سكتات متلاتش دواات وكملو طريقهم سااكتين ونقيطات الشتا كطيح على المظل والسيارات كيدوزو من حداهم..جاها الملل وقالت:فففف مالك سكتي؟؟
محمد:مكاين ميتقاال
توبة:ههههه ياربي تستر كتقلب كي الزمان(دوىات وجهو لعندها بانو ليها حجبانو معقودين)هههه مالك مغوبش كتصرف عى المغرب
محمد:مماليش..ياله تحركي
توبة جات قدامو حبسات عليه الطريق وخرجات من المظل وقالت:والله ممحركا الى مادويتي..مالك اش كااين؟؟
محمد:(زاد القدام باش اغطيها)راه دوييناا مكاين والو ياله
توبة:لا ههه كاينا شي حاجة
محمد:ياراه مكااين والو
ياله غيهضر وهو يعاود صونا تيليفونها..جبدو ولقا نفس النمرة مدو ليها مخنزر وجاوبات وقالت:واش المشكودرة مبيتيش تمشي تكمشي خليني نضور
بتاسم محمد ملي سمح المشكودرة عرفها مها وهو كيتسحابو صمد..اما هي كملات الهضرة معاها وقطعات وقالت:ياربي سلامة متتسالاش من دودو ههه
شد تيلي منها مبنااسم شافت فيه وقات:أ سبحاان الله ههه عاد كنتي مقلق عاgدهم ومنفخ ومبيتيش تهضر
محمد:هههه(حك عينيه بقرن صباعو كانو كيستهزأ من راسو)اودي صافي ياله
شد فيها وكملو طريقهم تاني تازصلو ستي فاطما طالعين فالجبل وكيضحكو بعدما زكات الشتاا..دوزو وقتهم كولو تما ضحك وملاغاا..وتصاور قلال لان محمد مبغاش حيت كيبغي اعيش اللحظة عاد اتصور..ضربات الستة تالعشية وصباات شتاا مجهدة دارو المظل وبقاو غاديين فاتجاه السيارة وكيهضروو والشتا مجهدة..تاوصلو ركبوو وديمارا ..حلات الشرجم وخرجات يدها من شرجها كتفزك بالماا ومستمتعة بيها وضحكتها واصلا فين..شاف فيها وبتاسم وقال:الله يعفوو هه
توبة:على لي تلفو اما حنا هي تنتبوقو خهه
خرجات راسها او بالاحرى وجهها وبدات قطرات المطر كطيح على وجهها تافزكااتز وهي كضحك وصوت ضحكتها مسموع عند محمد لي سايق بيد وعين فالطريق وعين عليها..ضحك وقال:الحمقة دخلي خهههه
توبة:خههه(دخلات وجهها عامر بالما)زوين ما تشتاا كيصفي الوجه هههه
كان جالس فاض ليها هز يدو مسح ايها فمها وقال بابتسامة:بصحتك..باقي بغيتي؟؟
توبة:فين غنزيد؟؟
محمد:اوا الله وعلم ههه
جاب ليهم السيرفور الحساب وناضو كيضحكو مع الخرجة من الريسطو خرجو عينيها وزيراا على يد محمد
مكانتش كضن انها غتعاود تشوفو..دازت ربع شهور على اخر لقاء بينهم..تشوكاات وعقلها ترون وهي كتشوف فيه مع صحابوو ضااحك نااشط هي شافها ةقف وجبس معرف ميدير..شوق كبير كيقودو ليها ولكن سرعان متبدلات ملامحو ملي شاف محمد معاها..تصدم وظن انها بدلاتو أما هي كتافات تشوف فيه بحزن وشدات فذراع محمد وزيرات عليها حتا شاف فيها وقال:مالكي؟؟
بتاسم محمد وهو متبعها اش كدير..قربها ليه كيخلي قلبو اضرب بجهد..ماشي اول مرة اوقع ليه هاكا ولكن هادي حالة خااصة..كلها على بعضها سكر وحاس براسو مسؤول عليها..
محمد:المهم عندي هو ترجعي كيف كنتي وصافي
توبة:ان شاء الله..ياله بوندودو
ضحكات ليه وقال بونوي
مشات تحت انظاارو تادخلات لبيتها عاد تنهد هو برتياح ودخل لبيتو نااشط وفاشط
توبة دخلات لبيتها والفرحة غتنقز من عينيها والقلوبا كيترسمو فالهوااء..حيدات البوط ولاحتو وتبعاتو التقااشر..هزات بينوارها الابيض وفوطة صغيرة ودخلات للحمام تاخد دوش سخون ..طلقات الما وبدات كتغسل..دارت شومبواان بنكهة الورد لشعرها ويدات كتغسل فيه تاطاحت فبالها اللحظات لي دوزو اليووم مجموعين بتاسمات ببراءة وضحكات على راسها..شللات شعرها ودوزات الصابون على لحمها لي كان سخون بالما..جرات فوطى دارتها لراسها ولبسات بينوار وخرجات لابسا كلاكيطة..توحهات لماريوها جبدات منو بيجامة ديال النعاس ديالها فالبوردو سخونة ودوبياس وديباردو..لبسات عليها كلشي وملي بغات تلبس لفوق سمعات دقات فلباب وقالت:شكون؟؟
محمد:انا
ستغرباات زمشات تحل عليه بالفوطة فوق راسها والديباردو واخا مستور ممبينش بزااف..حلات لباب وقالت:مالك ههه
اما مخمد لي دخل لبيتو بدل عليه ودوش وخرج بغا ينعس مشا كيقلب على تيليفونو لقاه فجيب تجاكيط ومعاه تاتليفونها..هزو شحال كدور فيه وقرر امشي اديه لبها..دق لباب وتسمع صوتها الشجي فوذنو وماهي الا لحظات حلات الباب وياريتها ماحلاتو.طلات عليه بعويناتها الواسعين وبشرتها البيضة ولي تزنكات بدوش..سالات معاه وريحة الجيل دوش كضري منها مافيقو هي صوتها تاني لي قال:امالك أهياا؟؟
مدو ليها شداتو وقالت:ههه اوك اصلا عياانة بيت هي نكمخ ههه
محمد:اوا هاكاك ههه ياله بونوي
توبة:(بلطافة)بوندودو
كنت على وشك الانهيار حينما اقتربت منك..رائحة الورد تنبع منك كأنما انت حديقة
توقف لبرهة عن الكتابة وبقا كيفكر مع راسو كيحاول افكر فشكلها ولافعينيها باش ازيد اتعمق فالكتاية..عياا دماغو وجاه النعاس..حط لبيسي طفاه وتلاح ففراشو ونعس بعدما سترجع كل ذكريااتو معاها فهاد النهار الرائع
أما هي كي مشا نشفات شعرها بسوشوار..لبسات لفوق تالبيجامة ومشات تخشات ففراشها هازا تيلي وكتخمم واش تحل ولا لا...وتذكرات كلامو ودارت بناقص حطاتو وتغطات وماهي الا لحظات حتا غفات ومشاات تحلم
####
أحلى الصباحات كان الصباح الذي فجره عيناك
فاق محمد بكري مع الثمنية..ناض قضا روتينو الصباحي وخرج من بيتو نزل لتحت كيقلب فتيليفون وكيشوف واش حلات ولقاها فعلا محلاتش..بتاسم ونزل عندهم لقاهم كيفطرو من غير لبنات لي مشاو للمدرسة..جلس فطر معاهم وفال:توبة باقا ناعساا؟؟
وردة:واايييه اولدي..مغتفيقش دروك باقي كاع مشبعات نعااس
محمد؛علاش..وااه كثر من سبعة تسوايع تنعاس
وردة:علاه امتا نعساات؟؟
محمد:مع شي لعشرة هاكاك..معاوداتش فاقت
الساجدي:بلاتي نشوف ههه
دهل تاهو للكونفيغساسيون بيناتهم فالواتس لقا اخر مرا حلات هي الخمسة تالعشية تالبارح وقال:ميمكنش هههه والله حتا نعساات
مشا من حداهم وخلاهم مدهوشين وكيشوفو فبعضهم زطلع للفوق متحمس افيقها واشوفها..بلا ميدق دخل ديركت عارفها واخا اريبو عليها مغنفيقش..تقدم عندها بخطوات ثابثة كيشوف فوجهها لي باينا عليه الراحة..قرب منها وجلس علل طرف الناموسية..عجباتو وهي ناعسة وبقا كيشوف فيها لدقائق عاد بدا كيفيق فيها بشوي ويدو فشعرها:توبة..توبة فيقي
توبة:😴😴😴
محمد:وافيقي هههه
تقلبات لجهة لخراا باغا مزال تنعس..ساعا جرها بشوي تادورها جيهتو وبدا كيفيق فيها تافاقت وشافن فيه وقالت:شحال فالسااعة؟؟
محمد:(بلا ميشعر)عينينك زوينين الى ياله فقتي
توبة:ههه راه زينين ديما هي نتا حول شوية ههه
محمد:هخهه الله يزيد فنواضعك خههه موضي خلاص
توبة:(كتفوه)ففف شحال فالساعة؟؟
محمد:هادي ثمنية ونص
خرجات فيه عينيها وقالت:واش حماق ليك البقر ولا شنوو...لاش مفيقني دروك لاش(هزات مخدة ضرباتو بيها)لاااش وااكوالاك فايقا مع الدجاج بحالا بينصيفط دراري لمدرسة
الساجدي:مغنجوجهااش انا كااه ههه متنفكرش شي نهار نزوجهم والله
وردة:كتهضر بصح؟؟
الساجدي:(بجدية)باش اكون بات ثلاثة تلبنات وحدا تنسيك فلخرا اه صعيب..مغتسخاش بيهم
محمد:ولكن ضروري ههه اه سنة الحيااة
الساجدي:تاتجي وقتها أما دابا بنتي باقي صغيرة منسخاش بيها ههه
ضحكو كاملين وهي تجي توبة لابسا عليها تجاكيط فوق سرفيت فالاسود وسبردسلة وقالت:ياله نوض
ناض وقف مبتاسم وغمزهم وخرجو بجوج..حل ليها باب لاوطو ركبات فرحانة ورجع هو طلع حداها مبتاسم ديمارا وهي تقول:فين بينا نمشيو ؟؟
محمد:تانوصلو ونشوفز هه
توبة:لاءح gوليا هههه فين عفاااك
محمد:اوا صبري ههه
سكتات وعوجات عينيها وقالت:لهلا تgول
سكت تاهو وكمل الطريق تاوقف قدام واحد السونطر وقال:نزلي؟؟
توبة:لاش جينا هنا؟؟
محمد:نزلي خلاص
نزلات وشتفت فيه وفالسونطر تاع اللغات وقالت:واادوي خلااص
محمد:غنقيدك فشي لغة
توبة غزبشات:مبيتش..مافيا لي يقراا
محمد:(باهتمام)وعلاش؟؟
توبة:هاكاك..مافيااش وصافي😠😠
محمد تكا على الاوطو مربع يديه وتايشوف فيها:عطيني شي سبب اقنعني
توبة:بيت نرتااح
محمد:مقداتش ربع شهور ترااحة لا شغل لا مشغالة ولفتي السهير ..انا عارف بلي هي دابا فاش كاين انا هنا غديري هاكا..مي هي نمشي غترجعي للسهير اللهم تشغلي رااسك
توبة:مبييييتش😡😡
محمد:واش غنبقا دابا معاك هناا نتناقشو..لغة راه تزيدك شحال من حاجة..وغتخليك تعرفي ثقافة جديدة على بلاد جديدة ويمكن شي نهار تزوريها..
توبة:فففف شتي هاد الهضرة مداخلا ليا من تا قنت مبيتش هي مبيتش ديني لدارنا حسن
محمد جرها بشوي لقداامو واقف باريحية وكيشوف فيها هي لي عاقظاهم وتتخنزر فيه تقال:هههه فكي بعدة هاد تخنزيرة نهضرو بالصوااب والاداب واخا
توبة:راه واخا معرت اش تgول والله لقرييت
محمد :ههه والبااقيش تحلفي
قربها ليه كثر وقال:عطيني سبب واحد ونفتانع
توبة:هاكاك وصاافي..فنظرك اشمن لغاة بينقراا هاا
محمد:ديري الالمانية مزياانة..والى مشيتي فيها مزياانة راه مزياان حيت من اللغات الصعااب
شد يديها كيضحك وباسهم بجوج وقال:زيدي زيدي ونتي مباغاش تنساي وناري كون كنت مجوج بيك وضربتك راه غتدهليني للحبس
توبة:غندخلك لجهنم الكحلة ان شاء الله اعيشا البواساا
محمد:ههه هادشي بست هي يديك
ضحكات عليه بخجل وتمشات حداه دخلو للسونطر وقفو على واحد البنت ونطق محمد:صباح الخير
..:صباح النور..ياش نقدر نعاونكم؟؟
محمد:عافاك بغينا نسولو على الالمانية؟؟
..:نعام اسيدي كايناا..شكون بغا اتسجل؟؟
توبة:أنا
شافت فيها وبتاسمات وبقات كدوي لبهم على سونطر وتعطيهم اش فيه والطرثقة تتدريس وتوبو واقفت بزز عليها ملات دغيااا لاحظ محمد شرودها وقرر انه ادرك..سجلها وعطاهم نمرتها باش اعلموها امتا تبداا..خلص وخرج معاها وقالت:فففف من درووك وعييت يخ
محمد:ولفتي العجز..اه اه
توبة:بصحتي فففف
صونا تيلي ديالو كان باه جاوبو وقال:الواليد
فؤاد:محمد صافا ولدي
محمد:بخير ونتا؟؟الواليظة واشرف والبنات مزيانين؟؟
فؤاد:وي مزيانين..عيطت ليك على قبل واحد اللعبة
محمد:كنسمعك
فؤاد:شوف عارفك فعطلة ومكنتش باغي نبرزطك ولكن وقفت عليك هههه
محمد:هههه واهي هضر؟؟
فؤاد:عمك سفياان غيسافر مع مراتو لبريطانيا ومكاينش لي يقابل شركة تماا
الساجدي:ياك غتسجل فاللغة اوا تمشي ليها أما السفر لا وبوحدها
محمد:دابا انا لي غنقول ليك واش منيتك ههه راه غادي معاها انا
الساجدي:لا لا مينكنش انا معمري صيفتها بوحدها من عير لرحلة الصحراا..الباقي كتمشي معانا
محمد:الساجدي راه بنتك وصلات 18 لعام يعني اه كبرات..من حقك تخاف عليها وتحميها ولكن دابا اه كلين انا..واش عارفني غنديها للهلاك حسبها بحالا معااك
الساجدي:الصمت
محمد بغا يزيد اقنعو ماي شافو سكت:من لخر بنتك كترتاح معايا..نسولك؟؟علاش فنظرك
الساجدي:منعرف
محمد:كنا كي المش مع الفار كضل تعايرني وتدعي فيا ولاكن دابا لا..عرفتي علاش؟؟حيت كتحس براسها ضايعا جرب شي نهار سولها واش باقي كتهضري مع لبنات صحابااتك هااا..انا سولتها وقالت ليا ديما كنصيفت ليهم ومتيجاوبوني على شحاال حست ممساليينش حيت تيقراو وانا لا
الساجدي:الصمت
محمد:مافيها بااس تفوج وبنتك اه واخا مهورة ولكن ماعمرها تدير شي حاجة لي تطيح بيها سمعتك لارض
الساجدي عتادل فجلستو:ماشي هاكاك..انا تايق فيها وعارفها اش كتسواا ولكن كنخااف عليها..كثر من خوتها..مها كتموت وكتوصي الواليدة عليها نخاف توقع ليها شي حاجة وهي كطير بزااف مكتسوقش
الساجدي:سير حتا تولدهم ودابل تعرف علاش تندوي هههه شوف هي بااك كيداير لخواتاك
محمد:عارف عارف ههه ياله انا خليتك كمل شغلك
الساجدي:الله يعاون
مشا محمد بغا يخرج ياله حا لباب وهو يعيط ليه الساجدي وقال:محمد
تلفت ليه وهو يقول:الله يرضي عليك اولدي
محمد:(بابتسامة)أمين
خرج مرتااح حيت قدر افنعوو وشد الطريق للرياض اشوف لالة توبة فين وصلات..هاد الاخيرة لي مناضتش غرقات تاني فتيلي وكتقرا لبارت لي فاتوها ولانها متبعة كثر من عشىة تالقصص كتقرا لكلشي..بقات ساهيا مدارت والو من داكشي لي قال ليها وغارقا كتقرا قصة باقة حب لاتذبل للمبدعة سهيلة حيجوب..وكتغرم بتاج دين الصقر فرحانة بشخصبتو(قراوها البنت اه خطيرة بزاااف هاد القصة) تاسمعات دقان وقالت من غير متنوض من بلاصتهت:دخل
حل عليها لباب لقاها متكية على ظهرها وهازا تيلي وباقيا بحوايجها..عقد حجبانو وقال:توبة
شافت فيه وناضت وقالت:جيتي؟؟
شافتو كيشوف فيها ببرود وهي تنطق:مالك تتشوف فيا؟؟ مخلانيش يااك..اه كنت عارفاا مغيخلينيش بابا وانا عارفاه..(بحزن)صاف هي سير نتا تاترجع
محمد باقي على نفس الملامح وقال:مدرتي والو من داكشي لي قلت ليك(شاف تياي)بقيتي مقابلاه ومدرتي والو يااك
توبة:(كتفادا نظرتو الحادة)اشناهو؟؟ هذا؟؟(وراتة تيلي)ياله طلعت وهزيتوو..كنت مع ميماا لتحت عاد طلعت
محمد:علاش كتكدبي؟؟الميما مكايناس اليوم داتها خالتي للطبيب..
توبة شافت تاعيات وهي تقول:ايييه كنت هازاه..وزايدون كون جمعت حوايحي كنت هي غنتعذب وصافي مغيخلينيش
محمد:دابا علاش كديري اسباب من عقلك باش تبرري شي حوايج لي معندهمش مبرر..قلت ليك سيري جمعي حوايجك ومدرتيبهاش(رفع شوي صوتو)علااش؟؟
ضحكات فخجل وعينيها كيبريو وتشوف فيه كي كيهضر كان باين انه صادق وكيعبر من نيتو..عجبها للمرات عديدة على التوالي..كتشوف فيه ملامح الرجولة لي مبقاتش..الىجل العربي الشرقي لي كي يغير ويخاف ويحمي عرضوو..قرب منها وقال وهو عينيه فعينيها وقال:وحتا سيقانك بيضيين وغلاض ههه واخا معنديش مع الغلض
ضككو كملو ماكلتهم عاد ناضت لبسات عليها ونزلات لفايز خرجو معاهم تال برا باست دارهم ومشات فرحانة ركبات حداه وديمارا والوجهة العاصمة الادارية الربااط
اارباطيات رحبو بميمو وتوبة
شدو الطريق للرباط ضاحكين وطالقين موسيقى ومجمعين وهو مانع عليها تهز تيلي من غير الى غتصور..دازو لواحد سطاسسون تقدا ليها السقاطة حيت كيعجبها تاكلها اما هو مخدا والو
بعد ساعات كانت شي السبعة تالعشيو طاح الظلام وهوما عاد.دخلو للعاصمة الرباطية..شافت فيه توبة وقالت:زوينة ربااط
محمد:معمرك جيتي ليها؟؟
توبة:لا جيت مامرا ماجوج ههه هي تتعجبني
محمد:اه زويينة
توبة:غنزلو فاوطيل؟؟
محمد:لا كاينا لفيلا ديالنا هنا..ديال الوراثة
توبة:ممم مزيان
بعد دقائق وقف حدا الفيلل الكلاوي حلو ليه الكارد لباب ودخلو بالاوطو..نتابهات ليهم توبة وقالت:اش تيديرو هاد الحتارف هنا هههه واو كثاار
محمد:دايرهن الواليد ههه ياله نزلي
حل لباب وضار جيهتها لقاها معكسى مع السمطة حلها ليها ونزلها معاه..وقفات كتشوف فالفيلا لي كانت هائلة وقالت:وااو😍😍زويينة بزاااف
محمد:وي هه(تفوه)
توبة:فيك النعااس
محمد:شوي وصافي
توبة:دخل دابا ونعس
محمد:لا غنمشي مجيب سوزان من المطار قربات توصل
توبة:😒😒
سكتات وقربو لباب باقي مدقوش تحل ليهم حلاتو وحدا من الخدامات لابسا لبسة الخدامات فلاسود وكبيرة فالعمر وقالت:مرحباا بيكم
بتاسم ليها محمد وسلم عليها فوجهها؛لالة سعاد لباس عليك
سعاد:بخير اولبدي ونتا اش خبارك؟؟
محمد:الحمد الله..هادي توبة بنت عمي محمد
سعاد:مرحباا بيها..دخلو اولدي
دخلو معاها وتوبة هي تضور عينيها فالفيلا لي حمقااتها كيف لا وهي ديال بات الكلاوي ارث قديم..حالا فمها وتتشوف فالديكورات والفراش رغم انها مولفا بالغنى ولكن بحال هاد التصميم عمرها شافتو..فحين محمد كمل هضرتو مع سعاد ومشات عاد تلفت ليها..شافها حالا فمها وهو يقرب و سدو بيديه وقال؛بسم الله عليك ههه
توبة:ههههه مزيان اما كون محنت راسي وتنسبيكي معاك بالاونكلي خهه
حل ليها باب وقال:هذا بيتك وهاذاك لي حداه بيتي..رتاحي بيدما وجدو لينا العشاا داكوغ
توبة:وااخا ههه
دخلات ومشا هو لبيتو وقال فخاطرو:عجيبة ياسلام ههه
دخلات للبيت وبقلت كدور فيه عجبها مشات للبالكون لقاتو كيطل على الجردة لي مهليين فيها تاتبان بحال الجرادي فمراكش الى غيجي شي حد فالعائلة الملكية 😂😂😂كيكونو نااضيين والنخل فينما مشيتي ههه..لقات شانطتها مشات جبدات حوايجها عبارة عن كولون لاصق رطب وسخون فالازرق مغلوق والفوق ديالو بيجامة فالازرق حتا هي وفيها شوي تاالابيض..دخلات للحمام خدات دوش وخرجات لبسات عليها حوايجها ومشات بزربو هزات تيلي وتكاات كتقلب فيه وتقرا تاني الى كانت شي حاجة تقراها ولا تدخل تشد للجموع فالتعاليق..محساتش بالوقت حتا غفاات وتيلي فوق صدرها
اما محمد دخل لبيتو دوش ولبس عليه وهو يهز تيلي ديالو حل لواتس وعيط لسوزان حيت عارف غتكون طيارتها نزلات..جاوباتو وقالت:بب انا فىباط ههه
محمد:هه اوك انا جاي ليك
قطع معاها ومشا هز طاقية فالكري دارها على راسو وخرج هاز سوارتو ومشا اجيبها
فالمطار كانت واقفا سوزان مع حقيبتها الغوز لابسا حويجات دالين على انها ملعقة وكتسناه بفارغ الصبر..تابان ليها من بعيد كيقلب عليها جرات لفاليز ديالها والضاك فليد بطريقة راقية وتمشات لجيهتو هو لي كان تيقلب تا لمحها جايا بابتسامتها الخجولة..وقفات عليه وترمات معنقااه وبادلها هو كذلك العنااق..قالت فوذنو:توحشتك بزااف بزاااف
محمد:حتا انا هه(بتاسم بزز)مشيناا؟؟
سوزان:اومي هه
خرجو من المطار وركبو فالاوطو ديمارا وعم السكان تانطق:كيدازت الرحلة؟؟
سوزان كانها كانت كتسناه اهضر:زوينة ههع ونتا؟؟
محمد:ههه زوينة جبت معايا توبة
سوزان:(تلغات بتسامتها)واه..وعلاش؟؟كان كيحسابني غندوزو وقت مجموعين
سوزان:(قربات ليه كتمسح على كتافو باغراء)نو هي سبقني نتا ههه
محمد:(فاهم حركاتها ومبغاش احرجها)غنحك هي سناني
دخل وخلاها هي غتنقز بالفرحى مشات للشانطا ديالها حلاتها وحيدات كسوتها بقات بدوبياس فالاحمر وهزات شوميز خفيفة لبساتها عليها وبقات كتيناه اخرج هو لي تيغسل سنانو..دهنات يدها بمرطب وجلسات على لفوتوي حااطا رجل على رجل كتسناه تاخرج وشافها هاكاك..بقا واقف كيطلع فيها وينزل وبتاسم بلطف وقال:شهاد الزين كولو؟؟
ناض مدعوق من حداها وتاهي تخلعات من الغوتة لي طلقات خرج من لبيت فاتجاه بيتها كيجري وتابعاع سوزان بشوميز ديالها تاهيا باغا تعرف شنو..وص حدا بيتها لقاها ةاقفا حدا لباب وصباعها مخشيين فالقتت تاع الباب شاد ليها صباعها ومزير عليهم وتتبكي والتيليفون فالارض..
محمد:شواقغ مالكي؟؟صبري صبري نحيد ليك يديك
توبة:(كتبكي بجهد)😭😭😭😭😭😭اااااع اههعععععع محمد اااي يدي يدي
بدا كيحرك الباب لور باش اتحل لباب ويتطلق من صباعها ساعا عاد مكتزيد تغوت ودموعها واصلين فين اما محمد تعصب وتوتر وهو كيشوق جوج من صباغها مشدودين بالباب وباغي بفكها..
سوزان:شووو صافي هاهو غيحلهم
توبة:😭😭😭😭اهى اهئ اي اي اااه وايدي اهى اخئ
محمد صبر تاعياا وهو يرجع لباب بجهد للور تاترخف على صبااعها وهو يطلقها بغووتا تسمعات تال عند الحرااس..شدها محمد خشاها فحضنو وشاد ليها صباعها كيشوف فيهم بقاهم حمريين عاد مجروحيين ليها شوي وكملات عليه بالغوات والبكا وتتجدب من قوة الألم
توبة:😭😭😭😭😭هنهنه اهئ اعئ ضروني لهئ
مخمد:شووو صافي صلفي اجي معايا شوو
حرها دخلها لبيتها وهي باقي تتبكي مخشية فحضنو دخلها للحمام ودار ليها صباعها تحت الما وهي تبدا تتنخصص وقال:صاافي صاافي مسحي دموعك صاافي شووو موقع والو
تتشوف فصباعها وتبكي خرجها تاني ولقاو سوزات واقفا كتسناهم اخرجو شافتو معنقها وتنكرات معجبهاش الحال..جلسها فوق الفوتوي وقال موجه لكلام لسوزات:سوزان نزلي لتحت عند وحدا من الخدم قوليها تعطيه العلبة تاع الدواا
شافت فيه وقالت:هبط نتا انا نبقا معاها
محمد:واسيري دغيااا
معاوداتش معاه وخرجات معصبة مشات لتخت سولات الخدم على العلبة وعطاوها ليها وطلعاتها ليه لقاتو باقي معنقها وشاد يديها كيسوط عليها وهي تتبكي عطاتها ليه بنفخة وجلسات حداهم جبد معقم وبدا كيعقم ليها الجروح وبدات كتنخصص ليه اما هو دموعها سالاو معاه..كيداوي ويمسح دموعها لي كيرضوها بنت عامين..كيشوفها كيتفكر فاش كانت صغيرة وكتبكي ليه فاش كيضربها..وسوزان جالسا على اعصابها..سالا ليها وجمع ليها جوج صباعها بضمادة وقال:خليهم هاكا متحليهومش
توبة:هئ اعئ واخا😢😢
عنقها بيد وحدا وقال:صافي موقع والو ولكن كي طرا ليك اش دخل صباعك لقنت تالباب ياك قلتي غتجي تنعسي
توبة:هنهنهنهنه كيحرقوني
محمد:دابا افوتك الحال ماشي شي خاجة كغاف
توبة:(كتنخصص)سير gالاك شوف كي ولاو اهى اهئ
محمد:هههه بوحااطية حمدي الله مطاروش ليك الضفار وهي تقاسو اوا هي قولي ليا كيوقع ليك
توبة غوبشات فيه حابسا دموعها:مالك تتغوت علي؟؟اش درت انا اه قضاء وقدر وقعات وعادي😠😠😠لتبقاش تغوت علي
محمد:(بعصبية)غنغوت عليك ونزيد نغوت حيت فغيمون مباغاش ديري عقلك..كظيري لي قالم راسك مكتسمغي لحتا واحد
توبة وقفات:واا ماشي شغلك ياله..ندير بي بغييت ديها فرااسك ..تتغوت علي على قبل الباب تشد علي😠😠واااع
محمد تعصب وبقا واقف قدامها كيعض غلى شفايفو وقال:ضربيني حسن كااع..واش مواغيااش هاا معارفاش اش كديري فراسك..كضلي وتنعسي وتصبحي على التبيفون بحالا كتشوفي فيه لي معرت شنووو غيوقع الى مشفتيهش
توبة:اوا ديك ساعا خليني فدار با متجيبنيش معاك حيت انا غنبقا نهزو صباح وعشية ووقتما بيت وماشي شغلك فيااا(ضربات فيه وزادت بغات تخرج)بناقض من التسافير معاك يخ نمشي نق*** فحالي😡😡
مجاتش فين توصل لباب وهي تخس بيديه جارها وراضاها ومزيرا عليها وقال:واش شويااا لباااس هااا باغا تخرجي فهاد ليل يااك باش اش باش تبقاي هازا تليفون😡😡
توبة:طلق نني خسن ليك ولا بربي تانشوهك هنا ونجمع عليك عباد الله
محمد:غوتي يالله غوتيي
توبة:طلق مني بيت تمشي فحالي مبيتش نبقا هنا باقي..غنعصبك وتبقا تسب فيااا
حكايتنا الجزء 19
محتوى القصة
التنقل بين الأجزاء