قصة أوتاكو

من تأليف دعشوش
2018قصة كاملة

محتوى القصة

قصة أوتاكو بالدارجة

نعرفكم على راسي بعدا س محمد لعمر 25 عام ، لمهم قصتي فشكل بدات ملي كنت مزال صغير ديك 13 عام و لبداية ديال لمراهقة ديك 13 عام و تتبدا تشدك لعاطفة لبنات هادشي جاني فشكل أول مرة أول بنت غادي تعجبني ونزعم نوقف عليها سميتها شيماء حتى هيا نفس لعمر داك تيتيز لي مزال ف لبداية ديال نضوج مي باينة غتطلع مقودة بقيت تنعاشرها بضحك حتى حسيت بيها ولفاتني لبرائة و داكشي لمهم ولات تتبرك حدايا لور و عاد هيا تتسكن حدانا فدرب تنبقى نمشي عندهم نراجعو عادي مها تتعرف لواليدة مزعمتش نقوليها بلي تتعجبني وكدا حيث تتبالي عقليتها مزال مبرهشة وقلت نتسنى حتى نكبرو شويا سالا لعام ديال سادس نجحنا بزوج دوزنا ديك زوج سيمانات لولين ديال صيف غير بحر تنمشي انا وياها لبحر حتال واحد جمعة وهيا تقوليا عندي خبر زوين و واحد خيب قلت ليها بداي بزوين باش ميزعزعنيش لخيب قالت ليا وليت تنبغيك و نهار لي متندويش معاك فيه ومتنشوفكش تنبقى مقلقة شيييث معمرها تنسالي ديك لجملة أول مرة فحياتي نسمعها من عند شي بنت قلت ليها حتى أنا غير مزعمتش نقولها ليك وهيا تقوليا بلاتي تسمع لخبر لخيب قلت ليها شنو غادي يكون كاع قالت ليا بلي باها جاتو شي خدمة ف طنجة ولابدة غادي يتحولو تاني حاجة معمرها تنسى ليا كون غير مقالتش ليا تتبغيني وكدا كن غي معرفتهاش من لول خليتها بوحدها تما وطلعت لدار كانت باقا لبرائة و طفولة طلعت لبيتي وسديت من لداخل وبديت تنبكي (هههه طفولة طفولة) دازت شي 4 يام تنطل من شرجم بانولي تيجمعو لفراش فواحد طوموبيل وتحولو داك نهار ملي خرجو من درب كلشي تبدل وليت تنزل لبحر بوحدي ومعندي معامن نوقف ولا ندوي وليت نهار كامل مقابل تلفازا حتى لواليدة لاحضات هادشي وهيا تصيفطني عند واحد جارة باش نبقى نلعب مع ولدها تقريبا قدي فلعمر ومعمري دويت معاه لمهم بقيت تنمشي عندو وبديت تنعاود ليه على ختنى لمهم ملي عاودت ليه حسيت براسي شويا و بقينا عشران ضحك لبحر وخونا مبلي د بصح ب لأنمي وكان هو سبابي حتى وليت تنتفرج فيهم حتى انا عطاني كلي فيها شي 2 أجزاء ديال ناروتو بقيت تنتفرج فيهم وديما تنقلب على لجديد هكا دازت حياتي مبقيتش تنرزكز على لمدرسة قليل فاش كل عام ناجح بزز حتى وصلت ل ثانوي هنا لقيت راسي مقادش على لقرايا و غادي غير نضيع وقتي و خا نقرى مغاديش نخدم حيث معدي حتى وسيطة قررت نخرج نخدم ديك ساعة كانت عندي 19 عام خدمت فلول سيكيريتي فواحد شركة عادي بحال كلشي حتال واحد نهار مع وقيتة لغدا كلشي خرج بقيت غير انا و شي موضفين حيث تنجيب غدايا تناكلو غير تما كان خارج لمدير ديال شركة مشى لطوموبيلتو وانا حاضيه من لفوق حتى تيبانو ليا وقفو عليه زوج ديال رجال عرفتهم غيغريسيوه تنقز فوق طوموبيلات حتى وصلت عندهم تلاحيت عليهم معرفو باش تبلاو لمدير بدا تيغوت ناضو تيجريو خرجو من تما بقيت طايح يدي ضراتني تحطيت عليها وهو يقوليا نوض نوض نوضني ركبني معاه ومشينا لسبيطار ...

دخلنا لسبيطار خونا تيعرف شي طبيب دخلني بزربا لقيت يدي مهرسا دارو ليا جبيرة فساعتها وخرجت وصلني لمدير لدار وقاليا تتسالني وحدا نزلت دخلت لدار كيف شافتني لواليدة مهرس من يدي قالت ليا شوف متبقاش تمشي داكشي لي تيعطوك انا نعطيهليك قلت ليها أه مرحبا حتى انا طالب على لبركة لغد ليه مشيت عند شاف ديال سيكيريتي لي كنت خدام معاهم باش نقولو بلي مبقيتش غادي نخدم يشوف ليه واحد أخر لقيتو ديجا حاط واحد خونا فبلاصتي خفا زربا قلت ليه كيفاش أخونا متسولو فينا م حتى لعبة قاليا سمحلي انا غير خدام قالو لنا فيك صداع و منرجعكش قلت ليه مخاصنيش بهاد زبل جيبولي غي فلوسي مخرجت ليهم حتى ديت معايا فلوسي قرش بالقرش لديمهم رجعت لدار عطيتها غير لإنمي و بيسي فدار واحد سيمانة حتى تنسمع دقان مع ديك 3 و لواليدة ناعسة حليت لباب لقيتو لمدير لي كنت تلاحيت على خوتنا على ودو قلت ليه سلام ؟؟ قاليا فين أصحبي قلبت عليك حتى كنت غنديرك فمختفون قلت ليه علاش قاليا سمعت بلي جراو عليك وكدا من لخدمة بسباب داكشي لي وقع قلتلو أه قاليا تتسالني واحد لمعروف وغادي نرجعوليك غدا أجي لشركة مع 9 غادي تشد لينا لأرشيف قلت ليه شاف سمحلي راه انا مقاريش بزاف معنديش حتى نيvو باك قاليا صافي غي أجي غادي تبقى نهار كامل بارك وسط لملفات مغاديش تبان قلت ليه صافي هادشي كامل قدام لباب وهيا تطل لواليدة من لفوق قالت ليا دخل سيد لله ينعل لي رباك هههههه تدعي على راسك ألواليدة لله يسمحليك دخل خونا عاودنا لواليدة كلشي قالت ليه يتهلا فيا وكدا لواليدة لله يسمح لينا خونا حتى هو مطلوق وشعبي تيضور عينيه فدار وهو يشوف واحد طوف ديال ناروتو معلقها ف باب بيتي قاليا ثبي واش نتا تتفرج فالإنمي قلت ليه خوك أوطاكو قديييم قاليا وااع حتى انا صافي غادي نتفاهمو فلخدمة قلت ليه مرحبا ههه خرج قاليا متنساش غدا مع 9:00 وهادشي لي درت لغد ليه دوشت و عاوناتني لواليدة لبست حوايجي بزز مع يدي ومشيت لتما تلاقيت خونا وراني لأرشيف وقاليا نتا غير رتب ولي جاب ليك شي ملف حطو ف شهر و لعام و ... لمهم شرح ليا مزيان بقيت بارك فلبيرو ديالي تما وشاد تيلي وتنتفرج فالإنمي ♡_♡ وخونا مرة مرة تيجي تيتفرج معايا دازت لوقت بحال هاكا شهر لول ثاني ثالت دوزت معاهم عام جمعت فيه لعاقة ديال بصح وخديت واحد لهارلي من عند واحد لغاوري و حطيت منها فواحد شركة ومن عند لله و رضى لوالدين فشهر تبدلات ديك شركة ولات عندي 21% تيعيطو ليا ملي تيبغيو يديرو أي حاجة طبعا بقيت خدام فداك لأرشيف حيث ولفت لخدمة تما وداك لولد لمدير ولا عشيري ديال بصح تنتفرجو فالأنمي فدارنا و فدارو بزااااف درنا نهار لأحد باليل غادي نتلاقاو مع ديك 20:00 ديال ليل باش نتفرجو عندو صافي انا خرجت بكري مشيت لدار هزيت بيسي وخارج من دار حتى تيعيط ليا خونا ...
كنت غادي عنو نتفرجو فشي لعبة كالعادة حتى صونى عليا قاليا شوف جي غادي تدخل وتخرج بزربا غتجي عندي بنت مول شركة لي خدامين فيها وبغيت نبقا أنا وياها راك عارف لمهم دخل برك معانا شويا وخرج قلت ليه هانية صافي مشيت حطيت لموطور قدام لباب وو دخلت سلمت على ختنى بقات تتشوف فيا بحالا فايت شايفها بركنا تنتفرجو واحد ساعة خونا وهو يغمزني باش نخرج قلت ليهم يلاه نخليكم قالت ليا لا ولله ما تخلينا غير بقى قلت ليها صافي غادي نرجع نجيب غي شي حاجة وخرجت وخليتهم لموطور مبغااش يديماري واااالو مرضني بقيت مدابز معاه باش يديماري قدام باب خونا حتى تنسمع ختنى تتغوت دخلت لقيتو شادها بزز و باغي يدوق ليها لحلوى قلت ليه وا لمرض من نيتك شتدير ؟؟ قاليا خرج أ محمد خليك بعيد سير لبنت بدات تتبكي مجاتش نخلي لبنت معاه قلت ليه سمح ليا منقدرش وهو يدفعني بدا تيتصور عليا خوكم ماشي من لعاكزين واحد ليسرية عندي بحال شي حجرة هزيتها لفوق ونزلتها عليه تيبالي تنشر فوق ناموسية لبنت بقات غير تتشوف باقا مصدومة شديت ليها من يدها وخرجتها مشينا حدا لموطور ناري مغاديش يديماري غادي يشوهني ولكين مرضي لوالدين غير دخلت ساروة وهو يشعل ناري دموع سالو طلعت وقلت ليها طلعي متخافيش خوك أنا وهيا تطلع ورايا تمينا غادين قلت ليها فين داركم وهيا تبدا تتبكي وهيا ناري هادي كون داق ليها لحلوى بصح كون نتاحرات وقفنا فجنب طريق قلت ليها علاش مزال تتبكي صافي موقع ليك والو انا معاك دبا قوليلي فين داركم نوصلك قالت ليا انا غي جايا مسافرة من طنجة انا بنت مول ديك شركة وصيفطني هنا وملقيتش فين نبرك و قاليا راه باك وصاني علك ميحسابليش هاكدا هههه قلت ليها صافي صافي غادي تمشي معايا لدار قالت يا شنو لا قلت ليها لا كينا لواليدة و لواليد متخافيش مشينا لدار داخل مع درب بليل وهاز معايا بنت فسرة كلشي تيشوف حاضيني دقيت وهيا تحل لواليدة لباب سلام سلام دخلو دخلنا عاودت ليها شنو وقع لختنى قالت ليها لواليدة صافي نساي أبنتي هادو هوما رجال كاملين بحال بحال وانا بارك حداهم كيفاش وا لواليدة يهديك لله أنا دبانة تتحط حدايا تنحشم منها هههه لمهم بقات معانا نعسات مع لواليدة فبيتهم و لواليد مسكين خرج لصالون خخخخ لغد ليه فقت قلت لواليد دخل كمل نعاسك فبيتي دخل هو لقيت لواليدة ف لكوزينة تتطيب لفطور دخلت حداها قلت ليها لواليدة كيفاش بايتين نتي ولبنت لبارح حتال لغجر تتدويو قالت ليا معرفتيش شكون هاديك راها شيماء لي كانو حدانا وتحولو ل طنجة شيييث هادشي مكنتش عامل حسابو..

قلت ليها كيفاش هاد لبنت هيا شيماء ؟؟ قالت ليا أه ريح غتنزل دبا نفطرو مجموعين وتعاودليك قلت ليها سمحيلي الواليدة غنفطر برى وخرجت بزربا طلعت فوق لموطور غادي وتنفكر وايلي على زهر د ليهود هاد لبنت هيا شيماء و هيا بنت مول شركة شنو غنقوليها دبا كيفاش غادي نعاملها مشيت لشركة غادي داخل وهوما يوقفوني سيكيريتي عند لباب هادو مالهم ؟؟ قاليا لمدير قالنا متخلوهش يدخل وهاك ها داكشي ديالك خخخخخ يع تيحسابلو تتهمني هاد لخدمة هههه ديت حوايجي لبيرو ديالي فشركة لي كنت حطيت فيها فلوسي أول مرة ندخل لبيرو ديالي حيث كنت تنعرف غي فلوسي فكل شهر لمهم 21% من حقي نكون مع لإدارة وقريب ديما لمهم بقيت داك نهار غير تنضور تما حتال لعشيا غادي لدار وتنفكر شنو غنقول لهاد لبنت دبا بعد هاد سنين كاملة دخلت لدار لقيتها لابسة بيجامة ديال لواليدة وباركة قدام لباب قالت ليا برك برك بغيت ندوي معاك قلت ليها أه حتى أنا ولكين ماشي هنا أجي نبعدو على دار مشينا لواحد جردة حدانا دخلنا بركنا فواحد لكرسي قالت ليا شوف تلاقينا بعد هاد سنين كاملة وكيفاش تلاقينا هادشي ماشي طبيعي حنا مكتابين لبعضياتنا شييييث مهلات ليا منقول حشماتني قلت ليها هادشي لي باليا و فخبارك عمري نسيتك ديما فبالي طلقتها عليها ديال بصح فديك ساعة و مشينا لدار بدلات حوايجها فبيتي عامر تصاور ديال لإنمي ناروتو وا بيس قالت ليا نتا كبير مزال متبع هادشي ؟؟ يخ ثف ثف كيفاش غنشرح ليها بلي لأطاكو معندوش عمر محدد قلت ليها خليك بعيدة على هادشي هوايتي هادي قالت ليا صافي خرجنا لبرى طلعنا فوق لموطور ديتها لواحد سويقة حدانا عند با حماد با حماد تتشك فيه لأب ديال شوميشة شي طواجن خليني بركنا تنتسناو طاجينا يطيب و هيا تشوف فيا قالت ليا تبدلتي بزااف عاودلي كيفاش دوزتي هاد لأعوام بلا بيا يلاه بغيت نطلق عليها سلوgية وهو يعيط ليا خونا لمدير ديال شركة جاوبتو قلت ليه مالك شنو غتعاود تعيطلي غادي ندمك بدا تيضحك قاليا واخا دبا قطعتي لواد و نشفو رجليك تيحسابليك غنخليك تخورني فلبنت و شركة و انا ننكر قلت ليه أشمن شركة و أشمن بنت أصحبي راه غير وصلتها لوطيل ورجعت لدار قاليا بلاما تكدب بقات معاك فداركم وباركين دبا تتسناو فطاجين فسويقة و أنا واقف وراك دبا..

ورايا وايلي يلاه غادي نوض نشوف خونا تيباليا غير موس خونا بكل برودة دم ضربني بموس فكرشي بقيت واقف مصدوم شنو كيفاش عشيري نسى لعشرة د عام على ود بنت تنشوف لقهوى كلشي خارج تيجري لولد لي ضربني بموس ملي شاف دم تنادم معاه لحال لبنت تتغوت أنا واقف محاس بوالو مع دمي سخون حتى تنحس برجليا تيفشلو صافي لقلاوي كامل ولا تيباليا كحل ومقادش نحل عينيا حتى تنفيق فوق سرير بيض و لواليدة باركة حدايا و شادة قرآن ناري بحال شي فيلم بقيت تنشوف فيها ناعسة وشادا قرآن باينة كانت سهرانة شديت ليها يدها وقلت ليها ميمتي لواليدة شافتني متيقاتش عنقاتني بحالا كنت مسافر قصحاتني فكرشي دخلات واحد طبيبة قالت ليا على سلامة بقات تتقلب فيا شويا قالت ليا موقع ليك والو ولكين جاتك قريبة لكلاوي بزااف دبا غادي نخليوك عندنا واحد سيمانة وتخرج ولكين تكايس على روحك نحمدو لله ملي فقتي بيخير خرجات طبيبة شفت فلواليدة قلت ليها شنو وقع لشيماء و لي ضربني ياكما شدوه ؟؟ قالت ليا اه شدوه وغيترفع غدا لمحكمة و شيماء هيا سبابك حسن ليك تنساها عندي ولد واحد ومبغيتش نخسرو بسباب حتى مخلوق قلت ليها لواليدة شوفي أنا مسامح داك لولد حيث دار فيا خير شحال هادي وهو سباب لخير لي عايش فيه دبا أصلا موقعلي والو و شيماء ماشي سباب أنا لي كداب و زهري عوج ودبا عطيني تيليفوني نعيط عليها قالت ليا لي باليك وجبظات تيلي من صاكها و بست ليها يدها وخرجات شديت تيلي عيطت على ختنى شيماء جاوبات فلبلاصة قالت ليا محمد كيفاش واش خرجتي ؟؟ قلت ليها لا مزال ولكين قريب نتي فين شنو متجيش تشوفيني زعما قالت ليا لا غير لواليدة ديالك مبقاتش حاملاني قلت ليها صافي دويت معاها غير أجي قالت ليا طيارة ساعة ونكون عندك بقيت بارك تنتسنى إمتى تدخل إمتى تدخل هاد زمرة دازت 4 سوايع حتى تيصوني تيلي ديالي نمرة متنعرفهاش سلام شكون معايا قاليا أنا من لإسعاف ديال ... لمهم راه وقعات واحد لحادثة ولقينا نمرتك هيا لأخيرة ف تيلي ديال لبنت واش تتعرفها قلت ليه تتضحك ياك مطلعينها عليا ميمكنش قاليا سمح ليا نعيط على شي نمرة أخرى وقطع ؟؟

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.