أنا:أنا عارفاك متافق مع ماها خوك نسيتيه راه توأم ديالك طرف منك كيفاش قدرتي دير فيه هاد شي
يونس:هاد الهضرة ماكيناش
أنا:بصاااح
يونس:نتي غتخرجي علينا أنا غنعاود ليك باش تفهمي
أنا:كنسمعك
يونس:أنا وخويا كنا مفاهمين بزااف حيت كنا كنتشابهو بزاف ديما كنا كنتفلاو على البنات هو مرة يمشي مع صحبتي مرة أنا مع صحبتو داكشي ديال صغر في المدرسة كنتفلاو على الأساتدة تالنهار لي غتدخل واحد البنت جديدة المدرسة جات معانا في نفس القسم كانت زوينة وأنيقة وفي نفس الوقت مغرورة
أنا:إوى
يونس:قررنا باش نطيحوها في الفخ وداكشي لي وقع وكل مرة واحد فينا كان كيخرج معاها المشكيل هو حنا بجوجنا بغيناها ووصلات بينا أننا نضاربو على قبلها وهي كان كيحساب ليها كتخرج غير مع واحد لي هو مروان وكيف ديما كنا مضاربين جات هي وسمعات كلشي خرجات كتجري من المدرسة تبعنااهاا باش نشرحو ليهاا ونطلبو منها سماحة للأسف ضرباتهاا طوموبيل ماتت تحطمنا ندمنا حسيناا بلي حنى لي قتلناها نعاس مبقاش كيجينا من داك نهار مبقيناش هضرنا هذاك راه خويا أنا كنت متبع الأخبار ديالو من بعيد ونهار خطفوه طريت ندير داك الاتفاق مع ماماك باش نظمن راه خويا غيبقا حي
أنا:وعلااش دخلتي جدي في الموضوع رضى عاود لياا بلي جدي معندو حتى علاقة بالخطف ديال مروان ومعاد وحتى واحد البنت شافتك مع كريم كضحك وعطاك جوى فيه الفلوس
يونس:رضى هذاك ولد القحبة مثيقيش فيه راه كيعاون ماماك هذاك راه شيطان ردي البال وكريم عطاني جوى لي كانو فيه تصاور ماشي فلوس هذوك
أنا:إوى من هاكدا علاش متجيش نت والفريق ديالك تعتقوهم
يونس:ماشي غير آجي وخرجهم راه ملسقين فيهم قنابل أنا:أويلي على القنبول عندنا داعيش هنا
يونس:بزاااف هادوك راه خطار
أنا:سمعني
يونس:آه دوي
أنا:دابا راني عندي خطة ....
يونس:😳😳😳كيف غنديرو لهاد شي نتي غا كتخربقي
أنا:غدا عيد ميلاد رضى خاصناا نستغلو الفرصة
يونس:أنا غنديرها في إيد الله
أنا:يالاه باي
قطعت معاه وصونيت على عصام
عصام:ألو
أنا:ألو
عصام:شكون معاياا
أنا:إيمان عصام واش عيطات ليك
زينب عصام:آه صافي كوني هانية كلشي غيكون كيف بغيتي ولكن باقي خاصك تشرحي ليا آش كاين وشكون ديك زينب وعلاش بغيتي داك شي
أنا:فاش نشوفك غنقول ليك
عصام:واخا ردي البال لراسك
أنا:حتى نت باي
طريت ندير هاد الخطوة كنتمنا كلشي يكون مزيان
عند مروان
من بعد مخرجت من الفيلاا كنت غادي في طوموبيل حتى خرجو في طريقي ثلاتة طوموبيلات هبطو منهم رجال ملتمين وهازين الفرادة غمضو لياا عيني وداوني الواحد البلاصة ماعارفهااش تصدمت من لقيت حتى معاد المشكيل هو ركبو ليناا قناابل ناسفة كتخدم عن بعد غير يورك هاداك لي عندو تيليكوموند عليه نتفركعو خاايف غير إيمان وزينب معرفتش شنو واقع ليهم خاصني نلقاا شي طريقة نخرج بيهاا من هناا
#عند_زينب
واخا ممقتانعاش بهاد شي ولكن كنتيق في ختي هي طلبات مني نعيط على عصام ونقول ليه أنا من طرف ديالهاا ونطلب منو يجيب ليا 4 القراعي سيرو ديال نعاس ومضاد ديال سم ويضبر ليا على شي فردي داكشي لي درت وقالت ليا نقول لنسرين بلي أنا شاكة فيها
زينب:نسرين كيف كتجيك إيمان
نسرين:عادي علاش
أنا:مرتاحيتش ليها
نسرين:ياك جيتي منها قبيلة سبحان مبدل الأحوال
زينب:غير مبغيتش نبين ليها وزيدون راني كنعرفك قبل منها وهي يالاه جات البارح واش غنفضلها عليك 😑
نسرين:منعرف أختي
مشيت خليتها ولكن عينيا كانت عليها باش نعرف لمن غتوصل الهضرة..
#عند_يونس
واش هادي حماقت خايف غير متنجحش الخطة ونصدقو فالمشاكيل قالت ليا غدا مع 11 ديال ليل غتبدا الحفلة ديال رضى خاصني نعلم البوليس بلي مروان ومعاد كينين في الفيلا وبلي مع 00:00 خاصنا نقتاحمو القصر ولكن القنابل لي مركبين ليهم كيف غدير ليهم هاد إيمان فشكل مبغاتش تقول ليا الخطة كاملة
#عند_عصام
كتبقا فيا هاد البنت باينة فيها مكرفصة أنا جبت ليها لي بغات وعيطت على زينب باش تخرج تاخد داكشي ومنبعد تاصلت بيها وقالت ليا بلي خاصني غدا مع ديك 11:45 نكون قدام الباب لوراني ديال القصر ونجيب معايا طوموبيل علم الله آش من مصيبة طايحة فيهاا هاد البنت......
حسيت بتقيا وعاود خرج ليا دم من فمي غير هاد المرة مع شوية ديال الوجع في كرشي حسيت بالعيا مشيت نعست طحت دودة.. أصبحناا وأصبح الملك لله ❤
فقت صباح عيانة بزاف كنحاول نستجمع القوة ديالي حيت اليوم خاصني نسالي هاد المسرحية كولشي غيبان دخلت دوشت لبست حوايج الخدمة شربت دوايا لي شرا لياا مروان شعلت تيليفون قاديت ديك تويشية في ودني صونيت على يونس طمني بلي كلشي مقاد وحتى عصام قال ليا منخافش غيكون في الوقت قطعت عليهم وخرجت باش نبدا الخدمة كان القصر عامر شي غادي وشي جاي كيوجدو للحفلة مساكن معارفينش آش كيتسناهم قاديت البيوت كاملين بقا ليا غير ديال رضى مشيت ليه وأنا كنقاد فيه تفكرت الكلام ديال يونس إلا كان فعلا متافق مع ماما أنا غندمو كنت كنسوس في نموسية طاحت واحد المدكرة هزيتها كان مكتوب في الغلاف يوميات رضى خشيتو في صاية وهبطت القميجة كملت وخرجت من البيت تلاقيت مع زينب
زينب:واش كملتي البيوت
أنا:آه
زينب:مزيان نتي غتعاونينا اليوم في الحفلة خاصك تسربي
أنا:واخا
زينب:سيري لبيتك أنا غنجيب ليك لبسة
أنا:إنا لبسة
زينب:غادي نلبسو كسيوات في الغوز
أنا:واخا
دخلت لبيتي سديت عليا كلست في الأرض جبدت اليوميات وبديت كنقرا تصدمت من هاد شي لي مكتوب رضى كاتب بلي كيكره ماماه حيت هي سباب باش باباه نتاحر كاتب بلي باباه حصلها كتغدرو مع شي واحد مقدرش يتحمل ونتاحر وبلي هو قرر ينتاقم داكشي علاش قتل الأم ديالو وهو عندو 15 سنين وجدي قدر يخرجو من هاد الجريمة بحال إلا مدار والو وداك راجل لي كانت معاه ماماه معرفوش
رضى:من بعد مدة ديال البحث عمتي قدرات تعرف داك راجل لي ماما خانت بابا على قبلو سميتو عبد القادر (بابا) بقات كتراقبو ولي معارف تاواحد بلي عمتي هي لي قتلات ليه مرتو ماشي الحمل لي قتلها عمتي كانت ديما واقفة معايا وبسبابها أنا باقي عايش الهدف الوحيد لي عندنا هو نتاقمو منو فهاد الفترة جدي كان في الحبس داكشي علاش كنا كنديرو لي بغينا عمتي ماها قدرات تطيحو في الفخ وبغاها وولدات معاه أنا كنت صغير ولكن كنت كنفهم كلشي عمتي كانت كتموت على خوها داكشي علاش قررات تنتاقم منو فاش ولدو كان الهدف عند عمتي تاخد ليه الممتلكات ديالو كاملين لكن جدي خرج من الحبس والخطة فشلات وجدي كان باغي يقتل البنات لي ولدات عمتي من بعد معرفناش فين ختافاو جدي خطف ولاد عبد القادر ولكن مع الوقت جدي بدا كيحن وطلق دراري وبدا كيقلب على توأم وعبد القادر بغا يحماق على قبل بناتو عمتي وأنا عرفنا بلي إلا قاتلنا البنات غنكونو حققنا الانتقام وروح بابا متبقاش تعدب.... حياتي كانت كلهاا كره حتى الواحد نهار وبصدفة دخلت فواحد البنت بطونوبيل وتعلقت بيها
كاتب بغيتها بزاف ولكن هي معطاتنيش وقت وداك الوحش بدا كيرجع ليا من جديد واحد ليلة كانت غادا تبعتها وتعديت عليها آه غتصبتها........
سديت المدكرة وشهقت مستحيل يكون هو شنو هاد شي ياربي شنو هاد شي بقيت كنبكي وعاودت حليت المدكرة وأنا منهارة...
بغيت نكمل القراياا ولكن والو عيني عمرو بدموع والحروف لي مكتوبة كتبان لياا مخربقة😭😭 آه يااربي آه قلبي كيتقطع علاااااااااش آ ربي كيطراا لياا هاكا شنو درت في حياتي حتى وصلت لهااد شي آي كرشي😭 آه راسي تسرحت في الأرض وبديت كنتركل بالوجع آه الوجع لي في الجسم ديالي والوجع لي فقلبي وروحي😔 دنياا ظلمااتني بزااف بزااااااااااف منستااهلش هااد شي والله منستاهل نضت على وعدي وسعدي واخاا جهد ماكينش هزيت المدكرة دخلتهاا الطواليط قطعتهاا ولحتهااا في تقبة ديال طواليط شفت في المراياا لقيت وجهي صفر ونيفي هابط منو دم وعيني منفوخين سهيت في راسي حسيت بحاال إلاا العافية شاعلة فياا غسلت وجهي مسحت نيفي من دم قديت مايكاب وكثرت بااش منبانش مريضة كرشي واخا كتقطع ولكن قررت نصبر حيث اليوم غاادي ندمهم على كلشي غاادي نحاسبهم على كلشي
دق دق
أنا:دخل
زينب:الحب ها هي لبسة وهاهو سيرو ديال نعاس ومضاض سم
أنا:بغيتك ديري هااد سيرو في كااع القراعي ديال شراب والعاصيرات لي غتقدمو لضياف
زينب:واش غتنعسي كلشي
أنا:ديري لي قلت ليك عليه
زينب:واخا أختي
أنا:بلااتي جدي وماها أنا لي غنسربيهم
زينب:كتخلعيني شنو غادة ديري😦
أنا:غندير داكشي لي غيطفي لياا العافية لي فيااا
زينب:آش كتقصدي
أنا:مبقااش الوقت دابا راه 4h تحركي ديري لي قلت ليك
زينب:واخا أنا غندي سيرو
أنا:خلي ليا قرعة ودي لاخرين
زينب:ومضاد سم لااش لايق
أنا:هو لي غيعتق ليناا دراري
زينب:😳😳
أنا:تحركي بلاا متبقاي مصدومة لياا هناا
مشاات زينب وانا لبست وقاديت حالتي جمعت شعري كوتشوفال وخرجت خدمت معاهم شوية حتى وصلاات 10h ليل مشيت الكوزينة خديت عصير وكيكة درت فيهم المنوم وهزيت موص درتو تحت من الكسوة طلعت البيت عند رضى واقفة قدام الباب ديال الوحش لي ضيع لياا حياتي ومستقبالي كنكرهو وغاادي نوريه شكون هي إيمان طلعت نفس ودعيت ربي يعاوني نتحكم في راسي
دق دق
رضى:دخل
أنا:سلام😫
رضى:بنت عمتي مرحباا😍
أنا:جبت ليك عاصير وكيكة😊😁
رضى:علاش معذبة راسك😊
الله أودي العذاب هو لي غنوريه ليك
أنا:لاا بالعكس نت ولد خالي وخاصني نرد ليك البال
جريتو من إيديه كلستو فوق ناموسية حطيت البلاطو مديت ليه الكاس ديال العاصير
أنا:شربو ولا غتردو ليا في وجهي
رضى:لا حاشة
شربو وكلاا الكيكة بقيت كالسة معاه شوية حتى غيب ..
حيدت ليه حوايجو كاملين عريتو كيف عراني خديت تيليفون ديالو واخا كان داير ليه الكود ولكن أنا راه هاكر خطيرة في هاد شي حليتو خديت ليه شي 20 تصويرة وفيديو عاودت لبست ليه غير الكالسو ربطت ليه إيديه لور ورجليه دخلت الدوش خديت ماكينة ديال الحسانة قرعت ليه راسو حيدت ليه حجبانو واللحية حتى هي😐 رجع كيخلع
دفلت ليه على كمارتو جريتو لبلاصتو غطيتو درت تيليفونو في صدري وخرجت مشيت عوتاني الكوزينة خديت الموناضة بغيت نتصاخر البلاصة فين مكتوصلش الكاميرا ساعة دخلات ديك نسرين
نسرين:إيمان شنو كديري
أنا:نتي مالك
نسرين:كيفاش
أنا:غتبعدي من دين مي فهاد لحظة ولا غنوضهاا معاك راني معصبة
نسرين:بلا متبقااي ترعدي علياا غير سولتك بديتي كتعايري
أنا:أستغفر الله العظيم بعدي مني احمبااك أصلاا القردة طالعة لياا
نسرين:أنا لي حمارة كنسولك مالك ضبري كرك
مشات كلسات
أنا:نسيت جدي بغيت نقول سي محمد راه في صالة الكبيرة وبنادم كيجي قال لياا نقول ليكم تبداو تسربيو
نسرين:😳 ولكن هو عمرو دخل في الخدامة
أنا:ضبرو كركم أنا قلتها ليك حيث نتي شاف سيربيس هناا😉
نااضت خرجات كتجري خلطت المنوم لي بقاا لي في ديك المونضة وخرجت عند سيكيريتي
أنا:ويوي هااكو
س1:شنو هاد شي
س2:راه ممنوع عليك آ آنسة تجي هناا
أنا:جبت ليكم المونضة حيت كتقطعو في القلب مابغيتوش بنااقص
درت راسي غادة وكنطلب الله يدوي شي واحد فيهم
س3:ختي آري الله يحفظك من تفكرتيناا
أنا:😊 العفو
هادو كاانو في الباب لي الداخل ديال الفيلاا ماشي الباب الكبير المهم تهنيت منهم
مشيت الكوزيناا ومبقااش فياا الحال من تصرف لي دارت حيث صافي حقدت عليهاا خديت بلااطو هزيت داكشي لي بغااو مشيت عطيت لجدي الماء وعطيتهاا هي لي بغات مدرتش ليهم المنوم حيث بغيتهم يبقاااو فايقين
#عند_مروان
مروان:معاد وا معاد
معاد:حصلناا هناا أخوياا
مروان:إلاا حليت ليك إيديك تقدر تبطل لياا هاد القنبلة
معاد:معرفتش ولكن باش نبطل هادي لي مركبين لياا أنا مستحيل
مروان:علاش ياك نفسهم
معاد:وي ولكن مغنوصلش لشي خيوط
بقيت مضارب مع إيدي حتى فكيتهاا وفكيت معاد
معاد:أصاحبي راه بيني وبين هاد شي وقت طويل إلا متناا سمح ليا
مروان:مسامحك غير سربي😂
معاد قبل ميلتاحق باستخبارات المغربية كان خدام مع فرقة مكافحة الإرهاب ومن تماا ولات عندو خبرة في القنابل
معاد:صافي تقدر تحيدهاا مبقاش عليك الخطر
مروان:شكرا ودابا رجع البلاصتك
عاود ربطتو
مروان:غاادي نخرجو من هناا متخافش
معاد:الله يعاونك ورد البال الكاميرات
خرجت ومع تدريب ملقيتش مشكيل أنني نفلت منهم شفت واحد تيليفون في طابلة عيطت بيه على يونس على خويا لي توحشتو هو لي يقدر يعاوني
يونس:ألو
مروان:صمت
يونس:آلو شكون معايا
مروان:آلو
يونس:ممروان مروان واش نت بيخير كيفاش قدرتي تخرج من تماا
مروان:علاياش كدوي
يونس:راه في خباري كلشي حتى أنا داخل في هاد القضية وإيمان راه في الفيلا
مروان:إيمان😡 آش جابهاا هناا واش بغات يقتلوها بلاتي هي مستحيل توصل هناا بلا ميعاونهاا شي حد
يونس:أنا عاونتهااا ............
مروان:كتصطااو علياا آشمن خطة ولا خراا
يونس:مبقااش الوقت حناا راه في طريق
مروان:باي
يونس:تهلا في راسك
مروان:حتى نت
قطعت معااه ودخلت نقلب على إيمان دنياا كانت عامرة مزيان باااش ميردوش لياا البال
شفت ساعة لقيتهاا 23:40 جات عندي زينب
زينب:شفتك باقي مدرتي والو
أنا:ديك نسرين حصلتي عليهاا شي حاجة ولا والو
زينب:وي راه سمعتهاا كتهضر في تيليفون مع شي واحد كتعاود ليه كااع لي كيوقع هناا
أنا:أوكي وقفي هناا وتفرجي وعندااك دوي فااش نغمزك خرجي من الباب لوراني غتلقااي عصام تسناوني غلحق عليكم إلا تعطلت سيرو
زينب:ولكن
أنا:دويت😡
زينب:صافي واخا
بانو لياا ضياف بدا كيقدي فيهم المنوم وجدي كيقلب على رضى حتى بداو كيطيحو متابعين
جدي:شنو واقع هناا
ماها:أويلي مالهم
سيكيريتي لي براا جااو باينة شافو شنو وقع في الكاميرا ديال المراقبة كلشي طااح بقيت غير أناا وماها وزينب وجدي وسيكيريتي شي كيشوف في شي
ماها:نتي لي درتي هااد شي
أنا:😂😂😂😂😂😂😂 آه أنا
سيكيريتي هزو سلااح عليااا
جدي:كيفااش نتي وعلااش
أنا:حيث أناا بنت مااهاا أنا حفيدتك لي باغين تقتلو ولكن لاا ماشي بهاد سهولة ماشي أناا لي تقتلهاا مهاا لاا بغيت نقول موسخة ومكتسوااش بزااف عليهاا نقول ليهاا ماما
ماها:نتي ماشي بنتي وأنا اليوم غاادي نقتلك
أنا:😊 في أحلاامك أحبيبة جدي قول لهادو يحيدو سلااح ويطلعو ينزلو رضى من الفوق هاد شي إلا كان باقي حي
جدي:كح كح كيفاااش آش درتي ليه
جات ماها شنقات علياا
ماها:آش درتي ليه دوي والله توقع ليه شي حاجة تنوريك وجهي لاخر
أنا:حيدي إيديك الموسخين علياا 😠
بعدات علياا جبدت القرعة ديال مضاد سم من جيبي
أنا:هادي هي لي تقدر تعتقو إلا طيحتهاا دابا وتهرسات حبيبك رضى غيمشي
كنهضر غير بزز حيث الوجع غاادي وكيتجهد ومرة مرة كتبان ليا ضبابة
جدي:ديرو داكشي لي قالت عافاك أبنتي لماا عتقيه
مشااو سيكيريتي جابو رضى كلشي تصدم من شكل ديالو شفت في زينب بانت لي كترعد وخايفة أنا خليتهاا معاياا باش حتى هي تشوفهم كيتعدبو
#عند_مروان
قلبت عليهاا الفوق مابنتش ليال عاود هبطت لتحث شفت كلشي طايح الأرض زينب كتبكي وماها وإيمان وجدهاا كيهضرو تصدمت من داكشي لي واقع عااد من شفت آش دارت ل رضى مبقيت فاهم والو بقيت مخبي مورا الحيط بااش نفهم علاياش ناوية
بدا دم كيخرج لياا من نيفي تعصبت مبغيت حتى واحد يعرف هااد شي جبد الموص لي درت تحث الكسوة حليت ليه فمو وقطعت ليه لسااانو بكل برودة كان كيغوت بالآلااام وأناا فرحانة حيث كنشوف فيه فهااد الحالة
أنا:آش كنتي كتقول😂😂 مسمعتكش☺
شفت في زينب باش تخرج داكشي لي دارت ماها من شافتني درت هاكا هزات حتى هي موص من طابلة بغات تضربني بيه وهي طيح الأرض ضربات برصاص درت نشوف شكون لقيتو مروان
أنا:مروان مروان
جاا عندي عنقني ومعاد باقي هاز سلاح على سيكيريتي بااش ميتحركوش
مروان:واش نتي بيخير
أنا:واش ماتت😯
مروان:لا ضربتهاا غير لكتفهاا متخافيش ولكن رضى خسر دم بزاف نقدرو نخسروه إلاا ماجاتش الإسعاف في الوقت
أنا:يونس غادي يجي
باقا مكملتش هضرتي حتى دخل يونس مع بزااف ديال رجال شرطة ومعاهم حتى المسعفين هزو رضى من بعد ماها وداو حتى جدي لي مقدرش يصبر وجاتو كريز ضياف تاهماا
مروان:كلسي هناا هاني جاي
أنا:واخا
دنياا عمرات ورويناا كانت في الفيلاا بقيت كنتسلت غير بشوية حتى خرجت الحمد لله لقيت عصام وزينب باقين كيتسنااو فياا ركبت لور حيث زينب كانت القدام
أنا:تحرك دغياا عافاك
زينب:شنو وقع لداخل سمعت صوت رصاص
أنا:موقع والو أحبيبة
عصام:فين بغيتو تمشيو
أنا:بقاا غاادي أنا نوريك طريق
معرفتش فين خاصني نمشي ومبغيتش نبين لعصام بلي معدنا تا بلاصة نكلسو فيها حيث غادي يحكر عليناا نمشيو معاه الدار وهو مسكين مقاتل غير مع مو وختو نزيدوه حتى حناا
عنقتهاا وبقيت كنبكي مع الوجع طحت الأرض وكيف ديماا دم كيهبط ليا من نيفي
زينب:إيمان مالك إيمان راك خلعتيني
أنا:أنا بيخير متخافيش
#عند_مروان
مفهمتش داكشي لي دارت قطعات لدري لسانو صدماتني والمشكيل كااع متأترات من داكشي خليتهاا ومشيت عند يونس ومعاد كنهضر معاهم حتى كتبان لياا إيمان غادة كتسلت باش تخرج خليت يونس تماا وتبعتهاا أنا ومعاد شفناها ركبات في واحد طوموبيل وتا زينب كانت معاها كسيراو تبعناهم حتى وقفات طوموبيل وهبطو منهاا مفهمتش شنو كاين إيمان طاحت الأرض وزينب كتبكي وكتغوت مشيت كنجري عندهم
زينب:😭😭 لاا شوفي حالتك شي واحد يعاوناا
تزيرت بزاف تكيت على جنبي حطيت إيدي على كرشي وجمعت رجلي كنحاول منغوتش ولكن مبقيتش قدرت نصبر
أنا:كنموت😭😭 واااا ماقدراش آه آي وااا
مروان:إيمان
زينب:عتقوهاا عافاكم معرت مالهاا راه غتموت شوف حالتهاا
تحناا عندي مروان وكانت باينة فيه الخلعة هزني بين إيديه ركبني في طوموبيل وركب حدايا معاد وزينب القدام خشيت راسي في صدرو وعااضة ليه تريكو وظفاري خاشياهم في إيديه
مروان:قربناا نوصلو أصبري أحبيبة معاد سربي
زينب:سربي عافاك
وصلناا دخلوني مباشرة المستعجلاات عطاوني مهدئ من بعد دارو لياا تحاليل وسكانير دخلوني شومبر عطاوني برا مبقيت عقلت على والو
#عند_مروان
دخلت أنا وزينب ومعاد البيرو عند الطبيب
مروان:دكتور شنو عندهاا
الطبيب:معندي منخبي عليكم حالتهاا ممستقراش درية عندها ورم في جنب الأيمن من رأس ديالها
زينب:نت آش كتخربق لاا ميمكنش
مروان:ياك كاين علاج
معاد:ضروري كاين علااج الله مكيخلق داء حتى كيكون دواء ياك أدكتور
الطبيب:وي ولدي عندك الحق لحسن الحظ الورم في البداية ديالو إلا خضعات للعملية غادي تشافى بإذن الله
مروان:إمتاا نقدرو نديروهاا ليهاا
الطبيب:من تفيق تعطيناا الموافقة ديالهاا ديك ساعة نديروها ليهاا
مروان:وإمتا غادي تفيق
الطبيب:من هناا شي 3ساعات
مروان:شكرا أدكتور
خرجنا من عندو كل واحد فينا كلس في بلاصة كنفكرو في إيمان شنو غيوقع ليها ولا منجحاتش العملية الله يحفظ بفف
بديت كنحل عويناتي راسي ضارني ومدكدكة مروان كالس في الكرسي حدايا وشاد لياا في إيدي زينب ومعاد كالسين في الفوطوي
مروان:إيمان صافا
جات حدايا زينب ومعاد
زينب:باش كتحسي😔
معاد:ختي صافا
مروان:إيمان مالك ساكتة
دق دق
مروان:دخل
دخلات ماما وبابا ومامات وبابات زينب لي رباوناا وواحد راجل يكون في الخمسينات ولكن زوين ولابس زوين توحشتهم بزااف
ماما:الله على بنتي الله
جات عنقاتني أنا متجاوبش معاها بقيت غا ساكتة زينب شافت ماماها وباباها مشات تلاحت عليهم وكتبكي
بابا كيدوز إيديه على راسي
بابا:بنتي واش لاباس
راجل:كيف بقيتي ابنتي
زينب:سمح لياا أعمي معرفتكش
مروان: زينب هذا عبد القادر باباكم البيولوجي
شاف فيا مروان بغاا يعرف ردت الفعل ديالي ولكن أنا متسوقتش
زينب:نت بابا😭 ولكن
بابات زينب:وي باباك وخاصك تقبليه حيث هو كان باغيكم داكشي لي وقع هو معندو حتى علاقة بيه
زينب:ولكن😭😭
جرهاا من إيديهاا حداه ومع هي على سبة عنقااتو كان باين فيهاا فرحانة بيه
أنا:مروان خرج وخرجهم كاملين
بقااو كيشوفو فياا
زينب:إيمان أنا
أنا:خرجو داااااااابااااااااااا
مروان:صاافي خرجو خليوهاا ترتااح
خرجو كلهم ومروان بقاا جا كلس حداياا
مروان:مالك
أنا:مكتفهمش شناهي خرج
مروان:علاش كتهضري هاكا
أنا:ماشي سوقك بعدو مني بغيت شوية تيقاار
مروان:بلاا متجعري دين مي مالك كتنفخي كتهزي وتحطي شنو واقع
مجوبتوش دورت وجهي لجيهاا لاخرى معصبة معرفتش مالي ولكن مبقيتش حاملااهم بغيتهم يبعدو مني يمكن خايفاهم يعرفو بلي مبقيتش بنت😭😭 بديت كنبكي ونشهق جرني مروان لعندو بقيت نتخصص حتى تفشيت
دخلات الممرضة عطاتناا شي وراق بغااوني نسينيهم
أنا:ديالاش هادو
مروان:ديال العملية
أنا:إنا عملية
مروان:...............
أنا:مبغيتش نديرهاا
مروان:شنااوا😡
أنا:علااش غنبقاا عايشة علاا قبل شكون😭😭
مروان:على قبلي وعلى قبل ختك وهادوك لي رباوك على قبل باباك لي عمرو كامل وهو كيتسناا يشوفك
خرج خرجت موراه حاولت ميشوفونيش وصلت لسانسور وهي تشوفني ماما
ماما:إيمان فين غادة
بديت كنورك بجهد على البوطونة باش تحل وهما جايين كيجريو جيهتي ومروان حتى هو جا ولكن أنا دخلت في سانسور عرفتهم غادي يهودو لتحث داكشي علاش طلعت الفوق وقف سانسور خرجت منو لقيت غير سطح خاوي جناب ديالو مافيهمش الحيوط وقفت في الحافة هزيت إيدي بحال شي طير كان مسجون واليوم غادي يتحرر غمضت عويناتي حتى كيزعزعني واحد صوت موراياا
أنا:فكرت آه فكرت فيك بزااف فكرت فااش غتعرف بلي البنت لي كتبغي مغتاصبة البنت لي كتبغي ماشي بنت😭😭
طحت الأرض كنبكي ومغطية وجهي بإيدي
نزل عندي وعنقني
مروان:ماشي مهم شرف عمرو كان كيتقاس بالبكرة
أنا:ولكن
مروان:غير سكتي وسمعيني
دورت إيدي مورا ظهرو
مروان:نهار بغيتك ماشي زينك لي آتيراني بصح نتي كتحمقي ولكن أنا بغيت روحك شخصيتك عقليتك كون مكنتش عارفك آش كتسواي مكنتش غنبغيك شنو يحساب ليك غنخليك إلا عرفت هاد شي أنا أ إيمان راجل وراجل هو لي يوقف مع لي كيبغي ويحميهاا نتي تغتاصبتي داكشي ماشي الخاطرك كتاب عليك هاد شي متبقاايش تلومي راسك ودابا آخر مرة تصرفي بهااد طريقة حيث هااكا غتخسريني ديال بصح
أنا:آخر مرة😭😭😭
مروان:واا لخراا تريكو فزكتيه بدموعك تفو
أنا:😂😭😂😭 هاي هاي على تفو تعلمتي مني
مروان:نوضي نهودو راه من هناا الساعة غادي يديرو ليك العملية
أنا:خايفة
مروان:😂😂 ياك غير دابا كنتي بغيتي تموتي
أنا:آه حيث يحساب لياا غنضيعك ولكن دابا نت معايا خفت نموت و
سد لياا فمي
مروان: الله ينجيك تعاودي تقولي هاد الهضرة نهرس لمك هاد لفم طبيب راه قال لياا نسبة نجاح العملية 99% كوني قوية💋
أنا:كنبغيك
مروان:حتى أنا حبيبتي نوضي نهودو دابا
أنا:هزني فاش نوصلو لتحث ندير راسي سخفانة☺
مروان:😂😂 وعلاش زعمة
أنا:راه تريكتي لتحث واقيلا غنحشم
مروان:من كتحشمي لااش باغاني نهزك😴
أنا:سير قود كاع😒
مروان:أنضربك
أنا:بعد مني😔
مروان:مورا ما تبراي غنجي أنا ومعاد نخطبك ومعاد حتى هو ناوي الحلال مع ختك
أنا:😭😭😭😭
مروان:واش مبغيتيش
أنا:بغيت كالاك😭 غير كنت بغيتك تجيب الخاتم وتكرك على رجليك كيف كيديرو في الأفلام
مروان:من نيتك😒
أنا:بوسة وحشتك
تلااح على فمي بقيناا شي 5دقايق شلقمني ولد الحرام عاد هزني هودني غا وصلناا حداهم أنا درت فيهاا موتا حمار وهماا مخلوعين علياا وزمر ديال مروان كيهرني بإيديه😂 شوية ونتفركع بضحك حطني في لاموسية وأنا نحل عيني
زينب:😭😭 خلعتيني عليك
أنا:😂😂
ماما:مالك كضحكي
أنا:😂😂😂😂😂😂😂😂😂😂😂😂😂
كاملين:مااالك😂😂
أنا:فياا جوع
بابا:متقدري تاكلي والو دابا حتى لمورا العملية
أنا:شنااواا نموت أنا 😠
زينب:😭😭😭😭😭
أنا:زينب مالك أزمرة راه أنا بيخير آجي نقول ليك واحد الحاجة في ودنيك غتخليك طيري بالفرحة
قربات حدايا عاودت ليهاا الخطبة غير سمعاتهاا بدات كضحك كيف المسطية معاد ومروان جارين معانا😂
عنقتو كنشم في ريحتو راه بابا بكيت أنا وياه شوية من بعد قلبناها ضحك
دق دق
أنا:دخل
ياسين:إيمان
أنا:ياسين😭 نت لاباس ياك
ياسين:بيخير أختي المهم هو نتي تولي مزيان عمي صافا
عبد القادر:لاباس أولدي ونتي كيف بقيتي
ياسين: الحمد لله
دق دق
ياسين:دخل
الممرضة:سلام عليكم عافاكم تفضلو حيث بغيت نجهز المريضة العملية
قادات لياة الممرضة داكشي وداتني الغرفة العملياات
كنت خايفة ولكن معندي مندير حاولت نتهدن
طبيب:سلام أزوينة
أنا:سلام
طبيب:واش خايفة
أنا:شوية
طبيب:غير ترخااي العملية مضمونة و إن شاء الله غتولي لاباس
أنا:شكراا
دكو لياا برا من بعد صافي غيبت ..........
كنحل عويناتي راسي تقيل علياا مكنشوفش مزيان غمضتهم عاود حليتهم مبان لياا حتى حد وكلي خيوطوة معلقين لياا سيروم
أنا:م ر وا ن
مقادراش نهضر بقيت هاكاك كنبكي حيث ملقيت حتى حد حدايا
تحل الباب
الممرضة:على سلامتك باش كتحسي
أنا: ف ين ه ما عائ لتي
الممرضة:كلهم برا كيتسنااو فيك تفيقي
أنا:م ر وان
الممرضة:واخا أنا نعيط ليه
................................
دوزت 15اليوم في سبيطار عائلتي كلهاا كانت معاياا حتى من خوتي لي من بابا جاو شافوني وخوتي لمن ماما بغيت نقول ماها خوتي لاخرين لي من ناس لي رباوني كنت فرحانة بيهم مروان تصالح مع خوه بابا عبد القادر مبقاش بغا يتفارق عليناا ماها تحكم عليهاا ب 20عام بسباب الجرائم ديالهاا رضى دخلوه المصحة للأمراض العقلية خدا الجزاء ديالو
خرجت من سبيطار وليت بيخير دابا جاا مروان ويونس وماماهم ودمعاد وعائلتو خطبوني وخطبو زينب قررناا نديرو عرس واحد وهاكا كانت البداية ديال قصتنااا
ما بقيت فاهمة والو الجزء الخامس والأخير
محتوى القصة
التنقل بين الأجزاء