هو غير سمع البنت قال ليه "عندااااك" و غوتات ضار بالخف و الضربة لي كانت غاتجيه فالضهر جاتو فدراعو الشيء لي أدى إلى احذاث قطع في أعلى ذراعو .. ابتسم بالجنب و بالخف شد لمصطفى من ذراعو زير عليه حتى رمى الموس ...
رائد .."مزير على مصطفى و عينيها كيطير منهم شرار " الرجااال مكيطعنوش فالضهر أولد الق***
جمع بونية و شرح ليه نيف و فمبقبضة يدو حتى حس بعينيه حوالو و نيفو تقسم ..الشيء لي خلاه يترنح للور و شداتو الدوخة لكن ما طاحش .. دفل الدم و رجع شاف فرائد بشر .. كيفكر كي يدر يفلت منو و بطبيعة الحال ماغايدوزهاش ليه لكن رائد فحال لا كان قاري أفكارو ماداهاش فيدو ولا شاف جهتها دمو كان سخون ماحسش بالجرح .. هجم عليه من جديد و حتى ردخو مع الحيط غوت بوحشية فوجهو و خنقو بيديه فعنقو وكمو بمرفقو لمعدتو تا رد للدم ..مع قاجو و الدم كيخرج من فمو تا شرگ و تخنق..ما طلقو رائد حتى حس بيه كيفركل و غايودع .. مكانش هدفو يقتو و يلوث يديه بدمو .. مكانش هذفو يدخل الحبس علىواحد بحال هذا .. طلقو تلاح للأرض و جا مشبح كيحاول يدخل النفس لرأتيه .. جاب رائد كرسي برك قدامو و انصل بمحمد عطاه اللوكيشن ديال الموبل لي هوما فيه و الطابق .. و برك كيشوف فيه شبه مغمى عليه .. دور يدو شاف فااجرح و جبد كارو كيكمي حتى كملو رمى البونتا فالأرض و سحقها برجليه .. تفكر البنت لي كانت تما و دور راسو لقاها مكمشة حدا الباب ديال البيت و كانشوف فيهم بعويناتها مدمعين ..
البنت .."بترجي .." عافاك البوليس لا مابغيتش الشوهة الله يخليك ..
رائد .. شششت .. الله يحفضك مخي كيبخ مكاينة لا شوهة لا والو غاتمشي ياخدو أقوالك و غاتروحي لداركم .. و
البنت .. بابا الى عرف غايمشي فيها كنت صاابرة على الدل و الخدمة عند هاد الكلب غير على ودو باش نشري ليه دواه و هو كان عارف ضروفي مأزمة داكشي علاش بغا يستغلني ..
رائد .. و نتي طاوعتيه ..😒 الأرزاق بيد الله ماشي بيد العبد .. الخدمة لي لقيتي عندو تقدي تلقاي حسن منها ..
البنت .."جلسان فالأرض و ضمات ركابيها" عيت نقلب .. حفاو رجلي و انا كانقلب حتى دوزت شطاج فهاد الشركة و فاش شافني قبلني .. و من نهار قبلني و هو كيتحرش بيا و انا صابرة .. اليوم قال ليا شي كليان خصنا نشوفوه .. و .. هءهءه😭..
رائد .."طلع فيها حاجبو" لي غاتمشي تشوفي معاه كليان ماغاديش يجرجرك من يديك و لا لا؟!!
البنت .. ماعرفتش انا رفضت فالأول قال ليا الى مابغيتيش تخسري خدمتوك غاتزيدي قدامي .. فاش شافني سكت و هو يجرني .. ماعرفتش هادشي كي طرا ..
رائد .. اممم .. بقر بارك كيشف فمصطفى مكرهش ينوض يقتلو ديك الساع بالحق البوليس أولى بيه ..ما هي إلا دقائق وصل محمد مع الدورية ديال الأمن طلعو لقاو مسطفى مشبح و رايد حاضيه و البنت تا هي حالتها منهارة. ..
محمد... ياكما قتلتيه المسخوط ..
رائد .. ههه كنت غانديرها تراجعت فآخر لحظة ..
محمد .. " تسالم معاه بالكتف سلام رجولي .." تبارك الله عليك ..
رايد .. هاد الدرية كان جايبها يتكرفص عليها ..
محمد .."شاف فالبنت و حيد الكويرة ديال داها ليها غطاها" صافا اختي !؟
البنت .."تينيها مدمعين " بغيت نمشي ..
محمد .. خصنا ناخدو الأقوال ديالك .. !! غير رتاحي ماتخافيش .. "رجع عند رايد .. شاف الجرح لي فذراعو" .. اش هادشي !!
رائد .. الكابنبو كان باغي يطعني لضهري .. تكركت جا فيدي ..
محمد .. و لد الق** المصايب لي عندو غاياخد فيهم مؤبد ..
رائد .. على الله ..
محمد .. سيري داوي هاد الجرح و سير ترتاح مابقى والو لعرسك و ماوجدتي شاي ..
رائد ... وايه ..تا شغف هزيتها الصباح بكري و ديتها لدارهم واخا م..." يالله كان غايقول مقصحة و هو يضرب الطم😂😂" .. ما علينا .. هاني مشيت ..
محمد .. هههه
هزو المصطفى داوه اسعفوه و داواو ليه الجرح عاد داوه فين يتكلاصا ..البنت لي كانت معاه داها محمد معاه فالاوطو ديالو باش ماتزيدش تخلع و كي خذا أقوالها وصلها تال دارهم .. أما رائد مشا ديريكت لدارو دوش و داوا ديك الجرح خوا عليه قرعة تلالكول ضمضها نشف شعرو ولبس بوكسر و تلاح على النموسية رخى رااااسو بعد معانااات مع هاد مصطفى أخيرا تهنى و يقدر ينعس مرتاح ...!!
تلاح على النموسية رخى رااااسو بعد معانااات مع هاد مصطفى أخيرا تهنى و يقدر ينعس مرتاح ...!!
دوز نهار كامل و هو ناعس الدنيا مقلوبة عليه ..هاجر كاتصوني من جيه .. و عبيدة لي وصل هو و سهى من جيه .. و شغف لي تخلعات عليه من جيه .. و هو ناعس بحال الميت و نعسة شحال هادي مانعس فحالها براحة البال .. وصل عبيدة للمطار و اتصل بيه لكن فييينو هو كان دير لتيليفونو صيلونص داكشي علاش مشا لدارهم لي هي دار يمن حيت عندو العنوان ديالها كي وصل ركبو بوه و بحرارة حيت رائد كان تيعاود ليهم عليه و بطبيعة الحال عرفوه و حتى سهى رحبو بيها واخة مكيعرفوهاش .. ضلو النهار كامل و هوما تيصونيو عليه حتى اتصلا بيهم شغف تا هي سولاتهم عليه خصوصا انو ما طمنهمش و شغف كانت عارفاه غادي على موضوع مصطفى و هادي أكثر حاجة خالعاها و حتى نمرة ديال محمد ماعندهاش ...هزات قلوعها و ركبات اللاوطو ديالها كيف دارو تا هوما .."عبيدة و سهى و هاجر" و مشاو لعندو لدار ..وصلات شغف قبل منهم و طلعات كادق و تصوفي ولا حياة لمن تنادي و زادت كاصوني و تسرسر تا حسات بالسخفة و خصوصا انها جات كاتجري و مقصحة .. شددات فالحيط تسندات عليه و هو يتفتح الباب ..خرج ليها رائد لابس شورط و الفوق عريان شعرو مشعكك و متناتر على جبهتو .. و عينيه وحدة مسدودة وحدة محلولة .. غي شافها فديك الحالة شفايفها زراقو و وجها صفار تخلع مشا عندها و حط يدي تحت ضهرها
شاف .. تبارك الله عليك و الله مخليني غانكمااااق و ناعس ليا مع راسك لا و الله الى برافو برااافوو "حسات بوجع تحت كرشهة و شداتها من التحت ..
رائد ... مالك اش واقع ..."ماعطاهاش فرصة تجاوب ..هزها كيف الريشة و دخل بيها للدار دفع الباب برجليه سدو و طلعها ديريكت للبيت " ..
شغف .."جمعات رجليها و عضات على شفايفها" علاش ما كنتيش كاتجاوب !!
رائد .... وايلي وقت هاد الهضرة هادي دابا !! كنت ناعس جيت عيان ..نوضي غانمشيو للكلينيك .. نوضي ..
شغف .."تكورات على نفسها'' لالا ماغادية فين اصلا اليوم كامل كان فيا وجع قليل دابا يفوتني عادي .. ماغانمشيش لكلينيك و ماغايشوفني تا طبيب .. اش غانقولو ليه مثلا؟؟
رائد .."مخنزر فيها" نتي غاتسكتي ماعندك ماتقولي ليه انا لي غانقول ليه فرعت مرتي و ماعطيتهاش الخاطر و هي بالكلخ لي فيها ماقداتش تبرك فواحد البلاصة
شغف .."جاتها الضحكة" نيت داكشي لي بقى ليا ..
رائد ... "مزنفر'' اجي حيدي عليك داكشي بعدا ..
جلسها حيد ليها حوايجها كاملين و و هزها للدوش دوش ليها بماء دافي و بشوية فكال لا خايف يجرحها جا يكورها و هي تبان ليها الدربة لي دير ليها البونسمون فيديه ..تقبض عليها قلبها .. شدات فدراعو و شافت فيه بخوف" .. اااش هادشي!؟
رائد .."حيد لها يدو بشوية " ماشي شي حاجة غير جرحة صغيرة ..
شغف .."خزرات فيه"شووف هادي كاملة و صغيرة باغي تحمقني !؟
رايد .. وا دوينا .. ماشي شي حاجة رتاحي نتي..
قلبها و كمل ليها الدوش .. الوجع لب كان داخل كرشها من التحت كان فحال وجع البرد .. فاش دوشات بالما دافي خف واخة غا شوية .. كلكمها فالبينوار ديالو و هزها داها ديريكت للناموسية و هو يسمع السرسار ديال الدار ..
رائد .. شكون غايجي عندي انا ..!!
شغف .. واقلة خالتي هاجر .. قبلة كانت تتصل بيك ..
هز تيليفونو شاف شي عشرين اتصال من عند حنان .. و كثر من عند شغف .. هذا غير نمرة عبيدة لي متصلة بيه شحال من خطرة .. حط تيليفونو و هز تيشرت لبسها و ما فتح الباب لقى قدامو هاجر .. و عبيدة و سهى .. بقى كيشوووف فيهم مطلع حجبانو تا تلاحت عليه هاجر كاتعنق فيه ..
هاجر .. الله يا ولدي واش باغي تحمقنااا ..
رايد .."باس ليها راسها" وايلي تا نتي الواليدة اي حاجة كاتخلعكم ..
هاجر .."طلعات فيه و نزلات " اوا نتا لي جات معاك شي يحماق عليك و نتا ناعس .. وعلاش مالابسش فرجليك ..!
رائد .. اودي غاتبقاي فالباب و الناس وراك دخلي بعدا ..
دخلات هاجر و سلم على عبيدة سلام رجول بالراس
عبيدة ... وا كنا غانمشيو لاوطيل العشير ..
رائد .. وايلي خايبة فحقي .. دخل ..
سهى .."كانت كاتشوووف فيه بحب موسعة عينيها و شحال توحشاتو و توحشات ريحتو و كاع تفاصيلو.. همسات اسمو صوت شبه مسمو عينيها بداو يغرغرو بالدموع " .. رائد ..'' تلاحت عليه بدون سابق اندار مع انو كان فقط ماد ليها يديه .." .. توحشتك بزااااف بزاااف 😭..
نزلات عليها ختي كيف الصاعقة على راسها أكثر حاجة كاتمقتها هي هاد الكلمة .. نزلات عينيها كاتحاول ما امكن ماتبكيش حيت دموعها ولاو على سبة و دخلات اتجهو للصالون ..
هاجر .."ضرباتو لراسو بخفة" ماااتقدووش تصبرو نتوما اولاد اليوم كطيرو مع الطيور الله يحفض ..
دخلات عند شغف لي كانت متكية على جنبها غا شافتها و ناضت جلسات ..
هاجر.. "مشات عندها باستها و بركات حداها" الله الله على الحبيبة ديالي مسكينة ولات صفرة ..
شغف .."ابتسمات و عنقاتها" ..انا بيخير اخالتي ..
هاجر .. لالا شو لونك كي ولا يشوفك تاج الدين يقلب علينا الدنيا حنا و ياه .
رائد .. تاج الدين عندو مرتو يدير بيها ما بغى و انا عندي مرتي ..
هاجر .."شيرات عليه بوسادة" نتا غاتسكت ..
شغف .."حطات يدها على فمها كتكتم ضحكتها" ..
رائد .."شاد الوسادة" دابا دراري صغار حنا قدامك هنا ولا كيفاش ..
هاجر .."جبدات من صاكها ورقة و ستيلو كتبات ليه سمية دوا " سير جيب هاذشي من الفارماسي ونقص عليا الهضرة الخاوية .. دايرها قد راسك و زيدها بتخراج العينين ..
رائد .. لا حول ولا قوة الا بالله اش درت انا .. واش انا لي قلت ليها تجي تجري عندي .. وايلي ..
شغف .."عقدات فيه حواجبها" ييه زيدني غزيييتي فيا انا لي مسطية مخلوعة عليك ..
رائد ."شاف تا عيا و هز بزطامو و زاد خلفة ردخ الباب و نزل زاعف اعتذر من عبيدة و سهى و خرج مشا ديريكت للفارماسي الدوا و أولويز ..و اتجه محل ديال الجوايج خذا ليها سيرفيت بدل حوايجها لي توسخو بالدم .. و رجع للدار طلع ليها داكشي لقى هاجر مزالة معاها ..
رائد .." واليدة سيري طلبي لنا عشا و جلسي مع دوك زوج لي لتحت خليناهم بوحدهم ..
هاجر .. امممم .. واخة ..
خرجات و خلاتو مع شغف لي ضربات فيه واحد مولات تخنزيرة فاعلة تاركة .. برك حداها و حيد ليها الفراش ..
شغف .. "قلبات عينيها" مكاندويش على. البارح أصلا ..راني قلت لك مآذيتينيش و هادشي عاد كيوقع لأي وحدة ..
رائد .."كيد ليها شعر على عنقها دوزو للجهة الثانية ..و باسها يوسة طويلة فعضمة لي تحت عنقها مباشرة" و إيمتا كنت معاك عنيف امم .
شغف .. غا قبيلة .. شوف شنو قلتي !؟
رائد .."كيحك راسو و كيقهقه برجولية" اودي غا جاوبت على كلام الواليدة و صافي .. ماكنتش قاصد ديك الهضرة ..
شغف ..اممم ..😒
رائد .. يالله تمددي دابا نشوفو تحتك واش سخن عليه راسو تا معذبك ولا شنو ..
شغف .."حبسات الضحكة .. ههه وا بااز ..
ناض جرها من رجليها بشوية و طلع لها البينوار تال كرشها .. فرق بين رجليها و تناهم كيشوف مباسرة تحتها مشا جاب فوطة فزكها و خوا عليها زيت من داكشي لي عطاوه و بدا يمسح ليها تا نقاها و دخان ليها بوماد ما خلى تا قنت المهم كيدهن يماسي استحلاها😂😂 .. مشا جاب ليها ملابس داخلية من البلاكار
سهى .."نقزات بدون سابق انذار حيدات الصاك دياللها و الجاكيط" انا نعاونو غير ريحي ..
بقات شغف متبعة ليها العين تا انتبهات لعبيدة لي ساهي فيها بنضرة فشي شكل ..فحال لا ماكرهش ينوض يتبعهم ..دخلات سهى للكوزينة تابعة رائد لي كان كيهز طباسل من البلاكار و يحطهم على البوطاجي ..
رائد .. سهى .. ختي .. خليك من هاد الهضرة تالأفلام .. و الدراما الخاوية .. انا ويلك صحاب زملاء فقط ماعندك لاش ديري عليا هاد الحالة كاملة .."وجه ليها صبعو واخة كان ضااغط على خاطرو حيت عارف راسو غايجرحها بهضرتو لكن ماباغييش كلامو معاها و تعاملو البسيط يزيد يعلقها فيه" هادشي وحدة لي عندها الحق تقولو .. هي شغف .. مرتي و حبيبتي ..!! تفاهمنا !! هز طبسيل حطو لها فيديها"حطي هادشي فوق الطبلة .. ماترجعيش انا غانجيب الباقي ..!
نزلات راسها و هزات داكشي لي عطاها حابسة راسها غا بزز من البكى .. دخلات عليهم مبتسمة بعد ما نشات على عينيها ... حطات الطباسل تحت نضرات عبيدة لي كانو كيفترءوها .. أما شغف حاضياها و حاضية عبيدة😂
حطات الطباسل تحت نضرات عبيدة لي كانو كيفترءوها .. أما شغف حاضياها و حاضية عبيدة .. لحق عليها رايد هاز الماعن لي بقاو حطهم فوق الطابلة و مشى حدا شغف جلس مفرق رجليه و تكى و جرها لعندو بعنق تا تآوهات
رائدنشفي شوية و نتي مدفگة كلك ..
شغف .. حرام عليك هرستيني ..
رائد ..''معنقها بيد وحدة ..و تحنى لعند ودنيها "مزال ما شفتي التنراس كي كيكون ..😉..
شغف .. هههه باز ..
هادشي كان كلو تحت نضرات سهى المشتعلة و عبيدة كيشوف فيها بدورو .. بنضرات عاشق ولهان .. و هادشي لي لاحضاتو شغف.. تعشاو مجموعين فجو فيه الضحك و النقاشات حول العمر بين رائد و عبيدة .. اما شعغ و سهى مكيدويوش غير النضرات لي كيتبادلو ين الحين و الآخر.. .. كملو العشا و ناضو هزو الماعن للكوزينة .. من بعد اتجه رائد و عبيدة للشرفة باش يكميو و بقاتش شغف مع سهى بوحدهم فالصالون ..
سهى.."سهات فشغف .. كاتشوف فيها من الفوق للتحت كاتدقق في ادق تفاصيلها .. " شحال فعمرك !؟
شغف .. " ابتسمات لها" أربعة و عشرين سنة ..
سهى .. اوه انا كبر منك ههه ..انا قد رايد ..
شغف .. امم .. و هذاك لي جيتي معاه خطيبك ولا حبيبك ..!؟
سهى... ههههههههههه شكون !؟مستر عبيده ..!! لا مديري هذاك ..
شغف .. ااه صوري كان يصحابلي كاتبغيو بعض حيت جيتو مع بعضياتكم....
سهى .. .."تنهدات و حنات راسها" انا لي كانبغيه قلبو مع وحده اخرى .." طلعات راسها فشغف" و ماحاسش بيا انا و بالعذاب لي عايشاه و انا قريبة منو و بعيدة عليه فنفس الوقت...
شغف ..و هو عارفك كاتبغيه!؟
سهى .. تت..يمكن كون قلتها لو شحال هادي .. يمكن كون واجهتو و قلت ليه كانبغيك ..يمكن كان غيتزوج بيا انا بدالها لو كان عارفني قداش كانبغيه .."شافت مباشرة فعيون شغف"كون كان عارف يمكن انا لي غانكون بلاصتها نهار العرس يمكن كان غايبغيني و ينساها .. كون و كون .. هههه ..لكن كنت ديمة خايفة انو يصدني ولا يقول لي نتي بحال ختي و هادي الكلمة كاتقتلني داكشي علاش سكت و كمدتها فقلبي ..
شغف ..."فهماتها واش داوية على رائد و مابغاتش تبين ليها حيت شوفتها لرائد كانت فشي شكل ..و من تما شكلت لكن داا تأكدات" شوفي .. خوذيها مني نصيحة .. عمرك تبغي واحد كيبغي وحدة اخرى .. حيت عمرو غايخليها على قبل وحدة كاتبغيه و هو ماكايبغيهاش .. دائما كوني مع لي كيبغيك و كوني اكيدة مع الوقت كيف نتي كنتي باغية تنسيه فحبيبتو تا نتي غاتنسايه و تعيشي حياتك احسن مع لي كيبغيك .. حيت بداك الحب لي كيعطيك تا نتي غاتولي تبادليه نفس الشعور .. اما راجل مزوج و كيبغي مرتو عمرك طمعي فيه ..و سمحي ليا قاسح حسن من كذاب ..مثلا انا رائد كيبغيني من الصغر و تا انا كانبغيه .. عند بالك الى جات شي وحده قالت لو كانبغيك غايخليني انا حب حياتو على ودها!؟ طبعا لا ..
سهى .." تقرصااات و حنات راسها " عندك الصح ...
شغف .." ابتسمات ليها" .. اوا انا بان ليا كين واحد العاشق سري ..!!
سهى .."طلعات حاجبها" شكون!؟
شغف ..اويلي على شكون!؟ عبيدة يا ختي عبيدة .. عينيه فاضحينو كل شوية يشوف فيك و ماشي اي شوفه😉
سهى ..طلب مني الزواج ..مازال ماعطيتوش الموافقة .. ماعرفتش .. مكانحس بحتى حاجة من جهتو ...
شغف .. الى درتي فيه راسك غاتولي تبغيه شوفي غير النظرة لي كيدير فيك كيف ديرة تخلي اي وحدة تبغيه "طلعات فيها حاجبها" غير نتي معلقة راسك بالمستحيل ..
سهى .. .."شافت جهة البالكون فعبيدو لي كان متكي على الباب و مكروازي رجليه كيكمي و يطلع راسو ينفخ للفوق .."..عندك صح .. غانفكر ..
شغف .."حسات نوعا ما بالراحة" .. اوا هكذا نبغبيك
ابتسمات ليها سهى و بقات عينيها على عبيدة كاتقرى تصرفاتو واحد الوقيتة حولات عينيها لرائد لي كان شاد كارو بزوج صباع و كيكمي و يخرج الدخان من خنافرو و ترجع تشوف فعبيدة .. فحال لا كاتقارن تصرفاتهم .. و شغف حاضياها و مطلعة حاجبها فيها .. جاية لدارها و بكل وقاحة كاتشوف فراجلها !!!!
رائد .."دخل عليهم قاطع افكار كل وحدة فيهم " .. كون تجمع مخك مع مخها كون تحررات فلسطين من بكري !!
عبيدة .. هههههه العروسة بالها عرفناه مع العرس و رواينو .. اما لالة سهى الله وعلم لاش كاتخطط ..
سهى .."شافت فيهم مرتبكة" لاش غانكون كانخطط .. والو غير العيا ديال الطريق و صاف ..
شغف .." عقدات حواجبها" ..رايد .. اجي معايا ..
تمات غادية بشوية باش ميكتشفوش ديك العرج ديالها 😂 .. تبعها رايد مطلع حجبانو باستفهام .. عاد كانت كاضحك لاش تقلبات ..
شغف .."دخلات وتسناتو تا دخل .. سدات الباب و حطات يدها على خصرها" .." .. شكون هادي ..؟
رائد .." سكت مدة كيضدرهت فراسو " شكون !؟
شغف .. ديك خيتي لي تحت !!
رائد .."طلع فيها حاجبو". سهى !! مالها بالسلامة ..
شغف .." عضات على شفايفها بغيض و كاتحاول ماتعليش صوتها" .. مالها نتا بالسلامه .. لاش جاية تابعاك لهنا ..و لاش كاتشوف فيك دوك الشوفات ... و كي كادوي عليك و قدامي .. بلا حشمة بلا حيا
رايد ..دابا مالنا .. عقد فيها حجبانو" تتغوتي عليا ولا كيفاش !!؟
شغف .. ''هزات كتافها و النار شاعلة فبها ماحساتش بهاد الاحساس تا طلعات هي وياه الراس فالراس عاد سرات معاها واس الاخت لي لتحت كاتبغي راجلها!!!'' ..انا مكنغوتش انا كانقول لبك ديك خيتي لاش تابعاك لهنا و شنو بينك و بينها ..
رائد ..غوت عليها تا قفزات" اش بغا يكون بيني و بينها اش مالنا على هاد الهضرة ديال الخ**
شغف .." جمعات حجبانها" ..
رائد ..",طول فيها الشوفه.. تنهد و جلس فوق الكانابي" .. شوفي غانجيك من اللخر.. الى كانا قالت ليك شي حاجة ولا بينات ليك شي حاجة من تصرفاتها !! كوني اكيدة داكشي غا فخيالها .. نهار تعرفت عليها كنا فلافاك كنعاملها بحال ريماس و ريان .. يعني وحدة من خوتي ديرها و لا كنت شي نهار عاونتها و اهتميت بيها غير حيو بنت البلاد و بوحدها فالغربة انا مانيش مسؤول على عقلها شنو فيه ولا باش تتحس ..فهمتي .. لا علاقة ليا بيها ولا بداكشي لي فمخها .. مفهووم !!
نخذات حوايجها دارتهم فالصاك .. سبقها رايد و تبعاتو لقاو سهى و عبيدة مجمعين ..
شغف .." ابتسمات لسهى" .. سوسو يالله نوضي نمشيو !!
سهى .."باستفهام" على فين !؟
شغف .. ويلي لدارنا ..
سهى .. اا ..!؟ كيفاش داركم انا غانبقى هنا مع الدراري شكرا !!
رائد .."دوى بلا ميشوف فيها" نوضي هنا راه المغرب ماشي امريكا باش تبركي مع زوج زوافرية فالدار بوحدكم و عادي .. زايد انا راجل مزوج و هاد الدار هي لي غانسكن فيها مع مرتي ماباغيش شبهات..
عبيدة .."شد لها فيدها" عندو الصح نوضي مع شغف اصلا نتوما بنات غاتفاهمو اش غاديري وسط الرجال ..
حنات راسها و هزات صاكها بلا ماتكلم .. تحركات معاهم .. خذا رائد السوارت ديال الاوطو تاع شغف من عندها و وصلهم الطريق كاملة و هو شاد فيد شغف مرة يبوسها مرة يحطها على قلبو و كيسوق بيها .. المهم ماطلقهاش .. و هادشي كلو داز تحت نضرات سهى لي كانو عينيها كيحرقوها باغية غير تختلي بنفسها باش تبكي على راحتها ..
وصلهم رائد تال بابا الفيلا .. نزلات سهى و نزلات فاليزتها اما شغف يالله بغات تنزل و هو يجرها رائد لعندو ..كيشبع شوقو المتجدد كل دقيقة لدرجة ولا ماباغيش يفرقها ..
رائد ..ماقلتيش ليا تصبح على خير ..😉
شغف .."ابتسمات ليه بحب'' ههههه تصبح على خير ..
رائد .. صافي هاكا ناشفه ..!؟
شغف .. هههه دوزها بجغيمه الما على وجه هاد السيدة لي واقفة علينا ..!؟
رائد .."جرها لعندو من عنقها و باسها فعنقها" .. يالله دخلي على البرد ..
خرجات من الاوطو عينيها كيخرجو القلوبة .. رائد من ديما يديب أوصالها كيف كيقولو لكن من نهار تزوجو ولا كيزيد يغرقها فحبو و اي حاجة كاتعلق بيه كاتحماق عليها ..اما سهى ملي خرجات من الاوطو مشات ديريكت قدام الباب و عطاتهم بالضهر باش ماتشوفش لي ميعجبهاش .. التحقات بيها شغف حلو لهم البوابة ديال الفيلا و كي دخلو بان لها داك الكم الهائل ديال الحرس مع انو ماشي قصر غبر فيلا كبيره و صافي ..
سهى .. ناري لاش هاد لي كارد كاملين ..!!
شغف .. ههههههههههه حيت حاولو يقتلوني .. و بابا جابهم باش يحميوني ..
سهى .."ترعات فمها" .. هااء ..شكون لي بغا يقتلك!!
شغف .. واحد الحيوان .. ماديريش فبالك ..مي اي واحد يحاول يآذيني .."طولات فيها الشوفه " .. كيف ما بغى يكون يكون .. كيلقى تاج الدين الصقر و رائد الصقر قدامو .. هاد الزوج ممكن يديرو اي حاجه على قبل عائلتهم ..
سهى ..سعدااتك .. انا من لي تفارقو واليديا و انا عايشة فأمريكا .. بابا عايش فطنجة .. و ماما عويشة فمصر مع راجلها ..و انا ملي هاجرت و انا بوحدي .. تا تلاقيت مع رائد"حكات نيفها" بغيت نقول رائد و عبيدة ..
مجاوباتهاش شغف ولا شافت لجهتها كي دلات للفيلا لقات تاج الدين و ريماس مجموعين فالصالون كيشربو قهوة..
شغف .. سلااام عليكم .."مشات عند تاج الدين باست ليه يديه و مشات عند ريماس باستها من حنكها" ..
تاج الدين .. الله يرضي عليك ..
ريماس ااش هاد الغبور يا هاد البنت من البارح ما شفناك ..
شغف .. ههههههههههه هاني جيت ..
تاج الدين ..هاد البيات برا من بعد ندويو فيه .."شاف جهة سهى ..
شغف .."توثرات'' .. اامم جبت معايا ضيفة ..
تاج الدين .. مرحبا
شغف .. "مشات جرات سهى لي كانت حشمانة من يديها وقفاتها قدامهم" هادي سهى .. زميلة رائد فأمريكا .. .. جات باش تحضر عرسنا ..
طلعات شغف للمكتب عند باها و القفقافة شاداها من الراس للرجلين .. غمضات عبنيها و دقات الباب كي سمعاتو سمح لها بالدخول فتحات الباب و دخلات ..مشات عندو بركات قدام المكتب ..
شغف .. بابا بغيتيني !؟
تاج الدين .. "طلع فيها عينيه و حيد النضاضر" .. يه .. علاش مابتيش فالدار امدام !؟
شغف .. ااا .. احم .. راه بت فدار ديال رائد ..
تاج الدين .. اهاه .. من إيمتا بالسلامة هادشي ..
شغف.."حنات راسها" راه ماخلانيش نمشي فاش جينا من البحر كان نص الليل قال ليا بلا مانصدعوكم فديك الوقت ..
تاج الدين..."خزر فيها .. هادشي كلووولاهو مامنوشي .. هضرة خااويه ..!! سمعتيني .. ديك الخرجة المبرهشة لي خرجتي معاه من وسط الخطبة و خليتو هنايا الناس .. حرجتوهم .. دوزناها بشريبة ديال الما .. و مك تا هي ضغطات عليا مابغيناش نخصرو الفرحة .. ولكن بياات و نتوما مزاال مادرتوش العرس. . هادشي ماعندي ماندير بيه .. سمعتي!؟
شغف .."حنات راسها" ماغاديش تعاود ..
تاج الدين .. تمام .. هاذشي لي بغيت نسمع .. حيت الا تعاودات مغايعجبكمش الحال ..
شغف .."حركات راسها بالإيجاب" .. احم .. غدا قال ليا رائد غايدوز عليا باش نمشي نتار الفراش ديال الدار واش مسموح و لا لا !؟
تاج الدين .. ماشي شغلي فداكشي انا لي كيهمني هو البيات قبل العرس ميكونش !!
شغف ..مفهووم ..
تاج الدين ..و مبروك عليك..
شغف .."ابتسمات و ضارت عندو عنقاتو" الله يبارك فيك احبيبي ..
تاج الدين .. هادشي لي كندير غير على ود مصلحتك خصك تفهمي هادشي مزياان ..!؟
شغف .. عرفت احبيبي .. الله يخليك ليا ..
تاج الدين .. اه حقا .. دوات معانا عمتك ىزان .. غاتجي هي وداك راجلها ..
شغف .. بصح😍.. و ولادها!؟
تاج الدين .. عيت معاها قالت لك لا غاتخليهم مع ديك ختو .. مليكة .. ماعنعرف باش كلتفكر ماخايفاش على ولادها ..
شغف .. ههههههههههه حشومة عليك مليكة ضريفة و الله .. غير هي ماعندهاش مع الصداع كي دارت قبلات تشد ليهم ولادهم ..
تاج الدين .. مانعرف ليها .. قالك تبدلات ماتبدلات و مشات تعيش معاهم داكشي مادخلش ليا لراسي انا .. بالكق يضبرو روسهم ولادهم هادوك انا مالي ..
خرجات شغف من المكتب ديال باها و اتجهات ديريكت للصالون لقات ريماس كاترسم فخدمتها سولاتها على سهى قالت لها بلي مشات ترتاح فالبيت لي عطاوها .. يالله كانت غاتنوض و هي تجرها ماطلقات منها تا خوات لها المزيودة كااملة عاد طلقاتها .. نو ناضت طلات على سهى قبل لا تمشي لبلاصتها تنعس .. جمعات شعرها و تخشات فبلاصتها بالسيرفيت .. خذات تيليفونها لقات ميشاج من عند رائد ..
«تغطاي مزيان على البرد راك مزاله مقصحة .. و غدا غانجي عندك مع الصباح باش تمشي تقداي لي بغيتي ..»...
كتبات ليه بونوي و حطات تيليفون من ديما هو هضرتو هكذا ديرة و هادشي لي كيعجبها فيه .. ناااذرا ما كيقول حبيبة .. حيت حبو كيعبر عليه بأفعالو ماشي بحبيبة حياتي حتى كيبسال .. ..
صبح صباح جديد .. و اشرقة شمسو دخلات على شغف كي جاها الضو فاقت .. و سمعات تيليفونها كيصوني اكيد عرفاتو شكون حيت تعطلات فالنعاس ..
رائد .. النعيعيسة صباح النور ..
شغف .. صبااح الخيير .. امم ..
رائد .. ماتقوليش مواله ناعسة ..
شغف .. و الله الل مزالة مجبة فبلاصتي ..!!
رائد... هذا هو لي سميتو الوقت ديال المغاربة .. هاد الوقتة خصك تكوني وجدتي و كاتسناي نجي ..
شغف .. علاه بالسلامه شحال الساعة !؟
رائد .. العشرة هادي امدام ..
شغف .. اوهوووه مزال الحال .. انا غاندوش و نفطر و نلبس و هاني معاك ..
بزز ناضت من بلاصتها و مشات درباتها بتدويشة خفيفة حيدات عليها ريحة النعاس ..ضربات بشعرها و نشفاتو بالسوشوار .. لبسات بينوارها و نزلات عندهم لقات ريماس و سهى كيفطرو..
ريماس .. باباك مشا مع أدهم و أيهم عندهم شي مباراة ...
شغف .. اه مزيان ..انا غانخرج مع رائد ..على ود الفراش و داكشي ..
ريماس ..امم ... مزيان ياكما نمشي معاك ..
شغف ..علااش .. انا غااادية مع راااجلييي .."وركااات على راجلي " .. بااش نشريو فرااش داااري .. اوا لا مشيتي معايا سهى مع من غاتبقى بوحدها؟! حشوومه ..
ريماس .. احياني عليك نتي ..احياني ..
شغف .."خشات اخر دغمة فمها" .. ههههه مالي انا ..انا بعشاااقك انا .. انا كلييي لك اناااا .."عنقاتها" ..
ريماس .. ههههههههههه الضاسرة هادي ..
شغف .. اليوم يفرشخني رائد .. هاني مشيت نلبس ....
طلعات كاتجري لبيتها الحريق مابقالوش أثر ... فهاد الوقت كان رائد وصل لقدام الفيلا بقى ساعة كيتسنى فيها طبعا البنات الى بغاو يوجدو يا سلام خصهم نص نهار .. لبسات شوميز مخططة بالبلومارين و الشيبي و سروال أبيض قصير مع طالون بلومارين .. دارت مكياجها الخفيف لكن عكرات فمها بأحمر دم الغزال ..خلات شعرها على راحتو هزات تيليفونها و خرجات .. لقات رائد يالله كان ناوي يطلع يخلي داربوها😂😂
رائد .. "مخنزر'' مزال الحال كنتي بقاي مزال
شغف .."ابتسمات و باستو فحنكو" توحشتك .. يومين ما شفتك ..
رائد .."فك الغوباشة و جرها من الكول ديال الشوميز باسها بالجهد ففمها تا عصرها" .. طلعي ..!
شغف .."جبدات كلينيكس من صاكها و مسحات ليه فمو" كنتي غاتمشي معكر هه ..
دخلات شغف كضحك للاوطو و تبعها تا هو دار ليها السانتير حيت ديما ناسياها ..
رائد .. باش غانبداو!؟
شغف ..الصالون البلدي. .
رائد .. تمااام ..
ديمارا الاوطو و تحرك ديريكت لمكان خاص بالأثاث المنزلي و كيف قالت لو شغف وقف الاوطو قدام أرقى محل للصالونات التقليدية المغربية .. كي دخلو ليه حلات شغف فمها على عجبها داكشي و كل صالون تتمشي تبرك فوق منو ورايد تابعها غا بزز و كيشوف فيها .. وقفات عند صالون وااعر مغربي تركي .. وهو يعيط على السيد لي كان متبعهم تفاهم معاه على الثمن و من بعد المتاويات و التهديد بالخروج خاوي الوفاض خلاه لو بتسعة تالمليون واخة مانقص فيه تا لعبة غير ديك النغزة ديال المشاطرة لي فالمغاربة ضروري يستعملوها فينما مشاو .. دفع الشيك و اتفقو اهم يوصلوه ليه تال الدار .. ويالله كانو غايخرجو تا قال لهم بلي كين الطابق الثاني فيه غرف النوم جاتو من الجنة و الناس مافيه لي يدور ..
شغف.. "كاتنغز فيه" خصنا نضورو ماشي غير نجيو ونتلاحو هنا ..
رائد .."جرها من يديها" .. زيدي قدامي .. هذا هو احسن محل .. الباقي غا غانضيعو فيه الوقت .. هنا الكاليتي و الديكور كولشي هو هذاك .. اش بغيتي مزال !؟
شغف .. اووف ..
تم جارها تا طلعو للطابق لاخر و تما بان لهم عالم اااخر غرفة تنسيك فختها لا من ناحية الديكور ولا من ناحية الكاليتي بالحق الأثمنة كايضربو لجدارة الوذن .. وقفات قدام الغرقة الاولى كانت بالاسود و مجهزة من كولشي بالحق كي شافت الثمن تصعقات فيساع قلبات عليها و مشات لوحدة حمرا كاتشوف فيها ..
ماغاودش معاها الهضرة جرها داها لقدام الاولى لي عجباتها ..عيط على السيد تفق معاه على الثمن و ايمتا غايوصلو شغلو هادشي تحت نضرات شغف لي تسناتو تا ساالا عاد دوات ..
شغف .. ماعجبنيش هذا!!
رائد .."طلع فيها حاجبو'' ..و انا عجبني !؟
شغف .. لاش جبتيني معاك!؟ولاش مكاتقول ليا على ذوقك ما على ذوقك ها راه ذوقك اسي!!
رائد .."عنقها بيد وكدة وتم غادي بيها" ..شوي هادشي لي عندك فهاد الطنطون كيوصلني في ساع ..راني قلت ليك ماضربي حساب للفلوس ..
شغف .."نفخات شفايفها بطريقة طفولية " واراه هادشي بزاف و حنا عاد فالبدية دحياتنا ..
رائد .. شكون قال بزالف .. الخير مجود الحمد لله .. غير تهناي هادشي ماشي شغلك فيه ريحي بالك !؟ واخة .. "دور راسو مابان لو حد فالدروج و هو يجرها من حنكها باسها فشفايفها ..
من تما داها ديريكت للفيلا حطها و تحرك لعند عبيدة ..واخة ماخداوش كاع لي خصهم بالحق كانو فرحانين و الاكثرية شغف .. حيت ضغطات عليه ماياخدوش كولشي خداو داكشي لي أساسي و يتحط فالواجهة و الغرف لاخرين يتحط فيهم الفراش القديم .. هكذا غايقدرو يبنيو حياتهم كيف بغاو وبلا مايضغطو على راسهم .....
«بعد مرور أسبوع » ...
فات أسبوع من التجهيزات للعرس فهاد السيمانة جات فيها رزان و فاروق .. من ديما العلاقة بين فاروق و تاج الدين متوثرة .. و مزالة كيف ما هي مع اهم ولدو الولاد و كبروهم .. و مع ان تاج الدين ماهازش فقلبو على فاروق .. و فاروق كذلك .. بالحق ولفو ديك التعامل لي بيناتهم و ولا كيجيهم عادي داك المناقرة واخة شابو .. شغف دوزات هاد الأيان كاااملة فالتجهيزان .. من التريتور للبيوتي سانتر .. اصرت ان كووولشي غايكون بسيط .. ماختارتش اشهر ممونين الحفلات .. ماختارتش اشهر كوافورة .. .. ختارت الناس لي غايخدمو ليها مزيان و حاجة بسيطة فقط .. و فضلات توقف على شغلها بيديها باش كيف بغات هي ..ماشي شي حد ااخر .. ..طول هاد الفترة ديال التحضيرات كانت معاها ريم و سهى .. كيعاونوها و يختارو معاها ماخلات ما شرات الا لي شوميز دونوي حيت الكم الهائل لي شرا ليها رائد تلبس فيه ويشيط الخير .. سهى ماقصراتش معاها و كانت فعلا كاتعاونها بغض النضر على انها كانت كاتعذب لكن فالاخير وصلات لان رائد كيموت على شغف و هادشي شافتو من تصرفاتو و البوكي تالورد لي كان كيوصلها كل نهار باش يقول ليها صباح الخير بدل مايصيفط ليها ميساج و لا يتصل بيها .. داكشي علاش تقبلات الواقع لي كانت كاتغمض عليه تينيها و وصلتت لقرار انها غاتبعد
....تم تحضير كا شيء لليلة العمر لي غايكون عنوانها هو البساطة ضيوفها العائلة و الأحباب فقط .. اليوم يوم العرس .. فاقت شغف بكري على يديدات ريماس لي كانو كيلعبو فشعرها ..
شغف .." كاتكسل" صباح الحب الحب ..
ريماس .. صباح النور حبيبتي ..رتاحيتي شوية ..
شغف .. .. ههههههههههه من شحال هادي و انا مرتاحة شنو كاندير بالسلامه ..
ريماس .. ههههههههههه فعلاا .. ااه نسيت .. صاحبتك مشات و قالت ليا نقول ليك شكرا على كولشي و شكرا حيت دخلتيها دارك و فتحتي ليها بابك .. و قالت لك كاتأسف منك حيت ماغاتقدرش تبقى معاك اليوم .. قطعات البيي و مشات ..
شغف .." تقادات فالجلسة" .. اووف ..
ريماس .. مالك ..!؟ ياكما تخاصمتي نتي وياها !؟
شغف ..لا .. غاتكون غير عندهاشي حاجة وصاف ..!!
ريماس ..المهم ماعليناش نوضي باش تفطري و توجدي يالله الوقيتة ديال توجاد ..
شغف .."نقزات فوق النموسية '' .. هاهي ناضت ..
اتجهات ديريكت للدوش خدات دوش خفيف استرخات فيه بطقوسها المعتادة الزيوت و الشموع باش تريح اعصابها من التوثر .. بركات فالحمام تال ساعتين .. خرجات سشورات شعرها و لبسات سورفيت ديالها .. نزلت فطرات معاهم فجو ماليه الضحك و اللعب خصوصا ان العائلة كاااملة مجموعة .. كملات الفطور ديك الساع جات عندها ريم لي مافارقاتهاش الوقت كامل لي كانت تتوجد فيه ... فهاد المدة ماكانتش كاتلاقى بزااف مع رائد لا هي لا هو كانو مشغولين لكن شوقهم لبعض كان قوي لأبعد الحدود و كيتسناو غا يمتى يتجمعو .. طلعات لغرفتها تبدى تجهز راسها بينما جات الكوافوره ...
طلعات لبيتها تبدى تجهز راسها بينما جات الكوافوره.. طلعات معاها ريم .. بقاو مجمعين حتى تبعاتهم ريماس هازة فيدها الفستان ديال شغف و الخدامة معاوناها فيه حيت طويل بزاف .. ..
ريماس ..المفااااجئة جات.. ههه
شغف .."وقفات " اححح اخيرا غانشووفو 😍
ريماس .. "علقاتو فالباب" ههههه لا مزال ما غاتشوفيه ..
ريم .. صراحة غاش غاتلبسيه غايكون عندو طعم اااخر حيت غاتفاجئي براسك زائد ان تصاميم خالتو ريماس لا يعلى عليهم ..ماعندك مناش تخافي ..
شغف .. "عنقات ماماها بيد وحدة .." نخافي .. ويلي على نخاف تصاميم مامي هي لي ملنخافش منها اي حاجة تطلع من يديداتها كاتمرج عسل .."قاطعها صوت التيليفون" .. احم .. الموسيو كيصوني ..
ريماس .. ههههههههههه سيري جاوبيه و قولي ليه يخلينا نقضو حاجة مابقى والو و يديك ..
شغف .. ههههههههههه واخة .. "خذات تيليفونها و مشات سكات عليها فالبالكون" ..اااالووو ..
رائد .." صوتها جاب لو تبوريشة 😂" .. التبعكيك خليه تال الليل الله يرحم باك ..
طفات التيلي بلا ماتسنى جوابو عارفاه قليل الحيا و ماغايكمل معلها المكالمة تا يحرجها نيت .. دخلات للبيت و مشات سلمات على الكوافورة ديالها و جلسات قدامها باش تصاوب ليها .. فهاد الوقيتة بداو المعازيم من اصحاب و عائلة كيجيو مكانش الاكتضاض و كانو غير الناس المهمين بالنسبة ليهم هوما لي حاضرين .. و حتى العرس كان كيتميز ببساطتو من طبيلت لي محطوطين فااجردة و الديكور لي كان بالابيض فقط الورد هو لي احمر ...بدات تتصيب ليها الشعر و هي مجمعة مع ريم ..
شغف .. عرفتي بقى فيا الحال على سهى لي مشات و ماقالت ليا والو !!
ريم .. "كلتصبغ ضفارها" .. ديك البنت مكانتش كاتعجبني واخة هكذاك .. معرفتش .. فينما تباني ليا كادوي مع رائد كاتكون حاضياك بلا حشمة بلا حيا ..
شغف .. صعيب تبغي شي حد و ميكونش من نصيبك و هي عاشت حلم فواحد الفترة لي كنت انا ورائد فيها مفارقين ..
ريم .. و هي بغات تستغل الفرصة .. جاب الله رائد ماشي شي واحد لي ريح لي جات تديه ..
شغف .. وايه ..بالحق ماغانحاسبهاش على حلم عاشتو بينها و بين راسها ..
ريم .. حبيبة .. تيقي بيا لو لقات الفرصة تفارقك مع راجلك ناغاديش تردد ..بالحق رائد كيآمن بديك المقولة ديال امرأة واحدة تكفي .. يعني الفرصة معاه شبه مستحيلة .. داكشي علاش انسحبات. .
شغف .. المهم .. ربي غايجيب ليها لي فيه الخير .. انشاء الله تلقى راسها مع عبيدة حيت على ما عاود ليا رائد كيبغيها بزااف ..
ريم ..."نفخات شفايفها بطريقة طفولية " ايه اختي .. نتي يبغيك رايد .. هي يبغيها عبيدة تا خالتو ريماس كيبغيها باك و انا ماعلياش الله ..😕
شغف .. اممم .. اودي قريب غير حلي عينيك غاتلقاي
ريم .. عييت نحل فيهم ..
شغف .. اوا بقاي حالاهم فالعرس لعل و عسى يجيبو ليك شي واحد ههههههه ...
كملات شغف شعرعا و مكيتجها و ريم حتى هي عاد جابو لها الفستان و غمضو لها عينيها تحت اوامر ريماس حتى لبسوه لها و كي شافت راسها فالمراية تبهرات .. .. و بكات ريماس فاش شافتها بيه مكانتش كاتخايلها اجمل و احلى من هكذا .. و جا تاج الدين فاش وصل رائد بالهدايا كيف العادة كل ما كيدخل ... وقف قدامها تاج الدين كيشوفها و حنان الاب كيبان فعينيه ..
تاج الدين .."تنهد" ماعرفتش واش غانرتاح و لا فاش غاتمشي و تخليني ..
شغف .."الدمعة على طرف عينها" .. حبيبي عمري هانخليك .. كون اكيد كل نهار غاتلقاني عندك هذا غير راني خدامة معاك يعني غانتلاقاو على طول اليوم هههه يعني فيك فيك ..
تاج الدين .."باس ليها جبهتها" .. الى قلقك و لا دار شي حاجة ماعجباتكش .. اتصلي بيا و تشوفي اش غاندير ..
شغف .."عنقاتو" .. احيااني عليكم .."باستو فراسو هو ووخوه" ههه مابغيتش نبكي .. "كاتنض على عينيها .." ..
ريماس .."عنقاتها" .. تجمل .. و احلى عروس .. بنتي حبيبتي .. مكنتش متوقعة غايبقى فيا الحال حيت غاتمشي لدار راجلك .. ولفت حماقك فالدار صعيب نتعايشو مع الدار بلا بيك غاتجينا كئيبة ..
تاج الدين .. كل بيت دخلت ليه كاتبان ليا كاتجري و ضحك ههه هضرتها لي مكاتساليش .. بالحق كبرات و هادي سنة الحياة ..""عصر عينيه بصباعو باش مينزلوش دموعو لي كانو على طرف عينو" ... اساسا بغيت نشوف ولادك قبل لا نموت ..
شغف .."عنقاتو" .. بعيد الشر عليك احبيبي مزال تزوج ولاد ولادي ههه ..
تاج الدين .."صايب حوايجو" .. هذا الى ما جاك شي اخ فالقريب العاجل ..
ريماس .."غطات وجها" الله يمسخك .
شغف .. وييينو ههههههههههه .. و مالكم مزال صغاار
تاج الدين .. داكشي لي قلت تا انا 😌..
🌸طلي بالأبيض طلي يا زهرة نيسان
طلي يا حلوة و هلي بهالوج الريان
واميرك ماسك ايديكي و قلوب الكل حواليكي
و الحب بيشتي عليكي ورد وبيلسان
قلبي بيدعيلك يا بنتي بهالليلة الشعلاني
يا اميرة قلبي انتي سلمنا الامانة
ما تنسي أهلك ياصغيرة
بعينينا ما صرتي كبيرة
ضلي معنا و طيري وطيري ع جناح الامان
شعي متل هالطرحة يا أغلى البنات
صلي تعيشو بهالفرحة لباقي الحياة
و ربي من السما يباركن
كيف ما توجهت يرافقكن
بايام الصعبة ينصركن
ع كل الاحزان🌸
نزلات شغف على نغمات طلي بالأبيض و ذراعها فذراع تاج الدين و ريماس وراهم كلتصلي على النبي و تقرى عليها المعوذتين من العين ..رائد كان عاطي بالضهر للدروج كيتسناها توصل لعندو و كي طلات دار و ماستحملش ..
فستانها كان ناصع البياض برااق و طويييل .. طبعا من نصميم ريماس .. ليسهرات على كل قطعة منو أكثر من سنتين و ني بادياه بدون علم اي واحد .. كانو كاع التوابات لي استعملات فيه من الحرير الخالص و من اغلى الاتواب .. من الساتان و الشبكة المنبثة .. اما حجار التشاوسكي و الجوهر .. و الزمرد فاكانو تا هوما من اخلى الاحجار الكريمة الموجودة على الاطلاق .. كل حجيرة نبتاتها بشاعر أمومة جياشة .. كل قطعة منو خيطاتها و عينيها كيلمعو بالحب .. و كان الشوق كياكلها لداك النهار لي فاتشوف فيه اول فرحتها و لي حاربات على ودها من صغرها حتى ولات احلى عروس .. و كي لبساتو طاحو دموع ريماس . حيت هاد اللحظة كانت كاتمناها من شحال هادي و حتى الفيتان .. ياكل منها حتة خلاوها المصريين .. أما رائد كان لابس سروال فالگري مع شوميز بيضاء و بابيون فالأسود .. الفيست كانت بتصميم عصري راقي فتا هي فالوسود ..و سباط كلاس ديال الجلد .. دوز شعرو جنب بطريقتو الخاصة ورش بارفانو جا غاية فالوسامة بلباسو الكلاس مع فورمتو لي عامرة و طولتو لي كاتجي معاها اي حاجة لبسها ..
وصلها لعندو و وصاه عليها بالتهديد طبعا كيف العادة قبل ما يعطيها ليه .. اما رايد ماسمع ولا كلمة من كلام تاج الدين ..كان غير كيراقب ديك اللوحة الفنية المتحركة لي قدامو بتعبير شبه مبهوووور .. فقد النطق فديك اللحضة .. رائد الصقر .. مكيعرفش يعبر على لي فداخلو ببساطة ... كيخصو بزاف باش يوصل فكرتو للآخر .. لكن محبوبتو كاتفهمو من أول نفس .. قرب ليها حتى ولاو فوضع الحضن .. و همس بقرب وذنها ..
-رائد ..ما أجملك ..فين كنتي مخبية هاد السحر ..مشتهي كل ما فيك .. شفايفك .. عيونك الخضراا .. تكوينك لي فحال لي بيبي "دوز صباعو على ذراعها '' هانتي أخيرا وليتي ديالي .. على مرأى و مسمع الناس كاملين .. لي بغى و لي مابغااش .. وليتي باسم رائد الصقر .. نتي ديالي .. أخيرااا وليتي ديالي ..! .. و هاد الكلمة غاتولي تسمعيها كل نهار .. و تحسي بيها و تعرفي معناها ..!
شغف .."عضات شفتها التحتية و نطقات بدلال" .. وليت ديالك بالقول و الفعل .. شحال هادي ههه ..
رائد .."قبل يدها بحب" ماشي بحال ..
..خذاها من يدها و اتجه للجردة و الصلاة و السلااام ديال اعمامهم وراهم ..حتى وصلوهم للجردة المكان لي غايديرو فيه عرسهم البسيط ..تطلقات اغنية لي على اثرها رقصو العرسان رقصة رومانسية خلاو الكل كيشوف فيهم منبهرين بجمال هاد الكوبل و كيفاش موالمين بعضياتهم .. مرو من ازمة صعيبة بالحق تحداوها و تحداو كاع لي وقفو فطريق حبهم باش يوصلو فالأخير لبعضياتهم و يتوجو علاقتهم بالزواج ..🌸
كانت ريم واقفة كاتشوف فشغف لي منسجمة مع رائد .. من ديما كانت هي وشغف صحابات و من ديما كانت شغف هي مثلها الأعلى فالصبر .. اخيرا تلاقات بلب قلبها بغاه من اول دقة ..
محمد .. "جا وراها" .. احم احم ..
ريم .."دارت عندو .." اه .. نتا ..
محمد .. تماما ..انا .."كيشوففيها من الفوق لتحت" .. جيتي زوينة 😉
ريم..بصح كنت كانفكر فشغف .. صراحة تعذبات بزاف .. لدرجة وليت كانقول لها غا المعقدة .. هههه حيت كانو كيخطبوها بزاف و عمرها عطات لشي واحد فرصة .. تال مصطفى .. صراحة انا ضغطت عليها بزااف باش توافق .. و ياريتني ماحاولت نقنعها ...."نهدات" .. بالحق الحمد لله ملي رجع رائد .. لو كان علفت بلي كي غايسمعها تخطبات غايجي .. كنت نضغط عليهامت شحال هادي .. هههه ..
محمد .. عزيز عليك تجري فالخير نتي .. ههه ..
ريم..عزيزة عليا صاحبتي ..
محمد .. اوا الله يخليها ليك و يخليك ليها
ريم .. امين ..😊
محمد .. احم .."كيدور تيليفونو فيدو" ريم ممكن ناخذ رقمك
ريم .. "طلعات فيه حاجبها" عفوا!!!
محمد.."قابلها بنفس الحركة " وا اري نمرة تيليفونك .. ولا عرفتي شنو.."شاف فيدها و نطر منها التلفون ..ركب نمرتو و سجلها ..و صونا على راسو.. " هكذا مزيان .. تيليفونك زوين كانت خاصاه غا نمرتي .. ههههههههههه ...
حط تيليفونو فجيبو و غمزها عطاها بالضهر. و رجع لطابله ديلتو ... خلاها حاله فمها و كاتشوف فيه زرب عليها خلاها غا كاتشوف .. ابتمات بلا هواها و عنقات تيليفونها .. كان جد جد جد وسيم ب لباسو الرسمي .. كوسطار فالأسود و شوميز فالأبيض فاتح الصديفات ديلها الفوفيين حيت مكبحملش يلبس الكرافاط حيت كاتخنقو .. انا ريم كانت لابسة قفطان فالغوز بيبي منبث بالفضي البراق مع مشيطة خفيفو و بروش فالشعر على شكل تاج .. و كياج ناااعم و خفقف لي جا مع شعرها الأسود القاتم و جات كلها عبارة عن كثلة من الكياتة 😌
....
داز العرس كلو مرتب و كيف ما خططات ليه شغف بسيط .. راقي و كيجمع غير الناس العزاز و لي فقلبهم للعرسان غير الحب .. ركب ليها خاتم اخر فوق خاتم الخطوبة لي كان فقط عبارة عن خاتم بسيط فيه ألماسة وحدة فالوسط جا موالم مع الخاتم الاول طبعا بدلو اليد لثانية .. و واعداتو عمرها تحيدو من يديه ..و وصلات وقت تقطاع الحلوى لي كانت عبارة عن حاوى بطبقات و فالاعلى فيها عريس و عروس من الحلوى نيت .. مدو لها الموس باش يقطعو يالله جات تشدو و نو يديح من يديها ..
-رائد .. مالك فيك بوتفتاف ..
نزل يجيب الموس و تسمعات "طراااق" ديال الرصاص كوولشي جمد ..و شي كيشوف فشي .. الصوت اكيد معروف ديال ااش ولكن تا حد ماعرفو منين جا من غير محمد لي انطلق كي البرق لجهة البوابة ديال جردة .. اما الباقية ماحسو و استوعبو حتى بان ليهم تاج الدين طاح على ركابيه قفز رائد شدو و عشق جاات تحت راسو باان ليهم الدم و بداا كولشي كيغوووت .. اما ريمااس بقاات وااقفة كاتشوف فيه فحال لا كاتفرج فشي فيلم مصدومة و عينيها مفتوحين على وسعهم ماحسات براسها تا طاحت سخفات من هول الصدمة ماقدات تا توصل عندو .. صوت الرصاص و صوت الااااه لي خرجات من تاج الدين مع صوت الغوااات ديال النااس و خوتو .. خلاها ماتعقلش على راسها .. اما شغف .. الصدمة كانت قوية عليها كانت مبتسمة و فرمشة عين تقلب كولشي هزات الكسوة ديالها و دارت عند تاج الدين كادفع فاي واحد جا قدامها غمامة بيضااا على عينيها ..حطات راسو على رجليها و على لسانها كلمة وحدة .." لالا بااابااا لا .." راسها كانو كيضربو فيه المطااارق جرات باها من الشوميز ديالو و غوتات بحر جهدها ..
شغف .."تنطرات منو" ماااتقيييسنيييش .. تااا حد ميقيسني .. تاااحد كاتفهموووو تا حد ..
رائد.."كيشوف فتاج الدين لي قرب يغفى " .. واااش بغيتيه يموووت غانبقااو نتفرجو فالراااجل كيضيييع من يدينااا ولا كيييفاش ..وااا تگعدييييييي😡😡
شغف .."نقزات خلعها بغواتو و هي اصلا على ااخرها .. " ههءهءه😭😭..
دفعها تا كانت غاطيح كون ما فاروق شدها و تحنا هز تاج الدين جا عبيدة عاونو تا هزوه بزوج داوه للاوطو تبعووهم ادهم و ايهم و يمن هز ريماس لي كانت هاجر جالسة حدا راسها و كاتبكي .. اما شغف مكانت عارفة فين تمشي .. نهار عرسها .. نهار فرحتها .. كانت الفرحة ديالها ماعاطياها لحد .. هي و الراجل لي كاتبغي و باها لي كان معارض علاقتهم ولا موافق و مبارك الزواج بفرحة و شنو طرا!! كيفاش طرا هادشي .. ماحسلت براسها غير هزات كسوتها و ضرباتها بجرية لي جا قدامها دفعو و كاتقلب على رائد بعينيها بان ليها كيدخل هو و عبيدة تاج الدين للوطو و مشات ركبات حداه و دارت راسو على ركابيها و دمووعها ساايلين على خدها بغزااارة مكانش تاج دين كيتكلم كانو عينيه كيتلسقو و كيشوف فيها كاتبكي و ماقادر لا يسكتها و لا يدير تا رياكسيون ..
رائد ..سايق و عقلو مع لي تيرا فتاج الدين " .. سكتيييني .. سكتيني الله حفضك ..
شغف .. هءخهءخء😭😭
ما هي الا دقايق وصلو للكلينيك خرج رائد كيجري يغوت عليهم باش يجيو يهزو تاج الدين... و داكشي لي كان جاو هزوه بشوية باش ميتحرك فيه والو و تبعاتهم شغف غير كاتشوف فالكسوة ديالها لي كانت عامرة بالدم ديال باباها و عينيها عليهم ضبابة تبعاتهم بالجرا و رايد وراها كيحاول يشد فيها و هي والو تقول الجنون هزوها .. وصلوه للارجونص و هوما يوقفوهم حبسوهم باش ميدخلوش وراهم و جاو مجموعة من الاطباء ديك الساع كولشي كيجري دخلوه لغرفة العمليات ..و ما هي الا دقائق وصلات العايلة كاملين و ريماس لي فاقت فالاطو جاية كاتجري شعرها فجيه و و زيفها فجيه ..
شغف .."عنقاتها و انهارت على صدرها .. كانو بزوج فحالة يرثى لها .." هءههءهء😭😭😭 غايولي بيخير ماتخافيش .. ااش غايولي مزيان .. "دارت عند رايد" قوووول ليها غايولي مزييييييااااان ..قولها ليها هءههء😭😭"شنقات عليه" قوووول ليها لي قلتي لياااا قبيلة .. قووول ليها بابا غايولي مزيااااان ..
رائد .."شد ليها يديه باسهم و عنقها" شوووت .. بشوية عليك .. "جر ريماس تا هي لعندو عنقها" .. الله يخليكم هاخصوش البكاا .. دعيو معاه .. غايولي بيخير غير دعيو معاه ..
ريماس .."طاحت للأرض جمعات رجليها عندها و دموعها على خدها شلال لي قرب ليها كادفعو " اي ربي .. يااا ربي هءهءههء .. يا ربي .. كون معاااه يا ربي الى مشى تاج الدين شكون يبقى ليا من بعدو .. ياربي هءههءهء .. ياربي هو لي عندي حميه و حفضو ليا .. يا ربي ماتحرمنيش منو .. يا ربي حفضو ليا هءههءهءههء يا ربي 😭😭
الكل كانو منهارين و تا واحد ما كان شاد راسو خوتو ماملين كيبكيو ماحيلتهم يهديو راسهو و لا يهديو عيالاتهم اما ادهم و ايهم بوحدهم جلسو حدا ريماس كل واحد حط على كتفها راسو و كيبكوي منضر لي شافو كيقطع ليه فالقلب لي داز من حداهم كيبغي يخفف عليهم و كيلقى ليهم جهد .. نزلات شغف على الباب ديال الشومبر و شادة بين يديها القطعة لي فيها الدم ديال تاج الدين و كاتبكي عليها
رائد .."جاه اتصال كي شاف شكون جاوب ديريكت" .. وي محمد ..
محمد .. فينكم اصاحبي اشمن كلينيك !؟
رائد .. كلينيك *** ..
محمد .. هاني جاي ..
رائد .. شديتيه!؟
محمد .. شديتو هاني جاي ..
قطع معاه ديك الساع و مشا حظا شغف وقف على راسها كيشوف فيها و شاد فلحيتو .. راسو غايطرطق ..و كيتسنى فمحمد على احر من الجمر .. ما هي الا دقائق وصل عليهم كي شافهو مشا كيجري عندهم وقف على رائد و شغف ..
محمد ..اش قالو لكم ياك لاباس !؟
رائد .. ملي دخلو تا حد فيهم ما خرج!! شكون مولاها ..
محمد .."متردد" .. احم .. شديت لي ضرب سي تاج الدين امدام غير تهناي .. غايتعاقب ..
ريماس .."خرجات فيه عينيها" .. اناااا نعاااقبووو انااااا تا حد ما عندو الحق يعاااقبو هجم على داااااري و ضرب رااااجلي و الهااااجم يموووت شرع .. وحق الي خلقني و خلقكم مانخلييييه .. ههءهء .. راجلي كيموووت الدااااخل ..
شغف .."شدات فدراع رائد بيد وحدة و زيرات عليه .." مصطفى .. مم .. مصطفى هو لي تيرا فبابا .. الشرف .. هو .. .. هو لي دارها .. فاتحه فمها و عينيها كيرمشو بالتقاله .." ..
ريماس .."شدات راسها" قلبي كان حااس ..
شد فيها رائد و داها لجهة الكرسي ماجا فين يجلسها تا خرج واحد من الأطباء و مشاو تجمعو عليه كاملين ..
الطبيب .. الله يخليكم .. بعدو عليا شوية .. الله يخليكم باش نقدر ندوي ..
رائد .."وقف قدامو محمر فيه عينيه" ..عمي كيف حالتو!؟
الطبيب ... السيد لي جبتو الدقة جاتو بجنب القلب .. تزگل غير بشوية و حالتو خطيرة بزاف الله يخليكم الى غاتبقاو هنا كاملين شوية تالهدوء هذا سبيطار و عامر مرضى ماشي سوق .. غواتكم كيتسمع عندنا الداخل ..
ريماس .."تنطرات منهم و مشات شنقات عليه" .. واش عارف راسك اش كاتقول .. راجلي الداخل كااااتفهم .. الداخل الى وقعات لييييييه شي حاجة غانمووووت ..
الطبيب .."شد ليها يديها كيحاول يهدنها" الله يخليك امدام حنا ديرين كثر من جهدنا و معاه الداخل احسن الأطباء .. خصنا غير شوية تالهدوء ..
رائد .."نطر ليه يديه و خزر فيه " ماتقيسهااااش .."عنق ريماس بكتفو" عمتي تهدني الله يحفضك ماتكونيش هكذا تالج الدين ماغايعجبوش الحال كون كان فايق .. تهدني شويه ..
مزال ما كمل هضرتو خرجات ممرضة كاتجري غير بان ليها الطبيب و وقفات"
الممرضة ..دكتور .. كانفقدو المريض .. اجي معايا الله يخليك ...
جنتي الجزء السادس
محتوى القصة
التنقل بين الأجزاء