دخلتت وفاء عليهم هازا حوايجو وقالت:تباارك الله تبارك الله كبرتي يااك نوض تهز لبس وخرج فحالك
محمد؛هههه واخا
ناصت من فوق حجرو كدور فعينيها وشد هو الحوايج ودخل للحمام بدل عليه وخرج لقا توبة خرجات
محمد:فينها؟؟
وفاء:نزلتها لتحت وتانتا غدردرب ياله خههه
محمد:وليتي قاسحة ههه راه ولدك
وفاء:ههههه حشومة خليو الحشمة
محمد؛واش تسحابكم ها جالسين ونخدمة هههه(حك لحيتو باحراج)ديما بالكم بعييد..عادي باغي نجلس مع حبيبتي توحشتها وباغي نهضر معاها..ماشي راه ناويين على خزييت
وفاء"هههه اوهو الرجال مافيهم ثقة
محمد:مكنهضرش على الرجال كنهضر علي أنا هههه أودي زيدي هادشي كبير عليك الواليدة
لاح يدو على عنقها ونزلات معاه للتحت لي هي شافوه وبداو عماتو كيصليو على نبي وازغرتو ليه متقدنيين لجيهتو وكذلك غيالات عمامو..
حشم نييت وتحرج ولا حمر والعيالات ضايرين بيه كيزغرتو واسلمو عليه بالوجه وهو كيبتاسم بخجل واسلم ومكاين هي مبرووك وكيردد الله يبارك فيه و يدو كتربت على صدرو ويحني راس
أما الالة وفاء شادا فيه من ذراعو وماقاداها فرحة بحالا بوحدها لي غتزوج ولدها
جاو الرجال لي سمعو الزغاريت ولقاوه وسطهم
الساجدي"أش كيدير هادا هنا؟؟
فؤاد:عهههه جا اشوفنا وازيد ههه(مشا جيهتهم)أهياوين طلقو من دري راه خنقتوه
سلمى:حيد علي خلينا نفرحو بولد الغاالي لي تزوج هههه شحال ماسمعنا شي كلاوي تزوج
لبنى:عريس واشمن عرييس هههه زين والثباثة واحادي ثلاثة
فؤاد:اوا طلقوه خلاص هههه
جرو من وسطهم وقال:ياله زغرتو دابا نشوف ههه
وبالفعل زغرتو وهو يخرجو من وسطهم جارو للصالة لوخرا فيها عمامو وخوالو والرجال كامليين..سلم عليهم وجلس معاهم كيهضرو تاوصل وقت الغدا تغداو وجات فتيحة وخرجو الرجال تاني اخويو ليهم الريااض
❤❤❤❤
بعد مرور بعض الايام لي دازت كاملة فالتوجاد والدق والزغاريت تالاحتفالات المتواصلة..اليوم ليلة العرس..الليلة ماقبل العرس الاسطوري لعشاق حكايتنين..حكاية حبيبي أنت وحكاية منذ الازل والى الأبد
فاقت توبة اليوم مع سبعة تالصباح على صوت اللعب تاني كي ولفات فهاد الايام..باقي كنفوه تادخلات جداها وقالت:صباح الخير لالة العروسة..فيقي اليوما حنة المزوارات
توبة:(بابتسامة)صباح النور ازين..أش هاد الصداع على الصبااح
فتيحة:(تتحل الشراجم)اوا اليوم زعما حنة المزوارات خص العيالات العبوو
توبة:(تفوهات)فففف استغفر الله..(هزات تيلي)
قرات ميساج من عندو مكتوب فيه:48 ساعة ويبدأ العد العكسي لأجمل أحلامي
بتاسمات وجاوباتو عاد حطات تيلي ونتضت كتكوسل جارا كلاكيطتها وتتعجز..جات عندها فتيحة عنقاتها بلا سابق انذاار مع قبلة على راسها وقالت:الله يالحبيبة وعييتةنحبس فيهم مباو اتحبسوو(بدات تتبكي)الله يالكبيدة أش ندير ونتي لي معمرا علي الداار
ضحكات توبة وتلفتات عندها عنقاتها وقالت:واا جدا هههه
فتيحة:(تدمع)دار البنات ديما خاويا هءهءهءه ربي لي شاهد عليي حاسباك كبدتي ومن لحمي..دايرااك بنتي وكثر(تتبوس فيها) راه واخا تنضل نمسخ فيك ونقرص فيك ولايني راك مقطرة من عويناتي
جلسات حداهم وخواو ليها أتاي وبدات كتفطر معاهم وتضحك..تاسالات وجابوو صينية كبيرة محطوطين فيها كمامس تالحناا كثاار
توبة:لاش هاد الحناني بزااف
وردة:هادو الالة الحنة ديال كل مراا هناا شراتها وعطاتها ليك باش تخلطيهل وديريها للحمك وهي لي تيgولو ليها حنة المزوارا
توبة:اييه وتاتتي حطيتي أماما؟؟
وردة:لا انا ماشي مزوارة..ديجا باك مزوح قبل مني ..هاد الحنة كتجمعها العروسة من عند حباباتها لي معمر رجالهم تزوجو قبل منهم ولا لي ماشي مطلقة..كطليها البنت بلحمها بالحليب وكتمشي بيها للحمام
توبة:ايييه
جابت جداها واحد الطيفار كبيير من الفضة وخوات فيه ديك الحنا كاملين تحت نغمات الدق والشعبي والشطيح والزغاريد تالعيالات..كلشي فرحاان ليها
خلطات فتيحة الحنا كاملة وكبات عليها الحليب دافي كتخلطها بيه وهذا تقليد كيديروخ المراكشيات بزااف باش لحم البنت اصبح كيبري..وكذلك البنات كيطليو منها مورا العروسة كفال باش اتبعوها فالزواج زعما
جرو توبة للوسط وحيدو ليها حوايجها خلاوها بالسليب وجابو ايزار بيض ضوروه عليها عمات محمد ومها وعيالات خوالها مغطيينها باش ميشوفوهاش التاس عرياانة واللعب والضرب مستمر طبعا..
دخلات معاها جداها وسط الكارة لي دايرين ليها بالاليزار وبدات كتسمي الله وتتطلي ليها فالحنا وتزغرت وتعاود..تطلي وتزغرت تامرمغاتها كلها ودموع فتيحة وصلو فيين بالفرحة
مرمداتها كلها وخلاوها جامعا ركابيها عندها مرقدة فالحنا تا من وجهها طلاوه ليها الا شعرها حيت رفضات كتافاو افكسو ليها فوقو بيضة
لعبو حظاها وزغرتو ونشطوو تانشفات ليها الحنة فلحمها وهي تهز فتيحة زيف بيض وبدات تتفرتتها ليها وتحيدها..عاودات لبساتها حوايجها وبلغتها ووقفاتها ودارت ليها زيف حياتي على شعرها..خرجوها من وسط الكارة باقي محطاتش رجليها براا وهي تجر فتيحة سليمة دخلاتها بلاصة توبة وقالت:اوا الفال ضروري ههه تانتي غنديرو ليك حنة
سليمة:لا وايااك ععع ماما
فنيحة:المسخوكة راه بينا نديرو هي ليديه ورجليك بااز نيتك ناقصة
سليمة:والى شدات فيا وانا باقي بنقش
فتيحة:مخلطة بالحليب ماشي دوليوون وارصااي ياله العيالات أرو فينمت كانت شي عزبة دير الباروك
وبالفعل كاع البنات البالغات تقدمو تدارت ليهم الحنة ليديهم ورجليهم باش اتبعووها مع استمرار الغنا
وبالفعل لبسو لتوبة جلابة فشويبا بارد مخيطا براندا وبلغة فالكري وشعرها خلاو ليها عليه زيف حياتي بعدما نشفو ليها وجهها من الحنا ولا حمر..حطات تيلي بعدما تصورات وصيفتات ليه وهبطات لتحت لقات ديجا اللعاباات موجودين هازين الطعارج والبنادر هوما شي ستة..بلا العائلة لي واجدة لابسين جلالب الفريع تقول عليهم غاديين للحضور والشعر مطلووق..أما حوايجهم حطوهم فالكوفر تطونوبيلات بخمسة لي هازين ليهم السطولا وتا الهبال..
وجدو كاملين حبابها وخواتاتها وبنات خوالها وبنات عمتها وعمتها وعمات محمد وعيالات عمامو وخوالو وبداو كيضربو ويغنيو دايرينها وسطهم ويزغرتو بحالا غاديين بتاراكت وهي فرحانة عاجبها الحال وكضرب بيديها مع سليمة لي مفرقاتهاش هي وأميرة واكليل..والطوموبيلات سابقينهم بطوط طوط طوط محيحين فالزنقا ولي شاف اللعبات كيتبعهم وابقا اضرب معاهم واغني تاوصلو لحمام واحد لحومة حدااهم وهوما يوقفو..دخلات وردة دوات مع الجلاسات وشافت الحمام لقاتو مابيهش ماعامرش بزااف..خلصات على كلشي ووصات الجلاسة دخل ليها مايلزم من صابون بلدي وحنة مخلطة أما الباقي راه كلها جايب برودوياتو
دخلو لالة توبة بالصلا والسلام فالحمام وكاع العيالات لي لداخل خرجو لاجلسة تيطلو تاولات الجلسة كتنغل ..جلسو النااس وبداو اللعابات تاني كيضربو وكلشي كيشطح واردح..بي شاف عائلة الكلاوي يقول الشيكي وبخ وهوما مهوريين مكاين هي ركز ركز وشطح والغرامات هي كيتشايرو..كلشي نشط معاهم وفرح..
هزات وفاء صينية فيها قالب تسكر وعود ند وبدات كدور بيها وتشطح مقاداها فرحة..ومشات خرجات عند فؤاد لي جايب ليها السكر والحليب عطاتو للجلاسات بهاد المناسبة وهي كذلك عادات وتقاليد.مراكشية بحيث أي عروسة جات للحمام خصها تمد للجلاسات البياض ولا الحليب والسكر وفالنقابل كيدغيو معاها باليمن والتيسير
لعبوو مزياان جهد شي سااعة عاد حيدو حواايجهم وعطاوهم الرزامي تحت أنغام اللعابات ..شعلات كل مراا شمعة أو جوج شمعاات هازاهم فيديها وسابقين توبة دايرين ليها طرييق وكلشي كيشوف فالحمام
دخلوها للوسط وفرشو ليها فين تجلي وعمرو ليها السطولا عاد كلشي جلس حداها فالجلادي ولا الكراسا وبداو كيغنيو واضربو ليها هي لي شاداها وفاء ووردى كيغسلو ليها ويحكو وهي مكسلة ليهم والشمع ضاير بيهاا..تا حكو ليها عاد بداو لوخرين كيحكو واغسلو والاغلبية مافيهم والو حيت كلشي عاطيها للصونا قتلا
فركو توبة مزياان تاولات حمرا عاد شللات ولحمها كيبري غسلات شعرها ودوزات جيل ديالها..جابت ليها مها البينوار لبساتو ليها ولوات ليها شعرها ففوطة..وبداو تاني الصلا والسلام على رسول الله والزغاريد..تبعوها العائلة كاملة دغياا كلشي شلل وخرج بالفوطات ومكاين هي لاطاي تنسيك فلوخرا.
ستقبلوهم اللعابات باللعب وجلاسة هازا ضينية بسيطة فيها زلافة فيها الحليب شربو توبا منو عاد جلسات وسط منهم واللعب خدام عليها مكاين عي توبة ياتوبة..فرحات ومقداتها فرحة..كيف لا وهي كاعيش زفاف مغربي أصيل بحقووطريقو وغتزف لرجل أحلامها ولي كتمنى تكمل معاه بوغ توجوغ
نشفات لحمها ودهناتو بكريماات عاد لبسات هي والكل ..وخرجو تاني باللعابات والدق ولقاو الساجدي وفؤاد كيتسناوهم مع عادل وبدر ومراد وانور..هزو ليهم السطولا والحوايج ومشاو مخليينهم فاللعب والهرج
وصلو للرياض بعد وقت وصوتهم من بعيد كيتسمع تلقات ليهم فتيحة بدفينة(تكشيطة)فالبيج جاتها قتالة وشال هازاه الفوق كي العكافة فيديها مرشة تزهر وفمها خدام كيزغرت موقفش..عناقت توبة ودخلتت للدار معاها الكل لقاو الصواني تأتاي ودواازو والغدا موجود باش اعتقوو..تجمعو عليه وتغدااو ورتاحو من تعب الحمام بيدما توصل لعشية
فهاد الاثناء ستاغلات توبة انشغالهم وتسلتات منهم لبيتعا هزات تيلي لقات محمد مغرقها مبساج تالحب والغراام ..صونات ليه تعطل باش اشدها مي فالاخير جاوب وقال:الزين ديالي
توبة:(بدلال)حبيبو صافا؟؟
محمد:اححح على حبيبو كي طالعا من فمك هههه صافا أحبيبو عهه ونتي
وبالفعل مشات وردة واقفا على نكافة تاحطات المرتبة وسط الريااض وقاداتها بالغطا الاخضر وشدات من عندها القفطان الاخضر والشبكة ديالو طلعاتهن لتوبة وقالت:الحيبان ياله كل وحدا تمشي تلبس راع قربو اجيو وباقي موجدنااش
الكل نصارف بقات هي اكليل لي لبسات حداهم وتقادات تاهيا بعدما حيدات نظاظرها وولات تتبان وردة فسن الشباب
أما توبة ياله غتلبسهل مها دخلات النكافة وعويناتها ولبسووها وحزموها..كان قفطاان فالاخضر ملكي منبت بالعقيق قليل فذهبي من جيهة الصدر وفيه فتحة تال الركبة مبينا رجليها البلقيين..شمرو ليها على ذراعها على قبل الحنة وشدوهم شدة خفيفة ظريفة..خلاو ليها شعرها على راحتو راضينو ليها اللور..ركبات ليها النكافة حلقات تذهب خفاف وسرتلة نازلة تال لبين صدرها ثقيلة مع بلغة تالصم فالذهبي..
رضات ليها شعرها ورا وذنيها عاد جلسوها كحلات ليها مها بكحل حر حاار خلاها تقفز من بلاصتها من حروريتو..خكل حار مدقوق باليد وفيه الابزار لي كيداوي العين..وهادي كذلك من العادات لي لازم انبعوها وهي الكحل ليلة الحنا فقط لاغير..وهادو زادو ليها عكر حمر خفيف حمر شفايفها..شافت فيها وردة وباستها فجبهتها وقالت:أجمل عرووسة فالدنيااا هي بنتي
النكاافة:لهاااااا رسوووول اللله...الهااا جاه الى جااه سيدنااااااا محمد الله مع الجاااه العااالي
تبعوها عويناتها بالزغاريد والصلاة على نبي بعدما نزلو لتوبة الشبيكة الذهبية على رااسها
نزلوها مع الدروج نكافة من ليمن ونكافة من ليسر لابسين لبسة أسوختي بجوج وكيصليو على نبي وازغردو..فحين التحت قاع الرياض رضوه بحال الصالة فيه السدادر بمخدادهم جدااد وسطهم الرزة ديال توبة..وأكيد العاونياات واقفيين كايغنيو واجدبوو واشطحو والغراامات كتشاير..شافوها وبداو كيغنيو عليهااا وهي كتبتاسم تحت من شبيكة
جلسوها بلاصتها والنكافتت تيقادو ليها القفطان ورجليها باش تجي ديركت على المخدو لي مغطية بغطا خضر وحداها طبيلة من زاج عليها ايزاار بيض مطرووز فوقو الصينية فيها زلافة تالحنا مغوضة وحداها وحدا خراا فيها بيضة محطوطة وريحة الند عاطياا
تقادات توبة فبلاصتها مكاليينها من لور..اللبسة خضرة والنرتبة خضرا على جنابها بجوج كاينين نكافات كيعشقو فالنبي واصليو عليه
النقاشة جالسا فجنب يديها كتعمر فالنفتاحة تتقييش لي فيها الحنة كتشرشر..وفالارض فيها طبالي فيهم بواطات من الفضة داخلهم الشمع خارج الضو ديالو من بين النقش لي على البواطات
اما الحضور راه لابسيين ومقادين على الحالة ماين هي القفاطن والتكاشط والماكياج والشعور ومكاين هي الشطيح والرديح
بدات النقاشة كتخط اول خطوط الحناء على يد توبة بعدما تافقات معاها تلى النقيش لي بغات..تعالات الزغاريدوالاهازيج وكلشي كيزغرد
حنات توبة يديها بجوج حنة رائعة ودازت ليها لرجليها دارت ليها فيه نقش زوين ماعامر ماخاوي..هزو ليها يديها لفوق باش تبان الحنة والعيالات كيتوافدو عليها احطو البياض ومكاين هي 100 درهم للفوق حيت كلشي ملعق
مشات فتيحة كتضرب بيديها وقفطانها محزمااه ومطلعا جلايلو لجيهة السمطة..وفمها مزكاش من تزغريت..جابت صبنية فيها المريشاات فرقاتها على لعيالات وهي تقول:ياله العيالات خرجو راه عايلة العريس وصلات
خرجو كامليين برا الريااض الا القليل لي بقا مع توبة..لقاو الدقايقية سابقيين الموكب الاسطوري ديال دفوع توبة..العديد من العبيد لابسين اللبسة بالسلهام وهازين الطيافر كيضورو بيهم واشطحو على نغمات الدقايقية..وفاء لابسا تكشيطة هي وبناتها وتا عمات العريس كانو ناضيين بالمقادة..هاد الاهير لي كان متوسط الموكب لي كبير لابس جبادور بيض بسروال محدد من الجناب والبلغة فرجليه صفرة وشوي تزغب كيبان من سيقانو
كان وسيم بمعنى الكلمة..جا معاه الجابادور وعطاه وسامة كثر من قيااسو..لحيتو منقصها شوي وماشطها والجبادور جاه لاصق ومذلك البلغة لي واتات رجلو..جاي مبتاسم وفرحان ماقاداه فرحة وداخل وسط الدقايقية كيضربو ويغنيو عليه وهو كيكتافي بابتسامة جدابة ويديه محيداتش على صدرو كدليل على ترحيبو بالنااس..حداه باه لي لايعلى عنه وسامة..زويين ووتاه الشيب قرحان وكيضرب بيديه..ولهبيلة سليمة ملبسينها قفطان وتتحير بيه واليد فيها كاميرتها تتصور..
أما توبة قلبها كيضرب اكثر من المعتاد..مادا يديها تنشف من الحنا فانتظار حبيبها..حنوكها حماارو والخجل عمر ليها خدودها..عينيها كيبريو فيهم بريق الفرحة باينا فيهن..يديها كيترعدو والشبيكة حاجبا عليها الرؤيا..كتقلب عليه وسط نااس مباانش ليها..
***
انه اليوم الموعود
اليوم الذي أوشم فيه اسمك بجانب اسمي
يوم سيشهد فيه الدين والدنيا على زواجنا
ارتباطنا المقدس..ارتباطنا العريق
سبشهد العالم بأسره على أني حبيبك
سأخدك الى بيتي وستسكنين غرفتي
سأستيقظ كل صباح على صوت تنفساتك الشيق
وسأسمع رنات قبلاتك على خدي
نعم ،إني هنا..قادم كي أختطف بريق عينيك من بينهم
قادم كي أستشعر قلبك ودقاته❤❤❤
قادم كي نجعل من البهجة بهجتين
قادم كي أقول أمام أمة محمد أني بك متيم واني لك عاشقا
****
شافها فبلاصتها من بعيد ورف قلبو وهو كيشوف اللون الاخضر كاسيها كي شي جردة..فيكسا عينو عليها مبقاش حركهم..كيتسنا بفارغ الصبر يشوف اش تحت الشبيكة لي مغطيا وجهها..اشمن جمال غيكون مكتاسي وجهها
النكافة:زيد اوليدي قرب هز عليها شبكة
تقدم مبتاسم وكيبغي اجري اولي هشام الكروج باش اوصل ليها ساعا من حظو السيء خصو ابين أنه اثقل واتمشا بشوي..ميسبقش لهفتو ليها..
أما هي قلبها كتزيد ضرباتو وكترعد خاصة فاش مد يدو لشبيكة وبدا كيهزها شوي بشوي وشفايفها كيترعدو..وهي كتشوف فلبستو كي جاتو..وها اللخظة الحاسمة هزات عينيها المكحلة فيه وضربها ضو منو كأنما اول مرة تشوفو..ولا أول مرة غتعرف عليه..
أما محمد راه قربو اهزوه بياش ديطاشي مبقاش قادر لستوعب كمية الجمال فعينيها وما أدراك ما العينين الخوضر الى تكحلو وكباار فتنوه وفتنوه وفتنوه والثالثة تابثة
تنهد فرحان وقرب منها بشوب وريحتو الخفيفة سكناتها..باسها على جبهتها قبلة طوييلة ختاصرات كلمات كثيرة تالغزل..قبلة طيقول ليها فيها:أنت اجملهن😍😍😍
تهالات الصلاة والسلام والدقايقية محبسوش الدق
توقفات قبلتو وظهرات بتسامتو لي مخصصها فقط ليها..ابتسامة من نوع أخر..تاهي بتاسمات ليه عاضا على شفايفها..جا صوت النكافة :جلس أولدي حدااها
جلس بالفعل حداها وضور يدو على خصرها وهي هازا يديها والشبيكة باقا موراها محطوطو على كتافها..وسليمة فاص ليهم كتصورهم وتشير ليه هو يشوف فيها لانو كان كيشوف فيها..قرب لوذنها وقال بهمس وكيحاول اسمعها ليها حيت صداع الدقايقية:زعزعتيني ههه
توبة:(بتاسمات وبقات تتشوف فاص)شنوو مسمعنكش
محمد:وا زعزعتيني هههه(ضغط على خصرها)عييت نرسمك فبالي كي غطلعي ووالو اححح اىبي
توبة:هههه(حشمها وكتافات بضحكة)
سليمة:واشوفو هنا ههه
شافو فيها مبتاسمين بجوح وهو راسو قريب لعنقها كأنو مسند على كتفها..خدان ليهم بعض الصور..وأخيرا نفارد بيها واخا عينيهم فالملأ الا أن وذيناتهم عند بعضياتهم
محمد:سي تاهو زويين(همس ليها)كلشي كيجي مع حبيبة زويين
ضحكات وسكتات مبقاتش هضرات..قاداهم ليها..شافت العبيد حطو الطيافر قدامها شي ربعين طيفوور تصدنات وبقات هي تتشوف وهي تقرب عندو وقالت فوذنو:جايبين فيهم الجمال ههه
محمد:هههه مكرهتش نجيب ليك كثر هي الواليدة لي gالت ليا تالعرس
توبة:هههه اشنو فيهم
محمد:شريت للحب ديالي لي ممكن تحتاجها
بناسمات وبقات جالسا وهو كيهمس فوذنها واللعب خدام حداهم وكلشي كيشطح..تخلطات الدعوة كلشي كيشطح تا من فؤاد الكلاوي داخل هو وقاء وكيحرك يديه اما وردة راه بزز على والديه خصو اشطح معاها ومع تبارك الله دوز معاهم فمراكش ولا عارف كي كيشطخو..تاتشدو فتيحة شوي ووردة شوي..وبخصوص عمام محمد قولي كان حابسينهم مكاين هي الله يعطيك صحة وعلى شطحة عندها..كيشطخو مع عيالاتهم مزياان والغرامات كيتشايرو وكبيرة الشيخات تدور عليهم وتطلب أسمائمهم باش تغني عليهم وادورو معاها وفعلا لقات الغرامة حامياا
كلشي كيشطح الا جوج جالسين يابسين بااصتهم تا تختم الطرح ومشاو الدقايقية..كلشي عرااق من شطيح وتوبة تتشوف فيهم فرحانة كيشطحو ليها فحنتها ولي معمرو شطح راه شطح اليوم
جابت النكافة مغسل تالفضة ومعاه مقرااجو فيه ما ورد مخلط بما زهر ودبلييج تنقرة ودارت ليها رجليها وسط الطاس وبدات تتحيد ليها الحنة وتكحها بالنعناع..وحدة كتخوي الما المنسم بالورد وزهر ولوخرا كتحك الحنة بالدبليج وبالنعناع باش تخلي اللون حمر..حيدو ليها تا يديها ونشفوهم ليها مزياان وبانت الحنة فيهم كتلمع حمرة ومع يظيها بيضين وصابغاهم بالحمر ياسالام
شد محمد يديها لي كان كيتسناها بفارغ الصبر تخوا من الحنا وباسهم ليها وقال:بصحتك..جاتك زويينة
توبة:يعطيك الصحة أحبيبي
وقفات عليهم وردة هي ووفاء وقالت:ودابا أنسيبي العزيز راه خصك تانتا تحني من الحنا لي حيدنا ليها
محمد:ههه ياكما غتنقشو ليا تانا ههه
وردة:لا ههه غدير دوارة صغيرة ونحط ليك فيها لويزة باش تبقا ديما عزيز على نسيبتك هههه
محمد:(مد ليها يديه)من ديما عزيز عليها ههه والى غتزاد المحبة هاكا هي ديري الحنة
وردة:يحفظك ربي ياسيدي ربي ههه راه منهاري تنgولها ليهم..تنgوليهم بنتناسب مع الكلاوي ههه
ضحكو وحطات ليه دوارة فيديه تالحنا من الحنة لي حيدات توبة ودارت وسطها لويزة وقالت:الله يجعل كلشي مبارك مسعود
محمد:أمين
مشاو وخلاوهم كيشوفو فبعضباتهم يد شاد بيها يدها ويد فيها الحنة..بتاسمات وطلعاتو وهبطاتو وقالت:جا معاك الجبادور العفريت ههه حبيتك للمرة الثانية على نوالي😂😂😂
محمد:هههه انا كل نهار تنحبك هههه مغنوضوش حنا من هنا نفاردو ببعضياتنا شوي
توبة"عععه مسطي والله..ماغنوضوش حنا من هنا تايسالي هادشي
محمد:اسالي ونرجع للرياض تاني ههه ومكنشوفكش كااع
توبة:واش كدير دابا؟
ياله غيجاوبعا وهي توقف عليهم سليمة هازا تيليفونو حيت خلاه ليها وقالت:خوياا من صباح وهاد النمرة كتعيط ليك
محمد:غيكون شي واحد من دراري صحابي بغا يبارك
سليمة:محاال..كنشد الخط كتجاوبني بنت
توبة:بنت؟؟شكون هادي
شد تياي من عندها كيشوف نمرة وقال:اااه بلاتي أنا جاي ضروري نجاوب
توبة:شكون هادي؟؟
محمد:هاني راجع ونشرح ليك
ناض من حداها وخرج على برا كيجاوب فتياي أما هي عقدات غزباشتها وشافت فسليمة وقالت:شكون هادي؟؟
سليمة:معرفتش..تقدر تكون شي وحدا تتقرا معاه
توبة:واا بسالة هادي😡😡😡تعيط ليه وسط الحنا
سليمة:مال الكاوريات تيعرفو الحنة ولا الشعبي ههه(شافت حنتها)جااتك زوييينة😍😍😍😍
بتاسم ليها وقرب باسها فحنكها بلا ميهضر أما هي تزنكاات وردات ليه الابتساامة..
فحين الكل كيشطح واجدب والوز ويغني مع اللعابات لي كيدورو على العيالات شويا قلبوها رجالا..وقغات وحدا قدام الكلاوي فؤاد ضحك وعطاها الغرامة ومشات تتغني عليه حلفات هي لحبسات من سميتو..وا فؤاد والرتضي علي وافؤاد والمتلفني وفؤاد والمهبلني ووفاء كتخنزر مرضاتش وهي تمشي جراتو جيهتو وقالت مغوبشا:مبانت ليها هي سميتك هااا
فؤاد:ههههه سبحان الله
وفاء:خزيبت تحلفو ماتخليو بنادم نااشط يخ
مشات عند اللعابا وعطاتها مية درهم وقالت:قلبي الكاسيطة وغني ليا على العرييس
اللعابا:(شافت الفلوس وضحكات وكملات الغنا بلا متوقف)واا سيدي محمد البيض واااهياا
ضحك فؤاد وغمز وفاء من بعيد أما هي عاد نشطات ومشات كتشطح وتشالي بيديها وهو تابعها لتبقا تلوز واقلبوها سباط
وردة كانت واقفا مع الساجدي وكتحرك معاه يديها وهو مبهور بيها :اححح عليك المشكودرة كتكبري وتحلاي
وردة:ههههههههه
الساجدي:ليلة سيدي عماارة ههه
فهماتو اش قصد وكملات على شطيحها فحين لالة فتيحة راها هازا طبسيل تالحلوة مداتو لجد توبة لي ممقشبل تالعبة هي جالس
فتيحة:(كتفرنس)دوق أشريف دووق راه انا لي صايبتها
الجد:(مافهمش هضىاها ولاكن عرف بلي بغات ياخد)اوووو تشوو تشااكولار
الخطبة كلها كيلغي بلغاه وكل جوج راه واقفين فقنت تيضاربو ولا كيشطحو..فحين العرسان جالسين ساكتين مشابكين ليدين وكيشوفو فعائلاتهم مشاركينهم الفرحة وكيبينو عليها
كل واحد فيهم فين كيفكر..محمد فالاتصال لي جاه ولي خاف اقلق توبة ..وهاد الاخيرة كتفكر فاشنو ممكن ابغي اهضر معاها على انفراد..ومبغا تاحد اسمعو عليه..طاحو فبالها بزااف تالافكاار
جات مها غندهم حيدات لمحمد الحنة وبانت دوارة حمرة وسط يديه شافها ةضحك ووراها لتوبة لي كانت ساهية وقال:هههه شوفي كي ولات
حط يدو على حنكها وجرها بجهد تالصق فمو عاى فمها وعصرها ببوسة حلوة محرك فيها والو من غير انه لاصق شفايفهم..
بعد عليها بشوب كينهج وهي كذلك حيت خنقها وقال:هادي كنت باغي نديرها gبيل وحشمت ههه
توبة:(بخجل)هه حشومة ههه
محمد:أشمن حشومة ههه هي ملقاتنب الوقت بحال الواليد أما كون فينما رشقات ليا نبوسك ونن(حرك راسو يمين شمال)ههههه
توبة:😳😳😳قرد لاخر ههه ومالك شكون حابسك؟؟
محمد:حشوومة ههه اشناهيا نبقا نبوس فيك منيما دزت ههه وااه..حلاوة البوسة كنكون الى كانت بين حوج طيط أطيط..ممعاهم حد وميكونش فيها حدود..شنو معناها الى كنت تنبوسك والناس كتشوف ههه مثلا غيعرفو بلي كنعرف نبوس ههه
توبة:كلشي تتحللو وتتناقشو تشهيت شي نهار متحللش شي حاجة نهههه
محمد؛(جر ليها نيفها بصباعو)ونحلل كي بغييت..حرية التعبير ههه
توبة:حيد أزمر صباعك راه عنفجتي ليا مناخري يادلي مخصهم والو
محمد:هههن (جرها محاوطها من خصرها وهي حاطا يديها على صدرو)كتسطيني
توبة:هههه وامستر زوليقة واgول اش بيتي تgول قبل ماتجي ماما
محمد:اييه..وهو(سكن شوي)الموضوع شوي قااسح..معرفتش واش غتقبلي ولا لا ..ولاكن
توبة:هضر اش كاين(تبدلو ملامحها)
محمد:ماشي شي حاجة كغااف مي مهمة عندي..الكتاب لي كنت gلت ليك غنشرو..عيطو ليا قبيل وgالو ليا راه واجد باش اتنشر وعطاوني نهار بضبط(سكت كيقرا ملامحها لي كانو باردين وكمل)نهار لي مورا العرس ديركن..يعني هي غيكمل العرس اجباري نمشيو لامريكا هي لولة خصني نحضر للافتتاح وعندي حفل توقيع الكتااب(شافها صقلات)شوفي عارف بلي كنا دايريين نمشيو لهاني موون وواعدتك بشحال من حاجة ولاكن ضطريت على هادشي..خصني ضروري نحضر
توبة:متقدرش تحولو لنهار أخر؟؟
محمد:نوو..سولت gالت ليا نو داك نهار هو لي ديسبونيبل
توبة:صافي نمشيو ليه
محمد:(تصدم)متأكدة؟؟
توبة:(ضحكات)ههههه واييه هههه(حطات يديها على لحيتو)علاه لجد مك أنا أما حسن ليا شهر العسل ولا كتاابك هههه الى كان الافتتاح والحفلة غيفرحوك علاش لا؟؟شهر لعسل مغيهربش هههه
بتاسم تا بانت ضرسة العقل وباسها بحرارة فجبينها ويدو شادا وجهها وليد لوخرا على خصرها وقال:نتي مامنكش جوج هههه
محمد:(ساهي فعينيها)ولاكن راه جاك زويين ..حسن من دوك الاقلام تاع والو
توبة:هههه ياك..اوا احبيبي هذا هي اليوما لي غنديرو من هنا لgدام مكاين بو ماكيااج ميبرزطني
محمد:هههه راحتك..واااححح على حبيبي كي خارجا من فمك هعهه
توبة:(دفعاتو)مالك من صبيحة ربي ونتا تتوحوح ههه ياك لبااس
جرها بزربة كالاها مع الحيط ولاح ثقلو عليها محاصرها وفمو عند وذنيها كيبوس فيها واهضر:والو ههه هي موحشك بزااف..كنشوفك كنهز العلاام ..بزااف على زين وبزااف على الحب..هذا راه فات الحب لهيه
توبة:ههه(تبورشات)وشنوو؟؟
رفع راسو ليها مركز عينيه على شفابفها:العشق أحبيبة العشق ههه
نزل على شفتيها الوىديتين بقبلة حنيينة طوييلة كيفرغ فيها اشتياقو ليها لايح جسمو كولو عليها ومرخي..هي الاخرى لي ترخات بين يديها وشفابفها محلولين ليه باش انغامش فثغرها الشهي..باش فأخر المطاف اغوصو فرحلة بحرية عشقية لا مثيل لها..رحلة مليئة بالقبلات الجارفة واللمساات الحساسة لي مسلمش منها اي ركن من جسمها ..وهو كذلك شعلات فيه العافية باستسلامها ليه لا منتاهي..وقتما قرب ليها كيلقاها مرخية وعاطياه الاشارة باش اغوص داخلها
***
فصلت من جلد النساء عباءات وبنيت أهرام من الحلمات(نزار قباني)
*****
تدق الباب وتسمع صوت وردة:توبة ياله ابنتي راه تعطلتو
على اثر صوتها دفعاتو توبة عليها كتنهج وعاود رجع ملاصق معاها عينيه نايميين..وقالت:محمد ماما
تنهد بحرارة عاض على شفايفو وقال:انا فالحمام..صايبي حوايجك وهاني خارج
رجع جلس فوق الفوتوي وتقدمات هي لعندها كتحيد ليها القفطاان..كانت لابسا من التحت هي دوبيااس فالابيض ولحمها بيض صاافي مافيه نبشة..حشمات قدامهم وهي تضرg بمها اما هو مهزش فيها عينو كان تيقلب فتيلي ..تاسمع صوت وردة قالت:صافي سالينا ياله شد فيها باش تنزلو
محمد:(وقف بابتسامة)واخا
توجه غند محبوبتو لي كانت بقفطان كروونة طويل وصباط طالون عالي مخليين ليها شعرها مطلوق والعكر عازدووه..شد يديها شابكها مع يديه مبتتسمين وخرجو برا تحت زغاريد النكافات وحلاقمهم لي مترعاا كتصلي على نبي وتعشق..
نازلين فالدرووج مشكلين كمية من الغراام..هي بالبوردو كتفتن وهو مكمل على جمالها بوسامتو..مشادين اليدين معلنين على تحادهم..كلشي تلفت ليهم كيشوف فيهم باعجاب وكيجاو..أصغر كوبل فالعاىلة ولي خداو على عاتقهم التحدي ديال العمر وغيكافحو باش انجحو زواجهم
الساجدي:خههههه لاحول ولا قوة الا بالله..خويا فؤاد الله يكون ليكم فالعوون هههه ماعندي مانخبي عليك
وفاء:مالعا كيجاتكم الصوااب والاداب..حنا هي عائلة بحال عائلتها هههه
محمد:حشماتني هههه
توبة:المهم بصحة دروك تانا نمشي نااكل هههه
سليمة:(هزات طرف تالحم)والله ميكون بحال هذا خخهه
توبة:تاكلي فيه جغديد أزرمومية هههه
أميرة:جاك البوردو زويين ههه
توبة:لفم لي تgول زمر تgول تمر هههه شو لي صواب والادااب..تحلف عليها والدينها بوحدها لمجعورة تمك نتي طالقين علي جاهلة هههه شوفي راه غنبقاو هي انا ويااك فيس تو فيس خلي بلاصتك زوينة هههههه
سدات ويفي ودقات على باها مها بعدما سمحو لبها بالدخول كانو تاهوما مبدلين..ضحكات ومشات تتجري تلاحت على ناموسية على كرشها وقالت:طفيو الضو واجيو تركدوو😂😂
الساجدي:حلووفة ههههه
تقلبات على ظهرها وقالت:مغتنعسوش..فين البنات
وردة:ديك لي gالت ليك بتنعس حدانا كيدخلات لبيتعا تلاحت تنعس مبدلاتش حتا حوايجهل..ونعمة راه مع جداك
توبة:الله هخهه بوحدي عههه
جا ساجدي تكا حداها وهي تلاح على صدرو وعنقها تاهو وجات وردة من جنب لاخور داروها بيناتهن وعطاوها للتعاويد والهضرة والتقشااب وكيتفكرو زبايلها فاش كانت صغيرة وابقاو اضحكو علييها تاغفاات وسط منهم..باسها ااساجدي فراسها وقال:مسخيش نخليها
وردة:(طاحت دمعة من عينيها)فأي لحظة كنgول غنطيح نبكي عليها😭😭😭
الساجدي:(حط يدو على خد وردة)سنة الحياة..فالاخير غنبقاو بجوج..هادا حال لي والد هي البناات
وردة:😢😢😢😢
الساجدي"نعسي أحبيبة ترتاحي غدا عندنا نهار طوييل هههه كنت عوال نخدم على ولادي ليوس ساعا ختهم حرماتها فيا
وردة:(مسحات دمعتها)ههه ماسخ..بونوي
الساجدي:تصبحي على خير
******
شرقات شميسة دافية على رياض ااساجدي فاق على اثرها أغلب الضيووف..اولهم فتيحة لي من صبيحة ربي وهي من هادي لهادي..
ضربات فيها الشميسة وهي تفيق مع ترن تاع الميساج الصباحي..تفوهاات وتعجزاات شافت خاتم زواج فصباعها وهي تبتاسم بفرحة وتفطرات أنه اايوم الموعود..اليوم لي غتزف فيه لرجل حياتها ولي غتكمل معاه حياتها كاملة
قرات ميساجو وجاوبات عليه عاد ناضت كتفوه وتعجز والنشاط طايح عليها ..طلات عليهم من الفوق شافت كلشي كيمشي ويجي وقالت:أدوك أه واش منعستو تالفجر وفايفين بكري ماعندك بوكم شغل
جاوباتها فتيحة:عيفة البنات عاد فايقا تر اوليدي تر..نزلي تفطري راه عرسك اليوم
توبة:هادي هي صباح الخير فبلادكم ياك ههههه صبري عاني نازلة
فتيحة:صباح الله (سمعات دقان فالباب )بلاتي
مشات بقفطانها وتشامرها وطوانك الذهب فوذنيها حلات لباب لقات بنت فمقتبل العمر زوينة وهازا صاك كبير فيديها وقالت:صباح الخير أش حب الخاطر الغزالة؟؟
..:السلام وعليكم..هادا هو رياض الساجدي
فتيحة:هو هذاا أش حب الخاطر
..:انا سميتي غزلان الكوافورة لي غنصايب للعروسة
فتيحة:ايييه وا gوليها من صباح وانا مخايااك براا زيدي دخلي مرحباا بيك
غزلان:براك الله وفيك
ياله دخلات وهي تجرها فتيحة تتسلم عليها بالزجه او بالاحرى كطحن ليها وجهها بالبوسان:ااعع مرحباا بيك ابنبتي جيتي للداار الكبيرة
غزلان:(تجنترات فحوايجها)اه اه شكراا
فنيحة:(ضرباتها على كتفها)هانتي لبزيزيلة ابيتي طلعي ليا بنت بنتي زيينة..شتي هي اه واحد الغزالة منها ماكاين..شتي شفارها واانااري تالين واصليين والعينين رااه غزاالة تنمشي على رجليها(جراتها من ديها)زيدي دخلي
دخلتتها وغزلان هي تتشوف فيها السيدة حمقة صافي..لقات الرياض عاامر وهي تيتيز على خوه
توبة:سيري gالاك هههه راه من gبيل وهي فوجهي ههه شو كيرجع تيشعل
وردة:هههه تبارك الله ههه ياله نوضو تغداو
توبة:ونتونا؟؟
وردة:(بزربة)كولو نتوما حنا مغديين ..ياله تلحقو نتوما الى نزلتي لتحت بتبقاي على أجموع لا نتي تتقاداي لا هوما تيساليو اللهم gلسي هنا
توبة؛ههه صافي واخا فففف محد الوقت تيقرب وانا تنعراg تفووو
غزال:هههه هي سترييس هذااك
وردة:ههه كلشي عيدوز مزياان نني هي تصايبي لينا على خاطرك(باست راسها)مممموااح
توبة؛يخليك لياا احبيبة
خرجات وردة وخلاتهم كيتغداو وتوبة يد فالماكلة ويد فتيلي كتهضر مع محمد تاسالات وحطاتو كضحك هي بوحدها
غزل:هههه الحب يالالة
توبة:واييه ههه نتي مزوجة؟؟
غزال:سي
توبة؛مممم اجي نتي مزوجة باش تنصحيني زعما من هنا للgدام
غزال:على مابان ليا نتي باقي صغيرة وغتزوجي صغيرة..العمر ماعندوش اشكال لي نوصيك عليه من خلال تجربتي هو ضحي شوي وديري لخاطر لرايك شوي..الراجل داير كي دري صغير ..الى عطيتيه كوجاكا راه اضحك وافرح والى حيدتيها ليه كتخيابي عندو وابقا ابكي عليك..تماما بحالو..كوني صريحة معااه ومتكدبيش عليه فوجهك حيت اه الدوام هذااك ماشي يوماين ولا عاميين..لي ضرك ضرو والى باغا رأيك اتفرض جلسي معاه أطاابل اما الغوات راه ماعندو فاش انفع وماغيخرج تا نتجية ونصيحة لوجه الله الى كان هو معصب نتي بردي والى نتي معصبة هو ابرد راه فوقت العافية فاش كتحرg دار
توبة:ههه لا لا من ناحيى النقاش كيgلس اطابل واهضر واناقش وقليل فاش كيهز صوتو ومن جهة نهار كينوض مكيعقلش ولاكن حنين والله
غزال:اوا الله يتاويكم امين..ياله الى كملتي نوضي راه باقي عندنا شلا مايداار.
توبة:واخا
مشات غسلات يديها ورجعات لبلاصتها وغزال كتخدم ليها فوجها..ترطب هنا ولهيه والعنق وتبيض واخا السيدة بيضة..حلات ليها شعرها ونشفاتو مزياان بسوشواار عاد بداات كتسرحو باش تبدا المشطة لي خدات منها وقت طويييل بزااف جهد شي ساعتين وهي هي فالمشطة ولي كانت خفيفة ونازلة تال العنق باش متجيهاش واقفا ومعوكفة..
سالاتها ليها مع الخمسة ديركت وقالت؛معاياش غيبدا العرس
توبة:مع الثمنية عاكاك حيت باقي تابعانا الطيارة غيخصنا نكملو دغيا
كلات تاشبعات وناضت غسلات سنانها بشوي عليها وخرجات جلسات حداها وبدات الكوافورة خدمتها فالماكيااج وكتخدم بتقنيات زوينة وتصايب بشوي عليها وعلى مهل مهلها..دارت ليها ماكيااج ثقييل على عينيها ووجها غطاتو بالبرودويات من كل ااشوائب لي ممكن تتواجد فوجها..وولا كيلمع كثر ..ماكياج اسطوري للمشاهير بحال لي كنشوفو فالفيدوات تاع الاشهار لبعض الماركات..لعبات ليها على لعينين حيت لونهم خضر وشفايفها راه العكر اتبدل مع كل لبسة لي غتلبس..
سالات ليها وقالت:فوالا دابا سااينا..تبارك الله جيتي خطييرة هههه
توبة:بصح(شافت فالمراية)ههههه زوييين والله هههه شكرااا
غزال:بصحتك تانتي ززينة داكشي باش طلع فيك الماكيااج
ضحكات توبة ودخلات وردة مع فتيحة شافوها وتبهرو بداو كيقراو عليها القراءان وغزغرتو وعينيهم مغرغريين..حمقاتهم بزااف
فتيحة:العين لي تشوفك وماتصلي عنبي يعطيها العما هههه
وردة:سطيتيني هههه راه انا لي والدة الزيين مشاء الله
توبة:ههههه بصح جيت زويينة
فتيحة:اش تتgولو لهاديك هههه بوكوصة
توبة:ونتي اماما باقي مصايبتيش وفين عمتي وعيالات خوالي؟؟
وردة:كلشي مشا لصالونات اصايبو
توبة:ااه يعني خوات الدار
وردة:كاين هي باك تيتكيف لتحت خهه وانا كنتسنا كوافورة تسالي لختك باش نصايب انا
توبة:واخا فففف عيييت من دابا
فتيحة:لي تيخافو منو النااس اه دوزتييه😒😒
توبة:ههه خفت نجاوبك وتنتفيني وتخسري خدمة هاد البنت
فتيحة:والله تاتجاوبي نسمع
توبة:مشي😂😂😂😂😂 بلا ضرييب
وردة:نتونا مامكتساليوش..غنطلع النكاافة تبدا توجدك
توبة:واخا راه سبعة هادي
ورظة:ااه راه محمد لتحت مع بااك باش امشي معاك من هنا
توبة:لعار هههه
وردة:اييه تاتلبسي ونعيط ليه هاني مشيت
خرجات وردة ودخلات النكافة وعويناتها هازين المحوهراات واللبسى لي غتمشي بيها للقاعة حيت كلشي غيتسناها تماك..جبدو اول لبسة وجدوها ليها هي ومجوهراتها الثقيلة..دخلات لحمامها لبسات دوبيااس فالابيض وخرجات عندهم هاكاك لبسوها قفطان فالحمر غادي للبوردو مخيط بلونو..ومشارجي من الصدر بالعقيق المنبث جاها لاصق..عاودات ليها غزال اخر توش لشعرها عاد ركبو ليها الحلقات والجوهر فالعنق مع الكثير من المجوهرات الثقيلة..زيادة على المضمة تذهب الحر لي حزموها بيها..وزادو عليها عقيق لجبهتها فيه جوهرة خضرا زينات ليها جبهتها..عاد وضعو ليها تاج ملكي الشكل فوق رااسها ولبسوها الطالون لي طولها مع هي قصيرة
وهاهي الجميلة توبة فحلة العروس بثياب فاخرة وملكية زوينة زيناتها وبماكيااج فاخر خلاها تبان أنثى فالثلاثين من عمرها
النكافة:ماشاء الله علييك زويينة
تدق لباب كانت فتيحة لي دخلات لابسا تكشيطة فالابيض مع بلغة والشال مصايب مزياان يديها عامريين دهب وعنقها نازلة منو سرتلة طويلة فيها الله..والماكياج تاهي ماكاين هي الله يعطيك صحة
فتيحة:تبارك الله ههه زينة البناات واجدييم راه كلشي كيتسنا فالقااعة
توبة:تقريباا هههه فين محمد
تحل للباب لمرة الثانية ودخل مولاي السلطان سيدي محمد الكلاوي بهامتو وقامتو وبتسامتو لي متفارقش وجهو..لابس كوستييم كحل مع قميجة ناصعة تالبياض..وكرافات بابيون فعنقو..ناقص شعرو ولحيتو ناقصها شوي..راش ريحتو الخفيفة لي فقط توبة لي كتشمها حيت هي لي كتخشا فيه بزااف..
بتاسم بتساامة عريضة نلي شافها بديك الحلة..تعقد ليه لسانو لدرجة رجع أدراجو لور كيضحك ويديه كتمسح على وجهو ممصدقش شيء لي خلا كلشي اضحك
محمد:ههههههههن وووووو بزاااف(رجع لور كيمسح على شعرو)بزاااف بزاااف هههعه زعما انا عندي زهر تال هاد الدرجة هههه
كمل الشيفور الطريق بيهم نحو الاوطيل لي غيتدار فيه العرس والعائلة مورااهم بطونوبيلات كثاار وهي الفريع تاع الحديد
وقفات الاوطو الطويلة العريضة قدامو الاوطيل لي كان أصلا فبابو زربية طوييلة فالاحمر ومن جوج جوايه دقايقية لابسين جلالب خفاف شفافين كيبينو الجبادورات لي لابسين من التتحت فالازرق شي هاز النفار شي النواقص شي بيديه..هي شافو الموكب وبداو كيضربو بجهد كترحيب ليهم..
نزل الشيفور حل لمحمد لي بدورو شد يد توبة لي فساع جاو النكافات كيقادو ليها القفطان فالوقفة ومحند حداها شاد يديها مفرقهاش..كتبان ليها طوالة طويلة بزربية ةمفرشا بالورد والدقايقية كيضربو واهللو ليها..تقدمات ويدها فيد حبيبها داخلين مبتاسمين تحت انغام الدق وكذلك الصلاة والسلام تالنكاافة..
دخلو على القاعة لي كانت روعة ..هائلة وفيها العائلة كااملة من دون مينقص فرد بالاضافة لصحاب الساجدي والكلاوي من الدومين وحرمهم وكذلك الحيران والحباب والصحاب..والبنلت لي مع توبة فسونطر كاملين(سماح وغزلان وزهرة واميمة وفطمة للزهرا وندى وهدى..)كلشي لابس واحد نااضي..من لباب كتبان ليك الفرحة ملاقيا مع الاناقة مشكلين جو هاائل..وطاهور كيغني وناس تشايل بيديها باقي محماش الطرح
الرجال مقادين ومحلقين والعيالات هي تيتيزة على ختها..كلشي زويين وواجد باش احتافل بمناسبة زويينة وهي حفل زفاف الحلويين محمد الحنانة وتوبة الصعرانة.
تقدمو من ممر واحد كيأدي للمرتبة لي كانت فالبيض وكتبري وحداها برازي صغار وقدامها طبيلات الزاج فيهم الحليب والتمر وقوالب سكر كثار مزوقيين
داتهم النكافة لبلاصتهم وللمصور تابعهم فينما زادو واحد اصور فيديو وواحد كيصور تصاور الغفلة وهوما محافضين على الابتسامة واخا متوتريين وممولفينش الانظار كاملين عليهم
جلسو فالمرتبة وقادو ليها النكافات حوايجهة وحداها محمد لي شاد فيها وابوس بديها وكل ماجات عينيو على الناس كيبتاسم ليهم كثر وارحب..ووفاء كتشاير ليه ودير ليه راك منور..
شافت توبة فمحمد وقالت فرحانة:أحسن نهار فحيااتب هو هذاا
الاجواء فالعرس حماسية والطايح كثر من نايض مع طاهور كلشي نايض تايشطح تا الساجدي والكلاوي لي ممولفينش نااضو اركزوو
طاهور:بالعربية عاود
الكل:واحد جوج ثلاثة
طاهور(كيدير الميكرو لجيهتهم):بلفرنسية عاود
الكل:أن دو تخوا
طاهور:بالانجليزية عاود
الكل؛وان تو تري
طاهور:بالالمانية عاود
الكل:أينس تسفاي دغااي
طاهور:بالشلحة عاود
الكل:يان سين كرااد
طاهور:واينيحا اينحاحا اينيحا اينيحاحا اينيحا حا
كنل غنااه على هاد المنوال منشط معاه كلشي ومكاين هي شطح شطح شطح..وفاء كتلوز لفؤاد وهو عاجبو الحال مقادرش احبسها عرس ولظها ووردة كتركز مع محمد أما فتيحة كيف العادة راها كضىب بيديها وتشطح وتركز وتلوي فترمتها ماهلابالهااش..سليمة كتشطح ونقول ماشطحات مع أمبرة لي راجلها هي تيتحرك وصاافي
فحين توبة جالسا على نار وتتشوف فيهم وتمسكن:عععع شوف تيشطحو وحنا لا
بقاو هاكاك على التوشويش فالوذن وكل مرا اجي شي حد اتصور معاهم ةامشي وهوما فالغزل والحشمة تا ناضت تبدل اللبسة وتلبس لبسة تانية عاودات فيها توشات قلال لوجهها لي عراق واخا لاكليم وبدلات ليها العكر دارتو ليها غوز فاتح والتاج كذلك..وتا محمد لبس كوستيم أخر بلا كرافاط وخرج هو وياها مشادين تاني بنفس الريتم وكلشي كيشير ليهم وهوما كيشوفو قدامهم واضحكو فرحتهم بوحدها
جلسو بلاصتهم متبعيين الحضور وهاد المرة الصويري والحاج عبد المغيث لي كيغنيو بجوح فموال زويين فيه الحركة وكلشي واقف كيضرب معاه..عازدات بدلات لبسة خرا باكسسوارات جداد وماكياج جديد ولقات الشيخات لي كيغنيو واضربو واضورو على الطبالي اجمعو الغراما
بدلات توبة للمرا الثالثة الفاسية لي جاتها ثقيلة وسيدي محمد لبس جلابة بيضة والبلغة الصفرا😍😍😍وغادي معاهت بالمهل تاوصلو للمرتبة
توبة:اححح كتافي تقسمو ففف وابحالا هازا شبكة تصابون بحوايجعا فوق ضهري
محمد:وماشتي انا لي هاد لبلغة كتزلق دروك نجي على وجهي هههههه صبري احبيبة راه كتجلسي بيهم هي شوي وتنوضي
توبة:نعل جدي أنا لي تنقلب على لعرس اما نمشي بعقدي
محمد:ههههه شتي كون سمعتي هضرتي كون دروك تاناكلو الحلوة وتنبوزس فيك كي بغييت
توبة:(عنقها معوكف)حشمت نتgلب عندك ونبربقك هههه
دخلو تاني عبيدات الرما..الطرب الخريبكي كيضربو ودارو طرحهم فاعل تارك تشاركو فيه كاملين اللناس كيديرو الصفوف وامشيو معاهم..صف مقابل مع صف واهزو يديهم للفوق بحالا كيضربو البارود
بدلات عاود ولبسات لبسة الشلحة ومحمد الجلابة والرزة فالبرتقالي فوق الراس مع الخنجر فكتفو..اما هي راه عدلات ليها غزال ماكياجها وزادت ليها بقلم خضر لوشام رسماتو ليها مصروع باش اجي مع اللبسة..دخلو ولقاو لالة تيحيحت ملكة الغناء الامازيغي كتغني بلبستها المعتادة ومعاها بنات كيشطحو معاها وكلشب واقف صحا باغي احرك كتاافو واترعد بحالها..
ضحكات توبة وهي كتشوفهم كيشطحو هاكاك وداوها دخلوعا وسطهم كتشطح هي ومحمد كيحركو كتافهم هي شوي حيت صعيبا الشطحا ويظيهم مشابكا ميتين بالضحك
داوهم لبلاصتهم وحلسو كيشوفو فيهم كيشطحو..عاد ناضت بدلات لبسا لوخرا الشمالية داخلة ومطلوقة اغنية شمالية وهي كتلعب بيديها كي الهنود جابت ليهم الضحك..جلسات بلاصتها وكالعادة فكل لبسة كيتوافدو عليها العائلة اتصورو معاها ومعاه..
لبسات تكشيطة خراا بتاجها الرائع واكسسوارات جداد بعكر مختلف ودخلات مع محمد للقاعة لقات العمارية الكبيرة كتسناها مع العبيد واقفين كي المخزن والنطافات واقفين كدلك كيصليو على النبي وطاهور واقف كيتسناها توصل باش ابدا اغني..بتاسمات تاغرغرو عينيها وتوجهات للعمارية حلم اي بنت نغربية..عاونوها تاصايبوها فيها أما محمد رفض اطلع وخلاتو على راحتو أصلا مكانش وقت للنقاش
الكل واقف كيشير ليها واصبفت ليها لبوسات والسلام وهي كتبادلهم السلام بيديها وتصيفت بوسات لواليديعا لي واقفين كيشريو ليها بلي راها غزالة اما محمد وقف مع الناس كيصفق بيديه واشوف فيها كي فرخانة
فرحتها لا تقدر بثمن داك نهار..بتسامتها متلغاتش بتاتا وهي كضحك لاناس وتصيفت لبوسات..ممصدقاش انه يوم زفافها ليه..
عاودات ناضت بظلات الشلحة ولبسات الصحراوية لي جاتها قتالة ومحمد لبس الكنضورة ااصحراوية وتمو داخلين على انغام سعيدة شرف لي كتغني أغنيتها المشهورة:مااني ماني ماني ماني
لقاو عمارية من الخشب كتسناهم طلعات فيها توبة بوحدها ونفس الحاجة تكررات التشيار والبوساان..
تقريبا جربات جميع اللبساات مخلات تاوحداا..فالاخير قبل البسة البيضة لبسات تكشيطة العرس فالازرق بارد ودارت معاها تاج وخرجات كدور على الطبالي تحت انغام اغنية مكوي بنار ومحمد برفقتها
شادا فيديه هو لي لابس سروال تتوب كري وقاميجة بيضة خاشيها فالسروال وطاوي الكمام وحال صدافي لولين من القميجة..مشادين وكيضورو على الطبالي لي قرب اتحط ليهم العشا وارحبو بيهم واتمناو ليهم شهية طيبة..
وصلو للطبلة لي فيها مها وباها وخواتاتها وجداواتها وعمتها وخوالها زعيالاتهم وكذلك عمام محمد ووالديه وعيالتهم وخواتاتو وعماتو الحاصول كلشي فطبلة العرس كامل..جلسو معاهم بعدما جر ليها الكرسي..وبدا العشا كيتسربا تحت أنغام موسيقى هادية أشهى المأكولات تحطاات ولي تحل ليه الفم من الماكلة كاين..الحلو المالح المقبلات الشوا والدجاج والحم..لي كلاص لعواصر اي حاجة راها محطوطو..الحلاوي المغربية بشتى انواعها محطوطة مع اتاي قهوة اي حاجة
كان التقديم وجودة القاعة على أحسن مايرام وكلشي نااشط
سالاو العشا ناضو تاني رجعو للشطيح وهاد المرا هوما واقفين والعرسان مبشطحو بجوج..شادا فيه وتتشطح الشعبي وتتعوح وهو هي تيشوف بهراتو وبغا يحبسها وحشم اخسر ليها فرحتها ..خلاها على خاطرها..وتاهو تحرك معاها تحت تصفيقات العائلة والصحاب..ولاو كل واحد فجيه وكل واحد كيشطح مع شي فرد من العائلة واتخرك معاه تاداز شحال وجا وقت اللبسة البيضة..خرجات معاه توبة للفوق تاني ابدلو..لبسات الكسوة لبيضة لي كانت هدية من عمات محمد ليها طويلة ومنبتة ومعرية من الفوق ومن ظهر..دخل كل واحد لبيتو بدل فيه ..عاودو ليها ماكياج او بالاحرى نقصات ليها تاع عينيها ودارتو خفيف مع عكر اخف بين ليها بيوضية وجهها..هزات الورد فيديها ودخل محمد لابس كوستيم تاني ببابيون والصباط كيلمع بتاسم فاش شافها هاكاك..قرب لعندها شدها بين يديه زقرب ببطءهمس فوذنها:لم أكن أعلم أن للثلوج منافس في البهااء الا حينما رأيتك
عضات على شفايفها وتشبتات بيديه وتمو خارجين ولاكن ماشي على نغمات الحلوق النكاافي ههه لا نغمات الدبكة اللبنانية لي لقاوهم قدام شومبر كيضربو اللحن المعروف:تت تاناتا تاناتا
تمشاو بجوج مبتاسميم متوجهيين للقاعة لي كيتسناهن فيها كلشي بفارغ صبر..اخر لبسة فالعرس وجا وقت الوداع وكل بنت فدار باها ضيفة..
دخلو بجوج ووقفو ليهم كاملين مع الدبكة داروهم الوسط وبداو المدعويين كيشطحو معاها واتحركو بحال اللبنانيين احركو كتافهم واشطحو تا داز طرح ياسلام
فلحظة سكتات الدبكة وتحنا لي كيضرب باحترام وقال:ألف مبرووك
خرج وتسمع صوت الاغنية المشهورة فالحب ولي خلاتو يجرها بين يدو حاط يد على خصرها ويد شاد بيها يديها لوخرا وكيتحركو على نغمات الاغنية:
🎶🎶كل دقيقة وانتي روحي😍😍
كل ثواني انتة حبي❤❤
فدوة اروح العمرج اني👌👌
اني هم يا بعد كًلبي
على حبك خلي حبي😚😚
خلي نبني حب جبير
حتى كل عام انتة تبقى
حبي الاول والاخير
تريد عمري هاك عمري
هو غير انتة العمر
تريد روحي هاك روحي
وانـتة تأمرني امر
كل عمر وانتي حبيبي
كل دقيقة وكل شهر
عطر لا تهديلي فدوة
فراك ياعمري العطر
انتي عيني الشفت بيه
اني جنت اعمى قبل
ملل جانت كل حياتي
هسة كل يوم احتفل
شكد حلو لو هيج نبقى
كَلب واحد جوة روح
وياك لاخر نفس يمك
لحظة منك ما اروح
ممحتاج لغير حبج
كلشي غيرج ما اريد
عيدي مو كل عام احسك
كل دقيقة وياك عيــد
ياحياتي الي عشت بيه
يا نظر عيني وهواها
لو كَلت مليار احبك
هم قليلة مــو هواي
روحي انتي وعمري انتي
اختصرلج كلهن انتي
حتى من وياي اصفن
يعني مريتي بصفنتي
انتة عيني الشفت بيه
جنت عمية اني قبل
مللت جانت كل حياتي هسة كل يوم احتفل❤❤❤❤❤
كانت حاطا راسها على كتفو وعينيها مدمعيين منساجمة مع الاعنية..هزات راسها شافت موراه ولقات باها واقف معنق توبة بجنب وكيشوف فيها بحزن..مقدرانش تقبط دموعها طاحوو شلال فوحهها..بلا شعور طلقات من محمد ومشات متوجهة عند باها والدموع فعينيها😢😢
بتاسم ملي شافها جايا عندو وعينيه كيبريو بدموع..فرحان ليها ولاكن نباغيش اتفارق عليها ولا تعيش بعيدة عليه..وهذا هو حال الوالدين كيربيو ويكبرو واقريو واسهرو فالاخير كيجي واحد وادي ليهن بناتهم
موعا على راسو تاكانت فحضنو معنقاه وكتبكيي والموسيقى خدامة زادت على مابيها..حضنها وكيدوز يدو على عنقها حابس دموعو فعينيه..وهي تتبكي وتنخصص وتعتق فيه..بغا يبرد عليها وجرها معاه لبلاصة الشطيح وشدها كيشطح معاها وهي كتبكي تمسح بيديها ويعاودو اطيحو ليها تتحبس فيهم تاتعياا..الكل تأثر بيهم ومحمد بقا لور خاشي يديه فجيبو كيشوف فيهم بهدوء عارف معنى اكبر معاه شي حد وفالاخير امشي..لان اميرة خلات بلاصتها عندهم بزااف
فقنت اخر كانت وردة جالسا شادا حنكها ودموعها كيطيحو شلال وشفايفها كيترعدو..كتشوف فيها كتشطخ مع باهت وتبكي وتنخصص تترعد..حداها وفاء كتعطيها الماا تشربها وتسكتها وهي البكية محبساتش منها..
ردات ليها توبة البال وفشلات طلقات بكية عالية كلشي تخلع عليها تاكانت غتسخف وشدها باها مخلوع وكيحرك فيها وهي كتبكي بحالا عندها الجنازة..جا محمد كيزرب شاد فيها لطيح
أما وردة عي شافتها هاكاك ناضت كتعتر فجلايلها وتبكب شداتها عنقااتها مزيرا عليها وتتنخصص معاها متسوقات باقي لا لماكياج لا للشعر..مزيراها عندها وتحضن فيها بجهد..جاها الفراق صعيب..البنت لي رباتها وكبراتها وفرحات بيها وكانت اول فرحة ليها اليوما غتزف لراجل حياتها
محمد:(كيدوز على شعرها بلطف وهي فحضن مها)توبة صافا حبيبة بشوي علييك
كل الصداع لي دوزو بيناتهم اختفى فلحظات ملي حيو بناقوس الفراق مبقاش حشمة من العناق العلني..عنقاتها بحرارة وتتبوس فيها..وكذلك بالنسبة لنعمة لي معارفاش اش كاين هي كتبكي حيت شافتهم كيبكيو..مبغاتش تطلق من خواتها ومن فتيحة لي بقت ليها شوي اطيحوها لريااح ومالين المكان تتبكي وتهرط
وفاء:(جرات توبة من ويطهم معنقاها)هادي من اليوم غتولي بنتي هههه
كتافات توبة تبتاسم ليهم بزز اما محمد واقف كيشوف فيها ومعارف ميدير باش تسكت..شافت فيه بعينين مظمعين ومشات عندو معنقاه وبدات تتبكي بشوي ودميعاتها كيطيحو على قميجتو..مزير عليها وكيبوس رااسها ويسكت فيها..تاهدات شوي
فؤاد:قلبتو لينا العرس جنازة ههه
انور:أرو عليها شي ميزان انشطنا ههه
مراد:أكا اهياا اكاوا
هزات فتيحة يديها دغيا وعينيها كيبريو بالدموع وبدات تضرب معاهم وتبعاتها وردة لي مبغاتش تخلي بنتها تحزن واكليل موراها وعيالات خوالها كذلك..تحول المجمع البكائي لحلقة فجامع الفنا دقايقية محطوطين كيضربو واتناقزو بيناتهم ومكاين هي الله يعطيك الصحة
الكل:واا مرااكش واهيا سبعة رجاال
وفاء:الاه يعطيكم الصحة ههه
سليمة:بلاتي باقي مسالينااش هههه(عطاها واحد من حراس باها جوج قفازات)بما أن هاد جوج دوزو صغرهم كلو فالدبااز والخليان ضاربو اليوم غيعاودو اضاربوو بيناتهم ههه
أميرة:غتفدي دقتك اليوم هههه عطيه للنيف
محمد:ههه نن نيتكم
توبة:(مسحات دموعها)اييه طلقي والله تنورييه اري
الكل:ههههههه
تجوقو عليهم المدعويبن كامليين عمرهم شافو بحال هاد العرس بيه كلشي..لبسات قفازات الملاكمة وتامحمد لبسهم غالب عليه ضحك والموسيقى ساكتا كيتسمع هي هضرة النااس
وبالفعل طلق ديدجي أغنية ديسك حيااتي لي موسيقتها حماسية..كلشي كيصفق وشي كبشجع محمد شي توبة لي جلايلها غيغثروها حيت الكسوة طويلة بزااف
قربات ليه جامعا يديها فوضعية دفاع وهو كذلك كيتحرك حداها حيت عارفها كتهجم بدون سابق انذار..هزات يظيها كضحك وبدات كضربو وهو كيفلت ليها بدون مايهجم عليها كيضحك من تيتو وهي كذلك كتشد فجلايلها وتحاول تضربو ومل مرة افلت ليها كضحك وتفقص وتبغي ضربوو
هزات يديها غافلاه وبغات تضربو لنيفز وهو يتحنا وفانتها ماحسات بيه تاشدها من خصرها معنقها..ضحكات وشدات فعنقو معنقااه
السعادة هي شيء علينا ان نبحث عنه اليوم..لا بل الان لا بل هذه اللحظة..السعادة هي أن أعانقك بحب وان تحتضنني كأنما لا مرأة مرت على حضنك..ان احس أن حضنك لي وحدي
أحببتك لدرجة ان أمك لم تحبك كما فعلت انا..عشقت فيك التفاصيل الصغيرة حتى أبسطها
ذلك أنك انت من علمني عشق التفاصيل الصغيرة
العشق هو أن نتحد معا في وجه العالم ونصرخ حبااا
*****
غنقااتو بجهد مدورا يديها على عنقو وتاهو معنفجها وشادها من خصرها جارها عندو..والكل كيصفر واصفق عليهم وناس كتصور فيهم تتضحك فرحانة ليهم..عصفوري الحب اكتملا
دخلو السربايا جارين طبلة كبيرة فيها حلوة أكبر وطويلة تاع العرس فيها تصويرتهم بجوج مقادا بالاكرييم..ضحكات نوبة بفرحة وبقات كتسنا الطبلة توقف عندها معنقت محمد من خصرو
ضارو بيها كامليين كلشي معاها واقفين على حلوة كبيرة وفيها تصوبىتهم هوما بجوج..تصويرة معنقها فيها من خصرها وهي قريبا لوجهو
توبة:(بخجل فوذنيه)حشمت ههه ويلي مالقاو تا تصويرى هههه كون دارو تصزيرتي وانا عندي عام ميديرو هادي😂😂😂😂
محمد:هههه صافي دابا حلالا طيبا ههه
وردة:ياله قطعو الحلوة الخووت ههه
هزو مووس طويل وشدوه بجوج بيهن وقطعو الحلوة من الفوق تالتحت والغوات والتصفار تا تقسماات..قطعات شوي وعطاتو وكلاتو ووكلها وااباقي تفرق عالنااس
تطلقات اغنية ديسباسيتوو وبداو لي كوبل كيشطحو بيناتهم كل جوج كيشطحو واضورو واضحكو..مبقاو هارفين لاشارف لا صغير كلشب كيشطح وازدح..مكاين هي الله يعطيك الصحة
وجاءالودااع..الوقت لي غتغادر فيه توبة بيتها لبيت الزوجية ولعش الحب ديالها باش تاهيا تبني حياة جديدة ودير وليدات
جات وفاء عند وذنها وقالت:حبيبة طلعي بدلي عليك خصنا نمشيو
تلغات بتسامتها وقالت:واخا
شدات فيه كاتما حزنها وشافت فعائلتها كانها كتودعهم وخرجات مع محمد طالعين للفوق وكتنهد مهضرااتش..وتاهو محكرش عليها عارف واخا ماعارت لش يقول مغيبدل والو
وصلات للبيت فاش كتبدل عاونوها فلحمام تبدل وخرجات لابسا سروال دجيين وتيشورت بيض مرخي من جيهة صدر مع كولي ديالها كيف ديما ديال باها..جلسات فكرسي وغزال كتمسح ليها الماكيااج وتحيد ليها الشفار وفكات ليها المشطة طلقات ليها شعرها ونقات ليها وجهها من اي برودي..خلات وجهها نقي مافيه نقطة تالماكياج..دارت ليها كريم مرطب وقالت:صافي ساليت
توبة:(بحزن)شكراا بزااف(سلمات عليها)عذبتك
غزال:مدرت هي خدمتي..مبروك علييك
توبة:لهلا يخطييك احبية
خرج محمد من بيت اخر مبدل هو الاخر لابس تيشورت ودجين وسبرديلة وقال:صافي أحبيبة واجدة
توبة:(دمعو عينيها)اه
محمد:(تنهد)واخا تخليونا بجوج واحد شوي
بتاسمو وخرجو مخليينهم بجوج قرب جيهتها وكيشوف فوجهها لي عامر حزن..ملحقش اوصل لعندها تاكانت الدمعة طايحا من عينيها مسحاتها بزربة..وهو يشد يديها بجوح حتاضنهم بحنان وباسهم وقال:علاش كتبكي؟؟
توبة:مسخيتش(طاحو دموعها)مقدرتش نتفرق معاهم اهئ اهئ(طاحو دموعها)مقدرتش نبعد على ماما لي موالفا تتفيقني بيديها الحنينة وبوساتها تصبااح وحتى بابا لي هءهءهء ديما داير ليا الخاطر وكيلعب معايا واضحك معايا واخرجني..ولي حليت عليها فمي كتحضر (نهارت بالبكا)ولولو ونعمة لي ولفتهم واخا كنضارب مع ديك الحولة ولاكن راه عزيزة عنديي بزااف نعطيها روحي الى بات اهئ اهئ اهئ ونعمة الحنينة اهئ ىهى الحنان كون كان بنادم لي كنمرض انا وياهل دقا دقا(شافت فيه كتبكي)عرفاي نعمة الى مرضت كتمرض وتانا 😭😭😭بيناتنا واحد اللعبة فشكل بحال تواام هؤهءخء وجدا (ضحكات)هه جدا فتيتوح لي تتفيقني بالق يص والنكير والصداع عرفتي ملي كنت صغيرة هي لي تتعلمني نضرب دقا المراكشية هه..اما الميمة زهرة واه هههه عقل ليوم وغدا تنسااك هه(عنقاتو)غنتوحشهم بزااف وغنتوحش مرااكش كثر..وتا خوالي لي هازين لي هبالي هءهءهء وخالتو لطيفة الضريفا لي مكتخسرش ليا خاطري
محمد:(عنقها مبتاسم كيدوز على شعرها)سمعيني أحبيبى لحياة هاكا دايراا..اليون هنا وغدا لهيه(بعدها عليه وشد وجهها بين يديه)تا أمريكا زوينة وغتولفي فيها دغيا..غتقراي فجامعة زوينة وكبيرة وغتعجبك وغديري صحاب جداد تما نتي ميتخافش عليك دغيا تديري بلاصتك وسطهم..وكاينا ماماك وفاؤ كي تتقولي وسليمة بقاي نمشي معايا لي كونصيخت لي كدير وانا راه كنمشي هي 8 سوايع للخدمة وكنجي..وشي مرات ياله معايا كااع..كنواعدك غتكون حياتط زويينة تماا ومغنقصرش من جهدي معاك(باس راسها بوسة طويلة)
توبة:(بردات شوي)عندكم لاصال تماا؟؟
محمد:هه اه وكاين تا فين تلعبي البوكس ولا فيا أنا(حل ذىاعو وهي تلاح عليه)ههه
توبة:أصلا كون مكنت تنبغييك gاع منعتبها معاك هههه
محمد:هههه عارف ياله نزلو
شدات فيديه مزيرة عليه ونزلات معاه لعندهم هوكا لي كانو كيتسناوهم لتحت هي شافت وردة كتبكي على وفاء وكتقول:عفااك اوفااء تهلاي ليا فيها..شوفب عارفا فمها خاسر ولاكن راه حلوة😭😭😭وgلبها بيض اهءهؤهؤ حنيينة والله واخا مهورة
وفاء:(عنقاتها)غتوصيني على بنتي ههه راه كابرا gدامي وعارفاها كي كابرا وكي دايرا
وردة:تهلاي ليا فيها😭😭😭
بكات وردة تاشبعات وتوصي وتعاود واخا عا فا وفاء دريويشة وضريفة غديرها كثر من بناتها حيت على طول سنين المعرفة معمرها تخاصمات مع وفاء ولا تناقشات معاهاديما القلب الحنين والمعاملة الزوينى
فؤاد؛وااه واهه درتو لينا جنازة(جر عنق توبة ودارها تحت باطو)مغتملييش انا نعوض بلاصة هاد بااك لي من صباح وتتي كتبكي عليه ههه هو مزال مزيرك انا نطلق ليك اللعب هههه
سليمة:(شدات على كتف خوها وضحكات)كنقدم ليكم بوطو ديال ضوو ههههه مزوجا بيك ولا بيه ههههه
أما خواتاتها لصقات عليهم تتبكي وتبوس فيهم كأنها كتشبع منهم واخا راه مغتشبعش
شد فيديها محمد وخرجو لبرا فين كاينين الطونوبيلات كثار كيتسناوهم حيت غيدوزو ديركت للمطار..تسالمات مع خوالها وتبوس فيهم وكذلك عمتها وزهرة وفتيحة لي تتبكي وتمسح بالشال وجدها لي مسكين تيبكي ..تمتم ببعض الكلمات فوذنيها بتركية:كوني حسن من مك وبرهني ليا بلي قادرة تكون مرا حرة
بتاسمات وباستو وقالت:غتبقا تجي عندي
الجد:وقتما سنحات الفرصة نجي عندك
توادعات نع الكل ووقفات تتشوف فباها ومها بحزن والبكا غالب عليها..كتعيا تحبس فيهم فلخر اخرجو..جرات عندهم عنقاتهم تاني ودموع الساجدي طاحو على لحيتو كيمسح فيهم واعاود ولاكن عياو اتخباو وخرجو..عنقااتو ومسحات على لحيتو وقالت:سمح ليا الى جرحتك ولا قلقتك شي نهار
الساجدي:سيري الهبيلة سيري ههه
شدات فمحند ومشات كتمسح دموعها وتنخصص طلعات فالاوطو معاه هو لي سايق وااباقي فسياراتهم تسد الباب وبقات كتشوف فيهم عاضا على شفايفها وتتبكي..صيفتات ليهم بوسة كبيرة ليهم وكتشير بيديها فحين محمد طلع حداها وديمارا الاوطو لي تحركاات فاتجاه مطار المنارة
تقادات فبلاصتها وحنات راسها تتبكي فصمت كاتما شهقاتها وعينيها تنفخو بالبكا..مد محمد يدو ليديها وشدها بين يدو كيحك فيها وعين عليها وعين على الطريق وقال:صافا حبيبة(هز قرعة تالما)هاكي شربي
دازت مسافة الطريق فصمت مهضراتش نهائيا كتفات تفرج فالمدينة من زاج كتودع مدينتها الام..مدينة اابهجة فاش كبرات وضحكات ودوزان اجمل واصعب ايامها
***
ماحسات على راسها تاوقفات السيارة وكذلك السيارات لي موراهم لي فيهم فؤاد وبناتو وراجل اميرة وكذلك سليمة..نزلو فحدا الطائرة ديركت باقي العائلة بتكاشطهم وكلشي..دوزو اجراءات خفيفة وطلعو للطائرة الخاصة بعائلة الكلاوي
توبة:(دورات عينيها فلبلاصة)واش طيارة خاصة
محمد:(بتاسم ليها)اه ديال الواليد
دخلات معاهم وكلشي مبتاسم فوجهعا
وفاء:بغيتي ترتاحي احبيبة الطريق غنكون طويلة
توبة:واخا
محمد:أجي معايا
جرها معاه للبيت فالطائرة وقال:تبغي تنعسي
توبة:اه عييت والله ورجلي محاساش بيهم ..لبست الطالون ليوما بزااف
نزل الساجدي بوجه كئيب حل لباب لوردة لي باقي كتبكي وتشهق متقبلاتهاش انها تمشي..عنقها بيد وباس راسها وقال:صافي احبيبتي صافي
وردة:ءهءهءهءهءهءهءه توحشتها من درووك
الساجدي:ههه سنة الحياة
حل لباب لاكليل لي تاهيا تتبكي وتعاود هزات ختها لي نااعسة ودخلو للرياض كاملين طلعو للفوق كلها لبيتو
وردة:(بصوت مغنغن)اكليل دي ختك لبلاصتها بدلي ليها عفا بنتي ونعسو انا راه بيتفرgع
اكليل:واخا أماما(باستها فحنكها)بونوي
وردة:تصبحي على خير
شدات فالساجدي ومشاو لبيتهم هي دخلو تلاحت كتبكي وتشهق وهو كيسكت فيها تابحرا ماسكتات..ودخلات لاحمام تبدل عليها هو كذلك..دخل بدل ودوش وتوضا وخرج اصلي ركعات قبل ما ياذن الفجر..
شافها لبسات بيجامة تالنعاس ومشا لبس فوقيتو وتوجه للقبلة كيصلي تحت انظارها هي لي عارفاه محروق عليها ومتعلق بيها او بالاحرى ببناتو كلهم
شاف فيها وفحماسها وضحك وخرجو من البيت لقاو باه ومو وخواتاتو وراجل أميرة وأشرف واقفين ومبدلين عليهم
توبة:سم الله الرحمان الرحيم امتا بدلتو؟؟
وفاؤ:ههه هنا ههه
توبة؛ايييه ههه
أشرف:مرحبا بمرات خويا معانا فأمريكاا
توبة:هههه الله يحفظك أعشيري
ضربها محمد على راسها بخفة وقال:ههه تجمعي
توبة:معقد
فؤاد:خليك منو هو لي معقد وشوفينا حنا لي كوول
أميرة:هههههه احححح كون ني متزوجتش تا جيتي فلت عليا كلشي
سليمة:غنروبلوها هههه
فؤاد:زيدووو نزلو
خرجات عائلة الكلاوي من الطيارة وضرب فيهم برد الصباح الكاز على إثرو تخشات توبة فمحمد مستشعرا من البردوقاات:اححح الكز أشاوا هادشي
محمد:(عنقها بيد ودوز يدو على ذراعها)الصباح كيكون برد قااسح..تانتي ملابساش مزياان
توبة:ففف وتانتا
محمد:انا مولف هههه هاهوما طوموبيلات غنطلعو وتدفاي
وبالفعل توجه كل كوبل لطوموبيل لقاو رجال الكلاوي كيتسناوهم رحبو بيهم وطلعو للطوموبيلات..
تحركات الاوطو دياال محمد ولي هو لي سايق فاتجاه فيلا الكلاوي..شد يديها بيدو وحطها على فخدو وقال:اش gلنا هه
توبة:اه نسيت ههه واو(كتشوف من شرجم)ناري شحال فنة هاد المريكاان😂😂😂😂
محمد:المريكان هههههه زينة وزادت زياانت بييك
توبة؛ههههه غتضورني يااك
محمد:معلوم نرجعو من هاني مون ونخرج حبيبتي فينما بغاات
توبة(باستو فحتكو)احح عليك
محمد:شهدي على رااسك هههه
توبة:بنادم منوي ههه(شافت من شرجم)زوينة امريكا..فين جات الفيلا
محمد:فالخرجة شوي
توبة:بحال لي فالرباط؟؟
محمد:تنوصلو وحكمي
توبة:واخا ههه
بقات كطل من الشؤجم وتشوف الدولة الضوئية لي مكتنعسش..تادخلو وسط الشجار كثار فيهم الفيلات بزااف وبين فيلا ولوخرا مسافة ماطويلاش بزااف..وأخيرا وقفو قدام باب حديدي طوييل قدامو مجموعة من الحراس هي الافريقي على خوه مكلضمين لابسين الكوستيمات والكرافاط ..شافو طوموبيلات ووقفو مصافين كيحلو ليهم الباب والاوطو لي دازت كيحييوها
شافت فيهم توبة بغرابة وقالت موجهة كلامها لمحمد:هادو بيتوهم للعيد الكبير
محمد:(ضحك)هههههههههه لا هادو لكارد تا سي فؤاد
توبة:واهلي هههه أش هذا بنادم ضخم كبير وهبيل الى وقفت حداه بيطويني على ربعة ويديرني فطنجيى ههه
محمد:ههههه لا لا ضريفين
توبة:ممم ولاش دايرينهم؟؟
محمد:الامن وصافي..متديريش بالك مع هادشي
دخلو مع اابوابة الرئيسية وسط ممر دايرين بيه شجر بحال شي جردة..والضواو شاعليين معمريين الجردة..مسافة مابيهاش وقفو طونوبيلات كاملين فالباب الفيلا الكبيرة ..نزل محمد وحل ليها لباب شاد فيديها ونزل الكل كذلك وهي كتشوف فشكل الدار
وفاء:(عنقاتها بجنب)مرحباا بيك فداارك
توبة:ههه علاه هادي داار هههه زوينة جردة
سليمة:هههه كنتريني فيها
فؤاد:مرحبا بيك ابنتي..
توبة:شكرااا ههه
تحل لباب وخرجو منو العديد من الخدامات هازين صينيات فيهم الحليب والتمر بتاسمات توبة وقربو لعندها..نطقات وحدا ننهم:مرحباا بيك
توبة:ههه مغربية ههه منين فالخوت
..:من مكنااس مرحبا الالة
توبة:ترحب بيك الجنة ونعايمها ههه(طغمات من الحليب وكلات تمر)شكرااا
تا محمد دار المثل ودخلو للفيلا لي كانت هائلة بتصميمها وديكورها الرائع والفراش الفخم..
توبة:اييي زوييينة
محمد:ياله تشوفي لبيت
وفاء:غتكوني عييتي واخا نعيتي سيري احبيبة رتاحي وهي يصبح الحال نفيق بنتي تفطر
توبة:احفظك أتوتا
أشرف:انا طالع ننعس
فؤاد:(جر وفاء)تصبحو على خير هه
سلينة:مكاين لي يجرني اللهن نمشي رااسي ههه
جر محمد توبة لجيهة سانسوور دخلو ليه أول ماتسد الباب لصقها بشوي معاه تاشهقاا حيت خلعها وقال :تووحشتتتك بزااف
توبة:ههههه واعاد كنا بجوج
محمد:موحش حواايج خرين ههه(باسها بوسة حارة)دابا نتي لي أحح عليك
توبة:ههههه راه حشومة أهيا
محمد:هانا غنوريك خشوومى ههه
توبة:ههههه
خشا راسو فعنقها كيبوسها ويهرها بلحيتو بلا يديه لي كيهروها فكرشها كيخليها ترطا بين يديه وتبقا تكركر عاجبها الحال
توبة:ههههههههه أي اي لحيتك هههههه لا لا زgا راه كرشي هههههههههه
توبة:(ضحكات وهي تتلعب ليه فسنسلة فعنقو)ههههههن اوا اش بنديير هادشي لي عطا فيا الله هههههه الى خيابيت مغتبقاش تتبغيني
محمد:ههههه(باسها ففمها)خيابي ولا زياني أنا بغيت ton coeur هو لول قبل من زيين..بغيت ضحيكة والفشوش والعصبية والراجل لي فداخل ديالك ههه بغيتك كلك حيت مصعورة وحنينة
توبة:هههه وزعما الى خيابيت تبقا تبغيني
محمد:خيابي فعينيهم فعينيا غتبقاي ديما زيينة
تحل سانسور وهو يغفلها وهزها بين يديه وقالت:أهيا ويلي حطني هههه
محمد:هههعه اش كتاكلي هاا..ثقييلة هاا
توبة:(غوبشات )ومالنا غلى سبان دروك
محمد:ههههععع الماكلة كلها كتنزل ليك فترمة والصدر خصني نحمد عليها الله هههههه
حكايتنا الجزء 43
محتوى القصة
التنقل بين الأجزاء