محمد:شووو صافي سمحي لياا هضرت هاكاك على قبل مصلاحتك
توبة:مصلاختي مبقا تاحد عارفها فين كاايناا..كتشوفوني هي ساكتا ومكنجاوبش وعزلت ؤاسي على النااس حيت تاحد مفاهم اش جاري فياا..12 لعام تالقراية وفلخر منقرااش فالبلاصة فاش بيت..قضاء وقدر عرفتها وحمدت الله وgلت عاللع فيها خير ولكن هضرة البشر وفعايلهم ماشي قضاء وقدر اهى تهئ كيبقا بنادم اخشي فيك الهضرة لي دويت معاه ولا صيفت ليه نسول فيه كيبدا علي واش مباقي درتي والو هي هي الظاار..هاد الكلام كرهتو تاوليت متنحمل نشوف حد..تبليت بالتيليفون حيت فيه تاحد مبيسولني اش تتديري ولا اش وقع معاك اهئ اهى كلشي كيبقا علي مالكي ضعاقيتي ويلي وليتي حالتك..غادياا وكترجعي لوور..الى كان هاد لور هو يبان ليا معدن عباد الله من دروك نرجع للور تنجري هء هءهءهءهؤ اهئ اهى
محمد ندم وبقا ليه شوي ويضرب فمو ويبدا عليه هاك افمي هاك افمي..هضىتها ضراتو ..صعيب ان كلشي ضددك وكلشي كيسول فيك ولكن ماشي باش اطمأن عليك انما باش اتشفا فيك..عنقها كيسكت فيها ويدوز على شعرها تحت انظار سوزان لي مفهمات والو من محادثثهم حدها كتشوف حبيبها معنق وحدا خراا..ناشي هادشي لي عصبها لانه كان كيتسالم بالوجه مع البنات تما مي الطريقة باش معنقها وباش خاف عليها..
نطق بعدما زفر بغضب:صاافي سكتي براكا ونتي هضرة جوج كتبداي دمعي فينها توبة لي هضرة وحدا تتبدا تعرعر وتسب وتعاير بدوك القوافي ظيالها لي يحيروك ويخليوك هي تتشوف..ديك توبة لي نتقول الطيور نزلو انا نطير بلاصتكم هه(بغا الطف الجو)
بعدات عليه وجها عامر دموع وقالت:راه كاجبدني..غنسبك شي سبا خايبا تمشي تشد الكيارة فحالك بلا رجعة
ضحك داير ليها الخاطر وقال:واخا تجري علي بالحجر ههه كاع ممشيت فاش ضاربنا باليدين بقا هي دابا
شافت فيه بطفولية تتمسح دموعها بلور تيديها وقالت:عييت والله
محمد:صافي(مسح ليها دموعها)
سكتات مسحات دموعها عاد نطقات سوزان بصوت منزاعج بالفرنسية:ساليتو؟؟ممكن تضرحو ليا اش وقع بيناتكم هنا
تلفت ليها محمد وقال:موفع والو هي تناقشناا
سوزان:(غوبشات)هادشي كولو هي مناقشة
محمد:من بعد ونشرح ليك توبة سيري تنعسي ياله
توبة:واخا ولاكن فيا العطش
محمد:انا نجيب ليك تشربي هي سيري تنعسي
سوزان:راه كنتسنااا
تلفت ليها محمد:سوزان تجي معاايا
سوزان:نو مغادياش معاك حتا تشرحو ليا شهاد المسرحية لي كنتو دايرين هناا
سوزان:(بهدوء)شفتها كي كانت وعرفتها تسد عليها لباب وداوييتيها ومزياان ولكن شنو معناها تنوض تغاوت نتا وياها على شي حاجة لي مفهمتهاش انا وفلخر تمشي تعنقها اه بزااف
سوزان تغرغرو عينيها وقالت:واخا شكرا اهئ هءا هو جزائي حيت جايا نشوفك ندوزو وقت مجموعين..وليت كنصدعك..مغسي بوكوو
توجهات للحمام مقلقة ودموعها على طرف عينيها..تنهد هو بتعب معارف اش اتبع وفنفس الوقت جاه رااسو مبسواش حيت هو بلاصتها كان اتقلق..ناض من بلاصتو مراشقاش ليه وتبعها للحمام حل لباب لقاها واقفا وشادا حنكها وكدمع فصمت..بقات فيه وندم على هضرتو الناقصة معاها وقف قاص معاها وشد يديها وقال:سمحي ليا
سوزات:علاش غنسمح ليك اهئ ةهئ وليتي عصبي معايا..من نهار تخرجنا وحنا هاكا..ولينا باردين بزاااف..يمكن حيت شغالنا شغلونا تلى بعضنا ولكن هادشي مكيعنيش بلي نوليو هاكا اهئ ةعئ كنعتارف انا وليت فشكل مورا مخدمت فاالشركة الضغط كان علي كثير ومكنتش كنلقا الوقت باش نتشاوفو ولكن اه كنبغييك وعارفها
سكت شحال وهو يجرها عنقها كيدوز على ظهرها وعقلو فيه شلا مطارق
"المسافة بينك وبين من تحب تخلق قصص حب أخرى"
#فلاش باك
كان محمد هاز تيلي فيدو كيعيط لسوزان ويعاود ووالو واش كتجاوب..تاطلع ليه دم ولاحو من يدو فوق الناموسية بعدما كتب ليها ميساج مفادو:الى ساليتي شغالك تفكريني
دخل لحمام معصب دوش بعد نهار متعب وكان بغا اهضر معاها لانها هي المتنفس لوحيد ليه فالإنس وملقاعاش ..كتكون مشغولة فعشاء جتماع كيف العادة..خرج من دوش لبس غليه حوايجو مخنزر ومشا تكا بلاصتو هاز تيلي كيخربق فيه تاوصلات 9 وهي باقي مجاوباتش ولا حتا شافت ميساجو..تعجب ونزل تعشا مع عائلتو وطلع لبيتو تكا على ضهرو كيتسنا النغاس حتا وصلو مبساج فنمرتو فيه:سوري بب كنت مشغولة غدا ونهضرو اوك
شافو وزاد تعصب دوز نمرتها وجاوبات بعد وقت طويل وقالت بصزت عيان:الو
محمد:الحمد لله حيت جاوبتي..فين كنتي؟؟
سوزات:محمد راه قلت ليك كنت خدامة راك عارف الشركة كلها علي
محمد:(زاد فحدى صوتو)ماشي بوحدك لي خدامة..كلنا خداميين
سوزان:وحيت خدام فنفس دومين ديالي قلت غتفهمني ساعا محال..وليتي كتزيد فيه أ محمد بزااف
محمد:اه بون وليت كنزيد فيه حيت علاقتنا غاديا وكترجع لوور..من نهار تخرجنا ونتي الشركة والدار وعائلتك وانا فين فهادشي فين؟؟
سوزان:محمد غدا ونهضروو
محمد:(زاد تعصب)اه بون..داكوغ حتا غدا منهضروش فيه كااع..والى بقينا هاكا مغنكملوش بجوح حيت اعدى حاجة عندي هي قلة الاهتمام
سوزان:شهاد الهضرة ا محمد..كيفاش؟؟واش كتلمح نتفارقو راه كتبرر وتنقول ليك الشركة كدوز من اوضاع صعيبة وكلشي على ظهري راك عارف
محمد:الى نتي كتسيري ليا شركةومخليااك متلقايش ليا الوقت أنا اه تنسير مجموعة تشركاات ميكونوش حتا شوي من ديك الشركة ي واخداك علي..بسبابك خليتينا نوصلو لشي هضور معمرني فكرت نقولها
محمد:ومعمري منرجع فهضرتي وبكن نتي مكنتيش قد الثقة لي كنت داير فيك..مكتعرفيش تنظمي وقتك وهادشي غيأثر علينا وعلى علاقتها
تنهداات بحزن وقالت:عياانة أ محمد اهى
محمد:(بنفاذ صبر)سيري نعسي ورتاحي انا هي تنخربق
قطع عليها حيت غيزيد اهضر وخاف اجرحها ..طفا تيليفون وتلاح انعس معصب لانها مبقاتش كيف كاانت..ولات عاطيا الجزء الكبير من وقتها لخدمتها وهو كتهضر معاه هي فليل وكتكون عيانة وتودعوو تنعس..وفاش كيكون الويكاند كيمشي عندها لفرنساا حدها كتجلس معاه شي ساعات وتنوض بحجة أنها خصها تغدا مع شي كلياان ويديرو اجتماع وهادشي كان كينرفزو حتا دخلات توبة فالخط وطبقات عليهم المقولة ديال المسافة بينك وبين من تحب تخلق قصص حب أخرى
#الحااضر
عنقاتو بيديها بجوح كتبكي وكتهضر بصوت مخنوق:عاارفا راسي فواحد الوقت كنت ممهتاماش بيك ومكنتش كنسالي اهى اخئ ولكن كنت مظغوطة😭😭😭😭شركة بابا كلها كانت غطييح ومكانش عندي حل من غير نتعرف على نلاس جداد ونظم حفلات باش نقلب على ممولين اعى اهئ مكانش قصدي ندمر علاقتنا اهى اهئ سمح ليا سمح لياا احبيبي اهى اهئ
محمد حدو حاضنها وساكت معارف ميقول ليها ولا باش احاوبها..قلة الاهتمام كتدمر العلاقات كلها فما بالك العلاقات الغرامية..سكتها بعد مدة وغسل ليها وجهها وداها للناموسية تكات وتكا حداها كيشوف فيها شحال وكيفكر كيفاش ان البنت لي كانت قريبة ليه وكيرتاح معاها..كيكتب قدامها وكيشاركها أفكارو قدرات تولي غريبة عليه..قدرات تولي تصرفاتها جيهتو كأي انسانة عادية..معمرو كان متصور أنه اولي ميحس والو تجاههل..ومباغيش اجرحها اهتمامو ولا فصوب توبة لاغير..
فالوقت لي كان فيه قلة الاهتمام من سوزان جاو مشاكل توبة لي شغلوه وخلاوه اتعلق بيها وتولي هي محور حيااتو مغينكرش انه كانت كيحس من ناحية سوزان بشي حاجة ولكن ماتت هاد الاحاسيس وتولدات بلاصتهم احاسيس جديدة كتختارقهم توبة لا غير..محطوط بين نارين..معرف اش دير ومباغيش اجرح شي وحدا فيهم..حار بين عقلو وقلبو وضميرو ولا العقل كيريحو ولا القلب كيهنيك أما الضمير حكاية أخرى
غمضات عينيها بعد جهد وهي حاطا يدها غلى لحيتو أما هو عينيه كيشوفو فيها ولكن عقلو ساارح..ستاطع تاهو بعد جهد انه اغفا فانتظار يوم جديد كيحمل فطياتو أشياء جديدة ..مخلي خياتو اسوقها القدر
شرقات شمس باردة مخبية وسط السحاب لي مالي الدنيا..فاقت توبة هي لولة حيت شبعات نعااس ناضت للحمام حيدات الفاصمة وغسلات يديها واخا عكراتها بدلات عليها وخرجات نن البيت هازا تيليفونها كانت ديك سبعة هاكاك..الصقيل فالفيلا وتاحاجة ممحركا..تمشات كدور فيها بملل تدخل من قنت وتخرج فقنت تاطاحت فالكوزينة لقات فيها جوج رجال وسعاد..دهلات وقالت:أ صباح الخير أ وجوه الخير
تلفتو ليها الرجال معرفوهاش أما سعاد بتاسمات وقالت:صباح النور ابنتي كي صبحتي؟؟
توبة:بخير أ خالتي..اش تديرو؟؟
سعاد:كنوجدو الفطور شويا ويوجد
توبة:وعلاه الرجال لي بيوحدوخ ههه هاكاوا ..اوا اشرفا أش ناويين توحدو
نطق واحد نن الرجال:اش حب خاطرك ابنتي؟؟
توبة:(كضحك)الخليع بالبيض عههه
سعاد:موجود سيري رتاحي وانا نوجدو ليك
توبة جلسات فكرسي:ههه لا هي خليوني نجمع معاكم شوي ههه
بقات معاهم كضحك وتعاود ليهم نكتة تا شبعاتهم هضور وتمو بنات باقي فريعان شبابهم داخلين هو الخدامات وباشرو خدمتهم وهي مجمعا معاهم تاوجو الفطور وبقات كتهز معاهم وتحط فالطبلة لكبيرة حتا تم محمد نازل لابس حوايجو شافها وبتاسم وقال:صباح الخيير
محمد زاد كيضحك:مابغيتيش نعطس ونقول الحمد لله عاش توبة هههه
توبة:واش فيها هههه تحيد عليك شوي تالذنوب راك غاارق
محمد:ههنه اش بنت ليك كندير تاعامر ذنوب ههه
توبة:البارح كيشتي كنتي كضرب التحيات والباقيات وتستغفر مولاك..البارح فاش جيتي نتا وسوزان ديالك عندي ههه(شدات فمها شادا الضخكى)شوف بلا متبدا علي تاني خياتي الشخصية ولا الزبل هههه اه ميمكنش تكون عندك حياة شخصية ونتا كلك على بعضك معنكش الساس ههههه
محمد ضحك تاني وقال:واش سارطا كاسيطا مع هاد الصباح..كملس فطورك
ناض محمد كيضحك وقال:تتي غتخرجي ليا عقلي مافيهتش هنهه(قلبها فرنسية)غنمشي للشركة ساعتين تال ثلاثة ونرجع
سوزان وقفات وقالت:غنمشي معاك أنا معندي ماندير هنا
محمد:بقاي مع توبة
سوزان:نو غنمل(شافت فنوبة )مغتقلقيش يااك
توبة:لا لا هي سيري (بالعربية)وgودك زي عدمك عههه سي محماد دي سوزي معام
محمد:تلهاي بشي حاجة بيدما نجي واخا
توبة:(مبغاتش تبين ليه)اوك..
شدات سوزان فيد محمد وشابكات صباغهم ببعض وهزات ساكها ومشاو تحت نظرات توبة لي مستغربة لتصرفاتها خلاتهم تامشاو وقالت:مشية بلا رجعة مكنززا عليه بحالا بيهربو ليك بيه..هذاك اه تا فجوطية ميجيبش الثمن ولاهيلا هههه راه هي حيت نتي حولة وشفتي فيه وعجبك الله يعطيك العما كثر مانتي عمية يادلي نتي حولة شوي😂😂😂😂
بقات كضحك بوحدها وكتاكل والشهية محلولة ليها تا سااطت فالخليع كولو وشربات عصير اخر عاد مسحات فمها وقالت:اححح الحمد لله لي طعمنا ههه
ناضت من الطبلة وطلعات لبيتها هزات تيليفونها عيطات لمها وبعد شوي جاوباتها:حبيبة ديالي
توبة:ma raison d'être لباس عليك
وردة:هههه بخير ونتي؟؟توحشتك
وردة:(بصوت باح)تانا افريمجتي هننه
توبة:شي تعنيبة جديدا هادي من عند بابا هنهه
وردة:هههه باك تيعرف هي لمشكودرة هههه مرتاحا تما؟؟
توبة:اه اه هههه ماما واش عمرك جيتي للفيلا عندهم؟؟
وردة:اه فاض كنتو صغاار نتي واكليل علاش؟؟
توبة:ناري على فيلا عندهم هههه واعرة فنة واصدقو ملعقيين ههه
وردة:ههههه علاه هي ملعقين وسكتي ههه
توبة:ههه واييه ياله سيري اه وقت البنات هادو هه
وردى:معندي مايتسالك فايقا بكري
توبة:لبارح نعست بكري داكشي باش هنهه
وردة:بصحتك احبيبة
توبة:يابه بااي بوسي ليا بابا
وردة😂😂😂بلا متوصي هههه
قطعات معاها ونزلات للتحت تضور شوي فالفيلا..دارت عليعا جاكيطها وخرجات برا الفيلا كضور فالجردة لي كلها خضرا والريح تيضرب فوجهها جاب ليها التشااط..مشات جيهة واحد زعلولة بتاسمات وجلسات فيها تتزعلل وتدفع راسها وتضحك تاعياات وهي تكمل المشي كضور مخلات فين دهلات تاشبعات ورجعات للكوزينة شدات عصير وحلوة ومشات لواحد لفوتوي جلسات فيه وجبدات مشقوفها تاني تتقلب على القصص وتقرا وتلهي الوقت..بدات فقصة وكانت منغامسا معاها محساتش بالوقت
أما محمد وسوزان خرجو من الباب مشابكين الايدي وسوزان غطير بالفرحة حيت نفاردات بيه..حل ليه واحد نن الحراس باب السيارة ومد ليه سوارت..وطلهو بجوج ديمارا وهي تقول:حبيبي اليوم غندوزو نهار بجوج يااك ههه منشوقة نضزر فالرباط
محمد:لا غنمشي للشركة عندي مايدار تمااا
سوزان:ولكن ياك ..تسحابني غنخرجو ندوزو وقت بجوج
محمد:لا ماشي دابا هي نسالي شغالي ونخرجو نتغداو مجموعين
محمد:متشرفين ..المهم ثواب جيبي ليا ملف المشروع جديد بعدا ونشوف شنو كاين
ثواب:داكوغ اموسيو
يتاسمات وخرجات خلاتهم بجوح..حل بيسي تما ودخل كيقلب فيه حيت باه هضر معاه هو وعمو ووصاوه اش يدير..وقال:سوزان غتملي؟؟
سوزان:(كتشوفيه)نوو منملش هي كمل خدمتك
وفعلا نغامس قخدمتو كيدقق فتفاصيل المشروع لي دوا ليه عمو عليه فالايميل..اما هي مخلات مدارت باش تلهي الوقت تاكمل وقال:صافي ساليت ههه نمشيو(شاف فساعة)الحدااش هادي
سوزان:ههه وي ياله
ناضت هزات ساكها وشدات فيه وخرجو بعدما قال للسكريتيرة:كل نهار غنبقا نجي هي فالصبااح ونبغي تقرير النهار الكامل يكون عندي..
ثواب:واخا
خرجو حل ليها لباب طلعات وضار هو من جهة لوخرا كانت الشتا تتنقط..ديمارا وهز تيلي ديالو دوز نمرت توبة وكيتسناها تجاوب
محمد:ماشتي الى جيت علقتك أنا اش غيوقع ههه سيري لبسي عليك دغياا ولبسي مزيان اه مخرك البرد
توبة:واخا ههه ياله تلاح الله يغصبك
قطعات عليه ياله غيجاوبها..زاد كيضحك ورد تيلي لجيبو كيضحك وهي تنطق سوزان لي حضاتو ماي بدا تاكمل وملامح وجهو وقالت:هاد الهضرة كاملة باش تقول ليها غندوزو مورااها
كملو ماكلتهم فصمت تاسالاو ونطقات توبة بعدما جا سرباي:عفاك فين جا الحمام؟؟
السرباي:سيري من لهيه وغتلقايه امادموزيل
محمد:متعطليش
توبة:لا بينسكن ههه تبعني حتا فااخرا😂😂😂
ضحك السرباي وهت محمد تاشبعو ومشات هي عاد نطقات سوزان لي كانت جالسا على العافية:علا كضحكو؟؟
محمد:ههههه والو هي قالت واحد لكلمة
سوزان:مممم طلب لينا شي حاجة للتحلية
وفعلا طلب ليهم عاد جات توبة جلسان لقات حلوة قدامها وقالت:اححح الشكلاط ههه عاد ضاربا جوج فالدار
محمد:حلوفة هههه
سالاو وناضو بعدما خلص..خرحو وتوجهو لسيارتهم لي جات فالشارع..حل لسوزان لباب عاد لتوبة وطلع تاهو ونطالقو اكملو نهارهم لي كولو على بعضو بااارد هي مسلكين فيه
سوزان:حبيباضرني راسي مقادرااش نكمل بااقي
محمد:وايلي..نمشيو للطبيب
سوزان:نو نو سي ميو نرحعو للدار
توبة:من gبيل وهي تتgول ضارها ياله نرجعو للدار حسن
محمد:اوك وغنعطيك كينة غيفوتك الحال واخا
سوزان:اوك بب
توبة:بب تفلمرض خهههه غتموتي عوجاا دابا تشوفي
ديمارا والوجهة الفيلا..بقاو ساكتين مهضروش من غير توبة لي كتسنابي وتضحك تاجابت ليه الضحك وقال:هههه راه غتحماقي بوحدك
توبة:بصحتي ههه اه اللهم نحماق هاكا ولا نحماق بسكاات ننهههه
ضحك وكمل الطريق تاوصلو للفيلا وقف لاوطو نزل حل ليهم لباب نزلو بجوج..شدات فيه سوزان مصطانعا التعب وقال:كيحرقك بزااف؟؟
سوزات:شوي احبيبي باغا هي ترتاح
عنقها بيد وقال:ياله لفوق نعطيك كينة شربيها ونعسي ترتاحي وغيفوتك
بتاسمات ليه وتمشاو بجنبهم توبة لي قشعاتها كتكذب هي من طريقة هضرتها..وحسات براسها مثقلة عليهم واقفا حاجز بينهم
طلعو كاملين وتوبة سابقاهم دخلات لبيتها معاجبها حال ودا هو سوزان للبيت حطها فالسرير وقال:انا نجيب ليك كينة
مشا لجيهة الحمام وهي بتاسمات وحيدات الصباط تاع الطالون ديالها بكل أنوثة وناضت لاحقا عليه للحمام لقاتو كيقلب فجيهة لفارماسي ويشوف انا دوا يعطيها تاحس بيديها جيهة صدرو وراسها فظهرو..تلفت ليها لقاها مبااسمة ليه ومباينش عليها العياا وقال:مالك؟؟علاش نضتي من بلاصتك
قربات منو وباستو حدا فمو وقالت:حيت توحشتك ههه
بقا كيشوف فيها ومضورها فدماغو وقال:مبقيتيش عيانة؟؟
حركات ليه راسها بلا وقال:ولا مكنتيش عيانة أصلا ؟؟
ضحكات فخقة وقالت:ههه اوبس
حط دوا من يدو ببرود وربعهم وقال:علاش هادشي كولو؟؟هاد التمثيلة كاملة لاش؟؟
سوزان:(حطات يدها على عنقو)حيت بغيت نكون انا وياك بجوج الراس فالرااس وندوز وقت زويين هه
سكتات مجاوباتش وستأنف هو الكلام:حيت توبة معانا يااك
تحرك من بلاصتو كأنو مبغاش ابعدها وبعد هو ..تنرفز:ملاحظتيش بلي وليتي كتلعبي ليا على أعصاابي؟؟شهاد التصرفات صبيانية لي درتي هاا؟؟مثلتي علينا بلي مريضة تارجعنا فحالناا ونتي مكان بيك والو هي كضحكي علينااا
سوزان:انا كنت باغا غير ندوزو وقت بجوجناا وصافي..ومبغيتش لي يكون بيناا
محمد خرج فيها عينيه والغضب بدا كيسيطر عليه:شنزوو؟؟زعما توبة لي داخلا بيناتنا هااا..هادشي كولو باش متمشيش معانا توبة يااك..برافو زعماا وافعايل هادو نييت
حيد ليها يدها بعصبية وخرح قبل مايقول شي حاجة تجرحها وقال بالعربية:فعايل الخرااا😡
مشا لماريوه قلب على حوايجو هزهم ودخل للحمام لقاها واقفا فبلاصتها مصدومة توجه للرشاشا وقال:تقدري تخرجي
معاوداتهاش معاه خرجات معصبة من البيت ومشات كتبدل عليها بعصبية فحين هو دوش كثر منها معصب..أعدى حاجة عندو هي الكذوب والنفاق وخاصة منها هي لي كتجيه صفحة بيضة
دوش بزعفا وخرج لبس عليه هز بيسي ظيالو وخرج طالع ليه الدم باغي يكتب..نزل للتحت ولقا توبة جالسا فالفوتوي ومسرحا رجليها على طبلة وكابقشش فتيلي..توجه جيهتها وجلس بلا ميهضر حل لبيسي ومقال ةالو..شافت فيه وستغرباات من تصرفو وتاهي سكتات مدواتش اصلا معصبة منو حيت جايبها معاه وهو عارف بلي صاحبتو جايا عندو...كملات تبقشيشها ولي فيها مهناها..تغلغلات فنيفها ريحة جيل دوش ديالو المعطرة ستنشقاتها وقالت:ممم ريحتك زوينة
جمعات عندها رجليها شاف فيها وضحك:هههههه لبسي تقاشرك ههههه
توبة:لا ههه شوف انا اه سخان ليا رجلي
مد يدو لرجليها لقاهم سخان ومع بيضين ولاو حميمرين وقال بدون وعي:رجليك زوينين هه
توبة:ههه عارفاا ههه اوا هااك
ضحك وشدهم من عندها حيد لبيسي ولبسهم جاوه صغاار وقالت:شحال تتلبس؟؟واقلة كتفصل الصبابط واخباطاات هوما عندك اححح حسن عوان بوجعران الى عسفتي هليه😂😂😂غيتسحاب بوجعرانة لي هي مرااتو بلي مات فالحرب😂😂😂😂😂😂
محمد:هعهههههههههههه اوا ها المزاح الخايب هههه راه رجليك لي صغااار شحال كتلبسي؟؟
توبة:37 واقفا خههه
محمد شاف فرجليها وقال:نحلف عليك تلبسي هي 16 هههههه
توية:أه بعدا امتا غتنشر كتابك لي gلتي داك النهار؟؟
محمد:قرييب ههه
توبة:غتنشرو هناا؟؟
محمد:نو براا
توبة:غتعرض علي يااك،؟
محمد:مالي غنعرس ولا داير ختانة اه هي نشر كتاب هههه
توبة:😂😂😂😂أصلا غنجي بلا عراضة ياله سكااات وخلينا نقراو
ضحك وعاود هز بيسي ديالو وهي رجعات لتيليفونها كتقرا
كمل محمد كتاباتو لمدة طويلة محسش فيها بالوقت تاعياا ونفدو ليه الافكار..دور وجهو لعندها لقاها نعساات وتيلي فيديها بتااسم ليها طفا لبسي وحطو بجنب..مد يدو لشعرها كيلعب فيه..وتكا تاهو راسو لور مغمض عينيه ويديه فشعرها محس براسو تاا غفا
أما سوزان فبقات فالبيت معصبة ودموعها بغاو اطيرو من عينيها..مهما حاولات كيصدها حسات بالتغيير لي جاري غليه..بقاات جالساا شحال فبيتها تمشي وتجي بغات تتبعو ولكن عارفاه للى تعصب غتكون الهضرة معاه صعيبة اللهم تخليه تايبرد وتدوي معاه
ناضت بعد وقت طويل خدات فيه دووش طويل سترخات فيه بأجمل المستحضرات..لبسات عليها وخرجات نتقلب عليه عرفاتو مخرجش حيت لايس خوايج داار..نزلات للتحت كدور فهينيها تابانو ليها رجليهم مسرحين على الطبلة خرجو عينيها وبدات كتقرب شوي بشوي وقلبها كيضرب فتسعين خايفا تشوف شي حاجة تنغض عليها..تا وضحات صورتهم قدامها متكيين واخا بعاد شوي على بعضياتهم ولكن المنظر ديالهم حرك داخلها ناار الغيرة ومحملاتش التصرف طاحو دمعات من عينيها متأثرة لان كانت رااحة غريبة هلى وجههو ..بقات كتشوف فيهم بجوج وعينيها كتحرك منو ليها تاعرفتت دنوعها غيفضحوها..كتمات شهقتها وبدات كترجع لور وتبكي..طلعات لبيتها كتجري وتلاحت على الناموسية كتبكي بحرقة
داز وقت طويل شبعو فيه دووك جوج نعااس فحين سوزان كتبكي بحرقة غلى سعدها..فاق محمد هو لول وفيق معاه توبة وناضو مبجقلين بالنعااس طلع كل واحد لبيتو..دخل محمد عليها لقاها جالسا مربعة رجليها وعينيها منفوخين بالبكا شاف فيها باستغراب وقال:سوزان مالكي
سوزان:خصنا نهضروو؟؟
محمد قرب لعندها:واخا مي علاش كتبكي؟؟
سوزان:بغيت نهضر معاك ضروىي
محمد تنهد وقال:تانا بغيت نهضر معاك ضروري بخصوص
قاطعاتو:بغيت نتفارقو
شاف فيها مخرج عينو وقال:نعاام؟؟
سوزات:وي بغيت نتفارقو وبلا منعطيك الاسباب حيت باينين مي بغيت نسولك سؤال واحد وجاوبني(شافت فيه بحزن)واش كتبغيها؟؟
محمد سكت حيت عرفها على من كتهضر..شد يديها وهز راسو فيها وقال:سوزان نتي عارفا بأنك عزيزة علي..كنا مع بعضنا عامين ونص عشنا فيهم شي خوايج زوينيت وقليل فاش كنتخاصمو..فهاد الاواخر ولينا بعاااد على بعضنا و..
قاطعاتو:اهئ اهئ كنبغييك والله اهى اهئ ولكن نتا كتبغيها هي اهئ عرفتي علاش اعئ حيت كتشوف فيها بعنين كلهم اعجااب..كتخاف عليها كثر مني أنا..فاش سمعتي غواتها قفزتي من بلاصتك لهئ اهئ والاسوأ انك فاش سمعتيها محتاجة ليك جيتي من أمريكا على قبلها..كتاكل وتفكر ليها واش كلات..كتبقا تضحك معاها وتنشط اهئ اهئ كتبغيها أ محمد(بحرقة)كتبغيها😭😭😭
سكت حيت مالقا ميقول قدام دموعها وعاود نطق؛شي مرات الاحاسيس كيفلتومن يديناا..منكرش كتعجبني بزاااف وليت مهتم بيها وباغي نبقا معاها بوحدها..كنكتب وهي حدايا بلا منتديرونجا ولكن..
قاطعاتز حطات يدها على فمو وقالت:شووو صافي..متحتاجش تبرر..مغنكونش أنانية ولا خايبت ونحبسك تبقا معايا اهئ اهئ اه كنبغييم وباغاك تكون فرحاان..مكتشوفش لمعة فعينيك ملي كتكون معاها ولا كتهضر معاك غير كاع الشوفات لي كدير فيا اهئ اهئ..حيت كنبغيك غنقول ليك كنبغيييك بزاااف وكنتمنا لي معطيتوش ليك أنا تلقاه معاها
محمد باس راسها باسى وقال:سمحي لياا
سوزلن:مكاين علاش تعتاذر..نهاية علاقتنا كانت أصلا باينا اهئ اعى(مسحات دموعها)منورا مخدمنا تشغلت عليك ومبقيناش كيف كنا..واخا مكنعياو نحاولو مجحوها ولكن فات الفوت حيت نتا قلبك دخلات ليه وحدا خراا من غيري أنا..مكنلومكش بالعكس كنتمنا ليك السعادة مع لي ختارها قلبك
محمد كيردد فقط سمحي ليا لانه ميقدرش انكر هضرتها الصحيحة..باس راسها ويدعا وهي تنطق بحرقة:تهلا فيها اه واخا متهورة ولكن حتا هي كتشوف فيه باعجااب اهئ كون هاني غنسااك الوقت كينسي كلشي اهى
ناضت من حداه داخلا للحمام وقالت بصوت مغنغن:عفاك حجز ليا باغا نمشي لفرنسا هاد ليلة
دهلات للحمام ونهارت بالبكا فصمت أما هو مقادر اديب والو..عمرو تصور أنه ممكن اجرحها وان احاسيسو تجاه توبة ذنب عظيم رتاكبو فحق سوزان..حاس براسو شماتة ومبسواش وانه خانها..واخا ماشي جسديا ولاكن فكريا وأسوا الخيانات هي خيانة المشاعر
و الله ما خنتك ..
و لا ظننت قلبي ..
سيقوى على الحياة بعدك ..
لكنّه الخذلان ..
علّمني أن أستغني عنك ..
أصبحت فقط ..
أنسى أن أسهرك ..
أأبى أن أذرفك ..
أكثر إنشغالاً من أن أذكرك ..
و أكبر الخيانات.. النسيان..
أحلام مستغانمي
بقا حاير وجالس فوق الناموسية يدو كتحك ذقنو بحيرة عارف راسو جرحها وهي لي كانت فقط كتبغيه..عارف راسو ضلمها وخانها بأحاسيسو ولكن القلب مكيشاورش..قلبو ختارها هي ختار توبة ..سمع صوت شهقاتها من الحمام خلاتو انوض بزربة ومشا كيدق عليها لانها كانت ساداه وكيقول:سوزات حلي عفااك
ناضت حلات ليه منهارة وجهها كولو دموع خلاتو العن فراسو واسب..كره راسو وكره احاسيسو لي جرفات بيه لمنحنى أخر غير منحاها..كتفى أنه اعنقها لكن لاول مرة مبادلاتوش العناق..كتافات تصمت وتبكي حس براسو حماار ومثال قوي للرجل الشرقي..
نعشق ماليس لنا والنصيب حكاية أخرى
بعدات عليه مسحات دموعها وقالت:حجز ليا دابا عفاااك
محمد باس راسها بأسى وقال:سمحي ليا بزااف مقصدتش مجرحك
سوزان:مكاين علاش تطلب السماحة😢😢😢مدة عامين ونص خرجت فيها بذكريات زوينة معاك(كتكبح دموعها)معمرك خسرتي ليا خاطري ولا جرحتيني..كنني معايا انسان مزيان..لكن القدر حاحة خراا
دهلات للحمام قبل ميزيدو دموعها اطيحو ومشات دخلات تحت الرشاشة بحوايجها كتغسل وتبكي وتحيد حوايجها بياسة ببياسة تابقات صولو..أما هو ضميرو قضا غليه ندم الف مرة لانه صارحها..مكانش كيضن أن صراحتو غتكون قاسية عليها لكن كيرجع وكيقول اللهم نصارحها دايا ولا نبقا كنافقها وانا كنكون معاها وعقلي مع وحدا خرا
مشا بثثاقل حجز ليها فأول طيارة غاديا لفرنسا وكيتسناها تخرج تابانت ليه خرجات فبينوار هزات حوايجها تحت انظارو ودهلات تاني لبسات عليها بزربة كل همها أنها تمشي من هنا..بقدر ماتجرحات بقدر مباغا تبعد..خرجات عندو وبدات كتجمع فحوايجها بعيون دامعة..كلهم جامعاهم مخربقين كأنها كتستعجل الرحيل..جمعات كلشي وقالت بلا متشوف فيه:حجزتي؟؟
جرات فاليز ديالها وتبعها هو بسوارت كيلعبو فيديه من شدة الندم لي فيه..نزلو للتحت جاب الاوطو ركبات باا هضرة وكسيرا هو للمطار وبينهم صمت رهيب غير كاع الحالات لي تيكونو فيها ساكتين..ماهي الا دقائق تاوقف قدام المطار..نزلو ونزل ليها لفاليز ديالها كان بغا يدخل معاها منغاتو وقالت:غندخل بوحدي
محمد سكت ملقا ميقول..كتافا هز يدها طبع عليها قبلة وقال:سمحي ليااا بزااف
سوزان رسمات بتسامة خفيفو على خدودها وقالت بخيبة أمل:شكراا على لي عشناه بجوج كامل..شكرا بزااف(باستو فحنكو قبلة طويلة)شكراا..صارح توبة بنشاعرك قبل ليجي لي طيرها ليك
جرات فاليزتها ومشات بقا واقف كيشوف فيها تاغبرات خاطرو ضارو عليها مباغيش اجرحها نهائيا وعارفها مغتهزش فقلبها من جيهتو ولكن واش غتنسا ولا لا؟؟ كتبقا مسألة وقت
دار لجيها الاوطو وركب وتوجه لففيلا بنفس ثقيل والذنب حاس بيه راكبوو..
وصل ونزل من الاوكو ودخل للفيلا وتوجه لجردة ..لاح السوارت على واخد الطبيلة وجلس على واحد الكرسي كيشوف فاص ليه باقي مستوعبش أنهم تفارقو..مينكرش انه عزيزة عليه ولكن هذا أحسن حل
قاطع تفكيرو قدومها هي كي الرعدة..جلسات حداه وضربات حدا كتفو وقالت:أفين أ سماسم ههه اش تتدير هنا بوحدك
محمد تلفت ليها حاط يدو تحت ذقنو وعاود رجع كيشوف وهي تهز حاجبها وقالت:اوا vu يااك؟؟هضر الله يهضرك من جنابك اه شريفة دروك ندفل عليك تمسخ هههه
شاف فيهاوبتاسم وقال:تفارقت مع سوزان
خرجات عينيها على جهد وقالت:لوااه😳😳😳وعلاش؟؟
محمد:متفاهمناش وصافي
توبة:عامين وصرف ومتفاهمتوش؟؟اش كنتو تديرو هاد المدة كاملة تتسرحو نعااج مثلا
محمد ناض وقف هز سوارتو وجرها موراه وقال:دخلي من البرد غتمرضي
غاديا موراه وجارها:يا شرح ليا بعداا لاش تفارقتتو؟؟ ياك تتبغيها؟؟
توبة:مشييت ليها مامرا ماجوج ههه ولكن بيت نبدل لجو ههه
ضحك وكملو طريقهم مرا ضاحين مرا كيتناكرو وتبقا تعاير فيه ومرا الوح ليها شي كلمة كيلمح ليها تا كتحشم
بعد بضع سويعات وصلو لسويسرا المغرب..للعروس المكسية بالابيض احتفالا بالشتاء..كان ليل ديك ساعا كتشوف من زاجا ضو المدينة زويين ونقية بزااف
توبة:قربناا؟؟
محمد:اه كاينا الدار هي هنا ديال أميرة
توبة:دابا ديك البرهوشة عندها دار اوا صفات 😂😂
محند:كاتبها ليها الواليد ههه ماشي شارياها
وقف فواحد الحي صغير وفيه بعض المنازل غزاالة على شكل هرم..نزل وضربو داك البرد القوي والريح مع كانو سادين الشرجم والاوطو سخونة..ضار جيهتها حل ليها لباب وقبل متنزل حبسها وقال:بلاتي
خيد كاشكولو ودارو ليها وقال:غيضربك البرد الحال كااز
بتاسمات لتصرفو وكيفاش أته ديما كيهتم بيها وكيسبقها على راسو..وكيحن فيها وكيعرض راسو لشحال من حاجة على قبلها..تاهي مكانتش بالقليلة هزات يديها وسدات ليه السنسلة تابتجاكيط ودوزات يديها على صدرو بحنان وقالت:تانتا غيضربك البرد
بناسم وفرح لتصرفها لانها هي من نوع لي مكتبينش بزااف شيء لي كيخليو تصرفانها حلويين عندو..نزلات وقالت:اايييي هههه البرد هناا
محمد:الموت تاليرد ههه
جا عندو عساس الاقامة وقال:سي الكلاوي مرحباا
محمد:براك الله وفيك ممكن دوك سوارت تدار
العساس:هي لولا أسيدي
مشا العساس خلاهم كيضورو عينيهم على لبلاصو أو بالاحرى هي أما هو كان كيشوف فيها كيف فرحانة..عطاه السوارت وقال:شكرا
جرها من يدها وداها للدار حل لباب وسبق هو شعل الضو وبانت جمالية الدار لي كلها من خشب..وديكورها هائل ورااقي..
حكايتنا الجزء 20
محتوى القصة
التنقل بين الأجزاء