عويشة(شافت فايدوو)على اساس داباا هاز ايدك لسما وكطلب الله اغفر لييك شوووف اسعييد راه واخة تشوفني هكاا هبيلة ونية وبنت لعروبية ولا معرفت شنوو راه مربيني رجاال الى كنتي باغيني ديال بصح مرحبا بيييك كنتي باغة تفلاا الله ارحم واليديك طريق لي نمشي منهااا كحل بلعما عليها
سعيد(طلق منها كيمسح على وجهو معصب)واخة صافيي دوزي نوصلك بعدااا
عويشة-بلا متهدروو ضربات ليه فكتفوو ومشات اللوطوو ركباات مضورة راسها لجيهت الزااج ركب تهواا وديمارا وكل مرة يهز عينو فيهاا طريق كلها ساكتيين حتى حطهاا منين هزهاا خرجات بلا حتى كلمة خلاتو مبهوض فيهااا مشات لدار نيشااان جنون الدنياا فوق راسهاا طلعات لبييت وسداات عليهاا كتبكيي خلات حفيضة غير كتحرك فعينيها
حفيضة-ويلي هادي مالهاا تشيراات ولاا ضربها كار حمر
عند ديمنة لي جابدة كتوبتهاا كترااجع فييهم محسات شامتا داز لوقت حتى سمعات الساروت تاع لباب تحل
كمال-ديمنة فييينك
ديمنة(حطات لكتوبة وخرجات من الصالوون واستقبلاتو بالابتساامة وهوا بااين فيه لعيااا شدات ليه فلقميجة وبااستو من حنكوو ) جيتييي
كمال-لااا جابوونيي (باسها فجبهتهاا) اش كديري
ديمنة(شدات من عندو لافيست والتيليفوون )والوو ملي مشيتي بقيت كنرااجع
ديمنة-(كتلعب بلسانها على شفايفهاا )وتانا راه قلت ليك داباا لا لا راه مقداش علييهم اكمال فهمني احبيبي واااه وزايدون لا بغيت نولد خاص نكون انا مستاعدة ليهم
كمال(ساط)راه معاك كنهدرر عطيني سبب مقنع يخليك متولديش داباا
ديمنة-راه قلت ليك مامستاعدااش(كتغبن)بفف واش بزز ماشي نتا لي غتهزهم فكرشك وتقطع عليهم فلولاادة نتا باغي تسمع هي بابا وصاافي مغتسهر مغترضع مغتمرض وتخرق وتلبس تتت
كمال-دابا هادشيي لي مرونك الالة انااا نسهرر معااك ونكبرهم معااك (رطب لهدرة وشدها من دقنها)حبيي راه بغيت تا انا شي بنت ولا ولد منك يعمر علينااا راه مزايدينش فصغر فلكبر بغيتهم محدي مزال عندي ليهم لخااطر شوفي هي لفرق داباا نتي وبابااك قراب لبعضياتكم ونااشطيين وتقريبا بحال صحاااب عكسي انااا لواليد ديالي متزوجش بكريي على ربعيين عاام كبرناا محتارمينوو وكنخافو منوو وشوفي داباا انا عندي تلاتين وهوا تبارك الله طالع فسبعيين ملعبتش انا ويااه كورة كي بغيييت مخرجنااش سهرنااا ونشطنااا كي بغييت تا لكاروو معمري كميت قدامو حيت محتارموو بزاااف مامداخلش معااااه وكنحشم منوو (حط جبهتو على جبهتهااا ) عفا حبيي
ديمنة-اععع تتت معرفت
كمال(ضحك وجرهااا )نهزك فعيني احبيبتيي راه بغييت شي بيبي(دوز ايدو فوق كرشهاا) فهاد لكرييشة يعمر علينااا ويبرزطنااا هههه
ديمنة-ممم
كمال(هز ليها شعرهااا وطبع قبلة على عنقهاا حتى هرها وضحكااات شاف فيهااا وضحك)وعلى هد ضحيكة اجي نورييك واحد لحاااجة ههههه
كان كمال فدووش وهياا فلفراش ناعسة على ضهرهاا وكتفكر فلهدرة لي اقل كمال ومزال مامقتانعة بيهااا كتشوف راسها مزال مامستعداش لدور لامومة ومسؤوليتهاا شافت جيو لولاااد كبيير بزااف تلفات وحاارت مي فقرارت نفسها عارفة بلي ماششي لوقت لمناسب لولااد هزات كسوتها من لارض لبساتهاا وناضت لحدا لمراية هزاات لفنييد هزات منها وحدة وبقات كتشوف فيهااا تنهداات ودارتها فمهاا شرباات لمااا ومشاات لبلاصتهااا حتى تحل لبابب تدوش خرج كمال لاوي عليه فوطة وكينشف فشعروو
كمال-حبيتي مالها سهاات
ديمنة-مم لا والوو ههه بصحتك دووش
كمال(غمزهاا)بصحتناا ما قبل الدووش
ديمنة(باستوو وضحكاات)لماااسخ ههه
كمال(تلاح حداهاا تغطااو وجرهاا فوق صدروو وايد شابكة فايدهاا بقاوو كيتبادلوو لكلاام حتى كل واحد غفااا ومشا فنعاسوو صباح جديد حلات عينيها على تعنكيش فوق شفارها وهادي عادت كمالل ملي كيفيق كيدوز صبعو فوق شفارها لمشابكيين وطوال حتى كتبدا تحلهمم
حسن(خرج لباب)مرحبا مرحباا كمال ولدي دخل مالك واقف(شاف سعيد)اهلااا اش هد لمجية كون غير علمتونااا مرحبااا (دخلو وبقا وااقف حدا لباب)ويني حريرة هادي مكفاتنا عبووش زادونااا عطووش
كمال(مع الدخلة كيبان ليه يونس ومعارفش علاش محاملوووش سلم علييه سلام ناقص بايدوو وكلس اونفااص لييه وجنبوو كلساات ديمنة واحد مجد هي سمع حسوو اتخفى سعيد كلس جنب كمال وبدا كيوشوش ليه
سعيد-يكما هد خينا هوا لي خطبهاا
كمال(شاف فيونس غارق فالتيليفوون)منضنش هاهوا غيجيي سي حسن ونهدرووو مزال مكملها تدخل حسن وحفيضة موراه بالصينية تاع اتاااي وستادن منهم ينس وخرج على براا كيهدر
كمال(تقاد فلكلسة وهضر)سي حسن سعيد راه جاي طالب ضيف الله
حسن-مرحبااا بضيف الله
سعيد-الله ابارك فيك اعمي
ديمنة-جاي يبركك كول احححيانة علييك اجرانة لوااد
كممال(ضربها فرجلها وضحك )الضرسة
سعيد-واسي حسن راني جاي طالب راغب فقربكم الى بغا الله
حسن-ههه ايه مرحبااا ولكن اولدي انا عندي غير موصيبة وحدة تفكيت منهاا السعاتي باقة لاصقة كي لعلكة
سعيد-انشااء الله اعمي غير تجي لواليدة ونهدرو مع الحااج الى بغا الله
كمال-مقلتي عيب اعميي
حسن-واشبو اتاي بعداا
كمال(ناض)لااا منصييبش لخدمة تابعانا لمهيم حنا غير هدرنا معاكم والسبت انشاء الله تجي لواليدة ولواليد ديالو وحنا معاكم نطلبوها من لحااج
حسن-اوى الله اكمل بخيير راه قصدتو الدار لهبييلة
حفيضة-ويلي حسسسن
حسن-ههههه لكبيرة اولدي هي تلفة راك عارف
عويشة شافتهم نايضين وهربات لكوزينة هياا وجليلة كمال غادي خارج تشااف مجد
كمال-مجد اجي اجيي
مجد-ويلي ويلي واش هد لحصلة
مجد-نننعام
كمال-اجي معايااا (شاف فديمنة) نتي باقة هنااا
ديمنة(بدات كترمش ليه)اه تلعشية بلييز
كمال-ؤكي متعطلييش
خرج كمال تابعو مجد اما سعيد خرج لبراا وهز عينو فدار كتبانليه عويشة كطل ضحك ودخل اللوطو مسيعااه فرحة اما كمال وقف فجاة تخرج فيه مجد من اللور لي كان جاي مهبط راسو
مجد-سسسموحااات ههه مشفتكش
كمال(داير ايدو فجيبوو وكيشوف فيه بتخنزيرة)بقا ليك نهار وااحد امضرااا
مجد-هااا اه اه والله تخدمت سول غير عمييي ووو متقدرش تزيدني شي تلتيياام بينما قنعت لواليدة تا انااا (شافو حرر فيه الشوفة)هه لا لا صافيي كون هاني
كمال(هز ايدوو وجروو من شعروو لي طواال ورطب)وهد شعرر اااه ديال واحد باغي يتزووج برب ونشوفوو عندك غدا نقرع لمك بلا ماا اجيي نلقاك كتهدر معاهاا وخة غير بعينيك نعميهم لييك
مجد-هااح اااح والله تبلوكيتهاا
كمال-موش موش قال الرجلة تاع ميتين وستييين
مجد-لا لا هي زيد شوي
كمال(خلاه ومشا ركب فطموبيلتوو وخلا ليه لغبرة بقا مفيكسي فبلاصتو تجا خليل جروو من ايدوو ومدخلووو
ديمنة-ؤكي خليتك على خير(بغات تنزل وشدها من دراعهاا وشافت فيه
يونس(زكا فيها الشوفة حتى حسها كتبعد ايدوو)ااا نسيتي تيليفوونك
ديمنة-اااه ديما ناسيا قشاوشيي ياله باي باي(نزلااات معصبة من لحركة لي دار ومع هزات عينيهاا لقاتوو وقف اللوطوو ومكالي ايدو مع لباب من لبعيد شافت لقردة كتشطح فوق راسوو )الله اسخط عليك اخالي كون هي شديتي ولدك عندك ا شجا ميفكها مع هد لمصعوور
كمال قرب لديمنة وخنزر فيها وقال-دخلييي
ديمنة-كمال بل
كمال(من بين سنانو)دخليييييي قبل مندير الشوهة فهاد الزنقة
شافت فييه ودازت مشا هوا لباب عند يوونس او وقف والاخير فتح الزااج وابتااسم
كمال(بنفااد صبر وصوت باين فيه لغضب)شوف اسي يوونس مرااااتيي سطر عليها جوج سطورة حمريين ؤكيي فوت ساااحتهااا
يونس-باغضوون لي كتقول عليها مرات كراها بنت عمتي اولاا
كمال(زاد زير عليهااا)هاديك لي كتشتفي عليها كل مرة راه رجوولتي هدييك تاليين اديمنة اااه تالييين مغديريش ليااا حساااب تالين غنبقاو هكا ندابزوو على نقطة وحد تنكونوو فوق بخيييير تكتخرجي بشي بلاان ديلمو كيكفسهااا لهد الدرجة انا مامعمرش لييك لعيين
ديمنة(حبساتو)اش كتخربق نتااا تانييي اشمن عين ولاا زمر واش دابا غير وصلنيي غتبدا عليا رجولتي ما رجووولتك وزايدون انا مركبتش مع شي حد غريييب راه ولد خالي هداااك وصلنيي حيت سياادتك طافي التيليفووون نهار كلووو
كمال-بغيتي دوري السمطة لياا ولاااا شنوو
ديمنة(كتغووت)وطلق مني طلللللللق طلق (كضرب فصدروو حيت ضرها فايديهااا حتى بدات كتبكي عاد طلقهااا
كمال-شوفي فيااا لمرة جاية وبرب لكعببة حتى نسلخ مك قداام امة محمد حيت رااه صاافيي وصلتيني لطووب(بلغوات)ديري عقلك اديمنة صااااااافيي باركة من تبرهيييييييش
ديمنة-تحد مضربك على ايدك وقاليك تزوج برهوووشة ونتا عارفني هكا من اللول
ديمنة-تداباااا م(سد ليهاا فمهاا بايدوو وزير عليهااا
كمال(بنفس سخونة كيهدر وهواقريب ينفاجر فيهاا)حاسبي على هدرتك حيت مغنعقلش علييك الى عزيز علييك لحمك (حيد ايدوو ورجع هز تجاكيط تاعو وخرج حتى سمعات لخبطة ديال لباب تالفووق
كلسات فلارض كتبكيي يمكن من لهدرة لي قاال ولاا من تصرفااتوو ولا هيا لي غالطة لمهيم تفش غليلها فلبكااا(حيدات لمونطوو لخفيف ولابسة تيشورت بيض نص كم لقاات اطراس ايديه فدراعهاا كيبانو حمريين مسحات عينيها وناضت بدلات مقابلة مع لمرااية حتى طاحت عينيها فتصوريت مهاا حدا راس سرير مشااات هزاتها وطاحت فوق سرير دمعة تنسيها فخراا
اما كمال خرج شااعل وفضل يخرج ليصدقوو فطومباا مغتساليش هز اللوطوو ومشا نيشاان لقهوة حسن وقف قريب ليهاا وتمشا مخنزر كيزرب فلخطوة تبان لييه مجد محسن شعرو وداير طابلية وسطوو
كمال-مجد اجي هناا
مجد(هز عينيوو فيه ومشا عندو فرحان بالانجااز)خو راه لكلمة هه
كمال-فينهوا عمي مكايينش
مجد(مشات ابتسامتو)واقعة شي حاجة لديمنة
كمال(شاف فييه وزفر جر كلسي وكلس داير ايدو على فموو )لا مبيها والوو كلم ليا سي حسن ونتا من بعد ونهدروو(شاف فيه)بصحة التحسيينة
مجد(تراجع باللور مخرج عينيه تدخل لقهوة كيجريي لكونطووار)قهوة كحلة وتكوون حارة راه مستقباالي هدا يالله سربينااا (مشا لجيهت بيرو صغير فلداخل ديال القهوة لقا حسن كيحسب ويقول محسبت)لعميم كمال جا يتبرا ااا جاي يهدر معااك وباينة فيه لقردة دايرة لعرس فوق مخاميخوو
حسن(حط لي فايديه)واخة قوليه يدخل هنا حسن
مشا مجد عيط على كمال ودخل ورااه تالبيرو صغيرر سلم عليه وكلس قباالتوو جاب ليه مجد لقهوة لي طلب وسد ورااه لباب وقف كيتسنط والصينية فايدوو
حسن-ولدي شوشتيني ديمنة بيها شي حاحة
كمال(تنهد) لاا اعمي مابيها والووو ولكن غيكون بيا اناا الى مدرتش شي حاجة
حسن-اش كايين
كمال-دك خينيا لي معرفت منين جاا يوونس ولا معرفت اش سميتووو مباغيش ندير فيه ايديي حيت بصح وصلها فيا فين بغاات غير على وجهك او وجه لالة حفيضة
حسن-اش دارر مالوو
كمال-لاحضتو كيشووف شي شووفات فديمنة ماشي تالهيه الى جااايب تقاليد لكور ميديرهمش مع مراتي ولا بربيي تندير فيه شرع ايدي وميفكو مني فكاااك
حسن(حيد نضاضروو وشاف بانتبااه لكماال)غير تهدن اكماال وقوليا شنو لي وقع بالضبط
كمال(بنفااد صبر)قبيلة عندكم فالداار حنا كالسين وهوا عيني عينك مخرج فيها عينوو بلا حشمة بلا حيااا درت راسي مشفت والووو مي يوصلهااا لدار تالهناا وحبس
حسن-يمكن فهمتي غلط يونس راه ولد مربي ماشي ديالو هدشيي وزايدوون لا وصلها راه ماشي شي حد غريب(يالله بغا يهدر كمال حبسوو حسن)عااارف عارف مكانش عليه يوصلهاا الى نتا كتشووف بلي يونس عينيه مصافيااش فاناا مغنقولش ليك لعكس ولكن ديمنة راك عارفهااا راها مرااتك وخة الضحك واللعب مي راه دايرة لييك قيمة وخة يباان ليك لعكس سمعني ا كمال انا ماشي حيت ببنتي كندافع عليهاا لاا حيت عارف اش عطيتك ديمنة كاع الناس عندها ضريفيين ولكن ملي كتهز شوكتها على شي حد عمرها تشوفيه بااقي ولقلتي هد يونس كيشوف فيها شوفاات ماشي تالهيه الى هيا لاحضاتهم راه معمرها تضوور لجيهتوو
كمال(تنهد وشد عينيه بصباعوو) اعمي ديمنة انا تااايق فيهاا وكتر كااع ولكن يبعد منهااا بينو وبينها لحترااام ولا راه غنخسر معاااه حمد لي كااان داير حالة عليهاا ومع دالك عمروو دار هد التصرفاات الصبياانية ويجي واحد شافها غي لباارح نوليو انا ويااه فجر ليا نقطع لييك
حسن(ربت ليه على رجلوو)مسحها فيا الله ارضي علييك اولدي نتا مول لعقل شرب قهوتك وتهدن
كمال(تفكر ديمنة لي خلاهاا كتبكيي )لاا خاصني نمشي عيااان بلخدمة خليت ليك الرااحة(ناض وقف جر لباب وتدفع مجد على صدروو بصينيتوو تنااض جمع لوقفة
مجد-جججيت ندي لخااوي
حسن-كاميوو ديال كوكا نتااا
كمال-حيد من طريقيي قبل منخرج فييك
خرج كمال وبغا يهز مجد لقهوة تشنق عليه حسن وقجوو وقال-دوي لحمار تاع بوووك واش بصح هد لهدرة لي قال
مجد-اه اه والله تبصح ققققق وطلق هيشرتينيي
حسن-شوف ليك على ليهوديي ولد ليهوديي تصيبي تاطهارة مامطهر
مجد-ديه لحمامم وشووف وطلقني نووض
حسن(طلقوو ودوز النمرة لديمنة كيفيبري برجلوو حتى تفتح لخط)ديمنة
ديمنة(بصوت مبحوح باين فيه لبكااا)باباا مالك
حسن(مغاديش يخفا عليه صوت بكاهاا تلفات ليه لهدرة لي كان باغي يقوول وهوا لي مكيقدرش على دموعهاا )تخاصمتوو شوف ابنتيي هوا راه عارفك مغالطاااش ولكن راه لجيتي لصح متركبييش مع دااك خيزو محكووك تاع يوونس راه عينيه زايغيين سمعيني الله ارضي على بنتيي لحاجة لي تعصبو بعدي منهااا
ديمنة(مسحات دمووعهاا)واخة اباابا
حسن-ونوضي غسليي وجهك راه كتخلعي لموتااا ملي تاتبكيي هههه (ضحكاااات عاد رتااح)تهلاي ابنتي
كمال-(لارد هي كيشوف فيهاا وايديه فوق رجلهاا عينيه كيتحولو بين عينييهاا
ديمنة(هزات راسها وقرباات ليه باستو وسط عينييه ونزلات لنيفوو وبايتوو من فموو متجاوبش معاها هزات راسهاا فيه لقاتو مراقبهاا بصوت غالب عليه الندم قالت-صافي سمحلياااا والله مباقيي نعااود سمحليااا
كمال-واش عارفة شنو درتي ولا هي كتقوليهاا باش نهدر معاااك
ديمنة(هبطات عينيهاا كتلعب فزغب صدروو تهز ليهاا وجهاا بايدوو وقال-راه كلشي اديمنة كلشي الا يشوفيك شي حد قلتها لييك داك نهااار ومسمعتيش لياا قلت ليك منضوفكش معااه عرفتي علاااش ااااه حيت انااا راجل وعارف الشوفة فلوااحد واش فيها خييير ولا خبت راه ماشي عاد حطاتني الطيارة(كيرجع ليهاا شعرها ورا ودنيهاا)كون كتسمعي لياا معنطيحوش كل مرة فهادشيي
ديمنة-صافيي سمحليااا ونسا لي وقع عمرو يتعاود
كمال-وعد ولاا منهنا دازت
ديمنة(ابتاسمااات )وعد والله
كمال(تنهد وجابهاا فوق صدروو وباس رااسهااا)تانا سمحيليااا على لهدرة لي قلت ليك قبيلة ملي كنتعصب مكنعقلش على لواحد
ديمنة(حركااات ليه راسهاا وهزاتوو فيه هبطات لشفايفوو باستوو وهوا مضور عليهاا ايدووو بعداات وايدهاا على خدوو حتى طلع راسوو وبااسهاا جنب فمهاا بشوية خدا منهم لحضااات قرب لشفايفهاا وخداهم ف قبلة لي كانت طويلة تلتهاا قبلااات ودفئ الاحضاان وكلمااات صادقة من نبع القلوووب ولمساااات حملاتهم لعالمهم عالم تجرد من الافكاار ايديهم لمشابكين كتعبر على مدا انسجامهم وحبهم لبعضهم
بعد ايااام
كالسة قدام لمرااية كدير زينتها الاخيرة برشة من بارفانها فوق جلابتهاا لغوز لي جات على طايتهاا وبليغة فرجلهاا فلضي بلون سفيفة خرج كمال من دوش لابس عليه قميجة بيضة وسرواال توب كحل وسباط كحل لامع شافيها بدا كيصفر
كمال-ت ت ت اش هدشي اااه(شدها من ايدها كيدور فيها وهيا كضحك)اش هج لفريز لي قدامي
ديمنة-ممم لعنب مشتت
كمال(جرها من خصرهاا وشم ريحتهاا )بان ليا اندير بناااقص بغيت هينتكا فوق صدرك ونرتااح هه(باسها فعنقهااا)
ديمنة(بعداتوو)دوز قالااك اصلاا تعطلنااا من قبيلة كيتسنااو عيط لصاحبك شوفوو واش معطل (قدات لعكر لغوز فشفافهاا وكمال كيخربق فالتيلي
الاب(مقابل معاا سعيد وهاز جورنال فايدوو وكرشوو سابقااه داير رجل فوق رجل )نتينااا فيك الدودة ابنيي يا السعييد كون خديتي غيتة عندهم لي يتحرق ميتمشيي ونتيناا خارج حاجية كي باااك لي هوا انااا
الحاج(قرصها من دراعهاا باش تسكت)مرحبااا دخلوو دخلووو
كمال-انا راه جاي مع لعريس ههه غنتسنااه هد السيدة شكوون(سلم عليها بايدو)
عطوش(حكات رااسهاا من فوق الزيف وجمعات ايدها قبضة وخبطاتها فراسها تطرطقو صبعانها)انااا نسيبت لعرييس ههه
ديمنة(سلمات عليها ودخلاات مع رحمة وسهيلة لي غير كضور فعينيهااا خلاتهم فالصاالة مع حفيضة وطلعاات لفووق فين كانت جليلة كتصايب لعيشة فشعرهاا )هاي هاي النااس ولماكيااج
عطوش(هزات طرف من زيفهااا وكتعصر فعينيها)اييييييييييييييع ياك الخااانزة يالمصننة تلفااتك لمدينة ونسيتي خنزك يالهااايشة اااه كانت ريحت تعطعط بريحت لببول وقزيبتك خانزة داباا ربيتيهااا ونفختي الرييج العودة ااااه ااااااااع
ديمنة وجلية حماوها ضحك عليهمم
عويشة-وااااامي راه غنسخط عليك وااامي
عطوووش-ايييه سخطي يالمسخووطة ياعوجة لفم ياسكيطة بلا لحم سخطي يالعقووبة بنت لمعوووقب نتي لي كنتي تحلي فرجليييك وتعصري تخرج رااسك كي لكرعة ليااابسة عينيك كي بوبريص يا اللفعةة
ديمنة(كضحك)ههههه وناري كرشي هههههه ومي عطوووش الله اهدييك راه خطبت بنتك ليوما فرحي ونشطي
عويشة(كلساات وشداات راسهااا) لعار خلي هي هد نهار يدوز بخيير والله تنعطيك صداقي
عطووش-ملي هكا واخة نبان تانا قدام لعيالاات لهبيلة تاع بنتي داتوو داتو فلمخزن باش غير لي بغاا يشكي ب باااك يعرف مناسب مع لمخزن هكاك ابنيتيي الله ارضيي علييك واخة رباتك لحااجة راه اناا لي بلزتك وووشحال جاك فصداق
لتحت فالصالوون فوق الطبلة محطووط بوكي ديال لورد وكادوااات مغلفيين وبلاطو تاع لي كاطو مشكلييين كالس كمال جنب حسن ومقابل مع سعيد لي كالس وسط مو وباااه وغزلااان كضحك مع لحاجة وكيتوشوشو على كماال
عطووش-لميمة تانا بغيت بحال كيموو
الحاجة-هههه بحال هكاك كان جدك كان هيكيشوف فيااا كنبول فحوايجيي
عطوش-ههههه راك باقة كديريها واخة جدي مات
فخيتة(نغزات سعيد)فينهاا لعايلة
سعيد-دابا دخل
فخيتة(عوجات فمهااا )الله اغصبك (شافت لمكحلة تاع حسن فلحيط وقربات عند سعييد)شني ماجي نعملووو هنا يا بننييي نتينااا مصاااحيشيي شني كتعمل سكوبيطاا وسط الدااار ماشي لحمااق هدااا يكما ماشي يقتلوونااا (شدات قلبهااا) اربيي باقي مشفت متشوفت (شافت فراجلها كيبرق فيها عينيه)بلط فياااا ونتينا عينييك خاجين كي يوكااا
عطوش-تولد من عينيها لكافرة بالله(هزات الشااال ودارتو على عينيهاا)ايييييي اهئ اهئ بنت لحرااام شحا لونا نخرق بنت درداكة لخرى (شافت فلحاجة)وا قولي ليااا هداا لي خطبهااا من لقااايد ياااك
حفيضة-تبقي ستر نوضي نوضي قادي راسك راه خطبت بنتك واااه
فخيتة كتشرب فاتااي وكتصكاني ف عويشة وفين مجات عينيها فيها كضحك تايسدو عينيها وترجع ترمش بعينيهاا منفخهاا)اييف شني عامليين فهاد اتاااي مار دقول مشحرينوو بلفلفل لحاار اشويني فلي معدلو هايداا مر افف(شافت فكمااال)كيف نتينااا اكمااال شويش مع زواااج مراتك كدحمق (بصوت منخافض)ماشي بحال بني صام تصاام وفطروه بصلة
ديمنة-احيانا عليك اعطيطيش ضربي غير من لتحت كي لحية(بقات كتشوفيهاا)اش كنتي كديري
عطوش-جيت غير نطل وصافيي
خلاتها ومشات كلسااات حدا رحمة وكمال مقابل معاهاا كيهدر مع حسن وكل مرة يشوفيهاا وهيا دور راسها علييه دخلات عويشة فرحانة ومورااهاا سعييد خوات ليهم لحاجة لبلاصة وكلساتهم حدا بعضيااتهم
غزلان-غنصوركم ههه (ناضت تقابلات معاهم وخدات ليهم صورة قراب لبعضيااتهم
تجمعوو كاملين وجا وقت تلبااس لخواتم بدا سعيد كيقلب فجيبوو وهوما كيتسنااوه يجبد ملقااهش
سعيد(بلهمس لمو)عطيتك لبواطة تاع لخاتم
فخيتة-ويليي على لبهل بعينيك ماجي تسولني يانااا على لبواط د لخاتم معنديشيي عوم باااحراااك نتينا دعرف
سعيد-بفف(شاف ف عويشة)نسيت لخاتم
عيشة-منسيتيش سرواالك ويليي هدشي لي كان باقي فلحساااب هانتا خلصتيييه
الحاجة(هزات جلابتهااا تالفوق وهيا نقابلة معاااهم بسروال قنضريسي مورد دخلات ايدهااا فجيب تاتحنات كلها وهيا كتشوف فلحيط تقول كتحفر على لبيترووول )هاهوااا(جبدات خاتم تاع النقراا نسائي)كان شراه ليا جدك الله ارحموو ملي حجينا بجوج
سعيد(شد من عندا الخاتم وركبو لعيشة جا قدهاا وايديها مطيبزاات جا لاصق )جا ليك مع ايدياتك بحال الا كان كيتسنااك(شاف فيها وضحك )
عويشة(حنات راسها على لخاتم كضحك )شكراا
غزلان-يالله قربوو شوياا باش نصوركم عن قرب هههه (صوراتهم وفيلمااات حتى عيااات وكلساات جنب كمال كتوريه فتصاور وكضحك
ديمنة(مقابلة معاهم وهزات حاجبهاا كتشوفيها كي لاصقة فيه وحتى هوا كيضحك معاها ولايح ايدو من وراض هرها فوق لمخااد كيبان بحال الى مضور عليها ايدوو هز راسو وشاف فيهاا ورجع كيضحك
عطوش(هزات فمهاا وزادت)دعوتك تخرج فييك نتي لي مسخوطة اش ندير لييك
سعيد(هز موو)نوضي نوضي نديك لدااار
فخيتة-اه اه غزلااان جيبي ليااا شاكوشيي أي أي حوااايجي كي ولاو عامليين
هز سعيد موو لي غير كتهتر حطها فالطموبيل ورجع عندهم وقال-غير سمحولينا على هد روينة وصافيي
الحاج-مكاين تمشكييل ولفنا ههه دير لواليدة ترتااح
سعيد(شاف ف عويشة وقرب ليهاا )حبيبة مديريش فبالك نهدرو من بعد تصبحي على خير
عويشة(ابتاسمات ليه ومشاا )
كمال-تحنا غنخليوكم هادا هوا لوقت ديمنة
ديمنة-باقي لحال
كمال-قداميي
ديمنة-تت بنادم
تسالمو معاهمم ومجد كيطل من لفووق هوا ولهامستر ديالوو وكيحك ليه فشعروو حتى كل واحد شد طريقوو لداروو وخوات الدنياا نوضاتها عويشة مع مهاا وسعيد منوضها مع موو فاللوطوو كل واحد غارق فبحروو
اما كمال وصل لدار وكل واحد طلع لبيتوو ينعس دخلات ديمنة وراهاا كمال سد لباب وكلس فوق لفوطوي وقال-كيفاش هد سنان
ديمنة-بعد لهيه مباقيش تمسنيي واش مكتعيااش كل نهاار
كمال-نتي حلوة اش غندير ليك
دخل هوا لدوش وهيا ناضت كتقلب على لفنيد ديالها حتى سمعات تيليفونها كيصونيي مشات طلات لقات نمرة مكتعرفهاااش
ديمنة(جاوبات)الوو
'''''هههه لمشيشة بسبع رواااح مزال فلحيااة
ديمنا:شكون معايا؟؟
...:قباض روحك لي فلتي منو
ديمنا:بلا تبرهيش شكون معايا
...:انا صاحب دعوة راجلك..عاقلا على لي عطاك ضربا فالجنب تموتي ومتنشايهاش
ديمنا من صوتو وتلميحاتو قدرات تميزو وقالت كترعد:شش..شكون
...:غتبداي تزككي علي المهم علاش عيطت ليك..بغيت نقوليك جوج كلمات راجلك عرف شكون ضربك ومشدوش
ديمنا خرجات عينيها وقالت:شنو..كيفاش
..:هاكاك..هدى صحيبة راجلك
ديمتا:كيفااش؟؟
...:كيف المشماش..راجلك عارف شكون ضربك وطمر عليه حيت خاف على حبيبة القلب لتدخل الحبس
ديمنا:هاد الهضرة كولها مغيجيش مسخ تاع الخلا اضحك علي بها
ضحك بسخافا وقال:صراحة تتباني قافزة ومتدارش بيك ولكن الكوميسير دارها بيك..ضرباتك صحيبتو لولة ومع مسكين قلبو حنين مقدرش انساعا ولا يدخلها للحبس وقال اللهم نستر عليها اححح لحب صعيب ابب ههههه
قكعات عليه فوجهو ووجها حمر ممتيقاش هضرتو وواحد الراس تيقوليها تيقي حيت مباقيش جبد القضية ولا حتا لمح عليها وتاهي بليدة مسولاتوش..ناضت من بلاصتها لاحت عليها بينوار ساتان خفيف على لحم وكتشوف قدامها وتفكر..تاخرج من الحمام لاوي عليه فوطة على تحتو وكيقطر ضحك وقال:دندون ديالي
كمشات عينيها وقالت:كمال نسولك
كمال قرب عندها كيمسح فشعرو:نعام أعمري
ديمنا:فين وصلات قضية لي ضربتي بموس
تلغات ضحكتو وملامحو ولاو جديين وقال:ونتي مالكي؟؟(مشا لماريو تيقلب على ميلبس)داكشي خدمتي مدخليش فيه
ديمنا:(رفعات صوتها)مناعساش وتانتا مغتنعسش تا تقول ليا واش هادشي بصح؟؟
خزر فيها بغضب وقال:هبطي صوتك ولا نقكع ليك لسانك راه نااس ناعسة
نفاعلات وقالت:ناس ولا لخراا هضؤ قوليا واش تسترتي عليها؟؟عااا تسترتي على لي ضرباات مراتك(غوتات ليه وسط وجهو)تسترتي على ق*** ديال لخلا باغا تقتل مرااتك
تعصب عليها وشدها من ذراعها تيدي فيها ويجيب:غتسدي فمك وتنقصي من صوتك ولا بربي المعبود تانوريك وجه الكوميسير كي داير..تجمعي شوي وتي ضسرتي شفتيني ساكت ليك ونتي تزغمي
تننترات منو وبدات كتهلل عليه:هادو هوما فعايلك أسي كمال هااا هادو هوما فهايلك معطي على وحدا بغات تقتل مرااتك(بسخرية والفقصة طالعا معاها)ولا توحشتي ايام زماان معاها هاا معمرتش ليك العين بحالها ياااك هي كانت دايرا ليك كي مومو كغا
كان لبس شورط عليه معصب مباغيش اجاوبها ولكن ستافزاتو جرها بجهد لناموسية ولاحها عليها وقال:سدي فمك لطاسلت مك مسينا عالله نعسي قبل مندير فيك شرع يدي
وقفات بجهد كتنتر بغات تموت بالفقصة:الله ينعل بوها عيشة معاك الحيوااان تعديتي علي منهار عرفتك(تتغوت)وانا من نشكلة لمشكلة مشيت تالموت برجليا ونتا مقادر دير والو فين مشات ديك الرجولة لي كتفرعن علي بيها ولا حيت حادك فيا هي بوحدي هي لا كانت دايرا بيك مابغااا..
باقي مكملاتها نزل عليها بلور تيديه لي فيها الخاتم تا تصور ليها فحنكها وشدها من شعرها بقسوة وقال مغزز على سنانو:باقي لحمارة تمك تعاودي هاد الهضرة قسما بالله تانعاود لمك ترابي الى باك مرباكش انا نربي دينمك
عاود هز يدو وعطاها ليها لوجه وزادت غوتات تاناضو مالين دار كاملين ومشاو كيتجاراو لعندهم حلو عليهم لباب لقاو كمال شادها من شعىها وتبغوت عليها وهي تدفع فيه وتغوت وتسب فيه..مشا الحاج كيجري عندو كيجرها من يدو :طلق لولدي طلق من مرااتك طلق
كمال مكشكش مبقا كيبان ليه والو قدامو:خليني نربي دينمها هي جيب يافم وقول مبقات كااع تتحشم
ديمنا:(بالغوات)سير تاتربي رااسك الحيواان الحكااار معندكش النفس
جىها الحاج عندو ورحمة شدات ولدها عندها لي باغي يطير عليها..قشع الحاج حنكها وتلفت عندو تيغوت عليه:اش هاد الحالة؟؟هادب هي الرجلة لي تربيتي عليها تضرب بناات الناس المسخووك تبغي لي يضرب ليك ختك
ديمنا بدات كتبكي وتغوت:وكلت عليك الله الحيوااان شتي أعمي هذا اهئ اهئ ماكونيسير ماوالو مخلي لي ضرب مراتو بموس كيضور وساتر عليه ولا عليها(نفاجرات بالبكا)ملي باقي بااغيها لاش مجوج بياا لاااش
ؤحمة:ويلي شيطان شهاد الهضرة تنسمع
الحاج:اشهادشي تتقولي؟؟
ديمنا:مكنكدبش أعمي اهئ اهئ ى ولدك ستر على هدى لي بغات تقتلني اهئ ىهئ
كمال تعصب:غتسدي فمك ولا نهرسو لجد مك
الحاج غوت عليه:ايواااا جمع رااسك اش تيحسابك هااا؟؟راه واقفين هنا
ديمنة-(شدا على فمهاا وكتبكييي وشعرها مخبل وجها حمر بطرشااات هزو مغيب من فووقهااا وتبعاتو رحمة كتبكيي هزات جلابتهاا وتبعاتوو كتجريي وديمنة وراهم دموعها كيتجرااو كلساات فدروج كتبكيي وقلبهاا كيزيد يحرقهااا تكات على لحيط وجها بيين ايديهااا كتحسس الدقاات فوجهاا وكترجع تبكي من جديييد ناضت بتتقال دخلات لبييت مشات نيشان لدووش لاحت لبينواار ودخلات تحت لماا لكي تطلق لعنان لي دموعهاا ولخدلاان لمشااعر الخدلااانر
جرحت كرامتى
و حطمت كبريائى
و اشعلت بداخلى
نارا لن تنطفىء
و ما قتلنى حقا ؟؟؟
انك انت من قتلت قلبى
و طعتنه بيديك
و عيناك فى عينى
و مازالت دماء قلبى
تلــوث يديـــــــك
و انت لا تراها
معرفاتش شحال داز تاع لوقت وهيااا على ديك لحاال تحسااات بقوااها خارت تحت الماا تشبتات بلحيط وغمضات عينيهاا كمال(كيمشي ويجي فلكولوار تاع لكلينيك ورحمة كالسة كتمشي تجي ودعي معاه تخرج طبيب من عندوو ومشا عندو كمال) دكتوور اش عندوو
دك-الاب ديالك قلبوو عياان واي توتر مفرط كيسبب ليه الاختنااق لمهيم دابا درنا ليه الاوكسجيين باش ينتاضم التنفس ديالوو وكدالك تخطيط لقلب انشاء الله يكون مزياان(عطاه ورقة)هد دوا خاصو يبدا ياخدو بانتضااام ويبعد ما امكن على لي تعصبوو الله اجيب الشيفاا (مشاا خلى كمال واقف شاد لورقةة مشا كلس حدا مهوو وشاد جبهتوو
رحمة-الله ياربيي وفين كان مخبي هدشيييي
كمال(حط ايدوو على ركبتهاا )غيكون بخيير صافي
رحمة(كتبكي وتهدر)يااا ولدي واش درتيي خرجات علييك ومزاال تابعهااا غاقوليا واش متهنا تاتقتل باااك ديك بنت النااس لي ضربتيي وكالس تعاير وتسب فيهااا غاقوليااا واش تبغي لي ديرها لبنتك ولا مك (كتنفي براسهاا)نتا ماشي لي ربييت وسهرت عليييه
كمال-راه عصبااتني امي واش لخاطريي مبغاش دير عقلها كلمة جوج تبدا تغوت
رحمة(شافت فييه )ونتا اش درتيي سترتي على لي ضرباتهاا ياااك اش قلت لييك قبل متزوج بديمنة اااه كلت الى سمعت حسها فحيااتك ماني مك منتا ولديي مرتك دازت من لمووت ونتا عارف شكون ولزمتي سكااات الى سمح ليك بااااك متعاودها لحد
كمال(مجاوبش بااقي تكا راسو على لحيط وغمض عينيه طاحت فبالود يمنة وشااف فايدو لي فيها لخاااتم حيدو من صبعوو وكيدور فييه
اصبح صبح ليس كباقي الاياام شمسه لم تبزغ في الافق ولم تتسلل نسمااات لفجر لباردة ولم تتشارك انفس قبلااتها على نفس الفرااش لم تلاامس شفتاااي يدااك ولن اقبل جبيينك بعد ليوووم
كان لبييت خاوي كيف بقا لبااارح فراشهم لي بقا كيف خلااوه شااهد على انسجاام اجساادهم من بعدها شهد على صفعااات متتالية الرييح كيضرب فالريدواات لكحلييين زاد عتمت البييت عتمة خااصة نعسااات ديمنة فالصاالون لتحت او نقولوو غفاات ملي طلع لفجر لابسة سروال كري وفوقو تيشوورت بيض مقطن وتقاشر قصار فلبيض شعرهاا مبووكليي مزلع حلات عينيهاا ملي سمعات لحس فدرووج نازلة سهيلة كتعيط على مها حتى نتابهاات لديمنة كالسة كتمسح فوجهاا
مجد(جا لوسط وكيمسح ليها على ضهرهااا)سير اخلييييل سير
دور خليل اللوطوو وضار فتجاه الداار كلهم ساكتيين الى صوت شهقاتها لمقطعيين
كيف لي قلبيي بعد حبك ان يمقتك كيف لي جسدي ان ينساا لمسااااتك ياخساارة الايااام وبكراامتي لن تطئ يدك يدي بعد الان فلحب لا يكفيي بل الاهتمااام(لبنى السراابي)
وقف قدام دار نزل مجد هوا اللول حل ليها لباب وشدات فايدوو وتكاها على صدروو وغادي بيها لداار حل ليه خليل لباب ودخلهااا شبه مصدوومة كل كلمة تقالت كتزييد تغرقها فدمووعها كتر كيفااش جرحهااا كيفااش تماطا بايدو عليهاا ولا كيفاااش قدر يهينهااا
ديمنة-دازت فيهم وطلعااات دخلات لبيتهااا وسداتوو ونزلات معااه كيف دموعهااا
بعد ساعة
حسن(مخلووع)بنتيي غير حليي الله ارضي عليييك (شاف فخليل)شوف سوارت لي فلمجر سربيي(كيدق بجهد)ديمناااااا ديمنااااا
حفيضة(شادة فقلبهااا)الله على بنتيييي الله اعطيه لهررس موصيبة وتجي خبااارووو اويلييي بنت وحدة لي عنديي خلاها عصاا يااربييي ديمنااااا حلييي ابنتييي حلييي حلييي اكبييدتي
حسن-الله ارضي علييك لا كتسمعينييي حلييي
حسها مقطووع تقول مكايناااش فلبيييت جا خليل كيجريي كيحل فلباااب بالسااروت حلوو وبان ليه لبيت خاويي مشا حسن كيجري لدوش لقاها كالسة فالارض ولايحة راسها على لحييط منضر عينيها وحنكهااا عمرو توقعووو تحنا عليهااا وشد ليها وجهااا بين ايدوو وجابها لصدرو
حسن-صافي ابنتييي انا معاااك
كمال لي من بعد مامشااات ديمنة طلع لبيتوو وسدو مورااه وتكا عليه طلع تنهيدة ومشا لسرير يالله كلس بان ليه خاتمهاا هزو فايدوو دورو وحطوو قدام تصويرتهم بجوج هزها هيا الاخيرة وقلبها على وجهها ومسح وجهوو بغصة قهراتو فقلبوو
الغرام المجنون الجزء 18
محتوى القصة
يتبع
التنقل بين الأجزاء