وشد طاكسي وديركت لريااض لقا فاستقبالو الساحدي سلم غليه وكيتسنا اسولو علل توبة ولكن حشم قال اصبر تالغداا..
دخل للبيت لي موالف اجلس فيه ملي يجي عندهم وحط شانطتو تنهد..مشا بدل عليه وتلاح على السرير شعل تيليفونو والاجمل انها حالا..فرح واخا مكيحملهاش تسهر وكتب ليها:توبة
جاوباتو كانها كانت عاسا عليه وتتسناه اصيفت وقالت:جيتي؟؟
محمد:اه ههه كاين معاك فالرياض
توبة:شتك ههه
محمد:تسحابني نااعسة
توبة:لا منعستش
طلع ليا vu وناض خرح من بيتو فالظلام وتوجه لبيتها
غادي فالكولوار كي جن ومكيتسلتش..غادي باريحية وعينو كتحاول تسبق اافرحة لشوفتها..باغي يحضنها باغيها تخشي وجهها فصدرو وتحك مناخرها على تيشورتو..بتاسم لبلادة تفكيرو فيها وسارع خطواتو لبيتها..وقف قدامو بغا يدق لباب وهو يحبس ودخل بلا مبدق..كان ضو طافي وهي والفايوز لي كاين وهي خاشيا وجهها فتيلي سمعات لحس وهي تبعد تيلي ومقدرات تشوف والو من غير خيالو بتاسمات وشعلات ضو وقال باقي مشافتش فيه:الجنية
تشعل الضو فالبيت كاامل وبان ليها وبانت ليه وهنا القلوب بدات كتساارع دقاتها..بتاسمات بشوفتو وهو اكثر..كان كيتفحص وجهها لي عمرو اذبل بالنسبة ليه..وهي كذلك كتشوف فيه باعجااب ..بتاسم وقال:توبة
ناضت من بلاصتها بعدما حطات تيلي بزربة تمشات ببطء لغندو وعينيها فيه هو كولو وكيفاش جاه الاسود فلباسو البيتي..وقفات عندو قريبة ليه وتاهو لايقل عنها فرحا..اخاسيسو كتجرو ليها..محس تاشدها من ذراعها بشوي وجرها لعندو ماحي المسافة الضئيلة لي بينهم..وتاهي بتاسمات وعينيها كيخرجو منهم القلوباا محسات هي براسها على صدرو ويدها دوراتها على كرشو..وبهادا قدرات انها تحقق ليه امنية تمناها فداخلو انها تعنقو وتخشا فيه..مترددش لخظة لانه ادور يديه عليها وعصرها حتا قالت:ااه
بصوت خاافت قالتها خلاتو ازيد ازيرها عندو واحط ذقنو على شعرها..محتاضن وكينعش نيوفو بريحتها لي كتخمقو..
بقا معنقهاا شحال وتاهي لقات رااحة فحضنو لي ربع شهور مشافتها ..مكرهاتش ابقا هاكاك حتا اديها النعااس وتنعس ..واقفين ملتاحميين وقراب لبعضهم بزااف لدىجة الى شافهم شي حد ممكن اظن انهم كوبل..مسخاش اطلقها ومبغاش افيق من حلمو ولا من لحظتوو معاها مافيقو هي صوت شهقة منها..حل على اثرها عينيه وبعدها عليه كيلقا وجهها عاامر دمووع وتتشهق ومساخيااش تبعد عليه والدليل انه بعدها عليه وصدقات شادا فتيشورت ديالو مزيرا عليه حنات راسها مبغاتوش اشوفها تتبكي..أما هو تشوش عليها وبدا كيمسح فدموعها بحب..جرها بشوي وطبع قبلة سخونة على جبينها وقال:شووو صاافي صاافي حبسي البكاا
توبة:اهئ اهئ اهئ عيييت امحمد عييت(نفاجرات بالبكا وعضات على صبعها باش مبسمعوهااش دارهم وتخشات فيه)😭😭😭😭
محمد:ششش صافي صافي موقع والو ثافي شووو
جرها معاه معنقها مغطي وجهها بيديه وكيمسح على حنكها..جلسها فوق الفوتوي كتبكي فحضنو..فقط باغا تبكي بلا حواجز..عارفاه هو الوحيد لي تيقدر افهمها واتفهم وضعها وانها كتمر من ظروف صعيبة..حضنها بجهد كيتسناها تسكت تانقصات شوي بشوي..وسكتات بمرا بقاو هي بقايا دموعها..طل عليها وقال :صافي البكايا ههه وليتي بحال الواليدة هضرة جوج تبكي
توبة:(بصوت مغنغن)والله تانبربقك تايرضك الحيط جيتي ولا جاوبووك؟؟
محمد:(ضحك)هههه لا صافي فاتك الحال(هز ليها وجهها بيدو )مغتبقتيش تبكي..جاي على قبلك باش تبدلي رااسك حيت فغيمون راك غاديا فالهلاك
توبة:(بحزن)تانتا تتgول نفس الهضرة؟؟
محمد:وبيناتنا واش كذبت؟؟
توبة:خيابيت يااك؟؟
محمد:لا ههه بالعكس (كيشوف فعينيها ويديه باقي على كتفها معنقها)العوينات باقي هوما هوماا كيبريو..(مد صباعو لشفارها مسحهم ليها تاغمضات عينيها وبتااسمات اما هو حمقااتو)ههه ززيينة
توبة:بصح؟؟
محمد:بزااف كااع ههه متبقايش تقولي على راسك خايبااا ولا مبقيتش زوينة..هادو اشارات كتصيفتتيهم للعقل الباطني ديالك وكيبقا أثر عليك
توبة:😔😔😔😔
محمد:صافي دابا مبقاش وقت البكاا..اوا عاودي ليا شنو دراي فهاد ربع شهور وأهم حاجة علاش كتبقاي تسهري؟؟واشنو لي مسهرك؟؟
توبة:واش فكوميسارياا حنا ولا شنوو راه gلت ليك واش جبتي ولا جابووك؟؟
محمد:لاحوني هههه دابا هضري اش كيسهرك؟؟
توبة:(بحماس)بيتي تعرف بصح؟؟واخا نهه
ناضت من حداه ومشات لبلاصتها هزات تيلي ديالها وتمات جايا حداه وقالت:هانا انا غنوريك ولكن مضحكش علي
محمد:علاش غنضحك ههه بالعكس باغي نعرف اش كيسهرك؟؟
جلساات حداه مخشية فيه ممخلينيش بلاصة بينهم وبدات كتوريه:كنسهر كنقرا القصص بالدارجة؟؟
محمد:علاش كاينين؟؟وفين كتقرايهم؟؟
توبة:فكروبات تالبنات ههه زوينين أ محمد والله قصص فنيين غزاالين كاينين نااس كيكتبو وااعر وبالدارجة وكيتقنوه والله
محمد:واخا فهمتك..يعني كتقراي قصص بحال فاش كنقرا انا باختلاف واحد انك تتي كتسهري وانا لااا..علاش تتسهري؟؟
توبة:حيت تنمل(هزات كتافها)متنلقا مندير
محمد؛شغلي راسك بشي أكتيفيتي باش تعياي فالنهار وتنعسي باليل والقصص لقاي ليهم وقت
توبة:ففف مفهمتينيش ا محمد
محمد:(باهتمام )فهميني
توبة:مافياش لي يهضر هلى هادشي مغتفهمشنيش
محمد:(هز حاجبو فيها ومد يدو رد شعرها ورا وذنها حيت كيحجب عليه رؤيتها)لا هي عاودي راه جيت على ودك من ءمريكا باش تعاودي بيا ونكون معااك
توبة:بصح جيتي هلى قبلي هه؟؟
محمد:(هايم فهينيها)والله هه
توبة:(بابتسامة خجل)شكراا حيت جيتي
محمد:دموعك جابوني بلا هوايا أتوبة
طلعات معاها الصهدة وحسات بحناكها حماارو من هضرتو..عطاتو بتساامة خفيفة مخبية خجلها الشيء لي خلاه يمد يدو ليديها وبضبط لصبيعاتها محتاويهم بين يديه وكيلعب بيهم وقال:مبقاش السهير دابا ومبقاش البكاا غترجعي كيف منتي وحسن واخا
توبة:واخا☺☺..(بغات تبدل الموضوغ لان يديها عراقو وسط يديه وكتحس بالرعشة طالعا معاها)تعشيتي؟؟
سخناتو تحت نظراتو ليها لي كيوثروها كضور تهضر معاه وتلقاه حاضيها..جاب كرسي وجلس عاس عليها تتحرك بالبيجامة لي بيناتها صغيورة فعويناتو كثر ماهي صغيرة واكيد لاحظ انها ضعافت من مؤخرتها لي مبقاتش خارجة..ضارت عندو وجابت جوج طباسل حطات ليه حقو وحقها وجلسات فاص معاه وبدات كتاكل بنهم وعاجبهغ الماكلا اما هو بقا هي مبتاسم وتيشوف فيها كيف كتاكل بيد ويد حاطاها تحت فمها باش ميطيحش ليها والو..شافت غيه وقالت:مبيتيش تاكل؟؟
ضحك على نيتو عرفها غضباات..مشا حط تيلي بعيد عليها وتوجه لعندها لقاها مغمضة عينيها بزز..جلس ومد يدو لشعرها تاحلات عينيها فيه وقال بحنان:شوو غمضي عينيك وترخااي
مد يد خرا طفا بيها ضو خلا هي الفايوز..بتاسمات دغيا وقالت:توحشت هاد الحركة ههه
محمد:بصح ههه
توبة:اه☺☺
بقات كتشوفيه شحال وحشمات وهي تغمض عينيها مغطية مزياان وبقا كيحك ليها شعرها ويشوف فداك لوجيه البرئ والفنكوش لي ضارب فيه ضو تاع الفايووز..رض لبال لتحت عينيها لي ولا منفوخ لدرجة كضحك وكيتكمشو عينيها..ولشفايفها لي باقي عليهم لون الباربا لحناكها لي مبقاوش مطبزيين حتا يديها مبقاوش كيف كاانو..تحسؤ عليها وواعد نفسو اعاونها تارجع كيف كانت..السبب؟ معارفش فقط باغيها ترجع كيف كانت لانه بفرحتها كتكون فرحتو
شافها ترخاات كثر وولات كتخرج نفس منتاظم عرفها نعساات..ناض من حداها بعدما باس يديها ومشا خرج لبيتو فرحاان واخير تم اللقاء بينهم
دخل لبيتو وديركت للفراش مخداش وقت بزااف باش انعس بعدما ريكل التيلي على توقيت المغرب ودار الغيفي فانتظار صباحات مليئة بالمفاجأت
الصباح اشراقة جديدة لنهار جديد..يوم ساقضيه حتما معك ومتأكدة ان ابتسامتي فيه لن تلغى
شاركتك هواء مدينتك فاتسعت رئتاي واصبح الهواء يدخل لي سريعا..كيف احكي عن ما يخالجني وكيف اشرح لك هذا الشعور المريح داخلي..سأدع الايام تحكي لك حكاية مشاعري بداخلك
وهاهي الشمس تشرق فمدينة مراكش باردة..مخبية وسط الغيوم لي تكونو نتيجة الشتا لي باقي كتنقط..شمس مغيمة مكتبانش فقط اشعتها لي تسللات من وسط الغيوم..
فاق محمد على صوت الغيفي..جر تيلي وطفااه بكسل وعينيه كيتلصقو بالنعااس كيف لا وهو مناعيش مزياان..ناض بزز عليه لانه ممولفش انعس تاب اشمن وقيتا كانت تسعود تصبااح..ناض من بلصتو ودخل دوش وخرج لبس عليه حوايجو ولاح عليه كويرة فيدو وخؤج من بيتو..تلاقا وردة شافتو وهي تبتاسم وقالت:اهلا اهلا بولدي التيتيز ههه(مشات جيهتو)
محمد:(بابتسامة)الزين تمراكش ههه
عنقهاوباس جبهتها وقالت:صافا خالتي؟؟
وردة:الحمد لله ونتا بخير؟؟كيوصلتي مزياان
محمد:فوق السلك كي تتقولو نتوما المراكشين ههه
وردة:هادشي لي بينا ههه
خرج الساجدي من بيتو لقاهم واقفين وقال:الخيانة هادي ههه
محمد:وا الصراحة ديال الخيانة ههه لي يشوف هاد الزين كولو وميطيرش بيه ههه راه عما
نزل الساجدي ومرتو معانقين وفالدروج وقفها وكالاها من الحيط تابااسها مزيان وشبع فيها بوسام عاد نزلو..اما محمد توجه ديركت لبيتها وكانت حجة تيليفونو حجة..باش امشي افيقها
دق فباب بيتها بعض الدقات مجاوباتش وهو يدخل لعندعا..لقاها نااعسة ومعري عليها الغطا ومكمشة من البرد..بتاسم لمنظرها ومشا حداها جلس فطرف الناموسية بغا افيقها ولكن قرر انه ابقا شوي استمتع بشوفتها وهي ناعسة وهادية مكتحركش الساكن..كتكون حلوة بالنسبة ليه ملي تتسكت..تيلقا راحتو كثر فانه استكشف نغمات ماامحها..بيضة وتحت عينيها منفوخ عاطيها اثارة خااصة..عينيها مغمضين وباينا الراحة على وجهها..كتعوج المخدة فالنعسة وتنعس..شعرها خفيف ولونو قهوي بارد شوي وزغبتها خفيفة..مد يدو خدا خصلة وبقا كيلعب بيها بين صباعو ويسرق فيها نظراات..معرفش شحال تالوقت مر عليه وهو كيشوف فيها..بتاسم وبدا كيفيقها :توبة..توبة فيقي
كملو هضرتهم على منوال اخر تاوصلو لاوريكاا..وبدات توبة كتطل من شرجم ويضرب فيها الريح..الطريق كلها فازكاا والريح محرك..ضحكات وقالت:جو زويين هي ديال المشي
محمد:تسناي نبلاصي الطوموبيل ونزلو نتمشااو
توبة:ههه صافي واخا
مرت دقائق وهو كيسوق ويشوف فيها فرحاان يضحكتها..وعاجبو الحال مستمتع..وصلو فين بغاا وبلاصا الاوطو حيد السمطة وضار جيهتها حل ليها لباب ونزلات..هز المظل وقال:كتصب الشتا شوي
توبة:بلاش منو خلينا نفزgو ههه
محمد:هههه لا صلا نتي دغيا كتمرضي ههه
جبد لمظل وحلو وجرهاا لعندو وقال:هاكا حسن
قربات ليه باش ابقا المظل جامعهم..بقاو كيتمشاو فواحد الطريق وحداهم القهاوي واخا مافيهمش الناس هي حالين عالله اجي شي حد..لان اوريكا فالصيف فاش كتحرك بزااف..
محمد:شوفي اتوبة..القراءة ماعمرها كانت خدمة لا هي لا للكتابة هي فقط موهبة ولا هواية والهواية كنديروها فوقت فراغنا فقط..انا كنقرا كتووب اه وبزااف كااع وديما ولاكن فالوقت لي كنسالي فيه الحوايج لي مهمين فحيااتي لا غير والى مبقاش ليا الوقت كنأجلهم لغد ليه
توبة:وانا اه معندي ميدار..نهاري كولو خااوي😔😔 وملشي خارج مكيجيو تال ثلاثة اش بيندير الى فقت..نتناgر مع جداا فتيحة ولا نتقابح مع الميما زهرة
محمد:لا ديري شي اكتبفيتي..خرجي مع صحاباتك مثلا..ولا قراي ش حاجة
محمد:ففف كنعتتذر مراا خراا والله ولي بغيتي نديو معاك نديرو باش نعوضك
سوزان:مممم نجي للمغرب تانا؟؟
محمد:مسالياا؟؟
سةزان:تقريبا..يوماين نسالي اموري ونجي
محمد:دااكوغ قطعي فطيارة مراكش
سوزان؛(فرحانة)واخا هههه تنبغييك بزاااف
محمد سكت شوي وقال:غنتسنااك
سوزن:واخا ههه ياله بسلامة
محمد:باي نهضرو من بعد
قطع معاها وتنهد بحزن معارف راسو فين غادي..مشاعرو كتقودو للهلاك..من جهة متبع راحة القلب ومن جيهة ضميرو كيأنبوو من جهة سوزان لي مباغيش اجرحها..خشا تيلي فجيبو ورجع لقاهم حطو ليها الطاحين والخبز والشلايض فيهم بصلة وماطيشة وفلفلة وهي لي طلباتهم هاكا بعدما ناض اهضر..كانت حاطا يظيها على طبلة وتدور عينيها فالطبيعة..ستاطع انه اقرا الراحة فوجهها..بتاسم تلقائيا ومشا لجيهتها..جاها صوتو على غفلة:ديك ساعا كوولي
توبة:(تلفتات ليه شافتو تاجلس)خهه لا تسنيتك هه(هزات خبيزات صغار باقي صغار قطعاتو وعطاتو طرف)كوول اه مغنتسناكش
محمد:هههه هادي هي لي مافيهاش الجوع ههه
توبة:كول براكا من الباجبااط ههه بصحة
محمد:(بدا كياكل)الباجباط كلمة جديدة هادي ؟؟
توبة:(خشات دغمة)عنة..ازلىوم لتلت
محمد:ههههه مضعي وسرطي عاد دوي ههه
سرطات وقالت:gلت ليك مالك قديم مع راسك ههه هادي معروفة فمراكش تتعني الهضرة بزااف ههه
توبة:تضحك اوجه القزديرة..عاجبك الحال سير الله يعطيك ماعطاا للقرود
محمد:اش عطاهم؟؟
توبة:لمسخ😂😂😂ها واحد لزيرو
محمد :هههه ياربي تستر..كملي ماكلتك
توبة:ففف
بدات كتاكل والحمد لله لي نسا ليها موضوع صمد اما هو فهم انها مبغاتش تهضر فالموضوع وحتارم رغبتها وبدل لموضوع كيهضرو على حاجة خرا تاقال:تمشي معايا عند واحد سيد صاحبي هنا؟؟
توبة:اش بينا نديرو عندو؟؟
محمد:بيت نزورو..شي عام هذا مشتو وبيت نمشي عندو
توبة:كاين عي هنا فاوريكا؟؟
محمد:وي
توبة:واخا نمشي ههه
كملو غداهم مستمتعين بالجو وتوبة تتحس انها تتعي نهارها بحال النااس..ناض خلص وسلمو على الناس تما ومشاو تاني..تا صبات الشتا حلات المظل وتخشاو فيه بجوج..هو شادو ودايرها وسط يديه وكيتمشااو وقالت:بعيد على هنا؟؟
محمد:نو قربناا
توبة:عايش بوحدوو؟؟
محمد:لا مزوج بواحد المراكشية هههه وعايش هنا
توبة:ممم
زادو شوي وهوما يوقفو حدا واحد الدار جات فالطريق كبيرة بحال شكل بتي فيلا مي ماشي هي..كلها مصبوغة بالزرق..قطعو الشانطي للباب وهو يدق وبدا كيتسمع صوت الكلب كينبح لداخل وقالت توبة:اهياا هادشي فيه الكلاب هههه ممعاناش
عزيز:احسن مادرتي..زيد دخل ههه(شاف فتوبة)ختك هادي؟؟
محمد شاف فبها ومد ليها يدو باش تجي عندو وقال:لا ماشي ختي هه
وقفات حداهم ويدها شادا فذراع محمد وقالت بصواب:سلام
عزيز:سالام ابنتي لباس عليك
توبة:الحمد لله
شاف فيها محمد بمعنى كنين جبتي هاد الصواب كولو ونطق عزيز:زيدو دخلو مرحبااا ههه نهار مضخم هذااا
عنق محمد من جنب وطلعو معاه للفوق دخلهم للصالون على يدهم ليمنية ديركت..حيدو صبابطهم ودخلو معاه وهو كيرحب ويعاود بيهم..جلسوو فالصالون لي كان تقليدي ومفرش على حقو وقال:كون هي علمتيني ههه
محمد؛مكنتش داير بحسابها وماي جيت قلت نجي نشوفك
عزيز:احسن مادرتي اولدي..اوا كيف غادي مع القراية والخدمة..كيف داير باك ومك وخواتاتك
محمد:الحمد لله كلشي بخير..نتا لي تزوجتي ونسيتينا ههه
عزيز:هههه من نهار دخلت للمغرب مبقيت سولت فشي حد ههه من غيرك لي بقيت معاك على تواصل
محمد:هههه ياك
اما توبة كافاهما والو هي جالساا وتاشوف تانطق محمد:توبة هذا صااحبي من يامات فاش كنت كنقرا ففرنساا كان شاف كويزيني فواحد الريسطو تماا وكنت كنمشي ديماا تما وكتعجبني ماكلتهم تاعرفتو هو لي كيطيب
توبة:هههه كتعرف طيب أ عمو؟؟
عزيز:(ضحك)ههه شويا وصاافي
توبة:سعداتك هههه متشرفيين
عزيز:هههه براك الله وفيك..ماقلتبش ليا شكون هادي؟؟
محمد:كتجيني من العائلة ههه ولكن اه تقدر تعرف باها؟؟
عزيز:قول نسمع؟؟
محمد:سامع بالساجدي..كان فجيلكم كيلعب البوكس
عزيز:مممم بلاتس نفكر..ماشي داك المراكشي؟؟
توبة:ههه هو هذااك
عزيز:الله اودي شكون ميعرفووش وهو كان فخر المغاربا ديك ساعا
محمد:هو هذاك ههه هادي بنتو الكبيرة(دور يدو على كتفها)
دخلات مراتو لي كانت باقي صغيرة حطات صينية تاتاي ودوازو ومشات بعدما رحبات بيهم ..كب ليهم وبداو كيشربوه ومحمد مجمع مع عزيز مخلاو فاش هضرو..الادب الرواياات الاعماال الغربة وتوبة خي جالساا تتقرق فعينيها..شاف محمظ فساعى وقال:عزيز..خليناك دابا خصنا نمشيو
عزيز:جلسو باقي اه الشتا تتصب
محمد:لا لا خلينا الاوطو هي هناا(وقف)شكراا على الاستضافة
عزيز:الله اودي..نتوما لي شكرا على الزيارة
وقفات توبة وخرج معاهم عزيز تال لباب وفعلا كانت شتا تتصب..حلو لمظل وودعوه ومشاو ساكتتين..توبة تنكراات من هضرتو وجاها راسها مثقلا عليه ملي ممعتابرهاش من الاصدقاء..محسات هي بيديه على كتفها وقال وهوكيشوف قدامو:مال زين مكشر؟
زادت خلفة وخلاتو واقف وهي صبات عليها الشتا شوي مجات فين تحرك من حداه تاكان جرها بجهد تارجعات حداه مخشيى فيه وفمو عند عينيها حيت كويل عليها شوي..شهقات من جرة باش جرها اما هو حدو قال:الشتاا غتمرضي المصيبة
توبة:(بصوت حزين)ونمرض gااع ياك انا ماشي من صحابك
محمد:هههه(دوز يدو على راسها وحطو على صدرو)نتي كثر من كلمة صديق..الصحاب أ توبة ماشي هوما لي كيتعاودو كلشي ولي يهضرو كل نهار واتلاقاو كل النهار..الصحاب هوما لي كتشاركهم همك وحزنك..ونتي كنشاركك كثر من هادشي كولو
هزات فيه عينيها ببرائة ويدو كاحس بيها عند حناكها:أش تتشارك معايا؟؟
سكت شحاال كيتأمل فعينيها الوااسعين لي رغم الارق باقي كيبريو عاد نطق؛كنشاركك حوايج أهم من الهم ..شي حوايج صعيب هليك تفهميهم دابا مي مع الوقت غتفهميهم..
حكايتنا الجزء 18
محتوى القصة
التنقل بين الأجزاء