محمد:ههههه الله يسمح لينا منك هههه(باس حبهتها)اخليك لينا
وقاء:بطولة عمرك أولدي ههه
صونا تيليفونو كانت سليمة لي معيطا وقال:ها وحدا هههه
شد الخط وقال:زين تالعالم
سليمة:(كتفوه)الحب هههه عيد ميلاد سعيد
محمد:لينا كانلليين..joyeux anniversaire
سليمة:مغسي خبي واخا هاد المرة مدوزناهش مجموعين😢😢
محمد:هههه معليش هاكا هي الحيااة ..بطولة عمرك ياربي وكادوك غيوصلك مع صبااح عندك
سليمة:هههه انا كاع مشريت ليكم والو ههه
محمد:قطعي وعيطي فيديو راه تا أميرة كتعيط
سليمة:اوك
قطع ودوز ابيل معاهم بجوج وحظااه مو وقال:سويتي ههه عيد ميلاد سعيد
أميرة:(بدات كدمع)توخشتكم😭😭😭😭اول غيد ميلاد بلا بيكم
وفاء:تانا أبتتي اهئ خليتي بلاصتك علي
أميرة:ماما حبيبة توخشتك بزااف
وفاء:تانا وعيد ميلاد سعيد لدريوشا فولادي ههه
محمد:حنا دابا كنقطعو الريوس ههه
كملو حديثهم بربعة وتمناو لبعضهم اجمل التهاني عاد قطعو وناضت وفاء هرجات مخليا محمد ناشط كيف العادة بدل عليه وتريح ونزل نااشط تلقا ليه باه عند درووج وقال بابتسامة:السبع
محمد:هههه واش بزز..ها العرس غيدار هنا غديرو توبة وعرضي لمن بغيتي
وفاء:على جثثي..غندير ليك عرس هي غندير العرس وتوبة غتبرز جوج مراات ولي مايشتري اتفرج ههههه
محمد:اش غنقوليك..لي بان لييك
وردة:اوا نزغرتو لولولولولولولو
الساجدي:اللقوة
وردة:تجييك نوض وصل بناتك وسير لخدمتك انا غنمشي مع وفاء للعيادة وندوزو نتقداو شي حاجة
الساجدي:هههه واخا
ناض الساجدي خرح مع فؤاد وبناتو وكذلك وفاء ووردى وبقاو الحيبان بجوح..شافت قيه وقالت:فين بيتينا ندوزو نهارك؟؟
محمد:معاك
توبة:هههه يادلي معايا هههه ولايني فين؟؟
محمد:معرفتش..معندي تا شي فكرة
توبة:فين موالف تتدوزو يادلي؟؟
محمد:(دار يدو ورا مخدتها )عادي..كندوزو اما خارج كنضور ولا شي مرات كنكون كنقرا..ولا كنكون فشي ندوة ولا شي لقاءمع شي كاتب
بجgات فيه توبة بغراابة وعينيها قربو اخرجو حاطا يد على يد كي الشارفات وقالت:كون هي خريتي ومgلتيش هاد الهضرة..واش أعباد الله نهار عيد ميلادك غدوزو وسط الكتووباا ومع المعقدين ههه
محمد:سي وكيدوز زويين حيت تنعمر رااسي
توبة:(بالمصرية)ده كان زمان ياحبيبي هههه قبل منجي أنا هههه اليوم درت ليك بروكراام زوييين
محمد:لي هو؟؟
توبة:متيتgالش..خلي تا نمشيو ونgوليك
قرب منها وعينيه فشفايفها وقال:مقلتش ليك شكراا يااك؟؟
بعدات راسها بشوي وعلى ثغرها بتسامة جدابة خلاتو ازيد اتبعها براسو باغي ينقض على شفايفها لكن فأخر المطاف حبسااتو بيديها وقالت:هههههه أ شلاقم دادا صبر ههههه ونوض تهز جمع حواايجك بينا نمشيو
محمد:فين؟؟
توبة:لواحد البلاصة زويينة ههه اوا تهز خلاص
وقف كيحرك راسو باستغراب وقال:علميني هي بعدا فين غاديين
جراتو من يديه وطلعات بيه للفوق وديركت لبيتو..دخلو ومشات كتقلب وسط حوايجو وتتعزل..حطات ليه كلشي وهزاتو وقالت"هاهوما عندي نمشي نبدل علي ونجي
محمد:اوك
مشات جيهة لباب تاكانت غتخرج وهي ترجع باستو فحنكو على غفلة وقالت:طريفات لووز تااعي هعههه
هربات بحال شي بطة ومع هي قصيرة غضربها وتكور وزادتها مكمشا الحوايج عند صدرها..ضحك وقال:هبيلة هههه
مشا هز سوارتو وتيلي ونزل كيتسناها لتحت وكيقلب فتيلي فتصاورها ويبتااسم..هز وحدا فيهم وحطها فالبروفيل عندو فالواتس عاد بانت ليه نازلة لابسا كسوة فالبوردو لاصقا نازلة تا فاتت الركبة كيبان هي شوي من سيقانها بالكمام قصاار..وجامعا شعرها شدة لفوق ومجبدة عينيها بماسكاارا ولات تتبان كي للمشاش وجارا صندالة خفيفة فرجليها وهازا ساشيا فيديها..وقف مبتااسم كيشوف فيها باعجاب وقال:لبووردو ههه
توبة:ههههع ياله زيد
محمد:(جرها)أجي بعدا هي نحقق فيك مزياان ههه(طلعها ونزلها)متبقايش تلبسي هاد لون فالزنقة
توبة:معرت علاه؟؟
محمد:(رد شعر ورا وذنها)حيت تيجييك زويين بزااف دونك بلاش ههه
توبة:خهههه ولاكن اليوم نهارك يعني ماشي مشكل اوا ياله
جراتو من يدييه وخرجو برا حل ليها الاوطو وطلع تاهو ونطالقو لوجهتهم لي كانت من اختيار توبة وهي دارهم لي جات فالخرجة تمرااكش..وهي فيلا شراها الساجدي وكتبها فسمية وردة..كيجيو ليها مرا مراا..بقات هي كتنعت ليه ووتعطيه التحقيق من تيلي جهد شي ساعة عاد وصلو
جات فيلا برا المديينة ملاصقا مع قيلات كثاار وجات فالشانطي ديركت..كبيرة وواسعى..وقفو قدام بابها الرئيسي وقال محمد:شكون غيحل لباب؟؟
توبة:كلاكصوني غيحل العساس
وبالفعل كلاكصونا عدة مرات عاد تحل لباب الكبير من طرف راجل كبير شوي لابس بلوزة زرقا وهاز عصا فيديه وموراه كلب..خرجات توبة راسها من شرجم وقالت بصوت نرتافع:وا العميم حل اللع يحفظك
العساس:(عرفها)نتي هادي هههه
حل لباب ودخلات الطوموبيل تالوسط ونزلو ننها بجوج..مشات هي سلمات على العساس وكتهضر معاه وهو بقا كيشوف فالقنت باستغراب ومافاهمش لاش جابتو تا وقفات عليه وقالت:عجبااتك؟؟
تنترات من يديه مقلقة بزااف حيت حسسها بكلمة غليضة انها مزويناش..وجاو فبالها مئات الافكاار أنه هو مولف لهيه كيشوف هي الرشاقة والكرش مكاينش بوها اما حتى المؤخرة فهي عندها حقها وكثر والسيقان عاامرين ومتناسقين الا ﻻها غلييضة والكرش عنظها شوي منفوخة بلا تقطيعات..لوات شفايفها كتكحبح راسها متغاوتش معاه حيت عيد ميلادو ورجعات للبيت وسدات الباي بجهد كترعد ومشاا للمراية تتشوف فرااسها كي دايرا وتتفحص بعينيها كي راها تبان وتعبر فراسها تاجاها دقانو عاد مشات هزات كسوة خراا خفيفة لبساتها وعينيها مغرغريين..
تعودات على غليضة من كلشي وكتعطيهم الجواب الشهير الى البنة فالعظام ديروهم فالحريرة لكن من عندو هو جاتها قاسحةووهي لي ديما كاسعى باش تكون زوينة فعينيه..تقلقاات وتنكراات وتنوات وظنون الدنيا والدين تجمعو فيها..تاولات تتردخ فالحوايج وتحط..تا عاود دق وهي تمشي حادرا راسها حلات لباب مشافتش فيه ودازت قدامو وهو كيتفحصها وتبعها كيحرك راسو بالله يستر
خرجو عند المسبح الكبير لي فالحردة ولي فيه الما كيبري بالتقاوة والشميشة سخونة ضاربا فيه..حداه كراسا فيهم جوج فوطات وحداهم طبالي فيهم عصير منوع..حطات ساشيتها حداها..وجلساات..جا جلس حداها فالكرسي لاخر هز العصير جغم منو ونظراتو كلها عليها هي لي كتشوف فاص ومباغاش تشوف فيه ومن طريقة باش كتحرك شفايفها عاق بيها تقلقاات وهو ينطق بهدوء:نغتعومييش
هزات زيوت طلاتهم للحمها وهو مراقبها من الما كيتسناها تنزل عندو..تاشافها ناضت وهو يقبل الطريق لجهة خرا..تلاحت تاهي فلابيسين وبقات غاطسا شحال عاد طلعات كتنفس لقاتو واقف بعيد ليها شوي وايشوف فيها وهي تقلب نظرها وكملات سباحتها كتجذف بيديها ومرا تعوم على ظهرها وهو كذلك كيعوم ومرااقبها..
بقاو لمدة هاكاك تاشافها غتطلع وهو يزرب عايم لعندها ودخل تحت الما وجرها معاه للتحت على غقلة..جمعات النفس وحلات فيه عينيها وهو يطلق منها كلعات وطلعا تاهو حداها ولاكن هاد المرة قريب ليها..شافت فيه معفرة وقالت:شهاد الدخلة أخا؟؟
محمد:جرحتك؟؟
توبة:(هزات حاجبها بنرفزة)باش؟؟علاه gلتي شي حاجة؟؟
محمد:سي مي gلتها هاكاك عفوية ماشي باش نحرحك ولا نقلل منك
توبة:كي شتي هي أنا ديتها فيك غزاالة وعاجبني رااسي الحمد لله
دارت بغات تدوز فيه عطاتو بظهر وهو يجي هو من لور جرها لعندو تا تزدحات مع صدرو..زيرها عندو وقال:سمعيني..غليضة عند النسا كيفهموها اوتوماتيكمون راه خايبا وفصالتك عيانة(ضورها عندو وشد ذقنها بيدو)أنا ماشي بحال كلشي..انا نهار بغيتك بغيت le cœur يعني ماشفتش واش زوينة ولا خايبا..ولا واش لاطاي زوينة ولا لا..نوو بالعكس أنا شفت تعاملك وشفت الدلع لي فيك والعصب ديالك..وحتا فاش كتكوني ذكية وكتهضري وتقاجحي ههه شفت هادشي كولو هو لول عاد جاو حوايج خريين لي ثانويين..سمعيني كيكون شي حد مكيعحبنااش فلول وكيجينا خاايب ولاكن كنتعاشرو نعاه وكنتعارفو معاه كيولي يبان لينا أجمل خلق الله ولي gال لينا فيه راه خايب كنقزو وندافعو عليه واخا عارفين بلي معندوش داك الزيين الوااعر مي كيبان قعينيا أجمل ماخلق الله..بمفهوم اخور انا معنديش اشكال كوني غليضة كوني رقيقة مكيهمش..لاني غنشوفك زوييتة حيت نتي اصلا زويينة..فتظرك وحدا عندها بحال هاد العينين وهاد الفم كيزلق ههه والى على الغلض مالو عيب ..غيقلقني فحالة وحدا نهار اكون غيضر صحتك أما دابا معندييش المشكل(ضحك)وزايدون حنا المغاربة كيعجبنا اللحم(غمزها)
توبة:(طاحو دمعات من عينيها)علاش gلتيها ليا😢😢جاب ليا الله بحالا gلتي ليا خايبا اهئ اهئ ونتا لهيه مولف الؤشااقة
محمد:ههههه يااك(جرها عنقها حاطها على صدرو وكيمرر يدو على كتفها)مكنحكرش انا هههه لي كتكون معايا لي كنبقا حاضي فيها هاد التفاصيل هه
توبة:ايييه ضحك علي أنا بهاد جوج حامضاات تسحابك غنتيقعم😢😢😢غنضعااف ودابا تشوف
محمد:(بعدها عليه)ويااك ديريها..بحرا مرجعات ليك صحتك..كنتي مريضة ومبقاش فيك اللون والعيا بايت عليك..الى درتي شي حاجة باش تضعافي غنتخاصم معااك مخاصمة خاايبا..انا باغييك هاكا بطة وعندك الحنااك ديال العضاان هههه
قرب منها عضها برفق فحنوكها وهي كتكبح اللابتساامة ودايرا فيها نعفرة وهو كياكل فحناكها بالعضاان ويديه هلى عنقها مكيتحركوش تا ضحكات ليه وقالت:ههههه صافا زgي ههههه ونااري كلتيني هههههه اااي
محمد:(كيعض فحناكها)البطة ديالي هههعه متبقايش تقلقي هي تنضحك معاك راه الزين فيك وكثر كااع..والاطاي عندك هي هاديك متزيدي متنقصي واخا
توبة:واخا ههه
دفعاتو على غفلة تاطاح فالما ومشات هاربا ليه كتعووم وتضحك وهو يتبعها تاهو هي يشدها اغرقها فالما واهرب وتتبعو تبقا نرشوو وضحكهم واصل فيين وفيين
قضاو وقت طويل تحت الما مستمتعيين بالشمس وبالماا وبالجو تاعياات توبة وهي تقول:انا بنطلع براكا علي سخفت
محمد:معندكش السوفل ههههه عطيني معاك الفوطة
توبة:ههههه خليتو ليك
سبحات تال القنت وطلعات كلها فازكا والحوايج لاصفين عليها ومحمد ميشوف فيها وكيقول كون عامت بداك شورط كون ترمتها كاملة بااينا
جلسو فوق الكراسا وكل واحد فيهم كينشف رااسو وجا العساس ومرتو حطو ليهم صالاد والغدا ومنوع ومشكل زمشااو.
توبة:الله فيا الموت تجووع والشمش gلبات ليا مخي
محمد:نتي لي بغيتي تعوومي(مد ليها يديه)أجي عندي
وقفات مبتاسمة وتمشات حيهتو وباقي كلها فازكة..جلسها على رجليه وحط يدو على خص ها وقال مبتاسم باعجاب:هاتتي خفيفة كاع مغليضا هههه
توية:اييه ضحك علي اولد الكلاوي بهاد الباجبااط😒😒
محمد:والله هههه(هز فوطتو كينشف بيها شعرها)
بقات هي حالا فيه فمها وهو كينشف شعرها باهجااب وعينيه فعينيها تا قرب ورسم قبلة خفيفة على شفايفها ويديه مفارقاتش شعرها كينشفو:كتعجبيني أتوبة بزاااف ..بزااف تبزااف
توبة:😌😌😌😌
محمد:(عاود باسها)نوكلك؟؟
توبة:😍😍😍😍اه اه هههه
ضحك وحط اافوطة وهز طبسيل وفرشيط وبدا كيحط ليها ففمها ويتبعها بوسة وتاهي هازا فرشيط خراا وكتعطيه يااكل تا سالاو مع داك الغدا هي بحلاوة اللسان والهضرة الزويينى..
تكا لور وجرها تكاها حداه واخا مقادهمش مي تزاحمو فيه..حاطا يديها على صدرو وعينيها ثقال باغا تنعس وهو كيخبر عليها ويحك شعرها تاغفاات وغفاا تاهو من فرط العيا تالسباحة والشمس..ناعسين تحت براسوول معانقيين وهو لايح عليها يديه معنقها..
دازت سااعتين ونص وهوما نااعسين تا بردات الشمس وتبرزنزا هو أما هي بلقا ولا لونها حمر..بدات كتحرك بشوي وتحك فهينيها تالقات راسها فحضنو..بتاسمات وقربات باستو فذقنو وبقات كتشوف فيه شحال وتبتاسم كي الهبيلة وهزات تيلي ورجعات تكات عادي وكتشد سيلفي ليهم وتدير فيديوات تا بدا كيفيق والفيديو مشدود..تفوه وشاف فيها وقال:ههه اش كديري؟؟
ضحك وكملو طريقهن كيضحكو ويتغزلو ببعضهم تادخلو للمدينة باركاو الاوطو ونزلو للسينما مشات هي قطعات وطبعا من فلوسو وهو هي كيشوف..دخلو للقاعة وبقاو حاالسين مشادين ليديه والتشهارات كيدوزو عاد بدا الفيلم لي كان بعنوان المطلقة
وهو فيلم ديال امرأة تطلقات بابن وتاحد ماقبل أنها مطلقة كلشي ترجم هاد الكلمة للعاهرة ولا لانرأة قابلة للتطابق مع كل أنواع الرجال..كلشي كيشك فيها العيالات كيخافو منها تدي رجالاتهم والرجال كيتهافتو عليها حيت عرفوها رمانة وحلوة..بلا العائلة لي معندهاش فقاموسها كلمة مطلقة..عانات مع المجتمع ورفضو ليها ناسيين أن أبغض الحلال عند الله الطلاق
سالا الفيلم وخرجو من القاعة ساكتين خاصة محمد لي تأثر بالفصة..تاسولاتو توبة:كيجاك الفيلم؟؟
محمد:بيزااغ والله..زعما مجتمعنا هاكا دااير..
توبة:وكثر..خصهم هي يعرفو البنت ماشي فييغج وتفرج غيوليو عليها كي نحل
محمد:عقلية فشكل..علاش بضرورة تكون المطلقة هي لي منها السبب..راه الرجل حتا هو طرف فالزوااج ويمكن هو لي منو الغلك أو ديالهم بجوج لو أن الناس اعرفو بلي الطلاق ماهو الا نهاية لعلاقة نتج عليها عدم التوافق كانت شحال من مراا رتاحت
توبة:اوا هاد جيل هبش عندنا متيفهمش هادشي ههههه
محمد:(لاح يدو على كتفها وجرها معنقها وهي كتخشي راسها فصدرو)زيدي الحب زيدي ههههه نهار هو
توبة:(كتمسح على لحيتو)عذابك رااحة مكرهتش كون سافرنا لشي قنت واااه ههههه
محمد:هههه مور العرس غنساافرو
توبة:(بحماس)فييين؟؟؟
محمد:نحط ليك الخريطة وفينما حطيتي صبعك نمشيو هههه
توبة:ايييه ههههه صافي مشاات واعنداك تقلب وجهك
محمد:الراجل هو الكلمة هههه
كملو طريقهم معانقين ولي دازو من حداه فالمغاربة كيبقا متبعهم بعينيه تا كيغبر..حين مورقا فيهن مغاربا وعاد التعنيقة لي معانقين وحتا الضكك لي يضحكو خلاو عيون ناس تحل باعجااب
طلعو للاوطو وتوجهو للرياضهم ولليل بدا كيطيح عودو..وبدات السما كضلام كتعلن على نهاية يوم جديد حافل بالاحداث
وصلو قدام الرياض ونزل خل ليها الباب..حطات يديها على لمطرقة ديال الباب وهو يتدفع بوحدو شافت فيه وقالت:محلول؟؟
محمد:غيكونو نسااوه
توبة:بتكون هي ديك الحولة ت لولو بلاتي نشوف جدها
دخلو للريلض لي كان فيه الصقيل والضلام الضواو كلشي طاافي..قربات من محمد وقالت كتصطانع الخوف:أش هذاا؟؟ياكما غلطنا فالريااض
محمد:خرجي نتي وطلعي للطوموبيل غنضرب ضورة ونجي
توبة:ها ويلي لا نبقا معاك
محمد:خرجي ياله
شافت فيه بترجي وهو بقا كيشوف فيها باصرار وهي ترجع بخطاويها لور ورحعات خرجات..اما هو تقدم بخطوات بطيئة دايز من اغgمي المظلم ولي طويل وباقي الظلام قدامو..كيتمشا بحذر وعينيه كيضورو بجنابو ليخرج ليه شي حد من جنب..هي هو دخل للقاع تالريااض وبقا واقف كيحنزز فالضلام وكيبان ليه أجسااد كثيرة وااقفا ومع الرياض معري من الفوق باقي داك الضو الخفيف باين..ياله غيهضر وهو يتشعل الضو وتقالت بكلمة جماعية:سربراايززززز
بقا واقف كيشوف باستغراب فباه ومو لي لابسين مقاديين وتا وردة والساجدي كذلك وزهرة وفتيحة وخوال توبة وعيالاتهم وولادهم..واكيد اكليل ونعمة ولي ماتوقعوش هو سلييمة لي كانت وسطهم محس بيها تا طارت عليه بتعنييقة تاتهزات من الارض وضوراات رجليها عليه وقالت كتغوت:ههععععععع هابي بورداي تو أس هههههه
محمد:ههههههه امتا جيتي الحلوفة هههههه(معنقها)هههه
سليمة:(بعدات وجهها)اليوم شديت الطيارة ميمكنش ندوز عيد نيلادي بلا بيك براكا هي أميرة لي بعيدة
محمد:هههههه(باسها فحنكها)توحشتك ههه
سليمة:(عنقاتو)تااناا هههه
محمد:أش هادشي هههه المفاجاة زعماا ههه
نزلات سليمة وشدلت فيديه وقالت:زيد زيد راه وجدوها لينا ههههه
محمد:ههههه بلاتي راه توبة براا
تحطات يد على كتفو وقالت:اشمن برا..راه تابعااك هههه زيد طفي الشمع
جراتو سليمة وداتو وسط عائلتو كيتسالم معاهم واشكرهم حشمان من لطافتهم..دخلوه لوسط هو وسليمة ودايرين بيه والديه وعائلتو وحباابو..خجل من موقفهم وبقا هي مبتااسم..لمح توبة واقفا فالجنب كتصور فيديو وعيط ليها تجي حداه جات كتجري تخشات حدااه وطفاو الضواو تاني وبداو كيغنيو ليهم هابي بوردااي بجميع اللغات وطفاو الشمع بجوج عاد تشعل الضو
مع تشعل ضو مع فتيحة هزات من تحت الطبلة بندير وكذلك السالكة هزات تعريجى وبداو كيغنيو هي اللعابات تمرااكش :وااح اماما الكاويااني واح اماما
كلشي تصدن فيهم ةبقاو هي مبلقين عينيهم وهي كتغني عليهم وتضحك وتابعاها السالكا كتخلف تا ناضت وردة ومها هزو يديهم كيضربوو وتبعوهم خوالها وعيالاتهم ووفاء..أما سليمة دخلات لوسط تتشطح وتركز واخا مكتعرفش ليه منين تجيه كلشي تعلمات ليه الا الشعبي..شبعو الباقي ضحك فيهم وهوما دايرين العرس هي بيناتهم وختموها ب
اه اها اهيا اكا اهيا اشد شد أهاوا اكاتا واييه هو لييه
فتيحة:لولولولولو الله يعطيكم الصحة لعابات صااقي
مراد:الواليدة واش حنا عسكر ولا زمر؟؟
فتيحة:زمر مالكم اش تكونو ههههه بطولة عمرك أنسيبي العزيز هههه(شدات محمد جراتو بوربة تتعنق فيه وتخبط على ظهرو)خيري سعدي خيري بنشيبي للجديد هههه تبارك الله بناتي تيجيبو هي السعد المنgااد هههههه كون ماتنعرفهم نحلف عليها ساحرين ليكم هههه
شدات فيد خوها ومدو يديهم قطعو الحلوة بجوج وهزو طروفا دقا وحدا..كل واحد منهم وكل واحد من والدييه..عاد قطع محمد وعطا لتوبة وكذلك سليمة قطعات ودارت على كلشي كتدوقو وكلشي اعنقها وابارك ليها واتمنا ليها العمر المديد
فؤاد:(ربت على كتف ولدو)بطولة العمر أ سبع..
محمد:امينن(باس راسو)
جات وفاء عطات لسليمة سنسلة رقيقة فيها حرف الاول من اسمها والحرف الاول من اسم وفاء ودازت لمحمد مدات ليه خاتم ذهب بيض وقالت:بطولة عمرك
حكايتنا الجزء 38
محتوى القصة
التنقل بين الأجزاء