مزال ما كمل هضرتو خرجات ممرضة كاتجري غير بان ليها الطبيب و وقفات"
الممرضة ..دكتور .. كانفقدو المريض .. اجي معايا الله يخليك ...
دخل الطبيب كيجري و تبعاتوو هنا شدها يمن و مشات عشق تا هي سنداتها و هي والو كاترطا و تغوت و تبكي لربي لي خلقها حاسة بقطعة من روحها كاتسلب منها .. و قلبها كيبض بسرعة لي تخليه فاي لحضة ينعار و يتوقف .. ..
ريماس .. طلقو مني ..ههءهءنءن .. وااااااااععععع وطلقوووو مني راجلي كيمووووت حبيبي هذااااك خوووكم كيموووت تا حد ميشد فياااا بعدووو مني هءهخءهءهء الى طرات ليه شي حاجة غااانموووت هءهءهه 😭😭😭😭 غانمووووت ...
عشق .. صافي باىاكاااا سكتي ماغاطرا ليه تا حاجة .. ربي معااااه 😭...
خرجات الممرضة و مشات كاملين كيجريو عندها ..
يمن .. امضرا !؟..
الممرضة ..المريض غايضيع من بين يدينا .. نزف كمية ديال الدم كبيرة و خاصو الدم دابا خصمم تشريوه من بنك الدم ..
رائد .."كان غايشنق عليها " ..اش كاتخراي نتي هاد السبيطار كااامل مافيهش الدم نمشيو حنا حتى نضبرو عليه بينما مااااااات السيييد ..
رائد ..."خزر فيها من الصباح و هو كيجمع ليهم بالحق ماغايتفركع عليهم تا يسالي .." .. حسابي معاكم فاش هاد السيد يصح .. انا نقدر نتبرع ليه ...
يمن .. و شكون قال ليك زمرة ديال دمك بحال تاعو ..
رائد .. فاش كنت صغير كنا مشينا تبرعنا بالدم و تمت عرفنا دمنا فحال فحال ..
يمن .." شدو فكتفو" ..مزياان ..
الممرضة .. داكوغ تفضل معايا الله يخليك...
نصل الجاكيط غطى بيها شغف لي كانت كي التمثال مكاتحركش غطاها بيها ..باسها فجبهتها و طمنها بعينيها و تبع الممرضة ..
الكل كانو فحالة تشفي العدو .. بتكاشطهم .. و كوستيماتهم .. المكياج داع خلى غير الاثر ديالو .. اما شغف خلاص .. الدم فكسوتها و كولها كاترعد مشا عندها ادهم شد ليها فيديها
ادهم .. "ماعرف واش يهدنها و لا يهدن راسو" ماتخافيش غايبرا .غايفيق .الواليد ماغايخليناش .. علاش نسيتي فاش كان كيقول لينا ما غانموت تا نقتلكم .. هه ..الواليد ماغايطرا ليه والو مزال غايضربنا .. و يعاقبنا على القوالب لب كانديرو فيه .. تقي فيا ..
شغف .."عنقاتو باست لو راسو .. '' غافيق .. غايبرى انشاء الله ..
محمد .."شدو فكتفو" كالم اصاحبي .. مشا فين يتربى غير تهنا ..
ايهم .."دفع ليه يديه .. عينيه كانو مضببين بالدموع مكيشوفش قدامو .. " .. مامكااالميييشاااي اسيدي باااااا تضرب عرفتي شنووو هي باااا باااااا الداااخل كيمووووت و نتا كاتقول ليا يتربى .. انا بغيييت نقتلووو و نشرب من دمووووو و نتا كاتقول ليا يتربااا لهلا يربي ديل القحية دمووو ..
محمد .. وااايلي .. كالما اصااحبي .. مالنا على هاد التعصب باك غايولي مزيان غير تهنى ..
ايهم .. "دفعو" واش بااااغي تستفزني بربي الجليل مانعقل عليك لا نتا لا هو ديني عند القلاوي ولا غانوووض نقلب عليه برااسي ..
يمن .. " مشا عند ايهم دربو لقرفادتو" اش هاد الهضرة ديال الزنقة كاتقول قدامنا بلا حشمه بلا حيا و باك الداخل كيصارع الموت ..!؟
ايهم .." انهااار كيبكي و الدموع لي كان حابس مابقاش قادر يحبسهم" .. وااا العااافيه اعمي شاااعله .. العااافية شااعلة الداااخل..
ايمن .. ضربو لكتفو و عنقو " باك غايصح غير تهدن اولدي ..
ريماس .."حاطة راسها على كتف هاجر و كاتحك فخاضها" .. كولشي بسببها هي .. هي سباااابو
هاجر .. اش كاتقولي اخيتي شكون هادي ..
ريماس .. "كاتحاول توقف و عاوناتها هاجر تا وقفات" .. شكون هي .. بنتوووو .. بنتووو يا حصراااا .. بنتو هي سبابووو..
شغف .."وقفات جامة .." ..
ريماي .. "قربات ليها و وقفات قدامها هزات يدها تال السمااا و نزلات لها على وجها خلات الكل حال فمو و مبرق عينيه " .. شحااااال ترجيييتك و قلت ليك ماتوااافقيش .. يااااك قلت لييييك مارتاحيتش من نهار شفتهم .. ياااك قلت ليك ماااتوااافقيش .. هءههءهء .. شفتي دابا فين وصلتينا بعناااادك .. هاهو باااك بين الحيااااة و الموووت .. اش درنا فيييك تا تجازينااااا بهادشي ااااش .. اش درناااا لبك .. غاتيتمي خوووتك .. و تحرميني من رااااجلي ..هءههءهء الى طرااااات شي حااااجة لباااااك عمر لساااني عمرووو يخاطب لسااانك يا بنت كرشيييي .. الى طرات شي حاجة لبااااك عمري مزااال نبغيييي نشوووف وجهك اشغف .. عمري ..😭😭😭
شغف .."شادة حنكها و مخرجة عينيها فريماس .. هضرتها طاحت عليها كي السم ماعرفات ماتقول ولا باش دافع على راسها اخر وحدة كانت تتوقع منها هاد الهضرة هي ريماس .. و ريماس كان قلبها محروووق .." انا .. اناا ..
ريماس .. ااااااه نتب لي شويتيني .. و كويتيني .. نتي لي عطيتييييه فرصة .. نتي اشغف لي خليتييييه يتمااادااا .. المرة الللولة بيك و دابا باااك .. شوووفي فين وصلنا مااااشي بسببك هادشي مااااشي بسبب راسك القاااااصح .. هااااا .. ماشي بسبب راسك القااااصح ابنت كرشييي ..
رائد .. "وقف عليهم و سمع هضرتها لي طعناااتو فقلبو و درو خاطرو على شغف لب كانت واقفة فحالة يرثى لها مابقى ليها والو و طيح .. " عمتييييي .. اااش هاد الهضرة .. اااااش كاتخراااي ..
ريماس .. مااالي كدبت .. ههءهءهءه 😭😭 كون ما وافقات تزوج بيه من نهار لول كون عطانا بالتيساااااااع .. و هي عطااااتو فرصة و قبلاااات شوووف فين وصلاتنا دابااا شوووف ..
رائد .. عمتي استغفري ربك.."دار شغف وراه" .. استغفري ربك و نعلي الشيطان .. بنتك هادي ماااتنسااايش شكووون هي شغف .. و شنو هي بالنسبة لعمي ..
ريماس .. الى طرااات ليه شي حااااجة مااااهي بنتي ما انا مهاااا .."بعدات عليه شوية و شافت فشغف" ..مااااانتي بنتي ما انا مك ..
رائد .."زير على شغف" و بناقص ..مالنا على هادشي .. مرتي و تنا غانكون ليها عائلتها كاملة و لا نتي تخليتي عليها انا عمري نخليها كاتفهمي .. و مانسمح لأي واحد كيف ما كان يكون يهينها و لا يزيد فالهضرة معاها بهاد الطريقة واخة يكون نتي اريماس .. مفهوووووووم .. لي قرب ليها برب الجليل مانعقل عليه .. 😡😡
يمن .. اش كاقول نتا .. عرف اش كاتخرج من فمك .. ريماس محروقة على راجلها و ماعارفاش اش كاتقول ..
رائد .. كووولنا محروقين عليه .. و بنتو تا هي محروووقة ماتزيدش عليها تا هي .. شوف حالتها كي ولات بربي مانعقل على اي واحد يتمادا معاها واخة تكون مها .. كاتفهموووو .. تا حد ميقرب ليها .. " وجه ليهم كلامو كاملين" هاني علمتكم .. " شدراسد و زير عليها " .. تفووووووو. ..
مع انو كان فاشل بكمية الدم الكثرة لي خذاو منو بالحق غير شاف شغف فديك الحالة موضع متهم و ريماس كاتغوت عليها ماتحملش راسو و حس بالدم كيغلي فعروقو .. ..
يالله غايعنقها تا غوتات فاش شافت ريماس طاحت على طولتها .. و مشات كاتجري عندها
شغف .." عنقاتها" ههءهءهءهء😢😭😭😭😭 ماماااا فيقي عافاك ههءههءء حرام عليكم هادشي لي كاديرو فياااا ههءهءهءهء فيقي ضربيني ديري لي بغيتي غير فيقي باراكا بابا و شنو طاري فيييه هءهءههءهء ..
رائد .." عيط عليهم جاو هزو ريماس دخلوها ديريكت ايرجونص تا هي ..و عاون شغف وقفات و عنقها" .. شوووووووت ماتخافيش .. ماتخافيش .. انا معاك ..
بقاو مدة و هو معنقها و كيدوز يدو على شعرها و هاجر كاتسكت الدراري ماحيلتهم لتاج الدين ولا لريماس .. بالحق اكثر وحدة كانت منهارة بالمعقول هي شغف .. واقفة غير بالدعاوي .. بقاو شوية و هي تجي ريم مبدلة حوايجها و هازة فيديها صاك فيه الحوايج لشغف مشات عندها ديريكت خذاتها من رائد و عنقاتهع و هنا انهارت بالمعقول كاع الطاقة لي عندها خواتها على كتف ريم و تا هي بكااات معاها ..
ريم .. صافي اصاحبتي كولشي غايتقاد غير تهدني هاد البكا ماغاديش ينفعك خصك تكوني قوية باش تقدي توقفي اصاحبتي .. !!
شغف .."حركات راسهت يمين و شمال" بزوووجهم اريم .. ماما و بابا 😢😢..
ريم ..غير تهدني اصاحبتي بزوجهم غايوليو بيخير ..!"عيطات على رايد .." كنت غانجي قبلة و قال ليا محمد نجيب لشغف حوايج باش تبدل .. فين غاتبدل!؟
رائد .. شغف غادوزي قدامي مافيا لي يتصادع راسي نايضة فيه قرباله ..
شغف ..مابغيتش ههءهءه😭😭
رائد ..خذاالصاك من عند ريم و جرها و تم غادي بيها سول ممرضة و داتو لغرفة سدها عليهم و بدا كينصل ليها فالكسوة .. حيدها لها و لبس ليها السروال و التيشرت لي جابت ليها ريم و خشا ديك الكسوة فالصاك .. جرها من يديها عاود و دخلها للحمام غسل ليها وجها لي كان مجخلط بالدموع و المكياج .. نشفو ليها و شدو بين يديه ..
رائد .."جرها باسها فمها و عاود شاف مباشرة فعينيها" .. واليديك غايفيقو و غايوليو بيخير .. و هضىة ريماس ماتديهاش عليها ..خليك قوية باش تقدي توقفي معاهم مفهوم !؟ ..
شغف .." ''حركات راسهت بالايجاب " ..
رائد .. " عنقها و باس لها راسها" ؛ و انا ديما جنبك ..!!
شغف .. يالله نمشيو عافاك غايفيق بابا و ميلقانيش ..
رائد .." بقات فيه بالطريقة لي كاتدوي بيها كانت غحال شي بنية ضااايعة على واليديها .." واخة يالله ..
خذا بيدها حتى وصلو و تلاقاو مع الأطباء لي كانو مشرفين على الحالة ديال تاج الدين مشاو كاملين و بقى غير الطبيب لي خرج المرة الاولى و الممرضة لي خرجات من عند ريماس ..
رزان .. اي ألوغ ..؟؟ درتو معاه جهدكم شنو النتيجة .. راجلي طبيب خليه يشوف الحالة ديالو ..
الطبيب .. الالة راجلك طبيب تا حنا طباا .و لي فجهدنا راه درناه .. و ربي معاه .. دابا غير دعيو معاه راه تحت المراقبة ديالنا .. و الله يخليكم نقصو من الصداع راه هذا صبيطار و كينين مرضى ..
يمن .. سمح لنا راك عارف كولشي مخلوع ..
شغف .. بغيت نشوف بابا ..
الطبيب .. الوالد ديالك فالانعاش .. و غايبقى تحت المراقبة .. ممنوعة الزيارة حاليا تا يولي مزيان ..
شغف .. و ماما .. كي بقات ماما بغيت نشوفها ..
الممرضة .. السيدة لي دخلنا دابا تعرضات لصدمة و على اثرها القلب تاعها توقف لثواني ولكن دابا راه مزيانة و تقدري تشوفيها خمسة تالدقايق ماتفوتيهاش الى بغيتي .. ولكن راه مزالة ما فاقت ..
شغف .. واخة شكرا ..
مشات معاها لبساتها اللباس لي تديخلو بيه عند المرضى و دخلها.. مشات حدا راسها .. باستها فراسها و جلسات على ركابيها كاتشوف فيها و دموعها خوادين ..
شغف ..انا مستحيل نتمنى شي حاجة بحال هادي لبابا .. بابا هو حياااتي ..هو الروووح ديالي .. هو الهوااء لي كانتنفسووو .. عمر ما كان فباالي هادشي غايطرى شي نهار😭 ...بالحق كانوااعدك الى وقعات شي حاجة لبابا عمرك غاتشوفيني حيت غادفنينا بزوووج ..😭😭 .. ماغانقدرش نعيش موراه و انا حاسة بالذنب .. والى برا كانواتدك غانبعد عليكم .. غانبعد بااش ماتوقع ليكم تا حاجة .. هءههء 😭😭 عمري بغيت نشوفكم فهاد الحالة .. "وقفات و باست ليها راسها و خرجات ...."
#مصطفى
......... هادشي ماعرفتش كيفاش وقع و كيفاش غلط ...
مصطفى .."كان حاط راسو على الطبلة " .. خدام مع البعيييير انا .. كلااااب ..
....... انا وصيتو و عازد وصيتو .. من الاول قلت ليك داك البرهوش غايفضحنا .. و نتا ختاريتيه هو .. كينين ناس مدربين عليه لاش هو بالذات ..
مصطفى .. حيت هادي لعبتو كيفاش تا غلط كيفاش ... اااااااعععع"ضرب يديه على الطبلة" .. اللله ينعل الزامل بوووكم كاااملييين .. ولاد القحاااب😡😡😡.. مخدم معايااااا حمييير ..
...... و انا شنو درت ليك .. عرفتي لوكان خويا وكلتو هادي المهمة كون راه قضى الغرض بالحق نتا مكاتيقش فمرتك حبيبتك ..
مصطفى.."شنق علبها" .. شفتك تيقتي راسك لطبونمك . مرتك قالك .. بربي ماتبقى فيكم .. انا نطيييح .. انا نطيييح اولاد القحاااب كوولشي تسلسل ليا فين هوما دوك الكلاب علاش تا واحد ما دار والو باش يخرجني علااش .؟؟
مصطفى .. بربي و نطيييح انا تا يطيحو كاع .. سمعتي .. وصلي ليهم هاد زوج كلمات المياء ..
لمياء .. واش حماقيتي .. واش عارف راسك مع من اش كاتخور..
مصطفى .. ملي وليت بارك هناااا بين هاد الحيوووط .. و قدامي نتي لي كنتي كاترعدي مني دابا كادوي معايا فحال لا كادوي مع صااااحبك ..."نزل عليها بتصرفيقة .." القحبة مايتقالييييش انااااا اش كاتخوووور .. نتي لي كاتخوري نتي وياااهم و التخوااار عاد غاتشوفيه .. بربي تا نخرج على القواويد كاااع ..
لمياء .."شدلت حنكها و وقفات" .. انا لي حمقة جيت عندك ..
خرجات كاتقرقب بداك الطالون ديالها و كي بعدات خذات تيليفونها و اتصلات بالمجهووول ...
لمياء .. الو.. وي سيدي .. مصطفى غايعترف بكولشي .. وراك عارف عندو ضواسا محروقين علينا كاملين .. يا تصرفو معاه .. ياكوولنا غانمشيو فيها .. و اولهم نتا .. و صحابك .. انا علمتك .. علد جيت من الزيارة .. و هو قالي بفمو بلي غايعترف على كولشي .. و ماغايطيحش بوحدو .. ..
طفات التليفون و دارت نضاضرها وركبات فالاوطو لي جابتها ....
(للعلم .. لمياء هي السكرتيرة ديالو .. و هي لي قال مصطفى بلي تزوج بيها باش يغطي على فعلتو مع شغف .. و خدامة معاه فكاع وسخو ..) ...
جالسة فالممر الأبيض البارد .. جامدة بلا روح في داك الممر لي ياما بكاو فيه نااس محروقين على حد عزيز فقدوه فغرفة العمليات .. كان بااارد و خاااوي ...كيبان ليها طويييل .. طويل بزااف و ماعندو نهاية .. قدامها رائد ... و عمامها .. لكن مكاتشوف تا واحد فيهم .. عينيها عليهم ضبابة .. فغرفة تاج الدين على حكيصارع الموت. .. و في غرفة ثانية ريماس لي من قوة الصدمة قلبها توقف لثواني لكن عتقوها فآخر لحظة.. طال الانتظار.. و الاطباء دارو فوق جهدهم كيبقى الحكم لله عز وجل .. ..اما شغف فهاد اللحظة فقدات طعم الحياة .. فقدات كاع حواسها و طغى على قلبها الألم فقط.. عينيها تجمدو فيهم الدمووع.. طلعات عينها فالجدران ديال الكلينيك .. حسات بالخنقة و فحال لا كيزيرو على صدرها ... غمضات عينيها بألم و وقفات شافها رائد و هو يتقاد فالوقفة تحسبا لاي انهيار ثاني .... تسنداات علي الحيط و تمات غادية لجهة الغرفة لي فيها تاج الدين ..وقفات قدام الزاج و حطات عليه راسها .. غمضات عينيها حتى طاحت دمعه حاااااارة من عينيها كاتعلن على نزوج شلااااال حااارق ديال الدموووع لي كيترجمو كااع داكشي باااش كاتحس ... كمية فظيعة من الألم فصدرها طلعات يديها على الزاجة كاتشوف فيه كان كلو مكبل بالسلوكة و دايرين لو الاوكسيجين.. من وجهو باااين التعب ..
بقات وقفة ساعتين على نفس الوضعية .. جا عندها رائد و وقفاتو بيديها باش يخليها كيف ما هي ..و خلاها على راحتها ما فاقت غير على صوت الطبيب كيدوي مع رائد ...مشات وقفات بجنبو تسندات عليه...
الطبيب... وقوفكم كاملين هنا ماغادي ينفع بوالو !؟
رائد .. شاف فيهم .."الطبيب عندو الصح .. كون غا مشيتو!! انا و شغف غانبقاو هنا ..!
يمن .. ماعندنا فين نمشيو .. خونا هذا لي لداخل ...
عشق .."منهااارة حاطة يدها على قلبها" انا ماغانمشي فين و نخلي خويا .. ماعندي فين نمشي لا مافاااقش تاج الدين. ..
هاجر .. ''شافت فرائد لي شاف فيها'' . انا ماغانخليش باباك. . و ماغانخليش ريماس فديك الحاله ..
رائد .. لا حول ولا ثوة الا بالله ..
فاروق .. "واقف و معنق رزان" رائد راك عارف تا حد ماغايمشي .. شفتي حالتهم ميمكنش يخليو تاج الدين و يمشيو ..
الطبيب .. على العموم راكم عارفين درنا جهدنا .. و حالتو حاليا مزال ما مستقرة .. لكن غايبقى هكذا تحت المراقبة .. حتى نتأكدو بلي حالتو استقرات لانو نزف بزاف و الضربة جاتو فمكان قرييب بزااف للقلب .. على بونت كنا غانفقدوه فالعملية ..
رائد .. "حس بشغف زيرات لو على الشوميز .."شحال ديال الوقت تقريبا لي خص الحاله ديالو باش تستقر ..
الطبيب .. علم ذلك عند الله .. لكن انشاء الله يكون خير .. "حط يدو على كتف شغف" الله يجيب الشفاء .. ..
انصرف الطبيب و رجعات شغف لنفس البلاصة لي كانت فيها تبعها رائد كيماسي على ضهرها .. ماعرف ما يدير ليها باش يخفف عليها الالم باش كاتحس لكن تا حاجة ماغادي تخفف عليها ..
رائد.. اجي ترتاحي شوية ..
شغف .."دارت عندو بقات تتشوف فيه موووودة عاد نطقات و عينيها عامرين بالدموع .." بصح انا السبب .. انا السب فهادشي كامل .. ههءهء .. بابا الداخل ماعرفتش اش غايوقع ليه.. و ماما تا هي .. كومة ..ههءهءه .. انا السبب فكولشي .. انا لي حطيتهم فلي هوما فيه ءهءههء .. بابا .. الى وقعات ليه شي حاجة و الله تا نتبعو .. 😭😭😭😭ههءهءه ..
رايد .. "ماعرف ميدير و مالقى ميقول غير يرجع كلامها لي قالت" اولا باش نخليك تبقاي هنا تا يفيق تاج الدين خصني نشوفك قوية .. و ماشي مهرسة فحال هكذا .. ثانيا .. ماشي نتي السبب فهادشي .. قلتها و غانعاود نقولها .. ماشي نتي .. انا لي كنت مقصود فهادشي ماشي باك .. كون غير منزلتش ماكانش غايوقع هادشي ..
شغف .."حطات راسها على صدرو" .. ضايعة .. ضايعة بزاااف .. بغيت نرتاح .. بغيت نعس و مانفيقش ..غير مايوقع والو لبابا و ماما .. ههءهءه😭😭 ااااااخ يا ماما من غير بابا اش غادير .. عمرها غاتعاود تدوي معايا ..عمرها هءههءه😭😭 ..
رايد .. "زير عليها و فعينيه لمحة حنان قطعات ليه قلبو و ماعندو ليها جهد ماعرف ميدير لها .. خشاها فصدرو اكثر و اكثر و غمض عينيه" شووووت .. كولشي غايكون هو هذاك .. ريماس مكانتش عارفه اش كاتقول .. عذريها كانت منهارة .. و نتي ماشي سبابا غانعاود نقولها ليك هادشي قضاء و قدر .. و تاج دين .. انشاء الله غايولي مزيان .. غير دعي معاه .. و كوني قوية ..
ضلات شغف على نفس الحالة ماتحركاتش مابغات لا تاكل لا تشرب و عيا معاها رايد لكن لي فراسها فراسها ضلات ديك الليلة كاملة واقفة ..مرة توقف حدا الجاج ديال تاج الدين مرة تطل على ريماس .. قلبها تقسم على زوج نصوصا و فقدااات الاحساس بأي حاجة حداها .. بقاات هكذا ماطمأنت نسبيا حتى فاقت ريماس و حلات عينيها .. و ديك الساعة دخل عندها رائد فاش سمعها كاتغاوت مع الممرضة بغات تنوض ..
رائد .. عمتي .. شوية !؟
ريماي .. وااععااعععععع هههءهءهءههء بغيت نوووض ..بغيييت نشوووف تاج الدين اش وقع ليه ..فينوو هءهءههء😭
رائد .."شدها من دراعها" ..شووووت رجعي نعسي الله يحفضك ..راجلك راه نجحات ليك العملية .. غير رتاحي .. خصو غا يفيق ..
ريماس.."بترجي و دموعها هوااادين" عافاااك خليني ..عافاكبغيت غير نشوفو ..
رائد ..راه ممنوع ماغايخليوكش .. حتى يفيق و غاتقدي تشوفيه ..
ريماس .."حطات يديها على وجها" هءهءههء علاش هادشي علاااش اش درت فحياتي حتى يوقع لياا هادشي ..الله ياربي فين كان مخبي ليا هاد المكتوب ..
رائد ..هانتي قلتيها ..مكتوب ..و هادشي لي خصك دخلي لداك الراس بدل ما نتي كاترمي بالرصاص فديك البنت ديالك ..
ريماس .. الى كنتي جاي تقول هادشي غير سير .. مابغيت نشوووف تا حد تا يفيق تاج الدين ..تاااا حد هءههءهء😭😭..
رايد .. لا .. غاتسمعيني و غاتحلي ودنيك مزياااان ..
ريماس .. هءههءهء😭😭😭 وعووووك اعباااد اللله مابغيت نشوووف تا حد ...
رايد ..دخلي هادشي لمخك ..هاد الدقة لي جات فتاج الدين .. كانت غاتجي فيا انا .. انا لي كنت مقصود .. و مصطفى بغا ينتقم مني انا .. ماكان قاصد شغف فحتى حاجة .. بالغلط جات فتاج الدين .. يعني شغف مااااشي هي المسؤولة على هادشي ..هي شنووو ذنبها شنو!؟
ريماس .. هي لي عطاتو فرصة هي هيييي.. هءههءهء هي. .. شحال ترجيتهع .. و قلت ليها نتي كاتبغي رائد و هو كيبغيك .. ديري عقلك و ماتعانديش .. كون رفضااااتو كون عطااانا تيساااع هءهءععء دابا. .. دابا شووف فين وصلنا .. شوف فين وصلنا بسبب العناد ديالها .. وصلاتنا لاخر الطريق و رماتنا انا وباااها .. واش عند بالك الى مات تاج الدين غانزيد نهار من موراه .. لمن غانزيييدو .. هو لي عندي .. هو با و مي و و راجلي و حياتي كاملة .. الى مشاااا ماعرفتش اااش غاندير .. اكيييد غانقتل راااسي .. ماغانجلسش من موراااه ..
رائد .. انعلي الشيطااان راك مؤمنة و تاج الدين مغيعجبوووش هادشي اريماااش .. بلاصة ماتنووضي دعي معاااه ربي يشاافيه جالسة كاتبكي و تنوحي و تتهمي بنتك بالباااطل و هي محروووقة على باااها كثر منك واش عرفتي شنو هو تااااج الدين بالنسبة ليها .. راها بنتوووو عرفتي شنووو هي بنتوووو قطعة منو و هو روووحها و نتي جاية تتهمييييها بهادشي لي طرا ليه و هي ماليها تا ذنب ..
ريماس .."كضرب جهة قلبها" .. قلبي قلبي شاااااعلة فيه العااافيه .. العااافية اولدي .. هءههءهءهء😭😭😭😭 نتااا ماغارفش شنو هو عمك بالنسبة لياااا .. ههءهءهء .. الله ياااربي ترجعووو ليا سااالم يا ربي ههءهءههء😭😭😭 يا ربي تحفضو ليااااا يا ربي ..
رائد.. غير باش يكون فبااالك اريماس .. فاش غايولي تاج الدين شوية و يقد يوقف على رجليه غانهز مرتي و نزيد ..
خرج و خلاها منهارة كل واحد فيهم لا يكف عن جرح الآخر.. و تا واحد فيهم ماواعي للهضرة لي كيخرج من فمو .. اتجه ديريكت عند شغف و فطريقو ليها بان ليه عبيدة واقف مع محمد مشا لعندهم ..
رائد .."شاد راسو" السلام عليكم ..
عبيدة .."درب ليه كتفو" بان عليك العيا اصاحبي ..
رائد.. بالسيف .. سفو مني الدم و ماشايف نعاس ..
محمد .. عندي ليك خبار ماعرفناها زينة ولا كيف ..!
رائد ..خبار الخير عاوتاني !
محمد .. مصطفى لقاوه مقتول فالطواليط ..
رائد .. وايلي على مقتول فالطواليط ؟؟
محمد .. غالبا المافيا لي خدام معاها .. مطعون زوج طعنات فالقلب اكيد خافو يعترف على الضواساا لاااخرين لي عندو ..
رائد .. موتة الكلاب .. بفف ..
عبيدة .. كل واحد كيتجازا على افعالو..
محمد ..فعلا..
رائد ..هاني راجع .. "مشا عند شغف لي كنت واقفة قدام الزاج ديال تاج الدين .." ماتاكليش نتي زعما !!
شغف .." حركات راسها بالنفي ..''
رائد ..شوفي فيا ..."دور ليها راسها تا شافت فيه و شد لها وجها بين يديه" .. خصك باش توقفي ..ماشي غاتوقفي على الخوى ..!!
شغف .." تنهدات" ماعندي منين يدوز ....
رائد .."كيدوز على وجها بصبعو" بغيتي تشوفي عمتي !؟
شغف .. لا .. هي ماغاتبغيش مابغيتهاش تشوفني و تنكس عاوتاني ..
رائد .."جرها عنقها" كوولشي غايكون هو هذاك انشااء الله .. غير تقي بالله ..
شغف .."زيرات عليه .."ونعم بالله ..
#بعد_مرور_أسبوعين .....
تحسنات شوية حالة تاج الدين دخلو عندو بالحق بلا ميدويو معاه حيت ماخصوش يدوي نهائيا و شحال فرحات ريماس ماقداتها فرحة اما شغف رجع فيها الدم شوية وارتاحت نسبيا بعد ما اطمأنو على حالة تاج الدين لي استقرات .. مشاو خوتو ولاو كبجيو بالنهار و يمشيو بالليل .. اما ريماس و شغف شدو شهادة السكنة هوما ورائد فالكلينيك .. رايد كيخرج يجيب ليهم ما ياكلو و حوايج من الدار حتى كره راسو معاهم خصوصا فاش مكايبغيوش ياكلو .... دوزو هاد الاربع ايام في علاقة متوثرة بيناتهم..شغف كاتجنب ريماس و ريماس ندمات على الهضرة لي قالت فاش كانت فحالة غضب .. تعماو ليها العيني و ولات كاتشوف قدامها غير تاج الدين ميت .. لقات اول وحدة قدامها هي شغف خرجات فيها كاع طاقتها السلبية .. و ماقداتش تا توقف قدامها و دوي معاها من بعد داكشي خصوصا فاش دوا معاها رائد و نقى ليها ودنيها مزياان .. و هاد النهار ناضو على خبر سر قلبهم و خلاهم بتعانقو بالفرحة و نساو كاع داكشي لي فات فهاد العنااق .. بالحق فاللخر قشعو راسهم و كل وحدة نزلات راسها ..
ريماس .. نقدر ندخل عندو ادكتوور الله يخليك ..
الطبيب .. غادخلو عندو كاع حيت غانقلوه لغرفة عادية بعد ما زال عليه الخطر غير خصو مايجهدش راسو الله يخليكم ..
و داكشي لي دارو نزلو تاج الدين لغرفة عادية و التحقات بيه عائلتو الصغيرة بعد ما اتصلو بخوتو يلحقو عليهم ..كي دخلو عندو لقاوهم مجلسينو كان باين على وجهو التعب اللحية زادت كبرا و زادو فبها الشعيرات البويض و تحت عينيه كحل .. وجهوو صفر بدا كيرقاق بالحق محافض على الوسامة ديالو .. كانو ملبسينو لبسة بيضااء ديال السبيطار و جهة كتفو ديرين ليه باندة معلقينها لو مع عنقو باش يدو ماتحركش .... شغف كي شافتو مشات عندو كاتجري عنقاتو بلا ما تعكرو في فالجنب اليسار .. كانت مشاتاقتلو بزاااف .. و مكانوش كيخليوها تقيصو فالانعاش خشات وجها فعقو و طلقات دموووعها شلال كاتبكي و تقول مابكيت ..
ادهم ... "جرها من قرفادتها" حيدي خلينا نشوفو السبع .. .."تحما عند باه عنقو وحااااابس الدموع غا بزز" على سلامتك الواليد ..."باس ليه يدو" .. خلعتينا عليك ..!
تاج الدين .. الله يرضي عليكم ..
ايهم .."قرب ليه عنقو و بدا يدمع .." خلعتيني الواليد الله يحفضك ..
تاج الدين .."ضربو لضهرو " ولدي لنا ميبكيش .. يالله وقف .. ترجل اصاحبي ...
شغف .. لا بصح خلعتينا ابابا😭..
رائد .. "سلم عليه بالكتف لي ماكضروبش سلام رجولي " وا قربلتي ليها الدنيا العميم ..
تاج الدين .. واحد بنادمة مانعرف واش كانت تاتسناني نموت ولا مانعرف .."كيمعني على ريماس ..
ريماس .. " كانت واقفة شادة فالباب بحال لا خايفة تقرب ليه الدموع معمرين عينيها و كوولش كاترعععد .."
رائد .. وايلي ماشتيش اش دارت عليك هاديك .. سعداتك عندك لي يموت عليك باين ليا نهار نودع حد ما غايديها فيا .."طلع حاجبو فشغف .."
شغف .."كحازت لعندو" .. الله ينجيك ..
ريماس .."كحازت عندو فحال لا خايفة منو و هي غا مامتيقاش بلي فاق و ولا كيقدر يهضر عادي واخة بااااين عليه التعب و جلستو معذبة لكن كيحاول يبان قوي قدامهم ..وقفات قدامو كاتفرك فيديها " على سلامتك ..
تاج الدين .."شاف الدموع فعينيها و هو اصلا عارف طبعها كي داير جرها من يديها تلاحت ديريكت على صدرو عنقاتو و بدات تتبكي و تمسح فيه دموعها كي كانو كيطيحو كيف حبات اللؤلؤ الشيء لي خلى شغف زيرات على رائد و تا هي بكات حيت هي لي حاسة بالنار لي كانت فقلب ريماس .. عنقها بيدو و خلاها بكات على خلطرها و مانطق تا واكد فيهم حيت عارفين شحال عانات فهاد المدة لدرجة مكانتش كاتقدر تنفس بانتضام بعد الخطرات و شحال من مرة دارو لها الاوكسيجيم على ود هادشي ..بقات هاكذاك معنقاه و مابغاتش طلق منو مانطقات تا كلمة و تا هو خلاها على راحتها تا بلزها ليها فوذنيها ..
-تاج الدين .." دوى لها فودنها" بلاتي غانصح باقة تشربي داك الخرا باش ماتحمليش نتفاهم معاك ..
-ريماس.. حلات عينيها على جهدهم صدمها .. السيد باقي كومه و فين كيفكر😂" ..اوايلاااي .. الله يمسخك😳
-تاج الدين.."ضحكاتو ردة فعلها بالحق حبسها و ضحك بالجنب تفمو" عطيني واحد السيمانه و هاني معااك ..
.. جمعات يديها و وقفات حداه تكرشخ عليها بالضحك و لاخرين بقاو غا كيشوفو ماعرفوهمش علاش تيضحكو.. بقاو مدة مجمعين و خبرو رائد بلي مصطفى هو مول الفعلة و عاود ليه على كولشي و كيفاش لقاوه مقتول فالطواليط .. تا هو بدورو شكر رائد على ود الدم لي عطاه و زاد كبر فعينو .. واخة اي واحد عزيز عليه تاج الدين ممكن يدير هادشي بالحق حس بيها فالقلب من جهة رائد .. ماهي الا دقائق وصلات العائلة كااملة حيت كان رائد خبرهم بلي تاج الدين ولا يقدر يتحرك و يدوي .. جات ديك القبيلة كاملة هاجمه عليهم بولادهم و تريكتهم كاملين ..
كيف كيقولو الصحة تاج فوق رؤوس الأصحاء لا يراها الا المرضى .. كيف كان تاج الدين و فرمشة عين طاح .. وفاش كيطيح شي حد مكيطيحش بوحدو .. كيطييح معاه عائلتو و حبابو و هادشي لي وقع لتاج الدين .. تا حد ماعرف طعم الحياة بعد ما دخل كومة .. لا ولادو لا خوتو اما مرتو حاجة اخرى .. حيت اصعب احساس هو الفقدان ..تجمعات العائلة كااملة عند تاج الدين بعد السلام و العناق الحااار لي داز بيناتهم و بين خوهم ..
رائد ..غانديرو ليكم شهادة السكنة فالسبيطار اتريكة الصقر ..
عشق .."كانت واقفة حداه عطاتو تسرفيقة لقفاه" يا البرهوش تحل لبك الفم .. راه خوتو حنا واقلة ..
رائد .. .." كيحك فيها و يضحك" .. عمتي هاد الدقة كبرت عليها واقلة .. ولات تتجيني فحال لا صاط فيا البرد ..
عشق .. "قرصاتو فدراعو" ياك الخانز
شغف .. هههه زيديه ..🤭🤭🤭
رائد .."تحنى على ودنيها" ..واخة على مك نتي راني ساير نمضيه ليك 😉..
شغف .. اشنوو هو 😳😳
رائد ..تا نكونو بوحدنا و نوريه لك شنو هو ..😉.. ههه
رزان .. شوووف ليك الراااجل .. واااخة سرييي يا سيدي ..
هاجر .. ههههه تبارك الله عليكم كيف ما نتوما من الصغر باقيين .. تا حاجة من لي بيناتكم متبدلات ..
تاج الدين .. هايلي على من صغر .. شوفي اختي .. حنا مزال صغار نتوما شرفتو سوقكم هذاك ..
هاجر .. ههههههههههه فعلا حنا لي شرفنا نتوما مكاتشرفو ..
ايهم .. وا الواليدة كانت غاتفجر لينا الكلينيك .. و تا شغف لي عمرها تعايرات من عند الواليدة كلات العصى كاع 😂😂
ريماس ..😨😨😨😨
تاج الدين .. شناهو ..!؟ كيفاش كلات العصى ؟؟
ادهم .. ااااا احم . بغا يقول غير ..
ايهم .. وا الواليدة مشات عند شغف سرفقاتها و بدات تخرج و دخل فالهضرة ..
تاج الدين .." فحال لا فهم نسبياا" .. اهاه .. اش قالت ليك؟؟ "وجه كلامو لشغف..''
شغف .. .. ب ب..ببب دابا ....بابا .. عير كانت مضغوطة .. صافيي نسى ..
تاج الدين .. .."شاف فايهم'' .. اش قالت ليها؟؟
ايهم .."حس بالخطر من تخنزيرة تاج الدين و جمع الضحكة .." قالت لبها نتي السبب حيت وافقتي تزوجي مصطفى 😐
هنا ايهم خورها و ريماس خرج عليها المسخوط ديال ولدها ..اتفقو خوتو و عمامو كاع ميقولوش لتاج الدين بلي ريماس دارت فشغف و فهاد الوقت كان ابهم فالطواليط لسووووء حضهم و حضها .. 😂 كولهم فتحو فكهم كيشوفو فتاج الدين اش غايقول .. اول حاجة .. بعد يدو على ريماس و شاف فشغف لي كانت نضرتها كاترجف .. كضور عينيها و تفرك فيديها و رجع شاف فيهم واحد بوااحد دار لهم العرض البطييييئ .. و كاع وجوههم كانو مخطوفين. اما ريماس خلاااص قربات تبول فسروالها .
تاج الدين ..هادشي بصح؟؟
يمن..احم ..اااحنا غانتحركو .. الله يجيب الشيفااا ..يالله اناس خليو السيد يرتاح قال ليكم طبيب الضغط مامزيانش ليه ..
خرج يمن جر ولادو ومرتو و تبعوه خوتو لاخرين حيت عااارفين القضية حامضة بقات غير ريماس و شغف .. و رائد ..
شغف .. بابا شوف "بركات حداه و شدات فيدو".. الهضرة لي قات ماما ممكن يكون عندها الصح فيها نسبيا .. حيت انا لي دخلتو لحياتنا .. كان ممكن تمشي فيها يا نتا يا رائد .. و تا واحد فيكم فراقو ماغايكون ساهل عليا ..لو كان ماقبلتش بيه انا مكانش غايوقع هادشي لي وقع .. هي قالت لب غا لب كايين و فتحات لي عيني .. حيت بصح عندها الصح ولكن هادشي مكايعنيش انها قالت ديك الهضرة من قلبها ..!!
تاج الدين .. تباارك الله هادشي كلو كاين .. " شاف فريماس و خزر فيها كون كانو عينيه يطلقو القرطاس كون صفاها ليها" .. شكون نتي !؟ هااا شكون نتي .. ماعرفتكش و الله .. هادي شغف لي كنتي تاتحاري معايا عليها حيت فارقتها معلى رائد .. غير على ود راحتها !! و دابا كاتتهميها هي بهادشي لي طرا !!
شغف .. بابا عافاك ماتعصبش .. !!
تاج الدين .. " شد لريماس يدها و زير عليها جرها لعندو و قابلها مع وجهو" شفتيها .. كي جاتك ؟؟ خايفة عليا غير لانتعصب ..هادي هي بنتي .. هادي النفس لي كانتنفس .. و تجي نتي تقول ليها نتي السبب .. نقول ليك هي السبب فاش!؟ هي سبب الفرحة .. هي سباب كل حاجة زوينة .. .. حيت بتي .بنت الصقر ..
ريماس ..😭😭😭😭😭😭
شغف .."بقات فيها ريماس لي كانت واقفة جامدة و كاترعد" .. بابا عافاااك !!
تاج الدين .. عافايا اش هاااا؟؟ اش .. ماتقدرش تجلس بلا ما دير شي مصيبة.. زعما راها كبيرة و عارفة اش كادير .. ماشي برهوشة بنت البااارح ..
ريماس..." نطرات منو يديها" .. ااااااه .. ااااه انااا ماشي برهوووشة و ماااشي بنت الباااارح ولكن فاااش .. فااااش شفتك فديك الحالة حسيت براسي فحال شي درية صغيرة نجلات عليها ماماها .. هءههءهء😭كنت ضااايعة .. انا.. اناو الله ماكنت عارفه اش كانقول كولشي تخلط علياااا ..و تعصبت ..تفكرت داكشي لي وقف ليها من قبل و داكشي وقع ليك تا نتا دمرني .. قلبي كااان محرووووق و ماقديتش نحبس راسي ..كون متي ؟؟ اش كان غايطرى لياااقوول ليا قووول اااش غاندير من موراااك .. هءههء نتا هو راجلي و با و مي و كولشي اس غاندير بلا بيييك اتاج الدين .. هذروووني كنت حمااارة ولكن قلبي كان كيتقطع عليك .. و كنت كانطلب ربي الى متي يلحقني ليييك مانجلسش منووراااك ههءهءهء😭😭
تاج الدين .." زاد خزر فيها" و الى مت كاااع اش غايوقع كااع ماشي نتي اول وحدة يمووت ليها الراجل!! .. الحياة كاتستمر بعد مة كيمشي الحزن و كيبقاو غا الذكريات و هادي حاجة خصك دخليها لداك الطنطون .. عارف هادشي صعيب بالحق باش تتهمي بنتك بهاد الزبل ماغانسمحش ليك ..
ريماس ..😭😭 قلت ليك ماكنتش واااعية و ندمانة بزاف على ديك الهضرة هءهءهء بلا مادير ليا هكذا حرام عليك 😭😭..مابقيييتش قادرة نتحمل صافي عيييت هءهءههء😢😭"بركات فوق الكرسي و غطات عينيها بيديها" ..
تاج الدين .. الى جيتي تشوفي انا لي ضغطت عليها من الاول كون ما شافتني مؤيد الموضوع مكانتش غاتزعم .."حس براسو تزير و هو يتجبد"
رائد... ماغايسمحوش ليك تخرج حاليا غير رخي راسك تا تبرا .. الدقة لي كليتي ماساهلاش ..!
تاج الدين .. بففف ..
شغف .. شنو دابا غادير لينا فيها مقلق .. الى كنت انا و قلت ليك عاذراها اوا فكها حشومه عليك ماتنغصش علينا الفرحة ..
رائد... الله يرحم بيها الوالدين سربينا راني باغي نهز مرتي و نغبر .. لا عرس دوزناه بحال البشر لا شهر عسل .. عشتو يامكم و حارمينا حنا ..
تاج الدين .. فين غاتهزها بالسلامة!؟
شغف .. بابا ..انا ورايد غانمشيو نعيشو فأمريكا ..
تاج الدين .."تقاد فبلاصتو"نعام اختي ماسمعتش عاودي اش قلتي!؟
شغف .."مكانتش باغية تهضر فالموضوع لكن جا فالطريق اللهم تقولها لو ولا تخليه يتفاجئ ..'' هو خدمتو تما .. و بزاف تالحوايج .. يعني .. غانمشيو تا حنا نبداو حياتنا ..
تاج الدين ..بسبب هضرتها هادشي!؟
ريماس .." باقة غا كادمع و ساكتة" ..
شغف .."قلبات عينيها لرائد" .. لا ماشي بسبب الهضرة لي قالت ماما غير تهنى ..
تاج الدين .. "شاف فرائد" اش كان شرطي قبل ماتزوجو!؟
رائد .. دابا واش انا قلت شي حاجة !؟ ياك بنتك لي كادوي!؟ انا ماشي على حساب راحتها !!
تاج الدين .."خزر فيهم بزوج" مشية لشي بباصة مكيناش .. و الا بربي ماتليت نعرفكم . كبرتو دابا و مابقيتوش ديال التهديد و العصى .. بالحق نهار نضرب عليكم تا حد ماغانعاود نشوف كمارتو .. و دابا خرجو عليا باغي نرتاح ..
حدرات شغف راسها و خرجات .. تبغها رائد تا هو .. اما ريماس غا كاترعد و تبكي عارفاه وصل للطوب ديالو فالأعصاب وقفات تا هي باش تمشي تا وقفها..
تاج الدين .. غا شوفي كي ديري ترجعي لبنتك عقلها .. حيت بربي و عتبات لشي قنت مانعرف تا واكد فيكم .. و نتي اولهم هاني علمتك ...
شافت فيه تا عيات غرقو عينيها بالدموع و خرجات ضاربة بالباب بعصبية ..دورات راسها لقات خوتو كاع كيشوفو فيها .. دروات راسها و تمات غادية تبعها ايهم لي دارها ليها ..
ايهم .." شدها من ذراعها" الوليدة .. سمحي ليا و الله مكنت عارف..
ريماس ..'' تنهدات و خربقات ليه شعرو" ماعليش اولدي .. كان غايعرف ..واخة ماتقولهالوش ..
ايهم .. انا السبب .. سمحي لياا ..
ريماس .. قلت لك ما وقع والو احبيبي .. صافي ..
ايهم .. فين غادية دابا ؟؟
ريماس .. غانمشي نجيب حوايج لباباك و نبدل عليا ..
ايهم .. غانمشي معاك مانخليكش بوحدك ..
ريماس .." هزات كتفها " .. يالله
خرجات مع ايهم و تبعهم ادهم حيت هاد زوج حلاقم مكيتفارقوش اتحت أنظار الكل .. بقات شغف كالسة شوية تا جا عندها رائد لانو كان مع عبيدة ..
عبيدة .. ختي .. الحمد للله على سلامة الواليد ..
شغف .."مبتسمة" شكرا .. ربي يخليك .
عبيدة .. جيت باش نقول ليك بسلامة .. اليوم غانرجع فحالي ..
شغف .. واه صافي ..
عبيدة .. اوا هذا هو الجهد .. غانرتب شي امور و نعاود نرجع .. تا انا كنت باغي نزل شحال هادي ..
شغف .. الله يعاونك ..
عبيدة .. اميين ..و الله يعاونكم تا نتوما و يرزقكم الدرية الصالحة على العموم غانتشاوفو مزال ..
رائد .."ضرب لبه على كتفو تا قصحو" .. بقى ليك شوية و طلب النمرة ..صافي قلتي بسلامة .. يالله رول بلا بگاج ..
عبيدة .."كيحك كتفو" ..ييه هي اللولة .. الله يعاونكم ههههههههههه..
مشا عبيدة بقات شغف غا كاتشوف فيه .. و هو مزنفر فحال لا كلاو ليه زوج و خلاو ليه واحد ..
شغف .. ماحشوماش علبك تجري على السيد هكذا عين باين ..
شغف ..ههه ..نتا اي حاجه جات قدامك تاكلها ..دابا بنت ليك فالبلان ..
رائد .."جرها عندو و عنقها" .. ريماس و تاج الدين هادوك اااخر وحدين يجي فبالك يتفارقو واهليي شحال من عام ديال زوااج و صبرو على الحلوة و المرة و بزااف غايجيو دابا يتفارقو على ود هادشي ..
رائد .. "جر ليها يدها باسها من دااخل " ..مفلجة و كانبغيك مالك ..
شغف .. امم بايينه ..
رائد .. من بعد و نبرهن ليك .. حاليا راسي ثقال عليا .. يالله نمشيو نرتاحو شوية .. راهةخمسطاش يوم ماشفنا الراحه ..
شغف .. واخة .. خليني غير نقولها لبابا ..
رائد .. راني قلتها الممرضة .. حيت بغيت نقولها ليه و حبساتني قالت ليا نعس ..المهم هي غاتكلف ..
شغف .."حدرات راسها " واخه يالله ..
اتجهو لدارهم و الطريق كااملة و شغف حاطة يدها على راسها كاتفكر حتى قربو يوصلو عاد عاق لها رائد حيت حتى هو كااان ساااهي مع الطريق و كثرة العياااء ارهقته .. خدا يدها باسها ز حطها على صدرو حتى دخلو للباركينغ ديال الموبل .. نزلو و اتجهو لدارهم ديريكت كي دخلات شغف مشاا عينيها ديريكت للصالون لي شراو كان تفرش و تقادو فيه ديكورات موالمين معاه جا كيفتن و حيت هي ماشافتوش حيت مابقاتلهاش الوقت قالت فبالها تال مور العرس و تشوفو ساعا مافرحاتش بيه .. مشات ديريكت جلسات فيه و و تكات على المخاد ....
شغف .. الله شحال طلع كيحمق .. ..
رائد ..بحال مولاتو..!😉
شغف ... اااخ شحااال عيييت يا رائد ..
رائد ..يا بسم الله ..'' تحنا عندها هزها خشا وجهو فعنقها و تم غادي بيها" ..
شغف .. ههههههههههه اش كاادير ..
رائد .. غاتمشي اول حاجة ديريها تاخدي دوش حيت باااين عليك العيااا .. رتاااحي مع راسك .."حطها وسط البيت ديالهم لي تبهرات بفراشها حتى هي .." ..
رائد .. قرب ليها و حط يدو على حنكها دوز خصله من شعرها لورا وذنها" .. اغار لو اشوف الناس تمدحك سنه ..
شغف .."تعلات عندو كاتشوف فعينيه'' لا يمدحك غيري ترى .. انت لي انا ..
رائد .. "باسها فنيفها" .. دوختيني يا بنت السلطان ..
شغف .. "هزات عينيها لعينيه مبتسمة لينم بحب و بعد فترة من التأمل نطقاتبهدوووء و بصوت رقييق " ..فاش كاتشوف فيا فحال هكذا كل مرة كانحس براسي فحال راني لابسة فستاان العرس .. كل مرة كاتشوف فيا بهاد النضرة ..
رائد .."دلى شفتو" .. و كي ديرة هاد النظرة!؟
شغف .."همسات بابتسامه" .. نظرة ..! فيها حب .. و انبهار ..فحال لا لابسة شي حاجة تخليك منبهر كل مرة ..بالرغم من اني ديما فالكلينيك لابسة غا سورفيت و حالتي حااالة ...
رائد .."كيداعب شعرها برقة و همس فودنها بخفووت بعد ما قرب ليها اكثر .." و شنو مزال ..
شغف ..هه .. ماعرفتش .. ولكن فاش كاتشوف فيا و انا فعز محنتي .. مبهدلة و حالتي حالة .. و نتا كاتشووف فيا بديك النضرة لي شفتي فيا بيها نهار عرسنا .. فاش كنت نازلة من الدرووج و انا فيد بابا ..كاتجيني فحال لا كاتشوفني عرووسة بكسوتي فكل مرة ..!!
رائد .."تنهد حتى حسات بالسخونية ديال النفس تاعو" ..
شغف .."هزات رايها و شافت فيه " .. فاش كاتقبلني ..!! فاش كاتواسيني ..وقفتك معايا ..ماعرفتش اش غانقول ليك على هادشي كاامل .. بصحك شكراة.. و من كل اعماق قلبي ..
رايد .. خلينا من هاد الخوا الخاوي لي قلتي دابا و وصفي ليا كي كانشوف فيك ..
شغف .."تعلات على صباع رجليها و مدات يدها لشعرو تخللو اصابعها خصلاتو.." و علاش بغيتي تعرف!؟
شغف . "ضحكات بدلال و تنهدات" .. .. فاش تتشوف فيا .. كاتعلي راسك المرة الاولى و تنزلو و تعاود تطلعو فحال لا مامتيقش شنو قدامك ... عينيك كانحس بيهم فحال لا شعلو .. و فنفس الوقت كاتغوبش و تعقد حواجبك بطريقة خاصة بيك عاد تتطلق البشرة و تبتسم ليا بطريقة تتخليني نتسحر و نتعمق فيك اكثر و اكثر ..
رائد ...."بقى كيتأمل فيها و زاااد عمق نظراااتو فعويناااتها لي كيسحروه و يخليوه يحس براسو فدوامة ماليها حل ..نزل راسو لراسها و لاسق شفايفو مع ديالها و هي غمضات عويناتها بصمت ..حتى حسات بيه كيهمس بخشوونة فوق شفايفها .."ماكنتش عارفك حافضاني تال هاد الدرجة ..!!
شغف .. "ضحكات بخفوووت و همسات بقلب مرتجف " ماعطيتينيش فرصة نقرر .. عينيك كيتبعوني فينما مشيت .. وليتي مقرر عليا فحال شي منهج دراسي .. ضروري ماخصني نشوف فيه و نحفضو واخة مانبغيش ..
رائد .."خزر فيها .." كيفاش واخة ماتبغيش .. زعمة انا مبزز عليك راسي ولا كيفاش ..
رائد .. اوا سمحي ليا امدام ..انا لي درتها لمخي .."طلق منها و تم غادي باغي يخرج" ..
شغف .." شداتو من يديه " غير كانضحك معاك مالك هكذا .. توحشت نگيرك .. و توحشت مخرجك من مووودك .. عافاك .."قربات ليه و حطات يدو على خصرها .. وقفات بصباع رجليها على رجليه حتى وصلتت عندو و حطات شفايفها على ديالو حينها فقط حس براااسو ملك الدنيا و ما فيها .. حبيبتو بين يديه .. شفايفها بين شفايفو كيلتهم فيهم بنعم و شوق شديييد .. و ماذا عساااه يريد اكثر!!!
كملو رحلتهم فالتقبيل و طلقها غا بزز كون ما حس بيها تخنقات و الله ما يحبس .. طلق منها و بقى مدة كيشوف فيها و هي كاتنفس بالجهد ..
رائد .. يالله .. الدوش ..
ابتسمات ليه و دخلات للدوش و هو مشا للدوش الثاني مابغاش يزاحمها .. عمرات البينوار بالما الدافي و خوات فيه الزيوت العطرية و الورد باش يريحو اعصابها .. نصلات حوايجها و تخشااةت فالبينوار.. بالرغم من انها كانت تدو فالكلينيك كل يومين بالحق كانت كلتدوش غير ديال الوقت اما دابا حسات بعضامها كل واحد تفك على الثااني ..و ترخااااات .. بقات على ديك الحالة سااعة لاروب .. كمل رائد و مشا فتح عليها الباب حيت تعطلات .. لقاها مسترخية و ماكينااش فهاد العال .. رد الباب و خلاها على راحتها .. بقات شوية و ناضت غسلات شعرها و شللات ب باندوش بريحة الزهر .. نشفات شعرها بالفوطة و لبسات بينوار ديالها فالاسود و لوات الفوطة على راسها و خرجات ..
رائد .."كان متكي فوق النموسية .. طلق رجل و جامع رجل .." ..بالصحة ..
شغف .." ابتسمات ليه" ..يعطيك الصحة ..
رائد .. تعطلتي ..!
شغف .. تصور داني نعاس .. مابقيتش كانشوف قدامي بكثرة النعاااس و العياااء "تخشات حداه" ..حتى حوايجي و الله ماغانلبسهم .. ماقديتش ..
رايد .."ضار عندها بالجنب و طلع حجبانو فيها " و شكون قالك غاتحتاجي شي حويج !؟
رائد .. شفتي هادشي غير كنت غابر .. لو كان كنت هنا هاد المده كاملة .. كون انحرفتي من شحال هذا ..شتي باك عندو بعد النضر حيت كون خلاني هنا كون اغتصبتك ولا درت شي مصيبة .. كون .." طل عليها لقاها نعسااات و هو سر يتحتت مع راسو😂..غطاها مزيااان و حط راسو على راسها و غفى حتى هو ...
#في_مكان_اخر ..
كانت جالسة فبيتها كيف عادتها فالبالكون و شادة كوب القهوة لي مابقااش كيفارقها ..من نهار خلات لشغف رسالة مع الام ديالها بلي جاتها حتجة طارئة و كشات تقضيها و هي غير فالدار .. كي رجعات لأمريكا و هي غير فالدار كاتراجع حياتها لي ضيعاتها قبل فحب من طرف واحد عمرو كان ليها .. كيقولو تقون اللقمة في فمك و تكتاب لغيرك .. و هادي هي حالتها رائد كان معاها طوول الوقت ولكن عمرو كان ليها حيت كان مكتاب لشغف ..و هادشي هي رضات بيه و ما اعترضاتش ..بالعكس كانت باغية ااي حاجة ديرها وماتشوفوش كيعاني و لا كيف شافتو قبل مايرجع لشغف فآخر مرة ..داكشي علاش قررات كي رجعات تمسح دوك الذكريات من بالها ..بغات تحيد اي حاجة كاتعلق برائد .. و تبدى من جديد .. واخة صعيب ولكن الى قلىنا ننساو شي حد غاننساوه طال الزمان ولا قصار .. كانت ساهية حتى سمعات السرسار ديال الدار .. حطات الكوب من يديها و نزلات تتجري باش تحل .. كي حلات الباب تصدمات .. مكانتش متوقعاه يجي لعندها ..
عبيدة .."هاز بوكي ديال الورد فيديه" .. غاتخليني هنا ولا كيفاش !؟
سهى .. توثرات و سحبااات يدها بوجه محمر من الخجل .." .. احم .. كي دوزتو العرس ..
عبيدة .. من داكشي الرفيع .. انا كانقولها لداك السيد دييييما .. انت منحووس .. عرس اش كون كنتي فيه كون متي لينا بالخلعة ..
سهى .."تزير عليها قلبها" .. علاش ياك لباس!؟
عبيدة .. بات العروسة تيراو فيه نهار العرس .. راه خليتو مزال فالكلينيك ..و شغف كانت حاالتها حاالة لا هي لا مو .. وا بالصراحة العائلة كاملة كانو مأثرين ..
سهى ..اويلي .. خصني ندوي مع شغف ...!! شحال ضريف داك السيد ..ماقصرش من جهتي فاش كنت عندهم و كل مرة كيقول لي اعتبري الدار داركم و اعتبريني بحال باك .. مسكين مايستاهلش .. كيف بقى دابا ..
عبيدة .. دابا ولا شوية .. على الاقل ولاو كيخليوهم يشوفوه .. و ولا كيهضر ..
سهى .. اوا الحمد لله غير ملي ولا بيخير ..
عبيدة .."ناض من بلاصتو و مشا جلس حداها لاسق عليها" .. اش دبنا فبلاننا حنا!؟
سهى .."توثرات من قربو" شش.ش.شمن بلان ..؟؟
عبيدة .."ناض من بلاصتو و مشا جلس حداها لاسق عليها" .. اش دبنا فبلاننا حنا!؟
سهى .."توثرات من قربو" شش.ش.شمن بلان ..؟؟
عبيدة .."عقد فيها حواجبو" .. كاتمرگلي عليا ولا كيفاش!؟ انا قلت ليك ماغاديش نسولك .. لكن ماقديتش ..
سهى .."حنات راسها" .. ماعرفتش اش غانقول ليك ..
عبيدة .. قولي ااه .. و شوفي كيغانعيشك ..
سهى .. خافة لا انا مانعطيكش داكشي لي نتا باغي ..
عبيدة ..شوفي .. انا جايك من اللخر .. ماباغيش غا نتصاحب و صافي .. انا كانعرفك من شحااال هادي .. عارف علبك كل كبيرة و صغيرة .. ماشي واحد عاد غايتعرف ..!!
سهى .. "كاتفرك فيديها" .. و شنو باغي مني !!
عبيدة .."شد لها فيدها" .. دابا واش نتي مكلخة ولا ماباغاش تفهميني ..وا كانبغيك الزمر .. كانبغييك .. و باغي نكمل معاك حياتي .. مطالبش بزاف .. عطيني فرصة وحدة ..
سهى .. "مترددة '' ماعرفتش .. ماعرفتش ..
عبيدة .."طلع ليه الدم ماكلهش يخبط ليها كمارتها مع الحيط .حتى على سوارتو و تيليفونو ..." .. صافي ابنت الناس .."غمزها " وصلاتني الرساله .." تم غادي .." اصلا نتي ماغاتقديش تنسايه .. خليك فأوهامك خو عايش حياتو كاع ما عارفك واش كاينه تما ..😕
سهى .."قفات مفافيه" .. تقدر تنسيني!؟؟؟؟؟
عبيدة .." دار عندها " .. عطيتيني فرصة و قلت لا!؟ حاولتي مرة وحدة تفكري فيا!؟ راه نتي لي ماعندكش ارااده تنساي ..
انا بغييت نسا بالحي .."نزلات راسها" ..
عبيدة .. بالحق مابغيييتيش .. !! ههه .. انا من الاول معرفتش كيفاش عطيت الحق لراسي نبغي وحدة ..
سهى .. " غوتات عليه" وحدة ااااااش ..
عبيدة .."طلع و نزل فيها" وحدة كاتبغي عشيري ...
سهى ...."طاحت جالسه على الكنابي و دارت يديها على وجها و طلقاتها للبكااء .." .. هءههءهءهءهءه😭😭😭 واااش انا بيديي ي.. هءههءء واااش انا ختاااريت ..
عبيدة .." حطي يديه على عينيه" يا ربييي ..😡..
مشا عندها و برك فوق الطابلة قدامها .. دار يديه على ركابيه و بقى كيشوف فيها " .. معرفتش انا باش كاتفكري ..
سهى .." مسحات دموعها و طلعات فيه عينيها لي كانو فحال نقطة ديال الدم" ..😭😭 ..و الله تا فااهمه .. و عارفة .. و ماتايقاش فاي حاجة كثر ما تايقة انك ولد الناس و محترم .. ولكن انا ماعرفتش .. خفت نضلمك معايا ..
عبيدة .. حيدي غا هاد الفكرة من راسك ... علاش ظلميني علاش.." شد ليها يديها" .. غير وافق و عطيني فرصة .. و غاتبت ليك هضرتك .. غانتبث ليك واش انا نيت ولد نااس .. و شاريك ..بالحق مانواعدكش نكون محترم 😌
سهى .. "ضحكات من بين دموعها" .. ههه ..
عبيدة .. اش كاتعني هادالضحيكة ..!!
سهى .. " نزلات عينيها و اذا كااان السكوت علامة الرضى راها سكتاات" ..
..كحاز عندها ز حط يدو تحت عنقها جر راسها لعندو ولاسق شفايفها مع شفايفو خلاها حالة عينيها و مصدووومه منو .. اما هو نسى راسو .. غمض عينيه كيعوم في بحر شفتيها ..و يزير عليهم باش تجاوب معاه .. مافتحات فمها حتى شحفاتو .. خلاها عاشت احساس ماسبقلهاش عاشتو من قبل .. عاد طلق منها خلاها كاتنهج .. و تا هو كان لا يقل عنها صدرو كيطلع و ينزل و العرق بدا كيبان فجبهتو .. مجرد قربو ليها خلاه يهيج ..
عبيدة .."رجع لور كيحك رسو " .. احم .. مع من غاندوي .. شي حد من عائلتك ..!!
رائد .." خزر فيها .." وااش انا هاد بااك خارج ليا فعوودي
شغف ... ههههههههههه حشومة عليك مسكين مريش ..
رائد ..مالي انا سوقي ..😒..
طلق منها و ناضت تا هو ناض كيمشط فشعرو لي كان كيقطر بالماا ..دخلات للحمام قضات حغسلات وجها و صايبات حالتها عاد خرجات لقاتو كيلبس مشات للبلاكار ديالها خذات كسوة ديال الصوف الرقيق فالگري و دوبياس فالأسود .. لبسات الكيلوط .. عطاتو بالضهر و دارت السوتيانات على صدىها عاد حيدهات البينوار و قربات ليه ..
شغف .. سد ليا ..😌...
رائد .." بقى مدة كيتأمل فجسمها و كاع تفاصيلو .. " باغية تنوضيني و الى نشت ماغاديش نبرك ضبري راسك ..!
رائد .." تنهد و جرها من السوتيامات تا لسقات على صدرو و بشوية عليه تا سدهم و نزل لعنقها طبع قبلة سخوووونه و نزل ببصباعو من فوق ضهرها تال مؤخرتها .. حتى بدات تطلع معاها السخونية و هو يشحطها لترمتها😂" ..
شغف ..😡😡 وااااع ..
رائد .. مشا كيضحك و خلاها كاتغودد غا بوحدها .. لبسات الكسوة لي جاتها مسانترية و تحت الركبة بسونتيميتر .. و لبسات معاها نايكة فالاحمر .. طلقات شعرها و وجها مدارت لو والو .. دار نضراتها فوق شعرها المموج و خرجات لقات رائد حاط الفطور بقات تتشووف فيه ..
رائد .." حادر رايو فالتيليفون مكيشوفش فيها" .. الى كنتي تاتسنايني نعرض عليك بقيتي تم ..
شغف .. " ابتسمات " ماتقوولش ليا نتا لي مصايب هادشي اممم .." قربات للطابلة تالفطور" .. هاي هاي .. اومليط بالكاشير و الفرماج تبارك الله عليك ماكنتي تتعرف تسلق تا بيضة ..
رائد .." ضحك بجنب" .. هه راه خمس سنين ديال تازوفريت العشيرة ... الطاجين و كنت كانصايبو ..😕
رايد .." نزل على كاس تالليمون كركبو كامل .." .. دابا واش تاتفلاي عليا ولا على راسك نتي من شرووطك تالزواج مابغيتيش تبعدي على داركم ..!
شغف .." غوتات بلا ماتحس" .. و دابا بغيييت نبعد .. عييييت و يكفيني .. و الله تااا عيييت. .
رائد .. ايه .. حنااا ماشييين على حساب دمااغ سعادتكم!!؟و خدمتي لي بدات تتحول لهنا .. المشروع لي عندنا ..!! صفقة العمر .. نخليوها تا هي و نمشي حيت مرتي مسكينة عندها خلاااف تاافه مع مها !! لا !! و هاد الدار .. لي شاريها على ودنا باش نسكنو فيها .. الفرااش .. كولشي والو بالنسبه ليك! خلينا من هادشي ..باااك .. مك .. خوتك عمااامك .. كولشي غاترميه ورا ضهرك!؟
شغف .." شافت فيه و كاتحاول تسترجع قوتها" .. كاع عادشي لي قلتي كيتعوض .. الخدمة ديالك فينما كنتي غاتزيد بينا القدااام ..اما عائلتي فا انا بحالي بحال اي بنت تزوجات .. ماشي ضروري نبقى فدارنا مع بااا .. و لا بقات فيك داار نبيعوها و فينما نمشيو غانسكنو بيخير ..
رائد .. على بااالك هادشي لي كاتقولي .. غا كاتخراي وحي الرب .. الدار مابقاتش فيا حيت دار و صافي .. انا بقات فيا حيت شااريها ليك بالعشق لليك نتي بااش نسكنو فيها انا ويااك كيف كنا كانخططو شحال هادي .." رمى النورشيط .. ولا تا هادشي راك نااسياااه و مابقااش هامك بحال بزاف !!
شغف .. " حطات الكاس لي كاتشرب منو و شافت فيه" .. رائد سمعني و فهمني ..كل ما بعدنا على العائلة كل ما كان حسن .. بزااف تالصداعات غانإيفيتيوهم ..!!
جلسات اما هو مسح فمو بالسيرفييت و ناض يشوف شكون حل الباب و هو يبقى كيشوووف مدة .. طلع حاجبو فسح ليها المجال الدوز .. سد الباب و سبقها تبعاتو من اللور بدون مينطق تا واحد فينم حتى كلمه ..ضارت شغف تشوف شكون و هي توقف و ملامحها مبدلين ..
شغف ..."تنهدات" .. سواء دويتي من قلبك ولا من فوقو .. نتي عندك الصح .. بصح انا السبب .. و انا لي غانبعد .. باش مانوليش سبب فحوايج اخرين ..
ريماس .. " ش
ضربات فخاضها" اويليييي فين فاتمشي و تخلينا باك والله تا يصيفطني لدار باا .. اوعدي انا ..
شغف .. بابا غاينگر يومين و ينسا .. و انا بحال اي بنت تزوجات و بعدات على واليديها .. و اكيد غانولي نزوركم فالاعياد .. العطل ..المهم غانبني حياتي بعيدة عليكم ..مابغيت نآدي حتى واحد سواء بقصد ولا بدون قصد ..
ريماس .."كاتشووف فيها" هزيتي عليا فقلبك بزااف .. و لكن وحق ربي لا كنت محروقة على بااك و باالي مكانش فرااسي .. "حطات يديها على عينيها وبدات تتبكي" انا عارفه راسي ماعندي زهر مع حى واحد .. لا راجل لا ولاد هءهءه😭😭😭😭😭
شغف .." جلسات قدامها على ركابيها و كتشووف فيها .." ماما لاش دابا هاد الهضرة ..
ريماس .. سمحي ليا ابنتي انا غااالطة ..و الغلط رااكبني من ساسي لراااسي اناا الغااالطة .. نتي ماليك تا ذنب .. سمحي ليا احبيبتي و ماتمشيش خليك معانا .!! عافاااك .. خليك معانا .. بين واليدك ..و خوتك .. و عمامك و خالك حاتم ..
شغف .. "حنات راسها" ..
ريماس ..الله يخليك .. باباك زاعف عليا ماتكمليش عليه تل نتي و تمشي ..!!
شغف .. والكن تا انا بغيت نبدا حياتي انا ورائد ..
ريماس .. حياتك غاتعيشيها مع لي كاتبغي فاي بلاصة .. ولكن حنا بغيناكم بجنبنا .. ال الصقر كيكملو بعضياتهم الى غاب واحد كيخلي فراغ رتك شفتي كي كنا غايشين فاش مكانش رائد .. ديما حاجه خاصانا دابا الحيمد لله ..
شغف .. ههههههههههه قولنين جديدة هادي
ريماس ..شوفي نقول ليك .. انل وباك ماباغيينكش تمشي و حتى نتي ماباغاش تمشي غير شاداها عناد خليك معاندة هكذا .. تا تشوفي باك مطلقني عاد تهناي ..
شغف ... ههههههههههه .. االه يا ربي " شدات راسها "
ريماس ..ضحكي ضحكي الضحك راه فياااا ..😕
شغف .. اجي لهنا اجي .. "عنثاتها" علاه تاج الدين يقدر يتفرق على هاد زين 😌
ريماس .." عنقاتها تا هي .. سبغيني سبغيييني ..
شغف .. ههههههههههه بصح داوية معاك ..
ريماس .." بعدات عليها شوية و شدات فيديها" .. ماغاتمشيش ياك ..؟
شغف .. ههههههههههه بصح داوية معاك ..
ريماس .." بعدات عليها شوية و شدات فيديها" .. ماغاتمشيش ياك ..؟
شغف .. "تنهدات و شافت فيها" .. مابغيتش نمشي و نخليكم .. و فنفس الوقت مابغيتش نآديكم .. !
ريماس ... اولي محايني .. واش ديك الهضرة لي قلت فديك الحالة لي كنت فيها و شا شفتيني ولا لا 😕 راش وحدة فديك الحالة يدوها فيها الناس!؟
شغف .. فكرت فهضرتك .. و لقيتها فعلا بصح ..انا السبب ..كون ما ..
ريماس .." مسحات دموعها و قالطعاتها" ..شوفي فيا ..انا غلطت و خرجت هضرة لا مجال ليها من الصحة .. و ماخصنيش نقووولها ... و ظلمتك بزااف .. ماديريش نفس الشيء فراسك .. و ماعمرك ظلمي راسك .. حيت ماشي نتي السبب هو لي ولد الحرام .. نتي من حرقتك فديك الوقت وافقتي .. و انا من حرقتي بنتي ليا غير نتي فرغت فيك كاع طاقتي السلبية .. " جراتها من يديها و عنقاااتها" .. سمحي ليا ابنتي .. عويينه وحدة لي عندي .. بنية وحدة .. نتي اول فرحتي .. يك تقويييت فواحد
الوقييتة .. نتي لي خليتيني نولي وحدة اخرة بعد ما كنت لي جا كيخبطني لجيه .. مانقدرش نفرط فيك ..
ريماس .. " بعدات عليها و شافت فعينيها .." شفتي كون كنتي ختاريتي من راسك .. و جيتي قلتي ليا .. انا بغيت نسافر مع راجلي و لا نبداو حياة جديدة بوحدنا و نطلعو درجة درجة ماغانعارضكمش ..يمكن كنت غانوقف معاك .. ولكن ..بهاد الطريقة مستحيل نخليك تمشي ..
شغف .. اوا يالله تغسلي وجهدك باش نمشيو نشوفو الحاج تاج الدين
ريماس .." ..ابتسمات ليها" وااخة ..
مشات ريماس غسلات وجها و هزو سيكانهم خرجو معانقين و كيضحكو لقاو رائد فالباركينغ وقف حدا الاوطو متكي عليها و كيخربق فتيليفونو غا شافهم حل فمو ..
رائد .. عرفتو نتوما!! لي يديها فيكم راه حمار و بودنيه ..
ريماس .." دازت حداه و ضرباتو لراسو بخفة" .. ام و بنتها و نتاا ماالك ..
رائد .. اييه .. فعلااا ..
حل ليها الباب لي حداه ركبات و جر شغغ باسها فحنكها و حل ليها الباب لوراني ركبات تا هي و انطلقو ديريكت للكلينيك لقاو عشق مع أدهم و ايهم سلمو عليهم و دخلات شغف هي وريماس لعند تاج الدين كان ساهي كيخمم تا دخلو عليه طلع و نزل فيهم و نزل و قلب سيفتو .. مشات عندو شغف عنقاتو و باست ليه يدو ..
شغف ..ناري على استقبال ..ضحك غير فوجهنا بعداا ..
تاج الدين .."طلع فيها حاجبو .." مزال ما مشيتي ..!؟
تاج الدين .." خزر فيه .. "ينعل دلمت الشيطان كاتراد معايا فالهضرة قدك انا .!؟
رائد .. ياا ربي السلامه كثر فيك النگير العميم ..."جر شغف من يدها و دوا لها فودنها" ..هاني خرجت شوية نكمي شي شوية تبعيني .. خليهم يهضرو بان ليا الجو مكهرب .. و عمتي بقى ليها شوية و تركلو شفتي التخنزير كي القرطاس ..
شغف ..."شداتها الضحكة و حبساتها بيدها ''.. احم.. واخة سير.." خرج رايد و جلسات حداا تاج الدين" كي بقيتي احبيبي .. شوية ..!؟
تاج الدين.. الحمد لله ابنتي .. الحمد لله ..
شغف .. اوا راك بييخير بالمقاارنة مع قبل .. الحمد لله ..
تاج الدين ... الى خرجتي سولي ليا هانخرج
شغف .. انشاء الله غايجي عندك الطبيب و نعرفو .. يالله انا غانخرج شوية صافي. .
حرك ليها تاج الدين راسو بالإيجاب و هي تنوض شافت فريماس كانت واقفة حدا الباياس و مزنفرة .. ابتسمات ليها و خرجات خلاتهم بزوج الراس فالراس .. دور لعندها وجهو و طلع فيها حاجبو .. بادلاتو نفس الحركة و قلبات وجها .. مشات جلساات بعييد عليه فوق الكانابي ...
تاج الدين ..تجي ولا نجي ..!؟
ريماس ...''داىت راسها ماسمعاتوش .. هزات مجلة كاتفرج فيها و منخلاه" ..
تاج الدين .. الى مشيت حتى نضت من بلاصتي ملتلومي غير راسك ..
ريماس .. " مشات وقفات قدامو مزنفرة و ما عاجبها حال" ..شنوو ..اش خصك
تاج الدين .." جرها من بدهاغ قربها ليه" .. باغي مرتي عندك شي اشكال؟؟
ريماس .... عرفتي كون ما كنتي مضروب و مرييض كون دعيت فيك .. ولكن لي فيك يكفيك ..😕
تاج الدين .. كاتشمتي فيا ولا كيفاش ..!!
ريماس .. "بغات تنطر يديها و هو يزير عليها'' طلق مني الله يخليك... اووف.
تاج الدين ... هاي هاي وعاريتي امداام .. ياك ما شفتيني ناعس هنا قلتي هذا مابقاتش فيدو .. هاااودني منك ..!!
ريماس .. كيفاش!؟ نتبرهش ..!!؟ ههههههههههه واش سمعتي راسك شنو قلتي ليا الباااارح!؟ هاا! واش عرفتي السم لي رميتي عليااا .. قتلتيني بهضرتك اتاج الدين .. انا تقول ليا ديك الهضرة .. واخة مانعرف شنو منكون دايرة ليك باااغي ضرب عشرة السنيييين فالزيرو اتاااج الدين ماحرامش عليييك ..
تاج الدين .. بغيتك تحسي بالذنب .. حيت ديك لي جرحتيها بنتك و انا جرحتك كيف ما جرحتيها باااش تحسي بشنو كانت تتحس تا هي و نتي كاتتهميها بحاجة ماليهااا فيها حتى ذنب ..
تاج الدين .. هههه أودي ... تال اييمتا غاتبقاي هكذا .. راك كبرتي وخصك تحسبي حساب لتصرفااتك و الهضرة قبل ماتقوليها خصك تدوريها فراسك مامرة ما زوووج ماشي لي جااتك على لسانك ترميها .. ايه العفوية مزيانه لكن بعاد الطريقه لا ..
ريماس .. زيييدني .. زيييدني نستاااهل .. 😭
تاج الدين ..."جرها لعندو تا رماها على صدرو واخة تقصح" اااخخ منك نتي ااخخ... واخة تكبري و تشرفي غاتبقاااي ديما فعيني صغيرة ..
ريماس .. اممم .. طلق مني طلق ..
تاج الدين .."بعدها و شد لها وجها بيد وحدة'' .. شوفي انا ماغاندومش ليك .. سمعتي .. ماغاديش نعيش ليك خصك نولي تعرفي اش ديري و اش تقولي اريماس ..
ريماس .."عينيها دمعو من هضرتو" .. مانقدرش بلا بيك انا مانقدرش .. كاتسمع .. قلبي وقف غييير حيييت كنتي نتا كاتصاارع الموووت . الى وقعااات ليك شي خاجه غانتبعك ..
تاج الدين .. ااااخ يا ربيييماس.. ماكانبغيش ندوي فهادشي .. بالحق شفتها بعينيي و قرييبة بزاااف .. فاي وقت تقدر تخطفني . داكشي علاش كانقول ليك هاد الهضرة ..
ريماي .."نسااات كوولشي و حطات يدها على حنكو" .. ش.ششش. ماتقول والو .. صافي عافاك غييير سكت الهضرة فهادشي كاتخنقني .. عافاك سكت .. كل ما كانكبرو سنه كااايزيييد خوووفي يكبر ..
تاج الدين .. "باسها فجبهتها" .. مداام انا معاك ماتخااافيش .. نهار نموووت غاتعتمدي على راسك ..
ريماس .. اوا مانعرف بقى لينا غا الترااابي من اول وجديد ..
تاج الدين .. واش انا تنتشاور معاك دابا ..
ريماس .. اوا انا لي غانولد و قلت ليك مابقااتش عندي صحة لولاد زااائد ولادة فهاد السن صعييييبة بزاف و انا قلبي مابقاش متحمل .. خرجوها مني دوك المساخيط دولادك .. الوجع ديال الولادة يسكت ليا القلب ..
تاج الدين .." خزر فيها" .. الله ينجيك .. داك القلب ماخصناش نتهاونو فيه غانخرج و نديك لاختصاصي .. صحتك هي المهمة عندي .. الولاد رانا ولدنااهم شحال هادي .. هه
جنتي الجزء السابع
محتوى القصة
التنقل بين الأجزاء