خالتي:تسناني هنا نوجد راسي ونجي معاك باس ليها راسها يخليك لي يانور عيني خلاتو ومشات توجد راسها تسناها حتى هبطات ودار مع نزار يلقاه حدا لوطيل ركب مو القدام وديمارا طوموبيل وزاد خلطو على نزار لوطيل منين شاف ام عصام فرح بزاف
نزار:خالتي فرحتيني بمجيتك
خالتي:هانية اولدي راك بحال ولدي عصام
عصام:الوليدة دابا انتي لي لتوجهينا فين انمشيو
خالتي:سير لقيسارية زهور ومن بعد انكوليكوم شنو اديرو كولي اولدي نزار واش غير اتهضر فيها ولا اديرو تركاب الخاتم
نزار:خالتي هي عند بالها غير انهضر فيها ولكن انا بغيت ندير تركاب الخاتم وبغيت ناخود ليها الخاتم على دوقي
خالتي:وانت عارف مقاس صباعها
نزار:اه اخالتي عارف عبار ايديها كوني هانية دتكشي ليكان خداها عصام للقيسارية وقف طوموبيلتو خرجو بجوج تابعين خالتي وهي سابقاهم حتى دخلات واحد المحال كبير خاص بتوابات غير شافتها مولاتو وجات عندها تبوس فيها
خالتي:ربي خليك غير مع الوقت المهم انا جيت كاين شي جديد
مولات المحل:عطا الله الخير شنو حب الخاطر
خالتي:جيبي لي توب جلابة وتوب قفطان ويكونو للعرايسات وشيحاجة تكون غزالة راكي عارفاني كانبغي الحاجة تطون متقونة
مولات المحل:كوني هانية دابا يكونو عندك جابت ليها توب جلابة ما باج ما بياض فيه رشات بالكرونة غزالة رطب والتوب تاني فالخضيضر كايحمق كولو كايترعرع غير شافتهم كاتليها تجمعهوم ليها ونزار طبعا ايخلص خرجو من عند مولات تواب مشاو عند مالين شرابل خداو جوج شرابل ومن بعدها خداو زيوفا ديال حياتي وبطبيعت الحال اشراق مكاديرش زيف خداو ليها فولارات صغار كايدارو فالعنق مع جلالب وجوج سيكان و3 ديال بيجامات والحنة وتمر وصباط وصندالة عاد دازو عند مول دهب ختار نزار لاشراق خاتم كايحمق ديال دهب توركي وسنسلة غزالةمن بعدها خدا خاتم راسو ديال النقرة ونقش فيه تاريخ الخطبة وسمية اشراق
نزار:خالتي مزال شي حاجة
خالتي:طبيعة الحال مزال لينا الحنة والحاجة لي ضروري فالخطبة وتقاليدنا خنشة ديال سكر وزيت ودقيق اولدي دزنا عند مالين محلات لي مختصين فالاعراس خدينا الحنة من بعدها خدينا داكشي لي باقي لينا ودزنا عند مول الورد خدينا بوكي دبال الورد وعاد خدا نزار كرطونة ديال اشكلاط مشاو بتقدية ستفوها فالطوموبيل
نزار:خالتي لهلا يخطيك كون ماشي انتي كون انا مزال دايخ
عصام:وابراكة راه بديت كانغير زيدو راه اتعطلو دخلو لطوموبيل وصلو نزار للوطيل وتقدية خلاوها فطوموبيل عصام رجع مو لدار باش توجد ودخل حتى هو يدوش ويوجد راسو.عند شيماء واشراق لي تلاحو على ناموسية من العيا من بعد ما جمعو وجفو وستفو الحلة فطباسل وتمر والفاكية والبيوت بخراتهم شيماء وكادو كولشي على حقو وطريقو سلاو وطاحو كاو
اشراق:واش انتي هبيلة يجيوك دابا باش يخسرو ليهم دفار راه كتليك مايجيو حتى يجي العريس باش يبركو
شيماء:شوفي انمشي لدار ندير الخرقة وصابون ونجيب حوايجي والمكياج وانجيك وحتى انتي نوضي دوشي باش نلقاك واجدة مشات شيماء لدار دغية كالتها لماماها باش حتى هي توجد باش حتى هي تمشي معاها حيت دار اشراق وشيماء جيران وكايتجمعو على الفرح والقرح طلعات شيماء لبيتها دخلات الحمام دوشات دغية وخرجات لبسات بيجامتها وهزات حوايجها والماطريال لي اتكاد بيه لاشراق هبطات عند مها
شيماء:ماما انا انسبقك تسالي خلطي علي واخا
ماما:واخا سيري خرجات شيماء مشات عند اشراق حلات الباب لي خلاتو مبسم طلعات للعند اشراق لبيتها لقاتها يالاه خرجات من دوش
شيماء:بصحة وراحة هي جيت فالوقت المناسب بالاه نبداو خديت وجها درت ليها كوماج نقا ليها وجها عاد بديت كانطبق ليها المكياج مع الكونتور فوق العين فالكري وزريرق والكحل على حساب الفراشة لي اتلبس فالازرق ملكي وصابت ليها شعرها جمعتو على شكل كعكة مع الاكسيسورات عاد لبسات الفراشة جات كاتحماق صلى على نبي
شيماء:هاي هاي جيتي غزالة اختي مشاء الله عليك
اشراق:الفضل كايرجع ليك احوبي انتي لي ايديك سحرية
شيماء:بالعكس لي زين زين واخا مايعوم من تنين لتنين يالاه خليني نقاد انا باش مانتعطلوش راه اناس قربو يوصلو لبسة فراشة ديالي فالاخضر وقاديت وجهي درت كحل وفوق عيني خضيضر ودهيبي وكلوس فالمشماشي وقاديت زيفي
اشراق:الله يختي غرت انا جيتي فنة ماشاء الله
شيماء:بصاح هههه عينيك زوينين احبيبتي خليني نهبط لتحت نشوف ياكما خالتي مليكة خاصها شي حاجة ونرجع عندك (ماتستغربوش حتى مامات اشراق سميتها مليكة).عند نزار لي خرج من دوش وهو فرحان بزاف مكانش كايتصور انو يبغي شي بنت ولا ايرتابط لبس الكوستيم ديالو جا كايحمق خدا سوارت طوموبيلتو وسد باب اشومبر وهبط باش يمشي عند عصام باش يترافكو عند عصام حتى هو لي دوش ولبس وتريح جا لا يقل وسامة على نزار خرج من بيتو ودق على الام ديالو فبيتها
عصام:الوليدة ساليتي
خالتي:اه هاني خارجة خرجات خالتي نور على وجها بجلابتها فالودي وساكها وسباطها
عصام:هاي هاي على الوليدة تكولي غير انتي لي عروسة
خالتي:احيانة فيك انت زيد زيد لا نتعطلو على دري هبطو حتى كايسمعو سونيت ديال الباب
عصام:نزار هدا جا فالوقت فتح لقاه هو ركب نزار فطوموبيلتو وتبعو عصام ومو من اللور.عند شيماء من بعد ماقدات كلشي كان واجد يالاه اطلع لبيت اشراق سمعات سونيت الباب حلات حتى القات دوك جوج مسمومات دبال بنات خالت اشراق فدوى وابتهال
شيماء:اهلا مرحبا بيكم نقزات فدوى
فدوى:اهلا زين حتى انتي هنا ردات عليها شيماء:وعلاه فين غادي نكون فناضارك احبيبة غير مع ختي وحبيبتي فنهارها
شيماء:ههه حبيبتي لي بغا يعاون مكايجيش مزوق وراد وجهو كيطعريجا وصباغة فضفار وجلايلو كايتجرو وراه وطالق سوالف وكايجي بكري ماشي فوقت ضياف عطيتهوم هاد جوج كلمات وطلعت وكون زادت شي وحدة كلمة خرى انصدق مريشة وحدة فيهم دخلت على اشراق
اشراق:سمعت سونيت شكون جا
شيماء كاتنفخ:جاو دوك جوج سامات دبنت خالتك كاليك مكانش خاص نشقي راسي هوما جاين يعاونو وهوما كل وحدة طالية لوجه ومزوقة الله يمسخهوم اشراق مية بضحك
اشراق:وانتي طبيعت الحال ماسكتيش
شيماء:هههه راكي عارفاني كيدايرة من بعض الهضرة وضحك كانسمعو صوت طوموبيل وقفات
شيماء:غير الله يحفظ مايطير نزار عارفة ديك سليحفانة دابتهال هي لي اتحل اشراق كاتشوف فيا وساكتة انا مبسمة الباب وكانتسنط
شيماء:اشراق واش نزار كاليك ايجيب معاه شيواحد
اشراق:لا مكتل لي والو علاش
شيماء:كانسمع هضرة ديال ناس كتيرة ممكن يكون جاب شي معارفو بقينا كالسين كانتسناو حتى دخلات علينا خالتي مليكة:بنتي يالاه هبطي العريس كايتسنا التحت وكاينين معاه حتى شي ناس من معارفو
اشراق:ماما كيجاك بصراحة
ام اشراق:دري كايبان فيه ضريف والله يعمرها دار وراه كلشي كالس التحت هاد بنات خالتك ماعرفتش اش جابهوم غير مقابلينو لا هو لا صاحبو انا واشراق كانضحكو من تحت داف
أم اشراق:يالاهو تبعوني .انا شديت لاشراق ايديها وتنينا هابطين وكانغزها
شيماء:سيري انتي دخلي مع خالتي مليكة وانا نجيب العصير والحليب حشومة ناس نخليوهوم بلا والو واخا اشراق مابغات طلق مني ولكن خليتها خاصها تشجع
مع دخلات اشراق خالتي تورية وماماش شيماء حتى هي كانت كالسة لقات العريس فالباب ودخلات معاهوم نزار وقف حال فمو فالاشراق لي كانت غزالة كيف الياقوتة كاتحمق اشرلق حادرة راسها وحشمانة حتى نطقات ام عصام
خالتي:تبارك الله تبارك الله بنتي زين ماختاريتي اولدي نزار اجي حدايا ابنتي ماتحشميش اشراق مع طلعات راسها شافت ام عصام بقات مصدومة شافت جيهة تانية لقات عصام فشلات (ناري شيماء كاع ماعارفة واش عصام ومو جاين عندنا ياربي مو ماتفرشناش نهار جينا عندها) حتى خالتي تورية عاقت بيها انها خافت جات اشراق حداها كلسات فجنبها وعنقاتها ودارت راسها بحال الى اول مرة اتشوفها اشراق تهز راسها كاتلقا نزار حال فمو فيها وكتغمزو يحدر عينيه اما دوك جوج خياتي دايرين بعصام ويهضرو معاه زعموا عليه عند شيماء ليكانت جايبا صينية حتى سونا ليها تيليفون كانت هدى
شيماء:الو زينينو اويلي امالكي كاتهرني
هدى:بقا فيا الحال ماحضرتش مع صاحبتي فنهارها
شيماء:واش حنى دايرين عرس راه غير خطبة واش تصطيتي تفضلي سفرة مع راجلك وتخسري ليه الخاطر وتجي حشومة كاع
هدى:اه عندك صح كون كتليه لا ايسافر بوحدو ويتقلق ولكن تمنيت حتى انا نحضر مهم ماتنسايش تصوري وتصيفطيلي فالواتساب اوكي
شيماء:كوني هانية احبيبتي يالاه هاني مشيت سديت تيليفون وهزيت صينية وتميت جايا مع دخلت مع دخلت لبيت مزال ماهزيتش راسي فشكون كاين
شيماء:مارحبا مرحبا بيكم نهار كبير هدا يالاه شفت فنزار بغيت نكمل دورا وانا نبقى مبلوكيا حالة فمي عصام كايشوف فيا وانا كانشوف فيه وهو من الداخل ديالو ميت بضحك ومبهور من منضر شيماء لي كانت كي شي سلطانة كاتحمق فدوى وابتهال ماعجبهومش الحال حسو بحال الى شيماء اطير ليهوم هميزة واعرة مساكنات خالتي تورية حتى هي ماسهلاش ساكتة وعارفة دوك جوج خياتي كاضورو بعصام
مابغاتش تدكر خطوبت عصام وشيماء حتى الاخير باش دوك جوج شنيولات يتعلمو يحتارمو ويكونو رزينات شيماء فاقت من غايبوبتها ومشات سلامات على خالتي تورية وعنقاتها ودات ايدها للعصام وكلسات حدا مها قربات منها مها لودنيها
شيماء:اويلي اماما واش حنى دابا عند ناس ولا فشد لي نقطع ليك شافت في بشي شوفات كانعرفهوم حتى نقز نزار
نزار:المهم خالتي مليكة وعمي عزيز انتوما عارفيني لاش جاي اليوم انا جاي طالب راغب ايد بنتكوم اشراق وجبت معايا خالتي تورية بحال الوليدة وعصام لي صاحبي وخويا وان شاء الله الى داز كلشي بخير او وافقتو انمشي لسبانيا باش نقاد شي خدمة ونرجع ونجيب والدي معايا باش ان شاء الله نديرو العقد كانضن اشراق عاودات ليكوم كولشي علي حاجة وحدة كونو اكيدين اشراق انديرها فعيني وفوق راسي ومايخصها معايا حتى خير
عزيز:اولدي راك باين من وجهك وحنى مانلقاوش حسن منك لبنتنا والله يكمل عليكم بالخير ويرزقكم درية صالحة نقزت انا
شيماء:هي نقراو الفاتحة شافو فيا وقرينة الفاتحة بدينا كانزغرتو انا طبعا وماما ومت اشراق اما دوك جوجات منين تخشاو حدا عصام ماناضوش ولي زاد قاهرني وايطرطق لي القلب هو سي سيد عاجبو الحال ومادار حتى رضت فعل وانا نار شاعلة فقلبي كون صبت نوض نريشهوم ونكوليهوم هدا ديالي انا وحبيبي انا وملكي انا لالة اشراق نساتني كلست تحاب هي ونزار بنضرات ناضت خالتي مليكة وتبعتها نعاونها رتبنا تمر والحليب والخواتم لي جاب نزار غزالين وسنسلة كايعرف يختار حتى نطقات خالتي مليكة
شيماء بنتي بغيت نسولك هاد سيدة تورية ولدها هوما لي خطبوك ياك انا عرفت الفلفاطة ديال اشراق كالتها ليها
عصام:انا راجع قرب ليها حتا حاصرها مع البوطاجي بدات كاترعد قرب عند ودنها:انا جيت غير باش نفكرك بهضرتك انا خايب ومافي مايتشاف وحتى وحدة ماتقدر تشوف فيا ولا تقبل علي ياك هدا كلامك ودابا شنو بعد عليها ودار ضحكة بجنب غمزها وخرج وخلاها شيماء بقات هابسة نافس ديالها ماعرفاتش واش تنتف راسها ولا ضرب ايديها بغات تغوت خافت يسمعوها بدات كاتستغفر وتكالمي راسها وتحيد كولشي من بالها فهاد الوقت بعدا رجعات لشنو ادير عمرات اتاي وجداتو وقادات كولشي على حقو وطريقو الحلوة فتباصل مقادة دخلات بصينية ورجعات الحلوة دخلاتها كلسات حدامها وام اشراق حدايا بديت كانكب اتاي فالكيسان وخالتي مليكة كاترحب بناس ناضت كانفرق عليهم كيسان اتي من بعد جيت نهز البلاطو ديال الحلوة حتى حيداتو لي ديك جنية ديال فدوى
فدوى:غير كلسي احبيبة انا نتكلف خليك مرتاحة ودرت ليها ديك الضحكة صفرة كلست وهي كاتفرق وتلوى على خالتي تورية باش تعجبها وخالتي من نضاراتها عايقة بيها وصلات حتى لحدا عصام وتعطلات فالمشية وعصام جكارة فيا كايتبسم ليها وهي فرحانة ماقاداها فرحة حطات البلاطو ورجعات حداها حتى نطقات خالتي تورية
خالتي:تبارك الله على اتاي شحال مادقت بحالو الله يعطي صحة لمرت ولدي وخلاص انا بقيت كانشوف فدوك جوجات شنو ايديرو بجوجهوم طلعو ريوسهم كايشوفو فيها كايسحابهم واش كاتهضر على شي وحدة فيهم انا هادي هي الفرصة المناسبة لي باش نحكهم ونرجع ليهوم صرف وحتى عصام معاهم
خالتي:كايبان لي اولدي اعصام خاصنا نوجدو لعرسكم حتى انتوما انت وشيماء باش تجيب لي عروستي تولي مبرعاني بي بنت هاد ليدين وانا عاجبني الحال وكانشوف فدوك جوجات وجهوم حمر نطقات ابتهال
شيماء:ههه ماكانخافش عليه وتايقاة فيه احبيبة و راجلي عزيز عليه الغالي داكشي باش ختارني عصام الداخل ديالو فرحان من كلمة راجلي لي كالت ليه واخا غير بلعاني ماقداتو فرحة دوك جوج لفعات ماعجبهومش لحال ولاو غير كايصوتو ومعصبات اما واحد لالة اشراق ستاغلت الفرصة كالسة تحت هي وسيهم نزار كاع ماحسبينا واش كاينين
دازت الخطبة على خير وبيخير تصورنا مجموعين وصورتهم باش نصيفط لهدى تصاور
نزار:عمي ان شاء الله من بعد جوج سيمانات انرجع مع والدي باش نديرو العقد ان شاء الله
عزيز:ان شاء الله اولدي لي درتوها حنى معاكم ومانزيدوكم غير الخير من بعد ماتافقو جا الوقت باش يمشيو مشيت ديت الماعن للكوزينة ناضت ماما وخالتي وماما اشراق على برا باش يخليو نزار يهضر مع اشراق شوية بقينا مجمعين شوية عند الباب
ابتهال:عصام الى كان ممكن توصلونا معاكم لدار تعطلنا وخفنا مانلقاوش طاكسيات عصام بقا كايشوف فيا ولكن حتى انا غير بي ولا بيه غير هو بي يفرض سيطرة علي واخا
شيماء:حبيبة ديالي يالاه 7:30 هادي طاكسيات مكايحبسوش كاع وطريق عصام ماشي هي طريقكوم حنى نخرجو معاكم حتى تشدو طاكسي ماعندك مناش تخافي ديك الوقت ماحملاتنيش بغات غير تنتفني
فدوى:بلاما تشقي راسك احبيبة حنا عارفين طريق ومشاو .شفت فخالتي تورية وتبسمت بضحك عصام من الداخل ديالو فرحان واخا عارف هادشي لي دارت غير ضد فيه وقدام ناس راها خطيبتو ولكن مايهمش أهم عندو هو هاد الوقت هي كاتهضر مع خالتي تورية وهو ساهي فيها خاف لا تعيق بيه وهو يحدر راسو خرجو عرسانا من البيت من صباح وهوما يتحسو ستغلو فرصة عمي عزيز لي مشا يصلي مع خرجو من البيت دخل عمي عزيز سلمو علينا بست خالتي اشراق تصيفطات معاه وطلعات لبيتها ماخاصهاش تبقى هنا تصيفط معانا نزار خرج هو الاول وتبعاتو خالتي وصلتهم عند الباب تلى عصام بقيت كانشوف فيه جا قرب لي حتى لودني
عصام:ماتنسايش ميعادنا غدا مع 6 انتسناك قدام الخدمة اوكي ومشا خلاني ماخلاني حتى نكول كلمة وحدة جحموم اوف اوف سديت الباب ودخلت ماما مشات لداروانا عاونت خالتي مليكة فالماعن وفجميع سالينا طلعت عند اشراق باش نكوليها خاصني نمشي لدار
شيماء:عروستنا ستارحتي شوية
اشراق:راه انتي لي واش ستارحتي فكرتيني عجبتيني فدوك جوج خياتي
اشراق:الله يمسخك راه واخا هكاك راه كان عقلي معاكم صراحة هكاك يصلاح ليهوم مكايحشموم وعطيتيهوم علاش كايقلبو ولكن اجي كولي لي شميت ريحت الحب عندك من غيرتك امم
شيماء:لاواه نبك انتي حماقيتي من طبيعت الحال ندير هكاك قدام ماما وخالتي تورية وانتي انكوليك بالسلامة انمشي نرتاح نعس قبل ماتلبسيني تهمة وحدى خرا يالاه احبيبتي تصبحي على خير
اشراق:خليك نسهرو شوية وباتي معايا
شيماء:لاواه الحمص شفتك ولفتي خليني راه تابعاني الخدمة غدا والفياق بكري هاني مشيت احبيبتي ومبروك الله يكمل ليك بالخير
اشراق:امين احبيبتي وحتى انتي يا ربي لعقبة ليك ان شاء ولهلى يخطيك علي كنبغيك انا
شيماء:وانا بزاف خليتها وهبطت سلمت على خالتي وخرجت مشيت نيشان لدار غير دخلت طلعت لبيتي بدلت حوايجي وتوضيت صليت قديت بلاصتي وتكيت كانفكر فعصام واشمن مفاجئة موجد لي الله يحفظ وصافي مانسيتش اليوم وهو واخد راحتو مع البنات ولكن انا مالي من حقو يدير لي بغا الى تفارقنا مغاديش يبقا بلاش واش انا تسطيت خاصني نرجع عقلي طفيت ضو وتغطيت نعست .عند عصام لي كان حتى هو بدورو كايفكر فشيماء وشنو دارت اليوم وكايتفكر تصرافاتها وكايضحك حاجة وحدة لي كاضور فبالو دابا هو الخطة لي موجد ليها غدا باش يوريها انو ماشي خايب وانو اي بنت تقدر تبغيه هدا تحدي بنسبة ليه.
أصبحناوأصبح الملك لله فاقت شيماء مدكدكة وعيانة كيف العادة وكيف كل اليوم بعد المرات كاطلع لي الخدمة فراس ماكرهتش شي متنفس شي بلاصة نسافر ليها ونبعد على الخدمة وعلى عصام وعلى كلشي ولكن ماعندي ماندير من غير نصبر لبست صايا طويلة فالكري وقاميجة مخطة بالحمر والكري هزيت صاكي مافي لي يفطر فدار انطرك غير المخبازة ناخود كرواصة ورايب داكشي لي كان نيت خرجت مشيت واخد مخبازة حدانا خديت كرواصة ورايب فطرت خلصت وخرجت خديت طاكسي نيشان للخدمة دخلت كيف العادة سلمت على كولشي وطلعت نيشان للخدمتي
شيماء:صباح الخير
شاف:صباح النور كيدازت الخطبة
شيماء:داز كلشي زوين الحمدلله كاين الخدمة اليوم ياك ؟؟
شاف:اه طبيعت الحال كاينة كنت بغيت نكوليك شيحاجة خدمتك غادية مزيان الحمد لله والاخبار وصلات لسي احمد وراه فرحان ليك انتي عارفة ستاج ديالك قرب يسالي وهو كاليك بلاصتك كاتسناك كلامها فرحني ولكن فنفس الوقت فكرني بانو مابقالي والو هنا مابقا والو وتعرف الحقيقة كلها وكل واحد يمشي فطريق
شيماء:ههه لا غير فرحتيني بهاد الخبار وصافي يالاه نوض وكان لخدمتي نضت نشوف شغالي ولي علي بقيت خدامة بلا عقل باش نانفكر فحتا حاجة لدرجة ساليت خدمتي فيساع ووجدت كولشي مشيت عند شاف لقيتها سالات شي خدمة عندها وشي وراق وصل وقت الغدا هبطنا بجوجنا نتغداو وانا الكانة ماعنديش كانحس بحال الاحباط تغدينا وانا كانقلب بعيني مرابانا يبان لي عصام ولكن غابر ليه الاتر مابانش اوفف مالي كانقلب عليه شنو بغيتو كملنا غدانا ورجعنا للبيرو ديالنا كالسين فالبيرو كانقلب فالوراق اليوم ماشي حنا لي انهتمو بالمدعوين تهنيت اصلا مافي لي يبقا غير رسمة الابتسامة على وجهي بحال شي حمقة انا كالسة على نار كانتسنا امتا يوصل الوقت باش نشوف شنو مخبي لي عصام وصلات 4 سالينا الخدمة هزيت صاكي وخرجت دغية باش نرجع لدار نبدل حوايجي باش نرجع نشوف عصام خديت طاكسي وصلني لدار دخلت سلمت على دار وطلعت لبيتي بدلت علي حالتي لبست قميجة فشيبي وصايا فالبيض فيها وريدات فنفس لون القميجة قاديت مكايج ديالي خفيف هزيت ساكي وهبطت كلتها لماما وخرجت خديت طاكسي نيشان حدا الوطيل كاتبان لي طوموبيلت عصام موقفها هبطت خلصت مول طاكسي ومشا عصام غير بانت ليه شيماء وصلات خرج من طوموبيلتو كايشوف فيها كانت غزالة كي ديما ماكرهش يمشي عندها ويعنقها ويخليها فحوضنا ومايفرقهاش حتى دقيقة شيماء بان ليها عصام هابط بواحد ستيل عمرها شافتو فيه كان لابس سروال توب بيض وقميجة خفيفة بيضا وشعرو ماشطو لور كان غزال بكل معنى اح اقلبي انا كانبغيه والله حتى كانبغيه من كل قلبي وبجنون يا ربي تصبرني خاصني نتحكم فراسي وفماشاعيري اه اه خاصني نسا شيماء هدوء تنفسي بشوية وتقة فنفس وجدت ابتسامة وتحركت عندو
شيماء:مسا الخير
عصام:مساء النور تبارك الله عليك فالوقت المحدد مضبوطة
شيماء:شكرا ممكن نعرف فين اديني دابا
عصام:كلشي فوقتو زوين ركبي وتعرفي تفضلي فتحت الباب وطلعت طلع عصام ديمارا وزاد طول طريق وهو ساكت مرة مرة كاتجي عينينى فبعضياتهم ونضور وجهي لجيهت زاج حتى وصلنا واحد البلاصة كبيرة بحال قاعة حفلات حداها طوموبيلات وضواو كايشعلو ويطفاو
شيماء:فين جينا حنا
عصام:تفضلي واتعرفي تمينا داخلين واحد طريق ضيقة مرصفة بالحجر دخلنا لمكان كان عبارة على مطعم ومقهى وقاعة للحفلات وأعياد ميلاد نعا دخلنا ستقبلنا المسؤول تم وجهنا للطبلة دبالنا انا غير تابعو عصام ومافاهمة والو كلسنا عطيت عيني لجيهت ديك القاعة بانو لي بنات ودراري كالسين على شطيح ورديح ضرت عند عصام
شيماء:مافخباريش كاتبغي بحال هاد البلايص
عصام:علاش هدا ماشي ملهى ليلي هادي بلاصة عادية مالفة كاتكون خاوية بخال هاد النهار ولكن كانضن تصادفنا مع شي عيد ميلاد
شيماء:ممم واقيلة عصام كايشوف فشيماء بنص عين وكايضحك جا السرباي طلب منهم شنو يشربو شيماء عصير ديال الحامض كاتموت عليه اما عصام خدا غير واحد سبرايت جاب ليهوم سرباي طلباتهم شيماء هزات كاسها كاتشرب وتفرج فمالين عيد ميلاد باينين لاباس عليهم والبنات نص لابسينو ونص لا كاتشوف فعصام واش كايشوف فيهم كاتلقى كايميل راسو مع الموسيقى وكايشوف فالبنات كاعما حاسبها واش كاينة
شيماء:واش جايبني هنا باش تبقا ساكت
عصام:لا علاش ماعجباتك البلاصة ولا شنو بالعكس الجو زوين هنا.سكتات شيماء وكاتشوف فكاسها
شيماء:فخبارك شاف رشيدة كبيلة مدحات خدمتي وكاتلي بي اني تقدمت بزاف وبأنو مابقالي والو نكمل ستاج وكاتسناني بلاصتي عند سي أحمد صراحة فرحت بزاف حيت تقدمت فخدمتي وحققت هادشي لي وصلت ليه انا كانهضر وحادرة راسي كانتسنا اي جواب هزيت راسي كايبان لي سي عصام مامعاياش كايشوف فالبنات وكايضحك ويدبل فعينيه لواحد خيتي وحتى هي كادير شي شطيح ماشي تا لتم ماسخ وتغري فيه بغا يجلطني هدا بقيت شحال كانشوف فيه والو هزيت ايدي حتى لسما وضربت طبلة حتى كمز هو وشاف فيا
عصام:مالكي انتي ياك لاباس واش حماقيتي
شيماء:اه انا نيت حماقيت لي جايا معاك ودايرة فيك راسي ديك ساعة جي اسيدي بوحدك ونك وتغزل كيبغيتي.بقا كايضحك هو
عصام:علاش شنو فيها ياك حنا صحاب ماتنسايش نهار انتفارقو خاصني نشوف شي بنت لي تكون معايا ودنبي حتى ليمتا نبقا بوحدي وزايدون منبن اتيالي صفقة لي بيناتنا خاص نختار شي انسانة تكون شريكة حياتي او لا.شيماء ماعجبهاش الحال كاتحس بالماس كايتغرزو فصدرها ولكن حاولت ما أمكن ماتبينش تبسمات
شيماء:اه طبعا من حقك هادشي داكشي باش علاش اسيدي من دابا تقلب شوف شحال هاد البلاصة عامرة بنات وكل وحدة أحسن من تانية ومن نضراتهم كايبانو انك عاجبهم
عصام:داكشي لي كانشوف حتى انا علاش مانديرو واحد الحاجة (شافت فيه شيماء)علاش لي ماانتي تختاري معايا راكي عارفاني كانتيق فدوقك
شيماء:هيئ علاش انت امتا ختابرتي دوقي
عصام:من نهار خدمتي معانا وانا وانا كانختابر قدراتك ودوقك لا فلماكلة لا فكلشي
شيماء:الماكلة شي وهادشي لي كاتكول فيه شيء تاني
عصام:ممم دابا كايضهر لي غير متبغيتيش لي الخير وصافي هادي ماشي صحبة انتي مكاتعرفيش معنى صداقة
شيماء:انت كل مرة دكر لي صداقة صداقة اوف ضافي اسيدي فهمنى ضرت كانشوف فدوك البنات كول وحدة كاتشوف فجيهت عصام وتبسم ضرت عندو لقيتو مبسم حتى هو
عصام:لا وقيلة كاضحكي لا انتي كاضحكي من نيتك هاديك مولات شامة لكبيرة لا انتي بغيتي لي الخير باينة (شيماء ورات ليه وحدة وجها طويل وضعيفة بزاف وفيها شامة قدها قداش حدا نيفها بلعاني باش تلف ليه تفكير على مولات الحمر)
شيماء:عصام شوف..عصام فين مشا هدا طار من قدامي كاتشوف حداها مالقاتوش كاتقلب فجنابها والو شوية كايبان ليها سيد مشا عند مولات الحمر واقف معاها طاتحس بالحرارة طلعات معاها وتخنقات من الناس ومن كلشي بغات حاجة وحدة تهرب من هاد البلاصة هادي سيد واخد راحتو مع الانسة وهي كاتغلي من الداخل
شيماء:هيء هكاك داطشي لي بقا ربي ربي مسكين لالا زاد فيه زاد فيه (عصام كان قدامها شد فالانسة لي معاه من ضهرها وداها بلاصة فين كايشطحة وبدا يشطح هو وياها وماشافش جيهت شيماء نيهائيا) ياك ياك دابا جايبني هنا على هاد الفعايل هادو.فخبارك راه مامزيانش لي كايهضر بوحدو ضرت نشوف شكون صاحب هاد الصوت كانلقى وجه ملائكي قدامي
لمين:مشرفين شيماء من كبيلة وانا حاضيك فاش دخلتي مع داك سيد كلت واش خطيبك ولا حبيبك
شيماء:ههه هاداك اه هداك غير خويا يلاه جا من برا وشحال ماشافني وخرجنا ماديرش فبالك
امين:ياكما انخلق ليك شي مشكيل معاه
شيماء:لا لا نيهائيا خويا متحضر ماشي مشكيل
امين:شنو طاديري فحياتك اشيماء
شيماء:انا خدامة فوطيل وانت
امين:انا مصور فوتوغرافي وعندي لابو ديالي
شيماء:اه مشرفين امين (امين كان شاب بيض مادايرش لحيا طويل وعامر وشعرو رطب وحروفو كحلين) عند عصام لي كان كايشطح مع ندى هكا كانت سيمتها وكان بلعاني مامسوقش لشيماء باش يشعل فيها نار الغيرة ضار يشوف ردة فعلها حتى كايتصدم بلي كايشوفها مامسوقاش ليه وكالسة مع واحد خينة وضحكتها واصلة لودنيها كيفاش زعما يكون خطة ديالو فشلات ادا فعلا شيماء مكاتبغيهش وماعندهاش سوق فيه هادشي ضرو فخاطرو بزاف
عصام:ندى نمشيو نكلسو
ندى:اه واخا
أمين:شيماء كايبان لي خوك جاي جيهتنا دارت كاتلقا عصام جاي وجايب معاه ديك خيتي دايريدو وراها بكل وقاحة واخا اولدي غير صبر علي
جا عصام وقف
عصام:ياكما قاطعناكم
شيماء:لا أخويا العزيز عصام شاف فشيماء وكايكول مع راسو اش كاتكول هادي
شيماء:أمين نعرفك بخويا الكبير عصام .عصام حبيبي نعرفك بأمين هنا عصام عرف شنو كايضور واخا بغيتي تلعبي مرحبا نلعبو كاملين علاش لا.نقزات ديك شنيولة لي حداه
ندى:عصام ماكلتيش لي عندك ختك زوينة بزاف مشرفين ختي انا ندى (هنا جاتني واحد الخطة فبالي غير بلاتي اعصام انت الجاني على راسك بغيتي غير تحداني واخا)شيماء تلاحت على ندى تعنك فيها وتكول ماباست البنت تخلعات
شيماء:مرحبا مرحبا بمرات خويا زين عرفتي تختار يا شويطين من صغرك وانت تنيش على الحاجة المليحة وشعور عدها اخويي ونجبد ليها فشعرها حتى مسكينة بغات تبكي تعالي تعالي بركي حدايا نشمك عصام مبلوكي منها وفنفس الوقت فيه الضحك عارف فعايلها كلسات ندى حدا شيماء مسكينة غير مبهوضة وكاتشوف
شيماء:ايوا اش انكوليك اعصام هادا هو زين ولا بالك ماشي بحال دوك موكات لي مزوج بيهم عصام خرج عينيه حتى بغاو يدلدلو مساكن بصدمة اما ندى مسكينة ولات زيزونة مابقاتش قادا تهضر
عصام:اختي مكاين لاش نجبدو هاد الهضرة هنا ولا لا وهو كايتحلف عليها بعينيه
شيماء:اويلي اخويي خاصنا نوضعو نوقاط على الحروف صراحة مزيانة ياك ا أمين
امين غير كايشوف بعينيه ومافاهم والو:اه طبيعت الحال صراحة زوينة
عصام من تحت سنانو :شيماء حبيبت خوها ناشي وقت هاد الهضرة هادي حنا يلاه تعارفنا ندى ماديش على ختي راها هكا دايرة ومعا تربات فالبلاد كايجيها بحال هادشي ديال تعارف عيب ياك اشيماء
شيماء:تاعداك احبيبيتي انا شفتك وعجبتينس والاهيلة والله العظيم تاعداك ماديهاش فيه راه هادشي لي خروج عليه حتا دا جوج عيالات
نقز امين:شيماء قبيلة كنتي كلتيلي خدامة فوطيل ودابا خوك كايكول انك فالعروبية مافهمتش انا بغيت نصلح الموقف حتى نقز عليه عصام
عصام:ههه وانت من نيتك تيقتيها ههه ختي مسكينة مبلية بالافلام توركية كولما كاتشوف شي شخصية كاتبفي تلعبها من صغرها وهي هكاك الاطويل لي خدامة فيه ختي هو الفيرمة كاتوكل البقر مسكينة وتسرح البهايم وتعلفهوم هادي هي خدمتها راه غير ختي فيها شوية ديال الضحك وصافي
شيماء:هههه خويي احبيتي وارت نني ضحك اتي راه غير كايقجم معاك خويا غير حارك لسبانيا راه يالاه سايب وراقيه مسيكين راه 8سنين ماشناه داكشي باش جابني هنا نفوجو يانا وياه ياك اخويي عصام كايشوف فيها ويتحلف عليها بعينيه
شيماء:ايوا دابا احبيبتي امتا اتكوليها لوالديك باش نجيو نخطبو فيك ولكن هانتي راه كيفك كيف عيالاتو لولين تنوضي مع 5 وتجمعي لكوري وتحلبي البكيرات وديري لينا شي طرح دالبطبوط خويي راه يعجبو يفطر بالخبز سخون انا نكوليك وخاصك تكوني مرا ونص ياوا لش كلتي كاتبان لينا ندى وقفات
شيماء:ويلي هادي مالها واش كلت شيحاجة غالاط عصام هز كاسو دالعصير وشربو دقا وحدة باش يبرد أعصابو شوية بان لينا أمين ناض(نوض قبل مايلسقو فيا حتى انا شي مونتيف)
أمين:ختي شيماء تشرفت بمعريفتك اخ عصام فرصة سعيدة وهرب
شيماء:هدا مالو العجب عصام وقف جبد بزطامو حط الفلوس فوق طبلة وقفني وجرني من ايدي بحال شي معزة غادي بيا خرجني من تم ودخلني لطوموبيل ديمارا وزاد
شيماء:ياك لباس علاش مابقينا زوين تم عجبني شاف فيا بشي شوفات ديال شر وانا نسكت فمي بقا غادي بينا حتى واحد جردة وقفنا خرج حل طوموبيل وخرجني على برا غادي بيا حتى لوسط اجردة او وقفني
عصام:ممكن تعرف اش هاد تصرف درتي
شيماء:اشمن تصرف درت اناهو فيهم وانا كانطلع ليه فحجباني
عصام:بلاما تختابري صبري البنت كانت باينا فيها ضريفة وزوينة وفاش كنا بوحدنا حسيت بيها اتوافق معايا وانتي الالة بلا حشمة بلا حيا جريتي عليها وخليتيها تهرب بهضرتك ومسرحيتك
شيماء:ياك كلتي لي حنا اصدقاء وانختار معاك زوجة المستقبل
عصام:كتليك ختاري معايا ماشي هربيها مني
شيماء:ومالك دابا عرفتي بيني بينك والله الى درت فيك خير وحيتها من طريقك شاف فيا بنص عين
عصام:وعلاش زعمة
شيماء:اضلا باينة فيها خبيتة وباغا غير فلوسك كون كنت باغاك بصح كون واخا كتليها داكشي اتوافق على ودك
عصام:ولكن حتى انتي ماسهلاش راه اي وحدة تسمع لي كلتي اتهرب وماتلفتش لور وبدا كايتبسم
شيماء:كيجيتك نليق نكون ممتلة هههه وغير ضحك اصاحبي باينة من عينيك شاداك الضحكة عضام فعلا طرطق بضحك
شيماء:اجي انت لي كاتحاسبني ماشفتيش راسك هربتي لي العريس حتى اتت ماساهلش
عصام:ههه هاداك مايصلحش ليك باينة فيه باغي غير يدوز الوقت
شيماء:واخا هكاك مبوكص ياك طلع في شوفة من راسي حتى رجلي وهو كايخنزر فيا شفت فيه ماقديتش نحبسها طرطقت بضحك بدينا كانضحكو بجوج علينا ايدينا وضربناهوم ماحسيت براسي حتى عنقني عصام وحتى انا عنقتو عناق عفوي زوين وحلو بعد علي بشوية وجبد لي حنكي
عصام:زيدي قدامي المتواضعة ركبني فالطوموبيل ركب هو وديمارا طول طريق كايشوف فيا ومبسم بالضحك عصام الموقف لي طرا اليوم مابغاش يتنسا ليه كايتفكر هضرة شيماء وتصرفاتها لي كاتحمقو اح اقلبي اخ يا ربي تلهمني صبر شيماء حاسة بناضرات عصام وهي مضورة وجها لزاج ومبسمة وفرحانة انها طيرات ليه ديك سليعفانة واخا من حقو ولكن حتى تبعد على طريق ويدير لي عجبو تفكرات الوقت وانو مابقى ليها فهاد الخطة غير تلات ليالي فقط تنهدات بجهد حتى شاف فيها عصام (ماعرفتش فاش كتفكري يا ريت نكون انا هو داك الشخص لي كاتفكري فيه يا ريت) وصلو لحدا دار فيقها غير عصام من سرحان ديالها
عصام:فين مشيتي راه وصلنا
شيماء:اه ههه ماحسيتش حليت الحزام وحليت الباب شفت فعصام
شيماء:شكرا على الخرجة زوينة
عصام:وشكرا ليك انتي حيت طيرتي لي العروسة هههه
شيماء:وشكرا ليك حتى انت طيرتي لي العريس مابقيتش فيك نبقى بلا زواج ضحك عصام وشاف فيها
عصام:ماتخافيش الى ماداك حتى واحد نصبر ونغامر وديك انا وهو كايضحك شافت فيه شيماء وتبسمات
شيماء:يحصليك شرف تصبح على خير
عصام:تلقاي الغير المشاغبة ديالي خرجات من الباب وسداتو وشيرات ليه بيديها بقا واقف حتى حلات الباب ودخلات عاد سمعاتو انو مشا دخلات لقيت ماما كاتفرج سلمت عليها وطلعت لبيتي دخلت وسديت وترميت على ناموسية شيرت بصباطي وحيدت زيفي بقيت شحال كانشوف فسقف نضت طلعت فوق انموسية وبقيت كانقز ونلعب بشعري ونجدب بيها ونقز
شيماء:يس يس يس تانانانا تانانانا
ماما:شيماء اش هادشي
شيماء:لا والو اماما والو اوبس هههه بدلت حوايجي وتوضيت وصليت طرميت على ناموسيتي نتكونكتا نشوف خبار البنات.عند عصام فالبالكون حاط طورسي طويل وكالس وكايفكر فهاد انهار شيماء تحفة تحفة نادرة كل نهار كايحس براسو كايبغيها وكايموت عليها واخا هي مكاتبغيه ولكن قرر قرار انو واخا يطرا لي يطرا اتكون ليه مايقدش يصبر شيماء ليه بوحدو وحتى واحد ماعندو الحق تكون ليه.
هدى:وشنو ندير ههه عمران الالة كاليك بغا شي كتكوت يعمر علينا دار واخا انا كولت ليه مزال الوقت ولكن شنو ندير
شيماء:وكيفاش كتاشفتي انك حاملة
هدى:ههه هاد الايام خاطري مروعة علي ودغية كانتوحش عمران ماكلنخليه يتحرك فين غير تابعاه وهازا قميجتو وندور بيها وكانتشها فالبانيني ديال بيبي لبارح فصباح نضت نوجد الفطور ليه وشداتني دوخة منين داني لطبيب صاحبو دار لي تحليلة ولقانني حاملة
شيماء:يا حليلي وشنو كانت رضت فعلو
هدى:ماتصوريش فرحتو وكايدير لي كي لما القليل ومامخليني نمشي فين ولا تتحرك
شيماء:يا حليلي اتجيبي لينا بعيليك بعدا نكوليك ماتوريعش لاشراق اتلكلو ليك ههه مبروك احبيبتي الف مبروك فرحتيني بزاف والله الحمدلله
هدى:الله يبارك فيك اكبيدتي العقبة بيك ان شاءالله
شيماء:نلقاو باه بعدا وديك ساعة نشوفو البيبي ههه مهم حبيبتي نخليك دابا سيري رتاحي وديها فراسك وفصحتك وماتشقيش رلسك اوكي
هدى:ههه ديريلي كي عمران واخا الالة كوني هانية يالاه اكبيدة الله يصبحك على خير قطعت مع هدى فالواتساب وينو فرحت ليها بزاف شحال زوين يكونو عندك صحاباتك تفرح لفرحهم وتحزن لحزنهم واناهوم كولهم فرحانين فحياتهم وربي لاقاهم مع ولاد ناس كاتهنا من جيهتهم تخشيت تحت المانطة وطفيت ضو ونعست.
أصبحناوأصبح الملك لله أحدات جديدة فاقو أبطالنا كيف العادة كل واحد قاد راسو وهو فرحان انو ايشوف تاني عصام خرج بكري ركب طوموبيلتو وزاد عند شيماء من بعد ما لبسات حوايجها هبطات تفطر مع دار وصلات الوقت وخرجات غاديا جيهت شاريع تشد طاكسي كاتسمع (بس بس زوينة مانوصلكش وقفات شحال هادي ماعرقات لشي واحد يالاه بغات تستاعد تعاير ضارت كايبان ليها عصام متكي على طوموبيلتو وعاقد ايديه وكايشوف جيهتها ومبسم...
طباخة الرئيس الجزء 12
محتوى القصة
التنقل بين الأجزاء