دامت قبلتهم لدقائق وهو شاد يديها من لور ممخليهاش تحرك منغامس فثغرها ومباغيش ابعد..تاتخنقات وبدات تتفك منو وقال:حلوة نتي
توبة:(كتنهج)مالك هاكا مالك؟؟
محمد:بغيت(باس راسها)تهلاي فراسك واخا
توبة:غنتوحشك والله
محمد:حتا أنا
بقات واقفا بلاصتها كتشوف فيه غادي تا حل لباب عاد تلفت غمزها وضيفت ليها بوسة فالهوا وخرج مخليها موراه جارا خناينها..تلاحت على ناموسيتها مدليا شفايفها بحزن حيت مشا وكتفكر كي غتكون حياتها من ورااه ومن غيرو
أما هو كي خرج لقا وردة قدام الباب واقفا بملامح باردة وقالت:صافي غتمشي
تعانق معاها وهي تجاوبات معاه عادي:الله يوصلك على خير اولدي
محمد:اميين..فين البنات وعمي؟؟
وردة:لتحت ياله تنزل تشوفهم
نزلات معاه مخنزرة هي بوحدها سلم على البنات وعلى فتيحة وزهرة والساجدي عاد خرج برا الدار ركب فسيارتو هز راسو لشرجمها لقاها واقفا كطل عليه شير ليها بيديه وهي كذلك عاد ديمارا ومشا
###
وهي واقفا كتشوف فيه من شرجم دخلات مها على غفلة وقالت بحدة:توبة
تلفنان ليها ومسحات دموعها وقالت:نعام
وردة:كتبكي؟؟
توية:لا لا هي البرد مع كنت حالا الشرجم
وردة:(مثيقاتش)كممم واخا..نزلي تعشاي وغدا غنخرج أنا وياك فالصباح
توبة:فين بينا نمشيو؟؟
وردة:عادي بيت نضور أنا وياك ونشري شي حوايج وبيتك تمشي معايا
توبة:واخا😊
وردة:ياله زيدي تعشاي
نزلات معاها ساكتا وتا لوخرا محكراتش عليها عقلها كولو مع المنظر لي شافت قبيل وهوما قراب من بعضهم
نزلو لتحت تعشات مع دارهم عادي وجلسات معاهم شوي تاوصلها ميساج فنمرتها منو كاتب ليها:سأختصر المسافات لاجلك..كوني قوية وابقي لي امرأة
بتاسمات وسدات تيلي وحطاتو حداها غافلة على وردة لي كتشوف فيها بريب..
مشات وخلاتهم طلعات لبيتها وتخشات ففراشها ورجعات كتقرا قصة بالدارجة تاوصلات العشرة وهي تحط التيلي بعدما طاح فبالها هو لي كيوصيها ماسهرش ونعسات كتفكر فيه وفعلاقتهم لي ولات كتخلق الفراشات فمعدتها
####
عايشا حالة حب معاك واخداني 😘😘
وصعب انها تتكرر تاني😍😍
وبعيشها لو انتا بعيد او قدامي
واخيرا الايام رضيو علي
أخيرا جي ياحبيبي يوم ليا ارتاح من قسوة ايامي
فاقت توبة على صوت تيلي كيصوني بالغيفي لي ولات كديرها مع 7 ونص ديماا شافتها وعاودات طفاتها ورجعات تنعس تاني تادخلات وردة لي صيفتات بناتها للمدرسة وراجلها للخدمة بعدما أجلات كل مواعيدها فالعيادة ..مشات حلات الريدو على شرجمها وجات كتفيق فيها:توبة بنتي توبة فيقي
توبة:😴😴😴
جلسات كدوز على وجهها بحنان وقالت:وابنتي فيقي أحبيبو راه 8ونص هادي
توبة حاات عينيها بشوي كتشوف من بين شفارها وقالت:ماما مالكي
وردة:فيقي خلاص راه قربات تسعود
توبة:ومالي بيتنسيق الرياض تا فايقا دروك بففف خليني ننعس
وردة:بعدا محمد متيفوتش معاك دقيقة وكتفيقي😏😏😏
سمعات سميتو وحلات عينيها كتشوف فيها بحالا تفكرات شي حاجة..مدات يديها لتيليفونها وأكتيفات الكونكسيون وبداو الميساجات كيوصلو وهي تتسنا ميساجو ناسيا مها لي حداها تانطقات هازا حاجبها:اوا راه باقي gالساا
شافت فيها وقالت:وا شتك ههه(باستها فحنكها)صباح النووور
وردة:(بابتسامة)صبااح التوت الى تات الخب تاعي ههه نوضي ياله غسلي ولبسي باش نفطرو ونخرجو
توبة:واخا سبقيني انا شي خمسة دقايق ونجي
وردة:اوك
ناضت وردة مخلياها كتشوف فتيلي وتفوه تاطلع ميساجو حلاتو دغيا وعينيعا فيهم القلوبا لقاتو مصيفت ليها :مشيشتي نعستي ؟؟معندي مانتسالك ههه انا عاد وصلت
توبة:هي متمشيش ليا لمينارا مول والله منعتبها معاك فيه
وردة:علاش ههه
توية:على مولاه ههه متنحملو سيري لمزار اه فيه بوتيكات زوينين
وردة:واخا
دوزات الخط للساجدي وقالت:الو حبيبي
الساجدي:احح عليك المشكودرة كلك زبدة ومنين نبدا
وردة:بداني من التحت ههههه
الساجدي:اش بان ليك نبداك من لوسط ههه توشحتك النحيلة ديالي
توبة عيات تحبس الضحكة فلخر طلقاتها عالية وقالت:😂😂😂😂😂😂😂😂😂😂😂اوا سير الله يمسخكم بجوج أتريكة العنب فااابوووور😂😂😂😂😂😂😂😂ويلي وحدي على سيد قرب يقفل 50 ومزال تيتعنب عليها ههههه gاليك النحيلة ههههه بورزاان هذااا
الساجدي:هههه كاينا حدااك لاش مقلتيهاش
وردة:😂😂😂اوا تانتا عود لجم فمك ههه
الساجدي:اوا عودي علمي 😂😂😂
وردة:ههههه واخا أحبيبي العمر ديالي أتوت البري تاعي واعبااد الله تنموت فهاد الراجل ههههه
توبة:أنا معارفلش باش نبدا ليك حيت حنا براسنا معارفينش امتا بدا الاعجاب بيناتنا وولينا مع بعياتنا
وردة:كيفاش مع بعضياتكم؟؟
توبة:(تحرجات)زعما كوبل
وردة بسخرية:لا بالعربية تعرابت مصاحبين فهمتي..توبة واش هي ول لبارح طحتي على يد باك وتبوسيها وتطلبي منو السماحة ومتعاودييش وبكيتي عليه واليوم تتgولي ليا أنا فعلاقة هااا
ومعامن؟؟مع ولد صااحبو عشيرو خووه أتوبة
توبة:ععارفا راسي غالطاا واخق الله أماما ولكن..راه ماشي بيدينا..محمد فشكل وكنعجبو وكيعاملني زوين كنمرض كنلقاه قاطع البحار على قبلي ويجي كيجري باش اشوفني سامح فقرايتو وخدمتو باش جا عاوني تاخرجت من ديك القوقعة فاش كنت..ماما(بترجي)محمد هو لي كيفهمني وتيتناقش معايا بالعقل..هو لي عاوني تارجعت واحد 25% من حياتي هو لي شجعني وزاد بيا لقدام
محمد:سعداتي تانا هه كون خلاك باك كون دابا راه معايا هنا
توبة:معليش تال الخطبة الكبيرة ونجي
محمد:ضروري..فين كاينا؟؟
توبة:خرجت مع ماما تقدا شي حاجة وكنتساها تقيس
محمد:ممم مزيان منها نيت تلفي الوقت ياله سيري بلا منشدك عليها
توبة:فاتك السخانة؟؟
محمد:اوا الى قلت لا شغاديري؟؟
توبة:نشد الطيارة ونجي عندك
محمد:وزعما ديريها ههه
توبة:تجرب ههه
محمد:لا لا نتي زاعما ولكن باك قاطعها فيك
توبة:ماشي هي قاطعا ولا مزكر معاياا بزااف
محمد:تانتي اه درتيها قد راسك
توبة:(بجدية)وتنعاود نفس الغلط ولا لا؟؟
محمد:لا كاين فرق..لي هو أن هذاك كان هي تيضحك عليك
توبة:ونتا؟؟
محمد:أنا لا..واش غنضحك عليك ونتي بنت عمي
ياله غتجاوبو خرجات وردة وقالت:كيجاني؟؟
محمد:حبيبة تاتسالي مع ماماك ونهضرو اوك
توبة:اوك
قطعات معاه وقالت:جاك هو هذااك شوفي شديه فجوج لوان
وردة:معامن كنتي تتهضري؟؟
توبة:مع محمد(بغات نلف الهضرة)ربيتي الطرف أهياتا تاني ههه
وردة:انه الفيتامين هههه صافي ناخدهم
توبة:اللع يرزقنا من فيتامينك ههه صافي شديهم بصحة
وردة:ونتي مابيتي والو؟؟
توبة:لا لا هه هي ياله
خرجو بجوج كيضحكو محملين ببزاف تالحوايج وتوجهو للرياض تاني لان الغرض كان هو تهضر وردة مع توبا بعيد عن الدار لان وردة من ديما ناهجا مع بناتها سياسة الحوار والتفاهم وكذلك الساجدي ولكن فوقت الغضب كيتسيف
####
فأمريكا لي محمد نعس ورتاح وفاق كيتفوه..قضا روتينو الصباحي وناض لبس عليه وخرج لبرا اول مادار هو مشا لبيت واليديه دق وحلات مو لي شافتو وحلات عينيها متوقعاتش تصبح علبه..تلاحت عليه عنقاتو وتاهو عنقها تاتهزتت من الارض كضحك:عهههههه اححح عليك أحبيبي ههه توحشتك توحشتك
ضحك وقال:سيري عند فؤاد وقوليه بابيتو(تيعيبها)مصاحبا مع واحد واجي تفرجي
ضحكات بجهد وقالت:غيعلقني من رجلياا هههه
أميرى:لا لا(ببراءة)بابا ضريف مصعيبش
ضحكو عليها بجوح وناضو معانقين ونطق محمد:اييه ضريف بزااف تا فات القياس
اميرة:والله انا بعدا ماعمرو غوت علي ولا شي حاجة
سليمة:حيت المبوهلة مكديري والو خههه انا لي كنت كنسمعهم وباقي كنسمعهم أما حتى نتا أمحمد راه عفا عليك الله وتهديتي
محمد:ههههه ياله نزلو بغيت نشوف أشرف
سليمة:مشا المدرسة ههه ونتي نوضي الى غاديا لشي صالون ولا شي لعبة
أميرة:سبقوني نتوما ندوش ونجي
مشاو خرجو كيهضرو علل العروض لي كتقدم وعلى التداريب وهو تاهو كيعاود ليها على عطلتو وكي دازت تانزلو لتحت لقاو فؤاد شاد وفاء من خصرها وياله غيبوسها وهي تغوت سليمة:لعععععععع
أما محمد حنى راسو بحرج مكيحملش القاهم فهاد المواقف خاصة مو كيحتارمها ودايرها مقدسة بحالا معرت كيدارت تا ولداتو..نقز فؤاد وقال:والله يهديك أ سالي راه مبقاش عندي جهد
سليمة:ديك الجلابة باش ختنوك مهار لول ولبسها سيك😂😂😂😂😂😂
الكل:😂😂😂😂
أشرف:شحال حامضا هيهي هاني غادي
اوا شت باقي مكاينينش خوالي
فؤاد:قربو اجيو اولدي
سليمة:دايرين بحالا عندنا العرس وهو راه هي خطبة وجا هي يدوي ههههه
أميرة:لا غنلبسو الخواتم
سليمة:ومال عمامي محضروش؟؟
فؤاد:عندهم مايدار ياله طلعي نتي لبيتك منشوفكش هنا
سليمة:وانا زعما قلت نستقبل معاكم نسيبي
محمد:ههههه ناقصينك كيلوات تالعقل ههه
طلعو كيضحكو والدار عمرات بالفرحة والسرور كيف لا وأول وحدا فالكلاوي وأول بنت غتزوج فالجيل الجديد
أما محمد طلع للفوق خدا دوش سخون وبدل عليه لبس سروال توب كري وقاميجة بيضة لان الجو سخون فالدار مشط شعرو الخفيف رش ريحتو لهفيفة لي الى بغيتي تشمها خصك تكون حالس حداه..خرج من بيتو كيكتب ميساج ليها:باقي مرجعتيش؟؟
لقا قدامو أشرف خارج من بيتو لي فاص معاه تاهو مقاد على لحالة وقال:اييه زيانيتي الاخت
محمد:هههه باقي مبغيتيش تحيد منك ديك البسالة
أشرف:انا حامض بالفطرة ههه
خرج فؤاد تاهو بالكوستيم ومحاق علل الحالة تحلف عليه موالدش كاع
نزلو للتحت للصالة الكبيرة لقاو عادل وبدر ويوسف وكمال خوت وفاء كاملين مع عيالاتهم تسالمو وجلسو كيهضرو حتا جات الخدامة وقالت:موسيو فؤاد الكاميرا بينات بلي جاو ضيوفكم
وقف وقف معاه ولدو محمد وخوت وفاء ومشاو للباب ستقبلوهم..كان الغريس لي سميمر وشعرو كحل وباينا فيه داخل سوق راسو لابس حوايج عاديين مع جوج تناس مو وباه..مو لابسا الساري الهندي ولايحا عليها مونطو سخون عطاتو للخدامة فور دخولها وباه لابس هي كوستيم تسالمو ودخلز للصالة عاد جات وفاء سلمات على كلشي وجلساات لقاتهم كيهضرو وكل الحوارات بالانجليزية
أب العريس:فرصة سعيدة نتلاقاو بيك أ موسيو فؤاد شخصيا
فؤاد:الشرف لياا مرحباا بيكم
أم العريس:شكراا فينها العروسة؟؟
وفاء:ههه حشمانة انا نمشي نجيبها
سيف:اه اه
أشرف:خم خم
نغزو محمد باش اسكت هاد الاخير لي كان كيسكاني سيف بنص عين باش ميبينش ليه بلي محكر وبلي داخل للغار لي معندو منين اخرج منو
سبف لي كان جالسا على أعصابو وكيقول الله يخرج طرح على خير..سيد كان معول على الكلاوي وولدو صدق لاقي طاشما تناس وكلها ينسيك فالاخر
نزلات أميرة لابسا قفطان فالبيج وطالقا شعرها القهوي مصايباه عادي ومن لتحت بوكلي..ماكياج خفيف كولو الا العينين زيناتهم بالاسود ولانها جايبا العيون من مها قدرات تسلب قلب سيف لي هي شافها بقا مصمر بلاصتو بحالا حاطين ليه علل راسو فردي..نطق بلا شعور :ماا شا الله
تلفتو ليه كاملين وشافوه في كيشوف وبالفعلا ماشاء الله..كانت أية فالجمال كتمشى بتأني حانيا راسها شادا فمها ومعاهم سليمة لي لابسا قفطان كحل مسوداها على والديهم وشعرها كي دري..وقفات بريا مبتاسمة ومنباهرة بجمالها وقالت؛khubsurat(زوينة)
وقفات قدامها وحطات يديها على ذرعانها وقالت باعجاب:ما شا الله
أميرة:☺☺☺
وفاء:هادي بنتي أميرة وهادي سليمة
بريا:زوينين بزاااف
وفاء:شكراا
شدات بريا أميرة جلساتها حدا سيف لي بقا ليه شوي ويعنقها تاهو فطبعو كيبان هادئ بحالها وكيتفادى المشاكل..
راج:ماشا الله بنتك زوينة أ موسيو فؤاد
فؤاد:شكراا..من كرمك
بريا حطات يدعا على شعرهل كدوزها بحنان:حسن من تصاور..(شافت فوفاء)كتشبه ليك بزااف
وفاء:ههه اع هي لي كتشبه ليا فيهم
بريا:اه ختها تاهي زوينة ولكن مكتشبهش ليكم وحتا خوتها
محمد حشم من اش قالت وقال بالعربية:ناري فمك هي ديال القطيع هههه
بدر:دويو بلغتهم اه غيتنواو ههه
ضحكو ليهم فوجهم ونطق راج بعدما نغزو ولدو:سي فؤاد راك عارفني وكنعرفك وانا ولدي بغا يتزوج وختار بنتك تكون شريكة حياتو فالمستقبل وحنا عرفناها مأدبة ومتخلقة ومثقفة وبغينا نخطبوها لولدي الى قبلتو نوليو عائلة
تقاد فؤاد فالجلسة ولاو ملامحو جديين وكذلك محمد وهوالعا ونطق:يمكن كتعرفني هي من مجال خدمتي ومعرفتيش الكلاوي شكون..أنا بدرجة لولا مكيهمني والو من غير عائلتي وبالدرجة لولا ولادي خاصة البنات..نتا عارف البنت عند باها اش كتعني..أميرة هي لكالم فولادي والدرويشل فيهم ونهار جات عندي وقالت ليا بلي لقات لي بغات وبغات تكمل معاه حياتها معارضش بالعكس فرحت حيت بنتي غتلقا لي يبغيها من غيري ولاكن
سيف:(عرق)ولكن...
ضحك محمد وقال:ولكن نهار نسمعو بلي بكات ولا قلقها ولا عذبها ولا حتا جرحها
كمل فؤاد:حسابو على يدي أنا
بقاو عائلتو شي كيشوف فشي فلاخير بتاسمو ونطقات مو:كنواعدك غنديرها بحال بنتي أنا ولدت سيف بوحدو ووقعو ضروف ومعاودتش ولدت وأمنيتي تكون عندي بنت(كتمسخ على شعر أميرة لي حانيا راسها)غنديرها بحال بنتي وكثر كنواعدك
وفاء:هادشي لي بغينا حتا حنا هي تكون مرتاحة وصافي
راج:وعد من عند هندي حر هههه وعد البنغالي ليك غنديرها بحال بنتي
مشات وفاء تعيط للخدامات يجيبو الخواتم لي غيركبو..وبعد قليل جات هازا صينية مذهبة فيها خواتم جابوهم عائلة العريس ومعاه الحليب والتمى على الطريقة المغربية..وقفو حداهم وهوما مكاودين مع بعضهم لبسو الخواتم تحت تصفيقاتهم وتزغريت وفاء وعيالات خوتها وسليمة
وبهذا رتابطو جوح عشاق ماباغيين من الحياة الا الحب
بقات عائلة سيف تا تجمعو للفرح وضحكو وتعارفو كثر وتشاركو الطعام والهنود لي معروقين بكرمهم مخلاو مجابو ليها من ثواب تساري ومن مجوهرات فاخرة حمرو ليها وجهها قدام دارهم..سالا اللقاء بين العائلتين ومشاو فحالهم راضيين كل الرضى عن العلاقة جديدة بينهم كيف لا وألف واحد اتمنى يكون نسيب الكلاوي لي صيتو مسموع بيه فأمريكا كاملة فمجال الأعمال
فؤاد:هههههه تا فتيحة راه ونبس خهه صيفتات المختار تصيفتك تانتا
محمد"هههههههههه نجيب حسن بنت بنتها..
أميرة:توبة هههه
محمد:سي ههه
وفاء:والله منتيق توبة دقا وحدا هههه
محمد:وعلاش مالها توبة؟؟
فؤاد:زويونة ديك لبنت عندو وحلوة ههه
سليمة:وكطيير هههه كون هي جات
محمد:مخلاهاش ههه(ناض)انا غنطلع لبيتي
أميرة:تانا عييت غنمشي
بارك ليها مرا خرا ومشا لبيتو نيشاان حيد مكانتو وبدا كيحل فصدايف القكيجة ويفكر فيها مبتاسم مغينكرش أنها خلات عندو فراغ كبير ولفها كل نهار افيقها وتدوز معاه النهار..بلا شعور مشا لجيهة تيليفونو لي حطو فوق طبيلة ودخل بلا ميحس لتصاورها كيتفرج فيهم ويدوز كل وحدا ويزومي عليها مبتااسم..حس براسو عامر بالالهام وباغب يكتب ويكتب فيها
حط تيلي ومشا هز بيسيه شعلو وحطو على ركابيه لي سرحهم على طبيلة وباقي بحوايجو من غير القاميجة لي محلولين صدافي ديالها محلولين مبينى صدرو العريض الملئ بزغب أسود رطب..بدا كيكتب تاني فيها ويعبر مبتااسم وفكل كلمة كيتخيلها ويزيد اغرق فبحر الالهام..وصفها كلها ووصف اش كدير فيه وأكثر..محس على راسو تا سمع صوت تيلي بميساج برنة دايرها ليها بوحدها هادئة بحالها فالنعاس لان أكثر لحظة كتحمقو فيها هي النعاس لانها كتسكت ومكتبقاش تهضر وكيطغى عليها الهدوء كيبغي ابقا هي حاضيها وانسج من صمتها آلاف القصائد الشعرية
ناض بعدما حط البيسي وهز تيلي فتحو وبالفعل لقا مبساج من غاليتي
توبة:كي دازت الخطبة؟؟
جاوبها:زوينة
توبة:كيداير العريس واش لابس؟؟اش سمية مو وباه فاش خدامين شحال فعمرهم ..؟؟هو تيكمي ولا لا؟؟مسلم؟؟شحال فعمرو؟ياكما فيه الشيب؟؟اجي واش بصح كيعبد البقر؟؟برجولة هضر واش قبل عمي؟
بقات ميساج نورا ميساج مخلاتوش اكتب هي كيبغي اكتب كتصيفت لاخر وضحكاتو وهو يعيط ليها فلبلاصو وجاوباتو وقالت:اوا جاوبني؟؟
محمد:علاياش غنجاوب؟؟على دوك الاسئلة كاملين لي مرضيت البال لحتا حاجة منهم ههه
توية:ياكيتك ياخلاك كون كنت تما كون عرفت داك مول جابير لي عندهم فالهند شحال فعمرو
ضحك من نيتو:هههههههههههههههههه صافي سكتي هههههههههههه براااكا ههههههههههه
توبة ضحكها بضحكتو وقالت:هههههه مالك كضحك ياك لاباس؟؟
محمد؛😂😂😂😂😂😂زعما نتي والله حتا حميمقة هههه
توبة:ههههه اوا داير كي ميت العصر ماتدي خبار متجيبو متصلاح ندفنوك لا فليل لا فنهار ممخسوب على والو
محمد:واش غنبقا انا حاضي ليك لعريس واش فيه هههههههه راه أحبيبو انا حاضر هي باش نكون خوها الرأي ديالها وديال الواليد
توبة:ممم وقبل بيه عمي؟؟صيفت ليا تصاور لي درتو
محمد:أنا متصورتش مي هوما صورو شوفي مع البنات ولا أشرف
قطعات معاه مقلقة جاب ليها الله بحالا خشا فيها الهضرة وبحالا صرح ليها بلي مغيتزوجش بيها وبلي معند علاقتهم تامستقبل.بقا ليها الحال وبدات هضرة مها كضور فراسها وبلي غيبقاو مصاحبين وأمل الزواج بعيد واخا هي مكتبغيهش وباقي فطور الاعجاب ولكن إعجااب قوي بزاااف
اما محمد قطع معاها وتبدلات ملامحو لانزعاج معرفش مالها ولا علاش تبدلات..مبغاش احكر عليها باش ميتناكروش وهوما بعاد مكاين حتا كيديرو اناقشو الموضوع..حط تيلي وحيد القاميحة ودخل بدل عليه فغرفة التبديل وخرج مشا هز تيليفونو فيد وكتاب فيد..حال الكونفيخساسيون معاها فالواتس لقاها اونلين وهو يصيفت ليها:ma belle
كانت جالسة مربعة رجليها والبيسي قدامها كتقلب على شي حوايج فالانترنيت ومنزاعجة كتضرب على لكلافيي بزربة وبجهد مكرهاتش تضرب بيه كتمات غضبها عندها..حتا وصلها ميساجو حلاتو وبقات شحال كنشوف فيه تاعاود صيفت ليها:حبيبة
كتبات ليه:وي بب
محمد:نعطي أنا عمري على هاد بب ههه مال زين ديالي مقلق؟؟مخاصما معايا؟؟
توبة:لا
محمد شافها جاوبات بكلمة عرف راسو شقها معاها واخا معارفش فاش وكتب:سي مقلقة سوا مني سوا من شي حاجة خرا
توبة:علاش درتي شي حاجة علاش نتقلق؟؟
محمد:معرفتش ههه واقلة درت
توبة:أش درتي؟؟
محمد:طحت فيك
كانت مغوبشا كتسنا اش يقول باش تعرعر عليه سوا قال اه عىفت اش قلت ولا قال لا المهم تعرعر تاقال كلمتو لي غلى أثرها توقفو صباعها على الكتابة ومسحات اش كتبات
ظهرات بتسامة على محياها وكتبات ليه:حلف
محمد:ضىوري نحلف ههه
توبة غوبشات:يعني هي كذبتي؟؟
محمد:والله مكذبت ههه الى طايح فيك
توبة:عرفتي أشناهيا طايح فيك ولا هي تتبجبط؟؟
محمد:سي عارفها
توبة:شناهيا؟؟
محمد:طايح فيك هي كتعجبينب بزاااف..طايح فيك هي وليتي مهمة عندي..طايح فيك هي نهاري باسل بلا بيك..طايح فيك هي كتحمقيني كلك واخا لا علاقة بيناتنا..طايح فيك عندي أنا هي نكون كنكتب وطيحي ليا فبالي ونزيد تكتب كثر..طايح فيك هي كنحس معاك برغبة كبيرة فالحياة وباغي نعرف أش مخبي لينا المستقبل..باقي كاينا شي طايح فيك خرا ههه
طلعات vu فلبلاصة وبدات كتقرا وبتسامتها كتوساع كلما زادت نحو الكلمات تا سالات وهي تحط يدها على فمها كاتمة ضحكتها خافت شي حد اعيق بيها ولا اسمعها وكتبات ليه:هادشي كولو أنا دقا وحدا
محمد:هههه مكفاكش نزيد باقي؟؟راه جامع ليك
توبة:(تحمسات)زيد نسمع
محمد توقف عن الكتبة لشي لحظات هي جزء من الثانية وعاد رجع كيكتب ليها:الخط الذي يحيط عينيك أحسده..أود لو أبقى معك دائما بين أحضان يديك الدافئتين..يداك الألماستين اللتان تختصران معنى الأنوثة في لمسة..
عشقت بروحك تلك البراءى التي انعدمت وجعلتي مني كاتبا في كل يوم..اصبحت كالكتابة عادة أمارسها كل يوم وأنت عادة على أن اعيش لها كل يوم
نحمد:ملي كنهضر على حياة كاتب راه غير حياة الانسان العادي..مثلا نتي تقدري تكوني قلتي شي كلمة شي نهار وقلتيها عادي مقصدتي فيها والو وجاتك عادية وتكون بالنسبة ليا شي حاجة وااعرة تقدر تخليني نكتب شحال من حاجة..
توبة:وايلي ههه هي دابا هاد حبيبي لي بحرا gلت بتخليك تكتب؟؟
محمد:لا هي زوينة وعجبااتني ولكن ماشي لدرجة نكتب عليها..لي بغيت نوصل ليك هو الكاتب الكلمة عادية جدا ومكتسوا والو وتقدر تحرك فيه شحاب من حاجة
محمد:سي كنت كنحبها مي محبة خاصة محبة ديال واحد لاقي وخدا بحالو فالكراكتير ونفس التفكير نفس الهواية ..كنا موياانين ولكن القدر دخل توبة فالخط
جوزيف:وهاد توبة تاهي كتكتب وداكشي المعقد ديالكم؟؟
محمد ضحك عليه وقال:هههههه جامي كتبات حرف ههه ومكتقراش الكتوب ومكتسمعش لاغاني كالم..وكتهضر بجهد(سها وهو كيعاود ليه وكل مرة كتجي فبالو لقطة)فيها الهضرة بزااف وشي مرات كتجيك قليلة الادب ولكن
جوزيف:ولكن أش؟؟
محمد:محمقااني بزاااف
جةزيف:ممكن نعتابرو عتراف بالحب؟؟
محمد:عارفني مكنأمنش بالحب..كنأمن بالعشق..الحب موجود بين كلشي كلما كنحبو بعضنا كخوت وكأصدقاء ولكن العشق كايكون بين جوج لا غير بين مرا وراجل
جوزيف ربع يديه:واخا وهاد العشق لي تيكون بين المرا والراجل باقي مكاينش بين محمد وحبيبتو جديدة
كان هذا هو بداية حديثهم عن مواضيع أخرى مبعدين على مواضيع العلاقات حيت جوزيف عارف محمد ماشي من نوع لي كيبغي يهضر على نوع علاقتو بالجنس اللطيف خاصة الى كانت حبيبتو
سالات سهرتهم مع العشرة وكل واحد توجه لدارو..وصل محمد للدار لقا كلشي نااعس طلع لبيتو بدل عليه وتلاح ففراشو هاز تيلي قلب لقاها سادا منين خرج بناسم حيت كتسمع ليه كتب ليها ميساج :تصبحين على ألف عشق يا واقعي الحلو
حكايتنا الجزء 25
محتوى القصة
التنقل بين الأجزاء