طباخة الرئيس الجزء 15

من تأليف سناء الصنهاجي
2018

محتوى القصة

رواية طباخة الرئيس

حتى جا تخشا وصطنا وشدلينا فيدينا وبدا يشطح شطيح ديال الخفافيش بديت انا كاندور وندور نصي دورة لي اندور تلاقيت مع عينين لي شحال هادي ماشتهوم عينين لي كانو مامفسرينش شوفات ديالهم مركز عينيه علي مابغاش يحيدهوم ولا ينزلهم حيدت عيني من عليه وكملت شطيح ديالي حتى سخفنا وعيينا انا مشيت جيهت طبلة لي فيها ماما كاتبان لي خالتي تورية كالسة مع ماما جيت عمدها سلمت عليها
خالتي:ياك ابنتي من نهار دفنوه ماتلاو زاروه حتى تيليفون ماتعيطيش فيه وتسولي في
شيماء:والله اخالتي غير مع الوقت والخدمة مكانساليش
خالتي:وليت خالتك مابقيتش ماما تورية وحدرات راسها جيت جيهتها وبست ليها راسها
شيماء:ماما ماما تورية راكي عارفة معزتك فقلبي قداش وعمرا يلاصتك ماتعمر اماما لحبيبة
ماما:انا انبدا نغير هههه بقينا كانضحكو ناضت نكافة دات هدى باش تلبسها لبسة تانية وانا مجمعة مع مليكة وهدى وعمران وبدر مع عصام كانحاول ما امكن اني ماتجيش عيني فعينو كانحاول اني نتناساه جات عندي واحد البنية صغيرة كاتلي نتكلم للعروسة ناضت وخليتهوم وتميت غادية قربت عند الباب مع العالي مكانحملوش وتكشيطة كاتجرجر تلوات لي رجلي فجلايلي كانشوف راسي غادي يجي وجهي على واحد الكرسي ولكن فبلاصت الكرسي جيت فوق صدر شي واحد وبين ايدين كبار بقيت بين دوك ليدين شحال وانا مامستوعباش شنو وقع وقفني شخص ونا كانشوف غير فيديه حتى تكلم وعرفتو من صوتو
عصام:نتي لباس وقع ليك شيحاجة ياك بيخير يكما طرا لرجليك شيحاجة طلعت فيه شوفة مانطقتش بقيت كانشوف ليه فعينيه نيشان العينين لي كايدوبوني ويسحرني ونظرات ديالو شوية وكضت راسي وحيدت ايدي عليه
شيماء:انا لباس لباس شكرا 
عصام:كاتقدري تمشاي حيت حيت رجليك تلوات
شيماء:اه كانقدر شكرا عدبتك شفت فيه اخر شوف وحدرت راسي وزدت خلات عصام متبعها بشوفات ديالو دخلات لدار ومشات ورا الحيط وهي كاتلهت وشادا جيهت قلبها مزال عمدو نفس تاتير عليها ومزال احساسها تيجاهو ماتبدلش بالعكس غادي وكايزيد القرار لي تاخدت مزيان الما بعدتش ماغاديش نهنا ويرتاح لي البال
هدى:انتي اش كاديري هنا من صباح وحنا نتسناوك الفوق مالك لونك مخطوف
شيماء:لا والو يالاه نمشيو طلعنا عند اشراق لقيناها لبساتها لبسة فالون الفيروزي لي هو تيركوا جاها كايحمق بدينا نزغرتو ونصليو على انبي وانا لي طرا كبيلة مابغاش يتنسى لي هبطنا اشراق ونزار حداها بدل الكوستيم حتى هو لا يقل عليها وسامة دخلنا بيها لقاعة مت نزار هازة طابليت ديالها وتصور لختو حيت ماقداتش تجي معاهم بدا الجوق كايغني والبنات وبنات خالت اشراق كايتعوجو شي مونيكات ماكرهت نتفهوم خصوصا كايمشيو جيهت عصام ويتمايلو مكايحشموش على سلعة كيدايرة حتى انا بالغدايد نضت كانشطح بوحدي ونلوي بلا عقل مشيت لطبلت عصام وانا نجر بدر للوسط وحنا نكلسو ستك ستك وكاندير ديك ضحكة حتى بانو لي دراسي اما عند عسام من الداخل ماكرهش ينوض يكلسها الارض وهي كاع دراري لي تما كايشوفو فيها خصوصا منين كاتحرك ويهرب ليها فولار ويخرجو شي وغيبات تحت راسها كون صاب ينوض يخرجها من القاعة كولها اما عندها هي فمامسوقاش ليه كاع واش كاين ولا مكاين جا وقت الماكلة ناضت هدى تبدل عليها وحنا بقينا كالسين ماهي الا سعات حتى جابو الماكلة من بعدها بالشوية دخلات هدى بتكشيطة غوز ديان وشادا فنزار وكايرحبو بناس حتى رحبو بكلشي وجاو للطبلة ديالنا حيت ايتعشاو معانا كلس بدر هدى وعمران مليكة وماما وخالتي تورية واشراق ونزار بقات بلاصة حداية مكايبان لي غير عصام جر الكرسي وكلس حدايا انا صافي هنا مابغيتيني لوالو تمتمت فودن مليكة
شيماء:مليكة تبدلي معايا البلاصة تجي فبلاصتي
مليكة:ومالها بلاصتك
شيماء:غير مامرتاحاش فيها

مليكة:كلسي تبتي فبلاصتك لا اختي منقدرش بغيت نكلس جنب راجلي
شيماء:ليكلسك على شوك ديريها فين تجيك اشنيولة ماداتهاش فيا شوية كانحس بشي حس حدا ودني
عصام:غير صبري وتحملي مدة نص ساعة دغية دوز مغاديش نطير عليك ناكلك شفت فيه ومجاوبتوش كانشوف قدامي درت راسي بحال الى مكاينش حدايا نهائيا مجمعة مع لوخرين وهو محاشيتهاش ليه خالتي تورية مراقبانة من بعيد وساهية فينا وساكتة اناعارفاها عندها امال نرجعو ولكن مايمكنش من سابع المستحيلات لي عطا الله عطاه سالا العشا ومن بعدو ديسير وتجمعو طوابل انكافة دات اشراق تلبس البسة الرابعة وحنى بقينا مجمعين على الهضرة وضحك وعصام فالداخل ديالو كايغلي ومزال الغليان جاي القدام اعصام غير صبر وتسنى من بعد دخلات اشراق بالبسة زرقة من وراها بقات ليها لبسة لي كانت مفاجئة العرس داتها نكافة وهنا حنى نضنا مليكة وانا وهدى تبعناها دارت النكافة للاشراق الضفرة ولبساتها ملحفة بيضة والفوق قهوي ودارت ليها عقيق واكسيسوارات صحراوية وبدلات ليها لعكر بواحد قهوي داكن جات كاتحمق ماشتء الله اما مليكة لبسات ملحفة فالبيض والخضر بصندالتها بساكها هدى لبساتها فصفر وانا لبستها فالغوز وكسوتها فالغوز وساكها غوز وصندالة عالية حتى هي فالغوز واكسيسوارات ديالها وخرجت الكسا القدامية صراحة مانكدبش عجبني راسي وبجهد هبطنا اشراق بصلاة وسلام مع دخلة كولشي ناض كايشوف فينا عصام من صدمة بقا واقف فشلو عليه رجليه ماقدش يكلس بصدمة كانت شيماء كاتحمق هي عجبها الحال وعجبها راسها دازت من حداه وريحتها تابعاها ولي زاد عصبو هو شي وحدين كالسين معاه فنفس الطبلة بغا ياكلو شيماء بعينيهوم وكايهضرو عليها كلسات اشراق فبلاصتها والجوق مخدمين اغاني صحراوية بقينا نشطحو بيدينا واشراق فرحانة ونفس الوقت مافاهماش علاش لبسوها هاد اللبسة وهؤ مختارتهاش شوية الصوت وقف وهو تجيها أغنية سعيدة شرف باش وعلاش كلتيلي غايرة شوية شعل ضو على واحد البلاصة وهي دخل سعيدة شرف بالملحفة بيضة اشراق من وجهافرحانة مقادتها فرحة حنى بدينا نردو عليها ونغنيو معاها ونشطحو معاها ماقداتنا فرحة خصوصا انا فديك اللحظة نسيت عصام واش كاين ولا لا اما عصام مسكين نار شاعلة فيه خصوصا شيماء نص فشعرها عريان وجاها كايحمق مع مسبوغ جديد ومسيشواري اما دوك جوج لي حداه غير خاف يخصر عرس صاحبو اما غادي يهرس ليهوم الفم ةلكن كولشي من لالة شيماء لي مامسوقاش ليه وعاجبها الحال وكاتشطح مع راستها بقاو هكاك يغنيو غنات شي تلات ديال الاغاني وتمنات للعروسين حياة سعيدة وتصورات معاهوم ومشات جات نكافة تدي اشراق باش تلبس البسة الاخيرة انا ماحملتش نبدل ونرجع تكشيطة الملحفة خفيفة ومريحة ولكن شكون خلاك سبقو البنات مع اشراق وانا واحد الراس كايكولي نحيدها ولا نخليها جيت نخرج من القاعة نطلع لدار جراتني شي ايد لورا الكايتطون سادة لي فمي كايبانو لي غير ايدين عصام لي مقابلة معاه وكانشوف فيه وانا مصدومة من تصرف ديالو هدا شنو بغا بضبط مني كانحرك ليه راسي زعمة حيد حيد ايديه بشوية وهو كايشوف فيا وحال فمو
حيد ايديه من على فمي 
شيماء:واش حماقيتي اش هاد تصرف هدا كادير 
عصام:وانتي عاجبك الحال لي دايرا لداخل وفين مشا الحجاب شعرك بيناه لي يسوا ولي مايسواش هز لي الملحفة بجهد وغطا لي شعري
شيماء:وا حيد ايدك وتنطرت منو واش انت با ولا خويا اه ولا خطيبي وراجلي ومافخباريش وميات مرة كانكوليك عطيني بتيساع واماشي شغلك في ندير مبغيت انا حرة وديها فراسك وفشغالك وانا خطيني عليك دور لي انخليه ونمشي جرني بجهد لعند فمو وباسني بجهد حتى حسيت بفمي ضرني بوسة فيها كل الغضب والعتاب ودغية حيد مني وشاد لي فراسي
عصام:هادي باش عمرك ماتهزي صوتك علي وخلاني ومشا بقيت كانشوف فيه حتى ماتلى كايبان فالنفس الوقت عجبني الحال انو غار علي ولكن ماعندوش الحق انسان اناني كايهمو غير راسو دخلت لدار وانا بغيت نطرطق بالغدايد مشيت نيشان لبيت حيد علي الملحفة ورجعت تكشيطتي ومسحت فمي من البوسة لي مابغيتش نتفكرها الى بغيت كانفكر فيها اندير شيحاجة لي اندم عليها جدت المكياج وخرجت مع البسة الاخيرة لاشراق تكشيطة بيضا وفيها طريزات بالقهوي ودهبي حيت مابغاتش تلبس لاغوب خرجنا لالقاعة بدينا كانتصورو معاها كاملين ومن سعدي وميموني وزهر لي عندي جيت مع عصام وهو كايشوف فيا ومبسم فرحان بالانجاز لي حقق جا وقت تقطاع لا تارت قطعاتها على أنغام voilà le gâteau ديال جلال الحمداوي وحنا كانصفقو ليها وخا هي من عينيها باينة متأترة وعلى شوية غادي تبكي قطعات الحلوة وتفرقات وفرقات لي دراجي وانا فهاد اللحظات كانتفادى نشوف جيهت عصام جا الوقت باش اشراق تمشي فحالها لشهر العسل خرجنا معاها على برا هنا ماتمالكاتش راسها وبدات كاتبكي حتى بكاتني معاها جيت وعنقتها
شيماء:الهبيلة علاش كاتبكي كولشي ايدوز بيخير وعلى خير 
اشراق:ماشي هكاك علاش كانبكي تفكرت انو الى جيت مغاديش نلقاك انتوحشك بزاف اشيماء
شيماء:الحمقة تيليفون بيناتنا وتشوفيني ف ايمو ماتخميش اكبيدة تهلاي فراسك انتي وديري عقلك احبيبة واخا والاتصال بيناتنا الكنيشة هههه
اشراق:حتا انتي تهلاي فراسك بزاف وتاصلي بيا واخا سلمات علينا كاملين وركبات مع راجلها ومشات من بعد هادشي عمران وهدى مشاو فطوموبيلتهوم يالله كنت غادية عند ماما لقيت عصام قدامي كنشوف فيه شنو بغا
عصام:الى بغيتي انا نوصلكوم
شيماء:ماتحتاج شاي توصلنا دار ورا زنقة غير ريح بالك وسير الى بغيتي تمشي خليتو ومشيت سلمت على خالتي تورية وعنقتها بجهد مابغيتش نكوليها انو انسافر حتى من هدى واشراق وصيتهوم واخا يطرا لي طرا مايعطيوهش نمرتي جديدة ولا بلاصة خدمتي رجعت انا وماما لدار طلعت لبيتي وبدلت علي وغسلت وجهي لقيت هاديك جاتني داكشي باش منيرفي جابلاه عندي الاحتياط درتو وتخشيت تحت المانطة غدا نهار جديد غدا ان شاء الله انبدا حيات جديدة ومصير جديد حياة بلا عصام هبطات دمعاة من عيني مسحتها دغية ماكنتش هكا حتا حاجة مكاتبكيني من غير رودرا حبيبي لي حتى هو سالا وخلاني شكون ايبقا يونسني كولشي غادي بضدد دعيت الله يكون مخبي لي حوايج زوينة ويجعل الاخر ديالي حسن من الاول ديالي ونعست عند عصام لي كان كالس فجردة وكايشوف فسما وكايفكر وصورة شيماء او وجها مامفارقينش خيالو حس بيد حنينة على راسو كاتمشط ليه شعرو بصباعها
خالتي:ولدي لش مسهرك حتى الدابا وكالس دخل البرد عليك 
عصام:لا غير خليني هنا شوية وندخل
خالتي:مدام كاتبغيها حتى لهاد درجة اولدي علاش خليتيها
عصام شاف فمو:شكون هادي لي كانبغيها علامن كاتهضري
خالتي:بلاما تخبي علي راه انا لي ولدتك اولدي ماشي انت
عصام:عفاك الوليدة مابغيتش نجبد هاد الوضوع الله يخليك سيري رتاحي ودخلي راه البرد عليك 
خالتي:واخا اولدي وحتى انت دخل باست ليه شعرو وهو باس ليها ايديها ومشات تنعس وبقا هو مع أفكارو ودوامة لي غارق فيها لي من نهار مشات شيماء وهو واحد تاني الخاطر ماعندوش وغير كايغوت وحاس برلسو مخنوق بلا بيها وبلا شوفتها ونكيرها ليه جاد راسو بين ايديه وكايتمنى يلكا حل باش يبعدها على تفكيرو.أصبحنا وأصبح الملك لله فاقت شيماء وهي حاسة بضيم أول مرة اتبعد على دارهم ناضت غسلات وجها وجمعات بيتها وهبطات التحت باش تفطر مع مالين دار 
فطرو مجموعين وماتلاوش ناقشوها على قبل سفر هوما تايقين فيها وتايقين فقراراتها فطرو وكملو جمعات الطبلة وجمعات دار واخا ماماها ماخلاتهاش وطلعات لبيتها جبدات باليزة ديالها وبدات كاترتب فحوايجها حتى جمعات كولشي خلات اشيحاجة قليلة هبطات البليزة ديالها لدار لتحت وطعات تلبس لبسات قميجة زرقة ودجين ديالها وهزات ساكها لي دارت فيه كاع وراقها لا تحتاجهوم وهبطات جات مها من الكوزينة جابا ليها سوبيرة
شيماء:شنو هادشي اماما
ماما:شدي وسكتي هادو شي حليوات من داكشي لي كايعجبك وهادي شي كرواصة وكرص عارفاهوم كايعجبوك مانكدبش عليكم الى درت باع بالبكا بلاما انحس(فكراتني فراسي نهار خليت ماما 4 شهور وسافرت ديما كانبكي)عنقتها وكلسنا كانتباكاو ونتخصصو 
بابا:الله يهديكم راه غير حداك نهار توحشيها نديك عندها وحتى هي راه اتجي مالها اتسكن يالاه ابنتي يالاه راه ايمشي عليك الحال سلمت على خويا وبابا هز لي الباليزة وخرجنا وانا نطلق من ماما ونرجع نعنقها ماتفارقنا غير بزز شد بابا طاكسي وركبنا ومسا بينا للمحطة قطع لي مسكين وكاد لي الباكاج ديالي وعنقني وعطاني براكة فيدي واخا مابغيت غير بزز حتى طمن علي وشاف الكار زاد عاد مشا الكار غادي وهي ماتشير ليه كانت واحد المرا كالسة حداها خدات تيليفون ديالها ودارت ابكيت وخدمات شوية ديال الموسيقى وهي كاتفكر فهاد المدينة لي غادية ليها وأول مرة تحط رجليها فيها شيماء طول عمرها كانت كتمنى انو تمشي لافران وتكون مع راجلها ولكن مامكتابش هاهي غادية ليها وبوحدها خلات كولشي وراها ورمات كولشي وراها الماضي مشا ومات خلصني نصنع شيماء وحدا خرا وندفن راسي بالخدمة فقط ونمحي من راسي ودماغي اي حاجة باش مانمرضش من بعد طول طريق دخلنا لافران سويسرة ديال المغرب كانت اجمل مدينة انشوفها بحال الى داخلة لاوروبا روعة روعة هنا هنا فين انبدا حياة جديدة هادي هي لمدينة فين انستقر ونسى شيماء القديمة ونسا اني عرفت عصام.
"من بعد مرور60يوم"
دق دق
شيماء:تفضل دخلات واحد البنت قصيرة ودايرة فولار وزوينة.شيماء:كلثوم دخلي
كلثوم:ياكما انعطلك وصل وقت الغدا وشفتك مابنتيش كلت نعرض عليك
شيماء:ههه كلسي كلسي انا نسالي هاد الشغل بين ايدي ونخرجو نتغداو(نقدم ليكوم كلثوم من نهار جيت لهنا وبديت الخدمة تعرفت عليها بنت ضريفة بزاف وحتى هي قصتها بحال القصة ديالي غير هي الانسان لي كاتبغي كايبغيها ماشي بحال كلتوم بنت ماقصيراش بزاف قصر مني بشوي وبيصا وحلوفها كحلين وعندها 23سنة وحنينة وكادخال لخاطر دغيا تثاحبنا وكاتعاود لي وحتى انا عاودت ليها كولشي) ساليت خدمتي وهزيت صاكي الخدمة هنا زوينة ومريحة ماشي قبل الاوطيل لي كانخدم عند مولاه ماكبيرش بزاف مولاه راجل فالخمسين من عمرو الله يعمرها دار دايرنا كيف ولادو كانخدمو بكل حب وراحة من نهار جيت هنا وسكنت مع مريم خت سي أحمد وجو بنيات عندها كايحمقو نسرين وملاك فعمرهوم 13-15 ناس الله يعمرها دار دايريني وحدة من العائلة ولكن مابقا والو لي باش نتخلص وغادي نمشي نسكن مع كلثوم حيت عرضاتني نسكن عندها من الاحسن باش مانتقلش على ناس بدر قرب العرس ديالو هو ومليكة وأخر الاخبار لي مالت لي مليكة فتيليفون انو بدر نقل الخدمة ديالو مع عصام لي كاتلي بلي راه شهرين هادي وهو فرنسا ومخلي بدر متولي الاعمال ديالو هنا صافي سيد نساني وحرام واش سول فيا ولكن انا الفرصة مخليتها لمليكة باش تعاود لي دغية بدلت الموضوع واخا دابا مرتاحة ولكن الايام لي دوزت معاه صعيب تمحى هدى دخلات فشهرها ارابع اما اشراق ديما مصدعة لي راسي بتيليفونات واخا تزوجات حرام واش تبدلت الحمدلله صحباتي كولهوم فرحانين
شنو ايبغي الواحد كتر من هكا تغدينا انا وكلثوم وفطريقنا للخدمة
كلثوم-شوفي شكون جاي صبحنا على الله يا ختي وتكول واش هاد خينة كانحملو
شيماء:ديري راسك ماشفاتيهش ويلى بغا يهضر معاك خليه لي انا نسيتي اخر نهار اشنو درت ليه هههه نشوفو واش ايعاود ولا تعلم(كان هدا رشيد واحد دري خدام معانا واحد المبعكك وعاجبو راسو نهار جيت بغا يزعم علي ونا نجمعو وبغا ينقز لكلتوم وانا نوربه خيزو ماحلاه) شاف فينا وخنز وهبط راسو ودخل الخدمة شافت فيا كلتوم وتكرشخنا بضحك
كلثوم:ناري خلعتيه يا صكعة هههه
شيماء:زبدي زيدي وكان لخدمتنا راه تعطلنا رجعنا الخدمة ديالنا وهدا هو روتين اليومي ديالنا.
"فبلاصة وحدا خرى وبضبط فباريس فشقة ماكبيراش بزاف 
عصام:امضرا لقيتو شي حاجة
السيد:لا سي عصام والو قلبنا دنية عليها ماخلات حتى اتر لا نمرة لا والو تبعنا ولديها وناس المقربين ديالها ولكن والو 
عصام:صافي وقف البحت ديالك وانا غتدي نتكلف قطع معاه عصام وخبط ايدو مع الحيط من أخر نهار شاف شيماء فيه ماتلا شافها حتى لنهار لي حصل بدر كايهدر مع مليكة وكايكوليها تسلم على شيماء ومن هضرتو انها سافرات ولكن فين ولين ماعرفش سول سي حمد رفض يعطيه حتى معلومة بناءا على طلب من شيماء حتى من نوار وعمران حاولو يستدرجو هدى واشراق ويسولوهوم ولكن والو شاف حتى عيا وكلف واحد سيد يقلب ليه عليها ولكن والو بلا فايدة فينك اشيماء فينك من بعد هادشي ماقدرش يتحمل خلى بدر يتكلف بالادارة ديال الفنادق وهو جا لهنا مرابانا يبعد ويلقا حل لهادشي ويفكر بشوية عليه ليانو هادشي طول وزاد على الحد ديالو وبزاف لازم يوضع نقط على الحروف ويعرف راسو من رجليه فعلا هاد التجربة علماتو بزاف ديال الحوايج وفيقاتو من عيبو وعلماتو الفضل كولو لشيماء لي حيدات منو داك عصام القديم الاناني لي كان كابغي غير راسو وبيشارة منو كلشي يحضر خاصو يجرب حضو والاو تكون هادي هي أخر مرة المهم يجرب ومايتنازلش.
كلتوم:مرحبا بيك معايا ازينينو وأخيرا غادي تونسيني والحمدلله
شيماء:ههه حتى انا يالاه حسيت براحة واخا مريم كانت بحال وحدة من العائلة ولكن كنت كانحشم منهوم بزاف ومع دلك مسكينة ماسخاتش بيا
كلثوم:وادا ستفي حوايجك ويالاه نتغداو على برا واخا هاد الفرجة مغتديش تكمل عندي
شيماء:وعلاش
كلثوم:نسيتي غدا خاصك تهبطي لمراكش
شيماء:هههه كوني هانية مسألة 3ايام ونرجع ندوز عرس خويا الحبيب ونرجع عندك كوني هانية
كلثوم:بغيت نكوليك شيحاجة وماتقلقيش مني زعما شنو احساسك الى شفتي عصام غير كالت سميتو قلبي تزعزع
شيماء:اول حاجة عصام فرانسا ومحال يحضر ويلى حضر كاع بحال بحال اي واحد عصام صفحة وطويتها ونسيتها وحتى انتي نسايها وانا من الداخل ديالي كانطلب الله يسمح لي على كدوبي لي كانقنع بيه راسي خرجنا انا وكلثوم تغدينا على برا ودوزنا نهارنا فطبيعة واو على مناضر روعة افران ولافة واخا باردة شوية جابلاه جيت ليها حتا داب الثلج رجعنا لدار مهدودين فرشت وطحت بالعيا دار كلثوم كانت كاتحمق بحال ديور ديال النصارة وحميمية ومرتاحة فيها خصوصا مع هاد الهبيلة لي معايا مع العيا وتسخسيخ وتفكير فلي مخبيو لي المستقبل يا ترى عصام ايكون ولا لا ويلى كان شنو ايكون احساسي وشنو ايكون ردت الفعل ديالو ماعرفتوش كيف ولا وفنفس الوقت توحشتو وبزاف نعست على هاد الافكار.صباح جديد وجايب معاه أحدات جديدة نضت بكري طليت على كلثوم لقيتها ناعسة كاتشخر جمع البيت وتوضيت صليت ومشيت للكزينة وجدت الفطور
كلثوم:صباح النور الناس الحادكين علاش مافيقتينيش
شيماء:طليت عليك لقيتك كاتحلمي وشخيرك واصل لاعالي الجبال ههه
كلثوم:ههه الله يمسخك الله على صباح
شحال هادي ماشميت بحال هاد الفطور من ريحتو كايشهي
شيماء:سيري غسلي وجهك ودوزي نفطرو راه تابعاني طريق باش تمشي معايا المحطة مشات كلتوم رجعات فطرنا بجوج جمعت شي حوايج ديالي قلال فساك ومشينا للمحطة قطعت وركبت ماكلتها لحتى واحد خليتها ليهوم مفاجئة مع الكار دخل دخلة ديال مراكش حسيت بقلبي ايخرج من بلاصتو كايضرب بجهد وكولي كانترعد ستغفرت الله ونزلت خديت طاكسي وصلني حدا دار ومع ساﻻوت مزال عندي حليت ودخلت ماما عند بالها يكما بابا لي دخل حطيت ساكي بشوية ومشيت كانتسكل على صباع رجلي هزيت رواق الكوزينة لقبتها ساهية وكاتسايب العشا ماحسات بيا حتا عنقتها من اللور حتى غوتات غير دارت وتلاحت علي تبوس فيا وتعنق
ماما:واسعدي بنتي حبيبتي توحشتك خليتي علي دار خاوية وكاتبكي حتى انا ماشي من المعجزين كلست انا وياها هيك هيك مشينا لصالة جابتلي مسكينة الحلو وبغرير كانت مصايباها عارفني كانحماق عليه شدينة تقرقيب ناب وضحك سمعنا دقان ناضت ماما حلات هاهي اشراق داخلة كي العجاجة خلعاتني تلحت علي تبوس وتعنك
شيماء:واكواك اميميتي طيبتيني شمون كاليك انا جيت
اشراق:واش انتي حمقة راه عندنا المقدمات فالحومة كايطلو من شقاق وكنت عند ماما وصقت الخبار جيت كانجري
شيماء:هبيلة وعمرك ماتبدلي اجي اجي نطلعو لبيتي نهضرو طلعت لبيتي لي كان كيما خليتو مجموع ومطلف وكلسنا نتعاودو على اشراق ونزار
شيماء:امضرا العفريتة كيجاك نزار
اشراق:اخخ اختي الحب زوين والحلال زوين زوين احسن حاجة هي تعيشي الحب مع راجلك حلالك كاندوب انا كاندوب خصوصا نزار كايخليني كاتدوب بين ايديه كي شمعة
شيماء:اتي نوضي دجمعي شفتك ترخيتي ههه دابا واش كاتخربشي لي ليسونتيمون ديالي اجي ديك البطبوطة دهدى كيدايرة
اشراق:هههه هدى تنفخات ونيفها غلاض ولكن جات معاها الحمولية والفشوش على عمران
شيماء:ههه خليه غزات فيه شوية شيماء جمعات ضحكة وسرحات
اشراق:مزالو فرنسا
شيماء:كيفاش علامن كاتهضري
اشراق:على داك لي كاتفكري فيه
شيماء:اشراق سدي هاد الموضوع انا مكانفكر فحتا واحد
اشراق:انتي لي اتسكتي واتسمعيني عيقتي بزاف او تنازلي شوية اه هو غلط ولكن حتى انتي لي سمعتيه ليه ماسمعو حتى واحد وزايدون من نهار مشيتي وهو كايحاول يوصلك حت عي 
شيماء:كاتكولي لي هكا باش قلبي يحن بلاما تعدبي راسك
اشراق:مالفة انتي لي كاتنصحيني هاد المؤة سمعيني الحب كايطرق بيبانا مرة وحدة وصدفة كاتجي مرة وحدة حاولي ماتفكريش سيلبيات ديالو تفكري الاجابيات ديالو حشومة عليك عقلتي نهار مرضتي كيفاش هتم بيك ونهار عيد ميلادي انا لي درت ليك رايبي ونسكافي باش نشطي انا سبب ولكن هو عرف وماكاليك والو باش ماتغوتيش علي براكة اشيماء وشوفي حالتك كي ولات وستغلي الفرصة انا كتليك وانتي تعرفي وقفات اشراق
شيماء:فين غادية
اشراق غادية لداري نزار قرب يجي خاصو يلقاني غدا انسوني عليك نمشيو الحمام بكري باش ندوزو عند الخياط نكريو ونشريو الكادو هاني مشيت مشات اشراق وكلامها كايتعاود فودن شيماء ولكن لا لا انا لي عارفاه كون كان كايبغيني بصح كون عتارف لي هو كايقلب علي غير باش يشد معايا ضد لي كايبغي بصح ماكايهددش ويبقا غير يغوت اشراق غالطة وبزاف عصام مكايبغينيش وانا متأكدة بدلت حوايجي وهبطت عند دار نجمع معاهم ونشبع منهم تعشينا مجموعين وطلعت لبيتي نرتاح وانا راسي غادي يتهرس علي خديت واحد الاسبرين يالاه انعس وسونا تيليفوني كان بدر
بدر:طبيبيزة ديالي على سلامتك توحشتك
شيماء:اح فيك كون توحشتيني كون تفكرتيني
بدر:والله مكانسالي مليكة تكوليك الخدمة علي فوق راسي كيجبل وتوجاد ديال العرس مكانحكش راسي خليها على الله وصافي
شيماء:ناري على مولاي سلطان باش كاتحس فهاد اللحظة ههه
بدر:كاتنزي علي ياك واخا لحسك دابا تجربي وتشوفي اما انا بين الفرحة وتوتر والله
شيماء:امدرا ماماك اتحضر
بدر:ماعرفتش ليها ومكايهمنيش انا لي علي درتو ومشيت عندها وهضرت معاها وهي راسها قاسح لي بغات ديرو ديرو انا يكفي انكم معايا الله يخليكوم لي
شيماء:كون هاني الما كنا معاك معامن انكونو يالاه سير نعس ورتاح وخليني نعس حتى انا راني عيانة
بدر:واخا الالة تهلاي فراسك حتى الغدا ان شاء الله. قطع بدر وانا مع عيا طريق نعست دودة.فقت فصباح بكري جمعت حوايج الحمام وهبطت لتحت فطرت شوية سونات لي اشراق هزيت ساكي وسطولة وخرجنا لقيتها كاتسناني هي وهدى غير شافتني مسكينة تلاحت علي بالبوسان وحنا راه ديما كانهضرو كريشتها بدات ماتكبر وغلاضت وجات غزالة نع الحمولية مشينا الحمام خدينا بلايصنا وبدينا على ضحك وتكركير بحال ايامنا القديمة لي كان الراس خاوي فيه اللعب وضحك أشداني لشي عصام ةلا شي حب كنت مهنيا راسي ومرتاحة حكل هداك لي كال بلا حب بلا وجع قلب شدينا هدى فركناها مزيان وكل وحدة فركات لتانية وحنا شادين تقرقيب ناب وشادين فاشراق مزيان صراحة هاد تحمحيمة جات فوقتها 
شيماء:لبنات ماكلتوش لي كيدازت الحنا ديال مليكة(حيت دازت الحنا فاش ماكنتش انا سبقوها قبل بنهار)
اشراق:دازت غزالة راكي عارفة ماعندهومش العائلة بزاف ولكن دازت غزالة وهبط عليها سر
هدى:لعكوبة ليك اجنية حتى انتي نفرحو بيك واندير فعرسك لي عمرو دار
شيماء:ههه واغير تسناي مزال شوية حيت هدا لي ايديني مزال ماهبط مسكين من سما مازال شادينو بقينا ضاحكين وحتى وحدى فيهم ماجبدات معايا سيرت عصام سالينا وخرجنا لبسنا حوايجنا كل واحدة مشات لدار ودرت مع اشراق نتلقاو من ختا لنص ساعة باش نمشيو ناخدو لكادو ونكريو لي انلبسو
رجعت لدار ستارحت وصليت لبست جلابتي وتسنيت اشراق غير دقات علي خرجنا خدينا تاكسي لقيسارية أول حاجة مشينا خدينا لمليكة الكادو ليكان عبارة على براسلي نقرة وخاتمو من تما مشينا عند الخياط لي مالف كايكري لينا اشراق ختارت تكشيطة فالكرونة وانا ختاريتها فالكحل ودهبي وخديت ليها زيفها فدهبي خرجنا منين تقدينا لي خاصنا رجعنا لدار طلعت نيشان لبيتي نرتاح شوية حيت فاليل مغادي يكون غير سهير دارت معايا هدى اتجي تديني هي وعمران بطوموبيل غفات بيا عيني .
بدر:واش اتجي ولا لا 
عصام:ماعرفتش الى ساليت ممكن نجي الما ساليت مبروك والكادو ايوصلك حتى العندك
بدر:واش انا بغيت الكادو ولا بغيت خويا الكبير يكون واقف جنبي ومعايا فنهار بحال هدا حتى الواليدة محال تجي من غير خالتي حليمة وخالتي تورية واش بغيتو كاملين تخلاو علي فهاد نهار ولا شنو حتى من صديقة لي عندي فهاد دنيا مغاديش تجي.عصام سمع شيماء مغاتجيوتقبط عليه قلبو لهاد درجة ماحملاه ومحاملة تشوفو أكيد خايفة يكون داكشي علاش مجايا بقا فيه ولد عمو وكلامو
عصام:صافي غير ماتبكيش غادي نجي هههه
بدر:هكاك نبغيك لهلا يخطيك علي أخويا قطع مع بدر وهو يشوف فخالتي تورية وتبسم بضحك خطة ديالو يلاقي شيماء وعصام حيت متيقن انها كاتبغيه وحتا هو كايبغيها وانو تبدل من خلال هادشي لي شاف فيه فهاد الايام وشهورة لي دازو.
ماما:شيماء واسربي راه البنت من صباح وهي كاتسنا
هدى:هانتي كاتشوفي اخالتي لي شافها يكول هي العروسة
شيماء:واها هي هابطة مالكوم على قوة نكير يا لطيف تمت شيماء هابطة وهدى طلعاتها نن راسها لرجليها
هدى:ماشاء الله خمسة فعينين العدو ولي مايصلو على نبي (عليه الصلاة والسلام صليو على نبي نتوما) كانت شيماء كيف شي شمس وصت نهار وكيف القمرة وسط ليل تكشيطة طويلة لي لابسة فالكحل ودهبي وزيفها دهبي بزطام طويل كحل منبت بالحجيرات وصباط عالي كحل والمكياج لي دايري برونزي ودهبي والعكر كرونة وريحة لي دايرة كادوخ جات كاتحمق كي الاميرات 
هدى:لا لا أختي اتدي لي الراجل سيري بوحدك 
شيماء:ههه زيدي الحمقة زدتي فيه بغيتي باش تحيدي عليك العين القطيطة كانت هدى حتى هي فكامل انقتها ومع الكريشة كاتحمق طالقة شعرها ولابسة تكشيطة فزرق جات فنا خرجنا مجموعين ركبنا وديمارا بينا عمران كان العرس فقاعة كبيرة فمراكش مابغاوش يديروها فدار مليكة غير وصلنا تلاقينا نع اشراق يالاه خارجة من طوموبيل مع نزار حتى هي كانت على مزيناتها مع دخلة تلقا لينا واحد بلباس تقليدي والحليب وتمر دخلنا كانت القاعة كبيرة وانيقة وغزالة كلشي منضم هو هداك خالتي تورية لي كانت فتكشيطها الباج نور على وجها كيفما ولفتها وخالتي حليمة معاها واقفين كايرحبو بناس غير شافتني وتبسمات مشيت عندها تلاحيت بين ايديها مسكينة كاتعنق فيا وتبوس
خالتي:الله يا بنتي لا برية لا تيليفون اش درت ليك انا مرضت ومسولتي فيا
شيماء:والله اماما تورية مافراسي علاه كون فراسي مغاديش نهضر راه بحالك بحال ماما ماتكوليش هكاك راه غير الخدمة
خالتي:ومشيتي بعدتي علينا ماخليتي بينا لا نمرتك لا والو
شيماء:المكتاب اخالتي ولخدمة لي داتني لهيه خليتها وسلمت على خالتي حليمة حيتاش عارفة الى بقيت مع خالتي تورية ماطلقني حتى نعطيها نمرتي خليتهوم ومشيت كلست مع اشراق وهدى وماما فطبلة اما رجال كلسو فطبلتهوم بوحدهوم بداو ناس كايوصلو واحد بواحد من حباب مليكة وأهلها عمرات القاعة كل وحدا تنسيك فلوخرا فرقو علينا الحلوة والعصير من بعدها بدا الجوق فالغنا بقينا كالسين حتى بداو فأغاني العروسة هاهي مليكة وبدر هابطين من دروج الحمدلله لي قدرني ربي وجمعت شملهوم الحمد لله يا ربي لي عاونتيني وماتخليتيش علي كلنا وقفنا مليكة كانت كاتحمق حيت عمرها دارت المكياج طلعات توتة بالتكشيطة البيضة والفولار وبدر جا غزال كولشي لي تم كايشوف فيهوم كلساتهوم نكافة وانا نوض انا لي ماعرفو حتى شي واحد اني كنت موجدة مفاجئة للعرسان فهاد انهار الكبير مشيت جيهت الجوق خديت الميكرو وهضرت مع دج ديال الجوق وشير لي براسو كولشي كايشوف فيا بدر ومليكة كولشي كايشوف القاعة كامل كايشوفو شنو اندير اشراق كاتكةل ليا شنو اديري بعينيها هدى عارفاني وهو يبدا دج خدام بدات الاغنية بزغاريت ونكافات كايردةظو ويصليو على انبي "عاد بيديت انا كانغني (لالة خليوها تبان لالة خليوها تبان راها لبست القفطان وتمانو غالي لالة خليوها تبان لالة خليوها تبان راها لبسات القفطان وتمانو غالي وهاد زين شكون داه الحبيب الغالي بديت كانتمشى جيهت العرسان وبدر وكايشوف في وكايضحك اما البنات ناضو كايشطحو وحتى هدى واخا حاملة وناس كايصليو على النبي (يالبنات ديرو دورة يالبنات ديرو دورة راها جايا بالكندورة جايا وتشالي وهاد زين شكون داه الحبيب الغالي وكانشير جيهت بدر وانا فرحانة ماقداتني فرحة)(كيجات عليك تكشيطة كيجات عليك التكشيطة نغني بطبل والغيطة ونبرد عدياني وهاد الزين شكون داه الخبيب الغالي) اما القاعة كولها نايضة كاتشطح وفرحانة حتى من خالتي تورية كولشي فرحان وناشط وانا كتر منهم لي حتى كايبان لي شخص لي هادي شهورة وانا كانتجنبو ومكنتش باغياه كاع يكون ولا نشوفو انا مصدومة وهو كتر كانت حداها مت بدر عقلت عليها من أخر لقاء او واحد لبنت هازة تكشيطة بيد وليد تانية شادا فيها شافتو اشراق وشافت فيا وجات عندي جراتني نشطحو من بعد ما رجعت الميكرو لكروب اشراق فودني"شيماء ديري راسك ماشفتيش وتصرفي كيف قبل"رديت عليها"هادا هو لي كالتي كايقلب علي ياك هيئ قررت نتصرف بحال الى مكاينش كاع نيهائيا بالغدايد بديت كانشطح ونلوي ونهز فيدي ومامسوقاش ليه واش كاين ولا لا.عند عصام من بعد ما قطع معاه بدر كان يلاه جا من سفر وكان مقرر يجي ويديرها ليه مفاجئة مشا عند دار عمو هو الاول يهضر مع مرت عمو ويقنعها لقاها حالتها بالبكا حيت بدر هو الولد الوحيد عندها واخا كانت طماعة وبلا قياس ولكن كاتبقى ام وكاتبغي ولدها من بعد شحال ديال طليب ونقا ليها الودن وافقات تجي فطريقهوم للعرس سونا عليه بنت خالتو ليكانت حتى هي يالاه جات من بلجيكا خلات وليداتها مع المربية ومع راجلها مكاينش طلبات عصام يوصلها فطريقو هادشي لي فسراتو شيماء بالغلط من بعد ماوصلو للعرس وكان الجوق كايسمع عصام سمع صوت لي عمرو يتنسى ليه صوتها هدا هو صوتها من الداخل ديالو فرح وماقداتو فرحة مع دخلة وقف مشلول من المنضر ديالها كانت كيف القمرة غزالة ولكن شوفات لي شافت فيا دبحوني بزاف واخا بعدنا كرها لي مابغاش يتمحى نرجعو العرس.من بعد ما نوضات نكافة مليكة وبدر باش تلبس مليكة لبسة تانية انا مجمعة مع اشراق وهدى وعصام مقابل معايل من طبلة ديال نزار وعمران كانحاول ما امكن ماتجيش عيني فعينو لي لاحضت فيه هو شعرو لي تبدل وطوال نفس انظرات نفس تصرفات هنا عرفت بي أني عمري نسيتو بالعكس كانبغيه كتر من الاول ولكن هو شنو دار أول فرصة تعرف على وحدة وجايبها بلا حشمة بلا حيا للعرس.عند مليكة وبدر من بعد مالبسات البسة تانية وبدر كايتساها خرجات لقات بدر كايتسنا شوية كايشوف جيهت الدروج كانت مو طالعة وقف كايشوف فيها
ام بدر:من نيتك كنتي ادير العرس بلا مك ياك
بدر:انا لي علي درتو انتي وقفتي ضدي انتي لي كان خاصك تكوني جنبي بحال هاد الوقت لي ماعندي حد من بعد با الله يرحمو انتي لي بقيتي لي ولكن عمرك مافهمتيني 
ام بدر:اي واحد كايغلط والله غفور رحيم الله كايغفر عساك العبد مانكرش كنت طماعة وبغيت ليك شي وحدة تكون من عايلة كبيرة ولكن كانبقى مك لي رباتك وهزاتك 9شهور فكرشها كان خاصك دير جهدك وتحاول كتر ولكن لي فات مات اولدي وسمحلي للى قلقتك ماعرفت شحال باقي لي فدنيا شدها بدر وعنقها 
بدر:ماتكوليش هكاك الله يطوليك فالعمر يا ربي ومايحرمنيش منك ومجيتك عندي بدنيا ومافيها شافت فمليكة لي عينيها غرغرو ومكان هامها لا مكياج لا وال جات عندها وعنقاتها وباستها بجبهتها وركبات ليها واحد الخاتم كان ديالها خداه ليها راجلها الله يرحمو مليكة كانت فرحتها بدنية اخيرا بدر ومو تصالحو ورضات علينا الحمدلله هبطاتهوم نكافة ومعاهوم مو انا غير بداو هابطين ومو معاهمو وكاضرب الرش فرحت وعرفت انو تصالحو الحمدلله ربي حنين بدا الجوق بالغنا ودخلات مت بدر كاتشطح جات عندها ديك خيتي لي دخلات مع عصام وبداو بشطيح هاك بالاك كان الجو عائلي رائع كاتحس براسك بحال الى اديتي شي رسالة وحيتي واحد الجمل من هلى كتافك لي علي درتو مهمتي سالات مدام كول واحد شفتو فرحان وفدارو ومع حبيبو هداك هو ربح نزلات من عيني دمعة (انا دابا كانكتب ونبكي حسيت براسي بحال الى هي بكيتيني اشيماء) وعصام مقابلها وحاضيها وحاس بيها عمرو مكان كايضن ايلقا شي بنت بحال شيماء جوهرة غالية وخصو يدير لي عليه ويصارحا ضروري تاخد القرار فأخر العرس ايهضر معاها ولي بغا يوقع يوقع داز العرس بلبيسات مليكة لي كانو روعة وحات اللحظة الأخيرة لي ايمشيو فيها لبسات مليكة طسوة بيضة طويلة وبداو فتقطاع الحلوة شوية بدر خدا الميكرو كلشي كايتسناه شنو ايكول
بدر:أول حاجة كانشكر كولشي لي كاين هنا لي شرفوني وفرحو معايا فهاد نهار الكبير هدا كانشكر عائلتي او والدين مراتي لي كانبغيها وكانموت عليها كانشكر المرا لي ولداتني مي الحبيبة الله يخليك لي وكنشكر خويا الكبير لي فعلا بمتابت خويا واخا يطرا لي يطرا اتبقا فبلاصتك عندي كانشكر خالتي لي وقفات جمبي هادشي كولو لي شكرتو وهاد اناس لي هنا وهاد العرس وهاد الزواج كولو كانشكر واحد الانسان لي بلا بيه مانكونش انا هنا لي بلا بيه ماندير والو ربي رزقني بأحن وأجمل وأعظم أخت وصديقة فهاد ادني انا كانسمع هادشي ودموعي هابطين.لي فهاد الزمان ديالنا صعيب تلقا انسانة بحالخا لي كاتعرف معنى الصداقة وتضحية والاخوة بغيتك تقربي حدايا اشيماء قربت حداه وانا كانبكي حيت تأترت بكلامو شدني وعنقني وباس لي راسي بدوري عنقت مليكة وباركت ليهوم خدات مليكة واحد البواطة حداها وعطاتها لبدر حلها وجبد سنسلة منها غزالة ولبسها لي وكولشي كايصفق كانت سنسلة عبارة على جوج ايدين مجموعين ومنحوت فيها سميت الصداقة ومنبة بالحجيرات كانت فرحتي قداش ناتوصفش قدما عبرت مايتوصفش احساسي ودعونا العرسان وبداو الناس كايمشيو درت نشوف عصام لقيتو كايهضر مع ديك خيتي بقا فيا الحال بزاف كنت متأملة انو ايجي ويهضر معايا ولكن يا خسارة هزيت بزطامي وهبطت مع دروج دغية تخشيت فطوموبيلت هدى وماما حدايا تفاديت نسلم على خالتي خفتها تشدني بالهدرة ومطلقني حتى نوريها فين كالسة وداكشي لي مابغيت عمران وركب وديمارا حيت كانت هدى عيانة وصلنا انا وماما طلعت لبيتي وماما مشات لبيتها تنعس بدلت حوايجي وغسلت وجهي حيدت سنسلة ودرتها فكرطونتها وجمعت حوايجي فساك باش غدا نرجع فحالي لافران تجبدت فبلاصتي وانا كانفكر صافي عصام بدا حيات جديدة ماخصنيش نبقى نفكر فيه خاصني نديها فحالتي وفخدمتي وحتى انا نشوف لحياتي هنا تأكدت بي أنا كولشي مشا فطريقو وحتى حاجة ماغاديش ترجع كيف كانت هادي قصة وطويناها وتحرقو الاوراق ديالها طفيت ضو ومع العيا نعست.عند عصام من بعد ما سلا العرس وعيطات ليه بنت خالتو باش يوصلها طلب منها 5دقايق ويرجع خرج كايقلب على شيماء باش يهضر معاها غبر بيها الاتر بالمرة مالقاهاش بقا كايزبل اش هاد الزهر عندي اوف اوف ولكن هاد المرة مغاديش نبقا كانتفرج قرر غدا ايحيد معلومات من نزار كيفما بغا يكون ايعرف نمرتها وفيناهيا ويلى طر الامر يمشي حتى لدارهوم ماتلاش كايهمشو صافي عيا ياربحة يا دبحة.صبح صباح على غير عادة ضبابة والجو ماشي هو هداك بحال الجو بحال مولاتو ناضت شيماء مدكدكة ومغمومة حيت اترجع ناضت توضات وصلات جمعات البيت وحوايجها لبسات عليها مزيان وهبطات ساكها لتحت فطرات معاهوم ماما كان من وجها طايح عليها ضيم مسكينة ولكن شنو اندير خاصني مانضعفش عطاتني مسكينة شي شهيوات وجداتهم تسيفط معاهوم وهاد المرة مشيت بوحدي خليت بابا بلما نعدبو خليت ماما الحبيبة كاتبكي ماصبرتها غير بزز او واعدتها هاد المرة تنا لي انسيفطليها تجي لعندي قطعت وخديت بلاصتي لي كي ديما كاتكون حدا شرجم كانحط راسي على الزاج وكانبقا انشوف فالمناظر لي قدامي بقيت كانشوف حتى غفيت وداتني عيني.
عصام:نزار بلاما تحمقني وتعصبني اصلا لي فيا كافيني كولي نمرت شيماء ولا والله حتى ندير ليك شوهة هنا
نزار:اشراق وصاتني نمرت شيماء مانعطيها لحتا واحد وبالاحرا ليك انت وزايدون لاش بغيتيها
عصام:هداك شغلي انا لي كانت بيناتنا العشرة ومانسيتي لي دوزنا عطيها لي الله يخليك
نزار:انمرة ماعندها باش تفيدك اصلا شيماء رجعات لخدمتها غير هاد اصباح يعني مشات فحالها عصام تبلوكا ومعصب ومصدوم كيفاش مشات كيفاش قبل مانهضرو ونكوليها لي عندي مشا شنق على نزار مايقاش هامو واش صاحبو ولا لا
عصام:اتعطيني نمرتها وفين كاينة دابا ولا والله العظيم لي خلقني...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.