️ اووووووووووف ياربي اش هاد المرض ديل زهر عندي من دون البنات
ربي واش هادي فورمة ؟؟؟؟ بغيت غير نفهم واش انا بنت ولا ولد... لا بزاف.... البنات عندهم صدر وليهونش انوتة ....والاولاد عندهم الكتاف ولي زابدو.....
وانا ؟؟؟؟؟؟ مسطرة ؟؟؟.....صوطة محطوطة لا هضاب لاسهول لا جبال حت الي بغا يتسرا فوق مني مايلقا فين لوطورت..... اححح وعباد الله حت لوطورت وفيها دورات والفيراجات....دارت كتشوف فالمرايا من لور وتشوف من القدام وتعوج راس من هاد القنت وهاد القنت....اوووف وحق ربي الي الموت البطيئ هادي ماشي تعقاد البنات بسانك دي وانا يالله فيا دي وداك دي وكيتقاتل معيا باش ميبانش...
لا صدر لا طرمة لا دخلات ولا خرجات العضام تقول سلوكية وطلقفينها تسرح....
تحل الباب وطلات....صافي ابنتي ساليت من الموال ديل كل نهار
حادة وحق مولانا اماما الي تقهرت وتعقدت من هاد المرض راه بزاف بزاف او من دون البنات كاع معندي حت حاجة وباش مكملينها مسميني حادة واش حت لهاد درجة كتكرهوني براكة انا كارهة راسي لتكملوش عليا....طلقات الباب ودخلت عندي...
ماما اجي اهبلتي عندي اجي... نتي راه غزالة غير مكتشوفيش شنو عندك شوفي سوالفك لفخادك ....شوفي عويناتك لي عسلين وقد الكسان لي شافهم كيتبهض شوفي الفيم عندك غير فريزة ولونك سميمرة كتسطي بزين
حادة وماما راه هدشي والو راه مكيبانش كنبان بحال الكميشة وفيا مرض سل بحالي مكنكلش نعمة فدرنا وانا كنضل نسرط تقولي معيا حمادشة يسرطو ميشبعو
ماما واصافي بنتي الله يرضي عليك دبا تزوجي وتفركعي وهدشي كلو يدوز يولي غير تعاويد
حادة كتبركم شكون لي يقبل يتزوج بخط طروموي
ماما ههههههههههههههه الله يمسخك نوضي نوضي عونيني فحلوة لوز راه عندي كومند جديدة ونتي تبارك الله كطلعيها غزالة حسن مني
حادة اوووف يالله يالله نعاونك
عمري 24 سنة وعقدة حياتي هو كيف قلت لكم فلول ....لا هضاب لا مرتفاعات ولا منخافضات طريق بيس مسرحة تسافري مرتاحة مكينش العكابي وتكول...كملت لفاك وشديت دار الوليدة الله يخليها ليا كتصيب حلوة سيغ كومند الناس وانا وختي تعلمنا منها العجب جميع انواع الحلوة من تقليدية لبرستيج لي مكرون لي باطاشو حت من الكاطو تعلمنا ليه والكيك بجميع الانواع هيا ومملحات اشكال والانواع والحمد الله امورنا ميسرة معندناش ومخصناش حيت بابا كان غير بناي على باب الله وكيف كاع ناس ولديا تعاونو حت دراو دار وكبرو الولاد لي هوما انا وختي وخويا خويا خدام جندارم وساكن فوق منا ومراتو بنت ناس حت هيا موضفة ديما شاد ليها ولدها اياد ولكنحمقو عليه اما ختي تانية تزوجات ومشات الميركان وبقيت انا اخير العنقود ولي كنشوف راسي مامعوطة حت من جيهة كيف كيقولها شماليين..حيت ختكم نص شمال ونص عروبي ولكن الحمد الله مغربية ومفتخرة غير انا بيسط مسرحة مكاين لا ها ولا ها حت حفرة طيح فيها متلقهاش شتي راه قلت لكم طايتي معقداني سيرو خلوني نخدم كومند الحلوة قبل منتفركع عليكم....
ماما حادة وبراكة بنتي متهضري مع راسك راه غادي يقولو حمقى
حادة حمقى وزغرتات سير عالله امتا غتجي ختي
ماما ختجي فلخر شهر ستة سير عالله تبعنا تمارة توجدا ليها
حادة والله يجيبها على خير
ماما امين....جلست خدم ياما تخدم حت كملت ديك الكموند نضت دوشت حيت ريحة الحلوة كضرب فيا شتات ومشيت صلايت وجبدت المكلة لبيتي لكان قبل ديالي وديل ختي دبا كنتبلونجا فيه بوحدي شعلت التلفازة وجلست كنتفرج وناكل وكناكل معها حت الفقسة ديل الممتلات وطايات ديالهم وليت دايرة كي داك الكلب المشمشم فيما كاين شي صدر وشي طرمة تابعهم بعنيا الله يسمح ليا تقولي غير كنبغي البنات وانا غير كنتخيل راسي وسط دوك الفورمات وشي مقضياه...نعست حدا ديك شياطة ديل المكلة وتلفازة شاعلة وكيف ديما القلب الحنينة دخلت جمعت ديك دنيا وغطاتني وطفات ضو وخرجات...مقلتش ليكم الحداكة مخليتها الحد بقوة داك سم لي فيا واخة ماشي مسمومة ولكن مسمومة غير فشي حوايج المهم مدوش عليا كنعرف نصيب البساطل انا هيا لالة البساطل الحوت ولوز بجوجهم وفيما كان شي نوع جديد كنتعلم ليه دغية واي كموند جات كيفما كانت كبيرة ولا صغيرة كنطيرها فسما لدرجة الوليدة مبقاتش كتعاوني كتخلني مني ليهم نقدر نصيب حت الخمسين بسطلة فضرف تلاتة ديل ايام ولكن بمساعدة ديل لي ماشين لي جابتهم لينا ختي من مريكان باش تسهال الخدمة علينا وخصصنا ليهم بيت بوحدهم هوما والمطريل كامل باش منبقوش نديرنوج معاههم فالكوزينة
وكيف العادة غير كيقرب صيف فوسط الخريف كتبدا العرسات وهاد الكومند لي جاتنا ديل عرس فيه تسعود عشرين بسطيلة لوز ووحدة حوت وهاديك ديلت الحوت غتكون هيا لابق ديل لعبة العرس ووصوني انا لغادي نحط ديك البسطيلة راسي حيت اي عرس كنصيب ليه الكومند كنطلب ماليه نحضر باش نوقف على شغلي ومنها نديفولى شوية وماما عمرها اعترضات على هاد القضية حيت عارفني معندي لا صحابات ومكنخرجش بزاف هدا علاش وعندي برمي ديالي يعني وقت ما بغيت نجي كنجي وخويا جندارم مكاينش لي يقدر يوقفني فطريق حيت ملاصق ليا بلاكة ديل جوندارم بقا ليه غير يلصقها ليا فصدري ويكتب عليها ممنوع الاقتراب على اساس انا عندي فورمة كتحمق هضاب ودكشي وانا غير مسطرة نمرة ستين... والمهم نتوما عارفين دكشي لاخر بلما نعاودو مسطيرة بدون اضلاع اه وطريق بيست قلتها صافي فهمتو بلما نزيد نشرح حق ربي تعقدت هئ هئ هئ عك عك امي....
ماما مالكي بسم الله عليك ابنتي حت فالحلم وكتبقي تهطرفي بصدر وطرمة نوضي الله يخليها محنة هادي لي محناتك...خرجت ماما من البيت من بعد مافيقتني وهيا كطلب ودعي حيت تعقدت وعقدتها معايا...بقا تلاتة ديل الايام على الكومند باش نبدا نصيب فيها...صبح صباح وتحركات العند ممول الحفلات لي دايرين معاه ناس ديل العرس باش نتفاهم معاه الوقت وحطان والماعن وعلى المجيب ديل البساطل حيت هوما لي غيتكلفو بيهم...
سكت طونبيلتي كيا ولي شريتها بفلوسي ومن عرك كتافي حيت ماما كتقولي حت نتي كضربي تمارة نص بنص نص راه كنصرفوه الدار ونص خبيه وديريه الدواير زمان وفعلا بنصي قدرت نشري طونبيل وابارطمون حيت غير بديت كنخدم الكومند ماما فتحت ليا حسابي فالبنك انا وختي وهكا من سطاش السنة بديت كنجمع رزقي حت درت داري ودرت دهبي ولكن تمارة كنضرب بمعنى الكلمة ايام وليالي مكنرتاح حت لشهورة البرد فين كتقل خدمة العرسات ولكن شهورة شتى مكنجلسش كيكون سبوعات وحفلات واعياد الميلاد...المهم وصلت البيرو ديل ممول الحفلات ودخلت صراحة عجبني دكشي لعندهم حيت برستيج وراقي بزاف تقدمت لقيت ولد جالس فالبيرو منقلش لكم احححح بوكص..
وقفت حادة سلمت عليه وخرجات معصبة من شوفات دياولو...رجعات باش تبدا تمارتها لي مغاديش تسالي حت يسالي العرس...دزات تلاتة ديل الايام ليلها بنهارها فالعداب عند حادة لي مخلات مصيبات حت كملات دوك البساطل وطلعتهم عاد طاحت دودة فنهار العرس مشات دوشات ونعسات ساعتين جبدات بلزتها لي فيها تكشيطتها وصباطها والاكسسورات ديالها ومكياجها وحطاتهم قدمها باش غير يجو يدو البساطل تبعهم القاعة....لبسات سروال دجين واخة مكتحملوش حيت كيبين ضعف ديالها بزاف حيت كتوزن غير خمسة وربعين وهيا طويلة شوية لبسات معاه بدوي وبوليغو ودارت الفولار ولبسات بلغينة وجلست كتسنا فصالون اما باها مسافر وموها مشات تكا فبيتها من العيا...دق الباب وقفات مشات تحل الباب وهيا تلقى بحيط على قلتكم هزات راسها وهو يخنزر فيها..
حادة ستوبيد فعينك يخ تفو سبحنا عالله على تركة هبش واخة زين ولحية والوقفة ولكن لسان الله يجيب هدشي كلو بين لسانها ودماغها خنزرت فيه اما هو طلعها وهبطها وبركم وسمعاتو تفو على مسطرة لا طاي لا زين يخليها نهار هدا...محملاهاش ومحملش شعرى منها وهدشي كامل غير ملي كيتعصب مكيبقش يشعر كيخلط كلشي وعارف راسو غير يبرد غادي يعتدر منها حيت ماشي من طبيعتو يسب ويعاير من غير سبب وهدشي كلشي من تحت راس مهدي لي مشا الرندفو ديالو مع صحيبتو وخلاه غارق فالعرس وزمرو وهو هدشي ماشي خدمتو...بقا واقف فالباب كيتسنا حت تمت جايبة ليه صنية الولى ديل البسطيلة وهو كيمدها الجوج خدامة معاه وكينزلو وهيا كتمشي حت تجيب صنية ديل عشرة ناس وترجع وهو كيشوف هاد الكميشة لكتهز هاد صواني وهيا قربت طيح...بقا واقف كياخد على اعصاب وكاره راسو حيت باقي تبعاه ليلة طويلة وسيك مهدي راه كيحفر فصاحبتو...وفيما تجيب ليه صنية يخنزر فيها تخنزيرة وتخنزر فيه هيا جوج...حت تعصبات مزيان
حادة اسي واش وكلة لك الورت ديل باك
نجيب مالنا اش كاين
حادة مالك كتخنزر فيا من صباح
نجيب فوتني الله يرحم جدك ولانسيفطك ليه
حادة غير سمعاتو وهيا تولي صفرى ورجعات على وراها مشات تجيب البسطلة الخرى ولي خلاها تراجع هيا موها حيت كاينين غير هوما وباها وخوها مكاينيش وهيا ماعرفش انا جنس قسيف هدا...بقات كتمد ليه وكتهرب من عينيه وهو بينو وبين خاطرو تفو كتجيو غير بتحمار والعصا...مرض هاد ليلة باينة من لولها كديرة...كملو دوك البساطل حسب دروج بغا يطير حت خبرو الخدمة يتسنا راه البنت غادي تبعنا...
نجيب انا منتسنا حد ومكنهزش منوالة...مع ديك الكلمة هيا كانت واقفة موراه وسمعاتو...تزيرات وعينيها نزلو فيهم دموع وقبل مايدور دورات وجها جاتها البكية والحكرة تحرك من حدها ومشا طونبياتو كيتسناها على اساس غتركب معاه والولاد معجبهمش الحال حيت شوفو وجها كي ولى ملي سمعات ديك الهضرة مشات طونبيلتها بركات كونطاكط وركبات وزادت خلاتو جالس على اعصابو كيتسنا وهو ماعل بالوش بيلا مشات...بقا مدة وهو ينزل يطعطع ويغوت
نجيب وفين هيا هاد لالة مولاتي
خدامة مشات اسيدي
نجيب كيفاش مشات
خدامة ركبات طونبيلتها ومشات...بقا واقف مصدوم ومعصب مافاهم والو..حسب طريق وهو محلف فيها حيت غير زادت عطلتو...وسبب اعصابو هوانا اليوم عيد ميلاد صاحبتو وهو مواعدها يدير ليها لانيف مطرطق ساعة دارها به مهدي وعارف صاحبتو مغاديش تسامحو وغادي تحرمو شهر من الحلوة واخة معرفت شنو يجيب ليها...
وصلت القاعة وجلست كتسنا حت جا غير دخل خنزر فيهاومبغاش يهضر معها قدام الخدمة باش يشدوش عليه وياخدو نضرة خايبة حيت كايعملهم باحترام حيت هو مول شي...تقدمات الجيهت البساطل حسباتهم وحطاتهم وهو معصب من برهوشة هيا لي غادي طيب هاد البساطل...غير تهانت عليهم مشات الطوليط تقضي حاجتها...غير كملات خرجات وهيا تلقى جوج كيهضرو
الخدام لول جبتي عشا سيد نتا عارفو مكيكلش مكلات العرسات
الخادم تاني اه جبتها
الخدام الول ياك ماتكون درتي الحارة راه جنو وجنونو الحارة
الخادم تاني ومدرتهاش غير تهنا ورتاح...
الخدام تاني غير بعد منو هاد ساعة راه معصب من مولات البساطل
الخدام تاني اش درت ليه
الخدام اللول والله وعلم ماحضرتش....سمعات الحوار وتحركات من حداهم كتسلى وهاد لمرة شر دنيا تجمع فيها وغادي تحرر ليه ليلتو كيف ما حررها عليها...مشات كتسلت دزت من حدا البساطل دفعاتهم فواحد الفرارن كينين تما فضهر ديل القاعة تابعين المول القاعة ووقفت عليهم الخدمة ومشات كدور وكتقلب على مكلة مول شي حت طاحت فيها ولقاتها محطوطوة مع الحلوة وشي اللخر وخرجات مشات كطلبهم الحارة والهريسة حيت طريطور كيجيب معاه كلشي للاحتياط...بدات كتحرك ومرة مرة تمشي طل على البساطل وكدير خوايا فعامرة ودخل من هنا وتخرج من هنا حت دازت على ديك المكلة خلطت فيها الحارة مزيان عاد مشات جلسات حدا بساطلها...
هاكو زيدو هدا كتبتو من تلفون ههههه
غير دفعو العشا الناس مشا جبد العشا ديالو حطو ليه واحد من الخدامة فواحد شومبر جيت هو من نوع لي معندوش مع مكلة زنقة بزاف ودكشي ديل ريسطوراسيون طالع ليه فراسو...وحيت معصب مزسان محسش بلقمة لولى حت وصل تالت وهو يزيد معاه زايد ولى حمر وتنفخو شدقو وتعصب مزيان وكيفكر بيلا هاد ليلة مزال طويلة وهاد ابحمار لي دار ليه الحارة مزال غادي يفدها فيها. .بدا وجهو كيتنفخ وكيحمار حت وقف عليه خدام غير شافو مشا كيجير جاب ليه الما وهزو داه الكنينك باش يضرب البرة ديل الحساسية...ضربوها ليه شرب شي دوى ورجع العرس مع تلاتة ديل صباح دخل جاعر والخدام لي مكلف بمكلتو كيحلف ويعطي القلبو ما دار شي جار ولالة حادة كتلوى على العلوا وهيا معندها حت طايتها...مشا طلع الكميرات ديول القاع دار كيقلب بانت ليها كدير خويا فعامرة كتسلت وعرفها مولات الفعلة...وصلت الخمسة ديل صباح...خرجات باش تركب طونبيلتها من بعد ماخدات صونيها فوقت العشا ودارتهم فطونبيل...غير خرجات بطالون وتكشيطة ومكياج مطرطق لقاتو متكي على زنوبة ديالها...
نجيب اوا بصحة الالة نشاط مع راسك
حادة الله يعطيك صحة اش بغتي من عندي
نجيب دوك فعايل ديل بنات ليل مديرهومش معيا ولا بربي حت ندم موك على هاد ليلة
حادة غير سمعاتو وركبها الخوف والخلعة
نجيب عند راسك مجيبش الخبار عرفتي غير تقيت فيك وجه الله اما نسيفطك الحبس ودليل عندي
حادة نتا لبديتي لول...انا مدرت لك والو
نجيب انا مغادي ندير لك والو براكة عليك غتموتي غير فبلاصتك...بديك طاي زينة عندك دايرة بحال مسطرة
وانا ملي شفتك ونتي بديتي كطرطاي باش نشوفك وكظير دوك الحركات....كون غير حركت فيا شي حاجة فداخلي ديالي نقول المشكل هو انك محركتي فيا ولو مكنحس بولو...حيت ادنى معاير الانوتة مفيكش
لا مقدمة لا مؤخرة لا عرض لا خاتمة
حادة: براك الله فيك...عطاتو بضهر وهيا دمعة محبوسة فعينيها وبقوة سم بقات مضاربة مع الكونطاكت باش تحل الباب حيت عينيها ضببو ومبقاتش كتشوف بيهم وجها ولى بحال كبتي عليه دوى الحمر قربات تفركع ولكن ماشي قدامو حيت هضرتو هبطات عليها بحال سم لكيسرح فدمها...اما هو غير ديك الكلمة وعطاها بضهر وزاد معا طريق ركبات طونبيلتها وهيا كتعتر فجلايل تكشيطتها....شدات طريق وهيا كتفكر اول مرة فاش جاو صحاب خوتها لعند خوها حيت فايت ليه داير كسيدة وحفضو الله فالخدمة وكتعقل كيفاش ديك ساعة جالس فدارو قبل ميتزوج...وبالفرحة طلعت كتجري وجدات ليهم كسكروط مطرطق اش منك يا رغايف اش منك يا حلوة... كروصة ...قهوة ...اتاي كلشي صيباتو بيدها وديك ساعة كان فعمرها عشرين سنة وفرحانة حيت اول مرة كيجو عند خوها رجال...وكتفكر كيفاش خوها مشا الحمام يقضي حاجتو وهيا يالله بغات تقدم الصالون باش تحط ليهم صينيه حت كتسمع الحوار وهيا عند راسها راه خوها كاين معهم دكشي علاش مشات تقدمات بغات تحط ليهم ضيافة...
سعيد شافتي خوتو صغيرة لي بقات متزوجاتش باقي كتقرا
مراد كيعاودو عليها اصاحبي حادكة ويالله كملت واحد الابارطمون
محمد ويالي هاديك البرهوشة شرات ابارطمون ديالها
مراد ايه هاديك البرهوشة مخلتش الحادكة لشي حد
سعيد وديالت زواج هيا نزطم
محمد كنت باغي نزطم ملي سمعت عليها وخصوصا انها من داك نوع ديل دار ماشي زناقي ولكن اصاحبي غير شفتها وانا نبرد....كانت كتسمعهم كيمدحو فيها مقداتهاش فرحة وموساعتهاش دنيا وهيا كتخيل كيفاش مطلوبة من عند رجال ماشي كيف هيا كتفكر على راسها بلا حت واحد مكيبغيها...طلقات ودنيها تزيد تسمع وكل مرة كتلفت جيهة الحمام لا يجي خوها...مدام كيهضرو عليها فراه مكينش معهم...
سعيد ملي شفتها ونتا تبرد كيفاش واش مزويناش
محمد هيا ملامحها زوينة ولكن الموت لصقة فيها بقوة سم ضعيفة بززززاف اصاحبي غير تقسها تهرس بين يديك وداك ضعف ديالها ماشي طبيعي لاطاي والو منكدبش عليك انا الى مكانتش مطرفة منقدرش نتزوج بيها غير عضمها يقسحوني... نبغي ملي نشد.... نلقى فاش نشد
سعيد وي صاحبي حتا انا معنديش مع البنت المعضمة
مراد وشكون يبغي يتزوج واحدة كلها عضام الموت لصقة فيها عندك صح...مقدرتش تكمل كتر من هكا خافت لا تطيح هيا وديك صنية لي بين يديها رجعات الكوزينة حطاتها وبقات كتشوف فالخوى مصدومة واش حت لهاد درجة الرجال كيحمقو على البنت الغليضة وعلى لاطاي...رجعات الحاضر ديالها وديمارات طونبيل شادة طريق وكتشوف غير ضباب حيت طاح ليها طنسيون ومبقتش كتشوف مزيان منعسش مزيان تلاتة ديل الايام قبل وماوكلاش نهار كامل ودبا الفقسة الهضرة لي سمعات كملت عليها...
خمسة صباح باقي ضويات شاعلين فشاريع ودنيا كتصفر والحال بارد...وضبابة بدات كتنزل...وصلت الرونبوان ديل دورة شافت على جيهت ليسر ديالها بان ليها كاميون بعيد ضربات دورة على ليمن ديلها باش ضرب دورة ربوان وهيا تكسيري وزادت حت كتشوف راسها الكاميون لاصق عليها كيدفع فيها... فديك لحضة توقف زمن ...وتوقف دماغها على تفكير.... ولات كتبان ليها غير لموت وباها وموها ....اخر شيء عقلت عليه هيا شهادة لي شهدات وغيبات.....
وصل الرونبوان وقف فسطوب ....كيتسنا ضو يشعل ....وهو معصب ومنرفز... كيفاش قدر يقول ليها ديك الهضرة لي كسم ....رغم انها حاولت تقتلو ...ولكن هو متاكد بيلا هيا معارفش بيلا عندو حساسية ديل الحار...قرر غير تبرد الامور ويحاول يقلب على شي طريقة يعتدر منها حيت عارف مزيان الى بغتي تحطم شي بنت قولها نتي خايبة ومزويناش وعيبها ولا عايرها بعيوبها وهادي من احقر انواع الاهانة لي ممكن راجل يصرفها البنت ....وفهاد لحضة حس براسو بيلا حقير... حيت قالها هضرة مخصهاش تقال ....بقا يفكر وهو ساهي حت كتبان ليه كيا فنوار وقفة فشارع لاخر وبان ليه كاميو جاي...فواحد لحضة قبل مايدوز سيناريو بان ليه قدام عينيه ...وقلبو وقف فبلاصتو حيت ديك كيا عارفها ديل من... وعارف مولاتها مزيان ماجا فين يتحرك ويحرق ضو حت كيلقى الكاميو جمع طونبيل صغيرة قدامو ومولاه فقد سيطرة على الفران وباقي غادي وطونبيل دافعها بمولاتها حت خرجها فبوطو وعواجت طونبيل حت قربات تقسم...صدمة خلاتو معقود مافهم والو...حت كيشوف مول الكاميون نزل من الكاميون فاشل وهو بلما يشعر هبط كيجري وكاع لي كانو موراه هبطو كيجرو... وجاب الله كانت طونبيلة الخدامة معاه... نزلو كيتجرو مشا كيجري وبلا مقدمات طلع فوق طونبيلتها ولقاها محنية كلها على الكيدون بقا تالف كيفاش يخرجها وعقلو بغا يخرج واحساس بدنب مبغاش يفارقو حيت هو متاكد هو سبابها فدكشي لي وقع... بقا تالف كيدور حت غوت فالخدامة ديالو يجيبو ليه حجرة هرس البار بريز ديل طونبيل وساسو من زاج وعاونوه الخدمة دخل يديه خشاهم من تحت خصرها وكيطلب الله متكونش ماتت...لقفها رفعها كلها ورجال عونوه شدوها من رجلها حت نزلها بشوية وتكاها عنقها ومزير ولون مخطوف من وجهو وكيدعي فنفسو متكونش ماتت حت بقاو عليه الخدمة يرخي عليها باش يعرفو واش باقي حية...
خدام الاول: اسي نجيب شوف البنت واش عايشة
خدام تاني اه ورخي عليها ديك الفولار راه تلوات على عنقها...نزل واحد خر دار صبعو حدا نفيها لقاها كتنفس....
خدام واحد خر الحمد الله مزال كتنفس بدا نجيب كيجر ليها الفولار بشوية حت حيدو وشعرها تزلع ولكن هو مسوقش بقا معنقها حت نزل واحد من الخدامة وغطا ليها شعرها حيت كلشي رجالة لي واقفين...جات اللومبيلونس جا البوليس قيدو الكوسطا جابو حويجها من الكوفر شد نجيب ساكها عندو وبليزتها دارهم فطونبيلتو وطلب واحد من الخدامة يتبعو بطونبيلتو والخرين البقاو يتكلفو مع شيفور ولا فراي حت يتهنا عليها ويشوف شنو عندها عاد يرجع المول الكاميون وشركة باش يغرق ليهم....
تحركات الومبيلونس المستعجلات دخل خلص دوبل باش يسبقوها دارو ليها الاشعة وتحاليل واشعة مقطعية ديل راس وديل العضام حط فيها مليون حت تاكد بيلا ماوقع ليها والو واعتبرها معجزة حيت لي شاف طونبيل مغيصدقش بيلا مولاتها باقي حية....عيط الدار باها.... لي جاو كيجرو... باها وموها وخوها ومراتو.... بقا كيهضر معهم وخبرهم كيفاش وقعت الكسيدة...وخبرهم بيلا غادي يتابع شركة واللسورنس وغادي يوصلها حقوقها حيت كان حاضر فالواقعة...خدا خوها نمرتو وهو مشا فحالو حيت متاكد بيلا مغاتبغيش تشوفو....
دازت يومين عاد فاقت مصدومة ومبهوضة...لقات موها وباها حدها...
دورت راسي كنشوف فالحيوط كلشي بيض ويتصحابلي مت بقيت كنشوف فالخوى حت كتبان ليا ماما وبابا دخلو كنقول صافي جاو يزروني فالحلم...بقات ماما كدي فيا وتجيب فيا حت درت شفت فيها عنقاتني كتبكي وكتقوليا الله يبنتي الله مشيتي شفتي الموت بعينك ورجعت تولدتي من لول وجديد بقيت كنحاول نحلل هضرتها كيفاش تولدت من جديد واش انا باقي عايشة المهم عايشة ولا ميتة اش معنى لحياتي اصلا....
داز اسبوع وهيا كتشوف فالخوى حت عرضوها على طبيب خبرهم بيلا تصدمات وخصاها تبع جلسات العلاج...بدات كتبع جلسات العلاج ونجيب كيقيد على شركة مولات الكاميون هو وخوها بلا خبرها وهيا شهورة غاديين وكيدوزو... وباقي مبغاتش تخرج من حالتها اما نجيب فيما كاينة شي عراسية كطلب الكومند ديل البساطل كيسفطها ليها باش تخرج من ديك صدمة وتلهي راسها فالخدمة ولكن هيا كتخدم بدون شعور وكاين لي تبقا يومين بلا نعاس حت النهار تالت وتنعس ليلة بنهار...بقات على داك الحال شهرين حت الواحد نهار وهيا تجمعها معها موها بتسرفيقة حت طيرت ليها الحنك بلما تشعر وغوتات فوجها...رجوع الله هدشي لكدير ماشي طبيعي كسيدة وقعات والحمد الله خرجات طريفة واش غتبقي حياتك كاملة هكدا...هاديك تسرفيقة كانت كفيلة باش تخرجها من صدمة وتخليها تغيب حت تخلعات موها وندمات كاع علاش سرفقتها...ولكن غير فاقت جلست كتبكي فحضن موها....هدا هو سبابها ملي سباها نجيب مبكاتش وبقات صدمة محبوسة فيها وهدا هو لي خلاها ترفع لو انها بكات مكنتش غتوصل لديك الحالة...
بدات كترجع الحالتها طبيعية عاد ردات البال الكومند لكيجوها بالكترة وبشكل غير طبيعي حيت هوما كيخدمو الكومند ولكن ماشي لهاد درجة من الكترة مسوقاتش وزادت على روتينها حت جات ختها من ميريكان...
جات هدى مع ولدها معتز وبنتها رزان...كانت فرحة متوصفش ملي جاو عمرات دار وبدا الهراج والمراج وضياف وضغط على حادة غادي وكيزد وهدا هو لي خلها تنسى نجيب وهضرت نجيب وتنسى الكسيدة...بدات كتجيها شقيقة وصداع من قوة سهير والخدمة ومن قوة ضياف وتمارة لكضرب ومكتجلس كتفيق من الفجر ومكتحط راس حت التناش ليل عاد كتنعس..بدا صداع كل نهار كيزيد حت الواحد نهار دخلت عليها هدى البيت الخدمة...
هدى حادة حبيبة مالك شفتك مغوبشة
حادة والله اختي تقهرت وطبت عييت تمارة وشغل مكيتقضوش والكومندات ديل البساطل الفوق راسي كون ما الماكن لي معونيني كون حماقيت...راسي غيتشتت عليا
هدى نوضي انا غنكمل ولفت حتا انا لهيه.... الحمد الله المخبازة غادية مخيرة وطلبات مكيتقدوش حت من راجلي قدم الاستقالة وجلس فالمخبازة وبدا كيعوني كون ما هو مغاديش نقدر نكمل كتعونو على كلشي حت من دراري ....المهم نوضي سيري الصاكي راه كاينة واحد كينة راس رحمة خوديها شربها وسيري نعسي انا غنكمل عليك
حادة ولا ختي نتي يالله جتي
هدى سيري جيت بخمسطاش اليوم هادي طيري سيري نعسي لك واحد ساعتين باش تقدري تكملي الكومند انا غنحيد عليك غير شوية...غسلت يديها ومشات البيتها فين كتنعس معها ختها وولادها هزات صاكها لقات كينة حمرى هزاتها شرباتها ومشات تنعس...
بدات الايام كدوز وحادة ولات كتحس راسها ماشي طبيعية والملكة كتعطيها صلية وبدات كتحس راسها كتغلض وحت من موها وختها ردو ليها البال حت الواحد نهار...
دخلت حادة البيتها ولقات هدى متكية كتنعس فرزان
حادة راسي غادي يتشقق عليا
هدى خودي شربي كينة من عندي
حادة مكدير والو
هدى ميمكنش رحمة ديل سيدي ربي
حادة اوا انا اخر مرة شربتها يحالي كليت غير حلوة وصافي...هدى سمعتها وهيا تولي صفرى جمعات الجلسة وشافت فيها وجبدات صاكها وجبدات الكينة ديل راس
هدى واش شربتي هادي؟؟؟؟
حادة لا هادي زرقة شربت واحدة حمرى
هدى اولي يا المصيبة... اش شربتي لكون غير علمتني ...بقات كتحسب فصباعها دبا خمسطاش اليوم باش شربتها
حادة اه علاش خلعتني اش كاين
هزات هدى تلفون بقات كتقلب على واحد نمرة...الو مدام اليحياوي هادي
مدم اليحياوي ايه هيا هادي
هدى انا هيا سيدة لي تلقيتها فطيارة ملي كونا جايين من مريكان...
مدم اليحياوي اه لبس عليك ابنتي
هدى لباس الحمد الله اخالتي عفك بغيت سميت داك طبيب لي دتي ليه بنتك
مدم اليحياوي كيفاش عطيتي الختك الكينة شربتها
هدى كتبكي لا معطيتهاش ليها راه نسيتها فصاك وهيا تغلطات ليها مع كينة ديل راس
هدى اوكي قيدات نمرة دغيا غير سدات معها خدات موعد مع طبيب وحادة مافهامة والو من شنو واقع...
حادة ساليتي ممكن تشرحي ليا دبا اشنو واقع...
هدى انا ديما كنسمعك كتعاني من ضعف ومعندك لا صدر ولا ليهونش مشيت شريت لك واحد الكينة كيعاودو عليها غير كتشربها كتولي عندك طاي واعرة كل حاجة فبلاصتها ولكن العواقب ديل هاد الكينة هو انك كتبقي غير تاكلي ومتقدريش تحبسي وكيبقا لحمك يتيرا ويزيد حت كيبدا يتقطع ويطيح طروف طروف وكيولي بدا يتفتح ...الموت البطيئ ...عرفتي انا هدشي مكنتش عارفاه حت تلقيت هاد سيدة فطيارة مغربية وبقينا كنهضرو حت قالت ليا شنو وقع مع بنتها لي فميركان وضطرات تجيبها المغرب وتعالجها حيت تما معندهاش الاسورونس الصبيطار...وراه دبا تعالجت ...
بقات حادة مبهوضة كتشوف فالخوى مامتيقش من دكشي لي سمعات وهيا فعلا بدات كتحس راسها بيلا دكشي لي كيوقع ليها ماشي طبيعي وبدا صدرها كيبان شوية وليهونش بدو كيبانو هدشي غير خمسطاش اليوم وبدا هدشي كيزيد فمبالك الى زادت شهر فين تولي...داز داك نهار جا رنديفو ديل طبيب لي بدا كيخاصم عليها وخبرها بيلا سبب ضعف ديالها هوما الحناش لي كانو فكرشها وهيا تفكر.... قلت ليكم راه معيا حمادش كياكلو ومتيقتونيش...
طبيب دبا ابنتي انا راه مكنبغيش نعالج البنات حيت كيكونو عارفين راسهم اشدارو وفلخر كيندمو ولكن غادي نعالجك حيت عارف بيلا وجهك ماشي ديل دكشي..هانتي عندنا تلاتة ديل الاشهر فالاول قبل منحطو برنامج المكلة ودوى ولسال غادي نبين لك هاد الكينة كيفاش كتخدم...
هاد الكينة ملي كتشربيها كتمشي نيشان الهرمونات ديل الجسم ديالك وكتغيرهم باش يبدو يديرو الوضيفة ديالهم عاد كتمشي لاي منطقة فيها عضلة كتمشي تخدم عليها...علاش كتمشي الصدر ولي هونش ولي زابدو ديل رجلين وصدغين ديل الوجه حيت هدو مجموعة عضلات الغو حنا هنا المهمة ديالتنا ماشي نحبسو الكينة من الخدمة ديالتها حيت هدشي مستحيل وانما غادي نبطؤ العملية ديل الخدمة ديالتها ....عوض مغادي تغلضي فشهر غادي نخلوك تغلضي فتلاتة ديل شهر حيت هادي هيا مدة صلاحية ديالها وعاد من مور تلاتة ديل شهر ناخدو الاحتياطات ديالنا باش ميبقا حت شي اتار سلبي عل الجسم ديالك...اوكي؟؟؟؟؟
طبيب عندك لسال تلاتة ديل المرات فسيمانة.... وهاد لسال هدا لغتمشي ليه ماشي كنسفطك الهدف ربحي ابنتي ولكن هاد لسال فيه سيدة مختصة فبحال هاد الحالات وكتخدم لك بشكل جيد على الجسم ديالك زائد انها كتفرض عليك تشربي كميات كبيرة من سوائل باش هاد سم يمشي دغية دغية وميخليش الاتار ديالو
حادة ماشي مشكل كلشي مقدور عليه الحمد الله
طبيب الحمد الله....تحركات خرجات من عند طبيب ولي من تما غادي يبدا سباق ديالها مع زمن وحت من موها وخوتها اجلت سفرها ودخلو معها فسباق ديل المكلة .....ولي مشكلة حادة طلعت كتشبه باها عشاقة فالملكة وكتموت على شيهوات ماشي بحال موها ديما المطايفة على رجيم ديالها حت كملات ستة ديل شهر قدرت ترجع المكلتها بشكل طبيعي ولكن لسال مقطعاتوش غير نقصات الحصص اما دوى بدات كشرب واحد دوى ديل سموم وصفو ليها طبيب لمدة سنة كلها باش هكا يكون حد من سم ديل ديك الكينة بشكل نهائي واخة تاكل بنادم مغاديش تزاد غتبقا غير كيفما هيا غير رياضة خاص تبقا موكبها باش تبقا محافضة على ديك لاطاي لي ولات عندها ولي بسبابها بدو المشاكيل وتحراش....خرجات ليها اللسورنس ولي نجيب لي بقا تبعها حت خدات فيها عشرة المليون وزادت عليها خمسة خرى وشرات ميني كوبر حمرى وبدات كتعيش الحياة وحت حد مقدها فدنيا رغم انها دوزت عام ونص ديل العداب ولكن نتيجة برضى بنفس متوصفش...ولكن اكتر رضى حسات به هيا ملي عاشت لراسها والوليدها دبا ملي مشا سبب لي كان معقدها مبقات كتسوق الحتى حاجة ولحتى شي ولد المراة ولت كتشوفهم بنضرة احتقار وخصوصا ملي كيدلو ريكوهم عليها وكتفكر كيفاش رجال سطحييين بزاف...بدات ايامها كدوز روتنية ورجعات ريمة العادتها القديمة بدات كدي البساطل وتمشي معهم تنشط وتحيح شوية اما ختها رجعات الميركان ورجعات الحياة المجرها طبيعي غير حادة مبقاتش سميتها حادة حيت باها كان سافر البلاد بلا خبرها مشى يغير ليها سمية من بعد ماطلبتو موها وزوكاتو غير باش تخفف عليها ديك المعانات لي هيا فيها وفعلا مشا يغير ليها سمية وبدا فالاجراءت وملي سمع الكسيدة رجع وخلى ولد خوه يكمل....ورسميا تغيرات سميتها فالوراق ولت سميتها سندوس وهيا مجايبش خبار حيت تغير طال غير الحالة المدنية اما لاكارت ديالها والبرمي باقي.. وهيا معرفاش حت الواحد نهار وقف عليها البولسي بمخالفة وملي مدات ليه الوراق عيط يشوف مني كوبر واش ديالتها ويتاكد ولقا مولاتها سميتها سندوس وهو يحجز عليها حت جاب باها الحالة المدنية وشرح ليهم كلشي معرفات راسها واش تفرح ولا تبكي حيت غادي تجلس بلا طونبيلتها مدة شهر علين ميتعود كلشي من لول وهدا رجع فكرها فالباس ديالها ولي ديبلوم كاملين متهنات حت رجعات كلشي لسميتها جديدة عاد انطلاقات فالحياة كتحيح فرحانة براسها....
جا صيف وجات معاه تمارة ونجيب باقي مبغاتش تنسى ليه ديك البنت وخصوصا انه سافر مدة طويلة المراكش باش يوقف على شركة تما ديل تحدادت ولي كتصنع هدشي ديل الحديد ديل القياطن ديل المؤتمرات وديل المناسبات الكبرى اما مهدي هو لمتكلف بطريطور وهدا علاش نجيب كيتعصب من خوه حيت فارقين الخدمة نجيب كيشد دكشي الكبير ديل الشركات والمؤتمرات دولية والقصر ومهدي كيشد المنسابات صغار بحال العرسات والجنايز...ومعضم خدمت نجيب كتكون فمراكش قريبة القصر المؤتمرات فين كيشد المارشي كامل....
دخلت مع القاعة كتهز فخيرها وسرباية غادي يحولو ملي شوف داك الخير ومولات داك الخير خصوصا حت وجها غلض شوية وبان فيها وعينيها مشفرين وكبار مكياج خفيف ولت كتلبس جلبة مبقاش نافع سروال والبليغو حيت واحد مرة لبساتهم دازت عليها ديك ليلة بغسل الفندق مكينش لي متحرش بيها...بجلبتها كحلة وبلغينة ودرتها ومدادرها دخلت مشات نيشان الفرارن ستفات فيهم البساطل وبقات واقفة عليهم مع الخدامة حت طبو ودفعهم الناس ياكلو عاد مشات جبدت بالزتها وطلعات الواحد شومبر وراتو ليها نكافة جا مخبي دخلت سدات الباب عادي ومشات حيدات ديك سبرديلة وجلبة والفولار وبقات بواحد الكسوة صفية جات لصقة على لحم كتبين كل حاجة فبلاصتها طلقات شعرها مسحات رجلها بكريم ومسحات وجها بكريم وجلست كتقاد المكياج حت تحل الباب عليها...
رمات دغية داك المكياج وحطات يديها على صدرها اما هو بقا واقف مبهوض فيها...ولي صدمو كتر هاد العنين فايت شايفهم فشي قنت...
سندوس واش غتبقا كتفرج فيا
نجيب اه سمحليا...سد الباب بجهد ومشا شد كرسي وتقابل مع داك الباب وجلس ياكل وكيفكر هاد الوجه مغريبش عليه...بقات كتنش على وجها حيت طلعاتها صدمة خصوصا ملي شافتو معمرها تقدر تنساه ولا تنسا هضرتو شدات قنت وجلست كتبكي ملي تفكرات شنو داز عليها بسباب جوج كلمات...مسحات دموعها ونضات كتقاد فمكياجها واخة خسر ليها المورال ديالها ولكن مغاديش تسوق...لبسات تكشيطة جديدة لخيطات ولي صدر وضهرها ودرعان منبتين بالحجر تقيل طلعاتها غالية لبسات الخلالة ديالها ولي صيبتها عند مو دهابي بشكل راقي جات على شكل اكس من مور ضهرها سنانسل ديل دهب مبرومين رقاق ومعلقين فيهم بولات بيضين لبسات ساعة ...خاتم ودارت الخلخال فرجليها ولبسات صباطها وعقدات فولارها على طريقة تركية رشات ريحتها....وجمعات بليزتها وهزات صاك الحضور عاد خرجات.... مع الخرجة لقاتو جالس انوفاص مع الباب وكاس القهوة فيديه غير شافها جمع الوقفة وعرف بيلا هيا البنت لي كانت كي المسطرة بقا كيشوف فيها... اما هيا غير شافتو قلبات وجها خنزرات وزادت خلفة مع طريق غير وصلت الدروج وهيا تجمع جلايل تكشيطتها حت بانو سيقانها بضيين وكدمها حمرين والخلاخل فيهم كيمشو ويجيو... وقفت فالبدية ديل دروج وهيا خايفة لا تجي على وجها حيت فاليز تقيلة جا من مورها شاف تكشيطتها مهزوزة وبلما يشعر ....
نجيب ستري رجليك...هيا غير سمعات ستري رجلك وهيا طلق جليلها...حت دازمن حدها وخطف منها الفاليز وسبقها بجوج خطوات
سندوس عطني بالزتي مطلبتكش تهزها ليا
نجيب هزي غير رجليك ونتي غطيحي وزيدون بالزتك مغاديش ناكلها لك ولا غادي نسرقها راه غير غنوصلها لك التحت
سندوس شكرا ولكن مطلبتكش مسمعش الهضرتها وصل الدورة ديل دروج وهو يسمع الخدامة كيهضرو عليها ومعجبوش الحال وملي وصلت عندو لقاها هازة جليلها عاوتني...
نجيب بالغوات ستري رجليك ولا نحشهوم لك....ونتوما معندكومش خدمة تمشيو ليها؟؟؟
الخدامة اه سي نجيب... سبقاتو وتبعها وهو كيشوف كيفاش كتهز وكتحط ومحملش دكشي لي شاف حيت لقا حت سربيا متبعين ليها العين...
وصلت الطونبيلتها بركات الكونطاكط تحل الكوفر وهو ينطق...تبدلت طونبيل وتبدلت مولاتها ...ولى عاجبها راسها وعاجبها ولاد ال*حاب يتزلولو عليها وهيا كتهز فخيرها
سندوس دارت بواحد العصبية متخيلش وهيا تجمعها معاه حت دوراتو على القبلى...هادي كان خاص نعطيها لك فالمرة الولى ولكن ديك ساعة كنت ضحية المرض ديالي ونفسية ديالي وشخصيتي ضعيفة اما دبا منسمحش لك تهيني
نجيب بلعاني قالها ديك الهضرة باش ترد عليه ويخليها تبرد غدايدها فيه كان بنسبة ليه هدا اعتدار ضمني على لي وقع فالماضي
سندوس ولت صفرى حيت واحد لحضة فجزء من تانية من دماغها هو لي وز ليها ديك الفكرة وخلها تحرك بلما تشعر حدرات راسها وهو يمد يديه وهز ليها راسها....
نجيب شوفي فيا انا مغاديش نلومك حيت دكشي داز حيت عارف بيلا دكشي كلشي لي وقع انا سبب ديالو...حادة انا ديك ليلة لي كلت فيها الحارة مشيت شفت الموت بحالك ورجعت...ولكن غير دقتك كانت قسح من دقتي
سندوس مسميتيش حادة سميتي سندوس ....هدا علاش قلتي ليا ديك الهضرة باش تسممني وراه حققتي مرادك...وهنتا اليوم باقي متسرطتش لك وجاي تقلب شي طريقة باش تجرحني....هيا كتهضر ودموع نازلين وهو غرق فدوك العنين وبلما يشعر جرها باسها من فمها خلها مصدومة بحال المسرفقة ومشا وخلها وخنزر فدوك سكريتي لي تما دخل مع الباب وقف كيتسنها دخل ومع كلو زاج وكيشوف فسكرتي كيفاش كيشوفو فيها...بقا مدة ملي شافها مدخلتش وهو يرجع يخرج ولقاها ديمارات بطونبيل وشداتو الخلعة وخاف سيناريو لا يتعاود...مشا كيجري تبعها فجوج ديل ليل حت وصلت السطوب ووصل هو بلصة حدها لقاها محيدة الفولار وطلقة اغنية وكتجدب...بلا عجز عليه نزل من طونبيل ودق زاج بجهد حت تهزات بلخلعة وحققت فيه وهيا تنزل زاج
سندوس شنو بغتي
نجيب يحرق جدك الميت اما الحي لا يطول فعمرو يا الحمارة علاش مشيتي وعلاش محيدة الفولار ديالك شفتك غير ربتي طرف ونتي تخراي فعقلك وليتي كتمياعي ياريت لكون ترجعي بنت شحال هادي على الاقل الحشمة والحيا فيك مزينينك دبا مبقتي كتفرقي على شيخة بوالو
سندوس وعطني شبر تساع الى عندك شي مرا سير حكمها من نهار شفتك وانا تبعني المصايب اش درت لك... اش خديت لك ....واش ضارب بيا القاعيط.. شعري وحرة فيه ....نعريه ...نغطيه شغلي هداك
نجيب هنا نشوفو هاد شغلك.... الحساب ماشي معك الحساب مع خوك ...دخل وسطشرجم طونبيل وداز على صدرها ... جبد الفولار ورمها على شعرها حت بغا يقجها ديري فولارك ولا نفرعك راه شحال هادي مافرعت شي وحدة...سمعاتو ولت صفرى بردات سوق دارت فولارها
نجيب ونتي ماشي سندوس نتي حادة وهاد سندوس مكنعرفاهش ومعجبانيش وشريه فهاد ليل قبل مندير شي حاجة ندمو عليها بجوج ....شدات طريق وهو مورها حت وصلات الدار عاد قلب طريق رجع القاعة باش يجمع المطريل ويجمع صونيها يجيبوهم ليها...
طلع نهار تاصل بخوها وجلسو فواحد القهوة عاود ليه كلشي الى شي حوايج وطلب منو يديها وخبرو بيلا غادي يجي بشكل رسمي مع وليديه ملي يكون واجد وخبرو بيلا كلمة لا ميسمعاهش الى رفضت دبا غادي يبقا حت تقبل...خوها تزير حيت على حساب سوء تفاهم لي وقع معها مغاديش تقبل وهو مبغاش يفلت عريس بحال هاد العريس كاع الاوصاف مجموعين فيه...وهو شاف بعينيه كيفاش بقا كيجري ومتابع معاه قضية ديل الكسيدة وهو مستغرب كيفاش كيجري معاه وهيا متجيه والو...ودبا عاد فهم...تقلع الدار عند سندوس طلعها معاه الدارو وجلسها....
حسام: بغيت نهضر معك فواحد الموضوع مهم راه جاو فيك الخطاب
سندوس كككيفاش خطاب وشكون هاد الخطاب
حسام واحد سيد كتعرفيه...غير سمعاتو ولات صفرى
سندوس انا مكنعرف رجال
حسام رخي نفس سيد مول طريطور لي تشاديتي معاه
سندوس اه داك الحمار مقبلش به
حسام وزيري اختي مربتكش على هضرت بنات زنقة
سندوس سمحليا ولكن داك سيد مديزاش ليا من شي قنت
حسام راه عاود ليا كلشي هداك سيد بسبابك كان غيموت وهداك سيد هو لي جاب لك حقك من لاسورونس ومن شركة راه عام وهو كيجري بين المحاكم حت خرجات لك لاسورنوس ديالك...
سندوس كيفاش؟؟؟؟
حسام هدشي لي سمعتي وراه كان متبع الحالة ديالتك مع طبيب ويكون فعلمك كاع الكوموندات ديل البساطل لي كترو عليك راه هولي كان كيسفطوهم يعني كان كيقبل بالخسارة غير باش تخرجي من صدمة لي دخلتي ليها
شوفي نتي تلقتيه فضرف كان معصب بزاف والمشاكل كانو فوق راسو وجيتي فطريقو هدا علاش تعطا معك اما هو بطبيعتو انسان متخلق ومعمرو ضلم شي واحد انا راه جندارم وكاع المعلومات ديالو عندي عليه وعارفو مزيان اشك يسوى مزال خوه مهدي زهواني وضرب دنيا بركلة اما هو لا واخة تشوفيه مهلي فراسو وكيلبس ولكن ماشي من داك نوع المايع...المهم فكري مزيان وهو راه خبرني واخة ترفضي مليون مرة راه غادي يرجع يخطب حت تقبلي
سندوس ولكن انا مبغيتوش...
حسام مغاديش نبزو عليك ولكن سيد شاريك راه فرصة ومتعوضش وهو دار حوايج فغيابك وبعيد عليك وبراني عليك بسباب جوج كلمات قالهم لك خلص دم جوفو عليك ونتي بعيدة عليه اما ملي يتزوجك كوني متاكدة غادي يديرك فعينيه...
سندوس بغيت وقت نفكر
حسام من حقك المهم من هنا تلاتة ديل الايام ردي عليا
نزلت البيتها وسدات عليها وبقات كتفكر كل لحضة دازت عليهم وكتفكر فاش حل عليها الباب وفاش نزل فدروج كيتسنها وقدام طونبيل وكيفاش باسها بوسة حنينة اول مرة كتاخدها من عند راجل بقات كتفكر كل لحضات الخايبة وزوينة واخة هيا لحضات قليلة ولكن مهمة... حيت خلات الاتار ديالها فنفسها...تلاتة ديل الايام ليلها بنهارها مكتنعسش حت جا نهار لغادي تخبر حسام بقرارها
حسام اش قلتي
سندوس لا ماموفقاش وزيدون باقي مامستعدش الزواج...شافت فوجه خوها لقات خيبة امل كبيرة... حيت كان كيتمناه ليها...عيط ليه تلقاو فالقهوة وخبرو بقرارها ولكن خبرو يصبر شوية الي مزال باغيها غادي يقادها ليه...داز شهر شهرين وسندوس بدات كتندم على القرار ديالها ولكن كتقوي راسها حت جاتها عراسية فقاعة وعرفات راسها غادي تخدم مع نفس طريطور ولكن لي غادي يوقف هو مهدي حيت عرفات بيلا نجيب مشا المراكش من مور معرف القرار ديالها ومرجعش...
لبسات جلبتها وهاد المرة بغات غير دفع العشا وترجع الدارها مبغات لا تشطح ولا تزهى حيت حت حاجة مبقات كتزهى ليها....بدات كطيب البساطل وواقفة عليهم بيدها حت كملات ودفعات العشا الناس وغير رجعات البلاصت الفرارن باش تجمع صواني وهيا تلقا المراءة كتقول السرباي هدا العشا ديل مول شي طلوعو ليه وقوليه مي حادة راه تهلات فيك ودارت لك جوج مزيودات ديل الحارة فلوبيا ارى ماتبنن...هز سرباي طاجين ديل لوبيا هو والخبز ومشا تحركات هيا باش دي صواني الطونبيل وتمشي فحالها حت كتسمع واحد من الخدامة ....
خادم :والعربي ....والعربي طلع هاد سوارت النجيب لعندو البيت راه تما غتلقاه كيتعشا....بالخلعة طلقات صواني فيديها وطلعات دوك درجات كل درجة بجوج تابعة داك لي مطلع سوارت حت تحل البيت ودخلت هايجة لقاتو بغا يمد يديه لوبيا....
سندوس بالغوات لا متكلش راه حارة ومشات تحركت جرات طجين من حداه بقا كيشوف فيها
نجيب مازال زايدة فيه كون مكنتيش كتبغني كاع ما تجي كتجري نبهني على الحارة فلوبيا بركة من قسوحية راس لي فيك وخلينا نتزوجو فهاد القاعة...
اه وحاجة راه طلع معك القالب وكليت تقوليبة سير عالله مكتجي غير بالقولب
سندوس ها طرعات فمها وهو يسدو وباسها ففمها بوسة دافية وباس ليها جبهتها وعنقها كيشم ريحة لي توحش....
نجيب وسندوس من بعد شهر والمطايفة نايضة حيت سندوس بغات العرس فصيف وهو بنسبة ليه صبر مبقاش قاد يزيد كتر من هكا...دوزو العرس وطلع المراكش وطلعها معاه تما دوزو ليلة معتبرة خلات نجيب يحس برضى ...واعتارف ليها بسر بيلا بغاها من لول ماشي حت تبدلت يعني كان باغيها كيفما كانت فلول...
من بعد ستة ديل سنين......................
نجيب واش انا غنبقا نقولك ستري سيقانك ولا نشحطهم لك ولدتي جوج بنات ومزال كتهزي تكشيطتك قدام رجال
سندوس والله احبيبي مكنديريها بلعاني كنخاف غير نجيب ربحة
نجيب متبقيش تلبسي طالون وهنيني...و لا عرفتي اش يجيك مليح بناقص من هاد الخرى ديل العرس تحركي نسافرو اموزار نبدلو الجو
سندوس حت هيا مكانتش حاملة تمشي....هيا الولى...
نجيب حادة متنسايش تهز داك شوميز دوني الحمر
سندوس جداك هادي مبقا لا اموزار لا سيدي حمر وسيدي زمر
نجيب هههههههههههههه وصافي احبيبة راه غير كنبغي نشد فيك وزيدون كنموت على سميت حادة....
حاجة نجيب وسندوس كيموتو على طوجين بجوج زهوانيين خخخخخخخخهههههه
قصة المسطرة
محتوى القصة