محمد:بصحتك اسيدي هي هو اه سيمانة الجايا غيبداو عندي الامتحامات وغيخصك نتا تشد الشركة تاندوز
فؤاد:ان شاء الله
أشرف:ياله انا مشيت
ناض ووقفات معاه وفاء وصلاتو للباب وباستو عاد رجعات عندهم وخرج تامحمد للخدمة وكذلك البنات
كان فسيارتو سايق مبتاسم ناشط كيف عادتو..وصل للشركة ونزل كيصبح عال لي خدامين معاه طلع لبيروه والسكريتيرة تابعاه كي المنبه كتقوليه أش عندو وهكا دوز نهارو فالخدمة وتعبها تاوصلات الخمسة تالعشية عندو عاد هز قلوعو من الشركة خارج مدوز ابيل ليها مبتاسم ماهي الا لحظات حتا جاوبات ورطب هو فالاوطو:حبيبة
توبة:توحشتك
محمد:(فرح)الله اربي هههه توحشتيني كااع انا راه فتت مرحلة توحشتك بشحااال ههه
وردة:ويلي موافقة هي سير عالله ههههه تزوج وتفرج الى منبان ليك فأخطر المجرمين راني ماشي بنت المختار
الساجدي:رحمة لله عليه هههه اوا الله وعلم
وردة:ههههه هبيل مخصك هي تزوج علي
الساجدي:(بجديى)اوا يعني نزوج توبة..راه كبرات
وردة:بيبي رجعتي لشراب تاني ولا شنو؟؟
الساجدي:كنهضر بالمعقول..نزوجها ونتهنا عليها حسن ميبقا بالي مشطون عليها
وردة:(بجدية)واش تتهضر من مخك نيت ولا منين؟؟أش دارت ليك لبنت؟؟
الساجدي:مبان ليك كاع اش درات راه واخا تنهضرو راه مثايقش فيها وداير عليها العسا
وردة:عارفا راه ماشي متنشوفش ولكن واش واعي أش كدير؟؟زواج دقا وحدا بنتنا ياله شدات الباك وباقي سبع سنين تالميدسين gدامها وتتgول ليا زوااج
محمد:واش فيها؟؟تقرا فدار راجلها مافيها والو
وردة:(ناضت معاجبها حال)عقلية الحصيرة شمش ولا نتا..الى ثقلات عليك البنت gولها نن لخر نهزها هي وبناتي ونزيدو فحالنا متعرفنا في طجينا أما تغصبها فشبابها هي لي عمرها تكون ليك
شاف فيها شحال وضكك وقال:جوابك على نابك ياربي تستر هههه واش من نيتك غتمشي
وردة:والله وتفكر ديرها تانهزهم ونزيد بالله نوريك تحرمني من بنتي
محمد:وراكي قطة وبضفارها
وردة:ونهبش مزال
جرها تاجلسات فوقو وقال:وانا نسخى بيك وببناتي هاا..نسخا أنا بالمشكودرة ديالي وببناتها لي مشيبيني كل وحدا فيهم عقلها فشكل شوفي شيب دنيا ولاخرة خرجوه فيا ههههه
وردة:سير أشيبا العاصيا😂😂😂😂
الساجدي:واراه الشيباني ولا عليه الطلب
وردة:عند الشوافات حيت كيشتي بلحية الشايب تينصبو الشوافات وتيgولو لعباد الله راه زغيبات لحية الشيطان لي تنوض المريض من فراشو ههه
صباح جديد وبداية حديدة عند توبة فرحلتها المهنية لي عاد غتبدا أما الشخصية فراها باديا ونهاية ديالها محتومة
فاقت هي لولة وناضت قضات روتينها الصباحي فطرات مع دارهم وخرجات مع باها ركبات معاه فالاوطو ونطالقو للريسطو عندو
توبة:اش بندير فالريسطو أبابا؟؟
الساجدي:غسلي لماعن هههه
توبة:هههه براكا من طنز ههه اوا دوي
الساجدي:غتجلسي فلاكيص وهي ثمنية تسوايع حيت كاينين صحاب ليل
توبة:مزياانة خهه(بحماس)صافي مشات هه
للساجدي:ولكن راه هاه ولا هاه نتفاهم معاك
سكتات مجاوباتوش معندها باش تجاوب فقط باغا تنسى اش واقع ليها معاه..ماهي الا مسافة الطريق حتى كانو قدام الريسطو ديالو..نزلو ودخل هو وياها عيط لواحد السرباي
الساجدي:جمال دي توبة عطيها توني تلاكيص ياك وديها لبوسطها
جمال:غتخدمي معانا أختي؟؟
توبة:اوا الى با الله وبيتي تانتا
جمال:(بابتسامة)مرحبا بيك أجي معايا
توبة:واخا هه بابا سيو
الساجدي:كود لاك(باسها فراسها*)
مشات مع السرياي وبدا كيهضر ليها على الخدمة:ختي هنا السيستيم فشكل الريسطو كيعمر صباح وعشية واخا بزاف تالمطاعم متيخدموش بكري ولكن حنا كنديرو الفطورات داكشي باش كنحلو بكري..نتي مغتلقاي حتا مشكلة حيت هي لاكيص هي لاماشين لي خصك تطلقي فيها يديك شوي تعقلي على كل حاجة
توبة:متخافش ختك الرجولة ههه
داها للديبو فين محطوط أي حاجة تقداوها كيخدمو بيها وفداخلو فيستير عطاها قميجة كحلة وسروال توب كحل فيهم سمية الريسطو وقال:لبسي هادو أنا نتسناك براا
شداتهم ودخلات لبساتهم جاوها هوما هادوك وقفات عليه وقالت:صافي واجدة
جمال:صاكك حطيه لهيه فالفيستير مكاين لي وضلو ليك وياله معايا
حطاتو وتبعاتو وهو كيشرح ليها الخدمة كيف كتمشي ..طلعو لفوق داها ليلاصتها وجلسات فكرسي عالي طالقا شعرها وعينيها كيبريو بالفرحة حيت غتشغل راسها..بداو الناس كيدخلو على قبل الفطورات كتبتاسم فوجههم ببشاشة..لقات وقيت وهزات تيلي خدات سيلفي بتخبية وصيفتاتو ليه وكتبان:صبااحو حبيبي
حطات تيلي ولتاهات بعملها كطابي لي كومومد وتخرج الفاتورات وتعطيهم للسرباي يديهم للكليان وبالفعل الريسطو تيكون عاامر مسالاتش تاوصلات الحضاش عاد ترخفات الحركة شوي..هزات تيلي لقاتو كاتب ليها:أحلى صباح فحياتي ملي صبحت على هاد العوينات😘😘😘بونكوغاج بب
فأمريكا كان محمد منغامس فخدمتو تا الغدا مكلاهش فخاطرو..سالا خدمتو وبقا فالشركة كيراجع للامتحان حيت مغيقدوش الوقت امشي للدار ويراجع ويدوز مزال اشوفها
نسى أمر التيلي نهائيا وكمل شغلو تا وصلات الخمسة تالعشية لي عي العشرة تليل فالمغرب..خرج هاز سوارتو والتيلي وتوجه لقاعة المؤتمرات لي كانت عامرة صحافة قدر باتصال اضمن بلاصة فاخر لحظة ودخل..كيقلب على كاتبتو المفضلة التحفة صاحبة الكاتب year of yes..خدا بلاصتو بين للحضور جالس برجولية رجل على رجل وكيتسنا قدومها كباقي الحضور..
ماهي الا لحظات حتا تقدمات ووقف ليها كلشي كيصفق غليها ..بدا المؤتمر وتكرمات أحسن تكريم وبالفعل كيف كان متصورها كيف لقاها..انسانى واعية بشوشى ومن الشخصيات القوية فالعالم سواء فحياتها المهنية ولا الشخصية
هي امراة كبيرة فالعمر وسميمرة ومحبوبة..وصلات الاوطيل مع الشيفور ديالها وحل ليها الباب ياله غتدخل لوطيل وهو يعيط ليها تلفتات عندو ومشا عندها عرفها براسو على أساس انه رجل اعمال مهتم بالادب وبالكتابة وبكل ماهو تحفيزي..
محمد شخصيتو معقدة شوي لانه انسان لطيف بشوش وكيعجبو ازيد اغرق فعالم المعرفة ومن بين للاشياء لي كتعجبو هي يتلاقا بشي شخصية واعية وقاريا ويجلس اتناقش معاها على طاس تالقهوة ويتبادلو اطراف الحديث وشحال من كاتب عالم تلاقاه وجلس معاه وضايفو عندو وخدا معاهم صور لدرجة ريبيرتوار ديالو عاامر بتصاورو مع الكتاب القدام والجداد
وبالفعل قدر اقنعها تشرب معاه قهوة فالاوطيل وجلسو كيهضرو وكيسولها بعض الاسئلة على كتوبها وتاهو لقاتو عاامر بجهد وعندو مايقول..وقا فراغو ديما كيستتمرو فالفائدة وفالقراءة والمعرفة تاتشارجا فسن صغيرة..طولات الحلسة لمدة ساعة ونص وهوما كيهضرو فالاخير ختمها بشكرو ليها وبصورة تذكارية هي لي طلباتها معاه وخرج فحالو ناشط غير داري بالعافيا لي شاعلا فقلب توبة دابا لي فالمغرب وعندها الحضاش ونص تليل وميتى بالنعاس ومشوشا عليه عيطات لخواتاتو قالو ليها مجاش لدار وبقات تتسناه احل لدرحة حلات الكونفيخساسيون بينهم وخلاتها محلولة باش هي يحل تشدو وعينيها كيتلسقو بالنعااس..
أما هو دخل للدار سلم على واليديه وطلع دوش ولبس عليه وتلاح علل سريرو هز تيلي لقا العرارم تالميساجات منها والاتصالات سوا فالواتس ولا فنمرتو وحيت دايرو سيلونسيوز مشافوش ونساه كاع ..ياله كيقرا مبساجاتها وهي تكتب ليه:محمد فين كنتي
محمد:حبيبة ديالي
توبة:فين كنتي ففف تسنيتك تاعييت والله..شغلتيني عليك مالك
محمد:ههه سمحي ليا احبيبة كنت مشغول وصافي نتي مزيانة؟؟
توبة:بخيير تشوشت عليك ههه
محمد:احفظ لي انا لي يتشوش علي ويخاف علي ويتقلق علي هههه 😘😘
توبة:اوا مشيتي بلا متgول والو هههه
محمد:كان عندي مايدار ههه
وخلال هضرتهم مشا حط ستاتو فالواتس فيه تص يرتو مع الكاتبة شافتها فالبلاصة وهي تقندش وصيفتات ليه:هادي هي لي شاغلاك😡😡😡
ضحك وباغي اشد فيها: الحب غيران وانا مافراسي والو
توبة فبيتها كتحاول تكالما ولكن والو لقرودة كيشطحو فوق راسها: نغير؟؟ منمن بيت نغير من ديك بزاااف الشحمة ديك اللوين حتى هاديك بيت نغير منها؟؟ اودي مكانش فراسي عندك معا هاد النوع..
محمد ملامح الاستغراب باينا على وجهو وهو كيقرا ميساجها و بدا يتعصب ومافيه ميكمل الهضرة كتابة دوز نمرتها و عيط ليها وهي تجاوب فلبلاصة
محمد : متقوليليش هاضرة بصح؟؟؟
توبة بغضب و كتحاول متغوتش باش ميسمعش شي حد صوتها الا شي حد داز من حدا بيتها: محمد واش عارف ليوم نهاري الاول فالخدمة و غدا خدامة تاني وكان فيا الموت ديال لعيا و الموت ديال نعاس و فالاخر لقا سيد الرجال جالس مع ميمي على قهوة وناشط وزايدها حاط هو بيدو تصويرة فالستاتي ديالو فالوقت لي انا كنت نبي نحط غير تصويرة وحدة كتقولي ردي البال وكدا وكدية..
محمد كيحاول يهدي راسو لانو اعدا حادة عندو يحس انو شي حد فاهمو غلط او كيحاسبو خصوصا الا مكانش غالط
محمد : توبة واش عارفا ديك السيدة شكون ؟؟ واخا متكونيش مهتمة بالقراية و الدراما و المسلسلات و الافلام راكي غادي تعرفيها را
Shonda Rhimes
اوعر شخصية مثقفة فميريكان والعالم باش الواحد يقدر يشدها ويتلاق امعاها را تعتبر فرصة العمر
واش كتعرفي شنو هي تجلسي مع لي كاتبة
Year of Yes: How to Dance It Out, Stand In the Sun and Be Your Own Person
واش فايتا مفرجة ف
Grey's Anatomy, Private Practice, Scandal, Station 19
را هاد السيدة لي دايرا هادشي كامل
توبة بغضب : واخا تكون يوسف بنتاشفين بعث من جديد ما تمدح فيها هاد المدح وهي دايرا كي شي خبزة نساوها فالفران حتى تحرقات... واصلا سالي خليني بيت نعس نرتاح غداعندي خدمة ..
وهي تقطع فوجهو .. محمد مفهم والو و ترون و تصدم هو عارف ان المامها بالكتب و الثقافة منعدم ولكن شوندا بالنسبة ليه ماشي شي شخصية لي ممعروفاش فالعالم را كولشي مفرج فكريز اناتومي فكيفاش معرفاتهاش توبا... لثواني بقا شاد تلفون فيدو ومصمر ولاول مرة محاولش يعاود يتاصل بتوبة حيت كان متؤكد ان الحوار بناتهم غادي يكون عقيم و عقيم جدا و مغادي يوصل لوالو و فضل ليصيفط ليها اسمس كتبلها فيه تصبحي على خير و نهضرو من بعد ان شاء الله
هاد الرسالة لي وصلات لتوبة لي كانت باغا تقنع راسها و تبزز على راسها النعاس كانت كافية باش تزيد تعصبها اكثر وينزلو لاول مرة لتوبة دموع الخدلان من الحبيب...لانه اعتبرت ان محمد اخلدها فاول مخاصمة وامتحان لعلاقتهم و كملات ليلتها بكاء و تنخصيص اما محمد بالرغم من انو كان مبرزط وبغا يعاود اعيط ليها ولكن خاف انه اعطلها على النعاس ومن صوتها أصلا بانت ليه عيانى باغا ترتاح ففضل انه يخليها علل راحتها
عيط ليه باه ونزل عندو سلم عليهم وجلس مشاركهم القهوة وعقلو ممعاهش انما عند توبة
اميرة:بابا هضرت مع سبف اليوم وحددنا موعد العرس
فؤاد؛ممم وامتا نويتو؟؟
أميرة:السيمانة لخرا فشهر يناير
وفاء:الله ابنتي الله مالكي على هاد زربة؟؟خلي تال صيف
اميرة:بحال الصيق بحال الشتا راه عرس عرس اش قلتي أبابا
فؤاد؛(بتاسم)صافي دغيا سخيتي بينا هه؟؟
ناضت عندو جلسات فوق رجليه وعنقاتو وقالت:مسخيتش والله ولكن ..
قاطعاتها سليمة:سي سيف مزروب مسكين بحالا غيتزوج بوحدا من الكرداشيان ههههه
وفاء:ومالها بنتي زوينة بألف درجة على الكرداشيان
أشرف:متفق معاكم أميرة اه شي ناس لا😏😏😏
سليمة:أرا متضرب فالمعاني الكحل هههه
وفاء"سكتونا نتوما بجوج وخليونا فالمهم ..بقات جوج سيمانات للعرس وباقي مموجدين والو معرضنا على حد موجدناش حوايجك موالو
فؤاد:ههههه هادشي لي هامك ههه وفين غنديروه هنا ولا فالمغرب؟؟
وفاء:فالمغرب طبعا مالو هنا..
أميرة:المغرب؟؟انا قلت مع راسي ندير هي حفلة صغيرة فيها عائلتتا بجوج براكا
بقات حالا شرحم والبرد كيضرب فيها والدموع محبسووش بقا فيها الحال بزاااف جاها بحالا كيمدح فالكاتبة وبين ليها بلي هذاك هو النوع لي كتعجبو أما هي فمكتعجبووش..بكات تا شبعات ورحعات لفراشها نعسات فورا من فرط التعب
فامريكا محمد عاس على الليل عندها تايسالي بعدما تعشاا وبقا ساهر منعسش بتاتا كينعس خمسة تدقايق ويفيق خاف اتفاوت معاها..محتاج اهضر معاها ويطمن عليها مقادرش انعس رغم أنه عياان ولكن عارف الى نعس دماغو غيبقا اخمم فبقا ساهر ليل كولو كينعس شوي ويفيق تاوصلتت السبعة تصباح عندها هي لي كانت ناعسا تا فاقت على صوت الغيفي وناضت بكسل كتفوه وعينيها منفوخينن..مدات يديها طفاتو وتقادات بلاصتها كتفوه..هزات تيلي حيدات مود أفيون وتلقات الويغي وبداو اتصالاتو كيدهلو سوا فالواتس سوا فنمرتها من عندو..حافضات على تغوبيشنها ياله طلعات ليه vu وهو يعيط فالبلاصة أبيل فيديو وقطعات عليه وعاود تاني افأفات وغطات بصبعها الكام باش كتبانش وشدات الخط وقالت:أش بيتي؟؟
محمد:مالك مغطية الكاميرة؟؟
توبة:هضر اش بيتي؟؟
محمد:حيدي بعدا تباني ونقوليك
حيدات صبعها وبانت قدامو ياله فايقا طبيعية
محمد: مقدرتش النعس قبل منسمع صوتك
توبة : على ختنا شوندا ولا هوندا قلبات عليك وجها ولاشنو واش مابات تسهر معاك لبارح و انت تقول ارا ندوز الوقت بتوبة
محمد معجباتوش طريقة هضرتها : توبة واش انا مناعسش ليل كلو و ضاربلك الهم قلت نفيقها حتى يصبح الحال ملي تكون غادا لخدمتها و انت كتقوليلي شوندا
توبة:متبقاش تحاسب معايا ولا كدا..مطلبتكش تسهر نتا لي عارف راسك مخسرها معايا..
محمد:(كيحاول ابرد السوق)اوكي ام سوري الالة كان خاصني نعلمك قبل مانمشي لاي افنت غلطت وكنعترف ولكن فنفس الوقت انا هاكا اتوبة انا را والديا لي هما والديا كنكون جالس وسطهم حتى كنعيط ليهم اوراها من شي قنت اخر فالعالم انا موهووس بشي حاجة سميتها فن و ادب و ابداع و يقدر قلت غادي تجيك عادي حيت انا عارف المغاربة كلهم تفرجو فغريس اناتومي وانا نقول غادي الا حتى انت شفتي تصويرتي معاها غادي يعجبك لحال..
توبة وهي جالسة على السرير : ماشي بهلة باش منعرفش وزايدون ماشي gلت ليك متمشيش ولا بيت نتحكم فيك كيما نتا كيعجبوك شي حوايج تانا كيعجبوني شي حوايج ومغنحرمكش منهم ولكن عالى الاقل واش حد شوي تالهتمام
را قلتلك لبارح واش يوسف بنتاشفين بعث من جديد... اصلا انا الوحيد لي ممكن ننساك ونمشي لشي شو ديالو و نحط تصويرتي معاه فانستغرام هو ايكو بقالي غير ديك كوكا كولا حجم عائلي نفرح بيك وانت نصور معاها
محمد بابتسامة: اوا سمحيلي الحب وغادي نولي فكل وقيتا نصيفطلك اسمس و نتفكرك النهار كلو وغير تنوضي الصباح انا نفيقك و العشية نمسي عليك صافي؟؟
توبة بابتسامة: القوالب ديال والو كون غير مكنعرفكش نعاس... و النظام وداكشي انا عارفاك غير حيت عرفتي راسك مخصر معايا السوايع وبقيتي سهران باش تصالحني ما كوراك خامر..واصلا انا علاش دايرا هاد الفيلم كولو هي حيت كتفيقني نتا وتمسي علي نتا ومولفني هاكا مغنجيش انا نهار نلقاك مكاينش
محمد بحال كيتلف الموضوع: يعني تصالحنا؟؟؟
توبة:ياودي أصلا ممخاصمينش هي نتا الله يتسر
وردة حلات عليها لباب:توبة نزلي الفطور واجد
توبة واخا ا مامام انا نازلة
توبة: يلاه سير سير دابا خاصني نهبط را كيتسناوني.
محمد:بون جوغني ma reine والعشية عندي ليك مفاجأة
تةبة:شناهيا
محمد:سيري خليني ننعش نتي اه خمرتي ههه
توبة:اوك وعنداك تعاود تغبر
محمد:نو ههه
قطعات تلفون و بقات شحال ساهية وهي تنوض تجري للحمام باش تقضي روتينها و تنزل تفطر وتمشي للخدمة
قضات روتينها الصباحي ونزلات فطرات ناشطة مع دارهم وتوجهات مع باها وصلها للريسطو وهو لاصال..دوزات نهارها عادي جدا كتحاول تأقلم مع خدمتها وتولفها تاوصلات الوحدا تنهار عاد صيفن ليها محمد ميساج فيه:صباح النوور
توبة:صبااحو ههه رله الوحدا هادي
محمد:عندي أنا هي سبعة ههه
توبة:نعستي مزياان؟؟
محمد:ناعس على أحلى صوت فدنيا وفايق عليه كي بغيتيني نكون
توبة:ههه براكا
محمد:شنو براكا ههه توحشتك
توبة:تانا والله
محمد:مبقاش بزااف قربت نجي
توبة:حلف امتا؟؟
محمد:عرس أميرة بقا ليه جوج سيمانات والدار غينزلو هاد الايام وانا هي نسالي متخانات غنزل يعني سيمانة ونكون عندك
محمد:ههههههههههه واصبااح هو خهه سيري كملي وشغاديري اخر؟؟
توبة:فالعرس؟ههه اوا غنضرب مع الدقايقية وعيساوا وغنزغرت والى بيتو ديرو ديك ديال العراضة عرضي علي ونجي بكري تاهيا نديرها خههههه
محمد:شناهيا هادي؟؟
توبة:هههههه التجعويق ههه اه والحمام احح على الجمام ههههه والزغاريت ليييه محمسة من درووك ههههه
محمد:لعقبة لييك أحبيبة
حشمات وقالت:معامن؟؟
محمد:مع ولد موكة لي غتسلف لعيشة قنديشة التطشيطة ههههه
توبو:ههههه انا بعدا اه غنلقا ولد موكة كيتك نتا يا شوكة حمار لي متلقا حد لا بنت موكا لا بنت الساجدي هههه 1-0
محمد:ههههه والساجدي والد ثلاثة تلبنات هههه نتخير فيهم
توبة:بقرات حنا العترووس ههههه نتا هو لي العتروس لي تيحطوه وسط الدجاجات وتيبدا اتعزل فيهم
محمد:وحدا من دجاجات راه حلوة وباغييهة تكون معايا ليوم قبل من غدا ونعنقها حدايا نعاسي مبقاش كيحلى بلا بيها وعيني ولفوها هي قبل النعااس ..الى مشتهاش كنحلم بموكة مولات التكشيطة هههههه
توبة:اوا دجاجة اه كامونية خصها تحك باش تعطي ريحتها وريحتها تتعطي الى العتروس مبقاش كيعكس معاها هههه
محمد:هي تبقا ضاحكة ليا وفوق رموشي محطها على شحال عندي أنا من توبتي
توبة:(ضحكات)ههههههههه gولها من صباح الفروج ههه
محمد:غتزيدي كلمة وحدا غنبدا نقاقي معاك هههه سيري لخدمتك ههه
توبة:عارفا هاد اللقتة ديال شمكارة جامع الفنا منين جات
سليمة:لا ههه هي تنسمع ميما فتيتوح تتقولها ليك
توبة:اوا بالالة جامع الحسن الثاني صيفت صومعة حساان اخطب ليه لالة الكتبية ههههه(غلبها الضحك)😂😂😂😂ومع هي دايزا ليها نفاخة حيت كاينا وسط الجرادي gالت ليه أنا نتزوج بواحد راسو فسما وزكو فالما هههه وهو يمشي حسان وصلها سخونة لجامع الحسن الثاني وقاليه تgولها شمكارة جامع الفنا ههههههه
أميرة:😂😂😂😂😂😂😂😂😂😂😂😂
سليمة:ههههههههههه ويلي على هاد الناااس مخلاو تا جوامع ههههه
جلسات وردة ونطقات فتيحة موجهة كلامها للساجدي:ولدي الله يرضي عليك رخي عليها شوي راه مزيرها بزااف ومزير تا خواتاتها معاها..راه غلطات وتستاهل تعطيها قتلة وانا بلاصتك نربطها ولايني اوليدي بنتك ماشي بحال الجيل فاش كبرتي نتا..تزيرها وتgاد..
الساجدي:ستغفر الله العظيم
فتيحة:هاكاك اولدي ستغفر مولاك راه دار البنات خاويا غتجوجها وتجوج خواتاتها وتبقا الدار عليك خااوية(ضحكات كتحاول تلطف الجو)هههه وتبقا نتا وهاد المعوكفة تبنتي تشيبك وتشيبها
الساجدي:شيب لي خرجاتو فيا توبة مخرجو فيا حد
ربتات على كتافو:لواه لوااه نعل الشيطان راه للبنت باقي صغيرة ومعندها عقل..تسحابك أنا هي جيت وكبرت وردة راه تاهي كانت صغيبة وانا كاع كانت تترافg ليا مع الدراري ومتجي تال نص الليل ونبقا انا نتشوى بلاصتي تاتدخل ونقرصها عاد تدخل تنعس ولايني كنت عاطياها فين تحرك حيت البنت باشما تزيرات باشما وعارت الله يهدييك خليها تمشي مافيها والو بتنشط مع البنات وتبسط معاهم
الساجدي:من مراكش تال الربااط؟؟قاسحة
ضحكات فتيحة:وانا اش بندير هنا هههه انا نمشي معاها ولا عليك ههه عيني عليها متفافاش ههه
الساجدي بتاسم:أحيانا عليك أفتيتوح هههه فاش كتبغي شي حاجة
فتيحة:اوا تانا بيت نفوج هههه نمشيو نشوفو العايلة تما
الساجدي سكت شخال عاد نطق:واخا الالة سيرو ولايني حظييها
حكايتنا الجزء 26
محتوى القصة
التنقل بين الأجزاء