جنتي الجزء الثاني

ركبات شغف فالسيارة أثار انتباهها جو السكووون لي مخيم بين تاجالدين و ريماس .. شافت فيهم بزوج كل واحد سارح عجول لاخرة و كيخمم شافت فخوتها ..

شغف .."دوات بهمس "... مالهم!!

ايهم .. شكون عرف ..!!

شغف .. واش مخاصمين؟؟

ايهم ... ولا مانضنش ..نزلو هكذا!! 

شغف.. اممم..و حنا مالنا 

تكات على كتف خوها تا وصلو للدار طلعو كاملين كل واحد لبيتو ..شغف حاسة بحاجة ماهياش غير من طريقة ريماس .. لي كانتفحال لا كاتهرب من عينيها .. اما تاج الدين بقا غا ساكت و كيخمم .. رجعات للجردة تا شافت الكليب و طمأنات ان الكارديان عطاع الماكلة ديالو و رجعات للفيلا ..دخلات لبيتها بدلتت حوايجها ..لبسات بيجامتها شورط قصير و دوني ديالو ديال الحرير بالأسود غسلات وجها من المكياج و جمعات شعرها بطريقة عشوائية ..و اتصلات بصاحبتها ..

شغف ..نعستي السليعفانة ..

ريم .. و الله لسة .. ..كانتفرج فتوايلايت سااگاا ..

شغف .. داك الفيلم قدااام و حماااض ..بففف ..

ريم ..فعيني غايقى اجمل فيلم ..اححح على ادوارد ديالي .. 

شغف .. اوا الله يعطيك شي مصاص دماء فين يغبر نحاسك ..

ريم .. ههههههههههه اللهيمسخك ..ااه كي دازت العراضة.. فوجتي!!

شغف .. لا تصدقي شكون عرضنا؟؟

ريم .ميين ..

شغف .. صطيطيف .. ههههههههههه ..

ريم ... داك الزين كاامل و صطيطيف ..شكون بحااالك اختي غا الشوفة فعينيه غاتنسيك همون الدنيا .. ولا ديك اللحية المرتبة كثر من سنين عمري .. لا و لاا ..ال

شغف ... اللقوة اللقوة .. انا لي حمارة متصلة بيك ..

ريم .. ههههههههههه ناري صافي صافي هاك افمي ..

شغف .. يا ختي مابينزلييش من زور اش ندير ..!

ريم .. ديري راسك بندير .. ناري عليك يا ختي عطي فرصة لراسك ..

شغف .. مع من؟؟ مع واحد باغي يدير معايا علاقة .. واش عرفتي شنو هي علاقة .. بالمفهوم المغربي المحض .. هي المصاااحبة .. السوم كانبغيك و غدا يالله معايا نفرجك على الدار .. سمحي ليا حنا ماشي ديال هاد الطريق .. انا داك السيد غرامياتو كيدوزو قدام عيني فالجرائد الإليكترونية .. بقيت ليه غا انا فالحساب و يكمل جامعة الدول العربية صافي ..

ريم .. ههههههههههه قتلتيني بالضحك .. اصاحبتي نتي شرطي عليه من الاول ..

شغف .. شوفي الى مشات العلاقة تا بدات منقدروش نديرو لها شروط ..!

ريم .. اممم و الى خطبك توافقي؟

شغف .."بضحكة رنانة" ههههههههههه ههههههههههه من نيتك .. مصطفى شرف يتزوج .. مسمينو غا كزانوفا من نيتك .. انا ملي رفضتو ماعاودش رجع يخدم معايا ..

ريم .. بالحق ديك العراضة لاش ؟؟ اممم ..

شغف .. مانعرف كانضن جدو بغا يتعارف مع بابا .. اسلا كلامي كان خفيف معاه اليوم .. يخخ سلم عليا بلا بيز خلا فيا ريحتو ..

ريم ..مجاوبتيش على سؤالي ؟؟ 

شغف .. لي هو!؟

ريم .. هووف الى خطبك واش غاتوافقي؟؟

شغف .."جا فبالها رائد و نفضاتو من افكارها" مكانفكرش فالزواج صراحتا .. 

ريم .."تعدلات فجلستها و ربعات" يعني ناوية تبوري عند باك؟؟

شغف .. هوووف منك ..انا دابا كانفكر غير فخدمتي ..

ريم .. "تنهدات بقلة حيلة" سمعيني .. نتي ختي ماشي غير صاحبتي ..شفتي الحية كاتمشي و العمر كيفوت .. سنة على سنة كانكبرو ..!! و العمر عمرو غايتسناااك .. دغية عشر سنين دوز و تلقاي راسك بدا الشيب كيشق طريقو فشعرك ..اما الخدمة .. لي مادرتيهاش اليوم تعوضيها بالضوبل غداا .. فكري فرااسك بعدا .. راه كيقول لك اللهم ارحمنا عااد الرحم والدينا .. و جمعي راسك ..و نساااي الماضي ..

شغف .."قاستها هضرتها بالحق قلباتها ضحك" هاي هاي هاي ولينا نتفلسفو طززز ..

ريم .. ايه بنادم مكيبغيش لي يقول ليك الواقع كيبغي غا لي يضحك لهبالو ..

شغف .. و اللله العظيم اني ندمت على هاد المكالمة لي خسرت عليك ..

ريم ..اروحي تق**

شغف .. انا لي استاهل متصلة بيك .. 

ريم. . اييه باش تحرقي دم امي ..

كملات شغف مكالمتها مع ريم و المكالمة كانت كلها مضاربة طبعا كيف عادتهم فهاد الوقت كانت مناقشة من نوع آخر فغرفة تاج الدين و ريماس .. 

ريماس .."تكات حداه بعد ما بدلات حواءجها لشوميز و بينوالو ..و طلقات شعرها لي قصاتو على شكلكاري قصيرة حد كتافها" فاش كيفكر حبيبي. .!

تاج الدين .."حاط يديه تحت راسو و كيخمم'' راك عارفة اش لي شاغل بالي ..

ريماس .."تكات على جنبها حداه .." لاتقوليش موالق!!

تاج الدين ..ماقلتش موافق لكن مكانشوف تا سبب يخليني نرفس و زيدون هذا قرار بنتي ماشي ديالي..

ريماس .. و الى كان حد اخر فقلبها!!

تاج الدين ..قالت لك شي حاجة ..!؟

ريماس ..لا !!

تاج الدين .. اوا !؟ يعني خصنا نعرضو عليها الموضوع .. و القرار ليها سواء وافقات ولا رفضات هذا مغادي يغير تاحاجة..

ريماس... تاج الدين .. من ديما هاد الموضوع مكانبغيش نجاكرك فيه بالحق من حقي نعرف؟؟ اولا لا ..خمس سنين فاتت على هادشي يمكن كان خصني ندخل من النهار الاول لكن فضلت نبقى بعيدة حيت نتا طلبتي مني هادشي .. قلتي لي خليني نتصرف مع بنتي.. و خليتك بالحق تا انا من حقي نعرف !

تاج الدين ...''كيدور فالسبحة" ااش بغيتي تعرفي!!

ريماس ..شنو لي خلاك كاره رائد و نتا كنتي دايرو فحاال ولدك!! مافهمتش اش سبب ديك التغيير لي طرا لك .. انا متأكدة انو كين سبب ..ايه خايف على بنتك و هذا ماشي مبرر يخليك تفارق بينهم بديك الطريقة تقول عمرك بغيتي .. نتا نهار بغيتي ماعقلتي على تا حد ..

تاج الدين .. ههههههههههه كين فرق بين حبي ليك و بين التخربيق ديال الصغر ..

ريماس .. اويلي شمن تخربيق ديال الصغر!! واش نتا عارف بلي لحد الان بنتك مزالة كاتبغيه؟؟ فاتت خمس سنين و مزالة كاتبغيه؟؟ واش هي باقة صغيورة!! راه كبرااات اتاج الدين هذا كيعني انه ماشي غير حب طفولة .. 

تاج الدين .."عقد حواجبو'' هي لي قالت ليك هاد الهضرة؟؟

ريماس ..ماتحتاجش تقول ليا اتاج الدين باش نعرف بنتي كانحس بيها بلا ما دوي حيت تا انا فاش كنت فعمرها كنت كانبغي و نهار تفارقنا كانت روحي غاتزهق ..!! قول ليا غير لاش درتي هاد الحالة و هو ولد عمها يعني ماغاديش يآديها . 

تاج الدين .. اوا سمعي الالة علاياش داير انا هاد الحالة.. من صغرهم و عاااارف واش كينة شي حاجة بيناتهم .. و هادشي كنتي نتي و هاجر كاتحاولو تخبيوه عليا .."طلع فيها حاجبو" كينة ولا مكيناش!!

ريماس .. "كادور في عينيها" هاا .. هااء .. 

تاج الدين .. هاء هاء .. ما علينا .. هادشي فالاول واخة مضايقني و مصدعني فراسي ولكني كنت كانقول مدام هو بعيد عليها فالمدرسة و كيجي غا فالعطل اذا ماعندي مناش نخاف و هوما تحت عيني .. .. عام على عام دراري كيكبرو ..و انا ديما حاضي و مراقب .. تال النهار لي غادي نعرف ان رائد كيشرب .. كيتحشش و الطاااامة الكبرى انو تعاشر مع شي كمامر العياذ بالله ولا كيمشي معاهم لشي دار .. و معاهم البنات ..من حقي نخاف على بنتي ولا لا!!!! هااا ؟؟ و المصيبة انو كبر.. ماشي ديال واحد تمشي ضربو و لا تنهيه .. يعني فاات ديك السن لي ممكن يخاف مني فيه ..تصوري لو كان قال ليه راسو يدخل بنتي معاه تا هي تولي تشرب .. و لا دير المخدرات .. تصوري لو داها لديك الدار لي كانو كيترددو عليها هو و ديك الرباعة تالشماكرية!!؟ واش مامنحقيش نخاف على بنتي!! 

ريماس .. "طولات فيه الشوفة" .. من حقك .. ماعندي مانقول ولكن مانضنش رائد كان ممكن يدخلها لديكشي ولا يآديها بيه .. انا اكثر وحدة عارفاه شحال كيعزها ..

تاج الدين .. "ابتسم بالجنب '' وااخة الالة ..و نهار عيد ميلادها. . نهار حصلتو مقنتها كيشلقم فيها!! شنو هذاك ماشي كان كيجرها للحرام !! بنتي انا تولي داخلة فالحرام و الزنى !! لو كاان تيخاف عليها كيف قلتي .. ماغايقيسهااش الا فالحلال ..!! اولا لا ..

ريماس .. "تنهدات .. عندك الصح .. بالحق .. فاش خرج من المغرب راه تغير .. و نتا براسك قلتي ولات هو عندو شركة و خدام على راسو .. يعني تبدل ..

تاج الدين... و انا فرحان الهادشي!! هادشي كلو درتو حيت بغيتو يكون راجل .. اهم حاجة ان داك المشاكل لي وقعو خرجو منو راجل داها فراسو و بعد على الملهيات ..

ريماس .. داكشي غا شغل المراهقة اي واحد يقدر يطيح ففيه ماتساش محمد رضى كيف كان و كيف ولا و هاهو مزوج دابا و والد علاش نهار مشيتو تخطبو لو اية ماقلتوش تا نتوما حقا كان مدمن!! 

تاج الدين .. هذه حاجة و هذه حاجة .. و زيدون رائد ولد خويا لنفرض دار لبنتي شي حاجة اش غاندير ليه انا غانقتلو غانلتجئ للمخزن و فهاد الحالة شكون غايخسر علاقتو مع خوه .. انا .. !! واش فهمتي!

ريماس .. ايه على اساس علاقتك بيمن دابا ماتهزاتش فاش بعد عليه ولدو واش راك عارف شحال هادي ما دخل للمغرب .. الى مامشاش هو يشوفو رائد ميجيش ..!!

تاج الدين .. حيت قليل الاصل ..😡

ريماس .. اووووف😑😑

تاج الدين ."جرها من شعرها" شتك كاتأففي عليا مانخافوش!!

ريماس .. حيد عليا 😑..صافي الله ينعل لي بغا يتناقش معاك ..حيد عليا

تاج الدين .."جرها و عنقها بذراعو" انا عارف اش كاندير .. غير فوتي هادشي كيف ما مادخلتيش نهار الاول تا دابا ماتدخليش خليك بعييعدة و خاطيك صداع الراس ..باغيك ديما مرتاحة ..😉.. انا يمكن نكون غلطت فشي حوايج بالحق من خوفي على عائلتي كاندير هادشي .. نتي غييير تاااحي ليا ..

ريماس .. مانعرف كي غاندير لهاد الراحة و بنتي ..اووف...

تاج الدين .. بنتك الى تزوجات بمصطفى .. كوني اكيييدة غاتكون مرتاحة. . اما رائد .. بدا حياتو تما مكانضنش واش مزال كيفكر فيها ..

ريماس .. الحمار .. حتى اتصال ماقدر يخسرو عليها ..

تاج الدين .. اوا شتييي ...باش نقول ليك غا حب مراهقة هداك ..و عو نسااه ..

ريماس.." مامقتانعاش بهضرتو" امممم ..نعس نعس .. 

بقا كيخمم تا داتو عينو اما ريماس ..عقلها كان مشغوووول ببنتها ..و خصوصا انها كي شافت مصطفى ما حملاتو ما رتاحت ليه .. دورات هضرة تاج الدين فراسها و ماقنعاتهاش و تا فكرة ان شغف غاتزوج من مصطفى لا وافقات روبلاتها فراسها ..ماقداتش تنعس تسلتات من بين يدين تاج الدين و هزات تيليفونها .. خرجات للبالكون و سداتو عليها .. تنهدات و خذات تيليفونها دورات نمرة ..

ريماس ..الو .. رائد ..

رائد .."كي شاف سميتها كانرن فتيليفونو حس بقلبو قفز في ساع جاوبها''عمتي ريماس !!!!!!!!!

ريماس ..'' لوات فمها لجنب" الحمد لله مزال مسجل نمرتي عندك ..

رائد .."معبس .." ااش هاد الهضرة كاتقولي اعمتي زعما نقدر نمحيها!

ريماس .. اوا مانعرف كيف محيتي بزاف تالحوايج من ماضيك .. قلت يمكن محيتيني تا انا.. و شغف ..

رائد .. عمتي ..!! شنو واقع ! شغف بيخير ..

ريماس .. شغف الى مالحقتيهاش كون اكبد غايديها غيرك ..

رائد .."انكمشات ملامحو" كيفاش!!

ريماس .. ماغاديش نجبد معاك هضرة فاتت لاني غادي نخرج فيك و غانسبك مزيااان .. ولكن لي غانقول ليك هو ان شغف جاها عريس .. ماعرفتش لاش كانقول ليك هادشي ماعرفتكش واش اصلا كاتبغيها ولا لا .. داكشي علاش تصلت ببك .. بغيت نسولك واش مزال كاتبغي شغف ..

رائد .."الهضرة ديالها قلبات ليه مخو " بلاتي بلاتي .. اش قلتي ..؟؟ شغف تخطبات!! كيفاش تخطبات ..؟؟ هاااااا كيفاااش ..''ضرب يديو شتت كاع ديكشي لي فالبيرو .." ..

ريماس ..مالك كاتغوت اش كين ..!! ايه اسيدي تخطبات فحال كي كيتخطبو البنات كاع ولا كنت مفكر راسك نتا لا ماديتيهاش غاتبور!!

رائد .."مالقى ميقول عض لسانو " دابا واش كادوي بالمعقول اعمتي واش هي وافقات ..؟؟

ريماس .. رائد .. جاوبني .. واش كاتبغيها!! نسمعها غير منك باش نعرف شنو غاندير !

رائد .."حط يدو ورا عنقو كيحاول يهدي راسو بالسيف" واش من نيتك كاتسوليني زعما راكي ماعارفاش .. ماعارفاش شنو بيني وبينها!!ماعارفاش شحال كانبغيها!! ماشي كانبغيها كانموت عليها. 

ريماس .."تنفسات بأريحية " و علاش خليتيها لغيرك الحماار علاش مكاتسولش فيها واش عرفتي شحال تعذبات!! عرفتي شحال بكاااات!! عرفتي شحال من ليلة فاقت مخنووقة .. عرفتي شحال من مرة كانت غاتموت !! عرفتي شحال من خطرا جااها ديق التنفس؟؟ كون مكانت قوية و كون ما لقاتنا مساندينها شنو كان غيوقع ليها .. واش عارف بلي نتا اول واحد حلات عليه عينيها .. !! نتا الراجل الاول و الوحيد فحياتها..

رائد .."عصر عينيه بصباعو و كل كلمة كاتقولها كاتزيد تطعن فقلبو " واس عرفتي بليييي راجلك هو السبب !! واش عرفتي بلي نتوووما سبابي اني بعدت ..مابغيتكمش تخسرو مابغيتش الواااليد و عمي على كبرهم يضاربو على ود ولادهم .. كون تمسكت بيها عندبالك راجلك غايخلينا فحالنا ..انافضلت نبعد عرفتي علااش باااش نخلييي بلاصتي زينة .. و باااش نعتق روحي من كلام عمي .. كيحسسني بلي كيمن عليا !!داااكشي علاش بعدت حيت نفسي اناااا فاق اي واحد كيف ما بغا يكون يكون ..

ريماس ..نفسك فوق شغف!!؟

رائد .. "مل ما سمع اسمها كيحس برعشة فقلبو" بنتي هاديك .. شي حاجة ماكينش فحالها .. 

ريماس .. اوا فييق اشفيق غايطيرو لك بيها و تجي تبكي على الأطلال !!

رائد .."دمو حس بيه كيفور" دابا شكون هاد الز....شمون هذا

ريماس .."كاطل من الزاج على تتجالدين واش مزال فبلاصتو"واااا بقا تما تسول فيا تا يديها و حل فمك ..

رائد ..انا متأكد ماغاديش توافق ..

ريماس ..و انا متأكدة غادي توافق الى مشاااا حتى ضغط علبها تاج اادين بالهضرة و قنعها .. حيت من هضرتو ستنتجت بلي موافق ..

رائد .." جمع قبضة يدو " دفنوني داك الساع تقدرو تزوجوها .. 

قطع عليها الاتصال خلاها حالة فمها .. ضارت شافت تاج الدين لقاتو مزال فبلاصتو كيشخر .. رجعات لعندو بلا حس خشات تيليفونها فالمجر و تخشات فتاج الدين على الأقل زارتها الراحة شوية .. اما رائد فحال لا شعلتي فيه العافية .. قطع بيي ديال الطيارة باغ إنترنت و تم نازل مكشكش تا جراتو سهى ..

سهى .. فين غادي .. ويلي ماشفتينيش!؟

رائد .. سهى اله يحفضك زربان ..

سهى .."تبعاتو" مالك؟؟ ياك لباس !! 

رائد .. غانزل للمغرب .. دابا شوية ..!!

سهى ..''فحال لا خوا عليها الما بارد" ..كيفاااااااش ..

رائد .."وقف دار لعندها'' غانزل للمغرب عندي غرض نقضيه !!

سهى .. واش على ود الخدمة!! 

رائد ..لا .. 

سهى .. وعلاش باغي تمشي؟ غانزل معاك!! 

رائد .. لا غانمشي بوحدي!! 

سهى ... و انا ميمكنش نخليك تمشي بوحدك كاتفهام؟؟

رائد .."خزر فيها" بلاتي بلاتي ..!! اش قلتي دابا ..ماسمعتش مزيان فحال لا غوتي عليا لا؟؟

سهى .. "كاتشير بيديها" لالا .. غير دويت بصوت عالي ..

رائد .. اوا عودي تنقصي منو ..و نتي ماشي ولية امري باش تمشي معايا فين ما صديت؟؟

سهى .. انا.. غير ..

رائد .. نتي غاتريحي هنا "شير ليها على مكتبو" و غاتنوبي عليا و اي جديد غاتتصلي بيا و تخبريني بيه مفهوووم .. فاش نوصل غانتصل بيك .."جرها سلم عليها بالوجه" يالله سيري لخدمتك ..

سهى .. "بخيبة أمل" واش تصلات بيك ..!!

رائد .."ابتسم ليهافوق خاطرو" بسلامة عليك...

مشا و خلاها وراه نزلو دموعها و مسحاتهم دغيا باش ميشكوش فيها الموضفين.. غمضات عينيها بالم و زيرات على يديها .. سرعات للمكتب و سداتو عليها مشات كاتجري جلسات فوق الكنابي كاتاكل فخاطرها ..

--سهى ... صافي مشاااا مشااا .. دغيااا مشااا كيجري لعندها .. صاافي .. 

شدات غراسها و عينيها دايزين بالدموع حاسة براسها غاتنقجر ماعرفاتما دير حدها مشات غسلت وجها و جلسات فالبيرو كاتكمل خدمتو لي خلا ..

فاقت شغف على يدين كيلعبو فشعرها .. حلات عويناتها بشويييوش تا شافت الزمردتين قدامها عنقاتها قبل ماتشوفها كاملة ..

شغف .. صباح الحب يا نبع الحنان ..

ريماس.. ههههههههههه صباح العشق يا عمري ..

شغف .. "ناضت كاتكسل" ااخ اليوم فقت معطلة ويلي شكال الساعة .."ضارت هزات تيليفونها كاتشوف الساعة" ..

ريماس .. مزال الحال .. سيري غسلي وجهك ..و اجي بغيت ندوي معاك ..

شغف .. خييير يا امي ؟؟ 

ريماس .. خير ابنتي سيري ديري لي قلت ليك!!

شغف ..اممم اوكي ..

مشات غسلات وجها و سنيناتها و جمعات شعرها بطريقة عشوائية ..و رجعات عند ريماس ..

شغف ..خير يا روحي؟

ريماس ..اش غانقول ليك .. انا اليوم جيت ندوي معاك قبل باباك حيت انا متأكدة انو غايأثر عليك .. 

شغف .. خلعتيني!!

ريماس .. جاو فك الخطاب ..

شغف .."كاتنضف وذنها بطريقة طفولية" ااعع وليت كانسمع غلط واقلة ههههههههههه ..

ريماس ..شووشووو ..ندويو بجدية عافاك ..!!

شغف .. اوووه يعني بصح هادشي لي كاتقولي !! ههههههههههه و شكون هو هاذ تعيس الحض لي امو داعية عليه لي تجرأ و خطب شغف الصقر !!

ريماس .. الناس لي كنا عندهم البارح !! مصطفى شرف !!

شغف .."فحاال لا سرفقتيها'' شنوووووو؟؟ اويلي 

ريماس ..انا عارفااك ماموافقااش داكشي علاش انا دويت مع رائد .. و اكيد هو غايجي .. و..

شغف .."وقفات مجمدة" اااش .. كيفاش تصلتي برائد ؟؟ كيفاش. ..ميمكنش .. علاش تصلتي بيييه اماما علااااااش ..

ريماس .. اويلي الولد كيبغيك و نتي كاتبغيه ..

شغف.. شكوووون قاال لبك كانبغييييه شكووون ..مكانبغيييهش كااانكرهووو امااااما كانكرهو ..علاااش ذليني بهاااد الطريييقة علااش تقولي لو من الاساس ..ااش قلتي ليه عافاك اجييي تزوج ببنتي ولا شنوووو ..؟؟

ريماس .. "وقفات قدامها" هادشي درتو على ودك نتي وياااه .. و انا عارفاك كاتبغيييه بلا ماتحاولي ضحكي عليا !! و درت هاااذشي غييير بااش ميأثرش عليك باباك و تواافقي الحمااارة ..رائد كيبغيك ..

شغف .."سدات ودنيها" سمييييتو ماكااانقدش نستحملهاااا .. مابغيييتش نسمع عليييه تا حرف فهمتي مابغيييتووووش و مكانبغيييهش ..شكون قال ليك تتصلي بيييييه ..

ريماس .."جراتها من دراعها" كاتغوتي عليااا ولا كيفاااش هااا!!

شغف .. واااااماتدخليييش اماما فييين كنتي شحااال هااادي ؟؟ فيييين كنتي فااش كان بابا كيبعدو علياااااا علاش متدخلتيش و منعتيه داك السااااع علاش دابا .. تااا نسيتو اااه انا نسيييتو صااافي مغايرجعش لحياااتي من جديد كاتفهمي لا نتي ولا هو غاتقدرو تأثرو علياااا تا واحد ماغايقدر .. اناااا نسييييتووو و الى نسييتي اااش داااز عليا فااش خلاااني انا نفكرك .. حيت مانسيييييتش فهمتي ماااانسيتش .. و ماغانرجعش لواااحد شماااتة خوااااف .. 

ريماس .."طرشاتها تا تقلب وجها للجهة تانية " تكلمي معايا بأدب الحمارة ..!! على خر يامي وليتي تعلي عليا ضوتك يا خصااارة انا لي كنت ضانة غانرجع لك حياتك و حبك بالحق انا لي حمارة .. 

شغف .."شافت فيها بتحدي" غانتزوج بمصطفى .. و خليه يجي نشووفو كيفاش غايوقف هاد الزواااج .. 

ريماس .. "الجنون طلعو كيشطحو فوق راسها" .. سيري تزوجي بيه انشااالة تولعي بغاز نتي ويااااه .. يخ تريكة ناقصة .. 

شغف .."زمات شفايفها" واااخة دابا تشووفو .. 

نزلات كاتجري كاتقلب على باباها لقاتو جالس فالصالون وكيشرب قهوتو الصباحية .. وقفات قدامو

تاج الدين.."طلع فيها عينيه'' صباح الخير حبيبة بابها "عبس فاش شاف ملامحها مغيرة'' مالك؟؟

شغف .. بابا ..انا .. احم ..دابا ماما قالت لي بلي مصطفى شرف طلب يتزوج بيا ..!!

تاج الدين .. كاطير ديك مك .. قلت لها مادوي معاك فوالو دابا تا ندوي انا معاك ..

شغف ..بحال بحال ..انا موافقة ..!!

تاج الدين .."وسع عينو فيها" موافقة !؟

شغف .. اه ..

تاج الدين .. بينكم شي حاجة من قبل!!؟

شغف .."حركات راسها بنفي" لا لا جامي دوينا فحاجة غير الخدمة .. هو كانحس بيه باغي يتقرب مني مي دايرة حدود بيني و بينو .. 

تاج الدين ..اممم ..يعني نتي باغية تزوجي بيه!! و بلا ماتفكري ؟؟ ..

ريماس .. هو ..انا كانعرف هاد السيد من مدة يعني ماشي عاد مانحتاجش نفكر ..

تاج الدين .. " طلع فيها حاجيو" عاد قلتي مابينكم تا علاقة ..؟؟

شغف .. بابا ركز معايا .. مابيني و بينو تا علاقة .. لكن كانعرفو فالخدمة .. زائد اني غانكون مزيانة معاه انسان محترم و بخدمتو مامخصوصش .. صافي انا قررت ..

تاج الدين .. واخة توافقي نتي يا حبيبتي .. الى ما سولتش عليه و عرفتو اش يسوا مزيااان ماتحلميش نزوجك ليه .."وقف قدامها" اصلا ماساخيش تمشي و تخليني .. يعني لا لقيت عليه شي حاجة ولو بسيطة .. مايحلمش بيك ..

شغف .. بابا بصح هو انسان مزيان .. و انا موافقة .

تاج الدين .. "باس لها جبهتها ماغانزيدك غير مبروك .. ولكن حتى نسول فيه .. 

شغف .."عنقاتو و زيرات عليه" الله يخليك ليا ..

تاج الدين .. تا هو عنقها " يالله سيري تلبسي العمل ينتظر ..

طلعات كاتجري لبيتها لقات ريماس واقفة فوق الدروج .. خزرات و طلعات و نزلات فيها ..

ريماس .."بنبرة فيها سخرية .." توافقتو بيناتكم ..ابنت باها ..اوا مبروك هادشي لي غانزيدك ..و نهار تندمي ماترجعيش تبكي و تشكي عليا حيت ماغاتلقاينيش واقفة فجنبك !! 

شغف .."بغاتتشرحليها" ماما ماغاديش تفهميني .. انا..

ريماس .."حبسات لها هضرتها" ... و مابغيتش نفهم .. عومي بحىك ابنت تاج الدين .. 

نزلت و خلاتها مصمرة فبلاستها .. شافت تا عيات و طلعات لبسات حوايجها و توجهات لخدمتها ..

--------في مكتب شغف---------

كانت جالسة و كاتخمم فلي وقع ليها هاد الصباح سمعات اكفس خبرين فحياتها .. لا هي موافقة على مصطفى لي مكاترتاحش ليه بتاااتا .. و لا باغية تعاود تشوف رائد مرة اخرى .. و فنرها ريماس تسرعات فاش تصلات بيه حيت كان ممكن ترفض تزوج بمصطفى بلا ميتدخل رائد .. لي خلاها .. و مشا .. حتى ماقالهاش لها .. رجعات بذاكرتها لور .. و تفكرات نهار وقع لي وقع و شافهم تاج الدين هي و رائد كيتبادلو القبل ..

_ _ _____(فلاش باك)_____ _ _

كانت جالسة مكمشة فوق فوطوي و كاتشوف فالسرجم ..ما مطيحة من عينها ولا دمعة ولي رجعات كاع لي بيها خباتو فقلبها ..ساهية و كاتشووف فنقطة بعيييدة .. جامعة رجليها بيديها ..حتى دخل تاج الدين شافت فيه و رجعات كيفك انت...

تاج الدين... "وقف قدامها مربع يديه" نوضي وقفي و شوفي فيا 

شغف .."وقفات و طلعات راسها لعندو" ..

تاج الدين .. خاب ضني فيك !

شغف .. بابا نتا ديما عارفنا واش بزوج كانبغيو بعضياتنا علاش دابا كادير هادشي علااش ...

تاج الدين .."ابتسم بالجنب"عارف شت و كنت عارف من الاول كنت غان .. "استغفر الله العظيم من كل ذنب" عرفتي شنو لي قهرني من هادشي كاملو .. تقتي لي عطيتك .. لكن للاسف ماتستحقيهاش ..نتي ماشي ديال الواحد يثيق فيك ..عند بالك دابا ممكن يجي النهار و نولي نصدق كلامك اول تصرفاتك .. هه موحال .. عطيتك الحرية و خلبتك تصرفي كما بغيتي لكن من ديمااش كنت كانقول ليك ؟؟ ياك كانقول ليك لي باغيك غايجي عندباك ..غايتزوج بيك فالحلال ..كانقول ليك علاقاتك مع الولاد في حدود ..هادشي كانقولو على الاغراب تجي طعنيني فضهري ..ولد خووويا اشغف .. ولد خويا ..!!

شغف .."الدموع نزلو من عينيها" شنو فيها لا بغينا بعضياتنا انا متأكدة ان رائد كيبغيني و هو من ديما كيقول ليا غايتزوج بيا .. 

تاج الدين ..لي كيبغي يتزوج ما كيقوولش كينفذ .. كيقول ليك غايتزوج بيك ههه و ماقالش ليبلي غايسافر يقرا و يعيش فامريكا؟؟ 

شغف ..كيفاش .. كك.. كك..كيييفاش امريكا منين جبتي هاد الهضرة ..؟؟

تاج الدين .. طبيعي واحد قاري فمدارس امريكية تا تخرج فين غايكمل قرايتو فنظرك؟؟

شغف .. ولكن ماقال ليا والو .."تجمعو الدموع فعينيها و حلفات ما طلقهم جلسات على الكنابي حاسة قلبها غايخرج من مكانو" ميمكنش يكذب عليا ولا يخبي عليا !!

تاج الدين ..ربع يدو'' علاش مسمكنش .. هههه نتي واش غا قال لك ديك الهضرة ديال ولاد اليوم تيقتيه صافي راه ولا ملاك فعينيك ..؟؟ ها علاش باااغي نبعد على ولاد العائلة هاااا علاااش ولد خووويا حرق قلب بنتي اش ندير ليه دابانحرقو و لااا نقتلو ولا نضربووو و لا نجري عليه ولا شنو ااندير و فكاع الحالااات انا لي غانخسر علاقتي بخويا انااا .. و نتي مدة و غاتنساايه 

شغف .."حطات يديها وجها" لايا ربي نكون كانحلم ..اكيد هو نسا يقولها ليا ياااك ابابا قول ليا غير نسا ياااك ؟؟

تاج الدين .."تنهد و جلس حداها حط يدو على ضهرها " شوفي ابنتي .. نتي مزالة صغيرة .. ديها فالباك ديالك .. حياتك غلتبنيها بقرايتك و مستقبلك .. شوفي ماماك .. داز عليها بزالف تالحوايج نتي معارفاهمش .. و عمرها ماتخلات على مستقبلها و حلمها انها تولي مصممة .. شوفيعا كي كتخدم .. خدمتها هي كولشي .. علاش نتي عادية هاد الاخربيق الاولوية .. انا باستطاعتي نضربك و نحبسك ماتخرجيش من الشومبر ديالك .. ولكن انا بغيتك نتي .. نتي بنفسك تعرفي نفسك راكي غاالطة .. نتي تعرفي شنو ينفعك كانتعصب على كووولشي الا عليك و نتي عارفة هادشي مزيااان مانستهلش منك طعنيني فالنهاية ..؟؟ 

شغف .."هزات فيه عينيها و كل كلمة كيقولها كادبحها" انا مادرتش شي حاجة لي تطعنك ابابا ..!

تاج الدين .. و شنو تسمي هادشي لي شفت!؟ هادي اكبر طعنة ممكن يتلقاها الاب من بنتو!! ..

شغف .."حطات يديها على عينيها" صدقني لحظة ضعف .. انا براسي ماعارفاش كيفاش تا وقع هادشي .. اول مرة تيقني ..!!

تاج الدين ..مايهمنيش واش اول مرة .. يهمني تكون اااخر مرة مفهوم!! اذا حصلت عليك شي حاجة مرة اخرى .. كوني اكيييدة غانكون معاك خايب و لي غاتشوفيه مني عمرك شتيه لحد الان كاتشوفي غير الوجه المزيان .. داكشي علاش حافضي عليه!

شغف .."حركات راسها بالايجاب .."

تاج الدين .. و حاجة اخرى .. رائد نساي ان ممكن شي نهار تكون بيناتكم شي حاجة !! مفهوم ..

شغف .. ولكن ..

تاج الدين .. مكين ما ولكن .. اذا بغيتي باك على اااخر ايامو كلامو يتهرس مانعرف ..!

شغف .."عادو دموعها نزلو " انا 😭... 

تاج الدين .. واعديني .. بحياتي .. عمرك تتجاوزي الحدود معاه من غير انو ولد عمك مانبغييش نسمع ولا نعرف عليكم شي حاجة .. 

شغف ..بابا ماديرش فيا هكذااا😳😭

تاج الدين .. واعديني .. 

شغف .. واخة .. وااااخة هءههءه 😭

تاج الدين .."جرها لعندو باس ليها راسها" راك مزااالة صغيرة و مزال ربي يوريك الطريق لي خصك تمشي فيها هذي غير مراهقة ...

شغف .."طلقات العنان لدموعها فحضن تاج الدين و هضرتو كاااملة ما على بالهاش لي شاغلها هو كيفاش رائد مخبرهاش بصفرو و كيفاش تا قدات تواعد تاج الدين انها تقطع علاقتها بيه ..."

تاج الدين .. سيري رتاحي دابا .. غدا قارية ؟؟

شغف .."مسحات دموعها" لا غدا السبت ... 

تاج الدين .. مزيان باش ترتاحي .."باسها فجبهتها"تصبحي على خير .. 

خرج تاج الدين خلا وراه قلب مهرس من جهة باها و من جهة حبيبها .. تا حد مالقاها كيف بغاها كيف كانقولو هزات تيليفونها اتصلات برقم رائد لكن كان طاف رمات تيليفون و حطات راسها على الوسادة و كانت هادي اول ليلة كاتنعس شغف الدلوعة لي الحاجة لي بغاتها كاتحضر قبل ماتطلبها و دموعها على خدها اول خطرة تعرف معنى الحزن ...

_ _ ______(انتهاء الفلاش باك)______ _ _

غمضات عينيها بألم فاش تفكرات داكشي .. حاولات تنفض الذكرى المؤلمة نن بين عينيها و و اتجهات لآلة القهوة صاوبات ليها فنجان .. خذاتو ورجعات لمكتبها كاترتشف و شادة فراسها تا تفتح عليها باب المكتب ...

غمضات عينيها بألم فاش تفكرات داكشي .. حاولات تنفض الذكرى المؤلمة نن بين عينيها و و اتجهات لآلة القهوة صاوبات ليها فنجان .. خذاتو ورجعات لمكتبها كاترتشف و شادة فراسها تا تفتح عليها باب المكتب ...

مصطفى .."داخل و معاه راجل اخر هاز فيديه اكياس" قلت اليوم نجي نفطر مع شريكتي !! 

شغف .."طلعات فيه عينيها''!! 

مصطفى .. واقلة غير مرحب بيا !!

شغف ..احم ..لا علاش .. ! تفضل ..

مصطفى.."شير للسيد لي معاه يحط الاكياس فوق الطبيلة لي حدا المكتب و ينصرف .." .. فطرتي!!

شغف .. امم صرتحة مزال .. 

مصطفى .. تمااام .. "خرج داكشي لي داخل الاكيس " الفطور ليوم مع اجمل انسة ..

شغف .."بخجل" شكرا ..

مصطفى .. يالله بسم الله .. 

بداو كياكلو فجو مااليه السكاات بالنسبة ليها مامرتاحاش فالجلسة معاه طلعات فيه عينيها لقاتو مبتسم و كيشوف فيها مسند على الكانابي و داير صبعو تحت ذقنو كيدوز بيه على لحيتو ..نزلات عينيعا من عينيه لي كانو كيتفحصوها ..ابتسم من خجلها و تنهد. 

مصطفى .. اكثر حاجة كاتعجبني فيك هي هاد الحشمة .

شغف ..انا ؟؟

مصطفى .. وي وي نتي ..حشومية بزااف ..

شغف .. "طلعات حاجبها" غير كيبان ليك ..

مصطفى ..توتو ..نتي لي كاتباني ليا فقط .. 😉

شغف .. "مسحات فمها" احم .. 

مصطفى .. الواليد بدا عليا لونكيط !! ههههههههههه ..

شغف .."تزنكاع ..". هاا .. علاه!!

مصطفى .. امم زعما مافراسكش ..؟ 

شغف .. "ماعاوداتش ردات ''

مصطفى .. جدي البارح دوا مع الوالد ديالك .. 

شغف ..اه .. عرفت .. اساسا نتا شكون عطاك الحق طلبني من بابا قبل ماتسولني واش موافقة ولا لا!!

مصطفى .. ههههههههههه او ما كنايش موافقة مكانش باك غايسول عليا .. اولا لا!!

شغف .. انا .. 

مصطفى .. لا الجيران .. على العموم انا دابا غاندوز على المصنع نشوف الخدمة كيف فادية و نجي 😉.. بغيتك تعرفي حاجة وحدة .. من نهار شفتك و انا تالف .. جاتني صعبية فالاول ندوي معاك حيت موالف الحاجة لا بغيتها كاتجي لعندي مكانمشيش عندها .. ولكن حيت نتي مميزة و تعجبت فاش رفضتيني .. بالحق من بعد عرفت بلي نتي جوهرة ثمينة .. و الى ضيعتك من يدي غانكون اكبر حمار على وجه الأرض😉 خصوصا انك بنت الصقر يعني تربيتك غاتكون لا يعلى عليها .. يعني نتي انسب وحدة تكون زوجة ديال مصطفى شرف .. زوينة .. انيقة .. لطيفة .. مربية و مخلقة حشومية .. 😉.."ناض وقف و تحنا قرب لعندها" نتي احبيبة انسب وحدة تكون زوجة ديال حفيد عائلة شرف ..

شغف .. نتا غاتزوج بيا حيت انا مناسبة لعائلتك .. 

مصطفى .. هذا سبب من الأسباب .. 

شغف .."ابتسمات بالجنب" هذا اكبر سبب ..

مصطفى .. المهم اني انا وياك مناسبين لبعض .. 

شغف .. قدام الناس ..😊

مصطفى .. بالنسبة ليا انا مناسبة ليا في كل الجوانب .. و كوني اكيدة غاتعيشي معايا اميرة .. 

شغف .."حركات رايها بالايجاب .." ..

مصطفى .. "تحنا عندها باسها فحنكها و رجع وقف مبتسم كيصايب فسترتو" .. نمشيو نخدمو شوية احبيبة ..😉...

شغف .. "حركات راسها بلا ماتشوف فيه .. ", ..

خرج مصطفى خلاها فدوامة مالقات ليها خرووج حطات راسها بين يديها كلتحاول تفكر .. فين غادية ..فين ماشية بحياتها .. و اااش كيتسنااها ..و اهم سؤال .. شنو كان رد رائد فاش خبراتو ريماس بلي غاتزوج .. واش غايجي ..؟؟قاطع افطارها دخول ريم كي العجاجة ..

ريم ..هااااعاار ربي واااش داك الزين كااامل ماعاجبكش .. اح اقلبي تلاقيت معاه حدا الدروج كنت غانتطركب على خنافري 😁

شغف..جلسي السلعة لناقصة .. وليتي لا شغلة ولا مشغلة .. عاطياها غا لتفطاح ..

ريم .. مالك اختي حاسداني .. نوضي نخرجو اصاحبتي تخنقت ..

شغف... حبيبة نتي بيطالية .. انا شااكو؟؟

ريم .. حرام عليك ..نديرو غاالشوبينغ ..

شغف .. عندك الفلوس؟؟

ريم .. وا راه داكشي علاش مصدعاك ..عندي واحد الجدريال فيرساهم لي بابا غايمشيو غا فالخاويات .. 

شغف .. اللهم طولك يا روح .. اش نقول لبابا دابا ..!؟

ريم .. قولي ليه انا لي بغيت نخرجو .. 

شغف .."هزات تيليفونها خبرات باباها لي ماعترضش '' يالله ..

ريم .. "نقزات من بلاصتها'' هاعار ربي !

شغف .. "هزات صاكها و وقفات دايرة يديها على خصرها" غاتنووضي ولا نجلس نكمل خدمتي ..!!

ريم .. "ناضت هزات صاكها .. يالله احبينو ..

خرجو البنات ركبو لسيارة شغف و اتجهو ديريكت للمول دارو تا شبعو صدقات شغف واخدة حوايج اكثر من ريم ماخلات صبابط ما خلات حوايج ما خلت مكياج ..تا تهدو و مشاو جلسو فكافي طلبو ليهم گوتي ..

خرجو البنات ركبو لسيارة شغف و اتجهو ديريكت للمول دارو تا شبعو صدقات شغف واخدة حوايج اكثر من ريم ماخلات صبابط ما خلات حوايج ما خلت مكياج ..تا تهدو و مشاو جلسو فكافي طلبو ليهم گوتي ..

ريم .. الله الله على مابغاتش تخرج .. صدقتي شارية كثر مني ..!

شغف .. اوا اش نظير ليك احبي نتي لي ذوقك صعيب و ماعاجباك تا حاجة ...

ريم .. بفف كولشي قديم .. 

شغف .. اهيا نااري العالم كلو داكشي لي فييه .. 

ريم .."طلات على تيليفونها" .. يا خاي واحد البرهوش فارع ليا مخي هاد اليومين ..

شغف .. هاي هاي على المعجبين ..

ريم .. تي شمن معجبين هذا غا شريت عندو طابليت و خليت لو نمرة باش يتصل بيا لا جاب لي الكولور لي بغيت .. شرييت طاب و بقات عندو نمرتي فارعني بالميساجات كل ساع ثفو ..

شغف .. ههههههههههه اوا شكون بحالك .. تشبعي غا تيليفونات ..

ريم .. سمحي ليا انا طموحي اوسع من كدة باغية زين تركي الخليجي اللبلاني الأردني 😫..

شغف .. كيدرتي ليها هادي؟؟

ريم .."حطات يدها على خذها'' مصطفى باختصار .. 

شغف .. يخ ذكرنا السمن و العسل ..

ريم .. يا ختي سمن و عسل كيتشوب و ميووونيز كريم فريشو كريم كراميل .. المهم شي واحد بحالو و ضافي ..

شغف ..علاه ماشي زين المسرار خطبني ..

ريم .."يالله شربات من كاسها و هي دفلو" اااااااااعع ..

شغف .. "مدات لها كلينيكس " ..شدي شدي .. 

ريم ..هاعااار ربي هههههه ياااك قلتها لك .. السيد باااين باغيك على المعقوول الهبيلة و نتي معفرة على والو..

شغف .. و انا وافقت ..

ريم ..اااه قلبيييم اااه رح يغط على قلبي .. و علاش ما قلتيهااااش ابنت الحرام تال دابا ..

شغف ..ماسولتينيش ..

ريم .. يا خيتي و يااا برووودك غاتزوجي و نتي عاقداااهم هكذاا و راجلك غايكون من اجمل و اغنى شباب المغرب .. اححح 

شغف .."كاتشرب من كاسها ببرود" ماتزيديش فيه .. رصاي الناس كيشوفو فيك ..

ريم .. ناري يا ختي واش مامتحمساش؟؟ ..

شغف .. علاش غانتحمس !! غاندخل فصفقة ..؟؟ 

ريم .."حلات فمها تال حد رجليها ''نتي ماشي طبيعية خصك تشوفي شي طبيب نفسي ..

شغف .. علاه؟؟

ريم .. ليولي غانوض نشتف عليك ..واش نتي غاتزوجي ولا مغاتزوجيش!!

شغف .. شوفي بلا ماطلعي ليا دم هاد الزيجة غا مصلة و صاف مافيها تا مشاعر ..

ريم .. كيفاشهاد مصلحة عاوتاني..

شغف .. انا مناسبة لعائلتو و هو غايكون مناسب ليا .. يعني كوبل مثالي فنضر المجتمع ..و هو بفمو قالها لي ..

ريم ..هاااء؟؟

شغف ..سي بيبي .. هادشي لي كين .. 

ريم ...هادشي معقد ..

شغف ..نوضي نمشيو اختي نوضي .. عييت. . بغيت نعس ..

ريم ..وا جلسي عاودي ليا بنتي ليا مامرتاحاش ..

شغف .. لا من بعد .. عيانة..

ريم .. واخة .. نوشي ..

ناضو البنات اتجهو للسيارة من جديد .. وصلات ريم لدارهم و اتجهات تا هي لدارهم طلعات ديريكت لبيتها ماشافت فتا حد ..دوزات ما تبقى من العشية فبيتها .. كاتفكر ذكرياتها مع رائد .. جبدات مذمراتها لي كانت كاتكتب فيهم طول ديك السنين لي غاب فيهم عليها رائد .. و شحال بكات و هي كاتكتب قداش توحشاتو.. و قداش كاتبغيه .. ضحكات على سذاجتها و هبالها .. و قداش كانت كاتبغيه و معلقةةكاااع آمالها عليه و هو اش دار بكل بساطة تخلى عليها .. مشا و خلاها ماخلات ما دارت باش تواصل معاه واخة فالاول كان كيجاوبها مرة فالشهر تا قطع فخطرة .. هزات داك الكتاب و داتو تال للبالكون بخطى متتثاقلة و كتافها نازلين للتحت .. علات العافية فيه و خلاتو كيتحرق دامها ..

شغف .. مايمكنش تبقى معايا .. كيف ما مشيتي شخال هادي .. تا اناغانمشي دابا .. ..

خوات على لي بقى منو كاس تاالماء قبل ما دخل و تسد عليها.. تسرحات ففراشها و مسحات وجها بلي لانجيت .. بقات معلقة عينيها على السقف و صور من الذكريات كيجيوها فراسها .. منذ الطفووولة حتى كبرو .. كيف كانو و كيف ولاو .. غمضات عينيها بالجهد لعل و عسى يختفي من قدامها .. عمرها توقعات فحال هاد النهاية .. واش بثح غاتزف لواحد غيرو .. واش فعلا هذا هو الحل ..؟! واش هادي هي نعاية حب شغف و رائد ..!!داتها عينها بعد عناااء طوييييل و حرب مع الذكرياتعلى امل الغد يكون عندها ااخر قرار 

فاتو يومين .. تاكدات فيهم شغف بلي رائد ماعلى ببالوش بيها .. تزوج ولا طلق .. ماهاموش .. زتدت مرضات فاش تفكرات بلي ريماس لي عيطات عليه .. ضرها قلبها و حسات براسها فحال لا رخيييصة خصوصا انو ماعبرهاش ولو باتصال .. كانها كلن عندها بصيص امل انو مزال فقلبو ليها شوية محبة .. مع انها مكانتش غاتقبلها ولكن .. كان عندها امل .. ماعرفاتوش مناينوجا .. فحاد الايام .. سول تاج الدين على مصفى مزيان .. و على حسب المعاومات لي جمع عليه انو شاب مكافح من صغرو و هو مع جدو مكيفارقوش لدرجة انو خدم فالشركة و بداةكيطور فيها من سن التامن عشر .. بلا ميشد لا شهادة ولا والو .. من بعد ما خدم عاد خدا الباك ديالو فقط .. مانتقلش للدراسات العليا بسبب الخدمة لي متراكة عليه .. هادشي خلا تاج الدين يشوف فيه راسو .. حيت حتى هو ماقدرش يكمل الدراسة ديالو و عطاها غا للخدمة .. زائد انو فينما يسول عليه يمدحوه ليه .. هادشي خلاه يطمئن و يوافق على موافقة بنتو .. لي عاود تشاور معاها و عطاتو الاوكي .. و هكذا خبر ابو بكر بالخبر لي كان سار بالنسبة ليهم بزوج .. اما ريزاس .. تبرات من فعايلهم و ماتلاتش تدخلات فيهم .. ماخسرات عليهم غير ''عومو بحركم و خلوني بعيدة" ...و هادشي لي كان باغي تاج الدين نيت حيت بالنسبة ليه ااحاجة لي كيتدخلو فيها زوج دائما كاينوض فيها الصداع داكشي علاش تكلف هو و حدد ميعاد مع ابو بكر باش يجيو يخطبوها رسميااا من دار باها و الميعاد كان ليلة الأحد .....

.....

كيف عادتها كل يوم أحد فاقت مبكرة كي زهزهات الشميسة .. و طبعا العطلة و مكاتخدمش .. لبسات عليها كسيوة صيفية عادية التصميم .. من خياطة ريماس.. لي كاتعتمد ليها دائما فحوايج شغف الطابع البسيط لي كيتطابق مع شخصية شغف .. الهادئة المرحة في نفس الوقت .. نزلات برجلها كيف موالفة كاتجول الأسواق و الأماكن الشعبية .. و فينما دوز حدا شي حد تسلم عليه اكيد كيردو سلامها لانهم كيعرفوها مزيان و حافضين الوقيتة لي كاتمر عليهم فيها .. الجميع كان محترمها سواء كبار او صغار الا بعض الأوباش لي مكيوقرو حد بالحق كاتعطيهم النخال .. بعد ما كملات جولتها شدات طاكسي و طلعات للبحر كي حطها الطاكسي و تمت غادية و كاتفكر .. قررات اليوم غاتولي بداية حياتها الجديدة .. 

شغف .."كاتغزل و تفتل فراسها'' اليوم غانتخطب لشخص ااخر غير لي بغيتو يكون ليا .. اليوم غانبدل بزاف تالحوايج كنت أظن عمرهم يتبدلو بداخلي ..لكن تال ايمتا !! تال ايمتا غانبقى حابسة حبك فقلبي ..كنت مقررة ننساك .. و اليوم جا الوقت لي نطبق وعدي لنفسي بنسيانك .. اليوم غانرميك ورايا .. "جلسات فكراسا مقابلين مع البحر" من اليوم غاتولي خبر كااان ..

جرات السنسلة لي فعنقها كان فيها قلب و جواتو صورة رائد .. فتحات القلب و شافت فديك الصورة بتمعن فحالا كاتحاول تحفضها .. كانت صورة قديمة كاترجع للطفولة .. تفكرات شحااال من حاجة دازت بيناتهم .. وقفات و غمضات عينيها هزات يديها ورماتها بعييييييد .. مع ان قلبها كان كيتحرق الف مرة على هاد الحال الجديد لكن كبرائها و كرامتها عمرهم سمحو ليها تنازل على ديك النفخة ديال الصقر ....مكينش اصعب من جرح الحبيب ..و مكيناش حاجة تقدر تألمك اكثر من بعدو و فراقو .. خصوصا فاش كاتكون معتبرو النقطة لي كاتمحور حولها حياتك .. لكن للأسف لي كانعطيوهم حياتنا كيقدمو لينا فالمقابل الموت فقط ..لان كل جرح و كل ذبحة فالقلب كاتعتبر موت ..و اي احساس كانحسو ببه كيفطر قلبنا هو موت .. موت الاحاسيس .. موت ذلك الحب بداخلنا .. كثيير بنينا احلام .. و عشنا على هاد الاحلام مع حبابنا لكن بلمحة بصر هدمو لنا الاحلام .. بكلمة .. او حتى بتجاهل و اهمال داكشي علاش قررات شغف تنقد راسها من هاد الاحساس بالموت لي قدرات تغلب عليه بصلابة قلبها و قوة شخصيتها ...تحركات من ذاك المكان لي كانو عندها معاه ذكريات كثييييرة و تمت غادية فالشارع كيف ما جات راسها مرفوع و شعرها طاير للسما مع الكسيوة ديالها لي كانو جنابها كيطيرو مع النسيم... في هذه الأثناء كان شخص ااخر راكب سيارتو و غادي بسرعتو المعتادة.. وقعات لخبطة فالجو لي خلاتو يجلس يومين آخرين بسبب تأجيل الرحلات..كان غايحماق كون ما هجار لي طمناتو بلي مازالة ماتخطبات .. و من حسن حضو جا فالنهار ديال الخطبة ديالو .. و يا ترااا واش حسن حظ و لا سوء حظ ..

اول مكان فكر يمشي ليه بعد وصولو للمغرب هو البحر لي كان جامعو بحب حياتو ..و اغلب وقتو و وقتها قضاوه تما ..عينيه كيانو على الجهة الثانية لي فيها البحر حتى لمحها غادية فالطريق .. توقف بيه الزمن للحظة .. كيف شافها عقلو وقف ..حس بالزمان كلو وقف غير هو و عينيها .. .. يمكن طيفها لي عمرو فارقو وقف الاوطو على جنب بسرعة تسمعات الجرة تالروايد تاال عندها فالحين لي كانت واقفة كاتسنى فطاكسي .. دورات راسها لجهة الصوت و شافتو خارج من سيارتو وقف مبلوكي كيفها تا هي ..كل واحد منهم كان واقف على ضفة من الطريق .. عينيها خرجو و هي لي عند بالها عمرها تعاود تشوفو .. خانتها دمة و نزلات لكن جمعات راسها و غييير شافتو كيقرب ليها في ساع شيرات لطاكسي كانت جاية كي وقفات ليها ترمات فيها و آمراتو يسرع .. ابتسم بألم و رجع لسيارتو ماحاولش يتبعها و ماعندوش اصلا الوجه باش يتبعها ولا يوقفها و هو لي كان مخليها وراه ....

رائد .."ركب فالاوطو ديالو و ردخ البيب تسند على الكوسان و رجع راسو للور ..'' غاتسامحيني ..عينيك كيقولو مزالة كاتبغيني .. ااااخخخخ

ماعرفاتش شكون هزها حطها فالطاكسي .. كي شافتو ضلامت الدنيا فعينيها .. قلبها فرفر تلقائيا حطات يدها على مكان السنسلة .. نسااات بلي رماتها ..رجعات يديها حطلتها تحت رجليها و غمضات عيناها .. قلبها كيفرفر .. ماعرفاتها فرحة ولا حزن .. ولا خلعة .. ما فيقها غير صوت سائق الطاكسي ..

السائق .. واااا مادموزيل ..؟؟

شغف .. "فاقت من سهوتها كاتنهج و صدرها كيطلع و ينزل" اا .. ها .. قلتي شي حاجة ؟

السائق .. قلت ليك على فين الوجهة .. ماقلتيش ليا..

شغف .. اه .. سمحلي .. "عطاتو العنوان .. "

السائق .. ماتبقايش تفكري بزاف يا بنية .. غاتشرفي ..

شغف .. "خزرات فيه و ضورات وجها ..(يخ جنس قصيف)

وصلها للفيلا كيف قالت لو ..خلصاتو و دخلات كاتجري كلها كاترعد ..يديها عرقانين كل شوية كاتمسح فيهم مع الكسوة ديالها كيف كل مرة كاتوثر .. و من سووء حضها تلاقات بتاج الدين فالباب ..

تاج الدين .."قابلها بابتسامة واسعة" عروستي الحلوة .. 

شغف .."متوثرة و كاتحاول تشتت انتباهها ابتسمات لو بزز عليها '' 

تاج الدين .."حس بيها مغيرة" .. مالك؟؟

شغف .. ااا. . والو ..احم ..

تاج الدين .."مد ليها يديه مبسم ..شدات فيديه و قربات لعندو عنقها و غمرها بحنانو'' .. خايفة ولا شنو ..؟

شغف .."تنهدات فحضنو" غير متوثرة شوية ..!

تاج الدين .."بعد و شاف فعينيها" ياك ما تنادم معاك الحال!! الى تراجعتي قوليها لي انا نلغي كولشي ..

شغف ..'' باصرار''.. لا ماتراجعتش و ماغانتراجعش .. 

تاج الدين .. مافهمتش انا سبب هاد الاصرار ..؟

شغف .. اا .. والو .. ولكن مصطفى هو انسب واحد ليا .. فكر بيها بالعقل .. شكون يقدر يكون مناسب لشغف كثر منو!!

تاج الدين .. همم .. لي تشوفيه .. على العموم .. ماماك وجدات كولشي .. سيري وجدي راسك تا نتي ..؛

شغف .. اوكي .. هلني طالعة .. 

طلعات و خلاتو كيشوف فيها بدا الفااار يلعب فعبو عارفها مامرتاحاش .. ولكن نعل الشيطان كمل طريقو .. اما شغف طلعات لغرفتها دخلات و سدلتها مشات ديريكت لناموسيتها فاتحة عينيها على وسعهم ..

شغف .. كانحلم ..يا ربي نكون كانحلم .. يااا ربي .. ههءهءه😭😭 اكيييد ماشي هو يا ربي نكون كانحلم 😭😭..

تكورات فبلاصتها كاتفكر الموقف و عينيها غارقين بالدموع ... و كلتكلم فنفسها 

شغف .. مابغيتش نرجع للي فات .. مابغيتش نرجع لحزني .. عيييت و تقهرت .. ااه كانبغييييك .. و كثر من اي حاجة .. ولكن العلاقااات ماكايتبناو الا على الصراحة و المواجهة و هو تخلا عليها بدون ما ينطق ولا كلمة .. مع انها كانت روحو ..لكن تا هو ضروفو كانت كبر منو .. و النفخة لي ف ال الصاقر ماكاتسمحش ليهم نهائيا يتنازلو. على كرامتهم قدام اي كان .. سمعات الباب تفتح هو لي خرجها من دوامة المشاعر لي اجتاحتها .. مسحات دموعها و بقات كيف ما هي ماتحركاتش .. 

ريماس .. "جلست حداها" .. مالك علاش كلتبكي ماشي هادشي لي كنتي باغا .. ؟؟

شغف .."كاتمسح فالدموع و هوما كينزلو بوحدهم'' ماكانبكييش .. 

ريماس .. هه يعني فرحانة و عاجبك الحال تزوجي بيه .. اوا نوضي لبسي الفستان من تصميمي فصلتو و خيطتو و انا كانتمنى نشوفك بيه مع لي كاتبغيه نهار خطبتكم .. عرفتي .. فاش كنت كانخيطو شحال تخايلتك معاه .. "ابتسمات بالجنب " اوا هاهو جا فارس الاحلام .. نوضي لبسي نووض .. 

شغف .. "ضارت عندها و جلسات عينيها كيف الجمر .." .. علااااش درتي فيااا هكذا .. هااا علاااااش .. علاش قلتيها ليه .. مابغيتش نشوووفو علاااش اماما .. نوضتي الجرح لي عيييت نرگد فييبه ..

ريماس ..."بقات فيها.. حطات يدها على خدها كاتمسح لها الدموع .." شوووت .. ماتبكيش .. انا .. انا كنت متوقعة لا تدخلت بيناتكم .. يعني ممكن يكون امل انكم ترجعو .. عارفاك كاتبغيه و هو كثر .. ماعرفتيش نتي اش قال عليك و شحاال كيبغييك .. غير وقفي هادشي الله يرضي علييك و انا نواااعدك نقنع تاج الدين ..

شغف .."وقفات و شافت فيها .. ضحكات بالجنب و تمت غادية جاية فالبيت .. علاش تال دابا ؟؟ ها ..؟؟ شنو تزاد دابا!! علاش ماتدخلتيش و وقفتي بابا شحال هادي ..علاش دابا ؟؟ واش باغيين تحمقووني ..

ريماس .. صافي ماتصبيش راسك تا دابا مزال الحال و رائد مزال كي..

شغف .."قاطعاتها .."ماتقووليهاش اماما .. ماتقوليها حيت كون كلن كيف ما كاتقولي كون ماتخلاش عليا و رماني وراه .. كمل حياتو عادي كان شيء لم يكن .. 

ريماس .. ولكن .. 

شغف .. مشات للبلاكار ديالها هزات غوب اخرى غير لي صايبات ليها ريماس" .. انا غانوجد راشي .. 

ريماس .. "تنهدات بقلة حيلة.." واخة ديري لي يريحك و رمي كولشي وراك .. رمي طفولتك .. رمي ذكرياتك و اهم حاجة رمي حياتك لي غادفنيها مع واحد مكاتبغيهش .. ضيعي راسك ابنتي .. ضيعي حياتك على ود ديك النفخة ديالك .. 

خرجات و خلاتها جسمها كلو كيرجف و كاتحاول تكبت توثرها و داك الاحساس لي داخلها كيقطعها مليون مرة .. تبعاتها تا سداا البا و هي طيح على ركابيها سمحات لدموعها ينزلو من جديد كانت محتاجة منها حضن فقط ...!!!!

خرجات ريماس ديريكت لبيتها كاترعد بالأعصاب من بنتها لي راسها كي الحجر و قلبها كيتقطع عليها حيت عارفاها مجروحة .. و من تاج الدين لي مسايرها فهبالها و ما عندو تا اعتراض .. هزات تيليفونها دورات لرائد ديك الساعة .. لعل و عسى يلقى شي حل ..

ريماس .. وي ولدي .... 

رائد .. "كان كيشرب بالحق شاد فراسو " ياك لباس اعمتي .. !! شغف مزيانة .. قبيلة عاد شتها بانتليا فحال لا تخلعات ..

ريماس .. جات مدمرة ..

رائد .."مزير على يديه" بفف .. بقاي معاها .. عافاك ماتخليهاش بوحدها ..!

ريماس .."ضحكات بجنب " وعلاه نهار خليتيها و مشيتي و نهار غبرتي عليها شكون كان معاها من غير عائلتها لحد الآن ماعرفتش شنو لي مخليني واقفة فصفك 

رائد .."كيح راسو " حيت عارفة بنتك ماغاتكون غير ليا .. 

ريماس .. بالحقير لاخر .. الهضرة ماشي دابا .. ولكن كون اكييد الى فاتت هاد العشية ماغاتبقى تا هضرة ارائد ..

رائد ..شمن عشية؟؟ مال العشية ..؟؟

ريماس .. اوووووف اللهم طولك يا رووح ركز معايا اولدي لاش جيتي نتا؟؟ وا العشية غايجيو يخطبو شغف ..

رائد.. "كان جالس ناض وقف ..''كيفاش العشية مالك ماعلمتيني من قبل ..

ريماس .. اجي ضربني نتا لي بقيتي ليا فالحساب بالحق تا نساليو من هادشي و غانشوف شغلي معاكم البراهش ..

رائد .. "بنفاذ صبر" عمتي ايمتا غايجيو بالضبط ؟

ريماس .. مابقى ليكم والو .. و عمك راه خليتو كيتصل ب باك و خوتو باش يجيو .. 

رائد .. تبارك الله الى مشا شي واحد نحش ليه الركابي .. 

ريماس .. سير نتا غاتفجر العالم ..

رائد ..قطعي اعمتي قطعي .

قطعات ريماس معاه ريماس و ضحكات ضحكة انتصار زعما طفرااتها اما رائد غا قطع معاها رما القرعة لي كانت فيديه و مشا عند باه ديريكت ..

رائد .. انا الواليد ..

يمن .. دخل .. 

رائد .. "فتح الاب و دخل " مزيان الواليدة هنا تا هي ..

هاجر ..خير يا حبيبي ..؟

رائد .. اليوم الخطبة ديال شغف عارفين!؟ ..

هاجر .. "نزلاات راسها" احم .. 

يمن .. ماديرش فباللك اولدي ..عمك صونا عليا قال لنا نجيو و قلت ليه مامساليينش .. 

رائد .. مزيان داكشي لي بغيت نقول ليك .. الله يحفظكم ليا .. 

هاجر .. مشات عندو شدات ليه فيديه" غاتفوت اولدي ماديرش فبالك داكشي غا بالمكتاب و صافي ..

رائد .. ههههههههههه شتي هاديك هي مكتابي .. و انا هو لي كين .. غيري ماتحلمش بيه واخة نعرف نهرس ليها داك الراس القاصح ..

هاجر .. اويلي اش ناوي دير اولدي .. 

رائد .."كيحك فراسو" ماناوي ندسر شاي .. غير نتوما ماتمشيوش و صافي ..

هاجر .."كاتشمشم فيه" شارب ؟؟؟ 

رائد .."قلب عينيه كيتأفف " بففف .. الواليدة ماشي وقت هاد الهضرة !

يمن .. ضرب يديه مع الطبلة" شفتي هاد الخراوات ديالك هوما لي مخليين تاج الدين يكفر عليك. .

رائد .. وا فهموني لاش ربي فرق الريوووس؟؟ باش كل واحد يدير لي عجبو فراسو !!

يمن .."طلع ليه دم" .. و هاد الراس هو لي غايخرج عليك !! عند بالك تاج الدين غايعطي بنتو لسكايري ؟

رائد ..ماسمايريش .. شارب غا كاس .. مالنا على هادشي كولشي كيشرب و عادي !! 

يمن .. يه .. عمتي على عومهم اولدي .. عاشرتي النصارا و الكفار و وليتي فحالهم!! 

رائد .. وا الواليد .. ماشي وقت هادشي .. حاليا مامساليش نسمع محاضرات تا نسالي ونجي نسمع لي بغيتي ..''خرج رائد خلا يمن معدد وراه .. "

ينن .. غايخرج فيا السكر هاد الزمر..

هاجر ..مالك عليه .. حشومة عليك عاد جا و نتا نازل فيه معيور .. و هو دابا غايكون ربي لي عالم بيه و شغف كاتزوج!!

يمن .. ياك هو لي ضيعها بطيشو .. اوا يضبر محاينو مع عمو .. انا شخصيا ماغانتدخلش .. لي عليا درتو .. ماغانحضرش لخطبة ديالها ..

هاجر .. ما قصح قلبك اسدي باااز ..

يمن .. هذا كبر و دار عقلو الى بغا .. دابا سالله نتكافا مع خوتو .. 

هاجر .. حيد علياا .. كولكم بحال بحال .. فحالك فحال خوك

ناضت خلاتو وراها هز تيليفونو صيفط ميساج و ابتسم بالجنب .. اما رائد ... اتصل بعشق و محمد رضى وصاهم مايحضروش وةكيف ما وصاهم فعلا دارو بهضرتو .. حيت تا واحد فيهم ما كان باغي شغف لحد ااخر من غير رائد ...

لبسات شغف غوب فالأصفر حد الركبة يديها بالدونتيل الاصفر منقطة بكويرات ديال العقيق .. سرحات شعرها و خلاتو مطلوق عادي على راحتو و دارت مكياج خفيف برز لها ملامحها الجميلة بدون مكياج .. كحلات عينيها من الداخل ..و زادت تقلاتهم بأيشادو بالموف و الأسود ..حددات وجها عاد دارت الفاغاجوغ لي خلا لحنيكاتها لون خوخي عاد حطات الروج ديالها .. رشات بارفانها بقات كاتشوف فراسها قدام المراية .. جففات دموعها كاع و ماخلاتهمش يعاودو ينزلو .. ..

اما تاج الدين كان غادي جاي التحت كشاكشو خارجين ..

ايهم .. الواليد ياك لباس!!؟

تاج الدين .. حيد من قدامي اولدي .. 

ريماس .. "جالسة حاطة رجل على رجل و كاتبرد ضفارها" حيدو من قدامو بقات ليه ثانية و غاينفجر ..

تاج الدين .. ريماااس استعيذي الشيطان و قيلين لا نتفركع عليك ..

ريماس .. و انا مالي اويلي ..!! "وقفات و اتجهات لعندو" مالك ازماني ..!!

تاج الدين .. راشقة ليك نتي لضحك ..؟

ريماس .."ضحكات بجنب" و مالي مانفرحش ياك خطبة بنتي اليوم .. خصني نكون ناشطة .. نتا لي كاتبان ليا ماهواش ياك لباس!!

تاج الدين .. تصلت بيمن .. قال ليا مامساليش ..لا هو لا مرتو .. قلنا ماعليش .. تصلت بعشق .. قالت ليا اه حقا المعروض فنهارو يبقى فدارو .. و دارت ليا منها قصة .. حقا ما حقا ماعلمتيناش على تيساع .. .. تصلت بسيهم محند رضى .. قال لك عندهم شي سهرة .. شنو زعما عادو كاع صدف ..

ريماس .. اوا نتا لي ماعلمتيهمش من قبل !!

تاج الدين .."خزر فيها" حيدي من قدامي .. !!

ريماس ..هزات مبردها و زادت" هاهي غادية .. نتا فحالك فحال بنتك جنس قصيف ..

ماجات فين تكمل الطريق تا سمعو صوت السيارات قدام الباب كيعلنو على وصول الضيوف .. تأففات ريماس ماعاجبها حال حطات المبرد و رجعات عند تاج الدين جلسات حداه منفخة .. و طلبات من الخدامة تفتح الباب .. و داكشي لي كان فتحات الباب دخلو وصلاتهم تالالصالون لي جالسين فيه تاج الدين و ريماس ..و دخلو لي كارد ديالو محملين كراطن و صيكان كيمدوهم للخدامات. .

تاج الدين .."وقف و مشا عند ابو بكر سلم عليه" مرحبا...

ابو بكر .. شكرا .. 

تاج الدين .."سلم على مصطفى" مصطفى مرحبا اولدي .. تفضلو .. 

مصطفى .. يحفضاك اعمي ..

سعاد.. "سلملت على ريماس بالوجه .."مدام ريماس كيف راك ..

ريماس .. "بابتسامة صفراء" مزيانة .. شكرا ..😊

مصطفى .. "باس لريماس يديها بجنتلمانية" مدام ريماس ..لباس عليه

ريماس .. "دغيا حيدات يديها'' مزيانة .. تفضلو جلسو .. "عيطات للخدامة " .. شوفي الناس اش يشربو ..

ابو بكر .. اتاي .. 

سعاد .. كاملين بغينا اتاي .. شكرا ..

ريماس .. "كادوي منفخة" جيبي اتاي .. 

ابو بكر .. سعيد جدا بتواجدي معاكم و انشاء الله غانكونو عائلة وحدة ..

ريماس.."تحت ينانها"فمك يلحسو كلب مجهوول..

ابو بكر .. قلتي شي حاجة امدام!!

طلعات كاتجري و تعطر بالطالون ديالها و حاسة بقلبها مقبووووض و مزييير عليها شادة فالحديدات ديال الدروج ...ماحسات غير بيد جراتها ... دفعها حتى ارتطم ضهرها على الحيط بقوة شافت فيه عرفاتو هو من ريحتو لي مكيبدلهاش .. و لي عمرها ما مشات من نيفها ....تألمات و حسات بيه فحال لا غايتقسم طلقات ااه مكثومة فيدها لي عضات فيها .. بالحق ماداهاش فيها ..عينيه الكوحل زاادو ضلامو اكثر .. و ملامح وجهو لي تغيرو عليها وولاو اكثر رجولة بالحق كانو تقاسيمو كيخلعو .. عروق عنقو و جبهتو و يديه خاارجييين و عينيه حمريين و ووسااعو .. عرفااتو شارب بسبب الريحة ديال الخمر لي كاتفوح من النفس لي كادرب فوجها .. عرفاتو ماواعيش على شنو كيدير ..خلعهااا بديك الشوفة لي كيدير فيها .. و لي خالعها اكثر لايجي شي واحد و يشوفهم ..

شغف .. "بخوف..ولات كلها كاترجف" ااش كادير ..رائد راك ماساحيش ..حيد علياااا يديك شي حد غااايجي و يشوووفنا ..

زاد دفعها على الحيط و زيرها بجسدو ..لي رما ثقلو عليها ..حااولااات تدفعو و تبعد عليه و واللو ماقداتش تزحزحو من صغرها و هي اصلا رقيوقة و قصيرة .. و هو الضوبل ديالها فالطول و بالعرض.. بدات كاترجف و ترجاااه بعينيها خوفها مكانش منوو ..من تاج الدين لي لا طلع غاتوقع شي مصيبة اكيد .. ابتسم بالجنب و هو كيشووف ديك النظرة فعينيها زعزعاتو من الداخل .. شحال توحشها .. توحش عينيها .. توحش فمها .. نفسها ..كاع تفاصيلها توحشهم .. مالقى راسو غير كيحط شفايفو على ديالها عايم في قبلة نوعا ما كانت عنيفة .. غمض عينيه فحال لا كانت الروح كاترجع فيه اما هي كي حط شفايفو تذكرات اول و آخر مرة قبلها كان احساس مغاير .. حطات يدها على صدرو يالله غادفعو و هو يشد لها يدها زير عليها التهم شفيفها بالمعنى الحرفي لدرجة ماقداتش تنفس ولا تصدو بقات سااكنة ... عاد استوعبات ان رائد قدامها .. رائد الصقر لي من الصغر وهباتو قلبها .. رائد لي لليوم ماقداتش تنساه .. حس بيها سكنااات و هو يبعد فصل القبلة و ابتسم بالجنب فاش شافها مزالة مغمضة عينيها .. مسح لها جبن فمها بصبعو الكبير .. حس بيها نقزات مخلوعة اصلا كانت كاترجف ملي شدها.. 

رائد .. من إيمتا .. هااا .. من إيمتا وليتي تخافي من رائد ..

شغف .."فتحات عينيها و دفعاتو بحر جهدها و عينيها مدمعين" راك سكرااان .. فاش تسحى حساابنا غايتضاااعف .. "جات تخرج ووهو يعاود جرها لسقها على الحيط" واخليييني بابا و الناااس فالصالون .. كانقسم ليييك الى شاافنا غايقتلك هاد المرة ..و زيد عليها مصطفى ماغاديش يسكت ليك ..

رائد ...'' قتلااتو فاش نطقات اسم مصطفى ..زير على سنانو و دوا من بينهم" اش عند بالك غاتخلعيني ههههههههههه .. ياودي يا ودي .. شتي داك مصطفى غانجييو نجلسو هنا و نح**ك قداامو .. و نشوفوه ديك الساع اش غايدير ..بقاو ليا غا الز** تا هوما يخلعوني .. بحال والو مازال مكاتعرفيني ابنت تاج الدين ..😡

شغف .."لوات معاه بتسرفيقة تا عض على شفتو و شاف فيها بنظرة مميتة"بعاااااد من حياااتي

رائد ... ااش درتي!!

شغف .. هاااديك باااش تفيييق و تعرف ااش كااتقوول .. زماانك ولااا و فااات ارائد صاااافي ..كاتسمااااع ..و دابا بعد من قدامي بعد غايجي شي حد و يشووفنا ..

رائد.."جرها لعندو و باسها فخدها و تحت فمها .." مكيهمونيش .." نزل لعنقها طبع عليه قبلة وحشية .. و كل بلاصة باسها كيخلي فيها طبعة " فاااك مكيهمني تااا خراااي فيهم كاتفهميي .. دياااالي نتي .. شغفي .. جنتي .. بلا بيييك انا ضاايع كاتفهمييي .. "رجع كيقبل فعنقها و هي كاتصارع باش تهرب من حضنو و تصدو ولكن مع من ..'' 

شغف ..''هزات الراية ولات تطلب الشرع معاه ...عينيها عمرو بالدموع لانها فعلا كانت خايفة يشوفها تاج الدين فداك الوضع" هءههء .. عافاك خليني نمشي .. الله يخليك صاافي يكفيني لي شفتو منك ااش رجعك .. عافاك خليني نمشي مابغيييت حد يشوووفنا الله يخليييك ارائد ..

رائد .. "مع كل دمعة كاطيح من عينيها كاتزييد تحرقو و تقتل ببطئ ..'' علاش .. خايفة .. خايفة مني .. ولا خايفة لا يشوفك خطيبك معايا ..؟! اممم ..خايفاه يشووف ولد عمك ااش كيديير فيك فالظلام .. اممم .. "خاشي وجهو فعنقها كيدوي و يطبع قبل " خايفة عليييه يشوف خطيبتو المصوون بين يدين ولد عمها .. حب طفولتها .. امممم ..

شغف .."كادفع فيه و تبكيي بحرقة" علاااش علاااش كاتقوول هادشي .. علاااش كادير معايا هكذا ياك نتاااا لي تخليتي عليااا هاااا علاااش راجع دابااا علاااش ..

رائد .."غوت علييها" .. حييييت شفتك معااااه .. كاان يصحاابلي ماغاتقبليييش على راااسك شي حد من غيييري بالحق طلعت غاااالط .. 

شغف .."بعدات عليه و تكرشخات بالضحك'' ... ههههههههههه ههههههههههه ههههههههههه عاود عاود ااش قلتي ههههههههههه كنتي كاضن بلي غانبقى كانتسناااك .. اولد عمي .. هههههههههههههه كان يصحاب لك غانتسناااك تا يشيب راسي و يطيحو سناني و نتاا شوووف واش غاتحن عليا ولا لا .. هههههههه سير الله يسهل عليك ارائد ... سيري بعد من طريقي ..

رائد .."جر لها يدها من معصمها و زير عليها مزيان ..'' عااااجب ديلمك الحاااال التحت ..هااا كاتوزعي الابتسامااات .. ههههههههههه دايريين ليا فيها عصاافير الحب .. بالحق انا لي حمااار كااان خااصني نفكرك نتي ديااااالمن .. ماكانش خصني نبعد .. كان خاااصني نطبج لباااك عينيييييه .. باااش يعرفوووك ديالمن ..

شغف .. وااابعاااد مني الخراااااا بعاااد واةمابااااغاااكش مكااتفهااامش ..😡

قبلها فشفايفها بقوة حتى سال الدم من فمها بدات تتصارع فيه من جديد بالقوة لي عطاها الله ولكن مع من طبعا هو لي غايغلبها فالأخير استسلمات لمشاعرها لي كانت كاتسارع معاها .. حطات يديها حول عنقو و حاوطاتو معنقاه فحال لا غايهرب .. بعد على شفايفها مستغرب .. شاف فيها لقاها كاتنهج و الدموع فعينيها شلال ..زير علبها و زادت عنقاتو و خشات راسها فعنقو كاتستنشق ريحتو و دخلها لرأتيها فخال لا باغية تخبيها بداخلها..عارفها ماشي غا كاتبغير كاتعشقو و ماشي ممكن تكون لشي واحد اخر من غيرو واخة يعرف يقتل على ودها.. بعد فترة بعد عليها محتقر راسو على الدخلة لي دخلها بيها و هو لي كان كيخطط كيفاش غايدير يحزرها .. صاور حوايجو و بغا يعاونها تصايب حالتها ساعا دفعات ليه يديه و خزرات فيه ..

رائد .. لا حول الله عاد قلنا حنات ..

شغف .. مااتحلمش كاتفهم 😡..

رائد .."شحطها لفخضها" جمعي راسك..."جات دوزو هو يحبسها " قلت ليك سيري ؟؟ لا ؟؟ و فين غادية !!

شغف .. الله يخليك ارائد ..خليني نمشي ..

رائد .. باغية تمشي .. واخة .. غةنخليك تمشي .. لكن بربي .. و نشوفك كاتبتسمي ليه ولايشد لك فيديك ولا يقيسك تا نحر ديلمو قدامك و نتبعكليه كاتفهمييييي😡..

شغف .."ابتسمات ليه بشر باغية تغيضو".. هو خطيبي .."هزات يديها كاتوريه الخاتم'' ..و مابقى والو و يولي راجلي .. و نتا شنو ؟؟ ما محلك من الاعراب باش تقول هاد الهضرة؟؟ با؟؟ خويا ؟؟ انتا حياالله ولد عمي و ماعندك تاحق تآمرني ولا توجه ليا هضرة ..

رائد .."ربيع يديه و طلع و نزل فيها بحاجب مرفوع" جنيتي على راسك ابنت الصقر .. " تحنا لعند ىكابيها هزها و دلاها لور و تم غادي بيها لجهة الباب اللوراني .. لي كانت مخلياه ليه ريماس مفتوح ...

رائد .."ربع يديه و طلع و نزل فيها بحاجب مرفوع" جنيتي على راسك ابنت الصقر .. " تحنا لعند ركابيها هزها و دلاها لور و تم غادي بيها لجهة الباب اللوراني .. لي كانت مخلياه ليه ريماس مفتوح ...

بدات انطر و ضرب فيه و هو ولا هنا تا الصوت ماوصلش لهم لتحت واخة صوتها رقيوق تقب ليه الطبلة ديال وذنو حكرها مزيان و نزل من الدريجات اللورانيين ديريكت لسياتو لي كان موقفها قدام الباب ديريكت رماها تما و سد عليها الباب .. و ركب تا هو دارلها الصمطة و هي غاكاتغوت و ضرب و تمنشر فيه بضفارها و والو خلات يديه كاع مقموشين ...كسيرا خلاها كاتنطر غا بوحدها ..

شغف .. و الللللله لا دوزتها لي ياااا راااائد ..داباااا تشووووف .. طلااااااق خليني نمشي فحااالي الخراااا ..

رائد .. غاتكوني و لا نتكي مك فوق داك الكرسي مانعقلش عليك .. 

شغف .. "وجها حمار بالأعصاااب تا ملامحها و الطريقة باش عاقدة حواجبها فحال تاج الدين ملي كيتعصب .." واااافتح علياااا هاد الزمر الزبل .. فتاااح .. اااش باااغي مني .. فييين غاادي بييياااا ..

رائد .. .. عمي تاج الدين لباس .. !! وا تكوني ولا مغايعجبك حال غبرت عليك و ضسرتي خصني نعاود ليك الترابي ..

شغف .."ضرباتو لدراعو" بزااااف عليك الحماااري مربية و تربيتي كايشهدوبيها الرجااالة الشلاااغيييم..

رائد .."خصر سيفتو" هاكاواا ..

شغف .. دابا قووول ليا فين غادي بيااااااا

رائد .."كيتبوهل " فيين غادي بياا خويااا فين غااادي بيااا .. ايي..

شغف .. "تغددات ولا تاطلع الدخاان من ودنيها" غاتندم على هادشي لي كادير و الله تا تندم ارااائد عقل عليها مزياااان ..

رائد ..."بطريقة الحبيب😂" عاااقل ..

شغف .. الله يلقيها ليك ..

رائد .. و يلقيها لييك معايااااا ..

شغف .. اععععععععععغ 😡😡مستفز ..

رائد .. شوووكراااا ..

شغف .. وااااااععععععع😡

رائد .."فتح الراديو ديال الاوطو و ما جات غير فالمزيكا ديال cravata بنتي .. بدا كيغني معاها و يقلي سم لشغف اصلا هي كانت كاتفور و هو كان شااارب تا تگرع و جاتو الأغنية على كانتو وصل للفيلا ديالهم و دور لهاجر..

رائد .. وي الواليدة نزلي ليا ريماس ..

شغف .. "كاتغوت و تجيد ليه من يديه "خاااالتي قولي ليه يطلقني ولدكم خاااطفني ..

رائد ....سكتينا ازمر ..

هاجر ..اويلي اش داير للبنت .. اويلي على خطفتيها ..

رائد ..عرفتي شنو ماخصنيش بريماس .. يالله ننفرد بيها بوحدي .. 

قطع على هاجر و كسيرا ديريكت و الوجهة الله اعلم حلف على شغف الى دوات يهرس ليها وجها ما سكتات حتا جاب ليها دقة فمها عاد تكونات كتعض فشفايفها .. اما رايد .. فالطريق اتصل بصديق ليه

رائد .. وي كمال .. هاني جاي .. نلقاك قدام الباب ..

شغف .."بدات كاتحس بالخوف" رائد .. علاياش ناوي بديتي كاتخلعني .. خليني نمشي الله يخليك ..

رائد .. كاتيقي فيا ؟؟

شغف . كيفاش تسول فحال هاد السؤال؟؟ طبعا لا ..

رائد .. اوا كوني غادي نغتصبك ..

شغف .. البلابز دعينيييكي نجبدهم اراااائد ..و الله و دير ليا شي حاجة تا نقتلك ..

رائد..اودي سكتينا شحال فيك ديال هضرة بلا فايدة ..'' حمر فيها عينيه'' غاتاكلي شي دقة لفمك عاوتاني ضبري راسك ..

زمات فمها خافت تجيبها فعضيماتها ماغاتغير والو بغواتها اللهم تسكت بقات ساكتة كاتفكر فعائلتها و شنو غايكونو كيديرو واش كيقلبو عليها ولا قالبين عليها الدنيا .. حطات راسها على الزاج و غمضات عينيها تا حسات بيه وقف الوطو حلات عينيها كاتشوف فجنابها بان لها غا الضلام هنا تخلعات ديال بصااح ..

شغف .. فييين جااايبني .. رجعني لدااارنا ازمر..

رائد ..""غوت عليها .. " سكتيييي ي.. حسك قطعييييه مانسمعكش درتي ليا العجاج فرااسي ..

خلعها بغواتو تنفضات من بلاصتها و ماعاوداتش نطقات حرف حطات خمسة على فمها و سكتات ماكرهاتش تنوض تحارب معاه و تقطع ليه كمارتو بضفارها على هاد الحالة لي دير ليها ولكن عارفة راسها ماقدوش داكشي علاش فضلات تسكت و تشوف فين غادي بيها هبالو ..

نزل رائد مكيشوفش فيهاسد الاوطو اوتوماتيك من عندو خلاها وسط منها باش يتأكد انها ماغاتخطيش خطوة لبرا ولا تحاول تهرب .. بعد عليها تا مابقاش بان لها مشا لعند صديقو لي كان كيتسناه على الضفة الثانية من الطريق ..

كمال .. "سلم عليه سلام رجولي" افيين العشير غبوراات هادي ..

رائد .. جينا غا هاد الصباح ..

كمال ..مزيان ..توحشناك اصاحبي..مزال غانجلسو ..

رائد ..غانجلسو تا تكرع مني .. فين السوارت؟؟

كمال .. و سطاسيوني بعدا فشي بلاصة !

رائد .. اودي غا ارا السوارت و غبر ديك الحمامة لي معايا لا شافتك غاتخلع ..

كمال ..هاكاوا مجايش بوحدك؟؟ 

رائد .. لاواه واش غاطلق ليا الخرا و لا نتقود فحالي؟؟

كمال .."مد ليه السوارت .." هاهوما ..يالله اديوس ..

شير ليه و تم راجع للاوطو فتحها و ديمارا مشا سطاسيونا فمكان مناسب دور راسو لعند شغف لقاها طيحات راسها فحال الوردة الذابلة و مشات فسبات عميييق ..تنهد و هو مراقبها ناعسة كاتباان في منتهى الرقة .. ناعمة فحال زهرة البنفسج..خرج نفس هاايج اصلا كلو كان هااايج .. مد يدو حيد لها الشعر على وجها وباسها فحنكها و خدا يدها باسها و تفكر فاش كان مصطفى كيبوس لها يدها .. ضربو المطارق فراسو .. حيد عليها غا بزز كان غايخنقها خرج من الاوطو و ردخ الباب تا قفزات كادور فراسها مخلوعة ..وقف قدام بابها فتح عليها و هزها تم غادي بيها تال بتي الفيلا لي كانت بعيييدة على المدينة و جات جهة البحر ... فتح الباب و نزلها و جرها من يديها مانطقاتش و حاولات تفاداه حيت كان شارب و عينيه حمرين باينة عليه معصب ..و ضلااام غادية و كاتعكل و هو جارها موراه كاتنهج ..فتح الباب و دخلها .. سد الباب بالسوارت و حطهم فجيبو.. .. وقفات ماتحركاتش من بلاصتها تا شعل ضو و بدات كضور راسها فأرجاء المكان كانت فيلا صغيرة .. و فراش بصيط و انيق .. صالون فيه تلفازو و فوطويات و لي بلونت فكاع القنات ديالو .. و كوزينا عصرية مفتوحة على الصالون .. دارت عندو كان واقف وراها..و سرعان ما تحولو ملامحها من خوف لقسوة قوات قلبها و خزرات فيه بالرغم من ارتجافها

شغف ..فين حنا ..؟؟

رائد ...''شاف فيها بصمت ... كانو ملامحو سوداااء عينيه غامقين لكن كان فيهم برييق '' فبيت الطاعة ..

شغف .."طلع ليها الدم " واش باغي تحمقني واش متيق رايك ..يصحابتلك مخك مزوج بيا مأثر عليك الشراب ..!!

رائد .. باااز ليا كيفاااش تا متحمل طولة لسانك الله و اعلم "دفعها بيديه و تم داخل " حيدي و نتي مانعرف اش عاجبني فيك ديرة كي عود السبسي ..

شغف .." طاح فمها اللرض و خرجو عينيها" شنااااهووووااااا اناااااا لهلاااا يحيييك و يطووول الزمااان عليييك و يوصل يديك لرجلييييك هاد السبسي هذاااا دايخين وراه رجاالا بشلاغمهم بلا ماتخليني نجرحك ..

رائد .. شاايلااه اللرجال.."قلز ليها " طز على عينيك و عينيهم لا شمك شي واحد ..

شغف .. ياكانا غا سبسي اوا طلق مني هالعااار وقرني ..

رائد .. مانقدرش ..شتي نتي المحيحيشة ديال القلب ديالي .. هو لي بغاك ماعندي ماندير ليك ..

شغف ..... ياااا ربي ترزقني الصبر .. "مشات جلسات فوق الكانابي و شدات راسها" شنوووو داباا .. لاش جايبني هنا .. نبقى نتفرج فيك و تفرح فيا ..

رائد .."جلس مقابل معاها و حاط يدو على ذقنو مصغر فيها عينيه" هاي هاي ..الصفر العمر .. ماخفتيش تجمعي عليك الناموس و مزوقة ليا الكمارة طعريجة آسفي 

شغف .."خزرات فيه" واش جايبني على هادشي ؟؟ مافيا لي يقشب ..

رائد .. "جمع التخنزيرة '' اش خصك دابا ماتقديش تزمي عليا داك الدركوم؟؟

شغف .."حمرات فيه عينيها" لا مانقدش و ماغانسكت تا تقول ليا لااااش جيبني لهنا واااش عرفتي بلي هااادي جريمة يعااقب عليها القانون ؟؟

رائد .."طول فيها الشوفة و تكرشخ بالضحك" ههههههههههه ههههههههههه ههههههههههه ههههههههههه جريمة يعاقب عليها القانون كااع .. ناري خفت ماما غطيني ..تي سييري ..

شغف .. "بدات كاتنفس بالجهد و وجها كيحمار ..و كولها كاتعرق من راسها و يديها بدات تتمسح فيهم بحوايجها .."

رائد .."بقا متبعها و كيحرك فراسو'' .. اوف اوف بوووم بووم ..😂😂 طرطقي .. 

شغف ..بغيت نمشي لطواليط ..

رائد .."ابتسم بالجنب ..''اوا قولها من الصباح البوالة لاش كاتزيري فراسك يصحابلي غا غاطرطقي ..

شغف .. راك حماضيتي باراكا عليك من الضسارة ..

رائد..."جا و راها و ضور معاها للقرفادة" زيدي مزال ما شتي والو فالبسالة .. "مسح يديه بحوايجها" سيري دوشي ليك فزكتي بالعرق ..

دخلها للحمام و مد ليها الفوطة جراتها من عندو بنطرة و دخلات للحمام كاتشةف فجنابها واش كين شي سرجم منين نسلت لكن واالو مالقات غا الحيوط و شبيك عااالي يخرج منو غا البخار ديال الحمام تأففات بقلة حيلة و دخلات للبينوار طلقات عليها الرشاشة و بالها مافيه غا تاااج الدين لي يعلم الله كيف دايرة حالتو غايكون قالب عليها الدنيا و ريماس غاتسطى عليها .. ماعارفاش واش هي و رائد دايرين يدا في يد من اجل خراب بيت تاج الدين😂

كملات الدوش وطلقات شعرها حيت ماقاستوش بالما لوات عليها الفوطة بقات كاتشوف فوجها شوية فالمراية كاتفكر اش غادير مع رائد باش تفك راسها .. فالأخير مالقات غير تغددوو..تا يمل منها و يردها .. صايبات الفوطة مزيان و فتحات الباب دورات راسها يمينا و شمالا مالقاتوش و هي طلق رجليها للريح تا دخلات لبيت واسع فيه ناموسية و بلاكار .. سداتو و شعلات الضو غا ضارت و هي تكوانسا بلاصتها كان رائد جالس فوق الناموسية و كيكمي مسرح رجل و طاوي رجل ..جات تخرج و هو يقفز حبسها سد لها الباب طلع فيها حاجب و نزل لاخر ..

شغف .. هااء بسم الله الرحمان الرحيم ..

رائد .. "تحنا عندها شم فشعرها "شفتي عيشة قدامك غا انا هنا .. حبيبك ..😉

شغف .."بابتسامة مسمومة" تحبك عقرب ساامة انشاء الله. .

رائد .."بادلها نفس الابتسامة" هي لي حاباااني من شحال هادي ..

شغف ..عرفتي .. شفت تا عييت .. بالحق احقر منك ماعمري شفت .. 

رائد .."مد يديه حيد لها الشعر على عينيها" نتي مافاهمة واالو .. 

شغف .."بغات دفعو ..و تنطر " مابغيت نفهااام وااالو بعد مني هء

رائد .."عنقها كيقيد حركاتها " اودي رصااي غاطيح الفووطة و مانضمنكش ..

شغف .."خزرات فيه و جمعات صدرها بالفوطة .." يخخخ ..

رائد..."طلع حااجب و نزل حاجب و قرب ليها جرها من خصرها شاف مباشرة جهة صدرها .." هدا سدر ولا سداري ولا مخدة لدراري هااحح هههه 😂

شغف .."دقعاتو بالجهد" حقيير ديك الهضرة سي قولها لشي وحدة اخرى انا بزاف عليك ..😒

رائد ... "كيطلع و ينزل فيها" اذا نطق السفيه فالسكوت اخير ..

شغف .. كين شي سفيه قدك .. سير كون تحشم اللحية هاهي و الوقار الله يجيب .. 

رائد .. "خزر فيها " غاندخل فمك براس جمعي ك** من الضسارة 

شغف ... حيد من قدامي بغيت نبدل .. 

رائد .."كيطلع فيها و ينزل و يحك على صدرو .. " اححح..

حيد لها من الطريق رجعات للحمام لبسات عليها كسوتها كي خرجات لقاتو واقف فالكوزينة مشات لجهة الثلاجة حلاتها و كاتقلب ما تاكل لقات بواطة تالشكلاط و الفريز جبداتو قطعاتو هو و البنان و خوات عليهم الشكلاط قلبات تا لقات الفورشيط و مشات جلسات فوق الكراسا ديال الكوزينا و كاتااكل هادشي كلو قدام عيون رايد لي كانو كياكلوها قشعاتو بدات تتبوزا عليه ما على بالهاش بيه حاضياه غابنص عين ..ماعارفاش شحال كايستلزمو ديال القوة و السيطرة على الذات باش ميجرهاش من شعرها و يتكيها فوق اي حلجة كات قدامو و ينقض عليها يبدد منها شوق السنين لي غابهم عليها ..غمض عينيه كيتخايل الموقف و يتخالها بين يديه كيدوق من حلاوتها و منغمس معاها كي كيحلم بيها منذ مدة ...عاود فتح عينيه مخنزر فالفراغ .. كيتحرقمليون مرة ماش كيتفكر اللقطة لي باس لها مصطفى يديها ماكيقدرش يتخايلها مع حد ااخر هي ديالو من دمو كاتخصو هو بوحدو ضلع منو .. كرز على سنانو ماكرهش ينوض يفرشخها يالله يشوف واش غايبرد من ديك الناار لي شاعلة فقلبو ولا لا .. مشا صاوب لراسو قهوة و هو مامرتاحش .. شربها و دخل دوش خلاها كاتشوف فيه بنص عين .. خوا على راسو الما بارد سحا شوية حس براسو فاق .. الوضع ديالو مكانش هو هذاك و ح براسو كيدخل و يخرج فالهضرة .. موالف يشرب ولكن هاد الخطرة تقل بزااف فالشراب .. يالله حلات ليه القهوة شوية عينيه .. مسح و لبس حوايجو لي جا بيهم .. صايب شعرو و رجع عند شغف لقاها مشات لفوق الفوتوي تجبدات فيه و نعسات بقا مدة كيشوف فيها كيتأملها .. تنهد مشا هز ورقة و ستيلو من بلاكار كتب لها بلي ماغايتعطلش و يرجع .. حطها عند راسها و خرج سد عليها بالساروت و ديمارا الاوطو فاتجال الفيلا ..!!

#في_فيلا_الصقر ...

تاج الدين غادي جاي و الدراري حداه كيحاولو يهدنوه مكشكش لأقصى درجة .. و ريماس كاتبكي و ترعد فالقنت ديال السداري .. 

ريماس .. انا و الله ماكان يصحابتلي غايدير هكا .. هءههء .. انا غير...

تاج الدين .."شاف فيها مخنز و عينيه عروووقهم حمرييين .." غاتزمي داااك الدركوم و لا نوريك شغلك .. حمدي الله ماحطيتش عليك يدي ..

ايهم .. الواليد تهدن ..!!ياك غير مع رائد .. 

ادهم .. سكت نتا ..

تاج الدين .."ضار خزر فيهم .." بييييتكم ..ماعندكم نفس على ختكم .. الناااس والدين الرجال و انا والد بوكيمونا يا ودي يا ودي عولنا عليكم بكري .. 

ادهم وا الواليد .. اش غانديرو دابا واش نمشيو لدار عمي ؟؟

تاج الدين .. تقلعو لبيييتكم .. تااااحد فيكم ما يضور هناااا ..

طلعو الدراري كيتنطرو ما عاجبهم حال و تاج الدين جلس على ركابيه قدام ريماس .. طلع راسو فيها !! 

تاج الدين .. اش دراتي دابا !! هااااااا؟ ااش درتي ..

ريماس .."خناينها و دموعها نازلين .." انا قلت ليه غير يدوي معاها و الله ما كنت عارفاه غايدير هادشي هءههءهء😭😭

تاج الدين .."ضرب فسداري حداها بحر جهدو" ماااااتبكيييييييش .. سمعتي ماااتبكيييش دايراها قد راسك واش نقتل ديلمكم و ندخل لحبس ولا شندييير. . هاااااا ..؟

ريماس ... ههءههءهء حرام عليك .. دابا فااش غلطت انااا بغييت نظوج بنتي للي كااتبغييه ماشي لهدااك ..

تاج الدين .. الخراااا .. الزمر لمكللللخة انا لااااش مددت فترة الخطوووبة غييير باااش تكتشف بلي ماااباااغااااش مصطفى .. و لاااش صيفطت دااااك الحماااار غير باااش يجمع ك*** و يرجع يتزوج بيييها؟؟

ريماس .. " دموعها نازلين طلعات فيه راسها " اويلي .. و علااااش ماقلتييهاش ليااا كاااع ماكنت نتدخل هءههءهء ..

تاج الدين .."جرها من فكها" و اناااا ماااقلتش ليييك ماتدخليييش هاااا ماااقلتش ليييك خلييك بعيييدة !! واااش انا مااعارفش اش كاااندييير هاااا!!

ريماس .."حطات يديها على عينيها و انفجرات بالبكااء" ههءهءهءهءهءهء😭😭😭 عافاك سمحلي اااخر مرة ااخر مرة 😭

تاج الدين... "غمض عينيه بعصبية'' اااش غاندير بديك سمحي ليا دابا فين غايكوون داها الحمااار الى كنت مقصح عليه قلبي مرة دابا راني مقصحو زوج مرااات .. 

ريماس .. "شدات ليه فيديه " تاج الدين .. و الاه الى رائد كيبغيها و ماغاديش يآديها كون هاني انا غاندوي معاه دابا غانتصل بيه ..و غايجيبها ..

تاج الدين .. ماتعصبينييش من الصباااح و نتي كاتتصلي ومكين لي يجااوبك .. ..

ناض هز الكونطاك ديالو و خرج كيجري ركب فالاوطو ديالو و اتجه لدار يمن بأقصى سرعة مكيبان ليه قدامو والو فكها مع مصطفى و جدو غا بالكشايف بعد ما قالو لهم بلي عيانة و طلعات لبيتها ترتاح ماكانوش هامينو قد ما كانت هاماه بنتو و خايف عليها لا يدير لها شي حاجة ...

يتبع