توبة:(ضحكات بخجل وبغات تننووض حتى لقاتوو جارها عندو بشوية حتى زداهاا مع صدروو لي كان سخوون)محمد خاصني نمشيي لا شافنا بابا غي...
محمد:(حط صبعو على فمهاا)شوووو خليني نشوف فعينيك
سكتات كتشوفيه وحتى هوا سكت كيتمعن فيها قرب ليهاا وحط شفايفوو فوق ودنهاا حتى تبورش لحمهاا ونفسو سخونة كتحرقها ناهيك على لحيتو دابت وغمضات عينيها ناسية فين هي قربو ليها كيوترها ومكتبقاش حاسة بلي ضاير بيهااا لمساات شفايفوو على ودنهاا وطالع بيهم تالعينيها صدى لقبلة كيتسمع بحال شي رنين فودنيهاا باسها فنيفهاا وحبس كان كيقوليها بلي انا مقبل على التهام شفايفك عوج راسوو وتحناا على شفايفهااا ما ان حط فمو على فمهاا ضرب قلبوو جر شفايفها بين شفايفوو بلطف بعد ورجع كيتاكد من طعمهم من جديد
اما توبة كانت ذاتها كلها كترعد حلات عينيها وسط لقبلة لقاتو مغمض عينيه مستمتع بيها حطات ايدهاا فوق صدروو وبعدات وجهاا علييه وشفايفهاا كيلمعو بريقوو قلبها كيتهز وهوما كيتبادلو نضراات وقالت بهمس:محمد راه..
ناضت بزربة تاهيا وقالت:كيفااش؟؟(ضارت لعمدو)مالك دغيا تقلبتي كي زماان
محمد:(غادي فاتجاه الحمام)سيري لبيتك
توبة تبعاتو ودوراتو عندها:وابنادم gول مالك
محمد:(طلع فيها حاجبو)سيري لبيتك غيشوفك باباك
دخل لحمام وخلاها كتبرق فعينيها مفهمات فيه والو..حايرا بين عقلها وقلبها وباها وبينو هو..حنات راسها بحزن وخرجات من البيت مقلقة مشات لبيتها فداك الظلام دخلات ديركت لسريرها تلاحت عليه وكملات نعاسها قالت غدا غتدوي معاه
أما هو دخل لحمام غسل وجهو معصب فهم هضرتها بلي كتقلب ليه على الاعذار باش متكونش معاه وهو لي باغيها تكون معاه ليوم قبل غدا..خرج مسخسخ ومشا للسرير ونعاس طار عليه وعضامو ضارينو..تكا كيحاول انعس ولكن خريق الراس مخلاهش ناض شرب كينة ونعس من فرط التعب
####
الصباح ربااح والنهار جبار والليل قهار..فاق محمد بتعب او بالاحرى منعسش كينعس شوي ويفيق تاني من شدة الحرارة والرااس..المرض راكبو كولو وعياان..كانت اساعة شي الثمنية تصبااح فاق على دقات فالباب..هز راسو شاف وردة هب لي جات لابسا حوايج برا وقالت:صباح الخير أولدي
محمد:(بصوت عيان)صباح الخير
وردة:باقي مريض؟؟(قربات منو كتحسس حرارتو لقاتها بين وبين)نزلات الحرارة
مجاوبهاش دخل للحمام وخلاها باغا تبخ الدم..تعصبات وجلسات فطرف السرير مقابلة مع الباب تالحمام تتسناه اخرج تا تحل لباب وكان هو لي غيخرج مدور على نصو السفلي فوطة هي شافها ورجع سد الباب وقال:اش باقي كديري هنا؟؟وصلي بيتك
توبة:خرج الحبس مالك داير ليا فيها الحشمة على والو..خرج خلاص
حل لباب مطلع حاجب ومنزل لاخر وخرج قدامها هاكاك فازك ولكن التعب بارز فوجهو رغم انه كيبانو عضلاتو مفتولة..بقات حالا فيه فمها تاسمعات باب الحمام تسد كان هو لي سدو باش ابدل عليه
توبة:وشكون تاني هاد شهرزاد؟؟راه تنgولها ليك نتا واحد الزلال منك مكااين😤😠😠(ناضت من حداه)نوض رجع تنعس متنوض ان شاء الله ونتا مكاين عي بنات فبنات وشابعهم وبيتي تهضم بيا
محمد ناض كيضكك عندها شدها رجعها حداه وقال:والله يهديك اه هي عطيتك مثال أنا معاقل على تاحد من غيرك هاد الساعة(كيداعب حنوكها)والله يهديك أ حبيبة حلي عقلك
بتاسمات ليه تابانت ضرسة العقل وقالت:هه صافي واخا ولكن تاننا بلا داك تزكاك سير مgود ولا ق**
مشات خلاتو كيضحك عليها وتيقلب على مايلبس أما هي قلبها كيقول ديك الاغنية تاع قلبي دق قلبي حن وقالو لاء ههه الحمورية والسر طايح عليها وتغطي وجهها بيديها..كترعد ومقادراش تستوعب اش كدير مخافتش بتاتا حيت هرفاتو رااجل..لبسات حوايجها ومشات عندو دقات عليه وخرج لابس تاهو..طلعها ونزلها وقال:غاديا هاكا؟؟
توبة:مالي هاكا؟؟
قاس التريكو من لتحت وقال:ملابساش مزياان غيضربك البرد
توبة سدات تجاكيط تاعها وقالت:ميوقع والو
عطس وقال:ضبري راسك
توبة:ارحمك الله ههه تحرك
خرجو بجوج بغا يشد فيها وهي تبعد وقالت:بابا
محمد:واكواك ههه
خرجو لبرا وحل ليها لباب وقالت:عطيني نسوg
محمد:للطيارة مثلا ههه
توبة:لا لكروسة تاع سانيكروا الله يمسخك وابيت نسوg مشقافتك ههه
ضحك ولاح ليها السوارت لقفاتهم وقال:ياله الالة اليوم ديالك ضوريني فمراكش القديمة
توبة:مشاات ههه
شداتهم وضارت بزربو لبلاصتها ركب حتا هو وديماراات وقالت:فين نمشيو؟؟
محمد:فينما بيتي..ياله لمدينة لقديمة
توبة:طلبتي هي الموجود ههه
تحركات فاتجاه الشارع باش تباركي الاوطو عاد تنزل معاه ومخليها هو على راحتها دير لي بغات..هز كلينيكس وعطس وهي تقول:ارحمك الله كون هي بقينا فدار هاكا بيتزاد عليك الحال
محمد:لا لا الجو تالمرض تيمرضني اللهم نخرج
توبة:واخا اوا سد تجاكيط
سدها وكملو طريقم تاخرجو للشارع باركات الاوطو ونزلات ونزل حتا هو والبرد كيقرص..جات حداه وقالت:ياله زيد
شد يديها وياله غتهضر قاطعها:باك مكاينش هنا
حيدات يدها وخشاتها فذراعو وقالت:ناكا حسن باش تبقا على خاطرك وتا بابا ميسيقش الخباار
محمد:شكون بيعرفك هنا؟؟
توبة:اييه راه كيعرفوني هنا بزااف وتيعرفو بابا وماما
محمد:الدرهم نتي هههه
توبة:اييه انا هو
تمو غاديين بجوج كيهضرو واضحكة وتوبة منيما دازت تتسلم وهو كيكتافي ابتاسم..دخلاتو للملاح كيضورو عند العطارا الغرض عندهم انهم اتمشاو اما الملاخ ولا قصبة الممهم اتحركو بجوج..دازو من حدا القيصارية تاع دهب تما وهو يجرها وقال:أجي ندخلو هنا
دور يدو على كتافها وشد يديها كيشوف الخاتم كي جاها تانطق البائع:بصحة والراحة الله يكمل بخير
هز فيه محمد راسو وقال:هه امين
اما توبة حشماات وحنات راسها..هي من طبعها كتقابح وتقاجح ومعندهاش مصطلح الحشنة فحياتها يمكن لانها معمرها كانت مع شي حد لي قدر احسسها بأنوثثها رغم علاقتها بصمد الماضية ورغم انه كان كيتغزل بيها باجمل الكلمات وكانت كتحس براسها طايرة ومفحالها حد وتضل تحشم وتقول هذا احساس معمري نحس ولكن للحب قول اخر..
خرجو شادا فذراعو وهو هي كيعطس ويشد فنيافو دخلو للدخاشش تالمدينة القديمة منهم السماريين ودفا وربع وطلع وهبط وباب فتوح كلشي ضارو فيه كيضحكو وتوريه شي بلايص عمرو دخل منهم تاخرجو فباب غمات وبداو كيتمشاو تاني بلا ميعياو تاصونا تيليفونها كان باها بدات كترعد وجاوبات:الو بابا
الساجدي:(بنبرة قاسحة)فين مشيتي؟؟
توبة:(كتفتف)نن..انا ف..
حيد ليها محمد تيلي من وذنيها وقال:معايا كاين شي مشكل؟؟جابد فالبنت الرعب
شربو العصير ورضو الكيسان وتمشاو تاني تاخرجو فجامع الفنا داتو لسناك فالبرانس سميتو سناك أمير زويين فيه ثلاثة تطبقات كيطل على جامع الفنا كاملا وكيعمروه بزاف الكور..طلعو وجا عندهم الشرباي خدا طلباتهم هي مشا شد هو فيديها وقال:أجي حدايا
توبة:لاش؟؟
محمد:بغيت ههه اوا نوضي
ناضت مستغربة وجلسات قدامو تتشوف فجامع الفنا كاملة والجو مغيم شويا والريح محرك..عاطياه بضهر وكتشوف أما هو حاط يدو على كرسيها ويد فالطبلة حط ذقنو على عنقها وقال فوذنها:كتباني زوينة ونتي ساكتا
ضحكات بخجل بلا مدور راسها عندو وقالت:نبقا هاكا ساكتا باش نبقا زوينة فعينيك
محمد:هه كون كنتي كضلي ساكتا متلقاينيش تابعك من قنت لقنت هه
توبة:ممم محمد نسولك
محمد:كنسمعك
توبة:أشنو كيعجبك فيا؟؟
محمد:(بضحكة)والو الحمد لله هههههه
توبة:اوا هضر أزمر
محمد سكت شوي كأنه كيفكر ولا كيجمع فاشنو ممكن اقول ولاول مرة كيحيروه الكلمات وكيخونوه معارف ميقول ليها ولا شي حاجة لي تليق بمقامها عندو..شافتو سكت وهي تلفت عندو وقالت:وايلي لهاد الدرجة تاحاجة معاجباك فيا😔😔حرام عليك
بناسم كأنو مسمعش هضرتها فقط عينيه لي كيشوفو فيها أما عقلو راه خدام كيقلب غلى شي كلمات اواتيو وصفها..حط صباحو غلى ذقنها وقال:
لا أعرف ماذا بك ليوصف؟؟
مالذي تتميزين به عن جل النساء
كل ماأعرفه أنكي حينما تتكلمين تخاطبين قلبي مباشرة
كل ما أود تصديقه الان هو أنك فعلا بين يدي وأني فعلا لامست شفتيك
قرب منها كثر وعينيه فشفايفها:أنا هو معامن جات ديك القولة ديال"شهادة جامعية واربعة كتب ومئات المقالات ..ولازلت أخطئ في القراءة
تكتبين لي مرحبا فأقرأها احبك"
بتاسمات ليه وضورات يديها على خصرو وعنقاتو وتاهو زير عليها وقال"كتحمقيني أتوبة والله
سكتات معندها بلش تجاوب كيتقاداو ليها معاه اللهم تسكت وتبقا مخشيا فيه حيت حناكها غيفضحوها والضحكة هي كتحبس فيها مكظنش انه ممكن شي نهار توصل لهاد الد جة من السعادة..
معرفاتش اش تسمي هاد الشعور بي كيشدها فاش كتكون حداه..كتحس بلي شي جدار حماية داير بيها وحاميها كأنو كيقول للناس لي دوا معاها ارعف..كتبغي تبقا هي معاه بوحدو يمكن اعجابها بيه فات الحد وخرج عن السيطرة شحال من مرة مكتكرهش تبقا هي تشوف فيه واغمض عينيه وتبقا سارحا فيه بلا قيود بلا ميحشمها بشوفاتو وبشخصبتو الهادئة لي كتحمقها يمكن حيت هي معمرها عاشرات شخصية مخالفا لشخصبتها هي
وقف عليهم السرباي قطع الحميمية لي بينهم بتحنحينة ديالو حاني راسو كيحط ليهم لي طلبوه والابتسامة على وجهو..تمنى ليهم شهية طيبة ومشا مخليه معنقها..نزل راسو عندها وقال:ها الطاجين ديالك ههه نوضي كولي
توبة:اححح الله شتي هنا والله تيديرو شي ماكلة خواار ههه
محمد:بصحة
بداو ماكلتهم وكيضحكو ويهضرو وكل واحد كيعاود على راسو كأنهم اول مرة اتعارفو ولا اول مرة اخرجو
توبة:محمد بيت نسولك؟؟
محمد:كنسمعك
توبة:(توقفات عن الاكل)كنتي مصعور فصغرك ومكتفاهمش علاش دابا وليتي كاالم
محمد حط الفورشيط وضار عندها وقال:غنعاود ليك كلشي من لول ولكن اخر مرة غنعاود حيت مكنبغيش نهضر على هادشي الا الى دعات ضرورة
توبة:اييه ياله واهضر
محمد:كنت مصعور اه ومتنحشمش بحالك هاكا هه وكنت خايب وكندير البسالا فصغري بزااف محمق وفاء لدرجة انا وسليمة مكناش كنبقاو فمدرسة نكملو فيها حتا شهر وكل مرة الواليد مبدل لينا المدرسة حتا بنى جدي مدرسة ودخلنا قرينا فيها وراه كنتي شايفاني كنت كنضرب ومزيغاني ديك الكلاوي والفلوس ههه وليت معرت كاع اش بيت ندير
توبة:اوا
محمد:اوا وملي وصلت 15 لسنة تلاقيت بشي دراري فالاعدادية ووليت تنمشي معاهم كنديرو الشغب كنسلتو للبيران واخا قاصرين الفلوس حلات كلشي..واحد النهار واحد فيهم جبد كارو كماه وعطاني جربت ووليت نهار بعد نهار كنكمي حتا انا شوي دزت للغبرة شوي الفانيد تاوليت مدمن كلي الى متدروكيتش كنبغي نحمااق
توبة:(باسى)وعمو فؤاد فين كان فهادشي،؟
محمد:الواليد كان كيثيق فيا بزااف عارفني واخا ضاسر مكنتش كندير شي حاجة ونسا بلي حنا فأمريكا ركز على لبنات وبقا حاضيهم ليتغرو ويصدقو فشي حاجة ساعا البنات تقادو وانا عواجيت هه
توبة:اوا وباقي كدير داكشي؟؟
محمد:هه عمرك شفتيني هاز شي كارو هه
توبة:زيد كمل
محمد:واحد النهار كنت فواحد للبار مع صحابي ومع الفلوس دخلت وكنت كنشم حتا وقف علي الواليد (بضحكة سخرية)العصا لي كلت داك نهار معمري نساها هه
توبة:اوا
محمد:اوا وضربني وداني للطبيب قاليه ولدك مابقا فيه حتا أمل ولا مدمن وخصو اتعالج والحمد لله جات مع العطلة ديركت دخلني لواليد لواحد المصحة وبقيت فيها ربع شهور مكنشوف حد ومكنهضر مع حد من برا من غير طبا ولا الممرضات معارفش اش تيوقع تماا
توبة:وخالتي والبنات مكانوش عارفين
محمد:لا معمرهم عرفو ولدابا معرف حد من غير عمامي وباك ونتي دابا
توبة:وسوزان كانت عارفا؟؟
محمد:لا معمري جبدت الهضرة قدامها يمكن حيت عمرها شافتني هاز شي حاجة الشراب هو لخر وهي مراا فشحاال
توبة:اوا كمل عاود ليا على الوقت لي دوزتي تما تالعلاج
محمد:أصعب حاجة هي تشها شي حاجة ومتلقاهاش كتبغي تاكل راسك بلاصتها..كنت كنضرب فراسي مع الحيوط ونغوت باغي لدروك ولا كارو ووالو كنطلب الطبا والممرضات ووالو..شي شهرين وانا فالعذاب صحتي قلالت ووليت ضعيف وصفر وهي دوايات الماكلا مكندوقهاش تاجا عندي واحد الطبيب واحد النهار(بتاسم)وكان هو الورقة الرابحة فحياتي..جاب ليا معاه كتوبا ديال غلم النفس والتنمية البشرية ومقريتهمش وتايجي ديما عندي ابقا اهضر معايا تايعيا ومنجاوبوش وواحد نهار ضربتو وبقا كيضحك حتا شوي بشوي وليت صاحبو وكنبقاو نهضرو وقريت الكتوب ووقتما جا الواليظ اشوفني كنطلبو اجيب ليا الكتوب فلول ستغرب ومن بعد ولا كيجيبهم بالعرام ليا فكاع اللغات..رجعت كنقرا وحاولت نكتب وبشوي بشوي بريت تادازت ربع شهور ووليت محمد الكلاوي جديد بلا ادمان بلا عصبية بلا صعر وكالم بزاااف..كتاشفت بلي الحياة عندها جهة خرا من غير المضاربا والعكس والحقد فضلت ننعازل وندير عالم خاص بيا ونكون فيه مكالمي باش واحد النهار الى مت نكون مرتاح حتا فموتي
كانت حالا فيه فمها كتشوف فيه باستغراب ومعجبة من هادشي كولو مناش داز..تامد يدو سد ليها فمها وقال:مالكي ههه
توبة:وايلي على واش تتعرفيه؟؟واراه قرن وزمارا وهو تيتبعها ويلمح ليها ومع هي بهلة مكانت تتفهم والو..عرفتي أمحمد كيداير اححح أقلبي توتوز وحلو وعينيه مجبدين كي سراق زيت واللحية ياربي(شافت فيه لقاتو كيشوف فيها بنظرة من نيتك)ولكن نتا حلو عليه ههه(جرات ليه حناكو)مدوزاك اللحية 😂😂😂😂
الساجدي:نورمالمون باش زواج انجح خصك تاخد عكس التيار يعني تعرف شكل جديد وتبدل شي حاجة فحياتك سينو راه مازواج ماوالو للى غتبقا على نفس الريتم تحياتك قبل زواج
محمد:ان شاء الله اكون خير..دابا مغتخليهاش تمشي معايا؟؟
الساجدي:لا هي توكل عالله وسير بنتي مغتبقاش تفارقني
اكليل:خليها أبابا تمشي اه بتمل بوحدها وهي تتونس مع محمد بوحدو تانبيلة مبقاتش تتجي عندها
الساحدي:راه هضرنا لا هي لا..وزايدون جدها باغيها تجي عندو شحال هادا ومخليتهاش ونجي ونصيفتها لامريكا مغيعجبوش الحال
محمد وقف:اوا هذا جهدي عليك واخا هاكاك عاذرك..نخليكم نمشي نجمع حوايجي
كانت اونلين جالسا فبيتها تتضور فالفيس ولابسا حوايج الدار بتاسمات وجاوباتو:المعوكف ديالي ههه
محمد:مفهمتهاش ولكن شي حاجة ديالي وضافي هههه
توبة:مكاين لاش ههه جمعتي حوايجك؟؟
محمد:عاد جمعتهم وكنت غنقرا كتاب وانا نقول نهضرمعاك نتي لولة
توبة:ممم مزيان شمن كتاب؟؟
محمد:قواعد العشق الاربعون
توبة:سمعت بيه..سير تقرا بلا منشدك أنا
محمد:هي شديني ههه تنشدك تانا ههه
توبة:المسخ ههه
محمد:تقلقتي فاش مخلاكش باباك؟؟
توبة:عادي عارفاه مبقاش كيثيق فيا انا لي درتها لراسي
محمد:كلشي غيتصلخ مع الوقت انشاء الله
توبة:اوا عالله..سير سير بنهضر مع سليمة فيديو
محمد:واخا هه سلمي عليها
توبة:مبلغ
حط تيليفونو ومشا جبد من فاليز ديالو كتاب قواعد العشق الابعون بالانجليزية وبدا كيقرا فيه كيف عادتو بلا ملل بلا كلل لمدة طويلة محسش بالوقت تاسالاه وهو أضلا كان باديه..هز راسو وعنقو ضاارو شاف الساعة لقاها السبعة تالعشية بقات ليه ثلاثة تالسوايع على الرحلة وهو خصو اكون تما بساعتين قبل..ناض حط للكتاب وجمع أغراضو لي حط فالحمام ومشا خدا دوش لبس غليه وشرب دواه وخرج جار لفاليز وقفها فالكولوار ودق فبيتها جوج دقات وقالت:دخل
حل لياب ودخل راسو وقال:حبيبة
شافت فيه وقالت:دخل هه
دخل عندها وناضت لعندو وقفات قدامو وقالت:غتمشي دابا؟؟
محمد:سي دابا بيخصني نكون قبل الطيارة بشي ساعتين
توبة عوجات فمها وقالت:والله مبيتك تمشي كون هي زدتي بقيتي مزاال
محمد:(حط يدو على خدها)تانا مكرهتش ولكن ختي خصني نكون معاها ضروري
توبة:عارفا لي كاين معليش..ولاكن امتا بترجع؟؟
محمد:اوا هداي علي والله منعرف على حسب دابا ملي رجعت يعني خصني نرجع لخدمتي ولقرايتي يعني تال شي شهر ربعة هاكاك
حكايتنا الجزء 24
محتوى القصة
التنقل بين الأجزاء