تبسم لي رديت عليه بالابتسامة ضرت لقيت عصام كايشوف فيا ومخنزر مالو ياك لباس ماديتهاش فيه وكملت خدمتي رجعت لبلاصتي وماتليتش شفت جيهت عصام جا وقت ديسير كلشي تحط ومن شوفاتها وهضرتهم وتعابيرهم عجبهوم الماكلة فرحني هادشي سالا الغدا شوية ناض داك الولد وجاي جيهت عصام كايبان لي طلع عينو وكايشوف فيه حتى قرب عندي
الشخص:هلا
شيماء:اهلا
الشخص:انتي المسؤولة عن المئدوبة
شيماء:اه انا
الشخص:ماشاء الله عليكي الاكل كتير طيب والله تسلمش ايديكي
شيماء:شكرا ليك
الشخص:ايه نسيت ما عرفتك بحالي انا راشد وانتي انسة
شيماء: انسة شيماء
راشد:ما شاء الله شيماء كيل شي متوفر فينيك جمال ورقة واخلاق وحتى بالاكل لدة ايديكش تجنن وايد حلوة
شيماء:شكرا بزاف
راشد:اوكي بشوفك وقت تاني شيماء اكيد راح نلتقي .اوف يا ربي اش هاد الحصلة تاني ضرت لقيت عصام كايشير لي براسو زعما مزيان مزيان ماديتهاش فيه خرجت من القاعة ومشيت لقاعة ديالنا تبعاتني شاف وكلسنا نستارحو تشهيت شي رايب يكون بارد ناضت شاف
شاف:يالاه نوصلك باينا فيك مسخسخة
شيماء:الله عراضة جاتها فبلاصتها او وقتها مافي لي يتسنى الطاكسي يالاه هزيت ساكي بغينا نخرجو فتح عصام الباب ودخل
عصام:شيماء تسنايني حتى نوصلك
شاف:انا عرضت عليها نوصلها فطريقي
عصام:بلاما تعدبي راسك انا غادي نوصلها.شافت شاف وهي تسلم على شيماء وخرجات
عصام:تسنايني انا جاي خلاها قبل ماتهضر وخرج بقات شيماء كاتشوف فالباب لي زدحو وهي مافهما فيه والو مالو على هاد الحالة شوية جا وشد ليها ايدها وجرها خرجها وهو وجهو مكايتفسرش خرجنا حل الباب ولاحني فالكرسي وردخ الباب حتا تهزات شيماء من بلاصتها حل الباب وطلع وديمارا وغادي بواحد سرعة شيماء قلبها كايضرب
شيماء:بشوية عليك واش بغيتيني نطيرو
عصام:الصمت
شيماء:راه كانهضر معاك واوقف واش بغيتي تقتلنا
عصام:الصمت
شيماء ولات تبيض بيضا هنا وبيضا فالعش لظبغات طلق الما فحوايجها وهي طلق الحلوق ديالها
شيماء:وا ميييي وا با واحبابي واصحابي هيييي هييييي كاتهرنن وخنونتها نازلة وامي المسامحة كنت دايما كانخلي ليك الماعن ونمشي نعس هيييي وما خويا حنيني مسامحة كنت دايمان كانشفر ليك ريحتك هيي هيي وابا مسامحة كنت دايما كانهز ليك درهم من حدا راسك هيييي مسامحة احبابي كنت بغيت نعرض عليكم لعرسي وا هيييي وهيييي شوية ماحسات بعصام حتى وقف طوموبيل بجهد
عصام:واش انتي مكاتسكتيش نيهائيا واش خدامة بضو واش مكاتقدايش بقات كاتشوف فيه وهي مصدومة ولاول مرة شيماء اينزلو دموعها بصمت كي شلال على وجهى عصام حتى شاف دموعها عاد عرف شنو دار عصبيتو عمات ليه عينيه منين شافها شادا الحتيت مع داك الخليجي وهو طاير عقلو حس انو حتى واحد ناعندوش الحق يسلم عليها ولا يضحك نعاها ولا يهضر معاها من غيرو هو كان كايتسنا الوقت والغدا يسالي باش يستفرض بيها ولكن شوف فين وصلاتو عصبيتو فتح الحزام حل الباب وخرج مشا لبابها فتحو وخرجها وقفات قدامو مسح ليها وجها وعنقها بجهد وكايسكت فيها
عصام:صافي سوووش سمحيلي ماقصدتش نبكيك سوش صافي ماتبكيش مكايجيش معا البكا شيماء حسات بالامان بين ايديه وسكون بقات شحال حتى سكتات هزها من على صدرو وكايشوف فيها
عصام:شوفي خنونتك كي هابطة هههه بقات كاتشوف فيه بواحد شوفة ديال الشر ماحس بيدها حتى طلعات ونزلات عليه بواحد دقة رضهرو حتى ساستو
عصام:اها اش هاد دقة هرستيلي ضهري
شيماء:تستاهل كتر من تهراس على الخلعة لي خلعتيني كنتي بغيتي تقتلني اخويا بغيتي تموت موت بوحد وانا مالي
عصام:شنو كلتي عاودي عاودي
شيماء:شنو كلت
عصام:الله يخوي ليك جناب الى مزال كلتي خويا مغادي ايعجبك حال
عصام:تصرفاتك انتي لي كايخرجو الواحد على الطور ديالو
شيماء:مالي شنو درت عاوتاني
عصام:لا مادرتي والو غير طلستي شادا جماعة والحتيت وتقرقيب ناب الغزل الالة مع موسيو راشد
شيماء:اولا مكنتش شادا الحتيت تانيا كنت كاندير خدمت وهو لي جا شكرني ماشي انا لي مشيت عندو ولو كان ضرت فيه ولا درت معاه تصرف خايب كون جريتي علي وانا مكانديرش شيحاجة لي هي غلط مفهوم وانت اصلا مامنحقش تحاسبني
عصام:اه الالة بصح مامنحقيش ولكن ماتنسايش راه هنا مخطوبين وخاصك تحتارميني قدام الموظفين شنو ايكولو علي
شيماء:داكشي لي ايكولو علي انا ايكولوه عليك حتى انت
عصام:بلاتي بلاتي مافهمتش علاه شنو درت انا بضبط
شيماء:شوف انت لي داخل مع ديك مو سوالف ومشادين وكالسين كركر شنو ايكولو علي ناس
عصام دار كراخ بضحك:ماعرفتش علاش كنشم ريحت الغيرة
شيماء:هاهاها الغيرة هاهاها عليك انت ومعامن معا هاديك ههه عفاك ماتخلينيش نضحك علاش انغير عليك شنو بيناتا اصلا ماتنساش حنا زملاء واصدقاء فقط انا غير مابغيتش شي واحد ينقص مني فالخدمة هدا مكان اما برات الخدمة هداك شغلك وحياتك دير لي بغيتي مكتيهمنيش وحتى انت برات الخدمة مكايهمكش شنو ندير تافقنا
عصام:اصلا لي كمت بغيت نكولو كلتيه وفهمتيه مكاينش لاش نزيد.زاد قدامي ومشا حل طوموبيل بقيت انا واقفة ساهية حتى طل علي
عصام:واش اتبقاي تما كي لبلاكة يلاه عاد فقت من غيبوبتي ورجعت لطوموبيل دخلت درت لحزام شفت عصام ساهي حتى هضر
عصام:بغيت نكوليك شيحاجة
شيماء:اه تفضل كول
عصام:سمحيلي
شيماء:شنو كيفاش
عصام:سمحيلي كبيلة منين غوت عليك على شعرك اصلا كنت كنخمم فهاد الوفد لي جا ومعرفتش كيفاش حتى رفعت صوتي عليك سمحلي مرة تانية بقيت كانشوف فيه
شيماء:ممم سجل يا تاريخ عصام الوالي بجلالت قدره كايتنازل ويعتادر مني لا كان خاضني نسجلك صراحة مامتيقاش ودنية ضار كايشوف فيا بنص عين ومطلع حاجبو
شيماء:هههه صافي صافي اكانضحك بقى شحال كايشوف فيا وهو يبدا كايضحك حتا هو ديمارا طوموبيل وزاد حتى وصلني لدار
عصام:يالاه تهلاي فراسك حتى الغدا ان شاء الله
شيماء:ان شاء الله ابا عصام.شاف فيا وهو ميت بضحك
عصام:سيري وكان لندير فيك شرع ايدي نوريك با عصام تفارقنا بضحك دخلت انا لدار وهو مشا دخلت حطيت سوارت دار ودخلت سلمت على ماما وبابا كان كايتفرج فالبيت كلست درت كاسكروط معاهم وهزيت الماعن غسلتهوم وطلعت لبيت شوية سونات علي هدى
هدى:الو الهرابة من نهار دفنوه ماتلاو زاروه
شيماء:ههه باز شكون الهراب فينا انا ولا انتي راه كايكولو لي لقا حبابو نسا صحابو غير شفتي عمران ونسيتيني اح وكان
شيماء:اه صافي كوني هانية قطعات هدى شوية من بعدها سونات اشراق
اشراق:الكانيشا من صباح وانا كانسوني ليك
شيماء:كنت كانهضر مع شاف رشيدة على خدما ديال غدا مالكي مصدعة الةقت ياك لباس
اشراق:لا والو باس شوفي انوصيك نزار من صباح كايسوني لي وبغا يجي يديني من الخدمة وانا مابغيتش نوريه فين خدامة باينة ايسوني ليك واياك تعطيه بلاصت خدمتي والله يا طسيلتك حتى نتفاهم معاك
شيماء:واصافي غير هنينا وسيري خليني نمشي نصلي غير قطعات هي يالاه انوض نتوضى تيليفوني كايسوني واكواك واش انا مغاديش نسالي هاد نهار هزيت تيليفوني لقيت نزار هدا منين جاب نمرتي
شيماء:الو
نزار:وي شيماء سافا سمحيلي الى صدعتك
شيماء:لا ماشي مشكيل
نزار:عفاك بغيتك تعاونيني فواحد الحاجة الى جات على خاطرك
شيماء:اه تفضل مرحبا
نزار:بغيتك تعطيني عنوان خدمت اشراق عفاك
شيماء :سمحلي مانقدرش طلبو منها هي تعطيه ليك
نزار:كانسوني ليها مكاتجاوبنيش انا متاكد هي لي وصاتك عافاك بغيت نجيبها من الخدمة وداير ليها مفاجئة انتي عارفا غدا عيد ميلادها عفاك ماتصوريش اشراق شحال مهمة بنسبة لي غير هي راسها قاصح وكاتسحابني انا غير مدوز بيها الوقت
شيماء:وانت ماشي هكاك
نزار:انا عمري تعلقت بشي بنت بحال اشراق من اول مرة شفتها جدباتني شخصيتها وعفويتها الله يخليك كانطلبك
انا مع خاطري (سمحيلي اشراق انخلف بوعدي ليك انتي خاصك شي واحد لي حكمك ويبغيك او بزاف شحال وانتي كاتجري على ناس)
شيماء:واخا انا نصيفطو ليك فميساج ولكن ماشفتيني ماشفتك
نزار:كوني هانية لهلا يخطيك اشيماء.صيفط ليه العنوان فميساج وحطيت تيليفون دخلت الحمام توضيت خرجت وصليت عاودت هبطت اللتحت تفرجت فموسلسلي كان في نعاس ومسخسخة عييت اليوم سلمت على ماما وطلعت لبيتي نعس قاديت بلاصتي ونعست مابقبتش عقلت على راسي مزال عند عصام من بعد مارجع من الخدمة طلع لبيتو نيشان حيد حوايجو ودوش خرج من دوش لبس حوايجو وتكا فبلاصتو هز تيليفونو صيفط لشيماء ميساج"الخايبة شنو كادير"بقا شحال كايتسنا مدة مجاوباتوش شيماء قطعات الوراق شاف حتى عيا وبقا كايتفرج فتصاورها لي نسا ماسيفطهومش ليها خليهوم حتى لمن بعد غمض هينيه على تصاورها حتى داه نعاس.أصبحنا واصبح الملك لله
فاقت شيماء عيانة وماعندها عضم صحيحة كولشي داتها كاضرها بزاف ماقداتش انها تنوض كون صابت تبقا غير ناعسة دخلات الحمام غسلات وجها ولبسات حوايجها غير بشوية كاتعكر فداتها كلها هزات تيليفونها لقات ميساج من عصام و 10 ديال ابيل من اشراق وميساج منها"عقلي شنو درتي حسابي معاك هو الاخر دابا نرضها ليك وتكولي اشراق كالت" هههه غير كتتكول عارفاها ماغادي دير والو هزيت ساكي وهبطت لتحت
شيماء:ماما صباح النور كيصبحتي
ماما:الحمدلله وانتي
شيماء:انا صبحت مافي مايتشاف داتي كلها كاضرني وبزاف
شيماء:شوية صبحت عيانة والعضم صحيح ماعندي جابا وكانكول يا ربي ماتكون خدمة كتيرة اليوم
شاف:شوية وكان ماشي بزاف وماشي شوية هههه
شيماء:ههه كولي كاينة وصافي
شاف:وي شوية المهم الغدا ايكون خفيف واخا ضياف كتار شوية حاجة وحدة عصام مغاديش يحضر اليوم معاهم شفت فيها
شيماء:وعلاش مغاديش يحضر
شاف:لا سوكريتير ديالو كاتلي جاي شي مندوب وايمشي يتلقا ليه عندو معاه شي خدمة داكشي باش مغاديش يكون حاضر اليوم
شيماء:اه اوكي مزيان
شاف:مالك شفت لون وجهك تبدل
شيماء:لا والو راكي عارفا غير العيا
شاف:المهم يالاه نمشيو نقضيو شغالاتنا باش تسالي بكري داكشي لي كان تبعت شاف قادينا شغالنا كامل صيفطات لي هدى ميساج انها اتسناني باش نشريو الكادو للاشراق داكشي لي كان داز الغدا مزيان وخا تسخسخت بالمعقول نيت غير ساليت خدمتي سلمت على شاف وخرجت تلحق بهدى الواحد القساريات لقيتها كاتسناني
هدى:على سالمتي من صباح وانا كانتسناك
شيماء:راه الخدمة شنو اندير ليك واش انا لغرضي نتعطل
هدى:المهم طلقينا خلاص دخلنا للقيساريات كاندورو حتى عيينا خديت انا لاشراق سنسلة ديال انقرة فيها زمردة خضرا وطوينكاتها وخاتمها وبراصلي ديالها هدى خدات ليها ساعة غزالة وبواطة فيها ريحة وكريم وجيل دوش وشي لعيبات تانيين
اشراق:واخا يالاه خليني نلبس قطعات اشراق مع شيماء وهي كتفكر فخطة ضبرها لشيماء على لي دارت ليها.عند عصام كان كالس من بعد ماسالا الاجتماع ديالو مع المندوب جا نيشا لدار عيان نعس فوق ناموسيتو كايفكر فهادشي لي كايدير وفين ايمشي بيه حتى جاه تيصال هز تيليفون كايلقى عمران
عصام:اهلا اهلا ضكون تفكرنا اسيدي شفتك من نهار تزوجتي ماسولتي
عمران:هههه باز لي فيك فيك عمرك ماتبدل انا بعدا تزوجت وانت امتا انفرحو بيك
عصام:بدينا عاوتاني ولا مزال ههه شنو سر هاد المكالمة ماعرفتش علاش حاس انو وراها شيحاجة
عصام:خليها بلاش راك عارفني مع دوك الحفلات وزيد عليها عيان والله غير عفيني
عمران:شنو فيها زايدون شحال هادي ماتجمعنا وشفنا بعضياتنا
عصام:راك عارفني مكانعرف حتى واحد تما ومابغيتش نطفل عليكم
عمران:مكاين حتى تطفل ومكاين حتى حد غريب انا وهدى وشيماء صاحبتها واشراق صافي هادشي عصام سمع شيماء كاينة وبدل رايو ديك ساع
عصام:اهاه علاش لا حتى انا شحال هادي ماشفتك نيت منها نيت نشوفك ونهضرو اوكي كون هاني صيفط لي العنوان وان شاء الله انا جاي سد عصام التيليفون وناض وهو فرحان ماعرفش شنو سر هاد الفرحة هادي دخل لدوش يدوش باش يوجد.عند شيماء من بعد ما دخلات الحمام وغسلات خرجات باش توجد وهي مزال حاسة بالعيا جات فبالها فيكرا هزات تيليفونها ودخلات بلاصت لميساجات صيفطات ميساج وهي كاتضحك ضيفطاتو وحطات تيليفوناها شوية سمعات دقان فالبيت وهي دخل اشراق كانت فأجمل حلة هازا ساك كحل وسايا طويلة مزركشة بزرق وبزاف ديال الالوان وقاميجمة ايديها شبكة فالكحل وشعرها مطلوق مشدود بمشيطة زوينة
شيماء:ويتيويتي تبوكيسة عاوتاني جاتك لبيسة غزالة
اشراق:راه انا لي جيت مع لبسة ماشي هي
شيماء:واناري شنو داير فيك تواضع
اشراق:راني مزال مانسيت شنو درتي
شيماء:وصافي دابا خلينا من بعد ونتفاهمو
اشراق:واخا الالة شتك مزال مالبستي
شيماء:هاني انلبس دابا راه ختك عييت ومدكدكة والله ماقاداش نتحرك هاد نهار بقات اشراق كتخمم
اشراق:انا جايا انجيب ليك شي حاجة كاتحيد العيا
شيماء:بحالاش هاد الحاجة عاوتاني
إشراف:انتي غير لبسي انا جايا.هبطات اشراق وخلات شيماء تلبس ختارت شيماء كسوة طويلة كحلة وفيها سميطة حمرا وشال ديالها حمر وسباط حمر بدات كاتلبس يالاه قدات بينو لعينها وريسس وفوندوتان حتى دخلات اشراق هازا رايبي فيدها
اشراق:هنا عاوتاني ناس وزين جيتي خوخة ياختي
شيماء:ههه باز كاتصبغيني اجي لاش داك رايبي هو لي بغا يحيد لي العيا
اشراق:واغير شربي اصاحبتي والله حتى مجرب غزال مالكي دابا
شيماء كاتشوف فيها بنص عين
اشراق:صافي صافي اريه انا لي هبيلة دايرا معاك مزيان واخا انتي دايرا معايا خايب وناسيين شنو كاين اليوم
شيماء:علاش شنو كاين
إشراق:والو والو صافي بناقس
شيماء:صافي صافي اري داك رايبي لهنا خداتو من عندها وشرباتو دقة وحدة
شيماء:اح اح اح اش هادشي قهوة ولا رايبي ولا اش هاد العجب
اشراق:رايبي ونسكافي راه زوين كايحيد دوخة والعيا وكولشي دابا تفكريني
شيماء:كانقسم ليك بالله وتنطقي بحرف انشوه ليك المعالم دوجهك ونخليك بلا سنان تولي تولي تشربي غير صوبا ايوا سكتي حسن ليك سكتات شوية وهو يشعل ضو مكتوب فيه سنة حيلو يا اشراق وهوما يبداو الاصوات جايا "سنة حيلوة يا جميل سنة حيلوة يا جميل سنة حيلو سنة حيلوة سنا حيلوة يا اشراق"وهو يشعل اضو اشراق بقات غير مصدومة كانت هدى وعمران ونزار لي صدمني انا شخصبا هو عصام لي كان حاضر اكيد عمران عيط ليه كملنا الغنا وهي تقرصني اشراق
لشراق:كنتي عارفة اشنيولة ياكي وانا لي كلت نسيتوني
شيماء:حاشا نساوك راكي حبيبتنا مشات عند هدى تعنقها كان المطعم رائع بنفخات والورد ديكور ديالو غزال بزاف جا حدايا عصام
عصام:شيماء وقفي اش هادشي كاديري وهي ميتا بضحك .زيدي قدامي كلسي راه صافي حماقيتي جابها لكرسي كلسها
هدى:شيماء مالكي بيك شي حاجة ياكما تمشي لدار
شيماء:مالي شنو بيا مابقا الواحد ينشط فعيد ميلاد صاحبتو شافو فيا وسكتو وعصام كايدير براسو لا حولة من بعد جابو ليما الكاطو لي كان كبير بزاف بشكولا لي كاتبغي اشراق طفينا ضو وغنينا ليها عيد ميلاد سعيد طفات شمع وقسمات الكيك ورجعنا لبلاصتنا ناكلو كل وحدة وتبصيلها انا كاناكول عصام حتى هو حادر راسو طلعت عيني كانشوف ليه فموستاجو ومغمضة عين وحالا عين بديت كانقرب ليه لوجهو وهازا ايدي وغاديا بيها لجيهتو حتى لقنت ديال موستاجو وانا نجبدو ليه ورجعت ايدي دار شاف فيا ومطلع حاجب ومهبط حاجب وانا نخرج ليه لساني وحولت عيني وانا ميتا بضحك جاتني لهيستيري هدى غير حاضياني وخايفاني لا ندير شي موصيبة ولا فضيحة كتر من هادي شوية كانرجع ندير راسي بعقلي وكاناكول شوية ونشوف فعصام ونلقاه حادر راسو ونبقى نضحك حتى كايسها ونا نهز راسي وكحزت هداه شاف فيا
عصام:ياك لباس لا لا انتي ماشي نورمال واش بيك شي حاجة هاد النهار ولا شنو بضبط
شيماء:مالي عاوتاني شنو درت ليك
عصام:ايوا الله علم الله يستر منك وصافي.رجعت لتبصيلي وحلوتي وانا نشوف فيه تاني وكانحقق فيه ماحس بيا امتا حتيت ليه على حنيكاتو وكانجبد فيه من هنا ونديهوم ونجيبهوم
شيماء:ويتي ويتي بحبيب ماماه زوين الغزال عطي لخالتو بوسة عصام صافي فشل مابقاش عارف شنو يدير ولا مالها حتى جبدات ليه حنوكو عندها وعطات ليه بوسة تسمعات فالمطعم كاملو
شيماء:حبيب خالتو حنيكاتو رطبين.ناض بزربة جرها من ايدها وداها لحمام وهو جارها حتى وصلها دخلها وحل الروبيني وبدا يرش ليها وجها بالما حتى حسات براسها شوية
شيماء:اش هادشي كادير ياك لباس
عصام:شوفي انتي سنو درتي باش يكون لاباس واش حماقيتي شنو ستعملتي شنو درتي باش طرا ليك هكا واش عطاك شي واحد شيحاجة .شيماء شادة راسها ليكان كايضرها ماعرفتش ماشربت والو والله مادرت شيجاجة انا ماشي هكاك والله ماشربت وقفات كاتسترجع داكرة
شيماء:اشراق سمحلي المهم هادا الكادو ديالك كانتمنى يعجبك.عصام حتى هو جبد الكادو ديالو وعطاه لاشراق ستأدنو منهم وخرجو مشات نيشان تجاه طوموبيلت عصام فتح ليها الباب ودار ليها حزام سلامة وهو مقرب ليها شافت فيه بقات شحال ساهية فملامح ديالو وكاتكول فبالها "شيماء حنى غير صحاب وأصدقاء مايمكنش هادشي لي كاتحسي بيه راه غير ولف وزايدون نسيتي راه قرب يسالي العقد لي بينكم وهي دور وجها لور حس بيها عصام خرج راسو من طوموبيل وسد الباب دار لجيهة لوخرا حل باب طوموبيل طلع وديمارا بقاو غاديين وهوما ساكتين حد مكايهضر حد شيماء حسات بالعيا ودوخة وخاطرها مروع بغات ترد شدات فراسها وفمها واشرات ليه بيدها يوقف غير وقف حلات الباب بزربة ومشات كاتجري جنب طريق بعيد على عصام وبدات كاترد كاع لي كلات حتى عينيها ساحو بدموع وقفات وهي تشدها دوخا شوية ماطيح كونما عصام لي شدها عطاها قرعة الما شربات وغسلات وجها بقاو شوية واقفين
عصام:بلاتي يضربك البرد شوية .ماهضراتوش بقات شادا فيه عاد رجعها لطوموبيل ركبها وزاد بالطوموبيل مع العيا غمضات عينيها ونعسات عند عصام لي كان خايف على شيماء وجها مخطوف لونو (هادشي ماشي من الخلطة داشراق شيماء لي فعلا كانت مريضة) دار يشوفها لقاها مغمضة عينيها بحال شي اميرة بريئة وناعسة وقف طوموبيل بقا شحال كايشوف فيها بدا كايقرب منها بالشوية وكايشوف فوجها ورموشها وعينيها بدا كايدوز ايدو على وجها وكايشم فريحتها وهو كايشوف في فمها لي مقدرش يتحكم فراسو وطبع قبلة على فمها بلاما تحس حيد راسو بشوية وهو كايشوف فيها شاف جيهت جبهتها كايشوف شي قطرات ديال الما بغا يمسحهوم ليها تفاجئ بحرارتها لي طالعة بقا كايفكر شحال وهو ياخود ساكها هاز تيليفونها وبدا كايقلب على نمرت هدى حتى لقاها دوز الخط من بعد شحال دلوقت عاد جاوبات
هدى:الو شيماء كيبقبتي
عصام:سمحيلي الى سونيت ليك بغيت نطلب منك طلب
هدى:عصام هدا انت فين شيماء ياكما بيها شيحاجة وهي مخلوعة
عصام:لا مافيها والو شيماء عيانة شوية سخانة فيها وماقديتش نديها لدار بهاد الحالة وخصوصا ليل دابا لي بغيت منك هو تعيطي على ماماها وتكولي ليها انكي شديت شيماء تبات عندك هاد الليلة واخا
هدى:وفين اديها؟؟
عصام:ماتخافيش انديها لدارنا كوني هانية
هدى:واخا صافي كون هاني تهلا فيها عفاك وشكرا
عصام:لا شكر على واجب قطع الخط ورجع تيليفون لبلاصتو وديمارا طوموبيل هو غادي وكايشوف مرة مرة فيها واش فاقت حتى وصل لدار عندهوم دخل طوموبيل فتح الباب بشوية وهز شيماء بين يديها وسد الباب برجليها طلعها مع الباب لوراني نيشان لبيتو دخلها وحطها بشوية حيد ليها سباطها وغطاها وهبط لتحت لقا مو يالاه غادية باش تنعس
خالتي تورية:ولدي خلعتيني ايمتا جيتي
عصام:يالاه دابا وجبت معايا شيماء
خالتي:شيماء كيفاش لا جبتي شيماء وفين هي
عصام:راها فبيتي راها مريضة
خالتي:مريضة باش مريضة مالها شنو عندها
عصام:لواليدة الله يخليك بلاما تخلعي شوفي انتي شنو درتي خلي ماماها هي داكشي باش جبتها هنا راه غير شوية ديال سخانة واقيلة كلات شيحاجة مجاتش معاها وهبطت نشوف خالتي حليمة واش كاينة تعطيني شي دوا الى عندها
خالتي:ايوا خاصها ضروري تاكل عاد تعطيها دوا خايب ليها على ماعدة خاوية شوف راه حليمة خلات شوية من شوربا ديال الخضرة دارتها سخنها وخودها ليها واخا
عصام:لهلا يخطيك علي ولكن عفاك هادشي مانبغيهش يوصل لمها اتشوش وتخلع عليها
خالتي:كون هاني اولدي يالاه حتى لغدا ونطل عليها تصبح على خير باس لمو راسها وخرج سد الباب هبط للكوزينة لقا شوربة فطنجرة سخنها حتى سخنات مزيان ودارها فالبلاطو.عند شيماء ليكانت ناعسة وبدات كاتفيق شوية بشوية كاتحس براسها فوق شيحاجة باردا واحد ريحة ماخفياش عليها كاتشم فيها ريحة رجولية بقات بشوية بشوية كاتحل عينيها وهي مافهمة والو كاتشوف راسها فبيت بيض بيت باينة فيه من ديكورو رجولو هاد البيت مخافيش عليها كاتشوف فالحيوطة حتى كايبان ليها تصويرة عصام فالحيط شنو جيت ندير انا هنا نوضة بغات تنوض ضربها ضو فراسها ودوخة كونما شدات فالكوافوز كانت اطيح حتى تفتح الباب ودخل عصام هاز البلاطو حطو دغية وجا كايجري شد فيها وهي شادا راسها
عصام:شربي وبراكة من البسالة باش تشربي دواك زايدون شربة خالتي حليمة لا يعلى عليها وحتى واحد مكايدير بحالها غير دوقي وجربي هز المعيلقة لولة شديتها ليه
شيماء:انا نشربها راسي راه عندي ايدي ماشي بنت صغيرة
عصام:شدي ايدك عندك راني عارف عندك ايديك ودابا بلا هضرة راك ضريتيني فراسي سكتي شوية انتي كي مريضة كي صحيحة بقيت كانضحك عطاني جغمة لولة ولاهيلة عندو صح بنينة بزاف
عصام:عجباتك شيرت ليه براسي بالايجاب بقا كايشربني بحال شي بنية صغيرة وانا عاجبني الحال صراحة شحال هادي مادلعت بقيت كانشوف فيه وساهية فيه وهو كايشربني وكنتفكر الحلمة لي كنت كانحلم انو شادني ومعنقني وكايكولي انا ديما معاك وفجنبك عمري نخليك والبوسة لي باسني حتى فيقني صوتو من تخيلات ديالي.فين سهيتي ياكما كاضرك شيحاجة
شيماء:لا والو.حيد البلاطو جاب كاس ديال الما واحد الفانيدة فيديه
عصام:ماتخافيش انا حداك حتى تنعسي طفا ضو وخلا غير ضو الاباجور وفتح شرجم شوية باش يدخل شوية ديال البرودة وتكا حداها شوية بشوية عينيها كايتقالو حتى نعسات حيد ليها الفولارا غير بشوية وبدا تيدوز بيدو على شعرها حتى حس بيها صافي نعسات نيت بقا كيشوف فوجها و تيفكر فنهار كيف دااز الصراحة هاد شيماء كولا مرة كتخرج شي حاجة جديدة و ديك اشراق تاهي سرها العصا بحالا شافت شيماء بعقلها عطاتها ديك الخلطة و هي راه خلوق مكملة ههههههه و هي الحقيقة فاش بدات تجر لي فحنوكي و شعري مشات تقتلني بالضحك كون ماداكشي اللي شفت قبل كون كيكيت حتي شبعت مي مللي شفتها كترقص وسط الناس و عينين الرجال فيهوم الاعجاب جيهتها ناري حسيت بنار شاعلة وسطي بغيت نحيد ليهوم كاملين عينيهوم ونغول ليهوم باللي هاديك ديالي انا بوحدي حبيبتي انا و انا بوحدي ااااااا مي كيفاش حبيبتك ا عصام واش هبلتي اش هاد الهدرة صافي سكت ياهاد العقل انا حياتي كاملة و انا متبعك مي دبا نسمع لقلبي شوية انا اااه بصح تنبغيها بضحكها بتصرفاتها هبالها كلشي فيها تيسطيني معرفتش علاش ولا كيفاش مي اللي عارف انو بصح بغيتها نسي باللي ممزياناش و باللي ماشي ليا و باللي اصلا تتكرهني غير هاد الهدنة اللي خلاتنا نوليو اصدقاء اما كون راها مزال داحس معايا هاد الايام اللي فاتو خلاونا نتقاربو بزااف حتى وليت نحس انو طبيعي د الامور انها تكون ديما فجنبي و يمكن كونت عمري نعترف كون ما لاول مرة نشوفها مريضة و كتبان ضعيفة حسيت باللي انا اللي كنتعذب كيففاش هي اللي مريضة و انا اللي تنحس بعذابها هذا هو السبب اللي خلاني نحس انو مشاعري جيهتها مستحيل تكون صداقة او اخوة و من طبيعة الحال ماشي كره ضحكي مهاها غيرتي عليها كيفاش تنتبظل لعصام الوالي اخر تماما كل هذا تيتبت حبي ليها و اللي دبا انا تنفكر كتاشفت باللي فالداخل ديالي و امكن فاللا شعور ديالي من اللول ومن اول مرة شفتها بغيتها ولا كيفاش نفسر الشرط الغريب اللي شرطتو عليها كيفاش تخطب ليا كان عطا الله الحلول نعطيها الفلوس و نخليها تمشي او ندير انتقال لباباها من خدمتو و هاكا تمشي لمدينة اخرى كون ما انا فقلبي لداخل تنحس و بلا معرفة مني بشي حاجة جيهتها تندير هاد الاتفاق الغبي و اللي معندو حتى معنى اش خلاتها مرة عمي مي هادشي دبا كامل وضاح انا تنبغيها لدرجة ولا داخلني شك واش هداك الملاك اللي ناعسة حدايا تكون زعمة ممزياناش و طماعة بففففففف لاول مرة انا معرفش كيفاش نتصرف و حاير مي اللي عارف و متاكد منو انو شيماء مخسهاش تعرف حقيقة مشاعري جيهتها باش متعدينيش تاني هاد الامر منتحملوش
باقي يهضر مع راسو حتى غلبو نعاس درباتو الفيقة مع نص ليل هز راسو بشوية كايبان ليه جيهتها عرقانة مسها لقاها سخونة ناض بشوية عليه من حداها حل للباب وهبط لدار التحت للكوزينة عمر بانيو بالما وهز واحد زويف وخرج طلع لبيتو دخل بشوية وكلس حداها كايمسح ليها جبهتها ويكمد ليها الحرارة بقا هكاك اليل كلو حتى نزلات ليها الحرارة غطاها وتكا حداها حتى غلبو نعاس فاق فصباح على خيوط دهبية كايحس بشيحاجة فوقو حل عينيه كايبان ليه ايدين شيماء ورجليها لايحاهوم عليه بقا كايشوف فيها وشعرها لي مغطي وجها يا ريت لوكان كل صباح يصبح على وجها حيد ليها ايديها ورجليها بشوية ناض من حداها بلا حس مشا هز حوايجو والفوطة وخرج من البيت بشوية مشا لحمام اخور دوش عليه ولبس حوايجو وهبط لتحت لقا خالتي حليمة كاتحط فالفطور وخالتي تورية فالمراح جا عندها باس ليها راسها
طباخة الرئيس الجزء العاشر
محتوى القصة
التنقل بين الأجزاء