أوتاكو الجزء الخامس

قاليا لواليد تكلم وايلي شكون غادي يكون باغيني دبا نزلت حليت لباب لقيتو غير خونا ديال لبريد دوك زوج كرطونات يلاه وصلو شديتهم من عندو ومديت ليه 200 درهم وقلت ليه لي بقى خليه عندك مشى دخلت لدار طلعت لبيت حليت لكرطونات كما سديتهم منقص منهم والو حطيت لفلوس فوق ناموسية غيكونو شي 120 و جبدت حتى ديك 70 حطيتها و رزيق هدا ضبرنا عليه ندوز غير لعرس بيخير ونشوف شي مشروع نديرو حيدت منها شي فلوس عطيتها لواليدة تخرجها حيث عارف ديك لفلوس حرام دازت ديك سيمانة لي قبل من العرس بزربا مقداتناش كرينا واحد لقاعة و داكشي كلشي تكلف بيه لواليدة و لواليد أنا غي لفلوس وصافي وصل نهار لعرس كلشي فرحان عيطنا على درب كامل صغار و كبار وحتى دار شيماء جابو عائلتهم كاملة لقاعة عمرات لواليد مبركاتش تتقاد هادي تتعاون هادو تسلم على هادو لله يسمح لينا منها بقيت انا وشيماء معاهم حتال ديك 11 ديال ليل قربو يحطو لعشا بدا تيغلبنا نعاس شفنا فبعضياتنا وقلت ليها شباليك هاد ناس معولين يسهرونا حتال 3 فليلتنا لولا قالت ليا واييه نمشيو قلت ليها داكشي لي كنت باغيا نقولو غير بريض خرجنا من لباب لوراني ركبنا فطاكسي ههههه صدمناه تيشوفنا بحوايج د العرس ومخلين كلشي تيقلب علينا حتى عيطات عليا لواليدة قالت ليا شفتكم غبرتو متقولش ليا درتي داكشي لي فبالي قلت ليها داكي لي فبالك هو لي دار دبا ولكين هيا لي زعماتني قالت ليا لواليدة ونتا حمق وتلاقيتي بوحدا كتر منك وخليتي ليا هاد ناس كاملين سير لله يعطيكم عقل بزوج وقطعات ههههه مشينا لدار من دوك لي كنت خديت شحال هادي لمهم ليلة دازت طووب إييه لحلوى لحلوى فقت صباح مبوق أنا بقات فيا غير المرقة ديال عرسي مكليتش منها يخ نضت من لفراش ملقيتش شيماء دخلت لكوزينة لقيتها مطيبة لفطور وتتسنى فيا شعور زوين أثبوبا إنسان مبينكش وبينو قرابة ديال دم ومع دالك تيدير ليك حساب ويخاف عليك حيث عندك قيمة روحية ماشي مادية (أحححح مصطلحات فلسفية 😇) لمهم فطرنا خرجنا لبحر دوزنا تما شي 4 سوايع عاد طلعنا لدار ديال لواليدة و لواليد كاع درب تيشوف فينا هههه بحالا كنا مخطوفين دخلنا لدار لقينا لواليد و لواليدة وباها و مها وخالاتي لعائلة كاااملة كلشي تما بقاو تينقيو لينا ودنينا مزيااان هههه حتى حنا مدرنا فيها ما يصلاح انا مشيت ديريكت لتلاجة جبدت ديك لكوكوط لي فيها لمرقة ديال لبارح سخنتها وبركت انا وشيماء تنقصيو مع جوع ديال لبحر خلينا غير لعضوما مشيت تنغسل فيديا بحال هكدا حتى تيصوني تيليفون جبدتو لقيتها نمرة ديال لكوميسير أنا غير شفتها لما طاحلي فركابي هدا تيجيب غير لخبار زينة بحالو شباغي ؟؟

جاوبتو سلام سلام قاليا مبروك قلت ليه لله يبارك فيك قاليا خاصك تدوز عندنا لابريغاد بغيت ندوي معاك قلت ليه صافي شويا ونجي عندك طلعت لبست حوايجي وخرجت لعندو لابريغاد دخلت قاليا شنو غادي نقولك خاصك تمشي لغبر من هنا هاد المدة حيث خونا لي شديناه غادي يخرج بكفالة هاد لأسبوع قلت ليه شنو ياك شديتوه بدليل وكدا قاليا إوا لمغرب هدا أولدي لمهم أنا بغيت نقولك باش تدير بالك حيث ممكن يكون مزال حاقد عليك قلت ليه صافي وخرجت راجع لدار وتنفكر دبا زعما يجي يدير ليا شي قلوى أنا هانية يبعد ليا غير على عائلتي وصافي رجعت لدار ديت ديك لفلوس لبنكة بعدا درتها فكونط بيني وبين شيماء حتى إلا وقعاتلي شي حاجة و رجعنا لدار جمعنا حوايجنا نزلت لغراج غطيت لموطور وهزيت طوموبيل ديال لواليد ومشينا ديريكة لناضور عندي واحد عمتي تما مشينا عندها عاودت ليها كلشي من لول قالت ليا مرحبا عيشو معايا نتوما كاع حيث هيا بوحدها تما بقينا عندها واحد سيمانة تنعيط على لواليدة و لواليد دنيا هانية تما فكازا حتى قلت هدا نساني يمكن غادي نرجع تتعيط ليا لواليدة قالت ليا راه وصلات أوادي واحد لكرطونة من دوك لي كنتي تتصيفط وراه قلنا ليهم دار عمتك تما باش يوصلوها ليك وضفاك أشمن كرطونة أنا صيفطت غير زوج ؟؟ فلبلاصة فهمت بلي خونا لي دار هاد لبلان باش يعرفني فين أنا ناري قوادة تاني عيطت على عمتي وشيماء قلت ليهم بلي لواليد و لواليدة قالو ليهم فين أنا دبا وبلي خاصهم يخرجو من دار ويخليوني أنا باش نسالي هاد لحزاق كامل وخا مبغاوش فلول بالأخصية شيماء ولكين من بعد فهمو بلي معندي مندير من غير هادشي منقدرش نعيش حياتي هارب ، كريت ليهم دار قريبة لدار عمتي تحولو ليها بيناتنا شي 170 ميترو بقيت بحدي فدار نزلت لسوق خديت واحد لموس ديال دبيحة غتكون فيه شي 90 cm دخلتو لدار خبيتو وخديت 25 لتر ديال دوليو وبقيت تنتسنى فخونا فدار وقيتة لفطور ولغدا ولعشا تنمشي نتغدا مع شيماء و عمتي وتنرجع لدر بقيت هاكدا واحد 3 يام حتال واحد نهار ...

حتال واحد نهار فصباح تنسمع دقان طليت من سطح لقيتو خونا ديال لبريد و كينين زوج طوموبيلات واقفين عند لباب ديال دار بزربا خويت داك دوليو فسطل وحطيتو فسطح نزلت حليت لباب خونا شافني وهو يشوف فطوموبيلات شير ليهم بلي انا كين وهوما يخرجو من طوموبيلات شي 4 ولا 40 مع لخلعة محسبتهمش لمهم باليا داك مولشي معاهم سديت لباب بزربا بداو تيفرعو فيه طلعت أنا لسطح شديت داك سطل ديال دوليو خويتو عليهم من لفوق عمرتهم هوما مرواوش مع لبلان ديال دوليو بقاو تيهرسو فلباب حتى حلوه دخلو هزيت أنا لموس فيد و لبريكة فليد لأخرى مع دخلو لصالون لقاوني شاد لبريكة عرفو علاش خويت عليهم دوليو دم تقطع من وجوههم قلت لخونا داك لكبير فيهم أشكين دبا نشوي مك نخليها متورخة فهاد لبلاد سعيدة وهو يقوليا نتفاهمو نتفاهمو ها لمعقول دبا وليتي باغي تفاهم قاليا ونتا لي دخلتينا لحبس قلت ليه وراه قالو ليا نعاونهم ولا ندخل أنا لحبس شنو بغيتيني ندير قاليا صافي لله يسامح حيد لبريكة تيقتو كنت غادي نحيد لبريكة ولكين إلى كان غي طالقها و غير نطلق لبريكة يقتلو ديلمي هنا ولكين هاز معايا لبريكة لإحتياط فجيبي لوراني و لموس حطيت لبريكة من يدي وهو يبرك فوق سداري وقال لرجال لي معاه يخرجو خرجو وقاليا أجي برك ندويو مشيت حداه قاليا فكرة مقودة هادي ديال دوليو ههههه حتى أنا براسي منعرف منين طاحت عليا هههه قاليا هانية ديك ضربة لي ضربتيني ديجا خديت ما وعر منها و وخا دخلتيني لحبس انا عندي لحبس بحال بيتي ديال نعاس ندخل ونخرج وقتما بغيت ولكين رجال بحالك صعيب تلقاهم فهاد لبلاد قلت ليه لله يحفظك قاليا شباليك تخدم معايا وهاد المرة خدمة ديال بصح قلت ليه سمح ليا أنا عاد مزوج وبغيت نعيش حياتي هاني قاليا سمع سمع بعدا أنا تندوي على حياة أخرى تمشي نتا ومراتك غدا لأجمل مدينة فلعالم وتركو شحال ما بغيتو وتعيشو مزيااااان وهادشي تقدر تاخدو من دابا قلت ليه وشنو هاد لخدمة معاكم ومتقولش ليا نوصل داك سم منقدرش قاليا لا تكون من لحرس ديال لعائلة لكبيرة مالين هاد لحزاق كامل وعندهم بزاااف ديال لمشاريع و لقلاوي لكحل و منهم لسيمو 6 شباليك ؟؟

قلت ليه أه موافق بلاما نفكر وايلي مستقبلي ومستقبل ولادي إنشاء لله قاليا صافي غدا ندويو و صافي غير رجع لداركم دير بحالا موقع والو هنا يلاه نخليك وتم خارج وهو يرجع قاليا من نيتك كنتي باغي تحرقنا أولد ل*حبة خخخخخخخ قلت ليه وسمح ليا أخويا نتوما لي خلعتوني قاليا أرا نمرتك الموصيبة باش غدا نعيط ليك تخدم قلت ليه وفيناهيا تسافيرة لي قلتي ليا قاليا وتا خدمتي بعدا قلت ليه أنا خدام معاكم ندوز شهر لعسل ديالي بعدا أساط قاليا هيا لولا مرحبا غدا نتلاقاو تاخد تيكي ديال طيارة وكلشي على حسابنا قلت ليه صافي خرج هو مشى مشيت لدار لي كاري ل عمتي و شيماء قلت ليهم صافي تقدرو ترجعو ساليت كلشي رجعو يلاه داخلين لدار وهيا تقوليا عمتي ريحة دوليا منعرف منين جايا هههه غير خليها على لله وصافي أعمتي دخلو و شيماء جمعي حوايجك غادي نرجعو لكازا قالت ليا صافي جمعات حوايجنا عمتي والو مبغاتش تمشي معانا صافي خليناها وطلعين لكازا تقوليا كيفاش حتى حليتي داك لمشكل مع دوك ناس قلت ليها شنو طرى بقات تتظحك تتظحك وهيا تقوليا بلاتي غادي تخدم معاهم ؟؟ قلت ليها أه بعد ما ندوزو شي شهر عسل مخير على ظهرهم وهيا تجمع ظحكة قالت ليا محمد عنداك عنداك متبقاش تخاطر عاود تاني دبا ولينا زوج ديال ناس مبقيتيش ديال روحك و حتى والديك شنو غادي نقولهم إلا وقعات شي حاجة قلت ليها وصافي حتى نتي شنو غادي يوقع كاع راني تنعرف شنو تندير ولخدمة لي غندير معاهم دبا نقية و بغيت نعيشو حياة زوينا حسن من هادي و ولادنا حتى هوما ميقولوش لواليد مكحط مخلا لينا حتى لعبة ههههه قالت ليا لا بلاش حنى مزال صغار وهادشي كامل غادي نديروه بكتافنا قلت ليها يهديك لله قلبي لموضوع دبا خاصنا ندوزو شهرنا لول بلا صداع يدوز بعدا شهر وديك ساعة نشوفو قالت ليا صافي أشمن مدينة أنمشيو ليها بعدا قلت ليها فيغاس ولا باريس ...

لمهم غدا عيط ليا مع 8:00 قاليا خرج غادي تلقاني عند باب داركم خرجت لقيتو قاليا هاك ها تيكي د طيارة على حسابنا و غتمشي لباريس دوز ديك سيمانتين ديالك على حسابنا فكلشي ورجع باش نبداو لخدمة قلت ليه صافي قاليا يلاه نخليك دبا ومشى لغد ليه مشينا أنا وشيماء وصلنا لقينا طوموبيل تتسنانا و لفيلا لي غادي نبقاو فيها كلشي زوين و لخداما أنا صدموني بهاد التصرف ، لمهم ندوز هاد سيمانتين بيخير ومن بعد يفرج لله كيفاش دازت ديك سيمانتين طياااارة غير لماكلة ونعاس وتسركيل مخسرناش درهم من جيبنا هههه تنفطرو 3 لمرات فكل صباح هههه دولة تتخلص حنى مالنا سالات ديك سيمانتين بزربا وخاصنا نرجعو جات طوموبيل داتنا حتال لمطار تاني رجعنا لقينا زوج طوموبيلات قالينا شيفور وحدا توصل شيماء لدار و وحدا تديني لخدمة قلت ليه شنو منقدرش نوصلها بعدا بيديا لدارنا عاد نمشي معاكم عيا معايا قاليا بلي لأمان وكدا بقيت معاه حتى مشينا كاملين وصلتها دخلات لدارنا وصاتني على راسي وخرجت مشيت مع خوتنا وقفو قدام وااااحد لقصر ناري قد درب لي كنت ساكن فيه كامل بقيت غير حال فمي وهو يجي داك خونا لي قالي باش نخدم قاليا على سلامتو لمهم قاليا بدل حوايجك غتبدا من دبا قلت ليه مرحبا لبست لكومبلي ديال لخدمة وكدا قاليا دبا يلان نوريك خدمتك مشينا داخلين قاليا شوف هوما عائلة صغيرة من 6 دناس أم أب ولد صغير عندو 10 سنين و بنات لاج ديال 19/20 قلت ليه صافي وشنو هيا خدمتي وهو يجبد سلاح قاليا نتا غادي تقابل بنتهم هناء عندها 20 تتقرى ف واحد لجامعة قريبة هنا ولكين خاصك ديما تبقى حاضيها وانا تنقول منعرف فين شايف هاد لفيلم و قلت ليه صافي ولكين انا متنعرفش نخدم بهاد سلاح قاليا دبا تعلم مع لوقت ودبا انوريك لقصر و لعائلة قلت ليه صافي بدينا تنضورو فداك لقصر وهيا ناري تيجيب ليا لله تنسركل فدار أنديانا جونس داكشي كامل أثري وتيبان غالي حتى داز من حدانا لبرهوش تيجري قاليا هدا هو دري صغير وصلنا حدا تلفازا باركين حداها 3 لبنات قاليا هادو هوما بناتهم وراهم ليا وحدة وحدة وعيط على هناء قاليها هدا هو لي غادي يولي يقابلك قالت ليا مرحبا لقيتيني عاد كنت باغا نخرج يلاه نمشيو قاليها خونا صبري مزال موريتو مماك و باباك قالت ليه صافي حتى نتا متحكرش قاليها صافي , وهيا تقولي نمشيو قلت ليها اه خرجنا طلعات هيا لور وبركت انا حدا شيفور...

يتبع

أوتاكو الجزء الخامس

محتوى القصة

التنقل بين الأجزاء