أنا: دابا يا غتعاودو لينا ولا بربي تنقتل راسي ونتهتا من هاد الخرا كامل
ناضو كاملين من بلاصتهم
زينب:أويلي واش هبلي الله يرحم باك لما حيدي داك الموس
معاد:واش تصطيتي آش هاد شي كديري فيه
أنا:آه خرج لياا عقلي وغنتصطاا إلى مدويتوش
مروان كيقرب عندي
مروان:باركة من تبرهيش وحيدي داك زبل
أنا:تبرهيش يااك
مروان:آه تبرهيش😠
ضربت إيدي تطار الدم وحطيت الموس علا عنقي
أنا:هادي آخر مرة غنسولك أمروان شنو واقع
شفتو تصدم ماكانش متوقعني نضرب إيدي ولكن راه عصبوني مخلااوش ليااا حل آخر ضروري نعرف آش واقع
مروان:واخا أنا غنعاود ليك كلشي غير حيديه
أنا:😭😭 لا دوي هو لول
مروان:معاد سير جيب دوى من بيتي
زينب:😭😭فكري فيا شويا أنا آش غندير بلا بيك أختي
مروان: آجي نداوي ليك إيديك هي لولا وغنعاود ليكم كلشي غير حيدي الموس أ إيمان
أنا:لا نت كتكدب 😭
مروان:ثيقي فيا
حيت الموس لحتو فالأرض صرفقني وعنقني عاد كلسني وبدا كيداوي ليا في إيدي وهو ساكت زينب غير كتبكي أما معاد مفهم والو
مروان: واليديكم الحقيقيين هما لي باغين يصفوها ليكم
شنو هاد شي كنسمع
زينب:وعلاش غيبغو يقتلو ولادهم لا نت غير طالقها علينا معاد:سكتي خليه يكمل
مبقاتش لهضرة بغات تخرج ليا تزيزنت
مروان:عبد القادر هو باباكم أغنى واحد هنا في المغرب وعندو استثمارات بزاف في الخاريج كان مزوج بواحد المرا سميتها نريمان كانت زوينة بزاف كان كيبغيها كثر من أي حاجة فهاد الدنيا
زينب:ماما
مروان:لا
زينب:وشكون
معاد:مالك كطيري خليه يكمل
مروان:واحد نهار نريمان جاتها دوخة داها باكم السبيطار تما عرفو بلي حاملة ولكن عبد القادر أصر عليها باش تنزلو وتاطبيب كان صارم معاها حيت هي كانت مريضة بالقلب هي مقدراتش تقتل ولدها لي باقي ماشافش الدنيا
[الحوار بين نريمان وعبد القادر]
عبد القادر:خاصك تنزلي الولد ميمكنش نخاطر بحياتك نريمان:حياتي ماشي أهم من حياة ولدي
عبد القادر:حبيبة منقدرش نعيش إلا وقعات ليك شي حاجة😔
شدات ليه في إيديه
نريمان:أنا عارفاك من ديما كتحلم يكون عندك شي وليد ولا بنيتا هاهو الحلم ديالك غيتحقق نت غتعيش على قبل ولدنا وعدني بهاد شي
عبد القادر:كنواعدك كنواعدك
عنقها ودموع فعينيه
مروان:كانت حاملة بتوام وجا نهار لي غتولد فيه قبل ميدخلوها الغرفة العمليات قالت العبد القادر ولادي أمانة فرقبتك ولدات جوج دراري وماتت كانت صدمة لباباكم وكان صابر غير على وديت ولادو وعمرو منسا نريمان ولات عندو واحد العادة في ليل كيبقا يشرب تيطيح عند بالو غيقدر يخفف الألم لي كيحس بيه وكيف موالف ديك ليلة مشى البار بقى كيشرب وتما تلاقا بماماك لي كانت تهيا سكرانة ماماكم كان سميتها ماها كانت بنت بريئة وحنينة لكن للأسف كانت بنت أكبر مافيوزي.... زوجها باها فاش كان عندها 17العام واخا هيا كانت رافضة ولكن آش عند الميت ميدير قدام غسالو استسلمات للأمر الواقع حيت كتخاف من باها ومن بعد مدة ولدات ولد سماتو ياسين
زينب:واش هداك لي تيريتي فيه ياك
مروان:آه من بعد متزاد خوكم بشهر راجلها مات بغيت نقول قتلو باباها وتواحد معرف السبب من هداك الوقت ولاات عطياها غير السهير واحد نهاار كانو لجوج في نفس الباار تما بقاو كيتبادلو النظرات وفي لحظة لا وعي وقع لي وقع فاش فاقو صباح لقاو راسهم رتاكبو أكبر غلط في حياتهم
[الحوار بين ماها وعبد القادر]
ماها:😭😭أويلي أنا شنو درت😭😭 نت شتيني سكرانة قلتي هادي هي الفرصة😭😫
شاد فراسو
عبد القادر:أنا شنو درت ياربي كيفاش قدرت نخون مراتي🙍
ماها:سير أنا بغيت ربي ياخد فيك الحق المكبوت
عبد القادر: وا جمعي راسك وعرفي راسك معامن داويا وزيدون نتي لي جيتي معايا بخاطرك ماشي بززت عليك
ماها:بغيت نمشي بحالي فين الباب😭😭
عبد القادر:أجي معايا نوريك
مشات ماها بحالها وباباكم بقا يقتل فيه تأنيب الضمير ماشي من جيهت ماها لاا بالعكس كااع متسوق ليهاا من جيهت نريمان لي كان في نظرو خانها
كنسمع فهاد الهضرة ودموعي كيهودو بحال شلال
مروان:إيمان واش نتي بيخير
كنشهق
أنا:😭😭آه بيخير غير كمل عافاك😭😭
زينب:😭وشنو وقع من بعد
مروان:من بعد شهر جات ماها عند بابكم
عبد القادر:شنو جايا ديري هنا ياكما باغا الفلوس
ماها:أنا حاملة
عبد القادر:نتي باينة فيك غير باغة تبتزيني شحال بغيتي ديال الفلوس
ماها:أنا راه غنى منك إلا ماكنتش فخبارك أنا جيت قلتها ليك وحيت عليا تقليد حيث لي فكرشي ولدك
عبد:القادر:خاصك طيحيه
ماها:مستحيل نفرط في ولدي
عبد القادر:معرفتش
عبد القادر: نتزوجو ولكن غير تولدي ونطلقو هاكا غنكون درت معاك الواجب وكثر
ماها:واخا أنا قابلا
صافي تكاتبو ومشات سكنات معاه ومن بعد تعلقو ببعضياتهم وماها كانت هي لي مقابلة ولادو لي من نريمان وهاد شي كان كيفرح عبد القادر قدر يعوض ولادو من الحرامان ديال الأم والحنان ديالهاا فهاد الفترة كان باباها لي هو جدكم في الحبس ولداتكم وكانو فرحانين بيكم ولكن فاش خرج الأب ديالها من الحبس وساق الخبار عطا الأوامر ديالو باش يقتلوكم ولحسن الحظ سمعاتو الخدامة فاش كان كيدوي مع رجالو وهي كانت عزيزة عليها ماماك دكشي علاش مشات الفيلا ديال باباك ولكن مالقاتهمش كانو خارجين خلاوها الحراس دخل حيت كانت ديما كتجي عند ماها دخلات وهزاتكم دغية قبل مايجيو ودارت كثر من جهدها وخرجاتكم من تما داتكم عند البوليس هي فاش خرج قرار يتكلف بالحماية ديالكم الضباط لي من بعد ترقاو وولا كل واحد كوميسير
أنا:بغيتي تقول بابا وبابات زينب ياك😭
مروان:آه هما
أنا:وهاديك المرا فين مشات
مروان:هاديك هي لي رباتك
أنا:واش ماما
مروان:آه هي
زينب:كمل
مروان:إيمان خاصها ترتاح تلمنبعد
أنا:لا أنا بيخير غير كمل لينا
ناض هزني مقدرتش نقاوم حيت مع ديك ضربة كانت غارقة جهد مشى ليا
مروان:حيااتي دابا خاصك تنيني
داني البيت حطني فوق نموسية وتكا حدايا
أنا:نوض خليني نعس
كيجر في المانطة باش نتغطااو
مروان:نعسي أنا مغنقيسك ماوالو
تخشيت في صدرو
أنا:من هما كانو فرحانين بينا علاش باغين يقتلونا دابا😕
مروان:نعسي دابا غدا ونكمل ليكم
أنا:ولكن
مروان:دوينا
معرت مالو عزيز عليه يخلينا معلقين تفو على gنس واش كيديرها بلعاني ولا كيفاش
مروان:خاصكم تمشيو من هنا وأنا كنواعدك أزينب ختك مغيوقع ليها والو غادي لقاهاا ونديرهاا في عينياا
زينب:ولاا ملقيتيهااش😔
مروان:غلقااهاا
معاد:كوني تسمعي وخلينا نمشيو
مروان:خود طوموبيل
معاد:ونت
مروان:أنا غنديباني راسي
مشى معاد وزينب ومروان بقا تابع الكلب
ستارحت شويا ووقفت غادة كنشوف كيف ندير نخرج من هاد المصيبة آش داني نخرج من الفيلا gاع أنا لي كنديرهاا راسي
حسيت بسخانة طلعاات ليا كنترعد ونهضر بوحدي بقيت غير غادة وضبابة على عيني ظلام بدا كيطيح وأنا كنقفقف من البرد والخلعة💨 يخ على زهر بانت لياا واحد شجرة كبيرة ريحت تحث منهاا كندور في عوينات آه أ إيمان على آخر يامك وليتي مرمية في بلاصة بحال هادي هاد مروان علاش كيحماق على الغابات تفو على خرا كيف داير جاني جوع تشهيت شي بيزا بكثرت داك رعب لي كنت فيه بقيت كنهضر بحال إلاا صارطة كاسيطة
مروان:إييييمان وإيمااان
مروان:إيمان
تحنا عندي وكيهضر وأنا مقادراش نفهمو
شكون هذا وشنو باغي مني
مروان:واش مغتحيديش منك هاد تبرهيش عقلي كان غيخرج من بلاصتو وأنا كنقلب عليك
حيدها وعطاها ليا وديمارا طريق كاملة وحنا ساكتين فاش وصلنا
مروان:هبطي
أنا:وحلف مدير ليا شي حاجة
مروان:مغندير ليك تخرية غير هبطي
أنا:حلف
مروان:والله
هبطنا في واحد البلاصة مهجورة
أنا:علاش جينا هنا
مروان:طوموبيل مشفورة غنخلوها هنا ونكملو على رجلينا أنا:نت غتصيفطني العوكاشة مافيهاش😓
مروان:😂😂متخافيش يالاه زيدي قدامي الهبيلة
أنا:شنو سميتك
مروان:واش باقا مبغيتيش تسالي من هاد المسرحية
أنا:والله مفهمتك علاياش داوي
مروان:شتك مسولتيش على ختك
أنا:😂😂شكون ختي أنا أخويا معنديش الخوت
شاف فياا باستغراب دار لعندي جرني عندو وباسني ولكن أنا متجاوبتش معاه دفعتو بزربة
مروان:مالك أ إيمان
أنا:آخر مرة تقرب ليا تفو علا بنادم ومتبقاش تقول ليا إيمان أنا سارا سااااارا وفهمها الله يرحم باك
شديت فراسي لي ضرني بزاااف ومروان مسكين تلف مفهم والو
أنا:😭😭راسي راسي راسي
فقدت الوعي
#عند_مروان
مفهمت والو علاش كتقول سميتها سارا كان كيحساب ليا غير كضحك ولكن بهاد الهستيرية لي ولات فيها تأكدت بلي كاينة شي حاجة مواضحاش فاش فقدات الوعي هزيتها ديتها الواحد دار فحي شعبي تما نقدرو نبقاو في أمان شي يامات معاد:ألو خويا
مروان:نتوما لاباس
معاد:حنا بيخير غير تهنا وإيمان واش لقيتيها
مروان:آه لقيتها ولكن معرفتش مالها كتصرف بطريقة غريبة
معاد:كيفاش غريبة
مروان:عطيني نهضر مع زينب
معاد:واخا بلاتي
زينب:ألو مروان ختي واش لاباس
مروان:آه ولكن معرفتش علاش كتقول سميتها سارا زينب:ناااري عوتاني رجعات ليهاا هاد الحالة
مروان:أشمن حالة
زينب:إيمان عندها انفصام الشخصية من نهار وقع ليها داك المشكيل وهي هاكا راه كانت برات ولكن مفهمتش دابا شنو وقع ليها خاصها دابا تشرب دواها
مروان:شنو وقع ليها وشنو سميت الدوا💊
زينب:هادي عامين طاحت على راسها معرفتش شنو وقع ليها بضبط لقاها غير واحد سيد طيحا وراسها كلو دم من هاداك نهار ولات كتصرف بطريقة غريبة
مروان:كيفاش طاحت
زينب:معرفتش والله طبيب قال لينا منسولوهاش وتاهي مدواتش في الموضوع
مروان:كتعرفي شنو سميت دوا لي كاتاخد
زينب:لا
مروان:واخا شكرا آري معاد
معاد:وي مروان
مروان:دير داكشي علاياش وصيتك باي
قطعت عليه مشيت تخشيت حدا إيمان غطيتهاا مزيان كان فيهاا البرد
أصبحناا وأصبح الملك لله
كنحل عويناتي أول حاجة شفت مروان كان ناعس فوق سداري آه سداري حيت هادي غير دار ماشي فيلا كان كيبان زوين واخا باينة فيه معدب في نعسة دري مولف غير لاموسيات😂😂 بقيت كنبركك غير بعويناتي تسنيتو باش ينوض و والو بحال إلا ميت هزيت واحد المخدة ضربتو بيها
مروان:مال دين مك على صباح
أنا:😂😂😂كان يحساب ليا هاد المخدة بحال هادوك لي كيطير منهم ريش ولكن😂😂😂 سمح ليا
مروان:بفف
أنا:فياا جوع
مروان:هنينا خليني نكمل نعاسي ولا نوض نهرس لمك داك الفم
مشعرتش حتى لقيت راسي تحثو وهو فوق مني كيشوف فياا شوفة فشكل حنينة
أنا:راك خنقتيني نوض حيد من فوقي أزمر
كيقرب الفمي
مروان:نتي ديالي كنموت عليك أ إيمان
شكون هاد إيمان بفف دفعتو بجهد
أنا:😡😡😡 وااا سميتي سااااااارة
مروان:غير كنساا
أنا:بغيت ناكل نخرجو نقسيو علا برا برجولة
مروان:هضري بحال البنات ونتي هضرتك كلها مخمجة كيف كماارتك
أنا:😂😂😂وهاد كلمة مخمجة شنو
مروان:بدلي حوايجك المصيبة باش نخرجو
كنشوف فيه😕
مروان:راهوما الحوايج جبتهم ليك لبسيهم
أنا:شكرا حياتي
مروان:شنو
أنا:سمح ليا معرفتش كيفاش خرجات ليا من فمي
أويلي على حياتي واش مريضة دري فين كتعرفيه😱 شوهتك شوهة أسارة دخلت الحمام بدلت حوايجي حيت هاد دار صغيرة واخا هاكداك رتاحيت فيها جاب لياا سروال تجين طاي هوت وتريكو ديال صوف مهلهل شوية وسبرديلا كحلة طالعا لبستهم خليت شعكاكتي مطلوقة خرجت من الحمام لقيت مروان كالس وحاني راسو على داك المشقوف
أنا:مشينا
مروان:وي يالاه
خرجنا من الدار تصدمت حناا ساكنين في واحد الحي يالاطيف شي حاضي شي ديور من برا حالتهم وشي كمامر الله يستر شداتني تقفقيفة من هاد المنظر دابا هاد بنادم علاش جابنا لهاد الحبس
مروان:تسنايني هنا 5دقايق ونجي
أنا:واش نت مريض باغي تخليني فهاد البلاصة
مروان:غادي نجيب غير الموطور ونجي
أنا:وديني معاك
مروان: دوينا
أنا:واخا😠😢
مشا مروان وأنا بقيت واقفة الجو كان فشكل معرفتش علاش واش حيت أنا ممولفاش هاد البلايص ولا هاد القنت بصح خطار قاطع تفكيري غير واحد الولد
الولد:زين لاباس
مجوبتوش
الولد:هيهو راني داوي معاك
أنا:غتمشي تقود بحالك ولا نوري لخوياا القبلة فين جاات
هبطنا من الموطور وشد ليا فإيدي باش ندخلو حيدت ليه إيدي
أنا:واقيلا بغيتينا نغسلو الماعن عندهم
مروان:شنااوا
أنا:هاد ريسطو راه غالي بزاف وحنا أصلا باغين غير نفطرو وا زيد قدامي دابا احمبااك خلينا نمشيو عند شي مول المسمن ناخدو شي ملوية وكاس آتاي حسن من هاد شوها لي ناوي عليها
كنهضر وكنتخيبرا عليه هو غير حال فمو فيا وحابس ضحكة
أنا:وتحرك راه غنسخف ليك هنا بجوع
مروان:😂😂😂وغير سخفي راه ولفت نهزك😂😂😂
أنا:😠😠😠😠
مروان:بلا متقلقي ليا زيدي ندخلو راه عندي الفلوس
أنا:والله وتكون كتمركن بياا حتى ندمك
مروان:😂😂😂زيدي الهبيلة ديالي
دخلنا واو على ريسطو كيف داير كلاس بزااف وديكور واعر باينة كيدخلو ليه غير ناس الهاي مالي تأنا منهم الله يمسخني فين عمرني دخلت لشي قنت بحال هادا كلسنا جا سرباي باش ياخد الكوموند مروان قال ليه شنو بغا وأنا خفت ندوي نصدق محشما راسي
مشيت دخلت ليها وكنحس بقلبي ضارني وراسي تزير عليا بقيت شادا فيه وكنحاول منغوتش واخا داك الألم كان قوي ريحت في الأرض مغمظة عينيا وشادا فراسي بحال إلاا شحد كيخبط لياا راسي مع الحيط درت الكم ديال تريكو في فمي باش صوتي ميتسمعش بقيت شي 5دقايق هاكاك مشا داك الآلام
حليت عينيا أنا فين شنو جابني لهنا ياكما عوتاني جاتني ديك الحالة تفو على مرض آش غيكون وقع غسلت وجهي قاديت حوايجي خرجت من طواليط مافاهمة والو معرفتش حتى كيفاش وصلت لهناا بان ليا مروان مريح فهمت بلي أنا جيت معاه لهنا
أنا:خلينا نمشيو من هنا ودابا
مروان:علاش مالك
أنا:ونوض أمروان ديني عند ختي
غير سمعني قلت ختي وقف من بلاصتو وعنقني تكان غيطرطق ليا ضلوعي قدام ناس كااع لي في ريسطو كيحنززو فيناا
مروان:توحشتك
أنا:وطلق دابا درتي لينا شوهة أزمر تفو
طلق مني وخنزر
مروان:بدينا عوتاني بهاد تفو
هزيت كتافي بمعنا تفركع
مروان:يالاه الدار
أنا:واخا ولكن قبل نمشيو لشي صيدلية ناخد واحد دوا
مروان:واخا
خرجنا ومشينا لواحد صيدلية خديت دوايا ومن بعد رجعنا الدار غير دخلنا وأنا نشوف فمروان واحد شوفة ديال غنطيح دين مو الأرض ونشتف على جدو هو فهمني
مروان:غير شي يامات😃
هزيت واحد المخدا وبقيت تابعاه كنضرب فيه وكنعير😬 أنا:والله متديني من هنا تنقتلك واش أنا ديال هاد البلايص
باقا تابعاه وهو ميت بضحك عييت وأنا نمشي نريح جا حدايا وشد ليا فإيدي
مروان:توحشتك أحبي 😍😍
أنا:😂😂توحشتيني!! ياك كنت غير معاك
مروان:كيفاش وقع ليك توليتي هاكا
سرحت تفكرت داك نهار كنت جايا من عند زينب بغيت نختاصر طريق دخلت من واحد درب خاوي ومع ليل كان ظلام كنت كنزرب باش دغية نخرج منو ولكن حدث مالم يكن في الحسبان دفعني شي واحد من لور تطحت وتلاح عليا بدا كيقطع ليا في حوايجي ويضرب فيا بواحد طريقة وحشية كان بحال شي حيوان شحال وأنا نغوت باش شي واحد يعتقني ولكن شكون سمعك بقا كيتمتع في الجسم ديالي فاش سالا ضربني برجليه لراسي تغيبت فاش فقت لقيت راسي في الكنينيك وعرفت بلي شرفي ضاع وأنا ضعت معاه ريحة ديال داك شماته باقا ليا في نيفي بصح ماعاقلاش على وجهو ولكن ريحتو منسيتهاش خرج ليا على حياتي الله يعطيه شي كسيدة كيفاش نقدر نقول هاد الكلام لمروان إلاا عرف مغيبقااش يحمل فياا شعرة
مروان:هيهو فين مشيتي
أنا:مشيت لطاليان وهاني رجعت😂
مروان:حبيبة نوضي طيبي لينا الغدا
أنا:مافيااش وأصلاا باين ماكين والو
مروان:نوضي راه ثلاجة عامرة
أنا:راني مريضة نوض طيب نت
مروان:واخا نطيب لحبي😊
أنا:حلف
نااض غادي جيهت الكوزينة
مروان:علاش مالك متستاهليش
ونهار تعرف الحقيقة عمرك باقي تشوف لياا حتى فكمارتي معليش نعيش معاك شويا ديال رومانسية باش حتا إلا تفارقنا نبقا نتفكر هاد الأوقات وناااري على زهر عندي مكوز
أنا:بلاتي أحياتي نعاونك
مروان:يالاه نوضي
الكوزينة كانت صغيرة ومافيهاش شي ماعن ولكن فاش الإنسان كيكون مع لي كيبغي جهنم كتويلي تبان ليه جنة لبسنا طبليات
أنا:شاف شنو غنطيبو
مروان:الحوت ياك كتاكليه بعدا
أنا:آه آه كنموت عليه
مروان:غنبدا نغير
كيشوف فياا بحال إلاا كيقول لياا آري بوسة
أنا:جمع عينيك أبنادم
مروان:فيا جوع وبغيت نتغدا
أنا:والله متجمع راسك تنوريك الغدا كيف داير
بقينا كنضحكو ونطيبو هو صراحة كيعرف يطيب أنا بقيت مبهورة فيه سلينا وحطينا داكشي فوق طابلة كلينا مروان نعس وأنا جمعت الماعن غسلتهم وطرفت الكوزينة حيت داك العفريت ديالي ردها كيف زريبة يخ مشيت شعلت تلفازة كنتفرج في مدهوبالا شحال من حلقة فلتات ليا سالات وداك زمر باقي ناعس وأنا دغية جاني جوع راني وكالة قلت بلا منفيقو ناخد ليه الفلوس من بزطامو ونخرج نشري شي حاجة قربت ليه بشوية آححح كيحمق هاد الخرا بحال شي ملاك آح أقلبي حنززت فيه مزيان تشبعت شوفات عاد فقت من الأحلام ودخلت إيدي فجيبو بغيت نجبد البزطام وهو يدور الجيهة لاخرا وإيدي بقات في جيب😳 زهر دين مو كيف داير بقيت مقاتلة معاه بزز باش خديتو وااخا لعقتها في إيدي حليتو وخديت الفلوس بغيت نرجعو ليه وهي طلع معايا وعودت حليتو تصدمت آش هاد شي كانت واحد المرا زوينة وكبيرة في العمر ومروان ومروان واحد آخر بغيت نقول كين مروان وواحد فوطوكوبي ديالو واش يكون توأم لا مستحيل حيت هو ماقالهاش ليا وا فيقي أ إيمان علاش هو فين عمرو عاود ليك على راسو منعرف بقيت كنفكر وتلفت رجعت ليه البزطام وخرجت..
آش هاد الحي تفو كيف داير 😑 بقيت كنقلب على شي سناك ووالو ملقيتش بانت ليا واحد المحلابة مشيت ليها خديت ريب وكيكا ديال شكلاط وقرعة صغيرة ديال الماء كلست وكليت تما تميت راجعة الدار تكتبان ليا واحد جوقة فاش قربت لقيت واحد الولد شاد فواحد البنت باغي يشفرها هاز عليها موس وكلشي غير كيتفرج تواحد مقدر يفكها منو وكيف ديما خاصني نخشي راسي
أنا:طلق من البنت ونت داير ليهم هناا صعصع
شانق علا البنت وكيشوف فيا
الولد:غتمشي تقودي من هناا ولا نخصر لدين مك كمارتك
أنا:غير جرب يا شماتة يا عيفت رجاال واش يسحاب ليك غنخاف منك
ههه كنهضر معاه ورجليا مبقااوش هازيني بالخلعة حيت كلو خوطوطو باينة فيه حباس طلق من البنت وشد فيا
الولد:ودابا أشنو نخصر ليك هاد الوجه لي عاجبك
أنا:طلق مني وباركة من هاد الخرا لي عايش فيه ونت يحساب ليك بلي ساهل تخسر لوجوه وتشفر كتجمع غير في دنوب ودعااوي
صدمتو حيت بينت ليه بلي مخيفاش شفت في البنت
أنا:سيري أختي بحالك
عاودت شفت فيه
أنا:هاا وجهي آش كتسنا
الولد:نتي واش بعقلك مكتخافيش زعمة
لهلا يوريك راني شويا ونسخف ليك آش داني نخرج من دار
أنا:كنخاف وبزاف ولكن منقبلش ظلم
الولد:سيري أختي قبل مندير فيك شي حاجة
أنا:واش بغيتو القهوة ولا أتاي سيرو الله يعفو عليكم عاد بدات كتفرتك جقلة وتا داك شمكار بان ليا غادي وأنا نتبعو معرفتش علاش ولكن بقا فيا حيت كون كان بصح خيب كوراه دار ليا شي فضيحة فوجهي
أنا:خويا بلاتي غير نهضر معاك
الولد:آش بغيتي
أنا:سميتي إيمان ونت
الولد:غتمشي ولا
أنا:مالك أخويا علاش داير هاد الحالة فراسك
الولد:وبعدي من دين مي عافاك غير جيتيني كتشبهي لختي أما كون تفاهمت معاك
أنا:ديرني ختك وقول ليا علاش كتشفر
وقف وشاف فيا واحد شوفة كتبين قداش كيحس بالحكرة
الولد:ظروف هي لي وصلاتني لهاد شي
أنا:آشمن ظروف هادي لي تخليك تعدا على ناس وتدي ليهم رزقهم
الولد:الواليد ديالي مات وأنا باقي صغير الواليدة مريضة وخاصها تعالج منين غنجيب الفلوس ديال دوا وطبيب وختي صغيرة خاصني نصرف نتي علاش كتسولي
أنا:والو غير سولتك شنو سميتك
الولد:عصام
أنا:متشرفين أخويا نطلبك واحد طلب
عصام:شنو
أنا:متبقاش تشفر شوف ليك شي خدمة شريفة حيت كيفما كتخاف على ختك خاف على بنات ناس
صراحة هو زوين ولكن داك خوطوطو لي فيه مخصرو بقا فيا حيت بزاف لي كتخليهم ظروف لي عيشينها ينحارفو ماشي لخاطرهم
مع حليت باب دار جاتني واحد تصرفيقة
مروان:😡😡واش مكتفهميش أنا مضارب باش تبقاي عايشة ونتي كتمشي الموت برجليك باغا تخرجي ليا العقل
كنشوف فيه ببرودة وكنهضر بشوية
أنا:بغيت نموت نت مالك ديها فراسك عطيني تيقار واخا
شد ليا فوجهي ومورك واخا وعتني ولكن أنا قررت باش نمرض دين مو على جوج الحوايج على قبل ماقالش ليا عندو توأم وعلى قبل نكرهو فيا حيت هاد العلاقة كيفما كان الحال مغتكملش
عاود صرفقني ترعفت واخا كانت فيا البكية حبستها وكنمسح في دم لي هابط ليا من نيفي
مروان:إيمان سمحي ليا عافاك أنا
أنا:بعد مني نت ماشي راجل لي كل مرة ضاربني سمعتي نت ماشي راااجل
غير قلت ليه هاكا تبدل لون ديالو دفعني على الحيط
مروان:أنا غنوريك ماشي راجل
بدا كقطع ليا فحويجي وأنا كندفع فيه ونغوت وهو غيب كيبوس فيا بغيت نتفك من ولكن حكمني في لحظة رجع ليا الماضي قدام عيني بديت كنغوت بواحد طريقة هستيرية ودفعت مروان بقوة وكنهز لي بانت ليا كنشير عليه بيها
أنا:مروان عتقني مروان عتقني
عاد عاق براسو آش كان غيدير وتصدم حيث كنطلب منو يعاوني كنت كنشوف داك الوحش لي ضيعني لي شفر لياا ضحكتي ماشي حبيبي مروان
مروان:إيمان أنا مروان غير تكالماي إيمان شوفي فياا عافاك
أنا:نت نت أنا
طحت لأرض غيبت
كنحل عينيا كيبان ليا كلشي بيض ومركبين ليا سيرو تفو سبيطار ياع كنكره ريحتو مابانش ليا مروان هناا معرت فينو بداو كيهودو ليا دموع فاش تفكرت آش وقع معولا عليه غيحميني ساعة تهو بحالهم كلشي رجال كيتشابهو مسحت عويناتي ونترت داك سيرو من إيدي تطار دم عادي مبقيتش كنحس بكترت العصا لي كناكل والهم لي هازا في قلبي فينك أختي توحشتك لمن نشكي همي دابا نتي لي كنتي عندي علم الله حالتك كيف دايرة خرجت من البيت وشادا غير فالحيط و دوخة غالبة عليا يالاه غنطيح شدني شي حد
...:غير بشويا عليك أختي
هاد صوت مغريبش عليا هزيت راسي
أنا وهو:نت نتي
أنا:شنو كدير هنا
عصام:الواليدة عيانة شوية داكشي علاش جبتها هنا ونتي مالك فهاد الحالة
أنا:والو غير طلع ليا طونسيو
عصام:تكايسي على راسك وعلاش نيضى سيري شومبر ديالك ورتاحي
أنا:أنا غ
عصام:دم كينزل ليك من إيديك
أنا:ماشي شي حاجة (
عصام:فين هي شومبر ديالك أنا:ها هي
عصام:نتي راكي ختي صغيرة
بغا يهزني وأنا نبعدو بإيدي ولكن معامن راسو قاصح هزني ودخلني شومبر مروان كان تما وشافو هازني حطني في بلاصتي مروان مدواش غير كيشوف ومخنزر
عصام:رتاحي ومتبقايش طيري
أنا:واخا
عطاني ورقة
عصام:هادي نمرتي إلا حتاجيتيني
أنا:شكرا
باسني في راسي وخرج وداك زمر باغي يطرطق خلي مو نيت يتعصب شويا زعمة جاتو الغيرة الله أعلم
ما بقيت فاهمة والو الجزء الثالث
محتوى القصة
التنقل بين الأجزاء