قبل شفايفها قبلة حاارة وبعد..متوجه لعنقها طبع عليه خطوط عريضة بلساانو مقبلها بنوع أخر
تاسهقات حداه وحلات عينيها قريبا ليه..بتاسم ليها وطلع لراسها باسها فيه داز لحناكها ولفمها وطوالت القبلة بيناتهم تا ولات فتبادل للانفااس ويديه على خصرها كيحشرها فيه أكثر
بعد عليها وقال:غنزيد شوي نصدق فش حاجة خراا هههه
توبة:اوا نتا تعرف
محمد:سيمانة منفوتهاش ليك..سيمانة تبراي فيها وديك الساعة(بتاسم بشر)غتكون هضرة خراا
ضحكات حشنانة وحطات وجهها بين يديها وقالت:حيد بيت ننعس
مشات لفين نفرشين ليهم وتخشات وسط ايزار خفيف مليوحة فوقو مانطا حيت الجو كيبرد فليل خاصة فالبلاد..وقالت:مبيتيش تنعس
محمد:اوا مدارتش ليا توبتي فين ههه
توبة:(ضربات بيديها على بلاصة حداها)هنا ههه
توجه جيهتها وقف عليها وهو يحيد تريكو بقا عرياان من لفوق..وتخشا حداها هي لي باقي فمها محلول من تصرفو وكتقول مع راسها واش هذا هو الحشومب لي مكانش كيهز فيا العين الى لابسا المعري..مافيقها من سهوتها هي يدو لي جراتها تا كحزات حداه وجات ملاصقة مع صدرو الفولاذي ..بتاسنات وبدات كتلعب فصدرو بصباعها وتشد زغيبات تلعب بيهم وقالت:مالك على هاد الضسارة هههه لبس حوايجك
محمد:ضاسر ها معاك ههه جاني صهد
توبة:(جرات ليزار غطات بيه كتافها)انا لا جاني لبرد ههه
عنقها لعندو وقال:شوي وتدافااي ههه
قاست يديه وقالت:مسخانش تاني ههه(قاست رجليه برجليها)ويلي با تا رجليك مسخانش هههه
محمد:خليني مبرد حسن راه سخونية الراس تترجع بالبرودة عههه
توبة:والله تاتمسختي هههه رجع كي كنتي
محمد:كي كنت؟؟
توبة:ويلي مكنتبش تتهز عينيك فيا الى لابسا المعري..زمعمري تا حصلتك تاتحنزز فيا هههه
محمد:هههه لا هو الشوفة كنت كنشوف فيك مي مرا مراا والى عطيتيني بظهر..أما تكوني فاص ونبقا نطلع فيك ونزل هاديك سميتها قلة الادب
محمد:هههه الانوثة كاع ..فنظرك الانوثة هي تكون قدامك حبيبتك وتبدا تشوف فيها بشهوانيى وتبقا تزلل عليها كي كتgولو هنا..ونبقا عليها احح عليك وتشهيتك وكدا نههه هاديك ماشي رجولة ولي كتقبل على راسها هادشي راه ماشي أنثى..
الأنثى هي أن المرا تكون واعية وقاريا وعاطيا اهتمامها لراجل واحد..وتا راجل واخا يعبر عليها تال الصباح مغيحرك فيها والو..فهمتي؟؟
توبة:محال واش مزيود وكابر برا؟؟شي مرات كتهر بحال شي راجل شرقي
محمد:(كيلعب بشعرها)رجال العالم رجال شرقيين..واخا يكون ساكن فألمانيا ولا فموسكو gااع..علاش؟؟حيت ااراجل اع كيبغي الجنس وكدا وادوز وقت زويين ولاكن حلاوة الجنس مع العشق(باسها فنيفها)حكاية وحدا خرا
تكون نتا وياها راس فراس بحال هاكا ههه وتبقا تعاود ليها على نهار وتاهي تعاود ليك..ومرا مرا تلوح ليها شي كلمة تخليها تولي حمراا تاتخشا فيه وتغطي وجها(بتاسمات ليه)وتبوش فيها تاتعياا ويديه كيسرحو فيهة هههه سي ساا الحلال ههه الحلو
توبة:(بجغات ليه حناكو)يااختيشي على لي كيفهم فالحلال والحلاوة وفين نديرك أنا فين؟؟واش فقبي ولا فgلي هي عطيني شي حل
محمد:ديريني فيهم بجوج ههه(باسها ففمها)نتي حالة خااصة وكلشي معاك خااص..
توبة:نننننممممممم ااعععع(عضاتو)حيد علي الخراا انا لي معند مي شغل تا مجوجا بيك ..تتغبر تاتحزق وتجي عندي نش ليك البرد باش تهرب الحزقة..واه اصاحبي واه متتgول هادي توحشااني هادي راه بااتني حداهاا وااه
محمد:(كيضحك)هههههههه بشوي عليك ههه
شافتو كيضحك وهي تتغدد وهي تنوض من حداه زعفاانة باقي متحركاتش شدها بزربة بجنب ولاح عليها رجليه مزيرها ويديه محاصرينها وهي تتركل:طلق طلق ازعتر غنفوت فيك شي ضربااا..بنادم كيدااير طلق
مسمعهاش اش قالت وعاود طبع قبلة على عنقها حنينة وطويلة قدرات تحس فيها بلسانو على رقبتها..مرورا بوذنها لي غرقها بوسان تا ولا كيتسكع هي صوت تنهيداتها الحارة..تلاشى غضبها بسرعة تحت تأثير قبلاتو..
خس بيها تخدراات وهو يرخي عليها ودورها عندو مغمضة عينيها مستمتعة بقبلاتو لي كيفرقهم على وجهها بحب ويدوز لوذنيها وعنقها ويديه كتلعب فكرشها بحب..ستقر وأخيرا على شفتيها بحب ولهفة ليها
أبدأ صباحي بقبلات مثناترة على جبينك العريض
أمرر شفاهي على خديك الكرزيتين
تسمعات تنهيدة قوية ليها فوذنو بعدما داعب صدرها بشوي خلاتو احل فيها عينيه بشغف وقال:بيدي نبقا معاك ولاكن راه داركم(حلات عينيها فيه معسلين باقي تحت تأثير قبلاتو)gالو ليا مغتشوفها تال نهار العرس واخا تعواج هنه
توبة:شكون gالها؟؟
محمد:فنظرك تعواج شكون غيgولها ههه(حك شعرها)
توبة:ماما؟؟
محمد:exactly ههههه متقلقيش..لاش انا أصلا زربان ومزوج بيك هي باش منتسناوش سبع سنين تانشرفو ههه ماعليش شهر مافيها والو ..حلي عينيك وغمضيها وغيسالي شهر وموراها غتمشي معايا بمرة لامريكا ونيت شهر ياله اتقادو ورااقك لي كل وحدا مليوحة فبلاد ههه(بغا الطف الجو)مزيودة فتركيا وشي وراق فبلجيكا وكابرا فالمغرب ههه مناكلوش معاك طرف تلخبز حنا ههه
توبة بتاسمات من وسط حزنها وقالت:ليك شرف..كل بلاصة دوزت فيها شوي
محمد:هههه يااك..(باسها فجبهتها)هي شي ايام ونفارد بيك ندير فيك العجب(قرب لوذنها وهمس وهو كيلعب فخصرها)we will have sex all the day
خرجات عينيها فيه وبعداتو عليها وقالت:ءءءء نوو..عنننن شنوو...ععع حب..حيي حيد ععع
محمد:ههههههه مالكي هههه منخافووش ههه هي نوضي مغنخلعكش درووك
سرطات ريقها بغات تجاوبو وهو يتسمع دقان فالبيت وجا صوت مرات علي البشوش:توبة فقتي(دقات عاود)
محمد:ههه جاوبيها ياله هههه
توبة:ممم اه
فاضمة:ياله تفطرو ابنتي
توبة:واخا هاني جاياا
مشات فاضمة وتوبة باقي واحلا ليها هضرتو ومغرقاها فحوايجها
محمد:(غمزها)مالك أزين كتشوقي فياا؟؟
توبة:ننن حيد نوض المراا تتعيط
محمد:كيتقاداو ليك هههه نوضي ياله
حيد عليها وناضت هي كتقاد حوايجها وتمسح على وجهها..جرات صندالة تالميكة فرجليها تاع رقية وحلات لباب ودخلات الشميسة كثر مخلياه هو تما متبعها بعينيه
دورات عينيها على المنظر لي قدامها..الطبيعة ضايرا من دار من كاع جواايه وشمس سخونة ..ستنشقات الهوا النقي تالبلاد تاوقفات عليها رقية بابتسامة بشوشة:صباح الخير
توبة:(شافت فيها وبتاسمات)صباح النور(باستها)
رقية:نعستو مزياان؟؟
توبة:أحسن نعسة هي هادي هههه زوين الجو هنا
رقية:زوين هي فالربيع فوقيت الشتوا كيكون الجو صعييب
توبة:اه حسن عوانكم مع اابرد والشقا
رقية:ولفنا راه كبرنا وتزادينا هنا ولقينا والدينيا هاكا ولفونا
شد فحجرو وقال:اححح خايبا تالمعاودة هههه ندخل بوحدي هنه
دخل قضا حاجتو وخرج لقاها مقرضة تتغسل وجهها وتشلل فمها..تحنا حداها وهز شوي تالماا تيغسل وجهو شافت فيه وقالت:هههه هي لحيتك هازا ليك ايترو تالما هههه
محمد:(كيمسح فيها)كثارث خصني نقصها
توبة:تنقصها نتلاقاو فدار القاضي..مزياان تبارك الله مالها ديالك تاتنقصها..خربووش
محمد:كلها اديها فلحيتوو ماشغلكش
قالها وضحك وبقات كتشوف فيه شحال حتا ستوعياات وهي تنوض مخرجا عينيها وزادت وخلاتو تدعي فيه:ولد لق**** متيحمش ناري راه gالوها الله ينجيك من سااكت الى دواا..ويلي الشيطان كون هي بقيتي حشومي وداخل سوق رااسك وحلو وكاتب وتتحمقني ويلي درووك راه تمسخنا
محمد:(تابعها كيضحك)ههههههه بالصحة اري باش نمسح وجهي
توبة:مسحو فالارض ازمر
ضحك وقرب ليها خشا وجهو فكرشها مزير عليهت وتيمسح وجهو فكسوتها شادها بزز وهي تتغدد تاعيات وهي طلقها بضحكة وشدات راسو بين يديها وقالت:الخراا راه حشوومة ههههه
محمد:واش مغتصلحيش فمك هههه
توبة:بحالا نتا تبارك الله كنتي تتعاود ليا أسماء الله الحسنى..غبر ههههه
محمد:هههه هي معااكك..وااه واش مبقا حد اخسر الهضرة مع حبو(لاح عليها يدو)هاا
توبة:(بنص عين)اه تتحشمني أبنادم
محمد:مصااب هي تحشمي ههههه
دخلو لداخل الدار وحيد يدو على كتفها ومشاو للبيت لقاو رقية حمعات الفراش وحاطا طبلة كتنزل غيها هي وعجوزتها فالفطور البلدي لي فيه قهيوة بحليب تالبقر معطرة وزيت زيتون أصيلة مع خبز المقلة سخوون وزيتون مع المربى..
جلسو حداهم وبداو فالفطور بود وحنان وضحك..والعائلة كترحب بيهم وتعاود
علي:كيجاكم الجو هنا؟؟
محمد:زويين حسن من المديينة
علي:اوا جي تسكن معانا نتا كاتع ههه
محمد:هههه مكتابش خصنا نرجعو فحالنا اليوم
علي:لواه لواه..ضيافة النبي 3 ياام بقاو معانا
توبة:مسافر هو غداا
علي:فين غيساافر؟؟
محمد:عندي شي خدمة برا مرااكش
علي:اوا خليها عندها تانرجع ليها ههه
محمد:ههههه وااه هههه لا منقدرش
علي:ههههه اوا جلسو تغداو وسيرو ديك ساعا
محمد:عل..
قاطع كلامو دخول ولد صغير غيكون فعمرو ديك ست سنين..كينهج وحوابجو مغبريين فيديه ترومبياا وقال:إبا إيباا واا يبااا(جدي جدي وا جدي)
علي:ماكياغن أه..مايلان؟؟(مالك؟؟اش كاين)
رقية:ماتا الحالة تاد ليغتوشكيت؟؟منيديدكيت(شهاد الحالة فاش جيتي؟منين جيني؟
علي:(خرج عينيه ولاح دغمة تالخبز تاجان فطبسيل لي فيه زيت ديركت)ماانوااا(شنوو)ماداوا تينيت؟؟(اش تتقول)
الولد:كح كح والله أ يبا صااحت أدينيغ..اموت غير غيلاد..ازلد أتي وريلي حتا يان غتgمي أبلا لالة خدووج تيستيس(والاه الى بصح..مات هي دابا..جري راه مكاين حد فالدار من غير لالة خدوج وبتاتها)
تبعو محمد خارج معاه مافاهم والو لي عرف أن راجل ختو مات..اما رقية وتوبة وفاضمة حرار عليهم الفطور..وناضو تبعوهم للدار لي جات قريبة للدار لوخرا..ومحدهم كيقربو والصداع كيتسمع..تقريبا الدوار كولو تمااك العيالات الداخل كيبكيو والرجال برا واقفين من غير العائلة..دخلات توبة معاهم وسط داك المجمع وتوجهو ديركت للبيت قاش كااين وتسمع صوت بنت صغيرة كتبكي وتغوت:بابا..واا بااا بابا(بترقيق الباء خلاتها أسماء)بااابااا وا بابا فاقد فاقد عفااك
كانت بنت صغيرة لابسا صايا حمراا وتريكو كحل وشعرها ضافراه لور قهوي وومليوحة معنقة راجل ميت ومغطيين ليه وجهو وكتبكي بجهد وتفيق فيه..اجرها علي وتعاود تغوت وتركل ليه :هءهءهءهءهءهء فاقد ابابا فاقد
تدخل محمد وهزها من عليه بزز وهي كتجبد وتعافر باغا تشد فيه وتغوت وتطلب فيه ابقا بشلحة..قطعات للكل فالقلب واولهم توبة لي دغيا طاحو دموعها وبدات كتبكي معاهم خاصة فاش كتعاود مراتو على كي مات واخا مفهمات والو ولكن بقا فيها...
محمد كي خرجها تلقاو ليه العيالات شدوها من عندو تتغوت وتنحر بيه مبغاتش تفارقو
فالداخل
علي:منزاا عبد الرحمان..مي إيكا؟؟(فين عبد الرحمان)
خدوج:إيدا ايغر إلفقيه(مشا اعيط للفقيه)
علي:أتي ارحم ربي(الله يرحمو)
شاف فمحند وقال:اجي معايا أولدي محتاجك
محمد:واخا
خرجو بجوج وجبدوها كعبة بزربة تال بلاصة المركوب شدو المركوب للاربعا حابو طبيب اسني على شهادة الوفاة ورجعو لقاو الطايح كثر من ناايض والبنت رجعات لصقات فباها كتبكي وتشهق وتعنق فيه عينيها تنفهوو وولاو حمريين وخناينها دايزيين..عزات على توبة ومشات حداها كدوز على شعرها تادخل الطبيب وخرجو لعيالات الا مرتو وبنتو صغيرة لي بقات لاصقا عليه..
بكات توبة تاشبعات مع البنت تفكرات باها وكيفاش انها واحد النهار عصااتة وشي مرات غضبات عليه وشي مرات قلقااتو..كتقارن بينها وبين البنت..واش ممكن انها تصبر بحال كي صبرات بنتو واخا غوتات..وكيف غتكون حالتها دابا مورا ماتفيق وتلقاهم دفنووه
حطات يدها على شعرها وبدات كتدوز عليه شحال محساتس بالوقت بتاتا
أما برا فراه غسلو سي بوجمعة وكفنوه وداروه فالنعاش قاصدين بيه الجامع اتصلا عليه اخر ركعات ليه فالدنياا وموراها الحساب وكلها واش دار..كلها واش دار باش انلاقا مع ربي
صلاو عليه وداوه دفنووه ورجعو أدراجهم لدارو
وفهاد الاثناء فاقت البنت وشهقات كتسول على باها وتوبة معرفات متقول ليها حاولات تشدها ولكن البنت صدمتها قوية وحزنها أقوى
حلات لباب وخرجات لقاع الدار لي كان كولو عيالات جالسين فالرض فواحد الخصيرة وكيبكيو عليه
بعدات عليها وبقات كتبكي وتجدب وتغوت تاحلاقمها بحوو ونتس تتشوف مقدروو اهضرو ولا يحبسوها عارفيينها متعلقة بباها
وتوبة مقنتا تتبكي بحرقة علييها..تاعياات البنت وهي طيح سخفاانة للارض هزوها لهيالات وداوها للبيت فاش كانت يادلي وبداو كيرشو عليها الماا..تدخلات توبة بينهم ومن خلال مها واش كدير قدرات تعرف شنو دير باش تفيقها ساعا البنت طلعات ليها سخانة ولاا طاايب
مشا علي حاني الراس وخلا محمد واقف حاشي يديه فجيبو وتيفمر فاشنو شااف..بيدو عاون فحفير القبر وبيدو حطو معاهم فالقبر..تأثر وعرف أن الدنيا مابقا فيها والو..فرمشة عين ازورك ملاك الموت ودا مول امانتو ومتسالهم هي الله يرحمو
مفيقو من سهوتو هي يد توبة لي تحطات على كتفو وقالت:محمد
تلفت عندها وشد يديها وقال:صافا؟؟مالكي
توبة:والو هء هي بقات فيا لبنت
محمد:سنة الحيااة أحبيبتي..ياله لبسي عليك غنمشيو
توبة؛واخا
جا علي مشا معاهم للدار ودخلات توبة لبسات عليها وتتهو لبس وخرجو عندو داهم تال بباصة المركوب وبقا واقف معانم تاجات واحد ترانزييت وقال علي:ياله طرييق السلامة
محمد:(باس ليه راسو)شكرااا لهلا يخطيك غلى كلشي..عطيني نمرتك ولا هاك نمرتي وقتما نزلتي لمراكش وحتاجيتي شي حاجة أنا موجود
علي:الله يحفظك اوليدي..معنديش فاش نقيدها
محمد:هاز معاك شي تيليفون؟؟
علي:اه ولايني منعرفش ليه
محمد:أرا نقيدها ليك وملي تحتاج شي حاجة gول لشي حد اجبدها ليك
علي:واخا
جبد ليه تيايفونو لي عبارة عن نوكياا وعطاه ليه كتب النمرة ومدها ليه وعاودو تسالمو معاهم وطلعو للترانزيت مودعيينو..وكيف العادة ولاها للداخل ودخل حداها..تحركات الترانزيت وحط ليها راسها على كتفو ويديه كتداعب حنكها
ماهي الا نص ساعة وصلو للاربعا مع الةقت فاش كلشي كيسد..خلص السيد ومشاو مشاادين وسكاات بيناتهم لقاو الاوطو بلاصتها طلعوو ليها وديمارا فطريق العودة والسكوت طاغي على المكاان
بعد مدة لا بأس بها جر يديها وحطها على فخدو وقال:نسيتيها..مالكي؟؟
توبة:بقات فيا البنت بزااف ففف(حنات راسها)
محمد:أي بنت متعلقة بباها وهاديك صغيورة تأثراات بزااف
توبة:اححح صعيبة اموت ليك بااك(طاحت الدمعة من عينيها)
شافها لقاها كتبكي وهو يهز يدو مسحهم ليها وجرها عندو خاشي وجهها فصدرو وسايق بيد وعين هنا وعين عليها ةقال:صافي أحبيبتي صاافي راه سنة الحياة هاديك
توبة:هءهءهؤ كنتخيل راسي بلاصتها راه نحمااق😭😭😭😭والله هءهءهء
محمد:صاافي نساي الموضوع مابكييش
توبة:😢😢😢
سكتات وسكت تاهو مهضرش بعدما تأكد انها سكتات من البكا ..بقا معنقها بيد وسايق بلوخرا واخا محن مي صبر تادخلو لمرااكش عاد بعدات عليه كتحك فوجهعا وقالت:ففل وصلنا
محمد:سي فيك جوع؟؟
توبة:لا بيت هي ندخل لدارنا
محمد:قربنا نوصلو تكاي شوي
شدات فيه وتكات راسها لور وعقلها كيفكر وماهي الا مسافة الطريق كانو وصلو قدام الرياض..نزل حل ليها وشد يديها..دقات الباب وبعد شوي حلات رشيدة بابتسامة وقالت:أشاوا نتي هادي ههه
توبة:(بتاسمات بزز)اييه لبااس عليك
رشيدة :بخميرين هههه ونتي؟؟
توبة:الحمد لله
رشيدة:سيدي محمد الزين على السلامة
محمد:الله يسلمك
توبة؛كاينين؟؟
رشيدة :كاين بااك ماماك خرجات مع مرات الكلاوي
دخلات كتزرب تتقلب على باها وتتعيط وصوتها مخنوق باغا هي تشوفو
خرج الساجدي بلباس بيتي داير نظارات تشوف جاو مع وجهو المدور..بتاسم فاش شافها وقال:غيزو غيزو ديالي ههه
الساجدي"أشمن تبرد ولا زمر..مالها تتبكي؟؟أش درتي ليها
محمد:ههه والو هي بنتك تزادت نغزة شوي ههه
الساجدي:واهضر اش وقع؟؟
محمد:ابلاصة لاش مشينا واحد سيد تما ماات وشافت بنتو بكات عليه وطاحت وغوتات وتأثراات
ظهرات بتسامة سداجة على وجه الساجدي وعنق توبة لي باقي كتبكي:واصاافي هههه الله يستر خايفاني نمووت
توبة:(نفاحراات بالبكا)هءهءهء لاا لااااا لاااا نموت أنا ومتموتش نتا😭😭😭😭
الساجدي:ههه الله ينجييك ابنتي هههه صافي احبيبتي مغنموت لا أنا لا نتي ههه(بغا اشد فيها)اموت محمد؟؟
خرجات راسها من صدرو بزربة حبسات البكية دغيا وشافت فيه بانكساار..نفس الشوفة لي كتشوف فيه فصغرها فاش كيخاصم عليها تتجمع التكبيعة تاتعيا وتطلقها بصرخة كيبانو حلاقمها..
نفس الشيء دارتو دابا طلقات غوتة كبيرة ببكياا مخلطة وشدات راسها تاكانت غطييح وتبكي تبكي وتنوح تا بغا يخرج ليها العقل..هنا خلعاتهم بجوج وشدوها قبل ماطيح
ااساجدي:رشيدة خالتييي اري الما
هزها محمد بزربة دخلها للصالة تاتبكي وتشهق..حطها فوق سداري وجات رشيدة هازا الما شربو ليها وبدا كيمسح ليها وجهها بين ويقول خايف؛صافا؟؟مالك أش وقع ليك؟؟كبرتي الموضوع أتوبة..كالماا
توبة:هءهءهءهءهءهءهءهءعءه
الساجدي:رخفي على راسك ابنتي..الله يهدييك واش هي شفتي هاكاك غتزيدي تبكي
محمد:فففف صافي كالما ظابا(شربها الما)رتااحي
الساجدي:(كيمسح على شعرها)غمضي عينيك أغيزو تاعي
توبة:(شدات يديه وغمضان عينيها)ننن
بتاسم ااساجدي وحرك راسو يمين شمال وشاف فمحمد لي شاد يديها لوخرا مغوبش معندوش الكانة ملي شافها بكات بالمعقوول..فلول تسحابو هي تأثرات ولكن من بعد خلعاتو..
بقاو خدا راسها تاحسو بيها غفاات وبدات تترخي على يديهم..عاد طلقو منها وجلسو جنبها كل واحد فيهم كيشوف فيها
توجه محمد بزربة لرياضهم مشا دوش وبدل حالتو ورجع للرياض الساجدي..تلاقا مو وقال:الواليدة فين الواليد؟؟
وفاء:فربااط عندو شي خدمة
محمد:هملناها هاد الاياام بزااف
وفاء:ياك كاينين لي ريسبونسابل متشوش دماغك نتا دابا ركز هي على عرسك باش تباان بوكوص ههه
محمد:هههه ياك
وفاء:اييه(مسحات على كتفو)سير عندها سبر
ضحك ومشا فاتجاه بيتها..حلو ودخل عندها..حيد كلاكيطتو وتخشا حداها فالسرير بعدما سد الباب عليهم..جرها عنقها وخشاها فيه..
بقا شحال كيدوز يدو على جنبها وعلى كتافها تابدا كيغفى تاهو من فرط التعب
***
بعد سااعتين بدات توبة تتحرك فنعاسها وتعجز تالقات محمد ناعس حداها هي بشورط وتيشرورت..بتاسمات وحطات يدها على لحيتو كدوزها بشوي..بتاسمات تاتكمشو عينيها لي كانو أصلا مكمشين بالنعاس..تكات على كرشها هازا رجليها لفوق كتلعب بيهم وعينيها فيه..وصباعها متخللين لحيتو الكثيفة
للحظات كتشوف فجمال وجهو وسبحان من خلقو وسيم نسخة طبق الاصل على بااه وملامحو عربيين حرشين..كيبان فنعاسو قااسح وقاسي الا أنه من أطيب وألطف خلق الله..مشبهش باه فحتا حاجة من غير زيين
حس بيديها فلحيتو وحل عينبه ببطءباقي شاد فيه النعااس..شافها مبتاسمة وبتاسم تاهو ومد يدو لشعرها داعبها فيه وقال:البكااية ههه(جرها تكاها على صدرو)رتاحيتي؟؟
توبة:هههه اه..اش تدير هنا؟؟
محمد:ناعس حدا مرتي..جاتك فشكل؟؟
توبة:ههه لا..ياكما شافوك؟؟
محمد:لا داخل كنتسلت بشوي بشوي هههه من نيتك ههه
توبة:gلستي سيمانة فالمغرب وليتي تتgول من نيتك هههه تزيد شوي نوليو فتخسار الهضر
محمد:(حنا عضها بشوي فوذنها)وشنو فيها ههه
توبة:ايي ههه مسموم..
محمد:(سكت شوي)غنتوحشك
توبة:حتا أنا..واش غنبقاو حنا هاكا ديما(هزات راسها من على صدرو وشافت فيه بانكسار)نتشاوفو نهار ونغبرو شهر
محمد:(خشا يدو فشعرها كيحكو)داكشي باش بقا هي شهر ونطير أنا وحبيبتي لأمريكا..منتفارقووش باقي عهه
توبة:أجي مسولتكش على قرايتي؟؟
محمد:غاتقراي فواحد الكلية تما ثلث سنين علوم ومن بعد غديري ربع سنين طب عاام
ركز عينيه على شفايفهاوبدا كيقرب باش التاهمهم..وهي هي كتشوف فيه مننعاهش بالعكس متعطشة ليه لانه كيفما هو عندو شهوة جيهتها تاهي عندها شهوة جيهتو..وراجل جداب وضريف وكتبغيه الا وكتبغيى تجربي معاه كلشي
طبع قبلة خفيفة على فمها وبعد بعض الميليمترات كيحلل ردة فعلها ملي لقا بتسامة خفيفة على ثغرها عطاتو الضو لخضر باش اقىب منها كثر واغرس قبلة حنينية على شفتيها الحلوتين..قبلة خلاتو ازيد اغرق فيها واحولها لقبلة فرنسية بامتياز كيمص كل شفة على حدة وبدو على عنقها واليد لوخرا فظهرها طالعا ناازلة
ستقبل شفايفها بعذوبة وحنان كيروي عطشو فيهم وشوقو ليها شهر مغيشوفهاش
وتاهي مكانتش بهينة نساجمات معاه وعاوناتو بتأوهات قليلة وخفيفة ففمو الشيءلي خلاه ازيرها عندو ويحطها بجنب ويتقابل مع وجهها كثر مفرق عليه قبلات كثيرة وحنينى..محسات براسها ناكانت التحت وهو فوق منها واقف على يديه وكيوزع فقبلات على وجهها مرورا بعنقها وكل ماتضور وجهها لقنت اخر كيتبعها عارفها كتهر بلحيتو وقاصد انه اهرخا باش تبقا تضحك ليه وتسمع الضحكة فوذنو كالموسيقى
نزل يديه كيحل ليها شوميز لي لابسا وفمو مع فمها ملاصقيين ..نطرها ليها وقلعها بقات بسوتيان فالاحمر خلاو عينيه اترسمو فيهم القلوباا..
غطس راسو فصدرها الفتي كياخد منو حقو مثني ومثلث تا تسمع صوت تنهيدتها حارة ..رفع راسو جيهتها لقاها عاضا على شفايفها ومزيرة على لفراش بتااسم وطلع عندها باسها ففمها وقال بهمس:مباغيش نكبتك ولاكن غيسمعونا هههه(حط يدو على فمها)
ضحكات ونزل هو مكمل بوسانو فجسدها
ماهي الا دقائق تا كانت بزيرو حوايج ملابساا والو وهو مقلع تيشورت وشورط بقا هي بملبسو الداخلي..
يديه خلاتها ترتاعش لانو أي بلاصة حط فيها يديه كتنقزها وكتصدر صوت تاكيسد ليها فمها..طلع لوذنيها وقال:الى ممستاعداش نخليها من بعد
عنقاتو من ظهرو وحط وجهو فعنقها بعدما خذا موافقتها وكمل معاشرتو ليها لي كانت أكثر من رائعة بحنانو ولطافتو وعاد حبو ليها ومعاملتو ليها كتبين انها جوهرة نادرة عندو
تلاح حداها فالفراش كينهج وهي كذلك..لاح عليها ليزار وجرها عندو خاشي وجهو فعنقها كيبوسو :قسحتك ممم؟؟
محمد:مغنعكسش معاك من بعد وغنشوفك كااملة ونعبرك ههه(باسها ففمها)أنا مشيت ندوش لبسي وهبطي لتحت
توبة:اوك
خرج من البيت ناشط وداز للرياض عندهم دوش ولبس عليه ورجع للرياض لقاهم كلشي مجموع ولالة توبة باقي منزلاتش..هاد الاخيرة لي كانت كتلبس بشوي عليها وتفشش على راسها مقاداها فرحة..عاد نزلات عندهم سلمات على كلشي وجلسات معاهم كضحك وكتفادا نظرات محمظ لي حاول ما أمكن أنه يكون حذر فشوفتو ليها وميبين والو
فؤاد:كيدوزتو السفر؟؟
توبة:غزاال أعمي ناري على مناظر تما ههه فنين
وفاء:شي مرا نمشيو كامليين
محمد:انشاء اللع
توبة:واخا فلخر هجرتوبقات فيا البنت مسكينة مات ليها باها
الساجدي:وجايا كدمع علي أنا عهههه
توبة:بابااا😠😠
الساجدي:(ضحك)ههههه خرجيهم فيا لمك هههه
وردة:فوت عليك الينت أهياا هههه محمد غدا مسافر
محمد:سي ان شاء الله..ميعا.نا مورا شهر
وفاء:شكون بحالك غتجي تلقا كلشي واجد غادي هي تبرز وصاافي
محمد:نتي لي بغيتي ههه ماعليا هي نلبس ونgلس حداها
فؤاد:هههه كبرتي البعلووك وغتزوج ههههه غدا ولا بعدو دير لينا لبزز ونوليو جدود
وردة:نصيحة متزربوش هههه البز كيشرف
سليمة:متخافيش ههه غيشرف كلشي الا محمد هههه عقليتو gاورية
محمد:مفاهمش الواليد الغيرة..الغيرة راه هي تشوف البنت غيجرها شي حد اما الى كان شي واحظ هو لي كيحاول اغويها راه سي سون ديفو ماشي ديال البنت..بلاصة متضرب السيد تضربها هي..مبلانش..وتانا مجرب الغيرة وراه شفتيني أش درت فأحمد ولاكن هي مقستهاش مهضرتهاش
وردة:هههه أشدوو زيدهم أولدي شي كليمات بحال هادو
محمد:واحد الكلمة كتgولها توبة هي لي غتجي معاكم ههه(شاف فتوبة)فكىيني فيها كضلي تعايريني بيها عقلية شنوو عهه.
توبة:الحصيرة ععههه الشمش ولا نتا هههه
محمد:هاديبك ههه الشمش ولا نتوما هههه
الساجدي:محاضرة فالأخلاق هههه هاد سيد عندك أبنتي تيفهم بزااف هههه
وقفات مرتابكة ومشا هو كيسلم على عائلتها حيت غيمشي ديؤكت..توادع معاهم وجرها معاه للبرا تال جدا الباب
وقف بغا يهضر معاها وهي طير عليه بتعنييقة من جيهة عنقو تعلقات فيه وتاهو حضنها بحب وقالت:غنتوحشك بزاااف
محمد:أنا كثر(بعدها عليه)ديري عقلك وبقاي حلوة كي شفتك هاد الياام مبقاش بزااف ونرجع باش نمشبو نعيشو حيااتنا
توبة:ان شاء الله ههه
محمد قربها باسها ففمها وقال"كنبغييك
توبة:هههه نزغرت ولا شنو هههه مكتgولهاش بزااف
محمد:كنحس بيها كل نهار ماشي بضرورة نقولها (حط يدها على قلبو)هنا كل نهار كيزيد اكبار حبي ليك وكنزيد نغرق فيك وفتفاصيلك ونزيد نتحمس باش نكتب فيك كثر ونزيد نبغييك كثر..كنحس بيها كل نهار وهذا هو المهم..وإذا مر يوم لم أقل فيه صباحك سكر..اعلمي أني أحببتك أكثر هههه
مشات للبلاكار كتقلب على شي بيجامة للنوم ليلية فالاخير وقع ختيارها على وحدا فالابيض رطبة عبارة عن سروال ساتان وديباردور ديالو فالابيض كذلك..جمعات شعرها كعكة ومشات كترش من ريحة سليمة..هاد الاخيرة لي واقفا وراها هي واكليل مربعين ايديهم وكيطلعو وينزلو
تكا لور متكيها عي عليه..جا ظهرها فوق صدرو وكتشرب فاللويزة وهو نغامس فقرايتو مجددا مكرز مع الرواية وداخل وسط أحدااثها..أما هي مملاتش وهي فحضنو اخا السكات لكن معاه..بالاضافة ليديه لي كتلعب فذرااعها واللويزة دغيا بدات كتفوه وتعاود محسات براسها تاغفاات والكاس فيديها
فحين هو كمل قرائتو لمدة قصيرة عاد حبس حط الكتاب وطل عليها لقاها كتشخر..حيد ليها الكاس وبتاسم هزها لسريرو حطها فيه وصدرها نصو فايض..بتاسم وطبع قبلة فالشقة تصدرها وتلاح حداها كيشوف فيها تا غفا تاهو
أجمل الصباحات كانت تلك التي استنشقت فيها عبيرك الشهي..
تغلغلت رائحتك داخلي فأصبحت عادة من عاداتي وفجأة تحولت الى تكيف عصبي
فاق محمد على النبوري ناض من بلاصتو وقاظها بلاصتها..توجه للحمام دوش ولبس عليه وعينيه عليها..كيلبس واشوف فيها ..مساخيش بيها..جبد فاليز ديالو جمع حوايجو بزربة..هز سوارتو وتيلي ومشا حيتها ببطء كانو كان كيسرع فمهامو باش استفرد بيعا أطول مدة
باسها فحنكها جوج بوسات وففمها وفيديها وفعينيها..عاد ناض من حداها بزز..جر لفاليز ومشا خرج مباغيش افيقها باش متدمعش..
ماهي الا مسافة الطريق تا وصلو للمطار تصيفت مع بااه ومو بالعناق ودخل للداخل جا فاليز ديالو ووراقو فيديه..دار المعاملات لي خصوه وبعد مدة تعلن على الرحلة وتوجه للطيارة القاصدة أمريكا
جلس فالمكان المخصص ليه وستاغل فترة ماقبل الاقلاع وجبد كتب ليها ميساج صباحي كيف عادتو..طفا تيلي وقلعات الطيارة
***
فالرياض عند الكلاوي
فاقت توبة معنكشاها شمس..تفوهات وحكات عينيها..تلفتات حداها ملقاتوش وهي تنتافض..عرفاتو مشا بلا ميودعها..هزات تيلي وكيف توقعات لقات ميساج صباحي منو..تعصبات وهي تجاوبو:زيد تخرااا
هزات تيلي وخرجات من البيت مغوبشة مشات لبيت سليمة لقاتهم باقي ناعسيت..بدلات عليها بحوايجها باش جات وخرجات مراشقاش ليها..نزلات لتحت لقات الكلاوي ووفاء معانقين وكيفطرو..دخلتت عليهم وقالت"صباح الخير
وفاء:صبااح النور
فؤاد:صباح الخير..نعستيموياان
توبة:نعست مزياان ولاكن مفقتش مزياان
وفاء:علاش؟؟
توبة:شتي داك ولدك الى مطلقتو راني بنت الحرام مقطرة
فؤاد:هههههههه الشقاق ولا الخلع ههههه
وفاء:أش دار ليك ههههه
توبة:ناض هاد الصباح ودار من هنا دازو 😏😏😏لا سلام لا والو..فقت لقيت البرد حدايا
وردة:بااك gالها لياا..مخرجش ليها دم جو بونص بحالك بحالها
وفاء:مدرتي والو؟؟
توبة:لا ماكاين صداع بزااف هي ليوماين لولة
وردة:خرجتي ليا من جنب..أما كون صبرتي حسن تال نورا العرس
توبة:مقدرتش نحبسوو..خالتي ولدك ظريف بزااف وكيعاملني مزيان ومعمرو قرب ليها ولا حتا بسل..البوسة هي لي كان كيبوسني أما حاجة خرا لا..وملي تزوجنا مترددش اقرب لياا..وعاملني مزياان والله..
توبة:(عنقاتها)اخلي ليلي لي يأجل خدمتو على قبلي ههه
وردة:علاه شحال عندي منك راه هي توبة وحدااا ههه
دخلات اكليل لي سمعات نص الهضرة:وحنا دفوف يااك ههههه
وردة:نتي أعويرة ديالي..نتي الفن نتي (جراتها باستها)ممممم موااح انا على هاد زيين لي عطاني الله وحدا تنسيك فلوخراا ههه
سليمة:ههههه بوحدك لي عندك البناات هههه ها زين هاهو زين الكلاوي..خصني هي شعر طوييل
وفاء:نتي لي قطعتيه كي زوفري..ياله دوزو تفطرو باش نخرجو نشوفو نكاافة
توبة:اشمن نgافة لاش بينا نمشيو؟؟
وردة:دايرا فبالي جوج نمشيو نشوفو ونختارو راه من أحسن النgافات فمرااكش
توبة:ممم واخا ههه ياله حنجرو دغيا نمشي ندوش ونبدل علي
اكليا:مكيدوش هي لي دار علاش
توبة:كولو بما يرضي الله وااحضيييو ليا ك*** هههه
وردة:غبري الله يغبر لجدك شقف
مشات مضحك دوشات وبدلات عليها لقاتهم سالاو وقالت:ياله تحركوو
ناضو كاملين هازين سبكانهم مشاو فاتجاه السيارات لي كيتسناوهم وطلعو والوجهة للنكافات
بعد مدة ماطويلاش وصلو عند أوا نكافة لي ستقبلاتهم شخصيا وبدات كتهضر معاهم بلباقة وقالت:مرحبا شرفتونا فينهت لالة العروسة؟؟
نقزات توبة:هي أناا
النكافة:تبارك الله ماشاء الله..غزاالة وبااقي صغيرة شحال عندك؟؟
توبة:18 لعاام الله يحجبني هههه
النكافة:أميين..gولي ليا أحبيبة اشنو دايرا فبالك على لبااسي؟؟
توبة:بيت شي حاجة ماشي شارجي يعني اللباسي لي فيهم الزواق بزااف بلاش منشوفهم..بيت شيحاجة ساامبل..وأعم حاجة تكون اللبسة الشلحاوية والمكناسية والشمالية والصحراوية والفاسية هههه هادو بيت نديرهم كاملين
النكافة :هههه ميكون هي خاطرك الالة العروسة..زيدي معايا نوريك أجمل ماكاين فالتكاشط كوليكسيون دخلات جديدة وبطريقة عصرية هي هو باغا نعرف واش العريس غيبرز ولا لا
وفاء:بزز عليه ابرز هههه غيبرز
النكافة؛واخا الالة تفضلو معايا(كتنادي باسم )حنان حنان..ماجدة جيبو الكوليكسيون لي عاد دخلات(بابتسامة)غتكوني اول عروسة غتبرز بيها
توبة:شكرا هه
تبعوها كيضورو عينهم فالمحل ويشوفو شنو عندها باش اعرفو عندمن جاو..دخلو للبيرو للخاس تالنكافة ولي فيه تكااشط بزااف واللباسي وشي عمارياات..جلسو وجابت ليهن مايشربو وناضت توبة كتعزل وتخير فاللباسي وتشوف اش عجبها ووردة ووفاء واكليل معاونيمها..أما سليمة باينا وضيفتها وهي تصور وتصيفت لموحماد فالواتساب واخا ساد تا يحل ويشوفهم
جربات اللباسي كااملين وحدا وحدا..ماخلات تاوحداا تاعياات وجلسات كترتاح وقالت:ففف واه عيي ياختي بوحدي لي بنتزوج..مالي على حالتي
وردة:زواج سااهل ليماك هههه بانت ليك فيه هي الحلوة هههه
توبة:(عوجات فمها)محساداات يخ ههه معندكم رجال
وفاء"ههههه شو ليك البرهوشة جربي هذا ياله وسيري ترتاحي
توبة:واخا ففف
اكليل:وانا شغانلبس
وردة:نساليو هنا ونمشيو غنشوفو لينا تاحناا هي هو غنشريو ههه
وفاء:العرس من هنا 27 يووم فشهى خمسة تقريباا..وغيكون فأوطيل موكادوور مزياانة؟؟
النكافة:بلاتي أحبيبة نشوف من دفتر المواعيد..حنان حناان..شوفي واش عندنا شي حاجة فهاد النهار
بدات المساعدة كتقلب وفالاخير قالت:نو والو
النكافة:اذن شرف ليا نتعامل معاكم
وردة:ان شاء الله..هاكي نمرتي باش نبقاو على توااصل..وغنعطيك حتا نمرة المكلف بالقاعة لي فالاوطيل باش تنسقي معاه وتشوفي كي غتنطمي المتريال ديالك
النمافة:واخا
تبادلو النواانر بينهم ونطقات النكاقة:ديجا شفتو كواافوورة ولا نعطيكم بعض الاقتراحات
توبة:لا مشفنا والو..
النكافة:غيكون ليا الشرف نشدكم تا فالكوافورة ههه بون كنتعامل مع كوافوور معرووف فمراكش سميتو جواد قناقة..من أمهر الكوافور لي فمراكش كيتعامل عي مع المغنيين والممثلين غتكونو سمعتو بيه
توبة:عرفتوو.زويينا خدمتو شفتها فالانستاغراام
النكافة:وي خدمتو وااعرة..اشنو؟؟
توبة:صافي مزيااانة وهو أصلا كيبقا مع العروسة ليل كاامل
وفاء:طالما عارفااه الله يسر
توبة:اه غزاال راه كان gاد لبااطما ههه
خرجو من عند النكافة مودعيينها ودازو لمحل راقي تاع التكاشط تقداو كاملين أش بغااو واش غيلبسو وكل وحدة منزلاتش على ثلاثة اللبسات ..تامن نعمة خداو ليها تكاشطها
توبة:وايالهو قحالنا انا عيين مباقيش بيت نتزوج بيت نمشي بلا عرس
حلسو كيضحكو ويجمعو تاعياو وخرجو كلها لشغلو..أما هي شدات تيلي وبقات كتهضر معاه هو لي كان كيتغزل فيها ويلوح ليها الهضرة
*****
بعد مرور ثلاثة السيمانات على سفر محمد..هاد الاخير لي كل ساعة مجمع معاها وتاهي كتبقا معاه على تواصل وأي حاجة دارتها الا وكتشاور معاه حيت عارفة عرسهم بجوج
الاشغال على قدم وساق ..وردة كتجري من هنا ووفاء من لهيه وفتيحة من جوج جواايه..بسيف باش سالاو كلشي قبل سيمانة باش اوجدو لسيمانة ماقبل العرس
الدار عمراات..عائلة الكلاوي كلها كاينا من a تال z ..عمامو كلهم وولادهم وعيالاتهم وعاد عماتو بجوج وولادهم ورجالهم..وخوال محمد كاملين بربعة وعيالاتهم وولادهم لي أعمارهم قد محمد ولا قل منو..عاد أسماء وولادها بربعة وراجلها..وأكيد أميرة مع راجلها وحماتها وحماها..وخوال توبة بجوج وعيالاتهم وولادهم ..ها الصغير ها الكبير الدار كتنغل..مكيتفرق المجمع تال ليل كلها فين كيمشي انعس فقنت الا أسماء لي كتبات عند خوها..اما الياقي مقسمسن على الرياضات
اليوم ليلة النهار لي غيتطلق فيه العرض..بامعنى ليلة النهار لي غتخرج فيه العراضة تعرض الحباب والصحاب للعرس ولي كيكون احتفال خاص بيه..
فاقت توبة مع الوحدا تنهار هي والبنات لي باتو معاها فالدار..نزلو لتحت لقاو الهرج والبشر كثير مجموعين تاني لغدا..كانت كتكتب فميساج ليه تا دخلات للصالة لقات هي خوال محمد وعمامو قالت:تبارك الله فرقة تالكورة بالاحتيااط هي نتوما راه عرس😂😂
بدر(خالو):الله يحجبنا نههه
كمال:(خالو)هادشي بلا متحسبي ولادنا
توبة:حسبو خطاويكم عهههه ياله
يوسف:كتجري علينا يااك هههه اوغبية راه غتولي منا
توبة:أهيا راه حيت غنولي مك تنgوليك لي كاين هههه
دخل عادل وسلمات عليه بالوجه وقالت:ها تيتيز هاهو هههخخ
خرجات مخلياهم مجمعيين ومشات للقاع دار فيه أميرة وسليمة واكليل وعمتها ونعمة وعمات محمد وجلسات كتفطر معاهم بضحك والنشااط والتقشاب..تاتحط ليهم هوما الغدا وتغداوه مي مشاركاتهمش حيت عاد فطرات
فتيحة:مبقاش بزااف درووك اتمو داخلين اللعاباات
وردة:راه كلشي واجد وتا نقاشة لي بتنقش ليك واجدة
توبة:اييه عطاتك لياام غتنقشي قبل مني ههه
فتيحة ؛اوا راه غنعرض ليك
توبة:انا بعدة مفهمتش علامن بيتي تعرضي وها طاسيلة كلها هنا
فتيحة:جيراني وحبابي وصحاباتي وعاد عائلة جدك المختار الله يرحمو
توبة:ويتبعك ليه هههه اه بيت نgول ويوسع عليه هههه
فتيحة:زرموميا ههه نوض نمسد يدي بشوي تالحامض والقهوة ارطابو باش طلع فيهم الحنا
أسماء:بصحتك هههه
مشات فتيحة وخلاتهم شابعيم ضحك تاوصلات العشية ودخلو اللعابات لي لابسين جلالب وهازين صيكان كبار فيه متريالهم والمسكة ففمهم ضروري جامعين شعر بقراصة والصباع مصبوغين بالحكل ولا بالحمر..تقدمات وحدا منهم وقالت:السلام وعليكم..نتي هي بنت لا فتيحة؟؟
وردة:هي أنا مرحباا بيكم دخلو
..:ترحب بيك الجنة أختي..عطينا هي فين نبدلو باش نبداو والله يجعل كلشي مبارك ونسعود
وردة:امييين..اجي معايا
نقزات توبة:بيت شي طروحا يكونو من داكشي هههه الغرامة موجودة هههه
محمد:واشوفي نتي علاش؟؟ديك تصويرة لي مصيفتا ليا محشومااش هههه
توبة:بااز هادشي هي مجربا فيها هي قفطان وجا لاصق وشو أش درتي وااصيفتها ليك بشوميز دونوي بكري كون شديتي الطيارة بزربة
محمد:ههههههه متلبسيش داكشي وتصوري بيه
توبة:علاش؟
محمد:الدار عامرة وتيليفونك فينما مشيتي حاطاه اهزو شي حد والقاهم وديك ساعة غتكون هضرة خراا
توبة:مشوgين فكمارتي ملقاو مايهزو هي أنا هههه
محمد:ههههه علاه نتي مالك..زين تدنيا ودين فيك
توبة:اححح هليك وكان هههخ تنحبك أنا
محمد:ههههه سيري نزلي ليقلبو عليك
توبة:اوكي دابا نصيفت ليك تصااور
محمد:واخا
قطع معاها ونزلات للتحت واللعب باقي خدام لقات فتيحة بداو ليها يديها وكلشي كيشطح ويردح..نضامات ليهم وكملات ليلتها على خير
نشفات الحنة لفتيحة وجابو لبها الما زهر ودبليج تنقرا نشوفها ليها وحيدوها بعد عدة محاولات باش كيسقيوها..دهنو ليها يديها بكريم وناضت نااشطة وكتشالي بيديها عاجبها الحال وعطاتها للركيز وأكيد مايخصها خصاص من الدقة المراكشية فالختام
تعشاو النااس واللعابات كذلك وحس الرجال مكااينش..باتو ليل كاامل كيضربو ويعاودو مسكتووش تال لفجر صلاوه ورحعو تاني كيلعبو فحين فتيحة والسالكة دخلو كيطيبو هر بر باش غدا اصبح على حساب العرض فحين الرجال فالرياض لاخر كلها كامخ فبيت محاسينش باش واقع
ضربات الثمنية تالصباح وباقي الطرح خدام الضرب والزغاريد..تحطو طبالي كباار فقاع الرياض نغطيين بالنااب بيضة ومطرزة بالخضر وتحط وسط كل وحدا منهم طبسيل طااوس كبير وسط طيفار تنحااس وقدام كل كرسي كاينين جوج طباسل صغار فيهم العسل والزبدة ومعيلقة
ناض كلشي تفرقو على الطبالي والسرباسات كيسربيوهم وأكيد تحت أنغام اللعابات لي مزكاوش من اللعب
كلاو هر بر منسم بالعسل والزبدة..عاد ناضت لالة فتيحة طلعات للفوق لبسات جلابة فالكروونة بنقابها كحل وبلغة فالكرونة مع تقاشر بحال لون اللحم..هازا صاك كحل فيديها والحكل من عينيها بااين بانت زويينة وطوانك تاع اللوزة فوذنيها..نازلة وكتمختر وتزغرت ملقيين ليها بالمريشا تما زهر قول هي العرووسة
وردة:واعنداك تمساي شي حد ههه
فتيحة:اوهو كوني هانياا gاع الحومات نضور عليهم ههههه ياله صليو على النبي
الكل:الصلا والسلام على رسول الله..الها جااه الى جاه سيدنا محمد الله مع الجاه العالي لولولولولوبولولو
جات السالكة هازا المغرفة باش حركو الطنجرة تاع هر بر وقالت:ياله زيدي هاهو وااجد ههه
من العادات المراكشية ايضا أنه العراضا كتخرج باللعب والزغاريد ولي طيبات هر بر كتهز المغرفة وتبقا تشالي بيها وتغني معاهم
خرجو لبرا اارياض باللعب كلهم الا توبة لي حبسوها حيت عرروسة وبقات لداخل..أما العيالات خارجين وكيغنيو:والعرااضا عرضي علي ونجي بكريي والعرااضا عرضي علي ونجي بحنتي واا العرااضة عرضي علي ونجي بكري وتابعينها بالزغاريد تاكلشي خرج من الرياضتت لي حداهم كيطل
كلشي موجود وكاين..العائلتين بجوج كاينين وفرحانين ليهم..جاو السربايات كيجمعو فالدار لي ترونات معاونين مع الخدامات..تحط أتاي والحلاوي والمسمن والبرغرير واي حاجة تشهاها التفس..دارو فطور العشرة وناضو اللعباتا خرجو بعدما خداو مستحقاتهم وأكثر غاديين ومساخيينش بهاد الهمزة لي هي الغرامة جامعيين فيها ثمن باش كيخدمو ليلة فالعراسات العادية
تكات توبة فسداري وحداها سليمة كيقلبو فتيلي تاوصلها ميساج من محمد فيه:بب
توبة:(بتاسمات)حوبااااي هههه فايق دابا ياك لبااس؟؟
محمد:عندي شي شغل نقضيه
توبة:تقضيه فليل..راه ليل عندكم اولا؟؟
محمد:هههه اه
ياله غنجاوبو دخلو الرجال كامليين باقي مبوقيين بالنعااس
مشات خاسرة ليها الطبيعة زكتقلب فتيلي والظار فيها كثرة غالا غالا..لقاتو طلع ليها vu وهي تكتب ليه :vu خليها لمك
سدات تيلي وطلعات لبيتها..لاحتو فوق الناموسية..حيدات بلغتها ودلكات رجلبها عاد هزات بينوارها حمر وفوطة ومشات للحمام ديالها..دخلات تحت الرشاشة حيدات حوايجها وبقات عرياانة..طلقات الما وبداات تتغسل شعرها
فنفس الوقت كان محمد دخل لبيتها كيقلب عليها تاسمع صوت الرشاشة عرفها فالدوش..بتاسم بشر وحيد صندالتو تضبع وحل عليها لباب وهس كدندن بتركية..شافها من زااج ومكتبانش كلها حيت زاج مضبب بالسخونية كيبان هيراسها ورجلبها..قلع تيشورت بزربة وحل الصدفا تاع السروال..مقدرش اصبر تايحيدو حل عليها الباب زجاجي..ويالهول ما رأه..جسد انثوي يضخ بالانوثة عرياانة ولجمها بيض والما نازل عليها كلها..طلعها ونزلها من لفوق لتحت هي عاطياه بضهر كتغسل فشعرها بشمبوان وتفركو بيدياتها..
سمح لراسو ادخل كولو وعينيه واكليينها..بدا كيقرب منها شوي بشوي تا قاسو الماا..وتا توبة حسات بشي حد معاها ياله بدات كتغسل عينيها بزربة من شمبوان حيت تخلعاات وهو يحاوطها بيديه من خصرها ملصقها معااه ..تخلعات وقفزات وغوتات:عععع ماما
محمد:(قرب لوذنيها ويديه فكرشها)شوووو c moi..ههههه
صقلات بعدما سمعات صوتو وقلبها كيضرب فتسعين..اش واقع..وكسفاش دخل..وملي دخل وهي دابا عرياانة قدامو وهو محاوكها من لور ووجهو مخشي فعنقها كيهرها بلحيتو لي فزgات بالما
توبة:(كترعد وعينيها مغمصين)ممم..مممحمد هذا نتا(حطات يديها على يديه)
محمد:(زيرها)شوووو ويااك..ويااك تبعدي..3 سومين باش بعيدة علي توحشتك(طبع قبلة على عنقها وضورها عندو)
كانت مغمضة عينيها خافت احرقها شامبوان وفنفس الوقت متوترة وكتحك فعينيها باغا تغسلهم..أما هو عض على شفايفو وبقا كيشوف فيها..مد يدو لشعرها وبدا كيفركو بيديه وهي مخشية فيه وقال:شووو سكتي انا نكنل ليك شعرك
توبة؛الصمت
صقلات مايقا ليها ماتقول ولا أش دير..تحطات فموقف لا تحسد عليه..عريانة والى زادت بعدات شوي غيشوفها كاملة..سي قاسها جوج مراات ولاكن معمرو حقق فجسمها ولا وقفات قدامو عريانة باش ادقق فيها مزياان ويحلل كل انش فجسمها
ستحلات لعبوو فشعرها أما هو ستحلا البوسات لي كيعطيها فرااسها وجسمها قريب ليه خلاتو اشعل..شلل ليها شعرها وقال بحب:حلي عينيك
بقات مترددة واش تحل ولا لا..فالاخير حلات رغم انها حشمات وشافتو من بين شفارها مبتاسم ليها بتسامتو الرائعة والما كيقطر عليه..عريان من الفوق مقدراتش تبعد عينيها عليه مزال ..توحشااتو كثر ماكيتصور..وهو بالمثل..بتاسمات وقالت:نتا قرد والله
زاد قربها ليه وعنقها خاشي وجهو فعنقهاا وتاهي متعطلاتش باش تعنقو كذلك وتزير عليه وقالت:توحشتك بزاااف
محمد:أنا كثر(كيمسح على ظهرها)
توبة:(مزيرا عليه)امتا جيتي؟؟
بعدها عليه وقال وهو مفيكسي عينه فعينها:اليوم فصباح وضلت(قرب لشفايفها)
سرطات ريقها عارفا مبتغاه وعارفاه غيبوسها بغات تحبسو حيت عرفاتو الى بدا مغيحبسش..أما هو تعما على كلشي ولاو هي شفايفخا لي كيبانو ليه..متعطلش باش ياخدهم بين شفابفو ويروي بيهم عطشو واعطيها رحيق العسل لي من شحال هذا مشهيااه
كيقبلها بشغف وباشتيااق دافعها جيهتو بيديه وهي تاهي شادا فلحيتو وتتبوس فيه بلهفة..كتقلدو فحركاتو وتحاول تلعب بلسانو كسما كيدير..دفعها بمهل على لحيط ومد يديه شعل الماا وطاح عليهم مزين جوهم الرومانسي
كيتبادلو القبل الفرنسية تحت الما ومكيتسمع هي صوت تنهيداتهم الحارة..لقاها عريانة ويدو سرحات فتفاصيل جسمها المفضل عندو..كيطلع بالقبلة من فمها لعينيها لعنقها لبين صدرها ويتأوه بشوي فثغرها..
فقدو السيطرة على نفسهم بجوج وعارفيين غيوضلو لماا كثر..وعات على راسها كتنهج وبعداتو بشوي وقالت:محمد مم(قاطعها بقلبة)محمد
مزادش معاها الهضرة حل ااباب زجاجي وخرج كولو فاازك..وسد عليها لباب حيد سروالو واابوكسر وجر فوطة ديالها بيضة كاينا تمااك لواها على خصرو وخرج أما هي ضحكات بخجل ورجعات دارت جيل دووش ولبسات بينوارها ودارت فوطة على شعرها شافت راسها فالمرايا عاد خرحات حسمانة منو..لقاتو مريح فقنت ناموسبة كينشف شعروو بفوطة خرا ناشر باادرو عليها..هز فيها راسوو وعاود حناه وقال ببرود:بصحة
توبة:(حشمانة)يعطيك صحة ههه تانتا بصحة
مجمد:(شاف فيها بجدية)علاياش بصحة؟؟درت شي حاجة؟؟
توبة:(حابسا ضحكة بزز)لا ههه ولايني طاح عليك
الماا
محمد:ضحكي الالة ضحكي هه سري جاي منين ومنين وفلخر لا
توبة:(حطات يديها على خصرها وميلات راسها)علاش بسلامة؟؟جاي ليا من تنا على قبل حم حم
هز فيها راسو كينشف شعرو وقال:حم حم هههه هي لقيتك واجدة gلت نضربو جوج حمامات دقا وحدا هههه ساعا مقرصينك
توبة:شكون مقرصني؟؟
محمد:ماماك وجداك(بسخرية)هه ميحتاجش
توبة:يااك ممم واخا أسيدي..(ضحكات)متوحشتسنيش؟؟
محمد:(شاف فيها بجدية)لا
توبة:😳😳😳حتا شوي؟؟
محمد:(حرك راسو بنفي)لا
غوبشاات ومشات جيهة بلاكارها كتجبد ماتلبس عاطياه بضهر..هو لي كيشوف فيها شحال مطمر تا بتاسم بلهلا يطريه ليه..موحشها بزااف واخا منعاتو ميقربش ليها..وقف وتوجه ليها بشوي..محسات هي بيديه على خصرها وقال قوذنها:علاش كتقلبي؟؟مجننة كتبردي فيها جنونك ههه
توبة؛(حطات يديها على يديه)حيد يديك وسير فحالك
محمد:ومحرامش تجري على حييبك لي جاي قاطع على قبلك البحور
تلفتات ليه مغوبشا وهو يحصرها مع البلاكار..هزات فيه عينيها وقالت : مالك جاي كتقذف؟؟راه جاي فطيارة واعرة وفيرست كلاص..واكل شارب نااعس والله الى..ومكانش عليك gاع تجي..ناس تيجيو الى توحشو حبابهم نتا مموحشنيش يعني لاش جااي
محمد:(بغا يعصبها)توحشت مي وبا وخوتي هههه
توبة:(صدمها)هااء..ننن..(دفعاتو)حيد بعد علي أزمر
رجعها كيضحك وجابها نعنقها وقال:الله يمسخني الى متوحشتكش..كل نهار(كيمرر يدو على ظهرها)كنفكر فيك ونبقا سااهي ونتفكرك..تصزري(بعدها عليه شاف فيها)كتكون ايميلي كتهضر وكنتخايلك نتب بلاصتها ههه
توبة:هاا شكون ايميلي؟؟
محمد:سكريتيرة ديالي ههه فيها الهضرة بحالك ههه هي تتي حلوة..هضرتك كتوصل قلبي ديركت..توحشتك بزااف
توبة:(ترمات على صدرو)تانا هءهءهء وبزاااف والله😭😭😭😭😭(طاحو دموعها)
زير عليها وباس شعرها وقال:صافي دابا مبقاش بزااف سيمانة وندي حبيبتي معايا شهر متخرجش من البيت ههه
توبة:هههه ناوي تحبسني ههه
محمد:(بعد وجهها وشدو)نشبع منك ههه
توبة:هههه توحشتك احبيبي
محمد:واباينا توحشنيني داكشي باش عازا فيا ماتش صغير وخفيف ههههه
توبة:(ضحكات)هههههه الله يمسخك وليتي تتgول شي هضور مااسخيين
محمد:معاك بوحدك ههه
توبة:(حكات ليه لحيتو)دابا نشوفو
قرب ليها محاصرها وعينيه فشفايفها ياله غتهضر وهو يسكتها بقبلة حميمية لشفابفها دامت لمدة تاحس بيها كتنهج وهو يطلقها وقال:بدلي عليك ههه مدايرين والو
توبة:ههه ونتا؟؟شغاتلبس؟؟
محمد؛غتلبسي وتخرجي تحيبي ليا مانلبس راه حوايجي فزgو
توبة:هههه منين غنجيب..نجيب من تاوع بابا
محمد:سي هه(طلعها ونزلها)جا معاك لحمر الحلوفة
تم غادي اجلس باش اهليها تلبس على راحتها وهي ضربو على ضهرو وقالت:هاا فعايل لحلالف هههه
محمد:اححح ناري عاى يدين هههه هادشي مبقاش كيزلق
توبة:(خرجات ليه لسانها)
مشات هزات حوايجها ودخلات للحمام لبسات عليها فرحانة ونااشطة فحين هو جلس فطرف ااسرير كيقلب فتيليفونو قرا ميساجها وهي تخرج وقال:خليها لمك هههه الله يمسخك هههه
حكايتنا الجزء 42
محتوى القصة
التنقل بين الأجزاء