قصة الغرام المجنون

من تأليف لبنى السرابي
2018قصة كاملة

محتوى القصة

رواية الغرام المجنون

اي وحدة فينا كتحلم تكون قادة براسها وتهز راسها بوحدها تقراا تخدم دير دار طنوبيل تسكن بوحدها ااااه ياسلاام الراحة والسياحة تحد ميصدع ليك مخك مي بلحق ميكونش عندك بحال هد لوليد ديالي😏 هههه عندو قراي تزوجي تزيدي شي حاجة تلقاي راسك واخدة شي زيادة فلجسم ديالك 
انا واحد لبنت لي مكاينش مصطلح زواج فقاموسي حيت 
ديمنا:(تقاداات فلكلسة)بلاتي بلاتي قلتي زواااج ممم كملي نسمع 
حيت اصلااا لوليد لكيقرر اش بغا يدير فحياتي عادي جداا وحتا انااا واخدة راحتي فدار باا 😂😂
ديمنااا(واخدة راحتهاا فوق كرسي مقابل معا لببالكون متكية وحاطة حداها كاس تاع اتاي منعنع هازة رجليهاا وحاطاهم فلحيط وكتشوف فطبيعة وشجر لداير بيهاا بنت دات ملامح عربية لبشرة بيضااء ولعيون مائلة لقهوي مع شعر كيرلي او بمصطلح اخر مشعكة😂😂😂 طايتهاا عادية كأي بنت شويا من كل حااجة العمر 20 عام ولكن خف من رزقهاا 
وكيف لعادة يفيقهاا من سهوتهااا باهاا سي حسن ومن لا يعررفه عسكري متقاعد مي عندو الالتزااام هوا الالتزاام دبانة مها متنفنف دخل كيجري فبلاصتو عليه كاسكيط وسورفيت فلكحل وسباط طالع 
حسن:ا(غوت حتا ديمنة طاحت وشافت فيه)اااه تحية
ديمنا:تشمن تحية على بوصبيح حلمتي بياا
حسن مشا ضربهاا بنص حتا جات مشبحة:مترضيش لهدرة على بااك جمعي لوقفة يالله 
ديمنا(ناضت كتحك فرجليهااا وحطات ايدها على راسهاا )تحية الواليد😏😏
حسن(ركلهاا)
ديمنا(تفافات)الشاف تحية الشاف(بين سنانها)شي مشفناه😒😒
حسن(باقي كيجري فبلاصطو) تبعيني تعطلي دقيقة عندك عقوبة تراكسيون 60 مرة 
ديمنا😰😰😰من نيتك الواليد 6 صباح هادي تواش متخلينا نشمو لهوى فخاطرناا صلينا لفجر تندمناا اووه 
حسن(جرهاا من كول لقبية غاديا وكتجبد ليه بين ايدو حتى نزلهاا لتحت وضرب فيهاا برد صباح وشميشة على الابواب هزات سبرديلتهااا وتبعاتو كتعكل )1 2 ..12 يالله زيدي هزي السوفل تنفسي مزياان 
ديمنا:اوف اوف مزيان هكا الواليد اا الشاف الشاف 😒😒😒
حسن(كيجريو وسط شجر وصوت طيور مسمووع يالله بدا كيفيق وضو باين ولبرد كيضرب فيهم ) شفتي نتي خاصك طلعي حارة ريح ميهزك نتي راه بنت حسن زروااال ومن با يعرفه اااه سولي جدك كيف كنت كان لكموندو يخااف ملي يشوفني نخرج لعينين
ديمناا:كي موكا ياااك خخ قلتيها حفضنا الاسطوانة الساط بدل شويااا وعييت الواليد(تكات على ركابيها كتسوط ختى جرها من سالفهااا ومشاها قداامو)
حسن:(وقف كيلهت وكيشوف ف ديمناا وجها ولا حمر وكتطلع السوفل مجهد)طيحي لارض يالله 
ديمنا:علاش الواليد والله تبزااف اوه
حسن(ركلها حتى تنات ورجعات تحناات على ايدها ورجليهاا كدير تراكسيون)هانا الواليد هكاا اتنقوليك غير لخاطر ندير كلشي والله اغير نقشب معاك اوصافي
حسن(كيضور عليهاا وايديه موراه)يالله 1 ..2 ..3..4...5 قادي رجليك بلا غشااان.... تعرفي هي تخرجي لعينين يالله هزي السووفل مزيااان 
بقات حتى وصلات 40 وطاحت فالارض مقابلة مع سباطو وهزات ايدها جمعاتها وخلات 2 صبعان✌✌ ديمنا لشعب والشعب لواليد ولواليد خارج فعودي فاك لعلااام فاك انااا وفااااك العبااد😭😭😭
حسن:اتجمعي ونتي مكسلة كيلحووت يالله جرية وحدة تالدار
وصلو لدار وشميشة بدات كتباان وكضوي 
حسن : نتي مبقات فيك فايدة غنزوجك مفيهااش
ديمنة:الى تزوجت ليك الواليد دير ليا سياالة هنااا شوف هناا(وحاطة ايدها تحت فمهاا
حسن(جمعهاا معاهاا بصلية ورا عنقها حتاا شداتو وبدات كتغبن) هاي هاي لعوراجة مبقيتي تحشمي الطولة وعقل لعصافير
ديمنة:تسير طولة بغاوها بالتمن وعقلي مخبياه لدوار زمان الساط 
حسن:حفيضة وااا حفيضة تي فين لفطوور
حفيضة(دخلات هازة صينية حطاتها قدامو فكليسة بلدية فجريدة تاع دار مخااد وطبيلة هابطة كلسات ديمنة متكية على ضهر باها وكتحط فسبرديلتهاا) سمعتكم صبااح نوضتووها مغتسلييوش
ديمنة:زهري عوج شي يمشي لخاريج شي يخرج عليه باه 
حسن:اهاد لعوجة بدا فمها ياكلهااا زيدي تفطري الله امسخك
كلسات تفطر
ديمنة زروالي 20 سنة تاني عام ليها فلافااك بنت فرفارة ومكتحشمش لسانها باري منهااا مي وقت لجد تبرك معاك راجل يتيمة الام عندها خوهاا خليل توام تاعهاا مي كمل قرايتو فلخاريج وهيا حصلاات عند باها حيت هيا عينيه وصديق ولونيس تاعو حالف بحلوفو حتا يزوجهاا لعسكري بحالو حيت عندو بلي هوما الرجولة ولفحوولة وبنتو خاصها لحكاام وحفيضة هيا خالتهاا وزوجة الاب ديالها ملي توفاات الام ديالها خلات عند ديمنة وخليل خمس سنواات وتكفلات بيهم خالتهم لي حاسبينها الام التانية رغم ان ديمنة مكتقدرش تنطق ماما الى لأمها لأصلية ...فطرو فجو ضحك ولعب ناضت طلعات دوشاات لبسات حوايجهاا وخرجات كتسلت من لباب اللوراني من لكوزينة باش ميشوفهاش باهاا خرجات كتجري حتى بعداات قلبات صاكهاا جبدات مسكارة وعكر وبدات كتهز فشفايفهاا مقابلة مع زاج طموبيل طلقات شعرهاا لي واصل تحت كتافهاا وبوكلي وبدات كتمشا بنخوة وهازة راسها لفووق وعاجبهاا راسهاا شافت لكليكة تاعهاا شيرات بإيدها جات كالسا على قزيبتهاا 
ديمنة:اي اححح لعمااا بسم الله علياا عوينتك احفيضة هادي الله الله على سباطي 
مجد:غازرافة وتعلات 😂😂😂😂
جليلة: اشاوا بيتي شي سبااط ونتي كيسلوم جياار 
ديمنة :جداااكم سيفحاالك ارى يديك 
مجد:نعطيك ايدي ولا نمشي فحالي
ديمنة (ناضت كتعكل هزات سباطهااا مسحااتو ورجعات لبسااتوو وكتشوف فيهم ) قولو مشاء الله تبارك الله احح 
جليلة:شي نهار تخرجي علينااا اش هد اللبس ليوومااا تاني
مجد:باليها شي فيكتيم مفيهااش بنت خالي ونعرفهاا
ديمنة:راني مكخلة سواايع خليوني نرطب شويااا الى مشا حتا ساق ليا هتلر لخبااار يزوجني ليوومااا وهوا خاصو غي سبة 
مجد:فلعشية عندناا اجتمااع مهييييم مع الطلبة عنداك تفانتييه
ديمنة :متخاافش حنا خاصنا نتحااورو وهاد الاستاااد عينيه فالتات خاصنا قاعة باش ميشكووش فينااا بلي كنديرو صدااع خاصنا نهدرو على حقوقنااا زيدو قدامي سبقوني نتووما انا جاية 
دخلو لقاعة تاعهم وبقات ديمنة معطلة حتى كلشي دخل بدات كتقاد فحوايجهاا وتقابلات مع باب لقاعة كتشير بإيدها شافها لبروف وكمش عيني طلع عندها كيتيستي فيهاا 
لبروف:اش كايين تي بغيتك غير تجي فلوقت 
ديمنة:رجلية حفاو بطريق ومعنديش طموبيل ومريضة وسخفااانة وصهد 
لبروف:صهد
ديمنة:مم صهد اوفف صهد بزاااف مجاكش صهد
لبروف:لاا 
ديمنة:عرفتي سعداات مرااتك بييك دوك لعويناات يرويو لعطشااان اخخ منك 
لبروف:نتي لي شفتيهم اما هيا سخااات بيهم خلاتني😢
ديمنة:كلبة اا متستااهلكش معرفاتش لييك كيتعطا لفول غير ليمعندو دراس 
لبروف:اش بغيتي 
ديمنة:من لخر عطيني لقاعة نص ساعة بربي منفوتهاا والله تنعرض عليك احسن قعوة جات فبالك (جرات ايدو وخبطات عليها)كلمات رجال 
لبروف:مم دخلي بعداا 
ديمنة:اه علاش لاا مرحبا ندخل ...زيد قدامي بعدا
لبروف: واخة زيدي 
مشات موراه حتى وصلات حدا صحبهاا وكلساات
ديمنة:ضبرت على لقاعة خاصناا داباا نقادو الامور قبل ميشوفنا داك صليعة 
مجد وجليلة:مشاات خخ
لبروف:ااا الشرفة هنيونا تاني
ديمنة:معاك الشاف

دازت الحصة بسلام خرجات ديمناا مدابزة مع سباطهاا حتى لبراا وحطاتو
ديمنا:احح اربي رجلي اش داني لشي قرع نمشط ليه صلعتو
جليلة: خليني من طالون اش غنديروو 
مجد:لمهيم لبروف عطانا القعة وفق هدشي شارينو
ديمناا: شارينوو وراه غنخلص قهوة من جيبي ومضطرة نسمع لزابور تاعو ساعة اووف 
مجد:لمهيم حناا غنديرو الاجتماع تاعنا مي من بعد الامتحان عاد نتحركوو 
جليلة:مال مك مخربق راه غندخلو فشهر لخامس والمنحة باقي مكاين اتر
ديمنا:عندو الصح الى شمو ريحت الصداع مبقا لاا متحان لا محزنون ...شحال دابا فالسااعة
مجد(شاف فساعتو)11 دابااا يالله تكركبي مع هد الطالون صعيب لحال 
ديمناا:خليتكم على خير 
ناضت ديمناا كتعكل بسباطهاا خرجات من لكلية وشدات طريق لدارهم لمبعيداش بزاف من لافااك
..زين شوفي غي هنااا مالكي معفرة 
ديمنا:ويلي على ولد لحراام...سير تخبا حدا مك قبل منقلب عليك 96
....الناس كيضرافو ونتي زايدة توعاري السلامة يا مولانا اخخ طويلت لعجلات بلا بيدلات 
ديمنا(تبعاتو شداتو فلقنت كضرب فيه بصاكهاا وسباط لاحتوو) هاك لمك هالبيدلات كنس الناقص الله اقطعكم 
...وااع اعباد الله وغتقتلني 
حسن:اهداي ويلي ويلي على شوهتي على خر ايامي (جرهاا من شعرهاا بعدها عليه حتى ناض لولد هرب 
ديمنا:لا سميتك راجل رجع يالحترووف بربي دوز من حداياا نخطط لخوياا وجهو
حسن:كملتي 
ديمنا:كملت الواليد...الواليد😱😱(كتسرط فريقها وكتقاد فحوايجها)اش جابك اا بيت نقول 😅😅😅 نسيت 
حسن(ايديه وراه مكمش عينيه فيهاا كيطلع فيها ويهبط ) دار
ديمنا:مم 
حسن(بلغوات )الداااار ياوجه لويل 
جرية وحدة حفياانة لدار هز سباطهاا وعينييه كيضورو فالزنقة ولهيبة بحال الا تحاجة مكايمة دار سباط فإيه ورا ضهرو وتبعها وكل خطوة كيدير فيه جاات 
ديمنا:حفيضة لميمة عتقي هتلر غيقتلني
حفيضة:دكرنا سمينة وعسيلة غير كتقولي هكاا جاي لعجاج مورااك 
ديمناا:احمبااك متخليهش يزوجني
حسن:يتزوجك جن يابنت لهم ادوي وليتي عزري الدواار
مشات طلعات فوق السدادر وكضور ليه على الطبلة) راه هوا لي جبدني
حسن :نتي حنش ياللفعة ....اجي هنااا قدامي 
ديمناا(نزلات كتقرب عندو وحفيضة وراها كتندب عليهاا واقف مسمر وسط الصالون 
ديمنا:ضرب وقيس الواليد راني طويلة غي على لخوا تصدق مفلعصني ضاعت الامومة وداكشي 😅😅 وتاضحك اصاحبي تمالك(خبطات ليه على كتافو وهوا متحركش لاقي حجبانو ) 😒😒😒😒
حسن(هز ايدو عطاها لعنق مع ضحكة )عرفتي كيدرتي ليه 😂😂😂😂 تسطيت بالضحك
ديمنا(شادة عنقهاا)هي هي هي (من بين سنانها)الله الواليد اش دوك لخبطات) سلختو مزياان راك والد رجاال
حفيضة(حاضة صبعها فوق حنكها وكتحرك فراسها)الله يستر يالعالي 
حسن:(جمع الضحكة)احم بيتك تصرف بحال هدا عمرك تعتبي بيتك نلقاك لابسا سباط تاني نخلي عشتك وداك باب لكوزينة ليوما يتطرق على خر ايامي بنت سي حسن ومن لا يعرفه تلبس لياا لمقزب وتدابز فالزنقة يالله تكركبي 
ديمنا:هاهياا غادياا 😒😒😒 بلا دفيع

طلعات لبيتهاا كتراجع دروسها وكتوجد لخطاب وكضحك غير مع راسهاا وصلها ميساج من مجد ناضت كتشطح بلا شطيح لاحت كلشي من ايدها وكتعوج 
ديمنة:بارتي بارتي لحفلة وياااه (وقفاات )ناري سد لباب منين غنخرج داباا (شافت الساعة كانت 10 تاع الليل كان باباها فبيتو وضو شااعل مشات دوشاات وخرجات كتسلت دخلات لبيتها كتجبد فلحوايج هادي زوينة هادي خايبة جبدات كسوة قصيرة فلكحل مبينة طايتها وشعرهاا لكحل نشفااتو ودارت مكيااج تقيل طلات لقات ضو طفاا تنهدات هزات سباطها ونزلات مع دروج بشوياا حلات لباب تاع برا بشوياا وقلبها كيضرب سدات لباب تاع الجردة وطلات كلشي ناعس بدات كتسلت مورا الدار وصلات لوطو 
مجد:تعطلتي
ديمنة:مال طاسيلتك مكلخ حمد الله جيت طلع طلع قبل ميفيق الشاف
جليلة :ههه ناري بغيتو كون شافك 
ديمنة:احخح لحفلة لحفلة اتز بارتي 
طلعات كتغني فاللوطو ومجد سايك وصلو قدام كليب غيطرطق بنادم قدات مكياجها ونزلاات ولبرد كيطير ليها شعرهاا لي شافهاا كترسل ليه بوسة فلهوى وتشير بايدها
مجد(دفعها)جمعي فمك ازمر نسيتي راسك 
ديمنة:ويلي جمهوري 😉
جليلة:خخخ ناري تيتيز مجهد هاد لمرة مكتعرفوني منعرفكم خليييوني نضبر 
كلسو لمكاان ضاخب بصوت لموسيقة مخلطين بناات وشباب المشروبات ودخان كيعطي داز من حداهاا سربااي هزات منو كاس وغمزاتو 
ديمنة:حسبو لياا (داقت منو)اعع حار 
مجد(كيشوف فبنت قدامو) شوفو شكون لهيه 
ديمنة:خخخ ريم 
جليلة:سمحوليا انا جاية
مجد:حتى انااا 
دخلات ديمنة كتشطح مع صحابها ناشطين ولكاس فإيدها شبعات شطيح نسات كلشي 
..اووف اسعيد فين جايبني هناا 
سعيد:مالك اكمااال ليوما راحة جبتك النشطو شويااا اش خاسر
كمال:شي بلاصة بعقلهاا ماشي بلاصت لبراهش 
سعيد(عيط على السربااي وتقابلو مع حانة الرقص شد مشروب ليه ) كمال اش تشرب 
كمال:غير لي بغيتي اصاحبي
سعيد:واو ياخويا شوف التيتيز بسس هادشي راه غير صحاب لكلية لحداناا 
كمال: بانو ليا غير لبرهوشاات التيتيز راه جابد عليها بنعااس 
سعيد :خليك هنا اودي نمشي نضبر على راسي 
ناض من حداه جبد كارو ومقابل معا لي كيرقصو مشا سعيد دخل لوسط فين كانت ديمنة محيحة بشطيح ولغوات على جهد بدا كيشطح معاهاا وهمس ليها فودنهاا
سعيد:ممكن نتعرفو
ديمنة:شنووو مسمعتكش 
سعيد(جبدها من خصرها عندو) نتعارفو الغزالة 
ديمنة:سير تكمش اصاحبي شلاغمك كتر من تاع لوليد 
سعيد😂😂😂😂 اجي معايااا 
ديمنة دفعاتو وكتشطح اما هوا لصق عليها وكيشوف فيها وعاض سنانو عليهاا قرب ليها بغا يبوسها من عنقها ودفعااتو 
دديمنة:والباكور جمع شلاقمك
سعيد:انا جاااي 
مشا رجع عند كماال وجبد ورقة وكتب نمرتوو وكمال كيضحك علييه
كمال:تبت اصاحبي راك كبرتي على هدشي ونتا تابع بنت صايط ليها لبرد فمخهاا
سعيد:نعطيها النمرة وتشوف ههه 
مشا عندهاا حطها ليها فإيدهاا :غنتسناااك 😘
ديمنة مشا ولاحت النمرة اما هوما خرجوو كيضحكو

مجد دخل لوسط كيغوت على ديمناا باش تخرج من لوسط وهيا دايرة حالة بشطيح ولغوات: وباراكا المرض 3 تاع اليل هادي والنم 
ديمنة(دفعاتو) وخليني نشطح اصاحبي 
مجد:نتي تعرفي 
نسات راسها ولات كتجبد بداك شعر حتاا تشد ليهااا 
ديمناا:اي طلق امجد
...شطحي مزيااان شي مدرتيه 
ديمنة😰😰😰😰 ميمتي 
حسن :لوليييد هداا ابنتي 
ديمنة:هزات راسهاا فيه وهوا كيشطع وشاد شعرهاا )بابا لعار بلا فرشة ميمتك الواليد
حسن:هاي هاي هدشي زين اااه (جرها عندو كيشم فيهاا )ريحت شراب ابنت لحرام تبارك الله 
مجد وجليلة ضربوها بجرية وسط لبار وتخبااو:مششات فيهاا صحيبتي امجد
مجد:😂😂 سكتي سكتي وااع تشوهات 
جرها من شعرها حفيانة وسط دراري لنضهم من كليتهاا ولاصقة فيه وموعتة خرجها وبدا كيعطيها بسباااط وجعر عليها بلمزياان 
ديمناا:بابا الله احفضك غير ناشطة مع صحابي عفااك 
حسن:صحابك وشراب لاااش اااه شربتو تا انا لسناني حفااو ليوما نفرج فمك هد لكون كلووز
ديمنة:الله يتوب عليك بلا شوهة يالله نمشيو لدار طحني نتااا واخة مي ماشي هناا 
جبدهاا كيركل فيهاا وهيا كتنقز حفيااانة وكتشد ليه فإيدوو ودراري مكرشخين بالضحك عليهاا
كمال وسعيد كانو بغاو يركبو فاللوطو حتى سمعو صداع فلبارك مشاو كيجريو لقاها نفس لبنت لكانت كتشطح 
كمال(جر حسن)اش واقع هناا اسيدي
حسن:ونتا مالك هادي بنتي وبغيت نربيهاا
سعيد:كاشي هنا الحااج مديرش ليها الشوهة الله اهديك
كمال: لبنت باقة برهوشة 
ديمناا:لبرهوشة😳😳😳دابا نوري اصل مك فعايل ببراهش😠😠بزااااف عليك الى انا برهوشة تتا راك الشارف بوخنونة..
كمال(ضار عندهاا وشاف فيها شوفة محشماتش بقات كتشوف فيه وكتعاندو) يالله اسعييد منهنااا هادو سرهم غير لعصاا جاب الله مجيتيش فطريقي 
ديمناا: ايييه اهيا..لاتجمعش..عايرني انا وبابا فوتو عليك ولا نحتي عليك بتاد الكرد لي هنا سير فحالك اش كتسالني بيني وبين باا مدخلش..بنادم فضولي بقات فالوقفا والتكديرة ونتا فعايلك ديال العيالات هاا قاليك برهوشة الله امسخك الشاارف 
حسن واقف وسطهم كيشوف فيه وفيهاا وملقا ميحبس فبنتو شوهااتو
كماال:واش نتي مامربياااش 
ديمناا:بزااف علييك انا راه مربيني حسن ومن لا يعرفه ياك الواليد (شافت فباها ورجعات شافت فيه)سي حسن الزوالي القد والقامة والجد والهامة وتجي نتا احلوف الغيس تقول عليا ممرباش
سعيد😂😂😂😂😂😂 لاا هدشي بزااف زيد اصاحبي راها باقة سنان لحليب
ديمنا:سير تكمش اسنان لحمار😂😂😂 شحال حامضين بجوج
كمال:نزيد دقيقة نديها فين تربا😠😠
حسن:اسيدي سير فحالك بيني وبين بنتي(نزل عليها لبين الكتاف تا غوتات)
ديمنا:اااااااه وا حسن وا بشوي😠😠سير نتا لداركم ونتا بيتي تجمع

خزر فيها مشاو وهيا كتعاير فيهم وتهدد بإيدهاا حتى طلعو 
ديمنة:شفتي ابابا هادو خاصهم يترباااو اش دخلهم بيناتنا اصلاا كون مكنتيش كون (عضات على سنانها) نااري 
حسن:ساليتي 
ديمناا(شافت فباه) اه مشيناا ...نتفاهمو منهنا ضرب وقيس (جمعات ايدها وكتلعب معاه وكتهرو اما هوا جامد كيشوف فيها مغوبش) احم مشيناا

وصلات ديمنة وجامدة فبلاصتهاا وتهز فلكسوة وباها مغوبش وسايك مجا فين يبلاصي اللوطو حتا كانت وصلات لبيتها بجري وسادت لباب بساروت سمعات خطواتو جنب لباب
ديمنا:بابااا تصبح على خير 
حسن:لهلا يصبحك 
ديمناا:جوتيم دادي 😂😂 
حسن:جدام ابنتي 
دخل لبيتو وسدوو اماا ديمنة حطات لكسوة ودوشاات ونعسات دودة مفاقت الا بلمنبه حدا راسهااا حلت عينيهاا وتقلبات على ضهرهاا شافت السااعة لقات ل 11 شرعات عينيهاا وناضت كتعكل فخوايجها لي فلأرض لبسات عليهاا سروال كحل مع شوميز غوز جمعات شعرهاا كوت شوفاال ولبسات سبادري تاعهاا حلات لباب بشوياا طلات بوجهاا 
ديمنة:بست بست حويفضتي وخااالتي 
طلات عليهاا من لتحت 
ديمنة:مكاينش الشااف 
حفيضة:لااا غير نزلي ابنت لهم ملي معطاك علاش كتقلبي عندك زهر 
هبطات وباستهاا وخرجات عند مجد فضورة شافها وبدا كيضحك 
مجد: كان كيحسابليا غنجيب دانون لسبيطاار
ديمناا:بربيي ومتزيد تنسيفطك كومة وانا لي نجيب دانون وغنااكلو فبلاصتك😊 
ركبات مقندشة وزاد دازو على جليلة لمسلماتش منهاا ديمناا وصلو لافاك لقاو مجموعة تاع الطلاب مجموعين كيتسنااو فيهم ديمنة نزلات ومشات عندهم بعد السلام ولكلام لي على لفرشة ولحفلة دازو لمهيم 
ديمناا:شوفوو غندخلو داباا عند لبرووف ياسين هوا لغادي يعاوناا باش ميشكوش فيناا 
مجد:اوى هيا لا تفرقنا داباا ؤكي دراري تلاحوو 
ديمناا:مشاات العشراان 5 دقايق ازبط مكيااجي عيهي
جليلة:😂😂😂 مشا فيهاا لبروف ياسين 
ديمنا😡 تزلعي 
مشات لحمام جبدات روج حمر وكحلات عينيها لعسلياات ولات كتباان كيووت طلقات شعرهاا وخبلاتو غمزات راسها فلمراية 
ديمنة:حبيبتي اناا😍😍😍
مشات لممر ديالها ودخلات لقاعة فين كاين لبروف لي شافها وتلفت عندهاا 
ياسين:متنساايش لخير 
ديمنة:كون هاني 😉...احم كلكم تجمعتو ياك نتوما عارفين لمشاكيل لي ولات كتوقع فهاد لافاك وخاصنا نهدرو على حقوقنااا خاصنا نهدرو على لمنحة لبزااف لبناات ودراري كيحتاجوهاا وديما معطلة 
...ولكن راه عينا نهدرو فهاد لموضوع واش بان ليك شي تغيير
مجد:راه ماشي هدا لمشكيل لوحييد ...راه بزاف لمشاكيل مي حنا ركزنا على هداا حيت كنلقاو بناات كيعتامدو عليها باش يقراو 
ديمنة:انا فكرت علاش منديرووش واحد الاحتجاج قدام لفااك فيه الناخدو حقوقناا اش قلتو 
كلشي سكت كيشوفو فبعضيااتهمم وكيهدروو مجموعاات 
....كنضن هادي فكرة زوينة ونفس الوقت صعيبة
ديمناا:نلعبو على لحبلين ....لي مواقف يهز ايدو باش نعرف شكون معاياا هد لمشكيل كتعانيو منو قبل مني فعلاش غتبقاو ساكتيين 
مجد(هز ايدو ) اناا معااك
جليلة وحتاا اناا 
تولاات لإيدين ولكل نواافق باش غدا فنفس التوقيت يكون احتجاج قدام لكلية 
ديمنة:تسالا الاجتماع لحاضر يعلم لغايب غداا فنفس الوقت مبغيت حتى واحد ميجيش حيت غنعرف لي معاياا ولي ضدي 
كلشي خرج من لقاعة جا ياسين جنبهاا وكيهدر ويعض على سنانو: كتباني زوينة بصرامتك
ديمنا:نعااام!!! نسمي هدا تحرش بطالبة نزيدو فالمشاكيل حيد من طريقي عفااك 
ياسن:ياااك او لقهوة 
ديمنا(الله ياربي وحلة هادي ) ؤكي نتلقاو فلقهوة لي ورا لفااك مع 12 جنب لكومسرية عرفتيها 😉
ياسين(شد قلبو)علاش منمشيوش حدا لعدوول منها قهوة ونعقدة
ديمنا:على جنية قول اميين شفتك تحليتي الزين جمع شويااا بديتي طيح ويلي الشيطاان (عوجات فمها وخرجات )
ضربات 12 تفارقات مع صحابهاا ومشات لقهوة تكيبان ليهاا ياسين داخل وكلس حداها 
ياسن:اش تشربي 
ديمناا: لي جبتي غير سربي 
ياسين(عيط لسرباي جاب ليه لعصير ) اوى واش مناويااش 
ديمنا:علايااش 
ياسين:نجيك من اللخر ا ديمناا نتي كتعجبيني وناوي نكمل ديني واخة نتي فريفرة ومكتسكتيش عارف قلبك بيض وبنت النااس 
ديمناا:ياااااك وقوليااا كتصلي شي 
ياسين: الله يسمح ليناا باقي هد الساعة 
ديمنا:اوى الله يعطيك لمتعطا لجدي اودي اياسيين نتا واحد زايغ لعينين مي طيب 
ياسين:ياااك فوجهي اديمنااا 
ديمنا:مكتنبح اللور غير لكلاب حاشة وجهك ....شرب عصيرك ونوض 
ياسين:نتسنا تيحن قلبك ويرطااب من جيهتي 
ديمنا:😊😊😊 تنساك لمووت اياسين 
ياسن:خارجة من فمك عسل مقطر 
ديمنة:ناري ويلي ويلي 
ياسين:مالكي 
ديمنة:(تلعتماات وهيااا كتشوف ورااه) هاااح وووالو😍😍😍
شكون شافت هد لموصيبة😂😂😂😂

ياسين :وماالكي اش كااين 
ديمنة(هزات لعصير جغماتو دقة وحدة)احح زيدني واحد 
ياسن:واخة لي بغيتي 
ديمنة(نااري شحال بوكووص ياربيي على تغوبيشة احح اقلبي حيد نضاضرك الدحش خليني نشوف عوينااتك )هااح
ياسين(كينغز فإيدها) اسبحان الله فين مشيتي 
ديمنة(تقاداات وقدات شعرها لبوكلي على كتافهاا وكتشوف وراا ياسيين كان شااب كالس فالطاولة اللورانية وشاد قهوة داير كاسكيط ونضاضر كحليين تيشورت زرق مزير عليه باينين عضلات ايديه لكباار هز راسو وشافها كتشوف فيه حرك راسو بلا مينتابه ليهاا هز التيلي كيخربق فيه 
ديمنة(بربي تنشوف عينيك ناااري حمقني ويلي ويلي التيتيز فين مخبي هدشي ) 
ياسين:هزي كاسك باش نمشيو
ديمنة:ويلي فييين زعمة خليناا باقي مسخيتش بيك اياسين 
ياسين:داكشي لي بغيت 
ديمنة:تبغيك جنية تشدك شدت لعماا فالضلمة 
ياسن:نعاام 
ديمنة:للل لهداك زوين لعصيرر بنين (شافت موراه وباقي مهز عينيه حلات عينيهاا من الضحكة لي داار وهوا كيهدر فالتيلي بانو سنانو لبيضين مستفين وحفر الزين فحنكو من بين لحيتو لخفيفة ) 
هز راسو لقاها كتبتااسم بوحدهاا حيد نضاضروو وتلاقاات عينيهم بقاو شحال كيشوفو فبعضيااتهم 
ديمنة(ضرب ضو فراسها ملي تفكرااتو شكوون )ولد لحراام ضربني على شعاا ولد طيط (حدرات راسهاا وكملت كاسهاا وجنون ركبو فيهاا تفكرات ملي قاليها برهوشة جنب باها وطلعو كناوة كيشطحوو فراسهاا بداو افكارهاا كيخدموو لاحت الصااك لياسين ونزل راسو و يجبدوو فهاد لوقت هز راسو فيهاا جمعاات صبعهاا لوسطاني وحركات شفايفهاا ليه 
ديمنةfuck yoou 🖕🖕🖕🖕
كماال (حيد لكاسكيط مكمش فيها عينيه لاحض لحركة لي دارت بصباعهاا ولكلمة لي قالت ليه حط كاسكيطو ونااض بتقالة عندهاا
ديمنة(ناااري جااي ويلي اش درت ميمتي على طولة (لقد ولقامة ولعرض لهامة يا بابا) ياسين نوض نمشي شداتو من دراعو حتا وقفهم 
كمال:احم سمحيلياا امدموزيل كنعرفك 
ديمنة:نسولوك نتا لي جاي عندي 
ياسين:كاين شي مشكيل اسيدي 
كماال: شايط عليك داك الصبع نتي ولا شنوو 😡
ديمنة(طلقات من ياسين ودفعاتو بالصاك) شد شد ....اش كاين الساااط يكماا يحساب لييك خلعتيني بديك الطولة راه قالو لشفتي طويل هارب عرف لقصير تابعو 
كمال:حامضة ...بنتي لياا خاص لي ربيييك نتي 
ديمنة:ربي ختك متجيش تلعبهاا عليااا انااا برهووش زيد اياسين
كمال(موجه كلامو لياسين) باز ليك مع هد قليلة الترابي 
ياسين:احتارم راسك اسيدي اش هد لهدرة نتا هاجم وباقي كتهدر اش هد الاسلوب تهدر بيه مع خطيبتيي
ديمنة:خطيبتك امتتاا جبتي السكر وجيتي ويلي حي سكت وخليني نتفااهم مع هد خينة طلق داك الصاك)...(عطاتو بصاكها لصدرو بلا ميتحرك جمعاتو عندهاا وحطات ايدها حدا عينو)شوووف نتااا غتمشي فحالك ولا ندير ليك الشوهة بلعلالي هاات راه لكوميسرية غير جنبك 
كمال(كيشوف فيها كتطرطاا وتهز على صباع رجليها كتهدد فيه بإيدهاا ) مالكي كترطاي غير وحدك شكون هدرك برهوشة لخراا 
ديمنة:برهوشة هياا ختكك وجارتكم وطاسيلتك اما انا بزااف عليك القرد كحز فحالك
كمال(شدها من ايدهاا) الى مربااتكش مك غنعاااود نربييك غير جيتيني فالروبو ديالي اما نجبدها معاك تيبانليك عزرائيل كيقلي فلحوت
)نزلات عليه ب الصااك خبطااتو فإيدو:عقل على هد لكلمة لي قلتي غنقلب عليك دار دار وغندمك عليهاا غنوري ليك ديمناا بنت السي حسن لعسكري لمتقااااعد اش كتسوا اتفوو عليك خرجاات من لقهوة والناس كتشوف فيهاا شدات طاكسي نيشان لدارهم
كمال:مال هادي واش بسايكوو شوياا ديها تعاالج 
ياسين:خخخ عندك لخق بسايكو

حطاتهاا الطاكسي جنب دارهم زطمات فلباب وطلعات لبيتها شاعلة كتمشي وتجي 
ديمنا:انااا برهوشة يالحماار طويل لعجلاات بربي لمعبود حتاا نجيبك (طلعات فوق فراشهاا كتغيدد هزات التيلي والتاصلات بلجماعة تاعهاا)مجد غتجيب جليلة وغتجي عندي داباا دااباا
مخلاتوش يكمل قطعات عليه وشدات فلمخدة كضرب فيهاا دخلات حفيضة لقات شعرها شاد الريزو ولمخدة نتفاتها
حفيضة:ويلي استغفرت الله لعضيم تي واش خاصك شي والي اتي مالك
ديمنة(كلسات كتنفخ على شعرهاا وجامعة غوباشتهاا ) 
حفيضة(كلسات جنبها وجمعات ليها شعرهاا وخايفة على عضامها) احم واش مدابزة مع شي واحد
ديمنة:قريب قريب 
حفيضة(ربعات حداهاا وعلاش لا وهيا عارفة فعايلهاا ) اه قولي قولي شكون هد صكع لياام 
ديمنة:تصلت علياا كي النمس بلحرامي لاخور طويل كي سلوم جياارة وشواربوو يشطبو دريبتناا ولي موراناا انااا برهوشة اويلي ميمتي شوهني مع بااا ومع داك عنيبة تاع ياسين اناا ديمنة لي كيضرب بيها لمتل نولي قال ومقالة فلافاااك 
حفيضة(بغات ضحك وحافت كتشوف فيها كترطا فوق لفرااش هيا عارفاها مكترضااش وفوق هدشي متخليش ضقتهاا تفديها تفديهاا) اوى وعرفتي شكوون هد تعس لياام 
ديمنة:بقا فيك😡😡
حفيضة:انا ويلي بغيت ليه جوع ولبووع ولكنس لمقمووع اخسر ليااا خاطر كبيدتي حبيبتي ويلي ...شي زين بعداا 
ديمنة(تكالمات وربعات رجليها) الزين زييين ...والزين حبوو مولانة يخويلتي (خبطت جنبها) مي والله بحلوفي لبقات فطواسلو بلحيماري لاخور 
حفيضة:ونوض نحل لباب على ديك رباعة تاني ...مشات نزلات حلات لباب على مجد وجليلة 
مجد:عميتوو كايناا ديك بوبريص لفوق 
حفيضة:تسمعك توريك بوبريص كيعوم فلماا 
جليلة:😂😂 الديرهاا صحيبتي حبيبتي هاديك 
دخلو لبيتهاا لقاوها مطلعة شوكتهاا 
مجد:موصيبة
جليلة:كاريتة 
ديمنة:واحد لبوكوووص (كمشات عينيهاا وعضات على شفايفهاا) احح مي شوهني فلقهوة 
مجد😂😂😂🙊🙊احم عاودي لبلان 
كلسات كتعاود ليهم اش وقع بلحرف لوااحد وهوما مكرشخين بالضحك عليهاا 
جليلة:اوى وشنو لخطة 
ديمنة:خلي يفوت غداا ولعشية نبالي بييه غنجيبو من راسو حتى لرجليه 
جليلة ومجد:وعلاش هدشي كلوو 
ديمنة:حبيتوو😍😍😍😍
جلية ومجد صبرو تعيااو وطلقوها بضحكة خلاتها تشوف فيه مصدومة 
مجد:نتي تحبي ابنت عمتي ميمكنش وايلي مات حماار 
جليلة:😂😂😂😂 لا لا هدشي بزاااف وييع 
ديمنة:داك لحمار بغيتو يخرج فيك طول وعرض ماشي حبيتوو البااكوورر غير بغيت نلعب شوياا 
مجد😒😒
ديمنة: بلا دوك الشوفاات (تكات على سرير وطلعات رجل على رجل) عندو غمزاات وسط لحيتو نموت ونقيسهم بإيدي
حسن حل لباب:😳😳😳😳 اش تقيسي 
مجد ديمنة جليلة😳😳😳😳😳😳 الشاف 
حسن :تشوفو لعماا تريكت طلع هبط ملي تجمعوو كتجمعو على تنوعير 
ديمنة:(ارتاحت) غير غير كنوجدو الامتحانات وكاان 
حسن:ممم تيقتك (خرج وسد لباب 
ديمنة:اووف على شوياا

صبااح جديد كانت ديمنة واقفة قدام لفااك بسرواا دجين كحل لاصق عليهاو ديباردو فالبوردو ودايرا فوقو قميجة صيفية فالاسود وكاسكيط على شعرها لكيرلي ضربت ل 11 ودراري بداو مجمعين قدام لافاااك والقوات المساعدة لي موالفين يكونو قدام لفاك فوقت الامتحانات تحسبا لاي حاجة مغايرة وحتا مسؤول من مسؤولي لجامعات مكاين..هي هوما كيرددو الشعارات..
ديمنة:حناا هناا باش نطالبو بحقوقنااا لي ميكين عليهم...
الطلاب:يا عميد يا مسؤول.... يا وزير التربية... المصالح تجي فالحين ..ولا تحماض القضية
ديمنة:ياعميد يامسؤول ياوزير التربية المصالح تجي فالحين ولا تحمااض القضية.....
بقا الطلاب كيرددو فالشعااراات والطلاب لاخرين كيشوفو وكيتفرجوو ..كاين لي قرر انه يشارك وحقو حتا هو مهضوم..وكاين لي حقو مهضوم وقرر يسكت مقادر على صداع
تقدم مجد للوسط داير بانضا على راسو وهاز بوق وقال:كلنا كنتشكااو من بزاف تالحوايج فلجامعة مبغيتوش تصلحوهم عيناا نهدرو ونتشكاااو بقا ليناا حل الاحتجااج لحد السااعة سلمي ...المنحة مخارجاش فوقنها وخوتنا صحراوا جايين من قرن الدنيا ومعولين على فلوس دولة باش اقراو..ودابا 15 فشهر وباقي مطلقاتش(زاد كيغوت) يا عميد يا مسؤول يا وزير التربية
الطلاب:(بصوت واحد)المطالب تجي قالحين ولا تحملض القضية
بقاو كيرردو الشعارات وكيغوتو وحتا حد مخرح حتا تعصبات ديمنا وقالت لمجد فوذنيه: مغنستافدو والو..غيخصنا نحبسو الامتحان..هانتا شوف معانا الناس لي من نواحي ومزيرين على لمنحة غندخلو
مجد:والى جاو دوك لبادر لي لهيه بربي حتا يعوجوك
ديمنة:(ضرباتو للقرفادة)مال مك خواف..تبعني وسكت
خلاتو وهزات لبوق وقالت:سكووتت(سكت كلشي)غندخلو نحبسو لامتحان
دخلو كلشي هاجم وحبسو لامتحان على اغلب القاعات على الامتحان وكاين شي وحدين داخلين بالجناوا..الشيء لي خلع ديمنا والامور خرجات على سيطرة..الروينة ناضت فكلية الحقوق..بناظم كيدافع ويعاود وبسرعة جاو جوج سطافيتات عامرين بالبوليس وبظاو كيجمعو فالبشر لي لقاوه قدامهم
ديمنة:اش هدشي ازمر متافقنااش علييه 
مجد: ميييرد هادوو براهش مامعنااش فلحتجااج ناوينهاا لكلاب 
ديمنة:شنو دابااا 
وقفات كتشوف فروينة وصوت سيارت الشرطة ولبوليس داخلين بلعصي والقوات المسااعدة
مجد:ترونااات....عندك شي رجلين
ديمنة:قليل الصحة تبكي عليه موو اعفط امجد🏃🏃🏃🏃🏃🏃🏃🏃🏃🏃🏃🏃
ولا شي كيجري على شي لبوليس مرونينها مع الطلاب الضرب ولجرح بلعصي ولغواات ديمنة دخلات فلممر ولبوليس تابعينهم 
شرطي:شد شد شد هادي هيااا 
ديمنة:يشدك جن واااع ميي 🏃🏃🏃
دخلات وسط لقاعو وطلعات فوق لكونطوارات كتنقز لبوليسي داير فيهاا راسو وطلع موراها مع الطلعة جا مشتت فالارض
ديمنة:الكرض 
نقزات من فوقو وهو شاد ضهرو بغات تخرج من لباب وتعرضو ليهاا جوج لعبات بيهم ودوخاتهم شدها من شعرهاا وضورها على لحيط
الشرطي (جاي شاد ضهرو) واميمتي ضهري لي دار راسو فنخالة ينقبو دجاج شدووها هيا راس لحربة
ديمنة:تاشمن دجاج ا شاف واش انا قلت ليك نقز ونتا كرشك سابقااك تقوول حامل بتواام 
شرطي: عايري عايري كلشي يخرجو منك الشااف 
ديمنة:وااطلق ضريتيني اصاحبي وتقولو خدامة مع داعش 
مجد وااا مجد وعتق اولد لحرااام 
شرطي:والله يا يمااك ليوما التاكلي مكال الطبل ليلة لعرس(طبل هوا دربوكة)
ديمنة:تماالك كتفكر غير فكرشك اصاحبي تجمع شوياا ونتاا طحشتي 
خرجوهاا وشادين ايدها ورا ضهرهااا وكتقلب بعينيها على جليلة ومجد لقات الساحة مرونة لغبابر نايضة زنزال وضرب غمضات عينيهاا وهياا كتفكر فبااها وهوا عارفهاا شنيولة مي مكانتش بغات الامور توصل لهناا داروها فاللوطوو وبما ان الكومسرية قريبة 5 دقايق دخلوهاا مع صحابهاا لي شافتهم وبدات كضحك
ديمنة:ليوما التاكلو لعدس
مجد: ونتي غتاكلي لمحمر ولمجمر ابنت عمتي 
ديمنة:جليلة هرباات 😂😂😂
مجد:نتي عارفة هاديك خوافة ليومااا عمي يقتلناا 😣😣😣
الشرطي : واش غتهنيونا نتوماا بغيتو تكملو لي بقا هناا الشاف جاي وغيوريكم علاش كضورو 
شرطي خرج من بيرو : قاليكم الشاف تكلفوو بلاخرين وسيفطو ليه لي مترأساهم 
كلشي بعد على ديمنة وخلاوها لوسط كتشوف فيهم 
ديمنة:اناا😅😅😅 غير بشوياا نزيد الراس 
جرهاا من ايدهاا وبدات كتغوت وكترطا بين اييدو 
ديمنة:واااا طلق مجد لبزيزيلة متعلمش لولييد 
مجد:الله اقطع لبزولة لي جمعاتني بيك عومي بحرك 
حل لباب بإيد وشاد ديمنة لي كترطاا دفعهاا وسد لباب مورااه سقييل ولمكتب كان شبه مضلم شافت لباب لي تسد وضورات راسهاا جيهت لي واقف عاطيها بضهر ولفردي فجنبوو جامع قاميجتو لبيضة حد لمرفق ديالو خاشي لقميجة فسروالو لكحل وداير سمطة كحلة كان كيحط فتجاكيض تاعو فلعلاقة وهيا مبلقة فيه عينيهاا وجاعة ايدهاا 
ضور راسوو وايديه فجناابو 
هزات عينيه فيه وكانت الصدمة قوية سرطات ريقهاا وشهدات فنفسهاا ليوم يفدي لقديم وجديد
كماال:جيتي برجليك البرهوشة
ديمنة:الشارف ااا زعمة الشاف😨😨😨😨😨

كماال شاب فعمر 30 شاب قد ماهوا عصبي قدما هوا مهدن مدير فرقة فالشرطة ملامح عربية صارمة شعر كحل وعينين كحلين لحيتو لخفيفة طويل وكتافو عرااض عندو غمازة فحنكوو كتبان كل ما ضحك وهادشي غالباا 
كمال(كلس فكرسيه ) مرحباا مرحباا 
ديمنة:شكرا(كلسات فلكرسي كضور فعينيهاا ومعوجة فمهاا) 
كمال(جمع ايدو فوق لمكتب وبتاسم حتى غمض عينيه) تشربي قهوة ولا اتاي 
ديمنة: شي حاجة باردة الشاف شحفوني دوك لمساخط 
كمال:اه دومااش تلاجة خاسرة(خبط على ايدو فلمكتب ونااض )تهزي تقاودي عندي اوطيل هنا ولاء مكتوبة فلباب اوطيل5 ايطواال معامن تشاورتي حتا تكلسي 
ديمنة(ناضت قافزة )هانا الشااف غير عييت 
كمال(ضار عندها وهياا كتبعد) عيتي مم مسكينة وقفي فبلاصتك واش لاعبين حابة هناا😡 ...دوي اراس لحربة شفتي ديك لجامعة كي رديتوها..تسحابك الارض تاع باك

ديمنا:(نسات راسها)ومالها ديال مك 😠😠
كمال:(زعفا)يلعن بوك الكلبة اجي لهنا😡😡
ديمنة:خخ خليني غير نشرح ليك راه والله ما اناا داكشي لي وقع معندي بيه تعلاقة كنا دايرين احتجاج سلمي دوك لبراهش معرفتش منين دخلوو 
كمال(جرها من شعرهاا عندو) ااه دخلوو من تقابي تاع لحيط واله ديل مك متقولي شكون هادووك حتى نزل تبردي عظامك لتحت
ديمنة:ااااايييه جمع فمك باش منحق تعايرني يكما يحساب ليك غلبتيني بهاد لبيرو لي كالس فيه..راه بحالط بحال المقدم..
كمال:ولسااانك طوييل البرهوشة 
ديمنة:ختك لبرهوشة (عضات ايدو وضارت من جيهت لمكتب خلاتو شاد ايديو) شوف خليني نشرح ليك الشاف
كمال:واش عارفة اش درتي هادا راه اعتداء على موضف عضيتيني مجهولة لمك اجي هنااا 😠
ديمنة:نجي مي مضربش هضر ب فمك وشد فراقشك اا زعمة ايديك 
كمال(كيحك على جبهتو) دابا شكون الشاف 
ديمنة:نتاا 
كمال:اجي راه غنطير علييك نبيسك من شي قنت شوية صبر لي بقا عندي غيمشي 
ديمنة(جات عندو وحامية راسهاا بإيديه )
كمال(هز ايدوو وعطاها لرااسهاا حتاا لصق شعرهاا فسااعتو ومع جرا تجراات معااه 
ديمنة:وااااك واااك وشعري الهرا ولحماار شعري وطلق الحترووف اهئ اهئ بربي تقاس شعرة مني ندير ليك فضيحة..والخراوالقلاوي والحزااااق والمرض الكحل
كمال(مداابز مع شعرهااا باش يتحل من الساعة وتشابك جرهاا من شعرهااا لجيهت لبيرو جبد مقص بلا ميفكر قطع زغباات منوو ) هداااي حمااارة هد السااعة بالتمن 
ديمنة(تصدمات وهيا كتشوف فشعرهاا لاصق فساعتو بدات كتغبن ونزلات عليه لدراعو تقسحات وهوا متقسح) الله الكيها ليك فهاد نهاار اهئ اهئ قيسني فكلشي تالشعري اعطيك موصيبة (كلسات فلكرسي كتبكي وتنددب على شعرهاا وتركل )
كمال:الله ياربي اشمن دعوة شدات فياا هد نهاار( حل لبيرو وعيط لحارس حدا لباب ) التاصلوو بعائلتهاا غنحولها لمجلس التئديبي خاصها تعاود تربااا
ديمنة:كالها لي مربي باش منحق تحط عليا ايديك وزايدها مقطع ليا شعري والله متبقا فيك
كمال:(حط ايد على لككرسي وايدي على لبيرو ودار ديمنة لوسط) غتسكتي ولا راك غادي التاكلي جلدة عالمية لحد الساعة باقي مبديتش معاك لونكيط تاعي بتبرهيشك (نااض ) عليي جيب واحد كينة تاع الرراس 
ديمنة(بشويا) الله يجعلو يتقسم ليك على جوج 
كمال:بقاي دركمي علياا تمااا
دخل ليه لكينة خلاها تدابت وشربها جغمة وحدة وهيا مراقبااه كيفاش كيتصرف وايديه فجنابو مدازش وقت حتى دخل حسن جاعر 
حسن:فين هيااا توما حيدوو راني تا انا فلمخزن 
ديمنة😰😰😰😰 لولييد 
كمال(حل لباب بغا يشوف شكون وكيتفكر فين شافو تفكر نهار لحفلة وضار عند ديمنة عض على فموو وعطاهم امر باش يخليوه يدخل 
ديمنة شافتو ومشات كتجري ورا كماال كتستحمي بييه وكطل على باها لي دخل جاهل عليها
حسن:اجي ابنت لحراام بغيتي تشوهيني 
ديمنة:هليني غير نشرح ليك ابابا والله مدرت شي حاجة 
كمال(غوت) هييي واش انا مبنتش ليكم كلسوو فبلاصتكم (كي لأب كي لبنت ) دوزي نتي متقربش ليها ولا نشدك معاها

حسن :(موجه كلامو ل ديمنة)شفتي حسن لهمة والشاان كيتضرب بيه لمتل تجي يالفصعولة تصغرينييني 
ديمنة:😣😣 والله ما اناا 
كمال:2 كلمااات ياا غتكلسوو ياا غنستعمل حوايج خراا 
تهدن لكل وكلسات ديمنة مقابلة مع باها لي حاط ايدو على لمكتب ومغوبش فديمنة 
كمال:يالله هضري نتي مغنباتوش هناا 
ديمنة:تبات فقبر قول اميين 
كمال(خبط فلبيرة بصبااعو) هييي وهضري 
ديمنة:انا معندي علاقة بديك روينة لمضاهرة كانت سلمية 
كمال:من سلمية ولكن شهود مقالوش هدشي مدام نتي جامعة هد جقلة كلهاا الى وناوية على خزييت 
حسن:تبارك الله تبارك الله بقا شوياا وتحلي لياا تنضيم لقاعدة 
ديمنة(ولات كتشوف بنص عين فيهم وكتبركم)غرقني الحترووف كيف غرقتيني الله اغرق لبوك رويض 
حسن ناض بغا يضربهاا هزاات ايدها مطاكية ومبعدها برجلهاا: وتي هدري واش هدشي لاش خليتك تقرااي اااهباش على خر يامي دخليني لكوميساريااات 
ديمنة:واش نتا عارفني نديرهاا والله حتى مكيدة هادي 
كمال:مكيدة!! ههه كتفرجي بزاف فالافلام ااه (شاف فحسن )خرج اسيدي خليني مني ليهاا 
حسن(قاد لوقفة )ربيهاا مزيااان تستاهل 
ديمنة:بنتك انا😨
حسن:الله اقطعك 
كمال حط الساعة ومز كمايم لقميجة مزيااان وضار عند ديمنة لجمدات فبلاصتها وحادرة وجهاا كتشوف فسباط كمال كحل كيلمح كيمشي ويجي قدامهاا نزل عليهاا بضربة لراسهاا حتى بانو ليهاا جوج منوو 
ديمنة(صعراات وناضت توجهاات معااه وعروقها خارجين)شنوو كتحسااب رااسك باش تحط ايدك علياا
كمال(جرها من عنقهاا )نتي برهوشة مامربياااش ملي بديت خدمتي عمري صادفت جنية بحالك لعيادو بالله الى مجمعتيش فمك غنزل لمستوااك وغنبدا نعطيييك حتى يولي ضهرك رطب من كرشك
علي(حل لباب وعطااه التحية وكمال طلقها ودفعها على لكرسي شادة عنقهاا) الشااف دوك لي دارو الشغب شدينااهم راهم عند المحقق سعيد 
كمال:صافي هانا جااي..ودابا هتغرقي بزز منك تخركي خطوة وحدة من لكرسي ندمك 
خرج وسد لباب وراها خلاهاا بوحدهاا شادة عنقهاا وساكتة الشيء لي عمر ديمنة دارتو اولا فعلاا خافت تكون غرقاات فشي حاجة عمرهاا فكرات ديرهاا جمعاات شعرها لي تخبلل لمحاات ساعتو وزغب ليطاح فوق لمكتب تحسراات وناضت كتجمعو ومخلات تا معيوورة مقالتهاا فييه وهيا كتحسب فشعرهاا لمزلعديمنة:(كتشوف فزغيبات شعرها وتكمش غينيها مفقصة)سير بغيت لدينمك حبة ف** تولي تجلس على جنابك..الله يعطيك شي تراكتور يدوز فاصل مك اطحنك كفتة ونشويها ونغززها..(كمشات عينيها فحزن)ولد الق*** انا نمشطو ونطولو ونتهلا فيه باش اجي خراي باقي ممسحش ز** من الخرا اجرني منو..بغيت ليك مصيبة تصيبك ماتخلي فيك تاعظم..ياربي تكتب ليه شي طيحة فالعمارية ان شاء الله..اصلا شكون غتزوح بهاداك..داير بحال شي خرية مدردر عليها الذبان..مشكرف فوجهو كي التقلية..ياربي كيما رزاني فشعري رزيه فبوعروق..الله يعطيك تونية فيه..دخل كمال بصدفة حيت نسا بورطابلو وجا مع السبان كولو فوذنيه معرف اضحك معرف اخنزر..شافها جمعات شغرها وبحالا معنقاه وقال:شبعتي فيا سبان هااا
تلفتات ليه مخنزرة وقالت:وباقي مبردت
كمال:واخا نكون قاتلك مديري هاكا
ديمنة:سير تخرا الحكار😠😠
كمال:هاد لهضرة عاوديها لمك لتجييش تقوليها ليا انا..ظاك الطيران والزيغة الخاوية خليه فداركم متحيش خارجا للعام وديري لفوضى تسحابك الزنقة ديال باك
ديمنة:(صغرات ووقفات)ومالها ديال باك نتا😠😠
كمال:واباز لي فيك ماهناك..متتخشميش.خليني معاك زوين قبل منهبطك عند قرانك
ديمنة:اضلا نتا خايب بلا متزين راسك😠😠قررررد
كمال:تبارك الله على لالة الغزالة..سيري طلي على راسك فالمراية خصك هي الريحة وتكوني خريا
ديمنة:اوى حشااك اوجه لمحكة 
كمال:عند مك زهر متجبدااتش سميتك اما نعمر لطاسيلتك محضر يغرقك سنين طويلة وغير على وجه بااك لي كيرغب ويزااوك باش سيادتك تخرجي وداباا تكركبي قبل مطلع لياا لا للة مولاتي لقردة 
ديمنة:حلف صافي هنخرج 
كمال(ايديه فجياببو) لاا لاا ضيافت نبي تلتياام حشومة تمشي بلاما دوقي عدس لحبس 
ديمنة😯😯 لحبس الله اعااون (مكملات كلامهاا حتى خرجاات كتجري خلات لباب محلول جامعة شعرها فإيدهاا وكتجري وكتقلب بعينيها على رفاقهاا )
كماالبغا يسد لباب حتى دخل سعيد ورد وراه لباب)اش بغيتي
سعيد:متقولش مشاات ديك لبنت تعطلت
كماال:بفف ضراتني فراسي شحال فيها تالهضرة ولمعيوور تقول كيقريوه ليهاا اه اه ضرني راسي 
سعيد:😂😂😂 ضمااج جات عندك 
كمال(هز ساعتو ولبس تجاكيط تاعو) غنمشي نجيب سهيلة ونشوف لواليدة لكانت شي حاجة تاصل بيااا مغنتعطلش 
سعيد :كون هاني سلم على الحاجة والحااج او سهيلة😉

خارجة كتجري وكتشوف يمين ويساار حتى خرجات فباهاا ورجعات اللور هزات عينيها فيه وسرطات ريقهاا 
ديمنة:باباا 😔😔 
حسن:ماشي وقت لهدرة دابااا زيدي قدامي 
بلا حتى كلمة زادت ديمنة خانية راسهاا حتى ركبات اللوطو حدا باها طريق كلها كتبغي تهدر كيحبسها بإيدو نزلو قدام الدار او هبطات او هوا موراهاا حتى دخلو وقفزها بصوتو 
حسن:حفيضة حفيضة!
حفيضة(جاية كتجري من لكوزينة وكتمسح ايديها) ها ها امالك 
حسن: نهاااار تخرج هادي من الدار بوحدهاا نهاار تمشي نتي ويااها لدار باااك 
ديمنة: شوااا واش تفليبيتي الواليد ياااك عرفتي معندي علاقة بهادشي خالتي هضري 😯
حسن(بلغوات)كلمة وحدة عند بااالك فعايلك معارفهمش اااه دمدومة انا مجااايب لدنياا خباار علياا بليمييين وباش كيحلفو رجاال شلاغمية الى عتبتي بابا الدار وخدك وهدشي غير بينماجاا خووك او منبعد حسابي غيكون معااك 
ديمنة:بابااا اناا مبقيتش صغيرة 
حفيضة(عيات تنغز فيهاا وتقرص وتعض فمها باش تسكت)
ديمنة:مسكتااش ...واخةة بغيتي هي نبقا فدار غير ربح بلافاااك وربح بكلشي مي والله داكشي لي فراسك لكاان 
حسن(كمش عينيه فيها وقرب وايديه مشابكهم ورا ضهرو) مسمعتش مزياان ممم كتحدايني
ديمنة(لصقات مع لحيط ومكالية بأيدهاا)بلعماا الواليد ههه(كتسوس فقميجتو من جيهت كتافو) دوقك زويين فلقوامج 👌 احم ننطلع لبيتي حسن 
طلعاات خلاتهم واقفين سدات لباب وبدات كتغبن 
حفيضة:علايااش ناوي 
حسن(دار عندهاا وشافيها)
حفيضة:نسيييت لغدا هيهي انا مشيت
تيليفونهاا صونااا شافت النمرة ومعات لوقفة
ديمنة: بيت لمك لحكة بغيت ليك التابعة يا ولد لحرااام تغرقني يا الدحش مشات لافاك مشا زمر لكحل ودابا شكون يفكها مع هتلر شكوون
مجد: لي سمعك يقول اول مرة هيحبسك فداار خخخ احم 
ديمنة(كلسات فسريرها شادة جبهتها)هاد لمرة مكيضحكش اهئ اهئ انا ضعت دابااا 
مجد: لمهيييم بغيت نكون حدااك ملي تقطعي لحلوة اااه وشوفي طلبي تكون تاع لفرييز لاكريم كتكهمني 
ديمنة:اشمن حلوة!!!
مجد:تاع عرسك 😂😂😂😂😂😋
ديمنة:الناكلها نهار تجيني خبارك ...مجد جيب ديك لخائنة وجييو عندي 
مجد:خخ بلان جديد
ديمنة؛مشفتي والووو 😏😏😏
سي حسن كان وااخد راحتو فلقهوة بعيد على صدااع كيتصنط لطرب لقدييم وعقل يديه وعقل يجيبو وهوا كيكيييد لديمنة ويخليها تهبط كواريها ويزوجهاا كيف كان باغي ليهاا ودابا جاتو السبة باش تحبس واخة عارفها مساهلاااش ابتاسم وفكرة فبالو جهنامية يالله جا بغا ينووض حتى وقف عليه شخص فالستيناات 
حسن:محمد اش كدير هناا
محمد:مشيت لداار او قالت ليا كاين هناا...جيت ندوي معااك
حسن:اايه اسمعنا خير اش كاين 
محمد: واااش نكوليك اخوياا احم اوى قصدناك ولمقصود الله وخيرنا ميديه غيرناا 
حسن: اييه كمل 
محمد:اش نكمل كمل من عندك!! 
حسن(تقاد فلكلسة) اسمعني مزيااان لواليد هضر معايا فداكشي ونجيك لصراحة اخويا ديمنة متليقش لولدك الصراحة تكاال بنتي قبيحة ومكطيب متشقا مفيها ميتلبق او ولدك هشيش غتغلب عليه 
محمد:كتجري علياا اخوياا 
حسن:حشااا (ايييه الشطابة وجفااف) بنتي مزال صغيرة ومعندها عقل 
محمد(ناض قاد جلابتو) مقلتي عيب اولد مي او كل كمح عندو كيالو مشا وخلاه كالس
حسن:داكشي لي بقاا الى زوجت ديمنة لميخي ديالك خاصني نوصيها علييه ماشي هوا لي نوصيه عليها اوى صاف صامت حتى صامت وتفطر ببوشة ماش تبصلة

كانت ديمنة فبيتها كتاكل فضفارها حتى دخلوو صحابهاا شافت فيهم شوفت لقتل سدو لباب او وقفو حداه كيشوفو فبعضياتهم 
مجد:ببنت عمطييي
جليلة :😅😅 مال الزين باين عليه متأتر لنكون انا زعلتو ونا ماني متزكر 
ديمنة: انااا في حالة كاالم ؤكي احم كلسوو بيت نهدر معاكم
جليلة:!!! زعما مغتسولينيش علاش مجيتش لمضاهرة 
مجد:طاحت عليك لكرش كيف ديما 😂😂😂 
ديمنة😒😒😒😒 كلسو 
كلسو وهوما شاكيين فراسهم ونضرات كترقب تفاصيل ديمنة بتعجب 
مجد:(تشبح على سرير معلابالوش ) اوى 
ديمنة: عرفتو شكون كان كيستجوبني !!! 
جليلة: شكون!! 
ديمنة:داك لحماري تاع لبوااط ولد استغفر الله 😒😒
مجد وجليلة تبادلو نضراات مع غمزة: اوى 
ديمنة(جبدات شعر من تحت مخدتهاا او وراتو ليهم ) بربي حتى تحسن ليه بلا ماا وقولو ديمنة مقالتش 
جليلة:(طلقات ضحكة عاليا)😂😂😂😂😂😂😂
ديمنا:صيكي صيكي اوجه الترمة..نص كحل ونص بيض..صيكي اجي حسن اقودها علينا..مجد غتعاوني فداك خينا بغيت نفدي دقتي خاسرى خاسرى اللهم نحرر فيه العيشة هههه
مجد:اش بغيتيني ندير نمشي نضربو مثلا
ديمنا:لا باقي موصلتيش لديك تارجليت كلها..كاع مضربتيه فاش نتف ليا شعري بقا هي دروك😏😏
مجد:نتي تظلميني هههه راه هي تمنبينش العضلات
ديمنا:سير تق..(ياله غتكملها دخل باها وهي تقولي)تقوي للعضلات ههه
جليلة:عمي بخير.
حسن :(مخنزر فديمنا)بحيى..مجد اش تديى هنا
مجد:(شداتو القفقافة)ها..هي..هي 
ديمنا:جا يشوفني ونوصيه اجيب ليا دروس لي غيفوتوني😔😔
حسن:(بصرامة)هاديك لفاك والله لباقي عتبتي فيها واخا تموتي
ديمنا:(نسات راسها)وا لواااه اسي حسن لواااه بغيتي تحرمني من قرايتي اش غندير فدار مثلا نعجن ولا نكسكس
حسن:ماشي شغلي..شغلك هاداك هاد الهضرة فكري فيها قبل منولي تابعك للكوميسارية😠😠
خرح وخلاها صاعرة وكتدعي:ياربي شي زلزال لديك الكوميسارية وشي قنبلة لداك الخرية لمفلعص..ياربي بغيت ليه العجز الجنسي والقبض ابغي اخرا وتعكس..ياربي بغيتو اعاودو ليه طعارة وانا لي نطهرو نقطعو ليك من جذر..ياربي تجيه الزملة وسط دارهم يااااربي
مجد وجلية (هزو كفوفهم لسماا) ياااااارب اجب دعائها حنا لي غنصلو😢😢😢
مجد:اشنو لمطلوب
ديمنة:الواليد مانع علياا لخرووج وحتى لفاااك مشات لياا وكرامتي مكتسمحش نرجع ليهاا من ورى هدشي الى وكرامتي لفووق عام ضااع وخاصني نفديها فيييه (حطات صبعهاا تتحت فمهاا) والى مكنتش قد كلمتي ديرو ليا سياالة هناا 
جليلة: وهوااا من جيهت السياالة تجيك فنة ولكن مزاال مقلتي ليناا اشنو لمعموول 
ديمنة:بغيتكم تجيبو ليااا فصلو واصلو وشكون هوا وفين ساكن وفين كينعس مزوج مطلق والد برهوش مشغليش ضوسييه بغيتو عندي والا بربي حتى نفضح فعايلكم واحد واحد وديك الساع كلسو حديا نشدو النميمة فمحمااد مول الزريعة 
مجد:اش اش دانا لهدرة نوقفو معااك وقفة راجل بشواربو كنلعبو هنا 
جليلة: اييه نوقفو نوقفو 
ديمنة:يالله وقفوو 
غادين خارجين هزات ديمنة رجلهاا وعطاتها لجليلة فطرمتهاا 
ديمنة:قلت وقفي ماشي هربي هااا راه توصل توصل (كتعوج فنصها)هك ولا هك ونفرعك ا جوليلية 
خلاتهم خرجوو وتقابلات معا لمرااية وكتشوف فراسهاا
ديمنة:بيتي هي اللعب الواليد انا لك على
مشاات جبداات شال من لماارو عصباات راسهاا بزيف حياتي وشعرها لفوق خرجات كضور بعينيهاا ولحس مقطووع
ديمنة:دن دنن دن دن دندنااااان دندانااان تااارترتر(على الحان النمر الوردي لي متفرج فيه ضيع نص فحيااتو 😂😂) 
لقات حفيضة فلكوزينة مشات كتسلت لصالوون هزات التيليكومووند وخدمات التيفي شعلاته الاغااني على جهدهم وتكسلاات فوق لفوطوي ورجليها هزاتهم فلحيط 
حفيضة قفزاات :تف تف اهيا بسم الله الرحمان الرحيم 
ديمنة: (كتغوت)شفتي جنوون والله اعمييهاا لشي حد 
بيتو هي نكلس فدار اوى ارى برع 
حفيضة(خرجات عندها وكتشوف فيهاا فنص عين) علاش ناوية هي كري ابنت ختي راك تراب ايدي 
ديمنة:ناوية نكسكس سير لكوزينتك الله ارحم باااك مني لهتلر 
حفيضة:دكرنا سمن ولعسل واش توحشتي لكرويلة ابنت لحراام بغيتي ترجعيناا لزوبية هااا عار لبزيزيلة 
ديمنة(كتعيب فيها) نننن نننن تي سيري خالعك تقولي تقولي عزرااين
حفيضة:اوى قولي هد لهدرة قدامو نشوف ولا حاكرة غي علياا 
حسن(كان كالس فجردة سمع صداع التيفي ودخل وهوا عارف مولاتهااا لقاها هازة رجليهاا فلحيط وكتقلب فالقنوات بدون انتبااه وهازة قنانفها لفووق وحفيضة شادة حنكها وكالسة حداها ولمغرف فإيدهاا شافتو وهيا تجمع لوقفة عكس ديمنة )احم احم

حسن:احم احم نتي هناا(كلامو لدمنة)
ديمنة:لاا لهيه😒
حسن(شاف ف حفيضة) جيبي ليها شي كاس ديال اتاااي ويكون منعنع 
ديمنة:لا نعناع كيدير ليا لحرق ديري فيه فليو حسن 
حسن(سيفط عليها صندالة جاتها فرجلها) وتجمعي يالزوفري 
ديمنة(طفات التيفي )شوف الواليد حبستيني فداار مكاين بااس حبستي ليا لا فااك مت لاباااس وبقا هي تجري علياا من دار لواليد لي هياا دارك نتا 
حسن:قريب ابنيتي غتمشي منهاد الدار غير صبر عليا شويااا 
مقلتش لييك عمك محمد جا بغا يخطببك لمولاي حمد 
ديمنة(عمي ليه لعينين لهوا لا ولدوو اخر يامي ندي ولد مو بكااي لاخر) الله اجعلو مخبوط فحيط 
حفيضة:وتي كوني تحشمي 
ديمنة:لااا عرفتوو شنوو زوجوني لمول لقزبر لي فدورة هدااك حسن ليا من داك ✌مولاي احمد ديالكم✌ هي زوينة هادي والله تزوينة بقات فمولاي احمد اعطيه تابعة انشاؤ الله خارج فعودي بغيت ربي يخرجو نيشاان فشي زوبية ميعرف راسو حي ولا ميت 
حسن:كملتي 
ديمنة:كملت انا طالعة 😑
حسن:واك واك الحق غتخرج فيا الشيب هد لبنت
حفيضة:راك شبتي اش باقي اخور (سدات فمها بإيدهاا وهوا مخنزر ) 
حسن:وجدي لعشااا جاين عندنااا ضيااف😏😏😏 
تكسل وقاد لكلسة سرح ايدو فجناب لفوطوي ) هي بيا ولا بيك ا ديمنة الى مرجعتك رطبة كيف لعجينة منتسمااش حسن الزروالي ومن لا يعرفه ا جبدي معندك 
ديمنة(كطل علييه وسمعاات اش قال ) وانا لك بلمرصااد وحق ربي مساهلة ليك ونتااا يالكوميسيررر بيك غنفدي دقتي (هزات كمايمها وطلعاات لبيتهاا وقفاات شحاال قدام سرير كتشوف فيه) نخلي الامور من بعد (هزات لغطا) اااه نعس شوياا دكدكني ولد لحراام ممم😴😴 قاليك زواج قال هم مكاين محسن من دارك الواليد خخخ
نعساات ديمنة بحال الى تحاجة مواقعة تعشاات لعشية ولحال ضلام وهيا مزال مجبدة فراشهاا وشخيرها كيتسمع مغيبة 
تحل لباب عليها بشويا وخطوات كيقربو ليهااا بداا كيهز شعر لمخبل على وجهااا وكيهر فيهاا وهيا كتحك عنقهاا تحناا جيهت ودنها وطلق ليها تصفيررة خلاتها توقف 
ديمنة:واااع اش اش هدااا باباااااا وشعلو ضوو 
شعل ضو وطاح كيضحك حداهااا ومنضرها زاد خلاه يموت بالضحك وهياا سكتات كتشوف فيه وتحاول تستوعب شكون حداهاا نقزات عليه وهيا كتغووت
ديمنة:ااااااه خليل الدحش امتاااا جيتي 
خليل:😂😂😂 خليني هي نسكت مال مك يالحممارة على هد لغوتاا 
ديمنة:هه بلاتينغسل وجهي 
مشات طايرة غسلات وجهاا وجمعات شعرهاا وخرجات عند.خوهاا عنقاتو مدة طويلة وهوا كدالك مبادلها لعنااق لحاار 
خليل:واش مكتاكليش ضعافيتي 
ديمنة:لا لا نتا لي خاصك نضاضر الشوف انا هيا هيا متبدل فيا والوو هه ..شافك بابا😒
خليل: اه شفتوو عاد طلعت شنو درتي اول مكلست بدا عليا بختك ختك مالكي كطيري اش وصلك لشي مضاهرة 
ديمنة(كلسات فسرير كضور فعينيها)مالك جيتي بعجاجتك ..بابا انااا عااارفة لبلان لي فراسو 
خليل: ونتي اصلا مبغاش تقراي غير كتلعبي فهادي متافقين 
كانو كيهضرو حتى سمعو تعيااط من لتحت
حسن:خليل ديمنة اجييييو جدكم جااا 
خليل ديمنة:جدي😨😨
ديمنة(كتخبط فجنابها )مكفانا فيل زادوووو باااه وهيا ناري راحت عليك 
خليل: هههه مشيتي فيهاا انا بعداا مهني بعد غدااا غنرجع فحالي جيت غير نطل ونرجع 
ديمنة:نتا هي سكت مصدقتيش راجل قلتي نمشي وتجي عندي بيتها تجيك فلعمود لفقري 
خليل:ونزلي قبل ميطلع ليك جدك احنينتي 
ديمنة:نزل خليني نبدل 
نزل خليل وخلى ديمنة كتاكل ضفارها كيف عادتهاا وكتفكر فهاد لمجية لمفاجئة ديال جدهاا ناضت بدلات ولبساات سورفيت كخلة وجمعات شعرهاا ونزلاات وهيا كتسمع الضحك من الصالون 
ديمنة:وقفات فلباب) مساء لخير( مساء لويل)😑😑😑
مشات باست لجدها ايدوو لكاان كيشوفيها من تجت نضاضرو ولعكاز فإيدوو وحتى هيا كتشوفيه ومحنية على ايدو) على سلامتك اب سيدي(بركات على فمها) كوون تعرضنا ليك بتمر ولحليب والطلبة
حسن ركلها برجلو وضارت عند مشات كلسات حداه
الحاج واخة كبير فلاج مزاال حاار ودبانة متزهق معلوم وهوا مقاوم وفكل كلسة كيهضر ليهم على عهد الاستعماار😂😂 : كبرتي البرهوشة وليتي تردي لهدرة
ديمنة:منك نتعلم ابا سيدي
حسن(من بين سنانو) هي دوي هدشي كلو غيخرج منك
ديمنة(قربات ليه) طيحتي كواريك الواليد وليتي تعيط على من اعاونك 
الحاج:اوى نوضي عاوني خالتك حطو لينا نتعشااو ولا يكما سميتك لعربي وانا مفراسيش
ديمنة(شاف فباها) داير السماعة فودنو ....(غوتات)والكوزينة كتعرفها الحاج انااا محنية 
خليل:ههه وايلي اجدي فين عمر ديمنة دخلات لكوزينة
حفيضة(دخلات ليهم لعشاا) غي خليهاا هديك متهز حتى بيضة عساك تهز كوزينة
ديمنة:الله اخلف عليك 
كلسو كيتعشااو فجو سكووت وديمنة كل مرة ضحك مع خليل ونضرت تحدي لبااها 
سلاو عشاهم وكلسو على اتااي ولهدرة وكلهم مجمووعيين 
حسن:اوى اخليل فين وصلتي 
خليل:ها انا ابابا مبقالي غي هد لعام 
حسن:عارف اولدي ماشي بحال شي ناس 
ديمنة:مال هد الناس شني لقيتيهم عاملين(كتقلب فعينيها وكتشرب اتااي)
حسن:هي مكسلين فلكوميسارية صاااافي 
الحاج:(بزق اتاي)شنووو
ناري كحلاتها لمسخوطة😂😂😂

ديمنة:وووو وو والو ههه غير كضحك ابابا 😅😅
حسن(من تحت سنانو) دابا وليت باباك 
خليل:هه والو اجدي غير بغاا ي
الحاج(وجه عكازو لخليل حتى سكت) سكت نتاااا ...(شاف فديمنة) قلتي لكوماسارية تبارك الله عليك اولدي هادي هيا تربيتك اااه ..دوي نتي صافي بقات لوالديك هي لكوميسارية 
ديمنة:وا غي
الحاج(هز لبلغة وسيفطها عليها) لعنة الله وعليك تهزي يالله ونوضي 
ديمنة(ناضت كتخبط فرجليهاا طلعات) وايلي زدتو فيه برب تالحكرة هادي عن هننن بف
الحاج(كلامو لخليل لي تكمش حدا حفيضة فالطرف) ونتوما يالله خرجو خليونا بوحدناا 
خليل:هي هيا اللولة ابا سيدي 
حفيضة:نعمر ليكم اتااي اا ههه عامر واخة يالله اولدي 
خرجات وراها خليل ضربو الضورة ورجعو ورا لباب كيطلو من الشقاا 
حسن(تكمش جامع ايدو وكيشوف فنص عيين ف باه محس حتا جاتو الدقة بلعكاز فجنبو)ااح الواليد مبغيتيش تحيد هد لقاعيدة
الحاج: كولي اش واق بلا زواااق 
حسن: ديمنة شاركات فواحد المضاهرة ف لافاك وناض صدااع وداوهاا لكوميسارية وحقو معاها كون مبانوش لبراهش كون مشات فيها وجاب الله طاحت فكوميسير بعقلو اما كون ليوم تبات تكلاصة فلبنيقة هدا مكاان
الحاج:لهلا يزيد كتر...اسمعني هداك لحتروف من اللول قلت ليك عطي لبنت لخوووك مال حمد كيف جاااك ونتا مهليها ضور بين لعزاراا ودخل تال ايتها وقت 
حسن:نتا عارف وصيت لمرحومة ماا
الحاج: المرحومة الله ارحمها وعليا بليمين ومتسمع كلامي حتى نوصلك عليها وديك السااع نربيها كيف ما بغييت وبنتك احمد لي غتاااخد (حط صبعو فلسانوو ومسحو فالطبلة) ونحلف بحلوفي ودخل بيناتنا مانتا ولدي ما نا باك بنتك خاصها تحك ويضربها لحيط وديك الساع يولي ييبان ليها احمد سيد رجال بفشوشك هدا تجيب ليها وكيل لملك تكوليك بيت لملك شخصياا 
حسن(كيحك فلحيتو لبيضة وعينيه ساهيين فلأرض) نتا عارفني مكنتفاهمش مع خوياا ونعطيه بنتي 
الحاج:مجيتش نتشااور معااك لاا نتا لا محمد خوك هاميني لي بياا هواا نتبت ديمنة فدارها وتحيد منها ديك لخفة والطيراان مال خليل مهكااك 
حسن(تنهد)دير لي بغيتي سلمتك امري
الحاج(رجع ضهرو اللور وحطلعكاز وص رجلو)اوى داباا هضرتي يصبح ويفتح 
حفيضة(شادة حنكها) هاويلي علاش ناوي اويلي يفضيحتك يا دمنة خر ايامك مزوجة بسيدهم حمد 
خليل: انااا متاكد ديمنة دير ليهم روينة ومتقبلش 
حفيضة:كيشفتي اناا غادي نقبل يالله نطلعو عندهاا
ديمنة(كالسة فدروج) سمعت كلشي 😒😒😒(مسحات دموعهاا) تصبحو على خير 
غادية طالعة حتى خرج باهاا شافت فيه مطولا وطلعات تبعها خليل او حفيضة لفوق 
كلسات فجنب السرير قبال صورت مهاا وبقات هي كتشوف فيهاا حتى كلس خليل جنبهاا 
خليل: احم اشمن فضيحة كتفكري فيهاا ههه (شاف فيها متحركاتش) ديمنة 
حفيضة (كلسات كتجمع ليها زغيبات شعرهاا) متديهاش فعمي لحاااج والله يا بنيتي متاخدي هي شي وزير 
ديمنة:تااع زبل 
حفيضة:اوى حشاااك ابنت لهم وجهنا تاع زبل ولجيتي تشوفي واللهم وزير زبل ولاا داك احمد لفرك (شدات حناكهاا)
ديمنة😂😂😂 والله تفرك عقلتو نهار سديت عليه فطواليط 😂😂😂 4 اياام وهوا مخدم الرقية حقااا غنتسكن بين ربي تسكنك عايشة او تريكتهاا تف تف دكرناا سمن وعسل 
خليل:زعمة لا تزوج بيك كان ليه الله
ديمنة(جمعات الضحكة) ايوة شتك تحليتي هوااا لمخير الى غي قبلت نتزوج بيه هم 
حفيضة:هههه اجي عندي ياا عود الند ديالي(عنقاتها) نتي مساهلاش ليهم عارفاك تخرجي فيهم شياااط ...تصبحو على خير 
خليل ودمنة:تصبحي على خير 
خليل:مم اش بان ليك نسلتوو هد اليلة حيت معنديش لوقت بزااف غدا غنجمع شي ورااق باش نرجع 
ديمنة: 😍😍 اه اه يالله نخرجو بلاتي نبدل مي شوف واش نعسو😑
جبدات ديمنة كسوة حد الركبة وسميطات عراض دهنات شعرهاا بجيل ولاا بوكلي كتر وتابت لبساات سباطهاا رسلاات ميسااج لمجد و جليلة وخرجات كتسلت وضو طافي خرجات فرحانة شدات ايد خوهاا 
ديمنة:التاصلت بمجد غيجي
خليل:او جليلة 
ديمنة:مم جليلة حتى هيا جاية اش بانليك نتسناوهم فلبوااط 
خليل:ديمنة!!! 
ديمنة:بففف 😒😒 راه غير ناشطين ماشي هازين لقراعي وكنضورو متندمنيش الله ارحم باااك انا غير كنسمع شطيح كنحيح تبدا تقولي هك ولا هك نتخارا معااك 
خليل:صافي غي سدي فمك غير لمسخوط يجبد لسانك طويل 
شدو طاكسي وطريق كلهاا منابشيين حتى وصلو لبواط منهاا ريسطو ولتحت كاريوكي وفيه شطيح نزلات ديمنة وتابعهاا خليل كان داير ايدو فجيابوو حتى لمح جليلة كالسة وحاطة ايدها على عنقهاا خرجات من فمو ابتسامة وقلبو ضرب 
ديمنة:جمع فمك لموت كضوور ههه احخ الناس تلحب 
خليل:قلبي قلبي هاهيا جاية 
جليلة جاية كضحك وباينة لفرحة فعينيهاا خلات ديمنة بلاكة ومشات سلمات على خليل بلوجه كتسلم وكتشم فيه ولكل كيضحك عليها:😅😅 خليل توحشتك زعمة توحشناااك 
مجد:قولي توحشتيييع(شاف فديمنة وحركو ريوسهم) هههه 
من بعد السلااام شدو طبلة كلسو فيهاا مجمعيين والضحك ونضرات الاعجاب بين خليل وجليلة 
ديمنة(غوتات تاقفزو) هووووو الزدحة بدااات مجد يالله معااايااا..

جرااات مجد كتشطع معاااه وكضحك وشعرها كيطاير ولااحت هم باها على براا
خليل:اوى جليلة قرايتك غدا مزياان
جليلة:ههه عادي(لي رافق ديمنة اش من قراية هي قول خراية حسن) 
خليل:ههه هيا والوو بحالك بحال السطلة تاع ختي 
جليلة:(هبطات راسها كضحك وخليل كيتمعن فيها بشعرها لحريري رطب وبشرتها لبيضااء وعيونها لكحلين مد ايد لإيدهاا وشافت فيه بعيوون كيلمعوو وخدود موردين)☺
خليل: احم تبغي نخرجو شويااا ضرني صداع فودني 
جليلة:اه واخة 
ديمنة(شافت خليل شاد ايد جليلة وخارج بيها من وسط النااس وجرات مجد حتى شافهم ) ههه اح طيور لحب تجمعوو (كتغوت باش يسمعهاا) مجد غنمشي نشرب ونجي 
مجد:عنداك يتخالط ليك لماا مع ماء الحيااة😂😂😂😂
ديمنة :(مشات لكونطواار بغات طلب لماا حتى بان ليا السيرفور هاز كيساان صغار فيهم مشروب بحال لمااا مشات عندو وخطفاات كااس صغير جغماتو فدقة )اووه حاار شي حاجة جديدة
السيرف:هدا راه كوكتييل 
ديمنة😳😳 دابااا انا سكرت 😅😅😅 ناري ههه انا اصلا مكيأترش فياا يمكن ههه حسبو على ديك الطبلة تنجي 
مشات كضحك وكتحرك فراسهاا عند مجد بقاات كتشطح معاه حتى ولات كتحس براسهاا تقيل وتيبان ليها مجد فيه جوج
ديمنة:هههه ناري مجد وليتي كتبان على جوج 
مجد😳😳😳 ناري شربتي واك واك 
ديمنة:ششش وشطح الزبل ختك غادي تزوج هههه(هزات سباطهاا وكتغوت) هيي سمعوني اناااا غادي نتزوج كلكم معروضين ههه اااه عرفتو شكون لعريس ولد عمي اكبر خواف كتاشفاتو لا كتاشفتوو (كتهدر وتمييل ومجد كيسكت فيها شد ليها فمها وجرها من وسطهم) مممم مممم 
مجد:دخلي لحماام غسلي وجهك شحال شربتي 
ديمنة:هادو✌ههه هئ شربت غي واحد ☝ ولكن حااار عمرناا شربنااه (شافت السرباااي وهزات ايدها كتعيط ليه وكضحك وتمايل) كااارصووون كيلووووط جيب ليه كااس👌😂😂😂😂 انااا مشيت ندير بيبي عنداك تقولهاا ل خليل ولان ولااا نبوسك هه
مجد: خهههه برب تطار لمك لفريخ سيري خوك هي مسالي ليك تصيبي مقنت جليلة عههه 
غادية كتغني وحفيانة سباطها فإيدهاا او وقفات قدام جوج بيباان حطات ايدها على فمها وكتشهق وضحك كيبانو ليها جوج اشارات
ديمنة:هى هادي لابسة الصاية 🚺 او هادي حطاتها 🚹😂😂😂 ندخل لهداا (دفعات لباب بصبعهاا ولاحت سباط وكتصفر شافت فلمراية وبدات كضحك رجعات باللور وتكات على لباب حتى رجع بيها الللور وتشبحاات فلأرض حلات عينيهاا ف حداء رجالي علات عينيهااا وجات فعيني 
ديمنة: ههه لكوميسييير هئ 
مجد:موصيبة كحلة هادي تعطلات 
خليل جاي مع جليلة: فين ديمنة!!
مجد:مشات لحمام (خرج عينيه ف جليلة وفهمات لبلان) 
جليلة: خليل هه اش بانليك نخرجو نتسناوهم على براا بينماا جات ديمنة 
خليل:اه ؤكي انمشي نخلص 
مجد(حبسو)ههه لا لا انا انخلص وايلي 
خليل:ؤكي متعطلووش 
مجد:😧
كمال(هزها من ايدهاا وجرهاا ختى وقفااات ) الله ياربي اشمن سخط خديت بقا غير لحمام هانتي استعمرتيني فييه 
ديمنة: مال ديل مك مكتسكتش طلق من ايدي الحترووف (ضرباتو لصدرو وهيا دايخة) وطلق ازمر 
كمال(دفعهاا) خرجي منهنااا قبل مندير فيك ايدي 
ديمنة(هزات رجلها عطاتو لحجرو حتى تزنك وطلق منهاا ونزل شدوو كيتعوج) هههه قصحتك اوووه (حلات لماا وهزاتو فإيدهاا وخواتو على حجروو ) اوو دابا غيبرد ههه
كمال(فقد اعصاابو شدهااا من عنقهاا وزداها مع لحيط تهزات على رجليها وشداتو من شعرو وكتنتف فيه وعاضة على شنايفها ) طلقي يالمصعورة نعل اصل البرهوشة(ضرب ليها ايدهاا ورجع شدهم)بربي وباقي نشوفك قدامي مزااال غير الى مقتلتك وقطعتك بإيدي طراف طراف (كيشم فمهاا) بقا لأصل مك غير شرااب كون كنتي ختي كنت نخلي ديل مك اعاقة مستديمة مي خسارة ملقيتي لي يربيك 
ديمنة(بداات كتصحى وكتوضاح ليها الصورة بلخبطة لي عطاها معا لحيط بزقات عليه) الى سميتك راجل حط علياا ايدك يا ز** غير الما خليتك بلا ولاااد منتسمااش 
كماال(هز ايدوو وجمعها معااهاا حتى عوج ليهاا وجهاا وطلقها حتى طاحت رجع جرها من شعرهااا وقابلها معااه يالله بغا يهضر حتى رجعات كلشي على قميجتوو طلقها ورجع اللور وهيا كضحك)اش درتي نعل اش هد لويل 
ديمنة:هههههه باش تعلم تحط ايدك عليا يالقرد لماسخ 
مجد تسنا تعيااا قدام لحمام حتى سمع ضحكتهاا من حمام رجال دخل حتى لقاها مسرحة فالارض كضحك وكمال واقف كيغسل فقميجتو وكيسب فيهااا: ديمنة اش كديري هنااا 
كمال: غتهز صاحبتك منهنااا ولا غنديها فين تربااا 
ديمنة:عندك سوارت لحبس وانا مفراسييش 😂😂 مجووود عاوني نوض هد لحماار ضربني زيد هادي على النتفة والله حتى نرجعهم لخويا بصرف باقي 
كمال(مسح قميجتو او حاول انشفها فلافابوور جا وجه صبعو لديمنة لعينيها مقلوبين وهي كضحك) لمرة جايو مغنرحمكش
خرج خلاها كدير ليه باي باي 
عاونعا مجد كتغسل حتى طارت التبويقة
ديمنة(ضوراتوو) ركبني ارحم باااك فشلني ولد طيط ههه 
مجد(جرها من ايدها وهزها فضهرو هز سباطهاا) ههه ضوماج محضرتش لفيلم من اللول مي عندك لحق باقي موصلت لتارجليت باش ندابز معاه ونزيدك راه نتي لي بوكيمون فدام داك لقلدة

خرجهاا وهيا مشقلبة لقاو خليل او جليلة كيتسناوهم على براا اما كماال ركب فاللوطو ديالو وحط قميجتوو بزعااف وكيعااير فيهااا ويسب هز عينو بانت ليه الشلة ديالهاا وهيا فضهر مجد 
كمال(صاعر) مجموعت لبراااهش تفوو على نهاار 
حرك اللوطو ديالوو حتى تسمعو رويض فلأرض وخلا ليهم غيير لغبرة 
خليل::هدا مالوو 
مجد:😂😂😂😂 يضرك خاطرك الساااط لمهيم يالله نتحرركو منهنااا 
ديمنة(هبطاات ولبساات سباطهاا من بعد مسحات شوياا واخة تبويقة مزاال ولعبنين حمريين ) انااا فيا نعااس 😴😴😴 
خليل:اوى نمشيو لدارر (شاف السساعة) ناري راه 4 ديال صباااخ😨😨
ديمنة:هههه ومالك كتقولها بحال الى طاحت عمارة عااادي كي 4 تصباااح كي جووجت نهااار😂😂
جليلة: وصلووني عاد سيرو نتوماا 
ركبو فاللوطو ديال مجد خليل او مجد لقدام وديمنة تكات على جليلة اللور ونعسااات توادعاات مع جليلة بعدما وصلات اوكملو لدار
خليل:حبس غي هناا ليشوفنا بابا 
ديمنة:هههه عندك زهر الا شافك اما انا راه جرني من لبوااط قدام امة محمد😂😂😂
خليل(شاف بتشكيك فمجد) متأكد مشربات والو !!!
مجد:ااا لا لا مشربات والو واش مارفش ديمنة يالله تلاحوو باش نمشي نعس 
نزلات ديمنة وخليل مورا دارهم وتمشاو على رجليهم حتى وصلو لباب اللوراني وبدا خليل كيضارب معاه باش يتحل جرها من ايدهاا ودخلوو 
ديمنة(بهمس )علاش ساكتين واش كنشفروو
خليل:سكتي راه كاينة لقواات المسلحة هنااا 
شعل الضو او وقفوو بنفس حركاتهم هزو عينيهم ولقاو راسهم موجهة ليهم مكحلة وباهم واقف مسمر جيهت درووج ب بيجامة ديال نعاس مخطة فلبض وحخطوط كري وطاقية على راسو 
ديمنة وخليل(هزو ايديهم وكيسرطو ريقهم) 😨😨😨 باابا
حسن:فين كنتوو اااه هاي هاي على السي خليل لفقيه لي نتسناو براكتو دخل لجامع بلغتووو اودويي علاش جيتو داباا باقي لحاال
ديمنة:داكشي لي قلت ليه (جرات خليل) يالله نرجعوو
خليل:بااابا الله احفضك راه غير خرجنااا وهاحنا رجعناا 
ديمنة:شطحنا هي شويااا متخافش
خليل(شاف ف ديمنة) زيدي غرقيني
ديمنة:خخخ 
حسن:ششششش
ديمنة🙊🙊
حسن:شطحتوو وهيصتوو (حط لمحكلة ودارها تحت ايدو) بلا بيااا😢
ديمنة:😂😂😂😂(هبطات ايدهاا) والله ترااك نمرة ابا حسن 
خليل: معرفناكش تبغي تخرج اما نديوك 
سمعو تقرقيب لفووق وصوت لعكاز كيضرب فالارض بداااو كيتعكلو فبعضياااتهم تخشااو تحت الطبلة وتكمشو فبعضياتهم اما حسن بقا كيمشي ويجي معرف فين يصد وهوا يكلس فلكرسي وحط لمكحلة عندوو 
الحاج(هاز الصلاية فإيدو)شاف فولدو باستغرااب ) اش كدير تما نتاا وعلاش ديك لمكحلة 
حسن:انا والو غير كالس 
الحاج:عاس على سراق الزيت ولا شنوو نوض لبس حوايجك يالله معاياا لجامع 
حسن(جمع لوقفة وعلق لمكحلة فبلاصتها فالصالوون ) هيا اللولة الواليد تسناني هنا جاي 
ديمنة(بهمس) هد بابا داير علياا لكومندوو وهوا كيخاف من بااه😂😂
خليل(سد ليها فمهاا وهوا حابس الضحكة) قرطاسة وحدة فديك لمكحلة من عهد لفينيقيين غيخويها فينااا سكتي يسكت ليك لحس 
الحاج كيسمع توشوييش وكيضور بجنابو: بسم الله الرحمن الرحييم شيلااه ا هل لمكااان 
ديمنة(بغات تنفاجر بضحك )وحق الرب تطاير لبوهم لفريخ 😂😂😂 ومي كرشي من اين داك لجدع من تلك الشجرة زيد هداا على مولاهم احمد 
الحاج:اش هد الصوت وايلي واش كنحلم (بدا داخل بلغتو لصالوون وكيضور بيهاا بدا كيقرب لطبلة لمربعة لطايح عليها لاناب تالتحت وقف بغا يهزوو 
حسن(لبس فوقيتو ونازل ) الواليد انا واجد
الحاج(تخلع تطاح ليه لعكاز رجع هزو) دير لحس الله اقطعك زيد قدامي اخ خاصني نعاود لوضووو ياعدو الله تسناني هناا ..ااه خاصك تجيب شي فقيه يرقي ليك الدار سمعت جنون كيضحكوو 
حسن:ووو واخة الوالييد انا نتسنااك على براا 
خرج حسن وطلع لحاج توضا بلخف وبدل عليه ونزل من بعدماا شاف فالصالوون بتشكيك وخرج 
خليل:اووف خررج نوضي نطلعو(شاف ديمنة لقا فمها محلوول وناعسة) اويلي ديمنة ونوضي يالكلبة 
ديمنة:😴😴😴
خليل( قرب جيهتهاا وحط راسوو حداهاا وداتو عينوو ( عمركم جربتو النعسة تحت الطبلة ضعتو هههه😂😂😂) 
صباح صبااااح وطلات شمسوو سخووونة ناضت حفيضة كيف عادتهاا لأشغالها ليومية كتوجد لفطوور وكتحط فوق الطبلة وترجع تجيب لي خااص هزاات صيبية تأتاي وكتغني مع الراديو حتى بانت ليهاا الطبلة كتحرك من 
حفيضة:😨😨😨 اويلي الزنزاال 
حطاات الصينية بعيدة وبدات كتقرب بشوياا 
ديمنة(كتقلب ومجموعة فخوهاا) مم وناري عطا الله التيسااع (مع دارت عطات راسها لطبلة حتى طاح كاس لمااا) اي
حفيضة:شششكون تماا 
خليل:(كيتااوب وديمنة شادة راسهاا) مالنا على صبااح
ديمنة:علاش نعسنا هناا امتا جينا هناا!! 
حفيضة قربااات وهزاات لناااب وهيا طلقها بغوتة صمكات ديمنة :وااااع وامي قلبي سكت اش كديرو هناا
خليل:كنلعبو لغميضة 
ديمنة:صمكتيني 
حفيضة:ويلي راك تخلعي لميت نوضي شوفي وجهك فلمرااية متشوف فيك موحمة ولا شادة فحبل 
ديمنة:ميشوفش فياا هيا داك بوخنونة ونكون فوق فكيك 
حفيضة:نوضو منهنا يرباعت الزلالة

خليل خرج ميحبو من تحت الطبلة وديمنة وراه شادة راسهاا طلعو فدروج كيتاوبو وكل واحد دخل لبيتوو ديمنة لي كان باقي فيها نعاس وراسهاا بغا يتقسم عليهاا مشات لحماام كتحك فراسهاا ومغمضة عينيهاا تقابلات مع لمرايا وحلات عينيهاا على جهدهم ورجعات اللور 
ديمنة:ششكون نتي 😨😨😨😨 (كتقلب فعينيها لي تحتهم كحل ومجلخ بلكحل حطاات لكسوة ودخلات تحت دووش ولماا بارد حيت الصهد حتى رتاحت لوات عليها لفوطة وخرجاات لبسااات شورط حد الركبة فلكحل وتريكو نص كم فلكري وشعرها نشفاتو وخلاتوو بوكلي كيف كيعجبهاا وكل مرة تقلب على جيها لي قطع ليها كمال من شعرهاا وكيف كل صباااح كتصبح عليه بدعاوي لي ميوصلووهش 
ديمنة: جلووف لقرد بغيت ليك لقطيع ف هداااك وتبقا بلا ولاااد يا تريكت 
حفيضة:الى ساليتي من دعاوي زيدي تفطري 
ديمنة(هاهيا جاية(نزلات ديمنة اييدها فجيبها لبساات صندالة صبع مع رجليها لبويض وبدوك لحوايج كتبان كي شي ولد كون ما شعر وصدر نزلات كافرة على لوضعية ومعاجباها تحاجة تلقات عينيها بجدها مشات سلمات عليه وسلمات على باها وكلسات كتشوف فيهم كيفاش سكتو ملي شافووها نزل خليل وكلس حداهاا وبداو كيفطرو 
خليل:بابا غنمشي لمقاطعة خاصني شي ورااق وبليل عندي طيارة 
حسن:مكلستي والو هد لمرة مي معلييش مستقبلك هوا اللول 
الحاج(شاف فديمنة) ونتي المبرطة صافي شديتي الاجازة 
ديمنة:صباح الله تاني ...لاا شديت الدكتورة ولعام جاي غنخدم فنااسااا 😒😒
حسن:هديك شدات لارض الواليد 😂😂😂
خليل😂😂😂
ديمنة(ضرباتو لضهرو حتى تكفح عليه كاس تلقهوة سخون على حجرو ناض كيرقص الصامباا) بصحتك اخووو (هزات كاسهاا وكتهدر فنفسها) بحرا نتهناا من لبز تاعك 
خليل:هاااح وناري سخووون😢😢😢😭😭😭 
حفيضة(هزات لما وخواتو عليه) ويلي ويلي واش حماقيتي نتي اويلي حي سير دخل بدل عليك 
خليل طار لبيتو وهوااا شاد الشورط دخل لدوش وخوا عليه لمااا : ااااه حرقاتك اووف
الحاج:حفيضة الله يرضي على بنتي بيتك ديري شي عشا فاعل تارك غيجي محمد او مولاي حمد 
حفيضة(وحلات ليها بين نفسها) صباح الله ...غتجي حتى مراتو
الحاج(كيشوف فديمنة لي كاع مامسوقة شادة التيلي وكتلعب فيه) معلوووم (شاف فحسن)تبعني نتااا يالله نخرجوو 
حسن:ايه زيد الواليد شحاال م خرجنا انا وياك ههه
حفيضة خلاتهم حتى خرجو ونغزات ديمنة: اهيااا واش سمعتييه اش كال عمك هيجي فلعشية 
ديمنة:خليه يجي توحشت ولد عمي😁😁😁😁 
حفيضة(ضورات وجها كتخمم) علم الله لايااش ناوين من صباح او هوما دودودو هي يشوفوني ويطمروو
ديمنة(كاع مامسوقة كتاكل وتيي فإيدها) كب كب شي كاااس الله احفضك 
خليل(نزل محلق على لحالة ) ديمنة تمشي معايااا 
ديمنة(حطات لكاس او فمها عامر ناضت ) ممم نمشي نمشي 
خرجات معاه بنفس لحوايج وشعر طالع لهلا يقلب مشات معااه فاللوطوو وطالقين لمزيكة على جهدهاا بينماا خليل كيضحك على هبالهاا خدا لورااق لي بغااا ومشاا كلسو فقهوة 
خليل:داباا خلينااا من هدشي ...ديمنة فين غادية بهبالك 
ديمنة: ههه لبرشيد ههه(جمعات الضحكة) اش بيتيني ندير نشد حنكي ونبكي على زهري ولا نتسنااا لعريس لمنتضر 
خليل:تبغي نقول لبابا تمشي معاياا!!! 
ديمنة:ههه الحمق منقدرش نعيش بلا باباا وخالتيي هههه واخة محمقاهم واخة خرجني وبغا لفرصة فاش يكركبني منقدرش نبعد علييه 
خليل:هدا جهدي عليييك اختيي 
ديمنة:هههه خليني نلعب معاه شويااا ياك بغا غير اللعب 😂😂😂
خليل:ههه لمهيم الا طلعتي ليه السكر تاصلي بيا نجي ندييك واخة بانليا با سيديي ناوي على شي بلان 
ديمنة:على مقلتش ليك غيجي عمي حبيبي عندنااا هوا وتريكتوو اخححح امتا توصل لعشية ياربي غنفرجك فيهم😂😋😂
كمللو لخوووت قهوتهم وخرجو كيتمشاااو ف الشمس لحاارة وكل مرة ياخدو سيلفي حمق تعشااات لعشية ورجعو ادراااجهم لدااار وريحت طيابااات جاية من لكوزينةة دخل خليل نيشان لكوزينة عنق حفيضة وكيحل فطوااجن 
ديمنة:هاي هاي هدشي مكديريه تيجيو ضيااف ولا بيتي تباني قدام مرت عمي هههه وجدتي دهب ولخلخاال ولمضمة😂😂
حفيضة:هي سكتي باينة تاني كيتكلس تبدا تنش بإيديها شوفوني راني مدهبة بيت ليها لويللل 
خليلل:انطلع نتكا بينما جاو 
ديمنة:ديني معاااك حفوضتي اعااون ربي ههه
حفيضة:يااااك هادي هيا نعاونك 
ديمنة:رجعات:عيطي على لحاااج اعاااونك اشاوا كتسناااي 
حفيضة:متهزي متحطي كيعزري دوااار 
طلعات ديمنة هزات تيليفونها تاصلااات بمجد 
ديمنة:لحماااري شي خباار 
مجد:بيتو يركلك اوجه لمرميطة ...اشاوا من خباار 
ديمنة:بلا متصعر مي داك لخراا حاشة واش بناادم 
مجد:شتو لبارح ودرت بناقص 😂😂😂 راه نتي لي خرية 
ديمنة😤😤😤 قولي اش درتي 
مجد: جاري لبحت عطيني 3 ايااام خبارو تجيك بيااان ديطااي 
ديمنة: كلمةة رجاال 
مجد: اوووهوو كلمة لبراااهش متي لي راجل 😂😂😂
قطعات عليه ولاحت التيلي وشدات شعرها كتلوي فيه 
ديمنة:هيا بيااا ولااا بيك احلوف لغيس (سهااات وهياا كتفكر وكتلوي فشعرهاا حتى سمعاات لهدرة دخلات عندها حفيضة كتجري)

نزلات ديمنة بنفس لحواايج ايدها فجيبهاا وشعرهاا شاد الريزو كيف ديماا وكيف هوا عاجبهاا تقريباا بشكل ميريام فارس هازة راسهاا لفوق ونازلة درجة درجة ولهدرة غير مزايدة كتسمع دخلات عليهم ولكل دار كيشوف فيهااا حسن شد راسو وضوروو بتعب اماا عمها ومراتوو شافو فبعضيااتهم
ديمنة: واااا هلاات بل عميم تبخيير 
محمد(ضحك بزز) هه ديمنة لباااس اش خبااارك 
ديمنة(كتشوف فجدها لي مكمش عينيه فيها) من لحاميدين الشاكيرين هد السااعة 
مشات سلمات على مرت عمهاا لي كلها دهوباات وغير كتشالي بإيدها وتبان عليهم جراتها خنقااتها بلبووسااان وكتخبط ليها على ضهرهاا ديمنة بقا شويااا وتغييب ناضت مريشة من عندهاا ولات كضور بجناابهاا فيين تكلس 
الحاج:اوى سلمي على ولد عمك واجي كلسي هناا(اشار ليها بينو وبين احمد لي كالس وحشماان بجباادور فلبيض بخطوط صفرين مشات عندو ضربات ليه بإيدو بريوس صبعانهاا وكلساات جنبهم
احمد:بنت عمي لبااس
ديمنة(يعمي لأصل مك لعينين داكشي ليبقالياا) لباس لبااس هيوكاان الصهد (بداات كتنش قدام وجهاا) ناري دبااان منين جا هدشي 
خليل(كالس فلقنت وشاد على فمو بالضحك )😂😂😂
حسن(موصيبة مع هد لبنت) حفيضة حفيضة 
ديمنة(شافت فباهاا)جيبي معاك بايكوو (baygo ) 
حفيضة(دخلات بقفطان سامبل فلمووف وشال فلون لموف بارد وسنسلة تاع دهب نازلة على صدرهاا) نعاام اسي حسن 
ديمنة:هاي هاي الناس دارو دهوباات
حفيضة( كتبرك على سنانها وتغمز كلساات جنب حسن وتقابلو مع ديمنة ليدارت رجل فوق رجل وضفران مسبغين فلكحل مع رجليها لبويض والشورط فوق الركبة حفيضة مبقا والو والتاكل فمهاا) ه اوى مرحبااا بلالة السعدية 
السعدية(مرة مطبزة شوية لابسة جلابة فلبورضة وزيف بلونوو شراتل فإيديهاا ) ترحب بيك جنة اختي اوى غبرتو مبقيتو تجيو حتى انا هد لياماات مولاي احمد شاد لكونجي مخلا فين داني الله ارضي عليه (كترمش فعينيهاا)
حفيضة:اوى بصحتكم 
ديمنة:مقلتيش ليا احمد فاش خداام 
احمد: طبيب بيطري 
ديمنة(طلقاتها بضحكة وتبعهاا خليل بلا ميحس حتى لييعاتو حفيضة وهوا يجمع ديمناا كضحك وباغة تهدر وكتنش فإيدها) وتنقول دبان منين جااا😂😂😂😂😂😂😂
حسن😳😳😳😳😳😳
ديمنة:اح اح هي تنضحك احمد مزيااان تخدم 😂😂 مع لحيونااات شي مراات تلقاهم حسن من لبشاار 
الحاج:(عينيه بقاو هي يخرجو من نضاضرو) ححفيضة دي ديمنة وجيبو لنااس تعشااا 
ديمنة:لاا هي خليني توحشت حمد 😂😂 ومراات عمي 
حفيضة(مشات حفيضة جرات معاها خليل خلاتهم شي كيشوف فشي وحسن حاط على حجرو مخدة ومتكي عليها ايدو وكيتحلف فديمنة لي طالقها تسرح)
ديمنة(ناضت وتقابلات معاا عمها ومراتو واحمد ) خالتي السعدية وسريييتلة هيا دايرة
السعدية: هادي احبيبتي شراها ليااا مولاي احمد الله ارضي عليه 
احمد:ونهار نتزوجوو نشري ليك لي بيتي
ديمنة(جمعات الضحكة وشافت فجدهاا وتقادات فلكلسة) جديدة هادي 
حسن: انشاء الله اولدي منلقااش حسن منك لبنتي 
محمد: اوى اخوياا خيرنا ميديه غيرناا واخة عكستي لينا فاللول 
الحاج:راه هدرنا صبااح نساو لي فاات اناا لي كنقول اش غيكوون ومحدي هناا كيزوجتكم هنزوج ولادكم انشاء الله 
سعدية:اوى يا بنيتي مغتقولي والو 
ديمنة(اشاوا هاد لباكوور زمطيني فهادي ابا حسن مي هي بلاااتي نلعب بلعبتك) مدام قالها جدي منخسرش ليه
حسن😳😳😳😳
الحاج(ضحك وهوا كيهز فحجباانو) هههه اوى نقراو لفاتحة 
حفيضة جايبة لعشااا : نتعشاو بعداا ونهدروو واخة
خليل كلس جنب ديمنة:هههه هتزوجي بطبيب بيطري اععع 
ديمنة:كون هي خريتي وكلتيهااش 😒😒
خليل😂😂😂
محمد:لااا امرات خويااا نضربو لحديد محدو سخون عاد نتعشااو 
ديمنة:يضربك ترااان ونبكي عليك اعمي 😒😒😌
حسن(هز ايدو)مقلتي عيب ديمنة قراي معااياا 😏😏😏
ديمنة(ضربات ايدها مع بعضهم ) هيا لي متعااودش 
الجميع :بسم الله الرحمن الرحيم 
ديمنة(ياربي تكون هادي هي دعوة لخرا وناكلو عليه كسكسو..ياربي اطلع معاه شي صاروخ اجيب اصل مو كاو..ياربي تعطيه هو ومو وباه شي واد ديال الخرا اعومو فيه....ياربي تكتب عليهم شي زلزال اضرب دارهم بوحدها ويلقاوهم كارمين والحمد لله ربي لعالمين
بداو كيتعشااو وسعدية مشمرة على ايديهاا وحفيضة غير كتفقص ودخل فوجهاا لحاج مجمع مع ولادو واحمد مقابل مع ديمنة وكل مرة يعطيها نضرة عشق كترجعها ليها بتخنزيرة وحلات ليها وبدات كتكح 
ديمنة:وحلتيها لينا الله يعطي لبوك جووع تفوو كنس مكبووت
حفيضة(كتخبط فضهرها) حلال لييك (بدات كتهد بشوياا) توحل لعمك خو بوووك وتركتو الناقصة 😒😒
كمل لعشاا فجو مكهرب وديمنة 100 مطرقة كضرب فراسها ومطمرة على راسها تسالة لعشاا وكلسو على اتاي كيف لعادة 
سعدبة(: الله يبنيتي دهني غير داك شعر يرطااب هي شويااا 
احمد:ديمنة شعرهاا زوين على طبيعتوو ههه كنت ديماا كنجمعو ليها ملي كانت صغيرة
ديمنة:كون كان عد بويياا لعقل كون تريت فيك قبل متكبر ابفوو
ديمنة(شافتهم سكتوو وكل واحد شاد كاسو عوجاات ) 👃👃👃👃 اش هد الريحة مشميتوهاااش اعع
حفيضة(شدات نيفها) ااام اووف روايح هوماا 
خليل(عاق بيهم ) من قبيلة كنشم فيهااا 
ديمنة:شكون طلقهااا بلا كدوب 
حسسسن:ديمنة😳😳😳
الحاج:اش كاالت!!! 
ديمنة:متكووون هي نتاا لحاااج عندك شي قنابل السلااامة 😂

حسن:كوني تحشمي 
ديمنة:مااا كلت هي لي كاااين ريحت اعع بحال لبهااايم بحاال لمهيم ريحة خانزة 
محمد(شاف فالسعدية) سياادناا هدا هوا لوقت جمعي لوقفة 
ديمنة(حطات لكاس) كلس اعمي كلس باقي مهدرت 
حفيضة(ناااري ناضت)
ديمنة(وقفاات) شربتووو كليتووو حزقتووو او شميتووو داباا السلاام عليكم انااا مدياال زواااج ونتا احمد انا راه منصلااحش ليك نتاا ولد عمي بقا هي ولد عمي 
محمد(صعر) وااش كنلعبو هنااا حسن اش هد روينة 
السعدية(مرضاتش) مولاي احمد نوض نوض الف وحدة تمنااك
ديمنة:كون عرفتي هكاك متجيش لعندي وميشرفنييش تكوني حمااتي امرات عمي لباب كتعرفووه والى جبتو شي سكر هي دييوه مكنشربووهش 
الحااج(ناض كيغوت) كلسو نتوما اللرض ونتي اش هد قلت لحيااا ولات فيييك ملي ييهدرو لكباار صغااار يسكتوو 
ديمنة: انااا ماشي صغيرة وانا حرة نتزوج وقت لي بغيييت وماشي نتا لي غتفرض عليااا اش ندير 
حفيضة(زيديييييهم زيديهم) 
حسن(شد راسوو وسها فلأرض 
احمد(نااض) جدي بلا متعصب انااا غنصبر لديمنة هيا باقة صغيرة ونتا عارف عقل لبناات دابا دير عقلهاا
ديمنة(كتخبط فإيديها) يااا دي النيلة لمعفنة ...وقلت مبغيتش نتزوج يعني اناا مبغيتش نتزوج 
خليل(غير ساكت كيتفرج وكل مرة عندمن كيشوو ولكل واقف الا هواا ) انعلوو الشيطاان 
الحاج:سكت نتاا(هز لبووردو وجهو لديمنة لفارقاهم الطبلة) سمعيني نتي اناا لي كنحكم هنااا نهار نمووت ديرو لي بغيتو ونتي تاع احمد طلعت معزة هبطة معزة وحق مولانة حتى نهبط كواريك احمد(شاف فيه) سيرو لدار دابااا وكون هاني منهنا لشهر غيكوون لعرس 
محمد:ولكن الواليد
الحاج:السخط هاا رضى 
ديمنة: الى بغيتي عرس بلا عروسة هي ديرو 
حسن:ديمنة طلعي لبيتتتك😠😠😠😠
ديمنة(رجعات بلوور ومشاات من بعد غوات باباها لي عمرو غوت عليهاا لهاد الدرجة زدحات لباب ودخلات لبيتهاا) لعبو لعبكم ولعب لعبي 
احمد(عمي واخة نهدر معاهاا شويااا عاد يبان لينا منديرو 
حسن:سير 
كلشي كلس قالب وجهو على لاخوور ولقردة طالعة ولجو مكهرب حليل لي كان متوقع هدشي كيشرب فأتاي وياكل فلحلوة فطرف حدا حفيضة لشادة حناكهاا 
احمد(طلع لبيت ودق) ديمنة واخة ندخل
ديمنة(هزات ايدها) دخل فترااان مقطعين لاصل مو لفراناااات ونضحك عليك... دخل
احمد(دخل وكلسس حداها جامع ايدو) ديمنة اناا ..احم شوفي ..انا عرفك مبغااش ولكن
ديمنة:ياااا ودي هضر خلااص 
احمد: حنا كنعرفو بعضيااتنا بزااف وانا عارفك خايفة لا نخرجك من لافاااك كوني هانياا اصلا دارنا غتكون قريبة ليهاا وغتكملي (سكت شوياا وهوا كيشوف التفاجئ فعينين ديمنة) اش قلتي ادموونتي 
ديمنة(لافاااك لخرووج احح اوليدي حكيتي على الضبرة 😍😍😍)
بدات ديمنة كترطب معاه فلهضرة وتحلون وهيا فخاطرها هي توقف على رجلهاا بمخططاتهاا على لكوميسير مكيهماها لا قراية لا نص
ديمنة(كتحلون) اوى مقتيش هكاا امولاي حممد هم (كترمش فعينيهاا وهوا الضحكة خارجة من لودن
احمد(شاد على قلبو) بشوياا على قلبي رااه هشيييش وميتحملش 
ديمنة(ضورات وجهاا كتعوج فمها ورجعات ضحكات ليه) ههه اخليك ليلي 
احمد(قرب جيهتهاا) نموت فضحيكة اناا
ديمنة:ااايوااا جدر اولد السعدية شفتك تحليتي كانو سادين عليك مع لحمير (فنفسها)ضحكناا تندمو اصل مناا 😒😒 نوض نوض نهاار تكتب علياا ديك السعااات قرب يا روحي
احمد(ناض ) دوزي بخير ادموونتي داباا وليتي خطيبتي ياااك
ديمنة(بغيت ربي اخبطك مع حيط كروفيتاا) 😊😊😊
خرج احمد ولفرحة سابقاااه فمو مشرع دخل عندهم وشافو فيه) اوى خلينااكم هد السااعة عمي الله اجعل كلشي مبارك او مسعوود ديمنة قبلات 
خليل(لاح لحلوة من فموو وحلات ليه) كح كح كح 
حفيضة: ااه ققبلات 
محمد(نغز السعدية لي مرضاااتش وكالسة على الشوك شافت فيه وخرج فيها لعينين)تي زغرتي 
سعدية:اووى مبروك لولولوولولوي 😒😒😒 
احمد:هه الله ابارك فيكم 
الحاج:اووى انشاء الله غنديرو خطوبة وعرس دقة وحدة ونعقدو كتاببكم وهبيل خدا هبيلة وتهناات لقبيلة ياك احسن
حسن(مصدووم) ااه ايه ايه هبيلة وهبيل وداكشي الله ارحم اا بغيت نقول الله ابارك
سعدية:اوى لوااه الحاج ولدي مهبيل 
حفيضة:كيشفتي بنتي هبيلة 
خليل: وحق ربي تهبيلة دابا انا وليت نسييب كوااي لبكر 
حفيضة(بركات عليه على رجلو وهوا حابس الضحكة بزز)
حفيضة والسعدية كل وحدة كتشوف فجيه اما رجال عاودو قراو لفاتحة وكل واحد شد طريقو خوات الداار ولكل تزلع ينعس بقا هي لحاج وحسن لي كيخمم فهاد لبلان تاع ديمنة 
طلع خليل وحفيضة لفوق لقاو ديمنة متكية على ضهرها ودايرة لكيت فودنيها وكتشاطي فالتيلي تكا حداها خليل وحيدات لكيت
ديمنة:مشا داك قوبع
خليل:مشاا..ليااش كتخططي نتي 
ديمنة:والوو هي بغيت نوض روينة
حفيضة:الله اجعلني نتيق بيك ا لعفريتة انا مشيت نعس تصبحو على خير 
سدات حفيضة لباب وتقاد خليل فالنعسة
خليل:قولي اش كاين 
ديمنة(حيدات التيلي ودارت عندو) لبلااان كتالي (كلسااات ديمنة كتعااود ليه على خططهااا وفاش كتفكر ولبلان لي موجدة لكماال ليماا عارفة حتى سميتوو و ليمجايب لدنياا خباار

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.