وقف الاوطو قدام الدار لي جا ليها مع توبة أهر مرة ديال صاحبو وطول الطريق كيتفكرها خاصة ملي دخل للوريكا وكيشوف فالبلايص لي تمشاو فيهم كتصب هليهم الشتا وفرحانين..نزل من سيارتو ودق الباب بعض الدقات حل عليه صاحبو بابتسامة وقال:mon ami
محمد:(تعانق هو وياه)هههههه باقي النشاط
عزيز:بااه وي ههه دخل دخل الحال شوي بارد
محمد:خليت شميشة فمراكش
عزيز:(كيسد الباب)مراكش عالم وهنا عالام اخر ههه دخل دخل راه كاين عمران وجبران وحتا سيموون
محمد:الشراف كلهم هههه
عزبز:غتشرف تانتا وغنضحك عليك هههه
طلع معاه للدلر ودخلو لصالة خرا فيها الفوتويات ومدفئة بالحطب كيتحرق فيها وعلى طبلة دائرية محطوطة صبنية تاع القهوة كحلة واكوااب دايرين عليها ثلاثة تالرجال كباار أصغر واحد فيهم عندو 40 سنة..بتاسم ووقفو ليه تسالمو معاه وتعانقو عناق رجولي وجلس مشاركهم جلستهم والحوار كان بالفرنسية حيت سيمون مكيعرفش اللعربية رغم ان جبران لبناني وعمران أردني
محمد:ماشاء الله تجنعو بلا بياا
عمران:منقدروووش ونتا ماشاء الله عليك أبو الكتاب هههه
عزيز:هههههه
مد ليه كاس تالقهوة وبدا كيشرب فيه وسرعان ماندامجو فحديثهم ااشيق حول الادب والعالم والاخبار السياسية لي بعقلها يعني مكيرفرضش عليك رأيوو..من موضوع لموضوع والوقت كيداهمهم حتا نطق محمد:غنخطب
عزيز:شنوو؟؟ههههه مولات العوينات
جبران؛لااا زعما بصح..غتزوح هههه راك باقي صغغير
محمد:ماشي كيستيون تالعمر هههه القلب واش بغا
تدخل عمران ونطق بعدما كان شاارد:كتبغيها باينا..محمد نصيحة من عندي الى مرتاح معاها تزوج بيها زخليها تحت جنااحك عىفتو علاش
الكل:علاش؟؟
عمران :(بخيبة امل)الحياة كتعطي وكتاخد وحنا الرجال بكثىة النرجسية والغرور لي فينا كنضيعو منا شي حوايج نستاهلو عليهم العصاا
سيمون:بالفعل..كاينين شي حوايج تقدر تبيع روحك وميىجعش الزمان لور
عمران: كنت قريت لاحلام واحد المرة وقالت الاكثر وجعا ليس ما لم يكن يوما لنا بل ما متلكناه لبرهة من الزمن وسينقصنا الى الابد
سيمون:بمعنى؟؟
محمد:(ضحك)بمعنى أن سب عمران قرر اخيرا اصارحنا بسبب عزوفو عن الزواج لهاد المدة كاملة ةلحد الان
عزيز:والله الى نهار كبير هذا ههه(عاود عمر ليهم كيسانهم)كمل
عمران:(بسخرية)شغانكمل؟؟
جبران:قصتك يا اخي..واحد المرة كنتي شربتي بزااف وبقيتب كتهضر على شي وحدة عرفتيها فشبابك وكدا
عم صمت رهيب تاحد مهضر كلشي كيشوف فقنت وكلها فاش كيفكر حتا نطق عمران بدون سابق انذار:منياا..سميتها ماجدولين(تلفتو ليه)عرفتها فاش كنت فالافاك ديال باريس..كانت زويينة وحلوة وضريفة ومصواابة مكتعرف والو على العلقات..تعرفنا وهضرنا وتطورات علاقتنا وولا نهاري بلا بيها نااقص ومكيدوزش..كنصبح عليها ونمسي عليها وهي كذلك كانت متدخلة ليا فتفاصبل حياتي بشكل حلو بزااف كتهتم بماكلتي وبشرابي كتخاف علي كتداويني الى مرضت وكتبقا تسمع لدوك الهلوسات لي كنت كنكتب واخا مكيعجبهاش تقرا بتاتا ولات كتقرا على قلبي باش تزيد تعرف علي كثر..كانت نريحاني علاقتي بيها ومولفها وكنحس معاها بلي عمري حسيتو مع شي وحدا خراا..الحنان الانوثة الجمال والحب..هاد الحب لي معرفت بقيمتو تا مشااات(شاف فاص ليه فالفراغ)مشاات بعدما ملقاتش تجاوب من عندي..ملقاتش الحب لي يكفيها باش تعيش..عكاتني كلشي وطلبات مني أحاسيس لاغير..وانا بخلت عليها ومقدرت نعتارف ليها حيت بكل بساطة كبرائي منعني نعتارف لراسي بعدا بلي كنبغييها..مشات وخلاتني بحال الولد الصغير الى حيدتي ليه شي لعبة
عزيز:فينها دابا
عمران:(بانكسار)تزوحاات..لقات لي يعطيها الحب ..لقات رااجل صريح مع نفسوو وقدر اعتارف ليها بحبو ليها
سيمون:على قبلها مبقيتيش كتكتب
عمران:من نهار مشات معمر يدي كتبات شي كلمة ولا خطاتها واخا عندي ملايين الافكار ولكن تاحاجة مغتكون زوينة الى مدازتش على وذنيها
محمد:(بحيرة)علاش مصارحتيهاش؟؟أش كان حابسك
عمران:(شاف فيه وعينيهم فيهم لمعة بحالا باغي ابكي)الغرور وحتا راسي مكنتش مقتانع وتنقول غنزرب وغنرتابط بيها ونقدر نجرحها من بعد..كون هي جرحتها وداويتها وتبقا حدايا منشوفهاش مع راجل اخر
محمد:ندمتي؟؟
عمران:(بسخرية)سي ندمت
محمد:شحال من مرة ؟؟
عمران:فكل مرة كندخل الاوكسيجين تنخرج ثنائي أكسيد الكاربون تندم..ونعاود نندم ونعاود نندم
هضرة عمران خلات محمد اتشوش فغقلو وازيد اتعمق فالتفكير بخصوص علاقتهم..خاف ان يكون عندهم نفس مصبر عمران لي باقي ممعتارفش انه باغيها..خاف اجي تاهو واحد النهار ويجلس اتحسر عليها وهي بين يدين راجل اخر..طاحت فبالو فكرة ان الف واحد ممكن تعجبو حيت عاطيا للعين وحيت خفيفة وحلوة..نزاعجو ملامحو فجأة وقال مستأذن:عزيز فين الحمام؟؟
عزيد:اجي معايا
داه عزيز للحمام وخلاه دخل ليه غسل وجهو وتقابل مع المراايل كيحقق فتفاصيل وجهو ويقكر فيها طاحت فبالو فبزااف تالحوايج وفشحال من احساس عيشاتو..محس براسو تا جبد تيلي ةدوز نمرتها بقا شحال كيصوني عاد حاوبات بصوت باينا كانت كضحك:الو
محمد:(بتاسم بتعب)حبيبة ديالي
ناضت من حدا الناس وقالت:طريفات اللوز تاعي وصلتي؟؟
محمد:وصلت أحبي gبيل صافا نتي
توبة:بخييير هههه
محمد:كنتي كضحكي
توبة:كنت كنكركر ههههه مت بضحك مع عمو وبابا
محمد:بصحتك احبيبة(تنهد)
توبة:(بقلق)مالك كتنهد بحالا والدا ليك الدجاجة
محمد:والو هي توحشتك
توبة:هههه اوا نتا لي مبيتيش تديني معاك كون ونستك
محمد:كون هي جبتك معايا بقات بلاصتك عندي
توبة:وياك مجنع مع صحابك دغيا مليتي؟؟
محمد:ممليتش ولكن صحابي مولف نجنع معاهم ونهضر معاهم مكاين حتا جديد مي نتي ديما عندك الجديد فالهضرة هههه
توبة:ههههه هذه احدى منافعي هههه شحال هوما
محمد:(بغا هي يهضر معاها واخا يعرفو اهضرو على التبن شحال ولاداير فالسوق)ثلاثة..عمران وجبران وسيمون اااه ورابع هو عزيز راك عارفااه
توبة:ايهااي هي سميات الواعريين شي شنتيت هادا😂😂😂
محمد:اوا نتي تعرفي واش زينين ولا لا هههه هي هو اه كبار عليك راه 40 للفوق
توبة:(ستغربات)واش وصلك نتا ل ربعين لفوق سير مع gرانك كي تتgول جدا
قطع معاها وحط تيلي فجيبو وخرج نفس براحة عاد هرج من الحمام ونضم لصحابو دوزو ساعة من الهضرة والمتاقشة وقلبو الهضرة على الحب حيت عمران تأثر فقررو اقلبوها..من وراها شد محمد الطريق لمرااكش ورجع فحالو للرياض عندهم ماشي عند الساجدي حيت مو شرطات عليه ابقاو تم تايمشيو للخطبة رسميا
وقف الاوطو قدام رياضهم لي جا فالدرب لاخور مورا رياض الساجدي..نزل عياان وباغي هي ينعس..دخل للدار تلقات ليه وفاء بتعنيقة عميقة وقالت:الله يرضي عليك اولدي
محمد:أمييين هههه ولايني علاش
وفاء:علاش الى بغيت نرضي عليك خصني شي حاجة هههه الله يرضي عليك ديمااا
باس جبهتها وقال:اميين احبيبة اميين
تسمع صوت موراهم قال:واش نتا تا مرتي باغي تشركني فيها..مالنا على حبيبيتي
ضارو بجوج لقاوه فؤاد ..بتاسم محمد وقال:دابا ندير تانا مراتي ونفوت مراتك هههه
غوبش فيها وهي تجمع ضحكة وقالت:ويلي واش حنا رجال ولا زمر (ضربات على كتفو تتقلدو)كلمة الرجال أخا الساجدي الى تعطلت ميعادنا فالدائرة ربعة
الساجدي:هههههه سيري سيري
توبة:هاهيا غادياا
ناضت باستو وقالت:مغسي غيزو غيزو تاعي لوفيو
الساجدي:لوفيو تووو
مشات نااشطة من عندو وتتغني :حبيبي إنتا وروحي إنتا لحد قبلك ولا بعدك انتا🎶🎶🎶
نزلات لتحت وقررات تمشي تقولها ليه فااص ونيت سبة باش تشوفو خرجات من الرياض عندهم هي بالبيجامة تدار والبانطوفة حيت شهر جوج..وتمشات بزربة للرياض عندهم متأبطة ذراعها من الريح وحيت ملاحت عليها والو..تاوصلات رياضهم دقات بالمطرقة تالباب لي على شكل يد وحلات عليها حياة وقالت:أشاتا نتي هادي اشنيونة
توبة:هادي هي انا هههه(سلمات عليها)غبرتي
حياة:انا هي فهاد الرياض تتي لي غابراا
توبة:مغبرنا الزماان..محمد كاين؟؟
حياة:اييه راهو فبيتو
توبة:مزياان بيت نشوفو
حياة:(هزات فيها حاجب)ايييه راه نتي مولان الخير وصلاتني شي هضرة الله يجعل كلشي مبارك ومسعوود
ضحكات وطلعات مع الدرووج لبيتو لي هارفاه اصلا حيت من صغرهم وهوما كيجيو لرياضهم وحافضا الرياض الا محمد لي مكانش كيجي..وصلات قدام باب بيتو وحلات لباب ودخلات مدرمة بلا دقان بلا سيدي زكري..وتاهو خرج من الحمام لاوي عليه فوطة على نصو السفلي والفوق عريااان وفيديه فوطة كيمسح بيها شعرو شافتو وهي تشهق وضورات وجهها وعطاتو بضهر:ويلي زيلي ستغفر الله تستر أصاخبي تستر
قطعات معاها توبة ومشات لماريوها كتجبد فحوايجها وتحط وتعاود ..توقف قدام المرايا وتحط لللباسي عليها وتقيس وتعاود..عيطات لمها وجات تاهي كتقلب معاها ولي وراتها مكيعجبهاش تا دخلات سليمة وقالت:قلبتوها kiabi هنا هههع
توبة:على السلامة كنتي جايا على البيض
سليمة:أبااز راه بحرا قطعتي جايا طاايرا..مالكي اش هاد الحالة
توبة:(بتوتر)خارجا مع محمد لاعشا اليوم
سليمة:وفيناهو المشكل؟؟
توبة:المشكل فحوايجي معندي منلبس
سليمة:ومالكي أول مرة تخرجي معاه ههههه لبسي لي لبستي
توبة:لا لا هو ديما مولفني بلي لبست اليوم بغيت نعجبوو
وردة:والله ابنتي تا كتعجبيه وتتحمقيه خرgي لي خرgتيه ويجي معاك
توبة:لا اليوم بيت نلبس شي كسوة ولا شي لعبة وندير تانا الماكيااح وندير شي عكر مغلووق
سليمة:الماكيااج على حسابي شوفو هي أش غتلبسي
وردة؛لبسي لاغوب ديالك الكحلة
توبة:لا مكتعجبنييش (كتقلب فبلاكارها)
وردة:لاغوب لبووردوو مزويانة
سليمة:محمد كيعجبو هاد اللون والله
تلفتات ليها وقالت:حلفي؟؟
سايمة:والله هههه وريني نشوف لاغوب
بدات كتقلب عليها حتا لقاتها وجبداتها ومشات بيها سليمة حدا المرايا قيساتها عليها هي من الفوق وقالت:غتجيبك زوييييينة بزااف والله مع نتي بيضة ويلي ويلي
وردى:هههههه سيري جربيها واجي نشوفو
مشات بزربة للحمام قلعات حوايجها ولبسات الكسوة لي كانت فالبوردو جايا تال الركبة مبينة السيقان ومن لفوق محلولة من صدر شوي ومطلوقة على الكتاف بطريقو رااقية..خرجات عندهم وقالت:كيجات؟؟
سليمة:(صفرات)فييو هههه جاتك مق****
ضربتتها وردة لراسها:جمعي فمك
سليمة؛هههه اححح اليوم محمد الكلاوي اق***
خرجات فيها توبة عينيها وةردة تكرشخات بضحك:😂😂😂😂😂😂😂😂😂😂الله واكبر
توبة:😳😳😳 ق*** كي دايرا عقلك فزكك هههههه تفووو(مشات قدام المراية كنشوف وتضور)محمد ماشي من داك النووع ..دابا gولو كي جاتني
توبة:اوا كل خنفوس عند مو غزااال ههههه معرفتش علاش متوترة بزااف بحالا اول مرة نحرج معاه
سليمة:وايلي تانتي هههه طلقي راسك وتصرفي عادي حيت الى تصنعتي قدامو مغيعجبوش الحال
توبة:هخخهه هارفني هييشة هههه
كملات ليها شعرها ودازت لوجهها دارت ليها المرطبات وكل مايخص البشرة في الماكياج عاد بدات فالعينين لي زيناتهم بالماسكارا وجرة خفيفة تالقلن داخل عينيها عطاها منظر زوين..ودارت ليها عكر فالبوردو غامق جاها هائل..دخلوها تلبس وعاونوها تا وجدات وولات كتبان رائعة..زينها الماكياج كثر والعوينات كيبريو..لبسات صباط الطالون كحل ووقفات كتشوف راسها وقالت:أنا هاديك؟؟
سليمى:شوف تشوف واش ترجعي بنت هههه
وردة:غنزف على جدك بصباطي ههههه واصلحي فمك راه مكتفهمش فهادشي
سليمة:😂😂😂😂 gالاها ليك رااسك نتي مولات الخير هي لي نصحات اميرة ووراتها اش دير😂
توبة:ههههه القصص بالدارحة ههه المهم دابا كيتنبان
وردى:فنة يابنيتي فنة مبحالك فالزين حد
سليمى:زوييبنة أمرت خويا ههه
صونا تيايفونها شافت فيه لقاتو محمد وهي تنطق:عمرو طويل
سليمة:كي الكلب 😂😂😂
وردة:gوليه ادردك😂😂😂زيدي نتي نخرجو نخليوها تهضر على راحتها
شليمة:اوا عشنا وشفنا توبة والحياة الخاصة😂😂😂
خرجو وخلاوها واقفا وتيلي فيديها تيصوني وقلبها كيضرب مع كل رنة..فتحات الخط وقالت بصوت مرتجف:الو
محمد:حبي فينك
توبة:هاني واجدة نتا لي فينك
محمد:هاني gدام الرياض ديالكم نزلي احبيبة
توبة:واخا هاني نازلة
قطعات عليه وخرجات من البيت نزلات لتحت لقات دارهم كامليين كلشي شكرها وكلشي عجبااتو تا من باها لي هرج معاها لبرا لقا محمد واقف حدا الاوطو هاز سوارت فيدو لابس عاادي جداا..هي شافها بقا حال فيها فمو وتقول واش حشم ولا رمش..كيسكانيها بعينيه من الفوق
كيهز عينو فوجهها كيلقاه كيبري وعينيها مضويين وكينزلهم تاتي للكسوة ويلقاها حاتها زويينة واطلعهم تاني وانزلهم مابقا عارف فين اشد ولا فين لركز..أما هي حشماات ويديها عرااقو..كتشوف عينيه كيختارقوها بنظرة جميلة جدا خالية من الشهوات وعامرة بالاعجااب والفرحة..قرب منهم وقال:جيتي زوينة بزااف
حمحم الساحدي وقال:العشرة تلقاكم فالداار سينو ..
قاطعو وهو محول نظرو لجيهتو بابتسامة:العشرة
الساجدي:بون سوااغي
توبة:شكرا ههه
محمد:مغسي
مشا الساجدي مخليهم بجوج واقفين فالزنقة مبتاسمين لبعض وكيطلعها وينزلها بشوفة زوينة ونطق موراها:بزااف والله تا بزااف هههه(مسح علىلحيتو)جيتي غزااالة وااعرة (شاف عينيها)كيبريو والفم ففففف ستغفر الله هههه باختصار جيتي زوينة جا معاك الماكياج والكسوة
توبة:بصح ههه اول مرة لبسها
محمد:مغتكونش اخر مرة ههه(شد فيديها وباسهم )سعداتي بييك(شم فيهم ريحة زوينة)تاهوما رطبين اه gلت ليك كتزلقي ههه
توبة:لوااه هههه وازيد خلاص راه كرعني البرد هنا ههه
ضحك وجرها معاه بابتسامة ويدو على خصرها ثابثة مكيخركهاش باش ميزيدش احرجها واحتراما ليها..حل ليها لباب وطلعات فرحانة وقلبها كيدق..دار من الجيهة لوخرا وطلع دار السمطة وديمارا وقال:حمقتييني والله..معمري شفتك بهاد الزيين كولو..كتباني مبدلة
شد يدها حكها على فخدو كيف العادة وقال:المهم هو الرطوبية هههه الزين كااين
ضحكات بخجل وقالت:ههههه شكراا
محمد:هههه على واجب ma reine(هاود شاف فيها بحب)والله حتا حمقتيني هههه(شاف شفايفها)جا معاك العكر فالبوردو بين عندك الشفايف
توبة:وشنو تسحابك معنديش هههه(خرجات فمها على شكل بوسة)شوف هاهوما هههه
شاف غيها وضحك وقال:بلاتي نوصلو ووريني هههه سي عارف عندك راه عاضهم كااع هي العكر بينهم كثر..نعاود نgولها تاني وا سطيتيني
ضحكاات بجهد وحطات يدها على فمها وقالت:يا برااكا راه زدتي فيا الضلووع هههه
مد يدو لشعرها شدو من لتحت وعينيه كتمشي منها للطريق:طوال شوي لا؟؟
توبة:ااه طواال
محمد:زويين شعرك خفيف ورطب هههه تاهو كيزلق هههه
توبة:هههخه
كتافات بهاد الضحكة فقط مقدراتش تعاود تجاوبو حيت فغيمون سد ليها فمها بمدحو ليهة مخلا حتا حاجة ممدحهاش..هضر على الكسوة على الشعرعلى الماكيااج على ريحة الكريم فيديها ..رد البال لتفاصيل كاملة لي جديدة فيها وشكرها فيهم الشبء لي خلاها هي كضحك وتفرنس ليه عاجبها الحال
ضحك وتم غادي هو وياها ناحية المطعم لي كان راقي وزوين..تلقا ليهم السكيريتي بابتسامة ومن بعد توالهم السرباي وداهم لطبلة كان حاجزها قبل..جر ليها الكرسي ومشا جلس تاهو..مد ليهم الموني وقال:حبيبة مشهيا شي حاجة بضبط؟؟
توبة:لا (كتشوف الموني)شد ليا على ذوقك
محمد:(حاط الموني وكيشوف فيها)انا شبعت
شافت فيه وبتاسمات بخجلوضورات عينيها على الجوار ليكون شي حد كيشوف فيهم قربات منو باش اسمعها وقالت:واصافي راه حشومة من صباح نتا حال فيا فمك
ضحكات حشمانة وعضات على شفايفها وسكتات مقدراتش تجاوبو..كسر نظرتو ليها النادل لي حط ليهم العشا وتمنا ليهم شهية طيبة ومشا
توبة:(بدات كتاكل)فيا جووع من الغدا مكلت
محمد:وعلاش؟؟
توبة:باش يكون فيا جوع بزاااف هههه
محمد:هههه متبقايش بزااف بجوع غتمرضي معدتك
توبة:هههه عارفا ماما كضل علي بهادشي ههه
سكتات وعاودات قالت"محمد بيت نتشاور معاك فشي حاجة
محمد:كنسمعك
توبة:مغنقراش الطب باقي كنفكر ندير الصيدلة
محمد:(توقف على الاكل)كيفاش زعما؟؟وفيناهو الحلم تولي طبيبة
توبة:مشاا هه(بهدوء)فهاد العام فاش جلست وضاحت ليا شحال من حاجة
محمد:بحالاش؟؟
توبة:عام كولو عرفت فيه العدو من الصديق وعرفت فيه لي تيبغيني ولي هي مدوز بيا الوقت..عرفت لي كيبغي توبة ولي كيبغي بنت الساجدي..عام مدازش ساهل وباقي فيه بزااف مايتعااش مرضت فيه وبكيت فيه وحزنت فيه كثر مافرحت..خلاوني نحل عيني
محمد:وشنو هلاقة هادشي بقرايتك؟؟حيت على حساب ماشفت راه كنتي تموتي وتولي طبيبة
توبة:وابااقي بيت نولي طبيبة ولكن..
قاطعها :ولكن عجزتي ولفتي الراحة والفشوش مبقيتيش مولفة الحركة والقرايا والفياق بكري والتمارين..مولفا اه تقراي ولاكن ماشي واقف مستقبلك على ديك القراية يعني ترخيتي وركبك العgز
توبة:ممكن
محمد:طبيعي اوقع معاك هاكا..فلول كان سلوك شوي ولا عادة شويا ولا تكيف عصبي..يعني ولات عندك الراحة تكيف عصبي ولات من الضروريات فنهاؤك تا عجزتي
توبة:(كتسمع ليه )
محمد:وكوني على يقين واخا حتا ديري الصيدلة غنبقاي معجازة وغيكونو عندك بحوث ولا سطاجات ومغتمشيش ليهم حيت غتفضلي الراحة لي هي فالاصل ماشي رااحة هي تضياع الوقت فالافلام وفالقصص لي تضلي مقابلة اولا(بتاسم وغمزها)
توبة:سي عندك صح ولاكن(بكسل)كنعيااا
محمد:بسيف ماتعياي ونتي كضلي ناعسة شتي دابا توض نزل عليك بدقة لذىاعك غتضرك ماشي بحال قبل عظامك مولفين الحركة
توبة:وشنو الحل؟؟
محمد:(كياكل بهدوء)الحل هو التغيير ..بدلي رااسك
توبة:كنحااول..راك كتشوفني مبقيتش كنهز تيلي بزااف كنهزو هي الى بيت نكتب القصة وصافي
محمد:كون مكنتيش مرتاحة ليها غنقوليك حيديها
توبة:لا لا مرتااحة والله وعاجباا النااس
محمد:باش عرفتيها؟؟
توبة:حيت كل بارت كنحط كيديرو ليه جيم شي 400 وحدا وكثر عاد اه محطوطة فباج فلانسطا وبزااف
محمد:(تفاجأ)وايلي..وشنو زعما العالم كولو كيقرا ليك الا أنا ههه
شد يديها كيداعبها وقال:والصبااغة ياللالة هههه تجهدتي علي هاد النهار
توبة:كولشي حمر هههه
محمد:هههه بقاي تلبسي الالوان الغامقة كيجيو معاك
توبة:مالي على حالتي ههه نوع شوي الحياة مبهجة هه
محمد:ايييه يالالة مبهجة ههه كولي مبقاش فيك الجوع
توبة:لا فيا ههه
رجعات كتاكل فصمت وهو كذلك كياكل ويشوف فيها وسالا قبل منها..مسح فمو وهز تيلي ديالو كيقلب فيه وهي حاضياه معجبهاش الحال اهزو فالخرجة تا هز فيهاعينو وقال:انوريك واحد الحاجة
وبالفعل مشا بيها مسافة صغيرة تا خرجو على مراكش لواحد القنت خاوي وفيه هي شجر وقالت:ياكما تسحابك عضامي نيت مبقاوش gاادين فين جايبني راه والله تانوقفك على رجليك
محمد:هههههههه راه نتي تعداي علي ماشي انا ..نزلي ونتي تترعدي من الخلا
توبة:اوا معرت هههه لاش جايبنا لهاد الخلا
محمد:(حل عليها لباب)اجي احبيبو راه كاينا واحد لبلاصة لهيه زوينة
توبة:ونتا باش عرفتيها؟؟انا بنت مراكش ومعرفتش هاد الخلا
محمد:(شد كويرتو لبسها ليها)نتي عارفا هي جامع الفنا وماجوارها البلايص الكالم متتوصليهمش
توبة:أحبيبي راه غيضربك البرد لبسها(بغات تحيدها وحبسها)لا هي شدها
محمد:ملابساش مزياان وصدرك عريان غيهزك البرد
عنقها ومشا بيها فداك الخلا تافاتو شي شجر ولقاو قهوة صغيرة تماا فيها شي ناس قلال وهي العائلات وكل طبلة بعيدة على لوخراا..الصقيل وهي صوت الما لي كيطيب فوق البوطة وعاطي الصفارة ديالو
داها لواحد الطبلة ديال الميكة فالشيبي وبالكراسا تاوعها بحال ديال العرس جر ليها لكرسي جلسات وجاب كرسي جلس حداها حاط يدو على كرسيها ويد على يديها لي محطوطة فوق الطبلة وقال:عجبااتك
توبة:زويينة بزااف هههه ياودي خصنا هي نكونو بجوج
محمد:هاكا بغيت نعيشوو
توبة:كيفاش؟؟
محمد:يعني بهاد البساطة
توبة:زعما نخليو كلشي ونجيو نشريو دار هنا ونعيشو فيها ونتا تحل قهوة وتولي تنصب الطواجن وتعمر أتاي
ضحك وقال:لا حول ولا قوة الا بالله معاك ومع عقلك لي كيفكر بعييد ههههه الا زعما بغيت نقول نعيشو بهاظ البساطة منكبروش الحوايج
توبة:والله مفهمت هههه شوف انا اه مكلخة ديني على gد هاد الgرام تالعقل لي عندي
محمد:هههه واخا الالة(شد شعرها من لتحت كيلهب فيه)قصدت بهاد البسااطة مممم(ملقاش باش ابدا)شوفي أنا وياك هوما لي كينطابق علينا داك المثل ديال تزدنا وكبرنل وففمنا معلقة من الذهب..لي خلينا عليها فمنا تنلقاوها لي طلبناها تتحضر..قرينا فأحسن المدارس ودوزنا العطل فبلايص ماشي كلشي كيمشي ليهم يعني باختصار عشنا حياة الرفاهية
توبة:اييه هادشي عرفتو
محمد:وبيني وبينك طلعات فيا هاد الحالة فراسي بغيت نبدل حيااتي..سمعيني أتوبة انا نهار قررت نخطبك الا وعارف راسي باغي نكمل معاك لديما يعني مورا الخطبة كاين زواج أكيد (شافها بتاسمات)بغيت قبل ماندخلو لاي خطوة رسمية نوضحو بزااف تالحوايج..انا أتوبة عشت حياتي فشكل فالهااي بزاااف وتمردت وفلوس با خلاوني فواحد الفترة من حياتي نحس برااسي معرت شنو ولايني الدنيا علمااتني بلي اابساطة كتخلينا نحسو بقيمة الحياة..لي بغيت حياتنا تبنى عليه هو البساطة
توبة:(باهتمام)بحالاش هاد البساطة؟؟
محمد:مثلا فاش نرجعو من الخدمة ندخلو بجوج لاكوزينة نوجدو الغدا ولا العشاا..فاش نكونو خارجين مافيها باس الى تمشينا على رجلينا وخلينا الاوطو بعيدة..وفاس مثلا تخوا ثلاجة نكونو حنا لي عرفناها خاويا ماشي تجي لابون تgولها وتكتب راسها قاىمة لي غتحتاج وتخرج تقضاها هاديك كتسما دارها ماشي دارنا
توبة:(بابتسامة)زعما كتفكر هاكا؟؟
محمد:وكثر من هاكا..واش فهمتيني اش بغيت نوصل ليك..يعني حياتنا تكون ديالنا..حنا نسيروها..فاش نجي من الخدمة عياان بغيت نلقاك نتي لي تحلي ليا الباب وتستقبليني بتعنيقة من دوك تعنيقات ديالك(جرها عنقها وتاهي ضورات عليه يديها)ماشي المساعدة لي تستقبلني ههه بسلام موسيو للكلاوي
توبة:ههههه (زيرات عليه)يخليلي انا لي با يعيش حياتو مزلوط😂😂😂
بعدها عليه وقال:والله الى المزلوط الى عايش بخير..كيدخل لدارو تيلقا مراتو ملقيا ليه بضحكى ومعنقاه تديه للطبلة اتعشاو بجوج وهوما قراب ماشي واحد هنا ولاخر عند الباب..كياكلو ويضحكو ويتعانقز(ضحك)وبوسة من لهيه وبوسة من هنا..وكينعسو مرتاحين ناسبين النهار لي دوزو صعيب
خرجات وردة مخليا توبة باغا تدير للحيوط يدين وتشطح معاهم ...حبدات الكسوة بالشطيح وتدندين مسحات الماكيااج وجمعات شعرها تخشات فبلاصتها بعدما لبسات بيحامة دافية..هزات تيلي لقاتو مسيفت ليها مبسااج فيه:تصبحين على واقع أجمل منك..وعلى واقع تكون حياتي فيه مندرجة
جاوباتو وكتبات:بوندودو احبيبي
مكانش حال سد وهي كذلك حطات تبلي وتخشات بلاصتها كتقلب من قنت لقنت وتفكر فيه فرحانة وتعاود تقلب تا نعساات
أما وردة لي هي دخلات لبيتها حيدات بينوارها دخلات للفراش لقات الساجدي حاط يدو على عينيه ناعس..قادات عليهم الفراش وقربات حطات راسها على كتفو وهو يعنقها وخشاها فيه وقال:متعطلتييش؟؟
الساجظي:حيت كتبغييه..ماشي كاره محمد ولا شي حاجة..بلعكس هو راجل مزيان ومرجل بحال بااه نأمن عليه توبة وعارفو غيعاملها مزيان ولاكن العامل تاع السن لي خالعني بزااف..باقي صغار خفت تكون هي نزوة وتغبر مع الوقت وادوب هاد الحب لي بينهم
وردة:(تقادات فالنعسة كتشوف قيه)شوف تفائل بالخير راه عدد هوما تزوجو صغار وضدق ليهم الزواج..ووايدون اع باقي مغيتزوجوش هي خطبة تاتكمل قرايتها بعدا
الساجدي:مالو هو غيصبر سبع سنين تالطب؟؟
وردة:نتا بلاصتو تصبر؟؟
شاف فيها وضحك:هههههه لا
وردة:اوا فهم راسك ودرك زواجهم هههه
الساحدي:دوز الخطبة بعدا واحن الله نعسي احبيبة راك عيتي
تكات راسها على صدرو قالت:بونوي..تنحبك أ كينكو
الساجدي:أنا كثر المشكودرة ههه
مرت أربع ايام بسرعة..دوزاتها نوبة كاملة فالرياض عاسا عليها وفاء ووردة متخرجش وحاطين فتيحة لاصقا فيها كي العلكة..باش متشوفش محمد تال الخطبة..أما وفاء ضلات هاد ربع يام من محل لمحل من قيصارية لقيصارية من خياطة لخيااطة..ربع يام ولات فيها سوبر مان كتضل تخيط زناقي وتفصل فدروبا وسليمة تابعاها بحال الخدامة لي كانت مع نزهة الركراكي فسلسلة من دار لدار..ملشي دارتو بوحدها تال اليوماين لخرا عاد جات جيهان صاحبتها هي وامين راجلها وعاوناتها لانها رفضات مساعدة وردة باش تخلي كلشي مفاجئة..تقدات ومخلات مجابت ليها..ووصل اليوم الرابع لي غيخطب فيه محمد الكلاوي لالة فاطمة توبة الساجدي لي مقداتها فرحة..
فاقت هاد الصباح ناشطة وفرحانة وصبحات على مبساج زوين من عندو كيما معودها تاولات عادة عندها..دوشات وتريحات ولبسات سورفيتة ونزلات للتحت مع دارهم وعمتها أسماء لي جات هي وولادها وراجلها باش احضرو..فطرات معاهم فجو نااشط وضحكوكي وناضت مع مها لي سخنات الحمام لي دايرينو الفووق كيدخلز ليه مرا مراا..تكسلات وتحمحمات مزياان تا خرجات حمراا والسر طااح عليها..طلات ليها مها وجداها فينمت كان شي كريم دارو ليها وضورو ليها شعرها ففوطة وخرجوخا بزغاريت ملقيا ليها عمتها بالحليب والما زهر وكيزغرتو وهي بلاصة متحشم كتزغرت معاهم وتقرا على راسها القراان تا ضحكاتهم..دخلات لبيتها وخدات سيلفي وصيفتاتها ليه جاوبها فالبلاصة :الله اربي الله واش غنبقا انا نصبح عليك كل نهار هاكا بزااف علي هههه
جاوباتو:ههههه gول هي بصحة الحمام
محمد:بصحتك الحمام الحب تاعي ههه بان فيك
توبة:يخليك ليلي اطريفات اللوز
سالات معاه الهضرة وناضت تتغدا مع دارهم وخوالها لي جاو كاملين مع عيالاتهم وجدها لي وضل لباارح على قبلها باش احضر..كلشي حضر وكلشي فرحان ليها
تغداو بالدق والنشااط والزغاريت ويقلبوها دقا مراكشيو تا وصلات الربعة صلاو العصر وناضو العيالات لفوق لعند الكوافورة لي جات خصبصا تقاد ليهم كاملين ....بدات هي وفىيقها وتفرقو عليهم كامليين..تحول بيت توبة للكوافورة خاصة..قادات ليها وجهها وسليمة كتنكر فوق راسها اش دير واش مديرش..دارت ليها ماكياج خفيف ضريف والفيم دارت ليه الغوز..مجاو فين اساليو تا كانت السبعة تالعشية لبسوها ولبسو تا هوما..
تسمعو الدقايفية براا بجهد والدق والضرب وهي تنطق فتيحة:العربس وصل ياله زيدو نرحبو بيهم وتبقا معاها مها
سليمة:وحتا انا
جراتها فتيحة:زيدي ازوفري ونتي قاطعا داك شعر كي سعيد الزوفري معرفناك من عايلة العريس ولا منا
سليمة:بحال بحال كديرو بحالا عمرنا شفنا داركم هههه
فتيحة:زيدي الله يمسخك 😂😂😂
خرجتت فتيحة والكل تابعها من العيالات والرجال..النسا هازين مرشة فيها ما زهر ..طلقات فتيحة والسالكة حلوقها كيزغرتو وارشو عليهم الما زهر ويتعانقو بحالا عمرهم شافو بعضياتهم
محمد العريس كان ضارب واحد الكوستيم جااه قتاال..فالاسود بلا كرافاطة ومبتاسم فرحاام واخا الانظار عليه ومحملهاش..تعانق مع كاع لي سلمو عليه وشكرهم..وفاء ضاربا تكشيطة تالفريع هي وصاحبتها حيهان وسلمى لوستها أما لبنى مجانش ولدها مريض جا هي راجلها..والرجال لابسين الكوستيمات تالفريع وهي تبوكيصا على ختها..حاضرين عمامو بجوج وعمتو سلمى وصاحبو جوزيف..
فنيحة وولدها وصاحبنها وانور نساو راسهم والضياف شافو الدقايقية شدهم الحال دخلو هوما وسطهم وحيدو ليهم الطواقي وبداو كيضربو ويطقطقو لدرجة العائلة كلهم ماتو عليهم بالضحك..الطيافر هازينهم العبيد لي جابوهم خصيصا لهاد المناسبة..جابت لبها وفاء بزااف مقصراتش من حقها ومخلات مجابت ليها..لي شافتو جابت منو جوج تهلات فيها مزياان وكبرات بيها..
حكايتنا الجزء 31
محتوى القصة
التنقل بين الأجزاء