عصام:اتعطيني نمرتها وفين كاينة دابا ولا والله العظيم لي خلقني وخلقك انرتاكب فيك شي جريمة هنا انا كانكوليك نوار شاف فعصام وتأكد من هاد تصرف لي كايدير حبو لكبير لشيماء جيد ليه ايديه
نزار:شيماء كاينة فإفران خدامة فأوطيل العمران هادشي لي نقدر نكوليك اما نمرتها ماعنديش شفت فيها وضربت ليه على كتافو
عصام:شكرا بزاف وسمحلي الى تعصبت عليك انا مشيت وشكرا مرة وخرا خرج عصام ركب طوموبيلتو وزاد عيط على سيكريتير ديالو باش تلغي ليه اي مواعيد عندو حيت مسافر مشا نيشان لدارو جمع شي حوايج قلال دارهوم فطوموبيل ومكال والو لمو ركب فطوموبيلتو وزاد.
كلتوم:زين كولي لي كيداز العرس وشكرا بعدا مانسيتينيش وجبتي لي حقي
كلثوم:اجي حكا فكرتيني كان كان عصام تماك جمعات شيماء الضحكة وحدرات راسها
شيماء:اه كان عاودات شيماء كولشي لكلتوم بقات غير كاتشوف
كلثوم:يقدر اصاحبتي تكوني انتي فهمتي الموضوع غلط ومكاين والو بيناتهم وتسرعتي العين راه خداعة
شيماء:لا واخا تكولي لي لي كلتي انا كانعرف عصام مزيان عمرو مايتبدل وماتليتش حاملة سيرتو الله يرضي عليك بدلي هاد الموضوع ويالاه انخرجو ناكلو شيحاجة فيا جوع كلثوم سكتات ونضنا لبسنا علينا وخرجنا لواحد سناك علة واحد الجردة كلينا حتى شبعنا ورجعنا من حدا واحد الطريق كلها شجر رجعنا لدار تخشينا حدا بعضياتنا كانتفرجو حتى طاب نعاسنا وكل ةحدة مشات لبيتها تنعس.عصام وصل فوقت معطل لافران مشا نيشان لاوطيل العمران نزل فيه وخدا شومبر طلعو ليه سويك ديالو غير دخل طلب عسا خفيف تعشا وبدل دخل دوش وخرج لبس عليه وتكا فبلاصتو غدا ان شاء انفركع هاد الرمانة صافي بزاف علي عييت ومليت حتى الايمتى غادي نبقا انا هكا مالي على حالتي انخرج لي فقلبي ولي بغا يوقع يوقع هاد القرار لي تاخد فرحو الى قبلات بيه شيماء يكون فحياتو ايكون أسعد واحد فهاد الدنيا ويلا رفضاتو غادي يخوي المغرب في مرة ويحول خدمتو لبرا ويبقا تما في مرا نعس على هاد القرار وهو كايدعي الله واملو فيه كبير.
كلثوم:وا ديك النعاسة وافيقي اصاحبتي
شيماء:وا غير شويش عفاك غير شوية
كلثوم:وا نوضي انتعطلو على الخدمة اصاحبتي نوضي نضت على سعدي او وعدي وانا عاكزة هاد النهار على الخدمة غسلت وجهي وتوضيت صليت لقيت كلثوم وجدات الفطور فطرنا مجموعين صبحات اليوم شميشة لبست صايا فالبيض وفيست دجين وهزيت ساكي وخرجنا بجوج مسات هي لخدمتها وانا لخدمتي دوزت داك الصباح كيف ديما الضحك واللعب مع الموضفين ساليت خدمتي بكري وكلت نرجع لدار دغية باش نوجد انا نوبتي الغدا لي ولكلثوم جيت عندها حليت عليها البيرو
شيماء:ساليتي ولا مزال
كلثوم:لا مزال شفتك انتي هنا هي ساليتي دغية
شيماء:اه وكلت نمشي لدار بكري هي كايبان لي انا لي انسبقك
ماما:ياك مرتاحة ابنتي ماخصك والو (الله يسمح لينا من الوالدين)
شيماء:لا اماما خاصني انشوف وجهك الحنين شوية سمعت سونيت ديال الباب هادي تاني نسات سوارت .ماما واقيلة كلتوم كاتدق حتى لمن بعد ونسوني ليك تاني وسلمي على بابا وخ تي وتهلاي فراسك مواااح عليك قطعت مع ماما ومشيت حليت ساقتا ديال الباب وخليتو محلول ودخلت
شيماء:ماشي مرة ماشي جوج كانكوليك بقاي دي معاك سوارت ويلى مكنتش انا فدار والله حتى تبقاي لحسك فالبرد كاتكردي كلتوم ساكتة ومكاتجاوبنيش درت شفت فيها لقيتها واقفة ومبلوكية فيا وكاتشوف فيا وحادرا راسها
شيماء:ايويلي مالك اهاد البنت شنو بيك خليتك صحة سلام
كلثوم:شيماء عارفاك اتغوتي علي ولكن والله حتى عزيزة علي وكنبغي ليك الخير وبغيتك تكوني فرحانة والله مابقصدي
شيماء:كيفاش مافهمتش شنو كاتخربقي وشنو درتي مافهمت والو بقات ساكتا حتى كانشوف الخيال داخل حدرت راسي من رجلين الشخص وانا مطلعاه حتى لراسو مكندبش الى كلت كونماشي الكرسي لي ورايا شديت فيه كنت انطيح مكنتش متوقعاه أخر شخص كنت كانتاضر يكون هنا قدامي هو عصام اه اه هو قدامي بشحمو ولحمو.
عصام من بعد ما فاق الصباح ولبس حوايجو وهبط للمطعم التحت يفطر وهو كايتسنا بفارغ صبر يشوف شيماء كشا سول عليها وحتا واحد مابغا يعطيه معلونات عليها حيت ضد قوانين الاوطيل حتى داز البركاك ديال رشيد وعرفو كايسول هليها فرح عند بالو دايرا شي زبلة وكايقلبو عليها عطاه البلاصة فين خدامة ونعت ليه الما لقاها كاينا صاحبتها كلثوم عصام من بعدما شكرو مشا للبيرو فين خدامة دق حتى واحد مجاوبو دخل لقا البيرو ديالها خاوي خرج وسدو ومشا سول على البيرو ديال الانسة كلثوم نعتوه ليه ومشا ليه نيشان دق
كلثوم:تفضل حل الباب بقات كاتشوف فيه
كلتوم:وي سيدي شنو حب الخاطر
عصام:سمحلي نقدم ليك راسي انا عصام عصام الوالي كلثوم غير انطق بسيمتو عرفاتو شكون ولكن مابيناتش ليه
كلثوم:وي سيدي شنو حب الخاطر تفضل بعدا كلس تشرب شيحاجة
عصام:لا شكرا زربان شوية
كلثوم:وي فاش يمكلي نعاونك
عصام:المهم انا كنقلب على واحد البنت هنا وجيت ومالقيتهاش ونعتو لي عليك انتي وكالو لي كاتعرفيها
كلثوم:ممكن نعرف شكون هاد البنت
عصام:سميتها شيماء
كلثوم:سمحلي ولكن الاوطيل عامر بشيمات كيفاش انعرفها
عصام:شيماء الجندي ومامنهاش جوج وا تكون باينة حيت ماشي بحال غيرها
كلثوم:مم وممكن نعرف شنو بغيتيها
عصام:الامر شخصي
كلثوم:سمحلي حنا مكانعطيوش أسرار الوضفين ديالنا وزيدون مكانعرفش شي بنت بهاد سمية سمحلي مانقدش نعاونك او وقفات عصام خلال الخبرة ديالو كايعبق بلي كايكدب ولي صادق وهاد البنت كتكدب وباين فعينيها
عصام:انا عارف وصاتك باش ماتطوليش لي بلاصتها ولكن المسألة مسألة حياة او موت مسألة مصير الله يخليك عطيني فرصة وحدة انتي امل ديالي الاخير باش نعرف فيناهيا
كلثوم:وانا شنو عرفني تكون جايب شي مصيبة معاك تاني وتبكيها ولا تقلقها
عصام:من هضرتك باينة عاودات ليك كانواعدك هادشي لي بغيت نكوليها كايخضني انا وياها وتقدر تغير ماصيرنا بجوج الله يخليك خاصني نعرف بلاصتها الله يخليك مسألة مصيرية بقا كايشوف فيها بترجي
شيماء:عصام لي كان راه هضرنا فيه شحال هادي وكنضن حتى حاجة مكاينة بيناتنا باش انهضرو فيها
عصام:لا كاين وبزاف خاصنا نهضرو علي انا وانتي
شيماء:مكايناش شيحاجة أسميتها انا وانتي عفاك الله يخليك كول لي بغيتي تكول ومن الاحسن تمشي من هنا.قرب لي ودورني عندو
عصام:شوفي فبا اشيماء وشوفي فعيني واش مكايبان ليك والو واش مكايبانش ليك شحال كنتعدب بسبابك ولا لا انا تزنزلت بقيت غير مصدومة من الكلام لي كنسمع منو واش هادي شي خطة جديدة
شيماء:كيفاش جيني نيشان وهضر بوضوح عفاك
عصام:انا عارف راسي درت بزاف ديال الاغلاط فحياتي وعارف انو أديتك بزاف وهنتك ودليتك وماخليت مادرت ولكن كان بدافع حوبي لعائلتي اه عندك الصح مكانش خاصني نحكم قبل مانعرف وعارف انو ناس ماشي بحال بحال اه كنت اناني وباغي راسي ولي بغيتها نوصل ليها عدبتك وأي واحد فبلاصتك يمكن ليه يدير كتر من هكا ومايفتحش لي باب دارو ولكن انتي اشيماء غير انتي جوهرة وألماسة غالية نعم الاخلاق والمعاملة كولشي فيك زوين علمتيني بزاف ديال الحوايج فحياتي خرجتيني من القوقعة لي كنت فيها من واحد العالم ديال المظاهر لعالم تاني عالم صفاء وعالم البراءة معاك عرفت معنا الحياة معاك ضحكت ولعبت ودرت شي حوايج لي عمري كنت متوقع نديرهوم رجعتيني لايام طفولتي قربتيني مع هلي وكنتي سبب لعائلتي باش تكون فرحانة معاك تعلمت اني نضحك ونفرح معاك رجعات لي ضحكتي مع الموضفين ومع ناس كامل تعلمت منك بزاف تعلمت منك مانتيقش بالمظاهر لي قدامي ونعاشر الانسان عاد نحكم عليه علمتيني معنى العائلة ومعنى صداقة الحقيقية ومعنى التضحية وتسامح رضيتي في الروح معاك عاد حييت وحسيت براسي عندي وجود على وديتو نعيش مع الكلمة الاخيرة شفت فيه
عصام:اليوم جيت قدامك وانا كانطلب منك المسامحة سمحيلي على أي حاجة درتها معاك واي دمعة كنت سبب فيها سمحيلي على أي كلمة كلتها بقصد ولا بدون قصد عارف صعيب تسمحلي ولكن عفاك عطيني فرصة وحدة نعبر ليك بيها على باش كانحس من جيهتك ضرت شافت فيه ومخرجة عيني
شيماء:كي كيفاش شنو كاتقصد
عصام شاف فيا وتنهد
عصام:كيف كاتسمعي ههه ماعرفتش واش اتيقيني ولكن انتي لاصقة هنا وأشر لراسو وساكنة هنا أشر لقلبو ماعرفتش ايمتا ولا كيفاش ولا علاش ولا ايمتا بدا هلدشي هاد الاحساس لي كنت خازنو من شحال هادي وكاتمو حيت كنت عارف ايكون من طرف واحد كلت نكتفي بصداقة ديالك حتى الاخر نهار وأخر عشا لينا لي كنت انكوليك كولشي فيه وطرا لي طرا وليتي محور حياتي كولو فينما مشيت نلقا صورتك قدامي كانحاول نتجاهل هاد الاحساس ونساه ونوهم راسي انو مجرد وهم ولكن ماقديتش زدت تأكدت نهار بعدتي على حياتي هنا عرفت اني مانقدرش نتحمل ويلى مكنتيش فحياتي فدنيا معندها لا طعم ولا لون بنسبا لي ضورني قدامو وهو كايشوف فيا وشد لي فوجهي
عصام:عمر شي انسانة ختارقات قلبي ودوبات الجليد لي فيه غيرك أشيماء حتليتي قلبي وتفكيري وعقلي قتاحمتي حياتي من بعد ما كنت هاني ولا عقلي مربج وليت غير ساهي وكانفكر مابغيتش مركز فحتى حاجة لا خدمة لا والو تفكيري كولو عندك شوفي فيا عفاك شوفي فعيني واش مكايبان ليك والو حطي ايدك على قلبي وسمعيه كل دقة وكل نبضة كاتهمس بالحب ديالك شفت فيه وانا مصدومة
عصام:ماتصدميش اه انا كنبغيك من كل قلبي بغيت ضحكتك وعفوية ديالك وصراحتك وقلبك الحنين وتضحية ديالك عمري مابغيت شي بنت قد مابغيتك كنبغيك بكل ماكتحنل هاد الكلمة من معنى عارف صعيب تصدقي ولكن هادشي لي كاين هادشي باش كانحس عمري نسيتك ولا عمري حيدتك من بالي كنت داير قرار عمرك تعرفي بمشاعر ديالي ولكن صافي عييت وصبري تقادا ماتليتش قادر نبقى بعيد عليك ةلو دقيقة وحدة بغيتك تكوني فجنبي نصبح على وجهك نشوف بتيسامتك نشبع من حناتك والعطف ديالك والمحبة ديالك انا مطالبش انك تبغيني من دقة والحين ولكن غير حاولي انا ماشي خايب وعلى قبلك انبدل اي عادة ماعجباكش فيا ههه عارف راسي هضرت بزاف وانا لي مافياش العضرة ولكن منين كانكون جنبك كانبغي غير نبقى نهضر اتا كاع لي كاين ولي كانحس بيه صارحتك بيه بغيت نرجع لمراكش وانتي معايا ونبداو صفحة جديدة وتعطيني فرصة تانية الكرة دابا بين ايديك انا كانمد ليك ايدي الى كاتكني لي غير شوية ديال المشاعر عطيني فرصة ونبداو من جديد ويلى رفضتي كوني أكيدة انخرج من هاد الباب ومن حياتك وعمرك مغادي تشوفي وجهي وانخليك تعيشي فسلام بعد علي وانا كانشوف فيه سالت دمعة من عيني ومسحتها دغية كانشوف فيه وهو ماد لي ايديه واخيرا وأخيرا عتارف شيحاجة لداخل ديالي متقبلة وشيحاجة مخوفاني شيرت ليه براسي زعمة مانقدش تشجعت وتنهدت وهضرت.
شيماء:ما نانقدش نرجع معاك كانت المجية ديالك لهنا أكبر غلط بالنسبة لمسامحة وصلح ديالنا انا موافقة حيت حتى انا غلطت وبدوري كانطلب منك المسامحة الى اديتك فشيحاجة وتبسمت ليه.ولكن بالنسبة للحب مانقدرش سمحلي اعصام مانقدرش اصلا مغاديش نتفاهمو انت تفكير وحدو وديما مخاصمين ومدابزين
عصام:عفاك ماتصرعيش فتيخاد القرار فكري ولاو غير شوية وعطي لراسك ولي فرصة ومغاديش تندمي غير حاولي
وعطي لينا فرصة بجوج نبداو صفحة جديدة
شيماء:عصام عفاك هاد الموضوع سالى بالنسبة لي انا كانعتز بالصداقة ديالك بالنسبة لي ولكن الحب لا من الأجسن كل واحد يمشي فطريق شاف فيها وطول فيها شوفة
عصام:انتي متأكدة من قرارك
شيماء:أه متأكدة من قراري من الاحسن تنساني انا كنعتز اني عرفت انسان بحالك وخدمت مع انسان بحالك
شيماء:ومغاديش تسمع مني الهضرة لي بغيتي انت انت كاتبغي تسمع غير لي بغيتي ويكون غير لي بغيتي عمرك سمعتي لي ولا كلتي نعرف رأي الشخص تاني ولا شنو باغي تاني ديما انت انت عصام الوالي لي بغاها خاصها تكون كايهمك غير راسك بوحديتو مكايهمك حتى واحد اخور غير راسك
عصام:هادشي لي كاتشوفي في وكاضني في هيئ خسارة اشيماء كنت مانظن كاتعرفيني كتر من هكا ولكن كنت غالط كانظن المجية ديالي لهنا كانت غالطة كيف كلتي
شيماء:داكشي لي كتليك كانت أكبر غلط
عصام:حتى دابا ماوقع والو ديري راسك ماجيتشوماكتليك والو وعمرك شفتيني وكوني أكيدة عمرك ماغادي تشوفيني ولا تسمعي بسميتي منين انخرج من هاد الباب انخرج بالمرة تهلاي فراسك أشيماء وكنتمنى ليك السعادة فحياتك وتلقاي لي يستحقك
شيماء:شكرا حتى انت كنتمنى ليك كل السعادة طةل فيها شوفة ومشا حتى نص طريق وضار رجع كايشوف فوجها خداها فحوضنو وعنقها بكل قوتو حط جبهتو على جبهتها ونيفو على نيفها وخدا فمها بين فمو فبوسة بوسة الوداع تجمعو جوج ديال شفاه فقبلة عميقة وطويلة وحنينة بوسة كتحكي كاع لي بقلب عصام لشيماء وحتى هي لي تجاوبات معاه وخلات راسها بين ايديه وحضنات شفاه ديالو معا شفاه ديالها بعد عليها وشاف فيها وباس ليها راسها وبعد عليها ومشا جيهت الباب حلو ورجع مايشوف فيها بقا شحال وخرج وسد الباب سدة لي زعزعات شيماء من بلاصتها كانت واقفة وهلطات طاحت على رجليها كاتبكي بكل حرقة وكاتهجهج سمعاتها كلثوم وخرجات كاتجري من البيت هزاتها وكلساتها فوق اسداري
شيماء:ماعرفتش ماعرفتش كيفاش تصرف هكاك وعلاش درت هكاك خفت من المشاعر ديالي خفت لانكون عايشة حلم وانفيق منو خفت لايكون كايكدب علي وبغا ينتاقم مني خفت نتفارقو خايفا من المستقبل وشنو مخبي لي انا جبانة انا انا ضعيفة وخوافة كنت كانسحاب راسي قوية صدقت غير غير اكلثوم صافي كلشي مشا وسالا وضاع
كلثوم:ماضاع والو بيمكانك تبعيه وتعتارفي ليه واش عاجبك الحال انتي كاتعدبي بحال هكا حتى ليمتا وانتي نهار على تاني كادبالي
شيماء:لا لا اكلثوم صافي مزيان لينا هكا خليه يشوف حياتو وانشوف حياتي انا سبب وسمعتو شي حاجة مكانشخاص نكولها وموحال يسمحلي عليها شفت فيها وترميت بين ايديها عنقتها وانا كانبكي وهي كاتمسح على راسي
شيماء:لا عفاك بغيت نكون بوحدي انا شوية وغادي نرجع خرجت وخديت واحد طريق طويلة درت ايدي فجيبي ديك ساع تبدل الجو الضبابة والبرد ماهمنيش بقيت غادية وسط ديك طريق وكانفكر فحياتي لي كي كانت وكي ولات شيماء ليمكان كايهمها حتا واحد وسادة عليها الضحكة مكاتفرقهاش هاهي ليوم بحال شي ورقة دابلة ديال شي شجرة علاش يا ربي انا بضبط كايطرا لي هكا واش نامنحقيش نفرح ولا زهر معاندني حتى فهادي مشيت قدام واحد البحيرة او وقفت اخخ بانو لي جوج ديال طويرات كايدابزو بالمنقار ديالهوم شوية واحد رما جناحو على تاني وكايطبطب عليه تبسمت ةضحكت حتى من طيور مرة مدابزين مرة فرحانين بحالي انا وعصام ولكن هوما عمرهوم ايتفارقو ماشي بحالي انا بي ضيعت كلشي بقيت كانتفكر كلام عصام وتصريحو لي ولكن شيحاجة منعاتني نعتارف ليه شيحاجة وقفات ضدي وماقديتش نكول اه ونوافق ياريت حاربت خوفي ياريت لوكان شفت فعينيه او وافقت يا ريت ولكن دابا كولشي مشا وسالا هادي نهايتي معاه نهايتي مع عصام.
عند عصام من بعد مارجع من عند شيماء وهو محطم وقلبو مزير ماكانش كايضن ايرجع ايديه خاويين كان فرحان وعندو ولو بصيص أمل صغير ليه ولكن بكل سهولة رفضاتني ورفضات حوبي ليها وكالت فيا شيحاجة لي تبدلات منين حبها ختارق قلبي بكل سهولة صداتني ورفضاتني ماعطاتني حتى فرصة علاش علاش اخخ اخخخ اخخخخخخخ غوت بجهد وضرب طوموبيلتو بيديه وصل للاوطيل طلع نيشان بزربة لشومبر دخل مشا هز ساكو وجمع حوايجو وخرج هبط للاستقبال سلمهوم الساروت وخلصهوم وخرج حط ساكو فطوموبيل وركب وديمارا وزاد وخلا قلبو هنا فافران افران لبضة لي ليوم رجعات حمرا ملونة بدم قلب عصام وشيماء المحطمين.عصام سايك خدا تيليفون ديالو ركب رقم وبدا كايهضر
عصام:الو وي بدر شوف بغيتك توجد لي وراق الملكية وبغيتك عفاك تقطع لي فطيارة ديال بعد غدا ديال فرنسا واخا
بدر:ولكن عصام مافهمتش
عصام:بدر دير لي كتليك عفاك بغيت الوراق نجي نلقاهوم يالاه بسلامة قطع ولاح تيليفون وهو سايك وكايدوز ايديه على شعرو وغادي بواحد سرعة قصوى معايقش براسو وماماشيش فالبلاصة لي خاصو يمشي فيه حتى كاتبان ليه طوموبيل جايا فنفس تجاه ديالو بزربة بغا يرجع لبلاصتو طوموبيل وحدا خرا فنفس الاتجاه خرج على المسار ديالو ودخل فشجرة وقفو جميع طوموبيلات بزربة لناحية ديالو خايفين جا واحد راجل فتح طوموبيل قاس عصام جابلاه كان داير حزام مجروح فجبهتو وفيدو
الراجل:ياكما موعت بزاف واش كاتسمعني
عصام:ماطرا والو انا بيخير بيخير خرجوه بشوية من طوموبيل جابلاه مامتضررش بزاف ركبو واحد الراجل فطوموبيلتو وصلو لواحد صبيتار جا فواحد دوار تما عالجو ليه ايدو وجبهتو مكانتش شيحاجة خايبة ركيو نفس سيد حتا لمراكش داه نيشان لوطيل شكرو عصام وهبط غير دخل بقاو كايشوفو فيه طلع نيشان للبيرو فتح لقا بدر كالس غير شافو بدر ناض
بدر:عصام ياك لباس مالك شنو طرا
عصام:والو والو غير درت كسيدة فطريق ولكن ماتهاف والو كلشي بيخير الحمدلله غير هو صيفط شيواحد لي هز الطوموبيل من طريق السيار
بدر:ياك كاتحس براسك مزيان مافيك حتى حاجة كراف
عصام:لا اصاحبي كون هاني مافي والو المهم وجدتي لي الوراق
بدر:اه وجدتهوم ولكن شنو بغيتي دير
عصام:غير عطيهوم لي من بعد وغادي نفهمك عطاه بدر الوراق راجعهوم وطالع عليهوم وسنا
عصام:سني هنا
بدر:وعلاش غادي نسني
عصام:بدر عفاك لي فيا كافيني سني هنا وبراكة من الهضرة بقا بدر كايشوف خدا منو ستيلو وسنا
عصام:هاد الوراق اتخليك انت لي مكلف بالخدمة لي هنا كولها انا عارفك قدها وتفوتها لهيه
بدر:مافهمت والو الى انا لي انتكلف بهنا انت فين اتمشي ؟؟
عصام:انا انمشي لفرنسا ابدر بعد غدا انمشي من هنا وغادي نتكلف بالفروع ديالنا لهيه
بدر:ولكن كيفاش وعلاش وشنو واقع لي خلاك تاخد بحال هاد القرار لي كمتي ضد ديالو فالاول وخالتي تورية
عصام:الوليدة معاها خالتي حليمة وانت رد ليها البال الوليدة امانة عندك رد ليها البال وطل عليها
حيد جميع الافكار من بالو وناض هبط لدؤوج وفتح الباب ديال لاكاب بي لتحت شعل ضو وسد مشا نيشان فوق طبلة خدا كرطونة ومشا حيد داك الرواق وبدا يحيد تصاور شيماء بنطير من الحيط حتى مابقات حتى تصويرة دارهوم فديك الكرطونة خدا طوينكة ديال شيماء ليكانت طاحت ليها حتى هيا دارها فالكرطونة وسدها مشا لواحد الناريو تماك فتحا ودخل الكرطونة وسد الماريو وخرج من البيت شاف فيها للمرة لخرة وطفا ضو وسد الباب طلع نيشان لبيتو لقا الباليزة موجودة ومجموعة حل الماريو هز شي وراق ديالو دارهوم فواحد المحفاظة صغيرة سها شوية هز تيليفون ديالو وسونا على بدر
عصام:وي بدر واش قطعتي لي كيف كتليك ولا مزال
بدر:يلاه لقيتيني كانعمر المعلومات علاش
عصام:قررت نبدل موعد سفر عمر الاستمارة على حساب غدا فالعشية ممكن
بدر:واخا كتليك لا عارفاك ادير لي فراسك واخا لي بغيتي
عصام:شكرا بزاف سد تيليفون ودخل للدوش يدوش.
كلثوم:نوشي تعشاي اشيماء ماكليتي من الفطور ومادقتي والو
شيماء:لا والله مافي لي ياكول ماقداش انوض نصلي العشا ونمشي نعس
كلثوم:لي بغيتي اختي مغاديش نبزز عليك نشت دخلت لبيتي توضيت وصليت ساليت صلاتي وخديت القران قريتو باش ترتاح النفسية ديالي دعيت ربي يكون مكتب لي الخير يالاه نضت باش نتكا فبلاصتي نعس دخلات علي كلثوم
شيماء:ماتكون اماما اري نشوف حليت تيليفوني كانلقا مليكة واشراق وهدى ماعرفتش شنو كاين ومافي لي يهضر مع حتى واحد عمرت ساعة ودرت سيلونس لتيليفوني وطفيت تيليفوني ونعست.
أصبحناوأصبح الملك لله يوفم الفراق او الوداع اليوم لي تبددت فيه الاحلام وعادت من الماضي فاقت شيماء وراسها غادي يتهرس بالبكا ديال البارح وماعندها كانة للخدمة نيهائيا خدات تيليفونها لقاتو غادي يطرطق باليزابيل وايلي علاش هادشي كولو شنو واقع كولت نعيط لاشراق هي لي أتفهني شنو كاين خديت نمرتها ورجعت ليها نفس المكالمة
اشراق:الو فين كنتي اصحبتي من البترح وحنا نعيطو لوكان طاري شيجاجة الله يحفظ ناس لاش دايريت تيليفون
شيماء:واسبحان الله كنت دايرا سيلونس مالكي كاتغوتي ياك لباس
اشراق:دنيا مقلوبة وروينة وانتي كاع مافهاد العالم انا مافهمت فيك والو اصحبتي تبدلتي بزاف مابقيتيش ديك البنت لي كانعرفو علاش هاد تصرفات هادي واش عارفة شنو درتي ولا لا
شيماء:علاش ياك لاباس شنو درت بسالامة
اشراق:لا مادرتي والو غير بسباب راسك القاسح والهضرة ديالك خليتي عصام لبارح دار كسيدة انا اسمعت هاد الهضرة رجلي فشلو طحت على ركابية
اشراق:سكتينا براكة من تهرنين الحمدلله ماوقع ليه والو عاد رتاحيت.مادام مخلوعة عليه قد هكا لاش جريتي عليه وتصرفتي معاه هكاك علاش اشيماء تصرعتي وبزاف عصام كايبغيك من كل قلبو ولكن بتصرفك غادي تجري عليه وتخليه يضيع من ايديك وايمشي من هنا بمرة وحدة
شيماء:كيفاش مافهمتش
اشراق:الى كاتبغيه بصح نيت وكايهمك هي الى لحقتي عليه عثام مابقا ليه والو وياخود طيارة ويمشي فحالو من المغرب بصفة نيهائية وعمرك مزال مغاديش تشوفيه جمعتها بوقفة وانا دموعي غير نازلين مقاداش نحبسهوم
اشراق:دابا واش اتكلسي تبكي وتنحبي ولا غادي تحركي وديري شي حل
كلثوم:لبسي هادو دغية بينما عيطت لياسين ايدينا لفاس ومن فاس نركبوك فتران نيشان لمراكش
شيماء:ولكن
كلثوم:عفاك بلا ديك ولكن الى علا الخدمة انا انتكلف يالاه مابقاش الوقت بزاف خرجات كلثوم وخلاتني تالفة لبست حوايجي دغية هزيت ساكي ديال اليد درت فيه وراقية وفلوسي خرجت تلاقيتها لبسات وسونات لياسين يجي يدينا
كلتوم:يالاه نخرجو نتسناوه على برة خرجنا وسدات الباب مكاملة حتى 5 دقايق جا ياسين طلعنا فطوموبيلتو انا غير مكودة بحال شي روبو (بالمناسبة ياسين كايتعتابر دابا خطيب كلثوم حيت والديه هضرو فيها كان شاب غزال طويل وقلدة وعندو حفرت زين وضحيكة غزالة صراحة كلثوم تستاهل) ماخلاتوش يسوك على راحتو وهي كاتزربي فيه شوية وقفات طوموبيل اون بان فواحد البلاصة نزلنا ياسين
كلثوم:اوف اوف ديك ساع دير المازوت وعلمتك يا حسرة اويلي اويلي معامن انا وعلامن عولت
شيماء:راه انا ماعندي زهر كلتها ليك صافي غادي يمشي علي انا كنديرها بيدي وكنوحل فيها انا بيا شيحاجة لا لا بواف هادشي
كلثوم:سكتيني حتا انتي لي فيا كافيني ياسين امضرا
ياسين:مكاين حتى واحد هنا كايبيع المازوط اصلا غير لخلا نطلبو الله يوقف لينا شي واحد بقينا كانتسناو ونشيرو وتكول واش شي واحد بغا يوكف صافي حتى فقدت الامال وكلست فطريق وربعت شوية هاهي واحد البيكوب هازة الماعز جايا فاتنا وهي ترجع لينا
كلثوم:لقينا لي يوصلنا وكالسة كاتشرطي انتي واخا يكون البكر خاص تركبيوتسكتي ركبنا اللور وحنا مزاحمين مع المعاز اما واحد لالتي ريحة ياسلام طول الطريق وانا صافي تخنقت اما كلثوم مامسوقاش هي كاع المهم بالنسبة ليها غير نوصلو وصلنا لفاس المدينة لعريقة حطنا الراجل مسكين قريب للاكار تشكرنا وخدينا طاكسي لاكار دخلنا وليدزنا حداه يشمنا بسيف ريحتنا تعطي بالماعز دخل ياسين مسكين قطع لي جابلي الورقة عير عطاها لي ها تران جاي
شيماء:شكرا ليكوم بزاف خيركم عمري نساه
كلثوم:بلا هضرة خاوية سيﻻي وتشجعي ولي فقلبك كوليه وخويه واياك ضعفي واياك باستني.سيري سيري وماتنساي قبل ماتوصلي رشي شوية دريحة وانتي ريحتك تعطي خليتهوم وركبت وهوما كايشيرو لي كلست بوحدي فواحد البلاصة جبدت قرعتي دريحة رشيت منها شوية لانتشوه مع الناس وانا كانتسنا غير امتا نوصل حسيت بواحد الحماس فيا وكنطلب ربي يعاوني ويوقف جنبي كل دقيقة كانشوف فساعة .يا ربي ياربي نوصل فالوقت.
عفاك مابغيتش نهضر فهاد الموضوع بصفة نيهائية الله يخليك
بدر:مالك راسك قاصح بجوجكوم واحد اعند من تاني مدام كاتبغيها وهي كدالك
عصام:بدر شيماءصفحة وطويتها صافي هي ختارت حياتها فبلاصة وحدا أخرى وحتى انا انبدى حياتي فبلاصو وخرى الله يخليه كانترجاك براكة جيت لخنا باش ندير الاجراءات لخرين ونتصيفط معاك ونوصيك تهلا فراسك ورد بالك لواليدة راها امانة بالرقبتك انت دابا المسؤول هنا وخاجة وحدة سمحلي على اي حاجة سدرات مني كانت نابعة على حوبي ليك
بدر:انا عمري حقدت عليك بالعكس كانفتاخر بيك وكنتمنى ليك الفرحة كنت بغيت هادشي لي فبالي يكون ولكن مامكتابش تهلا فراسك بزاف اخويا عنق بدر عصام بجهد وتوادع معاه وخرج عصام تسيفط مع لاسوكريتير والموضفين كولهم حتى من منعم عنقو وتسيفط معاه سالا اجراءات ديال شي وراق وخرج شاف فالوطيل اخر شوفة وركب فالطوموبيلتو وزاد فطريقو لدار داز على جامع الفنا لي دوز فيه أحسن نهار تفكر الحماق لي دوز فهاد البلاصة داز على سيرك لقا ناس ديالو كايجمعو بقاو غير الحدايد تفكر الالعاب لي لعب مع شيماء ماقدرش يبقا كتر ديمارا وزاد وهو ايخلي طرف منو فهاد البلايص وايدي معاه غير دكريات زوبنة لي عمرها تنسا ليه وصل الدار لقا مو فالصالة كاتبكي وتكول مابكات
عصام:اووه واصافي ال الوليدة حشومة عليك براكة من البكا راه واعدتك انجي تشوفك ونصيفطليك تجي لعندي كاع
خالتي:انت عارفني مكانحمل بلدان نصارة
عصام:واش جابا اتخليني نمشي بلا خاطر مغاديش تعطيني شي تعنيقة وشي بوسة مسحات دمةعها وخداها فسدرو كايعنق فيها ويبوسها فوجها وراسها ويديها
عصام:انا انطلع ندوش باش نوجد راسي باس ليها ليديها وطلع لبيتو حيد حوايجو دخل دوش سالا خرج لبس حوايجو وجد الباسبور ديالو والاوراق ديالو والبيي دارهوم فواحد المحفضة ليهزها
خلا بيتو مجموع ومطرف جر الشنطة ديالو خرج من بيتو وقف كايشوف فيه سدو وهبط لدار التحت لقا خالتي وخالتي حليمة حتى هي وفردوس واقفين سلم على فردوس او وصاها على خالتي حليمة وصل لخالتي حليمة باسها
خالتي حليمة:الله يديك على خير اولدي تهلا فراسك بواف هادو شي شهيوات وجدتهوم ليك ماكلت تما ماشي بحال ماكلت هنا تبسم وشدهوم من عندها جا عند خالتي تورية:كلبات عليه وجها وعينيها عامرين دموع دور ليها وجها عندو وشاف فيها وتبسم ليها تلاحت ليه بين ايديه وكاتبكي وهو يسكت فيها ويعنقها
عصام:خالتي حليمة رضي لبال لراسك ولواليدة وتهلاي فيها وتهلاو فبعضياتكوم انا انبقا نتاصل بيكوم نطمن عليكوم دار عند مو عنداك تنساي دواك شربيه فالوقت تافقنا شيرات ليه مو براسها زعما واخ باس ليها ايديها وجر باليزتو وهو خارج خالتي حليمة معنقا كتاف خالتي تورية وكايبكيو بجوج خرج عصام حدا طوموبيلتو ستف بالزو ركب وهو يديماري وزاد.
أخيرا وصلات شيماء غير وقف تران خرجات كاتجري لبرا ديال لاكار خدات تيليفونها ركبات نمرت عصام شداتها العلبة قطعات يقدر يكون فدار زعمة ركبات نمرت دار من بعد مدة جاوبات خالتي حليمة وصوتها مغنغن
شيماء:اوف اوف ياربي اوف اش هاد الحالة اوف تعصبت وكالسة ونضرب برجلي حتا وقف علي واحد سنانو كاع طايحين ونص لي صالح كولو كحل
الشخص:شين فين غادي نوصلوه يالاه بغيت نعربط عليه طلعت فيه وهبطت ملايق مالايق راسو كي المقلاع درت ابتسامة
شيماء:عفا تبوكيسة توصلني المطار
الشخص:نوشلك فينما حبيتي اشين طلعي طلعت وراه على سعدي وهو ريحتو كاتكلب غادي ويفرنس ويضور يشوف في وانا نرجع ليه وجهو لقدام خافت غير لا يكلبنا المزغوب وانا ساعة سطاتني بشوفان ناري تعطلت صافي باينة ايكون مشا ماوصلني لمطار حتى غفر لي ربي دونوب هبطت وخلين مول الموطول كايهضر بوحديتو وانا ندخل كان المكان عامر اشكال وانواع بقيت واقفة بلاصتي دخت ماعرفت شنو نقدم ولا نوخر غير كانشوف دنية عامرة فين انلقاه وسط هاد الزحام بانت لي واحد سيدة خدامة تما مشيت عندها كانجري
شيماء:سلام
البنت:وعليكوم سلام شنو حب الخاطر الالة
شيماء:عفاك رحلة ديال فرنسا اشمن وقت اتقلع
البنت:من هنا 3 دقايق اتقلع طيارة راه ناداو على ركاب
شيماء:عفاك فين يمكني نلقا ركاب لي غاديين ليها
البنت:راهوم فداك المدرج ولكن صافي ممنوع يدوز شي حد لتماك خليتها كاتهضر ومشيت كانجري لداك المدرج كانو بزاف دبال الناس كيفاش انشوف عصام بغيت ندخل وقفني البوليسي ومنعني من دوخول عيت مانطلب او والو ياربي اشنو ندير صافي زعمة خسرت عصام شوية كانسمع ديك لي كاتنادي على رحلات بقيت واقفة (شيماء تنفسي بشوية عليك بهدوء ولقاي الحل) درت كانشوف فلمطار كولو بانو لي شي دروج مشيت كانجري طلعت معاهوم طالعة حتى لواحد البيت لقيتو محلول وفيه شاشة كبيرة كاتبين ليك كاع المطار ابوابو وداخيلو وفيه واحد الميكرو كبير بقيت واقفة وكنتردد ولكن ماعندي حتى حل درت سديت الباب بساروت وشيت لداك الميكرو ضربتو بصبعي وهو يتسمع صوت مجهد قربت فمي لعندو.
شيماء:عصام عصام كاتسمعني كاع ناس لي كاينين لتحت وبي سميتهوم عصام وقفو البوليس مافهم والو الموضفين حتى هوما هكاك كولشي كايتجارا يعرف صوت منين جاي.
عصام من بعد ماوثل للمطار ودار كاع الاجراءات لازمة كلس شحال كايتسنا موعد الطيارة منين سمع نداء رحلة ناض للمدرج عطا للبوليسي البيي والباس تأكد منهوم وطبعهوم يالاه غادي وسط ناس باش يخرج من الباب حتى كايمع صوت ديال شي بنت عيطات عصام فالميكرو وقف بحالو بحال كاع ناس
شيماء:انا عارفة بزاف ديال الناس هنا سميتهوم نفس الاسم عصام ولكن انا بغيت غير واحد فيهوم واحد لي هو الهدف ديالي الواحيد كةلشي ناس كابتساءلو شكون هاد البنت ومنين جاي هاد الصوت
شيماء:عصام الامير ديالي والبطل ديالي عصام لي علمني كيفاش نحس وكيفاش نحب عصام لي خرجني على تور ديالي خلاني نبكي مرة ونتعصب مرة ونحماق مرة ونفرح مرة عصام لي حماني او وساني وداني على قد عقلي لي واخة كنت كاندير زبايل قد راسي كان كايسمح لي عصام لي تبعني فهبالي وقضيت نعاه أجمل أيام حياتي لي ماعمري عشتها مع انسان بالنسبة لي هو أول انسان يدخل حياتي شيماء كاتعاود ودموعها نازلة يمكن هادي أول مرة ايسمع مني هاد المعلومة ناس لي عندهوم رحلات بداو كايمشيو وعصام مزال واقف كايتسنا شنو اتكول هاد البنت مزال وصوت ماغريبش عليه حيت مع مكبر صوت كايتغير شيحاجة كاتكوليه يمشي وشيحاجة كاتعطيه امل يبقى
شيماء:عصام ماتمشيش وتخليني من بعد مالقيت الانسان لي وهبتو قلبي وروحي اه انا قصيت عليك كانعتارف بيها ورفضتك اه ولكن ماشي حيت كانكرهك لا حيت كنت خايفة من المشاعر ديالي تجاهك خايفة لا يكون هدا مجرد حلم وغادي يسالي تقدر تكولي جبانة وضعيفة ولكن عارفا انك انت معايا انكون قوية دابا جايا وكنطلب منك سماحة قدام ناس كاملين جايا وكولي أمل ماتمشيش ممكن تقدر تكون مكاتسمعنيش وتقدر تكون مشيتي ولكن كنت محتاجة نعتارف ونحيد هاد العناد لي في ونعتارف ليك قدام ناس أجمع اني عمري مابغيت ولا عشقت شي انسان قد مابغيتك وعشقتك كانبغيك كتر من روحي وكتر من دنيا كلها انا بلا بيك مانقدش نعيش انا وانت واحد انت الهوى لي كانتنفس وانت لي كاتخلي دنيا زوينة فعيني انت نور حياتي كنبغيك
طباخة الرئيس الجزء 16
محتوى القصة
التنقل بين الأجزاء