وقغ ووقفها معاه وقال:غنتوحشك وبزااف كااه ولاكن للضرورة أحكام لي نوصيك عليه هو وقتما عيطت ليك نلقااك وقراي اللغة ووجدي للكونكور ونقصي من داك التيليفون راخ خارج عليك
توبة:(كتغبن)ععننن تفووو تال الصيف بففف
ضحك وجرها ليه معنقها وقال:الصيف قرب هي شي خمس شهور واجي ههههه كملي فطورك وتبعيني
توبة:(مغوبشا بطفولية)مباقيش بيتو تسدات ليا الشهية
محمد:هههه هاكا علاش كنت غنمشي gبيل باش متبقتيش هاكا
توبة:كون مشيني كون تخاريت انا وياه وصبفت ليك خاتمك فأمانة
دخلو للداخل ولقاو الباقي فاقو وتجمعو للفطور طامليين كيبانو كي الفرقة تاع الكرة بالاحتياط ضحكو وقشبو ونشطوو وماخلاو مادارو تا توسط النهار عاد ناضو لبنات عليهم وخرجو مجموعين مع وفاء وسلمى وعيالات خال محمد بربعة..دوزو نهار كولو فضوران وتسركيل من هنا لهنا تا خلطات عليخم وردة وبناتها بجوج وكملو النهار مجموعين تالسبعة تالعشية عاد رجعو بسياراتهم لرياضهم وتفارقو كلها مشا لدارو
محمد:معليش أحبيبتي على خاطرك تا تكوني فغيمون حاسا بيها..براكا هي انا نبغييك
توبة:هههه خصها تكون فااص تاتجي
محمد:نتسنا انا تانجي هاا هههه احيانا عليك
توبة:هههه اوا منعرف ليك
كملو هضرتهم على نفس المنوال بالضحك وكلمات الغزل جهد شي ساعا تاعيطو ليها تعشا ونزلات بعدما ودعاتو وناهو ودعها حيت غيمشي اقرا كتاب
تعشات ورجعات لقاتو مصيفت ليها :تصبحين على خير يا سيدة الجمال
بتاسمات وجاوباتو ومشات كتكتب اجزاء قصتها لي شارفات على نهايتها حطات الاجزاء كلها وتكات تنعس فانتظار غد أجمل كيحمل فطياتو أجمل الاحداث
#####
بعد مرور شهرين على عودة محمد لامريكا كعادتو محمد فاق فالصباح نشيط كعادتو مارس روتينو اليومي وقبل من هادشي كامل دخل بغا يكتب لبها ميساج لقاها صبفتاتو ليه كتصبح فيه عليه..بدل عليه ونزل للتحت باش افطر مدوز ليها الخط كيف العادة كيتصبح بصوتها لقاها فالسونطر
قطع معاها ونزل كيفطر مع دارهم كيف عادتو وموراها نوجه للخدمة
أما توبة لي خرجات رفقة زملائها فالسونطر فرحانين حيت خداو أول سيختيفيكا ديال اللغة قيها بلي متمكنين من اللغة الالمانية بمستوى الاول..كان الجو سخون شوي لانه كان شهر ربعة وتيكون دافي شوي فمراكش..كانت لابسا سروال بيض لاصق وشوميز فالشيبي زوينة معاهم سندالة خغيفة والضفار مصبوغين بالازرق الداكن..دارت نظاراتها الشمسية وركبات مع واحد البنت فسيارتها وتوجهو اتغداو فماكدو
ماهي الا مسافة الطريق كانو وصلو باركاو الاوطو ونزلو كاملين كيضحكو بيناتهم
فهاد الشهرين تغيرات حياة توبة جدريا..رجعات لنشاطها ولنشاطاتها..دارت صداقات جداد وتعرفات ببنات جداد كيخرجو واضحكو مجموعين...تغيرات بزااف ومع الوقت غادا وكتزياان..ديما وكل ساعة كتراسل مع محمد وقبل متنعس كيهضرو ابيل فيديو بساعات كيحيدو الاشتياق لبعضهم واخا العناق والو..كيتعاودو على نهارهم كي داز..على شنو دارو معامن تلاقاو وأكيد كيتحابوو بطريقة زويينة مافيهاش قلة الادب..كانت مشيتو هاد المرة ماشي بحال لي قبل منها..كيعطيها وقتها وكثر لدرجة ولات وقتو كولو كيشاركها كلشي وهي كذلك وحبو ليها كيزيد ويزيد حيت بهاظ البساطة هبيلة
جلسات فطبلة تاع برا مع البنات ودراري وصيفتات ليه مبساج فيه:حبيبي انا وصلت
جاوبها:بصحة أعمري سيري تاتغداي ونهضرو
توبة:اوك حبي
حطان نيلي ولقات البنات كيوشفو فيها وقالت:مالكم كتحنززو فيا؟؟
سماح:(وحدا من البنات)اختي انا باغيا هي نعرف اش كضلو تعاودو بجوج
توبة:لامووغ هههه
نطقات وحدا منهم سميتها مريم:بزااف على لامووغ أصاحبتي مكتملييش؟؟
توبة:نمل الى كان حدايا وديما معايا ولايني هو دروك اه بعيد
مهدي:فين كاين؟؟
توبة:فأمرييكا
نطقات وحدا سميتها زهور:مي نوو..عمرك gلتيها لينا
توبة:اوا معمركم سولتوني هههه بيتو هي تعرفوه فوجهو وصافي
غزلان:مممم مزياان اوا وقتاش ناويين العرس
توبو:باقي تنكمل قرايتي عاد نتزوجو
سماح:ياااه الله يفرحك احبيبة هههه جيتو مع بعضياتكم
مهدي:كتبانو كتحمقو(كيقاد فشعرو)فنين
ضحكات توبة وهراتو وقالت:يااختي على الصويت ههههه ياله شدو لينا منحنجرو راه الخبز ضرو الجوع
ناضت سماح الدريويشا فيهم وجابت ليهم مايتكلو وجلسو كيحنجرو واضحكو وتوبة مشرعا فمها للنكات دايرا نظاراتها ااشمية تا تغطان عليها الشمس هزات راسها لقان جسم رجل حيدات نظاظر حققات فيه لقاتو اخر شخص توقعات تشوفو وهو صمد..شافت فيه ببرود وقالت:مالك اخويا واقف هنا؟؟
صمد:(عض على شفايفو بطريقة مستفزة)صافا أتوبة؟؟
جاوباتو باستغراب:on se connait
حول راسو كيشوف فجنابو مخبي هصبيتو وقال:وايلي دغيا نسيتي حبيبك؟؟
توبة:(بسخرية)تغالطت ليك مع شي حد واقلة مكنعرفش لي بحالك
توبة:(خزرات فيه)غتمشي فحالاتك هو هذااط ولا غنقلبوها سباط
تدخلات غزلان:اش كاين اخوياا؟؟مالك على هاد الدخلة ياك لبااس..كتعرفها؟؟
شاف فيها وقال:سي كنعرفها ومزياان كااع..هادي كانت صاحبتي حشااكم
حلو كامليين فمهم وكمل هضرتو المستفزة:كنت انا وياها عاامين والحب والغرام وداكشي هه وفلخر زادت وخلاتني على قبل واحد الملعق ههه
توبة:(بغضب)غتمشي غحالك لاا؟؟هاد الهضرة زيدها فرااسك درووك الى نتا عاقل علي انا راه نسيتك كحاسباكش اصلا واش كاين(طلعات فيه باستحقار)بحالك أفلان مكنحسش كاع واش عايششين معايا حيت الرجال رجال اوا وولاد مهم ولاد مهم..ودابا غضور فحالاتك ولا نوريك توبة اش كتسواا
عصباتو بهضرتها ووصلات ليه احساس الحقارة ومع ذلك بقا محافظ على قناع الهدوءواخا الداخل ديالو كيغلي..تحنا عندها وحط يد على الطبلة ويد على كرسيها وقال:عتدك صح..بحالي انا مكنبانش لبحالك حيت لي من سهمك مغرقو الطمع والتكبر والغرور..نتوما صحاب اللعاقة عزيز عليكم تباانو وتخرجو وتجربو عيشتنا المق**** باش هي اجربو اش كيعني الفقر وصافي أما راه مgادينش عليه هه ولي بحالك راه كنضيعو معاهم عمرنا وتيطلع فالسو واكبر دليل نتي لي ضيعت معاك عامين كلها خريج ودخيل ومجرجراني معاك ووقتما نذكر ليك زواح تبداي علي لا بابا ميبغييش لا ميمكنش ولاكن ملي جاا لي بغاه باباك ولي ملعق قبل عليه دغياا(باستهزاءواصلا فيه للعظم)
توبة طلع ليها الدم وهي تضرب فطبلة بجهد تاتلفت كلشي وقالت موجهة ليه الهضرة:لي بحالك أ العشير راه جالس تيتي منيني حدا مو لا شغل لا مشغالة من غير الكذوب على بنات النااس ويحاول اكون رااجل..وداك الفقر لي تتهضر عليه من صبااح راه نتا لي محتاقر راسك بيه..حيت الفقر ماهو عيب ماهو خراام ونزيدك الشماتة لي جاي تتفلعص علي هنا داك لي ديت سيدك وسمية عيدك..حيت مجاتش مو عايراتني ومحاش هو با يضربني..ومجاش عايرني..لا جا عند باا لي واقلة(باستهزاء)باقي مكتعرفوش نزياان..وgاليه افلان بيت بنتك وبقا معاه تاوافق والى على لباجبااط راه كلشي تيغرف ليه الرجلة أفعال أولد ميمتو..ونهار باقي نشوفني فشي قنت وتجي تهضر معايا عرف رااسك مراجلش قهمتي ولا نعاود ندخلها ليك.من قنت اخر..اااه ودوك الفعايل تاع فوكونط حيدهم منك وااخا حيت راه عارفاك موياان
حمار وصفار وخضار صمد على اثر هضرتها ومرضاش قدام الكل وهو لي كان جاي باغي الوح ليها الهضرة تسممها عند بالو باقي غيقضي فيها ويحشي ليها الهضرة ساعا لقاها منسوقااش وعصباتو كثر ماهو مغدظ عليها حيت فقصة خطوبتها منساهاش وباقي واحلة ليه فحلقو..مباغيش انقبل انها خلاتو على قبل محمد ولي ورا ليه تضاور كانت صديقة طفولتها نبيلة لي نفراتها وغسلات عليها يديها..نطق بصوت معصب:تتبيني على حقيقتك الق)**** هااا
وقفات على اثر هاد الكلمة وهزات يديها تا جمعات البرد ونزلات عليه بيها للحنك قدام أمة لا اله الا الله وهو مرضااش ياله ضار باغي يشدها من ذراعها وهي تلوي ليه يديه بقوة وحمرات فيه وقالت:ق*** حيت معمرك حطيتؤ فيا يديك..وق**** حيت عمري خليتك تمسني وق**** حيت كنت معاك ومكنشوفش فعيرك يااك
تنتر منها بزربة وغفلها وشدها من شعرها جااهل وقال بالغوات:انا لدينمك تصرفيقيني هاا انااا (زير عليها)
تحنا بزربة طالق منها شد حجرو وهي تغوت:عيطو لبووولييس
باقي مكملاتها صونا تيليفونها لي خلات فوق الطبلة وحدا راس صمد لي مخني على حجروو..هز عينو فيه على غقلة كيتعصى بالالم لقا المتصل:askim
هي شافو وهو يصعر وطار على تيلي هزو وشد الخط بغضب وتسمع صوت محمد:حبي
صمد:ديتي شيااطتي ههه
محمد:(بعدم فهم)شكون معايا؟؟
صمد:ديتي شياطتي لي لعبت بيها ولحتها فيك
خرجو عينيها وطارت عليه كتغوت باغا تحيد تيليفون من وذنو وحبسهل بيدو وكيبعد عليها مغدد وعلى وجهو بتسامة نتصار
توبة؛طلق الحماار المشقوف الله يلgييها ليييك عععع طلاق
صمد:ههه سمعتي شياطتي اش كتgول هاا..مبروك مسبقا أسي الكلاوي فرحت ليك ولله(بسخرية)مكنتش عارفك حاط العين على حاجتي
محمد:(طلع ليه دم)كتخباا ورا التيليفون أ رويجل هاا..مقادرش تجيني فااص يااك(غوت على غفلة تا تهز صمد)رد ليهل التيليفون والحساب على لخر
توبة:(ضرباتو بمرفقها لكرشو)طلق الله ينعل ز*** بوك فهاد النهار
شد صمد كرشو كيضحك فرحان بانه عصبهم ةكلشي كيتفرح تاواحد مهضر ولا دار شي ردة فعل..عصبها لدرجة ولات كترعد وخرجات منها شخصية الملاكمة توبة..ولي حاصلا على جوائز جهوية فالملاكمة وحتا فالكراطي..محشات تا هزات يديها للفوق ونزلات عليه بيها لبين كتافو وغوتات:اععععع
طاح ليه التيلي من يديه وصوت محمد خارج نن التيليفون كيسمع غواتها معرف مالها..الكل تصدم لاحت صباطها حيت معنكشها ومشات ليه كتعطيه فالدق كيحاول اطاكي على راسو..شد يديها لواها ليها وجا عند وذنيها وقال كينهج:طوالو رجليك علي الق***
عضات على شفايفها بغضب وحنات راسها للارض وعاودات رجعاتو لوور بجهد جابتو ليه فنيفو ديركت تا رعف وطلق يديها وهي ضور شداتو من كتافو مع كويل عليها وطلعات معاه ركبتها لكرشها وزادتو لوخرا وعطاتو لوخرا والغوات كيتسمع ديال البنات لي مصدومين خافوه انوض واضربها ..عطاتو العصا مزياان تا ماباقي مخلات جنبو مخلات كرشو وتاهو صرفقها لعنقها ةلوجها قد ودفعاتو على طبلة مهلووك مع اصلا مكانش سااحي كان ضارب جوج سطيرات..لبسات سباطها كتنهح وهزات صاكها وتيلي لي باقي كيعرر فيه محمد قطعات عليه وهرجات تاتجري من ماكدو وكتنهج متسوقات باقي لتاحد..شيرات لطاكسي وطلعات دغيا كتنهج وملها كترعد كتفكر اش غتقول لمحمد..تحرك بيها الطاكسي وقال:فين اخت؟
قفزها من بلاصتها صوت التيلي لي كيصوني..هزااتو وخرجو عينيها كان هو كيصوني معصب ويمشي ويجي فبيروه بغضب..كيمسح على شعرو بعصبية ..شدات الخط وحطاتو على وذنها وجاها صوتو بالغوات:فينكي؟؟شكون داك الحيواان لي جاوبني هضريي..معامن كنتي؟؟واش بيك شي حاجة واش ضربك؟؟سمعت غواتك واش قااسك(شافها سكتات)وااهضىييي(غوت)ماالكيي واش بيك شي حاجة؟؟دوييي ععععععع😡😡
عض على شفايفو بعصبية والدم ميغلي فيه..مقادرش اتحمل ان واحد اجي يقوليه بلي ديتي شياطتي رغم انه ثايق فيها وعارفها مبقاتش كتعرفو ومدارت معاه والو ونسا كلشي ولكن كأي رجل عربي شرقي دمو كيسخن واخا يكونو اعصابو فثلاجة..تنفس بغضب وقال:اش جا يدير تما؟؟
توبة:معرقتش اهى اعئ هفااك من بعد ونهضرو مقادرااش
محمد:سيري للدار داابا ومتبقايش تخرجي
باقي مجاوباتوش قطع عليها وجلس فكرسي مكتبو معصب وكيضور فعينيه ونفس الكلمة كتعاود فعقلو..دخلات السكريتيرة وقالت:موسيو محمد عندك جتماع من هنا عشرة دقايق
محمد:(بعصبية)لغيييه
السكريتيرة:ولكن
قاطعها بالغوات:لغيييه كتفهمي
تهزات وتخلعات وخرجات من بيروه حزينة حيت ممولفش انه يكون معاهم قاسح ولا يغوت عليهم..شيء لي حزنها..محس على راسو تا خرجات ضرب بيديه على البيرو وبقا جالس كيخمم ويعاود باش اخرج بفكرة حل
اما توبة كانت كتبكي فالطاكسي بصمت حسات براسها تهانت وقدام عبااد الله وشوهها
وصلات قدام الرياض خلصات الطاكسي ونزلتت فاشلة هازا ساكها واللون غابر منها..دقات بشوي فشلانة وعاودات تا حلات رشيدة وهي تدهل بلا هضرة بلا جوج كتجر فرجليها ببطء..طلعات ديركت لبيتها لاحت الصااك وتلتحت على سريرهل كتبكي وتنخصص..مابقاش فيها انه صرفقها مي الشوهة لي شوهها والكلام لي قال لمحمد ديال شياطتي..لاول مرة كتندم أشد الندم على علاقتها بيه ماشي بحال لول مي دابا ندمات مزياان
اي واحد هضرتي معاه وعطيتيه قيمة الا وكيقول فيك طالما هضرات معايا دونك غتهضر مع غيري واي واحد عطيتيه شي حاجة الا وكيقول راه باينا سابق فيها غيري..واي واحد طلعتي ليه فراسو وتفارق معاك مكيخليش بلاصتك زوينة عند الناس لي تلاقا معاه كيقوليه كنت كنهضر معاها واوتوماتيكمون كيمشي بال اي شخص سمع لمصاحبة لانه دار معاك شي حاجة..مجتمع ذكوري لإناث خنقهن الحب
اي واحد هضر معاك اليوم وفضلك علىشحال من وحدا الا وراه عندو نية خراا..اي واحد كيشوف فيك من جهة امراة الا وعندو هدف اخر..اي واحد ختارك تكوني صاحبتو الا وغيبغي فيك حاجتو الا مز رحم ربي في زمن كثر فيه الذكور بدل الرجال😉😉
حكايتنا الجزء 33
محتوى القصة
التنقل بين الأجزاء