جنتي الجزء الثالث

اتجه لدار يمن بأقصى سرعة مكيبان ليه قدامو والو فكها مع مصطفى و جدو غا بالكشايف بعد ما قالو لهم بلي عيانة و طلعات لبيتها ترتاح ماكانوش هامينو قد ما كانت هاماه بنتو و خايف عليها لا يدير لها شي حاجة .. وقف الاوطو و نزل مكشكش يالله وقف قدام الباب تا فتحوه بلا ميدق حيت شافوه من الكاميرا ...

تاج الدين .."داخل مدرم للدار " ..يمااان ..

يمن ..''خرج من الصالون'' بلا ماتبدى فالغوات كولشي غانلقاو ليه حل بالعقل ...

تاج الدين ..هادشي ماكناش متافقين عليه واش هاد الخرا عندك ماغايديرش عقلو!!

يمن .. ههههههههههه اوا شابه عمو اش غاندير ليه افريرو..

تاج الدين.. وافااايق و رااايق مع راسك .. اقسم بعزة جلال و توقع لبنتي شي حاجة مانعقل عليه و هاني علمتك ..

يمن .. "ضرب ليه على كتافو" واش غاتخاف عليها من ولد عمها؟؟

تاج الدين .."غا جاه معرفة انا يتكا عليه يرعفو😂" هذاك اكثر واحد نخاف عليها منو !!

يمن .. ههههههههههه .. اودي لا حول ولا قوة الا بالله ..

تاج الدين .."ضرب فيه واحد مولاتي تخنزيرة .. " عاجبينك فعايل ولدك تتفرنس ..! بربي لا دوزتها ..

يمن .. "جمع الضحكة .." شوف هادشي لي دار رائد .. ماااشي من مصلحتو انا متفق معاك .. ولكن ماتنساش واش نتا لي وصلتيهم لهاد الحالة و الى خطفها كون اكييد انو غير باغي يخلعك ..

تاج الدين .. شفت لي ضار فيكن يقول ليا نتا السبب نتتا السبب شتي كون ما درت هكذا كون راك دابا كاتعالجو فشي مصح دالإدمان .. وشا نسيتي شحال عااانى خووك من داك الزبل!! عمري تمنيت لولدك فحال ديك المعانات

يمن .. مانسيتش و عارف هادشي .. و مع ذلك ردة فعلك كانت غلط... هو حس بالنقص و حس بيك فحال لا نابدو ..

تاج الدين .. يشهد عليا ربي كنت دايرو ولدي .. راني انا لي مربييه ايمن ..

يمن .. هادشي كلووو راني عارفو .. و بنتك ماتخافش عليها منو راه هي عينيه ..!

تاج الدين .."جلس فوق الكانابي .."لا و الزوييينة هي متفق مع ريماس .. و شوف ليك الحماق و التاحيماريت فين وصلو!! كاتلعب من ورايا ام ولادي بعد هاد السنين كاملة ديالزواج ولات كاتخبي عليا لا و كاتعاون ضدي .. لا حول الله يا رب ..

هاجر .. "دخلات لعندهم"شوف اتاج الدين .. نتا و انا عارفين مزيااان ان ريماس مادارتش هادشي ضد فيك .. ريماس كاتبغيك كثر من راسها و هادشي مايتنازعوش عليه زوج .. هي دارت هادشي غير بدافع الأمومة مابغاتش بنتها تعذب راسها و صافي ..

تاج الدين .."حنا راسو .. " و شنو هي النتيجة .. بنتي !!

هاجر .. شوف .. بزوجكم غالطين .. نتا فاش خرجتيها من الموضوع فحال لا ماشي بنتها هاديك .. و هي فاش خبات عليك تعاونها مع رائد .. 

يمن .. يعني وحدة بوحدة .. 

تاج الدين .. واش انا دابا جاي تعطيوني درس فالأخلاق .. وا جيبو ليا بنتي و شووفو لنا حل مع ولدكم قبل لا ندير فيه يدي ...

ماجاوبوهش وانما تصمرو كيشوفو ورا تاج الدين و عينيهم خارجين .. جاي رائد هاز يديه بمعنى الاستسلام و وراه ريماس حانية راسها ..دار تاج الدين كيشوف و شاف فيه من الفوق للتحت ..ربع يديه بهدوء تا وصل عندو رائد ..

رائد .. دير لي بغيتي فيا انا راضي ..!

تاج الدين .. "كيف ما هو ماتزعزعش ..تكلم بحدة" فين بنتي ؟؟

رائد .. فالحفض و الصون .. 

تاج الدين ... "كيتكلم من تحت سنانو معصب لأقصى درجةو كيحاول يبان مهذن" فيين هي بنتي ؟؟

رائد .. خليتها فدار .. 

دور وجهو ليمن و من بعد شاف فيه ببرود عض على لسانو من الداخل و لوى معاه بونية تا رعفو .. بدا يرمش فعينيه كان غايطيح حيت ماشادش فراسو مزيان رجرو تاج الدين من كول حوايجو و تم جارو للجردة ..

هاجر .. اويلي.. تاج الدين .. "بغات تبعو و كاتجر فيمن تا هو "يمن دوي معاه ..

تاج الدين .."وقفهم بيديه" تا حد ما يتبعني ..هاني علمتكم ..

هاجر .. ريماااس دوي ..

ريماس .. "نزلات راسها بدون ما دوي .." 

خرجو تاااج الدين و سد الباب تم غادي بيه للجردة مكشكش دفعو تا لسق على شجرة ..

تاج الدين .. ايمتا ناااوي ترجل الحمار !! هااااا فعايل رجال هادو تخطف بنت من دارهم؟؟

رائد .."حنا راسو " ماخطفتهاش .. كين شي حد كيخطف حاجة ديالو!!

تاج الدين .."جمع يديه بغايعطيه بونيا شافو مدار تا غياكسيون .. فقط كيشوف فيه بفرااغ .. و هو ينزل يديه" مالنا على هاد قصوحية الرااس!! واش عارف بلي هادشي هذا لي درتي خربتي كولشي بينك و بينها و من جهتي تا انا!!

رائد .."ابتسم باستهزاء" لي بيني و بينها خربتيه من شحال هادي العميم .. "قرب ليه" واش عرفتي شنو درتي !! قتلتيها و قتلتيني تا انا!! انا ماشي مهم .. مكيهمنيش رااسي .. ولكن ديك النضرة ديال الكره لي شفتها فعينييها ماشي غير قتلاتني .. كون صبت نقتل راسي فديك اللحظة مانترددش ..!! 

تاج الدين .. انتا سبب هادشي كلو!! نتااا بتاحيماريت و تبرهيش ديالك!!"شير عليه بصبعو" ..

رائد .."عينيه كانت فيهم لمعة فحال الدموع " .. علاش بعدتيني .. علاش خربتي كولشي ..عطيني سبب مقنع! 

تاج الدين .."كيحااول يدوي بلا ميستعمل يديه .." حيت بغيتك تعتمد على هادو.."ضرب ايه على كتافو" حيتبغيييتك ترجل و مانبقاااش معول على بااك ..و بعدتك بااش نبعدك على داااك البلااا لي كنتي كاااضرب الحيماري ..! يصحاب لك ماعارفش على ديك الداار الي كنتي تااتمشي ليها مع دوك الشماكرية ديال صحابك!! مع الدريات .. و الحشيش و الشراب و المخدرات ..!! كون خليتك يعلم الله اش غادير .. كون راك جريتي بنتي تا هي !!

رايد .. " خرج فيه عينيه" علاش ماجيتيش عندي داك الساع قول ليا بعد على داكشي على الاقل كنت غانعرفك و نقول هذا عمي خايف عليا .. لكن نتا شنو درتي .! خفتي لا نجر بنتك لداكشي ..انا غانجر شغف لداكشي؟؟ لو كنتي نتا كاضرب تا سم كنتي غاتجر ليه عمتي ؟؟ مالك ماجاوبتي!!دوي معايااا قوول ."كيضرب فجهة دماغو بيدو" ماالك سكتي واا دوييي .. شفتي هاااديك .. بنتك يااااك .. و راااني اناااا لي مربيهاااا و مربي عليييها لديييلمي الكبدة ..هاااديك بنتي ماااشي غا بنتك .. اناااا لي كنت تانخامي عليها .. انا لي كنت حاااضيها ..و دابا نتا جاي تقوول ليا انااا نآديهاااا عارف اش كاااتقووول !!! هااادشي علاااش خليتيها تكرهني !! هادشي علااش كرهتيني فيييك نتاااا بعد ما كنتي فحال الواليييد .. اييه يه ماااتشووفش هكذاا كرهتك .. و عمري غانسمح ليك على اي دمعة طااحت من عينيها .."كيشير ليه بصبعو تا وصلو لصدوو و عينيه فيهم لمعة ديال الدمووع لي كاكيقبلووش يخرجو بتاتا .." خصك تعرف بلي نتاا اكثر واحد آديتيها فاش بعدتيها علياا .. 

تاج الدين .."ابتسم بالجنب .. و جرو لعندو عنقو بيد وحدة " توحشتك البرهووش.. 

رائد .."مدار تا ردة فعل " .. 

تاج الدين .."صرفقو بشوية لقرفادتو "كاع لي درتو درتو على مصلحتك راك ولدي البرهوش ولدي و مانبغيش ليك الضر ..

رائد .."ابتسمبالجنب " فات الفوت العميم..

تاج الدين .."نفضو" اماالك وليتي هكدا رطب .."جرو من فكو شم لبه فمو لقى غير ربحة القهزوة و الكارو" .. مزال كاتحشش!!

رائد ..لا..

تاج الدين .. كاتشرب !!

رائد ..مرة مرة.. 

تاج الدين .."ضربو لصدرو" حراام البرهوش 

رائد .."بعد عليه" همابقيتش برهوش ..،

تاج الدين .. غاتبقى ديما برهوش .. جيب شغف. 

رائد .. "خزر فيه'' .. غاتجي نهار توافق تزوجهالي ..

تاج الدين .. بلا ماتستفزني و تختبر صبري ماتشوفنيش هكذا صابر عليك غير بزز

رائد .. "شاف فيه مطول " غانجيب ليك بنتك .. عرفتي علاش ..! اولا حيت فاش ديتها ماكنتش خاطفها باغي غانخلعهازائد اني مكنتش فكامل وعيي .. تصرفت بتسرع و تانيا حيت نتا عمي و مانبغيش ليك الحاجة الخايبة واخة درتي فيا لي ميدارش ..ولكن غانخليك تفك حريرتك مع داك الز** لي خطبها .. ضبر راسك كيفاش غادير معاهم اما تزوجها فهادشي هو لي عمرك تحلم بيه مدام انا عايش ..!

تاج الدين .. "طلع فيه حاجب و نزل حاجب و دوا بسخرية .. " و الله الى كثر خيرك .. هادشي لي كنتي كادير فيه سميتو غباااء ..قول ليا غير اش جنيتي من هاد التصرفات الطفولية لي درتي ..!!

رائد .. علاه نتا و بنتك خليتو ليا العقل !! تا راني وليت كي الكلون الليلة موحال مزال تكمل فيا الشوفة ..

تاج الدين.. سير جيبها بلا ماطول فهادشي .. سير ..

رائد .. "شاف فيه و تم غادي ..تا وقف و عاود رجع عندو تينيه حمريين .." هادشي ماشي وقتو .. ولكن بغيت نتزوج بيها .. كانتمنى هاد الخطرة ماترفضش ..!

تاج الدين .. شفتي كون ما كنتي مكلخ .. كون راك غاتزوج بيها بلااا هاد المصاعب كاملة ..

رائد .. تماما لولا انك وقفتي فطريقنا هذا شحال .. 

تاج الدين ..سير جيب البنت باراكا من التبرهيش و دير عقلك شوية هاد المرة غانصيفطك لمخيمات تيندوف .. 

رائد .. حاجة اخرى..عمتي ما دارت والو ياريت مادخلهاش ..

تاج الدين .. ههههههههههه وليتي كادير عليا تحالف نتا و المدام ديالي .. عصاابة عندي فالدار و انا مافخباريش سير اولدي سير حساب عمتك هو اللخر .. 

رائد .. انا لب درت كولشي .. هي كانت باغاني غير ندوي مع شغف ..داكشي لاخر درتو من راسي .. 

تاج الدين .. "كيحك ذقنو " عرفتي اشنو لي شفع لك عندي ..!! انك اولا ولدي .. تانيا اني تا انا كنت كانتحدا العالم كامل لا وقعات شي حاجة بيني ة بين عمتك و مانتهنا تا نرضها ليا .. و هادشي لي كنت كاندير فيه كان مجرد اختبار ليكم بزوج .. 

رائد ..انا ماكنتش خاطفها حيت لا بغيت نخطفها غانهزها من هنا للهيه نتزوج بيها بلا موافقتك لا نتا لا هي و نزيد فحالي .. نحطك قدام الأمر الواقع ولكن مانبغيهاش ليك بغيتك نتا تواافق و ماديرش ستونات فحال ديال زماان يخليوني نفر من البلاد كاملة 

تاج الدين .."ضربو لكتفو زوج خطرات" سير جيبها و يكون خير ..

رائد .."حرك راسو بالإيجاب " هاهو غادي 

خرج رائد خلا تاج الدين كيشووف فيه عاد دخل لقاهم ريماس جالسة فقنت ديال الفوطوي كاتبكي و هاجر كاتسكت فيها و يمن جالس و حداه بنتو ريماس ..

يمن .. فين رائد !!

تاج الدين .. "كيشوف بنص عين فريماس " مشا يجيب شغف .. 

يمن .."تنفص الصعداء و حمد الله ان ولدو ماعاندش" مزياااان ..

ريماس .. تاج الدين ..انا 

تاج الدين .."ضرب فيها واحد مولتي تخنزيرة" نتي غاتكوني و تسكتيني .. ماباغيش نسمع حسك ..

ريماس .."نزلو دموعها من جديد و مارضااتش بالطريقة باش جاوبها قدامهم. . سكتات و خشات وجها فحضن هاجر ... اما هو واخة قلبو حن شوية فاش بانت ليه كاتبكي فديك الحالة و ماحملش رايو ولكن باغي يربيها باش ماتعاودش تلعب من وراه ..

وصل رائد للفيلا لي كان مخلي فيها شغف ..بلاصا الاوطو ديالو و مشا فتح الباب بشوية و دخل بلا حس .. وصل لعندها بانت ليه كيف ما هي كف خلاها و الورقة لي كتب ليها قبل لا يخرج تا هي كيف ما هي .. جلس على ركابيه كيتأمل فتقاسيم وجهااا لي كانو باين عليهم الحزن .. قرب ليها بلا حس و خذا رشفة صغيورة من شفايفها .. غمض عينيه و رفع راسو كان كيبان فحال داك لي شرب من قهوة برازيلية و متلذذ بيها.. فتحات عينيها فجأة حيت مكانتش ناعسة غير مغمضة عينيها و عارفة اش داير بيها ..طورات فيه الشوفة و هو مغمض عينيها و ماشي فهاد العالم تا هي ماتحركاتش بتاااتا .. كانت مسحورة بوسامتو فديك اللقطة بالخصوص و شعرو مخربق طايح شي على عينيه شي راجع للور نطقات فخاطرها لاأن الجرأة باش دوي و تقول الكلمات لي كيهمس بيهم قلبها ماكانتش ....

شغف .. كم أنت جميل يا سيدي ..ببعدك و ظلمك تضل الأجمل بنظري ..!

رجعات تضاهرات بالنوم فاش حسات بيه كينزل راسو ... 

رجعات تضاهرات بالنوم فاش حسات بيه كينزل راسو ...حط يدو على كتفها بشويوش كيفيق فيها. . 

رائد .. شوشو .. شغف .. 

شغف .."كاتحل عويناتها" شنو !

رائد .. نوضي نديك .. 

شغف .."نقزات من بلاصتها و طلعات غيه حاجبها" صاافي سحيتي .. اوا على سلاااامتك ولكن ماغادوزش ليك طريفة ..

رائد .."حط يدو على راسو من غواتها " اووف اشغف .. نوضي بلا ماتعصبي ديلمي ..

شغف .. ايه نوضي اشغف .. خطف شغف .. زيدي اشغف .. غاتبقاي هنا اشغف .. غانديك لداركم اشغف اوووف .. انا لي خصني نقول اوووف .. 

رائد.."بدل كيقرب ليها " حبيبة ديالي ماساخياش بيا اممم ..

شغف .."نقزات من تحت يديه" يالله ديني لدارنا .. 

رائد..."حرك راسو يمين و شمال و تخطاها فتح الباب" يالله زيدي .. 

خرجات هازة خنافرها للسما بقى متبع ليها العين تا خرجات و ترسمات على وجهو ابتسامة خفيفة تلاشات فلحضة ..سد الباب و تبعها فتح لها الاوطو ركبات و ركب تا هو فمكانو ديمارا الاوطو ودور راسو لجهتها ..بقى كيشوووف فيها ..

شغف ..."شافت فراسها .. و فجنابها" مالك كاتحنزز!!

رائد .."كيقرب لجهتها بلا مينطق تا كلمة" ..

شغف .."كروازات يديها كوضعية للدفاع عن النفس" تقرب ليا نصليك ...!

رائد .."كيشوف فيها فحال لا كيشوف شي حمق قدامو ..جر السانتيرة دارها ليها" زعما تفكيرك زوين عجبني .. مرة اخرى ..

شغف .."عضات شفتها بغيض " حقيير .. 

هو شمعها ولكن مابغاش يجاوبها و اصلا كان حاس براسو فحال الكلون على داكشي لي دار .. تمو غاديين فهدوووء تااااام تا حد فيهم ماتكلم ولا فتح فمو هو كيشوف فيها بالجنب وةهي مرة مرة كاتسرق منو شي شوفات بنص عين .. بقاو على داك الحال تا وصلها لدار ديالهم ..

شغف .. لاش جييني هنا!! ديني لدارنا !!

رائد .."حيد السانتير و نزل فتح ليها الباب" نزلي باباك و ماماك كينين هنا !!

شغف .."شافت فيه بشك و نزلات " .. على الله تكون كاتكدب ..

رائد .. دفعها قدامو '' ازيدي باراكا من الهضرة الخاوية ..

ددخلو للفيلا لي كان بابها ديك الليلة ماتسدش و هوما الداخل كيتسناو على نار ماتنفس تاج الدين الصعداء تا شافها قدااامو تفحصها من الفوق للتحت ..

شغف .. بابا .. ماما اش كاديرو هنا!!

تاج الدين .."وقف عنقها" بنتي .. لباس ؟؟ ياكما بيك شي حاجة!!

شغف .."كاطمن فيه" لا والو اباابا .. رائد كان باغي يدوي معايا ..

رائد ..".. ابتسم فداخلوو"..

تاج الدين .."شاف فيها و شاف فرائد .." زعما باز .. قصوحية الراس ..

يمن.. وارتينها منك .. ههههههههههه ...

ريماس .. "مشات عندها " حبيبتي ..دويتو!! لاش وصلتو

تاج الدين .."خزر فيها ...'' هادشي لي هامك نتي واش خطتك نجحات ولا لا !!

ريماس ..اش كاتخربق ..

شغف .."باستفهام" اشمن خطة !!!؟ ماما كنتي عارفة رائد جاي للفيلا و ماقلتيهاليش !!

ريماس .. "نزلات راسها بلا متجاوب" ..

شغف .."ابتسمات بالجنب .." فهمت ..!! بابا انا غانسبقك للاوطو 

تاج الدين .. ''مد ليها الكونطاك " واخة هاني جاي .. 

خرجات شغف و نزلات ريماس جلسات فوق الكانابي شادة فرسها و جات حداها هاجر عنقاتها كاتواسيها .. 

هاجر.. شووت ماتبكيش اريماس

يمن .."شاف فريماس و عاود شاف فرائد" لا حول ولا قوة إلا بالله .. عجبك هادشي دابا .. 

رائد .."شاف فيه .. نزل راسو و طلع فحالو بلا ميدوي حاس بغلطو"

تاج الدين .."كيشوف فيها بنص عين " ..انا غادي فحالي .. 

ريماس .."جمعات الوقفة" تسناني ..

تاج الدين .."شاف فيمن ..'' خليوها عندكم مانضمنش اش ندير فيها 

يمن .."حل فيه فمو حيت عمرو قبل ريماس تبات بعيدة عليه'' واايلي!!

تاج الدين .."جر معاه يمن" خليها و خلي هاجر تبقى معاها .. الى ما ربيتك ابنتي اريمااس .. على اخر يامي ترضني ضحكة .. ردو لها البال ..

يمن .. وايلي اصاحبي تا نتا ماتزيدش فيه ..!!

تاج الدين .."جر معاه يمن" خليها و خلي هاجر تبقى معاها .. الى ما ربيتك ابنتي اريمااس .. على اخر يامي ترضني ضحكة .. ردو لها البال ..

يمن .. وايلي اصاحبي تا نتا ماتزيدش فيه ..!!

تاج الدين .. ماسوقكش نتا دير لي قلت ليك هاني مشيت .. 

ريماس .."فحال لا تخوا عليها عليها المابارد بقات متبعاه تا خرج و سد الباب .. و هي طيح على الكنابي " مشا ياك .. ههءهءه .. خلاني هنا و مشا!!

هاجر .."جلسات حداها كاتحك لبها على ضهرها'' وا راك فدارك احبيبة .. مالو خلاك فالزنقة !!

ريماس .. "مكاترمشش" تاج الدين عمرو سخا بيا .. تاج الدين عمرو نعس بلا بيا اهاجر .. يكما غايطلقني ..

هاجر .. و ناااري اياصحبتي بعد سنين ديال العشرة و بعد ما كبرو الولاد غايطلقك على سبب تافه أويلي من نيتك .."جراتها عنقاتها " 

ريماس .. ههءهءههء😭😭 صافي خلاني انا حاسة بيها 

هاجر .. استغفر الله العظيم من كل ذنب عظيم .. اجي نديك لبيتك ترتاحي شوية يالله يالله .. 

ناضت معاها باستسلام كاتمسح دموعها داتها ابيتها و عطاتهابيجامة باش ترتاح .. سدات عليها الباب و مشات تا هي لبيتها خلات ريماس غارقة فدموعها بعد اربعة عشر عام ديال الزواج .. كانت هادي ااااول مرة يتخلى تاج الدين على حضن ريماس .. تا هو مكانش اقل منها .. وصل. شغف لي سولاتو عليها و قال لها غاتبقى مع هاجر ..وصلو للفيلا و نزلو كل واحد اتجه لبيتو بلا ميدويو فلي طرا اليوم .. كل واحد كان حاس براسو هاز جبل فوق منو .. دخلات شغف ديريكت لبيتها سدات عليها بعد ما طمنات خوتها عليها دخلت للدوش خذات حمام سخووون كمداات عضيماتها لي كانت حاسة بيهم تهرسو .. تكات فوق الناموسية ديالها كاتفكر فأحذات اليوم .. لب كانو متعبين ليها و لعائلتها .. تفكرات رايد و نضراتو .. هضراو قبلاتو ريحتو لي توحشاتها كثر من اي حاجة فالعالم .. غمضات عبنيها كاتنفض دوك الافكار من راسها وكاتحاول تنعس ولكن ماقدات تنعس تا تفكرات اللحظات لحضة بلحظة .. عاد غفااات ..

_____ ________. _____

#أمريكا .....

كانت جالسة فالمكتب ديالو غارقة فأفكارها توحشاتو و ماكرهاتش تسوفو و لا تسمع صوتو بالحق مكيردش على اتصالاتها من نهار مشا ماتلاش رجع دوا معاها ولا صيفط ليها غير يطمنها علبه و هو لي كاتعتابرو كولشي بالنسبة ليها و لو قال ليها في اي لحظة شدي الطياىة و نزلي عندي غاتشدها بدون تردد و بالفرحة .. كانت كاتلعب بشعىها و شادة التيليفون كادوز فتصاورو و عينيها كيحنو ليه و نظرتو .. قاطع سهوتها عبيدة لي فتح عليها الباب بدون استأذان و هادي اكثر حاجة كاتكرها فيه .. دخل مبتسم لعندها ..

عبيدة .. سلام !!

سهى .."وقفات احتراما ليه" عليكم السلام مستر عبيدة .. 

عبيدة .. جلسي !! لاش وقفتي ؟

سهى .. شكراا .." ابتسمات بخجل "

عبيدة .. احم .. صافا ..! الخدمة مزيانة!

سهى .. وي مزيانة راك عارف الخدمة ماكثيراش .. و من نهار مشى رائد .. ماجبتيش الخدمة ..

عبيدة .. "عبس فاش نطقات اسم رائد بدون قيود" اهاه .. والخاا دوا معاك رائد ؟؟

سهى .."حنات راسها بأسى .." لا ..! و نتا؟

عبيدة .."لوا فمو" ..امم .. اه خبرني بااش ناخد الصفقة لي رفضناها 

سهى .."لمعو عينيها" هياا غانمشيو للمغرب!

عبيدة ..و شكون قال!!؟ انا قلت هو لي غايشد الخدة نتي غاتبقاي هنا معايا انا محتاجك كثر منو !!

سهى .. ولكن انا المساعدة ديالو!!

عبيدة .. مكيهمش .. زائد هو قال ليا خلي معاك سهى .. ضروري شي حد يبقى فالبيرو!!

سهى .. "يأسى .." لي تشوفوه .. 

عبيدة .. واخة الالة .. مالك بنتي لي فحال لا غضبانة ..!

سهى .. "طلعات فيه عينيها".. لا امستر مامالي والو .. 

عبيدة .. اول حاجة حيدي عليا هاد مستر ! انا كانقول ليك سهى عادي بدون القاب ولا رسميات ..

سهى .."بخجل" واخة .. 😊

عبيدة ..احم ..البلة عندك شي حاجة!!

سهى .. "باستفهام" حاجة فحال ااش ؟؟

عبيدة .."كيحك لحيتو" شي حاجة فحال اي حاجة ..خارجة عندك شي شغل !!

سهى ..لا ..راك عارفني ماكانخرجش غير مع رائد و رائد مكينش ..

عبيدة .."زير على سنانو" واخة .. العشية انا عارضك للعشا!!

سهى .."حلات فيه فمها" هاا ..؟؟

عبيدة .. العشية ندوز عليك ..

هز سوارتو و تيليفونو و خرج تحت أنضارها .. بالنسبة ليها عبيدة رب عملها ... صارم مع الموضفين كاع و هادشي لي كيخلعها منو .. مع انو عمرو قصح معاها هي بالضبط كان كيتعامل معاها بلطافة ولكن كاتبقى محترماه و ماكاتعداش معاه الحدود بعكس رائد لي دوزات معاه السنوات الجامعية تا خدمات معاه ...لكن السؤال لي كيدور فبالها علاش عرض عليها !! تكات على الكرسي كادور بيه بشوية و رجع لبالها رائد من جدييد .. هو الوحيد لي مكاتقدرش تحيدو من بالها ...

صباح يوم جديد كل واحد كي صبح فايق .. ريماس بكات شوية و نعسات .. اما تاج الدين حرام واش شاف المعاس .. موالفها كاتخشاا فيه عاد تنعس ماقدرش يغمض عينيه .. بقى كيتقلب تا عيا و ناض كيكمي ما حاملش راسو و ماوصل ليه الصباح تا شااب شعرو كامل و الارهاق بان عليه بالجهد .. دخل توضا و صلى و مشا لبس حوايجو باش يصبح عليها...

اما هاجر فاقت قبل كولشي توجهات للكوزينا صايبات فطور ملكي لعشيرتها واخة داكشي لي وقع البارح كلو.. ولكن كانت فرحانة بصابتها لي كانت هادي اول خطرة تبات عندها فدارها .. حطات الفطور و وجدات كولشي نزل يمن مع ولادو ريماس و ريان لقاوها موجدا الطبلة ..

يمن .."باس لها جبهتها" صباح النشاط ..

هاجر .. صبااح النوور .. رايد مافاقش؟؟

يمن .. طليت عليه لقيتو فالبالكون كيكمي ..الله يهديه ..

هاجر .."خزرات" الكمى على الرييق ..""باست ولادها"سيرو تفطرو هاني جاية نمشي نشوف هاد الحلوف لي ولا مفلس ..

رائد .."نازل من الدروج" الله يا ودي على الترحيب كي دير عندكم فهاد الدار ..بشاخ .. 

هاجر .."خزرات فيه و جراتو من ودنيه" خصك العصى نتا العصااا .. شفتي و ماتقطع داك الكارو و الشراب مانتا ولدي ما انا مك 

رائد .."باس لها يدها و راسها" غانحاول الواليدة نحااول ..

هاجر .. تا لا ماكانش على ودي .. على ود ديك لي معششة ليك هنااا "شيرات ليه لقلبو " ..

رائد .."كيحك على صدرو" هااح لاش تفكريني لااش .. 

هاجر .. ههههههههههه الله يمسخك سير تفطر سير ..

مشا رائد جلس حدا باه كيحاول يبتسم غا بزز و هو راسو مفروع علبه من كاع الجوايه .. حطات لهم هاجر كل واحد شنو بغاةحتى تمات ريماس نازلة مبتسمة ليهم ..

ريماس .. "بنبرة فيها مرح" صباااح النوووور عليكم اممم على طبلة تفتح النفس ..

هاجر .. "شافت فيمن و عاودات شافت فبها " صباح الجماال فايقة منورة اممم نعستي مزيان!!

ريماس .."جلسات حدا رائد" مزيااان الحمد لله ..

هاجر ... اوا الحمد لله ... 

رائد .."شد لها فيديها" عمتي سمحي لي على البارح بسببي وقع لي وقع ..

ريماس .. مزااال مادويناش فديك الفعلة الزينة لي درتي انا أمنتك على بنتي و نضتي خطفتيها!؟

رائد ..واايلي على خطفتها كون خطفتها كاع مانردها .. اودي راني كنت شاارب تا تكرعت و تعماو ليا العينين .. ماعرفتش كي درت تا هزيتها و زدت .. 

يمن .. و زما مالقيتي اييمتا تشرب فا البارح! 

رائد .. صافي قلنا ماغاتعاودش .. 

ريماس ..."ضارت عندو" خصك تعرف بلي الحياة راه ماشي هي نزعف و نمشي نشرب عند بالك غاتنسااا ..رااه الى ماكنتيش نتا من داخلك باغي تنساا ماغاتنساش بالشراب غير غادمر راسك ..

رائد ..داكشي ولف ماشي قضية نسا ولا منساش ....

ريماس .. هاديك صحتك و نتا تعرف .. و غير هادشي حراام ..

هاجر .. عييت معاه يا ختي ...

رائد ."باغي يبدل السيجي .." تبغي ندوي مع عمي تاج الدين ..؟؟

ريماس .. " طلعات فيه حاجب و نزلات حاجب " علاش!!

رائد .. باش ترجعي معاه ..!!

ريماس .. اولا انا ماغانرجعش معاه هو لي خلاني بمحض إرادته .. يعني غانرجع فاش يقولها لي راسي .. و الى تقلت عليكم نشوف دار خويا ولا الفيلا ديال با الله يرحمو ....

رائد .. اش تقلتي علينا الى ماهزاتك الارض نهزك على كتافي الله يا ودي النسيبة ديالي !!

ريماس.. ههههههههههه 

دخل عليهم تاج الدين على غفلة لقى كولشي ناشط ماشط بقى غا كيشوف كان متوقع يلقى ريماس غضبانة ولا طلع ليها الدم صدق لقاها مشرعة فمها و كاضحك مع هاجر و ريماس الصغيرة ..

تاج الدين .."منفخ" السلام عليكم ..

الكل ما عدا ريماس ..عليكم السلام و رحمه الله..

يمن. .ماطولتيييش ههههههههههه....

.. جر كرسي جلس عليه بالمقلوب كيخزر فريماس لي دايرة راسها ماعلى بالهاش بيه..

رائد .."كيشوف فيهم بنص عين و كيشرب قهوتو" عمي لباس ؟

تاج الدين .." عينيه على ريماس لي كادور الأومليط بالفورشيط و تاتاكل بشوية" ايه لباس .. 

رائد .. اممم ..عينيك منفخين مانعستيش ؟؟

تاج الدين .."خزر فيه .." و علاش نتوما تخليو شي حد ينعس ..

رائد.. ههههههههههه تمام تمام .. 

تاج الدين ..نوضي نتي نمشيو ..

ريماس .. " ماشافتش فيه حطات الفورشيط " اخ الحمد لله .. تسلم ايدك حبيبتي .. رائد .. سير مع عمك و جيب ليا حوايجي بغيت نبدل نمشي لخدمتي .. انا غانطلع ناخد دوش .. 

رائد .."شداتو الضحكة .. " ايه مرحبا ..

تاج الدين .." بقا مصدوم كيشوف فيها تا طلعات يالله كان غايتبعها و هو يحبسو رائد" ..خليها .. غاتزيد تكحلها لا كنتو متوثرين بزوج ..

تاج الدين .."طلع فيه حتجب .. و رجع شاف فيمن مبتسم بالجنب" البرهوش كبر ..😉.. هادشي درتيه نتا باش تنصحني بيه ..!

رائد ..اودي راني شابهك .. 

يمن .. ههههههههههه فهاذي ماكذبتيش .. 

تاج الدين .."جلس بقلة صبر" .. يالله سير جيبها .. راني زربان ..

رائد .. "خشا يديه فجيبو و شاف فيه بنفخة " زوجني بنتك و نعطيك مرتك😌

تاج الدين .."جلس بقلة صبر" .. يالله سير جيبها .. راني زربان ..

رائد .. "خشا يديه فجيبو و شاف فيه بنفخة " زوجني بنتك و نعطيك مرتك😌

تاج الدين .."ضرب يد بيد " هادي زوينة عاوتاني .. 

رائد .. اوا شنو .. عطيني الكلمة و نعطيك ختها ..😉

تاج الدين .."طلع ليه الدم .." تعلمتي تغمز البرهووش ..

رائد ..اوا لي اول شرط آخرو نور .. و هذا شرطي .. 

تاج الدين .."كيحك لحيتو " واعطااااتك اليام اولدي تشرط مع راسك .. 

رائد ..شرطي الوحيد هو تعطيني الكلمة .. كلمة الرجال ..بنتك ليا .. 

تاج الدين... "كيحك راسو" بففف .. بنتي مخطوبة ..!!

رايد .."زير على فكو و كفو" واخة اسيدي .. عطيني الكلمة ماتدخلش بيني و بينها و انا غانتصرف معاها و غانعرف نرجعها ليا .. اش قلتي!

تاج الدين .. "تنهد" عطيناك ديلمها هاد الكلمة ..

رائد ..العز العشيير ..هههه 

تاج الدين .. "خزر فيه" العشير !!!

رائد .. صافي بلا ماتعصب انا غانقنعها ولكن دير فبالك ..و فبالكم كاملين شغف الى ماخديتها انا ماكين لي غاياخدها .. 

يمن .. واش حنا فموضوع و نتا كاتنقز لموضوع اخر ..!!

تاج الدين .. و الطامة الكبرى هادشي بسببو ..!

هاجر .. انا كيبان ليا تخليها ترتاح شوية !! 

تاج الدين .."خزر فيها" علاش بالسلامة قالو ليك كنت كانهز عليها الملحة!! راه دارها هاديك الالة ..

هاجر خزرات فيه" .. و ماتنساااش نتا لب خليتيها شحال بكات البارح و نتا غادي ماهاماكش ..

يمن .." نغزها" دخلي سوق راسك نتي ..

تاج الدين .. علاه داكشي لي دارت ساهل؛!

هاجر .." الكناوا كيلعبو ليها فوق راسها كبات عليه كااع لي كانت جامعة" اوا لا نسيتي نفكرك .. ماشي غا هي لي غلطات .. نتا كوولك اغلاط من راسك تال رجليك ! بعداتي علينا ولدنا و فارقتيه مع البنت لي كيبغي نسيييتي نتا شنو درتب باش تزوج ريماس .. نسيييتي شنو دوزتي عليها و رائد ماعمرو كان غايدوز ولو غا شوية من العذاب لي دوزتي نتا على ريماس!! و لا نتا تخاف على بنتك و بنات الناس مهامينكش!! اش يصحاب لك راسك .. شنو هاد الظلم كاامل ريماس دارت غير الصح .. و هي كاتشووف بنتها لي راسها كي الصخر كادمر فراسها .. حيت كاتبغي هذاااا و غااادية تزوج بواااحد اااخر غير ضد .. و نتا بكل بصاطة خليتيها عندنا و ماتسوقتيش و دابا جاي باغي تديها و مامسوقش !! هي خنشة تالبطاطة فين ما عجبك تحطها تحطها و لا شنو!!؟ 

تاج الدين .." صدماتو بهضرتها كان غايسرفقها كون ما تولا يمن المهمة .." 

يمن .."طرشها تا سكتات و حلات فبه عبنيها على وسعهم" سكتي دابا !! يالله طلعي البيتك .. قلة الحياااء وصلات فيك لمانعرف فين .. !!

هاجر .." خزرات فيهم بزوج " يخلييها ماركة كاملين 😡

طلعات مكشكشةبقى رائد غا كيشوف فيهم و هوما واحد يشوف غلاخر تا شافو فرايد بزوجهم..

رائد .."شد فمو خام الضحكة" مالكم كاتشوفو فيا ..

تاج الدين ... غانن..

رائد .. قالك ماكانعرفش نتصرف .. نتوما كاتعرفو تبارك الله .. 

طلع كيضحك خلاهم كيتقلاو فالسم و يشوفو بعضياتهم .. طلع ديريكت عند هاجر هداها باش ميكبرش الموضوع و توجه من بعد لعند ريماس ..

رائد.."دق الباب كيستأذن الدخول" ..

ريماس .. دخل اولدي دخل ..!!؟

رائد .. "دخل و سد الباب موراهلقاها جالسة فالبالكون مشا جر كرسي و جلس بالمقلوب تقابل معاها" احم .. واخة نهضرو!!

ريماس .. مرحباا ..

رائد ..مابغيييتش المشاكل تنشب بينك و بين عمي و عااارفكم شحال كاتبغيو بعضياتكم واخة تكبىو تا تعياو ماتكبريش الموضووع على ودي .. السيد باينة فيه مانعسش الليلة كااملة شتي عينيه و لا ماشتيهمش كي ديرين ..

ريماس .."طلعات عينيها بقلق'' مالو واش عيان!

رائد .."شد فراسو" ههههههههههه عرفتي شفت تا عببت فعباد الله بحال هاد العائلة عمري شفت .. غاتحمقوني واحق الرب .. 

ريماس ..."ضرباتو ليدو" دابا نتا واش كاتغلط فينا!!

رائد .." ناض باس ليها راسها" ماتكبريش الموضوع و رجعي معاه .. راه كيتسناك التحت ..

ريماس.. اممم ..واخة ..اجي نقول ليك ..!! شنو ناوي دير مع شغف ..!؟

رائد ..هههه اودي خليها على الله بالحق بربي و نشوفها معاه متنعقل عليها ...

ريماس .. اوا راه خطيبها ماعندك ما دير !

رائد..شعلو عينيه ..خطيبها و انا راجلها من تولدت و هي مكتوبة على سميتي .😡

ريماس .."جاب ليها الضحك" ههههههههههه كاتفكرني فعمك نفس قصوحة الراس .."ضرباتو لجبهتو''

رائد .. كوون غا كانت شغف كاتشبهلك فهاد القلب الحنين"باس لها يدها" كون رآه حنا بيخير .."شد على قلبو" ولكن ماشي مشكل هاااخخ ..

ريماس .. "ابتسمات ليه بحب" الله يهدييكم كااملين ...!

في مكان ااخر عند شغف كي فاقت توجهات للعمل ديالها ديريكت شغلات راسها بيه مابغات تفكر لا فرائد و لا فمشاعرها و لا ف فعيلو .. كات واقفة و عاطية بالضهر للباب ما حاسة بحد و كادوي فالتيليفون و تعبر بيديها ماشعرات غير بيدين غمروها من اللور و راس تخشا فعنقها بقات مبلوكيا .. فالأول يصحاب لها رائد ولكن الريحة ديال رائد حافضاها كثر من اسمها حيت مكيغيرهاش من قبل ما يمشي .. تنطرات من بين يديه و ضارت مخنزرة فاش شافت مصطفى تصدمات ..

شغف .. نتاااااا؟؟؟؟

مصطفى .."ابتسم بالجنب" و شكون من غيري!؟

شغف .."عقدات حواجبها و حطات يدها على خصرها " كيفاش تجرأتي ..! كون شافنا شي حد اش يقول عليااا؟؟

مصطفى .. بففف .. "قرب لعندها " غايقولو خطيبها معنقها ولا نسيتي !! .."جرها من يدها" البارح نعستي بلا ماتودعيني امم .. توحشتك..

شغفف .."تزيييرات", .. اا احم .. حسيت براسي عيانة ..سمح لي على قلة ذوقي ..!

مصطفى .."باس لها يدها" يالله حبيبتي انا عارضك للغدا .. 

شغف .. "كاتشوف فيه ببلادة" ها!!؟

مصطفى .. هههه مالك احياتي بنتي ليا فحال لا مزالة عيانة ..!!

شغف .."فلتات يديها من يدو بسبة " ااه .. عيانة .. راسي ضرني .."شدات فراسها" سمحلي بزااف ماغانقدرش نخرج معاك ..

مصطفى .."بعدم قبوول" ماعندييش انا دوك الأعذاار مستحيييل نقبل .. غاتغداي معايا .. و غانحرص انك تغدااي مزيااان .. 

شغف .. "بقلة حيلة" .. اووف .. واخة مسالي شي خدمة .. جلس تا نسالي .. 

مشات شغف قالبة عينيها ماحاملاش ديك اللطافة الزايدة ديالو بالنسبة ليها هاديك كانت حمووضة .. كملات خدمتها كاتمشي و تجي ووهي كادوي فالتيليفون اما هو كان جالسة فوق الكنابي و كيشووف فيها متبع ليها العين .. فكاع تحركاتها و مفاتنها مزگل تا بلاصة ما حنززش فيها .. و عاض على شفتو التحتية بشهوة .. تا سالات و وقفات قدامو هازة صاكها..

شغف .."كاتدوي بنفخة" ساليت

مصطفى ..."وقف و مبتسم " يالله مشينا!!

اتجهو للسيارة ديالو فتح لها الباب وطلعات و مشا لبلاصتو صاااك في اتجااه الريسطو لي كان من الأرقى المطاعم ... دخلو و جلسو فمكان بعيد على الناس خارج الكافي ..جلس و قريب ليها بزاف طلب شنو بغا و طلبات تا هي لي بغات مكانتش مرتاحة بديك القرب ولكن مالقات ماتدير ماقداتش تضور فيه مع انها تعصبات .. بقاو كيتبادلو اطراف الحذيث و كل مرة كيقبط ليها بيدها و يلعب لها بالخاتم ..و هي كاتنطرها منو و حرام واش بغا يحشم و لا يعيق على راسو .. وصلهم الأكل لي كان بمثاابة منقد لشغف مسكينة بدات كاتعرق ولكن كيقولوها لي دارها بيديه يفكها بسنيه .. تعشاو فجو هادي ماتكلماتش معاه و تا فاش كيدوي معاها كاتحرك راسها بمعنى كناكل تا جات اللقطة الحاسمة 😂

مصطفى. ."ماد ليها اللقمة بالفورشيط" فتحي فمك احبيبة ..

شغف .." كاتسمع هاد حبيبة مصارنها كيتعقدو فتحات فمها و بلعاتها بزز " شكرا .. 

ابتسم ليها يالله كان كيقرب ليها يبوسها فحنكها تا جاتو دقة للراس بحجرة دار يشوف شكون بان لبه غا شااابةطول بعرض جاي جهتهم مزنفر و وجهو حممممر .. 

شغف مسكينة فحال لا خويتي عليها الماطايب عارفة راسها اليوم تشوه تشويهة تالقلب .. 

رائد .. "دفع الكرسي لي قدامو برجليه و تم قاصد شغف " اش هادشي ؟؟ هاااا 

شغف .. راااائد .. اش كدير هنا ..؟؟

مصطفى .."وقف قدام شغف باش ميوصلهاش" ياك لبااس شكون نتا ..؟؟

رائد .. "وقف و دار يديه فجنابو" شكون انا ؟؟ هههه ماقالتش ليك .."شير لشغف'' ماقلتيش ليه شكون اناا؟؟ "ابتسم بغض و عض على لسانو .." انا نقول لبك شكون انا " ضاار و ضربو على غفلة بروصية طيحو على الطبلة " عاني وريت الز*** بووك اولدعاهرة شكووون اناا .. 

شغف .."شدات فمها من هول الصدمة" ..رائد بلا شوووهة عافاااك ..

رائد .. جرها من يدها رماها وراه" نتي شفتي الشوووهة .. تغفليني انا لديلمك ايييه ولينا نتباااسو فالقهاااوي .."شحطها لفخضها" دوي كبرتييي البعلوووكة و ربيتي الجناااح...تحركي من تم نعرف شغلي معاكا ..

رجع لعند مصطفى ناوي على خزيت كان كيمسح فدمو ملاهي غا مع الدم لي خارج ليه نسااا واشةكانت معاه شي وحدة سميتها شغف😂.. 

رائد .. كنتي باغي تعرفني شكون .. !؟؟

قبل ما يجاوبو عطاه برجلو لمعدتو جابو جالس على ركابيه .. رجع شدو من شعرو و ضرب لبه راسو مع الطبلة .. مرة و زوج و ثلاثة تا بدى كيترخا .. 

رايد .. اهادي .. ديالي .. تقرب ليها واخة غا من بعيد .. مك ن**ها ليك .. سمعتيييي ..

يالله كان غايطلقو تا غفلو مصطفى و عطاه للعنق هنا جن جنونه و هو جر له يدو لواها لو ورى ضهرو بدا يخبط فيه من اللور حتى تشنجو عضلاتو و تعوج كلو و مع رائد تبارك الله هوايتو المصارعة و كيتريني كل نهار كاع الحركات عارفهم كي كيدوزو خلاه مكوشم مليوح حدا الطبلة تا حد ما قرب ليهم تا من الناس لي كانو تما قلال ماقدوش يوصلوهم .. ضار عند شغف بعينيه حمرين كانت كلها كاترعد عيات ترغب فيع يطلقو لكن بدوون جدوى .. جرها من يدها تم غادي بيها رماها فالأوطو و كسيرا .. مانقطقاااتش حييت عاارفة راااسها غير غاتزييد تجعرو اللهم دير خمسة على فمها اما هو كل شوية يغوت و يضرب فالفولون .. و ينگر .. خلاها غا كاتحكمش و تحل .. 

جرها من يدها تم غادي بيها رماها فالأوطو و كسيرا .. مانقطقاااتش حييت عاارفة راااسها غير غاتزييد تجعرو اللهم دير خمسة على فمها اما هو كل شوية يغوت و يضرب فالفولون .. و ينگر .. خلاها غا كاتكمش و تحل غابوحدها من لي كسيرا ماوقف تااال مكان بعيييد خارج على المديينة طبعا الوجهة ديالو كانت هي مكانهم المفضل .. لي كانو كيجلسو فيه و من لي اكتشفوه ماعاودوش بدلوه .. وقف قدام جرفة كبيرة مقابلة البحر و نزل ردخ الباب .. شغف من كثرة ما تعصبات ولتت خايفة منو لا يضور فيها ولا يضربها لا تكلمات معاه داكشي علاش بقات غير مراقبااه و هو كيمشي و يجي قدام الاوطو فحال لي كيتسنا مرتو تولد .. مرية يدير يديه فراسو مرة يديرها فلحيتو .. الغيرة كانت كتاكل فيه أكل .. ماحسات فير بالباب ديالها تحل بالجهد و نجرات من داخل لعندو سد الباب و لسقها عليه محاصرها بتقلو و يديه كرشو على كرشها و عينيه فعينيها بنضرة ثاااقبة ..

شغف .."بخوف" اااشش. .. اشش كادير ..!

رائد .."عض على شفتو بالأعصاب" نتي لي اش كاتحاولي ديري .. واش باغياني نقتل ديلمك!! واش باغيااني نكسحك اشغف ؟؟

شغف .."خزرات فيه و جمعات النفس فصدرها و عاودات طلقاتها بعصبية" ااااشنو درت انااا شنووو ازمر ..

رائد ...''شد فخصرها و خشا فيه صباعو تا غوتات" مادرتي وااالو غيييير جالسة ليا مع الزوااامل فالرييسكو و كاتبااوسي ليا مع راااسك شغل الق**** مايمشييييش معاناااا ابنت الصققققر. .

شغف .."دمعو عينيهابالحر تيديه و الحر دالهضرة لي كيخرج من فمو" ياااك هااادي اخرتها تتنعتني بهااد الكلااام .. كنتي خلي غير مساااحة احترااام تبقى بيناااتنا خربتي كووولشي كوولشي ارائد ..

رائد .."ضرب فالاوطو بعصبية بيديه ضربة مور ضربة تا تقجنات و يديه تجرحات و بدات تنزف" عيييتييييني .. مرضتيييني اشغف .. اااش غاندييير ليك قووولي ليااا غير شنووو ندييير. .

شغف ...هءههءههء😭😭 انا لي عييييت و تقهااارت .. لاش جااااي لااش هءهءههءء .. لاش جيتيييي لاش رجعتي .. انا مخطووبة دابااا و لي شفتيني معاااه ماشي واحد غريييب خطيبي و غانتزوجو علاش كادير هكذا فراسك و فيااا علاااش .. 

رائد..."نزل عينيه لصدرها .. مد يديه فتح ليها الصدايف الأولييين و هي كاتنطر فيديه" فين السنسلة !؟ 

شغف .. "دفعاتو و رجعات سدات الصدايف" حيوااان .. عمرك تحط علياا يديك كاااتفهم ..😕

رائد .."بالعصااب لي فيه جرها من شعرها و كيدوي كارز على سنيه" قلت لبووووك فيييين السنسلةةة..😡

شغف .. " كاضرب فيه بيديها فصدرو و تغوووت" رمييييتها بعااااد علياااا يديييك الموووسخ بعااااد ..

رائد ."زيري على شعرها " رميييتي السنسلة ديالي !! هههه .."ضحك بالجنب و طلق منها .. جر لها يديها كيشوف فالخاتم لي كانت فيه حجرة مااس كبيرة فالوسط و حجيرات صغار دايرين بيها بطريقة فخمة و راقية" .. هههه بطبيعة الحال .. اش عندك ماديري بسنسلة ديالي .. 

رمى يديها بنطرة و مشا جلس بعييد على الاوطو قدام البحر كيحااول جاااهداا انو ميضربهااش .. كانت هاديك السنسلة اول حاجة شراها بماالو الخااص لانو كان كيخدم فالويكاند و فالعطل كيبريكولي و بفلوسهم كانت اول حاجة يشريها ليها هي ديك السنسلة لي مكانوش منها زوج لأنو طلب من عشق تصممها ليه و هو خذاها للي يصايبها ليه و فااش مشاا كان كيضن انو كيف ما وصاها عمرها غاتحيدها واخة كاانت متواضعة لكن كانت عندها قيمة كبييرة عندو .. جبد كارو كيكمي و يسف واحد مور لاخر .. و الغييرة كاتاااكل فيه من الداخل ماقدرش يهدي اعصابو .. 

ناض متجه ليها و عينيه حووومر و يدوو كاتنزف مامديهاش فيها و محااسش بيها اصلا لأن دمو كاان حاامي .. كانت واقفة فبلاصتها فين خلاها فحال لا مصدومة .. وقف قدامها و جر يدعدها لعندو نطر منها داك الخاتم ديال الخطوبة و ضار رماه للبحر .. خلاها غاكاتشوف ..

رائد .. يدك الى ماتحطش فيها خااتمي عمر شي خااتم ديال شي قو** غايتحط فيها فهمتييييي..

شغف .. ماعندكش الحق .. ماعندكش الحق تقرر .. 

رائد .."حمر فيها عينيه .'' شكون هذا لي ماشي من حقو؟؟ هااا شكوون ..!؟ 

شغغ ..." الدموع نازلين من عينيها و قلبها كيتقطع من الداااخل" نتاااا هءههءهء .. نتا ماااشي من حقك ..ماااشي من حقك تمشي و تخلييني .. ماشي من حقك ترجع بعد ما قرىت نساااك نتتااااا هءههءهء نتا لي ختاريتي تبعد .. نتا لي خليتيني .. واش عرفتي شنو جرا ليا بعد ما خليتيني .. ماكنتش كاناكل ..مكنتش كانخرج .. مكنتش كاندير تا حاجة .. وليت كانديير الربووص بكثرة ما كيجيني ديق التنفس .."شدات راسها بصبيعاتها ماباغاش تفكر دوك الأيام لي كانو بالنسبة ليها كحليين'' كنت فحال الحوتة لي خرجو من البحر ..و فاش خفييت من هااادشي كلو و قلت غانرجع كيف كنت و قويييت رااسي .. رجعتي عاوتاني .. علااااش رجعتييي .. علااااش .. صااافي فااات الوقت ماااشي داباا غاترجع مامحتااااجاكش معايا دابااااا صاااافي ..

رائد .."جرها على غفلة و حط جبهتو على جبهتها كيتنفس بالجهد و بعصبية " ماخليييتكش .. و عمري نخليييك .. "صدرو كيطلع و ينزل " ديما كنتي تحت عيني واااخا بعدت ..نتي ديالييي .. "خذا خصلة من شعرها شكها" فاني إيشوكولا ديالي .. ماعمرها تكون لغيري ..

شغف .."باغية تبعد عليه و ماقداتش" خليني نمشي عافاك ديني. .. ديني للدار الله يخليك .. 

رائد ...حط يدو لي فيها ام على وجها كيتحسس حنيكاتها بصبعو الكبير و عينيه فعينيها" عمرني نخليك ... 

شغف .. خليينيي .. 

رائد .. "ابتسم بالجنب" لا مانخليكش الخوينزة ... 

شغف .."شدات يدو و دفعاتها" عمرييييي غانساامحك كاتفهم عمرييي..

رائد.."فاش جمعات لو يدو حس بيها كادرو طلع يدو شافها لقاها مجروحة من الخطوط .." شيييت ..!

شغف .." عاد انتبهات ليدو المجروحة و الدم لي طبع ليه الشوميز .." اويلي .. شنو هذا !! "جرات لو يدو مخلوعة عليه " يدك ..!! يدك كاتنزف!!

رائد .."جرها منها بعصبية ولا مبالات" و الى ..!! شنو كيهمك نتي فيا وفيدي!

شغف .. " عاودات جراتها ليه" حيد الزمر خصك تعقمها . .. ياددبااش درتي هاد الحالة باااش ..

رايد .."مخنزر "شكون عقل شكون ..؟

شغف .."خزرت فيه و جراتو يجلس فوق الكوسان تالاوطو نحنات عليه تجبد صاكها فهاد اللحظة تلاقو عيونهم لي كانو كيحكيو الف حكاية و حكاية .. فيساع فاقت من سهوتها ز جرات الصاك جيدات منو القطن و المعقم .. جلسات على ركابيها و خدات المعقم غطسات فيه القطن .. جرات يدو كاتدوز على جناب الجرح بشوية .. عينيها كانو مضببين بغلاف من الدموع .. و الأحاسيس بداخلها مخربقة... شافها كاترعد و هو ياخد من عندها المعقم خواه على يدو و حيد لها القطن زير بيه على الجرح ..

شغف .. اااش هادشي درتي دابا؟؟

رائد .."مزنفر" ءيالله طلع نوصلح .. 

حد من بلاصتها و من لها اامعقم خذاتو من عندو بنطرة .. جلسات فبلاصتها ووتا هو توجه لمكانو دالسياقة .. و ديماراا ...ملي تحركو و هو كينفخ و يصوط حاس بالصهد طالع معاه انا عيا مسحات دموعها و عقدات حواجبها كاتشوف فالطريق ماحاولاتش دور راسها لعندو كان كل شوية كيسرق منها نضرات ماباغيش يدوي معاها لكن فمو ما هناه ..

رائد... كاتبغيه؟؟؟

شغف .."ضغطات على عينيهاو عضات على شفايفها" ماشي سوقك !!

رائد ..ضرب يدو المجروحة مع الفولون تا ضارت عندو .. جراتها ليه و نطرها"ماتقيسيييش..

شغف .. وااش نتا مرييييض؟؟صافاا با

رائد ... مريييض بيييك .. نتي لي روووبلتيئني 😡

شغف .. صافي غير تهدن و نقص من السرعة .. عافاااك .

رائد.."عاد مكيزيد فالسرعة و صدرو كيطلع و ينزل '' سكتي عليا مانسمعش حساااااك

شغف ..."زيرات على عينيها بالخلعة و جاها الرضااان .." عافااااك ءههءهء .. عافاك جاتني الديخة ..

شدات راسها و عينيها كيدمعووو حسات بداك الماكلة لي كلات مع مصطفى غاطلع ليها و شحااال دعاااات علييه.. ماحساات براسها تا نطقاات بأعلى صوتها ..

شغف .. وا ماكاااااانبغييييهش .. هءهءهء😭

رائد .. "خفف السرعة و دار ابتسامة انتصار على فمو ''

شغف .. وقف .. وقاااف هاد الزمى غانرد!!

تنحى على جنب و كي وقف نزلات شغف كاتجري بعدات على الطرييق و ردات كاع لي فجوفها تبها هاز قرعة تالما جا وراها و.. شد لها شعرها للدر و يدو كلدور على ضهرها كايحاول يهديها حس بيها كاترعد كيف عادتها من الصغر كاتكره ترد و فاش كاترد ماتشدها كرييز ديال الرعدة .. تحنا غسل ليها وجها و عطاها القرعة غسلات فمها و و شربات .. 

رائد .."كيحيد ليها شعرها على وجها'' شوية دابا!!

شغف .. "كاترعدد و تنهج" ..حيد عليااا .. ي.ييديييك .. هيءهءهءهء

رائد .."جرها لعندو حاوطها بيديه" شووووت صاافي سمحي ليا ماكنتش عارفك باقة كيف ما كنتي ..

شغف .. انا هءهءههء .."كاتنطر منو و هو مزير عليها".. انا عمرييي ماتبدلت نتااا لي تبدلتي ..و بزاااف ..

رائد .. هههه .. صافي المشيشة صافي .. "عنقها و زير عليها تا ترخات بين يديه .. بعد عليها شوية و خط يدو على وجها كيتلمس خدودها بصبعو الكبير. ." انا عمري غاتبدل و خصوصا عليك نتي نتي هنااا "كيضرب على صدرو" بووحدك ليك هنا ..!

كانو عينيه مركزين على شفايفها و صدرو كيطلع و ينزل .. قرب وجهو لوجها ببطئ .. و دقات قلبها ساارعو فالخفقاان ..ماحسات بيه حتى حط شفتو على جنب فمها و بقى ساااكن ماتحركش .. باسها بوسة خفيييفة و و تبعها بوسة أخر و يدو كاتمشي و تجي على يدها من الدراع تال الكف .. بعد شوية لقاها مغمضة عبنيها و تنفسها سريييع ملخبط .. ابتسم برضى و تأكد ان مشاعرها مزالة هي هي ..كيف ما خلاها .. فرح من اعماق قلبو لان لمستو مزالة كاتأثر فيها .. حط صبعو الكبير على شقتها كيتحسسها بلطف و ساط على خصلة شعرها بالنفس ديال فمو ..طبع ثبلة على جبينها الشيء لي خلاها تفيق من احلامها الوردية .. 

شغف .."بحزن " علاش كاتعذبني فحال هكذا !!

رائد .."طلع حاجب و نزل خوه و يدو محاوطة وجها كاتلمس فيه" كانعذبك بحبي !!

شغف ... عييت .. عييت بزاااف ..

نزل على وجها بقبلات على جميع انحائو حنيكاتها عينيها نيفها ماخلى تا بلاصة وهو كيقبل فيها بجنوون ...غمضات عينيها لا شعوريا كي استقرو شفايفو على ديالهابقبلة كانت أعمق من العمق و أحلى من العسل بالنسبة لرائد .. كيف لا و هو كيتذوق طعم شفايف جنتو من جديد .. فالأول ماتجاوباتش معاه لكن سرعان ما ولات تا هي كاتداعب شفايفو بنعوومة الشيء لي خلاه يجهل عليها .. غمض عينيه بالجهد و فصل القبلة و هو كينهج صدرو كيطلع و ينزل بعصبية .. حط يدو على راسو تخللو خصلات شعرو .. و رجع شاف فيها بترجي...

رائد .. بالله عليكي ريخيني و ريحي راسك و رحمينا من هاد العذاااب ...!!

«أدمنت حبك ....

أدمنت لمسة يديك على جسدي ...

أدمنت مسك رائحتك ..

كيف لي ان انسى كل هذا بحجة البعد ..!!»

رائد .. بالله عليكي ريحيني و ريحي راسك و رحمينا من هاد العذاااب ...!!

شغف .."تنعدات و شافت فيه" نهار بغيتي تمشي و تخليني ماجيتيش قلتي ليا انا غاادي؟؟ .. خمس سنيين و انا كانتصل بيك بدوون ملل ولا كلل .. عمرني لمتك و لا قلت ليك علاش مشيتي حيت كنت كانقول مع راسي من مصلحتك .. تمشي .. و تقرى .. تكون رتسك و دااك السااااع ترجع لياا انا .. و نتا بكل برووودة دم .. قطعتي علياا انا فخطرة مكاتجاااوبش على اتصاالااااتي .. 

رائد .. و رجعت .. رجعت ليييك فاللخر .. 

شغف .. بعد ااااش؟؟؟ قول ليا علاااش رجعتي !! عطيني سبب كيف مااا بغا يكوون الااا انك تقول ليا رجعتي حيت كاااتبغييني .. قول ليا غروورك ماسمحش ليك ان وحدة كااانت دياالك تولي مع واااحد ثااني .. هذا سبب ممكن يقنعني ..هههه عرفتي شنو لي رجعك ارائد .. أنانيتك.. ماباغييش تشوفني عايشة بيييخيير !!

رائد .. "كيحك لحيتو ..'' انانيتي .. ههه ..غاتعيشي بيخير مع داك خيتي .. عفوا .. خينا!! غاتشاركي نتي وياه سوشوار و المكياج واقلة ..!! هو مقدر تا يحامي على راسو عاد يحامي عليك ؟؟ غاتعيشي بخييير معاااه اشغف .. غاتعيييشي بخير فاااش نبعد علييييك ؟؟ "ضرب على صدرو " انااا ماشي اناني..غانخليييك تعيشي بيخييير ...ولكن ديري فبالك هاد المرة نتي لي خليتيني .. نتي لصديتيني .. حاولت معاك بزااف و هادشي ماااشي من عاادتي .. واقلة طيحت من راسي بزاف تا وليتي يصحابلك ماعندي نفس .. عقلي على هاد الهضرة ديالك مزيان غايجي النهار و نفكرك فيها .. غاتشووفي كيفاش غاتعيشي بيخيير معاه .. ابنت الصقر .. "سرف بديك القرعة لي كانت فيدو و رجع للاوطو'' زيدي نوصلك لداركم !!

تنهدات و تبعاتو ركبات حداه ودورات وجها للسرجم بزوجهم كانو فدوامة ما ليها حل .. تا حد فيهم ما شاف فالتاني واخة غا بنص عين ..كل واحد فيهم بدا كيراجع نفسو ..واش دار الصوااب .. شغف كاتفكر انها هي لي عندها الحق و راضية على راسها حيت مارجعاتلوووش كسرات غرورو و ماكسراتش غرورها هي .. اما هو كان مدبووح بسكيين حاافي .. ديك الهضرة خلاتو يفكر و يعاود يفكر .. هو متيقن انو كيبغيها و ممكن يفديها بروحو خصها طلب ولكن هي دابا اتهماتو بلي هو أناني و كيفكر غير فراسو ... و هو لي كان كيفكر و يحلم غير بيها هادالسنين لي بعدهم عليها كاملين ..!! اتهماتو بلي كاباغيش يشوفها عايشة بيخير و هو باغي غير سعادتها ..

ماشي ديما كانلقاو الحب لي يوالمنا و نعار كانلقاوه كيكونو فيه و فينا عيووب كثااار .. يمكن حبنا للطرف الثاني كيخلينا نشوفو بعد المرات غير الإيجابيات ديالو واخة يكون عامر سلبيات ..و لكن فاش كيبعد علينا كانوليو نشوفو غير السلبيات و نحضرو القديم و الجديد .. علاش!؟ حيت يا إما مكاتكونش الصراحة بيناتنا .. يا إما كيكون طرف ثالث تدخل فالعلاقة .. و فحالة شغف و رائد .. تدخل طرف ثالث و كان غياااب تااام للصراحة ... 

وقف قدام الباب ديال فيلا نزلات بلا ماتشوف فيه و هو كذلك كسيييرا بلا ميتلفت فيها و قلب كل واحد فيهم عند الثاني الطريق كلهااا كيسب و يلعن النهار لي جا فيه لهاد الدنيا وسط هاد العائلة بالضبط باش يتلاقى بيها و يشوفها و يبغيها .. اما شغف كانت منهارة على الآخر لكن لبسات قنااع القوة و دخلات رافعة راسها للدار تلاقات لكن وقفات مصدومة فالجردة فاش شافت خوها ايهم جالس هو و أريج بنت عشق فالبيسين و مدليين رجليهم فالمااء كيتمازحو ..! هاد اللقطة بالذااات رجعات بيها للور بزاااف نفس اللقطة و نفس السن الفرق غير فالأشخاص .. قربات لحداهم مبتسمة ليهم غير شافتها أريج و قفزات كاتجري عندها طارت عليها بتعنيقة. .

أريج .. ااااااععع توحشكاااك بزااف ههههه غبرتي عليااا .. 

شغف .."صيبات ليها شعرها للجنب" اوا نتي لي مكاتجيش عندي ..انا راكي عارفاني ملي خدمت مابقيتش كانسالي ..

أريج ..راه ماما ماكاااتخلينييش نخرج مزال بابا كيخليني بعد المرات عيييت انا تقهرت دايراني فحبس اووف ..

شغف .."ضرباتها لراسها بشوية " ماتأففييش .. ماماك عندها غا نتي و خايفة عليك الوقت خيابت دابا احبيبة .. 

أريج .. الوقت خياابت عليا غا أنا ..كاع صحاباتي كيخرجو و يدوىو و عاادي عندي 16 عام ماشي ست سنين ..

شغف... و هاذا هو المشكل عندك 16 عااام و بزاف غاطبعو فيك راك بديتي تتكبري .. و نهار تبغي تخرجي تصلي بيا غاتلقايني عندك و تا لا ما ساليتش غانصيفط ليك ريم ..غير طلقي ليا البشرة مانبغيش نشوفك مقلقة .. 

عشق .."كانت واقفة وراهم ما شافوهاش .. عنقات شغف من كتفها و باست لها راسها " الله يكملك بعقلك كاتنصحي عباد الله مزال ما نصحتي تا راسك .. هههه

عشق .."كانت واقفة وراهم ما شافوهاش .. عنقات شغف من كتفها و باست لها راسها " الله يكملك بعقلك كاتنصحي عباد الله مزال ما نصحتي تا راسك .. هههه

شغف .."سلمات عليها .. اهاااه هذا هو خيري ههههه واااخة الالة ...

عشق .. جرات ليها حنبكاتها" الروووح ديال عمييتو ههههه

شغف ..زارتنا البراااكا اعميتو زعما ماتفكريش تجي لعندنا ..

عشق .."خزرات فيها .." اوا بسلامتك عرضتي عليا و لا تشاورتب معايا فالخطبة ديالك داكشي علاش غانبقة نجي عندك ابعدا راني غضبااانة منك..

اريج .. اااه و تاا انا .. كاع ما شفت خطيبك !!؟

شغف .. انا براسي معارفاش هادشي كيف تم ..

اريج .. و فينو الخاااتم .."هزات لها يدها كاتقلبها" ..

شغف .. " ابتسمات بالجنب" طاح ..توضر .. مانعرف فينو .. توضر بحال بزاف تالحوايج توضرو ..

أريج .. اويلي حي على توضر خاتمك ديال خطووبة وضرتيه صافا بااا ؟؟ 

عشق .." "جلسات على الكنابي حدا شغف " فاش مكيكونش الخاتم من واحد باغيه القلب دغيا كانرميوه ولا نجليوه .. حيتكيكون خاانقنا .. هادشي كبير عليك نتي ابنتي

شغف ... ههههههههههه كبير عليها ... هادشي كبير عليا انا ههههههههههه 

عشق و الله الى ولاد عاد الأيااام غير الله يحضر منهم السلامة .. 

أيهم .."لي كان لابس غا الشورط حيت كان كيعوم ..وقف عليهم مزنفر" نتي مخلياني كانتسنى و جاية شادة الجماعة ..

أريج .."كدور فعينيها" ها ..ااانا.. كنت مع ختي شغف ..توحشتها ..

أيهم .."جرها من يدها " زيدي نعلمك عومى الجرانة ..

شغف .. ههههههههههه فين خووك ..

ايهم .. الفووق مع الوليدة ..

سغف .. كاع ما بستيني البرهوش ..

أيهم .."رجع لعندها كيضحك بايها فحنكهاةو رسها بشعرو" نتي راك الكاب كيك ديالي واخة كاتشكمي عند الواليد ..

شغف .. نتا راه الحب ديال ختو نتا .. واخة كادكدك لبا حوايجي ههههههه..!!

ضحك معاها و مشا جر اريج بقات هي مع عمتها كايتبادلو اطراف الحذيث على اي حاجة .. 

عشق ..ماماك مقلقة من باباك كاافرة عليه نييت ..!

شغف .. يجيب ليها غا الشكلاط غاترضى عليه .. ههههههههههه ..

عشق .. هههههههههه مسخوطة صافي ..هادالمرة الشكلاط مغينفعش معاها .. هههه

شغف... لالاينفع ينفع كاتوحشو مانقدرش تخاصمو ..

ريماس .."شعكات ليها شعرها" نتي حافضانا نتي..

شغف .. وايلي راحنا عشرة الواليدة ..

ريماس .. ههه ييه الالة.. "دارت راسها فكعانة" اصلا انا ماكلندويش معاك تا نتي ..

شغف .."وقفات و مشات عندها جلسات لها فوق رجليها و عنقاتها" ويليييي ت٩اصمي معايا انا نتي الاوكسيجيني ديالي بغيتيني نمووت ..

ريماس.. "ضرباتها لفخضها" ههههههههههه احياااني عليك الخايبة ..

شغف .. "ناضت من فوق منها و جلسات حداها" تلاقيت الوم مع رائد ..

ريماس .."باهتمام" اوا ؟؟

شغف ..كنت مع مصطفى كانتغداو و هو يتلاح عليه كيف الباطل خلاه كيقطر دماياات ..

ريماس .."شدات فمها " ويلي ويلي غزا فيه ههههههههههه مارتاحيتش لييه ..

عشق .. ويلي حشومة عليه ضربة ديال رائد دقة بطلة و خصوصا لا مكانتش عندو صحيحة اما مزال لا كان قلدة غايدافع على رايو ..

شغف .. قلدة و مادافعس على راسو .. هههه شاف الدم و تضهشر ..

عشق ..اوااه .. ههههههههههه الله يعز رجالتنا و صافي هههههه ..

ريماس .. ههههههههههه و اللهيلا ..

شغف .. ههههههههههه كاطنزو عليا يااك ..

ريماس...اوا كملي شنو طرا من بعد؟؟ ياك ما دار ليك شي حاجة..

شغف .."عاودات ليهم اش طرا من طاق طاق تال السلام عليكم" 

ريماس"ضربات فخاضها" اوييييلي "ضارت عند عشق" شفتييني اش وااالدة؟؟ شفتي اش كانقول ليك ! صافي طيرتيه ابنت كرشي صاافي تهنيتي دابااااا ..!؟

عشق .. شششتت الدراري غايسمعوك اصاحبتي دوي بشوية!

ريماس .. تي شمن شوية غاتخرج ليا العقل هاد البنت ماكاتسمعيهاش اش كاتقووول .. اويلي وحدي ..

شغف .. واش كانعاود ليك بااش ديري هكذاا اماما؟؟

ريماس .. و اش بغيتيني ندير لبك اختي ..نسفق ليييك و لا نووض نشطح ؟؟ براافوو عليك ابنتي .. مزيااان ضيعتي عليك واحد كيبغييك و نتي كاتبغيييه يالله كيف ما قااال نووضي ورينا كيغاتعيشي مع داك مصطفى مرتاحة ..!!

شغف ..غمضات عينيها كاتحس براسها عيات ديال بصااح محتاااجة شي حد يواسيها بلا ماطلب محتاجة لي يطبطب على ضهرها و ياخدها فحضنو محتااجة لي يتقبلها بلا ميلوومها .. هزات صاكها و طلعات قدام عينيهم خلات ريماس كاتنكر.. كانت منهااارة لكن مابغات تضعف ولا تبكي قداام تا شي حد سدات عليها البيت و رمات الصاك جلسات للأرض و طلقات العنان لدموعها و صرخاتها 

«أقسم بعزة جلال خالقي لأحرقنَّ كل من نظر الى صفاء عينيكِ »

دخل لبيتو اللون مبدل من وجهو .. ماحاملش رايو ماقلب مادوا مع تا واحد عينيه حمريييين و كشااكشوو خارجين ..ردخ الباب ديال البيت على جهدو حيد الشوميز ديالو و القطن لي فيديه بان ليه كرسي قدامو شير بيه للبلاكاار و طلق صرخة مكتووومة و مجرووحة من صدرو راسو باغي يطرطق و ماعارف ميدير مابقى ليه والو و ينطحو مع الحيط ..

رائد ..تفووووووو.. هههعععع😡😡😡 نكووووون شمااالتة الى ماااربيييتووووش اشغف .. نكووون شماااتة الى خلييييتك لييه عتابريييني اناني و لا مخريييي .. لي عجبك حسبييييه بربي تا نقتلوووو و نخلييك داك ساااع عيشي حياتك كيف بغيتيها تكووون .. 

دخل للدوش يطفي النااار لي شااعلة فيه طلق عليه رشاشة ديال الما بارردو حاط يدو على الزاج الديا كاتبان ليه كحلة قداامو كلام شغف كيتعاود فودنيه كلمة بكلمة حرف بحرف و الناس شااعلة فصدرو من كثرة الغدايد ضرب الزاجة لي ضايرة بالدوش شتت منها النص بزز ياش فك يدو منها و الدم مخلط مع الما كينزل .. حيد يديه بنطرة تا تجرح لي باقي منها وسرف بالرشاشة .. شلل و زاد لوا عليه نوطة وقف قدام الافابو كيشوف فراسو فالمراية و عروقو خارجين .. عمرو كان متوقع غايوصل لهاد الدرجة من الأعصاب شداتو الرعدة بالعصااب و الغدايد .. جلس فوق لا شاص حيد كا الجاج لي لسق فيديه و خذا فوطة أخرىمسح بيها شعرو خلها عامرة بالدم الجروح ديال يديه بزوج كينزفو بغزاارة حيت دمو كان سخووون .. خرج لبيتو و سمعهم كيدقو و عيكو عليه اكيد سمعو صوت التهراس و الدگديييگ .. زنزاال عندهم فالدار .. 

رائد .. تاااا حد ميدخل .. هاااني علمتكم .. خليونا مزيااانين ..

هاجر .. بخوف .. وا غا قوول ليا مالك اولدي ..

رائد .. الواليدة سيري لبيتك الاه يحفظاااك ..

هاجر .. مغاديييش نمشي تا تفتح البااااب .. 

رائد ..اللهم طولك يااا رووووووح .. اااااخ ..

ردخ الباب ديال البلاكار بيديه و جبد شورط و صوفيطمة لبسهم عليه بالزربة و مشا فتح ليها الباب .. 

رائد .. اش كين؟؟

هاجر .."كاتفحص بيه بعينيها" نتا لياااش كااين سمعت غواااتك من بيتي تا خوتك تخلعو مالك اولدي ياك لباس؟؟

رائد .."دخل و مشا ديريكا جلس على الناموسوية حط يديه على ركابيه كيقطرو بالدم و نزل راسو "مامالي والوو .. هااني .. 

هاجر .." شافت الدم قلبها كان غايوقف" اويليييي يديييك .." مشات كاتجري عندو جلسات على ركابيها شدات يديه كاتشوف فيهم" اويلي اااش هادشي ااش درتي فيديك ارااائد اااش ..!!

رائد .."نطر منها يديه" ماماليشااي الواليدة خليني عليك هاد الساعة مكانشوفش قدامب ماباغيش نقلقك مني .. 

هاجر .."بدات تدمع" حسووومة علييك هادشي لي كاديير فراااسك ارائد حشوومة عليك .. اتقي الله فنفسك اولدي ..

رائد .."الجنوون كيلعبو ليه فوق راسو" نتقي الله فرااسي .. اتقييييو فياااا الله نتوووما عطيييوني بالتييقااار واااخلينيييي عليييك كيكانبااان ليك انا دري صغيييير كانرضع صبعييييي .. ندييير فراااسي لييييي بغييييت و تاااا حد ما عندو علاااقة كاااتفهمييي .. تااااحد من دييييييما و انا معذب عمر شي حد فيكم سولني ماااالك؟؟؟ غين عمركم تسوقتووو هاااا .. هااالعااار وقرييني عليك فهااااد السااااعة الله يرحم ليك الواليدييييين .. 

هاجر .. "كاتحاول تلطف الجو .." اولدي اناغا خيفة عليك ..

رائد .."غوت بالجهد" ماااتخاااافيييس عليااااا .. خلييني غيير بوووحدي هااالعار .. 

هاجر .."تنهدات قربات ليه عنقاتو بلا هواه" راك ولدي و شاغل ليا باالي ماباغاااش نشووفك فهاد الحالة .. 

رايد .."خاارت قواااه و حس برااسو محتااج داك الحضن نييت " اااخ الواليدة اخ ..

هاجر .."جلساتو و عينيها دايزين بالدموع على حالتو" برك هنا نجيب باس نعق ملي هاد اليدين" رجعات شافت فيديه " الله يا ربي الله على حاالة يا ولدي 

مشات هاجر لدوش تجيي المعقم من الفارماسي لي عندو و تصدمات من الحالة لي دار فالزاج خذات القطن و الفاصمة و المعقم و رجعات عندو كاترعد بالفقصة على حالتو لي عمرها كانت فحال هكذا.. جرا كرسي تقابلات معاه و جلسات حطات بدو فوق رجليها و بدات تاتعقم ليه فالجرح لي كان عمييق بزاف

هاجر .. الجرح خصو يتخيط ارائد ..

رائد .. واخة .. 

هاجر .. شغف ياك؟؟

رائد .."ابتسم بالجنب" اه ..

هاجر .." كاتدير ليه الدوا تمسح فعينيها" الله يا بنتي مكانتسالوكس هادشي كلوو 😭😭

رائد .."بنفاذ صبر .." ماتبكيش الله يحفصك لي فيا كافيني!!

هاجر .. خوتك تخلعو عليك بزز صيفطهم لبيتهم.. يالله نوض نمشيو تخيط الجرح ..

رائد ..' جر يديه من عندها فاش سلات لو" غانمشي بوحدي .. 

هاجر .. "تنهدات " على خاطرك ..الله يهديييكم ..نخليك تلبس حوايجك ..

رائد .. "حرك راسو بالايجاب و اتجه للبلاكار .. بالحق تفكر حاجة مهمة كان باغي يعرفها .. رجع وقف هاجر لي كانت عاد غاتسد الباب" الواليدة اجي نسولك ..

هاجر .."باستفهام'' نعام؟؟

رائد ..داك النعيوة لي خطب شغف اش سميتو؟؟

هاجر .. ها .. مصطفى .!!

رائد ..تماااما .. مصطفى اش!!

هاجر .. مصطفى شرف علاش كاتسول؟؟

رائد .. باغي عليه شي معلومات و صافي .. نتي عارفة عليه شي حاجة؟؟

هاجر .. لي عارفاه انا هو ان باه ميت و هو لي غايورث جدو حيت ماعندو حد غيرو .. المهم هوما مشهورين فالمغرب خانزين مال 💰 ..و هو لي شاد كاااع الشركات ديال جو .. و خدام تا مع عمك تاج الدين هوما لي شادين ليهم شي طلبية كبيرة ديال اللباس .. و تما تعرف على شغف ..

رائد .."عض حنكو من الداخل " مزيان .. يحفضاك..

هاجر .. علاش باغي هادشي اياااك تهور ا رائد!!

رائد .. ماتخافيش .. غير بااغي نعرف بنت عمي مع من و صافي .."ابتسم باستهزاء .." 

هاجر .."بقلة حيلة" الله يهديييكم هادشي لي غانقوول ..!!! 

خرجات خاتتو وراها مكشكش.. على حالو خذا كارو كماه و مشا للبلاكار لبس سيرفيت كحلة و ادسبادري تا هي كحلة دار كاسكيطة فالكحل على راسو و هز سوارتو و تيليفون خشاهم فجيبو .. و خذا ورقة صغيرة كتب عليها «مصطفى شرف »

حطها فجيبو و خرج دار النضاضر على عينيه و زاد كسيرا بالاوطو ديالو تال الكلينيك باش يخيط الجرح دخل كاع الفرمليات تجمعو عليه و هو مزنغر مكيشةف فحد كل وحدة شدات يد من جيه تا جا الطبيب و نطر مهم يديه خلا الطبيب هو لي خيطها ليه وصاه يتكايس عليها باش مايتفسخش الجرح على الخياطة .. شكرو و خرج مزنفر اتصل وصل للاوطو ديالو و خذا تيليفونو دور لنمرة ..

رائد .. وي فريرو..!! فينك؟

...... انا فالقهوة ديال الشيشة راك عارفها ..!!

رائد .."شعل كارو و كيدوي" امم .. محتاجك فواحد البلان ليك الحلاوة ..!!

....... ههههههههههه هيا شي بلان مقووود هذا .. واخة اجي عندي ولا نجي عندك !!

رائد .. انا جاي عندك خمسة تالدقايق و هاني تم ..

..... واخة هاني نتسناك...

طفا التيلي و حطو فجيبو تكا على الاوطو تا كمل كارو ديال... رما البينتا و كسيرا لعند صاحبو .. لقاه كيتسناه قدام بابا الكافي دخل هو وياه شدو ليهم شيشة ..

رائد .."مد ليه الورقة لي مكتوبة عليها سمية ديال مصطفى" اسلو وفصلو و فين ساكن .. بغيت عليه كاااع المعلومات ..

...... اممم ..واخة اسيدي .. ولكن هادشي تقييل غايخصك تكحب ..

رائد .."كيشيش و يدوي'' لي حليتي عليها فمك طيح ..!

....... بون ..اتفقنا .. من غدا نخدم الدراري ..

رائد .. ايمتا يكونو عندي معلوماتو!!

..... نهار نجيبهم نتصل بيك .. و فأقرب وقت 

رائد .."هز سوارتو و تيليفونو و وقف .." يالله تهلاا ..

توادع مع صاحبو و شد طرييق البحر .. شرا شراب من النوع الفاخر كيف عادتو فالطريق.. كي وصل جلس على الاوطو ديالو مقابل للبحر كيشرب و يكمي بلا عقل .. كيحاول مايتفكرش هضرة شغف ولكن هي لي عندو فرالو و ماحدو كيشرب كيزيد يتعذب اكثر و ماتلسق عليه غير

رائد "سرف بالقعة" هااعههنننننعععععععععععع😡😡😡 

......

سلاتا بكاها و ناضت لاحمام غسلات حالتها ورجعات لبسات بيجامة و تخشات فبلاصتهاغمضات عينيها و النعاس حرام واش زارها بقات مغمضة عينيها تا حسات بالباب تحل عليها كملات تمثيلها انها نعسة حسات بيدين قاصحين و خشيان كيدوزو ليها على شعرها بطيبيعة الحال كان الصدر ألحنين لي كاترمى فيه.. صدر الأب و الحامي .. جلس حدا راسها كيلعب ليها فشعرها كيف عادتو .. من ديما شغف كانت عين و خوتها العين الثانية .. معزتها فقلبو كانت غير على خوتها .. وحيت مادوزش معاها النص فطفولها و تحرم من انو يحضر لولادتها و كيفاش كاتحبو .. اول كلمة نطقاتها ماسمعهاش و مكانش معاها فأول خطوة كاتخطيها داكشي علاش كان حريص انو يعوضها كل ثانية كانت فيها بعيدة عليه ..هذا غير خوفو عليها .. كيخاف عليها حتى من نسمة الهواء الى مرت حداها .. داكشي علاش كان صاارم فأي حاجة كاتعلق بيها...

تاج الدين .."خربث ليها شعرها" عارفك مناعساش.. من ديما كانقول ليك نضمي تنفسك الى بغيتي تمثلي هههه ..

شغف .." حلات عينيها كاتشوف فيهي مبتسمة ''. ياريت كون كان كولشي كيفهمني فحالك ..كون راني بيخير مع كولشي ..

تاج الدين .. نوضي جلسي بغيت ندوي معاك ..!

شغف ..."جلسات " كلي آذان صاغية ..!

تاج الدين .."شاف عبنبها منفوخيين بالبكا و كرز على سنيه " .. علاش دايرة هاد الحالة فراسك بالبكا؟؟

شغف .. "توثرات" علاش مالي .. لا ماكنتش كانبكي ..!!

تاج الدين ..ملي نتي باغاه لاش رفضتيه !!

شغف .."حدرات راسها" صاافي فات الفوت ..!! ماشي تال دابا غاد يجي و يتوقع مني نسامحو و نرجع ليه ..طخوطاغ ..!

تاج الدين ..انا لي بعدتكم !! و نتي عارفة هادشي !

شغف .. ليك الحق .. فعلا ماشي مناسب ليا و انا تايقة فيك ..

تاج الدين ااش كاتخربقي نتي ..!؟ نهار بعدتو عليك ابنتي كنتو صغار و ماواعيينش مابغيتكمش تغلطو و تجييوها فراسكم ..

شغف .. " ابتسمات بالجنب .." كون بقيت معاه كون راني مدمرة دابا !!

تاج الدين .." كيحك على راسو .." شوفي .. نهار فارقتكم نتي عارفة حوايج و حوايج معارفاهمش ..كنت باغي نحافض عليك ربما غلطت حيت رائد ماغايآديكش ولكن انا اش عرفني انو كان باغيك بصح ماشي حب مراهقة و صافي .. رائد فديك الوقيتة تبلا بالحشيش .. ولا كيتحشش ويرافق دراري ماهومااش .. و زيد عليها كيسهر بزاف و الشراب و الحالة خفت على بنتي عوينة وحدة لي عندي هي نتي ..خفتك تمشي فطريقو داكشي علاش قررت نستفزو باش يخوي البلاد و يبعد ..هادشي ماكانش خوف غير عليك نتي .. االا .. خوف عليه تا هو و على مستقبلو .. حيت انا عاارف معانات وااحد مدمن الى مالحقش راسو .. و الحمد لله ما وصلش لدرجة الادمان و ماستعملش لادروك .. هضرتي و التصرف لي درت معاه .. هوما لي خلاوه يهاجر و يمشي يقرا و يخدم على راسو .. و هانتي دابا كاتشوفيه .. دار شركة هو و صاحبو وراهم كيكبرو فيها يعني ترجل و ولا عندو جيبو راسو بلا مساعدتي ولا مساعدة بااه و هذا هو مرادي ..

شغف .. وعلااش مكانش كيتصل بيا .. علاش كون كان بصح كيبغيني ميسمعش الهضرة ديال تا واحد ..

تاج الدين .."ضربها بخفة لجبهتها" مابقيتيش كاتحشمي من باك !

شغف .." دلات شفايفها للقدام" اوا نتا لي جيتي تناقش معايا .. 

تاج الدين ..واخة الالة .. الى جينا نتناقشو بالحق .. رائد دار غير الصح و لو كان تواصل معاك و لا زاد عمق علاقتو معاك من ورايا انا كنت غانتصرف معاه وملي سمع هضرتي زاد كبر فعيني ..

شغف .."طلعات فيه حاجبها" كيفاش ..!! كبر فنضرك حيت طلع شماتة؟؟

تاج الدين..ااش كاتخربقي نتييي اش ؟؟ غايكون شماتة كون فرعك و خلاك و زلد .. انا تحديتو يبعد عليك و استفزيتو بهضرة مالايقاش و ندمان عليها لدابا حيت جرحتو بهضرتي و انا عارفو مكيبغيش لي يمن عليه نفسو حارة ..

شغف .. نفسو حااارة و انا مالي نفسي شايطة عليااا تا انا راني بنت تاج الدين الصقر و نفسي حر من نفسو علاش تا نهار بغا يمشي متقال ليش من قبل بلي غايمشي ..

تاج الدين .. مالك ماباغاش تفهمي.. نهار حصلتك معاه تعقلي😑..

شغف .." حنات راسها " اه ..

تاج الدين ..داك النهار كان ناوي يقولها ليك جيتاناخصرت ليه البلان و استغليتها ضدو باش تبعدي عليه ..

شغف .. هادشي كاو يطلع منك يا بابي ..😑 ولكن انا بغيت نفهم عااش قطع معايا الاتصال ..!!

تاج الدين .. كان كينفذ الأوامر .. فاش عرفتك كاتواصلي معاه و خصوصا انك تراجعتي فالدراسة فديك الوقيتة تصلت بيه عاودت ليه على لي كريز لي كانو تيشدوك و هددتو .. خصوصا انك ماكنتيش كاتعاودي ليه على ديق التنفس لي كان فيك فديك الوقت .. تخلع عليك و ملي قلت لو بلي راحتك فالبعد عليه قرر يقطع معاك الاتصال .. هادشي من خوفو .. !!

شغف .. "بقات ساااكتة من هول الصدمة لي طاحت عليها تكلمات بصوت جد منخفض بالكاد يسمع" علاش درتي فينا هادشي ..!😢

تاج الدين .."ماحاملش راسو جرها لعندو و خلاها تبكي فحضنو " شووت .. هادشي كلو على ود مصلحتكم ..بزوج بيكم ..

شغف .. علاش ماجااش يقوول ليا سمحي ليا .. هااا هءهءهء ..علاش ما اعتذرش ..

تاج الدين .. وايلي غانقول ليك انا رائد كيف دير .. !

شغف .. صافي .. صافي كولشي سالا .. كولشي مشا ..مشا .. رائد .. مشاا كولشي .. 

بقات كاتنطق غير هاد الكلمات و تاج الدين كيهدن فيها و هي عاد مكاتزيد فيه تا تخلع عليها ماتهدنات تا قرا عليها القرآن و بدات كاتغفى فحضنو و هو كيقرى عليها .. حس بيها خذاها سلطان النوم ورجعها لبلاصتها بشوية .. غطاها وباس على جبهتها ..يالله جا ينوض و هي تبان ليه ريماس بالشوميز دو نوي ديالها و بينوارو الأسود و شعرها الذهبي المموج نازل على كتافها كاتشةف فيهم و عينيها مدمعين كي دار خزرات فيه و عطاتو بالضهر و مشاات .. 

يالله جا ينوض و هي تبان ليه ريماس بالشوميز دو نوي ديالها و بينوارو الأسود و شعرها الذهبي المموج نازل على كتافها كاتشةف فيهم و عينيها مدمعين كي دار خزرات فيه و عطاتو بالضهر و مشاات .. ضحك على دي الحركة لي مزالة من يومها كديرها الى كانت مقلقة منو .. خرج من بيت شغف و تبع ريماس لي كانت كاتعيوج قدامو و غادية بشوية كيصفر عليها مزال الحاج يدك و يدردك و عاد زادت القوة ديال المسائل 😂 .. دخل وراها للبيت و سد لباب و دار يدو فيجو كيشوف فيها ..

تاج الدين .. ماناويااش تكبري !! 

ريماس .. "جلسات فوق الكنابي كاتطلع و تنول فيه" ..؟؟؟؟؟

تاج الدين .. "جلس حداها و مد يدو لشعها خذا خصلة منو بين صباعو كيلعب بيها" ..اممم .. مزالة مقلقة مني ..

ريماس .."مزنفرة" حيد عليا يديك ماتقيسنيش ..

تاج الدين ..هاي هاي .. " هرها جيهة كرشها" تا انا خصني نتفكع عليك لي مخبية عليا ..و كاتبلاني من وراء ضهري ..!!

ريماس .. انا بااغية ندير غير الخير فدووك الزوج لي رااسهم قصح من راسك .. مآديت حد مامسيت حد بالسوء ..

تاج الدين .."كيحك لحيتو" ههههههههههه ... نتي قد ما بقيت غاتخرجي ليا الفيزيبلات ديال عقلي .. واش مغاااتشرفييش ابنت النااس ..

ريماس .."هازة مناخرها للسماا .." دابا بلا ماتبقى تصبغ فيا.. و تلف الموضوع ..

تاج الدين .. المشكلة انو مكينش موضوع اصلا .. 

ريماس .. "كاتهز كتافها '' بناك ضيعات رائد من يديها فخطرة ..!

تاج الدين ..لواه لاواه رائد غير باغي يقرص لها وذنها ..

ريماس ..غايعيااا.. يحارب تا يعيا و يقول باراكا .. 

تاج الدين .. "قرب ليها كيلعب بخصلة من شعرها .. " و حنا اش كانديرو الى عيا نفيقووه .. 

ريماس ...."ضربات لو يدو'' عرفتي شنو حيد عليا يديك و نووض تصلي العشا راك ما صليتيهش ..

تاج الدين .."غمزها و شير لها للناموسية براسو" زعما مانن..😉..

ريماي .."وقفات و خزرات فيه.." فأحلاااامك شتي نهاار يتزوج رائد بشغف ..هذاك النهار عاد غةنرضى عليك ..و من دابا تال ديك الساع اعتبر راسك مقطوع علبك المااا و حتى الضووو ..درات عطاتو بالضحك و مشات تكمشات فبلاصتها و غطات راسها .. شافتا عيا و مشا دخللدوش ضربها بتدويشة يبرد على راسو قبل لا يدير فيها شي مصيبة .. خرج صلاصلاتو و اتجه لبلاصتو بلا ميدوي معاها اصلا كانت ديك الساعة نعسااات ..

__________. __________

صبح صباأح يوم جديييد يحمل في طياته أذاااث جديدة ملئة بالتشويق .. فاقت شغف ضرباتها بتدويشة تحيد عليها عياء الباارح .. صاوبلت شعرها و كياجها اليومي الخفيف .. لبسات حوايجها سروال جينز مشرگ من الركبة مع شومزرة فالأسود خشلتها فالسروال .. و لبسات طالون اسود جمعات شعرها كودشوفال و رشات بارفانها .. هزات صاكها و اتجهات لخدمتها كانت الوقت مبكرة تا واحد ما فاق .. كي وصلات خذات قهوة كحلة ترد بيها الموااااج و غطسااات فالخدمة لي خلاتها متراكمة عليها... مع ان بالها مكانش معااااها ....

كانت جالسة فالمكتب ديالها كيف العادة .. حطات الخدمة من يديها من كثرة مكاتفكر فهضرة باباها ماتلاش قادرة تركز ماحسات غير بالباب كيتردخ عليها .. طلعات راسها بان ليها مصطفر جاي مكشكش جهتها .

شغف .."وقفات مخنزرة" ااااش هاااادشي اشي .. ثور داااخل علياااال ..

مصطفى .." غوت عليها" ولاااااا كلللمة دايراهاااا قد رااسك و زايداها بالهضرة .. عندك الوجه علاش تحشمي ولا ماعندااكش ..

شغف ...ماالك كاتغوت ياااك لبااس؟؟ شكوون نتااا باااش تغوت علياا بهاااد الطرييقة اش يصخاب لك رااسك هاا!!

مصطفى .."جرها من دراعها زير عليها" انا لي غايولي رااااجلك أمادموووزيل بعد مدة قصييييرة و نتي كاااتعرفي عليااا واااحد اااخر هاااه؟؟

شغف .."نطرات ليه يديه" حيييد علياااا يديك نتا لي بقيتي ليا فهاد الصبااااح .. 

مصطفى .."كيتنفس بالجهد .." شنووو هذاك ؟؟

شغف .. شكون!؟ 

مصطفى ... دااك الز** لي جا خداااك مني البارح من الريسطووو ...

شغف .."ابتسمات بالجنب" ااه .. رائد .. لي وكلك عزاك؟؟

مصطفى .."هز يديه تال السما بغا يخبطها و بحركة سريعة شدات لو يدو و لوات لو صباعو للور و هاد الحركة كان علمها ليها رائد باش دافع على نفسها .. عضات على سنانها بغيض" عممرك تفكر تقيسني كاااتفهم ..! عمممرك .. جاي تشطر عليا انا هههعع... "ربعات يديها و كاتشوف فيه من الفوق للتحت باستهزاء" و كنتي تشطر على الراجل لي شدك ما طلقك .. 

مصطفى .."جنون كيلعبو فوق راسو" اش هاااذ الهضرة كاتقوولي نتي ..؟!

شغف .."ضحكات بالجنب" ههههههههههه .. مالك ماعجباتكش الصراااحة !! اوووه مسكيين .. شووف اسي مصطفى ..!! انا و نتا مالقات بيناتنا تا حاااجة .. هادي دخلها لراسك و فهمها مزيااان ..! انا و نتاا سالينا .. "جلسات على الكرسي و حطات رجل على رجل " اصلا مابديناش باش نساليو ..ماعرفتش فين كان عقلي تا وافقت عليك... أم سو صوري .. مانقدرش نتزوج بواحد ماقادر حتى يدافع على راسو عساك عليا ..!!

مصطفى.. "جمع قبضة يدو ودفع داكشي لي كان فوق البيرو ديال شغف.." ماقادرش ندافع على راسي ياااك وااخة .. دابا تشوفي واش قاادر و على مقادرش .. الى ماندمتك نتي و يااه مانييش مصطفى ولد شرف ..

شغف ..أعلى ما فخيل خيلك ركبوو .. و وريني قفاك ..ولا ماعارفش الباب نجيبو السيكيريتي يوريوه ليكك؟؟؟

مصطفى .."هز فيها حاجبو و تم كيقرب ليها" دابااا نتي الق** لي قااالتها ليك تجيبي ليااا انا سيكيريتي؟؟

شغف .."بعدات بالكرسي '' ماااتقرربش .. ااش هاد الهضراااا كاتقووول ..!! 

مصطفى .."كيقرب بشوية'' يضهر ليااا تيقتييي راااسك بزاااف ههههههههههه .. يمكن بنت ليك فحال لا تابعك ؟؟ نونو راك غلطانة احبيبة .. انا الدرية لي تاتعجبني نديها نديها .. اوا نتي مانفعاتش معاك الهضرة جينا نلعبو عليك شوية ..😉..

شغف .."وقفات و ضربات يديها مع البيرو" خراااااتج علياااا الحيواااان الكااالب .. 

مصطفى .."شدها من فكها زير عليها" تعااودي تخصري الهضرة هاد الفم نقطعو لق** تاعت مك كاتفهمييييي ..

شغف .."تنطرات منو و ضغطات على الزر لي كيوصل صوت الانذار لسيكيريتي .. ماحسش بيها نصطفة فاش صيفطات النداء .. .." .. أقسم بالله ماغادوووز لك على خييير ..😡

مصطفى .."حط يدو على صدرو" .. اووف يا مامي ..خفت انا .. "دفعها على الكرسي " تعرفي علاش خذيت قرار نتزوج بيك؟؟ ياكما يصحاب لك طحت فيك توتو .. هههههه كنت باااغي ندمج هاد الشركة مع دياولي .. اووه كنعتبر الشركات فحال البناات.. اي شركة كاتعجبني كانبغي ناخدها ..! و غاناخدها .. 😉..

شغف ."دفعاتو و طرشاتو " نجوووم السماااا اقرب لك ..الحيوااان ..

مصطفى .."حد فحنكو و عض على شفتو ..رجع شااف فيها و عينيه حمريين كيف الجمر" شنو درتي؟؟؟ هااااه ..

شغف ...يعد عليا .. ماتقربش ماتلووم غير راااسك الى قربتي .."كاترجع للور "

مصطفى ..."جرها من شعرها على حرجهو تا تردخ راسها على صدرو" زعمتي ابنت الق** يصحابلك راسك همة و شااتن ... 

شغف .."كاتنطر منو" بعد عليااا الحقييير بعااااد ..

مصطفى .."كيجر فيها من شعرها" انا طرشيني الكلبة انااا .. شيصحاب لمك راسك ..طوشتي معايا الدم ابنت الق**

بقات شغف كاضاارب معاه و تنطر بكااع ما عطاها اللاه من جهد و والو شاد فشعرها ملويه على يدو و كيسب بأبشع الألفاااض و ليووء حضها الباب مسدود و الموضفين ماشافشو والو و لأن الباب عازل للصوت ماسمعوش لكن فجأة تفتح الباب من وراه ماحس غير بزوج مكتفينو من دراعو و شادين فيه طلق من شغف و ضار كيسب و يعاير فيهم ..

مصطفى..واااا طلااااق .. برب العااالي تا نعاااد لمك الترااابي ابنت الكلبة انااا ديرييعا بيييا .. ةنااا تخونيني .. بربي ماتبقى فيك اتريكة العهر ..😡😡

شغف .. برااااا الكلب .. "شدات فغنقها كاتنهج و الموضفين بداو كيتجمعو .." وااا خرجوووه عليااااا لااااش مزاالين كاتشووولو ..براااا عليااااا

مصطفى .. انا تجريني بالسيكيريتي ابنت الق** انا غانوري لمك اااااش كانسواااا لا نتي لااااةداك الكلب لاااخر .. بالرب العالي ماتبقى فيييكم ..

شغف ...غاندييير بيييك شكاااية تهجم الحيوااان و شوووف كيف تفكها الكاميرات شاااهدين..و الله تا نديك فين تربا ..

مصطفى ..انااا فووووق القااانووون الق*** .. 

شغف .. واااا خرجووووووووه .. رميييوه برااا رمييييوه .. و نهااار نشوووفووو داخل للشركة عتبرو راسكم مرفوووضييين كووولكم .. مفهووووم ...

حركو ليها روسهم بفهم و و جروه كيف كانو الأوامر ديال شغف ورماوه قدام الباب تلاقات بيهم ريم فالطريق لي مشات كاتجري فاتجاه البيرو ديال شغف ...

ريم .."دخلات كاتجري عند شغف " ..شنو واقع؟؟ مالوهم جارينو هكذا ويلي هذا ماذي خطيبك مصطفى!!

شغف .."جلسات كاتنهج و حاطة يدهاعلى صدرها" هو .. هو ..

ريم .. ويلي شغف !! مالك "مشاتعندها شدات لها فيدها لقاتها كاع كاترعد و سنانها كيقفقفو" شغف .. كااالم طوا مالك اصاحبتي ..

شغف .."شيرات ليها على الكاس .." عطيني ..عطيني نشرب !!

ريم .. "مدات ليها الكاس تالما" بالشيفا!!

شغف .."شرلات و حطات الكاس ..'', ولك الحرااام .. ولد الكلب .. الى ماديتك فين تربااا ماسماونييش ..

ريم ..تي عاودي ليا اااش وقع ..!!

شغف .. هاد ولد الحراام تهجم عليااا ..

ريم..وعلاش غايدير حاجة فحال هكذا .. يا كنتو غا البارح سمينة على عسيلة !!

شغف .. شمن سمينة و لاعسيلة تا نتي تيقتي .. !! البارح جا رائد للكافي لي كنت كانتغدا فيها مع هاد الكلب .. شدو عصااه مزيان و جرني دااني و هذا اليوم جاي قالك كاتحونينؤ كاتعرفي واحد عليا هو ماقد تا يدافع على راسو عاد نعول عليه فحياتي انا يكون ظهر ليا ..!! فاش قلت ليكمابقات بيناتنا تا حاجة مارضااش .. معرفتش واس كلامي اشتفزو ولا شنو المهم خرج كاع لي فجوفو تصوري اش قال لياا ..!!

ريم .."حالة فيها فمها" شنوو ..!!

شغف .. "عوجات فمها للجنب" قال لك الالة ملي ماتشديتش له المرة الاولى قرر يلعب عليا ديك اللعبة ديال الزواج و هذفو الثاني كان نتيقو فيه و ندخلووه شراكة معانا و يتمكن من الشركة ديالنا .. قاللك عندو النسا فحال الشركات كاع لي بغاهت كياخدها..

ريم .. هااادشي كااملي اويلي حي .. يا ختي مكيشبعش كاااع داكشي لي عندو و ماحامدش ربي 

شغف .. علااه ماكيقولوش السلطاان بالتاج و كيحتاااج ..بناادم طمااع و مكيشبعش ..

ريم .. واييه الطمع طااعون يا ختي ..

شغف ..رعدني ولد الكلبة ..

ريم .."بدات تتسترجع الهضرة", بلاتي قلتي لبا رائد .. رائد جاا؟؟؟

شغف .."شدات راسها" ايه.. 

ريم ..و ماقلتيهاش ليابغيت نشوفو هافاااك عافاااك ..

شغف .. ريم .. نوضي بحالك 😡

ريم .. هوووف .. دابا عيطي عليه قولي ليه ااش دار لك هاد الحمار ..

شغف .. ماغانقول لا ليه لا لغيرو .. انا دابا خدامة و مامسالياااش اريم خليني نخدم ..

ريم .. وا باااز يا ختي .. نسيتيني فاش كنت جايالك .. يا خاتي لقيت الخدمة لي بغيييت و غدا انشااء الله غانبداا ....

شغف .."فرحات لها" اوه اخييرا .. مبروك عليك اختي .. مبروك اخيرا غاتخدمي ماتبقايش مشومرة و مصدعاني كل سااع ..

ريم .. اوا الله ينعل حسك الخانزة 😶 دابا انا لاش جيت عندك بايتك تمشي معايا للمحلات ديال ماماك ناخد لبيسات اش بان ليك؟؟

شغف .. شوفي .. انا الخدمة مزيرة عندي .. بالحق غانتصل بيهم فالمحلات بتهلاو فيك و داكشي لي غاتاخدي كاع على حلى حسابي ..

ريم . و الله ما نقبل .. المحلات ديال ماماك ماشي ديالك ..

شغف .. وايلي اصاااخبتي انا نهلص غير تهناي .. و الله ماترديها فوجهي ختك انا ..

ريم .. واخة ..😊 يالله بلا مانلاهيك انا غانمشي نقضي حاجة لراسي ..

شغف .. واخة انا غاندوي معاهم ابب ..

ريم .. اوكي شكرا .. و دوي مع رائد .. 😍

شغف .. "هزلت ديكور ديال البيرو" تمشي ولا نشير على ختي .. 

خرجات ريم بعضيماتها صحاح و خلات شغف كاتفتل و تغزل واش تقولها لرائد و لا لا خصوصا ان هضرتو كان فيها تهديد لرائد و ليها.. شافت تا عيات و اتصلات بالمحلات ديال ريماس على ود ريما حاولات تناسااا واقعة اليوم و كملات خدمتها ....

يتبع