وانت لي كاتخلي دنيا زوينة فعيني انت نور حياتي كنبغيك ابو راس كانبغيك اعصام الوالي عصام انت روحي كانتمنى انك نكون مامشيتيش وسمعتي كولشي مع سالات الهضرة دخلو عليها بوليس للبيت لي كانت فيه
البوليس:شكون سمح ليك دخلي لهنا انتي وشنو كاديري هنا بقات كاتشوف فيها شدها كول واحد وهبطوها وهي حادرة راسها حتى أمرهوم شاف ديالهوم يطلقوهة علات راسها فالقاعة لقاتها خاوية كولشي خاوي الموضفة كاتشوف فيها مشات عندها شيماء
شيماء بترجي:رحلة فرنسا مشات
البنت:اه مشات من قبيلة سمحيلي شافت فيها شيماء وحدرات راسها ونزلو دموعها وتمت مهبطة راسها وراجعة
شيماء:كولشي مشا وضاع انا لي ضيعتو بيدي انا صافي كاع ماسمعني كاع مشا بلاما يعرف الحقيقة مني وشحال كايعني لي اصلا نستاهل انا لي درتها بيدي وفمي كاياكلني بيدي ضيعتو اه بيدي علاش كانبكي دابا ياك انا لي درتها راسي اصلا مايستاهلنيش انا انانية وكانبغي غير راسي اه اه اش بغا وحدة بحالي.. واش عارفة شنو كايكولو اناس على ليكايهضر بوحدو وقفت شفت جنابي واش سمعت شي حد هضر طلعت عيني بشوية مع رجلين حتا وصلت لوجه لا لا مايمكنش انا واقيلة كانحلم اه كانحلم غمضت عيني وحكيتهوم نفس الإنسان واقف
عصام:واش لهاد درجة مانبان بحال شبح؟؟ مع الابتسامة شيماء شركات فمها بواحد الضحكة وطلقات رجليها كاتجري نقزات على عصام عنقاتو وهو معنقها بجهد كاتستنشق ريحتو طلقات منو كاتبوس ليه راسو وجهو جبهتو شعرو وهو مستغرب منها
عصام:بشوية راه ناس كايشوفو فينا واش حماقيتي علاه هي مسكينة بقا فيها شي عقل شافت ليه فعينيه ماهضراتش وجبداتو لعندها كاتعنق فيه هزها ودورها وكاع الناس كايشوفو فيهو النصارا كولهو كايصفقو ليهو وعاجبهوم الحال منين شفت ناس كايصفقو تخلطات علي الفرحة والحشمة كولشي تجمع علي عصام منين شاف دوك الاجانب شدني وعنقني وكليدور بيا حسيت براسي طايرة فسما عمري فحياتي حسيت بهاد الاحساس كنت انكون اتعس وحدة كون مادراش عقلي وجيت ولحقت على عصام فالوقت المناسب كنت انضيع لحضات من عمري كنت اندم عليها ولكن الحمدلله لي جيت فالوقت المناسب
عصام:من الاحسن نمشيو من هنا بغيت نبقاو بوحدنا شيرت ليه براسي زعمة يالاه مشينا جيهت طوموبيلتو حل لي الباب دخلني بزربة دخل البكاج ديالو للكوفر ومشا مايجري لباب حلو غير دخل شاف فيا مبسم خدا ايدي وباسها لي وباس لي راسي وانا كانضحك من تصرف ديالو عينيه كايبريو والفرحة باينة فيهوم حتى انا مصبرة راسي في جهد لي مانتفرقش عليه نبقى معنقاه طول نهار ديمارا عصام وماسمعتش حسو غير شاد ايدي معنقها وسايك وكايشوف فيا وصلنا واحد ساحة كبيرة فيها غير الخيام وجمال واعرة نزلنا وحنا معانقين ديك البلاصة فيها غير توريس اكثرية وليكوبل دخلنا لواحد الخيمة كلسنا وحنا مقابلين مع دوك جمال وداك المنضر الغزال بزاف
عصام:قربي عندي وانتي كالسة بعيد قربت لعندو حتا لسقت معاه دور ايديه على كتافي وعنقني بقيت ساكنة فالحضن ديالو مابغيت حتا حاجة تنغص علينا هاد اللحظة لي شحال وانا كانتسناها شنو بغيت انا بجنب حب حياتي لي تعدبت وبكيت وربي فرحني دابا
عصام:فاش ساهية وعلاش هاد سكوت
شيماء:كانتمتع بهاد الوقت لي انا فيه معاك بغيت نشبع من كل دقيقة وانا حداك مزال مامتيقاش واش انا فعلا هنا حداك ولا كانحلم كانكول كيفاش فاللحظة كنت انضيع كولشي
عصام:من الاحسن نساو هادشي
شيماء:لا عصام بالعكس محتاجة اني نهضر ونعاود لي انو ماشي دائما كانبغيو هو مرة وحدة لاول مرة انحس هاد الاحساس معاك اه فعلا بدات بكدبة وتمتيل ولكن من بعد كولشي تبدل كنت ضد فكرة نبغي شي انسان حتى دخلتي لحياتي عطيتيها طعم ولون وغيرتي بي مسار حياتي عمر نزلت دمعة من عيني حتا عرفتك عمري تنيرفيت ولا طبقت أفكاري الجهنمية حتى عرفتك ضحك عصام.مزال عاقل على نهار الكسوة
عصام:وعلاه هداك انهار يتنسا لي كملي
شيماء:كونت كانحاول ما امكن نتهرب من هادشي لي كانحس بيه ولكن ماقدرتش كنت كانتقرب منك بحجة الصداقة لي بيناتنا ولكن نهار لي عرفتي الحقيقة ولمتيني وهددتيني حاولت نبين ونقنع راسي اني مكانحملكش وجات مع الصطاج لي سالا هو هداك فعرس اشراق فاش شفتك تما عرفت راسي مانقدرش نبقا فمدينة وحدة معاك خاصني نسافر تما جات المشية لافران
عصام:عرش اشراق عمرو يتنسالي نيهائيا كنت كانحس بالغيرة كاتكلني قلبي تحرق خصوصا منين لبستي لبسة صحراوية وشعرك عريان ماقديتش نصبر كنت بغيت اي طريقة نحيدك من وسط العرس ومايشوفك حنى واحد غيري عنقاتو شيماء وباستو فحنكو وشافت ليه فعينيه وكملات هضرتها
شيماء:من بعد فاش سافرت لافران وليت كانحاول نتناسى الموضوع ومانفكرش واخا كنتي كاتجي فبالي كولى ليلة وكولا دقيقة ولكن كانحاول نشغل راسي بالخدمة ونسى حتى وصل عرس بدر وجاتني خبار انك فرنسا كلت انك ماعندك سوق وموحال واش اتجي داكشي باش قررت نحضر مكنتش مستعدة نشوفك حضرت للعرس وفالحظة فاش هديت لبدر ومليكة الاغنية كاتبان لي انت داخل اشراق قبل كانت أدباتني وعايراتني اني ماعطيتكش فرصة وانك كاتبغيني ولكن لحضة فاش دخلتي وكانت معاك ديك خيتي تما حسيت بالغيرة كاتاكلني وبقا فيا الحال بزاف وكلت لاشراق تشوف بعينيها لانسان لي شكراتو مدخل وحدة فيديه ومهاموش هنا عصام تكرشخ بضحك كايضحك حتى ضرباتو شيماء ليديه
شيماء:انا كانعاودليك وانت كاتضحك
عصام:دابا واش داك انهار كنتي كاتسحابي ديك البنت عندي معاها شي علاقة ياك داكشي باش خنزرتي فيا
شيماء:مابغيتش نعرف ومكايهمنيش دار ايدو تحت فمس ودورني العندو
عصام:هاديك بنت خالتي ومزوجة وهندها جوج وليدات وداك النهار مالقات لي وصلها غيري يعني غير مشيتي غالطة كيفاش بغيتيني نهضر مع غيرك وانا غير انتي لي كتباني لي من نهار دخلتي لهنا وأشر على قلبو عمر شي انسانة حلات لي ولا شافتها عيني فينما نمشي كاتكوني بجنبي بتصرفاتك بالحماق ديالك نكيرك ضحك ديالك العصبية ديالك وعفويتك كيفاش بغيتيني نشوف فانسانة تانية وانتي عندي ومالكة قلبي وروحي وساكناني نهار لي كنت بغيت نعتارف ليك باشكانحس وكنت طامع بشوية من حبك لي هو نهار لي عرفت فيه كولشي حسيت بطعنة فضهري كنت اندير شيحاجة فراسي فعلا كانعتارف اني انانيوعدبتك وجرحتك مانكرش هادشي ولكن انتي بدلتي في بزاف ديال الحوايج لي مكنتش كانتصور شي نهار يتبدلو فيا منين عرفت الحقيقة وكلست مع راسي فعلا من واحد الجانب فرحت حيت الانسانة لي كانبغي طلعت انا أول واحد فحياتها وطلعات غير لي كنت كانفكر فيه انا وفنفس الوقت كان غضب فالداخل ديالي ماقدرتش كامتصور انو ديك الهدنة وصداقة ديالنا كانت مجرد حلم وضحك وفنفس الوقت الغرور ديالي ناتقبلش انو دار بيا حلفت حتى نخليك لي بأي طريقة كانت تما فاش هددتك ولكن تلاقيت مع رفض ديالك وانك متلتي القبول غير قدام بدر ولي زاد جرحني كلامك الجارح لي درني فقلبي بزاف وجرحني قررت نخرجك من حياتي ونعطيك الحرية ديالك ولكن من بعد الايام ماقدرتش نتحمل مالف نشوفك نشم ريحتك ماقدرتش نتصور حياتي بلا بيك جا عرس اشراق وقمعتيني وكنتي فرحانة كولت نخليك فرحانة واخا بعيدة علي وقررت نمشي لفرنسا ونبعد وعطيك حتا انتي فرصة باش ترتاح نفسيتك وتنساي شوية لي طرا باش حتى الى هضرت معاك يكون قلبك رطاب جا عرس بدر وكنت هنا منتاضر نشوفك بفارغ صبر ولكن تصدمت من تصرافتك وشوفات الكره بي فعينيك لي قررت أخر العرس نهضر معاك ولكن لقيتك طرتي ومشيتي قررت الغد ليه نهضر معاك ونتناقشو تصدمت انك سافرتي هنا طلع لي دم لراسي هددت نزار الى ما وراني فين كاينة اندير فيه شيحاجة شيماء خرحات فيه عا ينيها ضحكات ورجعات لصدرو وهو كايكمل ليها عطاني فين خدامة ونزلت فالوطيل فين كاينة وقررت نهضر معاك ولكن نالقيتك لقيت غير صاحبتك كلثوم من بعد طليب ورغيب عاد داتني عندك كان عندي امال كبير ترجعي معايا ولكن كلامك خلاني نخرج بلا عقل وقررت نستاقر في فرنسا بعقلي لي ساهي درت اكسيدون فطريق مع هاد الكلمة حس بيها تكمشات فبلاصتها امالباقي راكي عارفاه بقات ساكت شحال وهي ساكتة حتى حس بشيحاجة كي لما هبطات علا ايديه حيدها من صدرو لقاها كاتبكي
عصام:ششت داكشي مشا وحنا ولاد اليوم ماتبكيش دموعك غالين علي شاف لي فعيني علاش تصرفتي هكاك فافران
شيماء:كنت كنت خايفو من راسي وخايفة من المستقبل خفت لانكون كانحلم خفت لانتصدم ولا تكون كاتمتل علي باش تنتاقم مني ماكنتش كانتصنت لقلبي تصنت لعقلي وكونما تصنت لقلبي فأخر لحظة مانكونش هنا دابا حداك رجعني لصدرو
عصام:بجوجنا غلطنا ودفعنا تمن الغلط ديالنا ودابا خاصنا نساو هادشي كولو أهم حاجة اننا دابا هنا مع بعضياتها خاصنا نفرحو واي حاجة تقدر ضرنا وتفكرنا فليداز نحيدوها ونساوها متافقين شيرت ليه براسي بأه وعنقتو على قد جهدي وكتر وكانلعب ليه فشعرو من اللور ومرة مرة كانخشي وجهي فعنقو ونشم ريحتو ليتوحشتها شحال هادي وانا محرومة منها بقيت حاطة راسي فعنقو وناعسة غير انا وهو بوحدنا بعاد على العالم كولو حيد لي راسي وهو كايشوف فيا
عصام:كانبغيك اشيماء كثر ماتصوري انتي جزء مني ومستحيل نخليك ضيعي مني مرة وحدة اخرى
شيماء:وانا مغاديش نخلي ليك الفرصة لي ضيعني حيت مانقدرش نعيش بلا بيك انت روحي وكل مكانملك بقينا كانشوفو بعضياتنا بحب حتا تلاقاو شيفاه ديالنا فبوسة طويلة خلينا فامنا يهضرو فبلاصتنا وينطقو بكلمات الحب كانحس براسي كنت عطشانة وعصام هو البير لي كانتسقا منو كانوقفو البوسة ويكولي كانبغيك ويريجع ياخد فمي بين فمو ويبوسنا فمي جنب فمي جبهتي وجهي وياخود راسي بين ايديه ويحط جبهتو على جبهتي ويرجع يبوسني من جديد كانت المبادرة منا بجوج حيت بجوجنا كنا كانحسو بواحد الوحش كبير فالداخل ديالنا كلما يعنقني بجهد نتخشا فيه ونطلع راسي لعندو نشوف فيه ونخطف منو بوسة ومن شوفات لي عاجبو الحال بقينا ملاصقين هكاك مخبعني وسط منو وانا معنقاه وخاطا راسي على قلبو على قلب حبيبي وحياتي لي كانموت عليه بدا الحال كايضلام وحنا ماعايقينش بريوسنا انا طفيت تيليفوني وعصام حتا هو جابو لينا شي ناس تما العشا كان غير ضو ديال القمرة والعافية شاعلة منظر روعة فالخلا وانت مع حبيبك هاديك هي اروع حاجة تعشينا واحد كايشوف فتاني كملنا ورجعنا لماعن لدوك ناس جيت كلست وجا عصام حدايا وسد رجليا وانا كانلعب ليه فشعرو ومرة مرة يبوس وسط ايدي حتى هضر
عصام:ممكن نتطلبك طليبة
شيماء:وي حبيبي أمر هاد الكلمة خرجات بلاما نحس عصام شاف فيا وتبسم فمي ورجع تكى على رجلي
عصام:بغيتك تغني لي الى جات على خاطراك
شيماء:ههه صراحة عمرها جات على بالي شنو بغيتيني نغني ليك
عصام:لي جات من عندك المهم غير نسمع صوتك ويكون لي بوحدي
شيماء:واخا اسيدي لي بغيتي بقيت كانفكر وعجباتني واحد الاغنية ومع اليل والهدوء وكاتسمع غير صوت الحطب كايتحرق وحاطا ايدي على شعر عصام كانلعب فيه وبديت كانردد "يا حبيبي اليل وسما ونجومو وقمرو قمرو ويسهارو وانت وانا يحبيبي انا يا حياتي انا كلنا كلنا فالحب سوا والهوى أه منو الهوى والهةى أه منو الهوى اه منو العوى ساهرنين اوي يسأينا الهني ونؤول بهني يا حبيبي يالاه نعيش بعيون الليل ونأول لشمس تعالي تعالي بعد سنة مش أبل سنة دي ليلة حب حلة بألف ليلة وليلة يألف ليلة وليلة بكل العمر هو العمر ايه غير ليلة زي ليلة زي ليلة ليلة زي اليلة.إزاي ازاي ازاي أوصفلك يا حبيبي زاي أبل ماحبك كونت ازاي يا حبيبي..."ساليت الأغنية ورميت عيني لوجه عصام لي كان بريئ وعينيه مغمضين انا كلت واش نعس
عصام:لهاد درجةوكتر شاف فيا واشر لي بيديه لبلاصة حداه نضت وجيت حداه وتكيت على ايديه كهزني جيهت قلبو وعنقني الفولار هبط وبان نص فشعري رد ليه البال باسني فشعري وضمني ليه نزل الفلار بيديه وبدا كايلعب لي فشعري عجبني الحال بزاف ترخيت مع العيا ديال الطريق كولو ماتليتش فكرت فيه لي كايهمني اني فحضن راجل لي كانبغي على لي راسي عندو كايشوف فعينيا قرب لفمي وحطو شفايفو على شفيفي فبوسة خفيفة ولكن كلها حب رجع راسو اللور وعنقني بقينا هكاك معانقين جا داكلي كايقابل تما واحد نسراني وهبط واحد الحبل وهوما يهبطو جلايل الخيمة شحال زوين هاد الاحساس تكون ناعس بجنب الانسان لي كاتبغي فبلاصة وحدة وفهاد المنضر الرائع خاصكوم تجربوها بداو عيني كايتقالو حتى تغمضو ونعست مرتاحة عمرني كنت بحال هكا نعسو بجوج معانقين كول واحد مخشي فتاني.
بدات الأشعة ديال الشمس كتسلل بالخيوط ديالها دهبية على الخيمة بدات شيماء كاتحل عينيها كاتشوف فين عي عاد تفكرات البارح شافت فعصام لي كان ناعس بقات ساهية فيه فمو وعينيه وخموشو لي كاتحماق عليهوم ناضت بشوية مشات لعينيه كادوز صباعها على شفارو كاتحس بيه تحرك وترجع لبلاصتها شوية تاني مشات ليه لموستاجو من جنب جبداتو بغات دخلو في فمو سيدة شدها الحماق على صباح تحرك وهي دير راسها ناعسة شوية بغات تنوض ماحسات غير برجليه تلاحت عليها شافت فيه بنص عين وهي فخاطرها تقل عليها حيت تقيل بغات تحرك والو كاتحرك فرجليه والو كيف شي يجورة تحطات عليك دارت جميع المحاولات او والو شوية رما ايديه عليها وكحز العندو باسها فعنقها
عصام:شنو كنتي كاديري
شيماء:كيفاش شنو كنت كاندير مادرت والو يالاه فقت
عصام:ممم وشكون لي بغا يعورني من عيني وكايلعب فموسطاجي
شيماء:تا واحد اكنتي كاتحلم
عصام:ممم من كبيل وانا فايق وحاس بيك شنو كاديري ضارت عندو بزربة شافت فيه بدات كاضحك وتهشات فصدرو معنقاه
عصام:فين بوسة ديال الصباح طلعت عيني فيه
شيماء:كاينة أحبيبي غير حيد رجليك باش انتحرك راك تقيل حيد عصام رجليه
عصام:يلاه هاني ودابا
شيماء:حبيبي غمض عينيك عصام عجبو الحال وغمض عينيه ناضت بشوية قربات لفمو هو حس بأنفاسها وكايتسنا فالبوسة عصام:وايلاه هادشي كولشي باش تبوسيني
شيماء:امتا كتليك انبوسك انا لهلا يحط علينا باطل حل عينيه لقاها واقفة حدا باب الخيمة
عصام:كاتفلاي علي خرجات ليه لسانهازعمة ايحي فيك بزربة ناض مع كاضارب مع داك الحبل هزاتو وخرجات من الخيمة حفيانة كاتجري وعصام تابعها من اللور
عصام:وقفي حسن ليك بالخاطر وقفي
شيماء:وا لا لا جري علي وشدني هههه هاني ليك تارارا تعكلات فالرملة وجات على رجليها ستغال هاد الفرصة وشدها هزها من كمامتها
شيماء:زيد زيد بيا مزال هههه عجباتني ركيبة زيد زيد مزال وياك تحطني
عصام:ههه عاجبك الحال مابقيتش فيك انا لي هازك
شيماء:بقا فحبيبي الحال انا نهزك
عصام:ههه زعما راه انديرها
شيماء:حطني وتشوف انديرها عصام حطها بغا يديرها ليها على قد فمها غير حطها وعيطات جبد كاتجري وعصام تابعها من اللور حتى دخلات للخيمة سخفاتو لحق عليها وشدها عنقها
عصام:رجعتيني ولد 10 سنين ههه كايلهتو بجوج وهوما فحضن بعضياتهوم جا عندهوم داك سايس كاليهوم الفطور واجد ومشا
عصام:حبيبة ديالي يالاه نفطرو ايكون دارك جوع راه كانعرفك ههه ضربتو على كتفو
شيماء:ماشي بوحدي حتى انت تشادو الايدين قبل مايخرجو جبداتو شيماء لعندها وباستو في فمو بجهد غير طلقاتو بقا مبلوكي كايشوف فيه موال تحت تأتير صدمة جراتو وكاتليه فودنيه
شيماء:هادي ديال الصباح وهي كاتضحك خرجاتو وعصام مشلول ههه ماحس بالبوسة منين جاتو كلسو عند واحد طبلة فيها جوج كراسة الفطور واجد ليهوم شيماء كان قاتها جوع حيت ماكلاتش من البارح كايكلو بجوج ويضحكو
شيماء:واهاد الهبيل ها هي نعم وي ياااه بالهندية فهمتيها دابا هههه ناض وعنقني بجهد بالفرحة لي كنا حاسين بيها فداك نهار هزني فوق كتفو وكايضور بيا ةيغوت الغوتة ديال طرزان
شيماء:ههه واهاد الهبيل نزلني راك راك دوختيني وقفني على رجلي وباس لي راسي
عصام:شكرا لانك خليتني أسعد أنسان فهاد دنيا شوية حسينا بتصفاق ديال ناس ضرنا لقينا حلقة على سكل دائري بجمال وهنا الوسط ودوك توريس كايهتفو برافو فيفا لامور برافو انا شديت واجهي بين ايدي ودافنة وجهي فيديا كانضحك وعصام خاشني عندو كان شيحاجة بحال الحلم الحلم لي تحول لحقيقة الحمدلله.
عصام سايك طوموبيلتو وشيماءحداه راجعين
عصام:شنو اديري فالمسألة ديال الخدمة؟
شيماء شافت فيه:انت أصلا عرفيتيني علاش بعدت وختاريت الخدمة ديال أفران غير باش نبعد عليك ومانفكر فحتى حاجة داكشي باش قبلت بيها أما دابا مكاينش لاش نبقا تما واخا ولفت كلثوم وايبقا فيا الحال نخليها ولكن هادا هو الحل الاصح انطلب النتقال لهنا تبسم ليها عصام عصام:لي بغيتي ديريه انا معاك فيه عتامدي علي وأي قرار انا معاك ومساندك فيه وبجنبك شافت فيه شيماء
شيماء:الله يخليك لي وميحرمنيش منك يا ربي
عصام:أمين وبنسبة لوالديك
شيماء:أول حاجة خاصني نمشي عند اشراق نبدل علي هو الاول باش مايشكو فوالو ولكن كانضن من الاحسن تفاتح خالتي تورية فالموضوع هي الاولى هي المفتاح باش ندخلو فسلب الموضوع
عصام:فهمتك حتى انا فكرت فهاد القضية وكلت حتى نشاورك ونعرف الجواب ديالك تفكيرنا بجوج كيف كيف من هاد الناحية كوني هانية وحتى من ناحية الخدمة ديالمك انا غادي نتكلف وبالنسبة لحوايجك انسيفط شي حد يجيبهوم ليك بلاما تعدبي انتي فطريق شنو بان ليك
شيماء:أه حتى هادا نضر واخا لي شفتيه مناسب ديرو شاف فيها عصام وتبسم وتبع سوكان ديالو حتى وصلها عند اشراق وقف طوموبيل
عصام:ماسخيتش بيك والله كان عندك صح فاش كلتي كون غير بقينا فداك المخيم كنتي لي غير بوحدي مامشركني لا اشراق لا حتى واحد وهبط راسو دار فيها مقلق قربت لعندو
شيماء:مواح فخدو
شيماء حبيب ديالي حتى انا ماسخيتش بيك وأيام الله طويلة قدامنا ونكونو بجوجنا أن شاء الله غير شوية ديال صبر داز الكثير مابقى غير القليل تافقنا شاف فيها عصام
عصام:واخا الالة كلامك هو الكبير
حلات حزام وحلات الباب شد ليها عصام فيديها وباسهوم
عصام:شوية ونسوني ليك واخا
شيماء:ههه واخا اسيدي واخا سلم علي بالوجه وهبطت ديمارا طوموبيل وزاد شيرت ليه بيدي وبقيت متبعاه حتى مشا سونيت على باب اشراق من بعد شحال فتحات لي هازا تفاحة فيديها وتاكل بقات مصدومة فيا دخلت وخليتها فالباب
شيماء:الله يحفض غير ماتخشي فوجهك حرام واش انجي ونلقاك كاديري شيحاجة من غير الماكلة ضرت شفت فيها وهي مزال فبلاصتها سدات الباب وجات عندي
شيماء:علاه انتي عطيتيني الفرصة لي نهضر فيها الهضرة طويلة
اشراق:أول حاجة سيري دخلي لدوش دوشي انوجد ليك ماتلبسي ونوجد لينا شيحاجة ناكلوها بينما خرجتي من دوش
شيماء:لهلا يخطيك علي وخلاص داكشي فاش كانفكر نيت دهلت لدوشهو الاول جابت لي البينوار دخلت دوشت وحيت علي داك العيا وديك ريحة ورجع فيا اللون خرجت البيت لقيت اشراق جابدة لي واحد الكسوة طويلة لبستها خرجت لعندها لصالة لقيتها حاطة الغدا تغدينا غير انا وياها نزار سونا ليها كاين فالخدمة مغاديش يجي جمعات الماعن وجات حدايا
إشراف:عارفاك مخبية شيحاجة من عينيك كولي وكري بلاما نستعمل معاك أسلوب تعديب ههه طرطقي رمانة شفت فيها وتبسمت واخا الالة الموضوع هو.
عصام من بعدما تفارق مع شيماء قرر اول حاجة يمشي لدار يدوش عليه ويفرح الام ديالو بخبر انو ماتلاش غادي يسافر طول طريق وكايفكر فشيماء والفرحة لي كايحس بيها حتى واحد ماقدو في فرحتو وأخيرا تجمع شملو مع الانسانة لي كايبغيها وختارها لراسو وصل لدار دخل طوموبيل لكراج ودخل من الباب اللوراني ليكايدي لبيتو كايتسكل بشوية دخل لبيت كاتبان ليه مو واقفة فبيتو كاتشوف فتصاورو ودموعها نازلين جا على ريوس صباعو وعنقها من اللور حتى نقزات
عصام:الفضل كزلو الوليدة لواحد الانسان لي رجعني من بعد ونكوليك ودابا مغاديش توجدي شيحاجة لولدك حبيبك
خالتي:الله اودي اولدي من هاد العين قبل هاد العين انوجد ليك كاع الماكل ليكايعجبوك انا نهبط نبدا فتوجاد ونكولها لخلاتك حليمة انك رجعتي سير دوش ورتاح ليك شوية باس ليها راسها
عصام:لهلا يخطيك علي خرجات وخلاتو بدل حوايجو ودخل يدوش سالا دوش خرج لبس حوايجو وتكى على نموسيتو هز تيليفونو يسوني لشيماء ومال انها اتكون مزال مجمعة مع اشراق عارفهوم الى تجمعو بجوج كايبقاو على الحتيت كال يتكى شوية بينما يرتاح ويسوتي عليها غمض عينيها ومشا.
اشراق:ربي صح دابا صافي تصالحتو ياك يا حليلي هاناناك هاناناك وسعدي يالاة وفرحي يا لالة وقفات وبدات تشطح
شيماء:ان شاء الله يكون خير انخلي عصام يفاتح خالتي تةرية فالموضوع وانا نهضر مع ماما نشوف شنو انكول ليها دعي معايا يتيسرو الامور
اشراق:دابا تشوفي ان شاء الله مايكون غير الخير وهي تنوض ضرباتها بتزغريتة الحمقة وكاتنقز
شيماء:وصافي يالهبيلة كالسي الارض
اشراق:اجي ويمتى اتفاتحيهوم
شيماء:صراحة عصام بغاني نصارحهوم من دابا ولكن ماتنسايش خاصني نمشي لدار نكلس معاهوم وعاد ديك ساع نهضر مع ماما بوحدنا صراحة خايفة وفنفس الوقت فرحانة دعي معايا ختي
اشراق:ان شاء الله يكون غير الخير
شيماء وقفات :يالاه انا انمشي نخليك نمشي لدار من بعد ونهضرو واخا
إشراف:واخا باشماكان كوليها لي فتيليفون وعلميني
شيماء:واخا كوني هانية خرجت من عند اشراق خديت طاكسي غير انا ركبت سونا لي تيليفون كان عصام وشكون من غيرو
شيماء:الو
عصام:الو حرفية مكاينة مع حتى شي حلوة لي ههه شيماء دارت ايدها على فمها
شيماء:ههه راني فطاكسي داكشي باش
عصام:ممم واخا الالة نتسالك صافي خرجتي من عند اشراق عاودتي ليها
شيماء:بطبيعة الحال عاودت ليها كون شتي الحمقة شنو دارت ماقداتها فرحة
عصام:شيماء انا كانفكر انكولها لوليدة هاد النهار مكاين لاش نبقاو نتعطلو يكفي الوقت لي تعطلنا فيه شنو بان ليك
شيماء:انت الى بغيتي تكولها لخالتي تورية ماشي مشكيل ولكن انا اليوم مانقدرش نكولها لماما خاصني نكلس معاها ونهيئها هو الاول عارفها عزيز عليها ولكن ماتنساش اني انا لي كتليها فسخت الخطوبة اتعجب كيفاش حتى رجعت فقراري
عصام:وشنو الفكرة لي فبالك
شيماء:من تما لتما يحن الله ولكن بالكثير غدا نشوف شنو تحت راسها ونهيئها وباش مكان نرد عليك ممكن
عصام:عارفة مغاديش نكوليك لا خودي الوقت الكافي انا نتسناك أهم حاجة عندي هي فالاخير نكونو بجوج ونتجمعو تحت سقف واحد هادي هي أهم حاجة عندي
شيماء:ان شاء الله مايكون غير الخير
عصام:يالاه حبيبي انا نهبط نكلس مع الوليدة وديك ساع باش مكان نرد عليك.فهاد الاثناء لي عصام كيهضر مع شيماء مو ليكانت جايا لبيتو تنوضو باش يتغدا دقة لي أدق بصدفة سمعات كولشي وسمعات كلامو مع شيماء ولكن ماعرفاتش معامن كايهضر غير سالا الهضرة وهي تخبع ورا الحيط ودارت راسها بحال الى يالاه اتجي تفيقو دقات
عصام:دخول
خالتي:ولدي الغدا واجد
عصام:واخا الوليدة انا جاي لبس سندالتو وهبط معاها مشادين لقا خالتي حليمة كاتحط الغدا باس ليها راسها وسلمات عليه والفرحة على وجها حيت رجع بيما أنو حتى هي رباتو كلسو كايتغداو مجموعين ومو غير حاضياه وحاسة بيه مخبع شيحاجة حيت الفرحة فوجهو وغير حال فمو ومبسم ماشي من عوايدو سلاو الغدا وهزات فردوس الماعن وهو ومو خرجو لجريدة حلفات مو حتى تعرف شنو مخبي وتحت راسو
خالتي:ولدي شنو كاين شفتك منين جيتي وانت مبدل وفرحان وغير كاضحك شنو سر
عصام:عقلتي فاش كلتليك لي رجعني هو واحد الانسان وهاد الانسان هو سبب فسعادتي الوليدة ومغاديش تكمل فرحتي غير الى تجمعت انا وياه
خالتي:بصاح نهار كبير هدا اولدي عارفني الحاجة لي تفرحك نديرها وشكون هاد البنت كانعرفوها
عصام:كانعرفوها ومزيان وكاتعرفيها حتى انتي وعزيزة عليك
خالتي:وايلي شكون شدني الفضول
عصام:شيماء خالتي تورية فالداخل ديالها كانت حاسة وكان عندها أمل هي واخا مرة كبيرة ولكن تبارك الله بعقلها ودكية ومن ديما كانت باغية عصام يرجع لشيماء ولكن بلاتي ماشي بهاد السهولة
خالتي:شكون شيماء اولدي واش شيماء شيماء لي كنتي خاطبها
عصام:أه هاديك
خالتي:وياك كنتو تفارقتو شنو لي وقع جتى رجعتو ورجعتي بغيتيها
عصام:نقدرو نكولو زربنا وطيش وقع سوء تفاهوم بيناتنا وجابا صلحناه أهم حاجة هي عرفنا الغلط ديالنا ورجعنا لبعضيتنا
خالتي:ممم وقفات لا أولدي رائيي ناشي من رأيك وانا ماموفقاش على هاد الزواج هدا عصام تصدم اوقف
عصام:كي كيفاش وعلاش ياك من ايمتا وكنتي كاتغوتي هلي حيت خليتها ضيع من ايدي ودابا كاتكولي لي لا علاش عطيني شي سبب
خالتي:سبب واضح وباين ماتصلاحش ليك واش يسحابك الزواج لعبة نهار فسخات خطبتها معاك شكون كاليك تبدل رأي ديالها تاني
عصام:ولكن
خالتي:مكاين ما ولكن كلمة وحدة راني كلتها ليك لا يعني لا عمرك تحلم تزوج بيها خلاتو وزادت
عصام:وانا اندير لي فراسي عمر شي وحدة مغادي تكون لي من غير شيماء مفهوم ضرب الكاس لي قدامو حتى تهرس وتشتت دخلات مو للبيت وهي كاتضحك وتفرنس مع راسها (نوريكوم انا ضحكو علينا وتلعبو بينا) بقات كاتفكر شحال هزات تيليفونها وركبات النمرة وسونات
خالتي:الو لالة عيشة لباس.
عند شيماء من بعد ماقطعات مع عصام تيليفون كالت لطاكسي يوقفها حدا واحد القيسارية مابغاتش دخل بيديها خاويين على مالين دار خلصات مول طاكسي وهبطات مشات خدات شي حلوة وشي فاكية وكرواسة مشات عند مالين ديسير خدات شي ديسير ورجعات على رجليها باش تمشى وتفكر شنو اتكول لمها بخاطرها فكرات دخل ليها من الباب لي كايطيح الحنانة فقلبها ولش بغات تشوف وليداتها ودويرتها مامات شيماء كاتعز عليها بنتها وديما كاتبغيها تكون فرحانة واكيد اتفرح لبنتها هادشي خلى شيماء ترتاح شوية قربات توصل لدار طركات مول الحانوت خدات حليب والعصير وزادت كملات طريقها حتى وصلات لدار دقات حيت ايديها عامرين بتقدية غير شافتها مها نقزات عليها تعنق وتكول ماعنقات حتى نابها باها من اللور
بابا:واغير خلي درية تدخل تنفس وترتاح
ماما:الفرحة واراه بنتي ودغية كانتوحشها دخلي ابنتي دخلي دخلت حطيت داكشي لي فيدي وكلست
ماما:الحمدلله على سلامت بنتي فين حوايجك
شيماء: سلات خدمتي تما وحوايجي ايسيفطوهوم لي ان شاء الله
ماما:الحمدلله على سلامتك ابنتي فرحتيني الله يفرحك
شيماء:امين يا ربي
ماما:فيك جوع تغداي
شيماء:لا اماما انطلع لبيتي غير نرتاح مافي لي ياكول
ماما:واخا بنتي لي بغيتي طلعت لبيتي بدلت حوايجي وتوضيت صليت وطلبت الله يعاوني ويسر لي اموري تكيت فبلاستي داتني عيني حتى حسيت بماما كاتفيقني
ماما:نوضي ابنتي راه المغرب ودن قرب العشا حليت عيني قلبت تيليفوني شحال ساعة لقيت 7:30 وعصام ماسونا ما والو تشوشت خفت لا يكون شيحاجة ضرت لقيت ماما كاتشوف فيا شي شوفات مامفهومينش
شيماء:ماما شنو ماين شفتك كاتشوفي فيا شيحاجة مخبياها علي ولا ضحكات
ماما:عندي ليك خبار ابنتي ماتفرح
شيماء تقدات فالكلسة :ياك لباس شنو كاين
ماما:راه جاوك الخطاب ابنتي شيماء عند بالها كاتسحاب واش عصام وايلي بهاد زربة قنعهوم واخا كتليه يعطيني شوية ديال الوقت زربان
ماما:شفتك سكتي ماسولتينيش شكون العريس
شيماء:شكون اماما ومبسمة وحادرا راسها
ماما:دريس مول المحلبة شيماء طلعات راسها حتى لسما وخرجات عينيها حتى دلدلو
عصام:شيماء شنو كاين من صوتك باينة فيك البكا ياك لباس
شيماء:ماما اعصام ماما ماوفقاتش وكاتلي عمر عصام دكريه على فمك ماعرفتش علاش هي لي كانت باغياك وكاتشكرك بدلات رأيها عصام بقا ساكت حيتنفس البلان طاري ليه
شيماء:مالك سكتي
عصام:والو
شيماء:شنو كالت خالتي تورية
عصام:شسماء انا مكايهمني حد المهم عندي انتي وانتي ليكانبغي وانتي لي اتكوني لي
شيماء:خالتي تورية حتى هي رفضات ياك كنت حاسة منين شفتك ماسولتي بداو عينيها جايين بدموع
عصام:غدا خاصني نشوفك ضروري واخا
شيماء:غادي نحاول اني نخرج
عصام:ملتفكري فوالو دابا رتاحي وغدا يحن الله واخا حبيبة
شيماء:واخا
عصام:يالاه نعسي رتاحي لي تصبحي على خير
شيماء:تلقى الخير قطع عصام وانا ميات مطرقة فراسي وحلت وماعرفت شنو ندير قريت شوية ديال القرآن وتخشيت فبلاصتي طفيت الضو ونعست.أصبحنا وأصبح الملك لله فاقت شيماء معطلة وراسها ضارها والكانة ماعندهاش ناضت غسلات وجها وجمعات بيتها هبطات تفطر وتجمع دار وطلعات لبيتها طول الوقت وهي سادة عليها بيتها ومابغياش تهضر حتة واحد.
بدر:واش متأكدة خالتي تورية دير هكا وهي كانت من أول ناس لي باغيين شيماء علاش هاد تحول هدا
عصام:كيف كاتسمع انا ماعارف ماندير
بدر:غير بالمهل كولشي ايتحل ان شاءالله عاود هضر معاها
عصام:كانكوليك غير اليوم فصباح تناقشنا هلى الفطور وماخلاتني حتى نشرح ليها شنو كاين
بدر:أول حاجة فرحت ليك البارح منين هضرتي معايا وعاوتي لي على لي جرا ماكنتش كانتاضر من شيماء دير لي دارت ولحكات عليك فالوقت المناسب وتاني حاجة هادشي لي ملتي لي والله حتى حارت فيه ومافهمتش ولكن الى بفيتي انا نهضر ليك مع خالتي تورية مرابانة انا نقنعها ويتحل المشكيل...
طباخة الرئيس الجزء 17
محتوى القصة
التنقل بين الأجزاء