محمد(سكت شوي وجاوب) لالهام ديالي اناا هي ن(قاطعهم صونيط لباب لاح لمانطة وناض حل لبااب دخل صاشياات لي فيهم لعشاا وحطهم فوق طبيلة تاع الزااج بلقرب من توبة
توبة-ياودي طلق اه العود لي تحكرو يكويك 🙊🙊زعما اعميك
شاف تاعيا وناض جهة فاليز ديالز جبد مذكرة لي كانت فالاسود ونازل منهاا خيط كحل مضفور ورحع حداها حتى لقاهاا جنبوو وشعرها طاح على كتافوو ولامس لحيتوو غمض عينيه لتوااني ورجع حلهم فلمدكرة
توبة-اه اه هدشي عندك مرتب
محمد-لا علاقة بيك ههه وشدي لرض باش تشووفي مزياان راك دوختيني
توبة:(بقات كتشوف ليه فلمدكرة وهوا كيقلب فورااقها بين ايدوو وهيا كتقرا بعينيهاا حسااات بكلماات قراب ليهاا وفاوااخر الصفحاات تحت كل قصيدة كاين حرف من حروف اسمها لي غافلة عليهم هي
توبة:تتسرسبني هي بالفن هههه هو اه فيا النعااس اوا حك ليا شعري
محمد-ولفتيهاا نتيي هه(ضور ايدوو على كتفهاا وهوماا كيشوفوو فلمدفئة وصوت لعوود كيطرطق هبطاات راسها على ركاابتو وتلوات فالمانطا وهو دور عليه المانطا فكتافو وتخللات ايدووو بين خصلات شعرها رطيطب حتى كتسري معااه تبووريشة معمرو حس بيهاا هي بقربوو الف حكاية كتنسجهاا الااياام وهيا بين ايديه الف كلمة بغاا غير امتاا يكتبهااا ويستمتع بيها فمخيلتوو هبط عينيه ليهاا لقا عينيها تسدو وهز لمدكرة ديالو حلهاا على الصفحة لبيضااء وعلى شفايفو ابتساامة جبد ستيلو من وسط المذكرة وبااشر فابدااعوو كيف لااا وملهمتوو بين يدييه
كانت بين يدو يد يحك بيها ويد يبدع بيها..كنب جوج صفحاات كاملا عليها تاجاه النعاس وهو يحطهم حداه ورجع راسو لور كيحاول انعس كذاك بعد يوم نصو خدلان ونصو اعتراف
####
فالصباح الباكر تحركات ريح عتية فإفران ودوك جوج باقي ناعسين محاسينش باش واقع..تحركات توبة شوي وحلات عينيها فحجرو متوسدة فخدو حققات فعنقز لي باين ليها لان راسو راضو لور كتبان ليها تفاحة أدم فالقياس مزادتو الا وسامة بالنسبة ليها..بتاسمتت وهي كتفكر هضرتو معاها وكيفاش كيلمح ليها بهضرتو وهي فاهما وكتستغبى أو بالاحرى مباغاش تسبق الاحداث
بقات كتشوف فيه شحال عاد ناضت بشوي من رجليه وقادات ليه الغطا..حيدات عليها المانطات وناضت لبسات جاكيط ديالو حيت دار بردات اان العواد سالاو..توجهات للبالكون السفلي وطلات ضرباتها ريح زويينة وستنشقات هواء منعش وبقات واقفا كتمتع عينيها بإفران وثلوجها تاسمعات تحنحين موراها..تلفتات لقاتو هو لي كيحنحن اعلانا عن ستيقاظو باقي مشافهاش تمات جايا وقالت:صباح الخير
تلفت ليها وقال بابتسامة عذبة:صباح النوور..فقتي بكري؟؟
توبة؛لا ياله شوي باش فقت..شحال فساعة
شاف يدو وقال:سبعة ونص نعستي مزياان؟؟
توبة:(بفرحة)اه ههه
محمد:بصحتك الراحة..نطلب فطور هنا ولا نخرجو نفطرو براا
توبة:معلوم براا ههه مالنا جينا باش نجلسوو
محمد:واخا ولكن اه غنفطرو ونرجعو فحالنا
توبة:(بحزن)وعلاش؟؟
محمد:حيت انا خداام وجيت للرباط على قبل لخدمة هي شي ساعات ونرجع عندم
توبة:اوا صافي ديني معاك للشركة
محمد ضحك وهو كيحك عينيه:وعلاش بسلامة؟؟
توبة:حيت بيت هههه
محمد:والى مبيتش؟؟(كيقلدها)
توبة ضحكات:😂😂😂بنهز موتوري ونزيد متعرفني فين مشيت
محمد:خهههههه لا لا بلاش واخا ياله بدلي وغنخرجو
توبة:واخا
مشات لفاليز تاعها هزات حوايجها وقالت:ثقلت بالحوايج على والو ههه
مشات لواحد لبيت لقات فيه ناموسية غسلان وجهها فحمامو ولقات تما كولكات وشيتة جداد غسلات بيهم وخرجات لبسات عليها عاد خىجات عندو لقاتو لبس هي سروال لفوق ياله غيلبس التريكو المقطن الكري شافتو وشافت تقسيمات عضلاتو وكيفاش أن ظهرو مقسم باينا خادم على راسو مزياان بقات واقفا عاطيخا بضهر كيلبس وهي كاشوف فيه باعجااب حمقها شكلو..وطويل متعطيهش 22 عام هز جاكيط وعيط بلا ميتلفت:توبة ياله
فيقها صوتو من سهوتها وقالت:انا واجدا
ضار عندعا مبتاسم مشا هز كاقيتها ودارها ليها فوق راسها ولبسها كاشكول ديالو وهي هازا فيه عينيها بحب..معرفاش تفسر شعورها جيهتو مهائيا هي كتشوف وساكتا..فحنانو فعطفو فرجولتو وفابتسامتو لي مكتفارقوش وديما طيب..أما هو كان كيثقل حراكاتو باش ابقا قريب ليها كثر لكن دغيا سالا وقال:بيضربك البرد هه
بناسمات بخجل وقالت:ياله زيد اه بينموت ليك هنا بجوع ههه
سبقاتو وهز هو السولرت وجر شانطتها وديالو وتبعها..سد للدار وعطا سوارت للعساس بعدما شكرو وضور معاه..طلع حداها لقاها كتحك يديها مع بعضهم وقال:بردتي دغياا؟؟
محمد:(بجدية)لا وياك أتوبة مافيا لي يتصادع مع شي حد..
توبة:نلوحها هي فالواتس عفاااك
محمد:الى كان هاكا اوك مي تخرج من الواتس نتفاهمو
توبة:خههه لا لا..ولايني أش نكتب عليها؟؟
محمد:معرفتض
توبة:ندير عليها قليب صافي ههه
بتاسم تا بانت ضرسة العقل وقال:خودي راحتك
دارتها ورجعات بلاصتها كتاكل وتضهر معاه فشتى المواضيع وكيقلبوها مواضيع زوينة ويتناقشو ويتبادلو الاراء تا سالاو وناض خلص عاد خرجو وشدو طريق لللرباط وطول الطريق دوزوها هضرة وضحك تاوصلو للرباط ودازو ديركت للشركة..وقف الاوطو ونزل خل ليها لباب ودخلو للشركة مستقبلينو بابتسامات وتاهو كذلك أما توبة كضور عينيها وتشوف فيها..وضل لبيروه وناضت معاه السكريتيرة تبعاتو وكتفتي عليه اش غيدير رغم انه تعطل..خرجات وخلاتهم جلسات توبة على الفوتوي وقالت:نتا كمل خدمتك أنا غنشوف شي قصة نتلاها بيها
محمد:لا ههه عندي لي يلهيك
توبة:نوض ندير دردبة ونبدا نجذبونهرس جاج مثلا
محمد:😂😂😂😂مالكي شريفة؟؟
توبة:فيا طبع الشرفاا أه جدا فتيحة شريفة
محمد:ببراكتك ههه
توبة:وادابا gول ليا اش بيندير
محمد :أري تيليفونك
عطاتو ليه طلق الانترنيت دهل لليوتوب وقال:ياك تسجلتي فلغة ياك ومزال متجمع القسم دونك قبل مامشي ليها قرايها شوي كوني فايتاهم بشي حاجا ولا خودي عليها فكرة وصافي
توبة:اوا
محمد:كنت كنقلب داك نهار قبل كاه منسجلك ولقيت واحد الاستاذ فاليوتوب كيقريها مزيااان غيعجبك وكيبدا من لول بحالا راك فالسونطر
توبة:(كطل معاه)فينو؟؟
محمد:سميتو Marowelt أه أستاذ زويين وكيقري مزياان وكيعطي معلومات زوينا كيبدا معاك الالمانية من لول من الحروف وشوي بشوي كيبقا طالع..قراي معاه باش تشدسها كثر
هزات مذكرتها وتيليفونها وااهو هز أغراضو وخرجو من الشركة توجهو للدار لقاو الغدا وااجد تغداو وسللاو وقال محمد:أجي معايا نوريك واحد اللعبة
ناضت معاه تابعاه تاخرجو من الفيلا وضارو لجهة بخرا حدا لاصال دخلو لوااحد القاعة كبيرة بزااف ومع كانت مظلمة كي حل لباب تضوات..لقاتها عامرة بأواني الفخاار والطين مالي القنت ضحكات وقالت؛أش هذا؟؟
محمد:الفخار هههه عمرك جربتي تصاوبي شي حاجة
توبة :وا عو فاش كنا باقي فالدار لقديمة كنت تنلعب فالزنقة بالغيس هههه ولايني عمري صنعت هادشي..ديالك هنا؟؟
محمد:(كيحيد جاكيك)لا ديال منال مرات عمي وهي لي علماتني ههه تبغي تحربي
حيدات حاكيطها:أه ههه
قاعة عامرة بالاواني الفخارية وفيها طين وبلاصة فاش كيضورو الطين حتا كيوقف على شكلو..مشا هلط الطين تاولا جاري وبدا كيقاد فأنية وهي واقفا عليه كضحك عاجبها الحال ويديه كلهم غيس تا قاد وحدا وقالت:هههه زويهة تانا بيت نجرب
محمد: أجي جلسي قدامي نوريك
وفعلا جلسات وبدا كيفزك يدها بالما ويقاد أنية خرا ورجلو كدور الالة من التحت وهي عاجبها الحال حاط يدو على يديها عامرين بالطين وكيصنغو أنية..هي كانت مستمتعة وهو أكثر حيت قريب منها وشعرها كيرجع على وجهو وضحكتو كتسمع فوذنو ويدو كتلامس يديها بطريقة جنناتو
توبة:ههههه اوا حشاك أ حلوف طاحونة😂😂😂لي وجهو كي لكرشة وعينيه ناعسبين كي سراق الزيت ههههه كون طل على راسك كون تبوز ليا انا لي تنشوف فيك
محمد:زيدي زيدي نتي مكاينش لي يغلبك فالتقابيح زيدي فحالك ههه
ضحكات وتخشات فيه كتعلق فظهرو وتاهو عاجبو لحال مشاو للفيلا حلات ليهم وحدا من الخدم وتصمرات تتشوف فيهم خلعوها..ضحكو ليها وزادو مع الدروج وبقات كتستغفر الله
طلعو لبيوتهم وكل واحد مشا ادوش واغسل حالتو
#####
بعد مرور أسبووع كولو داز زويين عندهم كيقضيو معظم نهارهم بجوج الا فاش كيكون فالشركة وكيحاول اسالي دغيا باش ارجع عندها ..فهاد الاسبوع تقربو كثر من بعضهم وعرفو على بعضهم شي حوايج كثر خلاتهم اتعلقو ببعضهم كثر..اليوما فاق محمد هو لول قضا روتينو الصباحي ونزل لنحت لقا على طبلة اافطور عمو سفيان ومراتو منال..بتاسم وقال:على سلامتكم
محمد:لا مكاين والو هي حيت كنتي قلتي ليا تتعيطي ليها ومتتجاوبش كتصيفتي ليها وتتعطل باش تجاوب تسحابني تخاصمتو
توبة:هو منكذبش أه تبدلات علي بزااف..دارت عالم اخر ديالها وصحال خريين من غيري ومتنساش دابا هي تتقرا يعني ممسالياش لوحدة ماعندها مايدار
محمد:ههههه هانتي ولا عندك مايدار ههه
توبة:اش تندير؟؟
محمد:عههه مقابلاني انا ههه
وقف الاوطو حدا الرياض ونزل حل ليها ومشاو للباب كدق بيديها ورجليها هو كيضحك ويقول:ناري على شوها هههه واش تتساليهم الفلوس
توبة:خالتو ههه خالتو حلي
حلات لباب رشيدة وتلاحت عليها تتعنق قيها وتبوي:توحشتك أحتروفة هههه
رشيدة:تانا خليتي بلاصتك ههه
توبة:هي هو اه ربيتيها هههه واراه فضتي
ضحك محمد وسبقها حيت متتحشمش تتهضر عادي أما هي تلشدات فرشيدة عاد تبعاتو وقالت:مكايناش ماما كلشي فالمدرسة والخدمة دروك ادخلو ههه
محمد:مم مزيان طلعي دوشي عاد نزلي تلقايهم جاو
توبة:ونتا؟؟
محمد:نجيب لي فاليز ونجي
توبة:اوك
كان غادي وهي تشد فيدو وقفاتو وقالت بصوت عذب:محمد
تلفت ليها وقال:نعام
توبة:شكرااا شكرااا بزااف
ياله غيهضر وهي تزيد تقرب كثر خلاتو اسرط الكلام لي كان غيقول وابقا اشوف فيها فعبنيها وهي كتقرب كثر تا طبعات قبلة على حنكوو حنينة ودافيا خلاتو اتفافا عروق راسو يضربو وكاع المواجع ناضو عليه..حس بشفايفها قاسو زغب لحيتو خلاوه اعض على شفايفو قبل ماتبعد وجهها على حنكو كانت يدو سباقة شدات وجهها وقربو لعندو تاخرجات عينيها وقال:ديالاش هاد البوسة؟؟
توبة:هننن..كيفاش؟؟(كتهضر وتضور عينيها)
محمد:ديالاش هاد البوسة؟؟
توبة:gلت ليك بيها شكرااا وصاافي
محمد زاد قرب وجهها عندو تاولاو انفاسهم مخالطا وكل كلمة كتخرج من فمو انفاسها كيضرب فوجهها:أنا لي خصني نقول ليك شكراا..عرفتي علاش؟؟
حركات بؤبؤ عينيها كأنها طتقول ليه لا عاد نطق بابتسامة:حيت نتي هاكا ..وحيت كضحكيني وحيت خليتيني نضحك بلهلا يطيره ليا وحيت (سكت وعاود قال)حيت فحياتي ..حيت وليتي حزء مهم فحياتي لي منقدرش ادوز شي نهار الى مهضرتش معاه ولا متناكرتش معاه ولا معشتش معاه..
بقات مبلقة فيه عينيها كانها تصدمات اما هي عارفاه لاش كيلمح وباغا تهرب حيت حناكها حماارو ومقدراتش باقي طول فبه ااشوفة حيت غتفرش تاهي لي ولا كيجيها جزء مهم فيومها..مزال مفاقت من صدمة هضرتو حتا صدمها بشفايفو الباردين على خدها قريب لنيفها..باسها بووسة حنينة وطوييلة ويديه شاد بيها وجهها فلول خرجات عينيها مي فالخير بناسمات بخجل وهي كتحس بشفايفو على حنكها الرطب ولي مسخاش احيد شفايفو عليهم ..بعد شوي وقال:سيري دوشي
معاوداتهاش معاه تفكات منو ومشات كتجري للبيتها ويدها على قلبها لي نايضين فيه المدافع
أما هو مشا لبرا مبتاسم وتبوريشة طالعا معاه واعساك الى دارو شس حوايج خرين
جاب لفاليز وطلعهم للفوق دا لبها فاليز تاعها دق عليها لباب وقال:توبة
جاوباتو هب لي كانت مليوحة فوق ناموسيتها كضحك بوحدها وتفرنس تاقفزها صوتو وقالت:نعام
محمد:لفاليو ديللك
ناضت بزربة حلات لباب خجلانة وقالت:شكراا
جراتها وبقا هو شاد فلفاليز تاقالت:واش مغطلقش؟؟
محمد:لا(غمزها)
توبة:اوا علاش جبتيها ليا؟؟
محمد:باش نشوفك ههه
توبة:مالك عمرك شتيني ههه
محمد:لا متنسخاس أنا بهاد العوينات
ضحكات وقالت:شقيتها صافي قوستي عليهم😂😂😂اودي
محمد:ياربي صبر هههه هاكي ها حوايجك
مشا وخلاها كتفرنس تتطل عليه تاقرب لبيتو وهي تقول بجهد:تانتا لحيتك زويينة هه
دخلات بزربة وسدات لباب كتفرنس أما هو بقا فبلاصتو كيبتاسم ويحك على لحيتو الرطبة ولي عجباتها هي وخلاتو احلف ميبقا اكرطها
دهل لبيتو ناشط دوش مع راسو وخارج كيصفر
توبة دخلات دوشات واريحات عاد خرجات من بيتها بشعرها فازك حيت الرياض سخون..تلاقات مع وردة داخلا مع محمد معانقين ومعاهك لبنات غوتات فاش شافتهم وقال:اههعععع
شافوعا وبداو كيضحكو تلاحت على باها عنقاتو تاهزات رجليها وضوراتهم على خصرو وعنقااتو تضحك وتاهو كذلك فرحان حيت رجعاات عاد دازت لوردة لي غرقاتها بوساان أما اكليل سلامهم كان هو تبربيق والتمشخير..باست حتا نعمة باستها وتخشات وسطهم ودخلو لصالة بقات كضحك معاهم وتعاود بيهم على كي دوزو العطلة
توبة:اححح شحال نشطت وعجبني الحاال ههه
محمد:مزياان ملي فوجتي كتباني تا فوجهك مرتاحة
وردة:كتاكلي مزياان؟؟
اكليل:مشتيهاش بدات تتربي الحنوك تاني هههه
توبة؛خمسا والخمامس حرملي عينيك يخ هههه اه تناكل مزياان وتنغس مع العشرة وتنفيق مع السبعة وبديت تنقرا الالمانية فنيت ههه
وردة:اوا وشنو(بجغات حتاكها وباستها)انا ملي هي جات ليا بنتي ناشطا ومرتاحو هذاك هو نهار لكبير
توبة:☺☺☺
دخل محمد لعندهم لقا السلام وناض تعانق معاهم كاملين وباس البنات وجلس حداهم وتوبة هي شافتو تزنكات وحمارو حناكها شاف فيها وبتاسم ليها بتسامة ساحرة وقال:غيضربك البرد عاد مدوشاا
تلفتات ليها وردة:عندو صح معريا راسك قبل متنشفيه
توبة:(هزات كتافها)لا ميوقع والو ههه
حطان رشيدة لغدا لي مولفا تحطو فور ماكيدخلو من الخدمة وتجمعو عليه كلهم كياكلو ويضحكو ودوك جوج كيبتاسمو لبعض كيخليها تاكتاكل وابقا اشوف فيها تاكتحشم وتدور وجهها ولا توحل ليها..ووردة هي لي حاضيا الفيلم كولو وعاجبها الحال
سالاو الغدا وبقاو مجمعين وردة كتسمع لتوبة كتعاود ليها على اش دارو وفين مشاو وعينيها كيبريو أما اكليل طلعات نرتاح ونعمة كتلعب حداهم ومحمد كيهضر مع ااساجدي على الاعمال وعلى قرايتو وكيعطيه نصائح حيت قرا تاهو نفس الشيء وكان نفس تخصصو فالماستر تاداز وقت طويل تشاركو الضحك والمعاودا..تاوصلات الستة ووقفات عليهم نبيلة لي هي شافت الكلاوي تحلو عينيها وقالت:السلام
مشات سلمات على واليدين توبة وتعانقات مع صااحبتها وسلمات على الكلاوي بخجل بادلها هو بتسامة خفيفة
وردة:غبرتي أ نبيلة؟؟
نبيلة:هي القرايا والمشاغل
توبة:اححح شحال توحشتك
جات اكليل سلمات عليها وقالت:عاش من شافك
نبيلة:ههه القرايا والمشاغل
اكليل:تتصرفي على المغرب ههه الى القرايا اه متتقراي تازفتا (كتلوح ليها الهضرة)السناب ديالك عاامر بالفواياجات وبالخرجاات طوالو رجلييك هاا
نبيلة:محرامش عليك..عرفتي وتشوفيه كي تيطلب فيا باش نجيبك لعندو هانتي هاكي gاع تصويرتو وشوفيه
جبدات ليها تيايفونها فيه تصويرتو مضروب وناعس فدارهم مضروب فراسو وفرجلو..كمشات ملامحهل بحزن وقالت:مسكيين ياختي..بقا فيا(شافت فنبيلة)ولكن اه مغديش نمشي عندو جهدي نصيفت ليه ميساج فيه الله يشافي
نبيلة:والله حتا نكارة الخير نتي..ازمر مافيها والو تلقايه هي با يعتاذر منك وصافي
توبة:هي يخليه عندو نسيت اصلا
نبيلة:(كتشوف فبها بنص عين)وزعما نسيتي الغرام والبكا لي بكيتي عليه وكنتي كتسكاي غليه
توبة:عقل الصغر وصاافي
نبيلة:على أساس دابا كبرتي؟؟
توبة:سي كبرت..مبقيتش توبة ديال شحال هادي لي كانت تميك وتسكت..صمد صفحة وسدات كون كان نيت باغيني كون جا شافني وانا مريضة
نبيلة:علاه مالو مجاش؟؟ياك كنتي عاودتي ليا بلي جا
توبة:ايييه جاا وشفتو ويقا تيهضر وكدا وتخاصن معاه محمد وزاد فحالو..ربع شهور أ نونو باش دازت لكسيدة عمرو سول هاا عمرو حاول لا..قبل بعدا كان تيgاد لي فوكونط ويدخل عندي حيت مبلوكياه ويطلب ويرغب باش نسمح ليه ومن وراها صافي مبقاش سول لا كيدايرا لا واش بريت لا تا ق***
نبيلة:حرام عليك دابا بينولي برهوشة قدامو هالعاار ياله معايا نشوفوه ومجيو والله منتعطلو بالله..عطيتو كلمة بلي غنجيبك
شافت فيهل بقلة حيرة مبغاتش تخسر ليها خاطرها وهوما ياله تلاقاو بعد فترة طويلة لي غابت فيها نبيلة وفنفس الوقت بقا فيها صمد كيما كان الحال كان معاها مزياان
ناضت لبساات عليها ونزلتت تبعاتها لقاتها سبقاتها لدارهم بلي بغاو اشريو شي حاجة..بتاسمات لمحمد وتاهو ردها ليها ومشات مع نبيلة فالموطور ديالها وبالها مشوش محاملاش تمشي معارفاش حتا اش بتقول ليه ولا اش غتقاول معاه كيفاش غتكون ردة فعلها فاش تشوفو..كتعتارف انها نساتو ومبقا كيعني ليها والو ولكن معمرها شافتو باش تحدد ردة فعلها..دخلو للحي ديالهم حطو الموطور عند الكارديان وتوجهو لدارهم محدهم تيقربو وقلبها كيضرب
صمد شد يدها وجراتها لعندها:توبة داك نهار كنتي مريضة ومعصبة وقدرت وضعك ومعارفاش اش تتgولي..خليتك على راحتك تاتبراي ونهضرو..سمعيني لاخر مرة
توبة:(محملاتش الموقف)صمد نتا لي غتسمعني..مغنكذبش اه دوزنا مع بعضياتنا وقت زوين وكنتي معايا ولد الناس ولكن اخر ستون منك نتا ومك كرهني فيك علاش فنظرك؟؟حيت صعرتي وجهلتي gدام الكلاوي..ماعلينل هادشي فات اليوم حنا ولاد اليوم وانا كندوز من ظروف صعببة وكنتعذب بوحدي وملقيت حد معايا كلشي زاد وخلاني علاش؟؟حيت مقريتش وحيت مبقيتش تمخرج وحيت وليت مملة..هادا ماشي موض عنا موضوعنا هو انا ونتا..انا وياك مابقا بينا والو ومعمرو غيكون شي حاجة باقي..كانت نجربة دزنا منها ومنجحاتش
صمد:دعيا حاكما عليها بلي منجحاتش أتوبة..عطيني فرصة خرا نجحوها عفااك
توبة:سمح ليا منقدرش
قاطعها الباب لي تحل لباب تبيتو ودخلات مو لابسا باقي جلابتها وخرقتها على راسها معولة على خزيت طلعتت فتوبة ونزلات وقالت :أش جايا ديري هنا؟؟
توبة:الله يشافي أصمد
جات بغات تخرج وحبساتها وقالت:باقي مكفاش داكشي لي درتي جايا تال عندي برجليك تال دار
توبة:مجيتش باش نشوفك الحاجة جيت نشوف ولدك gالو ليا عليه مريض
هزات فيها حاجب وقالت:احجو عليك انشاء الله للسلكوطة لملقطة هاا..داك نهار كتعرعري علينا تاحمقتي لولد ولا يصبح ويمسي بيك اعلم الله أش دايرا ليه ودابا داخلا تال داري وتتحلي علي ففمك
توبة بداو اطلعو ليها القرادح:دابا مالكي تتهزي وتحطي هي بوحدك بحالا معرت gاع اش درت ليك شتي هي ولدك هاهو الله يطليك بيه
...:وملي الالة الله يطليني بيه لاش جايا تاب عندو اللفعة؟؟
توبة:جايا نخطبو من عندك(كطنز)أنوضي أشريفا الى عندك شي شغل قضيه ولدك الحاجة فضيت معاه الجوقة وساليت هو لي باقي تابعني وهاهو سوليه وباش تجي تبقاي كتبوطاي علي هنا وتهزي وتحطي بحالا معرت شكون والدا ليا أه معندك متصوري نني
صمد:توووبة😡😡😡
توبة:مكاين لا توبة لسيدي زكري..هاد اللهضرة كنت بيت نgولها ليك دااك نهار فاش خدامة كتعرعري عليا فالكتبية وتبومباي بوحدك وحشمت نجاوبك وقلت مع راسي مرا كبيرا ساعا نتي عاد مزايدا فيه
..:سمعتي(شادا جنابها)سمعتي المسخوط..سمعتي ديك لي بيتي دخلها علينا وديرها مرااتك..جايب لينا سلكوطة بنت الزنقة لي كنتي ماوي دخلها علي جايا تال قاع داري وتتعاير فياا ياااك
توبة كفضات على كمامها معصبة:وملي أنا بنت الزنقة وسلكوطة نتي اش تكوني يادلي لي فوسط رمضان ناس تيصليو ونتي تتباجبااطي وتغوتي بحالا معرت كاع اش واقع..شوفي الله يرحم بااك غتحيدي هو هذااك ولا والله ميعجبك حاال أه باقي متتعرفنيش أه توبة بنت الساجدي ومن لايعرفه نقبرك ونقبر ولدك ميجيبو ليكم خباار (زادت فيها)دار الخراا حاسبا راسها والدا ليا تاج الدين الصقر..بنادم كيداير درنا فيه خير هجرو لينااا
خرجات برا لقات نبيلة واقفا مع ختو كيسمعو التهلال وقالت معصبة:زيدي باقي تgولي نجي نشوف شي حد غنشتف على رية مك..جينا نشوفوه وصدقات مو تتبلبل لينا
نبيلة:اش داكشي قلتي لسيدة
خرجات مت صمد من بيتو تتغوت وتابعها هو حيت مرضات برهوشة تعايرها وفقاع دارها:أ خرجي علي خرجي السلكوطة علي خرجي أبنت الزنقة كون عندك العرض كون كاع متجي
توبة:كون عند جد مي العرض منشوفش فولدك كاع..زيدي نتي
خرجات هي ونبيلة كيتناكرو فحين مت صمد بقات كتغوت على ولدها:شتي عجبك هادشي نتا مول هاد البلانلت الخاويين ياك بعدتي عليها أش دااك تجيبها عاوتاني هاا.ولا معند جد مك قلب هاا وجايا بلا حشمة بلا حيا تتعاير فيا وسط دااري هاا..ونتا ساكت يااك ولايني بحلوفي باش كيحلفو العيالات الى بقات فيها راه خليت الذل على لي ولدني ها وجهي وها ديالك
صمد:أمي الله يهديك
...:الله يديني وكاان ومنشوفكش جايب ليا بحال هاد سليطى لللسان لداري ولايني والله لبقاات فيها أنا تجي تال قاع خربتي وتسمعني لي عمر شي بنت المرا ماسمعاتو لياا
فبرا كانت نبيلة ديمارات وطلعات موراخا توبة معصبة ومراشقاش ليها وصلاتها حدا دارهم نزلات وقالت"شوفي الله يرحم بااك نهار باقي تgولي ليا ياله أ فلانتا تشوفي شي قوااد غيكون ليا معاك سوق وسويقا
نبيلة:ندمتيني وشوهتيني مع النااس باشمن وجه غنشوف فيهم هاا مالك أ توبة دايرا هاكا
توبة:هي سخااي ههه قابليني انا اه معندي مايدار هي ضحك
اكليل:تفووو هههه
ناضت باست واليديها وطلعات تنعس
وردة:تانا غنعس ففف عييت
الساجدي:ياله احبيبة تنعسي
توبة:اوا ملي كلشي بينغس نمشي تانا نركد
محمد:اوك تصبحو على خير
طلعو مجموعين للفوق وكلها تفرق لبيتو..فطريق لبيوتهم وقف محمد حيت غيدخل هو لول لبيتو وقال:ياله بونوي وسيري نعسي
توبة:تتشوف نيت عينيا كي مبوقيين وتتgول ليا هاكت هههه
قرب منها وجرها عندو باس يديها وقال:قولي تاني ديك بوندودو ديالك ههه
بتاسمات حشمانة وقالت:علاش؟؟
محمد:حيت ولفت نسمعها وعنظها رنة خااصة
توبة:ههه اوك بوندودو
ضحك وقال:بونوي..
مشات عاطياه بالظهر وهو كيتفحصها واول مرا اشوف فتفاصيل جسمها وابقا هايم فيه عندها مؤخرة على قد فصالتها ومع قصيورة خارجين ليها ليهوش..بتاسم وحك على لحيتو ودخل لبيتو مبتاسم..بجوج بيهم نعسو فوراا من فرط التعب
صبح صباح جديد فاقت فيه وردة هي لولة كيف غادتها قضات روتينها الصباحي ومشات متفيق بناتها بجوح وتوجدهم للمدرسة فحين الساجدي سبقها للتحت رفقة الكلاوي في فايق نااشط كيف عادتو كيف لا وهو بايت كيحلم بيها كتسلل لاحلامو
تجمعو كاملين على طبلة الفطور العائلي تانزلات توبة من لفوق باقي بحوايج نعاس..باست باها ومعا وجلسات حداهم مدواتش هي تتشوش باقي مبوسرا بالنعاس
وردة:عبيقا الشمكار 😂😂😂كامي ولا باقي؟؟
توبة:كمممم
وردة:هههه فكي اابشرة ابنتي ههه
اكليل:حنا بايتين معاك لحسك ممسلماش
نطقات توبة بصوت باح:تنشوف فيك كلا نهار لاش نسلم عليك
حكايتنا الجزء 21
محتوى القصة
التنقل بين الأجزاء